Post: #1
Title: سيد البلد الاسباني (الريال) يقرش البرشا ويحرز كأس الملك ,,,, مليون مبروك
Author: جمال السنوسي
Date: 04-21-2011, 00:52 AM
الف مليون مبروك
الريال قي الطريق الصحيح
مورينهو مدرب كبير
اوقف البرشا
واحرز الكاس
سيد البلد الملكي
فعلا سيد بلد
|
Post: #2
Title: Re: سيد البلد الاسباني (الريال) يقرش البرشا ويحرز كأس الملك ,,,, مليون مبروك
Author: ياسر نجيلة
Date: 04-21-2011, 05:35 AM
Parent: #1
امس ساهرت للصباح قلت عشان احضر مباراة البرشا والريال
مع انو لا ناقة لى ولا جمل في تشجيع أي منهما ... البشيل الكاس يشيل ... مافارقة
انا بشجع المريخ ... وبس
والفرق السودانية او الفريق القومي السوداني ... في المنافسات الخارجية ..
وكل الفرق الأفريقية في جميع المنافسات العالمية ...
يعني مامكن تعقد 120 دقيقية تشوف قون واحد بس ...
ومباراة ناعمة بشكل ...
بالله دكتور واحد يدخل الملعب مافي ...
اللعيبة براهم بساعدو في بعض ... ويرفعوهم من الارض ... اقصد البساط
والغريبة ... عربية إسعاف واحده ما عندهم ..
والملعب نظيف ...
والجمهور بشجع بصوت واحد ... التقول موسيقي لخلفية لفلم ...
والباصلات يملسوها مليس ... من لاعب لى لاعب ..
ديل ماشافو دورينا ... او مباراة في البطولات الافريقية ..
اول حاجة عربية الاسعاف دي لازم نغيير ليها العجلات كل مباراة ..
من كثرة الدخول والجري في الملعب ..
وكمان جزمه جديدة لكل الطاقم الطبي ... أول كل مباراة
ولازم يجرو اكتر من اللعيبة ... بنعمل ليهم تمارين لياقة خاصة ...
وبنختارهم حسب اللياقة البدنية وليس المؤهلات الطبية ..
لانو المطلوب فقط ... التدلتك بالتلج ... وتفريغ علبة مخدر ...
وأهم شرط لضيافة المباريات توفير لوري تلج .. وبوكس مخدر ..
تستهلك في اللعيبة ... والباقي للجمهور عشان يفلقو بيهو بعض ...
والعجب الباصات بين اللعيبة ... لازم صوت الباص " لب " تسمعو في التلفزيون ..
انت قايل ملاعبهم في اوروبا حلوة وجميلة كده ليه ..
عشان الباص بتاعم بملسوهو مليس ..
نحنا باصنا ... اللاعب لازم يشيل معاهو مترين نجيلة ...
وأربعة "كواريك" رملة ... وإلا ... لا يعتبر باص ...
والعجيبة منطقة المرمي ... دي لازم تكون "بادوبه " و "دلجة"
عشان الحارس والمهاجمين بعد المباراة ... ياخدو اجازة شهرين ...
وده كلو كوم والجملة التالية التي تظهر لك في الشاشة كل خمس دقايق كومين :
نعتذر للمشاهدين عن انقطاع الصورة من المصدر ....
التقول المصدر ده ماليهو علاقة بقناة البث .... أو مسؤوليتهم ...
توبه ... تاني ما مساهر واحضر دوري أوروبي ولا سجم ..
خلوني في الدوري البقوم النفس ويرفع الضغط ده ....
ودمتم ياشباب ....
|
Post: #3
Title: Re: سيد البلد الاسباني (الريال) يقرش البرشا ويحرز كأس الملك ,,,, مليون مبروك
Author: جمال السنوسي
Date: 04-21-2011, 10:46 AM
Parent: #2
ياسر نجيلة
يا اخوي انت راكب غلط
الشفتها امبارح دي كرة قدم
اما البتشوفو في بلدنا ده دافوري ساكت
فرق كبير بين الدافوري وكرة القدم
ياخي نحن ما عندنا كورة
عندنا مسميات فقط
اندية
لاعبين
ادارات
اتحادات
وزارة
وحكام
ولجان
والقصة كلها وظائف ورزق مدور
من غفير النادي
لحدي الوزير
لينا ستين ستنا سنة
ولي مليون سنة لي قدام
ياهو الحال
نفس الحال
نحن دافورينا ده اعلام ساكت
كدي شوف مريخك ده
سجل الحضري بي كم
وقاعد ملوص
انت عمل زينا يا ياسر
سد نفسك في السودان
وتعال راجع للعالم
اتفرج كورة اوربية وعالمية
واستمتع
|
|