Post: #1
Title: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السودان
Author: ناظم ابراهيم
Date: 04-20-2011, 04:37 AM
على ان تقوم بشحنها لاطفال المدارس فى السودان
|
Post: #2
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: Mahassin Ibrahim
Date: 04-20-2011, 10:42 AM
Parent: #1
ناظم : أحييك .
فكره سديده وانسانيه لابعد الحدود.
كلنا يعلم لاى مدى يعانون هؤلاء الفلذات البريئه الضعيفه.
وما ينقصهم في بعض الاحيان الطعام الذى يسد رمق الجوع القاسيز
سعت بعض المنظمات المحليه والشركات الوطنيه في المساهمه في هذا الشان العظيم.
لكن هل ياترى استطاعت ان تفي ؟
نحتاج للتعاضد والتعاضد المستمر لنمد يد العون لاحبابئنا الصغار.
فكر معي يا ناظم وكمان نتنظر المشوره من الاخرين لكي نهتم بهم اكثر.
البراءه تنظر الينا بأعين دامعه.
|
Post: #3
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: ناظم ابراهيم
Date: 04-20-2011, 12:03 PM
Parent: #2
محاسن سلام وتقدير
اطفال المدارس فى بلادنا يحتاجون لكل انواع مساعدتنا
من كراسات و اقلام وملابس وحتى مقاعد للفصول
اتمنى ان ننجح جميعا فى انجاح المشروع
شكري لك ولصاحبة الفكره شقيقتى ثريا
|
Post: #4
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: Mahassin Ibrahim
Date: 04-20-2011, 12:25 PM
Parent: #3
أحييك ثريا عبرك
وأقدر لك مجهودك في طرحها .
تعالو نفكر في عمل انساني لنملا اكباد صغارنا المحتاجين.
ويبرضو الفصول والمقاعد والمراوح والكراسات والمويه البارده واللبس المناسب النظيف والاستاذ المؤهل .
ايه رايك بطرح الفكره والاستمرار في هذا النداء الانساني .
________________________
نريد رؤيه من القارئيين والمتداخليين .
نبدا بعمل لجنه ىللتداول والتفاكر .....رايكم يا أهل الخير
ودمتم لاطفالكم شباب مستقبلكم والبلاد .
صدقني يا ناظم هناللك اطفال محتاجين بصوره عاجله وملحه .
|
Post: #5
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: حاتم الياس
Date: 04-20-2011, 02:15 PM
Parent: #4
كدى اقيف ياشاب..والله مدرسة الباوقة تحتاج هذا الدعم جداً وأنا راجل صاحبك وقريبك والأقربون أولى بالمعروف..
وسلم لى على صديقك المصرى
|
Post: #6
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: SAIF MUstafa
Date: 04-20-2011, 02:49 PM
Parent: #5
الأخ ناظم
سلامات
الموضوع أسهل مما يبدو..
ليه ما تكون منظمتك الأمريكية دى أنت نفسك ومعاك أختك وأى زول تانى؟؟؟
تكوين المنظمات الأنسانية فى أمريكا ما صعب بس داير المعلومة الصاح..
وبعد التكوين تعرفوا محل التمويل والدعم وين.. وهو عموما متوفر سوا من الحكومات المحلية ، الشركات والمنظمات الأخرى بالأضافة للأفراد..
وأهم حاجة أنو الناس ما تقارن تجاربها بالتجارب والمحاولات الآخرى..
أتمنى أن ينجح مهاجرينا وناشطيهم فى تكوين أكبر عدد من المنظمات ممكن .. حتى لو منظمة بكل ولاية أو كل مدينة حتى..
قبل كدة جبت معلومات فى منشور مهم بخصوص كيفية تكوين المنظمات دى.. لو لقيت زمن حا أفتشه.. وحأجيب وصلات تانية بالعدم...
تحياتى لى ناس منيسوتا ولو ود الزين لو لسه هناك ،بلغه تحياتنا..
ودى للجميع
سيف مصطفى
|
Post: #7
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: Tragie Mustafa
Date: 04-20-2011, 03:11 PM
Parent: #6
ناظم سلام
الفكره كويسه وامسك في كلام سيف مصطفى ده قوي
وهو ان تكونزت منظمتكم لوحدكم وذلك بالاطلاع على القانون
وتجميع عدد مقدر ويلا ايد على ايد بتجدع بعيد.
مافي حاجه اسمها منظمات بتساعد في قوانين بتساعد وبتضمن حق انشاء المنظمات
عليك بتجنب شبة الفساد يعني حفظ الايصالات مهم جدا
من الو اجتماع تقعدوا حق الشاي و البيبسي ابلتقدموا لازم تبدأ تحفظ ايصالاته
بعضنا ليس فاسدا ولكنهم مهم قليلا ويقول لك دي ما 5 دولار يعني شنو بدفعها من جيبي
وما عايز ايصال....يفوت عليه انه بعد فتره حيفتر وما حيقدر يدفعها ولو اشتكى
لطوب الارض لن ينصف.
او عارف في حل ثاني
تلكم اختك ثريا و التي ربما لمست انها مقيمقه في السودان ان تنشئا هي منظمه
وانت تساعدها بربطها بالمنظمات الاجنبيه....يعني اي تعاون او تنسيق يتم بين منظمات وليس افراد.
يعني اي منظمه عايزه تساعدكم بتحتاج آخر السنه تنزل في وقت الحساب و الميزانيه وخطاب الدوره
ان تقول انها قامت بالتعاون الفلاني مع المنظمه العلانيه بعد اتصال بهم من قبل المنظمه العلانيه
وليس ناظم او ثريا!!وقع لك اتمنى اكون افدتك.
تحياتي وموفقين.
|
Post: #9
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: ابوحراز
Date: 04-20-2011, 03:34 PM
Parent: #7
غايتو انا ماعارف 00 لكن كان عندنا مشروع ونجح 100%
يعني لامنظمة ولايحزنون
مشيت مرة زيارة السودان
وحبيت أزور المدرسة { مدرسة ودربيعة الابتدائية }
المدرسة القريت فيها دفنت في اركانها اجمل ذكرياتي
هالني ما رأيت وآلمني جداً
الطلاب على الأرض
بينما نحن قرينا زمن اقلام التلوين والرسم والمحبرة تلقاها في الدرج
مكاتب المدرسين موحشة
الفصول مهترئة وآيلة للسقوط
المدرسة منذ عام 1946
ولم تتعرض لأي عملية صيانة او مكياج
طوالي اليوم التاني ومع نفس المدرسين الذين كانوا يرسلوني لإحضار الفطور
المرة دي الدقون اتلاحقت وأكلت معاهم في صحن واحد
ياسبحان الله على هذه الدنيا
مرات فعلاً فيها صور مقلوبة
المهم اتيت بكاميرا فيديو
وصورت الناس دي كلها
والفصول
والطلاب الجميلين
والأزيار التي يشرب منها الجميع 00 حتى الحمير
وعشان مايكون الشريط جاف ونضطر نصلي صلاة الاستسقاء قمنا صورنا المدرسات
شوية كدة الشريط اصبح مقبول وفيهو نفس وحركة ووميض وعيون
لكن والله عكسنا صورة أعرق مخرج مايقدر يعملها
وكل ذلك بطرق بسيطة وعادية
حتى الطالب الكان بتثاءب صورناه
والجلابيتو ممزقة برضو
كل شيء بي ضبانتو
وعملت كم نسخة من الشريط
وحينما اتيت للمملكة وزعتها على كل أبنائنا الذين قراوا في هذه المدرسة
وهالتني ردة الفعل
اتصلوا وهم يبكووون
كانوا متألمين جداً
ماعملنا منظمة
لكن قلنا المشروع دا من الانسانية الى الإنسانية
وبدينا ندفع 20 ريال في الشهر
وعشرين على عشرين لحدت ما اعدنا بناء كم فصل
ساعدنا في ميز المعلمات
بنينا مكاتب للمدرسين
والله اشترينا حتى الطباشير
وكلنا ياكافي البلاء ما كان فينا واحد من جماعة الله اكبر الجديدة
كنا نقوم بهذا العمل بطريقة بدائية جداً
يعني كل من ياتي للسفر عن طريق بورتسودان نقول ليهو شيل ليك شنطة مليانة طباشير
اعتبرها جزء من اغراضك وممتلكاتك
لم يرفض اي احد00 جميعهم تجاوبوا
ولم نعفى من الجمارك
ولم يأتينا خطاب شكر من الوزير
ولم يمنحونا قطعة ارض في مخطط المجاهدين
او يصدقوا لنا بمنظمة وهمية على غرار ناس تتمكنون !!!
وغيرنا الكثير من ملامح المدرسة
ابدا بما عندك يا أخي الكريم
هناك طلاب يقرأأون تحت ظلال الأشجار
طلاب بلا فصول
وآخرون لايجدون قوت يومهم
وبعضهم يذهب للمدرسة بملابس ممزقة
لو ارسلت مائة دولار في الشهر فإنك ستنقذ عشرات الطلاب
وستجد نفسك يوما ما أنك ساعدت الملائيين والملائيين والملائيين
وكم يؤسفني أن أن أنقل اليك هذه الحادثة المؤلمة والموجعة
أتدري ياسيدي ان هناك طالبة صغيرة كانت تحرم نفسها من الفطور
كانت تخبيء هذا المبلغ لأمها
لأن أمها كانت تحتاج لتغيير { كلية }
|
Post: #14
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: ناظم ابراهيم
Date: 04-20-2011, 11:10 PM
Parent: #7
تراجى سلام وتقدير
اشكرك على افادتك القيمه وفعلا العمل الانسانى يحتاج الى شفافيه ودقه
فكره المنظمه قد تكون مفيده فى المستقبل لكن اسال عن امكانيه شحن الاشياء الموجوده الان اتمنى ان اسمع اقتراحاتك
|
Post: #8
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: Asma Abdel Halim
Date: 04-20-2011, 03:23 PM
Parent: #6
الأستاذ ناظم
سألت عن الشحن للسودان من قبل وعلمت أنه من الصعب شحن كميات كبيرة من أى شئ إلا باذن من الوزارت المعنية بسبب المقاطعة للسودان.
هناك منظمة تقوم بشحن الكتب لجامعة الاحفاد التى تقوم بدورهابتوزيعها فى السودان وهي Sudan American educationsl foundation
http://www.sudan-safe.org
يمكنك الاتصال بهم لترى إمكانية شحن الأدوات المدرسية للاطفال لانها منظمة مسجلة ومأذون لها بأرسال الكتب
المنظمة تعتمد على التبرعات للشحن ولا مانع من جمع التبرعات لها لهذا الغرض.
يمكنك طبعا أخذ الاقتراح بتكوين منظمة في السودان تقوم بشراء هذه الأدوات من الصين مثلا وشحنها للسودان (أدوات أمريكا ذاتها مصنوعة هناك) وطرق التجارة مع الصين مفتوحة على مصاريعها
التخليص براه شغلانية في السودان
أمنياتي بالتوفيق
|
Post: #16
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: ناظم ابراهيم
Date: 04-21-2011, 03:35 AM
Parent: #8
الاستاذه اسماء عبدالحليم
سلامى وجزيل شكري للرابط المهم وتشجيع الفكره
|
Post: #13
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: ناظم ابراهيم
Date: 04-20-2011, 11:01 PM
Parent: #6
سيف سلامى وتفديري
واشكرك على الاقتراحات والمعلومات القيمه
تحياتى لك ولكل من معك واتمنى ان ننجح فى تقديم ما نستطيع لاطفال بلادنا
|
Post: #12
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: ناظم ابراهيم
Date: 04-20-2011, 10:55 PM
Parent: #5
حاتم ازيك
كل بيوت الففرا بيوتى
زمن ياصاحب
|
Post: #10
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: بكري الصايغ
Date: 04-20-2011, 07:32 PM
Parent: #1
الأخ الـحـبيـب الـحـبـوب،
ناظم ابراهيم،
تحياتي ومودتي،
واحييك علي هذا العمل الانساني، ولكني احذرك مقدمآ بانك ستواجه مشكلة عويضة اسمها " جمارك السودان ". لقد سبق لي ان مريت بتجربة مريرة لن انساها ماحييت عام 1994 عندما فكرت في ارسال "كونتينر" بها معدات للمعوقيين في السودان وعجلات ومعدات رياضية خاصة بهم. ولكن فوجئت بانه لابد من تصديق من ادارة الجمارك بالخرطوم للسماح بالدخول لل"كونتينر" بدون دفع رسوم او ضرائب،
***- وبالفعل راسلت ادارة الجمارك بواسطة بعض الشباب هناك والمتحمسيين للفكرة، وقمت بارسال نسخة من المحتويات ب"الكونتينر" وهي اشياء مستعملة تبرعت بها احدي الكنائس بالمانيا، ففوجئت بانهم يطلبون مني مبلغ مايعادل 9 الاف دولار للسماح بدخولها. قمت بارسال المعدات الي مدينة كييف بدون رسوم!!
***- اعمل حسابك شـديد ياناظم، ناس السودان مابيعرفوا حاجة اسمها تبرعات!!
***- لك مودتي ناظم.
|
Post: #11
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: SAIF MUstafa
Date: 04-20-2011, 09:38 PM
Parent: #10
أخ ناظم
الوصلة دى فيها منشور مفيد جدا ليك ولكل ناس أمريكا اللى بيفكروا فى تكوين المنظمات غير الربحية بمختلف مجالات عملها..
و بالتوفيق أنشاء الله
http://law.richmond.edu/people/PDF/HowToFormANonprofit_1st_ed.pdf
|
Post: #15
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: ناظم ابراهيم
Date: 04-21-2011, 03:31 AM
Parent: #11
ابو حراز
سلام وتقدير على ماقمتم به من عمل نبيل ورح العمل الجماعى و التطوعى هى التى ترقى بالامم
اتمنى ان يتعلم الجميع من تجربتكم المتفرده
|
Post: #17
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: ناظم ابراهيم
Date: 04-21-2011, 03:45 AM
Parent: #10
عزيزي بكري
لك السلام والتقدير وتجربتك النبيله والعراقيل التى وجدتها بشئ من حزن لما وصل به الحال فى بلادى التى يحكمها عصبه من التتار لا قلوب لهم
لكن علينا ان نحاول ما استطعنافاى حاجه نستطيع ايصالها السودان تساعد الكثيرين
|
Post: #18
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: بكري الصايغ
Date: 04-22-2011, 02:15 AM
Parent: #17
الأخ الـحـبيـب الـحـبـوب،
ناظم ابراهيم،
تحياتي ومـودتي،
***- لاحل امامك الا ان تتحصل علي تصديق مكتوب ومختوم من جمارك الخرطوم، والاحسن ان تكلف ناس من اهلك او اصدقاءك في الخرطوم القيام باستخراج التصديق.
***- هل تصدق ياناظم، منظمة دارفورية في بريطانيا جمعت ملابس قديمة ومستعملة لارسالها لدارفور في "كونتينر" صغير، ادارة الجمارك رفضت دخول "الكونتينر" مجانآ!!
***- لك مودتي.
|
Post: #19
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: سلمى تاور
Date: 04-22-2011, 03:14 AM
Parent: #18
صاحب البوست و كل المتداخلين
تحيّة ...
يلا نرجع للبلد ... فكرة في مرحلة التكوين ... إيدكم معانا
بوست به افكار مشابهة لما طرحتموه هنا
ارجو ان نتعاون جميعاً لإنجاز عمل ضخم
|
Post: #20
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: عبدالمجيد صالح
Date: 04-22-2011, 05:09 AM
Parent: #19
Up
|
Post: #21
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: وليد محمد المبارك
Date: 04-22-2011, 06:28 AM
Parent: #20
بالتوفيق
لو عاوز منظمة في السودان شغالة ان جي او جدجد لا سياسة ولا يحزنون تشتغل معاك في الامر ده
قول لينا عوك
|
Post: #25
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: ناظم ابراهيم
Date: 04-23-2011, 00:45 AM
Parent: #21
الاخ وليد تحياتى
وظيفتى قبل ان يشردنى من يحكمون الان هى باحث اجتماعى وليس بكائن سياسى لانى اؤمن بمقوله الفيلسوف القديمه ان السياسه كالدعاره
علمتنى الدنيا ان لا اقيم الناس بافكارهم السياسيه بل بانسانيتهم واحترامهم للاخر
مرحب بيك
|
Post: #24
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: ناظم ابراهيم
Date: 04-23-2011, 00:36 AM
Parent: #20
المحترم عبد المجيد صالح
اشكرك
|
Post: #22
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: ناظم ابراهيم
Date: 04-23-2011, 00:29 AM
Parent: #19
الاخت سلمى تاور
سعدت لفكرتكم الكبيره وانتم كوكبه من الشباب الحى المهموم بالوطن وناسه
لكم التحيه ومعكم دائما
|
Post: #23
Title: Re: ابحث عن منظمه فى امريكا يمكن التبرع لها بادوات مدرسيه وملابس لاطفال المدارس فى السود
Author: ناظم ابراهيم
Date: 04-23-2011, 00:34 AM
Parent: #18
العزيز بكري الصائغ
سلامى وتفديري لدعمك للفكره واقتراحاتك واتمنى ان تري النور رغم كل شئ
|
|