Post: #1 Title: غارة بورسودان رواية شاهد شاف كل حاجة Author: نور الدين عثمان Date: 04-19-2011, 07:33 AM Parent: #0
وفقا لـصحيفة "التيار" التفاصيل الدقيقة لغارة بورتسودان من ALRASID في 13 أبريل، 2011، الساعة 03:26 مساءً
كشف شاهد عيان لـ (التيّار) لحظات قصف الطائرة الإسرائيلية للعربة السوناتا مساء الثلاثاء الماضية. وقال سائق تانكر غاز- فضل حجب اسمه- أنّه شاهد الطائرة الهلكوبتر الإسرائيلية (اباتشي) وهي قادمة من البحر الأحمر فيما كانت العربة السوناتا قادمة من الاتجاه المعاكس في طريقها إلى بورتسودان، ثم فجأة انقضت الطائرة على السيارة السوناتا وأطلقت عليها رشقة من مدفع رشاش ثقيل (توجد إحدى الطلقات لدى الصحيفة) لكنّها أخطأت الهدف واحدثت حفرة كبيرة في الشارع مما جعل السوناتا تخرج عن الشارع، لكن الطائرة الأباتشي استدارت فوق شاحنة الغاز واتجهت ناحية السوناتا ونزل بالتدريج نحو السيارة ثم نزل منها جندي. محمد البلة (29) عاماً.. مواطن بسيط يعمل سائقاً لشاحنة "تانكر".. شاء القدر أن يكون الشاهد الأقرب للحادثة.. شهادته التي رواها لنا تنسف كثيراً من الرويات المتبادلة بما فيها توقيت الغارة نفسه.. يقول محمد (كنت في طريقي من بورتسودان إلى الخرطوم.. الساعة كانت حوالي الخامسة عصراً.. الرؤية كانت واضحة تماماً.. الطريق أمامي طويل لأني بالكاد خرجت من مدينة بورتسودان ولم أتجاوز (15) كيلومتراً منها.. فجأة لمحت في الأفق طائرة غريبة الشكل.. سوداء اللون. لونها يبعث على الخوف والرهبة.. شكلها أشبه بطائر أسطوري كبير يريد أن ينقض على فريسة.. الطائرة كانت على ارتفاع منخفض للغاية. بضع عشرات من الأمتار من سطح الأرض. قادمة من اتجاه الجنوب في اتجاه الشمال. أي عكس اتجاهي تماماً..) واصل محمد البلة رواية اللحظات العصيبة السريعة القاتلة.. (كانت أمامي سيارة سوناتا واضحة المعالم. السيارة السوناتا أيضاً كنت تسير عكس اتجاه حركتي.. فهي قادمة من اتجاه المطار نحو المدينة.. وأقل لكم بكل صدق. والصورة مرتسمة في ذهني بدرجة صافية للغاية.. كنت أرى بوضوح سائق السيارة رجل سوداني واضح جداً من ملامحه أنه من أهل الشرق. لكني رأيت بجواره رجلاً أبيض ملامحه ليست سودانية..) (حتى هذه اللحظة) يواصل محمد روايته( لم يكن هناك ما يدعو للدهشة سوى منظر الطائرة الهيلوكوبتر التي تطير على ارتفاع منخفض وأزيز محركها يهدر بقوة.. لكن فجأة حدث ما لم يكن في حسباني أبداً.. ولن أنساه مدى العمر..). يعتصر محمد البلة مشاعره بقوة ليروي الثواني القاتلة العصيبة( بكل وضوح رأيت جنديين يرتدينا الملابس العكسرية الكاملة أحدهما يضع رجله خارج الطائرة بينما يثبت رجله الأخرى في جانب الطائرة. نفس المشاهد التي نراها في الأفلام الحربية..). (كنت أرى بكل وضوح آلة دائرية تشبه "البكرة" بجوار الجندي بينما أمسك بيده على مدفعه مصوباً نحو الأرض..) {الجندي كان يلبس حذاءً عسكرياً طويلاً ( بوت) ويرتدي قناعا} (في لحظة انطلق صاروخ من الطائرة نحو الشارع أمامي مباشرة.. الصاروخ أصاب الجانب الذي يقع في طريقي مباشرة. ولم يصب السيارة (السوناتا) التي كانت قريبة من الصاروخ لكنها في الجانب الآخر من شارع الأسفلت..) ويضيف شاهد العيان )اقتربت الطائرة من العربة (الهيواندي) وأطلقت قذائف تجاهها (تمتلك الصحيفة إحداها لم تنفجر) ولكنها أخفقت الرمية في المرة الأولى وأصابت القذائف طريق الأسفلت مما أدى إلى قطعه في مسافة تقدر تقريباً بـ20 متراً.. وانحرفت السيارة عن الطريق وخرجت إلى الطريق الترابي وفي هذه الاثناء إستدارت الطائرة فوق الشاحنة التي أقودها وعادت مرة أخرى في اتجاه العربة.) (تملكني خوف رهيب.. فالقذيفة وقعت في طريقي وأمامي مباشرة.. وليس هناك وقت.. الطائرة صارت فوقي تماماً وتستدير راجعة مرة أخرى.. وبينما السيارة السوناتا بعد أن أخطأتها القذيفة نزلت من شارع الأسفلت يبدو في محاولة للهرب من الطائرة..) (كنت أتوقع أن تقع القذيفة التالية في رأسي تماماً.. لأني أسير في اتجاه الموقع الذي سقطت فيه القذيفة الأولى.. لم يكن بوسعي سوى الانحراف بالشاحنة خارج الطريق المسفلت لأتجنب القذيفة التالية.. ولكن.. يا للهول.. كانت المفاجأة الكبرى..) يواصل محمد روايته المثيرة (في اللحظة التي أدرت فيها مقود الشاحنة للخروج من الشارع كان في طرف الشارع جسر صغير.. تدحرجت الشاحنة من فوقه إلى الأرض وانقلبت رأساً على عقب.. كل هذا حدث في ثواني معدودات..). (لم أصب بأي جرح يذكر.. بعض خدوش.. وتمكنت من الخروج من السيارة بسرعة.. لأشاهد اللحظات المرعبة..) (واصل الجندي المطل من نافذة الهيلكوبتر إطلاق النيران من المدفع الضخم الذي كان يتدلي على جنبه.. الصاروخ التالي أصاب السيارة "السوناتا" بدقة وفي وسطها تماماً.. أوقفها وأحرقها.. لكن الجندي استمر في إمطارها مزيداً من النيران.. ثم كانت المفاجأة الأكبر..) هبطت الطائرة الهيلوكوبتر إلى الأرض.. كنت أرى كل تفاصيلها ومن بها بصورة واضحة وأنا بجوار شاحنتي المقلوبة.. فالمسافة قريبة للغاية بيننا. توقعت أن ينزل الجندي إلى الأرض.. لكن لم يهبط من الهليكوبتر.. يبدو أنه حاول فقط أن يطمئن تماماً من أن الهدف تحقق بنسبة مائة في المائة.. ألقى نظرة من موقعه في الهيلكوبتر وهي جاثمة على الأرض.. ولم يستغرق ملامستها لسطح الأرض سوى ثوانٍ قليلة ثم عاودت الارتفاع تدريجياً.. ثم انحنت في اتجاه البحر و غادرت السماء والأفق الذي نراه. من موقعي كنت أرى العربة "السوناتا" وهي محترقة تماماً.. لم استطع أن أفعل شيئاً.. لم أكن قادراً على الاقتراب منها لأني لم أتمالك نفسي حتى تلك اللحظة.. ولم أكن أعرف على وجه الدقة ما يجب علىَّ أن أفعله.. وما يجب علىَّ أن أتجنبه.. بعد قليل تماسكت شيئاً ما ) يواصل شاهد العيان روايته (ذهبت في اتجاه العربة المحترقة ولاحظت بها جثثاً تفحمت تماماً.. ولكني أيضاً لاحظت وجود ملابس للأطفال داخل العربة..) ظل الوضع هكذا لبضع دقائق.. أكثر قليلاً من ربع الساعة.. ثم بدأت سيارات عسكرية سودانية وأخرى رسمية تصل سريعاً إلى الموقع وتحاصره.. وتمنع الاقتراب من موقع الحدث.. وتعاين بقايا السلاح والقنابل والصواريخ التي حول العربة.. حملوني إلى المستشفى لأني كنت مصاباً بعدة جروح.. لكن حالتي لم تستدعِ البقاء في المستشفى طويلاً.. فخرجت بحمد الله.. وتركت شاحنتي المقلوبة في مكانها.. لأعود إلى أهلي لأذبح كرامة السلامة من صواريخ الغارة
Post: #2 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-19-2011, 08:04 AM Parent: #1
كاتب السيناريو تفوق على نفسه وعلى د. نبيل فاروق!! وبعدين الزول دا في الأول فضّل حجب اسمه وبعدين نسى الموضوع؟
فعلا .. يااااااا للهول!!
Post: #3 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-19-2011, 08:41 AM Parent: #2
الواحد نفسو قام عديل لما القصة خلصت! قلت لي ساب تنكر الغاز مقلوب وقال يشوف نهاية الضرب والعسكري اللابس بوت؟
إنتو دايرين العسكري يجي لابس سفنجة ولّ شنو؟
Post: #4 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-19-2011, 08:50 AM Parent: #3
Quote: ألقى نظرة من موقعه في الهيلكوبتر وهي جاثمة على الأرض.. ولم يستغرق ملامستها لسطح الأرض سوى ثوانٍ قليلة ثم عاودت الارتفاع تدريجياً.. ثم انحنت في اتجاه البحر و غادرت السماء والأفق الذي نراه
زول سايق ليهو تنكر غاز .. وقدامو عربية مولعة بي صاروخ وعسكري لابس بوت .. وجثث ناس متفحمة .. وهو يعدّ في الثواني!!
أين المقوقلون في الأرض؟
Post: #5 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-19-2011, 08:59 AM Parent: #4
Quote: شاهد الطائرة الهلكوبتر الإسرائيلية (اباتشي) وهي قادمة من البحر الأحمر
من المؤكد أن (نمرة) الهلكوبتر كانت (إسرائيل ـ ق.م 123)!! فبساطة أخينا في الله محمد البلة لن تُسعفه لمعرفة النجمة السُداسية!! وسذاجة قارئ (التيار) لا تؤهله للتفريق بين السيناريو والواقع!!
Post: #6 Title: Re: غارة بورسودان رواية شاهد شاف كل حاجة Author: السيد المسلمي Date: 04-19-2011, 09:00 AM Parent: #4
الزول دا عليهو كرامتين وفي رواية تلاتة كرامات :)
ـــ قلب التنكر وقعد في ضلو يتفرج علي الفلم مباشر !
Post: #11 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-19-2011, 09:18 AM Parent: #6
أبو السيد القاعد بعيد
الزول دا كلو كرامات يعلم الله! قال ليكـ السوناتا بعد الصاروخ الأول ضرب الواطة قام السواق نزل من الزلط (ويظن ـ البلة) إنو عشان يتحاشى الهلكوبتر!!
يعني في احتمال يكون داير يشوف الرملة دي دُقاقا ولّ الواطة دلجة؟
Post: #7 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-19-2011, 09:02 AM Parent: #4
Quote: شهادته التي رواها لنا تنسف كثيراً من الرويات المتبادلة بما فيها توقيت الغارة نفسه
وتنسف ما تبقى من قًراء (التيار) .. إن لها قُراء!!
Post: #8 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-19-2011, 09:08 AM Parent: #7
Quote: ذهبت في اتجاه العربة المحترقة ولاحظت بها جثثاً تفحمت تماماً .. ولكني أيضاً لاحظت وجود ملابس للأطفال داخل العربة
شفتو دقّة العسكري أبو بوت دا كيفن!! أصاب السوناتا في وسطها .. وتفّحمت الجُثث وبقيت ملابس الأطفال على ما هي عليه!! سبحان الله!!!
Post: #14 Title: Re: غارة بورسودان رواية شاهد شاف كل حاجة Author: ود الخليفه Date: 04-19-2011, 09:22 AM Parent: #7
توجد احدي الطلقات لدى الصحيفه؟ بالغت ياعثمان ميرغني والظافر معروضات؟ غايتو لو محل ناس جائزه الطيب صالح بدي الجائزه السنه دي لسواق التانكر
Post: #9 Title: Re: غارة بورسودان رواية شاهد شاف كل حاجة Author: نور الدين عثمان Date: 04-19-2011, 09:11 AM Parent: #4
الحبيب الغالى محمد الصاايم صدقنى لم انقل رواية هذا الشاهد الا لكمية المبالغات الموجودة هنا والتى قد زكرت انت بعضها ونسبة لان الموضوع مذكور فى دورية معروفة فاكيد ان هناك كثر ممن قرأ ماهو فيه من حاجات عجيبة واهم جزء ممكن الاستدلال به من صدق ما جاء فيه من عدمه هو اثر المقزوف الاول الذى شطر الزلط لمسافة عشرة امتار وكذلك سيارته المقلوبة التى لم يذكرها غيره .
Post: #10 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-19-2011, 09:14 AM Parent: #9
نور الدين يا عمكـ .. شكرا ياخ .. فقد أمتعت يومنا بهذا البوست!! أي والله .. الواحد طوّل ما قرا (رجل المستحيل)!!
_ ليس على الناقل حرج يا عمكـ فانداح معانا ولازم تلبس بوووت!!
Post: #13 Title: Re: غارة بورسودان رواية شاهد شاف كل حاجة Author: نور الدين عثمان Date: 04-19-2011, 09:21 AM Parent: #10
الحبيب محمد عبد الماجد الصايم والله ضحكت لمن دمعت من تعليقاتك يديك العافية ياخى .
Post: #20 Title: Re: غارة بورسودان رواية شاهد شاف كل حاجة Author: فايزودالقاضي Date: 04-19-2011, 09:40 AM Parent: #10
لكن الحقيقة المتفق عليها الطيارة دي دخلت الاجواء السودان بل الارض السودانية وضربت الهدف بارتياح وهدوء وعادت من حيث أتت بنفس الهدوء ...وده الاهم في ...ياخي في كسلا اسياس افورقي يرسل جنوده بعربية من داخل الحدود لابسين رسمي ويعتقلوا اى شخص عايزنه من داخل كسلا وياخدوه وبنفس طريق العودة يمشوا بيهو ارتريا ولا حد يتكلم كان حكومة ولاية ولا الحكومة الاتحادية تقولو لي طيارة ز.!!
تحياتي للجميع ..
Post: #18 Title: Re: غارة بورسودان رواية شاهد شاف كل حاجة Author: محمد خليل ساني Date: 04-19-2011, 09:33 AM Parent: #2
Quote: فعلا .. يااااااا للهول!!
Post: #12 Title: Re: غارة بورسودان رواية شاهد شاف كل حاجة Author: عزاز شامي Date: 04-19-2011, 09:18 AM Parent: #1
Quote: توقعت أن ينزل الجندي إلى الأرض.. لكن لم يهبط من الهليكوبتر.. يبدو أنه حاول فقط أن يطمئن تماماً من أن الهدف تحقق بنسبة مائة في المائة.. ألقى نظرة من موقعه في الهيلكوبتر وهي جاثمة على الأرض.. ولم يستغرق ملامستها لسطح الأرض سوى ثوانٍ قليلة ثم عاودت الارتفاع تدريجياً..
السرد ده فيهو ثقوب و قدود و مثير للشك التسلسل المنطقي للاحداث انو الشاهد يهتف (وقف وقف ... وسوقني معاك)
الهيلكوبترات غيروه؟ بقت تقوم براحة و تتحاوم زي الباعوض؟
في احتمالين: الشاهد الحالم ده ما حصل شاف ليهو هيلكوبتر ولا شاف الكتاحة البتقوم معاهو أو بحضر بريزون بريك كتير، أو احتمال تالت ظهر لي فجأة انو ما قرى فيزيا اساساً ...
Quote: كشف شاهد عيان لـ (التيّار)
الشاهد العيّان ده كشف حال الصحافة بس
Post: #15 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-19-2011, 09:26 AM Parent: #12
Quote: الشاهد العيّان ده كشف حال الصحافة بس
فعلا يا عـزوز .. شاهد عيّان ليس إلا!! وما أعى منه إلا من أجاز نشر المادة!!
Post: #17 Title: Re: غارة بورسودان رواية شاهد شاف كل حاجة Author: نور الدين عثمان Date: 04-19-2011, 09:33 AM Parent: #15
انا بصدد الاتصال على الصحيفة للتاكد من وجود المقزوف الذى لم ينفجر وعدم التصرف فيه لحين عرضه على الجهات المسعولة وكده يعنى .
Post: #16 Title: Re: غارة بورسودان رواية شاهد شاف كل حاجة Author: عزاز شامي Date: 04-19-2011, 09:29 AM Parent: #1
Quote: فعلا يا عـزوز .. شاهد عيّان ليس إلا!! وما أعى منه إلا من أجاز نشر المادة!!
يا ود الصايم الجريدة دي حيكون ليها سوق في كندا بعد شهر سبعة بس احنا صعب مع الصحوة العايشينها دي
Post: #19 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-19-2011, 09:38 AM Parent: #16
Quote: الجريدة دي حيكون ليها سوق في كندا بعد شهر سبعة بس احنا صعب مع الصحوة العايشينها دي
والله الجماعة ديل لا راعو حِرمانا .. ولا عامل السن!!!
_ الواحد كان داير يلبد بموضوع كندا دا لكن الحلبي فتّاهو .. الله يعينا على زحمة التأشيرات!!
Post: #21 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-19-2011, 09:43 AM Parent: #19
بالمناسبة يا د. عُزاز: أوعا تودو الشاهد العيّان دا السرايا الصفرا احتمال كبير يعادي ليكم كل الدكاترة الموجودين!!
_ أصلوا أغلبهم روسينم فاضية (من الشعر طبعا)!!
Post: #22 Title: Re: غارة بورسودان رواية شاهد شاف كل حاجة Author: عزاز شامي Date: 04-19-2011, 09:53 AM Parent: #21
Quote: بالمناسبة يا د. عُزاز: أوعا تودو الشاهد العيّان دا السرايا الصفرا احتمال كبير يعادي ليكم كل الدكاترة الموجودين!!
_ أصلوا أغلبهم روسينم فاضية (من الشعر طبعا)!!
شكرا يا ود الصايم لاهتمامك بجودة خدماتنا في السرايا .. مافي طريقة والله نجيب الاخ (سائق تانكر غاز- فضل حجب اسمه) البيشوف كل شيء و بيقيس السرعة بالثواني و وما بتجيهو الحبة ده التقول النبي الخدر.. مرضانا محل عنايتنا ياخ بغض النظر عن قدراتهم الشعرية
Post: #24 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-19-2011, 10:00 AM Parent: #22
Quote: مرضانا محل عنايتنا ياخ بغض النظر عن قدراتهم الشعرية
شكرا لكم ياخ! غايتو عمكـ فضل حجب اسمه دا لو أدوهو باسوورد قطع شكـ بكري بعمل ليهو مكتبة قبل فتح الرحمن قيقراوي!!
Post: #25 Title: Re: غارة بورسودان رواية شاهد شاف كل حاجة Author: مرتضى احمد عبد القادر Date: 04-19-2011, 10:22 AM Parent: #22
وإذا بالجندي ينزل ويلكم الرجل الأجنبي في أنفه الذي تهشم تماما حين ظل الفك السفلي لسائق السوناتا متدليا ببلاهه وتعطلت جميع اطرافه عن الحركة وعندما إستدار الجندي للرجوع للهيلكوبتر وقعت عينه علي فهمس لي هسسسس يا بله واضعا اصبعه على خشمه وأتبعها بغمزه فرددت عليه بحركة الراس التي تعني التأكيد فإبتسم وصعد على مروحيته وأخذ يطلق قذائفه نحو العربة السوناتا حتى تحطمت تماما وإذا بالمروحية تبدأ في الإرتفاع وكانت تصدر من داخله اصوات ضحكات مجلله بعد عبارة (ذيع يا وديع) بصوت الراجل بتاع ميلودي افلام.
كان كدا ملاسي اصلو ما خاتي عليكم يا ناس التيار
Post: #23 Title: Re: غارة بورسودان رواية شاهد شاف كل حاجة Author: نور الدين عثمان Date: 04-19-2011, 09:57 AM Parent: #21
العزيز ود القاضى( سنى ميويام ) والله ياخى موضوع اسياس ده واختراقوا لحرمة الاوطان لازم يسالوا منها صاحبنا ابراهيم محمود يمكن يكون فى تنسيق وكده
Post: #26 Title: Re: غارة بورسودان رواية شاهد شاف كل حاجة Author: فايزودالقاضي Date: 04-19-2011, 10:47 AM Parent: #23
Quote: أو احتمال تالت ظهر لي فجأة انو ما قرى فيزيا اساساً ...
شنو ياعزاز الراجل يقول ليك سواق تانكر تقولي ماقرى فيزيا !!! اشتغلتي في التيار ولا شنو ؟!!!
Quote: العزيز ود القاضى( سنى ميويام ) والله ياخى موضوع اسياس ده واختراقوا لحرمة الاوطان لازم يسالوا منها صاحبنا ابراهيم محمود يمكن يكون فى تنسيق وكده
نورالدين سني واعل ..انت عارف وانا عارف وربك قبلنا عارف انو ابراهيم محمود مجرد موظف ينفذ سياسات وقرارات ناس اكبر منه وهو مابقدر يتحرك الا باوامرهم ..مافي تنسيف لكن ناسنا قاعدين في الصقيعة امنياً واستخبارتياً ..فقبل كده ناس المعارضة دخلوا كسلا برجلينهم واحتلوها ..خلي كسلا دخلو الخرطوم بعربات تحركت من الغرب لغاية العاصمة ..يازول دخول السودان بالطيران اسهل من انك تاخد ليك جقمة موية من النيل بتعوم فيهو ..
Post: #28 Title: Re: غارة بورسودان رواية شاهد شاف كل حاجة Author: HAIDER ALZAIN Date: 04-19-2011, 11:19 AM Parent: #26
يافايز ياود القاضي ،،
يوم21 مارس الفات دا كنت في اسمرا .. ياعمكـ عربات الحكومة ماتديك الدرب قدام فندق نيالا .. قالو اتفاقية امنية بين ارتريا والسودان هم يخشوويخموا والسودان يمشي هناك ويخم.. عموماً الوضع ما عجبني قضيت الايام في كرن - بلد حنينة - وناسها حنييين ــــــــــــــ انت عامل كيف؟؟
** كرن منها اشرقت شمس فؤادي :)
Post: #27 Title: Re: غارة بورسودان رواية شاهد شاف كل حاجة Author: Mohammed Awad Date: 04-19-2011, 11:04 AM Parent: #23
غايتو محمد بلة ابو 29 عام دا صحى مواطن بسيط شكلو فضل حجب رقم التانكر لكن الجماعة زادوها موية بعدين ياخ الزول دا مفروض يتناسو قصة انو مواطن بسيط ويقشطوه المخابرات طوالى كمية السرد ووصفو تقول عارف السيناريو دا حيحصل لكن عجبتنى قصة العسكرى اللابس بوت دى تحت تحت كدا قالوا فى صحراء النقب الجنود الاسرائيلين بيلبسوا جزم زيزى لزوم العمل الاستخبارى
سيد البوست لو كان لحقت نسبت القصة دى ليك ود الصايم دا كان لحقك السوناتا
Post: #29 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-19-2011, 11:50 AM Parent: #27
يا طبنجة .. إنت قايلني قاعد ألبس بوت!!! رحم الله مواسير عطبرة ياخ .. كانت أقل وطأة!!
Post: #30 Title: Re: غارة بورسودان رواية شاهد شاف كل حاجة Author: قيقراوي Date: 04-19-2011, 12:05 PM Parent: #29
Quote: وبعدين الزول دا في الأول فضّل حجب اسمه وبعدين نسى الموضوع؟
فعلا .. يااااااا للهول!!
فضل يخفي نفسو لكن ...
شفناهو شفناهووووووو!!
-----
يا بله وينو بله؟ دق الرغم جلّا!!
Post: #32 Title: Re: غارة بورسودان رواية شاهد شاف كل حاجة Author: محمد حيدر المشرف Date: 04-19-2011, 12:21 PM Parent: #30
والله يا جماعة أخوكم إنفعل بالقصه .. بعد مداخلاتكم .. انفعلت بسذاجتى ,, وبله ,, والتيار
ود الصائم وعزاز .. بالغتو معاى!!
Post: #31 Title: Re: غارة بورسودان رواية شاهد شاف كل حاجة Author: نور الدين عثمان Date: 04-19-2011, 12:05 PM Parent: #29
محمد عوض صدقنى حمد الله انى ماتفلسفت وقلت النجيضة من اول مرة والا ود الصايم كان حضرنى كرامة صاحب التنكر .. تشكر لمرورك
Post: #33 Title: Re: غارة بورسودان رواية شاهد شاف كل حاجة Author: خالد أحمد شطة Date: 04-19-2011, 12:25 PM Parent: #29
Quote: أصاب السوناتا في وسطها .. وتفّحمت الجُثث وبقيت ملابس الأطفال على ما هي عليه!! سبحان الله!!!
الحبيب محمد عبدالماجد سلامي وأحترامي والله ادمعتني من حلاوت الشاهد بلاهي الجماعة ديل مالهم خلوهو وراهم عشان الميل 40؟؟ يارجل ملابس الاطفال دي حاميها الملايكه؟؟؟ مودتي شـــــــــــــطة
Post: #34 Title: Re: غارة بورسودان رواية شاهد شاف كل حاجة Author: Mohammed Awad Date: 04-19-2011, 01:35 PM Parent: #29
Quote: رحم الله مواسير عطبرة ياخ .. كانت أقل وطأة!!
على الاقل سمك مواسير عطبرة داك مابيحتاج صواريخ بتعفصو بالبوت دا ساكت بتجيب خبرو
------- الغريبة لغاية اسى مافى زول ورانا التنكر الحصل عليهو شنو يكون بيفرغ فى الغاز لسة من الخُلعة
Post: #35 Title: Re: غارة بورسودان رواية شاهد شاف كل حاجة Author: عزاز شامي Date: 04-19-2011, 01:40 PM Parent: #1
اسئلة تطرح نفسها من ونسة الفيل الفتلت لينا يومنا ده:
Quote: كشف شاهد عيان لـ (التيّار) لحظات قصف الطائرة الإسرائيلية للعربة السوناتا مساء الثلاثاء الماضية. وقال سائق تانكر غاز- فضل حجب اسمه- أنّه شاهد الطائرة الهلكوبتر الإسرائيلية (اباتشي) وهي قادمة من البحر الأحمر فيما كانت العربة السوناتا قادمة من الاتجاه المعاكس في طريقها إلى بورتسودان، ثم فجأة انقضت الطائرة على السيارة السوناتا وأطلقت عليها رشقة من مدفع رشاش ثقيل (توجد إحدى الطلقات لدى الصحيفة) لكنّها أخطأت الهدف واحدثت حفرة كبيرة في الشارع مما جعل السوناتا تخرج عن الشارع، لكن الطائرة الأباتشي استدارت فوق شاحنة الغاز واتجهت ناحية السوناتا ونزل بالتدريج نحو السيارة ثم نزل منها جندي.
عرفها اباتشي كيفن؟ وانقضت كيف؟ هليكوبتر هي ولا طيور جارحة؟ الرشقة دي وين للأوقية .. يعني رصاصة؟ اتنين؟ اربعة؟ حفنة رصاص؟ عبارها شنو يعني؟
Quote: محمد البلة (29) عاماً.. مواطن بسيط يعمل سائقاً لشاحنة "تانكر".. شاء القدر أن يكون الشاهد الأقرب للحادثة..
هي! الحق التأمين يا محرر ولا (فضل حجب اسمه) اسم الدلع؟
Quote: شهادته التي رواها لنا تنسف كثيراً من الرويات المتبادلة بما فيها توقيت الغارة نفسه..
انسفو ساااااااي انتو بحقكم و الله انازاتي لو عندي الدماغ ده انسف راويات غراسيا ماركيز
Quote: يقول محمد (كنت في طريقي من بورتسودان إلى الخرطوم.. الساعة كانت حوالي الخامسة عصراً.. الرؤية كانت واضحة تماماً.. الطريق أمامي طويل لأني بالكاد خرجت من مدينة بورتسودان ولم أتجاوز (15) كيلومتراً منها..
وش البامية ما ياهو .. الزول ده ما قال لينا درجة الحراراة كم مافي دغة في رصد المعلومات .. ادونا قروشنا ياخ!
Quote: فجأة لمحت في الأفق طائرة غريبة الشكل.. سوداء اللون. لونها يبعث على الخوف والرهبة.. شكلها أشبه بطائر أسطوري كبير يريد أن ينقض على فريسة.. الطائرة كانت على ارتفاع منخفض للغاية. بضع عشرات من الأمتار من سطح الأرض. قادمة من اتجاه الجنوب في اتجاه الشمال. أي عكس اتجاهي تماماً..)
بيكون طائر الرخ فضل ليك العنقاء و الخل الوفي ولو واصلت بنفس الطريقة بتلاقيهم قريب .. بس ما شفت علاء الدين قاطرهم بالسجادة الطائرة و معاهو ياسمينة؟ قراندايزر طيب؟ محمد البلة ده عندو طفولة مدسية خلي بالك
Quote: واصل محمد البلة رواية اللحظات العصيبة السريعة القاتلة.. (كانت أمامي سيارة سوناتا واضحة المعالم. السيارة السوناتا أيضاً كنت تسير عكس اتجاه حركتي.. فهي قادمة من اتجاه المطار نحو المدينة.. وأقل لكم بكل صدق. والصورة مرتسمة في ذهني بدرجة صافية للغاية.. كنت أرى بوضوح سائق السيارة رجل سوداني واضح جداً من ملامحه أنه من أهل الشرق. لكني رأيت بجواره رجلاً أبيض ملامحه ليست سودانية..)
وردتنا انباء من شاهد عيان يرتدي تموت تخليه ان الاسم الكامل لـ (فضل حجب اسمه) هو محمد البله زرقاء اليمامة تليسكوب هابل
Quote: حتى هذه اللحظة) يواصل محمد روايته( لم يكن هناك ما يدعو للدهشة سوى منظر الطائرة الهيلوكوبتر التي تطير على ارتفاع منخفض وأزيز محركها يهدر بقوة.. لكن فجأة حدث ما لم يكن في حسباني أبداً.. ولن أنساه مدى العمر..). يعتصر محمد البلة مشاعره بقوة ليروي الثواني القاتلة العصيبة
لم يكن هناك ما يدعو للدهشة؟؟؟؟ عصر مشاعرو كيف يعني؟ هو عصر مشاعرو احنا نعمل شنو يعني مثلا؟ ندقها في الواطة؟
Quote: بكل وضوح رأيت جنديين يرتدينا الملابس العكسرية الكاملة أحدهما يضع رجله خارج الطائرة بينما يثبت رجله الأخرى في جانب الطائرة. نفس المشاهد التي نراها في الأفلام الحربية..).
نرجو تنويرنا بالملابس العسكرية الكاملة من الما كاملة ... يعني الكامل جلابية و الما كاملة زي العراقي ؟
Quote: كنت أرى بكل وضوح آلة دائرية تشبه "البكرة" بجوار الجندي بينما أمسك بيده على مدفعه مصوباً نحو الأرض..) {الجندي كان يلبس حذاءً عسكرياً طويلاً ( بوت) ويرتدي قناعا} (في لحظة انطلق صاروخ من الطائرة نحو الشارع أمامي مباشرة.. الصاروخ أصاب الجانب الذي يقع في طريقي مباشرة. ولم يصب السيارة (السوناتا) التي كانت قريبة من الصاروخ لكنها في الجانب الآخر من شارع الأسفلت..)
لابس شراب اخضر و بأستك يا بيه محمد بلة ده كان قاعد في واطـــــة الله ولا حايم المشهد ده بكراسي المخرجين المعلقة في السقالات ديك؟ وصوفو جاب لي دوار البحر ودي الحتة بتاعت الفيزيا يا ود القاضي لووووووولز
Quote: ويضيف شاهد العيان )اقتربت الطائرة من العربة (الهيواندي) وأطلقت قذائف تجاهها (تمتلك الصحيفة إحداها لم تنفجر) ولكنها أخفقت الرمية في المرة الأولى وأصابت القذائف طريق الأسفلت مما أدى إلى قطعه في مسافة تقدر تقريباً بـ20 متراً.. وانحرفت السيارة عن الطريق وخرجت إلى الطريق الترابي وفي هذه الاثناء إستدارت الطائرة فوق الشاحنة التي أقودها وعادت مرة أخرى في اتجاه العربة.) (تملكني خوف رهيب.. فالقذيفة وقعت في طريقي وأمامي مباشرة.. وليس هناك وقت.. الطائرة صارت فوقي تماماً وتستدير راجعة مرة أخرى.. وبينما السيارة السوناتا بعد أن أخطأتها القذيفة نزلت من شارع الأسفلت يبدو في محاولة للهرب من الطائرة..)
Rush Hour 3
Quote: كنت أتوقع أن تقع القذيفة التالية في رأسي تماماً.. لأني أسير في اتجاه الموقع الذي سقطت فيه القذيفة الأولى.. لم يكن بوسعي سوى الانحراف بالشاحنة خارج الطريق المسفلت لأتجنب القذيفة التالية.. ولكن.. يا للهول.. كانت المفاجأة الكبرى..)
القذيفة دي مسمينها من بيت ابوها عارفة روحها ماشة وين انت بس دع القلق و ابدأ الحياة راسك ده مهم جدا ما تقع فيهو قنبلة ... انت ما شبه الموتة دي
Quote: يواصل محمد روايته المثيرة (في اللحظة التي أدرت فيها مقود الشاحنة للخروج من الشارع كان في طرف الشارع جسر صغير.. تدحرجت الشاحنة من فوقه إلى الأرض وانقلبت رأساً على عقب.. كل هذا حدث في ثواني معدودات..).
ثواني معدودات؟ كام دودة مثلا؟
Quote: لم أصب بأي جرح يذكر.. بعض خدوش.. وتمكنت من الخروج من السيارة بسرعة.. لأشاهد اللحظات المرعبة..
الخدوش زاتها بتبالغ! ما تجينا احنا ديل... عندك تأمين طبي؟ وده كلو ما شفت اللحظات المرعبة ... ديك المناظر بس يا عمك خلي بالك .. الله يكضب الشينة
Quote: واصل الجندي المطل من نافذة الهيلكوبتر إطلاق النيران من المدفع الضخم الذي كان يتدلي على جنبه.. الصاروخ التالي أصاب السيارة "السوناتا" بدقة وفي وسطها تماماً.. أوقفها وأحرقها.. لكن الجندي استمر في إمطارها مزيداً من النيران.. ثم كانت المفاجأة الأكبر..)
مفاجأة أكبر ما ظنيت تدهشني بعد القريتو لحد حسي ... لووووووول مدفع ضخم متدلي من جانبه؟ مدفع الواحد داك بوووم بوووم؟ انت الجندي ده مقاسو شنو بالنسبة تمثال طلعت حرب؟
Quote: هبطت الطائرة الهيلوكوبتر إلى الأرض.. كنت أرى كل تفاصيلها ومن بها بصورة واضحة وأنا بجوار شاحنتي المقلوبة.. فالمسافة قريبة للغاية بيننا. توقعت أن ينزل الجندي إلى الأرض.. لكن لم يهبط من الهليكوبتر.. يبدو أنه حاول فقط أن يطمئن تماماً من أن الهدف تحقق بنسبة مائة في المائة..
التطمن ده إلا ينزل الارض؟ انت عيون ساي عرفت تفاصيلها هو جندي لابس بوت ما قادر يشوف؟ اسرائيل دي ما بتعرف تدرب بالمناسبة؟ احنا فرد من الشعب سايق تنكر قرى المنظر من أول وهلة ... يجو يدربوا هنا
Quote: ألقى نظرة من موقعه في الهيلكوبتر وهي جاثمة على الأرض.. ولم يستغرق ملامستها لسطح الأرض سوى ثوانٍ قليلة ثم عاودت الارتفاع تدريجياً.. ثم انحنت في اتجاه البحر و غادرت السماء والأفق الذي نراه.
هليكوبتر انحنى كيف في اتجاه البحر؟ والافق الذي نراه كيفن يعني؟ في أفق لا نراه واحنا ما عارفين؟ دي تحديدا ما حامشيها ايه رايك؟!
Quote: من موقعي كنت أرى العربة "السوناتا" وهي محترقة تماماً.. لم استطع أن أفعل شيئاً.. لم أكن قادراً على الاقتراب منها لأني لم أتمالك نفسي حتى تلك اللحظة.. ولم أكن أعرف على وجه الدقة ما يجب علىَّ أن أفعله.. وما يجب علىَّ أن أتجنبه.. بعد قليل تماسكت شيئاً ما )
قشطة التاج ... دائما متماسكة ... ما يجب عليك فعله؟ تلف سجارة تانية وتجري التيار تكتب القصة ... تعمل شنو كمان؟
Quote: يواصل شاهد العيان روايته (ذهبت في اتجاه العربة المحترقة ولاحظت بها جثثاً تفحمت تماماً.. ولكني أيضاً لاحظت وجود ملابس للأطفال داخل العربة..)
الهدوم دي كانت لعمر كام سنة لانو بتفرق؟! لو هدوم مواليد بتكون الملايكة حمتهم ساي لو عمر سنتين لخمس سنين بيكونوا هدوم شفع جو مارين ووقفوا افترجو نوع فرجتك دي
Quote: ظل الوضع هكذا لبضع دقائق.. أكثر قليلاً من ربع الساعة..
اوووه بقى! اكتر من ربع ساعة ما ياهو تلت ساعة .. خليك دقيق كما عودتنا يا باشا!
Quote: ثم بدأت سيارات عسكرية سودانية وأخرى رسمية تصل سريعاً إلى الموقع وتحاصره..
وهتف الجمهور اتقدلي ... هوي اتقدلي و سكتي الخشااااااامة وانزلي في العوازل كي قولو ماشاء الله
Quote: حملوني إلى المستشفى لأني كنت مصاباً بعدة جروح..
حسي موش قلت خدوش؟ الجرحك منو حسي؟ بتكون عصرة المشاعر القبيل ولا بس شفت ناس عباس قلت تعمل روحك مجرّح ؟؟؟
_________________
Quote: لكن حالتي لم تستدعِ البقاء في المستشفى طويلاً.. فخرجت بحمد الله.. وتركت شاحنتي المقلوبة في مكانها.. لأعود إلى أهلي لأذبح كرامة السلامة من صواريخ الغارة
يا رجال قم بس قم ... ضبحت كرامة؟ انت ضحبتنا احنا زاتنا
Post: #36 Title: Re: غارة بورسودان رواية شاهد شاف كل حاجة Author: Khalid Saeed Date: 04-19-2011, 02:02 PM Parent: #35
*******
Post: #37 Title: Re: غارة بورسودان رواية شاهد شاف كل حاجة Author: نور الدين عثمان Date: 04-19-2011, 02:15 PM Parent: #36
اختنا الغالية عزاز والله تفصيلاتك وتحليلاتك دى تشغلك محررة فى قناة الجزيرة بارتياح وتشكرى على مداخلاتك الرائعة اووه الارباب شخصيا تحياتى لك اخى خالد عزيزنا حيدر الزين لازم اجى اقعد معاك بخصوص كرن وكده واقول لكل البيجاى معزومين كرامة سيد التنكر
Post: #38 Title: Re: غارة بورسودان رواية شاهد شاف كل حاجة Author: جلال عثمان Date: 04-19-2011, 02:39 PM Parent: #36
Quote: يا رجال قم بس قم ... ضبحت كرامة؟ انت ضحبتنا احنا زاتنا
ياعزاز .... ذبحنا .... ذبحنا ياخ .... ولا ياربي ناس التيار الضبحونا ....
Post: #39 Title: Re: غارة بورسودان رواية شاهد شاف كل حاجة Author: على ميرغني Date: 04-19-2011, 03:26 PM Parent: #38
الاخوة المتداخلون في هذا البوست.. لكم جميعا التحية والاحترام من باب اهمية الرد على مايثار في المنبر فقط وليس دفاعا عن التيار، اكتب هذه المداخلات... اولاً القصة حقيقية وطلقة المدفع الاسرائيلي نشرت التيار صورتها طبعاً في النسخة الورقية والمادة وصلتكم عن طريق الانترنت عاشان كدا ماشفتو صورة الطلقة وكدا خلونا نرد على المداخلات السابقة ـــــــــــــــــ بالمناسبة نحن في التيار نهتم جدا بالنقد بغض النظر عن راينا فيهو
Post: #40 Title: Re: غارة بورسودان رواية شاهد شاف كل حاجة Author: على ميرغني Date: 04-19-2011, 03:33 PM Parent: #39
وابداء بحسب ترتيب المداخلات.. طبعا ابتدر الموضوع ود الصائم
Quote: إنتو دايرين العسكري يجي لابس سفنجة ولّ شنو؟
اعتقد انو الوصف الكامل والمفصل للقصة يعطيها رونق .. عموما ما اعتقد انو التفاصيل كانت خطاء هنا...
Quote: زول سايق ليهو تنكر غاز .. وقدامو عربية مولعة بي صاروخ وعسكري لابس بوت .. وجثث ناس متفحمة .. وهو يعدّ في الثواني!!
اكيد ما كان قاعد يعد في الثواني كدا واحد اثنين تلاتة اربعة .. لكن لمن المحرر سألو عن الفترة الاستغرقها الحادث ذكر الفترة التقريبية دي
Quote: من المؤكد أن (نمرة) الهلكوبتر كانت (إسرائيل ـ ق.م 123)!! فبساطة أخينا في الله محمد البلة لن تُسعفه لمعرفة النجمة السُداسية!!
حتة انو الطيارة اسرائيلية دى اتعرفت من تاني يوم والقصة دي اتنشرت بعد كم يوم من الحادثة... ولا انت يا ود الصائم عايزنا نكتب (الطايرة التي يعتقد انها اسرائيلية)
Quote: وسذاجة قارئ (التيار) لا تؤهله للتفريق بين السيناريو والواقع!!
في الحتة دي (نو كومنت)
Post: #41 Title: Re: غارة بورسودان رواية شاهد شاف كل حاجة Author: على ميرغني Date: 04-19-2011, 03:41 PM Parent: #40
Quote: شفتو دقّة العسكري أبو بوت دا كيفن!! أصاب السوناتا في وسطها .. وتفّحمت الجُثث وبقيت ملابس الأطفال على ما هي عليه!! سبحان الله!!!
في كلام دا الحتة الوحيدة الصاح (سبحان الله) .. ياود الصائم انت ما سمعت بطائرة سودانير الوقعت من السماء في بورتسودان وحرقت كلها وطلع منها طفل صغير اسمو محمد .. اها نقول كابتن سودانير دا شفت قدر دا رما الطيارة بمافيها بس حنّ على الطفل دا وخلاهو يمرق منها صاغ سليم ــــــــــ اما اخونا ود الخليفة
Quote: توجد احدي الطلقات لدى الصحيفه؟ بالغت ياعثمان ميرغني والظافر معروضات؟
الطلقة موجودة بمقر الصحيفة ونشرت صورتها في النسخة الورقية .. والبسأل مابتوه .. بس يبدو اننا بعض مرات بنكون كيف كدا ماعارف
Post: #42 Title: Re: غارة بورسودان رواية شاهد شاف كل حاجة Author: على ميرغني Date: 04-19-2011, 03:45 PM Parent: #41
اما عزاز
Quote: في احتمالين: الشاهد الحالم ده ما حصل شاف ليهو هيلكوبتر ولا شاف الكتاحة البتقوم معاهو أو بحضر بريزون بريك كتير، أو احتمال تالت ظهر لي فجأة انو ما قرى فيزيا اساساً ...
الهلكوبتر معروف انها بتحرك الهواء بشدة.. لكن مادائما بيقوم غبار خاصة في مناطق زي بتاعت بورتسودان... عارف ليه.. لانها مناطق جبلية وكلها حصا... صاح ولا ماصاح
Post: #43 Title: Re: غارة بورسودان رواية شاهد شاف كل حاجة Author: على ميرغني Date: 04-19-2011, 03:50 PM Parent: #42
طبعا ياود القاضي بعض مرات كدا الواحد بيحاول يخفف دمو يقوم يسئ لناس تانين
Quote: شنو ياعزاز الراجل يقول ليك سواق تانكر تقولي ماقرى فيزيا !!! اشتغلتي في التيار ولا شنو ؟!!!
عموماً انت شكلك من زمن السواقين اميين... كدا شوف طلبات الوظائف في جرائد الاعلانات زي الوسيط مثلاً.. ح تلقى خريجين بالكوم عارضين يشتغلوا اي شئ مش سواقين.. مع الاحترام لكل مهنة شريفة ـــــــــــــ
المداخلة دي نسيت اكتب اسم كاتبها .. لكن خلونا نخليها بدون عنوان ... بس نخت خطين تحت حكاية الرقم البتكتبوها بحرف الغين.. ياربي يكون الزول دا الكي بورد بتاعو شغال بعربي جوبا... ربما
Quote: وينو بله؟ دق الرغم جلّا!!
Post: #45 Title: Re: غارة بورسودان رواية شاهد شاف كل حاجة Author: على ميرغني Date: 04-19-2011, 03:54 PM Parent: #43
طبعا عزاز الشامي افرد مداخلة كبيرة وعريضة ... ح احاول الرد على بعض ما جاء بها .. برضو ليس دفاعا عن التيار.. لكن لفايدة الاخوة سكان وضيوف البورد ...
Post: #44 Title: Re: غارة بورسودان رواية شاهد شاف كل حاجة Author: نور الدين عثمان Date: 04-19-2011, 03:53 PM Parent: #42
اخى العزيز على ميرغنى تحياتى واحترامى لك اولا ومن ثم ياريت تفصل اكثر اذا كان فعلا هذا الشاهد حقيقى وهو فعلا شاهد ما حدث .. مودتى
Post: #46 Title: Re: غارة بورسودان رواية شاهد شاف كل حاجة Author: على ميرغني Date: 04-19-2011, 03:57 PM Parent: #44
شكرا ليك الاخ نور الدين ... القصة حقيقية والزول دا من اولاد شمال الجزيرة .. وربما ارسل ليك رقم تلفونو...
Post: #47 Title: Re: غارة بورسودان رواية شاهد شاف كل حاجة Author: على ميرغني Date: 04-19-2011, 04:38 PM Parent: #46
Quote: Quote: كشف شاهد عيان لـ (التيّار) لحظات قصف الطائرة الإسرائيلية للعربة السوناتا مساء الثلاثاء الماضية. وقال سائق تانكر غاز- فضل حجب اسمه- أنّه شاهد الطائرة الهلكوبتر الإسرائيلية (اباتشي) وهي قادمة من البحر الأحمر فيما كانت العربة السوناتا قادمة من الاتجاه المعاكس في طريقها إلى بورتسودان، ثم فجأة انقضت الطائرة على السيارة السوناتا وأطلقت عليها رشقة من مدفع رشاش ثقيل (توجد إحدى الطلقات لدى الصحيفة) لكنّها أخطأت الهدف واحدثت حفرة كبيرة في الشارع مما جعل السوناتا تخرج عن الشارع، لكن الطائرة الأباتشي استدارت فوق شاحنة الغاز واتجهت ناحية السوناتا ونزل بالتدريج نحو السيارة ثم نزل منها جندي. عرفها اباتشي كيفن؟ وانقضت كيف؟ هليكوبتر هي ولا طيور جارحة؟
دا طبعا جزء مكن مداخلة عزاز عرفوها اباتشي لانو المادة دي اتنشرت بعد انكشاف امر نوع الطائرة المهاجمة كانت شنو... بعدين الهلكوبتر المقاتلة زي الاباتشي وكل الطائرات المقاتلة لمن تستخدم الرشاشات بتكون في نفس وضع انقضاض الطيور الجارحة.. كدا افتحي اليوتيوب وشغلي اي مقطع لهجوم طائرة هلكوبتر.. ولا اقول ليك راجعي اخبار الجزيرة عن حرب غزة.. ــــــــــــــــ
Quote: الرشقة دي وين للأوقية .. يعني رصاصة؟ اتنين؟ اربعة؟ حفنة رصاص؟ عبارها شنو يعني؟
الرشقة تعبير بلاغي مجازي يقصد به رسم صورة للقارئ تتقرب له صورة انطلاق الرصاص بصورة متواصلة وسريعة، وبعض القنوات الاخبارية تستخدم تعبير (زخة).. واذا اشكل عليك معرفة نسبتها للوقية يمكن الاستدلال بنسبة (حفنة الرصاص) ونواصل
Post: #48 Title: Re: غارة بورسودان رواية شاهد شاف كل حاجة Author: على ميرغني Date: 04-19-2011, 04:42 PM Parent: #47
Quote: وش البامية ما ياهو .. الزول ده ما قال لينا درجة الحراراة كم مافي دغة في رصد المعلومات .. ادونا قروشنا ياخ!
ماعرفت قاصدا شنو من وش البامية .. وكمان وبرضو حكاية (دغة رصد المعلومات) يا اخي انتو الكيبوردات البعربي جوبا بتلقوها وين ... طبعا ما تقولوا لي الغين جنب القاف ... ياخي بناتهم حرف كامل الدسم
Post: #49 Title: Re: غارة بورسودان رواية شاهد شاف كل حاجة Author: على ميرغني Date: 04-19-2011, 04:49 PM Parent: #48
Quote: نرجو تنويرنا بالملابس العسكرية الكاملة من الما كاملة ... يعني الكامل جلابية و الما كاملة زي العراقي ؟
الله عليك بالضبط كدا.. يعني لبس كامل وواحد غير كامل
Post: #51 Title: Re: غارة بورسودان رواية شاهد شاف كل حاجة Author: على ميرغني Date: 04-19-2011, 05:02 PM Parent: #49
Quote: هليكوبتر انحنى كيف في اتجاه البحر؟
كنت عايز اعلق على حكاية (الهلكوبتر انحنى) لكن طبعا رجعت للبروفايل وعرفت السبب... ومش مهم ... المهم انو الطائرة الهلكوبتر لمن تبداء تطير الى الامام من وضع التعليق (Hovering) وخاصة لمن الطيار يكون عايز يكسب سرعة كبيرة في لحظات بسطة، بيقوم ينزل مقدمة الطائرة الى تحت .. طبعا الموضوع دا مرتبط بعلوم الطيران وامكن الحتة دي بتأكد رواية الشاهد لانو مابيعرف الحتة دي، لكنو روى ماشاهده.. ــــــــــــــــــ
Quote: و غادرت السماء والأفق الذي نراه. والافق الذي نراه كيفن يعني؟ في أفق لا نراه واحنا ما عارفين؟ دي تحديدا ما حامشيها ايه رايك؟!
يا استاذة في اللغة العربية في حاجة اسمها البلاغة ... والمعنى الواضح في الحتة دي انو كاتب الموضوع استخدم البلاغة ليقول للقارئ ان الطائرة غادرت المنطقة واصبحت خارج مدى البصر.. والدليل انو ذكر انها غادرت السماء، طيب يعني غادرت السماء مشت وين ؟؟؟!!! يكون الاسرائيليين ديل عندهم مطارات تحت البحر.. واصلاًالطيارة دي وصلت السماء وغادرتو كيف.... بالمناسبة عندنا مثل بلدي بيقول (غطلان عوض القعد في بيت النمل؟ ولا غلطان النمل العضا عوض) .. ولو أنا فسرت المثل ربما اكون اساأت الادب ـــــــــــــ
Quote: ما يجب عليك فعله؟ تلف سجارة تانية وتجري التيار تكتب القصة ... تعمل شنو كمان؟
الزول دا ساكن شمال الجزيرة.ز ومقر صحيفة التيار في الخرطوم. يعني لحدي مايصل التيار يكون مفعول السجارة انتهى، غلا لو عندك ليهو صنف ممتاز ومضمون لفترة ثلاثة ساعات
Post: #50 Title: Re: غارة بورسودان رواية شاهد شاف كل حاجة Author: عزاز شامي Date: 04-19-2011, 04:57 PM Parent: #1
Quote: اخوة المتداخلون في هذا البوست.. لكم جميعا التحية والاحترام من باب اهمية الرد على مايثار في المنبر فقط وليس دفاعا عن التيار، اكتب هذه المداخلات... اولاً القصة حقيقية وطلقة المدفع الاسرائيلي نشرت التيار صورتها طبعاً في النسخة الورقية والمادة وصلتكم عن طريق الانترنت عاشان كدا ماشفتو صورة الطلقة وكدا خلونا نرد على المداخلات السابقة ـــــــــــــــــ بالمناسبة نحن في التيار نهتم جدا بالنقد بغض النظر عن راينا فيهو
كنت عارفة انو آخر الضحك ده خير اللهم اجعلو خير
سلامات يا استاذ علي ميرغني،
نشكر التيار على الاهتمام بالنقد بغض النظر عن رأيكم فيهو وفي الناقدين بس علشان نقدر نوصل لنقطة تلاقي في نفش العهن المعروض هنا اللي بكل صراحة و تجرد معهودين عني ما عرفت اسميهو شنو؟ خبر صحفي؟ حوار؟ حديث نفس؟ خواطر فيل؟ عندي كام سؤال بتهمني اجابتهم اتمنى منك التكرم بالاجابة:
(1) حضرتك صحفي؟ (2) المحرر الخيت المقال ده صحفي؟ اها نجي للجد جد ... لنفترض انو سائق التنكر القال القصة دي قال بضبانتها، (3) منو بقدر يجزم بصحة الرواية دي؟ (توجد اختيارات مغرية) (3) (أ) المحرر؟ ليه؟ مكشوف عنو الحجاب؟ (3) (ب) الراوي؟ بمناسبة شنو مثلا؟ ببقى للبخاري مثلاً؟ (4) في شهود تانيين حضرو الفيلم الـ D3 ده علشان المصداقية ؟ (5) ومن ناحية مهنية – ان وجدت – هل من الصواب ان يسرد لنا المحرر القصة بضبانتها كما حدث أعلاه؟ قول هو مصدق مآمن وقلبو ما حدسو، المحسنات البديعية و لغة ادهم صبري دي نلوم عليها منو؟ الرواي ولا ترزي المقال ولا التيار ولا محرر الصفحة ولا رئيس التحرير ولا بتاع كشك الليمون اللي في نهاية الشارع؟
انتهت الاسئلة #####
Quote: اما عزاز Quote: في احتمالين: الشاهد الحالم ده ما حصل شاف ليهو هيلكوبتر ولا شاف الكتاحة البتقوم معاهو أو بحضر بريزون بريك كتير، أو احتمال تالت ظهر لي فجأة انو ما قرى فيزيا اساساً ... الهلكوبتر معروف انها بتحرك الهواء بشدة.. لكن مادائما بيقوم غبار خاصة في مناطق زي بتاعت بورتسودان... عارف ليه.. لانها مناطق جبلية وكلها حصا... صاح ولا ماصاح
صاح ودقداق و صخور بركانية الدايرو انت ببقى.. بس افهم من كده انو الحصى مسمغ ولا مفروض عليهو no fly zone ؟ طيب خليهو الحصى... مافي اي تراب دقاق بين الحصى؟ إلا كان أرض بورتسودان دي بقت رخام عديل ... الهليكوبتر دي لو ركت في صحن الحرم زول بيجي جنبها و يوصفها بالدقة دي مافي
___________________
Quote: طبعا عزاز الشامي افرد مداخلة كبيرة وعريضة ... ح احاول الرد على بعض ما جاء بها .. برضو ليس دفاعا عن التيار.. لكن لفايدة الاخوة سكان وضيوف البورد ...
أفرد؟ ما أفردت؟ ده البيجيب لينا الكلام نادو لي ود الصايم ... افتينا يا مولانا؟! اشمعني عمر فضل المولى تقلقلو ودي تخليها؟ خليكم موضوعيين يا جماعة
Post: #53 Title: Re: غارة بورسودان رواية شاهد شاف كل حاجة Author: عبد المنعم ابراهيم الحاج Date: 04-19-2011, 05:20 PM Parent: #50
من خلال الخبر واللفة دي كلها ..خلاصة الخبر عايزة تقول الفي السيارة فلسطيني وليس كما حاولت بعض الجهات نفي ذلك .
أما بخصوص عرض الخبر طبعا فيهو مبالغة .. وغير متماسك حتى من ناحية الحدث نفسه ..بعضه أطهره المتداخلون ...ونضيف اليه
الطيارة والهونداي في إتجاه معاكس لصاحب الشاحنة " الراوي" لغاية الطيارة أخطأت الهدف ممكن يكون السرد موضوعي بدرجة تشويق.. الغير موضوعي بعد ذلك هو .. تجمد الموقف كله بدون أي إحساس للزمن .. الشاحنة تصدم بالإخدود الذي نجم عن الصاروخ الذي أخطأ الهدف... تنقلب الشاحنة وتواصل الهونداي ...دي على الأقل دقيقة زمنية ..لو كانت سرعة الهونداي مثلا 60 كيلو ساعة بتكون قطعت واحد كيلو متر في تلك الدقيقة. ممكا يجعل أي مشهد لصاحب الشاحنة أصبح خلفه تماما .. يبقى السؤال المهم .. لماذا عادت الطائرة بعد أن تركت الهونداي للتحليق فوق الشاحنة المنقلبة أسفل الجسر. وما هو الزمن الذي يجعل سائق يخرج من هول حادث الإنقلاب ليتابع المشهد من جديد وبتلك الدقة التصويرية... كم من الدقائق يستغرق ذلك وكم للهونداي من مسافة يجب أن تقطعها في تلك الدقائق؟
Post: #56 Title: Re: غارة بورسودان رواية شاهد شاف كل حاجة Author: willeim andrea Date: 04-19-2011, 05:23 PM Parent: #50
احسن الواحد يطلع ..... من الدخاخين دي ... والا حنحصلكم سريع
ده وارد وين ده
... مجرد فشت خلق
احترامتي
:)
Post: #52 Title: Re: غارة بورسودان رواية شاهد شاف كل حاجة Author: عزاز شامي Date: 04-19-2011, 05:05 PM Parent: #1
Quote: ا طبعا جزء مكن مداخلة عزاز عرفوها اباتشي لانو المادة دي اتنشرت بعد انكشاف امر نوع الطائرة المهاجمة كانت شنو... بعدين الهلكوبتر المقاتلة زي الاباتشي وكل الطائرات المقاتلة لمن تستخدم الرشاشات بتكون في نفس وضع انقضاض الطيور الجارحة.. كدا افتحي اليوتيوب وشغلي اي مقطع لهجوم طائرة هلكوبتر.. ولا اقول ليك راجعي اخبار الجزيرة عن حرب غزة..
الجزيرة دي شنو؟ الفيها مدنيو لا الجزيرة اسلانج؟ معلوماتي على قدي بالله ما تحرجني على الملأ ما شفت الرودود الا حسي وعليه الامسية برعاية Red Bull
حسي يعني السرد الفوق ده ما بس نقل حرفي عن الراوي موش؟ طيب ليه مافي علامات تنصيص علشان احنا الناس الساي نفرز الراوي وصف الطائر العظيم بشنو؟ قال طيارة موش؟ وتيب؟ المحرر كان يقول يبرز مواهبو في الوصيف في الهوامش ولا في نهاية المقال ولا في اي حتة موش يلتق رواية الشاهد مع الشروحات و يجهجهنا؟! حسي دي في مجال المصداقية وضعها شنو؟
Post: #55 Title: Re: غارة بورسودان رواية شاهد شاف كل حاجة Author: على ميرغني Date: 04-19-2011, 05:22 PM Parent: #52
Quote: نشكر التيار على الاهتمام بالنقد بغض النظر عن رأيكم فيهو وفي الناقدين
طاب وقتك اين ماكنتي استاذة عزاز .. بالمناسبة انا كنت اعتقد انو الاسم مذكر . خاصة وانو الزول الوحيد ابعرفو بيحمل نفس الاسم كان رجل ولواء طيار كمان نحن في التيار بيقيف راينا في الموضوع والطرح ، وما عندنا راي في الناقدين.. وشعارنا دائما ابحث في الطرح والفكرة ولابعد عن شخصنة الامور وبأكد للجميع احترامنا للكل بدون فرز ــــــــــــــــــ
Quote: يواصل شاهد العيان روايته (ذهبت في اتجاه العربة المحترقة ولاحظت بها جثثاً تفحمت تماماً.. ولكني أيضاً لاحظت وجود ملابس للأطفال داخل العربة..) الهدوم دي كانت لعمر كام سنة لانو بتفرق؟! لو هدوم مواليد بتكون الملايكة حمتهم ساي لو عمر سنتين لخمس سنين بيكونوا هدوم شفع جو مارين ووقفوا افترجو نوع فرجتك دي
ارجعي لردي على كلام ود الصائم ـــــــــــ وبرجع لمداخلتك الجديدة
Post: #54 Title: Re: غارة بورسودان رواية شاهد شاف كل حاجة Author: عزاز شامي Date: 04-19-2011, 05:21 PM Parent: #1
Quote: Quote: هليكوبتر انحنى كيف في اتجاه البحر؟
كنت عايز اعلق على حكاية (الهلكوبتر انحنى) لكن طبعا رجعت للبروفايل وعرفت السبب... ومش مهم ... المهم انو الطائرة الهلكوبتر لمن تبداء تطير الى الامام من وضع التعليق (Hovering) وخاصة لمن الطيار يكون عايز يكسب سرعة كبيرة في لحظات بسطة، بيقوم ينزل مقدمة الطائرة الى تحت .. طبعا الموضوع دا مرتبط بعلوم الطيران وامكن الحتة دي بتأكد رواية الشاهد لانو مابيعرف الحتة دي، لكنو روى ماشاهده.
نو ... نوووو ضرب في الانكل ما معانا يا استاذ علي ميرغني كيف يعني رجعت للبروفايل عرفت السبب؟ بروفايلي مالو ؟ مرتتتتتب مهذب ولا قصدك اني من غير الناطقين بها؟ ما تقول بلاغة ياخ بدل التجريح ده؟ هوفيرينق دي ان شاء الله ما تكون شيتن خطير وين يعني للتحليق؟ بعدين انتو في التيار من ضمن التخصص الطيران الحربي ولا شنو؟ المحرر الكامل ... بلاغة ادب خياطة طيران علم جيولوجيا و خيال علمي و تصليح عناقريب
Quote: Quote: و غادرت السماء والأفق الذي نراه. والافق الذي نراه كيفن يعني؟ في أفق لا نراه واحنا ما عارفين؟ دي تحديدا ما حامشيها ايه رايك؟! يا استاذة في اللغة العربية في حاجة اسمها البلاغة ... والمعنى الواضح في الحتة دي انو كاتب الموضوع استخدم البلاغة ليقول للقارئ ان الطائرة غادرت المنطقة واصبحت خارج مدى البصر.. والدليل انو ذكر انها غادرت السماء، طيب يعني غادرت السماء مشت وين ؟؟؟!!! يكون الاسرائيليين ديل عندهم مطارات تحت البحر.. واصلاًالطيارة دي وصلت السماء وغادرتو كيف.... بالمناسبة عندنا مثل بلدي بيقول (غطلان عوض القعد في بيت النمل؟ ولا غلطان النمل العضا عوض) .. ولو أنا فسرت المثل ربما اكون اساأت الادب
اسأت الأدب؟ لا حاشاك انت ... حسي المقال ده هو المكان المناسب لطرح الاسئلة الوجودية بتاعت اين ذهبت الطائرة؟ موش من باب اولى نشوف ليه هدوم الشفع ما اتحرقت؟ والجرح الشاهد شنو بعد ما كانت بس خدوش؟
Quote: Quote: ما يجب عليك فعله؟ تلف سجارة تانية وتجري التيار تكتب القصة ... تعمل شنو كمان؟
الزول دا ساكن شمال الجزيرة.ز ومقر صحيفة التيار في الخرطوم. يعني لحدي مايصل التيار يكون مفعول السجارة انتهى، غلا لو عندك ليهو صنف ممتاز ومضمون لفترة ثلاثة ساعات
الجزيرة دي تبع الوصيتني بيها قبيل؟ أنا لو عندي صنف ممتاز مضمون كنت قريت جوبيكم ده و اتسلقت الدخان في البوست ده؟ ما تبالغ انت كمان!؟
Post: #59 Title: Re: غارة بورسودان رواية شاهد شاف كل حاجة Author: على ميرغني Date: 04-19-2011, 05:34 PM Parent: #54
Quote: المحرر الكامل ... بلاغة ادب خياطة طيران علم جيولوجيا و خيال علمي و تصليح عناقريب
وانتي الصادقة دا كلو بعرفو واحمد الله ... بس غيرت حكاية تصليح العناقريب دي وبقيت بصلح السراير وكدا ــــــــــــــــــــ
Post: #57 Title: Re: غارة بورسودان رواية شاهد شاف كل حاجة Author: عزاز شامي Date: 04-19-2011, 05:27 PM Parent: #1
Quote: شكرا ليك الاخ نور الدين ... القصة حقيقية والزول دا من اولاد شمال الجزيرة .. وربما ارسل ليك رقم تلفونو...
الخيل تجقلب زي الشره في القندول ... حسي الرفع ليك البوست منو؟ ما تشكرونا لو من غير نفس حتى .. بسسسسسسسسس عليكم يا ناس التيار ما دايرين (رغم) ادهم صبري ان شاء الله يضوي ليكم و ما بعيدة بعد القريناهو ده يبقى طبق طائر عدييييل كده
Post: #61 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-19-2011, 05:41 PM Parent: #57
إنا لله .. باللاي جات فيكـ يا علي ميرغني!!
يا عمكـ .. كدي خلينا نحن .. كدي أطلع من رداء (التيار) دا وأقرا القصة الفوق دي .. شوف الناتج شنو وأدينا رأيكـ!
_ عُزاز دي ما تشتغل بيها كتير!
Post: #58 Title: Re: غارة بورسودان رواية شاهد شاف كل حاجة Author: عزاز شامي Date: 04-19-2011, 05:33 PM Parent: #1
Quote: طاب وقتك اين ماكنتي استاذة عزاز .. بالمناسبة انا كنت اعتقد انو الاسم مذكر . خاصة وانو الزول الوحيد ابعرفو بيحمل نفس الاسم كان رجل ولواء طيار كمان
في جاه الملوك سنلوك من الآن فصاعداً وقت مشيت البروفايل ما لاقتك حاجة اسمها Female ؟ ما علينا ... نرجع لكقالة خواطر فيل دي .. ردك على سؤال ود الصايم ما كان مقنع يا استاذي طيارة تقع و زول يمرق - محروق - ما زي عربية تتحرق و النار تعمل نايمة من هدوم الشفع إلا كان الهدوم دي محوطها فكي كااااااااارب ... انا طبعا في الحالة دي بصدق و بسألكم من الفكي طوالي
Post: #60 Title: Re: غارة بورسودان رواية شاهد شاف كل حاجة Author: عبد المنعم ابراهيم الحاج Date: 04-19-2011, 05:38 PM Parent: #58
Quote: لخيل تجقلب زي الشره في القندول
لا يا عزاز ياصديقة المثل ما قلتيهو صاح...
الصاح..
الخيل تجقلب زي الشرا في حماد...
Post: #64 Title: Re: غارة بورسودان رواية شاهد شاف كل حاجة Author: خالد أحمد شطة Date: 04-19-2011, 05:54 PM Parent: #60
Quote: ا لخيل تجقلب زي الشره في القندول
المحترمة عزاز سلام المثل بيقول(الحسنه في المنعول زي الشره في القندول)
Post: #62 Title: Re: غارة بورسودان رواية شاهد شاف كل حاجة Author: على ميرغني Date: 04-19-2011, 05:44 PM Parent: #58
Quote: طيارة تقع و زول يمرق - محروق - ما زي عربية تتحرق و النار تعمل نايمة من هدوم الشفع إلا كان الهدوم دي محوطها فكي كااااااااارب ... انا طبعا في الحالة دي بصدق و بسألكم من الفكي طوالي
المرق الهدوم، ودا تحليل بس وما خبر، هو نفس المرق الطفل محمد من طائرة بورتسودان، الانفجار عادة بيقذف الحاجات بعيد بسبب خلخلة ضغط الهواء، وعادي حادث حركة صغير بيعمل كدا بالمناسبة عندنا فككا (جمع فكي) ، بس حددي طلبك علشان نحدد الفكي المختص..
Quote: وقت مشيت البروفايل ما لاقتك حاجة اسمها Female ؟
دي يعميني فيها... ماشفتها تب والله
Post: #65 Title: Re: غارة بورسودان رواية شاهد شاف كل حاجة Author: محمد حيدر المشرف Date: 04-19-2011, 05:55 PM Parent: #62
كدى باركوها يا جماعه .. القصه ليست خرافية ولم تروى بدقه عاليه .. هى أنواع الشهادات التى تتأثر بإستيعاب الشاهد للحدث, وانفعالو اللاحق وتمر عبر طرف ثالث للوصول للقاري المتحفز ك "ودالصائم " و الوديع الطيبان كما أنا
Post: #69 Title: Re: غارة بورسودان رواية شاهد شاف كل حاجة Author: على ميرغني Date: 04-19-2011, 06:05 PM Parent: #62
Quote: إنا لله .. باللاي جات فيكـ يا علي ميرغني!!
يا عمكـ .. كدي خلينا نحن .. كدي أطلع من رداء (التيار) دا وأقرا القصة الفوق دي .. شوف الناتج شنو وأدينا رأيكـ!
ود الصائم سلامات كوم لا والله ما جات فوقي وانا ما كتبت المقال دا.. وكمان ما دخلت في رداء التيار .. بس والله على ما اقول شهيد حبيت اتداخل من موقعي كعضو في المنبر دا، وبصراحة اعتقد انو مؤثر اكتر من الصحافة السودانية بسبب جرعة الحرية الكبيرة فيهو وتمثل كل الوان الطيف السوداني. وتاني للجميع التحايا وحسن المشاعر.ز وكان حيين بنتلاقا
Post: #63 Title: Re: غارة بورسودان رواية شاهد شاف كل حاجة Author: عزاز شامي Date: 04-19-2011, 05:47 PM Parent: #1
Quote: لا يا عزاز ياصديقة المثل ما قلتيهو صاح...
الصاح..
الخيل تجقلب زي الشرا في حماد...
اوووووووبس اعتذر برعونة لتلاعبي بالتراث و القول المأثور بس كنت مجذوبة في حضرة البلاغة المدفقة في هذا البوست
Post: #66 Title: Re: غارة بورسودان رواية شاهد شاف كل حاجة Author: عبد المنعم ابراهيم الحاج Date: 04-19-2011, 06:00 PM Parent: #63
ناس الأصدقاء قالو المثل الأصلي بالطريقة القالتها عزاز لتوصيل رسالة ... أها بحكم التطور والخبر الجاب ناس التيار ديل للدفاع باقيليك المثل مش مفترض يطور ؟ لأنو ناس التيار الشرا طلع قندولم بره... عزاز فهمت القصد دا تماما ...
Post: #68 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-19-2011, 06:04 PM Parent: #63
شطة والله!
Post: #67 Title: Re: غارة بورسودان رواية شاهد شاف كل حاجة Author: عزاز شامي Date: 04-19-2011, 06:03 PM Parent: #1
Quote: عُزاز دي ما تشتغل بيها كتير!
ده هو عمارك حسي؟ بلاقيك في مقال آخر بغض النظر عن كلام الناس المغرضة دي تسمح توريني المقال ده خلى شنو من صنوف الكتابة الصحفية ما غز فيهو يدو؟ مقال خبر تحليل رأي تخصص حربي خواطر و كمان أدب بوليسي؟
Quote: المرق الهدوم، ودا تحليل بس وما خبر، هو نفس المرق الطفل محمد من طائرة بورتسودان، الانفجار عادة بيقذف الحاجات بعيد بسبب خلخلة ضغط الهواء، وعادي حادث حركة صغير بيعمل كدا بالمناسبة عندنا فككا (جمع فكي) ، بس حددي طلبك علشان نحدد الفكي المختص..
دايرة لي فكي يقنعني بالقصة الفوق دي و بعد ده بفضل لي الحج و عملية العيون و ما دايرة من الدنيا دي فد شي وان شاء الله بركة المرق الهدوم و الشافع يمرقوا الفي بالي من السودان كيف يعني مرقت الهدوم؟ الهدوم فيها حشوة ولا من غير حشوة؟ يعني تحتوي على طفل ولا عبوة فارغة؟ الهدوم دي كانت في كيس ولا شنطة و مرقت بوين؟ فيزيائيا كده طارت كيف وهو لقاها وسط الجثث المتفحمة؟ فرزها كيفن زاتو ولا الهدوم قامت براها اتنفضت و شرت روحها في استاند جنب الجثث؟ دي كرامة للشركة المصنعة؟ اسمها شنو احتمال نعمل ليها حزب هنا لوووووووووووولز يا اخوانا افلام الكرتون دي مافي زول يغالطنا فيها ... نحن جيل السبيس تون
Quote: Quote: وقت مشيت البروفايل ما لاقتك حاجة اسمها Female ؟
دي يعميني فيها... ماشفتها تب والله
تبرى من العمى، صورتي زاتها الخاتاها دي مظهره الشنب شديد
Post: #71 Title: Re: غارة بورسودان رواية شاهد شاف كل حاجة Author: على ميرغني Date: 04-19-2011, 06:18 PM
Quote: تبرى من العمى، صورتي زاتها الخاتاها دي مظهره الشنب شديد
لا عليك الله وبالجد كدا دي صحيح صورتك... اذا كانت الاجابة نعم فانا اسحب كل مداخلاتي والتيار غلطانة والقصة مضروبة وكمان حلايب مصرية
Post: #72 Title: Re: غارة بورسودان رواية شاهد شاف كل حاجة Author: خالد أحمد شطة Date: 04-19-2011, 06:24 PM
Quote: سلامات ياخالد ياخ بتبالغ...ههههههه
التراث دا أصلو ما بيتطور ..واقف كدا بس.
ناس الأصدقاء قالو المثل الأصلي بالطريقة القالتها عزاز لتوصيل رسالة ... أها بحكم التطور والخبر الجاب ناس التيار ديل للدفاع باقيليك المثل مش مفترض يطور ؟ لأنو ناس التيار الشرا طلع قندولم بره... عزاز فهمت القصد دا تماما ...
الاخوه المحترمين عبدالمنعم وعزاز وودالصائم نعم تفهمة رسالة عزاز في المثل لمجموعة التيار؟؟ بس قلت نوريهم رقم عجميتناالأفريقية نحفظ الامثال مايجي واحد ناطي فينا؟؟ مودتي شـــــــــــــطة
Post: #74 Title: Re: غارة بورسودان رواية شاهد شاف كل حاجة Author: عزاز شامي Date: 04-19-2011, 06:27 PM Parent: #72
تسلم يا استاذ شطة على التنبيه بس الخلط مقصود وزي ما قال اخوي منعم ارث الامثال متحرك زي الحضارات البتنتجها و اللغة البتتقال بيها
Post: #70 Title: Re: غارة بورسودان رواية شاهد شاف كل حاجة Author: عزاز شامي Date: 04-19-2011, 06:16 PM Parent: #1
Quote: ماعرفت قاصدا شنو من وش البامية .. وكمان وبرضو حكاية (دغة رصد المعلومات) يا اخي انتو الكيبوردات البعربي جوبا بتلقوها وين ... طبعا ما تقولوا لي الغين جنب القاف ... ياخي بناتهم حرف كامل الدسم
شفيق يا راجل؟ وش البامية؟ حسي الكتابة بتاعت المقال دي موش ملاح بامية ما مقمعة بمهارة؟ الجاب البامية منو؟ قصدي الخيط المقال دي منو؟ قول قول ما تتحسس ... لو زول بتعرفو ما مفروض تنكرو لما يكون في مأزق ما تبقى زي ود الصايم بمعنى أكثر دقوقية
Post: #73 Title: Re: غارة بورسودان رواية شاهد شاف كل حاجة Author: عزاز شامي Date: 04-19-2011, 06:25 PM Parent: #1
Quote: لا عليك الله وبالجد كدا دي صحيح صورتك... اذا كانت الاجابة نعم فانا اسحب كل مداخلاتي والتيار غلطانة والقصة مضروبة وكمان حلايب مصرية
لوووووووووووووولز يا راجل؟! كان كدي اسحبها و خت محل كل مداخلة معدلة وردة واصرف ود الصايم من البوست
بس حلايب سودانية مية المية!
Post: #75 Title: Re: غارة بورسودان رواية شاهد شاف كل حاجة Author: كمال عباس Date: 04-19-2011, 08:53 PM Parent: #73
........
Post: #76 Title: Re: غارة بورسودان رواية شاهد شاف كل حاجة Author: كمال عباس Date: 04-19-2011, 09:03 PM Parent: #75
((( و قال سائق تانكر غاز- فضل حجب اسمه )))) ))محمد البلة (29) عاماً.. مواطن بسيط )))
Quote: وأطلقت عليها رشقة من مدفع رشاش ثقيل (توجد إحدى الطلقات لدى الصحيفة) .........[/QUOTE
Quote: لكن الطائرة الأباتشي استدارت فوق شاحنة الغاز واتجهت ناحية السوناتا ونزل بالتدريج نحو السيارة ثم نزل منها جندي .......
Quote: محمد البلة (29) عاماً.. مواطن بسيط يعمل سائقاً لشاحنة
,,,,,,,,, المواطن البسيط محمد البلة (29) عاماً يتحول لراوي أدبي في قمة الفصاحة:_ ((( طائرة غريبة الشكل.. سوداء اللون. لونها يبعث على الخوف والرهبة.. شكلها أشبه بطائر أسطوري كبير يريد أن ينقض على فريسة..)))) ((( ( بكل وضوح رأيت جنديين يرتدينا الملابس العكسرية الكاملة أحدهما يضع رجله خارج ا طائرة بينما يثبت رجله الأخرى في جانب الطائرة. نفس المشاهد التي نراها في الأفلام الحربية..). (كنت أرى بكل وضوح آلة دائرية تشبه "البكرة" بجوار الجندي بينما أمسك بيده على مدفعه مصوباً نحو الأرض..) {الجندي كان يلبس حذاءً عسكرياً طويلاً بوت) ويرتدي قناعا} (في لحظة انطلق صاروخ من الطائرة نحو الشارع أمامي مباشرة.. الصاروخ أصاب الجانب الذي يقع في طريقي مباشرة. ولم يصب السيارة (السوناتا) التي كانت قريبة من الصاروخ لكنها في الجانب الآخر من شارع الأسفلت ثانيا ((( وأطلقت قذائف تجاهها (تمتلك الصحيفة إحداها لم تنفجر ))) حسنا إذا الصحيفة تمتلك أدلة جنائية في غاية الخـطورة لم تسلم للمراكز والمعامل الجنائية ولم يحدد حتي هذه اللحظة طبيعة وخطورة الموادالتي تحويها ! .......... 000الاسلحة المستخدمة صواريخ ومدافع ! وإطلاق النار كان يتم بصورة يدوية بواسطة جنود! .......... ((( يواصل محمد روايته المثيرة (في اللحظة التي أدرت فيها مقود الشاحنة للخروج من الشارع كان في طرف الشارع جسر صغير.. تدحرجت الشاحنة من فوقه إلى الأرض وانقلبت رأساً على عقب كل هذا حدث في ثواني معدودات..). (لم أصب بأي جرح يذكر.. بعض خدوش.. وتمكنت من الخروج من السيارة بسرعة.. لأشاهد اللحظات المرعبة..) )))) ( ... إنقلبت شاحنة محمد البلة رأسا علي عقب بعد أن تحدرجت من فوق الكبري ومع هذا لم يهتم محمد البلة بسلامته الشخصية وحالة شاحنته المقلوبة علي الارض ومحتوياتها وفضل المضي لمواصلة مشاهدة مارثون إطلاق المدافع والصواريخ المتواصل علي السنواتا ! ....... طائرة الاباتاشي تهبط علي الارض ((( أ لقى نظرة من موقعه في الهيلكوبتر وهي جاثمة على الأرض.. ولم يستغرق ملامستها لسطح الأرض سوى ثوانٍ قليلة ثم عاودت الارتفاع تدريجياً ))) ........... تري هل كان الطريق خاليا وقتها الا من السوناتا وتانكر محمد البلة ? لم يشاهد أي أحد غير محمد البلة هبوط الطائرة وإطلاق الصواريخ والمدافع من نافذة الطائرة والجنود بأسلحتهم وبكراتهم علي جوانب الطائرة ! أو منظر الجندي وهو يهبط علي الارض ليتأكد من دقة إصابة الهدف !!
Post: #77 Title: Re: غارة بورسودان رواية شاهد شاف كل حاجة Author: كمال عباس Date: 04-19-2011, 10:25 PM Parent: #76
............
Quote: وقال سائق تانكر غاز- فضل حجب اسمه ;;;;;;;;!!! محمد البلة (29) عاماً.. مواطن بسيط
...........
Quote: وأطلقت عليها رشقة من مدفع رشاش ثقيل (توجد إحدى الطلقات لدى الصحيفة) .........
Quote: ,,,, لكن الطائرة الأباتشي استدارت فوق شاحنة الغاز واتجهت ناحية السوناتا ونزل بالتدريج نحو السيارة ثم نزل منها جندي
....... (محمد البلة (29) عاماً.. مواطن بسيط يعمل سائقاً لشاحنة ) ,,,,,,,,, المواطن البسيط محمد البلة (29) عاماً يتحول لراوي أدبي في قمة الفصاحة:-
Quote: طائرة غريبة الشكل.. سوداء اللون. لونها يبعث على الخوف والرهبة.. شكلها أشبه بطائر أسطوري كبير يريد أن ينقض على فريسة
.. ..........
Quote: بكل وضوح رأيت جنديين يرتدينا الملابس العكسرية الكاملة أحدهما يضع رجله خارج الطائرة بينما يثبت رجله الأخرى في جانب الطائرة. نفس المشاهد التي نراها في الأفلام الحربية..). (كنت أرى بكل وضوح آلة دائرية تشبه "البكرة" بجوار الجندي بينما أمسك بيده على مدفعه مصوباً نحو الأرض..) {الجندي كان يلبس حذاءً عسكرياً طويلاً بوت) ويرتدي قناعا} (في لحظة انطلق صاروخ من الطائرة نحو الشارع أمامي مباشرة.. الصاروخ أصاب الجانب الذي يقع في طريقي مباشرة. ولم يصب السيارة (السوناتا) التي كانت قريبة من الصاروخ لكنها في الجانب الآخر من شارع الأسفلت.
ثانيا
Quote: وأطلقت قذائف تجاهها (تمتلك الصحيفة إحداها لم تنفجر....
........... حسنا إذا الصحيفة تمتلك أدلة جنائية في غاية الخـطورة لم تسلم للمراكز والمعامل الجنائية ولم يحدد حتي هذه اللحظة طبيعة وخطورة الموادالتي تحويها ! .......... الاسلحة المستخدمة صواريخ ومدافع ! وإطلاق النار كان يتم بصورة يدوية بواسطة جنود! ..........
Quote: يواصل محمد روايته المثيرة (في اللحظة التي أدرت فيها مقود الشاحنة للخروج من الشارع كان في طرف الشارع جسر صغير.. تدحرجت الشاحنة من فوقه إلى الأرض وانقلبت رأساً على عقب.. كل هذا حدث في ثواني معدودات..). (لم أصب بأي جرح يذكر.. بعض خدوش.. وتمكنت من الخروج من السيارة بسرعة.. لأشاهد اللحظات المرعبة..) (
....... إذاإنقلبت شاحنة محمد البلة رأسا علي عقب بعد أن تحدرجت من فوق الكبري ومع هذا لم يهتم محمد البلة بسلامته الشخصية وحالة شاحنته المقلوبة علي الارض ومحتوياتها وفضل المضي لمواصلة مشاهدة مارثون إطلاق المدافع والصواريخ علي السنواتا ! ....... طائرة الاباتاشي تهبط علي الارض
Quote: ألقى نظرة من موقعه في الهيلكوبتر وهي جاثمة على الأرض.. ولم يستغرق ملامستها لسطح الأرض سوى ثوانٍ قليلة ثم عاودت الارتفاع تدريجياً
.. ........... تري هل كان الطريق خاليا وقتها الا من السوناتا وتانكر محمد البلة ? وبذا فات علي الجميع مشاهدة هبوط الطائرة وإطلاق الصواريخ والمدافع من نافذة الطائرة والجنود بأسلحتهم وبكراتهم و الجندي الذي قفز علي الارض ليتمكن من أن دقة إصابة الهدف ? ......
Post: #78 Title: Re: غارة بورسودان رواية شاهد شاف كل حاجة Author: showgi idriss Date: 04-19-2011, 10:32 PM Parent: #76
بالجد كدا بوست "يمتع" قطع مصارينا بتاع التيار والتيارة والتنكر التاير
احلى واجمل قصة نستنا "غزو اسرائيل لي السوناتا" ونستنا هم الحدود المكشوفة ودور ومسئولية حكومة الانقاذ في حماية حمى الأوطان والمواطن ومن السئول
وقبل ما اكتب اي تعليق بالله الناس البدققو يعرفو انو كيبورداتنا الحروف متلاصقة ولا حرمة لاي حرف بس بندوس والتجى تجى هسع المقال دا كلو ما "دواس" القال ليهم بغم منو غير المابفوتو الهواء من الناموسية سودانيز دوت كوم فيها هؤلاء
الله بكون في عون التيار
ود مرغني حاججتنا والله
كلامك دا ممكن يكون صاح
كدي عيد لينا اخراج للفلم دا لو كنت انت الكاتب "تخيلاً"
كدا بنطلب ليك سماح من عزوز لتعتقك من هول ما "جندرت"
بجيكم وسلمو لي على الذي لم يرغب بكشف اسمو وصاف البوت
Post: #79 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-20-2011, 07:48 AM Parent: #78
علي يا عمكـ .. ما دام القصة جابت حلايب يبقى زولكم العمل الصياغة دي راكب فيل ماف أي شكـ!
ساهر بينا ياخ!
Post: #80 Title: Re: غارة بورسودان رواية شاهد شاف كل حاجة Author: نور الدين عثمان Date: 04-20-2011, 08:12 AM Parent: #79
الصايم ياعمك امس كلمك على من جريدة التيار الليله حايكلمك بله سيد التنكر شخصيا ... بالله صحى لينا الفاضلة عزاز وعلى كمان حايكون قريب .
Post: #81 Title: Re: غارة بورسودان رواية شاهد شاف كل حاجة Author: وائل فحل Date: 04-20-2011, 08:49 AM Parent: #80
سلامات للجميع
مدى طيران الاباتشي هل يسمح لها بالتحليق من اسرائيل حتى السودان ثم العودة مرة اخرى ؟ حسب المعلومات ان اقصى مدى للطائرة بخزان الوقود الداخلي هو 481 كلم ... يمكن تركيب خزانات اضافية ولكن هذا لا يعني استعمال الاباتشي في عملية طويلة المدى كهذه ... مع العلم انه لا توجد معلومات ان لاسرائيل قواعد قريبة من السودان .
بالاضافة الى انه لا يمكن ان يطلق الجندي النار بشكل يدوي من الاباتشي او ان يكخرج رجله من الطائرة وغير ذلك من الخرافات التى وردت فى التقرير ... لان طبيعة الاباتشي هي آلية بشكل كامل لا مجال للتنشين اليدوي ... انتو فاكرينو عايز يصطاد (ود ابرق ) بي (نبلة) ؟ !
قد يقول سائق التانكر ما يريد ولكن يجب على الصحيفة طبعا ان لا تنشكر كل ما يقال ...
Post: #85 Title: Re: غارة بورسودان رواية شاهد شاف كل حاجة Author: سيف النصر محي الدين Date: 04-20-2011, 09:16 AM Parent: #81
بعيدا عن الاباتشي و الشاب بله سائق التانكر و بعيدا عن الصحافة السودانية
Quote: لا عليك الله وبالجد كدا دي صحيح صورتك... اذا كانت الاجابة نعم فانا اسحب كل مداخلاتي والتيار غلطانة والقصة مضروبة وكمان حلايب مصرية
هذا الاقتباس يؤهل الأخ علي مرغني لتولي منصب"البكاي الاعظم" بكل ارتياح.
Post: #86 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-20-2011, 09:45 AM Parent: #85
غايتو وائل فحل أداكم بيان بالعمل لكيفية هبوط الأباتشي .. سواء في الأرض أو البوست!!
Post: #87 Title: Re: غارة بورسودان رواية شاهد شاف كل حاجة Author: نور الدين عثمان Date: 04-20-2011, 10:24 AM Parent: #86
شكرا وائل فحل على المعلومات القيمة والتى من خلالها يمكن معرفة الكثير ولكن من مراجعة ما حدث للسوناتا ورواية اخونا بله ربما الطائرة المستخدمة هنا ليست اباتشى وربما هيلوكوبتر عادية لانو لو لاحظت انه قال شاف بوت العسكرى الضرب السوناتا ...
Post: #109 Title: Re: غارة بورسودان رواية شاهد شاف كل حاجة Author: GAAFER ALI Date: 04-20-2011, 02:50 PM Parent: #86
طاائرات الاباتشي هي من أكثر نظم الاسلحة تعقيدا واستخداما للتكنلوجيا الذكية لديها طاقم من اثنين ولا تحمل جنودا في الخارج يدلدلون أرجلهم في الهواء تبلغ سرعتها 330 كيلو في الساعة. اسرائل استلمت حصتها من هذه الطائرات من شركة بوينج سنة 2005 ونسخ اخري معدلة بعد ذلك وإسرائيل تقوم بإدخال تعديلات علي قوام الطائرات والتكنلوجيا التي تناسب البيئة العملياتية في محيطها. لا يحتاج افراد طاقم الطائرة الي الهبوط للتأكد من إصابة الهدف او حتي تحديده. الطائرة مزودة بنظام فلاش للتحسس (Flash Detectors) وهذا النظام يقوم بالكشف في ثواني عن نوعية النيران المستخدمة من قبل العدو ويحدد مواقعها (Ground Fire Accquision System) الجيل المستخدم حاليا من الاباتشي يعتمد بشكل اساسي علي الرسم الالكترني للأهداف (Imaging) ولديها القدرة علي استقبال صور الفيديو المرسلة من طائرات الاستطلاع من غير طيار (Drones) ولديها مناظير وأجهزة بصرية للرؤية المباشرة (Imaging Sights and Direct View Optics) ومن الإمكانيات البناية الأخري: 16 صاروخ ذكي موجه يعني بامكان الطاقم مشاهدة الهدف والتأكد من تدميره تماماً والصورة الحية تشاهدها غرفة العمليات في اسرائيل مع ألونسة مع الطيار وتهنئته بالنجاح واصدار الأوامر له بالعودة فورا. 7 قذيفة صاروخية مدفع رشاش بسرعات اقرب الي الخيال. 4 صاروخ جو جو أضاف الي الرؤية الليلية وإمكانية إتمام كافة العملية في الظلام الدامس مع تفادي الرادار. استطاعت اسرائيل إرسال صاروخ لإصابة الشيخ ياسين رحمه الله وهو في كرسي الإعاقة دون احداث أضرار تذكر بما حواليه. من يقول ان الطيار هبط لإلقاء نظرة والتأكد من إصابة الهدف او ان الطائرة hoovered حول الهدف او ان الاباتشي كانت تحمل جنودا مدليين أرجلهم من الطائرة هذا بلا شك خيال خصب تنقصه الدراية. واعجب للصحيفة التي لم تكلف نفسها عناء كشف الأقوال واختبارها مع ابسط الحقائق. اسرائيل تقوم بحصد نشطاء حماس بصورة يومية من السماء دون الحاجة الي الاقتراب من تراب غزة فلماذا تخطئ الهدف ثم تهبط طائراتها (الطائرة لا حول لها ولا قوة وهي جاثمة) وهي علي بعد الف ميل من ارضها ومحيطها العملياتي. جنرال إسرائيلي يتصرف بهذا الشكل مصيره المسآلة والشارع والفصح خاصة لو حدث ما لم يكن في الحسبان.
Post: #88 Title: Re: غارة بورسودان رواية شاهد شاف كل حاجة Author: عزاز شامي Date: 04-20-2011, 10:27 AM Parent: #1
UPtodate
__________ تحياتي استاذ نورالدين و اعفي لينا الانقضاض كطائر على البوست
Post: #89 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-20-2011, 10:50 AM Parent: #88
ما دام عُزاز انقضت على البوست كطائر (الأباتشي) فخلوني أقلب ليكم البوست دا وأقعد أتفرّج في ضلو!!!
Post: #90 Title: Re: غارة بورسودان رواية شاهد شاف كل حاجة Author: HAIDER ALZAIN Date: 04-20-2011, 10:53 AM Parent: #88
Quote: UPtodate
ماعارف لكن حاسي انه الاستاذة عزاز شامي معصورة ...... والله صحي ـــــــــــ عصرة محس في حلل فلاتة...
Post: #93 Title: Re: غارة بورسودان رواية شاهد شاف كل حاجة Author: خالد أحمد شطة Date: 04-20-2011, 11:16 AM Parent: #90
Quote: مقال خبر تحليل رأي تخصص حربي خواطر و كمان أدب بوليسي؟
Quote: (توجد إحدى الطلقات لدى الصحيفة)
سلام ياعزاز الله يخليك ويدك الفي نيتك ياغالية
اخونا وائل ماقصر مع الجماعة جابها بكتاحتها عديل. المحترم نور الدين تحياتي طلب ممكن تقول للأستاذ علي مرغني يطل علينا ؟ وبعدين اخوي ودالصائم قطع مصارينا شوف يارجل ماتستخف ؟؟؟؟
Quote: تنسف كثيراً من الرويات المتبادلة بما فيها توقيت الغارة نفسه..
Quote: وفقا لـصحيفة "التيار" التفاصيل الدقيقة لغارة بورتسودان من ALRASID في 13 أبريل، 2011، الساعة 03:26 مساءً
Post: #99 Title: Re: غارة بورسودان رواية شاهد شاف كل حاجة Author: فايزودالقاضي Date: 04-20-2011, 11:51 AM Parent: #90
ما زاد البوست متعة تمتع الاخت عزاز باجازتها السنوية ههههههه
Post: #91 Title: Re: غارة بورسودان رواية شاهد شاف كل حاجة Author: عزاز شامي Date: 04-20-2011, 11:06 AM Parent: #1
صباح يا عليم فتاح يا كريم نرش المية و نرص الكراسي و نقلب كام تنكر علشان الضل لووووووولز دي تورية مامطاعنة يا بله، ما تتحسس
______________ بحسب ترزي صحيفة التيّار:
Quote: كشف شاهد عيان لـ (التيّار) لحظات قصف الطائرة الإسرائيلية للعربة السوناتا مساء الثلاثاء الماضية. وقال سائق تانكر غاز- فضل حجب اسمه- أنّه شاهد الطائرة الهلكوبتر الإسرائيلية (اباتشي) وهي قادمة من البحر الأحمر
Quote: فجأة لمحت في الأفق طائرة غريبة الشكل.. سوداء اللون. لونها يبعث على الخوف والرهبة.. شكلها أشبه بطائر أسطوري كبير يريد أن ينقض على فريسة..
بحسب اسياد الشيء ذاتا: AH-64D Apache Longbow AKA "Saraf" المصدر
لونها ولا اسود زاتو و (حجب فضل اسمو) قال سوداء .. الاسود غيروهو؟ موش قال السما صافية؟ وتيب؟ بالله الاباتشي/الرقشة الفاتحة بالجنبات بتشيل ليها زول شايل مدفع؟ وباقي الرشاشات التحت ديل بتعمل في شنو؟ بترش صندلية؟
كتب الاستاذ نور الدين:
Quote: شكرا وائل فحل على المعلومات القيمة والتى من خلالها يمكن معرفة الكثير ولكن من مراجعة ما حدث للسوناتا ورواية اخونا بله ربما الطائرة المستخدمة هنا ليست اباتشى وربما هيلوكوبتر عادية لانو لو لاحظت انه قال شاف بوت العسكرى الضرب السوناتا ...
انا نفسي بس اعرف النصيبة الجات ضربتنا في نص بلدنا دي كانت شنو؟ قالو بتقطع بنزين وما بتقدر تواصل المشوار عاد دي إلا ينفيها لينا زول عندو طرمبة في طريق بورتسودان-الخرطوم! يا ناس التيّار شدو حيلكم! وضربتنا ليه؟ غير مبررات قائمة الارهاب و الكباب ولا مشينا نصلي، ما عندنا دفاعات أرضية لا هناي (غير الهناي الوزعوها على الحدود)؟ يعني لا الصحافة تعرفها لا محمد البله لا وزير الدفاع لا التيار؟ نمشي لودّاعية يعني؟ ما قدر حماية البلد، قولوها ياخ بس كضب وخواطر افيال، لأ!
_______________ ود الصايم فضل حجب اسمه (52 سنة) - امنع الفوضى وأمن البوست علشان البنزين ما يختلط بالارض الصلبة و الحصحاص
بعدين العسكري بكون طلّع البوت بالشباكـ ياخ! ما تتمسكي شديد في الموضوع دا!!
_ عاد هي ماااا صلصة!!
Post: #94 Title: Re: غارة بورسودان رواية شاهد شاف كل حاجة Author: نور الدين عثمان Date: 04-20-2011, 11:22 AM Parent: #92
(تحياتي استاذ نورالدين و اعفي لينا الانقضاض كطائر على البوست) بالعكس اختى الغالية عزاز فلولاك لما خرجت كل هذه الدرر فى القول والمضامين البين السطور فانا سعيد بيك وبكل الموجودين : ود الصايم سيف النصر حيدر الزين وعلى ميرغنى وود القاضى مع ودى واحترامى لكل البيجاى دون فرز.
Post: #95 Title: Re: غارة بورسودان رواية شاهد شاف كل حاجة Author: خالد أحمد شطة Date: 04-20-2011, 11:23 AM Parent: #92
ودالصائم عزاز جابتها طايره فوق عشان كدا مابتشوف البوت الترزي قاليكم بله شافها علي ارتفاع مترين من الارض يعني ( حديه ) ههههههههههههههههههه مودتي
Post: #96 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-20-2011, 11:28 AM Parent: #95
يا شطة .. ما تنسى إنو عمكـ البلة كان سايق تنكر بتاع غاز .. والغاز دا أخفّ من الأوكسجين .. فاحتمال يكون ارتفع بيهو شوية كـدا لحدي ما شاف البوت .. وهدوم الشُفع!!
_ مالكم بقيتو حكاكين كـدا ياخ!!
Post: #97 Title: Re: غارة بورسودان رواية شاهد شاف كل حاجة Author: HAIDER ALZAIN Date: 04-20-2011, 11:46 AM Parent: #96
Post: #98 Title: Re: غارة بورسودان رواية شاهد شاف كل حاجة Author: خالد أحمد شطة Date: 04-20-2011, 11:50 AM Parent: #96
Quote: كان سايق تنكر بتاع غاز .. والغاز دا أخفّ من الأوكسجين .. فاحتمال يكون ارتفع بيهو شوية كـدا لحدي ما شاف البوت .. وهدوم الشُفع!!
ههههههههههههههههههههههه الله يجازي محنك يادوالصائم ياخوي يعني بقا التنكر دي شحنتو بقت ساني أكسيد المنقنيس؟؟؟ وهدوم الشفع دي شافهاكيف كان معاهو كلسكوب وله دربيل؟؟ هس الجماعة يشوفو مداخلتك دي ويزيدو الروايه شمار تاني مودتي
Post: #101 Title: Re: غارة بورسودان رواية شاهد شاف كل حاجة Author: Hassan Makkawi Date: 04-20-2011, 12:49 PM Parent: #98
Quote: بالمناسبة نحن في التيار نهتم جدا بالنقد بغض النظر عن راينا فيهو
بالمناسبة نحن فى التيار نهتم جدًا بالفولت العالى بغض النظر عن راينا فيهو
يا عمك الكلام دة تقوقوهوا لى زول ما عندو أباتشى.......
Post: #100 Title: Re: غارة بورسودان رواية شاهد شاف كل حاجة Author: عزاز شامي Date: 04-20-2011, 12:13 PM Parent: #1
Quote: بعدين العسكري بكون طلّع البوت بالشباكـ ياخ! ما تتمسكي شديد في الموضوع دا!!
انا كمواطن بلدي في السهلة عادي ممكن اقتنع، بس انت اقنع العسكري اوكي ... العكسري مرق البوت من الشباك .. البنى آدم الطبيعي ليهو جنبتين؟ صح؟ امسك عندك جنبة البوت .. فاضل كام جنبة؟ واحد؟ اهاااااا ياتو جنبة الشافاها محمد بله و تدلى منها مدفع؟
نفس الجنبة؟ ولا العسكري كان ملطع البوت و بيلف زي عمود الشاورما في الشباك؟
احكم انت وانا راضي يا سعادتك ...
ود القاضي ما ماخدة اجازة، اها انجهونا ولحقونا السوناتا دي من غير اجازة .. سمعت نكتة (دي الحالة من غير وضوء) ؟ بس! كوبي بيست دليت أنا لو اجزو لي،،، إلا تأجزولن (ناس التيّار و سوّاقين التناكر في الخط) لوووووووول
Post: #102 Title: Re: غارة بورسودان رواية شاهد شاف كل حاجة Author: Mohammed Awad Date: 04-20-2011, 01:11 PM Parent: #100
انا شايف انو لو عصرو على محمد البلة دا او الفضل حجب اسمو يمكن يتذكرو المقاس بتاع البوت... بعد داك الحكومة تعمل برقية عاجلة للجيش الاسرائيلى يطلعوا لستة بالعساكر اللابسين من المقاس القالو بلة بعد داك يشوفو من ال Log Book بتاع الطيارات الكانت شغالة نبطشية فى اليوم داك كم زايد العساكر الكانو مناوبين.... احتمال كبير الزول الكان لابس البوت دا يكون كمسارى الطيارة طالما البلة شافو نص برة ونص جوة
Post: #103 Title: Re: غارة بورسودان رواية شاهد شاف كل حاجة Author: فايزودالقاضي Date: 04-20-2011, 01:33 PM Parent: #102
فووووووووق حتى يصل البوست علو الاباتشي ويتحقق من البوت ...
Post: #104 Title: Re: غارة بورسودان رواية شاهد شاف كل حاجة Author: عزاز شامي Date: 04-20-2011, 01:40 PM Parent: #102
Quote: احتمال كبير الزول الكان لابس البوت دا يكون كمسارى الطيارة طالما البلة شافو نص برة ونص جوة
محمد عوض ... كلامك الأخير ده منطقي جدا ألف ألف مبروك وشكرا ليك وكل سنة وانت طيب الموضوع ده حقو يتحول لوزارة المواصلات بعد ده
__________ تم قلب البوست في حينه وتوزيع قيمة الظل على المساهمين على المشاركين المتدلين النزول من الفيل علشان نقرّشو للمقالة الجاية
Post: #105 Title: Re: غارة بورسودان رواية شاهد شاف كل حاجة Author: سيف النصر محي الدين Date: 04-20-2011, 02:07 PM Parent: #104
كامل التضامن مع بله الذي فضَل حجب اسمو و بالرغم من كده ناس الجريدة كسروا الحجب و ختوا اسمو في السهلة و على قارعة الطريق و الاسفير.
Post: #106 Title: Re: غارة بورسودان رواية شاهد شاف كل حاجة Author: willeim andrea Date: 04-20-2011, 02:15 PM Parent: #105
Quote: ما دام عُزاز انقضت على البوست كطائر (الأباتشي) فخلوني أقلب ليكم البوست دا وأقعد أتفرّج في ضلو!!!
غايتو يا عمك .... ما بسالك ... قلته كيف ... تتفرج في ضلو!!!
النجيضه
من الفيل
:)
Post: #107 Title: Re: غارة بورسودان رواية شاهد شاف كل حاجة Author: willeim andrea Date: 04-20-2011, 02:16 PM Parent: #105
Quote: ما دام عُزاز انقضت على البوست كطائر (الأباتشي) فخلوني أقلب ليكم البوست دا وأقعد أتفرّج في ضلو!!!
غايتو يا عمك .... ما بسالك ... قلته كيف ... تتفرج في ضلو!!!
النجيضه
من الفيل
:)
Post: #108 Title: Re: غارة بورسودان رواية شاهد شاف كل حاجة Author: Mohammed Awad Date: 04-20-2011, 02:26 PM Parent: #104
Quote: محمد عوض ... كلامك الأخير ده منطقي جدا ألف ألف مبروك وشكرا ليك وكل سنة وانت طيب الموضوع ده حقو يتحول لوزارة المواصلات بعد ده
والله الشهادة لله ياعُزاز بوست زى دا يبدا بى أباتشى وينقلب تنكر وتحرق سوناتا وبعد دا كلو بلة جلة!!! دا مفروض يمشى ارشيف الجزيرة الوثائقية ويُدرًس على مر السنين الجاية فى كل المدارس على خط الخرطوم بورتسودان عشان تانى لما يشوفوا البوت يتأكدوا منو كويس
--------- انا لو محل على ميرغنى دا ياعُزاز كان جبت ليك كوم لحمة يقع فيك العدو ياخ انتى ود الصايم
Post: #110 Title: Re: غارة بورسودان رواية شاهد شاف كل حاجة Author: كمال عباس Date: 04-20-2011, 04:02 PM Parent: #108
ود البلة ليهو حق!!
قصة محمد البلة وبيان رئاسة الشرطة حول الحادثة !! بيان مقتضب للشرطة السودانية:-
Quote: "اصيبت سيارة مدنية على الشارع الرئيسى لمدينة بورسودان بصاروخ مجهول انطلق من داخل البحر الاحمر ، وقد وجدت جثتين متفحمتين داخل السيارة".
Quote: وقال المتحدث باسم الشرطة أحمدالتهمي لرويترز "أصاب صاروخ مجهول المصدر السيارة على الارجح." وكان قد قال في وقت سابق لمحطة اذاعة محلية ان الصاروخ أطلق على الارجح من البحر الاحمر.
http://www.masrawy.com/news/midEast/reuters/2011/April/6/4438309.aspx دي تصريحات وحال الجهات الرسمية في السودان !! التصريحات بتذكرنا بتصريحات البشير عقب ضربة الشفاء والتي ذكر فيها أن المصنع ضربته طائرات شوهدت بواسطة نسوان بمنطقة الحاج يوسف !! وفي خطاب آخر نسوان بربر !! ....... حكومة ماقادرة تحمي ترابها وأجواءها البوديها تتشلاق شنو? حكومة مخترقة وأسرارها ومعلوماتها في السهلة وبعد دا عايزا تمشي تتشوبر !! ياأخي دي الضربة التالتة وبرضو الجماعة ماعايزين يتوبوا ! إسرائيل لاتضرب السلاح في إيران أو في البواخر - لصعوبة الحصول علي المعلومات وللخوف من نتائج الضربات ولكنها تطبق الضربة فوق الضربة في البلد الهاملة دي! ... بلد قواتوا وسلاحو موجه ضد الابرياء والعزل من مواطنيه ومكفوف ومكتف من مواجهة الإحتلالات والاعتداءات الخارجية !! يا زول أقيف القصة ما قصة ود البلة وتا نكر ود البلة!! ! القصة قصة بلد حاميها ( حراميها ) والمتحكم فيها إمثال ( البشير وعبد الرحيم حسين ونافع ) ..أسد علي وفي الحروب نعامة رقطاء تجفل من صفير الاباتشي ! .... وبالطريقة حماس زاتا حا تغير رايها في الحكومة لأنو السودان أصبح نقطة الضعف الوحيدة في محطات تهريب الاسلحة ! ....
Post: #111 Title: Re: غارة بورسودان رواية شاهد شاف كل حاجة Author: Hassan Makkawi Date: 04-20-2011, 06:41 PM Parent: #110
Quote: كامل التضامن مع بله الذي فضَل حجب اسمو و بالرغم من كده ناس الجريدة كسروا الحجب و ختوا اسمو في السهلة و على قارعة الطريق و الاسفير.
Post: #112 Title: Re: غارة بورسودان رواية شاهد شاف كل حاجة Author: عزاز شامي Date: 04-20-2011, 07:40 PM Parent: #1
المؤلم يا اخ كمال عباس برغم كل الاسئلة الاستنكارية الكوميدية التي طرحناها هنا في شكل وردة أن الصحافة السودانية الموجهه تحاول لاسبغاء صفة القصص البوليسية في حادثة تمس عصب السيادة للدولة .. لا يهمني شكل طائر الرخ الذي عبر الاجواء السودانية بقدر ما يهمني غياب اي ردة فعل دفاعية في حين لا تتورع السلطات عن فض اي اعتصام سلمي او ان تلاحق بسطات الامن الشامل بنطلون بنت حايم! الصحافة التبريرية دي بتستخف بالعقول و ختينا ليها السم القدر عشاها ... كانو يكتفوا بالتبريرات الفطيرة عبر وزير الدفاع بس ما يحاولو يستغفلوا العامة بقصص بوليسية علشان تنسى عصب القضية وهي انو اجواءنا مفتوحة ودفاعاتنا لا تملك رد باعوضة ناهيك عن اباتشي فيها جندي لابس بوت!!
والله يا محمد عوض قطيع بقر ما ببرد بطني من المغسة خليك من كيلو لحمة
___________ التعديل اباتشي طش مني 3 مرات
Post: #113 Title: Re: غارة بورسودان رواية شاهد شاف كل حاجة Author: عمر دفع الله Date: 04-20-2011, 09:50 PM Parent: #112
Quote: فعلا يا عـزوز .. شاهد عيّان ليس إلا!! وما أعى منه إلا من أجاز نشر المادة!!
والله حرام عليك يا ودالصايم خربت لناس التيار قصتهم الخيالية دى.
مثل هكذا قصص تسرى بين البسطاء كالنار فى الهشيم .
الله إجازى محنك .....
Post: #121 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-23-2011, 08:43 AM Parent: #113
Quote: والله حرام عليك يا ودالصايم خربت لناس التيار قصتهم الخيالية دى.
عمر دفع الله يا عمكـ (التيار) دايرين يشيلونا ساي ياخ!ّ وبعدين الواحد زمان متعوّد يقرا أدهم صبري في جرّه واحدة بس .. أها القصة دي ما قدرت أقيف كلو كلو!!
زي لما تبطل سجاير فترة طويلة وتاني تاخد ليكـ نفس!!
Post: #114 Title: Re: غارة بورسودان رواية شاهد شاف كل حاجة Author: عزاز شامي Date: 04-21-2011, 06:49 PM Parent: #1
"We'll fly up high and touch the sky"
ليظل الابتاشي محلقاً في السموات العُلا
Post: #115 Title: Re: غارة بورسودان رواية شاهد شاف كل حاجة Author: gessan Date: 04-22-2011, 08:44 AM Parent: #114
سلامات يا شباب..
أعرف أحداً من شهود العيان.الذين كانوا حضوراً "للفيلم" الحصل في بورتسودان.!!!! يعني شاهد الموضوع قدامو.
كل الذي أستطيع قوله لكم..أن الذي ورد في حديث شاهد العيان كل الذي قاله يتطابق علي الأقل (الجزء الهام فيه) مع حديث شاهد عيان جريدة التيار.والواردة تفاصيله في هذا البوست. قبل صدور جريدة التيار كنتُ قد سمعتُ من شاهد العيان رواية ما حدث. واهم ما جاء فيه: * الناس الكانوا في العربة نفرين واحد سوداني والتاني اجنبي. * تم ضرب العربة بطريقة دقيقة وأخرجت من الطريق في الجزء الأول من الضربة. * تم إخراج العربة ولم تتأثر بقية العربات في الشارع العربات الجاية من هنا والجاية من هناك. (شاهد العيان ذكر حادثة إنقلاب "شاحنة"، أثناء سرده للموضوع أي أثناء إحتراق العربة. وهو بالمناسبة حتى وصوله لبيته كان يظن ويسال نفسه انه حادث حركة ولكن هناك ضرب من فوق، وطيارة وشغلانة يعني لا يعلم ما حدث بالضبط إلا لاحقاً بعد إستيعابه للاخبار.). * في الجزء الثاني من القصف والعربة خارج الشارع تم قصفها مرة أخرى وبشدة. * ذكر نقطة أنه كان هناك شخص يحترق وهو خارج العربة. * الطائرة لم تغادر حتى تأكدت تماماً من إحتراق الجثث بالكامل._ذكر التحليق المستمر للطائرة). * "الفيلم" إستمر لفترة ليست بالقصيرة، علي الأقل فترة سمحت لبعض الحضور من العربات المارة في تلك الاثناء بالطريق بالتوقف ، ولاحقاً أن تحاول أن تنقذ من هم داخل العربة المحترقة. رغم عدم إستيعابهم لما تم. * كل الحضور كانوا في حالة ذهول في تفسير ما الذي تم امامهم. حادث حركة؟؟ ومادخل الطائرة التي تقذف؟؟ وما حقيقة ما يجري؟؟ عدد كبير من الاسئلة، وهم في بالهم إنقاذ العربة التي تحترق. * بعدها جاءت الجهات الرسمية وتولت الموقع. * الشارع كان مزحوماً في ساعة وقوع الحادثة، مزحوماً لأن اكثر العربات خارجة من المطار بورتسودان والحادث وقع على مقربة من المطار.
يبدو لي أن الوضع في تلك الأثناء من الصعب جداً لاشخاص عاديين تفسيره بسهولة وإستيعابه بسرعة. نعم لن يقوى على إستيعاب مشاهد كهذه شخص عادي وبسهولة. وبالتالي -في ظني -أنه من الصعب جداً الخروج بسرد لتفاصيل ما جرى - او ما يقوله شهود العيان- الخروج بسرد التفاصيل بطريقة تجنبنا سهولة تكذيب قائلها. بل وسهولة التندر بما جاء فيه (كما يبدو في هذا البوست.).
ولكن بشكل عام المتابع لهذا الموضوع.. يجد أن ما قاله شاهد العيان (الذي اوردته جريدةالتيار).هنا -من ناحية اخرى- يتطابق تماماً مع قالته الصحافة الإسرائلية. (في بوست ما وردت تفاصيل خبر للصحافة الإسرائلية وذكروا أن الذي تم أشبه بما يجري في (الأفـــلام). اذكر هذه الكلمة تحديداً "الأفلام". وكذلك ما ورد في الرسالة التي نشرها أخونا خضر عطا المنان في بوست ما هنا. (راجعوا بوستات الاخ عطا المنان عن الموضوع رسالة من بورتسودان).
انا شخصياً لما شاهد العيان التي أعرفه حكى هذه القصة، ورغم التفاصيل الاقرب للفيلم السينمائي. لكن كنت متأكد تماماً أن الحكومة لن تتحدث عن التفاصيل. لأن فيها ما يفضحها تماماً.
اتفق مع الجميع أن طريقة السرد التي تمت لأقوال شاهد عيان جريدة التيار، تبدو أقرب للخيال. ولكن بكل أسف جزء كبير من أقواله سمعتها من قبل صدور جريدة التيار. سمعتها من شاهد العيان، حين كان الناس "يحمدلون" له السلامة أن خرج هو ومن معه من حادث موت محقق..!!!
في ظني أن الأهم -من التكذيب أو التندر باقوال شاهد عيان جريدة التيار - الأهم هو: أن كثير من الدلائل تشير الى حدوث "فيلم" في بورتسودان. الحقيقة المرة هي أن إسرائيل نفذت مهمة دقيقة جداً، ولكن نفذتها كما لو أنها تمرين عادي. الحكومة لن تعترف إطلاقاً بأن الذي تم على الأرض هو أشبه بالفيلم. لأن ذلك يعني أن الإسرائليين أخدوا راحتهم خااااالص على الأرض. وإستعرضوا تماماً كل قوتهم وكل ما يملكونه من أدوات حرب. (بالمناسبة في موضوع ما للصحافة الإسرائلية -ورد في هذا المنبر- اذكر أن وردت عبارة "رفعت الكاسات في مكان ما" فرحاً بتحقيق المهمة بدقة. يعني الجماعة بشدة ما إتكيفوا من نظافة تنفيذ المهمة "كاساتهم إتطاقشت".. ويا للعار..ويا للعار..
ليس هناك من داعي أن نذكر او نشير الى ما قالته الجهات الرسمية حول الحادث.. لعلمنا التام بإستراتيجيتها في الكذب وقدرتها على قلب الحقائق وطمسها.
اكرر.. لربط أقوال شهود العيان ..راجعوا بوستات خضر عطا المنان، راجعوا بوست آخر ماخوذ من اقوال الصحافة الإسرائيلية-اذكر أنه مترجم من جريدة القدس العربي-المهم وردت فيه عبارة "فيلم" و "إخراج" و"مؤلف"و "كما يحدث في الافلام".او كلمات من هذا القبيل.
تحايا للجميع
Post: #116 Title: Re: غارة بورسودان رواية شاهد شاف كل حاجة Author: GamarBoBa Date: 04-22-2011, 09:31 AM Parent: #115
يا حبيب الا زلت تقرأ هذه الصفحات الصفراء؟؟ إعتقدتك قد ذهبت والي الأبد،مثلك مثل اسامة وصداح وادروب وغيرهم من الاصحاب يا فنان يا فقر اتمناك طيب...ابقوا اظهروا ياعزيز
Post: #119 Title: Re: غارة بورسودان رواية شاهد شاف كل حاجة Author: كمال عباس Date: 04-23-2011, 03:20 AM Parent: #116
Post: #117 Title: Re: غارة بورسودان رواية شاهد شاف كل حاجة Author: عزاز شامي Date: 04-22-2011, 10:51 AM Parent: #1
Quote: في ظني أن الأهم -من التكذيب أو التندر باقوال شاهد عيان جريدة التيار - الأهم هو: أن كثير من الدلائل تشير الى حدوث "فيلم" في بورتسودان.
الاهم فعلا هو فهم سبب التندر من الاساس - وهو ما ظننته لا يخفى على فطنة القارئ - صياغة الخبر. طالما ان الاحداث أقرب للفيلم منه للحقيقة كان من المفروض على الصحافة التي تنقل لنا اقوال الشهود ان تبتعد عن لغة أدهم صبري و ان تشذب الاقوال التي لا تتفق مع قوانين الطبيعة والفيزياء. عشمنا كان في مهنية في الحافة ما دام وزارة الدفاع آثرت الاحتفاظ بحق الرد ... كون ان شاهد جا و روى ما (شاهده) أو ظن انه قد شاهده لا يعطي القصة أي مصداقية، تظل رهن التمحيص ده واحد ... اتنين: تكرارها أو تكرار أي صفة منها كذلك لا يزيد من مصداقيتها ما دامت تتعارض مع اسس العلم البحتة ....
حدوث الفيلم لا يتطلب اثباته سرد وقائع أقرب للكرامات منها للقصف الجوي. المهم ان طائرة اسرائيلية اقتحمت المجال الجوي - بعد ده قصفت بمهارة ما قصفت بمهارة شالت بلد بحالها - دي تفاصيل بتصب في مصلحة تكبير كوم اسرائيل فقط واعتقد ده ما وقتو ... مجالنا الجوي مسؤولية من؟ هنا السؤال. كون اسرائيل هي الضربت ده معناه ضمنيا انو للأمر علاقة بتسليح المقاومة الفلسطينية و بالتالي - دقة الهدف من عدمها برضو ما بتضيف شيء إلا تكبير كوم اسرائيل و قدراتها الحربية -- وده برضو ما وقتو ... حماية مجالنا الجوي مسؤلية منو؟ موش اثبات صحة اقوال الشهود!!
Post: #118 Title: Re: غارة بورسودان رواية شاهد شاف كل حاجة Author: كمال عباس Date: 04-22-2011, 05:37 PM Parent: #117
تحياتي يا أختي المحترمة عزاز ...
Quote: حماية مجالنا الجوي مسؤلية منو؟ موش اثبات صحة اقوال الشهود!!
تعرفي ياعزاز حينما يتعلق الموضوع بروايات ود البلة وماشابهها تفتح صفحات الصحف وتنطلق عقد الالسن ويغرق الناس في تفاصيل القصص ويشارك حتي أذناب النظام وكوادره الخفية والمعلنة في زفة المولد هذه ! فمن ا لواضح أن من مصلحة النظام صرف الناس الي وجهة مثل هذه الروايات والحكاوي لأنها تشغل المواطن عن مواجهة الاسئلة الحارقة والطعن في قلب الفيل والتركيز علي من فرط في البلد وإستباح حرمتها وقدسية سيادتها ( مع التسليم بضرورة التصدي لهذا الاسلوب "بالسم القدر عشاه "وإزالة ركام عويش الأحاجي لنصل بالناس لعمق الازمة ومحركها) .. وما أن ينطلق " مثل" حديثك وحديثي عن إنتهاك السيادة وإستباحة أجواء البلاد وترابها بصور متكرر ة حتي ترفع أقلام البعض وتلجم الالسن ! أين الإعلام والصحافة من التحليل والتناول الجاد لهذه الكارثة ? أين الاعلام من تناول بيان رئاسة الشرطة وحديث وزير الدفاع وبيان الخارجية وهي بيانات إنشائية وغير منتجة ولاتستند علي حقائق مادية ملموسة بل هي أقرب لرويات ود البلة وأدعي للسخرية المريرة من كلامه !!... " إنتي ما قريتي بيان وزارة الخارجية - بتاع خالد موسي ! الود عمل فيها حريف ومطلع ومقرم! شكلوا مشي قرأ ليهو موضوع علي سريع عن Apache Helicopter و Hellfire Missle وشوية كلمات بالإنجليزي وشاف في الحوادث المشابهة الناس بكتبوا شنو وإتجعص و عمل ليهو بيان بإسم الخارجية ! ! أوكي كلنا عارفين أنو إسرائيل هي اللعملتا وأعضاء مجلس الامن عارفين ! ولكن أين أدلتك المادية? - solid evidence علي تورط إسرائيل وين الإثباتات ? لاشي ! كلام إنشائي وإتهامات بلا أرجل ! والكلام دا ما بيأكل عيش في التحقيقات الرسمية !--- هيا أثبت أولا إنها طائرات أباتشي! وإنها إسرائيلية ! من أين أنطلقت ? من حاملة طائرات بارجة /حربية من البر الارتر ي! من خليج العقبة? أو باب المندب ?والي أين طارت بعد الضربة? وحا تعمل أيش مع بيان الشرطة اللي قال إنها مجرد صواريخ إنطلقت من أعماق البحر ! هل تمتلك صور بالاقمار الصناعية لحركة تلك الطائرات ومسارها !حكاية أنو إسرائيل هي الدولة الوحيدة التي تملك هذا النوع من الطائرات في المنطقة كلام بتاع غلاط لايعتد به ! وتخريجة أن بقايا الصاروخ المتفجر تثبت أنو إسرائلي تدي بتفرض الغباء في الاسرائيلين ود في محصلته النهائية سحسب عليك ! ...... أذا ماعندك أدلة إسرائيل حاتضربك دبلوماسيا وتضحك عليك الدنيا!" .........والشاهد في كل هذا إن البيانات الرسمية- مطبوخة بصورةمرتجلة ومتناقضة ... وإن الحكومة أثبتت عجزها التام - عن حماية الاجواء السودانية - ثلاثة غارات إسرائلية وغارات جوية تشادية في دارفور وحالنا علي الارض أسوأ - مصر تحتل / وأثيوبيا تبلع/ وإرتريا تقضم في التراب الوطني والسؤال ماهو مبرر بقاء نظام فشل في المهمة الاساسية لأي حكومة "وطنية":- صيانة التراب والحفاظ علي السيادة الوطنية ! ....والغريب أنو و بينما يفشل في هذا بينما تجد من يسانده - بالدعم المباشر- أو التخذيل- أو التواطئ بالصمت ! أو التذاكي بتحويل الكرة والإتهام لملعب المعارضة لماذا يشمت فلان وفلان في ضعف الحكومة أمام الخارج ! ........
Post: #120 Title: Re: غارة بورسودان رواية شاهد شاف كل حاجة Author: محمد عبد الماجد الصايم Date: 04-23-2011, 07:20 AM Parent: #118
غايتو المُدهش أكتر من الأباتشي دي تعديلات عُزاز الفاتت فيها كمال عباس!!
Post: #123 Title: Re: غارة بورسودان رواية شاهد شاف كل حاجة Author: على ميرغني Date: 04-23-2011, 11:42 AM Parent: #118
برضو ماعايز ادافع عن التيار.. لكن المفروض انو الناس تقراء الجريدة ككل متكامل ... والشئ الصعب ايرادو في الخبر ممكن الناس تلقاهو في صفحات تانية ... عموما شخصيا علقت على تصريحات السيد وزير الدفاع في البرلمان بعد ضرب السوناتا.. بس زي ما قلت ليكم انو معظم المتداخلين في البوست دا قروا الشئ الجاهم عبر الايميل او الانكتب في البوست دا.
Quote: تصريحات وزير الدفاع في البرلمان العذر الأقبح من الذنب كتب: علي ميرغني عقب غزو قوات العدل والمساواة لمدينة أم درمان عام 2008م استدعى البرلمان السيد وزير الدفاع الفريق أول عبد الرحيم محمد حسين، ويبدو أن الاستدعاء كان (كلام والسلام) ذلك لأن إفادات وزير الدفاع لم تكن مقنعة على كل المقاييس إن كانت عسكرية بحتة أو عامة. ولم يحاول السادة نواب البرلمان تفنيد مبررات وزير الدفاع رغم أن بعض النواب يحملون رتباً عسكرية رفيعة وهم بالضرورة يعلمون أن إفادات الفريق أول عبد الرحيم غير مقنعة. أولاً لأنه ذكر أن القوات المسلحة تستخدم عتاداً من عهد الحرب العالمية الثانية، ونسي عبد الرحيم أنه قبل أقل من شهرين من حادثة الغزو كان يتحدث عن أن القوات المسلحة أصبحت تصنع كل الأسلحة التقليدية بل حتى الطائرات بدون طيار، أما الطامة الكبرى فكانت عندما قال إن القوات المسلحة اتخذت شارع الأربعين خط دفاع، وبالتأكيد لا يوجد خط دفاع لا يستند على مانع سواء كان مانعاًً طبيعياً كنهر النيل مثلاً أو مانعاً صناعياً كقناة السويس مثلاً، ولا يعقل أن يكون خط الدفاع هكذا في الهواء الطلق لأن القوات الغازية يمكن تفادي هذا الخط والالتفاف حوله وهو ما حدث وتمكنت قوات خليل من الوصول إلى ما وصلت إليه. وفي تبريره لحادثة قصف السيارة المدنية مساء الثلاثاء الماضي تحدث الفريق أول عبد الرحيم عن أن الطائرات الإسرائيلية قامت بالتشويش على الرادارات بالبحر الأحمر، والسؤال هنا ألم تكتشف الجهات المناط بها مراقبة هذه الرادارات عملية التشويش، وبالتأكيد إذا حدث تشويش للرادارات فإن المشغل لهذه الرادارات يدرك بالضرورة حدوث تشويش وبالتالي يتوقع أن يكون هناك أمراً ما وراء هذا التشويش وحتمية رفع حالة الاستعداد للدرجة القصوى واستبدال المراقبة بالرادارات للمراقبة بالعين المجردة التي لا يمكن التشويش عليها، خاصة وأن الهدف هنا طائرة هلكوبتر بطيئة السرعة ويسهل التعامل معها بالمدافع المضادة للطائرات التي تدار يدوياً. وتحدث عبد الرحيم عن أن الشهيدين تلقيا مكالمة هاتفية قبيل الحادثة أخطرا فيها بأن حادثاً ما سيقع. والسؤال هنا كيف علم سعادة الوزير بفحوى المكالمة، هناك سيناريوهان لذلك، الأول أن يكون مستلم المكالمة أخبر بذلك، وهذا غير منطقي لأن مستلم المكالمة قتل بعد لحظات منها، والسيناريو الثاني أن يكون السيد وزير الدفاع علم بفحوى المكالمة من جهات تنصتت على المكالمة، وإذا صح السيناريو الثاني فإن وزير الدفاع كشف عن أن جهة ما تتنصت على المكالمات الهاتفية في البلاد. ربما كان من الأفضل الاعتراف بأن إسرائيل تفوق كل جيوش المنطقة تقنياً وأن لها السيادة الجوية، بالتالي نكون وضعنا رجلنا في الطريق الصحيح لمحاربة الغارات الاسرائيلية التي نجحت في تخطي الدفاعات الجوية السورية ذات التقنيات العالية والموضوعة في حالة استعداد لأنها في حالة حرب.
Post: #124 Title: Re: غارة بورسودان رواية شاهد شاف كل حاجة Author: على ميرغني Date: 04-23-2011, 12:09 PM Parent: #118
حزف للتكرار
Post: #125 Title: Re: غارة بورسودان رواية شاهد شاف كل حاجة Author: على ميرغني Date: 04-23-2011, 12:22 PM Parent: #118
ياجماعة اعتقد انو ف مشكلة في البوست دا.. تلاتة مرات نزلت مداخلة وماظهرت... يالعلماء ورونا الحاصل شنو ودي المداخلة بنزلها للمرة التالتة
Quote: تصريحات وزير الدفاع في البرلمان العذر الأقبح من الذنب كتب: علي ميرغني عقب غزو قوات العدل والمساواة لمدينة أم درمان عام 2008م استدعى البرلمان السيد وزير الدفاع الفريق أول عبد الرحيم محمد حسين، ويبدو أن الاستدعاء كان (كلام والسلام) ذلك لأن إفادات وزير الدفاع لم تكن مقنعة على كل المقاييس إن كانت عسكرية بحتة أو عامة. ولم يحاول السادة نواب البرلمان تفنيد مبررات وزير الدفاع رغم أن بعض النواب يحملون رتباً عسكرية رفيعة وهم بالضرورة يعلمون أن إفادات الفريق أول عبد الرحيم غير مقنعة. أولاً لأنه ذكر أن القوات المسلحة تستخدم عتاداً من عهد الحرب العالمية الثانية، ونسي عبد الرحيم أنه قبل أقل من شهرين من حادثة الغزو كان يتحدث عن أن القوات المسلحة أصبحت تصنع كل الأسلحة التقليدية بل حتى الطائرات بدون طيار، أما الطامة الكبرى فكانت عندما قال إن القوات المسلحة اتخذت شارع الأربعين خط دفاع، وبالتأكيد لا يوجد خط دفاع لا يستند على مانع سواء كان مانعاًً طبيعياً كنهر النيل مثلاً أو مانعاً صناعياً كقناة السويس مثلاً، ولا يعقل أن يكون خط الدفاع هكذا في الهواء الطلق لأن القوات الغازية يمكن تفادي هذا الخط والالتفاف حوله وهو ما حدث وتمكنت قوات خليل من الوصول إلى ما وصلت إليه. وفي تبريره لحادثة قصف السيارة المدنية مساء الثلاثاء الماضي تحدث الفريق أول عبد الرحيم عن أن الطائرات الإسرائيلية قامت بالتشويش على الرادارات بالبحر الأحمر، والسؤال هنا ألم تكتشف الجهات المناط بها مراقبة هذه الرادارات عملية التشويش، وبالتأكيد إذا حدث تشويش للرادارات فإن المشغل لهذه الرادارات يدرك بالضرورة حدوث تشويش وبالتالي يتوقع أن يكون هناك أمراً ما وراء هذا التشويش وحتمية رفع حالة الاستعداد للدرجة القصوى واستبدال المراقبة بالرادارات للمراقبة بالعين المجردة التي لا يمكن التشويش عليها، خاصة وأن الهدف هنا طائرة هلكوبتر بطيئة السرعة ويسهل التعامل معها بالمدافع المضادة للطائرات التي تدار يدوياً. وتحدث عبد الرحيم عن أن الشهيدين تلقيا مكالمة هاتفية قبيل الحادثة أخطرا فيها بأن حادثاً ما سيقع. والسؤال هنا كيف علم سعادة الوزير بفحوى المكالمة، هناك سيناريوهان لذلك، الأول أن يكون مستلم المكالمة أخبر بذلك، وهذا غير منطقي لأن مستلم المكالمة قتل بعد لحظات منها، والسيناريو الثاني أن يكون السيد وزير الدفاع علم بفحوى المكالمة من جهات تنصتت على المكالمة، وإذا صح السيناريو الثاني فإن وزير الدفاع كشف عن أن جهة ما تتنصت على المكالمات الهاتفية في البلاد. ربما كان من الأفضل الاعتراف بأن إسرائيل تفوق كل جيوش المنطقة تقنياً وأن لها السيادة الجوية، بالتالي نكون وضعنا رجلنا في الطريق الصحيح لمحاربة الغارات الاسرائيلية التي نجحت في تخطي الدفاعات الجوية السورية ذات التقنيات العالية والموضوعة في حالة استعداد لأنها في حالة حرب.
Post: #122 Title: Re: غارة بورسودان رواية شاهد شاف كل حاجة Author: عزاز شامي Date: 04-23-2011, 10:40 AM Parent: #1
Upload حتى أعود
_____
التعديل من شيم الكرام، بيدل على الدقة والحرص على الكمال !
Post: #126 Title: Re: غارة بورسودان رواية شاهد شاف كل حاجة Author: عزاز شامي Date: 04-23-2011, 12:30 PM Parent: #1
Quote: ياجماعة اعتقد انو ف مشكلة في البوست دا.. تلاتة مرات نزلت مداخلة وماظهرت... يالعلماء ورونا الحاصل شنو ودي المداخلة بنزلها للمرة التالتة
ايوه نعم!؟ في حد بينادي على علماء؟ انا عالمة فضاء ... المداخلات موجودة يا استاذ علي، وهي مقالتك عن وزير الدفاع و كل مرة كنت بتتذكر حاجة و تكتبها في التوطئة... الباندويث ده بلاش؟
شكرا على جلب مقالك، بس احنا المفروض نقرأ مقالتك في ضوء ترلة المقالة قيد الفحص ولا العكس؟ لا يغني عن محرر الصفحة جودة ما كتبت، المقال اعلاه عن الاباتشي مفروض يكون حدو بريد القراء ده لو عفيناكم من اي اجندة سياسية دايرة توحد مشاعر الجمهور ضد عدو ساهل (اسرائيل طبعاً) علشان يدفنو الفشل الأكبر في حماية تراب الوطن .. بس ما نفع بصراحة! الشغل ما مجيّه في المقال وكان زي دفن الليل اب كراع برة
Post: #127 Title: Re: غارة بورسودان رواية شاهد شاف كل حاجة Author: كمال عباس Date: 04-23-2011, 03:06 PM Parent: #126
ذكر الأخ علي ميرغني أن وزير الدفاع عبد الرحيم محمد حسين قد صرح بهذا المضمون;-
Quote: ( أن الشهيدين تلقيا مكالمة هاتفية قبيل الحادثة أخطرا فيها بأن حادثاً ما سيقع ) وبإفتراض صحة نسبة الكلام للوزير ( شخصيا أرجح صحته
) تبقي تسآؤلات الاخ علي ميرغني مشروعة وتحتاج لإجابات !! والغريبةأن الوزير الهمام سبق أن صرح ( كما ذكرنا لاخ علي) بأن الجيش يستخدم معدات من الحرب الكونية الثانية ! علما بأن ميزانية الامن والدفاع تتعدي ال %80 من حجم الميزانية العامة للدولة ! والسؤال أين تذهب تلك الاموال ? وتتوالي الاسئلة ...... ماذا فعلت وزارة الدفاع لتطوير الدفاعات الجوية وخصوصا في ظل توالي الضربات الجوية لأكثر من عاميين ? ولماذا لم تقم الوزارة بتحسين أحوال الجنود وصغار الضباط والرتبة الوسيطة? لماذا السكوت علي تهميش القوات المسلحة وإضعافها لصالح أجهزة الامن ? و كيف يقوم الجيش بواجبته الدفاعية ومهامه الاساسية في ظل وجود هذا مثل الوزير ? وفي ظل ضعف الارادة السياسية للحكومة التي أرتضت التفريط في التراب لصالح الدول الاجنبية وتحجيم الجيش وكفه عن القيام بمهامه الوطنية ? بل و إستفزاز الجيش والشعب بالقيام بمكافاة الحكومات المعتدية بقوافل الابقار المجانية والسيارات والملايين لفرقها الكروية القومية وبالدعوة للزراعة والتمكن في أراضي السودان الخصبة ? ونعود لتصريحات الوزير
Quote: ( أن الشهيدين تلقيا مكالمة هاتفية قبيل الحادثة أخطرا فيها بأن حادثاً ما سيقع )
... وكيف علم الوزير بمحتويات الرسالة الهاتفية ? هل تم إبلاغ رسمي بها ? وماذا فعلت أجهزة الدولة لحماية هولاء عقب التهديد أو التحذير ? ومتي ورد التهديد ? وماسبب تهديد هولاء الاشخاص تحديدا دون غيرهم ? وماهي الجهة المهددة - المحذرة - وماهي مخاوفها وطلباتها ? هل أصبحت ضربات إسرائيل العسكرية تستبق بتحذير الضحايا أم أن الموساد مخترق بدرجة سمحت بتسريب خططه ووصولها للسودان ?........... ألم نقل أن بيانات وتصريحات الجهات الرسمية أكثر غرابة ومدعاة للسخرية من روايات سائق البوباي - محمد البلة ? والخلاصة:- حكومة عاجزة عن صيانة التراب والسيادة الوطنية غير جديرة بالبقاء - التصدي لهذه الحكومة واجب علي كل أصحاب الضمائير الحية وعلي كل وطني غيور علي بلده! لامجال للسكوت والتبرير أ والتواطئ بالصمت ! .................
Post: #128 Title: Re: غارة بورسودان رواية شاهد شاف كل حاجة Author: كمال عباس Date: 04-23-2011, 09:57 PM Parent: #126
وزير الدفاع يقول الفريق أول عبد الرحيم
Quote: أن الطائرات الإسرائيلية قامت بالتشويش على الرادارات بالبحر الأحمر،
إذا التشويش علي الرادارات هو السبب في عدم إطلاق النار علي الطائرات المعادية !! \ تصريح ثاني:- حسنا ! إذا ماقولكم في خبر smc ....... تصريح ثاني:-
Quote: وعلمت (smc) أن الدفاعات الجوية ردت على الطائرة بنيران كثيفة اضطرتها الهروب من الأجواء السودانية غير أنها لم تحدد هويتها لكنها أكدت أنها طائرة أجنبية
إذا الدفاعات الجوية قامت بواجبها و ردت بنيران كثيفة أجبرت الطائرات المغيرة علي الجري والفرار الي إيلات مما أدي لعدم إكمال مهمامها القتالية والخسف بحطام السوناتا في جوف سابع أرض !! !! ...... المركز يكذب ووزير الدفاع يكذب والبشير يكذب كما يتنفس في ظل صمت عشاق فضح الاكاذيب المزعومة للمعارضة !! ....مركز smc لايكذب فقط وإنما يساهم وبصورة مغرضة في تضليل الرأي العام! تصريح ثالث : قيادة الشرطة السودانية تعلن
Quote: اصيبت سيارة مدنية على الشارع الرئيسى لمدينة بورسودان بصاروخ مجهول انطلق من داخل البحر الاحمر ، وقد وجدت جثتين متفحمتين داخل السيارة".
...... إذا لاطائرات مغيرة ولاردارات مشوشة ولايحزنون ! الحكاية ومافيها حتة صاروخ إنطلق من أعماق ا البحر لا من جوف أباتشي محلقة في سماء بورتسودان ! ..... ومصدر رابع يزعم أن السبب في عدم التصدي للطائرات المغيرة وهو تحليق طائرة ركاب مدنية فوق سماء المدينة !! ...............
Post: #129 Title: Re: غارة بورسودان رواية شاهد شاف كل حاجة Author: كمال عباس Date: 04-23-2011, 10:23 PM Parent: #128
اللواء ركن فتح الرحمن محيي الدين :_ يعلل عدم رد الجيش على الطائرات المعتدية لتزامن وقوع الحادث مع وجود طائرة لسودانير في المطار صحيفة الإنتباهة:-
Quote: ... عزا قائد الفرقة «101» مشاة البحرية اللواء ركن فتح الرحمن محيي الدين في التنوير عدم رد الجيش على الطائرات المعتدية لتزامن وقوع الحادث مع وجود طائرة لسودانير في المطار.وفي السياق أجاز المجلس التشريعي مشروع البيان الذي تقدّم به رئيس اللجنة القانونية والأمنية بالمجلس محمد طاهر محمد الأمين الذي طالب الحكومة الاتحادية وحكومة الولاية والقوات المسلحة والأجهزة الأمنية بتقوية الدفاعات الجوية والبرية وكشف «الطابور الخامس» وحماية المواطنين،
Quote: ..... وكانت وكالة (اس ام سي ) التابعة لجهاز الامن ذكرت في خبرها عن الغارة بتاريخ 6 أبريل تصدي الدفاعات الجوية للطائرات المغيرة. ثم كرر ادعاءها قيادات المؤتمر الوطني بما فيهم وزير الدفاع عبد الرحيم محمد حسين . ويكشف تصريح اللواء فتح الرحمن كذب تلك الادعاءات ، ولكنه يتورط في كذب من نوع آخر ، فبدلاً من الاقرار بتقادم الدفاعات الجوية وعدم ملاءمتها للحرب المعاصرة ، يحاول التغطية بادعاء وجود طائرة سودانير في المطار! وهو تبرير واهي ،لان تقنيات الحرب المعاصرة تفرق بين طائرات العدو والصديق ، والا استحال وجود سلاح طيران اصلاً ، لان الدفاعات بحسب اللواء لا تستطيع التمييز بين طائرات الوطن وطائرات العدو!! ويشكل الفساد السبب الحقيقي لتدهور اداء الجيش السوداني ، حيث يصرف وزير الدفاع (121) مليار جنيه على اعادة تأهيل مباني وزارة الدفاع ، ولكنه لا يصرف نصف هذا المبلغ لتحسين أوضاع المقاتلين او اعادة تأهيل الدفاعات ، والسبب ان انشاءات المباني تتيح عمولات المقاولات الضخمة ، بينما عمولات التسليح وتحسين أوضاع الجيش أقل اغراء .
Post: #130 Title: Re: غارة بورسودان رواية شاهد شاف كل حاجة Author: gessan Date: 04-24-2011, 12:48 PM Parent: #129
سلامات الاخ كمال عباس.. بالله شوف معاك الفيديو دا.. بيتلكم وزير الدفاع قبلي فترة عن القوات المسلحة السودانية..
مع التحايا للجميع
Post: #131 Title: Re: غارة بورسودان رواية شاهد شاف كل حاجة Author: كمال عباس Date: 04-25-2011, 04:29 PM Parent: #130
شكرا أخ قيسان gessan علي الفيديو والذي يوضح بجلاء النهج الدعائي والاستعراضي لدي النظام! .... النفخة الكاذبة وإبراز العضلات والتصريحات الجوفاء تسقط في أول إختبار بل قل تواصل السقوط في الإختبارات المتتالية لتنكشف حقيقة نمور الورق والبالونات المجوفة ! يقول الوزير:- الحشد العسكري رسالة للأعداء وطبعا الأعداء في نظر الوزير هم شعبه الاعزل لا من يحتلون التراب وينتهكون الاجواء ! ... نعم الجيش علي مستوي قيادته العليا مؤدلج وقد طاله التسيس والتخريب ولكن سيظل الرهان علي القيادات الوسيطة والدنيا والجنودويبقي الامل في أن ينحاز هولاء لشعبهم ضد من مس هيبة الجيش ونال من قوميته وهمشه لصالح المليشيات والاجهزة الامنية ! ............ المشكلة يا أخ قسان ليست في ضعف القدرات وحسب وإنما تتجلي أيضا في عدم القدرة علي إدارة الازمة وفقدان فن التعامل مع الكوارث وإحتوائها ! وقد وضح ذلك ذلك في ردود الفعل المتضاربة والتصريحات المتناقضة حول الغارةالأخيرة ! تري هل سمع عبدالرحيم حسين ونافع ورئسهم ب.. art of crisis management أو ال damage control plan ! مصيبة هذا البلد أن من يتحكم فيه يستأسد علي الشعب ولكنه يركع ويرضخ لعين الخارج الحمراء! بل ويفرط في السيادة والتراب لصالح الأجنبي!
Post: #132 Title: Re: غارة بورسودان رواية شاهد شاف كل حاجة Author: احمد محمد بشير Date: 05-24-2011, 04:46 PM Parent: #1
