ونسة سينمائية مع مريم بنت الحسين

الاستاذة الرئعة جدا مريم بنت الحسين....
قال عنها قصي مجدي سليم في بوست من الازمنة الغابرة افترعته هي للترحيب بقصي نفسه

Quote: مريم .... أول يوم ألتقيك فيه كنت أجلس على جهاز كمبيوتر في مقهى إنترنت بالقاهرة ، وكان معي أستاذي (وأحد شيوخي) شداد ...كنا نتنقل في البوستات التي كتبت ... شد إنتباهي ما كتبت عن أستاذ سعيد ... سألته منك ( إذ أعجبتني رصانة الاسلوب وعمق الكلمات ونضج الجمل،فظننت ان كاتبها من كبار الاخوان - أعني سنا، وانت عندي كبيرة المقام كما تدري -) وعندما سألت لم أجد جوابا فهو لا يعرفك ... سألت هاشم حسن فلم يعرفك سألت كل من أعرف بالقاهرة فكانوا كلهم لا يعرفون من هي (بت الحسين) . الحق اقول لك منذ ذلك اليوم بدأ تواصلنا فما كنت أضيع لك بوستا واحدا .. كنت أستمتع بما تكتبين وكذلك (بثينة عمر )(شيختي برضو) وايضا .. ياسر الشريف . وأخرين .. ولكني كنت مصرا على أن اعرف هويتك ..فما كنت لأضيع على نفسي شرف معرفتك ... هذا في شأن المعرفة الأولى ..... وهذا في شأن قولك (لو ادعيت الانتماء إلى الأدباء)... طلباتك بتقضيها براااك وتجي تغطيها بي انا .. (والله غايتو) بس صدق القال ومن أعجب الامر هذا الخفا

لها ثقافة سنمائية منقطعة النظير
وقدرة على المراوغة بالكلمات تجعلك تقف على الحدود الفاصلة بين السمع والرؤية.
اود ان اتونس معها ونسة سينائية بحتة ان وجدت لي زمنا...

كتبت الرائعة مريم في احد بوستات الازمنة الغابرة:

Quote: عتليت خشبة مسرح "الملك الحسين بن طلال" وسط تصفيق الحشد الكبير.. والدي يرتدي بدلته الداكنه...وابتسامته تعلو وجهه.. أمي تزغرد.. وأخي يصفر بأقوى ما لديه.. لم أر أي منهم وأنا أتسلّم شهادتي التي أعلنت إنهاء دراستي الجامعية لمرحلة البكالوريوس..... كما اعتدت دوماً.. كنت أصغر الموجدين.. أنهيت دراستي الجامعة وأنا أسبق أترابي بسنة.. إعتليت الخشبة بالروب الأسود.. واللبسه الزرقاء...لم أكن وقتها أفكّر في شيء.. لم أشعر بذلك الشعور عن الخوف من المستقبل، والقلق من المرحلة الجديدة... لكني كنت أشعر بحزن عميق... لازلت أجهل سببه.... بعدها عدت إلى البيت.. بعدين أن أنعشتني زغاريد أمّي.. وانتهى اليوم.. كنت أعتقد أن الدنيا ستقف عند تلك اللحظة... يجب أن يحدث شيء ما.. أنا أنهيت دراستي.. هذا حدث ليس بالسهولة أن يتم! ليس لنقص في قدراتي العقلية على ما أظن، لكني انتظرت أربعة سنوات ليحدث هذا.. وهاهو اليوم يمر دون أن ينفجر شيء ما!!!! كان من المخطط أن أعود إلى السودان في زيارة إلى الأهل والأعمام والأصدقاء.. وعدي عمّي الأكبر باحتفال بأولى أحفاد الأسرة وأكبرهم... كنت دوماً أشعر بأني محبوبة بين أعمامي.. أذكر جلساتي معهم في صالون البيت في رفاعة.. في طائرة عودتي إلى الخرطوم.. سافرت مثقلة بحقائب السفر، هموم وأحلام صغيرة شابة، وبقايا سودانية تعود.. دون خارطة... حتى وإن وُجدت الخارطة، لما عرفت إلى أين أتجّه............

كتابة تحبس الانفاس

احدى الاقتباسات الخالدة للرائعة جدا مريم (من احد بوستات الازمنة الغابرة ايضا)

Quote: الفقهاء.. وما وصلوا إليه يا جماعة.. انا أنتقد .. أسخر... هل يفهمني أحد هنا؟

انا اضمن لك يا اديبة يا رائعة انني افهمك تماما

مريم تكتب عن زيارتها لمنزل الموسيقار وردي في الدوحة

Quote: محمد وردي.... بالعراقي استقبلنا.. بابتسامه كبيره.. و(هوشه) سودانيين.. رحّب بنا.... أحلسنا في مجلسه الرحب.. وانا لا أزال فاتحة فمي بدهشة... أنظر إلى عمو فايز قليلا... إلى خالتو أسماء التي تتحدث إليه....أسرق نظره إلي العملاق... ومن ثم .. أعود وأنظر إلى عمو فايز.. وخالتو أسماء... لم أنطق بكلمة طوال ساعات... لا شعورياً وضعت رجلاً على الأخرى... كما عادتي حين أجلس... لكني أنزلتها سريعاً حين رأيت أني أمام وردي... كلما توجه إليه خالتو أسماء الكلام باسمه يا أستاذ "وردي"... أزداد شكاً في المكان وفي الزمان... بين أحاديثهم المرحه... ومعارفهم المشتركة.. كنت أفتح فمي ... وزداد دهشة... وفي لحظات أشك... وفي لحظات أخرى...أشك أكثر.... كانت جلسة غاية في الامتاع.. وكانت تجربة تملؤها الدهشة.. من دهشتي نسيت أن أطلب "نور العين".... لكني سأبقى أتذكر عبارات سأصوغها بعناية فائقة... لأقولها "اريد أن اسمع... نور العين"....

حضور ومتابعة لسينما جميلة بين شهاب ومريم

الف مرحب بيك ياشبكة

وربما استفدنا من وجودك ومن مهارتك في حل الالغاز في تفسير بعض غوامض الاخراج والخدع السينمائية...

كتبت الرائعة مريم وهي تمثل روحها الحلوة خير تمثيل

Quote: أتردى ما بين الحق والحقيقة .. وبين الشك واليقين.. وبين اليقين الذي يورث الشك ليقين أكثر دقّة.... ما بين هذا وذاك ولدت .. وأعيش.. وسأموت... على رسلكن صديقاتي... أخواتي... بنات حواء... ليس لمثل هذا ندعو... أردت أن أناقش أمراً كان ولازال هاجسي... أسمع دعوات صادقة رنانه (والصدق مقياس العمل) لتحرير المرأة.. والمساواة مع الجنس الخشن... سمعت كثيراً عن جمعيات حقوق المرأة.. وروابط مساعدة المتضررات من الأزواج.. وجميعة الرفق بالمرأة العاملة.. و .. و.. و.. سؤالي الذي يتبادر إلي ذهني دوماً... المرأة الحديدية ذات العقل والشخصية تفقد الكثير... المرأة الرقيقة ذات الجمال والرونق تفتقد أكثر.. ذوات العقل يشمئزين من ذوات الجمال.. وذوات الجمال يغظن ذوات العقل.. والغريب، كلا الطرفين يحن إلى الطرف الآخر من حين لآخر.....

حمدلله على السلامة ياخ!

تسلم يا ود الصائم
والف مرحب بيك

التحية لك وعبرك للاخت الكريمة مريم بت الحسين

ولك انت ايضا اخي حامد
والف مرحب بكل مهتم بالفن السابع

الفين وحباب شهاب كرار ونورت وجلوس قرفصائي لمتابعة
الونسة السينمائية في حضرة مريم بت الحسن

وتحياتي

تسلم يا هندسة ومرحب بيك

شهاب ..حبابك يا صديقي
و حباب الصديقة الأنيقة مريومة..
السنما من اصعب الصناعات على وجه الأرض (ياخي تخترع ليك مكنة و تخليها تشتغل..اسهل من تخترع ليك ونسة سنمائية..و تملم اطرافها عشان تخلق لوحة نهائية متناسقة الأبعاد و الألوان..و المضمون في ذات نفسه)..

غايتو نحن ناس لوج ساكت يا قريبي..

و دمت..
كبر

الاخ الصديق كبر
ادهشتني مريم بنت الحسين بمتابعتها الدقيقة للسينما
فربما تصنع لنا هي اللوحة المبتغاة

شهاب كرار
كنت قد قررت مغادرة المنبر
بعد فضيحتك الداوية
هل ستظن أني سأتركك

المريض محمد اي سليمان
وهل ظننت انت انني ساتركك?
بس اسي مزاجي رايق شديد ونفسي في ونسة لا فيها سياسة ولا دين ولامؤامرات مرضى نفسيين فشلوا في مواجهة العالم.
عشان كدي, كوت كوتاتك وحمر حميراتك ووقت تزهج اتخارج.
من اسي الشغلة دي ما بشتغلا بيك

Quote:

؟؟؟؟!!!!!



------

Quote: الاستاذة الرئعة جدا مريم بنت الحسين

Quote: كتبت الرائعة مريم في احد بوستات الازمنة الغابرة

Quote: احدى الاقتباسات الخالدة للرائعة جدا مريم

Quote: انا اضمن لك يا اديبة يا رائعة انني افهمك تماما

Quote: كتبت الرائعة مريم وهي تمثل روحها الحلوة خير تمثيل

!!!

..

الصديقة مريم مثقفة في مجالات كثيرة .. السينما إحداها.. لكن كل الإقتباسات التي أحضرتها أخ شهاب لا تتحدث عن السينما!
لدرجة أنني (كقارئة) لم أستطع أن أفهم إن كنت ترغب في الحديث عن شخصية مريم و (روعتها).. أم عن ثقافتها السينمائية!

..

غايتو روعة مريم ما أظن بيتغالطوا فيها اتنين
لكن ممكن يتغالطوا في وجود ممر اسمو (روعة مريم) يؤدي إلى أي مكان!

في بوست منال ( نفسك تشوف منو من البورداب).. قلت عن الصديقة سناء خالد:
يعصب أنو تجعل البساط معاها احمدي..و لو عرفتك من قريب ممكن تغالطك لمن تآمن..!!

ياخي زول قال ليكم داير اتونس ساكت..!
دي فيها حاحة..؟
غايتو يا سناء خالد.. انتي زي صديقتي و زميلتي ( الدفعة الوراي ) البجاوية المن بني عامر تهاني هاشم.. لا بقدر اغالطها ..ولا عندي رغبة اغالطها ذاتو..!!
وصيتي ليك ( و هي ادعاء): محمد الحسن صاحبي..و شهابي صاحبي..و الإتنين ممكن نعصر عليهم يكونوا ايجابيين عشان يدوا الأمة الحايمة في سودانيز اونلاين كلام باكر..!
الموضوع ونسة سنمائية ( فيها حاجة لو اتقاضيتي عن ونسة شهاب بتاعة الروعة ديك..و شكلو كتر المحلبية)؟
يا محمد حسبو ، ياخي عليك الله تعال اتقاطع من هنا.. محسن خالد شكلو رفع القزاز..و استعصم بجبل ما..!!

كبر

Quote: في بوست منال ( نفسك تشوف منو من البورداب).. قلت عن الصديقة سناء خالد: يعصب أنو تجعل البساط معاها احمدي..و لو عرفتك من قريب ممكن تغالطك لمن تآمن..!! ياخي زول قال ليكم داير اتونس ساكت..! دي فيها حاحة..؟ غايتو يا سناء خالد.. انتي زي صديقتي و زميلتي ( الدفعة الوراي ) البجاوية المن بني عامر تهاني هاشم.. لا بقدر اغالطها ..ولا عندي رغبة اغالطها ذاتو..!! وصيتي ليك ( و هي ادعاء): محمد الحسن صاحبي..و شهابي صاحبي..و الإتنين ممكن نعصر عليهم يكونوا ايجابيين عشان يدوا الأمة الحايمة في سودانيز اونلاين كلام باكر..! الموضوع ونسة سنمائية ( فيها حاجة لو اتقاضيتي عن ونسة شهاب بتاعة الروعة ديك..و شكلو كتر المحلبية)؟ يا محمد حسبو ، ياخي عليك الله تعال اتقاطع من هنا.. محسن خالد شكلو رفع القزاز..و استعصم بجبل ما..!! كبر

و الله يا كبر ما قدرت ما أضحك لما قريت كلامك ما استهزاء - لا سمح الله - لكن انبساط
رأيك فيني بقى لي شكر شكر يعني مدح .. مع انو زي المفروض آخده على انو ذم!

أوع تكون شايف دي برضها مغالطة ليك!

يا أستاذنا كبر..
رأيي الفوق دا ما عندو علاقة بالحوار بين محمد الحسن سليمان و شهاب.. لكن عندو علاقة قوية جداً بصديقتي العزيزة مريم

و ردي عليك فوق كنت أرغب صادقة في ارفاقه بابتسامة تعكس حالي و أنا بكتبه.. لكن خفت أن تجرحك من حيث لا أقصد و أنت ممن أقدرهم في هذا المكان حتى لو لم يرتاحوا في التعامل معي

:)

ربما لا بأس بها هنا

Quote: غايتو روعة مريم ما أظن بيتغالطوا فيها اتنين لكن ممكن يتغالطوا في وجود ممر اسمو (روعة مريم) يؤدي إلى أي مكان!

دي النجيضة بدون اي رتوش .

ماقدرت يا شهاب اشوف روعة مريم بت الحسين ( مش لانها ما رائعة- استغفر الله- لكن لانك انت من تحدث عن روعتها )

حقيقي سقوطك الاخلاقي هنا ابان حادثة هشام ادم تركني لا انظر لك بأي احترام البتة- انت حقيقة غير محترم في اخلاقياتك وهذا رأي لي مسوقاته الاخلاقية-
انت ######## فكرياً يا شهاب كرار وتنظر لعلاقاتك وفق النظرة الالحادية التي تؤمن بها

تباً لك ولكل مسوق اخلاقي تؤمن به

العزيزة سناء

هي ونسة ليس الا
وكل ما في الامر انه واثناء بياتي الشتوي الذي جاوز الاشهر الثمانية
وجدت الزمن الكافي لاكتشافها واكتشاف الكثير غيرها من الرائعين والرائعات الذين يعطرون سماوات المنبر بكتاباتهم.

Quote: تباً لك ولكل مسوق اخلاقي تؤمن به

حرقك يا شوشو ؟؟

طيب هاكـ دي ضيفها فوق البيعة:

تباً لك انت في ذات نفسكـ

العزيزة مريم

اعتذر لك عن ما يكتبه بعض من (ثلة بورداب الشرقية) في هذا البوست فهي حسابات قديمة يودون تصفيتها لا ادري ما المغزى من الزج بها في بوست يتحدث عن الفن السابع

Quote: (ثلة بورداب الشرقية)

ثلة من الأولين وقليلٌ من الاخرين
ــــــــــــ
ياشهاب كرار بتاع الفن السابع كدي وري مريم دي انت قدمت استقالتك من المنبر ليييه؟
وهسع الرجعك شنو!!!

الا بالمناسبة ما زرت القاهرة قريب؟؟

يا كرار

ياخ حمدلا على السلامه .......

وكيف الاحوال بدوله مالى ......

دعنا نتايع معك ما خطته بت الحسين لها التحيه

و ابق عافيه

حيدر الزين
امشي افتح ليك بوست زي بتاع نادو لي شهاب كرار داك ولم فيهو معاك باقي (الثلة) كلهم واقعدو فشو غباينكم هناك. يمكن اجيك بهناك ويمكن ما اجيك على حسب المزاج, لكن هنا بعد المداخلة دي اكان نططت ما بشتغل بيك

Quote: لكن هنا بعد المداخلة دي اكان نططت ما بشتغل بيك

احبطتني يآخ !!
الرسول فيــك كان تشتغل بي...
الرسول يسختك ويحرقك كان تشتغل بي ...
النبي اليقوم ليك ضنب رد على

العزيز خالد
لك التحية ومرحب بيك
انا الان في السنغال وغدا متوجه الى غامبيا
غرب افريقيا جميل وساحر والناس هنا على اجمل مايكون
السنغال تذكرني بالحكايا التي يروونها عن السودان في الستينيات
لي عودة اخيرة للسودان في غضون اسبوعين و ربما نلتقي

Quote: انا الان في السنغال وغدا متوجه الى غامبيا

شيك الاي بي معاكـ ما ينط لينا زول كمان باسمكـ

ــــــــــــ
مودتي يا صديق

الأخ شهاب
تحياتي
أولا التحية للأخت مريم و كلامي هذا ليس له تعلق بها. جئت هنا فقط لأحييك على شجاعتك. شخصيا لو كنت مكانك لما تجرأت أبدا على الرجوع إلى سودانيزأونلاين... أو على الأقل ما فعلت هذا إلا بعد نقد ذاتي و اعتذار صريح لكل الأعضاء و القراء بالذات من اتهمتهم باتهامات باطلة زاعما أنني أستند إلى معارفي المهنية و التقنية.

Quote: لو كنت مكانك لما تجرأت أبدا على الرجوع إلى سودانيزأونلاين...

او...

Quote: أو على الأقل ما فعلت هذا إلا بعد نقد ذاتي و اعتذار صريح لكل الأعضاء و القراء بالذات من اتهمتهم باتهامات باطلة زاعما أنني أستند إلى معارفي المهنية و التقنية.

ابقي راجل يا شهاب كرار...

ـــــــــــ
عارفك يا بعض مااا راجل - بل اجبن من انك تدعي الرجولة :)

يا حيدر الزين وثلّته... ياخ ما بهتونا في روعتنا الجاتنا من السما دي! انا من قبيل بقرا وبضحك.. غايته انا ما عارفه الحاصل شنو ولا عندي خلفية عن الخلافات القديمة مع الاخ شهاب... والحقيقة اصلا ما ماخده كلامه جد من البداية، لانه ببساطة كلامي الخارم بارم المكتوب ده ما ليه أي علاقة بالفن السابع زاتو.. انا بحب السينما جداً.. وكنت مخططة لبوست يصنّف اجمل ما انتج على مدى التاريخ السينمائي... جيت لقيت روحي بي جاي اتلفّت.. والله حنيت على روحي بشكل.. لقيت ليك نفسي اي زول يفتتح مداخلته انه ما في كلام فيني، لكن الكلام في فاتح البوست... ياخ انا مسكينة خلاص... ...

الاخ شهاب.. ولا يهمّك... انا جلدي بقى تخين، وفي رواية اخرى دمّي بقى تقيل... يعني ماخده الموضوع بروح رياضية... وشاكره ومقدّرة ليك اهتمامك بكتاباتي السابقة الطارت لي في أم راسي... ..... واتمنى انك تحاول تصفّي حاجات مع الجماعة ديل... غايته انا عارفه انه حيدر الزين ما قاصدني شديد يعني، يمكن قاصدني شويه...

تقديري للجميع... واتمنى انه نواصل الحديث حول السينما بعد ما تتحل القصص دي، عشان النقاش ما يتعكّر...

الأخت الفاضلة مريم بت الحسين .. تحايا وتقدير لك وتصل كذلك لنادر

اعتذاري لك للخبطت البوست وهو يحمل اسمك .. بس نعمل شنو هذا هو حال (الثلة) عندما تجتمع :)
تقديري لك وستكون مداخلة الاعتذار هذه آخر مداخلة هنا .
ـــــــــــــــــــــ
انتي بقيتي فنية من العالم السابع والا شنو:)

تحياتي اخ العوض

Quote: أولا التحية للأخت مريم و كلامي هذا ليس له تعلق بها. جئت هنا فقط لأحييك على شجاعتك. شخصيا لو كنت مكانك لما تجرأت أبدا على الرجوع إلى سودانيزأونلاين... أو على الأقل ما فعلت هذا إلا بعد نقد ذاتي و اعتذار صريح لكل الأعضاء و القراء بالذات من اتهمتهم باتهامات باطلة زاعما أنني أستند إلى معارفي المهنية و التقنية.

هذا رايك الشخصي لا املك ان احجر عليك ولكني ارى ان اعتذاري حين غادرت البورد اكثر بكثير من كافي ولن ازيد عليه حرفا.

سلام واحترام يا رائع

سلام ود كرار

كدى فى الاول الحق خش source code
ونجيك بمهله

تحياتي مريم

Quote: تقديري للجميع... واتمنى انه نواصل الحديث حول السينما بعد ما تتحل القصص دي، عشان النقاش ما يتعكّر...

هذه القصص ليس لها علاقة بموضوع البوست من قريب ولا من بعيد
الحبشي وود الزين ديل طاير ليهم شهاب كرار في راسم ساي
اسي في زمتك في زول جاب سيرة واحد فيهم في البوست دا?
سيبك منهم وخشي لينا في موضوع
وونسينا
ونسينا عن الام المسيح (جبتي سيرتو زمان وزوغتي من الموضوع)
او عن الكونت دي مونت كريستو (في ناس كتار قالوا المخرج خرب الرواية لكن اناشايف انو فلم سمح شديد)
او عن الثلاثية (سيد الخواتم) والفكرة الفنتازية الغريبة والعميقة في نفس الوقت رغم انو مظهر الفلم ما بدل على اي عمق
او اعزلي ليك فلم براك وزي ما قلت من الاول هي (ونسة)
فقط لاغير

--
تحياتي ولا زلت في اشد الاصرار على روعتك

عمر سعد

ما فهمت قصدك شنو?

منور يا شهاب

طالما سيرة سيد الخواتم جات ....اليكم هذا الكلام المنقول من احدى المنتديات عن هذا الفلم

بالمناسبة حضرت الجزء الاول فى سينما جنينة مول بالقاهرة عام 2001 وقد شاهدت مغادرة الكثيرين لقاعة السينما قبل انتهاء الفيلم لانه كان طويلا ومملا والجزء الثانى ما حضرته واما عودة الملك فقد كان رائعا...


(الجميع شاهد فلم سيد الخواتم باجزائه الثلاث الجميلة حيث كان روعة في التصوير والاداء والشخصيات الخيالية

ويسعدني ان اقدم لكم بعض المعلومات عن هذا الفلم الذي حاز على جوائز كثيرة

سيد الخواتم (بالإنجليزية: The Lord of the Rings) هي سلسلة أفلام ثلاثية، أخرجها بيتر جاكسون، بناءً

على رواية البريطاني ج. ر. ر. تولكين، سيد الخواتم. تم تصوير الأفلام الثلاثة في نيوزيلندا في

فترة تقارب 18 شهراً متواصلة.

الأفلام الثلاثة هم:

سيد الخواتم: رفقة الخاتم (The Lord of the Rings: The Fellowship of the Ring)، صدر في ديسمبر 2001

سيد الخواتم: البرجان (The Lord of the Rings: The Two Towers)، صدر في ديسمبر 2002

سيد الخواتم: عودة الملك (The Lord of the Rings: The Return of the King)، صدر

في ديسمبر 2003، وحصل على 11 جائزة أوسكار

تم ترشيح ثلاثة الأجزاء لثلاثين جائزة أوسكار ولكنهم حصلوا منها على 17 جائزة.

تم تصوير أكثر من 1800 كيلومتر أثناء الإنتاج.

تم إنتاج 48000 سيف وفأس ودرع.

أكبر عدد من الخيول الحقيقية صورت في مشهد واحد هو 250 خيل.

مجموع سنوات العمل في ثلاثة الأجزاء من الفيلم هو 7 سنوات.

مجموع مدة الأجزاء الثلاثة: 680 دقيقة (أي 11 ساعة و 20 دقيقة).

شكرا حامد
في انتظار مريم لتصف لنا انطباعاتها حول الفلم فهي تجيد هذا . انظر الي هذا الوصف الجميل من احد بوستات الازمنة الغابرة
مريم تنقل الاحداث بطريقة تصيبك بالازبهلال كما يقول صديقي جدو

Quote: غشاوة الضباب حين كنت في الخامسة من عمري.. أعلم تماما أني كنت في الخامسة.. نادراً ما أتذكر الأحداث وتاريخها.. لكن هذه بالذات سأعرف التاريخ.. لأنها مدوّنه في التاريخ... في تلك السنة تحديداً.. في عام 1985.. لا أذكر كيف بدأ الصباح.. وأين كنت.. لا أدري الزمان ولا المكان.. أعلم فقط أن أمي تسير وهي ترتدي ثوباً أبيض.. وانا أتعلق بثوبها هذا... هي لا تلتف إلي... ولا تقول الكثير... وانا أبكي.. أعلم أنها ستخرج إلى مكان ما.. لكني لا أعرف إلى أين هي ذاهبه... كانت بالمقابل جدتي الحنون "فاطمة بنت المكي ود حاج الصدّيق" تمسك بيدي الصغيرة برفق.. وترجوني أن أذهب معها... أنا أرفض ذلك... وأبكي.. أمي تقف وحولها رجال كريهوا المنظر.. يحملون سلاحاً.. لم أعبأ به كثيراً.. كنت أعتبره كبندقية نادر الفاتح الذي كنت ألعب معه.. .. تطلق صوتاً زائفاً ترهب به قلوب الضعفاء.. أمي ركبت سيارة "بوكس"... وتجاهلتني تماماً... سرت مشياً على الأقدام مع جدتي... إلى بيت خالتي القريب... وانا أبكي إلى أن وصلت... أسأل عن أمي.. وأسأل عن أبي........كنت في غاية الحزن والغضب، لماذا لم ترد عليّ، ولا زالت تحكي قصة غضبي هذا لكل من يزورنا في البيت! عين الحقيق بعد عشرة أعوام اكتشفت أن أمي كانت في طريقها إلى المعتقل مع الأخوات الجمهوريات... وذلك في إجراء احترازي من قِبل الحكومة قبل أيام من تنفيذ حكم الإعدام على الأستاذ محمود محمد طه في الثامن عشر من يناير عام 1985، أبي قضى قبلها سنتين في المعتقل السياسي... ولم أعرف هذه الحقيقة في وقت أبكر من هذا.. لأني كنت أفهم أن السجن للمجرمين! ولكني الآن كنت أتمنى لو أنها أخذتني معها لأتشرف كما نالت هي ذاك الشرف.....

كما تقول يا شهاب ...فى انتظار الاستاذة مريم

تحياتي اشرف ومرحب بيك في عالم السينما
وزي ما قال الاخ حامد
في انتظار مريم

يا لي من داقس

وأنا أقول ثلة ناس الشرقية المقصود بيهو شنو هناك
أتاري القصة بدأت بي جاي وأنا ما داري




تحياتي لك يا شهاب وللأخت العزيزة مريم الحسن ولهذا البوست الجميل والذي للأسف تحول بقدرة قادر من الحديث عن الفن السابع
للحديث عن السقوط السابع . نصيحتي يا شاب يا شهاب واصل في بوستك ده ـ الكلام البتكتب فيهو ده مفيد واصل سيرك واصل واصل



تحياتي عبرك مرةً أخري للأخت مريم ولضيوف البوست

سلامات ياخضر
ومرحب بيك

واتمنى لك ولكل مهتم بالسينما (متابعة) ممتعة

يا خضر حسين
سؤال خارج النص (عذرا مريم خضر دا طولت منو شديد)

الباكب بكون جهز ولا لسة?
وكان طلع في الامارات برضو مرارتي بتنفقع

شهاب ازيك... للأسف انا ما حضرته ثلاثية The Lord of the Rings نهائي ... رغم انها جابوها في التلفزيون، لكن انا في حاجز بيني وبينها ما قادره افهمه... زي Pirates of the Caribbean...لكن كنت عايزه اتكلّم عن فلم أثّر فيني شديد، رغم اني شفته قبل ستة سنين... صديقتي يسرا دياب (بفتش عليها والله) قالت لي حتتفرّجي على فليم ما حصل اتعمل زيّه... والفليم ده هو الكنت عايزه ابدأ بيه البوست بتاعي... باعتبار انه بحمل فكره، وفيه كوميدي وفيه رومانسية.. وبمثّل فيه العملاق خالص Anthony Hopkins.... الفليم اسمه Meet Joe Black... عايزه اكتب عن Forest Gumb، وعن The terminal....

بس برضه ما شاعره انه الجو بتاع البوست مناسب للكتابة... وحسي كتبته والله جبراً بالخواطر... اتمنى نأجل الكلام فترة إلى يهدأ الحال

تحياتي ليك ولجميع المشاركين

الاخت العزيزة مريم
خدي راحتك بالكامل
ووقت ما تقرري تونسينا ونسينا
ليك التحية والتقدير

طيب يا مريم بالمرة سلمى على نادر ومحمود
وسلام