من علامات الساعة .. أمين محمد سليمان كاتباً في صحيفة الأحداث

منطقي جداً أن تكون صورة أمين محمد سليمان ضاحكة .. و أن تجاورها صورة الاستاذ عادل الباز متمحناً في هذه المصيبة.

كانت والدة شوبنهاور سيدة مجتمع و لها صالون ادبي .. و كان العداء بينها و ابنها مستحكماً .. فزار مرة صالونها و طردته .. و وقف شوبنهاور على الباب و صاح بها :
مهما فعلت فستظلين عند الناس والدة شوبنهاور.

يا حمور

خالك أمين يستحق أن يكون من طاقم السي ان ان
مش صحيفة الأحداث

تحياتي لكما ....

http://www.sudaneseonline.com/ar6/publish/article_2192.shtml

أمين كاتب لا يشق له غبار ياحمور فبطل حقد

ــــــ
ياريت تورونا البني آدم ده بكتب متين ومتين بالضبط عشان نجدولوا ضمن جدولنا الأسبوعي والذي نتابع من خلاله الكتاب المميزين .

والله يا حمور انا بقيت اشك فى نظرية الخال والد دى؟





ازيكم ومعاكم عاطف

Quote: مهما فعلت فستظلين عند الناس والدة شوبنهاور.

حمور اتضايق

النسألك بالمناسبة دي خالك عندو قيد صحفي ولاّ نتوقع يوم لجنة ما تنادي ليه "عطا" يورّيه الباب بوين؟

Quote: منطقي جداً أن تكون صورة أمين محمد سليمان ضاحكة .. و أن تجاورها صورة الاستاذ عادل الباز متمحناً في هذه المصيبة.

لو كنت منطقي كان فهمت وضع العمود و وضعهم لإسم الصحيفة مباشرة فوق صلعتي و كأن إدارة التحرير بتقول لي : (يا أمين ختينا ليك توزيع (الأحداث ) في رقبتك !! ) !!

بطل حقد يعني الهندي احسن منو في شنو؟

Quote: يا حمور خالك أمين يستحق أن يكون من طاقم السي ان ان مش صحيفة الأحداث تحياتي لكما ....

بالله يا عاطف كلم الوهم ده بالله !









--------
غايتو سويتها حامضة جدا بموضوع السي إن إن ده

Quote: كلام والسلام أمين محمد سليمان ----------------- قبل اسابيع كنت في السودان لقضاء بعض الأمور الخاصة من ضمنها إستخراج شهادة خلو طرف من الضرائب لعقار ورثناه . ذهبت لمبني الضرائب و بعد سلسله من (المطوطحات) و (الوصف الغلط) وصلت للمكتب المعني . موظفة الضرائب كانت مشغوله بمراجعة بعض الأوراق فلم تعر سلامي أي التفاتة! جلست صابرا محتسبا حتي إذا فرغت من مراجعة الأوراق سالتها عن اجراءت إستخراج شهادة خلو طرف من الضرائب لعقار في المنطقه و بدون كلام مدت لي ورقة صفراء )لا تسر الناظرين( ووجهتني بكتابة رقم العقار . أخذت الموظفة الورقة و من نفس الرف الذي أصاب أديبنا الراحل التجاني يوسف بشير بالربو جاءت بغبار كثيف غطي ملامح وجهها و بين يديها شئ يبدو أنه كان ملفا من ملفات الحكومة قبل حوالى ألف سنة! قلِّبت الموظفه الأوراق داخل (الفايل) و من بين الغبار جاء صوتها : - دايرين منكم خمسة و تلتين الف ! و قبل أن استوعب الأمر تماما بادرتني قائلة : - خمسة و تلتين الف بالجديد يعني خمسة و تلتين مليون بالقديم !! ثم بدأت تعدد أسباب ضخامة المبلغ و تشرح لى فى شئ من الضيق والعجلة قانون الضرائب الجديد، و الضرائب التصاعدية، و كمية المتاخرات المتراكمة علي العقار. يبدو ان الموظفة لم تتنبه للآثار الفوريه التي نتجت من هول ما قالت، ومن ذلك أنني فقدت معظم ما تبقي من شعري فتمددت الصلعة، انتفخت شفتاي، و جحظت عيناي، و ثقل لساني، حتي ظننت أني أخاطب ملك الموت في شكل موظفة الضرائب: و بآخر نفس ظننتني أملكه خرج صوتي كحشرجة المحتضر : - أها هسي الحل شنو ؟! - الحل تدفع القروش دي. - ياخي القروش دي ما عندنا !! - ممكن تقدم إستئناف : تملأ الفورم ده و ترفعو للمدير و .... قاطعتها قائلا : - دقيقة بالله ، أنا عندي إقتراح قبل موضوع الاستئناف ده . - ......... - طالما الحكومه بترث و بتقسم مع الناس في بيوتهم حقو نسعي لانو اسمها يكون مكتوب في الاعلام الشرعي،و شهادات البحث زيها و زي باقي الورثة، و بكده الناس تكون عارفه البيها و العليها بدل ما تجيبوهم تخلعوهم في المكاتب! - ....... ساد الغرفه صمت طويل قبل أن تبدده صيحات الموظفه : - يا عطا ..... عطا ...... دخل عطا فملأ نصف الغرفة، و بصوت واضح و صارم خاطبته الموظفة: - بالله وري الأستاذ ده باب الشارع بوين !!

هي هي الموضوع دا جد جد

مبروك لأمين ولسودانيز اونلاين
لعل واحدة من فضائل منبرنا الجامع ان تنتقي صحفنا كتابا المعيين اسهموا في رفد المنبر بكتابات وافكار تستحق التقدير
هنيئا للاحداث بكاتب مرتب مثل امين
شكرا حمور

مقال اخر في عدد اليوم من صحيفة الاحداث.
بهذا لن استغرب لو قامت القيامة في موعد اقصاه نهاية الشهر.

ما تظلم ود قريبك دا يا حمور
امين دا زول كتاب ومحاور ممتاز قاعدين نقراء له بصمت.

يا أمين نوته اسمع كلامي ده كويس وما تهملو
خليك من فارغت حمور دي ده طق حنك مصاروة ساكت ..

اها قروش الكتابة دي اتفقوا معاك فيها والا يخربك!!!؟
يازول اوعه تكتب ليهم ملح و اوصيل انك تكتب توكيل
لاخونا خضر حسين وهو بيعرف يطلعه منهم انا متأكد .




ــــــــــــــــــــــــــــــــــــــــــــــــــــــــــــــــــــــــــ
حمور اجهز انا جاييك

يا نابري يا سوفي
ما هذا الذي أتيت به؟

Quote: يا أمين نوته اسمع كلامي ده كويس وما تهملو خليك من فارغت حمور دي ده طق حنك مصاروة ساكت .. اها قروش الكتابة دي اتفقوا معاك فيها والا يخربك!!!؟ يازول اوعه تكتب ليهم ملح و اوصيل انك تكتب توكيل لاخونا خضر حسين وهو بيعرف يطلعه منهم انا متأكد .

ما يُحمّد لعادل الباز في هذا الأمر الإنساني البحت هو تكرمه بإعطاء صديقكم أمين مساحة إعلانية مجاناً. من أين لك بهذه الجرأة يا نابري؟
____
يا عطا بالله تعال سوق سفيان ده لحقو أخوهو؛)

يا سلام يا حمور
علي هذا الموضوع الجميل

أنا طبعا غير مستغرب لامكانات أمين .... وان الصحيفة هي المتشرفة به ..... وليس هو....
وكنت أتمني أن أكون من مستضيفي هذا الأمين عندما جاء كلورادو

وها أنا الآن بالولاية ..... تاني ما حا أسمح ليك تقول لي والله كنت في الحتة الفلانية أو العلانية

وانت عارف ناس (الضهارى)

وكلام السي ان ان ما حاجة غريبة ..... وممكن تعملها .... فلك من الامكانات ما تجهله .....

ونحن بنعرف.

Quote: مقال اخر في عدد اليوم من صحيفة الاحداث. بهذا لن استغرب لو قامت القيامة في موعد اقصاه نهاية الشهر.

يا حمور شوية شوية ينزلو فيهو لمان ينادو ليهو عطا..
_____
لو لا حمور لما عرفنا خاله؛)

بصراحة يا حمور جيت داخل البوست مفجوع جداً لحال الصحافة السودانية التي أصبحت مرتعاً للغاشي والماشي والجاي زيارة من أمريكا، ولكن زالت فجيعتي بعد نهاية السطر الأخير، فضحكت حتى بانت واستبانت واستكانت نواجزي، ويا نجوم اليل أشهدي: -

Quote: يا عطا بالله وري الأستاذ ده باب الشارع بوين !!

زالت الفجيعة لأنّ ما قرأته هو حالة تستحق التعاطف والمودة، ويا حبيبي تعال نبدأ ..
____
حالة إنسانية بحتة، لا كاتب ولا يحزنون، زيها وزي أي مناشدة لشخص مريض يحتاج لنفقات العلاج، والله لا يضيع أجر من أحسّن عملا..

يا عطا - بالله وري الأستاذ ده باب الشارع بوين !!

الشارع فاتح في قلبي
والقلب مساكن شعبية

يا عطا ؛)
وأيما الله يا أمين بنت الضرائب استظرتك استظراط يبطل الصلاة ؛)

Quote: أمين كاتب لا يشق له غبار ياحمور فبطل حقد

شكرا يا خضر لكن ده ما بحلك !!
تاني قصة اجيك في الدكان و أفطر معاك إنت و حليم و باقي الشباب ما أظن تحصل ، الوضع الجديد يا خضر ما بستحمل الناس يشوفوني قاعد في سوق سته !!

كلام والسلام

أمين محمد سليمان

-----------------

قبل اسابيع كنت في السودان لقضاء بعض الأمور الخاصة من ضمنها إستخراج شهادة  خلو طرف من الضرائب لعقار ورثناه .  ذهبت لمبني الضرائب و بعد سلسله من (المطوطحات) و (الوصف الغلط) وصلت للمكتب المعني . موظفة الضرائب كانت مشغوله بمراجعة بعض الأوراق فلم تعر سلامي أي التفاتة!

جلست صابرا محتسبا حتي إذا فرغت من مراجعة الأوراق سالتها عن اجراءت إستخراج شهادة خلو طرف من الضرائب لعقار في المنطقه و بدون كلام مدت لي ورقة صفراء  )لا تسر الناظرين( ووجهتني بكتابة رقم العقار . أخذت الموظفة الورقة و من نفس الرف الذي أصاب أديبنا الراحل التجاني يوسف بشير بالربو جاءت بغبار كثيف غطي ملامح وجهها و بين يديها شئ يبدو أنه كان ملفا من ملفات الحكومة قبل حوالى ألف سنة!

 قلِّبت الموظفه الأوراق داخل (الفايل) و من بين الغبار جاء صوتها :

- دايرين منكم خمسة و تلتين الف !

و قبل أن استوعب الأمر تماما بادرتني قائلة :

- خمسة و تلتين الف بالجديد يعني خمسة و تلتين مليون بالقديم !! 

ثم بدأت تعدد أسباب ضخامة المبلغ و تشرح لى فى شئ من الضيق والعجلة قانون الضرائب الجديد، و الضرائب التصاعدية، و كمية المتاخرات المتراكمة علي العقار. يبدو ان الموظفة لم تتنبه للآثار الفوريه التي نتجت من هول ما قالت، ومن ذلك أنني فقدت معظم ما تبقي من شعري فتمددت الصلعة، انتفخت شفتاي، و جحظت عيناي، و ثقل لساني، حتي ظننت أني أخاطب ملك الموت في شكل موظفة الضرائب: و بآخر نفس ظننتني أملكه خرج صوتي كحشرجة المحتضر :

- أها هسي الحل شنو ؟!

- الحل تدفع القروش دي.

- ياخي القروش دي ما عندنا !!

- ممكن تقدم إستئناف : تملأ الفورم ده و ترفعو للمدير و  ....

قاطعتها قائلا :

- دقيقة بالله ، أنا عندي إقتراح قبل موضوع الاستئناف ده .

- .........

- طالما الحكومه بترث و بتقسم مع الناس في بيوتهم حقو نسعي لانو اسمها يكون مكتوب في الاعلام  الشرعي،و شهادات البحث زيها و زي باقي الورثة، و بكده الناس تكون عارفه البيها و العليها بدل ما تجيبوهم تخلعوهم في المكاتب!

- .......

ساد الغرفه صمت طويل قبل أن تبدده صيحات الموظفه :

- يا عطا ..... عطا ......

دخل عطا فملأ نصف الغرفة، و بصوت واضح و صارم خاطبته الموظفة:

- بالله وري الأستاذ ده باب الشارع بوين !!

 

 

تاني يا أمين تجي داخل اي بوست تتلايق بكلمة حق ولا راي ما يعجب سيدو طوالي بس يناغم ليك عطا

يا خال ..
راجع ايميلك للضرورة عاجلا لو سمحت

يا بكري ياخي كتر خيرك لولا هذا المكان لما عرف الناس أحسن كاتب سوداني في الاربعه الف سنه الماضيه !

لا بأس في أن تكون للبروف زاوية بأخيرة الأحداث؛
و لكن البأس – كل البأس – أن ترفق الزاوية بصورة!

Quote: ما يُحمّد لعادل الباز في هذا الأمر الإنساني البحت هو تكرمه بإعطاء صديقكم أمين مساحة إعلانية مجاناً. من أين لك بهذه الجرأة يا نابري؟

يا ابتفه ياخ الجرأة جاتني من جنس البشوفو بين بقادي وعبد الرحمن فرح بي جيهة
و السيدة رباح والسيد بت عبد الرحمن فرح من جيهة تانية .
انت يا الاخوا يدك في الموية ما زينا نحنا النقراء في الفارغه والمقدوده دي .

أمين نوته هو كاتبي المفضل من اعلان حمور ده وللقيامة .



ــــــــــــــــــــــــــــــــــــــــــــــــــــــــــــــــــــ
أمين ياخ ما متحرك علي الرؤاية!!؟

راجعتو يا حمور ، القصه دي ما عندها حل

Quote: النسألك بالمناسبة دي خالك عندو قيد صحفي ولاّ نتوقع يوم لجنة ما تنادي ليه "عطا" يورّيه الباب بوين؟

يا البشري ، مثلي لا يسال عن قيد صحفي ، أو كما قالت !!
القيد الصحفي ده بسالو منو أنصاف الكتاب ناس حمور زياده و ما شابه !!

يا بربار

Quote: والله يا حمور انا بقيت اشك فى نظرية الخال والد دى؟

تعرف أنا لو دبلت فرق عمري من حمور ما بولدو ، بعدين الزول ده أنا إتبريت منو زمااان

Quote: بطل حقد يعني الهندي احسن منو في شنو؟

يا سفيان ، الهندي عز الدين بتاع قلبك ؟!
أقول ليك أحسن كاتب في الأربعه الف سنه تقول لي الهندي عزالدين ؟! داير تقارن قارن من تحتمس و لغادي !!

يعني نحتسب يا امين ؟
فترت و الله منهم عديل. لازم يكون في حل.
نقول طيب انو اكتشفت انك ما خالي ؟ عشان يبقى عادي ؟

Quote: هي هي الموضوع دا جد جد

طبعا جد يا مورتا ، يعني تاني قصة تجوني بالمواصلات إنت و حسبو دي ما وارده : منظري ببقي شين جدا يكون معاي ضيوف و تجو داخلين مغبرين من المواصلات !
أقول ليك حاجه : إنت لو مستحمي و قاشر و سايق تعال : لكن حسبو تحت أي ظرف ما يجيني !!

Quote: مبروك لأمين ولسودانيز اونلاين لعل واحدة من فضائل منبرنا الجامع ان تنتقي صحفنا كتابا المعيين اسهموا في رفد المنبر بكتابات وافكار تستحق التقدير هنيئا للاحداث بكاتب مرتب مثل امين شكرا حمور

ياخي كتر خيرك يا حيدر ، و الفضل يرجع لهذا المكان و للناس البتكتب و تقرا في هذا المكان .
القصه دي شربكني فيها محمد عثمان إبراهيم و تماها مصطفي البطل الشكر و التقدير لا يكفي لهم ...

Quote: ما تظلم ود قريبك دا يا حمور امين دا زول كتاب ومحاور ممتاز قاعدين نقراء له بصمت.

شكرا يا أحمد و كير خيرك علي طيب الكلمات و إنزال عمود الأمس : هنا عمود اليوم الأثنين :

أمين محمد سليمان
[email protected]
-----------------
خرج المريخ و نيل الحصاحيصا من المنافسات الأفريقية، والتاريخ يقول بان الهلال سيخرج من دورى الأبطال و لو بعد حين .
الكورة في السودان تسير من سئ لاسوأ، وحالنا الكروي أصبح كحال كجراي - عليه رحمة الله - حين قال :
( يمر العام تلو العام لا الأحلام تصدق / لا ركام الهم يسقط من حساباتي ).
و الشهادة لله فإن مجالس إدارات انديتنا و خاصة ناديى الهلال و المريخ صرفت صرف من لا يخشى الفقر لإستجلاب لاعبين محترفين ومدربين اجانب من كل أركان و (زنقات ) الكرة الأرضيه : عرباً و عجما ، أفارقة و لاتينيين، بيد أن حالنا الكروي بقي نفس حال كجراي إن لم يكن (أزفت) و اضل !
مجالس ادارات الأندية - و خاصة الكبيره منها - بعد أن تخرج صفر اليدين من الموسم الكروي تعمد لتخدير الجماهير - المخدره أصلا - فتغير المدرب الأجنبي بمدرب أجنبي اخر و عندما لا يؤدي هذا لاي تحسن في أداء الفريق و نتائجه يتم تغيير جزء أو كل اللعيبه المحترفين ليتم استبدالهم بمحترفين اخرين يتم الاستغناء عنهم في الموسم الذي يليه و تستمر هذه الدائرة المفرغة والتعيسة عاما بعد عام، ولا عزاء للجماهير!
مجالس ادارات الأندية و إتحادات الكرة، مثلها مثل الدكتاتوريات التي تثور الشعوب ضدها هذه الايام، جاهزة لتغيير كل اللاعبين و المدربين والأجهزة الفنية و الأدارية، ولو استطاعت الى تغيير الجماهير سبيلاً لفعلت، فلماذ لا يتم تغييرهم بمجالس ادارات أجنبية محترفة؟
لماذا لا يسجل الهلال رئيس برشلونه ساندرو روسيل و طاقمه الأداري، و لماذا لا يسجل المريخ ديفيد جيل رئيس المان يونايتد لادارة النادي فترة من الزمن، ولماذا لا يسجل نيل الحصاحيصا حسن حمدي رئيس النادي الأهلي المصري، بل لماذا لا يستبدل إتحاد الكرة السوداني بطاقم برازيلي كامل يشرف علي إدارة شؤننا الكروية كلها؟
مشكلة الكره في السودان مشكلة اداريه بحته. و مجالس ادارات الأندية و إتحادات الكره هم سبب الداء و أصل المشكلة وأس البلاء، فاذا جاز لهم تغيير اللاعبين المحترفين و المدربين الأجانب فلماذا لا يجوز لنا تغييرهم بإدارت أجنبية ؟!

Quote: يا سلام يا حمور علي هذا الموضوع الجميل أنا طبعا غير مستغرب لامكانات أمين .... وان الصحيفة هي المتشرفة به ..... وليس هو.... وكنت أتمني أن أكون من مستضيفي هذا الأمين عندما جاء كلورادو وها أنا الآن بالولاية ..... تاني ما حا أسمح ليك تقول لي والله كنت في الحتة الفلانية أو العلانية وانت عارف ناس (الضهارى) وكلام السي ان ان ما حاجة غريبة ..... وممكن تعملها .... فلك من الامكانات ما تجهله ..... ونحن بنعرف.

والله يا عاطف كتر خيرك ياخي و بقيت فعلا محتاج لكلمات التشجيع دي لانو ناس حمبره و غنامه و في بعض الروايات ياسر طيفور و حمور ما خلو لي جنبه أرقد عليها ..
عندنا شغل إن شاء الله شهر تمنيه في دينفر نتقابل هناك كان الله هون ...

لكن واسطتك قوية ما فيها كلام ؛)
تاني النسمع محمد عثماننا والبطل يكتبان عن حال الصحافة المايِّل، طالما هم براهو يشيلو ويحشرو في أصحابهم ؛)
___
يا أمينهم، مالك قعدت "تنقز" يا دوبهم مقالين ؛) من الضرائب وعطا وطوالي داخل علي هلال مريخ؟ كان كدي ياكا الما دخلت دوري المجموعات ؛)

حمور سلامات
ومبروك لك ان نجحت في ان تصنع من خالك كاتبا بالاحداث

وبذلك تستحق اشادة لانك مثال لمن ينمي قدرات الكتابة والابداع عند خاله


واكيد انك حاتخلي ليهو المجال في الصحافة المحلية بعد ان بذلت جهدا جبار لتاهيله
وحاتمش الشرق الاوسط او الحياة اللندنية

Quote: أمين محمد سليمان كاتباً في صحيفة الأحداث

Oh ooooh

تعبنا!




--

Quote: من علامات الساعة

انت يا بروف متأكد انو انت خال الراجل دا؟ يعني هل في صلة قرابة حقيقية و الا ياها الصلعة؟

--

ألف مبروك و الله ;)

يا حمور أنا كنت كثير الزيارة لبدرى محمد سليمان

لكن انتو صغار مننا .... وقد لا تتذكروني

هذا البدرى كان (كارثة) ..... فما بال شقيقه الأصغر

ياخي خالك له من المقدرات ....... أهمها الاجتماعية

اذن مافي داعي (تقول من علامات الساعة)

طبعا ياسر طيفور .... (أنا من الذين لا يفطون له سطرا)

ولكنه من الحاقدين علي أميننا.

Quote: ألف مبروك و الله ;)

ما عايزة أعدل.. بس الابتسامة الفوق دي كان مقصود انها تكون صافية و خالصة لوجه الله ..كدا :) ما كدا ؛) بس دا كلو من قلبة الكيبورد لانجليزي..

التوضيح عشان حمور ما يتحسس أكتر مما هو متحسس الليلة :)

يا حمور

دا زمن استثنائي ما تندهش لاي حاجة!
ياخ مكتبة بكري دي انا مستكترا عليو!
كمان جابت ليها جرائد؟

لوووووووول
كدا يا دوب [ كلام جرايد ] اتشحنت بمعنى يليق بعد [ كلام و السلام ]
بس كلام × كلام

امين بقى كاتب ( راتب ) في الجرايد يا جدعاااان
كلاااااااااام يا عوض دكام!!



--------

Quote: يبدو ان الموظفة لم تتنبه للآثار الفوريه التي نتجت من هول ما قالت، ومن ذلك أنني فقدت معظم ما تبقي من شعري فتمددت الصلعة، انتفخت شفتاي، و جحظت عيناي، و ثقل لساني، حتي ظننت أني أخاطب ملك الموت في شكل موظفة الضرائب:

اعزب الشعر اكذبه
ياها خلقت الخشيت بيها ذاااااااتا


و الله مبروك للاحداث
بس ما تتجاهل نصيحة سنيركم سحس دي ( الزول دا في مسائل الجرايد دي خبرة .. خبرة و خيت )
ممكن تستعين بصديق في موضوع الصورة دي لو مصر خالص اوي

الأخ الـحـبيـب الـحـبـوب،
حمور زيادة،
تحياتي مودتي،

***- وبعيدآ عن معارك داحـس والغبـراء عاوز اسألك عن علامات الساعة دي عددها كم?. لما كنت في السعودية قالوا لي عددها 55. صديق من سلطنة قال عددها 14. واحد جزائري قال اصلو ماسمع بها. في السودان بنسمع بها سمع او نلقاها عرضآ في الصحـف. يااخي قلبت "غوغول" مااداني رد!!...انت في مصر اهـ..عددها كم، والعلامات دي شنو?

***- والله انا جادي ياحـمور في سؤالي?!
***- لك مـودتي.

ملحوظة:
سالت واحد من "اندينا " عن العلامات...فرد بغضـب " ماعندناش... ومش بتاعيتنا "!!

مبروك للأحداث. والله تستاهل يا أمين.

Quote: اها قروش الكتابة دي اتفقوا معاك فيها والا يخربك!!!؟ يازول اوعه تكتب ليهم ملح و اوصيل انك تكتب توكيل لاخونا خضر حسين وهو بيعرف يطلعه منهم انا متأكد .

تبقى زي النكتة بتاعت الراجل (نفرض إنه اسمه أمين) الطالب ليه من زول قروش (نفرض إنه اسمه عادل الباز) قالوا ليه أمشي لي فلان داك (نفرض إنه اسمه خضر حسين خليل) لايوق شديد و بطلع ليك قروشك من الزول دا في يومين. قام أمين مشى لي خضر و اتفق معاه يطلع القروش و ياخد نصها... خضر غاب يومين... تلاتة... أسبوع ما ظهر. أها أمين مشى لي خضر يا زول الحاصل شنو؟ خضر قال ليه يا زول والله عادل الباز دا زول عكليتة خلاص يالله و يامين طلعت منه بنص القروش حقي.

Quote: يا خال .. راجع ايميلك للضرورة عاجلا لو سمحت

خلاص يا حمور الخال اشتهر و داير تصاحبه؟ تو ليت مان.

Quote: يا أمينهم، مالك قعدت "تنقز" يا دوبهم مقالين ؛) من الضرائب وعطا وطوالي داخل علي هلال مريخ؟ كان كدي ياكا الما دخلت دوري المجموعات

يا ياسر أخوك بقي بلعب في الدوري الأسباني تقول لي دوري المجموعات ؟!
علي العموم ياخي كتر خيرك علي الأيام الجميله كنت نعم الأخ و الصديق و كنت بستمتع جدا بتلفونات الويك اند و التداخل معاك في المنبر هنا ، لكن الوضع تغير و لا وقتي ولا مكانتي كصحفي بقت بتسمح لي اتداخل معاك فدحن عشان ما ترد عليك المره بتاعت الانسرينج مشين تاني بالله ما تضرب لي : و عشان ما تاخد الموضوع شخصي : الكلام ده ما ليك إنت براك : إنت و معاك الرجرجه و الدهماء و الوهم الهنا ديل و مافي داعي لذكر الأسماء لانهم عارفين روحهم براهم : ما ممكن أكون بتكلم مع مصطفي البطل تضرب لي إنت ولا قيقراوي !!
بالنسبه للبورد هنا فبالله زول أقل من محمد عثمان إبراهيم ما يخش لي بوست تاني : و غالبا أقعد معاكم شويه و أمشي فوراول محل الناس المثقفه و عميقه و كلامها كبار كبار !!

مهما فعلت يا أمين فستظل عند الناس خال حمور

الف مبروك يا بروف
و انا اقول استوساخ الناس ده ما من هين...اتارى القبة تحتها فكى
________________________________
ان شاء الله الترنيدوهات الايام الفاتت ما شالت بيتكم

الف مبروك يا بروف امين -
ما تكون نسيت لقب البروف في السيرة الذاتية بتاعتك
شكرا يا حمور علي الخبر

يا سمارت هو استوساخ نصاح، الله يكون في العون و لسه التقيل ورا.

_________
تاني لو جيتني البوست، بنده ليك عطا ده :)

وانا اقول الزول دا ما رجع ضرب تاني ليه .. وما رسل التلفون بتاع صاحبو الكندي ليه؟؟

اتاريك تطوطح بطوطحانية سيدنا عطا ساكت وعامل فيها هيكل..

وان شاء الله عطا ما يكون تفتف ولا مدا يدو لانو شايف القصة كدا نهايتها ما منطقية::))



حمور سلام..

اخوانى ..اخواتى ..يا قوم...

هذا البروف لا يدهشنى فقد كنا ولا زلنا نتوقع منه الكثير ...انه يحمل الجينات وايم الله الجينات ..بلا حموروان تمسك بعلامات الساعة .

لوووووووووب ...
تصدق بتاع الورثة دا قرييتو فى الجريدة نفس اليوم ؟؟؟؟
عجبت اكثر ما عجبت لاختفاء كل القاب امين واتى اسمه حافا
كما الكسرة لحظة عواستها !!
عجبى هل تهيب القوى ال امين هذه الصحف الصفراء ؟ فتوارى
بسلسلة القابه ؟ والله العظيم ياامين فى واحد فى الجرايد دى كل
يوم بشوف اسمه تسبقه بروفسير دكتور مهندس فلان الفلانى والله ما بهزر !!
لا تترد اخا العرب بروفسير دكتور مهندس بتاع الطعمية امين محمد سليمان
فى وضع كل القابك كاملة غير منقوصة .. باز على منو كمان ؟؟
ولو حبيت اسم فنى اقترح عليك عبد الرحيم كاسوليكى .




حمور

Quote: كانت والدة شوبنهاور سيدة مجتمع و لها صالون ادبي .. و كان العداء بينها و ابنها مستحكماً .. فزار مرة صالونها و طردته ..

ديل ذكرونى وردى وولدو عبد الوهاب ..












ـــــــــــــ

يا امين بحق الصحبة واموون
ما تشوف لى الصحف دى ما عندهم
عمود زايد ؟؟

Quote: من علامات الساعة .. أمين محمد سليمان كاتباً في صحيفة الأحداث

إذن مبروكـ للأحداث يا حمور يا حاقد

Quote: القصه دي شربكني فيها محمد عثمان إبراهيم و تماها مصطفي البطل

تهمة لا ننكرها وشرف لا ندعيه :)

Quote: لكن واسطتك قوية ما فيها كلام ؛) تاني النسمع محمد عثماننا والبطل يكتبان عن حال الصحافة المايِّل، طالما هم براهو يشيلو ويحشرو في أصحابهم ؛)

يا ياسرنا يا عريس
لو إنت عرفت اصل الحكاية لشكرتني.
كل ما في الأمر إني عرفت إن أمين كتب رواية بعنوان (كونج كونج) رداً على رواية حمور وحاول يطبعها في دار ميريت ذاتها ولما الحكاية ما نجحت قال ينافس بيها في جائزة الطيب صالح الفاز بيها هشام آدم. إنت طبعاً ملاحظ سفرياته الأخيرة للسودان ومصر.
أها مصطفى البطل وأنا قمنا بتوريطه في الكتابة الصحفية حماية للأدب السوداني والعربي وقلنا على القراء تحمل أخف الضررين.
___________________________________________________________________________________
* الفكرة دي جات بعد مشاورات مع الأخ حمور زيادة وكان رأيو إن الكتابة الراتبة بتزهج وأمين ما عنده صبر لذلك حيكتب شهر شهرين وحيخلي الحكاية

الصديق محمد عثماننا

Quote: أها مصطفى البطل وأنا قمنا بتوريطه في الكتابة الصحفية حماية للأدب السوداني والعربي وقلنا على القراء تحمل أخف الضررين.

لولا محبتنا لكما، لإتهمناكما بإزعاج القراء، وتبديد مالهم فيما لا ينفّع ولا يرقّع؛).. واحد بلدياتنا مقاس مداسه - حتى لا أقول حذاءه- يُقدّر بالأشبار، حايِّم في سوق عطبرة النهار كلو ما بين البوتيكات، لم يجد مقاسه والدنيا قبايِّل عيد، في نهاية الأمر زهج، وقال العيد ده ذاتو يوم واحد، أثناء خروجه من السوق وقف بدكان قديم، سأل صاحبه: عليك الله أديني قزازة بيبسي، كع كرع، عليك الله اديني واحدة تانية، كع كرع، فأثناء الكركعة وبلدينا رافع رأسه حتى ينساب البيبسي إلى معدته الخاوية دون عوائق مريئية، لمح في الرف العلوى مركوب نصفه خارج الرف، وضع زجاجة البيبسي سريعا وقال: ياحاج الجزمة دي بي كم؟ يا تو جزمة؟ سأله صاحب الدكان، فأشار بلدياتنا للرف؛ صعد صاحب الدكان وتناول الفرة الأولى، فصعد ثانية وتناول الفردة الثانية، والمركوب مغبّّر وكأنه أخرِج من باطن الأرض. أدخل بلديانتا رجله اليمنى فإذا بالمركوب ينزل منزلة السيف من غمده، إبتسمّ بلدياتنا بسمة لو وُزِعت على أهل عطبرة جميعاً لوسعتهم. أدخل بلدياتنا يده بجيبه وسأل: ياحاج قلت لي الجزمة دي بي كم؟
صاحب الدكان: يا ولدي المركوب ده قدرك؟
بلدياتنا: أي قدري..
يا ولدي المركوب ده انا من إشتريت الدكان ده قبل خمس وعشرين سنة المركوب قاعد في الرف ده. فأردف صاحب الدكان: ياولدي المركوب كان قدرك شيلو وأمِشْ ؛)
فيا محمد عثماننا والبطل الذي بضواحي منيسوتا، للأدب ربٌ يحميه، وللأدب مكتبات لا يدخلها إلا ذو عقل سليم، فرواية كونج كونج مصيرها مصير ذلك المركوب، ولكن دفعكما بصديقكما عنوّة في عيون القراء، لا لشيءٍ غير محبتكما غير الموفقه فيه، لأمر يستحق الدعاء لرفع البلاء.

امين شقيق صديقنا
الظريف بدرى

تحياتنا لبدرى واخبارو شنو

شكرا ياعاطف على المعلومة

Quote: بالنسبه للبورد هنا فبالله زول أقل من محمد عثمان إبراهيم ما يخش لي بوست تاني

شوف يا حمور خالك خاتيني في الحد الأدنى.. قول ليهو تاني ما في طريقة ليك تمشي السودان خالص وكان مشيت غلا الناس يختوا صورتك في بروفايلاتهم ويكتبوا تحتها (الحرية لأمين محمد سليمان).
يعني من اول مقال يسخر من مدير عام جهاز المخابرات.
تابعوا دراستي النقدية اللاحقة:
بين عطا ومحمد عطا: قراءات تفكيكية في كتابات أمين م سليمان (1-4)

ياخ عطا دا أحسن زول في السودان!!
أموت في عطا وأحب عطا وأطير و


شكرا بكري أن جعلت هذا ممكناً
لو لا الله ثم أنت لما عرف الناس
ما يسمى مجازا (البروف) أمين!!

السلام والتحايا لحمور والبروف خالو وكل المحتفين باللقب الجديد للبروف(كاتب)
وللحقيقة والتاريخ البروف يشرف ايو اصدارة يشخبط فيها ساى سيبك من الكتابة ذات الطعم واللون *
الشى الاكيد انو الاحداث ستبرز الى السطح طالما تزينت بصلعه عليها نور وابتسامة مثل تلك المرسومة على محيا البروف

بعدين مادام الكلام جاب الكلام دعونا نتأمل مع صاحب التأملات المرفق ادناه

Quote: أن ترفق الزاوية بصورة!

حيث يبدو ان ملاسى لم يتأمل جيدا ولم يفطن الى ان الصورة مرفقة بالزاوية وليس العكس
فتأمل


ثم السلام والاحترام للجميع

***** أمين محمد سليمان كاتباً في صحيفة الأحداث !!!!!!!!!!!!

عصر الدهشة ........ عصر الاعمدة الكاسلوكية

يا نوتة دخلت ليهم بياتو مكنة ناس الصحافة ديل؟

الغريبة انو أمين مشهور بأنه خال حمور

ولكن يمكن أن يشتهر أكثر بأنه شقيق (بدرى محمد سليمان)

فهذا من الرجال الذين تنزل لهم الرايات ......

ما تزعل يا حمور فذاك خالك الأكبر ......

إنا لله ياخ...فوضي مبالغ فيها
وبدوك قروش يا أمين؟؟

كدي النفتح موبايلنا وندور اتصالات لانو علي طيبة طيبة بعدد من الصحفيين المرموقين..ممكن نلقي لينا شغلة
لأنو نوع عمودك مع الضرائب ممكن اكتب سبعة زيه في اليوم ضرائب عوائد،نفايات،مخالفات مرورية،قبينة سكر ماشة ولاية تانية..اضمن ليك 120 عمود من هسة

_
امين انت ما داير تبقي كاتب..مشكلتك مع الضرائب بس..موش كدة؟؟

كدا الواحد يا دوب ممكن يستمتع باللعب والمنافسة مع منافسين أقوياء
قبل البروف أمين الواحد كان بكتب بدون نفس ليقينه بعدم وجود منافس
زي لما تلعب الويست مع كيشة أقل حاجة تعملا ليهو تديهو ليهو في قبولو..
عشان كدا بتلعبا زي البتشرب في دواء الكحة الكانوا بدونا ليهو في الشفخانة
أيام مدرسة الإبتدائي .
ويا حمور بطل حقد
ويا ملاسي أطلع منها
وشكرا للبروف الذي جعل هذا ممكنا .

اليوم قررت شراء صحيفة الأحداث علي أجد رداً لما أثاره الكاتب البروف أمين بخصوص الضرائب وباب عطا
وأنا في طريقي للمكتبة رأيت حالة أقرب لتظاهرة فظننت بالثوار خيراً ـ صدمني هياج الجماهير الذي كان سببه
الرئيسي غياب أمين من أخيرة الأحداث صباح اليوم .


الشعب يريد أمين أبو صلعة
هكذا كانت الشعارات

تاني قصة اجيك في الدكان و أفطر معاك إنت و حليم و باقي الشباب ما أظن تحصل ، الوضع الجديد يا خضر ما بستحمل الناس يشوفوني قاعد في سوق سته




باقي الشباب يامفترى ؟؟؟؟ قال باقي قال ..كتر خير عطا والله

Quote: وان شاء الله عطا ما يكون تفتف ولا مدا يدو لانو شايف القصة كدا نهايتها ما منطقية::))

يا حسين هكرفي
العطا دا قاعد لأمين وأمثاله من حملة الجوزات الاجنبية...الناس ديل بتلقوا الزبون بعناية فائقة وعلي أكف الراحة تماما
زول متهرب من الضرائب والعوائد حقت البيت ما تعرف كم سنةونحن سنويا بيجوا يدفعونا،خمسة وتلتين مليون،تهرب ضريبي زي بتاع مرادونا في ايطاليا الما قادر يخشها من ايام نابولي.

عليه اتوقع انو في مسئول حكومي يكون قرا العمود وخت الاسم في رأسه وهسة العطا بكون سلحوه بمسدس وبمبان

الهم أكثر من العطاءات وقلل من لجان التخلص من الفائض

الدكتور أمين محمد سليمان زول كتّاب ومثقف وخال حمور وعندو صلعة فلا عجب إذن ..



مع تمنيات "لجنة رأب الصدع بين الأديب حمور زيادة والمفكر أمين محمد سليمان" لكم بالتوفيق

عنها / أنا دي ..

Quote: الدكتور أمين محمد سليمان زول كتّاب ومثقف وخال حمور وعندو صلعة فلا عجب إذن ..

لا عجب ما قلنا حاجة
طيب لا موسى الزومة برضو؟
ساهل الزول يقنطروا ليو البلنتي .. الله يستر بس
ركز يا بروف .. ما تصرج بس







---------

لما جينا الدعوسية دي - اكتر فترة ارتبطت فيها بالجرائد - زميلي في الرحلة المباركة دي، مرة جاني فرحان و جايب اعلان في الجريدة - في اطار التبادل السغافي طبعاً - نظرة واحدة في الاعلان حسيت انو الزول دا بهزر، الاعلان المتطلبات فيها لاوصاف امين اعلاه هي اقربو .. بإضافة " حسن المظهر " و اشتمالها على اسم البروف همسلف كصفة " الامانة " ..
قلت ليو اسي غير الامانة دي في ي ي ي زمتك تاني عندك شنو من المتطلبات دي؟

انتو غراق الزمة دا ببيعوهو في سوق ستة؟

الناس المعترضه علي الصوره : حسين و قيقا و اخرين
قصة الصوره دي من ناس الجريده ، يعني لازم ينزلو صورتك مع العمود .. و الحقيقه إنو الصوره كصوره ما شينه الشين أنا ذاتي يعني أعمل شنو ؟
بدل النقه أعملو لي كشف أعمل بيه عملية تجميل لمواكبة المرحله ..

مبروك يا عميق

أتمنى أن تترقى من صحيفة الأحداث لصحيفة الراشدين..

ياحمور

دى ماعلامات الساعة
دى ظهور المسيح*



_____________________
*وكل زول يشوفو ياتو مسيح من وجهة نظرو

ألف مبروووووك على إضافة لقب الصحفي لمجموعة ألقابك الكثيرة والتى نلتموها بسعيكم الدؤوب وإجتهادكم.


أصبح إسم البروف الرسمي:

البروفسير والمفكر والناشط والصحفي أمين محمد سليمان.

أعتقد إعتقاداً جازماً أن تنازل الدكتور مهندس بروف أمين محمد سليمان من عليائه السميقة للكتابة بإحدى الصحف السيارة لهو شرف كبير لصحافتنا السودانية

و نعلم أن الله قد إبتلى الدكتور مهندس بروف أمين محمد سليمان بالكتابة في منبر من لا منبر له ردحاً من الزمن وبالتالي يعتبر مساهمته بالكتابة في احدى الصحف السودانية

إمتداداً لمحاولاته الرامية لإصلاح حال الكتابة السودانية قاطبة عسى و لعل أن يطمر ذلك فينا

برغم محاولات حمور الجادة - فيما أرى هنا - للتقليل من هكذا خطوة فاعلة يقوم بها الدكتور مهندس بروف أمين محمد سليمان

في سبيل اصلاح حال الكتابة السودانية ، برغم ذلك ينبغي علينا أن نشيد بهكذا خطوة فاعلة للدكتور مهندس بروف أمين محمد سليمان

و نأمل الا تحد تلكم الخطوة من جهود الدكتور مهندس بروف أمين محمد سليمان لإصلاح أحوال الكتابة و شئونها بمنبر من لا منبر

الذي ابتلاه الله به من جملة الابتلاءات الكثيرة التي يمتحن الله بها صفوة مفكري هذه البلاد التعيسة كمفكرنا الهمام الدكتور مهندس بروف أمين محمد سليمان


و نقول لحمور لا تحزن ، و نتأسى له بقول الشاعر :

نعم الإله على العباد كثيرة * و أجلهن نجابة (الخيلان)

فعلآ ... كلام و السلام
الكلام ده الفضل فيه يرجع كامل لخضر لأنه السبب في تصوير الدكتور المفكر مع الكتب اياها.
ياخ ما تشوف لينا معاك حاجه و صورى جاهزة من فتنة الأمم و راس المال و انت ماشي , ان شاءالله أحرر صفحة الوفيات

يا اخوانا مبلول مع الرجل الأبيض ( و ربما تكون حركات و طنقعة واجبة مع الرجرجه الهنا ديل ) !!!
الناس العايزين يكتبو في الجرايد زي دينا و عصام و اخرين ، انتو قايلين الموضوع ده فاكي كده ساي ؟ لا عندكم بصيرة من يري بنور الله و لا عندكم المداد الجاي من الفراديس و دايرين تكتبو في الجرايد ؟
عليكم الله عوسو عواستكم هنا ده و خلو العلماء (زي محمد عثمان إبراهيم ) و مفكري هذه الأمة (زيي كده ) يكتبو في الجرايد لعل الله يصلح بنا حال هذا الوطن !!

ـــــــــــــ
حأرشك يا أمين بالصور وسأترك الأمر لقراء الأحداث

يا امين بما انو الصديق وكت الضيق

كخبير مخارج دولي .. اقتراحي لحل ضيقك و كرب الصورة دا... مخرج من الظلمات دي وااحد :

بس انو اديك صورتي تختها في عمودك


و الله لا يضيع اجر المحسنين

عاجل جدا ..

الدكتور الصحفى المفكر أمين محمد سليمان نوتة يتحدث الآن .. هذه اللحظات .. فى قناة الجزيرة .. فى حلقة مشتركة مع أدونيس، ومحمد عابد الجابرى، و(المرحوم) لويس عوض!!

الموضوع .. الفكر العربى فى مرحلة ما بعد الحداثة

مية مية يا بروف

Quote: أمين ياخ ما متحرك علي الرؤاية!!؟

يا سفيان لو أنا اتجهت للروايه ، أنصاف المثقفين ناس حمور ديل يعوسو وين ؟









-------
خضر يا وهم : صغر الصورة طالما نشرتها

قوووووووووووووووووووووووووووووية والله يا حمور

تعرف انا ما بقرا الجرايد الا يوم الجمعة باشتري لي جريدة والا اتنين مرات بتكون الاحداث لكن اظنو امين ما بيكتب يوم الجمعة ....

يازول اقول ليك ، أمين دا محترم أكتر من أغلب رؤساء التحرير الحايمين عندنا ديل خلي الصحفيين وكتاب الاعمدة .....

Quote: تعبنا!

يا سناء ، تعبتو و ساي ؟!
القابي الوهميه شكلها كده بقت بالجد ، كمان لو زول جازف لي شهادة دكتوره مضروبه أعلقها في الصالون يكون ما قصر !!

Quote: مبروك للاحداث

إنت اللي فيهم يا العوض ، فعلا مبروك للاحداث !!
مستغرب جدا في الناس البباركو لي !!

Quote: مهما فعلت يا أمين فستظل عند الناس خال حمور

------
كويس يا عفراء ، بلقاك مطرفه في زنقات المنبر ده !!

سمارت يا ذكيه ..سلام يا صديقه

Quote: الف مبروك يا بروف و انا اقول استوساخ الناس ده ما من هين...اتارى القبة تحتها فكى ________________________________ ان شاء الله الترنيدوهات الايام الفاتت ما شالت بيتكم

يا زوله القبه فاضيه ساااي ... خلا ، إنت قايله نحن مصنفين دول عالم ثالث ساي كده ؟!
التورنيدو ما جا علينا : البل كان في نورث كارولاينا ...







----------
شايف أساسي فتح البتاع تاني : طبعا وضعي الجديد ما بستحمل أظهر في هكذا محلات

Quote: شايف أساسي فتح البتاع تاني Amin

ده ما هو يا بروف، لوول
معذور لكن لعدم المتابعة،
تاني نعمل ليك ملخص بالاحداث و نجي نقراهو ليك اثناء شرابك للقهوة
ده اذا سمحت لينا نعكر صفو مزاج بُنك

غايتو ما عافية ليك يا محمد عثمان :)

الدكتوره - بالجد جد - رحاب الخليفه صاحبة (كسور و بواقى ) و رائدة ( أدب الأستوساخ ) في المنبر و المنابر المجاوره : سلام يا صديقه

Quote: يا سمارت هو استوساخ نصاح، الله يكون في العون و لسه التقيل ورا.

فعلا التقيل جاى وراء و عشان كده أي زول عندو معاي موضوع يتمو هسي : بعد ما اشتهر غالبا سلام الله ما حا اردو !!

-------------

Quote: _________ تاني لو جيتني البوست، بنده ليك عطا ده :)

هسي عليك الله ريدر سبعه ده ما أخير منو عطا ؟!!
------------
بعدين (انده ) دي جبتيها من وين ؟ انده دي مافي زول بقولها غير المصريين و حمور في القهوه
اسمها بنادي ...أنادي يا رحاب ، ما سمعتي محجوب شريف :
وانادي عليك ملاذا في شتا الأيام وبردا في الحياة وسلام وفي شدة هجير وزحام
قاتل الله الاستلاب !!

يا حسين يا نوباتيا

Quote: وانا اقول الزول دا ما رجع ضرب تاني ليه .. وما رسل التلفون بتاع صاحبو الكندي ليه؟؟

ما ضربت ليك باك بعد تلفونا داك لانو انشغلت والله .
بعدين إنت من القلائل البتنطبق فيهم معايير الناس الحا أواصل علاقتي بيهم بعد الوضع الجديد ده !!







---------
رسلت ليك تلفون ياسر في مسج
--------
ياسر طيفور يا وهم : حسين حا يضرب ليك تعمل البقولو ليك ده و إنت ساكت !!!

Quote: يا امين بما انو الصديق وكت الضيق كخبير مخارج دولي .. اقتراحي لحل ضيقك و كرب الصورة دا... مخرج من الظلمات دي وااحد : بس انو اديك صورتي تختها في عمودك و الله لا يضيع اجر المحسنين

طيب ما دي المستجير بالرمضاء بالنار ذات نفسها !!
يا قيقا ياخي أي نعم أخوك شين و معولق لكن أنا بالنسبه ليك ليلي علوي !!

والله شئ غرييب!!!
خال حمور كاتب؟؟
ـــــ
عموماً يا امين حكمة الله واااسعة ولاشئ بعد قوله

Quote: غايتو ما عافية ليك يا محمد عثمان :)

الحق على أنا يا رحاب الأنقذتكم من الرواية بتاعتو.. كان المفروض أخليه يقدم روايتو لشركة زين (بتاعت الموبايلات وجوائز الطيب صالح)، عشان تاني ما تلقوا ليكم قعدة في المنبر دة.
لو طبع الرواية بوستاتو حتكون كدة:
جريدة الخبر في كوستاريكا تكتب عن روايتي
الروائي الفرنسي اللبناني سعيد أبو بستلة يستشهد بروايتي
ترشيح روايتي لجائزة البطيخة الذهبية
ترجمة روايتي إلى اللغة الأمازيغية
:(

صراحة يا محمد عثماننا
لقد زدت طين الصحافة السودانية بلة بهذا الدفع الغير مدروس؛)
___
تصدق كلامو في التلفون أصبّح مملاً، وكأنّك تقرأ -مجبوراً- الملحق الإقتصادي ؛)

بالغته يا اب صلعه
ياخ تجي اجازة واحدة و ناس الجرايد يتلقفوك زي الحاجه السمحه
و شنو !! عمود كااامل و بالصورة كمان !!
ياخي اخوك المسكين ملاسي لا خلى أهرام لا خلى سوداني
عمرو دا كلو جاري وراهم و في النهايه طلع ليه بي سطرين و خاتنهم ليه جنب دعايات المعجون و صابون البُدره
أحسن منو في شنو إنت ؟

---

Quote: طبعا جد يا مورتا ، يعني تاني قصة تجوني بالمواصلات إنت و حسبو دي ما وارده : منظري ببقي شين جدا يكون معاي ضيوف و تجو داخلين مغبرين من المواصلات ! أقول ليك حاجه : إنت لو مستحمي و قاشر و سايق تعال : لكن حسبو تحت أي ظرف ما يجيني !!

انا غايتو تاني ما بجيك
لكن برسل ليك شباب الحله بتاعين المره الفاتت

Quote: طيب ما دي المستجير بالرمضاء بالنار ذات نفسها !! يا قيقا ياخي أي نعم أخوك شين و معولق لكن أنا بالنسبه ليك ليلي علوي !!

الله يقطع شناتنا ذاتو !! او كما قالت

تعرف دي المرة التانية تجلي؟
الاولى كنت ساكن مع " شرف الاهلية " و كان بخطط لاصدار شريطو الاول
اها يا معلم بقيت استحمى كل وم، و الحلاقة كل اربعاء ( كنت اتمتع بشعور طيب جداً وكتها ما زيك اسي )
اها قعد يمال فين .. يماطل .. لمن اتخارجت جيت البلد دي حتن مرق شريطو دا و رسلو لي مرسال ساي خاتي صورتو هو؟

دي صداقة شنو دي اسي؟


---------

خذلتني ياخ!
خذلتني في قرايتي ليك - مش لما تكتب و تهبب - ليك انت يورسلف على اساس انك زول بريديكتبل* .. مشيت قصقصت ليك الصورة دي عنية .. و انا امني النفس بإني اشوفا - مع جماهير قراء الجرايد - تحت الشعار بتاع الاحداث طوالي.

مفيش حظ

كرفست مشاعري ياخ!

يظلم أهل سودانيزأونلاين عالمنا الجليل ( كيتاً في رحاب خليفة ) يظلمونه ظلماً بيناً عندما يصفونه بـ ( خال حمور )

الصحيح هو أن ينعت حمور بـ ( إبن أخت البروف )
على كل

( أميننا ) مكسب للصحافة
ومكسب للقارئ الذي يتوق للآراء المعتدلة
ومكسب للقارئ الذي ينشد الطرفة الراقية


______________________

عارف يا بروف

ناس قيقراوي ( الماعندو مكتبة دا ) ورحاب خليفة ديل ولا أصحابي ولا بعرفم

Quote: ( أميننا ) مكسب للصحافة ومكسب للقارئ الذي يتوق للآراء المعتدلة ومكسب للقارئ الذي ينشد الطرفة الراقية

يا صديقنا الذي بناحية الخليج العربي يا بن عمر يا عاطف، لا تجزلوا العطاء، هكذا، فتسرفون، وإن الله لا يحب المسرفين..
___
انت قاصد أمين معلوف ده ولا قاصد أمين مكي مدني؟

أخشى ما أخشاه أن يكون الاستاذ عادل الباز بيضيع قروش في ما يخطه امين.









ـــــــــــــــــ
يا امين يوجد نسب بين الاستاذ عادل الباز و اسرتنا. ما اظنك عارفو.
ممكن اوريك ليو عشان تحسن وضعك الوظيفي شوية. عملا لله و اصلك في الاخر محسوب خالي رغم كل شيء.

Quote: يا امين يوجد نسب بين الاستاذ عادل الباز و اسرتنا. ما اظنك عارفو. ممكن اوريك ليو عشان تحسن وضعك الوظيفي شوية. عملا لله و اصلك في الاخر محسوب خالي رغم كل شيء.

يا حمور طلعت ود اخت الياباني والتايواني ؛)
___
هل دي دعوّة لتخطي الرقاب يا حمور؟

Quote: يا صديقنا الذي بناحية الخليج العربي يا بن عمر يا عاطف، لا تجزلوا العطاء، هكذا، فتسرفون، وإن الله لا يحب المسرفين.. ___ انت قاصد أمين معلوف ده ولا قاصد أمين مكي مدني؟

عارف يا بروف
عريسنا أبو تفة الطيفوري هو كذلك من رهط قيقا ورحاب خليفة
بل هو أحد أقوى أضلاع محورهم
نحن لهم بالمرصاد
لن يصرفوننا بـ محاولات تخريبهم ( المرصودة عندنا ) لن يصرفوننا عن الإحتفاء بمن أفنى ( زهرة شبابه ) في تثقيف أهل سودانيزأونلاين والإرتقاء بهم من حالة كونهم ( رجرجة ) إلى مصاف النخبوية . لا ، بل ووقف سداً منيعاً أمام ( العلف ) ما كان ( مقوقلاً ) منه إسفيرياً أو منقولاً من أضابير الكتب والمراجع ( الغميسة ) .

من هوأمين مكي حتى تقارنه بـ ( أميننا )
لا يغرنك يا صديقي ( شوية المعلومات القانونية ) البيعرفا ، أو حتى ( شوية الحاجات ) العملها مناهضة لنظام مايو أو توزيره أو عمله في مؤسسات ( الإمبريالية العالمية ) . لا يغرنك كل ذلك يا صاح فلأن ( يثقف ) بك الله عضواً في سودانيزأونلاين خير لك من ( خضر ) الدولارات الإستعمارية

يا ياسر هذا الأمين ان فلح قال الناس خال حمور فلح. و ان خاب قالوا خال حمور خاب.
لذلك تجدني مضطرا لمساعدته على مضض.
لاحظ ان لي ابن خالة هنا في البورد و امين خاله ايضا .. كما ان هناك قرابات ونسب تربطني و تربط أمين بأكثر من عضو بهذا البورد .. لكن الله ابتلاني به من دون سائر الأهل.

إهداء خاص لياسر طيفورنا في براري كندا: صورة من الصفحة الأخيرة لعدد اليوم في الأحداث ويظهر عمود الدكتور أمين في المكان المعتاد لزاوية رئيس التحرير عادل الباز الذي يبدو أنه أخلى مكانه للزميل الجديد!

يا محمد عثماننا

Quote: إهداء خاص لياسر طيفورنا في براري كندا: صورة من الصفحة الأخيرة لعدد اليوم في الأحداث ويظهر عمود الدكتور أمين في المكان المعتاد لزاوية رئيس التحرير عادل الباز الذي يبدو أنه أخلى مكانه للزميل الجديد!

لا يعرف الفضل لأهل الفضل إلا ذوو الفضل !!







---------
والله يا حمور لو ما حرام كان نصحتك تنتحر !

يا محمد عثمان داير أقبل و أعلن عليك الحرب عشان لمن أبقي نجم الصحافة الاول ما تجي تقول لي أنا (عملتك ) و تطلع الايميلات و تبقيني في أمرا ضيق !!

بالله ياهو دا أمين الخالف رجله تحت يا محمد عثمان؟ و مالو عموده ملون كدا إن شاء الله؟

Quote: بالله ياهو دا أمين الخالف رجله تحت يا محمد عثمان؟ و مالو عموده ملون كدا إن شاء الله؟

الخالف رجلو ده عمك بتاع هرمنا ! أنا الفي النص مصور مع خالتو سوزان

Quote: إهداء خاص لياسر طيفورنا في براري كندا: صورة من الصفحة الأخيرة لعدد اليوم في الأحداث ويظهر عمود الدكتور أمين في المكان المعتاد لزاوية رئيس التحرير عادل الباز الذي يبدو أنه أخلى مكانه للزميل الجديد!

يا محمد عثماننا، طالما العملية برمتها، أولدتها الواسطة، فكل شيء جايِّز، وممكن بكرة أو بعدو تجد أسمه في أعلى يمين الصفحة الأولى..

عمود اليوم

كلام والسلام
أمين محمد سليمان
[email protected]
------------------------------------
الثوار وصلعة سيف الاسلام
ساءني جدا أن اقرأ في احدي الصحف أن من بين هتافات المتظاهرين في ليبيا، ضد سيف الاسلام القذافي هتاف يقول: (يا أصلع يا كذاب ... الشعب الليبي لا يهاب)!
لا غرض لى فى الدفاع عن سيف الاسلام القذافى، الذى لا تربطنى به غير آصرة الصلعة. وقديماً قال امروء القيس: (الأصلع للأصلع نسيب)!
فلنترك سيف الاسلام وصلعته جانباً، ونتحدث اولاً عن صلعتي أنا: أعراض الصلع ظهرت عندي في وقت مبكر جدا : تساقط شعري - كدفاع برشلونه في الزمن الاضافى - و أنا ما زلت صبيا يافعا. وفي فتره وجيزه كان رأسي أقرب إلي (بطن الكراع ) منه الى أي شئ أخر! الصلعة لم تمنعني (مِراحي) لكني كنت دائما مطالبا بمجهود مضاعف حيث تلعب الصلعه - مثلها مثل الصعوط - في الاتجاه المعاكس لما تحب (انصافنا الأخري) و ترضي !
في البدء سببت لى الصلعه جرحا سكن القلب، لعله الذي عناه النور الجيلاني ب (جرحك يا غرام الروح ... لا طاب ...لا بدور يبرى ). لكن جرح صلعتي - شيئا فشيئا - طاب و برئ و تصالحت معها و من ثم مع نفسي و جعل الله بيننا مودة و رحمة حتي ظننت إن لم أكن أصلعا لتمنيت أن أكون ! و الذي عرفته في رحلة التصالح مع الصلعه أنها - في الغالب الاعم - وراثيه يسببها (جين ) يكون سائدا عند الرجل و متنحيا عند المرأة!
و الذي لا يعرفه الرجال من غير ذوي الجينات المسببة للصلع: أن هناك رابط خفي وسر إلهي يربط بيننا نحن الرجال ذوي الجينات المسببه للصلع : شئ ما يجمعنا و يؤلف بين قلوبنا .
الصُلع - بدون إستثناء - عميقين و مهذبين، إن لم نكن بالفطرة فبالممارسة. و يبدو أنها غريزة البقاء إذ لا يمكن أن نكون ( لا خلقه لا أخلاق ).
نعود الى سيف الاسلام ابوصلعة والثورة الليبية. نحن مع الشعب الليبي قلباً و قالبا، و نتمني أن يتنحي القذافي اليوم قبل الغد ، فقد ( فترنا ، فترنا .. في إنتظار هذه اللحظة التاريخية !!) لكنا ضد الأساءة لنا بسبب جينات - مثلها مثل القذافي - أبت أن تتنحي ! نحن ضد التنميط السالب في حقنا ، ضد التمييز الظالم و الوصف الجائر من شاكلة (أخدراني طويل و عندو صلعه) !
الحديث عن الصلع حديث ذو شجون لكن أكثر ما كنت وما زلت أفكر فيه هو كيف كان إحساس الأصلع الأول في البشريه؟! كيف تقبل الرجل هذا الأمر ؟! كيف قابله الناس و كيف تقبلوه ؟! ماذا كان (الشمار) ؟! و كيف كان تبريره وفضيحته علي (رؤس) الأشهاد ؟!
لا أظن اننا سنعرف فالتاريخ لا يكتبه ذوي الجينات المسببة للصلع !

Quote: نحن ضد التنميط السالب في حقنا ، ضد التمييز الظالم و الوصف الجائر من شاكلة (أخدراني طويل و عندو صلعه) !

يا بروف ... متعاطفين مع الثورة الليبية نعم, ممغوسين من القذافي نعم
لكن تنديدهم بصلعة سيف الاسلام - اللي هي موضة بالمناسبة وليست أمر واقع :) - أهون مآخذنا على ثوار ليبيا, ما بيننا وبينهم عنصرية عديل كدة

Quote: الصُلع - بدون إستثناء - عميقين و مهذبين، إن لم نكن بالفطرة فبالممارسة. و يبدو أنها غريزة البقاء إذ لا يمكن أن نكون ( لا خلقه لا أخلاق ). نعود الى سيف الاسلام ابوصلعة والثورة الليبية. نحن مع الشعب الليبي قلباً و قالبا، و نتمني أن يتنحي القذافي اليوم قبل الغد ، فقد ( فترنا ، فترنا .. في إنتظار هذه اللحظة التاريخية !!) لكنا ضد الأساءة لنا بسبب جينات - مثلها مثل القذافي - أبت أن تتنحي !

كلامك عن ( العماغة ) دا عاوزين عليو شهادة اتنين من نوع اب تفة - ما يعادل " شفشوفة" بالليبي - ( عندك ياسر طيفور مضمون، حالو العقيد بقى! ) او اربعين من المتمتعين بشعور طيب ، يا كمان تمانين مما تعدون من زوي الشعور ( المناسب ) - كحد ادنى - زي حالاتي كدا..
1. و هدا توقيعي للاعتماد.

Quote: يا بروف ... متعاطفين مع الثورة الليبية نعم, ممغوسين من القذافي نعم لكن تنديدهم بصلعة سيف الاسلام - اللي هي موضة بالمناسبة وليست أمر واقع :) - أهون مآخذنا على ثوار ليبيا, ما بيننا وبينهم عنصرية عديل كدة

لوووووووووول
يا ابو حتحوت
البروف قام بنمرة خمسة و عاوز يخش في الاخوانيات ( العهدة على مرتضى جعفر )
قلتي لي كرمش شعوركم؟

يعني كاتبنا العميغ ( اصلع يعني و العهدة عليو هو همسلف ) هاميهو تساقط شعور هو، و شعور القذافي* الابن هاميو اكتر من سقوط الليبيين - ثوار و كتائب بالمناسبة! - و ولوغهم في بركة العنصرية الآسنة الى جانب فظائع اخرى مرتبطة بالتمييز العنصري!!



* بالمناسبة ديك ذاتا - ما عاوزين نبزر ياخ! - القذافي العقيد، الشفشوفة دي ما حقتو .. زراعة ساااااي و الله ..
فلا تدع الفرصة تفوتك يا بروف
و ارحم قارئك

Quote: لكن تنديدهم بصلعة سيف الاسلام - اللي هي موضة بالمناسبة وليست أمر واقع

بل هي أمر واقع
ويعرف هذا الاستايل عند العميقين "بيدي لا بيد عمرو"
وعند الرجرجة والدهماء "كتلوك ولا جوك جوك"

ــــــــــــــــــــ
الحلبي: حلاق عرسان (ومرات مرات وزرا) بالمعاش

Quote: بل هي أمر واقع

يا حلب لب ، البشري قايل ما عندنا حدايد !!
خليه يعمل قوقل لصورتو : سئيلي الله صلعتو أكبر من حقتي !!

كلام الناس كلو ( رديتوهو )
بس كلامي أنا الماعرفتوهو









____________________

يا لشماتة الرهط فينا

إستو ساخ مجيه

Quote: سئيلي الله صلعتو أكبر من حقتي

يا بروف شايفك اول حاجة بديت بيها العهد الجديد دة (الغيهب على قولة كيكى) انك تست######نى
يبقوا على الاتنين , صلعة واستوساخ
______________________
ياريت يا بروف لو كنت اسهبت فى موضوع رحلتك مع الصلعة
كانك ماسك يدى بتكتب بيها

محاولات فاشلة من أمين محمد سليمان لاكتساب شرف الكتابة عن الصلعة.
يا للبؤس.


التمييز ضد الصلع .." حبيت أب قجيجة" نموذجاً

Quote: بالمعاش

البالمعاش الحلاق وليس العرسان أو وزراهم

الف مبروك للبروف أمين.
__
نصيحة محب: خضر حسين ده يا بروف تسقطو من حساباتك مش فورا وبس وبأثر رجعي كمان.

عاطف عمر و تيجا الأصلع !!
يا اخوانا ده كلام ده ؟ أستو سخكم كيف يعني ؟ و هل يستو سخ الانسان نفسه ؟!
كنت ماشي بالدور لحدي ما جاء البشرى بكلام إنو سيف الاسلام قريبنا صلعتو ما أصليه فوجب دحره و رد إفتراءاتو لانو مهما كان خلافنا مع سيف الاسلام فده ما مبرر للولوغ في صلعته و التشكيك فيها !!

Quote: يا اخوانا ده كلام ده ؟ أستو سخكم كيف يعني ؟ و هل يستو سخ الانسان نفسه ؟!

دي مكنتك؟





------

عموماص نحن رمينا طوبتك ذاتو
انا جايي لحمور

حمور ياخ عليك الله تعال بجاي ( قلوبٌ من حليب )
لو سمحت ظروفك يعني؟

قيقا الصورة دى شكلها فى المكان بتاع ناس طه القرشى الوديتنا ليه فى رمضان 2009

حمور وخالو

كنت عايز اشتكى من الإستوساخ لكن خفت تردوا على كما رد ملاسى لأحد المتداخلين اشتكى من التجاهل..

فقال ملاسى:
كنت عارفك مسكين لكن ماكنت قايلك للدرجة دى..
اها ردينا عليك افرح!!

Quote: كنت عايز اشتكى من الإستوساخ لكن خفت تردوا على كما رد ملاسى لأحد المتداخلين اشتكى من التجاهل

يا دوك يشهد الله مافي إستوساخ و لا ممكن يكون في !
الزمن ممحوق و في أيام بتشغلنا أموالنا و أهلونا عن الرد ، و دائما بستعصم بحسن ظن الناس ...
الزول القال كده لحسين يستاهل ، ملاسي ما برد علي زول إلا يكون عايز يبلو !!

Quote: قيقا الصورة دى شكلها فى المكان بتاع ناس طه القرشى الوديتنا ليه فى رمضان 2009

لا دي في دار قومٍ دعاؤهم : " يا ود مضوي تجيبو قوي "


دي ابعد منها ..
كان يوم عندنا شغل في ينبع ..
و عملنا استراحة محارب في مشارف جدة في رحلة الرجعة.






------

اسمع انت ما بتنسى كلو كلو؟
ح تخربوا بيت الناس ديل بالدعاية السلبية دي
غايتو اقترح ليم يضيفوا في المنيو ( ضمان ضد السيولة لمدة 24 ساعة من تاريخ الوجبة )

Quote: كلام والسلام أمين محمد سليمان ----------------- قبل اسابيع كنت في السودان لقضاء بعض الأمور الخاصة من ضمنها إستخراج شهادة خلو طرف من الضرائب لعقار ورثناه . ذهبت لمبني الضرائب و بعد سلسله من (المطوطحات) و (الوصف الغلط) وصلت للمكتب المعني . موظفة الضرائب كانت مشغوله بمراجعة بعض الأوراق فلم تعر سلامي أي التفاتة! جلست صابرا محتسبا حتي إذا فرغت من مراجعة الأوراق سالتها عن اجراءت إستخراج شهادة خلو طرف من الضرائب لعقار في المنطقه و بدون كلام مدت لي ورقة صفراء )لا تسر الناظرين( ووجهتني بكتابة رقم العقار . أخذت الموظفة الورقة و من نفس الرف الذي أصاب أديبنا الراحل التجاني يوسف بشير بالربو جاءت بغبار كثيف غطي ملامح وجهها و بين يديها شئ يبدو أنه كان ملفا من ملفات الحكومة قبل حوالى ألف سنة! قلِّبت الموظفه الأوراق داخل (الفايل) و من بين الغبار جاء صوتها : - دايرين منكم خمسة و تلتين الف ! و قبل أن استوعب الأمر تماما بادرتني قائلة : - خمسة و تلتين الف بالجديد يعني خمسة و تلتين مليون بالقديم !! ثم بدأت تعدد أسباب ضخامة المبلغ و تشرح لى فى شئ من الضيق والعجلة قانون الضرائب الجديد، و الضرائب التصاعدية، و كمية المتاخرات المتراكمة علي العقار. يبدو ان الموظفة لم تتنبه للآثار الفوريه التي نتجت من هول ما قالت، ومن ذلك أنني فقدت معظم ما تبقي من شعري فتمددت الصلعة، انتفخت شفتاي، و جحظت عيناي، و ثقل لساني، حتي ظننت أني أخاطب ملك الموت في شكل موظفة الضرائب: و بآخر نفس ظننتني أملكه خرج صوتي كحشرجة المحتضر : - أها هسي الحل شنو ؟! - الحل تدفع القروش دي. - ياخي القروش دي ما عندنا !! - ممكن تقدم إستئناف : تملأ الفورم ده و ترفعو للمدير و .... قاطعتها قائلا : - دقيقة بالله ، أنا عندي إقتراح قبل موضوع الاستئناف ده . - ......... - طالما الحكومه بترث و بتقسم مع الناس في بيوتهم حقو نسعي لانو اسمها يكون مكتوب في الاعلام الشرعي،و شهادات البحث زيها و زي باقي الورثة، و بكده الناس تكون عارفه البيها و العليها بدل ما تجيبوهم تخلعوهم في المكاتب! - ....... ساد الغرفه صمت طويل قبل أن تبدده صيحات الموظفه : - يا عطا ..... عطا ...... دخل عطا فملأ نصف الغرفة، و بصوت واضح و صارم خاطبته الموظفة: - بالله وري الأستاذ ده باب الشارع بوين !!

سلام


الشئ صار هبر

الزول ده اضاف فلوس النفايات بأثر رجعي...

الزول الجاي من برة ده ياهو زول القروش..

الفهم العام وخاص..

الناس دي قاعدة للبلع بس!!

لك الله يا وطن..

يا بروف أمين ..

غايتو أخير ليك عطا دا من ود أختك وشلته

يا حمور وياسر طيفور أرفعو أيديكم عن البروف ..

كلام والسلام
أمين محمد سليمان
[email protected]
-----------------

ظاهرة الانشقاقات السياسية
في الأخبار أن حركة (حق)، التي إنشق معظم أعضائها من الحزب الشيوعي السوداني، قد انشقت هي الأخري و طفق كل (شق) يهاجم شقها الأخر .
حركة (حق) لم تكن بدعاً فى تجمعاتنا السياسية (او الأجتماعية، أو حتى الرياضية)، فالاصل عندنا هو الانشقاق، ثم المزيد من الانشقاق، ثم التشظي! التوحد - او الوحدانية السياسية - عندنا تظل هي الإستثناء . والشهادة لله فإن الذاكرة لا تسعفنى فى يومى هذا بأي إستثناء!
والناظر لكل احزابنا و تكتلاتنا السياسية منذ الاستقلال يري كيف تنشق احزابنا، وتنشطر كما الأميبا في كتب الأحياء: الحركة الاسلامية التاريخية انشقت الى حركتين قبل الانقاذ، ثم انشطرت الجبهة الاسلامية بعد الانقاذ الى "مؤتمرين"! و حزب الأمة انقسم عبر التاريخ الحديث الى عدة احزاب يصعب حصرها. وكذلك الحزب الاتحادي الديمقراطى، الذى كان فى اول عهده يحمل اسم الوطنى الاتحادى. وكذا احزاب اليسار من لدن الحزب الشيوعى الى حزب البعث. الحركات المسلحه في دارفور انشقت بمتواليات هندسية بحيث يصعب - إن لم يستحيل - معرفة عددها الكلى. اهلنا في الجنوب إنشقوا وانفلتوا تماما، لا من حزب، بل من الدولة نفسها!
الانشقاق والانشطار والتشظي لا يقتصر علي كياناتنا السياسية و حسب، بل يمتد ليشمل تجمعاتنا الرياضية و الثقافية و حتي الأجتماعية منها. و المراقب لاحوال جالياتنا السودانية في الخارج يري العجب العجاب (كل ستة في حتة ) أنشأو تجمعاً خاصاً بهم بعد ان تعذر عليها الالتقاء مع الآخرين على مائدة واحدة . و لو كان إنشقاق الاندية الرياضية ممكنا لكان الهلال "جناح صلاح إدريس" منافسا لهلال الملايين في دوري الكرة !
وعن انشقاقات السودانيين فى المهاجر حدث ولا حرج. فى ذهنى واحد من الانشقاقات الطريفة التى عاصرتها، عندما انشقت الجاليه السودانية، عن تجمع الجاليات المسلمة فى احدى الولايات بأمريكا حيث كنت أقيم قبل حوالي العشر سنوات، وذلك حينما صلي السودانيون صلاة العيد قبل يوم من باقي الجاليات الأخري، بعد ان شق علينا الاتفاق معها حول تحديد يوم العيد!
و طالما كان قدر أي تجمع سوداني الانشقاق، فلماذا لا تنشق هذه التجمعات عند ميلادها بحيث يتكون تجمعين من أول يوم ، مثلا من أراد ان ينشئ حزباً جديداً يبادر بتكوين الحزب، والحزب المنشق فى وقت واحد. ثم ويُعَيِّن رئيس للحزب ورئيس للحزب المرتجى انشقاقه فى ذات اليوم. وأمين عام للحزب، ثم أمين عام للحزب المنشق وهكذا. علي الأقل سيكون الناس مدركين ومستعدين نفسياً للانقسام. وهكذا نتدارك مظاهر القلق والآثار النفسية التي تحدث نتيجة للتداعيات المؤلمة التى تنتج عقب كل انشقاق!

Quote: طالما كان قدر أي تجمع سوداني الانشقاق، فلماذا لا تنشق هذه التجمعات عند ميلادها بحيث يتكون تجمعين من أول يوم ، مثلا من أراد ان ينشئ حزباً جديداً يبادر بتكوين الحزب، والحزب المنشق فى وقت واحد. ثم ويُعَيِّن رئيس للحزب ورئيس للحزب المرتجى انشقاقه فى ذات اليوم. وأمين عام للحزب، ثم أمين عام للحزب المنشق وهكذا. علي الأقل سيكون الناس مدركين ومستعدين نفسياً للانقسام. وهكذا نتدارك مظاهر القلق والآثار النفسية التي تحدث نتيجة للتداعيات المؤلمة التى تنتج عقب كل انشقاق!

برضو مافي ضمانات ..
النفسيات محمداك محمداك طالما تحمل جينات و جنسيات سودانية مية المية.
الكيان الاصل لازم ينشق .. و الكيان المنشق عن الكيان الاصل لازم يعاود الدورة الشيطانية و يمارس الانشطار، طول ما هو حامل للجينات يبقى مسألة زمن بس ما اكتر.
المليون ميل ح تظل مرتبطة بالدولة السودانية .. لكن في المستقبل ح تكون في الاجتماع ما في الجغرافيا. الشعب السوداني الفضل متمسك بالمليون ميل و مزاج رغم تفريطو في المليون ميل مربع.

انقر نا حلي شنو؟
الباب البجيب الريح سدو و استريح.
الحل في راي و على نهج البصيرة ام حمد - الصحيح - انو ما نعمل تجمعات ... بس!
ونرجع لزمن الغابة و يا دار بني سودان ( الفضل ) ما دخلك شر.


الله في

عمود اليوم

كلام والسلام
أمين محمد سليمان
[email protected]
-----------------
شكرا يا برلمان
تابعت عن قرب قضية بذورعباد الشمس بين البرلمان و وزارة الزراعة، لا لعلاقة مباشرة أو غير مباشرة باحداهما لا سمح الله، و لكن لغرابة ما يحدث : و الذي يحدث هو أن البرلمان في هذه القضية (شايف شغلو ) و أن ممثلي الشعب يقفون هذه المره في صف الشعب ممثلا في مزارعي ولاية سنار ، و كفي بذلك من غرابة !
أعضاء البرلمان تحدثو بلساننا و دافعو عن أموالنا المهدره و عن فشل الموسم الزراعي ٢٠٠٨-٢٠٠٩ ، ليس ذلك فحسب بل رفضو مناقشة الموضوع في غياب وزير الزراعه و اعتبرو غيابه إهانة للبرلمان و بالتالي إهانة للشعب .
و بحسب الأخبار المبذوله في الصحف فان لجنة الزراعة والثروة الحيوانية بالبرلمان عقدت أكثر من عشرين إجتماعا لمناقشة القضية و اجتمعت بكافة الأطراف المعنية و من ثم كتبت تقريرا وافيا عن تجاوزات وزارة الزراعه و البنك الزراعي ، و الذي يقرا تقرير اللجنه البرلمانية و يطلع علي ما تم من تجاوزات يدرك ان الزمن الذي (يؤتمن فيه الخائن) قد حل و أن الساعة ما بقى لها سوى ساعه ، و لست هنا بمعرض الحديث عن التقرير فالامر أمام النيابة العامه و القضيه أصبحت جنائية ، انما اكتب مندهشا عن الأداء الباهر للبرلمان في هذه القضية و نجاحه في إحدي أهم وظائفه و هي الرقابة علي أعمال السلطة التنفيذية .
دائما ما كنت أظن - و ليس كل الظن إثم - ان برلماننا ما هو إلا مكان مخصص لجلوس بعض منسوبي الحكومه في قاعة ذات كراسي وثيرة و تكييف بارد ليتحدثو عن أشياء لا تهم المواطن من قريب أو بعيد و من ثم يصرفو المرتبات و المخصصات الشهريه و ما تيسر من حوافز ، البرلمان- في ظني - كان دائما أداة من أدوات الحكومه و السلطه التنفيذية لتمرير اجنداتها و صبغها بالصبغة الشرعيه خاصة أن الأغلبيه الكاسحة من اعضائه ينتسبون للحكومه و حزبها الحاكم ، البرلمان (البزرزر ) الوزراء و يحيل قضاياهم للنيابة ده ( يطرشنا بيه ) .
شكرا يا برلمان و أرجو أن يستمر الأداء بنفس هذه الهمة العالية .

و ده بتاع أمبارح

كلام والسلام
أمين محمد سليمان
[email protected]
نجم زين العابدين بن على
فساد الرؤساء العرب و عائلاتهم و مقربيهم أزكمت أنوف الناس داخل الوطن العربي و خارجة ، فما أن يسقط احدهم حتي (تُضرب الصفايح و تطلع الفضايح ) و يتضح للناس أن من تولي أمرهم لم يكن سوى لص بدرجة رئيس جمهورية !
قبل فترة وصلني في بريدي الاكتروني صور قصر منيف تجري من تحته الأنهار حقيقية لا مجازا في إحدى الضواحي الفرنسية قيل أنه مملوك لقريبي (الأصلع) سيف الأسلام القذافي ، القصر قد لا يكون مملوكا له وانما هو من (كترة البتابت العيب ) بعد وقوع (الصقر )، لكن بالتاكيد أن الذي ليس من (كترة البتابت العيب) هو دفعه لمبلغ مليون دولار للمغنيه الامريكيه مارايا كيرى و مليون أخري للمغني الأمريكي الأخر فيفتي سنت - ارجعها فيما بعد - لاحياء حفل خاص في ليبيا و المؤكد أيضا أن أخاه الساعدي القذافي قد دفع ملايين الدولارات لنادي جوفنتوس الايطالي ليلعب له عشره دقائق .
في مصر الفساد قديم ومتمدد بطول نهر النيل ، لكن أحدا لم يكن يتوقع أن تكون ثروة الرئيس المصري السابق حسني مبارك سبعين مليار دولار ، المبلغ كان أكبر من إستيعاب الشعب المصري له فهتفو له في مظاهرتهم المجيدة ( يا مبارك يا طيار ... جبت منين سبعين مليار ؟! ) .
و في الأخبار أيضا ، أن اللجنة الوطنية لتقصي الحقائق التي أوكلت لها مهمة البحث وحصر الممتلكات غير المشروعة للرئيس التونسي المخلوع زين العابدين بن علي قد عثرت على شهادة ملكية لنجم يحمل اسمه قام بشرائه من المعهد الروسي للفضاء قبل سنوات من سقوطة . شهادة الملكية اظهرت خريطة تموقع نجم بن علي فى السماء بينما يرصد المعهد تحركاته بشكل دورى .
و إن كان احساسي بالدهشة من (عمايل ) الرؤساء العرب قد مات منذ الف سنة مما تعدون إلا أنه عاد و بعث من جديد و أنا اقرا هذا الخبر إذ لم أكن أتخيل أن يصل (السفه) برئيس مؤتمن علي بلاده و مواردها إلي هذا الدرك . زين العابدين بن علي ( فات الكبار و القدرو ) بشرائه لهذا النجم و نقل فساد الرؤساء إلي مرحلة جديده إذ لا يستبعد أن نسمع أن احدهم قد اشترى طيرا طائرا في السماء أو سحابة متجمعة فوق إحدي المحيطات !!
معظم أخبار الفساد هذه ما كانت لتخرج للعلن لولا سقوط هذه الأنظمة أو ايلانها للسقوط كما في الحالة الليبيه.
غياب المحاسبة و إستمرار الحكم مدي الحياة هم العصي التي يتؤكا عليها الفساد . و التبادل السلمي الوحيد للسلطه لا يتم إلا عبر ملك الموت ، و كما قيل قديما ( من امن العقاب ساء الأدب ) !!!

Quote: تابعت عن قرب قضية بذورعباد الشمس بين البرلمان و وزارة الزراعة، لا لعلاقة مباشرة أو غير مباشرة باحداهما لا سمح الله، و لكن لغرابة ما يحدث : و الذي يحدث هو أن البرلمان في هذه القضية (شايف شغلو ) و أن ممثلي الشعب يقفون هذه المره في صف الشعب ممثلا في مزارعي ولاية سنار ، و كفي بذلك من غرابة !

---------

واصل على كدا يا بروف
صراحة ما اتعودت اقرا ليك بقروش ..
احتمال كبير لو فعلت ابطل القراية

الأخوان
عمر صديق الكوز
حامد إبن عمي
أبو عبدالله ، خالد عبدالله
الاستاذ محمد سيد أحمد
الصايم حبيب الملايين
حبيبنا و رئيس رابطة المعجبين أحمد الأمين
تيجا الأصلع
قمرنا المنير بوبا
طلحه الأخطبوط
أميرة الاسافير بت الشيخ
تيسير بت عم عثمان
العميق دكتور بله
الصادق - بشاشا - إسماعيل
حاتم علي العميق
البلشفي عصام جبرالله
عبد المحسن سعيد الوكيل الحصري ل(كلام و السلام )
الدكتور - بالجد جد - الوليد الأمين
الطريفي (سابقا ) حيدر الزين
المحتقن حسب الرسول عكاشة
عاطف - العميق - عمر
الفاتح - الياباني - ميرغني
استاذنا عبدالعزيز عيسي
الشفيف معتصم دفع الله

شاكر و ممنون و في غاية الاسف علي التقصير في الرد ، أموالنا و أهلونا و مسؤليات صحفية شغلتنا عن الرد عليكم ..
كونو بخير يا اصدقائي

Quote: واصل على كدا يا بروف صراحة ما اتعودت اقرا ليك بقروش .. احتمال كبير لو فعلت ابطل القراية

يا قيقا أخير ليك ادفع و إنت ساكت ، بعد شوية مداخلتي هنا ذاتها حا أحاسب بيها بكري

يا قيقا
شاحد الله شحده، يوم صاحبكم امين ده يكتب ليهو موضوع مهبب، ويجيبوهو لينا في المنبر العام ده، عشان نحلِل ليهو قريشاتو؛ أربع منو، يرفعوه ليك في نص المنبر العام ده، واحد يشِّد السروال من تحت، ونخلي الأعضاء الجُدد يجلدوهو جلد غرائب الصلع..
____
موضوع كونو أخوكم ده بقى يكتب بي قروش لسه ما داخلة رأسي ؛)

Quote: موضوع كونو أخوكم ده بقى يكتب بي قروش لسه ما داخلة رأسي ؛)

يا ياسر و اللة البروف ما قصر علمكم بالمجان فترة ياخ

بعدين الشعب الفضل دة عماقة ذي بتاعت البروف دي الا بالقروش

و كان كترتو الكلام بيمشي فور اول في مقام يليق بة


---------------

يا بروف و اللة مداخلاتنا معاك دي بنمشي نقشر بيها

و لو صاحبتني العب ليك باك شمال و يمين

من ود اختك و ياسر هذا

Quote: موضوع كونو أخوكم ده بقى يكتب بي قروش لسه ما داخلة رأسي ؛)

لوووووول يا عمك
انت لسة بتحتار؟
دا زمن استثنائي يا قريبك
كمين و عشرين سنة و انا بحاول استوعب انو ريسنا عمر البشير و لسة ما دخلت راسي!!؟
الترابي لسة ما داخلة في راسو انو نافع بقى ( سياسي )!!؟

تعرف على الاقل في العقد الاخير دا..
اليوم الوحيد الصحيت فيو ما مخلوع .. انخلعت من عدم الخلعة دا!! صدق؟




-------

سم سانين انت يا اب تفة قبل كدا اتهمتني في جلافتي و وصمتني بـ "الرقة " متذكر!؟
دي تهمة انكرها و شرف لا ادعيه
كدي امش شاغل طارق جبريل خليو يداعيك بـ " حسادة تولدك البنات " .. و من هسي هاك تبرعنا السخي بعدد واحد " آمـــــــــين " تليق.
اهن ..
نحن عندنا بنات بنربي فيهن .. نقعد نشتري بيها جرايد و "كلام و السلام" ساااي، و لّ نشوف مستقبل حبيباتنا ديل عاد!؟
حق الجرايد دا ما بنفعن في مستقبلن؟

نصر يا حبيبنا ، سلام يا صاحب ..

Quote: يا ياسر و اللة البروف ما قصر علمكم بالمجان فترة ياخ بعدين الشعب الفضل دة عماقة ذي بتاعت البروف دي الا بالقروش و كان كترتو الكلام بيمشي فور اول في مقام يليق بة

ياسر طيفور و حمور لو ما عملو كده بتبقي في حاجه غلط ، كل رسل المعرفة و حاملي لواء التنوير تعرضو لحروب شرسه من الطبقات المتدنيه فكريا ..
قدري يا نصر ، أن احترق لاضئي للاخرين !!!

Quote: يا قيقا أخير ليك ادفع و إنت ساكت ، بعد شوية مداخلتي هنا ذاتها حا أحاسب بيها بكري

يا قيقراوي-نا ولا يهمك
أنا ارسلت دراسة لبكري أطلب فيها منو إنو يخلي منبرو دة ذاتو بقروش.. يعني التسجيل بقروش أولاً بالإضافة إلى رسوم تجديد سنوية زي الرخصة.. وبعدين أي واحد يشتهر ويمشي يكتب في الجرايد يدفع نسبة من قروش الجرايد ليهو هنا.. أوضحت لبكري في الدراسة إنو يجب ألا تكون هناك اي استثناءات لأي شخص أصلع أم أشيب، كلو زي بعض:(
شوف بالله قال حيحاسب بكري بالمداخلات؟ :(

Quote: وبعدين أي واحد يشتهر ويمشي يكتب في الجرايد يدفع نسبة من قروش الجرايد ليهو هنا

هو الزي ناس امين ديل بدوهم قروش يعني في الجرايد؟
وياخ انا كنت قايل كتابتو دي لاكتساب شهرة و عظمة و اضافة ارض جديدة للصلعان ساي زي هنا؟

Quote: هو الزي ناس امين ديل بدوهم قروش يعني في الجرايد؟

يا قيقا ، أنا باخد ٣ مرات قدر البطل و ٧ مرات قدر محمد عثمان البتفاصح ده و كان ما خايف يرفدوني كان قلت ليك نسبتي في الأرباح أكبر من نسبة عادل الباز رئيس التحرير !!

Quote: شاحد الله شحده، يوم صاحبكم امين ده يكتب ليهو موضوع مهبب، ويجيبوهو لينا في المنبر العام ده، عشان نحلِل ليهو قريشاتو؛ أربع منو، يرفعوه ليك في نص المنبر العام ده، واحد يشِّد السروال من تحت، ونخلي الأعضاء الجُدد يجلدوهو جلد غرائب الصلع..

حيحصل يا اب تفة ح يحصل
وانا ياني متّلح الاحداث الورقية...عليكم بالنسخة الإلكترونية

وديني لو دقس أول زول يزيع انا ده


_
زولكم ده دقس يوم قرر يكتب في الصحف

قمر الحقد الأصلع

Quote: وديني لو دقس أول زول يزيع انا ده

عشان حقدكم ده : حقو الواحد بكره يكتب عن فوائد السدود في الشمال !!

الف الف مبروك والله الوظيفة الجديدة
إن شاءالله عتبتها تبقى سمحة عليك











____________
من زمان نفسي أسألك سؤال
مرة عزمتني بت عمك بيتهم ومن العربية كان معانا ولد كدا (ظريف)
ولغاية ماوصلنا ماسكت وفي البيت تعبني تعب باستعراض عضلاته وفنونه في الكوتشينة
سامية قالت لي دا ود عمي
وأنا هسة شاكة فيك إنت
الكلام دا بدري شديد




غايتو شكلك إنت

Quote: من زمان نفسي أسألك سؤال مرة عزمتني بت عمك بيتهم ومن العربية كان معانا ولد كدا (ظريف) ولغاية ماوصلنا ماسكت وفي البيت تعبني تعب باستعراض عضلاته وفنونه في الكوتشينة سامية قالت لي دا ود عمي وأنا هسة شاكة فيك إنت الكلام دا بدري شديد غايتو شكلك إنت

يا راوية
لو تجاوزنا قصة ( الظرافة ) دي
معقول ( الصلعة ) تغباك ؟؟؟
جاءنا في الأثر
أن صلعة البروف ظلت علامته الفارقة من ( نعومة ) أظافره


ما ( تبهتي ) البروف في صمة صلعتو
أو رفقاً بـ ( الرهط الكريم )




_________

ياسر طيفورنا

راوية جابت ليكم ظرافة واستعراض عضلات وحذق فنون الكوتشينة

اطلبوا ( اللجوء الإسفيري )
لن يسعكم فضاء بكري لو ثبتت ( بهيتة ) راوية دي

Quote: معقول ( الصلعة ) تغباك ؟؟؟

حبيبنا وشقيقنا عاطف
الكلام دا بدري شديد
وظريف دي ميتافور








___________
أنا ماعاوزة أقول الشافع فقع لي مرارتي ساكت



هو ماكان شافع أوي حوالي تمناطشر (تزعتاشر ) سنة كدا
لكن خفيف ولفيف

يا ستهم : تمنتاشر سنه امريكا دي في الأفلام ما شفتها : الوقت داك مهمتي التنويريه كانت محصوره في ابوروف !!











---------
الزول عرفتو تب و الفيك برضو عرفتها !!

Quote: اطلبوا ( اللجوء الإسفيري ) لن يسعكم فضاء بكري لو ثبتت ( بهيتة ) راوية دي

يا عاطف راويه بهتتني لكن ما مشت بعيد !!
عايلتنا كلها ما فيها ناس ( بلالين ) قدر حمور و ابن عمي المذكور ده !!










--------

يا أمينو الشافع وشلاقتو محمدنك ومافايتنك البتة
الكلام دا في السودان
زمان في بيتهم السمح داك





__________
أنا ذاتي كنت شليقة
سامية مدرستنا وهدى زميلتي
لكن كنت مصاحة سامية
دمنا مشى مع بعض زي مابيقولوا

يا اخوانا زول يلم لينا راويه دي !!

يا عاطفنا يابن عمر،
راويتكم هذي، وأشار للبت الممشطة حبشي ؛)
نفعت أمينكم من حيث لا يحتسب، وضرّت نفسها من حيث لا تحتسب..
الشافع القاصداهو راوية ده أكيد شافع غير هذا الأمين.. أمين لما كان في الجامعة، بشهادة الناس العاصروهو، البدري وخليل، قالو كان زول مسكين، الغنماية تقلع جكسايتو، وبنفس المقدار، لو رجعت للمراحل التي سبقت الجامعة، أكيد كان الأولاد بيقلعو منو قروش الفطور، وهسي في المنابر السايبة دي، لولا تقديرنا لإبن أخته حمور، كان نقلع منو المداخلات والبوستات، ولا كان حوّج بكري يعمل ليهو مكتبة..

Quote: حيحصل يا اب تفة ح يحصل وانا ياني متّلح الاحداث الورقية...عليكم بالنسخة الإلكترونية وديني لو دقس أول زول يزيع انا ده _ زولكم ده دقس يوم قرر يكتب في الصحف

آآآمين يا قمر، من خشمك ولي رب السما، عشان تاني ما يرسل الموضوع للجريدة، يردِف، يلبس ليهو كركاسة، ويرجانا في الكريبة ؛)

قيقا الرقيق
شفت كيف؟
أنا ليس من الذين تعميهم "الأشواك" والأشواق من رؤية الورود ؛)
____
حسادة تولدك البنات ؛)؛)

يا قيقا، لو تذكر المعز بتاع اهلي شندي، لعب في الهلال فترة قصيرة وركب التونسية! أمين ده بذكرني ليهو، ما عارف العلاقة شنو ؛)

يا نصر الدين يا بن صلاح
أتصلّح معانا ياخ
بروف مين والناس حاقدين ؛)
_____
لو لا قرابة حمور به، لما وجد مكانه بيننا، ولكان حاله حال إبي زر، يكتب بوستاته لوحده ويعلق عليها وحده؛ ولاحقاً لما علم به محمد عثماننا ولا علم به البطل ولا وجد طريقه للباز..

يا بن طيفور

دع الاشجار تنمو ياخ

الدكتور( الصحفي المفكر اميننا ) العميق دة

اتسجل معاكم هنا يوم 8 شهر 8 سنه 2009

سنتين ما تماها و عندو مكتبة

و بيكتب في الصحف

و صاحب عمود راتب _ كيفتني راتب دي _

--------

ناس بتكتب 16% من 8 صفحات و من زمن حفروا البحر

لم ينالوا ما نالة مفكرنا

انه قدرة ....

او كما قال

---------------

لكن بيني و بينك كتابة كل يوم دي

خايف لية من الدقسة

يجيبا ضقلا يكر كر

لذا انصحة بقال اسبوعي _ راتب _

ياأمين طلبتك بالله كان ما أديت ملاسي دا "مليمترين" من المساحة المخصصة لعمودك يكتب فيهم كلمتينو ديك.
عشان يرتاح ياخي
ريحو الله يريحك دنيا وأخرى.
الزول دا داير ليهو فرقة ياجماعة.
أدوها ليهو ياخ
إنت ما بتحسوا ياخ؟؟؟

Quote: ------------- Quote: _________ تاني لو جيتني البوست، بنده ليك عطا ده :) هسي عليك الله ريدر سبعه ده ما أخير منو عطا ؟!! ------------

كان تشير ل "حروف اسمه" فقط .. او اسمه لكن مقسم يعني ع . ط . ا او تتطلعه خالص من القصة " ما قصه " وتسبدل الجمله لتقراء هكذا : وصاحت : S E A Ls .

وترجع فوق تعدل البداية لتكون "كان ياما كان" عشان تشيل واذا تطورت الاحداث وبدل الاخيرة دخلت لجوه شويه "مع الاحداث طبعا " يكون اسم العمود جاهز.

----------------------------
الثاني حرق الاول "فوق"

يا محمد عثمان
غلطانين احنا المراحيم اكيد، لووول
عارف، انا للان ما قريت رواية حمور، لكن اظن كان امين كتب رواية سبووف، بقراهم طواالي الاتنين
و هو عارف الاسبوفز بتحفز شراء الرواية الاصل، عشان كده بيكون كيدا في ابن اخته ما عملها
****************

عاطف
عجبني ليك الاستو س ا خ
و مكتبة زااااتو ما دايرنها بي كلامنا المجوبك ده
و يا قول حبوبتي الله يرحمها
سمك يا سمك روحي عليك، ملاح الروب بلا يبليكا
****************

امين، اقصد البروف امين
ريدر ده ياخ انت بس ما فاهمه، لكنه زول حبوب
بس انت ما متعود علي روعة الناس التانية
لمن ارجع البوست افهم قصتكم، لوووول
****************

يا عاطف، تااني
لاحظت لتغيير مفردات البروف؟
مثلا:
من "كيتا فيه"، "لكيدا"؟
من "خلعتونا"، "لاحساسي بالدهشة"؟
"تمنتاشر"، بقت بقدرة قادر "ثمانية عشر"؟

و الادهي و الامر، حتي بصمته المعهوده:
من "سئيلي الله"، بقي يقول "الشهادة لله"؟

Quote: يا عاطف، تااني لاحظت لتغيير مفردات البروف؟ مثلا: من "كيتا فيه"، "لكيدا"؟ من "خلعتونا"، "لاحساسي بالدهشة"؟ "تمنتاشر"، بقت بقدرة قادر "ثمانية عشر"؟ و الادهي و الامر، حتي بصمته المعهوده: من "سئيلي الله"، بقي يقول "الشهادة لله"؟

تغيير المفردات ساااااهلة و ( مبلوعة ) يا رحاب
بكرة ح يكون تغيير الأصحاب زاااااتم
يسألوه عن رحاب خليفة
" رحاب خليفة.. رحاب خليفة .. والله الإسم دا ما غريب على لكين ما متذكر صاحبتو "
وعن عاطف عمر
" ما مر على زول بالإسم دا"
أما لو سألوهو عن ( أبو تفة ) ؟؟؟
عييييييييك تكون الإجابة من عينة
" دا زول متسلبط فيني ساكت "



___________________

ما تستغربي
ضرورات المرحلة وكدا
يعني بكرة لو شفتي شعرو مغطي جبهتو
برضو ما تستغربي
قالوا ليك ناس عادل الباز ديل بيدوا شقق في القاهرة
المعادي والمهندسين
وكدا
ما شايفاني مجتهد في البوستات
إنتي خليك مع الكسور والبواقي

Quote: إنتي خليك مع الكسور والبواقي Atif

كسور و بواقي دي ملاح شنو كمان يا عاطف؟

ممتحن شهادة ياخ...!!




جائزة لأجمل تعليق(توجد صورة منقولة)...!!

Quote: ياأمين طلبتك بالله كان ما أديت ملاسي دا "مليمترين" من المساحة المخصصة لعمودك يكتب فيهم كلمتينو ديك. عشان يرتاح ياخي ريحو الله يريحك دنيا وأخرى. الزول دا داير ليهو فرقة ياجماعة. أدوها ليهو ياخ إنت ما بتحسوا ياخ؟؟؟

يا شمس ، والله ملاسي ده انتو عاصرين عليه شديد( و هو ذاتو يستاهل لانو قاعد للناس في حلقها ) !!
لكن من ناحية فنية : أصعب انك تكتب عمود من سطرين مما تكتبو من تلتمية كلمه !!

Quote: كان تشير ل "حروف اسمه" فقط .. او اسمه لكن مقسم يعني ع . ط . ا او تتطلعه خالص من القصة " ما قصه " وتسبدل الجمله لتقراء هكذا : وصاحت : S E A Ls . وترجع فوق تعدل البداية لتكون "كان ياما كان" عشان تشيل واذا تطورت الاحداث وبدل الاخيرة دخلت لجوه شويه "مع الاحداث طبعا " يكون اسم العمود جاهز. ---------------------------- الثاني حرق الاول "فوق"

ريدر سبعه ، سلام ياخي
قريت كلامك ده كم مره و ما فهمتو : و طبعا زي ما عارف أخوك راجل مفكر يعني مفروض يفهم أي شئ : فيا أنا ما مفكر ( و دي بعيده جدا ) يا إنت كلامك ما مفهوم .
عموما شكرا علي المرور و معليش علي الكركبه الهناك و لو انك إنت الغلطان !!

Quote: يا عاطف، تااني لاحظت لتغيير مفردات البروف؟ مثلا: من "كيتا فيه"، "لكيدا"؟ من "خلعتونا"، "لاحساسي بالدهشة"؟ "تمنتاشر"، بقت بقدرة قادر "ثمانية عشر"؟ و الادهي و الامر، حتي بصمته المعهوده: من "سئيلي الله"، بقي يقول "الشهادة لله"؟

سلام يا دوك ،
طبعا المفردات لازم تتغير : ( الأحداث ) صحيفة الطبقة المستنيرة و الناس العميقه ( و طبعا ده عشان أنا بكتب فيها ) يعني ما ممكن اكتب ليهم مفردات من شاكلة ( انده ) !!

Quote: لكن من ناحية فنية

هييييييع...
سمح العلم ... سمحة الدكترة

Quote: بكرة ح يكون تغيير الأصحاب زاااااتم يسألوه عن رحاب خليفة " رحاب خليفة.. رحاب خليفة .. والله الإسم دا ما غريب على لكين ما متذكر صاحبتو " وعن عاطف عمر " ما مر على زول بالإسم دا" أما لو سألوهو عن ( أبو تفة ) ؟؟؟ عييييييييك تكون الإجابة من عينة " دا زول متسلبط فيني ساكت "

والله يا عاطف (بكره ) دي من حسن ظنك ساي : الكلام ده كلو حصل زماااان !!
ياسر طيفور ده بضرب لي يومي : أسالو أخر مره رديت عليه بتين ؟!

Quote: قالوا ليك ناس عادل الباز ديل بيدوا شقق في القاهرة المعادي والمهندسين وكدا ما شايفاني مجتهد في البوستات

غايتو لكل مجتهد نصيب : لكن ما أظن تجيب ليها شقق !!

Quote: ممتحن شهادة ياخ...!!

يا دوك ، الفلم ده من تاليف سمير شيخ إدريس و إخراج خضر حسين و إنت جيت عرضتو في سينما من لا سينما له هنا ده : لكن كلكم ليكم يوم يا ظلمه !!

Quote: هييييييع... سمح العلم ... سمحة الدكترة

يا البشرى ، بحاول أقدم الوعي لشعبي ما استطعت !!!

مبروك لصحيفة الأحداث...اذن