Post: #1
Title: عكاليت البورد
Author: حمد عبد الغفار عمر
Date: 04-14-2011, 07:17 PM
تمهيد
كلمة عكليتة أنا من وجهة نظري شايفها كلمة ما فيها إساءة بل بتعني أن الزول بتابع حاجاته للنهاية (ما عدا في بعض المواقف ممكن تكون صفة ما كويسة)
*****
البورد دا بذكرني الجامعة بكل تكويناتها حتى مسار الناس هنا بشبه لحد كبير مسارات الجامعة .
مثلا في الجامعة تلقى الناس ملمومين في ركن نقاش مسخن مبطلين أي حاجة وكذلك هنا البوستات المسخنة
الجامعة عموما من 4 – 5 سنوات (الطب 6) في الوضع الطبيعي لكن:
في بعض الناس بخلي الجامعة ويغير لجامعة ثانية
بعض الناس بدسمسوهو من السنة الأولى أو الثانية ألخ
بعض الناس بربت (اعادة) غصبا عنو
بعض الناس بقعد 10 سنوات مزاج كدا ساي
ناس يقعدهم الالتزام الحزبي
والحال تماما هنا في البورد
ناس يكونوا نشطين لمدة سنة سنتين وبعد داك تبقى متاوقة
وناس خمسة سنوات بالضبط ويختفي تماما
وناس done
وفي ناس أنا متوقع ما يخلوا البورد دا إلا محمولا
اها الشريحة الأخيرة دي هي المقصودة
يعني عادي تجي سنة 2050 "لو ربنا مد في العمر" تلقى حمد مثلا بنفس اليوزرنيم والباسويرد قاعد في البورد
في زول متوقع نفسه أو متوقع أي زول تاني يكون قاعد مثلا 30 سنة ثانية في البورد دا؟
غايتو الشجاع فيكم ممكن يرشح بعض الناس من خلال رؤيته
|
Post: #2
Title: Re: عكاليت البورد
Author: manal eltahir
Date: 04-14-2011, 08:09 PM
Parent: #1
انت ناوي تقعد هنا تااااني 30سنه.....ماااااااظن الا يعملوه بي طريقة برايل غايتو..!!!!!!وبعدين الكلمه ليه ما تكون عكليت؟؟
|
Post: #4
Title: Re: عكاليت البورد
Author: حمد عبد الغفار عمر
Date: 04-16-2011, 07:52 AM
Parent: #2
منال طاهر
مرحب بيك
| Quote: انت ناوي تقعد هنا تااااني 30سنه.....ماااااااظن الا يعملوه بي طريقة برايل غايتو..!!!!!!وبعدين الكلمه ليه ما تكون عكليت؟؟ |
وليه ما أقعد البمنع شنو؟ انت قايلاها كتيرة لو ربنا مد في العمر؟
انا جيت السعودية قلت بالكتير سنتين تلاتة والواحد يرجع عيييييك
وبعدين لك في ناس 2002 أسوة حسنة هسة ليهم 9 سنوات أها باقي ليهم شنو من الـ 30
والكلمة ما بتكون عكليت لأنو ما حاقعد براي انت زاتك ممكن تكوني قاعدة عشان كدا ممكن بكري
يغير العنوان عكاليت وعكليتات البورد
انا غايتو حدي بكري انفخ الصور حقو انت على كيفك
|
Post: #3
Title: Re: عكاليت البورد
Author: امير طمبل
Date: 04-14-2011, 08:34 PM
Parent: #1
الاخ حمد
مساء الخير
يازول اول حاجة الله يديك طول العمر
Quote: [B]في زول متوقع نفسه أو متوقع أي زول تاني يكون قاعد مثلا 30 سنة ثانية في البورد دا؟
|
تاني حاجة انا شخصيا لو ربنا مد في أيامي متكل طوالي
| Quote: غايتو الشجاع فيكم ممكن يرشح بعض الناس من خلال رؤيته |
بالنسبة للترشيحات دي
1 سلمي تاور
2 دينا خالد
3 معاوية عبيد
4 بدرالامير
مع ودي و تقديري
|
Post: #5
Title: Re: عكاليت البورد
Author: البشير دفع الله
Date: 04-16-2011, 08:34 AM
Parent: #3
تحياتي يا حمد
وبما انو العكلته خشم بيوت
فتوجد عكلته محببه الناس بتابعها وبتتكيف منها
وتوجد عكلته تكرهك في البورد دا وتخليك تكجنو مرة واحده وتغيب منو شهر ولا شهرين
وتجي تلقى العكليت قاعد ومتربع ومبتسم كمان .
اما عن عكلته الناس القاعدين ليهم تسعه سنين ما فيها حاجة مقارنة بي عكلته زول يكون ليهو
تسعه شهور مما سجل في البورد وتلقاهو عمل تسعه ألف مشاركة , بلقى وكت يتعكلت العكلته دي كلها
متين ما تعرف .
بالنسبة لأسماء العكاليت في ترشيحات ولا نتخارج ؟
|
Post: #7
Title: Re: عكاليت البورد
Author: حمد عبد الغفار عمر
Date: 04-16-2011, 11:17 AM
Parent: #5
الأخ البشير دفع الله
هلا
Quote: وبما انو العكلته خشم بيوت
فتوجد عكلته محببه الناس بتابعها وبتتكيف منها |
وهو المطلوب والنوع التاني داك أنا أشرت ليهو بأنو صفى مذمومة
وطبعا البوست أن عايز اسجل فيهو الناس الما عندهم نية قريب دا
أمشو من البورد وهل الوجود في البورد مرحلي فرضتو ظروف بعينها
ولا نهج حياتي في المشاركة ممكن استمر مع الحياة
| Quote: بالنسبة لأسماء العكاليت في ترشيحات ولا نتخارج ؟ |
سجل ساي وحسن النية متوفر إنشاء الله
|
Post: #6
Title: Re: عكاليت البورد
Author: حمد عبد الغفار عمر
Date: 04-16-2011, 08:37 AM
Parent: #3
أمير طمبل
حياك الله وربنا يمد في عمرك انت كمان وأعمار الجميع
| Quote: تاني حاجة انا شخصيا لو ربنا مد في أيامي متكل طوالي |
مرحب بيك في نادي الخدمة العكليتة الطويلة
وأيد في أيد على الأقل الواحد ضمن ليهو زميل بعدين
Quote: بالنسبة للترشيحات دي
1 سلمي تاور
2 دينا خالد
3 معاوية عبيد
4 بدرالامير |
قصدك أهل القضايا أمشو وين ديل ؟
غايتو دينا خالد ومعاوية عبيد ديل لازم يقعدوا على الأقل يبقوا موالاة
عشان ود الباوقة لما بعدين يكون مجاهد كيبوردي
أكتبوا ليهو بوست عنوانو
صوقر يا (أي زول تاني) في الساحة ياكا براكا
شكرا على الطلةونعود
|
Post: #8
Title: Re: عكاليت البورد
Author: ABUHUSSEIN
Date: 04-16-2011, 11:24 AM
Parent: #6
أخونا حمد سلام
غايتو الشايفو أنا مقدمتك دي ما بتخارجك أبداً أبداً
و براااااااااااااااااااك هبشت العكاليت يعني إحلك الحل بله.......
تحياتي
.
|
Post: #9
Title: Re: عكاليت البورد
Author: GamarBoBa
Date: 04-16-2011, 01:11 PM
Parent: #8
حمد سلامات...
الموقع صار لا يعدو مجردمكان يعرف الناس ونسة البعض
مع ظهور تقنيات تعين علي التواصل الاجتماعي تقنيا وفعالة سياسيا أعتقد بعد سنين بسيطة الموقع لو ما غير فكرته حيكون مجرد ناس حلة بتونسوا تحت عمود وبخشوا بيتهم.
يعني ما عاد محل جادي عشان القارئ يستفيد منه الا ما ندر.
|
Post: #10
Title: Re: عكاليت البورد
Author: أمير فتحي
Date: 04-16-2011, 02:30 PM
Parent: #9
Quote: و براااااااااااااااااااك هبشت العكاليت يعني إحلك الحل بله.......
|
اللييييييييله...راس السوط لحق أكبر عكليت
|
Post: #14
Title: Re: عكاليت البورد
Author: حمد عبد الغفار عمر
Date: 04-16-2011, 04:38 PM
Parent: #10
أمير فتحي
مرحب بيك
ياخي كدا وضحت جزء من معالم القائمة الفخيمة للعكاليت
أنا مسجلك غايتو قبل ما استشيرك والدليل:
| Quote: اللييييييييله...راس السوط لحق أكبر عكليت |
يعني عايز تدرع فيني أبو حسين الما بنوم دا يكمل فيني باقي الربع دا
ولا رأيك شنو؟
|
Post: #12
Title: Re: عكاليت البورد
Author: حمد عبد الغفار عمر
Date: 04-16-2011, 04:13 PM
Parent: #9
الأخ قمر بوبا
مرحب بيك
Quote: الموقع صار لا يعدو مجردمكان يعرف الناس ونسة البعض
مع ظهور تقنيات تعين علي التواصل الاجتماعي تقنيا وفعالة سياسيا أعتقد بعد سنين بسيطة الموقع لو ما غير فكرته حيكون مجرد ناس حلة بتونسوا تحت عمود وبخشوا بيتهم.
يعني ما عاد محل جادي عشان القارئ يستفيد منه الا ما ندر. |
والقول ما قلت
بس أنا بأكد برضو أنو أمكانيات المنبر دي ما ساهلة والتنوع الفيهو دا لو أتوجه بصورة كويسة وخلصت النوايا ممكن تكون وراه نتائج كبيرة في تشكيل خلفية إجتماعية وثقافية وسياسية ممتازة لأنو
نحن مشكلتنا خلفيتنا الثقافية هشة جدا ومستندة على موروث ما مجمع بصورة مترابطة وقوية
لذلك بتلقى الانهزامية هي السمة المميزة لحياتنا في أول محك قوي
نسجلك ؟
|
Post: #11
Title: Re: عكاليت البورد
Author: حمد عبد الغفار عمر
Date: 04-16-2011, 03:23 PM
Parent: #8
مرحب أبو حسين
Quote: غايتو الشايفو أنا مقدمتك دي ما بتخارجك أبداً أبداً
و براااااااااااااااااااك هبشت العكاليت يعني إحلك الحل بله....... |
أن البوست دا فتحتو مخصوص للعكاليت لكن حسب مقدمتي فقط
أي عكليت مرحب بيهو
حتى النوعية الثانية دي لو جات مافي مشكلة
نسجلك معانا ولا تفكر شوية ؟
|
Post: #13
Title: Re: عكاليت البورد
Author: معاوية عبيد الصائم
Date: 04-16-2011, 04:28 PM
Parent: #3
Quote:
بالنسبة للترشيحات دي
1 سلمي تاور
2 دينا خالد
3 معاوية عبيد
4 بدرالامير
مع ودي و تقديري
|
الفنان الجميل امير طمبل لك دوما وابدا احترامى يا نضيف
بخصوص العكلتة..علة لابد منها..مع الشباب ديلك..
ياخ ريحتنى بصورك..بتاعت زيارة قطر لمايعرف بعمر البشير...
فكرة البوست ياحمد لذيذة ...............واخد بالك فاستعد للعكلتة ومقدما
كدى.... يا انا يا ابوالحسين فى البوست ده...فى اطار العكلتة ارجا الراجيك
ياحمد
عربون عكلتة
تحياتى لكم والضيوف و(العكليتة ) الجايين
وماشين فى العكلتة نمد من عكلتتنا للجايين
|
Post: #15
Title: Re: عكاليت البورد
Author: حمد عبد الغفار عمر
Date: 04-16-2011, 05:13 PM
Parent: #13
معاوية عبيد
أهلا بيك
وأهو أفواج العكاليت بدأت في القدوم زرافات ووحدانا (زرافات دي أوع تكون بالذال أكون اتمقلبت)
Quote: يا انا يا ابوالحسين فى البوست ده...فى اطار العكلتة ارجا الراجيك
ياحمد |
والله انت وأبو الحسين لو ادردقتوا في البوست دا لحد ماتختفي معالمكم ما اشتغل بيكم الشغلة
هو غير العكلتة أنا كايس شنو في البوست دا
بس شكلك كدا معترف بالعكلتة عشان كدا سجلناك في النادي لحدي 2050 كويسة معاك
|
Post: #16
Title: Re: عكاليت البورد
Author: معاوية عبيد الصائم
Date: 04-16-2011, 05:17 PM
Parent: #15
Quote: بس شكلك كدا معترف بالعكلتة عشان كدا سجلناك في النادي لحدي 2050 كويسة معاك
|
لحدى شهر كم فى 2050 ..حدد لوسمحت ما تكتب كلام سااااى ..
|
Post: #17
Title: Re: عكاليت البورد
Author: ABUHUSSEIN
Date: 04-16-2011, 06:13 PM
Parent: #16
أنا زول واااااااااااااضح
غايتو البوست دا وقع لي في جرح
عندي زول كدا كان جا رايح بي جاي باخد لي إجازة
لأنو إجازة الأصبع باقي فيها يومين بس
إديك العافية يا حمد ياخ...
|
Post: #18
Title: Re: عكاليت البورد
Author: احمد التجانى احمد
Date: 04-17-2011, 06:10 AM
Parent: #17
| Quote: غايتو البوست دا وقع لي في جرح |
قول وقع ليك فى كسر
ياعمو العضم فى السن دى صعب يجبر معلهش مدد الاجازة شوية
لو مزنوق فى التقرير الطبى , دكاترة البوست ما بيقصروا معاك
الاخ حمد صاحب البوست خليك مستعد دخول عش العكاليت ما زى خروجه
|
Post: #19
Title: Re: عكاليت البورد
Author: البشير دفع الله
Date: 04-17-2011, 07:00 AM
Parent: #18
بالمناسبة دي يا جماعه
وين ود الصائم ؟؟؟
|
Post: #20
Title: Re: عكاليت البورد
Author: ياسر بيناوي
Date: 04-17-2011, 09:38 AM
Parent: #19
طيب لو بتستوعبوا ناس عكلته نص كلتش
سجلوني
سلامات ياحمد
خالص الود
|
Post: #21
Title: Re: عكاليت البورد
Author: أمير فتحي
Date: 04-17-2011, 10:39 AM
Parent: #20
ربي أجعلني بهذا البورض عكليتاً مهابا
كل صفاتا السمحه فيني ونفحة من زمن الصحابه
لا تلكلكني في ردي لا تطيش مني الإصابه
أضرب الخونه البجوني وكل أفراد العصابه
______________________________________
(*) مهداه لشيخ العكاليت (أبوحسين الأصبعي) مع كل الإعجاب
|
Post: #22
Title: Re: عكاليت البورد
Author: عبدالرحمن الحلاوي
Date: 04-17-2011, 11:34 AM
Parent: #20
أولا مرحبا بك
تانيا عدد سنوات تسجيلك في سودانيز اونلاين ومشاركاتك لاتصنف في خانة العكاليت
وبما أنو البوست دا مخصص للعكاليت
فالعكلتة تصنف حسب نوعية المتعكلت والمواضيع التي يتعكلت فيها
العكلتة السياسية : وهذه غالب أهل البورد عكاليت فيها .
العكلتة الادبية : ديل ناس أبوجهينة وإدريس محمد إبراهيم وعبدالله الشقليني والمنصور المفتاح وتاج السر الملك .
العكلتة الاجتماعية : طارق جبرين وود البشرى وودشيقوق والمحرب والمسلمي
العكلتة الدينية : وليد التلب ، عارف الركابي ، وعمار عبدالرحمن ، وزمان كان الطقي ربنا يرجعوا المنبر
العلكتة لأجل العكلتة : ديل ناس قريعتي راحت ومرقنبو قرنبمبو ....
جدوى العكلتة :
تساعد في وضع حدود وترسيمها جيداً من الاختراق او الاحتراق ..للأسف فضاءنا مخترف وبرنا وبحرنا مخترق ...حتى أحلامنا في النوم لم تنج من الإختراق
غايتو البتابع البورد دا سيصاب بمتلازمة العكلتة .
تحيات
|
Post: #29
Title: Re: عكاليت البورد
Author: حمد عبد الغفار عمر
Date: 04-18-2011, 07:29 AM
Parent: #22
الأخ عبد الرحمن الحلاوي
مرحب بيك في دار آل عكليت
Quote: تانيا عدد سنوات تسجيلك في سودانيز اونلاين ومشاركاتك لاتصنف في خانة العكاليت
وبما أنو البوست دا مخصص للعكاليت |
صحيح إلى حد ما لأنو عشان تكون عكليتة تمام لازم تكون ملم بكل البيئة المحيطة بيك
لكن في ناس يولدون عكاليت يعني لو مشيت سألت أمو تقول ليك والله فلان ولدي دا عذبني في الرضاعة
أها زي النوع دا محل ما يمش بتلقاه عكليتة مابتقيد بالزمن.
Quote: فالعكلتة تصنف حسب نوعية المتعكلت والمواضيع التي يتعكلت فيها
العكلتة السياسية : وهذه غالب أهل البورد عكاليت فيها .
العكلتة الادبية : ديل ناس أبوجهينة وإدريس محمد إبراهيم وعبدالله الشقليني والمنصور المفتاح وتاج السر الملك .
العكلتة الاجتماعية : طارق جبرين وود البشرى وودشيقوق والمحرب والمسلمي
العكلتة الدينية : وليد التلب ، عارف الركابي ، وعمار عبدالرحمن ، وزمان كان الطقي ربنا يرجعوا المنبر
العلكتة لأجل العكلتة : ديل ناس قريعتي راحت ومرقنبو قرنبمبو .... |
طبعا العكلتة هي في أساسها الثبات على النهج والألحاح مهما كلف الأمر والشباب القلتهم ديل بالتأكيد
عكاليت لا يشق لهم غبار
لكن في السانحة دي أنا بضيف ليك عكليتة الناس ما منتبهة ليهو هو الأخ عادل بلير
شفت العكلتة بتاعتو في بوست غرائب وعجائب الأخبار منجض شغلتونجيض تمام
ولا للانهزام والخنوع
|
Post: #28
Title: Re: عكاليت البورد
Author: حمد عبد الغفار عمر
Date: 04-17-2011, 06:05 PM
Parent: #20
ياسر بيناوي
مرحبا
Quote: طيب لو بتستوعبوا ناس عكلته نص كلتش
سجلوني |
بنسجلك وأطمنئك وأطمئن الجميع انو عند برامج تدريب وتأهيل متقدمة جدا
مشرفين عليها كبار عكاليت البورد
هسة انت اختار عايز المدرب بتاعك يكون منو:
عندنا د نجاة محمود عكلتة على الطريقة الأسلامية ودي في نهاية الكورس
بتديك كبك أبو شلاخات
أو كوستاوي عكلتة على طريقة الكابوي الأمريكية
وبرضو في النهاية بديك واحدة من الصور المحببة إلى قلبه
ما تفوت الفرصة دي المدربين ديل أنا اخترتهم ليك انت بصورة خاصة
|
Post: #27
Title: Re: عكاليت البورد
Author: حمد عبد الغفار عمر
Date: 04-17-2011, 05:45 PM
Parent: #19
ديشاااااك
مالك دخلت في بيت الكلاوي واللحم الحي؟
ديل ناس القائمة الذهبية
أمرق يا عمك فالمنبر يفتقدك بشدة
|
Post: #25
Title: Re: عكاليت البورد
Author: حمد عبد الغفار عمر
Date: 04-17-2011, 05:19 PM
Parent: #18
الأخ أحمد التجاني
حبابك
| Quote: الاخ حمد صاحب البوست خليك مستعد دخول عش العكاليت ما زى خروجه |
كدا القائمة بتاعتي أموصها وأشرب مويتها ولا شنو ؟
وعش العكاليت كفايا علينا وبنعرشو برموش عينينا
شايفك مرات كدا عندك عكلتة ممتازة ومساككة حلوة
بتأهلك تكون معانا لحدي 2040
|
Post: #26
Title: Re: عكاليت البورد
Author: حمد عبد الغفار عمر
Date: 04-17-2011, 05:34 PM
Parent: #18
مكرر
|
Post: #24
Title: Re: عكاليت البورد
Author: حمد عبد الغفار عمر
Date: 04-17-2011, 04:51 PM
Parent: #17
ابو حسين
Quote: غايتو البوست دا وقع لي في جرح
عندي زول كدا كان جا رايح بي جاي باخد لي إجازة
لأنو إجازة الأصبع باقي فيها يومين بس |
غايتو كان قاصد هشام هباني بتكون بالغت
شفت دي العكلتة الجد جد وكمان عصامي شديد خلاص وبخدم خدمة مبالغة
لو جاء هنا وما أدوك إجازة إلا تكسر ليك أصبع تاني
لأنو بتكون ورطني جد جد
أناهسة بحاول اتفكفك من معاوية عبيد
|
Post: #23
Title: Re: عكاليت البورد
Author: حمد عبد الغفار عمر
Date: 04-17-2011, 04:33 PM
Parent: #16
| Quote: لحدى شهر كم فى 2050 ..حدد لوسمحت ما تكتب كلام سااااى |
..
والله يا معاوية انت زول عكليت جد جد
المهم من أمس اللجنة في اجتماع وتداول ولحدي هسة
ما قادرين يحددوا ليك الشهر واليوم والساعة
|
Post: #30
Title: Re: عكاليت البورد
Author: البشير دفع الله
Date: 04-18-2011, 07:56 AM
Parent: #23
نفتقد قيقراوي وبشده باعتباره خبير تحليل وكدا
اظهر يا قيقا
|
Post: #31
Title: Re: عكاليت البورد
Author: حمد عبد الغفار عمر
Date: 04-18-2011, 08:17 AM
Parent: #30
هلا يا البشير دفع الله
| Quote: نفتقد قيقراوي وبشده باعتباره خبير تحليل وكدا |
ختفتو من خشمي
طبعا قيقا دا بقطع نفس خيل القصايد وبشده أجراس المعابد
والله لو سكاك في بوست الا تطلب 999
هسة انت خليت لي منو تاني غير دومة وكيكي وياسر طيفور
صاحبك ود الصائم قالو بعمل في إنقاص وزن
هسة دي ما عكلتة تااااني يقعد يشتري في البناطلين والقمصان
والفنايل والشرابات الجديدة حتى النظارة دي لازم يغيرها لأنها بتقع
في أقرب دنقيرة
التعديل لكتابة إنقاص وزن لأنو كتبت ت خ س ي س جات كلمة غريبة خلاس
|
Post: #32
Title: Re: عكاليت البورد
Author: محمد عبد الماجد الصايم
Date: 04-18-2011, 08:36 AM
Parent: #31
يا عمكـ .. كان ربنا سهّل نحن ناس: قاعدون بلا حدود!
_
شكرا يا البشير على التفقد!
|
Post: #33
Title: Re: عكاليت البورد
Author: حمد عبد الغفار عمر
Date: 04-18-2011, 09:05 AM
Parent: #32
محمد الصائم
حمد الله على السلامة ياخ
| Quote: يا عمكـ .. كان ربنا سهّل نحن ناس: قاعدون بلا حدود |
كالعادة تفوقت على حسن الظن العريض
انت واحد من القيادة التاريخية للعكلتة
وبنديك إمارة السعودية كمان
بس كان حميدة رجع أن ما مسئول من النتائج
|
Post: #35
Title: Re: عكاليت البورد
Author: معاوية عبيد الصائم
Date: 04-18-2011, 09:53 AM
Parent: #33
Quote: وبنديك إمارة السعودية كمان
|
خلاص يا حمد (الملكى) تشيل وتعين
بطل خج وامسك الدرب سمح او اعتذر
فى بوست منفصل
بعدين ما لقيت الا ود الصائم التجارى
ده..انا القدامك ده ود الصائم الاصلى
يازول اعتذر ورسل لى رصيد شان اتصل
بيك وتسمع فهمى للاعتذار...
حدنا ارشيف 2050 واكان مت الورثة بتكمل
معاك...
|
Post: #34
Title: Re: عكاليت البورد
Author: عبدالرحمن الحلاوي
Date: 04-18-2011, 09:38 AM
Parent: #31
الثبات مهم جدا
المتغير برضو مهم
شكراً يا عكليت لتنبيهنا على العكلتة
|
Post: #36
Title: Re: عكاليت البورد
Author: حمد عبد الغفار عمر
Date: 04-18-2011, 05:34 PM
Parent: #34
Quote: خلاص يا حمد (الملكى) تشيل وتعين
بطل خج وامسك الدرب سمح او اعتذر
فى بوست منفصل
بعدين ما لقيت الا ود الصائم التجارى
ده..انا القدامك ده ود الصائم الاصلى
يازول اعتذر ورسل لى رصيد شان اتصل
بيك وتسمع فهمى للاعتذار... |
يا معاوية نحن نظامنا ملكي عكليتي وإسلامي
وفي مثل هذا النوع من الأنظمة تعطى الإمارة حسب العمر
محمد الصائم من سنة بعد ما حفروا المنبر دا بثلاثة سنين
وقال قاعد بلا حدود ودي كمان ادفانتيج زيادة
أما اعتذار دا ما تعشم فيهوا
جوالك سوا ولا موبايلي ولا مفوتر عشان أرسل ليك الرصيد
ــــــــــــــــــ
يا أمير فتحي ربنا يستجيب
اليومين دي مزنوق خليني أروق شوية كدا
وحاكتب ليك قصيدة عصماء في العكلتة
|
|