المستشفى الايطالي بسوبا...ماحدث ويحدث هناك لايمكن السكوت عليه

استلمت لجنة اطباء السودان

شكوى رسمية من الكوادر الطبية السودانية العاملة بمستشفى السلام الايطالي..وهو مستشفى متخصص في امراض القلب

يبلغ عدد الكوادر السودانية العاملة بالمستشفى حوالي الاربعين من اطباء وسسترات وممرضين وممرضات

مفاد الشكوى كالاتي:

تعرضت الكوادر الطبية السودانية لمعاملة مهينه من ادارة مستشفى السلام, كان آخرها تفتيش كل السودانيين جسدياً فى أعقاب فقدان عاملة ايطاليه لهاتفها

النقال, ووصفها لهم بأنهم لصوص.. تطور الأمر إلى اشتراط المستشفى للمخدمين السودانيين الخضوع للتفتيش الجسدي قبل الدخول للمستشفى وقبل الخروج،

الأمر الذي رفضه الجميع ما أدى لايقافهم عن العمل وتهديدهم بالطرد يوم السبت القادم الموافق16 ابريل..

ووصف مدير المستشفى الكوادر السودانية بانهم لصوص و اغبياء فى بلد الغباء على رؤوس الأشهاد...

..............

قامت اللجنة باعداد ملف متكامل عن المستشفى الايطالي ومايتم به من تجاوزات...

واتضح ان المعاملة العنصرية التي يتلقاها العاملون هناك جزء بسيط في بحر من التجاوزات الطبية والمهنية والاخلاقية

التي تقوم بها ادارة المستشفى

وسيتم عرض هذه التجاوزات للراي العام وللمسؤولين المعنيين بالامر على اعلى المستويات .

وتوضح اللجنة للاخوة الزملاء والزميلات ان قضيتهم في ايد امينة

وان حقهم سيصل اليهم معززين مكرمين

وابدا ماهنت ياسوداننا يوما علينا

Quote: عقاب فقدان عاملة ايطاليه لهاتفها النقال, ووصفها لهم بأنهم لصوص

وهل حقا سرق الهاتف النقال ام اتبلت عليهم؟


من المهين ان يصف اطباء وسسترات بانهم لصوص

Quote: تعرضت الكوادر الطبية السودانية لمعاملة مهينه من ادارة مستشفى السلام, كان آخرها تفتيش كل السودانيين جسدياً فى أعقاب فقدان عاملة ايطاليه لهاتفها

دى مهزلة يجب ان لا تمر من غير محاسبة ووقفة صلبة فى وجوه هؤلاء،

أصبحنا ملطشة بسبب التهاون والاستهتار ، يجب التغير الجزرى فى كل مايتعلق بنظرة الاخرين الينا كا سودانين .











ن

ياشرفاء الأطباء ..........أتركوا إتحاد الأطباء في حاله...وأعلنوا نقابتكم


الأعزاء
هذه الرسالة تتجاوز ما يحدث في المستشفى الإيطالي.
إنها شهادة تأكيد بأن الأطباء ينظرون إليكم كنقابة.
حققتم شرعيتكم وحققتم شرف تمثيل الأطباء بمواقفكم وصمودكم
فماذا تنتظرون
لكم الود

Quote: تطور الأمر إلى اشتراط المستشفى للمخدمين السودانيين الخضوع للتفتيش الجسدي قبل الدخول للمستشفى وقبل الخروج،

كان قبل الدخول ما عارف!

Quote: و وصف مدير المستشفى الكوادر السودانية بانهم لصوص و اغبياء فى بلد الغباء على رؤوس الأشهاد ...

لا لوصف الكوادر السودانية بأنهم لصوص و أغبياء في بلد الغباء على رؤوس الأشهاد.

Quote: واتضح ان المعاملة العنصرية التي يتلقاها العاملون هناك جزء بسيط في بحر من التجاوزات الطبية والمهنية والاخلاقية

لا لانتظار سرقة الموبايل و التفتيش الجسدي حتى تتم
الإشارة لبحر التجاوزات الطبية و المهنية و الأخلاقية!!

مستشفى إيطالي بالخرطوم يمارس العنصرية و الإذلال و التفت...ء السودانيين العاملي

السادة/ لجنة أطباء السودان
نرجو مدنا بقائمة للأخطاء الطبية التى إرتكبها المستشفى المذكور فى حق المرضى السودانيين
إن لم توجد القائمة
فنرجوكم تطبيق نفس المعايير على كافة مستشفيات البلاد

______________________________

Dicipline

Quote: السادة/ لجنة أطباء السودان نرجو مدنا بقائمة للأخطاء الطبية التى إرتكبها المستشفى المذكور فى حق المرضى السودانيين إن لم توجد القائمة فنرجوكم تطبيق نفس المعايير على كافة مستشفيات البلاد

Quote: السادة/ لجنة أطباء السودان نرجو مدنا بقائمة للأخطاء الطبية التى إرتكبها المستشفى المذكور فى حق المرضى السودانيين إن لم توجد القائمة فنرجوكم تطبيق نفس المعايير على كافة مستشفيات البلاد

تحياتي ا.مكاوي

الاخطاء الطبية ده موضوع مختلف تماما

ويختص به المجلس الطبي

المقصود هنا بعض الممارسات في ادارة مستشفى بطريقة عنصريةوغير مهنية
وهناك بعض التجاوزات في النواحي الادارية تثير الاستغراب والشكوك

سا اذكر منها الاتي:

- هناك صالات واجزاء من المستشفى لايسمح للكوادر السودانية الدخول لها حتى الاطباء ويسمح لبقية الجنسيات بدخولها .

_ لا يسمح للكوادر الطبية السودانية ( اطباء _سسترات _ ممرضين) بالدخول الى غرفة العمليات مطلقا في حين يسمح للمرضين من باقي الجنسيات.

- لا يسمح للكوادر الطبية السودانية ( اطباء _سسترات _ ممرضين) بالدخول الى غرف الانعاش مطلقا ويسمح لباقي الجنسيات.

- غير مسموح للاطباء والكوادر السودانية حضور الاجتماعات السريرية اليومية والاسبوعية ويسمح لباقي الجنسيات.




-الكارثة:


- لا يسمح للاطباء السودانيين بحضور عيادات تخريج المرضى( discharge clinic)

وهذه عبارة عن اجتماعات متعارف عليها في جميع مستشفيات العالم تتم مناقشة واسباب ادخالها الى العملية وكيفية اجراء العملية والتخدير ودراسة اسباب الوفيات والمضاعفات التي تحدث للمرضى.



معاذ الهادي

لجنة اطباء السودان

Quote: تحياتي ا.مكاوي الاخطاء الطبية ده موضوع مختلف تماما

د. معاذ
الأخطاء الطبية يولدها التسيب والإهمال.....لا غير
على الكوادر الوطنية فى المستشفى المذكور إثبات الكفاءة بدل النواح
ويجب الإعتراف بأن مواصفات العالم الأول يصعب تطبيقها فى العالم الثالث

___________________

ثم تلصق الأعذار على حائط العنصرية الشهير!!!!

Quote: د. معاذ الأخطاء الطبية يولدها التسيب والإهمال.....لا غير على الكوادر الوطنية فى المستشفى المذكور إثبات الكفاءة بدل النواح ويجب الإعتراف بأن مواصفات العالم الأول يصعب تطبيقها فى العالم الثالث ___________________ ثم تلصق الأعذار على حائط العنصرية الشهير!!!!B]

تحياتي مجددا ا.مكاوي

اتفق معك بخصوص اسباب الاخطاء الطبية
ماعنيته ان الموضوع هنا لايتعلق بالاخطاء الطبية بقدر ماهو متعلق بسياسة ادارية غريبة للمستشفى

بخصوص الكوادر الطبية السودانية كما اسلفت غير مسموح لها بدخول وحضور و مناقشة الحالات المرضية ناهيك عن العمليات

اضافة بسيطة
عمليات القلب المفتوح التي تجرى في مستشفى احمد قاسم اكثر تعقيدا من تلك التي تجرى في المستشفى الايطالي

الاختلاف بكل اسف
في ان العمليات التي تجرى بسوبا مجانية
وان عمليات احمد قاسم مكلفة جدا

ولهذا سنعمل جاهدين على ان يتم معالجة الموضوع ومحاسبة المخطئين دون المساس بحق المرضى او استمرارية عمل المستشفى

معاذ الهادي
لجنة اطباء السودان

Quote: هناك صالات واجزاء من المستشفى لايسمح للكوادر السودانية الدخول لها حتى الاطباء ويسمح لبقية الجنسيات بدخولها . _ لا يسمح للكوادر الطبية السودانية ( اطباء _سسترات _ ممرضين) بالدخول الى غرفة العمليات مطلقا في حين يسمح للمرضين من باقي الجنسيات. - لا يسمح للكوادر الطبية السودانية ( اطباء _سسترات _ ممرضين) بالدخول الى غرف الانعاش مطلقا ويسمح لباقي الجنسيات. - غير مسموح للاطباء والكوادر السودانية حضور الاجتماعات السريرية اليومية والاسبوعية ويسمح لباقي الجنسيات.

No comment!!! Is this hospital in Roma.....!!!!

Quote: - هناك صالات واجزاء من المستشفى لايسمح للكوادر السودانية الدخول لها حتى الاطباء ويسمح لبقية الجنسيات بدخولها . _ لا يسمح للكوادر الطبية السودانية ( اطباء _سسترات _ ممرضين) بالدخول الى غرفة العمليات مطلقا في حين يسمح للمرضين من باقي الجنسيات. - لا يسمح للكوادر الطبية السودانية ( اطباء _سسترات _ ممرضين) بالدخول الى غرف الانعاش مطلقا ويسمح لباقي الجنسيات. - غير مسموح للاطباء والكوادر السودانية حضور الاجتماعات السريرية اليومية والاسبوعية ويسمح لباقي الجنسيات. -الكارثة: - لا يسمح للاطباء السودانيين بحضور عيادات تخريج المرضى( discharge clinic) وهذه عبارة عن اجتماعات متعارف عليها في جميع مستشفيات العالم تتم مناقشة واسباب ادخالها الى العملية وكيفية اجراء العملية والتخدير ودراسة اسباب الوفيات والمضاعفات التي تحدث للمرضى.

طيب قاعدين يعملوا شنو ؟

يدخلوا المرضى الحمامات ؟

Quote: طيب قاعدين يعملوا شنو ؟ يدخلوا المرضى الحمامات ؟

سلامات يا معتصم

و تفتكر الايطاليين مشغلنهم و مدنهم مواهي حباً فيهم ؟

الكادر الطبي السوداني بيتولها المرضى من العيادة الخارجية
لحدي ما يدخلوا العملية و بعد ما يطلعوا منها بيتابعه الحالة
وبيظلوا نبطشيات مساهرين مع المرضى خصوصاً انو
عمليات القلب حالة المريض فيها قابلة للتدهور في اي لحظة

الحاصل ضد الناس ديل و منعهم من دخول العمليات تمييز مهني
و حقارة و عنصرية ليس الا




______________
احسن الله عزائنا في خالد فقد جلل
بقيت ما قادر حتى افتح سودانيات

Quote: و وصف مدير المستشفى الكوادر السودانية بانهم لصوص و اغبياء فى بلد الغباء على رؤوس الأشهاد ...

هذه اساءة بالغة يجب عدم تفويتها.

يجب ملاحقة ادارة المستشفى قانونيا والمطالبة بالتعويض المالى لكل هؤلاء الكوادر.

يجب ايقاف مهزلة التفتيش فورا حتى لو ادى ذلك لاغلاق المستشفى.

كمان اخرتها نهان داخل بلدنا ونحن ولاد نمر وودحبوبة والماظ ودقنة وابي جنزير وعبداللطيف وودجيب الله...... وعد لى بكرة.

المجد للسودان ويسقط كل الانهزاميين والمنبطحين.

دي حاجة عادية في المصانع و الدكاكين الكبيرة
هنا في اروبا
بيفتشوهم واحد واحد
وكلهم خواجات في بعضهم
يومياُ

إهانة برة وجوه

بس أوع يكونوا اتفتشوا

قصص عجيبة وفي بلدنا كمان؟

شهادات بعض الاطباء الذين كانوا يعملون في المستشفى

Quote: Dr. Samah: I am a Sudanese doctor, who spent 8 months of my service in Salam hospital 2 years ago. At that time, I’ve noticed that they were searching our bags on the way in and out! i got angry and went to the Italian Medical director. We had an argument and i told him this is an obvious discrimination. He said: this is for security reasons! So I replied, if its for that, every one should be checked in and out regardless of his/her nationality ! He didn’t convince for sure, and I was stupid to continue working after that. Few months later, some drugs were missing from the hospital pharmacy. Since we, the doctors, were responsible for the pharmacy temporary, till they find a pharmacist, we were accused of stealing drugs!! They interrogated all of us! We complained to our " beloved" Ministry of Health, they sent some of their representatives, who did nothing for sure, and we refused to be in charge for the pharmacy, coz its not in our job description in the first place! the issue was solved, and they apologized for their accusations, though I doubt it was for a matter of respect!!! Not to mention the discrimination in the meals!! Usually, the meals are given from 12 pm to 2 pm. When a national staff comes after 2 pm, they don’t give him his meal, while an international staff can get his meal no matter how late he/she was!! We were not allowed to attend operations. They said, we are not ready for IT!!! I was always argue with them, and they didn’t like it, specially, (Jena Portella), the Medical coordinator. She told me: we will not renew your contract, so I replied, to the hell with your contract! All this for an issue happened to one of the... patients and i argued about it!! They don’t want us to talk or to argue with them about any thing. just to watch!!! i went to our '" beloved" Ministry of health, to tell them about this issue, but as usual, no one was concern about what’s going there!!!!!! .

منقول من (الايفنت) التي قامت بانشائها (اللجنة الدائمة لنواب الاخصائيين) على الفيسبوك

http://www.facebook.com/event.php?eid=124505464291457


و كما اشارت الطبيبة (سماح) في شهادتها اعلاه فإن التمييز تجاه السودانين من الكادر الطبي بالمستشفى قديمة و هي السياسة الدائمة للمستشفى خصوصاً من قبل المنسقة الطبية (جينا بورتيلا) الايطالية الجنسية و يبدأ من المنع للاطباء السودانيين من حضور العمليات الجراحية فضلاً عن إجرائها ، و يمتد ليشمل حتى (وجبات الطعام) و إستخدام المرافق العامة (دورات المياه) كما افاد طبيب آخر (لم يذكرإسمه) و هذا يمثل العنصرية في أبشع صورها ، و كان هناك أيضاً الإتهام للاطباء السودانيين بسرقة الدواء من (الصيدلية) الملحقة بالمستشفى ، و أخيراُ التفتيش الجسدي (باليد) المهين للكرامة قبل الدخول للعمل و عقب الخروج منه.

نرجو الحذر فى معالجة مشكل هذا المشفى الطليانى و تجاوزات القائمين على امره. فهو يوفر و بكفاءة معقولة و باسعار زهيدة خدمة
جراحة القلب و يوفرها لكثير من الفقراء, وسط سخط و ترصد من (كارتيل) المستشفيات الخاصة التى توفر هذه الخدمة بكلفة عالية

سلام يا لجنة اطباء السودان ٭

التصرف في حد زاته مرفوض طالما ما معمم علي الكل او هناك ما يستدعي تخصيصة، و فيه اشانة سمعة، ناهيك عن التمييز العنصري لو كان ده فقط للسودانيين كما ذكرتم

المؤسف اكتر من الحصل ده، سكوت الاطباء و شروعهم الان فقط في اعداد ملف تجاوزات كما كتب بعض الزملاء اعلاه
مش كان اكرم لكم و للمواطنين الما عندهم لجنة تمثلهم ديل ان ترصدو التجاوزات دي من البداية؟
اها ديل اجانب و قلتو ميزو عنصريا ضدكم، سكوتكم الفترة الفاتت دي في حق المستضعفين و السودانيين يسموهو شنو؟
لا تهملو رعاياكم فيسلط الله راعيكم عليكم





ـــــــــــــ
٭ من المستحسن تزييل مداخلات اللجنة بالشخص المعين الكتب المداخلة في وقتها

Quote: لا لانتظار سرقة الموبايل و التفتيش الجسدي حتى تتم الإشارة لبحر التجاوزات الطبية و المهنية و الأخلاقية!!!!

تحياتي
ا.ملاسي

واتفق معك
الشكوى وصلت قبل يومين فقط
ولم تكن اللجنة على علم بهذه التجاوزات
وليست هناك صلاحية للجنة بتفتيش المستشفيات

هناك ادارة مختصة ومعنية بهذا الامر بوزارة الصحة الاتحادية
يفترض ان تكون وقفت على هذه التجاوزات من قبل

Quote: الأعزاء هذه الرسالة تتجاوز ما يحدث في المستشفى الإيطالي. إنها شهادة تأكيد بأن الأطباء ينظرون إليكم كنقابة. حققتم شرعيتكم وحققتم شرف تمثيل الأطباء بمواقفكم وصمودكم فماذا تنتظرون لكم الود

شكرا د.مجدي
النقابة حلم كل طبيب

ننتهي من الاتحاد ده اول
والسايقة واصلة

Quote: الأعزاء هذه الرسالة تتجاوز ما يحدث في المستشفى الإيطالي. إنها شهادة تأكيد بأن الأطباء ينظرون إليكم كنقابة. حققتم شرعيتكم وحققتم شرف تمثيل الأطباء بمواقفكم وصمودكم فماذا تنتظرون لكم الود

Quote: شكرا د.مجدي النقابة حلم كل طبيب ننتهي من الاتحاد ده اول والسايقة واصلة

العزيز معاذ
كما تعلم تحفظي ورؤيتي الواضحة في عدم جدوى المعركة مع الإتحاد.
لا أعتقد إن النقابة حلما سنصله يوما بل هو واقعا نمارسه يوميا ونحن لا ندري فرضه علينا الفراغ النقابي والحوجة الملحة لجسم نقابي يحمي الطبيب والمهنة.
فمخاطبة أطباء المستشفى الإيطالي للجنة إعتراف بوجود اللجنة وسط الأطباء وتمثيلها لهم وتوقع الأطباء أن يكون لها دور في حل مشاكلهم.
هذا الدور عمليا وفعليا هو دور النقابة إكتسبته اللجنة بتاريخها ومواقفها إذن عندما نطالب الجنة بالتقنيين لهذا الواقع بخلق الأطر التظيمية واللائحية لا نتحدث عن حلم أومستقبل آتي بل نتحدث عن واقعنا اليوم وضرورة تأطير اللجنة والتقنيين لوجودها لتصبح فعليا وعلى الواقع نقابة أطباء السودان.
لك الود

Quote: من المهين ان يصف اطباء وسسترات بانهم لصوص

شكرا د.نجاة

اهانة كبيرة
والاكبر انها في بلدك من غريب

Quote: سا اذكر منها الاتي: - هناك صالات واجزاء من المستشفى لايسمح للكوادر السودانية الدخول لها حتى الاطباء ويسمح لبقية الجنسيات بدخولها . _ لا يسمح للكوادر الطبية السودانية ( اطباء _سسترات _ ممرضين) بالدخول الى غرفة العمليات مطلقا في حين يسمح للمرضين من باقي الجنسيات. - لا يسمح للكوادر الطبية السودانية ( اطباء _سسترات _ ممرضين) بالدخول الى غرف الانعاش مطلقا ويسمح لباقي الجنسيات. - غير مسموح للاطباء والكوادر السودانية حضور الاجتماعات السريرية اليومية والاسبوعية ويسمح لباقي الجنسيات.

الســادة الأطباء
كل هذا كان يحدث لكم , وانتو ساكتين . الخلاكم شنو تسكتوا كل هذه المدة ؟ انتم رضيتم بالحقارة والمهانة فسكوتكم هو الذى اغراهم بالتمادى فى الأستخفاف بكم حتى وصلت لمرحلة التفتيش الذاتى مثلكم مثل اللصوص والمهربين.
فما تجوا بعد خراب سوبا تتشكو وتتبكو .

من يهن يسهل الهوان عليه (!_!) ما لجرحٍ بميتٍ إيلام

Quote: يجب ايقاف مهزلة التفتيش فورا حتى لو ادى ذلك لاغلاق المستشفى.

سيدى الفاضــل ...


شكراً ايطاليا
شكراً الاطباء القادمين من ايطاليا لعلاج فقراء السودانيين
شكراً للاطباء الايطاليين للذين جعلو من عمليات القلب ممكنــة لكل سودانى مجانــاً

من واقع معايشة وتجربــة مع هذا المستشفــى ...
الذى يقدم مستوى تشخيص بمعايير ومواصفات عالمية
الذى يقدم مواصفات ومعايير عالمية لاجراء العمليات
الذى يقدم خدمات سريرية بمواصفات قــل ان توجد داخل اى مرفق طبى سودانى
الذى جعل من الانسان السودانــى المريـض بالقلب ( ليــس بسلعــة يغالى فى تقديم الخدمة لــه اباطرة الحقل الطبى عندنــا )


سيدى الفاضــل فليبقى هذا المستشفــى و
ليذهــب كل من لــه علاقــة بالحقل الطبـى من ابناء بلادنــا العاملين فى هذا المستشفــى
وليبقــى هذا المستشفــى لفقراء بلادنــا

ياناس أخطاء المستشفيات
في أي مكان حتي في أمريكا .
أنا سنة 2009 مشيت المستشفي الايطالي
والله المستشفي من أجمل وأنظف المستشفيات في السودان .
والتفتيش في المستشفيات والمتاجر شيء عادي .

Quote: اذكر منها الاتي: - هناك صالات واجزاء من المستشفى لايسمح للكوادر السودانية الدخول لها حتى الاطباء ويسمح لبقية الجنسيات بدخولها . _ لا يسمح للكوادر الطبية السودانية ( اطباء _سسترات _ ممرضين) بالدخول الى غرفة العمليات مطلقا في حين يسمح للمرضين من باقي الجنسيات. - لا يسمح للكوادر الطبية السودانية ( اطباء _سسترات _ ممرضين) بالدخول الى غرف الانعاش مطلقا ويسمح لباقي الجنسيات. - غير مسموح للاطباء والكوادر السودانية حضور الاجتماعات السريرية اليومية والاسبوعية ويسمح لباقي الجنسيات. -الكارثة: - لا يسمح للاطباء السودانيين بحضور عيادات تخريج المرضى( discharge clinic) وهذه عبارة عن اجتماعات متعارف عليها في جميع مستشفيات العالم تتم مناقشة واسباب ادخالها الى العملية وكيفية اجراء العملية والتخدير ودراسة اسباب الوفيات والمضاعفات التي تحدث للمرضى.

د. معاذ .. تحياتي ،

كلام في منتهى الغرابة ! .... معقولة بس ؟!

المعروف أنو المستشفيات الأجنبية العاملة في أى بلد ما ، تحاول إداراتها جاهدة بالتنسيق مع الجهات المسؤولة ، إعطاء الأولوية المطلقة لأبناء وبنات البلد والكوادر الوطنية ، في التأهيل التدريب وفرص العمل وإكتساب الخبرات ، والترقيات ، وتقلد المناصب والمواقع الإشرافية !

كيف يتم هذا في بلد إداراته واعية ومدركة ؟!

Quote: سيدى الفاضــل فليبقى هذا المستشفــى و ليذهــب كل من لــه علاقــة بالحقل الطبـى من ابناء بلادنــا العاملين فى هذا المستشفــى وليبقــى هذا المستشفــى لفقراء بلادنــا

ب
بلا ادني حياء يابدرالدين هذا المستشفي لفقراء بلادك؟ وانت بلا اي استحياء تتحدث عن فقراء بلادك الذين يموتون علي ابواب المسشفيات ........وحكومتك تاخذ الضرائب وتقاسم الناس في ارزاقها وارباب الانقاذ الكبار يستشفون في المانيا وبريطانيا وبالميت في الاردن والقاهرة اما صغار المنتسبين فإن حظهم العامر يقودهم للتشافي في مسشفيات الامل والسلاح الطبي .....اما فقراء بلادكم فقد ارتفعتم عنهم درجات واصبحت تحول بينكم أحجبة........... يابدرالدين لو كان هؤلاء الناس ياخذون رواتبهم من دولة الجباية الانقاذية لتبدلت نعتك لهم بالعملاء اسوة بالجمعيات التي تطعم فقراء ومهجري دارفور .......ولفظتهم ونعتهم بالخونة والعملاء .......ولو كانت هذه الكلامات التي كتبتها قد جاءت علي لسان معارض لكان الان اقل ما وصفته به انه عميل خائن لدولة الاسلام مرتبط بالدولار واليورو وو السفارات؟؟؟؟؟؟؟؟؟ اطباء ايطاليا يضربون وينتخبون نقابتهم وينتخبون حكامهم ويشاركون في صناعة القرار ويعترضون بطريقة منظمة علي صحة المواطن واواضاع معاشتهم .........وانت خير مثال يتحدث عن مصالح طبقته وفي غمرة نشوة الانتصار الطبقي .......تتهاوي عندك مصالح فقراء بلادك ثم في لحن اشتر تتغني بهم ....الا يكفيك الاتجار في الدين ؟؟؟؟؟؟؟بدلاً من الاتجار في الفقراء؟؟؟؟؟؟يابدرالدين فقراء بلادك ينتظرون يومهم ان قست الدنيا بهم واوقعتهم في قدر المرض، وانت تعي ذلك جيداً ولكنك تبررها داخلياً بانه فطرة الله .....فالفساد موجود في كل مكان وهي فطرة الله ، الظلم موجود في كل مكان وهو فطرة الله؟؟؟؟؟؟؟؟؟ولكنك تسند قضية الفقر في رقبة الاطباء الذين يسهرون ويتالمون امام المرضي .........فلا دواء يصرف ولا فحص طبي يجرى ولا سرير مجاني عن اي فقراء تتحدث يابدرالدين وانت توالي من نهبهم عنوة مجانية العلاج والتعليم ليستاثرو بثمنها بيوتاً وقصوراً ...ويتنعموا بها فتنموا الشحوم علي اك########م ......انها ضباع تاكل من كتف السودان.............. المضحك يابدالدين انك علي مقربة من وصف الاطباء الايطالين بالبررة والوطنين .......الذين تهمهم قضية الفقراء اكثر من مسلمي السودان .........فياللعجب .................
ثم مالذي مكن هؤلاء من وصف الاطباء السودانين بالغباء؟ لو حكومة الفقراء الانقاذية التي هبطت بالانسان السوداني الي مرتبة من الرزل والانحطاط لم يقوي علي فرضها عتاة المستعمرين؟ مالذي ممرط السوداني في داره وفي غربته؟ انها حكومة الانبطاح الانقاذية الاسلامية المتغزية (من غزة) ؟ يابدالدين ان حكومتك هذه هي من مكن لهؤلاء للحظ من قدر السودانين اطباء او غيرهم ......فالسودان في خارج السودان مرتبط بدولة عبر سفارة لا هم لها غير الجباية وهي لا تشكل اي حماية له .....واتحدي ان شعر اي من المغتربين غير المحزبين تحت لواء المؤتمر الوطني باي شعور غير الذي عنيته..........يابدالدين اتمني الا تفنو رؤسكم في الرمال وتتأملو حال السودانين ، فالمواطنة اضحت هبه يمنحها النظام للموالين "الوطنين " المخلصين للوطن"الوطني" انها دولة انهت تماما فكرة المواطنة من مواعين الوطن .....وهذا هو السبب وراء ان يتجرأ احدهم للنيل منا في وطن منهوب مغدور مختطف ...........ولذلك انا كلي امل بان الظلم لن يمر بلا مقاومة مهما تفننت الة التغيب والادلجة القسرية .......

الموضوع جد خطير ويحتاج إلى وقفات

سمعت بالمستشفى والغموض الذي يكتنفه
أخشى أن يكون مجرد واجهة لمهام وأهداف
غير مشروعة .. إحداها التبشير .. وما خفي أعظم

لماذا كل هذه الضجة والإساءات لمجرد هاتف نقال ؟!!

إلا إذا كان يحتوي على أسرار ومعلومات وأرقام لا يريد صاحبه أن يطلع عليها
أحد خاصة الإستاف السوداني .............

Quote: كل هذا كان يحدث لكم , وانتو ساكتين . الخلاكم شنو تسكتوا كل هذه المدة ؟ انتم رضيتم بالحقارة والمهانة فسكوتكم هو الذى اغراهم بالتمادى فى الأستخفاف بكم حتى وصلت لمرحلة التفتيش الذاتى مثلكم مثل اللصوص والمهربين. فما تجوا بعد خراب سوبا تتشكو وتتبكو .

سلام يا قلقو
عارف الناس ديل كانوا ساكتين ليه؟

لأنه لقمة العيش صعبة تتلقي في السودان
لانه وزارة الصحة و طريقة معاملتها الغريبة
للاطباء و مآسيهم معاها ما دايرا شرح
وممكن ناس اللجنة يفصلوا ليك هنا
اكتر مني

ساكتين لانه المسنشفى دا حقهم هم كمان
ماحق الطليان براهم ، الحكومة السودانية
شريك اصيل في المستشفى دا الارض المبنيا بيهو
المستشفى ملك لحكومة السودان - الشعب السوداني -
و هي تساهم في دفع تكلفته

و مين القال الناس دي ما اشتكت ؟
اشتكوا لطوب الارض و مشوا للوزارة
الوزارة تهربت منهم و ادعت عدم الاختصاص
وحولتهم لنقابة المهن الصحية

اشتكوا للهاك ناس (الهاك) دخلوهم بي حلة حمد
ومرقوهم بحلة خوجلي

السودان بلد مافيهو وجيع ، و عديم المؤسسات
ومافي احترام لسوداني في بلده ، الاجنبي لو ما يسوا مليم
الناس تبجله و تعبده و تسميه خواجة

مافي جهة مستعدة تنصف انسان و تدافع عن حقوقه كمواطن سوداني
عشان كدا كل ايطالي مرقع قاعد عاطل في بلده جا بقا مدير هنا

المستشفى دا ما ملك لحد بعينه او بتموله الحكومة الايطالية
المستشفى دا قائم على التبرعات donnations
داموقع المنظمة الإيطالية التي تدير المستشفى

http://www.emergency.it/en-index.html

و دي صفحة المستشفى على الانترنت:

http://www.salamcentre.emergency.it



الناس ديل شغالين شحدة باسم اطفال الشعب السوداني
و القروش البلموها باسمكم بيستخدموها في اذلال الاطباء
السودانيين

يا جماعة خليكم منصفيين بدل ما تقيفوا مع الضحية تلوموها ؟
بنفس المنطق المعوج دا ممكن نلوم الشعب السوداني لقبوله بحكم
الانقاذ 22 عشرين سنة

It is easy to through blame cards when you are not the victim

Quote: سيدى الفاضــل فليبقى هذا المستشفــى و ليذهــب كل من لــه علاقــة بالحقل الطبـى من ابناء بلادنــا العاملين فى هذا المستشفــى وليبقــى هذا المستشفــى لفقراء بلادنــا

حكايتك عجيبة يا فكي بدر الدين
كل من له علاقة بالمجال الطبي يمشوا وين ؟
ينتحروا يعني ؟

ياخي انتا حكومتك دي كشريك اصيل في المستشفى دا موقفها شنو من الاهانة و الذلة و العنصرية الحاصلة دي؟

عندما تغنت عائشة الفلاتية في اربعينيات القرن الماضي للجنود السودانيين الذين انتصروا في معركة (كرن) على قوات الاستعمار الايطالي بشرق السودان (يجوا عايدين إن شاء الله عايدين يا الله.. يجوا عايدين الدخلو كرن بينين) و قبلها كانت القوات الايطالية قد انسحبت من مدينة (كسلا) بعد ان دخلتها حين غرة مع جيش المحور بقيادة موسيليني الايطالي و هتلر الالماني اللذين نالا ايضاً نصيبهما من سخرية عائشة الفلاتية في غنائها حيث قالت (يا هتلر الألماني موسوليني يا الطلياني لو تضرب السوداني تصبح قرش براني ما بسير هنا) ، لم يدر بخلد عائشة الفلاتية ان (السوداني الغيور ما يقبل الذلة والراجل بموت بي حمى أو علة سمح الزول يموت بين قنبلة وجلة) كما تغنت له سيصبح ضحية لإذلال الإيطاليين و عنصريتهم و إضطهادهم في قلب عاصمته الخرطوم بعد خمسين عاماُ و نيف من (جرية الطليان من كسلا) تحت ستار المساعدات الانسانية و المنظمات غير الربحية و مساعدة الاطفال و عمليات القلب المفتوح .

ارجو ان تستمع لجنة الاطباء للطرف التاني في هذه القضية - ادارة مركز السلام لجراحة القلب - حتى تكتمل الصورة والمعلومات التي تمكنها من اتخاذ الاجراءات المناسبة. العدالة والنزاهة تقتضي هذا.

تفاصيل ما حدث (منقول) من جريدة الصحافة

Quote: مستشفى السلام للقلب يصر على التفتيش الشخصي للعاملين العمال يرون فيه إذلالاً مرفوضاً الخرطوم: الصحافة: بدعوى تكرار عدد من السرقات قامت ادارة مستشفى السلام للقلب بسوبا باتخاذ تدابير تتمثل في اخضاع العاملين للتفتيش الشخصي للكادر الوطني العامل بالمستشفى والذي يشكل نسبة (75%) على وجه التقريب ، الاجراء الذي قامت الادارة الايطالية تجاه العمال الوطنية من كادر طبي وفني وعمال وجد استهجانا ورفضا واسعين من العمال الوطنيين الذين يتجاوز عددهم المائتي شخص في كافة التخصصات بدء بالاطبة والكوادر المساعدة وانتهاء بالعمال ، يشير احد العاملين الذي فضل حجب اسمه الى ان القرار جاء خصما على كرامة المواطن السوداني سيما ان الشاهد الوحيد والدافع لاصدار القرار هو حادثة سرقة لموبايل احدى الايطاليين بالعيادة الخارجية بعد ان ابدى العاملون رفضهم للقرار اصدرت المديرة الطبية قرارا آخر قضى بالتفتيش الجسدي عند الدخول والخروج واخضاع المرضى والنزلاء للتفتيش المهين في سابقة غير معهودة في تاريخ العمل الصحي بالسودان وايطاليا . رفض العاملون القرار وتقدموا بشكوى لوزارة الصحة جاءت على النحو التالي : السيد وزير الصحة الموضوع تظلم ضد إدارة مستشفى السلام للقلب بسوبا نتعرض نحن العاملين السودانيين فقط من كادر طبي وفني وعمال الى اقسى انواع الاهانة والاذلال في بلادنا من ادارة المستشفى وذلك باخضاعنا نحن السودانيين فقط للتفتيش الجسدي والاتهام بالسرقة من غير دليل والتهديد بالفصل في حالة عدم خضوعنا لهذا الاجراء الموجه ضد السودانيين فقط من غير باقي الكادر الاجنبي العامل في المستشفى . تم تهديدنا بتبليغ الشرطة ووزارة الصحة ومكتب العمل ونلاحظ التفرقة العنصرية في المعاملة بيننا والعاملين غير السودانيين مع اتهام دائم لنا في مستشفى مفتوح للجميع مع العلم بوجود نزلاء سودانيين واجانب ومرافقين وزائرين ولكن اصابع الاتهام تشار الى العاملين السودانيين فقط ونحن اذ نتقدم بهذه الشكوى راجين من الجهات المختصة بالوزارة ومكتب العمل الغاء هذه الاهانة لابناء السودان ونصرنا ضد التفرقة العنصرية في بلادنا نقاط عامة في يوم 31-3-2011 اصدرت المديرة الطبية قرارا مررته على جميع الاقسام بالخضوع للتفتيش الجسدي عند الخروج من المستشفى وذلك اعتبارا من 1-4-2011. في يوم 6-4 - 2011 اجتماع مع الكادر السوداني بعد رفضه للقرار وقالت المديرة بان القرار غير قابل للنقاش. يوم 7-4-2011 منع الكادر الوطني من الدخول بعد رفض التفتيش يوم 9-4-2011 الغاء اجتماع التاسعة والنصف صباحا بعد اصرار دينا بورتيلا على اخضاع مناديب المحتجين للتفتيش عند الدخول مع العلم ان عدداً منهم حضر للاجتماع في وقت غير وقت عملهم بعد تلقيه الشكوى قام وزير الدولة بوزارة الصحة باحالة الامر الى نقابة المهن الصحية والاجتماعية التي افتت بعدم اختصاصها ووعدت باعادة الامر للوزارة . بقي القول ان كل من لا يخضع لاجراءات التفتيش لا يسمح له بدخول المستشفى لمباشرة عمله وذلك منذ الجمعة الماضية . الصحافة) التي سبق لها ان سلطت الضؤ على الوجه المشرق للمستشفى ومساهمته المقدرة في علاج مئات السودانيين الفقراء من مرضى القلب تناشد ادارة المستشفى والاجهزة ذات الصلة لمعالجة الازمة الناشبة بين العمال والادارة وازالة صور الاذلال التي تتعرض لها الكوادر الوطنية بصورة باتت تهدد استدامة الخدمات المتميزة للمركز ان اذلال العمالة الوطنية امر يرفضه اي سوداني غيور مهما كانت حيوية الخدمات التي يقدمها مستشفى السلام للقلب واولى بالحكومة التي وفرت المقر و تتحمل جزء من تكلفة التشغيل ان توجه تلك الموارد لتشييد مركز جديد يجد فيه الكادر الوطني فرصا للتدريب والتأهيل وستعمل الصحيفة على متابعة تطورات الموقف في اعدادها القادمة.

http://www.alsahafa.sd/details.php?articleid=25699

التحيه لك اخي حاتم
وسنعود لهم بما يستحقون.


ده الناقص كمان قلة ادب الطليان!!

Quote: بعد تلقيه الشكوى قام وزير الدولة بوزارة الصحة باحالة الامر الى نقابة المهن الصحية والاجتماعية التي افتت بعدم اختصاصها ووعدت باعادة الامر للوزار

شوفو كمان النقابة؟ وزير الدولة حينما احال الامر الي النقابة ، هل كان يجهل اختصاصها؟ ام هي الزوغة؟ نحن قلنا الحكومة لا ترفع عينها علي الاجنبي فقط ترفع السوط علي السوداني فتسهل دحره علي يد الاجانب؟؟؟؟؟انه الهوان

Quote: سلام يا قلقو عارف الناس ديل كانوا ساكتين ليه؟ لأنه لقمة العيش صعبة تتلقي في السودان لانه وزارة الصحة و طريقة معاملتها الغريبة للاطباء و مآسيهم معاها ما دايرا شرح وممكن ناس اللجنة يفصلوا ليك هنا اكتر مني ساكتين لانه المسنشفى دا حقهم هم كمان ماحق الطليان براهم ، الحكومة السودانية شريك اصيل في المستشفى دا الارض المبنيا بيهو المستشفى ملك لحكومة السودان - الشعب السوداني - و هي تساهم في دفع تكلفته و مين القال الناس دي ما اشتكت ؟ اشتكوا لطوب الارض و مشوا للوزارة الوزارة تهربت منهم و ادعت عدم الاختصاص وحولتهم لنقابة المهن الصحية اشتكوا للهاك ناس (الهاك) دخلوهم بي حلة حمد ومرقوهم بحلة خوجلي السودان بلد مافيهو وجيع ، و عديم المؤسسات ومافي احترام لسوداني في بلده ، الاجنبي لو ما يسوا مليم الناس تبجله و تعبده و تسميه خواجة مافي جهة مستعدة تنصف انسان و تدافع عن حقوقه كمواطن سوداني عشان كدا كل ايطالي مرقع قاعد عاطل في بلده جا بقا مدير هنا المستشفى دا ما ملك لحد بعينه او بتموله الحكومة الايطالية المستشفى دا قائم على التبرعات donnations داموقع المنظمة الإيطالية التي تدير المستشفى http://www.emergency.it/en-index.html و دي صفحة المستشفى على الانترنت: http://www.salamcentre.emergency.it الناس ديل شغالين شحدة باسم اطفال الشعب السوداني و القروش البلموها باسمكم بيستخدموها في اذلال الاطباء السودانيين يا جماعة خليكم منصفيين بدل ما تقيفوا مع الضحية تلوموها ؟ بنفس المنطق المعوج دا ممكن نلوم الشعب السوداني لقبوله بحكم الانقاذ 22 عشرين سنة It is easy to through blame cards when you are not the victim

لك التحية والتقدير ياأخ حاتم علي

المستشفى يقدم خدمات مجانيه للمرضي نعم
لكننا نطرح تساؤلات لماذا لايسمح للكادر الوطنى بدخول بعض المناطق؟
لماذا لايوجد كادر وطنى ضمن منظومة الجراحين واختصاصيي القلب؟
ماهى الجهه الرقابيه التي تقوم بمقايسة الاداء المهنى للمستشفى ؟ وذا كانت لا تخضع للوزارة من يقوم بالتفتيش والمتابعة ومن يضمن أرواح المواطنين داخله؟
هل المستشفى مؤسسه تدريبيه للكادر الاجنبي وماهى مؤهلات كادرها ومن يقوم بفحصها؟
....
هل يحق للمؤسسه كونها تعالج المرضى السودانيين مجاناً أن تصف كوادر البلد والبلد نفسها بالغباء؟ ثم بالعبيد حسب افادة كل الكوادر الوطنيه التى التقتها اللجنه؟

لنجدد الوقفة امام السفارة الايطالية هذة المرة ونطالب بطرد المدير الطبى !!!

سلامات
ما عايزة اكون متحاملة على ابناء وطني

لكن مما قرأته في تكرر سرقات في المسشتفى كانت حادثة الموبايل هي الشراب الرمى السلك

نجي بعداك للعادات بتاعة الشخصية السودانية..

الصوت العالي والكلام والونسة في احلك الظروف.
بعداك رمي الاوساخ في اي مكان.
قبل ابام ماشة قدامي طلاب بشربوا في عصير
بكل بساطة رمو العلب في ممر فيه زهور ونباتات
في مكان راقي جدا ونظيف جدا الحركة دي لو شافهم بوليس بمشو فيها المحكمة

والاستخدام السئ للحمامات ودي مبالغة عديل كدا
مهما كانت الجهة الجو منا في السودان ولا الوضع الاجتماعي
يحولون الحمام الى حاجة لا توصف
من قبل اخذت في تور الى داخلية بواسطة الادارة التي تبحث عن سبب لطرد السودانين
من الدخليات التي كانت مثل الفندق
حين رايتها المرة الاولى
وتحولت الى خرابات خاصة الحمامات ومت من الخجل

لازم الناس تمارس النقد الذاتي وتعرف ليه القرارات دي
اتخذت ولم تكن هناك من البداية.
دا غير السرقات المخجلة جدا

بعدين الطبيبات ممكن يكونن محننات وضاربات مونكير عادي
وكذل ربما لعدم التأهيل المناسب وجودهم خطر على المرضى في غرق الممليات
والخواجات ديل ما بجاملوا في الحاجة دي

ما تتحاملوا على ناس جو افريقيا معنها قطعا ما عنصررين
العنصرية دي شماعة اي سوداني برضو

غيروا ما بانفسكم يا قوم.

أرجو من لجنة الاطباء بعض التأنى فى تبنى فرضية المنحى العنصرى والترويج له إعلاميا ..

Quote: الصوت العالي والكلام والونسة في احلك الظروف. بعداك رمي الاوساخ في اي مكان. قبل ابام ماشة قدامي طلاب بشربوا في عصير بكل بساطة رمو العلب في ممر فيه زهور ونباتات في مكان راقي جدا ونظيف جدا الحركة دي لو شافهم بوليس بمشو فيها المحكمة والاستخدام السئ للحمامات ودي مبالغة عديل كدا مهما كانت الجهة الجو منا في السودان ولا الوضع الاجتماعي يحولون الحمام الى حاجة لا توصف من قبل اخذت في تور الى داخلية بواسطة الادارة التي تبحث عن سبب لطرد السودانين من الدخليات التي كانت مثل الفندق حين رايتها المرة الاولى وتحولت الى خرابات خاصة الحمامات ومت من الخجل بعدين الطبيبات ممكن يكونن محننات وضاربات مونكير عادي وكذل ربما لعدم التأهيل المناسب وجودهم خطر على المرضى في غرق الممليات والخواجات ديل ما بجاملوا في الحاجة دي

تحياتي يا د. نجاة

هل لديك دليل واضح و بينة لا تقبل الشك على أن هذه الممارسات المعلمة بالاحمر
و قد قمت - أنت - بوصم و تنميط الشخصية السودانية بها
تجري الآن و جرت ممارستها من قبل الكادر الطبي بمستشفى السلام تحديداُ ؟

ام هي سياسة رمي الإتهامات جزافاً في سودانيزاونلاين مرة تصريحاُ و مرة تلميحاُ
التي درج الناس على ممارستها هنا ؟

اتمنى أن تعتذري لهؤلاء الاطباء و الطبيبات الذين لا تعرفين عنه شيئاً و تتبرعين
بتنميطه بعيوب - ترينها أنت - الشخصية السودانية لا يوجد لك أي دليل و برهان
على إنطباقها عليهم

Quote: لازم الناس تمارس النقد الذاتي وتعرف ليه القرارات دي اتخذت ولم تكن هناك من البداية. دا غير السرقات المخجلة جدا.

يا دكتورة نجاة هل لديك دليل يثبت أن ما تكرر من سرقات قام به الكادر الطبي (السوداني) تحديدا ؟

المستشفى يزوره مرضى و مرافقين من خارج و داخل السودان و التيم العامل به Multinational
فلماذا يتهم اتهام الاطباء السودانين - دون غيرهم - بسرقة موبايل لا يسوى شيئاً ؟

السودانيين عادة يفترضون أن الاجنبي هو رسول الإنسانية لا يسرق و لا يرتشي و لا يغش
ويعانون من ال down estimation to themselves
قدام الاجنبي ؟

إذا كان للمستشفى أي دليل على ان هناك طبيب (سوداني\سودانية) ببساطة يتم تبليغ الشرطة عنه او حتى وزارة الصحة
و إتخاذ الإجراءت القانونية العادية المتبعة في هكذا حالات

الموضوع واضح و الاطباء ديل عندهم قضية واضحة هي التمييز و العنصرية من قبل ادارة هذا المستشفى تحديداً
وقدموا شكاوى لجميع الجهات المختصة - حسب عقود عملهم مع المستشفى - موثقة بالادلة و البراهين و الاسانيد
و مهددين بالفصل و التشريد من عملهم بسبب رفضهم التفتيش اليدوي المهين دا الغير منصوص عليه في عقد عملهم
او قوانين العمل السودانية او لوائح وزارة الصحة ، اذا كانت ادارة المستشفى لديها ما يثبت قيام احد الاطباء السودانين
او حتى جميعهم بالسرقة عليها ان تدفع بذلك للجهات المختصة و المحاكم حتى ينال الفاعل عقابه

أما إجراء تفتيش يدوي - مهين - للكادر الطبي السوداني وحده دون غيره فهذا تصرف عنصري و تمييز Discrimination based in Nationality & Racist Act

غض النظر عن جنسية الموجه اليهم اجراءات التفتيش الخاصة .. تظل هذه الاجراءات عنصرية ومخزية ومقيتة .. طالما وجهت للبعض واستثنت آخرين .. !!

ان التخبط الاداري في السودان في شأن اختصاص الأمر مابين وزارة الصحة الاتحادية ونقابة المهن الصحية والاجتماعية يزيد من محنة العاملين .. ويجعل المرء منا لا يستغرب أن تهين ادارة المستشفى الايطالي الكادر السوداني .. وحكومة الانقاذ هي آخر من يرفع الصوت / السوط في مواجهة الاجنبي .. لكنها جهورةً بصوتها وسوطها على ابناء السودان .. !!

Quote: عندما تغنت عائشة الفلاتية في اربعينيات القرن الماضي للجنود السودانيين الذين انتصروا في معركة (كرن) على قوات الاستعمار الايطالي بشرق السودان (يجوا عايدين إن شاء الله عايدين يا الله.. يجوا عايدين الدخلو كرن بينين) و .

الحمد لله وجاء عائداً معهم والدى متعه الله بالصحة والعافيـــة

Quote: تحت ستار المساعدات الانسانية و المنظمات غير الربحية و مساعدة الاطفال و عمليات القلب المفتوح

المستشفى دا بيقدم مساعدات إنسانية
المستشفى دا تديره منظمة غير ربحية حقاً وحقيقة
المستشفى دا بيساعد فى اطفال السودان
المستشفى دا بيســد فى الفجوة التى خلقها جراحى القلب والمستشفيات فى السودان بالجشع المادى ( 8مليون اقل عملية قلب )
المستشفى دا فى فى اقل من عشرة ايام بيقوم بكل الفحوصات المعملية ويجرى العملية ويخرج المريــض ( كل هذا مجاناً )


الفجوة فى علاج مرضــى القلب عجزت عنها الحكومة ( وزارة الصحة )
الفجوة فى علاج مرضى القلب عجز عنها القطاع الخاص المستشفيات الخاصــة )
حين يأتــى الاخرون تحت مظلة المنظمات الطوعيــة ليقدمو ما عجزنا عنــه حكومة وقطاع خاص
( نقول لهم شكراً فقد قمتم بما عجزنــا عليه نحن )


السادة الاطباء :
كم عدد الاطباء الايطاليين فى هذا المستشفى ؟
حقوق وواجبات المرضـــى شنو مقارنة بما عندنــا ؟
الا يعتبر هولاء العاملين السودانيين فى فرصة طيبة للتعلم من التجربة الايطالية فى ادارة مثل هذا المستشفى المتخصص فى جراحة القلب
( نحن زولنــا راقد فى العناية المكثفة ونجيب طبيب لنا علاقه بــه لندخل لغرفة العناية ) !!!!



فقط فليبقى لنــا هذا المستشفـــى لعلاج مرضــى القلب الذين لا يملكون الملايين



ترمـــة ....

دق الطار واستدعاء شجاعة الجند السودانيين فى كرن بمثابة اثارة الكراهية ضد ايطاليا ولا يد لايطاليا فى هذا الامــر من قريب او بعيد
للعلم اثارة الكراهية ضد الايطاليين تندرج فى اطار ( العنصرية )
نقول ان عناصر جودة اداء الاعمال عندهم غير حضارية ( علماً بأن هذه الاجراءات متبعــة فى كل انحاء العالم
المستشفيات يستخدم فيها ( البيدجر كما اعتقد )

Quote: يا جماعة خليكم منصفيين بدل ما تقيفوا مع الضحية تلوموها ؟ بنفس المنطق المعوج دا ممكن نلوم الشعب السوداني لقبوله بحكم الانقاذ 22 عشرين سنة

Quote: المستشفى دا بيقدم مساعدات إنسانية المستشفى دا تديره منظمة غير ربحية حقاً وحقيقة المستشفى دا بيساعد فى اطفال السودان المستشفى دا بيســد فى الفجوة التى خلقها جراحى القلب والمستشفيات فى السودان بالجشع المادى ( 8مليون اقل عملية قلب ) المستشفى دا فى فى اقل من عشرة ايام بيقوم بكل الفحوصات المعملية ويجرى العملية ويخرج المريــض ( كل هذا مجاناً ) الفجوة فى علاج مرضــى القلب عجزت عنها الحكومة ( وزارة الصحة ) الفجوة فى علاج مرضى القلب عجز عنها القطاع الخاص المستشفيات الخاصــة ) حين يأتــى الاخرون تحت مظلة المنظمات الطوعيــة ليقدمو ما عجزنا عنــه حكومة وقطاع خاص ( نقول لهم شكراً فقد قمتم بما عجزنــا عليه نحن )

المستشفى دا ياخي مستشفى غير ربحي و بيقوم بعمل انساني الناس ما اختلفت في الحتة دي
لكن كوني بقوم بعمل انساني معناها انتهك كرامة السودانيين العاملين معاي ؟
الانسانية ما بتتجزأ يا بدر الدين
لو هم صحي (انسانيين) و دايرين يساعدونا زي ما بتقول ليه (انسانيتهم) دي ما بتظهر في تعاملهم
مع موظفنهم ، العنصرية و الانسانية صنوان لا يجتمعان في قلب انسان

بعدين وين حكومتك السنية هي ما شريكة في المستشفى دا ؟
ليه وزارة الصحة ما تفرض على المستشفى احترام قانون العمل
ولوائح وزارة الصحة ؟

Quote: دق الطار واستدعاء شجاعة الجند السودانيين فى كرن بمثابة اثارة الكراهية ضد ايطاليا ولا يد لايطاليا فى هذا الامــر من قريب او بعيد للعلم اثارة الكراهية ضد الايطاليين تندرج فى اطار ( العنصرية )

حسة العنصرية وين في الكلام عن شجاعة الجندي السوداني الصد هجوم الايطاليين في كرن يا بدر الدين ؟ و في رفضه للحقارة و الذلة ؟
كونه الجيش السوداني ومعاه و الدك دافعوا عن السودان وقتها دا شي مما يفتخر به السودانيين يا بدرالدين و ليس من العنصرية في شئ
إنتا (العنصرية) الجدد في التعامل مع الاطباء ديل بحكم جنسيتهم (السودانية) عامل منها رايح و جاي تفتش ليك على عنصرية رايحة ؟

Quote: دنقول ان عناصر جودة اداء الاعمال عندهم غير حضارية ( علماً بأن هذه الاجراءات متبعــة فى كل انحاء العالم المستشفيات يستخدم فيها ( البيدجر كما اعتقد )

ياخي ممكن اي مكان عمل يستحدث اي اجراءات حماية ليه باسباب مقنعة و وسائل متحضرة موش تفتيش جسدي
حتى في امريكا موضوع Body scanner in airports
هيج ناس حقوق الانسان لانه الموضوع دا فيه انتهاك لكرامة الانسان و اساءة ليه

كمان الانتقائية في التفتيش الجسدي للاطباء السودانيين فقط لا غير دي ليل واضح على ان السلوك دا عنصري قح
لانه لو اطبق على الجنسيات التانية الشغالة في المستشفى بما فيها الايطاليين كان حايظل سلوك مهين لكرامة الانسان
لكن غير عنصري لانه مطبق على الكل سواسية وقع ليك ؟

كلام غاية في التناقض يا بدر الدين
يقولولك

Quote: سا اذكر منها الاتي: - هناك صالات واجزاء من المستشفى لايسمح للكوادر السودانية الدخول لها حتى الاطباء ويسمح لبقية الجنسيات بدخولها . _ لا يسمح للكوادر الطبية السودانية ( اطباء _سسترات _ ممرضين) بالدخول الى غرفة العمليات مطلقا في حين يسمح للمرضين من باقي الجنسيات. - لا يسمح للكوادر الطبية السودانية ( اطباء _سسترات _ ممرضين) بالدخول الى غرف الانعاش مطلقا ويسمح لباقي الجنسيات. - غير مسموح للاطباء والكوادر السودانية حضور الاجتماعات السريرية اليومية والاسبوعية ويسمح لباقي الجنسيات. -الكارثة: - لا يسمح للاطباء السودانيين بحضور عيادات تخريج المرضى( discharge clinic) وهذه عبارة عن اجتماعات متعارف عليها في جميع مستشفيات العالم تتم مناقشة واسباب ادخالها الى العملية وكيفية اجراء العملية والتخدير ودراسة اسباب الوفيات والمضاعفات التي تحدث للمرضى

وتجي تتساءل

Quote: لا يعتبر هولاء العاملين السودانيين فى فرصة طيبة للتعلم من التجربة الايطالية فى ادارة مثل هذا المستشفى المتخصص فى جراحة القلب

يعني يتعلموا بى وين؟

Quote: بسرقة موبايل لا يسوى شيئاً ؟

اقرأ الخبر مرة تانية بعدد عدد من السرقات بما فيها ادوية
المسشتفى عملت الاجراء دا



بدل نقعد نتغالط عايزين زول يجب وجهة النظر الاخرى..

بعدين عنصرية دي ما واردة هنا نهائيا

لانه لو عنصريين اصلا ما بيجوا يقعدوا في بلد ذي السودان
عشان يساعدوا اطفال عجزت حكومتهم من مساعدتهم.

Quote: ل لديك دليل واضح و بينة لا تقبل الشك على أن هذه الممارسات المعلمة بالاحمر و قد قمت - أنت - بوصم و تنميط الشخصية السودانية بها تجري الآن و جرت ممارستها من قبل الكادر الطبي بمستشفى السلام تحديداُ

ليه منعوا من استخدام حمامات بعينها؟

بس عشان عنصريين؟

منتظرين وجهة النظر الاخرى

Quote: اقرأ الخبر مرة تانية بعدد عدد من السرقات بما فيها ادوية المسشتفى عملت الاجراء دا

موضوع سرقة الادوية دا جزء قديم من الاتهامات البيمارسها المستشفى ضد الاطباء السودانيين
باختضار يا دكتورة المستشفى - بحكم شراكته مع وزارة الصحة - مفروض عليه تعيين كوادر طبية سودانية و تدريبها
وهم عايزيين يجيبوا ايطاليين محلهم و بالتاني الاتهامات و العنصرية دي سياسة ثابتة من ادارة المستشفى تجاههم
انا نقلتا افادة دكتورة سماح فوق الكانت بتعمل في المستشفى لو ما قريتيها نعيدا ليك برضو

Quote: Dr. Samah: I am a Sudanese doctor, who spent 8 months of my service in Salam hospital 2 years ago. At that time, I’ve noticed that they were searching our bags on the way in and out! i got angry and went to the Italian Medical director. We had an argument and i told him this is an obvious discrimination. He said: this is for security reasons! So I replied, if its for that, every one should be checked in and out regardless of his/her nationality ! He didn’t convince for sure, and I was stupid to continue working after that. Few months later, some drugs were missing from the hospital pharmacy. Since we, the doctors, were responsible for the pharmacy temporary, till they find a pharmacist, we were accused of stealing drugs!! They interrogated all of us! We complained to our " beloved" Ministry of Health, they sent some of their representatives, who did nothing for sure, and we refused to be in charge for the pharmacy, coz its not in our job description in the first place! the issue was solved, and they apologized for their accusations, though I doubt it was for a matter of respect!!! Not to mention the discrimination in the meals!! Usually, the meals are given from 12 pm to 2 pm. When a national staff comes after 2 pm, they don’t give him his meal, while an international staff can get his meal no matter how late he/she was!! We were not allowed to attend operations. They said, we are not ready for IT!!! I was always argue with them, and they didn’t like it, specially, (Jena Portella), the Medical coordinator. She told me: we will not renew your contract, so I replied, to the hell with your contract! All this for an issue happened to one of the... patients and i argued about it!! They don’t want us to talk or to argue with them about any thing. just to watch!!! i went to our '" beloved" Ministry of health, to tell them about this issue, but as usual, no one was concern about what’s going there!!!!!! .

منقول من (الايفنت) التي قامت بانشائها (اللجنة الدائمة لنواب الاخصائيين) على الفيسبوك

http://www.facebook.com/event.php?eid=124505464291457

Quote: بعدين عنصرية دي ما واردة هنا نهائيا لانه لو عنصريين اصلا ما بيجوا يقعدوا في بلد ذي السودان عشان يساعدوا اطفال عجزت حكومتهم من مساعدتهم.

يا دكتورة المنظمة دي قائمة على التبرعات الDonations
في ناس (ما عنصرين) في اوربا بشوفوا حكومتك الماقادرة تساعد الاطفال ديل
قلبهم بيرهف بيتبرعوا للمنظمات المتل المنظمة دي ، القروش دي يدفعوها الناس
ديل بطيب خاطر عشان اطفالنا السودانيين السود ديل
الناس المسئولين عن المستشفى ديل مجرد موظفين ما ملائكة و لا حولهم هالة قدسية
مجرد موظف بيستغل سلطاته و يمارس العنصرية و الاضطهاد متى ما كان ذلك ممكناً

قلتي لي ما عنصرين و العنصرية ما واردة طيب رايك شنو في كلام مدير المنظمة نفسه:

Quote: هل يحق للمؤسسه كونها تعالج المرضى السودانيين مجاناً أن تصف كوادر البلد والبلد نفسها بالغباء؟ ثم بالعبيد حسب افادة كل الكوادر الوطنيه التى التقتها اللجنه؟

اذا كانت الدوله نفسها تمارس عنفا لفظيا وجسديا ضد الاطباء

فلماذا لا يمارسه الاخرون ؟؟؟؟؟

اقتراح بوقفه سلميه امام السفاره الايطاليه

واعتصام امام المستشفي

يا حاتم يا خوي حاحو حاحو
كلنا في الهم شرق، لمن يبقى عليكم متل دا بنجي نحاحي معاكم
ملاحظاتك طبعاً في محلها و ادهى ما في الامر هو ما ورد في عدم السماح للاطباء بحضور الكلينيكال ميتينقس و الديسجارج ميتينقس و عدم السماح بدخول غرف العمليات
ان امتياز دخول غرف العمليات هو امتياز يمنح للدرجة الوظيفية و ليس بحسب الجنسية و اللايك و الديس لايك حيث يحق لكل طبيب اكمل فترة تدريبه الاولي و تسجل تسجيلاً الدخول الي غرفة العملياتو هذا جزء من حقوقه الطبيعية في التدريب و التطور المهني
كان يعمل في مشفى خاص ام عام ، فهذا جزء من مهنته مثلها مثل حضور العيادة المحولة مع الاخصائي مثلاً
فهذا التمييز عنصري عنصري بشكل مبالغ فيه و غير مبرر و غير مقبول
و التبرير بعجز او عدم نظافة او انعدام الديسبلين في الكادر السوداني هو تبرير مرفوض و خاطئ تمام حيث ان الطبيب السوداني و الكادر الطبي المساعد السوداني الذي يعمل حتى خارج السودان مشهود له بالانضباط و الكفاءة العالية و الاتقان كمان
و هذه شهادات من قبلي مجروحة لكنها تبقى حقيقية و يبقى لسوال اذا كانو منعدمي الانضباط فما الذي حدى بادارة المستشفى الي تعيينهم اصلا
ناهيك عن كل هذا الاقصاء و انظر الي الشكل العنصري القبيح الذي حدى بادارة المستشفى الي تفتيش جماعة معينة من الناس استناداً الي جنسيتهم
شكراً ايطاليا .. نعم شكراً فيما قدمتي و لكن عذراً ايضاً فهذا لا يتيح لكم اهانتنا في بلادنا

سلام
الشغلة لا تحتمل النظر لها من جانب سياسي (مع او ضد) (الحكومة/ لجنة الاطباء)
الموضوع (اذا ثبت) فيهو اهانة لنا كسودانيين، ونحنا لا نقبل الحقارة ممن اياً كان
التحية لمن يقومون بأمر المستشفى والذي ثبت ان له دور كبير في تقديم الخدمات المجانية المتطورة،
بس ده لا يمكن يكون على حساب اهانة وذلة أشرف وانبل قطاع لدينا (الاطباء)، الذين نبصم بالعشرة على كامل ثقتنا فيهم
قبل ان نحكم لازم نسمع رأي الطرف الآخر
التفتيش عند المداخل لازم يشمل الكل، عدم تطبيق ذلك هو تمييز عنصري بغيض ولا يوجد ما يبرره
اقتصار عمل اطاؤنا في امور طبية هامشية بحجة عدم التأهيل مرفوض، واذا كانت دي رؤية من يقومون عليه
(وان كنت اثق تماماً في اكتمال تاهيل اطباؤنا)، فالواجب هنا أن يقوموا بتدريبهم وتأهيلهم واتاحة الفرصة لهم ضمن جدول زمني محدد

على الوزارة ان تقوم وفورا بتشكيل لجنة تحقيق وتقصي، ده من اوجب واجباتها

حظر الاطباء السودانيين من حضور العمليات وجلسات تقييم العمليات يؤشر لشيئين كلاهما خطير جداً
1/ مستشفى تعليمي: ويتم فيه ايجاد بيئة تعليمية لاطباء اجانب، من أهم وسائل التدريب هو رفع حاجز الخوف للمتدرب
وبدلاً من ان يتم تدريبهم على دمى او جثث فليس افضل مننا، (تعلم الحجامة على رؤوس اليتامى)، اذا فالاولى ان يتم
تدريب كوادرنا الوطنية
2/مستشفى تجريبي: وفيه يتم تجربة وسائل او ادوية لاول مرة


عشرات الدول المعوزة قد تقبل بهكذا مستشفى، بس ليس نحن
وكما اسلفت لابد من سماع الطرف الاخر وتدخل الوزارة العاجل مطلوب واذا تقاعست فعلى اتحاد الاطباء الضغط اللازم

Quote: التفتيش عند المداخل لازم يشمل الكل، عدم تطبيق ذلك هو تمييز عنصري بغيض ولا يوجد ما يبرره اقتصار عمل اطاؤنا في امور طبية هامشية بحجة عدم التأهيل مرفوض، واذا كانت دي رؤية من يقومون عليه (وان كنت اثق تماماً في اكتمال تاهيل اطباؤنا)، فالواجب هنا أن يقوموا بتدريبهم وتأهيلهم واتاحة الفرصة لهم ضمن جدول زمني محدد

Quote: حظر الاطباء السودانيين من حضور العمليات وجلسات تقييم العمليات يؤشر لشيئين كلاهما خطير جداً 1/ مستشفى تعليمي: ويتم فيه ايجاد بيئة تعليمية لاطباء اجانب، من أهم وسائل التدريب هو رفع حاجز الخوف للمتدرب وبدلاً من ان يتم تدريبهم على دمى او جثث فليس افضل مننا، (تعلم الحجامة على رؤوس اليتامى)، اذا فالاولى ان يتم تدريب كوادرنا الوطنية 2/مستشفى تجريبي: وفيه يتم تجربة وسائل او ادوية لاول مرة

شكراً ليك يا الشفيع على طرح الاسئلة الواعية الحصيفة دي
و على التجرد من ثنائية (مع\ضد) المعروفة بالمنبر
وازيدك من الشعر بيت كمان
لا يسمح في هذا المستشفى سوى بإستخدام الادوية الايطالية فقط
المجلوبة - خصيصاً - من ايطاليا حسب افادة احد الاطباء الذين كانو يعملون بالمستشفى
في الايفنت الخاصة بالقضية دي على الفيسبوك

Quote: استلمت لجنة اطباء السودان شكوى رسمية من الكوادر الطبية السودانية العاملة بمستشفى السلام الايطالي..وهو مستشفى متخصص في امراض القلب يبلغ عدد الكوادر السودانية العاملة بالمستشفى حوالي الاربعين من اطباء وسسترات وممرضين وممرضات مفاد الشكوى كالاتي: تعرضت الكوادر الطبية السودانية لمعاملة مهينه من ادارة مستشفى السلام, كان آخرها تفتيش كل السودانيين جسدياً فى أعقاب فقدان عاملة ايطاليه لهاتفها النقال, ووصفها لهم بأنهم لصوص.. تطور الأمر إلى اشتراط المستشفى للمخدمين السودانيين الخضوع للتفتيش الجسدي قبل الدخول للمستشفى وقبل الخروج، الأمر الذي رفضه الجميع ما أدى لايقافهم عن العمل وتهديدهم بالطرد يوم السبت القادم الموافق16 ابريل.. ووصف مدير المستشفى الكوادر السودانية بانهم لصوص و اغبياء فى بلد الغباء على رؤوس الأشهاد... .............. قامت اللجنة باعداد ملف متكامل عن المستشفى الايطالي ومايتم به من تجاوزات... واتضح ان المعاملة العنصرية التي يتلقاها العاملون هناك جزء بسيط في بحر من التجاوزات الطبية والمهنية والاخلاقية التي تقوم بها ادارة المستشفى وسيتم عرض هذه التجاوزات للراي العام وللمسؤولين المعنيين بالامر على اعلى المستويات . وتوضح اللجنة للاخوة الزملاء والزميلات ان قضيتهم في ايد امينة وان حقهم سيصل اليهم معززين مكرمين وابدا ماهنت ياسوداننا يوما علينا

إدانة كاملة لهذا الأمر المؤسف للغاية.
أرجو أن تتعامل لجنة أطباء السودان بحزم
مع هذه التجاوزات الصارخة.

Quote: نرجو الحذر فى معالجة مشكل هذا المشفى الطليانى و تجاوزات القائمين على امره. فهو يوفر و بكفاءة معقولة و باسعار زهيدة خدمة جراحة القلب و يوفرها لكثير من الفقراء, وسط سخط و ترصد من (كارتيل) المستشفيات الخاصة التى توفر هذه الخدمة بكلفة عالية

حيث يستضيف اطفال كردستان .. مستشفى السلام للقلب اجرى 29...ة جراحية .. توجد صور

المداخله بتاعتى دى انا داير اهنى لجنة الاطباء ودى ممكن تكون بداية ثوره اذا لم تستجيب الجهات
لرفع الظلم لاطباء بلادى وهم يهانون داخل وطنهم والمستشفى دى فى النهايه استثمار اجنبى

بصراحة
لا للتجاوز ضد اي سوداني في وطنه
لكن دعونا نبداً بالمستشفيات السودانية و سؤ معاملة ادارات المستشفيات للاطباء فيها اولاً
و من كان مكرماً في داره لن يرضى الهوان في دار غيره خاصة اذا كانت ملكه في الاصل كالمستشفى الايطالي


ثم علينا بالنقد الذاتي
بداية من من تعاملنا مع الادوات المعقمة و انتهاء باستخدام الحنفية و الحمام واهمال الاطباء المريع لعدم التدريب وعد الاهتمام بتعلم هذه الجزئيات فضلا عن غياب التجهيزات الصحية احيانا او انقطاع مائها او خلو علبة المادة المطهرة
كلام د. نجاة عن السلوك الشخصي للسوداني دا ملاحظ و مثبت في كل المرافق و المؤسسات و المستشفيات و الجامعات نحن نستخدم الحمامات وكاننا اخر من سيستخدمها وبعدنا الطوفان
نحن لا نهتم بالادوات المعقمة بصورة صحيحة فيمكن مثلا للكادر الطبي اكتشاف انه يحتاج قطعة ما اثناء تعامله مع المريض فيهرع بقفازات كان يلمس بها المريض لدرج الادوات المعقمة نبشاً و تلويثاً. دون ان يكلف نفسه خلع القفاز مباشرة بعد الانتهاء من المرض. هذا اذا لم يستخدم يديه العاريتين دون ان يغسلهما ويجففهما قبل تداول ادوات مكتوب عليها انها معقمة.
توجد بحوث علمية مؤثقة في هذه السلوكيات احجم عن ذكرها(بدون اذن اصحابها) لكنها بحوث ذات مصداقية عالية و اجريت بأذن من بعض المستشفيات

Quote: ثم علينا بالنقد الذاتي بداية من من تعاملنا مع الادوات المعقمة و انتهاء باستخدام الحنفية و الحمام واهمال الاطباء المريع لعدم التدريب وعد الاهتمام بتعلم هذه الجزئيات فضلا عن غياب التجهيزات الصحية احيانا او انقطاع مائها او خلو علبة المادة المطهرة كلام د. نجاة عن السلوك الشخصي للسوداني دا ملاحظ و مثبت في كل المرافق و المؤسسات و المستشفيات و الجامعات نحن نستخدم الحمامات وكاننا اخر من سيستخدمها وبعدنا الطوفان نحن لا نهتم بالادوات المعقمة بصورة صحيحة فيمكن مثلا للكادر الطبي اكتشاف انه يحتاج قطعة ما اثناء تعامله مع المريض فيهرع بقفازات كان يلمس بها المريض لدرج الادوات المعقمة نبشاً و تلويثاً. دون ان يكلف نفسه خلع القفاز مباشرة بعد الانتهاء من المرض. هذا اذا لم يستخدم يديه العاريتين دون ان يغسلهما ويجففهما قبل تداول ادوات مكتوب عليها انها معقمة. توجد بحوث علمية مؤثقة في هذه السلوكيات احجم عن ذكرها(بدون اذن اصحابها) لكنها بحوث ذات مصداقية عالية و اجريت بأذن من بعض المستشفيات

دا الحاصل ونحنا البنبني سمعتنا بين الناس والناس يتعمل انطباعها من الناس البتتعامل معهم
والاحترام بكتسب بسلوكنا نحنا.

لو ما كان في حاجات تخلي الفتيش لما صار الفتيش ولو كان الناس بتسخدم الحمامات بصورة حضارية ما كا ن فرزوا حمامتهم
لو الناس مدربة تدريب كويس ومنظمة ما كان ابعدوهم من اي مكان

مؤلم جدا لما تحصل حاجات ذي دي لكن ذي ما قلت وقالت ناذك
النقد الذاتي ومعرفة الاسباب الحقيقية لهذه المشكلة
بعدن ما يجي زول يقول لي السوداني المتعلم اشتهر بالامانة وشنو من الكلام المستهلك
نوت اني مور..
السرقة صارت ممارسة عادية في اي تجمع فيه سودانيين.

نازك الطيب
سلام

Quote: نحن لا نهتم بالادوات المعقمة بصورة صحيحة فيمكن مثلا للكادر الطبي اكتشاف انه يحتاج قطعة ما اثناء تعامله مع المريض فيهرع بقفازات كان يلمس بها المريض لدرج الادوات المعقمة نبشاً و تلويثاً. دون ان يكلف نفسه خلع القفاز مباشرة بعد الانتهاء من المرض. هذا اذا لم يستخدم يديه العاريتين دون ان يغسلهما ويجففهما قبل تداول ادوات مكتوب عليها انها معقمة. توجد بحوث علمية مؤثقة في هذه السلوكيات احجم عن ذكرها(بدون اذن اصحابها) لكنها بحوث ذات مصداقية عالية و اجريت بأذن من بعض المستشفيات

هذا كلام خطير للغاية
و ما دام هى بحوث مؤثقة فهذا يعنى انها منشورة فما الداعى لاخذ الاذن من اصحابها, فلو كانوا لا يريدون الاشارة لها لما نشروها ابتداءا
كما لم تعجبنى لهجة التعميم في مداخلتك. فالاخطاء الفردية موجودة فى كل مكان
هناك من يناول الجراح ما يحتاجه من ادوات (محضرون و مساعدون) و هو لا يبارح مكانه مطلقا الا عند نهاية الجراحة

Quote: Dr. Samah: I am a Sudanese doctor, who spent 8 months of my service in Salam hospital 2 years ago. At that time, I’ve noticed that they were searching our bags on the way in and out! i got angry and went to the Italian Medical director. We had an argument and i told him this is an obvious discrimination. He said: this is for security reasons! So I replied, if its for that, every one should be checked in and out regardless of his/her nationality ! He didn’t convince for sure, and I was stupid to continue working after that. Few months later, some drugs were missing from the hospital pharmacy. Since we, the doctors, were responsible for the pharmacy temporary, till they find a pharmacist, we were accused of stealing drugs!! They interrogated all of us! We complained to our " beloved" Ministry of Health, they sent some of their representatives, who did nothing for sure, and we refused to be in charge for the pharmacy, coz its not in our job description in the first place! the issue was solved, and they apologized for their accusations, though I doubt it was for a matter of respect!!! Not to mention the discrimination in the meals!! Usually, the meals are given from 12 pm to 2 pm. When a national staff comes after 2 pm, they don’t give him his meal, while an international staff can get his meal no matter how late he/she was!! We were not allowed to attend operations. They said, we are not ready for IT!!! I was always argue with them, and they didn’t like it, specially, (Jena Portella), the Medical coordinator. She told me: we will not renew your contract, so I replied, to the hell with your contract!t!! They don’t want us to talk or to argue with them about any thing. just to watch!!! i went to our '" beloved" Ministry of health, to tell them about this issue, but as usual, no one was concern about what’s going there!!!!!!

قريت كلام سماح دا اكثر من مرة
وطلعت منه غير انه انجليزيها كعب عديل كدا
عندها مشكلة بتاعة اتتيود اسع لو كنت في ماليزيا هنا كان اتفصلت من اول يوم جادلت فيه رئيسك
لانه العمل ما عايز مغالطات وجدال لا ينتهي الرئيس حقك المفروض يكون مطاع في اداء العمل
خاصة انه افضل خبرة منك
هنا ناس الهواس مان والنواب برجفوا لما الاخصائي يتكلم معاهم
خلي كمان تو توك باك معاه.
عشان كدا لما يخلصوا تدريبهم بيكونوا اطباء قادرين ولطفاء
وجديرون بالاحترام ولتقدير
بعداك الحادثة حقت سرقة ادوية في عهدتهم اي حاجة في عهدتك تسرق لو كنت ا منو داك لازم يحدث تحقيق فيها
دي حاجة معروفة في الدنيا كلها لكن عاد ما السودان ما المفروض اي زول يسالك عن اي حاجة
بعداك السبب لمنعهم دخول غرفة العمليات ذكروا ليهم انهم لسع ما مستعدين
في زمن العندو قروش بقرأ طب لو جايب 50% المفروض نتفهم لو قالوا لينا انتوا ما مستعدين لدخول غرفة العمليات والعمل
في عمليات قلب ما عمليات وجراحات ما معقدة
يبقوا تحترمو الحاجة دي.
كلام دكتورة سماح بان الى الجحيم للعقد ما بوري انها شجاعة بوري انه احكامها على الحاجات فقيرة جدا
اصلا بالاتتيود حق دكاترة السودان دا ما بياكلوا عيش برة
انت زول بعمل في الخدمة معنها زول صغير في السن وخبرتك اولموست جنب الصفر
تقعد تراقب وتتعلم وتخلى الجدال الوقف بلادنا ورماها في قاع الدنيا وسقط حجرنا.

Quote: All this for an issue happened to one of the... patients and i argued about i

اها الشطارة دي كانت جنب المريض؟
عشان دي واحدة من الممنوعات في الطب المغالطة قدام المريض مع الاخصائي حتى لا يفقد ثقته في الطبيب
ويمكن داالسبب المنعوكم تحضروا تخريج المرضى

الضمت والمراقبة دي البتخليك طبيب كويس

ارجو ان تستمع لجنة الاطباء الى الطرف الاخر قبل اصدار الحكم بالادانة. لحين ذاك الوقت فالتزام الصمت هو المطلوب.

الاخوة الاطباء اصحاب المشكله
يبدو واضحا انه هنالك فعلا عنصريه ثابته وواضحه
ولكن يصعب الدفاع عنكم مالم فعلا تقدروا توحدوا صفوفكم
اطباء وعاملين وتعرفوا تقوموالا بدورك ومن ثم يتم بناء(الكيس القضائي)
بوضوح رغم انه انا متأكده انه تشريعاتنا وقضائنا حيكون للاسف خالي من اي
مواد مجرمه لهؤلاء الطليان المتعجرفين.

مثلا النقطه التي اثارتها الطبيبه الكاتبه بالانجليزي للمدعوه(سماح):
والتي وضحت فيها انه حتى امر الوجبات انه مالم يحضر السوداني او السودانيه
ما بين الساعه (12 الي 2) فانه يحرم من الوجبه بينما الايطالي يمكنه اخذها في اي وقت!

اها فعلا هي عنصريه لو ثبت انه الطبيب السوداني بيتأخر في امر يخص عمله
اما لو كان لانه بيكون طاقي هنك في موبايل و لا خطف رجله لمشوار ولا حتى طاقي حنك ساي مع زملائه
وزميلاته فدي ما مقبوله ولاننا بنعرفها عن اخونا السودانين فنحن بننبههم ليها...و الهدف المصلحه
عشان عشان نوضب النواحي القضائيه للكيس تماما.



ثانيا:
الحرمان من حضور العلمليات
طبعا هم ليس مستشفى تعليمي يعني افترضوا انه الناس بتجيهم وتقدم للعمل معهم وهم اطباء مؤهلين ومجتازين
لامتحانات الطب البتسمح بمنح الرخص...بينما الحقيقه يا اخونا واخواتنا انتم غير مؤهلين ودي حقيقه مفروض ما نتناطح حولها,ممكن تطلبوا مزيد من الكورسات التاهيليه لكننا نكون كذابين ومنافقين لو غشيناكم وقلنا لكم انتم
مؤهلين كذلك ما اثارته الدكتوره بيان وهو(الاتيتيود) دي حقيقي مشكله كبيره بتواجه اغلب الاطبائ السودانين
واغلب السقوط بالمناسبه في امتحانات الترخيص للاطباء بالخارج اغلبها هو (موضع الاتيتيود) وقد كتبنا في هذا من قبل كثيرا.



خلاصة الكلام....
بيهمنا جدا تلقين هؤلاء الطليان درسا
ولكن لوقتها انتو اضمنوا لينا التزامك بعدم التِأخير و
اضمنوا لينا معامله طيبه للمرضى وانضضباط وقده في الفحص وحرص على الاستماع الجيد
علا وعسى تصلوا لتشخيص صجيج وبعدها تأكدوا بانه كل الشعب معكم.



واستغرب من يسمي وزارة الصحه بالحبيبه!!
هي لو كانت قايمه بدورها تجاهكم من تأهيل وضبط
كان ده بقى حالكم؟؟؟تلطيش من طرف؟؟!!

نصيحه آخير
اياكم و التكبر على اخوتكم العمال ستحتاجونهم لعلم نقابي مكرب طالما في الهم صرتم جميعكم اسمكم السودانين
امام الطليان.....تحدثوا لبعضكم تحدثوا عن اهمية اسم شعبنا امام الاجانب تحثدوا عن صندوق للتضامن بينكم
حتى لا يلجأ احد للسرقه....,اعلموا انه الظروف الطاحنه فعلا غيرت اخلاق شعبنا,فهل تتداركوا البؤس ام نظلى حمقى
على الفاضي؟!

Quote: في زمن العندو قروش بقرأ طب لو جايب 50%

د. نجاة، كيفنك
غايتو الكلام ده انا متأكد انه في السودان مافي، ولسه في معايير للقبول، اذا كان في جامعات خارج السودان بتسمح بي كده تكون هناك في مشكلة كبيرة

Quote: غايتو الكلام ده انا متأكد انه في السودان مافي، ولسه في معايير للقبول،

الشفيع
سلام


للاسف يا شفيع الكلام دا صجيح و موجود و منذ اعوام و فى اكثر من كلية خاصة تم القبول بنسب حمسين (اى نعم خمسين فقط لا غير)
و فى بعض الكليات الخاصة كانت نسبة القبول للمختبرات و التمريض اعلى من القبول للطب
و يمكنك الرجوع لدليل القبول هذا العام و هو متوفر على العنكبوتية
الكليات الخاصة و معظمها مملوك لمحاسيب النظام سرطان يسرى فى حلايا التعليم العالى فى بلادنا وهى التى تقبل نسب الخمسين (استثنى كلية مامون حميدة التى تشترط نسبة تمانين حدا ادنى للقبول فى الطب)

بيد ان هذا الامر يجب الا يتخد مبررا للتهجم على مستويات مخرجات التعليم الطبى فى بلادنا. فاغلب الخريجين ياتون من الكليات الحكومية التى لا تزال تلتزم معايير اكاديمية مقبولة فى القبول و المناهج و الامتحانات و مستوياتهم مرضية مقارنة برصفائهم فى العالم و مستوى ادائهم فى امتحانات الزمالة
البريطانية و غيرها من الامتحانات الدولية جيد جدا, بل هو افضل من خريجى ما قبل التسعينات

Quote: للاسف يا شفيع الكلام دا صجيح و موجود و منذ اعوام و فى اكثر من كلية خاصة تم القبول بنسب حمسين (اى نعم خمسين فقط لا غير

ولسه بقول الكلام غير صحيح ولا يوجد قبول للطب بنسبة 50% في جامعات السودان يا عوض
ولو عندك مستندات جيبها

هل يمنحنا الغرب إنسانيته بلا مقابل ؟

قولوا كلام غير ده ... العمل الإنساني ومنذ سنوات هو مجرد غطاء
للعمل الإستخباراتي والتبشيري حتى صار عدد المنظمات الإنسانية
حول العالم أكبر من أن تحصى ..... إنساني بتاع الساعة كم مع أولاد جون ديل .....

لا للعنصرية
لا للاهانات

ولكن

ناسنا برضو مفروض يخلو الخمج والفوضي بتاعت السودانيين خاصة لما تكون شغال مع اجانب لانهم ما بقبلوا الحاجات دي

Quote: يبدو واضحا انه هنالك فعلا عنصريه ثابته وواضحه ولكن يصعب الدفاع عنكم مالم فعلا تقدروا توحدوا صفوفكم اطباء وعاملين وتعرفوا تقوموالا بدورك ومن ثم يتم بناء(الكيس القضائي) بوضوح رغم انه انا متأكده انه تشريعاتنا وقضائنا حيكون للاسف خالي من اي مواد مجرمه لهؤلاء الطليان المتعجرفين.

تحياتي يا تراجي
كلامك صحيح لازم الاطباء هناك يوحدوا صفوفهم و يمشوا لي محامي و يوثقوا شهادتهم دي
وبل في جزء من الاطباء الايطاليين مستعدين يشهدوا معاهم كمان انو في عنصرية تمارس
ضد الاطباء و الكادر السوداني

Quote: اها فعلا هي عنصريه لو ثبت انه الطبيب السوداني بيتأخر في امر يخص عمله اما لو كان لانه بيكون طاقي هنك في موبايل و لا خطف رجله لمشوار ولا حتى طاقي حنك ساي مع زملائه وزميلاته فدي ما مقبوله ولاننا بنعرفها عن اخونا السودانين فنحن بننبههم ليها...و الهدف المصلحه عشان عشان نوضب النواحي القضائيه للكيس تماما.

موضوع رفض اعطاء الوجبات بعد الساعة 2 دا ممكن يكون مقبول لو الطبيب ما موجود في المستشفى او قاعد في الاستراحة مثلا
لكن طبيعة الشغل في المستشفى ضاغط و الاطباء و الكادر السوداني مكلفين بجزء كبير من الواجبات و قد لا يجدوا وقتاُ حتى للحضور للاكل
في المواعيد يعني يخلي المريض الفي يدوا عشان الاكل ؟ علماُ بأن تقديم الوجبات للاطباء - بدون توقيت معين - دا من ضمن الامتيازات المنصوص عليها في الاتفاق مع الاطباء
والدليل انو الايطاليين بياخدوا وجباتهم في اي وقت

Quote: الحرمان من حضور العلمليات طبعا هم ليس مستشفى تعليمي يعني افترضوا انه الناس بتجيهم وتقدم للعمل معهم وهم اطباء مؤهلين ومجتازين لامتحانات الطب البتسمح بمنح الرخص...بينما الحقيقه يا اخونا واخواتنا انتم غير مؤهلين ودي حقيقه مفروض ما نتناطح حولها

بالعكس يا تراجي المستشفى خيري تعليمي و وزارة الصحة شريك فيه و تعيين الاطباء السودانيين و تدريبهم دا جزء من اتفاق الوزارة مع المنظمة الايطالية
والمنظمة الايطالية بتجيب اطباء خريجيين من ايطاليا و بتخليهم يتدربوا على المرضى الايطاليين علماُ بانه هناك العديد من الاطباء السودانيين المؤهلين في مجال القلب
لا يسمح لهم بحضور العمليات فضلاُ عن حضورها

Quote: واستغرب من يسمي وزارة الصحه بالحبيبه!! هي لو كانت قايمه بدورها تجاهكم من تأهيل وضبط كان ده بقى حالكم؟؟؟تلطيش من طرف؟؟!!

اعتقد ان تعبير Beloved Ministry
الاستخدمتو د. سماح الهدف منه السخرية من الوزارة اكثر من اظهار الحب لها
شكلها السخرية المريرة دي فاتت عليك يا تراجي
تحياتي

Quote: عشان دي واحدة من الممنوعات في الطب المغالطة قدام المريض مع الاخصائي حتى لا يفقد ثقته في الطبيب ويمكن داالسبب المنعوكم تحضروا تخريج المرضى

السلام عليكم

للمعلومية يا د.بيان
تخريج المرضى او عيادات التخريج (Discharge Clinics) لا يحضرها المريض وهي بمثابة مراحعة وتقييم أداء يومي أو أسبوعي
ويحضرها جميع الأطباء (بل يجب حضورها) في القسم او الوحدة المعنية
واستثناء الأطباء السودانيين من حضورها ليس له ما يبرره من الناحية المهنية...

بالنسبة للتفتيش الذاتي أرى ان هذا الأمر كان يجب ان يتم إدانته من الجميع


من لا يرى من الغربال فهو أعمى

Quote: ولسه بقول الكلام غير صحيح ولا يوجد قبول للطب بنسبة 50% في جامعات السودان يا عوض ولو عندك مستندات جيبها

اها يا الشفيع الحقنى سريع ببريدك الالكترونى فامامى نسخة من نتائج القبول للعام الماضى 2010-2011م
انظر صفحة 35 و سوت تجد جامعة خاصة قبلت بجميع كلياتها الطبية ابتداءا من الطب و انتهاءا بالصيدلة نسبة خمسين فقط لا غير
(بس ما تفول لى النسخة دى ما مختومة)

مصدقك يا عوض بدون ختم وحتى بدون ان ترسلها
بس هاك البريد وح نحتفظ بيها للتوثيق:
[email protected]
وفعلا الحكاية تدهورت وكان الله في عون السودان

استلمت يا عوض
وكلامك صحيح 100%
ارسلت ليك ايميل بالاستلام ويبدو ان ايميلك فل او فيهو مشكلة
شكرا كتير

حيث كده لامن نقابل دكتور هناك الا نسأله من الـcv حقته

خالص اعتذاري لك ولدكتورة نجاة

Quote: خالص اعتذاري لك ولدكتورة نجاة

مافي مشكلة كلنا عايزين مصلحة وطنا..

تعرف امشي اي مستشفى حتعرف حجم الدار الحدث في هذه المهنة التي تتطلب قدرات عقلية عالية موش قدرات مالية

حتلقى مستشفى ذي الفديو كليب.. دكتورات فاسخات وشهم بالكريمات ولابسات احدث الموضة والاي شدو ذي لون البلوزة والبلوزة
ذي لون المنكير في في اضافر مربية بوصة ايوا مربية بوصة عديل كدا لا تعرفها دكتورة ولا مغنية..
قبل فترة سنحت لي فرصة الذهاب الى مستشفى وكنت اراقب في الظواهر السالبة الغريبة دي..
وانا بلوم وزارة الصحة الما عندهاسستم ودرس كود تلزم بيه كل الطبيبات
لانه بالجد اي زول بقى يشوف هيافة لا اكثر في الطبيبات ديل ولا يمكن انا شخصيا اخلي دكتورة ضاربة منكير ولا محننة بصبغة
تعالجني ولن اخذها بجدية..
لازم يكون في تدريب وتعليم وقرومنق للطبيبات ديل عشان يفهمن انه ما المفروض يعملو ميكاب ويمشو المستشفيات
كمان يا وزير الصحة فسخ الوجه البتحارب فيه وزارة الصحة بيعملوه دكتوراتكم باب النجار مخلع
المفروض الوزارة يكون عندها يد في الاختيار من الاول بانه اي زول عايز يبقى طبيب لازم يتعمل ليه اورينتشن بروقرام
لازم يعرف اي حاجة عن المهن ولازم يفهم انه دي مهنة خطرة جدا
عايزة ناس معينين باخلاق وقدرات عقلية عالية. موش اي بت ابوها مدلعة تكسر رقبة اهلها عشان تبقى دكتورة
اما برود ######ف الذكور من الاطباء دا عايز بوست براهو..

لما خواجة اتربي على الموضوعية وعدم خلط الامور الشخصية مع المهنية يقول فيكم حاجة
تبقى صاح.

Quote: للمعلومية يا د.بيان تخريج المرضى او عيادات التخريج (Discharge Clinics) لا يحضرها المريض وهي بمثابة مراحعة وتقييم أداء يومي أو أسبوعي ويحضرها جميع الأطباء (بل يجب حضورها) في القسم او الوحدة المعنية واستثناء الأطباء السودانيين من حضورها ليس له ما يبرره من الناحية المهنية... بالنسبة للتفتيش الذاتي أرى ان هذا الأمر كان يجب ان يتم إدانته من الجميع من لا يرى من الغربال فهو أعمى

شكرا لمعلومة نظام التخريج
يجي السؤال ليه الكلام دا حصل موش لازم يكون في سبب؟

برضو التفتيش الذاتي نعم هو حاجة مهينة لكن لو في سرقات بتحصل الحل يكون شنو؟

لازم الناس تبقى موضوعية وتعرفالاسباب التي من اجلها حدث ما حدث..
ونكرر النقد الذاتي مهم جدا جدا عشان الحاجات تصحح

Quote: المستشفى يقدم خدمات مجانيه للمرضي نعم لكننا نطرح تساؤلات لماذا لايسمح للكادر الوطنى بدخول بعض المناطق؟ لماذا لايوجد كادر وطنى ضمن منظومة الجراحين واختصاصيي القلب؟ ماهى الجهه الرقابيه التي تقوم بمقايسة الاداء المهنى للمستشفى ؟ وذا كانت لا تخضع للوزارة من يقوم بالتفتيش والمتابعة ومن يضمن أرواح المواطنين داخله؟ هل المستشفى مؤسسه تدريبيه للكادر الاجنبي وماهى مؤهلات كادرها ومن يقوم بفحصها؟ .... هل يحق للمؤسسه كونها تعالج المرضى السودانيين مجاناً أن تصف كوادر البلد والبلد نفسها بالغباء؟ ثم بالعبيد حسب افادة كل الكوادر الوطنيه التى التقتها اللجنه؟

Quote: المستشفى يقدم خدمات مجانيه للمرضي نعم

دا براهو لا يقدر بثمن...و يجب ان يجد كل التقدير و الشكر..
بمعرفتي بسلوك الشخصية السودانية التي تحب الجدال و المغالطة...أجد نفسي في تردد كبير في التعاطف مع الاطباء في هذه القضية...
الخواجات عموماً-مع انه يقال ان الطلاينة اسجم الخواجات من ناحية النظام والانضباط- اهم حاجة عندهم النظام و الانضباط و تطبيق الsystem من غير الargument القالتا د سماح دي...و الكلام دا انا بقولو و انا بعمل في مستشفى قلب تخصصي كبير بأستراليا...و عارف كيف الانضباط و الRegulations صارمة لا تقبل النقاش و لا شغل العنتريات و الهرجلة بتاعتنا دي!!
زي ما سبقوني مشاركين بقول يا ريت نسمع رأي ادارة المستشفى حول تطبيق اللوائح حسب الجنسيات دي!! و دي ممكن معالجتها بتعميم اللوائح بالاخص مسألة التفتيش لأزالة شبهة التمييز العنصري...
أما مسألة عدم جاهزية الطبيب السوداني و نقص خبرته فهذه ترجع بالكامل للتقييم المهني للقائمين على الامر في المستشفى و لا يحق لأحد التدخل فيه!..إذا قالوا ما جاهزين و تلزمهم خبرة و تدريب معناتو ما جاهزين..There is no ifs or buts about that!!!!

Quote: على الكوادر الوطنية فى المستشفى المذكور إثبات الكفاءة بدل النواح ويجب الإعتراف بأن مواصفات العالم الأول يصعب تطبيقها فى العالم الثالث ___________________ ثم تلصق الأعذار على حائط العنصرية الشهير!!!!

كلام في الصميم

نحن شعب ضعيف مهنياً،،،يجب أن نعترف بذلك....ونبطل البتبته

التحية لأطباء السودان وهم يمارسون دورهم فى التغير من أجل سودان حر ديمقراطى

لكن ولو بعد فترة أكتشف المجتمع السودانى أن هؤلاء الطليان هم مافيا لسرقة الأعضاء بتكونوا مقصرين فى حق الشعب السودانى

لأن ماطرح سابقاً يشير بأن هنالك شئ يمارس مخفى وهل للأطباء السودانيون دور فى معرفة أسباب الوفاء وهم ابناء هذا الشعب

الذى لايذهب كثيرا فى حالة وفاة عزيز عليه

مطالبون بدوركم فى التحقق من سلامة وتطبيب المواطن السودانى وتبصيره بحقة الأنسانى تجاه الجهات المعنية بالأنتهاكات

لأننا نثق بكم ولأننا لانثق فى حيكومتنا اللعاقة لانثق فى حيكومتنا التى تصادر حق الحياة ناهيك عن الحقوق الأخرى مثل حقكم فى

أن يكون لكم جسم نقابى شكلوا نقابتكم لأن الحقوق تأخذ عنوة ولاتوهب

Quote: بمعرفتي بسلوك الشخصية السودانية التي تحب الجدال و المغالطة...أجد نفسي في تردد كبير في التعاطف مع الاطباء في هذه القضية... الخواجات عموماً-مع انه يقال ان الطلاينة اسجم الخواجات من ناحية النظام والانضباط- اهم حاجة عندهم النظام و الانضباط و تطبيق الsystem من غير الargument القالتا د سماح دي...و الكلام دا انا بقولو و انا بعمل في مستشفى قلب تخصصي كبير بأستراليا...و عارف كيف الانضباط و الRegulations صارمة لا تقبل النقاش و لا شغل العنتريات و الهرجلة بتاعتنا دي!!

تحياتي يا زياد
اتفق معك على ان الانضباط مطلوب و لكن عندما يكون هناك نظام عمل كامل قائم على قوانين عنصرية تستهدف السودانيين دون غيرهم هل تعتبر هذه القوانين جزء من نظام العمل ؟
القصة ما عنترية سودانيين و لا هرجلة ، كلنا عايشيين برة السودان و الكثير من السودانيين منضبطين و بيتبعوا القوانيين و الRegulations و لكن:


رأيك شنو لو إتفرضت قوانين معينة تجاهك انتا تحديداً لأنك (سوداني) و طبقت عليك انتا دون الجنسيات التانية الشغالة معاك في مكان عملك ؟
هل حاترضى بي كدا ؟
يلا اتخيل الكلام دا جوا بلدك و في مستشفى مملوك لحكومتك البتدفع ليها ضرائب من ماهيتك

Quote: شكرا لمعلومة نظام التخريج يجي السؤال ليه الكلام دا حصل موش لازم يكون في سبب؟

كما ذكرت لك لا يوجد أي مبرر مهني لهذا المنع حتى ولو كان من باب العقاب
إلا إذا قصدت منع الطبيب من التعلم والتطور، لكن لا يوجد أي ضرر من حضور الاطباء لعيادات التخريج
هي العنصرية والتمييز لا غير!!!

Quote: برضو التفتيش الذاتي نعم هو حاجة مهينة لكن لو في سرقات بتحصل الحل يكون شنو؟

التفتيش الذاتي لو قبلناه على علاته كحل لمشكلة السرقات فتطبيقه على السودانيين من دون سائر الأجناس هو عنصرية

يجب أن يتم التفتيش على جميع العاملين

لا أدري لماذا لا يمكنك رؤية التمييز والعنصرية هنا؟؟؟

Quote: لا أدري لماذا لا يمكنك رؤية التمييز والعنصرية هنا؟؟؟

لأنها لا تريد يا جدو

راجع مداخلتها الاخيرة لتفهم سبب تحاملها و حقدها على جميع الاطباء

وقديماً قيل:

عين الرضا عن كل عيب كليلة و عين السخط تبدي اليك المعايبا

Quote: قريت كلام سماح دا اكثر من مرة وطلعت منه غير انه انجليزيها كعب عديل كدا

دا رأيك الشخصي و كلام غير موضوعي و ما مكانو هنا لأنه في قضية مطروحة ما موضوعنا انجليزي و لا عربي دي ما شغلتنا و لو اني شايف انو انجليزيتا ممتازة احسن مني و منك - اها دا برضو رأي شخصي -

Quote: عندها مشكلة بتاعة اتتيود اسع لو كنت في ماليزيا هنا كان اتفصلت من اول يوم جادلت فيه رئيسك لانه العمل ما عايز مغالطات وجدال لا ينتهي الرئيس حقك المفروض يكون مطاع في اداء العمل خاصة انه افضل خبرة منك

تاني يا د نجاة آراء شخصية في قضية عامة كيف تعيني نفسك حكم على سلوك انسان انتي ما شفيته أصلاً؟
بعدين كيف ما تناقش رئيسك المباشر في عملك ؟ يبدو انو فهمك لعلاقات العمل مغلوط و انها اقرب لعلاقات العبودية
حيث الطاعة مطلقة و البصم بدون نقاش ، بالجد فهم غريب و ما علينا لانو برضو رأي شخصي منك و ما موضوعي

على العموم دا رد د. سماح نفسها على كم الاتهامات المجانية و الكلام غير الموضوعي القلتيهو في حقها :

Quote: الأخت نجاة..اولا ردا على تعليقك انو انجليزيتي كعبة عديل..ما اظن انك استاذة لغة انجليزية علشان تقيميني..ودا ما موضوعنا هنا. وتعليقك، مع احترامي، ما ليهو معنى ومافي ليهو داعي! وجدا يا ستي..اكتب ليك باللغة العربية وبلهجتنا السودانية كمان..بس ان شاء الله ما تتطلع دي كمان كعبة عديل تبقى دي عوجة!!! انا واحدة من الناس معجبة جدا بالخدمة اللي بيقدمها مستشفى السلام لمرضانا..ورسالتهم هادفة جدا وياريت كل المستشفايات تكون كدة. وكل التحية للايطاليين اللي بدعموا المستشفى وكمان لحكومة السودان اللي بتساهم معاهم في التكاليف..واحترامي الشديد لللأخصائيين والجراحين الايطاليين اللي اشتغلنا معاهم واللي لسة شغالين..وجد اتعلمنا واستفدنا منهم كتير اما عن تعليقك على الاتيتيود بتاعي..فا انت ما قابلتيني واتعاملتي معاي علشان تجي تقيمي سلوكي! اللي بعرفوني من مقاعد الدراسة وحتى التخرج والناس اللي اشتغلت معاهم فقط اللي بيحق ليهم يقيموني! الحمد لله انا بطبعي منضبطة وملتزمة في شغلي بشهادة اي زول اشتغلت معاهو..وبقيت منضبطة وملتزمة اكتر بعد ما اشتغلت في السلام. والمهام الموكلة الينا بنقوم بيها بدون اي نقاش او اعتراض. والكلام دا بنطبق على كل زميلاتي وزملائي الاطباء اللي اشتغلوا او لا زالوا شغالين هناك. انا لما قلت اني بتجادل معاهم ما كان في قرار يخص مهمة موكلة الي او كدة..كان جدالي في سياسة التمييز والتفرقة بتاعتم دي!! وجدالي بخصوص مريض ما كان قدام المريض بالتأكيد..كان بيني وبين المنسق الطبي وصاحب المنظمة وفي مكتب خاص! فأرجو انك ما تستنتجي احداث ما ليها اساس من الصحة !! ولو كنتي في مكاني وسمعتي الكلام الاستفزازي بتاعهم كنتي حترودي بأكتر من الي الجحيم! احنا موضوعنا كله في سياسة التمييز المتمثلة في الآتي: التفتيش عند الدخول والخروج بالنسبة للستاف السوداني فقط!! يا ربي الاجانب معصومين من السرقة ولا شنو؟!!!! والله لو الستاف كلو بتفتش على عينا وراسنا ومافي زول كان حيحتج او يفتح خشمو لأنو دي سياسة مستشفى ولازم تتطبق على الكل. انا مشيت للايطاليين في بلدهم لما كنت لسة طالبة في سنة خامسة.. ولمدة شهر نزلت في قسم الجراحة في مستشفى في ميلانو..بدخل وبمرق من المستشفى كل يوم..وما حصل فتشوني او شفتهم فتشو ليهم زول!! بل وكمان كانوا بيخلوني اشارك معاهم في بعض العمليات الجراحية!! احنا ما طلبنا اننا نشارك معاهم في العمليات هنا لأنو اكيد دي عمليات ما سهلة ومحتاجة خبرة ومقدرين حرصهم على مصلحة المريض بس على الاقل يسمح لنا بالمشاهدة خاصة بعد مضي فترة من التعيين..مش احنا جايين نتعلم ولا شي تاني؟!!!!! الحاجة التانية سبق وذكرت انو الوجبات في المطعم التابع للمستشفى بتقدم من 12 لحدي 2 ظهرا..مرات الشغل بيكون كتير فما بنقدر نحصل الا بعد 2 بشوية..لما نمشي مرات كتيرة بيقولوا لينا معليس الاكل انتهى..في حين لو جا زول من الستاف الاجنبي بعدنا، سبحان الله فجأة الاكل بظهر وببقى في!!! في اكتر من كدة تمييز وعنصرية؟!! كدي اشرحو لي العنصرية دي كيف احتمال انا فاهماها غلط!!!! والغريبة انو الواقفين في الوجبات سودانيين بس طبعا المشرفة عليهم ايطالية ومجبرين ينفذوا تعليماتها!! نجي لمشكلة الصيدلية اللي قالو انو في ادوية مفقودة منها..طلبوا من الاطباء يكونوا مسؤولين من الصيدلية لحين تعيين طبيب صيدلي..بعد ما بننتهي من اعطاء الادوية اللازمة للعيانيين بتتقفل بالمفتاح والمفتاح بيوضع في المكتب الموجود في العنبر..علما بأنو المكتب اي زول بيدخلو..سواء اطباء، جراحين ،ممرضات او سسترات من كل الجنسيات..ليه الاتهام يتوجه لينا احنا بس الاطباء السودانيين!!! واستجوبونا ورفضنا نمسك الصيدلية بعد داك.. ورفعنا الموضوع لوزارتنا الموقرة..بعتو ليهم كم زول كدة والموضوع اتلمى بدون ما نعرف الحاصل واعتذروا لينا..وكان الاحرى تقديم استقالاتنا الوقت داك بس دي غلطتنا..حتى انو الاخصائيين والجراحين الايطاليين كانو مستاءين من سياسة المستشفى معانا بل وكانوا بيقولوا لينا اشتكوا انتو..احنا ما بنقدر نقول حاجة..واحنا ما عندنا اي مانع انو نتفتش ذيكم واحد!! ولو جينا نتكلم بالمنطق.. مش هم بفتشونا في الدخلة والمرقة؟ ! ليه ما حصل لقو الادوية البيقولوا مفقودة في خلال تفتيشهم دا..يعني حنمرقها كيف؟؟ المنطق بيقول اللي حيمرقها الزول اللي ما بتفتش لا وهو داخل ولا هو طالع..اللي هم منوووووووو؟؟!!!! انتو وشطارتكم بقى!!! انا مع استمرارية عمل المستشفى بكافة ما توفره من عمليات جراحية و خدمات علاجية مجانية للمرضي بكافة طبقاتهم الاجتماعية وتعليم للكوادر الطبية السودانية..ولكن ضد سياسة التمييز ! انتي ما اشتغلتي معانا في المستشفي يا د. نجاة.فأرجو انك ما تتكلمي في حاجة ما عارفاها !! وبنقل هنا من كلامها اللي انا شايفة انو ماليهو داعي ولا يعتبر مقياس: ( بعداك السبب لمنعهم دخول غرفة العمليات ذكروا ليهم ا...نهم لسع ما مستعدينفي زمن العندو قروش بقرأ طب لو جايب 50% المفروض نتفهم لو قالوا لينا انتوا ما مستعدين لدخول غرفة العمليات والعمل في عمليات قلب ما عمليات وجراحات ما معقدة يبقوا تحترمو الحاجة دي) وملحوظة صغيرة ليكي يمكن تهمك: انا خريجة طب الخرطوم وكمان قبول عام! د. سماح فاروق

عشان الناس تكون موضوعيين بالله و ما كل واحد او واحدة يسقط رأيه الشخصي و انطباعاته في القضية الواضحة دي
الموضوع هنا عن الآتي :

1. التفتيش الشخصي المهين البتعرضوا ليه الاطباء السودانيين في المستشفى دون غيرهم

2. التفرقة في المعاملة و التي تمتد حتى نظام الوجبات و استخدام المرافق العامة

3. الحرمان من حضور العمليات فضلاً عن إجرائها و المستشفى اصلاً تعليمي و الهدف منه
خلق كوادر مؤهلة فلماذا يتم تعليم الإيطاليين دون غيرهم

4. الاتهامات المتكررة بالسرقة و الاساءة للسودانيين و تنميطهم بأنهم مجرد شعب فقير و حرامي

5. الاساءات العنصرية المباشرة و غير المباشرة التي يتعرض لها الاطباء من الفاظ على شاكلة
(عبيد) و (أغبياء) الخ...

6. لا احد يرغب في اغلاق المستشفى و لا يوجد سوداني عاقل يطالب بذلك ، و لكن على ادارة المستشفى
ان تعامل الاطباء و الكادر الطبي السوداني بصورة محترمة و متحضرة خالية من العنصرية و الاساءة

7. لم يثبت اي حادث تقصير او اهمال او سلوك غير مهني من الاطباء العاملين في المستشفى بالتالي لا يوجد
اي منطق يسند الدعاوى التي يطلقها البعض هنا ثم يصدقها و يعتبرها بينات لا ترقى للشك و يستخدمها للاساءة
لهؤلاء الاطباء السودانيين او الحط و التقليل من قضيتهم العادلة

8. جميع الاطباء العاملين في المستشفى مؤهلين تماماً و متخرجين من جامعات معترف بها عالمياً و حاصلين على نسب
في امتحانات الشهادة السودانية تؤهلهم لدخول كليات الطب (قبول عام) و هناك شروط صعبة جداً من ادارة المستشفى
لقبول اي طبيب هناك بالتالي الدفوعات بعدم مهنية الاطباء يعتبر محاولة للاصطياد في الماء العكر و تشكيك في قضيتهم
هذه بدون ادلة مجرد كلام ساكت

9. على كل من يطلق الاتهامات جزافاُ بحق الاطباء هنا ان يثبت كلامه و اشك ان اياً من يدلي بتعليقات سلبية هنا زار هذا
المستشفى او يعرف اي شئ عنه اصلا

Quote: لكن دعونا نبداً بالمستشفيات السودانية و سؤ معاملة ادارات المستشفيات للاطباء فيها اولاً و من كان مكرماً في داره لن يرضى الهوان في دار غيره خاصة اذا كانت ملكه في الاصل كالمستشفى الايطالي

تحياتي يا نازك
المستشفى ليس مملوكاُ لايطاليا
المستشفى شراكة بين الحكومة السودانية و منظمة ايطالية Emergency
المنظمة قائمة على التبرعات التي تتم باسم الشعب السوداني و يتم استغلالها
في الممارسات العنصرية انفة الذكر عاليه

معايير القبول للاطباء السودانيين صعبة و لا مجال لاي سلوك مما ذكرت
القصة هنا ليست في فرض نظام معين على الكل الفكرة في نظام عنصري
مطبق على السودانيين بعينهم يستهدفهم هم و ليس سواهم

كمية العنصرية التي تمارسها ادارة المستشفى " ما محتاجة درس عصر " وما عندها اي مبرر على الاطلاق وهي عنصرية محضة ولا يوجدة لها اي تفسير آخر ....
وبعدين الناس البتجرم الطبيب السوداني او بتحملوا جزو من المسئولية ، ويقعدوا يلفوا في حتة انو طبيب مهمل وما نظيف وما بهتم بي شنو وشنو ؟؟؟ ده كلام فارغ .. عرفنا انو مستوى التعليم متدني في السودان ودي معلومة مؤكدة شنو علاقة استعمال الحمامات بتدنى مستوى التعليم .. الطبيب السوداني المهمل بيشتغل نوبطشيتين في الاسبوع وراتبو 500 جنيه !! زول ما عارف نفسو حا يتعشى ولا لا ونطالبوا انو ما يغلط ؟؟ يا خوانا ممارسة الطب تحتاج لتركيز عالي جدا لانها مرتبطة بحياة ناس او موتهم بدون اي مساومة ، تجهيز المستشفيات من غرف عمليات و معامل و ادارة ، الكادر الطبي المساند ، كل الحاجات دي ليها تاثير مباشر على اداء الطبيب ، الطبيب ده ما روبوت ..
الحاجة التانية وزارة السجم دي ما اظن فيها فايدة ولا حاتحل مشكلة ده اذا ما زادتها ، وزارة الصحة جزو من الحاصل في البلد بشكل عام فلا تنتظروا نصرتها ..
تحياتي حاتم والجميع

Quote: 6. لا احد يرغب في اغلاق المستشفى و لا يوجد سوداني عاقل يطالب بذلك ، و لكن على ادارة المستشفى ان تعامل الاطباء و الكادر الطبي السوداني بصورة محترمة و متحضرة خالية من العنصرية و الاساءة 9. على كل من يطلق الاتهامات جزافاُ بحق الاطباء هنا ان يثبت كلامه و اشك ان اياً من يدلي بتعليقات سلبية هنا زار هذا المستشفى او يعرف اي شئ عنه اصلا

قدمت دعوة فى بوســت تانى برفع الامر الى الحكومة الايطالية والامم المتحدة ومنظمات حقوق الانسان والشعب الايطالى
ولم تترك الا مجلس الامن والاتحاد الافريقى وجامعة الدول العربية ( الله يرحمها )
وفى فهمى هذه الدعوات بمثابة اثارة الكراهية ضد الايطاليين والشعب الايطالى والحكومة الايطالية
وهــم لا ذنب لهم ابداً
اخطأت المديرة الادارية ولا يجب تحميل ايطاليا والشعب الايطالى هذه الاخطاء
مثل دعواتك هذه قطعاً ( لا سمح الله حال تعرض اى من العاملين الايطاليين فى المستشفى لمكروه ) دعوة مباشرة لاغلاق المستشفى
شخص يعمل ويقدم لنــا خدمات جليلة عجزنا كحكومة وشعب على توفيرها لابناء شعبنا
يلزمنــا ان نقول لهم شكراً

عضو فوق بيقول امكن هولاء الناس بيسرقو اعضاء المرضــى ( ايعقل هذا الكلام ولم يعلق عليه احد ولا حتى انت سائق البوســت )
ثم نبحث عن اصلاح الاخطاء
__________

زرت هذه المستشفى فى اطار نزاع ادارى بين ولاية الخرطوم ومواطنى سوبا حين تخصيص الارض للمنظمة
زرت هذه المستشفى اكثر من عشر مرات
اتمنى ان يطبق النظام الادارى فيها على كل المرافق الطبية الحكومية والخاصــة


ترمة ..
يا حاتم يا اخوى يد اهلنا فى النار ( وربنا ما يحوج زول لعملية قلب 8 مليون )

Quote: وفى فهمى هذه الدعوات بمثابة اثارة الكراهية ضد الايطاليين والشعب الايطالى والحكومة الايطالية وهــم لا ذنب لهم ابداً اخطأت المديرة الادارية ولا يجب تحميل ايطاليا والشعب الايطالى هذه الاخطاء مثل دعواتك هذه قطعاً ( لا سمح الله حال تعرض اى من العاملين الايطاليين فى المستشفى لمكروه ) دعوة مباشرة لاغلاق المستشفى شخص يعمل ويقدم لنــا خدمات جليلة عجزنا كحكومة وشعب على توفيرها لابناء شعبنا يلزمنــا ان نقول لهم شكراً

بدرالدين
مافي انتا لمن تحكي عن ممارسة عنصرية لإدارة مستشفى (إيطالي) في السودان في الصحافة (الإيطالية) بتبقا تثير الكراهية ضد (ايطاليا) ؟

جيب لي (كوت) او إقتباس او عبارة تحوي اي إحتقار او اساءة للشعب الإيطالي يا بدرالدين او اعتذر عن الكلام المجاني بتاعك في حقي يا بدرالدين

المنطق لو غلبك قلتا تلجأ للكضب اخير ؟

دا كلو ما موضوعنا يا بدرالدين

الموضوع هو :

هل في عنصرية تمارس تجاه الاطباء السودانيين و الكادر الطبي هناك ؟
نعم
هل يستحق لاطباء السودانيين و الكادر الطبي هناك المساندة و الوقوف مع قضيتهم العادلة؟
نعم
هل ينبغي على إدارة المستشفى هناك الالتزام بقوانين العمل و احترام موظفيهم و ايقاف كافة القوانين و التشريعات العنصرية
من التفتيش الجسدي المهين و المعاملة غير المتساوية ؟
نعم

Quote: عضو فوق بيقول امكن هولاء الناس بيسرقو اعضاء المرضــى ( ايعقل هذا الكلام ولم يعلق عليه احد ولا حتى انت سائق البوســت ) ثم نبحث عن اصلاح الاخطاء

يا بدرالدين دا منبر حر و كل عضو يقول العاوزو رد انتا عليه بما تراه صحيحاُ
بعدين البوست دا انا فاتحو ؟ فاتحاهو اللجنة بتاعت الاطباء
انا ارد على من اشاء الرد عليه و لست لتحدد لي على من ارد ومن لا ارد عليه

Quote: يا حاتم يا اخوى يد اهلنا فى النار ( وربنا ما يحوج زول لعملية قلب 8 مليون )

ياخي ما اختلفنا في الدور المهم البيقوم بيهو المستشفى دا في علاج مرضى القلب
الذين عجزت (حكومتك الموقرة) يا بدر الدين عن علاجهم لكن في المقابل
هذا لا يعطي (الادارة الايطالية) للمستشفى الحق في الاساءة و التمييز و القيام بممارسات عنصرية
تجاه الاطباء و الكادر السوداني هناك

نقطة (مهمة) ليك يا بدر الدين ولي غيرك ، ادارة المستشفى ديل مجرد (موظفين ايطالين) من المنظمة الايطالية Emergency
و هي منظمة غير حكومية قائمة على التبرعات donations
يعني في ناس في (ايطاليا) و غيرها بيتبرعوا بصورة (انسانية) لعلاج المرضى السودانيين
ادارة المستشفى (البتاخد ماهيتها من التبرعات دي) بتستخدم سلطاتها في اهانة و اذلال الاطباء و الكادر الطبي السوداني هناك
يعني يشحدوا باسمنا و يستخدموا الاموال البجمعوها دي في اهانتنا ؟ بس دا كيف يعني ؟

Quote: تخريج المرضى او عيادات التخريج (Discharge Clinics) لا يحضرها المريض وهي بمثابة مراحعة وتقييم أداء يومي أو أسبوعي ويحضرها جميع الأطباء (بل يجب حضورها) في القسم او الوحدة المعنية واستثناء الأطباء السودانيين من حضورها ليس له ما يبرره من الناحية المهنية... بالنسبة للتفتيش الذاتي أرى ان هذا الأمر كان يجب ان يتم إدانته من الجميع من لا يرى من الغربال فهو أعمى

التحية للجنة الاطباء وهي تقوم بدور كان من المفترض ان يتصدى له المخدم(وزارة الصحة) والجسم النقابي المسئول عن هؤلاء الاطباء وبقية العاملين السودانيين
الامر الذي لا جدال فيه ان التميز في المعاملة على اساس الجنسية هو سلوك عنصري يجب ان يلقى الادانة الكاملة من الجميع
الواضح ايضا ان هذا السلوك محصور في الجانب الاداري وليس سلوك لحاملي الجنسية الايطالية ضد السودانيين لذا من الواجب مخاطبة الجهة التي تدير هذا المرفق في مستوياتها العليا بأن تتوقف عن هذه الممارسات فورا دون توسيع الدائرة
من المفترض ان تكون هنالك اتفاقية واضحة البنود بين الحكومة السودانية ممثلة في وزارة الصحة والمنظمة الايطالية المسئولة عن تقديم الخدمة
تتضمن الخدمات التي تقدمها المستشفي
العلاجية
والتعليمية لكادر الاطباء والتمريض ويكون الامر مشتملا خطة واضحة لتأهيل الكادر السوداني لتولي المهام العلاجية والادارية في المرفق بعد عدد محدد من السنوات قابل للزيادة المحددة المدة ايضا متي ماوجد الطرفان ان الطرف السوداني لم يكتمل اعداده بعد لتولي تلك المسؤليات
- يحاط الجانب السوداني علما بأليات توفير التمويل اللازم للمشروع
وأعتقد دون أن اجزم بصحة اعتقادي ان هنالك اتفاقية مبرمة تتضمن كل البنود المذكورة اعلاه(اعتقادي هذا نابع من معلومة قديمة قبل التنفيذ لا اتذكر تفاصيلها من احد الاطباء الذين قدموا الدعوة للايطالين لتنفيذ هذا المشروع في السودان )
ولكن يبدو لي ان المشكلة محصورة في ضعف الكونتربارت السوداني ممثل في وزارة الصحة ليس الا

شكراً للجنة اطباء السودان سهرها على الحقوق في ظل تجاهل وغفلة وطناش وزارة الصحة !!
ما فضل إلا الأجانب والغربا يذلونا في بلدنا!! الله يلعن الإنقاذ في القبل الأربعة!!

Quote: ة..اولا ردا على تعليقك انو انجليزيتي كعبة عديل..ما اظن انك استاذة لغة انجليزية علشان تقيميني.

سلاماتي ا دكتورة سماح
انا ما بقومك انا بقوليك ما قادرة افهم انت بتقولي في شنو وانا ما عندي مشكلة في القراءة باللغة الانجليزية
حيث من سنة 1985 اقرأ الروايات والشعر والفلسفة والتأريخ والنقد باللغة الانجليزية

نجي نتكلم عن ردك انا بقدر احكم على الاتتيود حقك من كتابتك وقديما قيل تحدث لاعرفك...
جامعة الخرطوم او غيرها الطبيب السوداني والطبيبة السودانية يحتاجون لنجر من الاول
حيث هذه المهنة بصراحة ما مناسبة مع السودانيين ولا تليق بتركيبتهم النفسية و سلوكياتهم

ربما اتي الله بهؤلاء الطليان لتمريق انفكم في التراب..ويوروكم مقاسكم في المكاييل
الطلع كوستبانة


مهدية الى ابن صديقتي الذي مات ولدها الاول هو يبحث عن نفس اوكسجين ورفض ناس المهن الطبية مساعدتها في جلب
انبوبة الاوكسيجن من الطابق الارضي ال الطابق الثالث وركضت تولول فيي السلالم وهي واضعة لم تكمل 5 ايام
وهم يتفرجون وكأن الامر لا يخصهم الى ان مات الصغير وهو نيظر الى امه في عيونها المفجوعة مودعا مخلفا احزان العالم كلها فيها
واحساسها بالعجز والهوان..

والى جدة صديقتي التي هرعت الى الطبيب الذي يسكن جارهم ورفض يفتح الباب وماتت الجدة
الى تلك السستر التي رفضت ان تاخذ الدم من علا ( صورة البروفايل) بحجة انهم ذهبوا الى عنبر حديثي الولادة
والمفروض يجوها هي
وحجة فارغة والطفلة مريضة تحتاج للمساعدة..
والى تلك الطبيبة في ابراهيم مالك الفاسخة وشها وتتكلم في التلفون طول الوقت
وتتحدث معي بالاشارة ايام التلفونات مجانا نص الليل
والى ذلك المسكين الذي احضر الى المسشتفى مطعونا ونزف حتى الموت
وقال الطبيب لمن طلب مساعدته خليه ياكل نارو

الى كل من ماتت في الوضوع والى كل مات باالاهمال والى كل من تساخف عليه
طيبيب بدون سبب واضح غير الفلهمة وموات الضمير وقلة التدريب والعرفة المتمومة فلهمة

وممكن اي زول يكلمكم عن حاجة عملها ليه طبيب في السودان لغاية ما الباندويث يكمل
ياخي انتو ذي الكيزان اثرتوا على سعادة الاسر وامنها سلبا في كل السودان
من حلفا لنمولي
وطفشتوا الناس من البلد اي زول قاعد برة عشان الرعاية الطبية


واقوليكم يا اطباء قليل جدا من يتعاطف معكم في محنتكم هذه
ومحنكم الاخرى الا ان تغيروا ما بأنفسكم

Quote: الطبيب السوداني والطبيبة السودانية يحتاجون لنجر من الاول حيث هذه المهنة بصراحة ما مناسبة مع السودانيين ولا تليق بتركيبتهم النفسية و سلوكياتهم ربما اتي الله بهؤلاء الطليان لتمريق انفكم في التراب ..ويوروكم مقاسكم في المكاييل الطلع كوستبانة

قديماُ قيل إذا عرف السبب بطل العجب

من الواضح ان الدكتورة نجاة تحمل بقج من الغبائن و الكره و الحقد على قبيلة الاطباء السودانيين عموماُ
الامر الذي يوضح مدى تحاملها على قضيتهم الواضحة و العنصرية الفاضحة الذي يتعرضون لها في هذا المستشفى

خلاصة القول يا دكتورة نجاة ان الامور المؤسفة التي حدثت لبعض اقربائك في بعض المستشفيات السودانية
لا يصح لك (تعميمها) على كافة الاطباء السودانيين فبالمقابل لما ذكرت انت هناك العديد من الاطباء السودانيين
الذين يتفانون لرحة مرضاهم ، بل يدفعون من جيوبهم لتغطية نفقات العلاج في المستشفيات بعد ان الغت حكومة
الانقاذ مجانية العلاج ، هناك اطباء يسهرون الليالي مع مرضاهم بعد انتهاء مناوبتهم و يبذلون كل ما يستطيعون
لانقاذهم و لكن كل هذا غير موضوعنا يا دكتورة نجاة

الموضوع هو العنصرية الواضحة من ادارة المستشفى تجاه هؤلاء الاطباء و المعاملة المهينة المذلة لهم بسبب سودانيتهم بغض النظر عن مهنتهم

والتي بدل ان تجد منك الادانة ، اجدك تحفلين بها و تمجديها و تشجعينها ايضاُ - (اقتباس كلامك عاليه الملون بالاحمر) خير دليل -
لا افهم كيف ماتت سودانيتك و كيف انتفت الرحمة من قلبك و بل اين هي قيم الاسلام التي تتمشدقين بالدفاع عنه
اوليس فيه :(لا تزر وازرة وزر اخرى ، و لكل إمرئ ما نوى) ؟

فبرغم جهلك و عدم معرفتك بما يحدث في المستشفى سعيت بكل ما اوتيتي من قوة لتمييع قضية الاطباء و الاساءة اليهم
بشتى السبل ، بل عينت نفسك حكماُ و قاضياً على انجليزية بعضهم ، و المؤلم انك تدعين معرفة المحتوى الانساني للاخرين
من بضعة سطور كتبوها ، من منحك الحق في تقييم الاخرين يا دكتورة نجاة ؟

بغض النظر عن كل هذا يا دكتورة نجاة ، تبق قضية الاطباء بمستشفى السلام قضية عادلة وواضحة و شجاعة
والقارئ بالتأكيد سيميز قضيتهم و سيطلع على فحوى إعترافك عاليه بسعيك لتمييع قضيتهم و الاساءة اليهم و تشجيعك
للسلوكيات العنصرية تجاههم من قبل ادارة المستشفى

Get some Therapy Dr. Najat , this will help you to live without hate and negative feelings

Quote: الواضح ايضا ان هذا السلوك محصور في الجانب الاداري وليس سلوك لحاملي الجنسية الايطالية ضد السودانيين لذا من الواجب مخاطبة الجهة التي تدير هذا المرفق في مستوياتها العليا بأن تتوقف عن هذه الممارسات فورا دون توسيع الدائرة

تخيل يا د. اسامة العديد من الاطباء و الطبيبات من حاملي الجنسية الايطالية - حسب افادة الاطباء السودانيين في الايفنت التي قامت بها اللجنة في الفيسبوك- كانوا و لازالوا رافضين للمعاملة العنصرية التي تقوم بها ادارة المستشفى تجاه السودانيين بل شجعوهم للشكوى لوزارة الصحة السودانية لانهم حسب افادتهم مجرد موظفين ، و حماية الموظفين السودانيين دور منوط به وزارة الصحة السودانية النايمة في العسل كما يبدو

Quote: ولكن يبدو لي ان المشكلة محصورة في ضعف الكونتربارت السوداني ممثل في وزارة الصحة ليس الا

Quote: .حتى انو الاخصائيين والجراحين الايطاليين كانو مستاءين من سياسة المستشفى معانا بل وكانوا بيقولوا لينا اشتكوا انتو..احنا ما بنقدر نقول حاجة..واحنا ما عندنا اي مانع انو نتفتش ذيكم واحد!! د. سماح طبيبة سابقة بالمستشفى

العزيزة د. نجاة
أجدني في غاية الاحراج لأنو تم وضعي في هذا الوضع المحرج
وصلتني هذه الرسالة ورغم اني لا اتفق على ما جاء بها الا اني وبمبدأ الشفافية وحرية التعبير أجدني ملزماً بعرضها (كما هي) حيث ان صاحبها يصر على ايصالها

Quote: الي الدكتورة نجاة محمود طبعا انا ما بعرفك ولا انتي بتعرفيني ... وانا لست من قارئي سودانيز اون لاين او متابعينه ...فلذلك لست اعلم شئ عن هذا المجتمع الكريم انشالله ...البيهمني انو انا قريت مداخلتك عن قضية الاطباء بخصوص مستشفي السلام وما حدث لهم ...وبدون اي مقدمات او خلافو كلام ما محترم وما يليق بسوداني محترم ...عارف انوا طبعا دا راي غير مبني علي معرفة او خلافو ...واحتمال اي احتمال في الدنيا ممكن يبرر مثل هذه الكتابة ...ممكن زهجانة مهكرة او خلافوا ...المهم قعدت خمسة ايام في سودانيز اون لاين بقرا في كلامك عشان افهم لي في شخصية سودانية بالشكل دا ...او احتمال ان غلطان ...المهم لقيت انو انا الغلطان الخسرت خمسة ايام بتابع في كلامك ...خمسة ايام ما بتتعوض من حياتي ...صحي لغتي هجومية شوية او كتير لكن جد انتي ما متخيلة كمية الزعل والحزن الانا حاسي بيهم ....انا بكيت ودعيت عليكي يوم قريت كلامك الكتبتيو في بوست لجنة الاطباء....ما بكيت عشانك او لانو انتي هزمت الناس بي حجتك وشفتا وكدا ...لكن لانوا دا قهر وظلم ...ما منك لكن من الزمن الخلا زيك يكون ليهم صوت وراي وبينضموا كمان ....الله علي الزمن دا .....صحي دا زمن محن ....طبعا حتشتغل دفاعاتك كلها وحتقولي انو دا زوول مدسوس او خلافوا او ما بفهم ....لحدي ازا اصلا انتا خاتني كدا رسلتا لي لي ...انا زاتي مستغرب ...احتمال بس القهر الفيني ...علي العموم ما اتوقعك تستفيدي من الكلام دا زيك وزي كمية من الناس امثال الملوا الزمن دا ....بس طلب واحد ارفعي يدينك من قضيتين الاطباء والمرأة ...لانك ما نقشة فيهم حاجة نهائي ...وما تتخيلي انو عشان الناس الفي سودانيز اون لاين ديل بتناقريهم وهم ما عارفين يردوا عليكي انتي شفتة ....لا ...قاعد تحصل عادي ومسيلمة الكذاب كان وراو ناس وهتلر ناس (بالتأكيد انتي ما في مقام الناس الذكرتهم ديل عشان ما تفرحي ) .. لي انو اهلنا علمونا والاسلام هدينا الله يهديكي مافي اي مودة مافي اي حاجة اسماعيل عزالدين ابوجلابية

Quote: أما مسألة عدم جاهزية الطبيب السوداني و نقص خبرته فهذه ترجع بالكامل للتقييم المهني للقائمين على الامر في المستشفى و لا يحق لأحد التدخل فيه!..إذا قالوا ما جاهزين و تلزمهم خبرة و تدريب معناتو ما جاهزين..There is no ifs or buts about that!!!!

الاخ زياد
حقيقة استغرب ان يصدر مثل هذا الحديث من طبيب او شخص يعمل في المجال الطبي
قصدك شنو بي ما جاهزين؟
والمستشفى عملت شنو طوال السنوات الماضية عشان تخليهم جاهزين؟
هل وضع برنامج تدريب وفق جدول زمني محدد؟
وهل حضور العمليات فقط يحتاج لجهوزية من طبيب درس في جامعة الخرطوم بقبول عام ستة سنوات؟

أنا مصر على أن المستشفى يخفي شيئاً كبيراً وعلى الوزارة التدخل، وانصح الاطباء العاملين بالمستشفى بضبط النفس وترك مهمة التصعيد لكياناتهم خارج المستشفى حتى لا تؤخذ زريعة لفصلهم وترك الحبل على الغارب لهم وحدهم

وما زلنا في حوجة لسماع رأي المستشفى حتى يكون حكمنا على بينة

من الظواهر الصحية بالمنبر، البوست ده توجهات الناس فيهو ليست سياسية على الاطلاق وفي الغالب معكوسة

من يهن يسهل الهوان عليه والمقصود هنا بالكلام السابق (وزارة الصحة وليس الاطباء)/ وفي ايطاليا من يتجرا ويقول لطبيب انت سرقت موبايلي او للستسر او مريضة فان من يقول ذلك سيتمني الموت عوضا من ملاحقة القانون له/ والنقابات الطبية/ والصحافة/ لكن الايطاليين بسوبا يبدو انهم يعتقدون انهم بمستشفي القلب بتاعهم هذا يريدون استعباد الناس والاطباء/ والسودانيين اجمعين/

لذلك اقترح علي الاطباء والجهاز العامل هناك الكتابة باللغة الايطالية ومراسلة الاجسام الطبية والصحافة بايطاليا فهناك ربما واكيد سوف يرد لهم حقهم اما في السودان فلن يرد لهم خليفة المؤمنين شيئا الا التطنيش فقط ارجو اخذ اقتراحي بعين الاعتبار مخاطبة الايطاليين بلغتهم وفي ايطاليا شكرا لمنبر الاطباء وجميع الشرفاء الاطباء والعاملين في مجال العون الانساني بسوبا وخارج سوبا.

وانا مثل الاستاذ الشفيع استغرب لمثل هذا الكلام من طبيب
هنالك قاعدة في التعليم الجراحي سمعناها منذ اول يوم دخلنا المستشفي في مايخص تعليم الاطباء الجدد وهي see,assist and do
تشوف كم وتساعد في كم دي متروكة للمتدرب والمدرب وصعوبة العملية . واذا ماشفت معناتا انت مابدأت التدريب اصلا
ثم ما هي معايير الجاهزية لبداية التدريب وهنا اتكلم عن البداية وليس اكمال التدريب او التخرج الذي يعني ان يكون طبيب امن لاجراء الجراحات المضمنة في الPrivileges بتاعتو كجراح
وتعرف انوالresidents في اغلب البرامج التدريبية يكتبون ايضا تقارير عن مدربيهم للمسئولين عن هذه البرامج التتدريبية

ارجو الا اكون قد خرجت من موضوع البوست
اجدد رفضي لهذه الممارسات وعلى وزارة الصحة ان تحمي حقوق الاطباء والتمريض في التعلم والتدريب كما علىهااجبار الطاقم الاداري على وقف هذه الممارسات فورا

سلامات يا الشفيع

عادي ممكن يكتب اي زول اي كلام ودا نموذج الشخصية السودانية الايلوسف

الما عايزة تمارس النقد الذاتي وتعرف الحقائق عن نفسها...

واي زول حر يعبر عن نفسه وفي عزيزي القارئ..
يحكم براه عن طريق تجربته في الدنيا دي تجربتي في الدنيا دي
خلتني اعرف كيف هذه القضية وصلت الى هذه النتائح
يا نبكي معاهم ونلطم الخدود يا نبقى كعبين وما بنفهم وشنو..
بس نصيحةليك ما تبقى مرسال لاي زول خارج المنبر.
لانه ممكن تنقل كلام ضد اللائحة

ما يحدث في هذا المستشفى غير مقبول تماما ..كيف يتم تفتيش العاملين في أي مرفق كان دخولا وخروجا وبي انتقائيه ..أطباء أو غير أطباء ....نعم الخدمات الطبيه في السودان متدنيه ..والطليان قدموا لنا خدمه جيده بهذا المستشفى ..لكن أن يكون هذا هو الحال ..فهذا لايقبله سوداني أو سودانيه ...

أما من لديه أي مشكله مع الأطباء ويريد أن يحلها في هذا البوست أقول له ممكن تفتح بست كامل وحا نجى نتناقش معاك ...

Quote: أما من لديه أي مشكله مع الأطباء ويريد أن يحلها في هذا البوست أقول له ممكن تفتح بست كامل وحا نجى نتناقش معاك ...

Thumb up

الامر لا يستحق كل هذه الغاغة
صنوف من الاهانات لا يمكن ان يتحملها بشر, ما الذى يجبر اطباء المشفى الايطالى على تجرع هذه المهانات
لماذا يقبل طبيب على نفسه ان بفتشه فرد امن شبه امى تفتيشا ذاتيا: ماسكين عليكم شنو الطليان ديل لتقبلوا بهذه المهانة
و الله لو تعرض الشخس السوى لاقل من هذا بكثير فى بيت امه و ابيه لما بقى فيه دقيقة واحدة
لن نتضامن معكم و انتم تقبلون على انفسكم هذه المهانات
رغم سؤ الحال فتوجد ابواب عديدة من الرزق امام الاطباء فلا ضرورة تلجئهم لاهانة انفسهم

Quote: الامر لا يستحق كل هذه الغاغة

يا عوض ما دام الامر لا يستحق هذه (الغاغة) كما تفضلت
لماذا اهلكت (الباندويث) في اكثر من رد هنا ؟

Quote: ما الذى يجبر اطباء المشفى الايطالى على تجرع هذه المهانات لماذا يقبل طبيب على نفسه ان بفتشه فرد امن شبه امى تفتيشا ذاتيا: ماسكين عليكم شنو الطليان ديل لتقبلوا بهذه المهانة و الله لو تعرض الشخس السوى لاقل من هذا بكثير فى بيت امه و ابيه لما بقى فيه دقيقة واحدة

اطباء المستشفى رفضوا هذه المهانة و هم في اعتصام مفتوح من ساعة اقرار قانون التفتيش المهين
وبل مهددون بالفصل و التشريد من العمل لرفضهم هذا التفتيش المهين ، و بعضهم استقال احتجاجاً على
هكذا مهانة
اشتكوا للوزارة ، الوزارة احالتهم للنقابة ، النقابة اعادتهم للوزارة لعدم الاختصاص ، فأصبح حالهم مع الوزارة كقوله:
يا أعدل الناس الا في معاملتي فيك الخصام و انت الخصم و الحكم*
أعيذها نظرات منك صادقة أن تجعل الشحم في شحمه ورم

* الوزارة شريك اصيل في هذا المستشفى و يقع على عاتقها حماية حقوق الاطباء منسوبيها

Quote: لن نتضامن معكم

تضامنك من عدمه لا يعني شيئاً
فإمتلاكك لباسورد في سودانيزاونلاين لا يصنع فارقاً كبيراً على ارض الواقع
شكراً لك على وضوح الموقف على الاقل

Quote: أما من لديه أي مشكله مع الأطباء ويريد أن يحلها في هذا البوست أقول له ممكن تفتح بست كامل وحا نجى نتناقش معاك

سيد حاتم

استهدى بالله
لا مشكلة لدى مع الاطباء
فانا ايضا طبيب و يسؤنى ما يسؤهم
لكن طبيب لا يحافظ على كرامته لا يستحق التضامن
بعدين نقابة شنو و وزارة شنو: طبيب يفتشوهو تفتيش ذاتى و داير يستمر فى العمل فى هذا المكان: يا خى فراش امى ما بقبلا على نفسو
اسع فرد الامن بتاع الهدف البفتش الاطباء ديل يقول عليهم شنو

Quote: الاخ زياد حقيقة استغرب ان يصدر مثل هذا الحديث من طبيب او شخص يعمل في المجال الطبي قصدك شنو بي ما جاهزين؟ والمستشفى عملت شنو طوال السنوات الماضية عشان تخليهم جاهزين؟ هل وضع برنامج تدريب وفق جدول زمني محدد؟ وهل حضور العمليات فقط يحتاج لجهوزية من طبيب درس في جامعة الخرطوم بقبول عام ستة سنوات؟ أنا مصر على أن المستشفى يخفي شيئاً كبيراً وعلى الوزارة التدخل، وانصح الاطباء العاملين بالمستشفى بضبط النفس وترك مهمة التصعيد لكياناتهم خارج المستشفى حتى لا تؤخذ زريعة لفصلهم وترك الحبل على الغارب لهم وحدهم وما زلنا في حوجة لسماع رأي المستشفى حتى يكون حكمنا على بينة من الظواهر الصحية بالمنبر، البوست ده توجهات الناس فيهو ليست سياسية على الاطلاق وفي الغالب معكوسة

ألاخ الشفيع
لا أحب الدخول في تفاصيل لاني لم استمع للطرف الآخر و لا علم لي بتفاصيل القضية المثارة إلا من خلال هذا البوست..و رأيي الذي اوردته في مداخلتي كونته إنطباعياً - و سأكون سعيداً لو كان خطأ - لمعرفتي بالسمات العامة لشخصيتنا السودانية المحبة للجدال و إثبات الذات حتى لو كانت على خطأ!! و لعلمي كذلك بالضعف العام المعرفي و العلمي في كافة المجالات - ليست الطبية فقط - في السودان و ضعف المناهج الدراسية و ضعف التدريب و التأهيل الكاف لكوادرنا السودانية العاملة في كل المجالات من الجيش للصحة الخ ...من المؤسسات العامة و الخاصة..هذا الضعف له اسبابه المعروفة من عدم الاستقرار السياسي و فقر موارد الدولة و غياب التخطيط السليم في كافة المجالات!!!... لذلك قلت أن تحديد المستوى التأهيلي متروك للتنفيذيين في المستشفى...ويجب ألا يفرض من جهة سياسية كي لا يفسد النظام المعمول به بالمستشفى...

Quote: وهل حضور العمليات فقط يحتاج لجهوزية من طبيب درس في جامعة الخرطوم بقبول عام ستة سنوات؟

زي ما قلت لا أريد الادلاء برأي تفصيلي لعدم سماعي من الطرف الآخر بعد...رأيي كان إنطباعي و عام..اما تفاصيل ما يحدث و مبررات كيفية عمل الSystem في المستشفى..و لماذا يحدث هذا و يحدث ذاك بدلاً منه, فيتطلب مني الأطلاع على القواعد و الوائح و أستمع للJustifications لكل لائحة من الطرف الآخر لأحكم بأنها منصفة من غيره...

Quote: أنا مصر على أن المستشفى يخفي شيئاً كبيراً وعلى الوزارة التدخل، وانصح الاطباء العاملين بالمستشفى بضبط النفس وترك مهمة التصعيد لكياناتهم خارج المستشفى حتى لا تؤخذ زريعة لفصلهم وترك الحبل على الغارب لهم وحدهم

كلامك هذا فيه شك ليس له ما يبرره على الاطلاق...و تشكيك بذمة ناس جاؤوا يقدمون خدمات جليلة للمواطن المغلوب على امره و يستحقون كل الشكر و العرفان...أما المراجعة و Auditing للمستشفى للتأكد من مطابقته للمقاييس..فهذا ليس عمل الأطباء العاملين بالمستشفى..هذا عمل لجان متخصصة مستقلة للمواصفات و المقاييس تبعثها وزارة الصحة لفحص كل كبيرة و صغيرة في المستشفى لضمان ال Quality العالية في المعدات و الخدمات بالمستشفى..فهل تفعل ذلك بكفاءة وزارة الصحة السودانية؟؟ أشك شكك كبير..

Quote: وما زلنا في حوجة لسماع رأي المستشفى حتى يكون حكمنا على بينة

هذا ما أتفق معك فيه 100%

Quote: Atta Elmanan Ibrahim Mustafa مهلا ايها الثائرون ....قولو لنا ماذا نيفعل هؤلاء حتي يوقفو السرقات المتكررة..... انا من تقني التمريض اشتغلت في السلام في الopreting room as anathlogsei nurse لمدة سنة ونص والله شفتا العجب العجاااب من السودانيين والسودانييين سرقو مرتب زميلتي معاي في ال OT واليطالييين عملو كميين محكم وبغباء شديييد الحرامي كرر السرقة وعرفوه وبالدلييل لكن سكتو .... عليهو... وانا خايف الخواجات ديل يمرقو ليكم فضايح لامن تخجلو منها دا غير سرقة المواد والمعدات و اليني فورمات واييييك حاجات كتيييرة ... بس خلوها مستورة يا لجنة الاطباء...وليس من رأى كمن سمع....

دا من صفحة الفيسبوك زول اشتغل هناك

طبعا حاتم طوالي شن حملة ضدو وقال امنجي
هاههاههاها

Quote: Hatim A Ali Back يا سماح حذارك من ناس عطا و غيرهم ديل بيدخلو هنا مخصوص بنفس اهداف الدكتورة عايني بقول في شنو هو كان شغال هناك و شاف الدكاترة السودانيين بيسرقو كضاب على ملا وشو ديل جزء من كتاية الجهاد الاكلتروني هنا فرع الفيسبوك 2 hours ago · Like Samah Farooq للأمانة الزول دا فعلا كان شغال هناك في الفترة اللي انا اشتغلت فيها.. 2 hours ago · Like

حاتم يا مسكين بوظتا قضيتك كلها

لازم تدرس السبب والمسبب
وتعرف انه التفتيش دا مسبب ما سبب.

وقع ليك؟

Quote: Alla Ahmed معليش في معلومات خطاء عدم دخول الاطباء غرفة العمليات ده كان زمان بسي شغالين في غرفة العمليات اطباء وanestheia nures.scrup nurse سودانين وبرضوا كمان في العناية المكثفة صحيح مابعملوا العملية هم لكن بكونوا واقفين في التخدير بس طبعا تحت الاشراف في الغالب Friday at 8:05pm · Like · 2 people

تعليق طريف جدا ونظرية المؤامرة

Quote: Friday at 3:45pm · Like · 1 person Husameldin Abdulmageed انا شخصيا كنته في زيارة لصديق هناك منعت من الدخول وطلب مني الانتظار في الاستقبال حتي ياخذ الاذن من احد المسؤولين ..اتاني الرد بعد ربع ساعة ولكني رفضت الدخول ..هذا يدل علي ان هناك اعمال غير غانونية تحدث داخل المستشفي Friday at 3:49pm · Like

لاحظ كان في زيارة في مكان العمل وعايز يخش توش
ياخي تلفزيون السودان لو ما جابو ليك اذن ما بتخشوا
خلى مسشتفى

واضح إنك يا دكتورة نجاة ماخدة الموضوع بصورة شخصية مع الاطباء ديل

لا علم لي بعطا هذا إن كان شخصية حقيقية أم وهمية

وهل كان فعلاً يعي ما يقول ؟ و هل فعلاً عمل بالمستشفى أم لا؟

على العموم يمكنك إنشاء حساب في الفيسبوك بكبسة زر و قول ما تشائين

و تبقى قضية الاطباء هؤلاء قضية عادلة و اضحة و ظلم بين تعرضوا له

وسأتابعه عبر القنوات الرسمية حتى حصولهم على حقوقهم كاملة

ما لا أفهمه هو وقوفك ضدهم و عدائك غير الواضح لهم و تعصبك تجاههم

غير أن هذا لا يهم فأنت مجرد صوت نشاذ ينوح في باحة الوطن الخلفية

Quote: Atta Elmanan Ibrahim Mustafa مهلا ايها الثائرون ....قولو لنا ماذا نيفعل هؤلاء حتي يوقفو السرقات المتكررة..... انا من تقني التمريض اشتغلت في السلام في الopreting room as anathlogsei nurse لمدة سنة ونص والله شفتا العجب العجاااب من السودانيين والسودانييين سرقو مرتب زميلتي معاي في ال OT واليطالييين عملو كميين محكم وبغباء شديييد الحرامي كرر السرقة وعرفوه وبالدلييل لكن سكتو .... عليهو... وانا خايف الخواجات ديل يمرقو ليكم فضايح لامن تخجلو منها دا غير سرقة المواد والمعدات و اليني فورمات واييييك حاجات كتيييرة ... بس خلوها مستورة يا لجنة الاطباء...وليس من رأى كمن سمع....

طيب كيف يكون سرقوهوا السودانيين و هو في غرفة العمليات المامسموح بدخولها لأي سوداني ؟

وهو اصلاً سمحوا ليهو بالدخول هناك فضلاُ عن العمل في غرفة العمليات .

ولمصلحة من يدلي عطا بإفادته الخطيرة هذه ؟ و في هذا الوقت بالذات ؟

يا دكتورة نجاة يمكن لأي شخص بان يقول أي شئ و لكن يبقى القانون هو الحكم ، فلو شهد عطا سرقات كما قال لماذا لم يبلغ عنها و لماذا لم يسلك السبل القانونية لذلك ؟

ولماذا لم تبلغ ادارة المستشفى عن تلك السرقات وقتها ؟

شهادة المدعو عطا في هذا التوقيت بالذات لها اهدافها ، و هي إما نصرة ادارة المستشفى أو شئ في نفس عطا هذا تجاه زملائه و الله اعلم

حقيقة كنت لا اريد التداخل لكن الناس لم تناقش اساس المشكلة و هي على ما اظن انه ادارة المستشفى الايطالي لا تثق في كفاءة الطبيب السوداني و بتفتكر انه غير مؤهل لتادية واجبه كطبيب من الناحية الاكلينيكة و الناحية الاخلاقية . و اعتقد انه الناس كلها متفقة اطباء و غيره انه مستوى التريب الطبي في السودان وصل لمستوى متدهور و مريع منذ مجئ ثورة التعليم العالي المجيدة و تخريج الاف مؤلفة منجيوش الاطباء المغلوبين على امرهم بغرض الكسب التجاري الرخيص. لذلك على لجنة الاطباء و جميع ابناء الوطن الحادبين على مصلحته الاعتصام و مطالبة وزارة التعليم العالي بالغاء جميع القرارات الهوجاء لثورة التعليم العالي. فيجب ايقاف تخريج هذه الاعداد الكبيرة من الاطباء. من المؤسف ان  يتم قبول طالب نسبته في الشهادة السودانية 50%. و اذا كان لا بد من الجامعات الخاصة فيجب ان يكون هناك امتحان مقدرات لدخول كلية الطب كما هو معمول به في بلدان العالم المتقدمة MCAT)medical college admission test(
 كما في امريكا مثلا و يجب حصر الاعداد بحيث تكون نسبة الاستاذ لطلاب الطب مماثلة لما هو معروف عنه عالميا. كما انه لا يجب التصديق لاي كلية طب اذا تفي بالمواصفات العالمية. الكلام دا كان مطبق في السودان حتى العام 1990.
مذرة لو في اخطاء طباعة.
I don't have arabic keyboard

Quote: حقيقة كنت لا اريد التداخل لكن الناس لم تناقش اساس المشكلة و هي على ما اظن انه ادارة المستشفى الايطالي لا تثق في كفاءة الطبيب السوداني و بتفتكر انه غير مؤهل لتادية واجبه كطبيب من الناحية الاكلينيكة و الناحية الاخلاقية . و اعتقد انه الناس كلها متفقة اطباء و غيره انه مستوى التريب الطبي في السودان وصل لمستوى متدهور و مريع منذ مجئ ثورة التعليم العالي المجيدة و تخريج الاف مؤلفة منجيوش الاطباء المغلوبين على امرهم بغرض الكسب التجاري الرخيص.

هلا يا ناجي و اتفق معك ان ثورة التعليم العالي قد خرجت كماً من الاطباء الذين يفتقدون التأهيل الكافي و لكن هل يجوز لنا التعميم فنقول أن جميع الاطباء غير مؤهلين و بالتالي يجوز للمستشفى الإيطالي التشكيك في كفاءتهم المهنية بل حتى التشكيك في امانتهم و ذمتهم و كما قلت أنت بنفسك اخلاقهم ؟
بعدين لنفترض ثورة التعليم العالي أثرت على مستواههم المهني و كفائتهم علاقة أخلاقهم و امانتهم شنو بالموضوع دا ؟
السودانيون بحكم إرث الإستعمار يبجلون الأجنبي و يمجدونه و يفترضون فيه الأخلاق و الشرف و الامانة الخ .. و لكن هل هذا الاجنبي ملاك مثلاُ ؟ و هل له حق تقييم أخلاقنا إبتداءً

بعدين أساس المشكلة – في نظري – يمتد قبل لثقة الاجنبي فينا الى مساندة وزارتنا الموقرة لكوادرها المبتعثين لذلك المستشفى و دفاعها عنهم و عن حقوقهم حتى يصلوا الى هذا المستوى من المهانة ، المستشفى الإيطالي يمكنه ترديد ما يشاء من اتهامات و لكن ما لم تدافع عنك الجهة التي ابتعثتك تصبح فقط تحت رحمة المستشفى و ظنون ادارته و تنميطها للسودانين بانهم حرامية

الموضوع ده بقى غريب قضيه مهنيه بين مستخدمين و صاحب عمل لكن بقت فيها تخريمات و تعميمات غريبه من سلوكيات سلبيه للشعب السوداني لضعف التعليم و نقص الكفاءه الخ.. يعني بنفس المنطق ممكن نقول الشعب السوداني فوضجي و بجوط النقاش.

مجرد إستفسار عشان الزول يفهم الأطباء السودانيين ديل البيعينهم منو في المستشفى؟ هل بيجوا من وزارة الصحه ولا بتعينهم إدارة المستشفى؟ يمكن هم مفروضين على إدارة المستشفى و غير مرغوب فيهم من الأساس.. و إذا كان بتعينهم المستشفى كيف بيتم تعيينهم هل بيتم إختيارهم بالأفضليه من بين المتقدمين و يجتازو معاينات و هل لديهم تعاقدات واضحة المعالم و فيهاوصف وظيفي محدد؟؟

كلام الزول بتاع الفيسبوك ده كمان يحير طيب لو مسكوا الزول البيسرق ليه ما أبعدوهو مش يمكن هو لسه بيسرق و بسببه صار الكل مشتبهين؟

و بحب أعلق على كلام الأخ عوض و إستنكاره لبقاء هؤلا الأطباء رغم المعامله المهينه فهل الحل للقضايا المهنيه هو الحرد و ترك الجمل بما حمل أم البقاء و المطالبه بالحقوق.

أنا ما دكتور و شخصياً بعتبر نفسي من ضحايا الطب في السودان و عانيت من التشخيص الخاطيء لكن برغم ذلك ما بقدر أعمم برغم كل السوء في برضو دكاتره ممتازين و أكفاء و حتى أجيال ثورة التعليم العالي المظاليم ديل منهم من هو في اوروبا حضروا لحد البي اتش دي و اشتغلوا كمان و أصلاً التحصيل الأكاديمي الجامعي إجتهاد شخصي في المقام الأول. المهني السوداني يعاني من فقدان السيستم و بيئة العمل المتميزه و متى ما وجدها يتميز و الأمثله لا تعد في هذا المجال.

Quote: الموضوع ده بقى غريب قضيه مهنيه بين مستخدمين و صاحب عمل لكن بقت فيها تخريمات و تعميمات غريبه من سلوكيات سلبيه للشعب السوداني لضعف التعليم و نقص الكفاءه الخ.. يعني بنفس المنطق ممكن نقول الشعب السوداني فوضجي و بجوط النقاش. مجرد إستفسار عشان الزول يفهم الأطباء السودانيين ديل البيعينهم منو في المستشفى؟ هل بيجوا من وزارة الصحه ولا بتعينهم إدارة المستشفى؟ يمكن هم مفروضين على إدارة المستشفى و غير مرغوب فيهم من الأساس.. و إذا كان بتعينهم المستشفى كيف بيتم تعيينهم هل بيتم إختيارهم بالأفضليه من بين المتقدمين و يجتازو معاينات و هل لديهم تعاقدات واضحة المعالم و فيهاوصف وظيفي محدد؟؟ كلام الزول بتاع الفيسبوك ده كمان يحير طيب لو مسكوا الزول البيسرق ليه ما أبعدوهو مش يمكن هو لسه بيسرق و بسببه صار الكل مشتبهين؟ و بحب أعلق على كلام الأخ عوض و إستنكاره لبقاء هؤلا الأطباء رغم المعامله المهينه فهل الحل للقضايا المهنيه هو الحرد و ترك الجمل بما حمل أم البقاء و المطالبه بالحقوق. أنا ما دكتور و شخصياً بعتبر نفسي من ضحايا الطب في السودان و عانيت من التشخيص الخاطيء لكن برغم ذلك ما بقدر أعمم برغم كل السوء في برضو دكاتره ممتازين و أكفاء و حتى أجيال ثورة التعليم العالي المظاليم ديل منهم من هو في اوروبا حضروا لحد البي اتش دي و اشتغلوا كمان و أصلاً التحصيل الأكاديمي الجامعي إجتهاد شخصي في المقام الأول. المهني السوداني يعاني من فقدان السيستم و بيئة العمل المتميزه و متى ما وجدها يتميز و الأمثله لا تعد في هذا المجال.

شكراً يا ياسر فقد عبرت عني تماماً الموضوع بقدرة قادر تحول منقضيه مهنيه بين مستخدمين و صاحب عمل لإهانات مجانية للشعب السوداني الفضل و تشكيك في مهنيته و امانته و اخلاقه وو ياهو دا الفضل

الاطباء ديل يا سيدي الكريم الوزارة تفرض على المستشفى تعيين عدد معين منهم ايفاء باتفاق المنظمة الايطالية مع الوزارة ، تجؤى لهم معاينات غاية في الصعوبة و لا يتم استيعابهم الا بعد جهد جهيد و يجرى تمحيص شهادتاهم من الثانوي و شهاداتاهم و لا يتم تعيين الا من هو مؤهل و كفء ، يقع على عاتق المستشفى الايطالي تدريبهم و حضورهم العمليات و غيره يفترض كونه جزء من هذا التدريب

Quote: شهادة المدعو عطا في هذا التوقيت بالذات لها اهدافها ، و هي إما نصرة ادارة المستشفى أو شئ في نفس عطا هذا تجاه زملائه و الله اعلم

انت ما عندك اي استعداد تسمع اي رأي مخالف عايز الناس كلها تشارك في الهيت سشن للايطاليين
ولطم الخدود

في سؤال لازم يتجاوب عشان الناس تقدر تفهم اكثر

في البداية هل كان يسمح للاطباء والكوادر الاخرى بالدخول في هذه الامكان
وبعد ذلك تم توقيفهم منها؟ ام هذا المنع اتى لاحقا؟


وعطاء قال كلامو دا في التوقيت دا عشان الموضوع سمبلي اتفتح في التوقيت دا

يعني ما جا اوت اوف ذا بلو كتب كلامو دا
بل كتب كلامو في المكان الانت فتحتو وراك حقائق انت ما عايزها طلع عشان بتضر بالقضية الانت متبنيها

طوالي جربت قلت كوز وشنو

دا ما بحلك ابدا من ان الناس تعرف ماذا حدث بصدق وامانة بدون لف ودوران ولطم خدود

Quote: في البداية هل كان يسمح للاطباء والكوادر الاخرى بالدخول في هذه الامكان وبعد ذلك تم توقيفهم منها؟ ام هذا المنع اتى لاحقا؟

منذ إنشاء المستشفى كان و لا يزال لا يسمح للاطباء السودانيين بدخول غرف العمليات و غرفة الانعاش و لا يسمح لهم بحضور مناقشة تخريج المرضى

Quote: عايز الناس كلها تشارك في الهيت سشن للايطاليين ولطم الخدود

يا دكتورة نجاة قليل من (الموضوعية) لا يضر أحداً
هل الحياة تقوم على علاقات (الحب) و (الكره) فقط ؟

أنا لعلمك لا اكره الايطاليين و هم كانوا زملائي في العمل و زرت بلادهم غير مرة
وهم شعب جميل محب للحياة و فيهم الكثير من الصفات الجميلة التي يتحلى بها الشعب السوداني
كحب الشرف و الامانة و البساطة و المرح

الحياة يا دكتورة نجاة قائمة على جملة من (المصالح) المتشابكة المشتركة و المتضادة في نفس الوقت

التحليل المنطقي (المجرد) لهذا الموضوع يقول:

* هل يقدم هذا المستشفى خدمات مهمة و جليلة للشعب السوداني و من مصلحتنا الحفاظ عليه ؟

الجواب هو : نعم ، فهو يعالج المرضى مجانا، هؤلاءالمرضى الذين فشلت الدولة في رعايتهم و توفير العناية الصحية لهم

* هل هناك حالات عنصرية و سياسة إضطهاد ممنهجة و مقننة تجاه الاطباء و الكادر السوداني من قبل ادارة المستشفى؟

الجواب هو: نعم و الدليل منع الاطباء السودانيين من دخول غرف العمليات و الانعاش و حضور جلسات تخريج المرضى فضلاُ
عن تفتيشهم يدويا - دون غيرهم- و اتهامهم دون مبرر بالسرقة و اهانتهم بمختلف الالفاظ العنصرية على شاكلة (عبيد) و (شعب غبي) الخ..
قضيتهم و شكواهم وصلت الصحف و وزارة الصحة و الجهات المختصة و قائمة على بينات مسجلة و موثقة ولم تقم الجهات المنوط بها حمايتهم بدورها و تقاعست عن الدفاع عنهم

* ماهو الحل في هذه الحالة؟

الجواب هو: الضغط عبر الاعلام ومخاطبة الرأي المحلي و العالمي على إدارة المستشفى حتى تكف عن هذه التصرفات العنصرية التي لا تمت للمهنية
و لا الانسانية بصلة، في غياب دور مؤسسات الدولة في القيام بدورهايأتي دور الاعلام و الرأي العام لحماية حقوق الأفراد في أي مجتمع
هذا مع التأكيد على دور المستشفى في خدمة المرضى و تثمين هذا الدور و شكر المنظمة الايطالية لكن مع تنبيهها
أن الرأي العام السوادني يرفض اهانة أفراده بسبب مساعدات او خدمات انسانية، حتى يسلكوا سلوكاُ أكثر مهنية و اكثر اتساقاُ مع الانسانية
في تعاملهم مع الاطباء و الكادر الطبي السوداني هناك

دي حسابات (المصالح) و المنطق و الربح و الخسارة يا دكتورة نجاة

ممكن تفهمينا البتسوي فيهو هنا و في الفيسبوك دا شنو ؟ و داخل في حسابات و (مصالح) منو ؟ و الهدف منو شنو ؟ و المستفيد منه منو ؟

ولك كامل الاحترام و التحية

بحمد الله أثمرت حملتنا وأدت ضغوط الحراك الإعلامي للجنة وشرفاء الإعلاميين والغيورين من ابناء شعبنا لدفع السفارة الإيطالية والوزارة للضغط على المستشفى لتسحب قرار منع الكادر السوداني من الدخول وإلغاء قرار التفتيش الجسدي..قف هي خطوة يجب ان يعقبها اعتزار رسمي وفتح تحقيق ينتهي بخضوع المستشفى للرقابة والتفتيش.
نطالب ادارة المستشفى بالشفافيه وفتح الأبواب المغلقة.
نطالب وزارة الصحة الإتحادية الشريك الأصبل فى المستشفى القيام بواجباتها تجاة المريض السودانى والكادر الطبى السوداني بإخضاع الخدمة المقدمة لمعايير الجودة بالرقابة والإشراف المباشر فالمريض السودانى أمانه فى عنق الوزارة قبل المستشفى والله سائل مسؤليها عن حماية.
نطالب السلطات بمافيها الوزارة وضع آليه لتدريب الكادر السودانى وهذا من أوجب واجبات المستشفى والوزارة فالكادر السودانى هو الباقي.
نطالب المستشفى بإعتزار رسمى لجموع الشعب السودانى وللكادر الوطنى عن الهانة التى لحقت بهم وعن السلوك العنصري.
لا للمناطق المقفولة داخل المستشفى..المواطن السودانى كريم وله جهات تحرسة ورب يحميه.
ختاماً..نناشد الجميع بغض النظر عن مشاربهم العمل على تحريك هذا الملف من أجل خدمة فى النور.

مداخلة بالخطا

Quote: ممكن تفهمينا البتسوي فيهو هنا و في الفيسبوك دا شنو ؟ و داخل في حسابات و (مصالح) منو ؟ و الهدف منو شنو ؟ و المستفيد منه منو ؟

اكون يارب مجنداني المافية عشان ادافع عن الطليان ديل ولا كيف؟

لمصلحة المواطن السوداني الاغبش انتو عايزين تعملوا معارك بدون معترك تطفشوا الناس دي
ويتضرر المواطن الاغبش الذي يموت لانه ما ممكن يدفع 8 مليون عملية.
وقد سبق ان جمعت لطفل تكلفة عملية قلب فشل ديوان الزكاة والحكومة في توفيرها
وكان الثمن الموضوع على راس الطفل دا 8 مليون جنيه...
تنادوا الناس هنا وجمعت تبرعات وصلت الى 16 مليون وربنا نجاه من دكاترة بني كجة
وعملها في الهند بمساعدة شاب نبيل جدا

هؤلاء الطليان اهم من وزاة الصحة بكل كوادرها في ظل عدم وجود مجانية العلاج حتى للاطفال
الذين تركوا بدون سند على ا باء لا يملكون حتى اطعامهم خلي علاجهم

الاسئلة الغبية والتشكيك وقلة الادب مابتجيب حاجة
اسع شوف كم زول اتعاطف ولا اداخل معاك في كل البوستات دي؟

لانها قضية بايظة ولان مافي زول عايز يتعاطف مع اي طبيب في اي حاجة.
لانكم زرعتوا الالم والحسرة حارة حارة زنقة زنقة

وانت تحتاج لمران شديد عشان تطرح قضية
وانت بقيت شايل ليك لوحة وانت ضعيف السيقان لا تقدر عليها
القضايا الذي دي عايزةمؤهلات محددة في الزول العايز يتبناها
وللاسف لا تملك اي حاجة منها..
وتتفيه محاورينك كمافعلت لي وادعيت اني ما مهمة وشنو
دا سوء تقدير منك كبير لانه لو ملاحظ اني عندي قراء اكثر من القراء بتاعينك بالاف المرات
لو في زول ما مؤثر هنا هو انت ولذلك القضية ماتت وما اداخل معك نا س كتار
فما تغش نفسك ساي.
دي حاجة
بعدين مصلحة كوز يدافع عن الطلين شنو؟ ولا الحكومة شنو؟
اها شوفتا الذكاء الذي يثير الرثاء؟؟؟
الموضوع دا ما سياسي اصلا عشان يخشو فيه كيزان ولا امنجية

عشان تعرف السذاجة ومحاولة ربط الحاجة دي بالكيزان ما يتشربك موية
خليك موضوعي وخلى الولوة والولولة...

Quote: و داخل في حسابات و (مصالح) منو

قول انت بالله ؟؟؟

Quote: و المستفيد منه منو

محمد احمد الاغبش العايزين في مواضيع مهببة تحرموه من كوة الامل المفتوحة ليه

عشان نقدر نفهم الوضع بشكل صحيح ، هل المشكلة الآن هي مشكلة ( موبايل) مسروق ؟ أم مشكلة تعامل عنصري وغير إنساني ؟؟




ياريت نلقى إجابة واضحة وشفافة ومنطقية .

سأل الأخ ياسر

Quote: مجرد إستفسار عشان الزول يفهم الأطباء السودانيين ديل البيعينهم منو في المستشفى؟ هل بيجوا من وزارة الصحه ولا بتعينهم إدارة المستشفى؟

وأجاب الاخ حاتم

Quote: الاطباء ديل يا سيدي الكريم الوزارة تفرض على المستشفى تعيين عدد معين منهم ايفاء باتفاق المنظمة الايطالية مع الوزارة ، تجؤى لهم معاينات غاية في الصعوبة و لا يتم استيعابهم الا بعد جهد جهيد و يجرى تمحيص شهادتاهم من الثانوي و شهاداتاهم و لا يتم تعيين الا من هو مؤهل و كفء ، يقع على عاتق المستشفى الايطالي تدريبهم و حضورهم العمليات و غيره يفترض كونه جزء من هذا التدريب

طالما هنالك امتحان للدخول Entrance exam يتم القبول للعمل في المستشفى على ضوءه فحجة التأهيل دي غير مقبولة ولعل الاخوة الاطباء يعلمون ان كثير من الدول تتبع هذا النظام وعلى سبيل المثال دولة قطر التي تفتح فرص سنوية للعمل بمستشفياتها والالتحاق باحدى البرامج التدريبية للتخصصات الطبية المختلفة والشرط الاساسي هو اجتياز امتحان الدخول وهو عبارة step2 USMLE وهذا الامتحان يدخله عدد مقدر من اطبائنا السودانيين حديثي التخرج ويجتازونه بنسب عالية ومن ثم يؤدون اداء عمليا طيبا وينجحون ايضا بنسب مقدرة في امتحانات التخصص
الكلام المعمم مضر وغير علمي وأخراج حدث من سياقه لابداء رأي في سلوكيات شعب كامل لهو امر غريب ولا اجد له مبرر البته
نعم هنالك اضرار لحق بعموم العملية التعليمية في السودان وخصوصا في التعليم الطبي ولكن يوجد اطباء وطلاب طب يعملون بجد لسد النقص في تعليمهم بمجهوداتهم الذاتية كما يوجد من الاساتذة من يعمل ايضا لسد النقص في العملية التعليمية لايمانه ان الامانة تقتضي ان تورث الخبرات للاجيال القادمة
التعميم ظالم لمجهودات عظيمة يقوم بها افراد ومجموعات على حساب وقتهم وبمالهم الخاص
وهذا لايعني ان نقض الطرف عن الاخفاقات التي لازمت الصحة والتعليم وممتهني هذه المهن في السنين الفائتة

تلخيص مهم ووافي

Quote: التحليل المنطقي (المجرد) لهذا الموضوع يقول: * هل يقدم هذا المستشفى خدمات مهمة و جليلة للشعب السوداني و من مصلحتنا الحفاظ عليه ؟ الجواب هو : نعم ، فهو يعالج المرضى مجانا، هؤلاءالمرضى الذين فشلت الدولة في رعايتهم و توفير العناية الصحية لهم * هل هناك حالات عنصرية و سياسة إضطهاد ممنهجة و مقننة تجاه الاطباء و الكادر السوداني من قبل ادارة المستشفى؟ الجواب هو: نعم و الدليل منع الاطباء السودانيين من دخول غرف العمليات و الانعاش و حضور جلسات تخريج المرضى فضلاُ عن تفتيشهم يدويا - دون غيرهم- و اتهامهم دون مبرر بالسرقة و اهانتهم بمختلف الالفاظ العنصرية على شاكلة (عبيد) و (شعب غبي) الخ.. قضيتهم و شكواهم وصلت الصحف و وزارة الصحة و الجهات المختصة و قائمة على بينات مسجلة و موثقة ولم تقم الجهات المنوط بها حمايتهم بدورها و تقاعست عن الدفاع عنهم * ماهو الحل في هذه الحالة؟ الجواب هو: الضغط عبر الاعلام ومخاطبة الرأي المحلي و العالمي على إدارة المستشفى حتى تكف عن هذه التصرفات العنصرية التي لا تمت للمهنية و لا الانسانية بصلة، في غياب دور مؤسسات الدولة في القيام بدورهايأتي دور الاعلام و الرأي العام لحماية حقوق الأفراد في أي مجتمع هذا مع التأكيد على دور المستشفى في خدمة المرضى و تثمين هذا الدور و شكر المنظمة الايطالية لكن مع تنبيهها أن الرأي العام السوادني يرفض اهانة أفراده بسبب مساعدات او خدمات انسانية، حتى يسلكوا سلوكاُ أكثر مهنية و اكثر اتساقاُ مع الانسانية في تعاملهم مع الاطباء و الكادر الطبي السوداني هناك

وأرجو من المتداخلين الكرام حصر النقاش والتداول فيها (فقط)

-----------------------
د.حاتم
طول بالك شوية على اخوانك، انت صاحب قضية، قليل من الصبر قد يخدم قضيتك اكثر
أقصد مثل هذه المداخلة التي ليس لديها لزوم

Quote: غير أن هذا لا يهم فأنت مجرد صوت نشاذ ينوح في باحة الوطن الخلفية

تحياتي وودي

طفل يحتاج لعميلة جراحية قبل يونيو.. النجدة



نجحنا ومحمد في طريقه الى الهند دعواتكم


الطفل محمد .. بنجدتكم .. وصل بالسلامة



هل لو كان العلاج المجاني متوفر لاي طفل كان ابو هذا الطفل يموت ملايين المرات في اليوم؟

بالله حلوا مشاكلكم بعيدا من مدرسة يا فيها يا اطفيها

Quote: بحمد الله أثمرت حملتنا وأدت ضغوط الحراك الإعلامي للجنة وشرفاء الإعلاميين والغيورين من ابناء شعبنا لدفع السفارة الإيطالية والوزارة للضغط على المستشفى لتسحب قرار منع الكادر السوداني من الدخول وإلغاء قرار التفتيش الجسدي..قف هي خطوة يجب ان يعقبها اعتزار رسمي وفتح تحقيق ينتهي بخضوع المستشفى للرقابة والتفتيش. نطالب ادارة المستشفى بالشفافيه وفتح الأبواب المغلقة. نطالب وزارة الصحة الإتحادية الشريك الأصبل فى المستشفى القيام بواجباتها تجاة المريض السودانى والكادر الطبى السوداني بإخضاع الخدمة المقدمة لمعايير الجودة بالرقابة والإشراف المباشر فالمريض السودانى أمانه فى عنق الوزارة قبل المستشفى والله سائل مسؤليها عن حماية. نطالب السلطات بمافيها الوزارة وضع آليه لتدريب الكادر السودانى وهذا من أوجب واجبات المستشفى والوزارة فالكادر السودانى هو الباقي. نطالب المستشفى بإعتزار رسمى لجموع الشعب السودانى وللكادر الوطنى عن الهانة التى لحقت بهم وعن السلوك العنصري. لا للمناطق المقفولة داخل المستشفى..المواطن السودانى كريم وله جهات تحرسة ورب يحميه. ختاماً..نناشد الجميع بغض النظر عن مشاربهم العمل على تحريك هذا الملف من أجل خدمة فى النور.

شكراً لجنة الأطباء
شكراً لكل أعلامي و إعلامية تبنت هذه القضية
شكراً للسفارة الإيطالية و وزارة الصحة
شكراً لكل من ساند هذه القضية العادلة
هنا في سودانيزاونلاين او عبر الفيسبوك
او عبر الصحف و جميع وسائل الإعلام
و.....
نطالب ادارة المستشفى بالشفافيه وفتح الأبواب المغلقة.
نطالب وزارة الصحة الإتحادية الشريك الأصبل فى المستشفى القيام بواجباتها تجاة المريض السودانى والكادر الطبى السوداني بإخضاع الخدمة المقدمة لمعايير الجودة بالرقابة والإشراف المباشر فالمريض السودانى أمانه فى عنق الوزارة قبل المستشفى والله سائل مسؤليها عن حماية.
نطالب السلطات بمافيها الوزارة وضع آليه لتدريب الكادر السودانى وهذا من أوجب واجبات المستشفى والوزارة فالكادر السودانى هو الباقي.

































في الختام لابد أن أسجل صوت شكر خاص لعضو المنبر (الشفيع وراق أحمد) لوقفته النبيلة مع إحدى قضايا الأطباء العادلة
هو موقف يجد مني التقدير الكامل لعلمي بتصنيفات هذا المنبر وحسابته البعيدة عن الموضوعية و المنطقية


د. نجاة العفو و العافية .... قضي الأمر الذي كنتما فيه تستفتيان

شكراً د.حاتم



فائدة:
الوحدة والتضافر تحقق الغايات
الماكينة الاعلامية سلاح فعال

Quote: بحمد الله أثمرت حملتنا وأدت ضغوط الحراك الإعلامي للجنة وشرفاء الإعلاميين والغيورين من ابناء شعبنا لدفع السفارة الإيطالية والوزارة للضغط على المستشفى لتسحب قرار منع الكادر السوداني من الدخول وإلغاء قرار التفتيش الجسدي..قف هي خطوة يجب ان يعقبها اعتزار رسمي وفتح تحقيق ينتهي بخضوع المستشفى للرقابة والتفتيش. نطالب ادارة المستشفى بالشفافيه وفتح الأبواب المغلقة.

نعم ألغي قرار التفتيش الجسدي ,, لكن ما الذي حدث بعد ذلك ؟؟؟
كل الذين دخلوا من الكوادر الطبية إلى المستشفى بعد إلغاء القرار وجدوا أنهم يعاملون معاملة غريبة من كل الكوادر الأجنبية ، فهم لا يتحدثون إليهم ولا يستمعون إليهم ولا يمكّنونهم من العمل .. لقد طلبوا منهم أن يعملوا كمترجمين فقط ، وطلبوا من السيسترات أن يقمن بأعمال عاملات النظافة ..
غالبية الكوادر الطبية لم تقبل هذه الإهانة ، وتقدمت باستقالتها..

Quote: نعم ألغي قرار التفتيش الجسدي ,, لكن ما الذي حدث بعد ذلك ؟؟؟ كل الذين دخلوا من الكوادر الطبية إلى المستشفى بعد إلغاء القرار وجدوا أنهم يعاملون معاملة غريبة من كل الكوادر الأجنبية ، فهم لا يتحدثون إليهم ولا يستمعون إليهم ولا يمكّنونهم من العمل .. لقد طلبوا منهم أن يعملوا كمترجمين فقط ، وطلبوا من السيسترات أن يقمن بأعمال عاملات النظافة .. غالبية الكوادر الطبية لم تقبل هذه الإهانة ، وتقدمت باستقالتها..

ينبغي على الأطباء و الكادر الطبي بالمستشفى عدم الإستقالة ، بل تقديم شكوى رسمية لمكتب العمل و وزارة الصحة
حيث أن لديهم عقد عمل واضح ملزم للمستشفى بتوظيفهم و ادائهم لأعمال تتناسب مع تخصصهم و مؤهلاتهم حسب ال Job Description

فلا يعقل ان يعمل طبيب كمترجم و هو يحمل مؤهلاً مهنياً محترماً في الطب
كما لا يعقل أن تقوم سيستر متدربة و مؤهلة على العناية الطبية بأعمال النظافة

هذه إهانة جديدة و يندرج تحت ما يسمى اسلوب التطفيش
يبدو ان ادارة المستشفى قررت ان تحني رأسها للعاصفة
مؤقتاً ثم تجبر الاستاف السوداني الحالي على الاستقالة
حتى يفقدوا حقوقهم التي كانوا سيتحصلوا عليها اذا تم
فصلهم فصلاً تعسفياً

شكراً ودقاسم

و سنتابع

Quote: Mustafa Hashim Dear dr. Mustafa Hashim, my name is Rossella and I'm the coordinator of the Humanitarian Office of Emergency, the Italian NGO that built and runs the Salam Centre. I have been forwarded from our press office the e-mail you sent asking explanations on some problems with part of the staff at the Salam Centre. I do apologize, but I did not understand which is the institution you belong to and on whose behalf you are asking information for. Nevertheless, as everybody in Sudan knows, Emergency is a transparent organization, whose philosophy of intervention is based on the principles of Equality, Quality and Social Responsibility. Hereby attached you can find the Manifesto for a Human Rights Based Medicine, signed also by the Minister of Health of Sudan. Coming to the problems we faced few days ago at the Salam Centre, I can assure you that none of the international staff present in Khartoum has ever thought of practicing any discrimination against Sudanese staff. If this was the perception of some of them, it was only due to mutual misunderstandings. This has been clearly explained to the few members of the staff who complained (less then 30% of the total Sudanese personnel) and to Sudanese Authorities. Due to the increasing episodes of robbery inside the facility, the organization decided to tighten some security checks in and out of the hospital. Most of the staff understood and made no complaints. A few of them, regrettably headed mainly by doctors, refused to abide to this new rules and decided not to enter the hospital. Being a doctor, I'm sure that you will agree on considering patient's sake as the priority for any medical professional. Unfortunately this was not the case. To protest against a rule (something absolutely legitimate, if done in the appropriate way)some doctors and nurses decided to leave patients (including an intubated children after cardiac surgery) unattended, putting their life at risk. Some of the protesters said that they considered our decision discriminatory because it involved only national staff. We clearly explained them that it was not our aim and showed openly that the same measures were applied also to international staff, but they continued the protest. None of them has ever mentioned the patients interest. Thanks God the hospital could count on the remaining 70% of the Sudanese staff, the entire team of international professionals and many Sudanese volunteers(mainly former staff of the Salam) who came back to help. Let me tell you frankly that this episode (solved after a few days) has caused a big disillusionment in most of us, particularly in those who spent most of their life in the past 5 years in Sudan, away from family and friends,trying to build a model of medicine not only for the African continent but for the Western world as well. A model where high standard assistance is granted free of charge to all those in need, a model that provides the proper setting to ensure en efficient training of doctors, nurses and ancillary staff, a model where health care is not linked to any idea of profit or personal career. Despite all this, having received the full support of Sudanese authorities (in addition to that of the patients and of the majority of staff), we will continue our work to promote and practice the right to health care in Sudan as we are doing elsewhere in the world since 1994. I hope you would consider my explanation satisfactory and send you my best regards, Rossella -- Rossella Miccio Coordinator Humanitarian Office EMERGENCY Life support for civilian war victims Via Gerolamo Vida, 11 20127 Milano - Italy tel +39 02 863161 fax +39 02 86316336 @ [email protected] Quote: openly that the same measures were applied also to international staff, but they continued the protest. None of them has ever mentioned the patients interest. Thanks God the hospital could count on the remaining 70% of the Sudanese staff, the entire team of international professionals and many Sudanese volunteers(mainly former staff of the Salam) who came back to help.

الطبيب مختلف يجب الا يضرب ولا يحتج معرضا المرضى الى الخطر
كان يمكن حل هذه المشكلة بالمكاتبات والمطالبات لا بالاضراب وهناك من حياته معلقة بك




k.way)some doctors and nurses decided to leave patients (including an intubated children after cardiac surgery) unattended, putting their life at ris


يجب ان تحقق وزارة الصحة مع هؤلاء وتسحب ترخيصهم في المجلس الطبي لانهم لا يصلحون ان يكونوا اطباء

اذا الموضوع دا فات بدون تحقيق او عقوبات يبقى نصلي صلاة الجنازة على السودان والطب والادارة




رد من المنظمة الايطالية وجهة النظر الاخرى

Quote: Mustafa Hashim قوم به اللجنة هو تحيز واضح و صريح من غير وجود بينات . إخوتي الكرام الرسول عليه الصلاة و السلام قال انصر أخاك ظالما أو مظلوما قالوا أرأيت ان كان مظلوما فكيف ننصره ان كان ظالما ، قال ان تأخذ بيده. يا جماعة لحدي الليلة ما جبتوا بينة واحدة على الكلام البتقال و شهادات نفر أو اتنين غير كافية . حقيقة انا استغرب هذه الحملة و لماذا الآن بالذات فكل ما تتكلمون عنه يحدث و منذ 2004 و ليس هناك بشيء جديد . لماذا يستمر الإستاف السوداني بالعمل في هذه المنظمة اذا كان ما يقولون صحيح. إن معظم الإستاف العامل هناك هم أطباء خدمة وطنية و قليل منهم غير ذلك ولا يوجد فيهم من هو أخصائي فكيف بهم يشرفون على كادر اجنبي يعمل في تخصص دقيق كجراحة القلب ؟؟؟ بالله عليكم لا تفترضوا فينا الجهل فما أعرفه انا عن مستشفى السلام يكفيني شر التلاعب و الجر الى مستنقعات الشك و نقل الكلامات بغير بينة. إن الشخصية السودانية بها فوضى حقيقة لم أرها في غيرنا و تميل دائما الى تناول الأمور بعاطفية و أنا عليا بعيدا عن الحقائق و هي الأقل التزاما بالقوانين و قل ان تجد مثلها في العالم . إن كنتم حقا تريدون مصلحة الوطن و المواطن فعليكم أولا بتقييم الخدمة المقدمة الى المواطن السوداني و هل يوجد مستشفى يقدم مثل هذه الخدمة على مستوى القطر بكامله؟؟ بل و أقول شرق ووسط افريقيا كاملة؟؟ الشيء الثاني مالي أراكم تنجرون الى نصرة الأطباء و كأنهم مبرأون من كل عيب منزهون عن الخطأ؟؟ فلا نصحا تقدمون ولا حقائق تتبينون !! فالأخ الأكبر لا يدافع عنك فقط بل و أيضا يقدم لك النصح إن أخطأت. والله ان ما تقومون به هو عمل كبير حقا من مدافعة عن حقوق الأطباء عندما غابت النقابة الحقيقية و هي التي كان حري بها ان تتولى امورنا فلكم من الشكر أجزله و جزاكم الله عنا كل خير . لماذا تتعاملون بسوء الظن و الشكوك؟؟ و لماذا الكيل بمكيالين؟؟ عندما تتنازل المنظمة و ترد علي تساؤلاتنا و تتجاوب معنا أراكم لا تشكرون بل تتمادون في النيل منها و التقريح بإدارتها و افتراض النية السيئة في تصرفهم !! لماذا يا لجنة؟؟ ان من لا يشكر الناس لا يشكر الله فإن كانوا اهتموا برسالة واحدة فقط ارسلت لهم و من قام بالرد عليها في مستوى رفيع على مستوى رئاسة المنظمة الأم حتى من غير وجود بينة واحدة عليهم فيجب علينا أولا شكرهم على الإهتمام بالرد و من ثم ان كان لدينا ما يدحض قولهم هذا فلنرد عليهم من غير اساءات . الشيء الآخر الملاحظ هو استسهال موضوع الإضراب و عدم الذهاب للعمل من قبل الأطباء و انها لعمري كبيرة من الكبائر !! لقد دعمنا خط الإضراب الأول بالرغم من تحفاظتنا الكثيرة عليه و ماله من تداعيات خطيرة على المرضى أولا و أيضا على الرسالة السامية التي من المفترض على الطبيب تقديمها. ورأيي الشخصي من المستحيل أن امتنع من الذهاب الى مريضي و تقديم الخدمة له بسبب إصرار الإدارة على تفتيشي و ان لم يكن معهم حق فالمريض اكبر من كرامتي و حتى لو طلبوا مني خلع ملابسي و الذهاب عاريا للمستشفى وسأحتفظ لنفسي بحق الرد المناسب في الوقت المناسب الذي لا يتضرر منه مريضي. إن الإضراب له تداعيات سلبية أخرى كثيرة و من اهمها تأليب الرأي العام على الإطباء و فقدان القضية لخطها العام و كأننا نصور أن كرامة الطبيب فوق حياة المريض . يا ناس اللجنة بصراحة كدة ليس من العيب الوقوف مع الأطباء في كل موقف ودعمهم دائما لكن يجب عليكم توخي الحذر في خطكم الإعلامي و ما يكتب بإسمكم فلستم شخص لتنجروا في الردود و لا انتظر منكم ردا الآن بل انتظر منكم افعالا كثيرة و دعونا من ضل الفيل )المستشفى الإيطالي( وركزوا لينا مع الفيل الكبير (وزارة الصحة) ولا غلبتكم عشان كدة ركزتوا مع المساكين ديل؟؟؟؟ ودي و محبتي

http://www.facebook.com/mustafa.hashim/posts/125449440863726

حاتم كتب ما يلي

Quote: Hatim A Ali Back رغم دا كلو شهادته مريبة و يبدو فيها التعميم المخل و عدم الموضوعية من يقرأ كلامه يحس و كأن (كلم) لسودانين هناك لاهم لهم سوى السرقة، و أن هناك سرقات منظمة و عصابات هناك ، قد تكون هناك حوادث سرقة فردية نعم و لكن هل الوضع بهذه الصورة ؟ إنتبهي للصورة العامة يا سماح من له مصلحة في تشويه سمعة جميع السودانين بالمستشفى عبر شهادة (مغرضة معممة) مثل شهادة عطا ؟ Sunday at 2:23pm · Like

ردا على ما كتب هنا

Quote: Atta Elmanan Ibrahim Mustafa مهلا ايها الثائرون ....قولو لنا ماذا نيفعل هؤلاء حتي يوقفو السرقات المتكررة..... انا من تقني التمريض اشتغلت في السلام في الopreting room as anathlogsei nurse لمدة سنة ونص والله شفتا العجب العجاااب من السودانيين والسودانييين سرقو مرتب زميلتي معاي في ال OT واليطالييين عملو كميين محكم وبغباء شديييد الحرامي كرر السرقة وعرفوه وبالدلييل لكن سكتو .... عليهو... وانا خايف الخواجات ديل يمرقو ليكم فضايح لامن تخجلو منها دا غير سرقة المواد والمعدات و اليني فورمات واييييك حاجات كتيييرة ... بس خلوها مستورة يا لجنة الاطباء...وليس من رأى كمن سمع.... Sunday at 2:38am · Like ·

فهل يبحث حاتم عن الحقيقة؟

وليه بتهم كل من له رأي مخالف ان هناك مصلحة
كان شهادة مريبة ما بعرف!!!!!

ما ورد في بيان المنظمة الإيطالية فيه الكثير من التبريرات التي لا تستند إلى الواقع الذي حدث ..
وكما يقول المثل السوداني الشهير : الشينة منكورة ..
والذين يمارسون التفرقة لا يرون فيها خطئية ولا يعترفون بممارستهم لها .. وهذا أمر يثبته تاريخ البشر ..
قرار التفتيش بدأ تطبيقه منذ البداية على السودانيين فقط .. ولم يطبق على غيرهم مما يسمى International staff .. وقد عقدت المديرة اجتماعا للسودانيين فقط ، وأبلغتهم القرار وضرورة الانصياع له ، وقالت لهم لا أريد نقاشا حول هذا الموضوع .
وبعد أن بدأ التحرك في الشكوى للجهات الرسمية ذات العلاقة ، وتلافيا للحرج أجرى المستشفى تفتيشا على الآخرين كمحاولة للخروج من أزمة العنصرية .
والكادر الوطني لم يدخل في إضراب ، ولم يعلن أي نوع من التوقف من العمل ، بل الإدارة هي التي أصرت على منعهم من الدخول وأصرت على التغتيش الجسدي . وبالتالي هم أصروا أيضا على رفض التفتيش إلا أنهم ظلوا يحضرون إلى المستشفى يوميا حسب ورديات عملهم ثم يتم ردّهم بالإصرار على التفتيش .. وقد رفضت الإدارة أي حوار معهم . حتى حين عاد المدير العام من الخارج وطلب بعض الأطباء السودانيين مقابلته أصرت إدارة المستشفى على خضوع هؤلاء للتفتيش ، وهم أيضا قد كرروا رفضهم للإذلال ، مما دعاه إلى مخاطبتهم خارج المستشفى بتشنج شهد عليه الجميع ، وقد ورد سابقا أنه وصفهم بالغباء ، ونصحهم بالاستقالة .
والسؤال الآن : لماذا لم تقدّر الإدارة حالة المرضى وتسمح للأطباء بالدخول لممارسة عملهم وواجبهم تجاه مرضاهم ، ثم تسعى لمعالجة المشكلة بالحوار مع الأطباء ؟
وهناك سؤال نوجهه لكل ذي عقل :
ما الذي يدفع الكادر الوطني الذي وجد فرصة للتوظيف في منظمة عالمية أن يترك عمله إن لم يكن قد تم استفزازه بالقدر الكافي ؟

Quote: ما ورد في بيان المنظمة الإيطالية فيه الكثير من التبريرات التي لا تستند إلى الواقع الذي حدث .. وكما يقول المثل السوداني الشهير : الشينة منكورة .. والذين يمارسون التفرقة لا يرون فيها خطئية ولا يعترفون بممارستهم لها .. وهذا أمر يثبته تاريخ البشر .. قرار التفتيش بدأ تطبيقه منذ البداية على السودانيين فقط .. ولم يطبق على غيرهم مما يسمى International staff .. وقد عقدت المديرة اجتماعا للسودانيين فقط ، وأبلغتهم القرار وضرورة الانصياع له ، وقالت لهم لا أريد نقاشا حول هذا الموضوع . وبعد أن بدأ التحرك في الشكوى للجهات الرسمية ذات العلاقة ، وتلافيا للحرج أجرى المستشفى تفتيشا على الآخرين كمحاولة للخروج من أزمة العنصرية . والكادر الوطني لم يدخل في إضراب ، ولم يعلن أي نوع من التوقف من العمل ، بل الإدارة هي التي أصرت على منعهم من الدخول وأصرت على التغتيش الجسدي . وبالتالي هم أصروا أيضا على رفض التفتيش إلا أنهم ظلوا يحضرون إلى المستشفى يوميا حسب ورديات عملهم ثم يتم ردّهم بالإصرار على التفتيش .. وقد رفضت الإدارة أي حوار معهم . حتى حين عاد المدير العام من الخارج وطلب بعض الأطباء السودانيين مقابلته أصرت إدارة المستشفى على خضوع هؤلاء للتفتيش ، وهم أيضا قد كرروا رفضهم للإذلال ، مما دعاه إلى مخاطبتهم خارج المستشفى بتشنج شهد عليه الجميع ، وقد ورد سابقا أنه وصفهم بالغباء ، ونصحهم بالاستقالة . والسؤال الآن : لماذا لم تقدّر الإدارة حالة المرضى وتسمح للأطباء بالدخول لممارسة عملهم وواجبهم تجاه مرضاهم ، ثم تسعى لمعالجة المشكلة بالحوار مع الأطباء ؟ وهناك سؤال نوجهه لكل ذي عقل : ما الذي يدفع الكادر الوطني الذي وجد فرصة للتوظيف في منظمة عالمية أن يترك عمله إن لم يكن قد تم استفزازه بالقدر الكافي ؟

شكراً ود قاسم

Quote: some doctors and nurses decided to leave patients (including an intubated children after cardiac surgery) unattended, putting their life at risk

هذه اكاذيب مجانية تطلقها مندوبة العلاقات العامة بالمنظمة التي تدير المستشفى و الحقائق هي:

1. لم يعتصم الاطباء العاملون بالمستشفى و إنما (منعوا) من الدخول بسبب إصرار المستشفى على خضوعهم للتفتيش و رفضهم لذلك و لكنهم واظبوا على الحضور امام المستشفى و سجلوا حضورهم طيلة ساعات مداومتهم حسب الجدول الموجود مسبقاُ

2. الاطباء السودانيون اصلاً ادارة المستشفى تمنعهم من دخول غرف العمليات و الاشراف على صحة المرضى فكيف يستقيم عقلاً و منطقاً ان يكونوا عرضوا حياة المرضى للخطر و هم اصلاً غير مسموخ لهم سوى التعامل مع الحالات الباردة cold cases

3. الثابت ان مدير المنظمة نفسه خاطب الاطباء و الكادر الطبي بالمستشفى خارج المستشفى و نصحهم بالاستقالة – وكان بامكانه فصلهم لو كانوا معتصمين و متوقفين عن العمل - و هذا دليل على حضورهم و وجودهم و قد وصفهم و الشعب السوداني بالغباء جميعاً

يمكن دائماً ترديد الاكاذيب و تكرارها لكن ذلك لا يصنع منه حقائق

و على كل من لديه غبينة ضد الاطباء السودانيين تصفية احقاده بعيداً عن هذه القضية العادلة