Post: #1 Title: دا شنو دا يا بت عجاج ياخ ؟ Author: طلحة عبدالله Date: 04-13-2011, 09:01 AM Parent: #0
للضمان كدا أنا عارف الكلام عن البنية دي بقي كتير ومسيخ ومبتذل ذاتو لدرجة أنو حتى إبن الصايم الذي لا يفهم في الفن لا فاءه ولا نونه لبس لبس خمسة ونزل لأرض المعركة .. عشان كدا البوست مسايرة لموضة البوستات المشابهة ودي فرصة عشان الواحد يبخر الكاتمو في قليبو ... ود الصايم ومن خاض خوضه احسن مني واللا أحسن مني واللا أحسن مني واللا أحسن مني ؟ ميزة موضوعي دا أنو عميق وطالع من أنخش نخاشيشي حيث كل الحاجات صادقة جدا وهنا يتجلي إبداع الكتابة عن نانسي عجاج .. موش هبتلي ساي كما هو حاصل في بوست مجاور لا داعي لذكر أسمه وإسم صاحبه . يتبع ...
Post: #2 Title: Re: دا شنو دا يا بت عجاج ياخ ؟ Author: طلحة عبدالله Date: 04-13-2011, 09:16 AM Parent: #1
نجي للموضوع اها عايز أقول ليك : خربت طبعنا ذاتو عليك الطلاق الواحد بقي يكون عايز يسمع سيف الجامعة يفتح كود حفلتك في بورتسودان يكون مزاجو في محمود عبد العزيز يعمل كلك على حفلتك في الدوحة . حتى كابلي وأحمد المصطفي وحمد الريح والكبار كبار ديل قلصنا الوقت المحددنوا ليهم من كل تلاتة يوم لكل أسبوع .. وكان على الحبش وبتاعين نجوم الغد ديل نسيناهم عديل لا عافية ولا رماز ولا حرم ولا الود التاني داك .. عاملة عيونك الزي عيون سيد خليفة ديل والعجب لامن تغني يهديك والله يخليك ... ياخ إتي مبالغة عديل وكمان رشيقة ومليحة وصوتك فخيم وذاتو طالع من جووووووووة لامن يوقف القلب وكان على الأناقة والبساطة جل الواحد المنفرد ياخ إتي بت واللا بت شديد ؟ أنثي واللا أكتر من أنثي ؟ هسع الفن في غناك واللا في إختياراتك واللا في رزانتك واللا في أناقتك واللا في صوتك واللا في فيك إتي كلك على بعضك واللا الفهم شنو بالله ياخ قومي لفي كدا واللا كدا عليك الله شوف عاملة كيف إنتهى .
Post: #3 Title: Re: دا شنو دا يا بت عجاج ياخ ؟ Author: طلحة عبدالله Date: 04-13-2011, 09:41 AM Parent: #2
لو ضمنت انو ال 88 الدخلوا البوست لغاية هسع فيهم ست الشىء ذاتو أو من ينوب عنها لكفاني..
Post: #4 Title: Re: دا شنو دا يا بت عجاج ياخ ؟ Author: طلحة عبدالله Date: 04-13-2011, 10:08 AM Parent: #3
من ملاحظتي (الذكية والعميقة) على نانسي انها : ما بتتحنن وما بتلبس الدهب ..
Post: #5 Title: Re: دا شنو دا يا بت عجاج ياخ ؟ Author: tmbis Date: 04-13-2011, 10:28 AM Parent: #4
Quote: وصوتك فخيم
.. فخيم بتاع شنو يا زول ..؟ ..
ياخ الواحد يغيب من البورد شهر .. يلقى ود الصايم فاتح بوست .. نانسي عجاج شنو كدا ما عارف .. يغيب يومين .. يلقى فيصل مين كدا نوبي .. فاتح بوست نانسي عجاج .. إلخ .. يغيب خمسطاشر يوم.. يلقى محمد البشري الخدر .. فاتح بوست نانسي عجاج ..
ثم أخيرا .. طلحة طنظير ينظر فيما يختص بي نانسي عجاج .. ..
الرصة الفوقانية دي كلها + سعد الدين عبد الرحمن + فيصل نوبي + عبد المجيد الكونت .. إلخ من الزوايد ..
هاكم الوش دا ياخ .. ..
ملحوظة: يبدو انكم بتسمعو نانسي عجاج دي بي اضنينكم .. زي كتابتكم البي اضنينكم دي فيما يختص بي نانسي عجاج .. ثم انني : اعلن تحالفي مع ما يسمى حلف الذين يستمعون لي نانسي عجاج في جهاز العربية .. ومن ثم غناها يدخل بي هنا ويمرق بي هنـا .. بي صورة أوضح .. بسمع غناها علشان اتأمل في أحوال .. ود الصايم .. ونوبي .. وعبد المجيد الكونت .. وسعد الدين عبد الرحمن .. ومحمد البشري الخدر .. وأخيرا .. طلحة طنظير ..
مساكين
Post: #6 Title: Re: دا شنو دا يا بت عجاج ياخ ؟ Author: صبري طه Date: 04-13-2011, 10:31 AM Parent: #5
Quote: موش هبتلي ساي كما هو حاصل في بوست مجاور لا داعي لذكر أسمه وإسم صاحبه .
عليك الله وريني البوست المجاور اسمو شنو وصاحبو منو
Post: #7 Title: Re: دا شنو دا يا بت عجاج ياخ ؟ Author: tmbis Date: 04-13-2011, 10:47 AM Parent: #6
معليش طبعا .. المداخله نزلت بالخطا
Post: #9 Title: Re: دا شنو دا يا بت عجاج ياخ ؟ Author: عبدالكريم الامين احمد Date: 04-13-2011, 10:55 AM Parent: #7
ياااخ انا جاي البوست ده عشان (احي) الزول الاسمو تمبس ده واقول مشتاقين يعلم الله وشيخي شكر الله ووين اراضيك يااااخ والواحد لو كان عارف (اكل المورتدلا او اي كان اسمها بخفي الزول عن المنبر ده كان اكل منها يومي (كليقة وقعد بعيد وعمل شخيت)
وجاااي تاني عشان (احي) تنظير علي الاحتفاء بالفن الطابع من جوووف الدهشة وصوت الاجراس عند نانسي وماشاء الله حسكم الفني اصبح مرهف يا مريخاب وحليلك يا (عمر كلوجة) فنان المريخاب في نواحي وكراكير بعيدة وسنتابع
Post: #13 Title: Re: دا شنو دا يا بت عجاج ياخ ؟ Author: tmbis Date: 04-13-2011, 11:18 AM Parent: #9
ووين يا كيكي ..؟ ياخ والله خوتكم .. أحسن منها خـوة اساسي .. ومحمد عبد الماجد الصايم إلخ من الخوات العجيبة جدا .. ياخ انا غبت من البورد .. عشان البورد اصبح بيييض جدا .. والله جابني بوست احتفال البورداب .. بعدين يا معلم .. بالنسبة لي المارتديلا .. والكلوبس .. والاستيكات .. وإلخ من الحركات بتاعت المرتاحين دي .. والله تاكله تعمل ليك حساسية .. وتمسكك كاروشة تبقى في البحلك منها .. ياخ مالك ومال الخط المعلق ..؟ عايز نصيحة اخوك .. خليك في لغاويصك العجيبة دي .. عندك انا مثلا .. مضرب عن الطعام .. وبقيت ادق جرس كلما امشي بنده .. أو أي حاجة ليها علاقة بالحاجات العجيبة دي .. وبقيت حساس جدا الفترة الفاتت .. بحس بي اي حاجة وتاني كان جبت لي سيرة الحاجة دي احتمال كبير اختلف معاك ونحتو قرض في السايبر دا الواحد حاسي أنو قلبو زاتو بقى ميت .. من الساندوتشات الصغيرة .. صغيرة دي .. يوم الجمعة الفاتت دي .. ضربت ليك حلة بتاعت روسين سمك .. وملاح سلج بي باميـة .. اعادة لي توازني الطبيعي .. حسع ان بكتب ليك بي احساس يوم الجمعة .. بعد الغداء مباشرة .. كدي خليني من المشروع بتاع العضة دا لانو عندي معاك فوقو حنك طويل جدا .. يعني انت حسع دي برضو مع ناس طلحة طنظير .. وفيصل نوبي وود الصايم .. إلخ ..؟ ياخ انا لما لقيت اسمك اتوسمت خيرا وقلت كيكي جايي يبلع طنظير البوست .. اللقاك منبرش ايضا ..؟
يحليل الناس البتبلع البوستات الزي دي ..
انا برضو سنتابع .. يا انا .. يا طنظير وبقية المنظراتية ديل ..
أخ لو لقيت لي واحد بس .. يتبنى معاي مشروع التبليع دا .. ببرد لي بطني عديل كدا ..
إنتو ووين عمر الفارووق شيخ الدين .. الواحد بيعتمد عليهو في هكذا امور
Post: #8 Title: Re: دا شنو دا يا بت عجاج ياخ ؟ Author: طلحة عبدالله Date: 04-13-2011, 10:51 AM Parent: #6
هلا يا تامبا وحمد الله ع السلامة ختيتني في حزمة واحدة مع ود البشرى وود الصايم ونوبي ما عيب عليك ياخ ..؟ وهل يستوي النصف الفارغ من الكوب مع النصف الآخر الممتلىء بعصير جوافة بي لبن ؟ قارن كل ما كتبه الدعيين أعلاه بسطر واحد فقط مما كتبته عن هذه الجكس وسيتبين لك الفرق جليا، وان لم يتبين لك من الوهلة الاولي فراجعو من الوهلة الثانية و حتما سيتبين لك بينونة كبري .. الفرق في عمق المعني والصدق يا تامبا .. والله لو لم أكتب غير صوتها الفخيم وعويناتا التى تشبه عيون سيد خليفة لكفاني .. أنا لم أسمع نانسي عجاج في شريط كاسيت في العربية أو في أذاعة حتى الآن .. كل سمعي ليها كان صوت وصورة ولذلك فهي عندي تلك البنية العجيبة ذات الصوت الفخيم والعوينات التى تشبه عوينات سيد خليفة والبساطة الأنيقة والرزانة الرشيقة وكذا عدم لبسها للدهب والتحنن .. إلخ . باختصار نانسي عجاج هي نانسي عجاج ولن أزيد .
Post: #10 Title: Re: دا شنو دا يا بت عجاج ياخ ؟ Author: طلحة عبدالله Date: 04-13-2011, 10:58 AM
صبري يا طه يكاد المريب يقول خذوني نتعامل دائما بالرفق واللين والهوادة ونتجنب الإغتيالات المعنوية بقدر الإمكان ولذلك نكتفي بما أوردناه من إشارات ودلالات واللبيب بالإشارة ما بتفوت عليهو حاجة.
Post: #12 Title: Re: دا شنو دا يا بت عجاج ياخ ؟ Author: طلحة عبدالله Date: 04-13-2011, 11:06 AM Parent: #10
هلا بوحش الأسافير كيكي وتجدني والله شاكرا ومقدرا لهذا الثناء الطرطير ولهذا نكتب ونبدع
Quote: كليقة
هاهاهاهاها ربما كان فهم تامبا للمفردة دي زي فهم إبن الصايم وإبن البشرى ونوبي للفن والغناء وعمق الكتابه والمعاني .
Post: #14 Title: Re: دا شنو دا يا بت عجاج ياخ ؟ Author: GamarBoBa Date: 04-13-2011, 11:21 AM Parent: #10
Quote: ملحوظة: يبدو انكم بتسمعو نانسي عجاج دي بي اضنينكم .. زي كتابتكم البي اضنينكم دي فيما يختص بي نانسي عجاج .. ثم انني : اعلن تحالفي مع ما يسمى حلف الذين يستمعون لي نانسي عجاج في جهاز العربية .. ومن ثم غناها يدخل بي هنا ويمرق بي هنـا .. بي صورة أوضح .. بسمع غناها علشان اتأمل في أحوال .. ود الصايم .. ونوبي .. وعبد المجيد الكونت .. وسعد الدين عبد الرحمن .. ومحمد البشري الخدر .. وأخيرا .. طلحة طنظير ..
ياخي انت كنت وين؟؟ ونضف الي ذلك حرام عليها تاني تملا العربية آهات...الشي ببقي اسعاف
_ طلحة قوم لف
Post: #11 Title: Re: دا شنو دا يا بت عجاج ياخ ؟ Author: singawi Date: 04-13-2011, 11:05 AM
طلحة بن عبيد الله عاااااااااااااااااااااافي منك طمنتني ياخ تمبببببببببببس بطل هزار ياخ . عااااارفك سميع نخب أول وبتعرف الهداف من مشيتو تحياتي
Post: #15 Title: Re: دا شنو دا يا بت عجاج ياخ ؟ Author: طلحة عبدالله Date: 04-13-2011, 11:32 AM Parent: #11
singawi يا حبيب ياخ إطمئن تطمين شديد جدا ولا يكون في بالك وبالمرة كدا دعك من تهويشات تامبا فهي أشبه بغسيل الجلابية بعد كل لبسة ودعكها دعك شديد حتى يحدث لها فتاق ..(كلام عميق). يا اخي العزيز يكفي أنك عندما تستمع لننانسي تشعر بالوجع هنا والوجع هنا والوجع هنا حتى يتمكن منك هذا الوجع اللذيذ وتقعد ترجف ..
Post: #17 Title: Re: دا شنو دا يا بت عجاج ياخ ؟ Author: طلحة عبدالله Date: 04-13-2011, 11:42 AM Parent: #15
قمر بوبا يا قلب ياخي يكفي ان جدا لينا لامن يسمع ليهو غناء في رادي واللا تلفزيون واللا أية مصيبة زمان تهيج فيه نوازع الغضب كل هيجان حتى نقول ليتها هدأت .. ولكنه عندما كان راكبا حماره ومارا بذلك الزقاق وقد علا في فضائه صوت البنية الفخيم وهي تغني (بلدا هيلي إنا) .. جذب لجام حماره حااااااو حش، ثم دقر سفته وخلف رجلا في رجل وجلس على وضعه ذلك وهو في سكون وطرب لا يعلم به إلا الله لدرجة أنني عندما شاهدت المنظر تخيلته وهو يقول في سره : أيمان حج وعتق البنية أم عوينات زي عوينات سيد خليفة دي حاجة ما تخلص ..
Post: #18 Title: Re: دا شنو دا يا بت عجاج ياخ ؟ Author: singawi Date: 04-13-2011, 11:48 AM Parent: #15
Quote: يا اخي العزيز يكفي أنك عندما تستمع لننانسي تشعر بالوجع هنا والوجع هنا والوجع هنا حتى يتمكن منك هذا الوجع اللذيذ وتقعد ترجف
مدد ،،، مدد ،،، مدااااااااااااااااااااااااااد
يا طلحة لا ..
دا مقام الأقطاب ، في مدارج العذاب ، والعجب العُجاب
هي يا يابا .. تلحقني وتنجدني .. ماك هين
Post: #16 Title: Re: دا شنو دا يا بت عجاج ياخ ؟ Author: عمران حسن صالح Date: 04-13-2011, 11:41 AM Parent: #11
هي يا يمه هووووووووي حليلو هو ياخي أنا عازر نوبي وود الصايم وطريقة بكاهم في ( الصوت ) المخنوق ده لاحظ أنا قلت الصوت ياخي أدو فرصة لنهي وحا تشوفوا الفرق أعفص هنـــا وأَضغط على أيقونة معجب
_______________ خفنا من الــ Autoplay
Post: #19 Title: Re: دا شنو دا يا بت عجاج ياخ ؟ Author: طلحة عبدالله Date: 04-13-2011, 12:01 PM Parent: #16
عمران صالح يا بلد البنية التانية دي برضو ما ساهلة لكن العبرة في الخبرة ياخ تم جميلك ونزل لينا في الضواحي وطرف المداين أو مسامحك يا حبيبي أو أية حاجة تنعش ياخ .
Post: #20 Title: Re: دا شنو دا يا بت عجاج ياخ ؟ Author: طلحة عبدالله Date: 04-13-2011, 12:02 PM Parent: #16
singawi يا حبيب أسكت ساي خليها ع الله أخوك ممكون وصابر بس ..
Post: #21 Title: Re: دا شنو دا يا بت عجاج ياخ ؟ Author: طلحة عبدالله Date: 04-13-2011, 12:10 PM Parent: #20
نانسي عجاج قالت ذات مرة أنها لا تتقن أية أغنية لا تحس بها وجدانيا الفهم والوعي بالفن ما عندك يا بنية .. عاملة صوتك الفخيم وعويناتك الزي عوينات سيد خليفة ديل .. وبرضو تقول لي راجل المرة ومحمد ولد طيب والشريف مبسوط من الجماعة ؟
Post: #22 Title: Re: دا شنو دا يا بت عجاج ياخ ؟ Author: singawi Date: 04-13-2011, 12:21 PM Parent: #20
طلحة يا زميل
في مقام كدا عايزك تشوفو شوف العين الما كتلو غزال اسمو مقام العازفين العارفين المقام دا وصلو شيخنا محمدية ( يلحقني وينجدني ) في الفديو أدناه وبلغو في الفترة من الدقيقة اتنين وسبعة ثواني إلى الدقيقة اتنين واطنااااشر ثانية راقب زمن الفيديو بالله
Post: #23 Title: Re: دا شنو دا يا بت عجاج ياخ ؟ Author: طلحة عبدالله Date: 04-13-2011, 12:32 PM Parent: #22
الكبير محمدية بلغ مقام الدروشة يا سنجاوي وكذلك فعل عوض والمذيعة ... ياخي حتى المايكرفون القداما دا شوفو مستكين ومرخم كيف .. وانظر للحتة المظلمة خلفها كيف بقت موحية والكرسي القاعدا عليهو كيف إحمر وتوهج .. ودا كلو كوم وحركة أصابعيها أثناء الشدو كوم تاني .. البنية دي سرها باتع يا حبيب .
Post: #24 Title: Re: دا شنو دا يا بت عجاج ياخ ؟ Author: singawi Date: 04-13-2011, 12:46 PM Parent: #23
حركة أصابعيها دي يا حبيب دليل على انها ذات نفسها بلغت مقام الذاهلين وتتجلى هذه الحركة لما تمسك المايك بيدها وتنقرش عليهو بأصابعها
دا كلو كوم ومقامك انت كوم هلا هلا .. قلت لي حتى المكرفون القداما دا شوفو مستكين ومرخم كيف وحات حمد النيل أنا كنت قايل نفسي براي البشوف عشان كدي قبيييل قلت ليك طمنتني تحياتي يا زميل
Post: #25 Title: Re: دا شنو دا يا بت عجاج ياخ ؟ Author: نوفل عبد الرحيم حسن Date: 04-13-2011, 12:53 PM Parent: #22
بوست انصرافي وكلو كسير تلج
احسن حاجه فيهو مداخلة عمران دي
ادونا معاكم فرصة نسجل اعجابنا بنهي عجاج ياخ
Post: #26 Title: Re: دا شنو دا يا بت عجاج ياخ ؟ Author: طلحة عبدالله Date: 04-13-2011, 01:07 PM Parent: #25
يا نوفل العزيز البوست إنصرافي ربما كسير تلج صاح كبيرة لكن كونو تعبر عن إعجابك بنهي دونا عن نانسي فهذا ما لا يستقيم ياخ التعبير عن الإعجاب يجب أن يكون لست البوست فقط والتانية ليها مقاما براهو ولا بأس به إذا كان التعبير عن الاعجاب لعجاج أخوات ..
Post: #27 Title: Re: دا شنو دا يا بت عجاج ياخ ؟ Author: وليد عبد اللطيف Date: 04-13-2011, 01:10 PM Parent: #26
البت دي ياطلحة ماكنت بحبها ابدا ابدا مزاج بس اسالني الغير رايك شنو الان وبجيك صادي
Post: #28 Title: Re: دا شنو دا يا بت عجاج ياخ ؟ Author: طلحة عبدالله Date: 04-13-2011, 01:12 PM Parent: #27
بالله يا وليد سريع تعال صادي وريني لأنو رأيك مهم ككابتن كفر حالو من حال كابتن الوتر ..
Post: #29 Title: Re: دا شنو دا يا بت عجاج ياخ ؟ Author: عمران حسن صالح Date: 04-13-2011, 01:40 PM Parent: #28
Quote: singawi
عويل إلا ربع ، يا زول إستغفر براحة شوية .
Post: #30 Title: Re: دا شنو دا يا بت عجاج ياخ ؟ Author: عمران حسن صالح Date: 04-13-2011, 02:24 PM Parent: #29
____________________________________ بناء على ( الحضور ) الذي يريد إسقاط صوت نهى أضغط للتشغيل متأسفين يا شباب للأنانية الما مقصودة .
Post: #32 Title: Re: دا شنو دا يا بت عجاج ياخ ؟ Author: خالد عبد الله محمود Date: 04-13-2011, 03:07 PM Parent: #30
تنظير يا عمكـ أديكـ النجيضة :- 1) ألبوم موجه ألبوم أقل من عادي فقط يحسب لنانسي الإجتهاد في أغنية أندريا أما بقية الأغاني ( غير المسموعة) بتذكرني لما كنا بنلحن الأناشيد في الإبتدائي .. 2) نانسي رائعة جداً كشخصية إجتماعية لكن عادية جداً كفنانة .. 3) في مجال الغناء نهي أفضل بكثير من نانسي لكن الإنتشار في السودان لا تحكمه الأفضلية و إذا أخدناكـ كمثال يا تنظير أراهن أنكـ حتى لم تسمع بـ ( محمد فيصل الجزار) أحد أفضل الفنانين الشباب حالياً و الذي يعول عليه كثيراً نقل الأغنية السودانية للعالمية.
4) قوم لف
Post: #70 Title: Re: دا شنو دا يا بت عجاج ياخ ؟ Author: singawi Date: 04-14-2011, 06:07 PM Parent: #30
يا عمران
وحات الله وما طالبني حليفة خرمت ليها وقعدت اتلفت زي المودر قلت اضغط للتشغيل وما لقيت محل اضغط ضغطت على الصورة مرقتني في بلداً تاني وبعدين لا يوجد ما يدعو للأسف ياخي فقد أطربتنا والله
تحياتي
وتاني شكيتك على الله
Post: #31 Title: Re: دا شنو دا يا بت عجاج ياخ ؟ Author: وليد عبد اللطيف Date: 04-13-2011, 02:46 PM Parent: #29
طلحة حبيبنا
Quote: بالله يا وليد سريع تعال صادي وريني لأنو رأيك مهم ككابتن كفر حالو من حال كابتن الوتر ..
ماكنت متخيل في يوم من الايام واحد ممكن يغني للراحل المقيم صديق الكحلاوي بالرغم من انه تغنوا لكثير من الفنانيين امثال وردي والجابري وابراهيم عوض حتى الكاشف ذاتو وابوداؤود وعندما سمعت البنية دي بتغني اغنية الكاشف ( شقي ومجنون ) جننتني واندهشت جدا قلت اكيد معناها انا ظلمتها رغم ان بداياتها كانت ضعيفة ومن اليوم داك بقيت اسمع ليها بمزاج لان طريقة غناء الكحلاوي صعبة جدا جدا الليل البشيل الناس بشيلو هموم اقاسي مرارة الوحدة واتامل واشوف يوم بكره كيف ح يكون قالو قالو علي شقي ومحنون انتو لقلبي زاد عمرو وليهو السلوى والمنية جنوني عيون لو شافها عطشان سنين يروى ليه ما اجن وازيد في الجن وانتو جنوني ياحلوين _ بالله ياطلحة الاغنية دي فتشها وجيبها لينا هنا اقول ليك شيء كمان اعتبرها هدية ليك وداعا يافنان ياملازم الكفر والوتر
Post: #33 Title: Re: دا شنو دا يا بت عجاج ياخ ؟ Author: عمران حسن صالح Date: 04-13-2011, 03:17 PM Parent: #31
يا خالد ياخي الناس ديل عايزين يخمونا بالسمع (والشوف) أو حسبما قالو كأنو ما عندنا شوف يعني !!
Post: #34 Title: Re: دا شنو دا يا بت عجاج ياخ ؟ Author: خالد عبد الله محمود Date: 04-13-2011, 03:21 PM Parent: #33
عمران ياخ عليكـ الله ما تقلب على المواجع.. الزولة دي شديدة شدة الحرامي السرق التلفزيون و الناس بتحضر في المسلسل ..
الليلة ووووب أو كما قالت أميرة الشيخ المريخابية
Post: #35 Title: Re: دا شنو دا يا بت عجاج ياخ ؟ Author: singawi Date: 04-13-2011, 03:30 PM Parent: #29
يا عمراااااان
سلام وكلام
زمان جدي الله يرحمو قال لي : الزعلوهو وما زعل ... إضينة ساااااااااااااي أها يا عشاي .. الأطربوهو وما طرب .. برضو جماد ساااااااااااااااي وبعدين يا أخوي البيتو من عجاج .. ما يجدع سنجة بالحجار :)
Post: #36 Title: Re: دا شنو دا يا بت عجاج ياخ ؟ Author: عمر عبد الله فضل المولى Date: 04-13-2011, 06:33 PM Parent: #35
لك التحية اخ طلحة
Post: #37 Title: Re: دا شنو دا يا بت عجاج ياخ ؟ Author: عبدالمجيد الكونت Date: 04-13-2011, 06:44 PM Parent: #36
البوست ده انا اول مرة اشوفه
Post: #38 Title: Re: دا شنو دا يا بت عجاج ياخ ؟ Author: عمران حسن صالح Date: 04-13-2011, 07:43 PM Parent: #37
وقوفكما إتا والأستاذ الموصلي في صف نهي عجاج وتقديركما لأختها دعم قوي لمسيرتهن الفنية ولا شك في ذلك . نهي عجاج تستحق الثناء قطعا فهي لا تختلف كثيرا عن إختها ولا تقل عنها إبداعا لكن الطبع يغلب التطبع يا أستاذنا وقد تطبع وجداني وذوقي على إبداع الكبيرة مع كل الامنيات للصغيرة . إستمعت قبل قليل لأغنية (فلق الصباح) فعدت وإستمعت لها ثانية وكأني أسمعها لأول مرة .. قطع الشك البنية نانسي دي راكبا عفريت مبدع .. علينا وحوالينا ..
Post: #56 Title: Re: دا شنو دا يا بت عجاج ياخ ؟ Author: طلحة عبدالله Date: 04-14-2011, 09:33 AM Parent: #55
ياسر طيفور يا مارق عن الملة تحياتي يا زول كويس
Post: #57 Title: Re: دا شنو دا يا بت عجاج ياخ ؟ Author: طلحة عبدالله Date: 04-14-2011, 09:39 AM Parent: #56
ودو كماين يا سلبطة البكا خشم بيوت يا حبيب عندك بكاء بى نخاخيجو ومخاخيطو وشهقاتو وشحتفتو وعندك بكاء تاني زي الحركة البعملوها النسوان لامن الواحدة تمش تعزى صاحبتا في قريبا الميت قبل خمسة شهور وبعد شوية يقعدن يتضاحكن ويحكن لى بعض في النكت . مافي مقارنة يا مواطن ..
Post: #58 Title: Re: دا شنو دا يا بت عجاج ياخ ؟ Author: singawi Date: 04-14-2011, 11:33 AM Parent: #57
يا عمرااااااااااااان
شكيتك على الله
ياخي المبدعة نهى عجاج دي من اول مرة سمعتها هبشت العصب الحي ولكن ... عملت ساتر لا شعوري حتى لا تشارك السلطانة نانسي فانا لا أميل إلى الشٍرك عشان كدا ومن باب التوحيد السماعي ما فتحت ولا واحد من الفيديوهات الانت منزلها هنا لكنك أجبرتني على سماعها كلما دخلت لهذا البوست وأعترف اني حاولت أكتم الأغنية البتشتغل تلقائياً دي وما عرفت أها يا صاحبي تصالحت مع نفسي وأقنعتها انو إذا جمعت بين الاختين يبقى دا توحيد وانتفاء للشرك وتبقى السلطانة سلطانة ، والمبدعة مبدعة ، والدرويش درويش ، وما الحب إلا للحبيب الاول .. أو كما قال . وتاني شكيتك على الخلقك .. هو أنا ناااااااااااااااااقص ياخي .
Post: #60 Title: Re: دا شنو دا يا بت عجاج ياخ ؟ Author: طلحة عبدالله Date: 04-14-2011, 11:54 AM Parent: #58
بالله يا سنجاوي عمران صالح لصق لينا فيديو بشتغل تلقائيا في البوست ؟ الغريبة أنا بفتح البوست وما بسمع .
Post: #62 Title: Re: دا شنو دا يا بت عجاج ياخ ؟ Author: إدريس محمد إبراهيم Date: 04-14-2011, 12:06 PM Parent: #58
طلحه سلامات أخي الحبيب
نانسي دي زوله فنانه حد الترف ..صوتها يأخذك إلى دنيا من الألق الجميل .. حاجه زي نقر الأصابع لمه ترتاح للموسيقى على قول مصطفى سيدأحمد ... ياخي بصراحه نانسي غير كل المتغولات على الساحه الفنيه ... زوله تعرف جيداً طريقها للقلوب ...
سلمت يا طلحه ....
Post: #59 Title: Re: دا شنو دا يا بت عجاج ياخ ؟ Author: عبداللطيف محجوب Date: 04-14-2011, 11:53 AM Parent: #1
Post: #61 Title: Re: دا شنو دا يا بت عجاج ياخ ؟ Author: singawi Date: 04-14-2011, 12:02 PM Parent: #59
والله يا بن عبيد الله .. وعشان كاتلاني الامانة الداهي البيشتغل تلقائياً دا صوت بس ما فيديو وما عارف النزلو منو وبيشتغل كخلفية للبوست يعني ما عرفت أسكتو ضمة بس كويس اني ما عرفت اسكتو لانو سكتني وقطع شك نهى دي بتريد اختها نانسي والبريد الشيخ انا يا ناس بريدو .. الشيخ سيرووووو
Post: #63 Title: Re: دا شنو دا يا بت عجاج ياخ ؟ Author: سارة علي Date: 04-14-2011, 01:34 PM Parent: #61
يا طلحة ...فكيت درب الكورة ومسكتا درب الغنا؟! الله يستر علينا ويجيب العواقب سليمة خليك في الميادين احسن ليك وسيب الشغلة دي للفاروغ...
Post: #64 Title: Re: دا شنو دا يا بت عجاج ياخ ؟ Author: طلحة عبدالله Date: 04-14-2011, 02:03 PM Parent: #63
إدريس محمد إبراهيم يا ملك
Quote: نانسي دي زوله فنانه حد الترف ..صوتها يأخذك إلى دنيا من الألق الجميل .. حاجه زي نقر الأصابع لمه ترتاح للموسيقى على قول مصطفى سيدأحمد ... ياخي بصراحه نانسي غير كل المتغولات على الساحه الفنيه ... زوله تعرف جيداً طريقها للقلوب ...
القول ما قلت والله لك ولها الإحترام
Post: #65 Title: Re: دا شنو دا يا بت عجاج ياخ ؟ Author: jini Date: 04-14-2011, 02:27 PM Parent: #64
Quote: .. فخيم بتاع شنو يا زول ..؟
حسادتن تولدك البنات! جنى
Post: #66 Title: Re: دا شنو دا يا بت عجاج ياخ ؟ Author: singawi Date: 04-14-2011, 04:47 PM Parent: #65
سمع هسسسسسسسسسسسسس
الكلام ليك يا المنطط عينيك
يا شباب النزل أغنية بهاجر ليك لو أمكن يعدل في صيغة التنزيل البتشتغل تلقائياً دي صحيح الأغنية سمحة ورقاصة وعيونا كباااار بس كمان ما من حقها تنفرد بالرقيص وتمنع أخواتها وبنات عمها الواحد ما قادر يشغل أو ينزل أي فيديو كنموذج أخر وكدا ..
Post: #67 Title: Re: دا شنو دا يا بت عجاج ياخ ؟ Author: طلحة عبدالله Date: 04-14-2011, 05:27 PM Parent: #66
عبد اللطيف محجوب يا بلد كلك ذوق والله حاشا ان تكون مقصود بالبوست المقصود ياخ .
Post: #68 Title: Re: دا شنو دا يا بت عجاج ياخ ؟ Author: طلحة عبدالله Date: 04-14-2011, 05:31 PM Parent: #67
سارة يا بت عمو الكورة هسع ولغاية فترة اخري مقبلة ما فيها ولن تكون فيها مزة مالنا ومال وجع المفاصل ياخ أحسن لينا وجع الوجدان دا على الأقل الواحد بقلل من الحاجات الزاحماهو جوة دي .
Post: #69 Title: Re: دا شنو دا يا بت عجاج ياخ ؟ Author: سارة علي Date: 04-14-2011, 06:04 PM Parent: #68
تنظير!! حالتك بقت صعبببببة.. الله يجيب كاس العالم الجاي سريع ...
Post: #71 Title: Re: دا شنو دا يا بت عجاج ياخ ؟ Author: طلحة عبدالله Date: 04-15-2011, 10:08 AM Parent: #69
يتبع .....
Post: #72 Title: Re: دا شنو دا يا بت عجاج ياخ ؟ Author: محمد البشرى الخضر Date: 04-15-2011, 10:15 AM Parent: #71
Quote: أحسن لينا وجع الوجدان دا على الأقل الواحد بقلل من الحاجات الزاحماهو جوة دي .
_____________
تمبس حمدالله ع السلامة ومشتاقين ياخ يعني معقول بس بس المسافة دي كلها اول رجوع ليك يكون في بوست مكرر مليان تنظير و تكرار لتنظير الشهير بطلحة بتبالغ
