Post: #1 Title: لماذا لا يلاطف الرجل السوداني زوجته Author: ناصر احمد الامين Date: 04-12-2011, 07:16 AM
في احد المولات لاحظت ان معظم الازواج من جنسيات مختلفة كانت مشيتهم فيها حميمة، ماسكين يد بعض، او خاتي يدو في كتفها او علي الاقل يكلمها و عينو في عينها و ابتسامه كبيره.
و فجأه جا واحد سوداني مع زوجتو ماشيين، لو قلت ليكم المسافة البيناتهم كانت 7 متر علي الاقل، ما تستغربو. و كل عشرين خطوه يتلفت عليها (يا وليه ما تتحركي) و المسكينه بتحاول انها تمشي بي اقصي سرعة و يد ماسكه بيها المطبقة و اليد التانية تجرجر في التوب و تتلفت خجلانه من نظرات الناس.
و الخواجة حاضن مرتو و ماشيين الهويني جنبهم، و الزلمه ماخد ركن و وعشره ونسه مع المدام. و المصري و المصريه شابكين ايدينهم و يقزقزو في اللب.
Post: #2 Title: Re: لماذا لا يلاطف الرجل السوداني زوجته Author: قلقو Date: 04-12-2011, 07:22 AM Parent: #1
الأخ ناصر صباحك خير, لايلاطفها ياصديقى لأن الرجل السودانى انشف من النشارة ولأنها بىبساطة كدة ماحتصدقو وحترتاب وتعتقد بأنه يحضر ويجهز لمفاجأة غير سارة.
Post: #4 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 07:32 AM Parent: #2
Quote: ولأنها بىبساطة كدة ماحتصدقو وحترتاب وتعتقد بأنه يحضر ويجهز لمفاجأة غير سارة
هههههههه .... يا قلقو نرجع تاني لي نظرية المأمرة !!!
منظر زي دا عادي ممكن يكون في رحلة و قدام خلق الله كلهم
و دا ممكن يكون في اجعص مول ..... و برضو عادي
Post: #3 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 07:25 AM Parent: #1
في المطارات و عند الوداع أو الاستقبال برضو تحس التعبير عن المشاعر ضعيف جدا وداع رسمي جدا، تعابير الوجه جامدة، النظرات غير ثابته تدل علي قلق و بعض التوتر
مره في مطار ابوظبي شفت سوداني بينو و بين مرتو اكتر من 15 متر و صاري وشو و زهجان و المره المسكينة مجرجره شنطتها وقف قدام مدخل الصالة وأشر ليها علي الكاونتر و اتخارج قلت اكيد بيناتهم مشكلة، لكين لاحقا عرفت انو الراجل دا طريقتو كدا.
____________________________ هي الرجالة دي الا صرصرة وش؟؟؟
مسكينة حواء السودانية
Post: #8 Title: Re: لماذا لا يلاطف الرجل السوداني زوجته Author: مدثر صديق Date: 04-12-2011, 07:44 AM Parent: #3
الاخ ناصر سلام
Quote: مسكينة حواء السودانية
الشايفوا دي مناظر ساي ... بل المسكين ادم السوداني ....
Post: #36 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 10:42 AM Parent: #8
Quote: الشايفوا دي مناظر ساي ... بل المسكين ادم السوداني ....
يا مدثر المناظر دي اهم من الفلم زاتو
Post: #5 Title: Re: لماذا لا يلاطف الرجل السوداني زوجته Author: Asim Fageary Date: 04-12-2011, 07:32 AM Parent: #1
سلام يا ناصر
يا ناصر يعني إنت ما عارف ليه "نحنا كدا"
يا أخوي دا من تربيتنا وتراثنا السوداني ورصيدنا السوداني في علاقات الأسرة
الأب يتونس مع نسوان الدنيا كلهن ويجي البيت يعمل ليكم فيها مدير السجن
برة البيت يعمل فيها هو الرجل الرحيم بالأطفال وفاعل الخير وفي البيت عامل فيها "صول كديت"
الإزدواجية التي يعاني منها السودانيين في علاقاتهم ودا ما ذنبي ولا ذنبك إنت دا ذنب أجيال سبقتنا أنا وإنت وكرست هذه العلاقات التي تفتقد الحميمية
ونكون صريحين نفس هذا الرجل السوداني عندما يتعامل مع بنات ليل ونساء خارج العلاقة الزوجية تلقاهو آخر ظرافة وتحضر وخفة دم مافي بعدها
لكن يا ناصر من هنا وماشي حاول تكرس في الناس الحواليك كيف يتخلوا عن هذه السلوكيات الفظة شوية شوية طبعاً "تدريجياً" عشان ما بقدروا يفارقوها بسرعة يقوم يحصل ليهم عدم توازن ولا يدخلوا "السرايا الصفرا"
تعرف يا ناصر نحنا عندنا مجتمع فيهو فعلاً حاجات غريبة والمفروض تخجلنا مش نفتخر بيها، يا أخي في ناس لو صحيت الصباح وقلت صباح الخير يقولوا ليك مالك في شنو إنت عيان ولا شنو أو يقولوا ليك شوف الحنكشة دي
تقول لي ونسة وشابك يدينو في يدينها وما عارف يعاين ليها في عيونها
غايتو يعاين ليها في عيوناها دي بالذات في ناس عندهم فيها راي عديل كدا
سمعت أحدهم قال بحتار فيمن ينظر لمن يمارس معه الحب في عينيه "فكر فيها كويس وشوف دي شكلها كدا شذوذ !!!)
موضوع خطير لكن الناس بتعمل فيها رايحة
وأنا نفسي غير راضي تماماً عن نفسي وأسعى لتحسين صورة علاقاتي وبحاول لكن طكبعاً إنت عارف في مجتمعنا بنعاني لا بيتغيروا لا بيخلوا العاوز يتغير في حالوا
وما طالبني حليفة مرات المدام ذاتها بتقول لي إنت ما بتخجل؟ دا لو بتونس معاها بطريقة عادية وماخد راحتي أها نلقاها من جوة ولا من برة !!!
ودعتك الله وبجيك تاني
عاصم فقيري
Post: #6 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 07:40 AM Parent: #5
بس اضيف انو لقيت دراسه قام بها طلاب علم النفس في جامعة استون هارفن سأنق منها الاتي:
(وأفاد سيمان ألفن 26 سنة أن الرجل السوداني يعتبر من أكثر الرجال جفافا من حيث نوعية التعبير عن مشاعره تجاه زوجته وانه يكرس كل تفكيره تجاه مسؤولياته الأخرى أصدقاء وغيره وأعمال أخرى يليه بعد ذلك الرجل الخليجي حيث أكدت الرداسة أيضا أن الخليجين هم أيضا من أقل الرجال معاملة حسنة لزوجاتهم بعد الزواج . وبما أن البحث عن حول المشاعر فقد كان الرجل السوداني صاحب النصيب الأكبر من هذا الجانب كما تحدث مك بيبان 26 سنة أن الشاب السودان يكون في مرحلة تحول تام ما بين مرحلة المراهقة والنضوج حيث أن ما يعبر عنه الشاب السوداني ليس إلا طاقات تفرغ بمجرد الالتحاق بقفص الزوجية .. ونحو هذا كله فقد افادت الدراسة أن حواء السودان هي الأكثر ظلما بين نساء العرب حيث أنهن يتمتعن بروح المثابرة والحفاظ على عش الزوجية بخلاف الزوج السوداني الذي لا يعيرهن أي اهتمام ..) المصدر : مجلة مجازين ينيفيرس
Post: #7 Title: Re: لماذا لا يلاطف الرجل السوداني زوجته Author: ALMURADABI Date: 04-12-2011, 07:44 AM Parent: #5
بتفق تماما" مع الاخ فقيري
لكن دا ما بمنع انو في البعض الآخر و لو انهم قلة يعيشون حياتهم بالطول و العرض
يعني انا شفت و برضو في مول في ابوظبي شفت سوداني و زوجته متماسكين و كلامهم همس. و شفت البيأكلها و تأكلو الآيسكريم
طبعا" دا لو في السودان يقولوا ليك بالله شوف الوهم دا أو الناس ديل ما متربيين لأنو تربيتنا (خشنة)
Post: #9 Title: Re: لماذا لا يلاطف الرجل السوداني زوجته Author: منال Date: 04-12-2011, 07:54 AM Parent: #7
Post: #10 Title: Re: لماذا لا يلاطف الرجل السوداني زوجته Author: SHIBKA Date: 04-12-2011, 07:58 AM Parent: #9
Quote: الإزدواجية التي يعاني منها السودانيين في علاقاتهم ودا ما ذنبي ولا ذنبك إنت دا ذنب أجيال سبقتنا أنا وإنت وكرست هذه العلاقات التي تفتقد الحميمية
الخشونة دي ما بتظهر ايام الخطوبة ليه لانو ايام الخطوبة احلى الكلام بتقال مجرد ما اتكتب عقد الزواج كلو راح
ليه؟
Post: #38 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 10:47 AM Parent: #10
Quote: Quote: الخشونة دي ما بتظهر ايام الخطوبة ليه لانو ايام الخطوبة احلى الكلام بتقال مجرد ما اتكتب عقد الزواج كلو راح
ليه؟
الاستاذة شبكة اخبارك واحوالك ولعلك بخير ....تحياتى
لا ادعى اللطافة ولا الخشونة ولكنى كنت اتجمل ايام الخطوبة ......
الاجابة دى كيف معاك...
تحياتى لصاحب البوست الاخ ناصر
او زي ما بقولو المصريين: الحب حاجة و الجواز حاجة تانية خالص
شبكة و حامد تحياتي
Post: #114 Title: Re: لماذا لا يلاطف الرجل السوداني زوجته Author: SHIBKA Date: 04-13-2011, 06:31 AM Parent: #38
الاخ /ناصر
Quote: او زي ما بقولو المصريين: الحب حاجة و الجواز حاجة تانية خالص
دا الكلام البجيب الكلام زااااااااااتو
Post: #12 Title: Re: لماذا لا يلاطف الرجل السوداني زوجته Author: نادر النور آدم Date: 04-12-2011, 08:00 AM Parent: #9
أستاذ ناصر صباح الخير .. ليك التحية المرأة السودانية ليها دور كبير في الحاجة دي .. عن نفسي مقتنع تماماً إنو الرجل يسهل تغييره .. فقط إذا (أرادت) المرأة ذلك
Post: #44 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 11:05 AM Parent: #12
Quote: المرأة السودانية ليها دور كبير في الحاجة دي .. عن نفسي مقتنع تماماً إنو الرجل يسهل تغييره .. فقط إذا (أرادت) المرأة ذلك
لا بالعكس يا نادر المرأه السودانية دي زيها زي اي امرأه في العالم .. كلمه حلوه واحدة بترفعها السما يعني ارضاءها سهل خالص ... و دا المفروض ان الرجل يحاول يعملوا في اسهل من الكلام ؟؟؟ ياخي حتي لو كان كضب. يعني المبادرة مفروض تكون من الرجل عشان يكسر حواجز كتيرة. و شوف النتيجة
Post: #14 Title: Re: لماذا لا يلاطف الرجل السوداني زوجته Author: عبدالله كع Date: 04-12-2011, 08:08 AM Parent: #9
Quote: مسكينة حواء السودانية
لكن ظلمت ادم السوداني .. !!
اعكس الصورة سوف تجد ان حواء السودان بخيله جدا في مشاعرها تجاه ادم السوداني ان البرود الفيها من المشاعر يوازي بوردة القطب الجنوبي ..
ولكن انها اشياءنا التي توارثنها .. اذن لابد من التغير - فلنبداء نحنا لكي يعشيو احفاد اولادي والادك بدفء المشاعر !
Post: #46 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 11:12 AM Parent: #14
Quote: لكن ظلمت ادم السوداني .. !!
اعكس الصورة سوف تجد ان حواء السودان بخيله جدا في مشاعرها تجاه ادم السوداني ان البرود الفيها من المشاعر يوازي بوردة القطب الجنوبي ..
حواء السودانية قد تظهر مشاعرها باشكال مختلفة جدا صينية سمك كااااربة .... دا نوع من المشاعر جذب المرأه للتغير و تحرير جميع انواع التعبير عن مشاعرها يبدأ من الرجل. و لو كانت ما بتعرف ... وريها و لو كانت ما بتقدر ... ساعدها
Quote: ولكن انها اشياءنا التي توارثنها .. اذن لابد من التغير - فلنبداء نحنا لكي يعشيو احفاد اولادي والادك بدفء المشاعر !
فعلا ليس كل ما ورثناه صحيح دعوة جميلة و يا ريت الناس تحاول
اشكرك يا عبدالله
Post: #73 Title: Re: لماذا لا يلاطف الرجل السوداني زوجته Author: Abdulrahman Gorashi Date: 04-12-2011, 04:29 PM Parent: #46
ياشباب الكلام دا ماعندو اي علاقة لا بيمسيك ايادي ولا بوس في الشارع , الشغل دا غريق وابعد من ذلك . التربية الجنسية السودانية ضعيفة جدا بين الأزواج , وتلك نقطة البداية. اتمنى مسار البوست يغرق حبة هنا لانو دا مربط الفرس.
Post: #41 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 10:53 AM Parent: #9
Quote: الرومانسية شي يتعلق بالشخص ولذلك يفتقده البعض وليس الكل ولذلك لانعيب كل النساء بان حياتهن لاحياة بدون الرومانسية
بس حياة مملة وبدون طعم ...
ما اوردته منال في بوست (المشاهده لغير المتزوجات فقط) اتفق معك تماما و لكن رومانسية + تفاهم + حب حقيقي = حياه سعيدة
اشكرك علي الطلة و المشاركة يا منال
Post: #11 Title: Re: لماذا لا يلاطف الرجل السوداني زوجته Author: عوض محمد احمد Date: 04-12-2011, 07:58 AM Parent: #7
الجفاف العاطفى غير موجود. الموجود هو غياب التعبير اللفظى عن المشاعر الحميمة لكن لازواج السودان طرق اخرى فى التعبير و يمكن ان تؤدى الغرض: نظرات الحنان, الهدايا و اظهار القلق عند المرض مثلا صدقونى توجد الحنية و المحنة و المحية الا ان كلمات الحب المباشرة دى تقيلة على لساننا: و لماذا الاصرار عليها اذا كانت هناك وسائل اخرى للتعبير
ثم هناك الخجل الازلى عند المراة السودانية التى تخجل حتى عن ابداء ادنى انفعالاتها اثناء ممارسة الحب, فتغدو تلك الممارسة اشبه باداء امتحان الشهادة السودانية: صمت مطبق و كان القوم ياتون جرما!
Post: #47 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 11:28 AM Parent: #11
Quote: لكن لازواج السودان طرق اخرى فى التعبير و يمكن ان تؤدى الغرض: نظرات الحنان, الهدايا و اظهار القلق عند المرض مثلا
يا عوض لو الواحد عمل دا كلو ... غالبو يدق سدرو و يقول ليها بحبك
أو كما قال ودالامين (اقيف وسط البلد و أهتف بريدك يا صباح عمري)
بالله شوف تعبير (بريدك يا صباح عمري) دا جميل كيف!! حبة زي دي من الصباح تفك بيها ريقك اخير من الف هدية.
Quote: ثم هناك الخجل الازلى عند المراة السودانية التى تخجل حتى عن ابداء ادنى انفعالاتها اثناء ممارسة الحب, فتغدو تلك الممارسة اشبه باداء امتحان الشهادة السودانية: صمت مطبق و كان القوم ياتون جرما!
هههههه ... و دي مشكلة تانية كمان عندي واحد صاحبي عايش في فرنسا، زعلان قال لي منهج التعليم في مدرسة و لدو فيهو (طرق و اساليب ممارسة الجنس). قلت ليهو انت متضايق مالك دي ثقافة جنسية المعرفة بيها مهمه. قال لي و نحن الدرسنا منو؟؟ ما اهو دا جبناهو!!
نحن مشكلتنا زي ما قلت نحن بنمارس الجنس بالخطوات الروتينية و اي محاولة للتجديد او التنظير ممكن تعتبر قلة ادب، شكلنا كدا فوتناعلي نفسنا الكتير من المتعة
اشكر مرورك القيم يا عوض
Post: #13 Title: Re: لماذا لا يلاطف الرجل السوداني زوجته Author: قلقو Date: 04-12-2011, 08:05 AM Parent: #7
الأخ ناصر والأخوة المتداخلون , نحن يا سادتى نجبن ونخاف بل ونخجل من اظهار عواطفنالزوجاتنا واطفالنا, ولعمرى هذا هو احقر انواع الجبن , ونعتبر ان اظهار العواطف الرقيقة هو ضعف ونقص فى الرجولة لا يليق, بينما انا اعتقد العكس تماما فأن الرجل الممتلئ ثقة فى نفسه لا يخجل ابدا من اظهار تلك المشاعر الأنسانية الجميلة . ولا ننسى ان النبى (ص) عليه وسلم كان من ارق الناس تعاملا مع زوجاته .
Post: #15 Title: Re: لماذا لا يلاطف الرجل السوداني زوجته Author: صبري طه Date: 04-12-2011, 08:20 AM Parent: #13
Quote: لماذا لا يلاطف الرجل السوداني زوجته
يا عمّك طيب بوجه السؤال نفسو بعد شقلبتو:
لماذا لا تُلاطف المرأة السودانية زوجها ؟!
شهادة واقعية:: حكى لي أحد أصدقائي أن قريبه متزوج من اثنتين إحداهما سودانية والأخرى مصرية وفي إحدى الجلسات سأل صديقي هذا قريبه عن أيهما تهتم به أكثر ؟
فكانت الإجابة كالآتي:-
لمّا أكون بايت مع المصرية وأنا ماشي الشغل من الصباح بتوصّلني لحدّي خشم الباب وبتكون واقفة جنب الباب لحدّي ما أختفي منها ...
ولمّا أكون بايت مع السودانية بمشي الشغل الصباح وبخلّيها نايمة
دمت بود ،،،
Post: #20 Title: Re: لماذا لا يلاطف الرجل السوداني زوجته Author: طلحة عبدالله Date: 04-12-2011, 08:48 AM Parent: #15
نزل لأسفل
Post: #49 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 11:46 AM Parent: #15
Quote: لماذا لا تُلاطف المرأة السودانية زوجها ؟!
يا صبري الراجل السوداني ما مضمون لو بدت هي في الملاطفة و ما عجبتو و شبكها بطلي قلة ادب و احترمي نفسك و تاني ما تمسكي يدي قدام الناس و اللا ما تنعصري علي شديد كدا !!!
تودي نفسها وين بعد داك ؟؟؟
ياخي قبل الزواج تلاقي الراجل معجب عن رشاقتها و اناقتها و بعدو ... التوب دا شفاف و شعرك ظاهر و الخ ... كمان تلحق تبدأ هي بالملاطفة؟
المصريات مجتمعهم علمهم الكتير من ابداء الشعور الرومانسي تجاه ازواجهم .. و دي حقيقة.
اشكرك صبري
Post: #112 Title: Re: لماذا لا يلاطف الرجل السوداني زوجته Author: SHIBKA Date: 04-13-2011, 06:25 AM Parent: #15
صبري
Quote: شهادة واقعية::
في الشهادة الواقعية الفوق دي المرة الاولى ياتها المصرية ولي السودانية؟؟؟؟
Post: #168 Title: Re: لماذا لا يلاطف الرجل السوداني زوجته Author: ناصر احمد الامين Date: 04-15-2011, 03:09 PM Parent: #112
Quote: في الشهادة الواقعية الفوق دي المرة الاولى ياتها المصرية ولي السودانية؟؟؟؟
هههههههههه دا الكلام البجيب الكلام زاتو يا شبكة
Post: #16 Title: Re: لماذا لا يلاطف الرجل السوداني زوجته Author: عادل الباهي عبدالرازق Date: 04-12-2011, 08:25 AM Parent: #13
الاخ ناصر والمتداخليين سلام
والله لاخير في آدم ولا حواء ، دا يضربوا بيهوا دا .
صديق لي دلف بعد نهاية الدوام وأشتري ورد لزوجتوا من دخل البيت شبكتوا ليك والله
أنت راجل عديم شغلة أسع بعزيق القروش لي شنو . أها دي حالة دي . المشكلة آدم السوداني
عاوز يكون نسخة طبق الاصل من أبية وجدة متناسي أن الزمن ليس الزمن والعصر ليس العصر ،
وحواء السودانية شايفا الشموع والورود و الخروج في الامسيات بعزقة قروش وليس لديها في الرومانسية من شيء زي
خلق الله . وأنا جني وجن تقول لبنت بحبك تقول ليك أنا كمان بلاهي تستكتر فيك كلمة بحبك تندمك تاني تقولا ليها .
Post: #54 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 12:25 PM Parent: #16
Quote: صديق لي دلف بعد نهاية الدوام وأشتري ورد لزوجتوا من دخل البيت شبكتوا ليك والله أنت راجل عديم شغلة أسع بعزيق القروش لي شنو . أها دي حالة دي
هههههه و الله يا عادل الباهي دي ما حاله كلو كلو و اهديك الكاريكاتير دا
Post: #190 Title: Re: لماذا لا يلاطف الرجل السوداني زوجته Author: mayada kamal Date: 05-15-2011, 12:20 PM Parent: #16
Quote: وأنا جني وجن تقول لبنت بحبك تقول ليك أنا كمان بلاهي تستكتر فيك كلمة بحبك .
الاخ عادل تحايا نواضر..........
رد الفتاة بــ (وأنا كمان) رد يدل على بعض الخجل فهو اعتراف لكن بطريقة غير مباشرة، عندما لا يملك الشخص الجرأة لتكرار كلمة الحب والله اعلم !!!!!!!
Post: #17 Title: Re: لماذا لا يلاطف الرجل السوداني زوجته Author: حامد محمد حامد Date: 04-12-2011, 08:26 AM Parent: #13
Quote: الخشونة دي ما بتظهر ايام الخطوبة ليه لانو ايام الخطوبة احلى الكلام بتقال مجرد ما اتكتب عقد الزواج كلو راح
ليه؟
الاستاذة شبكة اخبارك واحوالك ولعلك بخير ....تحياتى
لا ادعى اللطافة ولا الخشونة ولكنى كنت اتجمل ايام الخطوبة ......
الاجابة دى كيف معاك...
تحياتى لصاحب البوست الاخ ناصر
Post: #113 Title: Re: لماذا لا يلاطف الرجل السوداني زوجته Author: SHIBKA Date: 04-13-2011, 06:30 AM Parent: #17
الاخ/ حامد
Quote: لا ادعى اللطافة ولا الخشونة ولكنى كنت اتجمل ايام الخطوبة ......
الاجابة دى كيف معاك...
اها شفتا الاجابة دي زاتها سبب البوست دا كلو من اولو لاخرو
ومنتظرين اخرو هسة
Post: #18 Title: Re: لماذا لا يلاطف الرجل السوداني زوجته Author: Manar Mahsoub Date: 04-12-2011, 08:27 AM Parent: #13
الرجل السودانى عندو وش مخصوص بيركبو فى عتبة البيت اول ما يجى داخل ....لزوم انا راجل و كده..و ده طبعا من اهم سماته الصرة الشديدة ...و بيقلعو برضو فى عتبة البيت و هو طالع بس السيمه بتكون الابتسامة من الاضان للاضان ...ما عارفه ليه الراجل السودانى ( مش كلهم طبعا بس الغالبية) بيعتقد انو بعد العرس التعبير عن المشاعر بيقلل من رجولته ...لحدما الزوجة المسكينة نست معنى الكلمة الحلوة و بقت لمن تسمعها تستغرب و تشك انو ناوى ليه على حركة كده و لا كده ....غايتو المأذون ده ما عمل فينا فايدة
Post: #19 Title: Re: لماذا لا يلاطف الرجل السوداني زوجته Author: ismeil abbas Date: 04-12-2011, 08:36 AM Parent: #18
تباينت ألأراء....والمرأة أعزها عمومآ لأنها ألأم وألعمة والخالة والأخت والزوجة...ألآطفها وأمزح معها حينما يكون وقت ذلك
وهذا التصرف يعتمد على تربية ألأسرة وما وجده الشخص من تعامل والديه.
لك التحية أخ/ ناصر والمتداخلين.
Post: #21 Title: Re: لماذا لا يلاطف الرجل السوداني زوجته Author: طلحة عبدالله Date: 04-12-2011, 08:51 AM Parent: #19
تحياتي لصاحب البوست وضيوفه
Quote: لماذا لا يلاطف الرجل السوداني زوجته
لو خليتني السؤال دا فيه تحامل وتعسف ع الرجل السوداني خاصة لما تتبعه المقارنة بين الازواج من جنسيات أخري وكأنك تقرر أن الرجل السوداني متبلد أومتجرد من المشاعر الرومانسية، وبهذا عليك أن تتقبل إجابة تحمل ذات التلميحات مثل : (لأنه لا يجد الإلهام) ويعني أن الزوجة السودانية تفتقد للإلهام الذي يحفز زوجها للبوح والإفصاح عن مشاعره الحميمة كما تفعل الأخريات من جنسيات مختلفة وهكذا .. لكن ومن جهة أخري التعبير عن الحب ليس مجرد تماسك بالأيدي وحركات في الشارع وقدام الناس.. لا أستبعد أبدا أن يكون السوداني الذي لا يمسك يد زوجته أحن وألطف وأكثر حراره في مشاعره ناحيتها من ذلك الذي (يتلببها) أمام الناس . السوداني بطبعه خجول لذلك يعجز عن التعبير عما يجيش بدواخله حتى ولو كان بركان ثائر كما يفعل ذلك الخواجات ومن لف لفهم. من وجهة نظري ان الإحترام التى تجده المرأة السودانية من زوجها قبل وبعد الزواج لا تجده أية زوجة من أي جنس آخر في العالم مع التأكيد بأن ( لكل قاعدة شواذ).
Post: #23 Title: Re: لماذا لا يلاطف الرجل السوداني زوجته Author: Amira Elsheikh Date: 04-12-2011, 09:17 AM Parent: #21
ياناصر فى حالة كونك رومانسي او تحلم برومانسية سودانية خالصة مافيها شق ولا طق ... بهديك وزوار البوست الصورة .. قبل كدا صاحبتى نزلت الصورة دى صم وير وقالت نفسها تموت وتشوف منظر زى دا فى السودانن
اكيد حارجع ليك ..
Post: #67 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 02:12 PM Parent: #23
قبل كدا صاحبتى نزلت الصورة دى صم وير وقالت نفسها تموت وتشوف منظر زى دا فى السودانن
السودان في المطره ظروفو براها يا أميره الزول يمسك المرا و اللا يرفع الجلابية و الا يتزاوغ من الحفر ؟؟ دا اذا افترضنا الشارع ما (طين) والا الهم الاول بكون حذر الانزلاق.
المطر دا الذ جو رومانسي ما زلنا محرومين منو حتي يتم اصحاح البيئه بالسودان.
__________ صوره معبره
Post: #26 Title: Re: لماذا لا يلاطف الرجل السوداني زوجته Author: doma Date: 04-12-2011, 09:49 AM Parent: #21
Quote: ويعني أن الزوجة السودانية تفتقد للإلهام الذي يحفز زوجها للبوح والإفصاح عن مشاعره الحميمة كما تفعل الأخريات من جنسيات مختلفة وهكذا
انت عارف كلامك دا فيه جزء من الحقيقه وبرجع لتربيتنا واعرافنا انه اظهار الحميميه عيب عامه وبخاص امام اعين الناس . تعودنا ان نتخذ دورا سالبا يعني لازم المبادره تكون من الراجل .
Post: #68 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 02:33 PM Parent: #26
Quote: اظهار الحميميه عيب عامه وبخاص امام اعين الناس . تعودنا ان نتخذ دورا سالبا يعني لازم المبادره تكون من الراجل
ماما دومة حبابك شوفي الزول دا اعتذر لي مرتو كيف؟ فيديو اهداء خاص ليكي
Post: #66 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 01:57 PM Parent: #21
Quote: لو خليتني السؤال دا فيه تحامل وتعسف ع الرجل السوداني خاصة لما تتبعه المقارنة بين الازواج من جنسيات أخري وكأنك تقرر أن الرجل السوداني متبلد أومتجرد من المشاعر الرومانسية
حبابك يا طلحة انا لما كتبت عنوان البوست كان في رأي ان المبادرة للملاطفة في العلاقة الزوجية تكون علي عاتق الرجل و خصوصا في حالتنا السودانية الخاصة. طبعا اتفق معك ان هنالك الكثير من الزوجات المتبلدات شعوريا و لا يستطعن التعبير عن ابسط احساس. هناك بعض العادات الاجتماعية الضارة (الطهارة الفرعونية مثلا) ساهمت في تضليل و تشويه الشعور الطبيعي للمرأة.
Quote: مثل : (لأنه لا يجد الإلهام) ويعني أن الزوجة السودانية تفتقد للإلهام الذي يحفز زوجها
يعني الواحد يخت شرط جديد للحصول علي زوجة: ان تكون ملهمة
Quote: السوداني بطبعه خجول لذلك يعجز عن التعبير عما يجيش بدواخله حتى ولو كان بركان ثائر كما يفعل ذلك الخواجات ومن لف لفهم.
نفس السوداني الخجول دا ممكن تلاقيهو في قمة الرومانسية و اندياح مع عشيقتو!! فأين ذهب الخجل؟؟؟
اشكرك يا طلحة علي مداخلتك الثره
Post: #22 Title: Re: لماذا لا يلاطف الرجل السوداني زوجته Author: خالد عبد الله محمود Date: 04-12-2011, 09:08 AM Parent: #19
سيمان ألفن ( 26 سنة ) يجد الرجل السوداني الأكثر جفافاً في التعبير عن مشاعره لأن سيمان ألفن ( 26 سنة) يعتقد أن محمد أحمد السوداني يعبر عن مشاعره بنفس طريقة سيمان ألفن ( 26 سنة) !!
Post: #24 Title: Re: لماذا لا يلاطف الرجل السوداني زوجته Author: ابراهيم قناوي Date: 04-12-2011, 09:17 AM Parent: #22
Quote: الجفاف العاطفى غير موجود. الموجود هو غياب التعبير اللفظى عن المشاعر الحميمة لكن لازواج السودان طرق اخرى فى التعبير و يمكن ان تؤدى الغرض: نظرات الحنان, الهدايا و اظهار القلق عند المرض مثلا صدقونى توجد الحنية و المحنة و المحية الا ان كلمات الحب المباشرة دى تقيلة على لساننا: و لماذا الاصرار عليها اذا كانت هناك وسائل اخرى للتعبير
والبروف جاب النجيضة
تحياتي ليك يا ناصر
والمتداخلين
Post: #25 Title: Re: لماذا لا يلاطف الرجل السوداني زوجته Author: قيقراوي Date: 04-12-2011, 09:31 AM Parent: #24
Quote: قبل كدا صاحبتى نزلت الصورة دى صم وير وقالت نفسها تموت وتشوف منظر زى دا فى السودانن
المافي شنو!؟ صورة عادية جداً .. ما عارف المميز فيها شنو؟ ما شايفة المطرة انت؟
-----
ناصر يا عمك .. براك تفتش للشبك!! انت يا اخوي متين خرجوك من السرايا؟ ياكا الراجع في ي ي مسماك بعد فتحت عش الدباببير دا
Post: #27 Title: Re: لماذا لا يلاطف الرجل السوداني زوجته Author: Sabri Elshareef Date: 04-12-2011, 10:06 AM Parent: #25
الاخ \ ناصر يرجع للتربية عموما ولا تتغير الا بتغيير المنهاج التربوي الاسروي والتعليمي
اسالك اسئلة في نفس المجال ؟؟
لماذا المجتمع منعزل رجاله عن نسائه
احضر كل اتنين ندوة في النادي السوداني ابو ظبي من اناس في نظري متقدمين جميع الاجتماعات ليس فيها امراة واحدة لماذا؟؟
حضور الرجل من غير زوجته او بنته او اخته او قريبته او صديقته او حبيبته لعمل عام؟؟؟
في الرحلات لماذا تجلس النساء في مكان منعزل كان الذي بينهن وبين من قدموا الدعوة لهن مش خير ؟؟؟
الرقيص في الغناء او الحفلات لماذا ترقص النساء لوحدهن والرجال لوحدهم؟؟؟
في الاغية لا تظهر تعابير بعض المرات او في الكثير من الاحيان رغم ان الاغنية راقصة حد التعب ؟؟؟
تحياتي الطيبة
Post: #31 Title: Re: لماذا لا يلاطف الرجل السوداني زوجته Author: طارق جبريل Date: 04-12-2011, 10:14 AM Parent: #27
انتو جربتوا وهن قالن لا كدي واحد فيكم يوما ساي كدي يسميهو يوم الريدي ويشتريلو وردة ان شاء الله ألت حسكنيت ويدخل عليها ويديها كلمتين حلوات ولا بعد ياكل يقوم وهو ماشي يغسل يدينو ويقطع فيها بوسة ويقول ليها شكرا على الغداء الحلو دة ولا يقولها يلاكي نتمشى شوية ويحضنها ويمرق كدي سووا ديل وتعالوا قولولي الحصل شنو ما تقعدوا تلصقوا الشي في ربونا ومجتمعنا كسروا الحاجات دي يمين يبقالي الشغل ما تمشولوا
Post: #90 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 08:04 PM Parent: #31
Quote: انتو جربتوا وهن قالن لا كدي واحد فيكم يوما ساي كدي يسميهو يوم الريدي
و الله فكره مجنونة يا طارق
رايكم شنو يا شباب؟؟؟؟؟؟
Post: #116 Title: Re: لماذا لا يلاطف الرجل السوداني زوجته Author: SHIBKA Date: 04-13-2011, 06:46 AM Parent: #31
طارق
Quote: انتو جربتوا وهن قالن لا كدي واحد فيكم يوما ساي كدي يسميهو يوم الريدي ويشتريلو وردة ان شاء الله ألت حسكنيت ويدخل عليها ويديها كلمتين حلوات ولا بعد ياكل يقوم وهو ماشي يغسل يدينو ويقطع فيها بوسة ويقول ليها شكرا على الغداء الحلو دة ولا يقولها يلاكي نتمشى شوية ويحضنها ويمرق كدي سووا ديل وتعالوا قولولي الحصل شنو ما تقعدوا تلصقوا الشي في ربونا ومجتمعنا كسروا الحاجات دي
جبت الكلام من الاخر
ودائما تعودنا ان الراجل هو المبادر
خلي الرجال يبادروا بالكلام القالوا طارق دا ونشوف بعد داك الغلط وين
Post: #89 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 08:01 PM Parent: #27
Quote: يرجع للتربية عموما ولا تتغير الا بتغيير المنهاج التربوي الاسروي والتعليمي
صبري الشريف .. في اخر جلسه في الكورنيش اعتقد الموضوع دا كان من ضمن النقاش و اتفق معك فيما اشرت اليه.
Post: #28 Title: Re: لماذا لا يلاطف الرجل السوداني زوجته Author: هواري نمر Date: 04-12-2011, 10:10 AM Parent: #25
Quote: ناصر يا عمك .. براك تفتش للشبك!! انت يا اخوي متين خرجوك من السرايا؟ ياكا الراجع في ي ي مسماك بعد فتحت عش الدباببير دا
قيقا يا أخــوي
كونستلو (سراياب) لآخونا ناصر , الحالة متأخرة جداً , يرجي عمل اللازم لووووووووووووووولز
Post: #29 Title: Re: لماذا لا يلاطف الرجل السوداني زوجته Author: قلقو Date: 04-12-2011, 10:11 AM Parent: #25
Quote: تعودنا ان نتخذ دورا سالبا يعني لازم المبادره تكون من الراجل.
دور المرأة هنا ماسلبى يادوما فالمبادأة والمبادرة يجب ان تكون من الرجل .(قانون الطبيعة بيقول كدة).
Post: #87 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 07:54 PM Parent: #25
Quote: ناصر يا عمك .. براك تفتش للشبك!! انت يا اخوي متين خرجوك من السرايا؟ ياكا الراجع في ي ي مسماك بعد فتحت عش الدباببير
Quote: قيقا يا أخــوي كونستلو (سراياب) لآخونا ناصر , الحالة متأخرة جداً , يرجي عمل اللازم لووووووووووووووولز
الزعيم قيقا و هواري انتو الجابكم من هناك شنو؟؟
و وينو منو كدا جبريل ما جا معاكم؟؟
___________________________ تايسا دي ما شايفة شغلها صاح
Post: #85 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 07:47 PM Parent: #24
Quote: والبروف جاب النجيضة
تحياتي ليك يا ناصر
والمتداخلين
اشكرك علي المرور و ابداء الرأي يا ابراهيم لكين البروف دا ما عصر علينا شديد
Post: #78 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 06:38 PM Parent: #22
Quote: سيمان ألفن ( 26 سنة ) يجد الرجل السوداني الأكثر جفافاً في التعبير عن مشاعره لأن سيمان ألفن
طيب الدراسه دي من غير اسماء و اعمار صحيحة و اللا غلط؟
خالد عبد الله رايك مهم.. تحياتي
Post: #60 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 12:47 PM Parent: #18
Quote: ما عارفه ليه الراجل السودانى ( مش كلهم طبعا بس الغالبية) بيعتقد انو بعد العرس التعبير عن المشاعر بيقلل من رجولته ...لحدما الزوجة المسكينة نست معنى الكلمة الحلوة و بقت لمن تسمعها تستغرب و تشك انو ناوى ليه على حركة كده و لا كده
ذكرتيني مقال كتبو واحد سعودي عن صاحبو الحاول يعمل مقلب في زوجتو بأدعاء الرومانسية بعد ما شاهد برنامج في التلفزيون . مقال لذيذ جدا بحاول انزلو هنا... شكرا يا منار و المأذون دا تاني اعملو حسابكم منو
Quote: وهذا التصرف يعتمد على تربية ألأسرة وما وجده الشخص من تعامل والديه.
فعلا يا اسماعيل للتربية اثر واضح و لكن هناك حالات شاذة، تلاقي و احد من اعرق الاسر و متربي تربية ممتازة و هو بعيد عن الحاجات دي كلها
Post: #30 Title: Re: لماذا لا يلاطف الرجل السوداني زوجته Author: Mohammed Awad Date: 04-12-2011, 10:14 AM Parent: #13
مالى اراكم تتكلمون نيابةعنى؟ (كسودانى طبعآ)
سؤال:
is it a must that I have to show everyone ?that I love my wife by hugging & kissing her in public
We got to have a look on our Islamic traditionals sometimes as we have been mind control by this kind of mental poisons
you guy's are now been converted to be following the western cultures I pray for you sometimes hopefully you might change your mind when you think this way
I hope I was clear
Post: #32 Title: Re: لماذا لا يلاطف الرجل السوداني زوجته Author: doma Date: 04-12-2011, 10:29 AM Parent: #30
Quote: انتو جربتوا وهن قالن لا
اي والله انا دي يا طارق ولدي ابيت بالله واحد المقابضه الفي السهله دي وحاتك قهرتو ونهرتو لما بقي سوداني راسو عدييييل . اها شبحتو ما قدر شبحتي تجيب بيها سته سبعه شبحات والعجب ان لقيت لي دكان هدوم ووقفت اتفرج الا تشوفو من هناك ياشر بيدينواسرعي اسرعي وانا الحركه دي بتجيب كثافتي لو خالتك لقت ليها طبنجيه الساعه ديك كان جاتو طاااااخ
Post: #33 Title: Re: لماذا لا يلاطف الرجل السوداني زوجته Author: طارق جبريل Date: 04-12-2011, 10:34 AM Parent: #32
يا خالة ياخي كل شي بالمهلة عادي ممكن يدخل معاك ويديك رأيو في الشي العايزة تشتريهو انت بس كدي اديهو فرصة يطلع حاجاتو
Post: #34 Title: Re: لماذا لا يلاطف الرجل السوداني زوجته Author: حبيب نورة Date: 04-12-2011, 10:39 AM Parent: #33
بإختصار نحن شعب جاف جداً وما بنعرف نتعامل مع الجنس الآخر
Post: #93 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 08:28 PM Parent: #34
Quote: بإختصار نحن شعب جاف جداً وما بنعرف نتعامل مع الجنس الآخر
يعني ..... مره مره كدا!!
حبيب الشرق و الغرب و مصر المؤمنة ... سلامات
Post: #35 Title: Re: لماذا لا يلاطف الرجل السوداني زوجته Author: هواري نمر Date: 04-12-2011, 10:42 AM Parent: #33
Quote: وانا الحركه دي بتجيب كثافتي لو خالتك لقت ليها طبنجيه الساعه ديك كان جاتو طاااااخ
طبنجة عديل يا ماما دوما لووووووووووووووولز يعني ولدك ناصر ده, يشيل ويصلح للبنوت الرومانسية والراجل ما لطيف وما عارف شنو ؟؟ و تجي في الاخر شايلة طبنجة غياتو فقعتيني بالضحك هههههههههه كيفنك وعلك بخير..؟
Post: #37 Title: Re: لماذا لا يلاطف الرجل السوداني زوجته Author: Manal Awad Khugali Date: 04-12-2011, 10:45 AM Parent: #35
Quote: اعكس الصورة سوف تجد ان حواء السودان بخيله جدا في مشاعرها تجاه ادم السوداني ان البرود الفيها من المشاعر يوازي بوردة القطب الجنوبي ..
لا حولااااااا
Post: #39 Title: Re: لماذا لا يلاطف الرجل السوداني زوجته Author: محمد المرتضى حامد Date: 04-12-2011, 10:52 AM Parent: #37
Quote: بإختصار نحن شعب جاف جداً وما بنعرف نتعامل مع الجنس الآخر
التعميم مخل وغير علمي يا حبيب نوره، ياخ إنت خليت إسمك عشانا، وقالوا بتحلف بيها، بناتنا يستاهلن.. يستاهلن كل لطف وملاطفة.. هسه منو البيتحملنا غيرهن؟
- يستاهلن..
Post: #43 Title: Re: لماذا لا يلاطف الرجل السوداني زوجته Author: doma Date: 04-12-2011, 11:03 AM Parent: #37
Quote: بخيله جدا في مشاعرها تجاه ادم السوداني
انا غايتوا معترفه ما عندي اي مشاعر مشتته بالسهله وجافه عديل كدا المهم زوجي مقتنع اني انفع مارشال عندو حركه لما اصرف ليه اوامر يقطع تعظيم يقول Aye aye Madam. يا جماعه الله الرقه نجيبها من وين؟؟؟ ياهو ا للقيناه قدامنا عيب يا بتي خلي عندك حياء اها الحياء بتاعنا فات الحد بقي جفاف عاطفي
Post: #94 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 08:32 PM Parent: #37
Quote: لا حولااااااا
عبدالله لكين ما قدر دا !!!
منال ليك حق تتخلعي
تحياتي ليك و سلام شديد للملكة مني
Post: #40 Title: Re: لماذا لا يلاطف الرجل السوداني زوجته Author: Abdullah Idrees Date: 04-12-2011, 10:53 AM Parent: #35
بوست رائع .. طبعا الرجل والمراءة في السودان الاتنين مسئولين ، وكما ذكر المتداخلون التربية بتاعتنا ليها دور كبير ، الامور حاليا بدت تتغير شوية . لكن يا خوانا انا وزوجتي في السوق او في اي حتة عامة ماشين نجيب حاجة ونجي في داعي اقعد " اكتِل في عويناتي لي مرتي " ؟؟ اصل البيت ياخي ... بصراحة انا شايف انو الملاطفة والمداعبة لمن تكرر طوالي كده حا تبقى حاجة عادية وحا نفقد احساسنا الاول بيها وممكن تتحول لسلوك ممل ومبتذل لا اقصد الونسة والهزار طبعا فهذه لا يمكن ان تستقيم الحياة الطبيعة بدونها ، اقصد اظهار عواطف الحب والحركات بتاعة المسلسلات دي . تحياتي ناصر والجميع
Post: #95 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 08:48 PM Parent: #40
Quote: لكن يا خوانا انا وزوجتي في السوق او في اي حتة عامة ماشين نجيب حاجة ونجي في داعي اقعد " اكتِل في عويناتي لي مرتي " ؟؟ اصل البيت ياخي ...
ههههه ... انت من زمن الملاطفة بي كتيل العوينات ؟؟
ذكرتني نكتة الزول الكان مغترب من السبعينات و رجع السودان لاول مره لاقي ليهو بت حلوه فحب يشاغلها قال ليها: وين يا تتي ... حمامكم بدي و اللا بعضي البت قالت ليهو: سجمي سجمي انت الزمن دا كلو كنت وين؟؟
Quote: بصراحة انا شايف انو الملاطفة والمداعبة لمن تكرر طوالي كده حا تبقى حاجة عادية وحا نفقد احساسنا الاول بيها وممكن تتحول لسلوك ممل ومبتذل
بالعكس ممكن تبقي روتين نافع جدا .... المشكله انو نحن ما جربنا، خلينا نجرب
اشكرك يا عبدالله ادريس علي المداخلة الجميلة
Post: #45 Title: Re: لماذا لا يلاطف الرجل السوداني زوجته Author: عثمان رضوان Date: 04-12-2011, 11:10 AM Parent: #35
Quote: بإختصار نحن شعب جاف جداً وما بنعرف نتعامل مع الجنس الآخر
الرجاء عدم التعميم.
وأعتقد أن مداخلة الأخ محمد عوض تحتاج لقراءة متأنية. أشكره عليها
تحياتي يا الأخ ناصر وشكراً على البوست.
Post: #96 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 08:51 PM Parent: #45
Quote: تحياتي يا الأخ ناصر وشكراً على البوست.
اشكرك يا اخ عثمان علي المرور و التعليق ياخي ابقي ظاهر
Post: #92 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 08:19 PM Parent: #32
Quote: ابيت بالله واحد المقابضه الفي السهله دي وحاتك قهرتو ونهرتو لما بقي سوداني راسو عدييييل
يا ماما دومة مشروع البوست دا حا يبوظ بالطريقة دي
Post: #91 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 08:11 PM Parent: #30
Quote: is it a must that I have to show everyone ?that I love my wife by hugging & kissing her in public
It is not a matter of kissing or hugging, it is just to show how much you respect, care and love. The reasonable method will depend on you
Thanx for sharig ideas ya Nohammed
Post: #48 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 11:32 AM Parent: #13
Quote: نحن يا سادتى نجبن ونخاف بل ونخجل من اظهار عواطفنالزوجاتنا واطفالنا, ولعمرى هذا هو احقر انواع الجبن , ونعتبر ان اظهار العواطف الرقيقة هو ضعف ونقص فى الرجولة لا يليق, بينما انا اعتقد العكس تماما فأن الرجل الممتلئ ثقة فى نفسه لا يخجل ابدا من اظهار تلك المشاعر الأنسانية الجميلة . ولا ننسى ان النبى (ص) عليه وسلم كان من ارق الناس تعاملا مع زوجاته .
يا سلام علي الكلام
Post: #42 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 10:59 AM Parent: #7
Quote: يعني انا شفت و برضو في مول في ابوظبي شفت سوداني و زوجته متماسكين و كلامهم همس. و شفت البيأكلها و تأكلو الآيسكريم
داكلام سليم يا الموردابي انا مره زرت واحد سوداني في بيتو و كانت زوجتو مريضة استغربت جدا من الجو العاملو في البيت ما خلي ليها حاجة .. رعاية كاملة و كلام رقيق و رمانسية في قمتها و ما شغال بي وجودي الشغلة وعرفت انو اخد اجازة عديل كدا عشان يكون معاها في البيت
__________________________ تخيل كان عندها التهاب بس
Quote: طبعا" دا لو في السودان يقولوا ليك بالله شوف الوهم دا أو الناس ديل ما متربيين لأنو تربيتنا (خشنة)
وفي احتمال كبير انو ناس النظام العام يلقوا عليهم القبض
Post: #50 Title: Re: لماذا لا يلاطف الرجل السوداني زوجته Author: Amira Elsheikh Date: 04-12-2011, 11:46 AM Parent: #42
اي والله انا دي يا طارق ولدي ابيت بالله واحد المقابضه الفي السهله دي وحاتك قهرتو ونهرتو لما بقي سوداني راسو عدييييل . ______________________________________________________________________________
مرمي الله ما بترفع يا ماما ...ياها بقت عليك حكاية الزول البرفس النعمة ..
Post: #52 Title: Re: لماذا لا يلاطف الرجل السوداني زوجته Author: Nasruddin Al Basheer Date: 04-12-2011, 12:02 PM Parent: #50
بوست انصرافي
Post: #100 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 09:18 PM Parent: #52
Quote: بوست انصرافي
ماذا تريد ايها الفارس المدجج ؟؟
Post: #55 Title: Re: لماذا لا يلاطف الرجل السوداني زوجته Author: elsawi Date: 04-12-2011, 12:29 PM Parent: #50
سلام يا ناصر وسلامات لضيوفك الكرام ومشكور على البوست الهادف داير احكي ليك قصة لطيفة حصلت معاي قبل ثلاثة سنوات كنت في مطار Washington Dulles لإستقبال زوجتي و ابني و ابنتي وكانوا في اجازة في السودان في المطار في محل لبيع الزهور يطل على صالة القدوم، فقلت لي نفسي " كدي يا ابو الصيو اعمل ليك حركة ظريفة كده و استقبل اولادك بباقة زهور زي باقي خلق الله ديل" اها قمت اشتريت لي باقة ورد لزوجتي و بالونات مكتوب عليها Welcome back للأولاد ووقفت منتظرهم يطلعوا، اها كان في واحد سوداني بعاين لي شديد وانا ما اهتميت بيهو وقلت يمكن مشبهني وكلما اعاين في اتجاهو القاهو مبحلق فيني في الآخر جاء و سألني: الأخ سوداني؟ قالت ليهو نعم سوداني وقام سلم علي وعرفني بي نفسو و عرفتو بي نفسي، فقام قال لي انا من قبيل قلت الواقف ده شكلو سوداني وكنت داير اجي اسلم عليك لكن الورد الشايلو ده جهجهني!!
Post: #101 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 09:29 PM Parent: #55
Quote: لكن الورد الشايلو ده جهجهني!!
ههههههههههه ياالصاوي ضحكتني و الله
يعني حتي منظر زول سوداني شايل زهور دي صعب استيعابها ؟؟
Post: #56 Title: Re: لماذا لا يلاطف الرجل السوداني زوجته Author: ASHRAF MUSTAFA Date: 04-12-2011, 12:31 PM Parent: #50
سلام يا ناصر الغريبة ما جا واحد قال كله من الحكومة ههههههههههههههههههكحكحكحهههههههههههههههه اعتقد (الشمس الحارقة) بتلعب دور في الموضوع ده والسخانة في السودان بتزهج الواحد والتعب...الخ لكن الحمد لله عندنا الوضع مختلف في أوربا والجو الباااااارد بخليك دائمآ منتشي وفرش وغصبآ عنك بتكون حالم ورومانسي ومرات شاعر كمان إلا أن تكون دقة قديمة لا تجدد حياتك دومآ للأفضل بعدين ما كل السودانيين في السودان كده لكن ربما الأغلبية ودي فعلآ مشكلة للمرأة البوست ده ممكن يطلع بخارطة طريق واضحة المعالم تدي الناس دفعة للرومانسية والحب المفرط والتغيير نتمنى أن يكون دائمآ في تغيير للأفضل تجاه الزوجة ونتمنى أن نكون أفضل شعب يعامل المرأة في العالم
Post: #102 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 09:40 PM Parent: #56
Quote: اعتقد (الشمس الحارقة) بتلعب دور في الموضوع ده والسخانة في السودان بتزهج الواحد والتعب...الخ
يعني التعبير عن المشاعر علي حسب حالة الطقس و اللا شنو يا اشرف؟
Quote: الغريبة ما جا واحد قال كله من الحكومة
ياخي الحكومه الفيها مكفيها ... يعني نكون نحن و اسرائيل عليها
Quote: البوست ده ممكن يطلع بخارطة طريق واضحة المعالم تدي الناس دفعة للرومانسية والحب المفرط والتغيير نتمنى أن يكون دائمآ في تغيير للأفضل تجاه الزوجة ونتمنى أن نكون أفضل شعب يعامل المرأة في العالم
Post: #51 Title: Re: لماذا لا يلاطف الرجل السوداني زوجته Author: نور الدين عثمان Date: 04-12-2011, 11:56 AM Parent: #42
اغلب الكلام عن برودة وجدية المراة السودانية صحيح واضيف : بعد الزواج ومجى الاطفال يكون كل اهتمامها انصب اتجاه رعاية اطفالها ويكون صاحبنا فى اخر الاولويات اما بجد اللحظات الحميمية ديك فهى فى اخر اخر الاهتماماتها وربما اعتقادا منها بانه مادام البيت مرتب والاطفال مهتمين بيهم فهذا كل شى يعنى يالحبيب دورك انتهى بمجى الاطفال ونرجوا التركيز على ماكلهم ومشربهم وتعليمهم ووووو الخ اما انت فنوم نومك عشان تصحى بدرى وتواصل جريك ياتور الساقية .
Post: #53 Title: Re: لماذا لا يلاطف الرجل السوداني زوجته Author: طلحة عبدالله Date: 04-12-2011, 12:15 PM Parent: #51
تحياتي وتقديري يا دومة
Quote: لازم المبادره تكون من الراجل
اها دي الحاجة الوحيدة المفروض ما تقتصر المبادرة فيها على الرجل دون المرأة الرومانسية وإظهار مشاعر الحب يبنغي أن تكون المبادرة بها متاحة للطرفين وخيرهما هو من يبدأ بالملاطفة . غريبة والله أن تطالب المرأة بالمساواة مع الرجل في كل شىء إلا في إبداء مشاعر الحب واللطافة.
Post: #59 Title: Re: لماذا لا يلاطف الرجل السوداني زوجته Author: صبري طه Date: 04-12-2011, 12:36 PM Parent: #53
Quote: ناصر أحمد الأمين: يا صبري الراجل السوداني ما مضمون لو بدت هي في الملاطفة و ما عجبتو و شبكها بطلي قلة ادب و احترمي نفسك و تاني ما تمسكي يدي قدام الناس و اللا ما تنعصري علي شديد كدا !!!
الخوف يقول ليها يا ولية إنتي ما كويسة ولاّ شنو دة إذا ما رجّعها بيت أهلها طلقانة
Post: #108 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 06:03 AM Parent: #59
Quote: الخوف يقول ليها يا ولية إنتي ما كويسة ولاّ شنو
و الحكاية دي حصلت بالجد يا صبري
Post: #106 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 05:54 AM Parent: #53
Quote: الرومانسية وإظهار مشاعر الحب يبنغي أن تكون المبادرة بها متاحة للطرفين وخيرهما هو من يبدأ بالملاطفة .
طلحة للمرأه السودانية عدة اساليب للتعبير عن المشاعر و للأسف اغلب الرجال بمر عليها مرور الكرام (داقس و اللا قاصد) كونك تجي داخل البيت و تلاقي ريحة البخور عامله جو لطيف او الغدا كل يوم متنوع (علي قدر الفي) و الذ .. الذ .. الذ ملاية السرير نظيفة و مفرشه بي عناية
دي امثلة بس، و المرأخ السودانية قادرة علي ابتكار المزيد و الجديد و نسبة المقصريين في الحته دي قليلة جدا.
و بأفتراض ان الكلمة الحلوة هي جرعة طاقة معنوية كاملة دي المبادرة الانا بقصدها من الرجل.
Post: #57 Title: Re: لماذا لا يلاطف الرجل السوداني زوجته Author: الصادق صديق سلمان Date: 04-12-2011, 12:34 PM Parent: #51
غايتو ياناصر اقول ليك حاجة
دي نحن اتعلمناها زي ماقال اخونا عاصم فقيري من اجدادنا ياخي انا حبوباتي الاتنين مافيهم واحدة اكلت مع اجدادي الاتنين في صحن واحد لمن ماتوا كلهم الله يرحمهم جميعاً لمن ياكل هو حتى بعدين تاكل ما بتقى من اكله او تعمل ليها صينية جديدة المهم هي بطريقتها بعدين طيب انا اجيب الحنان والرومانسية من وين ياااااااخ
سلام
الصادق
Post: #109 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 06:11 AM Parent: #57
Quote: ياخي انا حبوباتي الاتنين مافيهم واحدة اكلت مع اجدادي الاتنين في صحن واحد لمن ماتوا كلهم الله يرحمهم جميعاً لمن ياكل هو حتى بعدين تاكل ما بتقى من اكله او تعمل ليها صينية جديدة المهم هي بطريقتها بعدين طيب انا اجيب الحنان والرومانسية من وين ياااااااخ
و دي في حد زاتها نوع من انواع اظهار مشاعر الحب عبر الاحترام الزمن اتغير يا مان ...
اشكرك يا الصادق
Post: #58 Title: Re: لماذا لا يلاطف الرجل السوداني زوجته Author: منال Date: 04-12-2011, 12:34 PM Parent: #51
واقع نعيشه في السودان كثير من الرجال مابتعاملو مع زوجاتهم برومانسية وواقع مماثل له ايضا بعض من النساء السودانيات فيهن غلظة وحدة كبيرة جداً وماليهم اى صلة بالرومانسية وفى نظرهم الرومانسيه عيب
عموما مشكلة الرومانسية والتعامل عند الأسرة السودانية تحتاج علاج من الجزور وتربية اجيال عليها ,,,,
Post: #61 Title: Re: لماذا لا يلاطف الرجل السوداني زوجته Author: محمد المرتضى حامد Date: 04-12-2011, 12:50 PM Parent: #58
يا ناصر حبيبنا، معليش، نسيت أحييك في مداخلتي السابقة لأنك - كما قال عمر الحاج موسى - ما غبت عن البال ولم ترحل عن الذاكرة..
-
Post: #111 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 06:23 AM Parent: #61
Quote: معليش، نسيت أحييك في مداخلتي السابقة
حبيبنا محمد المرتضي .. منتظرين جيتك للامارات و ياريت تدينا وقت اطول ... الجلسه معاك و الونسة هداوة بال ياخي.
الله يديك العافية و المزيد من الجمال
Post: #62 Title: Re: لماذا لا يلاطف الرجل السوداني زوجته Author: معاوية المدير Date: 04-12-2011, 12:50 PM Parent: #58
ســـــــلآم يا ناصر، ما شاء الله شايف دكانك زباينو كُتار. تصدق مرّة وآحد ماسكني في التكسي في مشوار لآفي بي للساعة 4 صباحاً، العداد عمل أكتر من 200$ بعد دآك قال لي: وديني البيت الولية بتكون نامت. تصدق!!!؟ أها ده خوآجة، تلآقيهو الصباح في المولآت مكنكش في إيدها اليوم كلوا وقدر ما يلقى فرقة يقطع فيها بوسة. يا اخوي نحن وآقعيين بالحيل. والله صحي...
Post: #63 Title: Re: لماذا لا يلاطف الرجل السوداني زوجته Author: ادريس خليفة علم الهدي Date: 04-12-2011, 12:56 PM Parent: #62
Post: #64 Title: Re: لماذا لا يلاطف الرجل السوداني زوجته Author: عبد اللطيف السيدح Date: 04-12-2011, 01:12 PM Parent: #63
نقلة كويسة في التفكير
جزي الله الاسافير الخير الكتير
Post: #115 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 06:31 AM Parent: #62
Quote: وديني البيت الولية بتكون نامت
هههه يا معاوية زولك دا بكون عندو مشكلة في الجهاز الهضمي. و النوع دا بكتر من مسك الايدين و البوسات الختافية و التلصق و الكثير من الابتسامات.
___________________________________ و انت زاتك البشغلك بالليل شنو؟
Post: #153 Title: Re: لماذا لا يلاطف الرجل السوداني زوجته Author: Huda AbdelMoniem Date: 04-14-2011, 01:46 AM Parent: #115
Quote: و انت زاتك البشغلك بالليل شنو؟
علشان ما يكون معاها بالليل و يقضى النهار كلة نايم و المساء يطلع يشتغل
انا ضد الشغل بالليل و النوم بالنهار لكن معليش هو اكيدزول مسؤل و اكيد بحب اسرتة و مجبور على شغل الليل انشاء اللة ما تخزلنى
Post: #65 Title: Re: لماذا لا يلاطف الرجل السوداني زوجته Author: قيقراوي Date: 04-12-2011, 01:17 PM Parent: #58
Quote: و سألني: الأخ سوداني؟ قالت ليهو نعم سوداني وقام سلم علي وعرفني بي نفسو و عرفتو بي نفسي، فقام قال لي انا من قبيل قلت الواقف ده شكلو سوداني وكنت داير اجي اسلم عليك لكن الورد الشايلو ده جهجهني!!
ما هو دا البجنن بوبي بني كجة!؟ تخسر وطنيتك عديييييل عشان يرضى عنك ناصر الامين!؟ اصلو ما ممكن!!
عن طبارك الذي ليس بيده شئ انه قال عندما سئول عثمان بشرى عن الحب، قال : الحب محرج
رواه قيقاراوي
Quote: لماذا لا يلاطف الرجل السوداني زوجته
يا ناصر ما في داعي للاحراج .. بطل اسئلة تعسفية ياخ! بعدين رومانسية بتاع الساعة كم؟ اقصد العمر/ المرحلة / الظروف الاقتصادية / الوضع الاممي .. اللخ اللخ!؟ الحاجات دي ما مهمة؟ طواااالي و من الكل متوقع نفس المقدار/النوع!؟ سم سانين .. ما هو المعيار؟
-----
في حوار كدا - ايميل هو، سودنتي انا دا - كان لميت فيو بجيبو ليك .. المافي شنو!؟ هو حوار - او قول حوارين - بين عريس و عروس .. و بعد زي سنة كدا مما تعدون ..
Post: #69 Title: Re: لماذا لا يلاطف الرجل السوداني زوجته Author: Hani Arabi Mohamed Date: 04-12-2011, 02:58 PM Parent: #65
المشكلة في المرأة السوادنية
ولكل قاعدة ......
Post: #117 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 06:49 AM Parent: #69
كاريكاتير الوردة يا ادريس دا واقع محير جدا فعلا الواحدة الما متعوده علي الدلال، اول ما تاخد منو جرعات بسيطة، بيبدا القلق و الخوف و الشك يا ربي الراجل دا مالو؟ اشكرك ادريس
Quote: نقلة كويسة في التفكير جزي الله الاسافير الخير الكتير
التقي جيل الاسافير بجيل التضحيات كل شي موجود ياالسيدح بس البقنع الديك منو؟؟ اشكرك علي الطلة و المشاركة
Quote: في حوار كدا - ايميل هو، سودنتي انا دا - كان لميت فيو بجيبو ليك .. المافي شنو!؟ هو حوار - او قول حوارين - بين عريس و عروس .. و بعد زي سنة كدا مما تعدون ..
و علي ايميلي طوالي ... بليز يا زعيم
Quote: المشكلة في المرأة السوادنية ولكل قاعدة ......
ما ممكن يا هاني نحمل المرأه السودانية كل الاسباب الرجل يتحمل اكتر من نصها في اعتقادي و برضو ممكن نقول المشكلة في الرجل و لكل قاعدة .... تحياتي يا فنان
Post: #70 Title: Re: لماذا لا يلاطف الرجل السوداني زوجته Author: عبدالله كع Date: 04-12-2011, 03:23 PM Parent: #65
. . . . صومنا وصومنا . وصوووووووووووووومنا ..................... وفطر جيل التسعينيات علي بصله
لمن شطح نطح !
Post: #110 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 06:14 AM Parent: #58
Quote: واقع نعيشه في السودان كثير من الرجال مابتعاملو مع زوجاتهم برومانسية وواقع مماثل له ايضا بعض من النساء السودانيات فيهن غلظة وحدة كبيرة جداً وماليهم اى صلة بالرومانسية وفى نظرهم الرومانسيه عيب
عموما مشكلة الرومانسية والتعامل عند الأسرة السودانية تحتاج علاج من الجزور وتربية اجيال عليها ,,,,
Post: #71 Title: Re: لماذا لا يلاطف الرجل السوداني زوجته Author: نوفل عبد الرحيم حسن Date: 04-12-2011, 03:25 PM Parent: #51
التربية الاولي والمجتمع نحن اتربينا انه تشلت اختك ( الاكبر منك ) لانك راجل .. المرأه ذاتها اتربت علي العين الحمراء والقهر لما نجي لحتة ( بعد) الزواج لازم الراجل يبقي عينو حمراء ويهرش البيت كلو اي تراخي منو الزوجه بتعتبرو زول ضعيف واضينه ساكت . وطوالي بتخت سرجها فيهو وتركب حتي وصية الام ليها .. ختي سرجك قبال يخت سرجو نجي لي حتة المجتمع من حولنا .. ابسط مثال .. وشي بشاهدو دائما . لما نقعد بالمساء في شارع النيل مثلا ويجوا عرسان مشبكين يديهم والعروس لابسه لحدي الركبه بس .. اقل تعليق بصدر من الشباب بالله شوف العورا ديل متماسكين كيف ؟ خايفها تروح منو ؟ شوفوها ذاتها لابسه كيف ما بغير الزول دا ؟
..............
كل كلامي الفوق دا بنطبق علي البعض وليس الكل ... لانه الجمع والتعميم مخل
Post: #72 Title: Re: لماذا لا يلاطف الرجل السوداني زوجته Author: قيقراوي Date: 04-12-2011, 03:54 PM Parent: #71
قلنا ليك ملاطفة بتاع الساعة كم؟ كان لجنس دا .. ياما في الحبس مظاليم .. شلنا الشنط و حمنا وراهن لمن شالوا حالنا غايتو بعد دا الا تكون عيانة و متوكة كلو كلو
Post: #74 Title: Re: لماذا لا يلاطف الرجل السوداني زوجته Author: نادية عثمان Date: 04-12-2011, 04:31 PM Parent: #72
Quote: مفاهيم قناة النيل الأزرق .. وكمال آفرو يا رومانسي وشفاف ! بقلم / نادية عثمان مختار بعكس الرجل المصري يُقال عن الرجل السوداني أنه لا يعرف أو يستحي من أن يُعبّر عن مشاعره للمرأة عن طريق الغزل الكلامي ! وإن كان يقوم بأشياء (فعلية) ليصل حبه للمرأة عبر الافعال وليس الاقوال ! الرجل المصري ينادي زوجته بكلمة ( حبيبتي) و( روحي) وغيرها من المفردات الحميمة ، بينما الرجل السوداني نادراً مايفعل ذلك ! هكذا يشاع عن الرجل في السودان بأنه ( مُتجهّم) ولا يعرف دروب الرومانسية التي إن شق طريقها فستوصله للسعادة الحقيقية مع شريكة حياته لا محالة ! هذا هو الفهم السائد لدى بعض النساء عن الرجال لدينا ، وفي حلقة متميزة من برنامج ( للنساء والرجال) الذي تقدمه قناة النيل الأزرق عبر المذيعة المتألقة (نجود حبيب ) كان النقاش غاية في التشويق والموضوعية والحدة أيضاً ، حيث تركز حول معايير نجاح الحياة الزوجية ، وكيف يُعامل الرجل زوجته بما يُسهم في إنجاح الشراكة ، ودوام الإستقرار بينهم ؛ وقد كان ضيوف تلك الحلقة المتميزة هم سيدة وأستاذة جامعية شابة ومن الرجال كان الضيوف الأستاذ الرياضي المطبوع كمال آفرو والفنان المبدع الكوميدي محمد المهدي الفادني ؛ وبحق كانت تلك الحلقة رغم مافيها من حدة خاصة في النقاش بين الاستاذة الشابة ( عفواً لا أذكر أسمها ) وبين الأستاذ كمال والذي إستحوذ على معظم الحلقة بذكائه وتعليقاته التي إتخذت طابع القفشات اللطيفة والسخرية في بعض الأحيان ! وأضحكني الرجل عندما كان يقاطع المذيعة وهي تتحدث بلغة رقيقة عن أهمية (الرومانسية والشفافية) في حياة الزوجين فيقول لها آفرو فيما معناه وهو يضحك ( بتعجبني غايتو الكلمات بتاعة شفافة ورومانسية والحاجات دي ) ! والأستاذ كمال الذي يمتاز بثقافته العالية ولباقته وخفة دمه الشديدة يُمثل كثير من الرجال الذين يحملون في قلوبهم الكثير من المشاعر الجياشة والرقة المتناهية لشريكات حياتهم وحبيباتهم، ولكنه من نوع الرجال الذين يستحون من التصريح بذلك قولاً ، ولكنهم يعبّرون عنه فعلاً ، حتى لو كان ذلك بتقديم هدية مثلاً ( غويشة دهب) أو ( طقم عشاء) ! ودون شك أن الأستاذ آفرو هو ابن جيله وثقافته ونشأته وبيئته ولكن نموذجه لا يُمثل كل رجال السودان بالطبع ، خاصة شباب هذا الزمان الذين يحتفلون بأعياد الحب ويبذلون كل ما في جيوبهم لشراء الورود الحمراء والدباديب للمحبوبة ! رجال هذه الأيام وشريحة الشباب خاصة قد سهلت لهم شركات الإتصالات بكافة مسمياتها وسائل التلاقي عبر الهواتف النقالة ورسائل الإس أم أس بالإضافة لما سهلته وسائل التكنولوجيا الحديثة ؛ مما جعل التواصل بين ( آدم وحواء) السودان سهلاً ، وبالتالي تغيرت لغة الصمت والخجل من البوح بمشاعر الحب كثيراً وأصبح الحديث عنها بدون مؤاربة ولا ( كبكبة) ! يقيني أن الرجل السوداني يحمل بين طيات قلبه كل الأحاسيس الجميلة وهو شاعر بطبعه وإن لم يكتب الشعر ولكنه جياش وفياض في مشاعره مهما أخفى بعضها أو إستحى من قولها لمن يحب ! الرجل السوداني رقيق وشفاف ومرهف حد الثمالة ، وأكثر ما يميزه صدق المشاعر ، وحرارتها ، ويظهر ذلك في كل تصرفاته تجاه شريكة حياته أو حبيبته ! كلمة ( حبيبتي) لا يقلها الرجل السوداني كثيراً ولكنه إن قالها فهو لا يفعل ذلك إعتباطا أو من باب (التعود) كما يفعل الرجل المصري مثلا ! فهو أن نطق بها فهي حقيقية في الغالب ومن سويداء قلبه ( من جووووة) ! الرجل السوداني ( حنين) والمرأة تقطّر حناناً وتتدفق حباً وصدقاً لمن تحب ! وأذكر أن صديقة مصرية قالت لي يوماً بخصوص اللهجة السودانية أنها تتميز بـ ( الغنج اللذيذ) والحنية المتدفقة خاصة في طريقة كلام النساء السودانيات مقارنة معهن هن المصريات وضربت لي مثلا بقولها إن المراة عندما يناديها زوجها في مصر تُجيب أما بـ ( نعم) أو ( أيوة) ؛ لكن المرأة السودانية عندما يُناديها زوجها أو حتى والدها أو شقيقها تجدها ترد على ندائه وهي تجر وتمط الكلمة بغنج غير متعمد في ردها هكذا ( أأأأأي) أو ( هوووووى) أو( شنوووووو) ! هي ملاحظة جيدة عزيزي القاريء تؤكد حنية المرأة السودانية ، وكأمرأة متيقنة من حنية الرجل في بلادي سواء كان الأب أو الأخ أو الزوج ويظل السودان بلد ( الحُنان) رغم كل شيء ! التحية لقناة النيل الأزرق وللمذيعة الجميلة المتألقة نجود حبيب ولمنتج البرنامج الصديق محمد عكاشة ولكامل طاقم القناة المتميزة 1 و يا آفرو يا (شفاف) لك مليون تحية !
( نقلاً عن أجراس الحرية)
سلام أستاذ ناصر وضيوفه الكرام
عجبني الموضوع وكنت كاتبة العمود ده في نفس السياق فحبيت أشارك بيهو في البوست !
تسلموا كلكم يارب
Post: #122 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 07:39 AM Parent: #74
Quote: عجبني الموضوع وكنت كاتبة العمود ده في نفس السياق فحبيت أشارك بيهو في البوست ! تسلموا كلكم يارب
و اقبس بعض ما كتبته الاستاذه نادية
Quote: آدم وحواء) السودان سهلاً ، وبالتالي تغيرت لغة الصمت والخجل من البوح بمشاعر الحب كثيراً وأصبح الحديث عنها بدون مؤاربة ولا ( كبكبة) ! يقيني أن الرجل السوداني يحمل بين طيات قلبه كل الأحاسيس الجميلة وهو شاعر بطبعه وإن لم يكتب الشعر ولكنه جياش وفياض في مشاعره مهما أخفى بعضها أو إستحى من قولها لمن يحب ! الرجل السوداني رقيق وشفاف ومرهف حد الثمالة ، وأكثر ما يميزه صدق المشاعر ، وحرارتها ، ويظهر ذلك في كل تصرفاته تجاه شريكة حياته أو حبيبته ! كلمة ( حبيبتي) لا يقلها الرجل السوداني كثيراً ولكنه إن قالها فهو لا يفعل ذلك إعتباطا أو من باب (التعود) كما يفعل الرجل المصري مثلا ! فهو أن نطق بها فهي حقيقية في الغالب ومن سويداء قلبه ( من جووووة) ! الرجل السوداني ( حنين) والمرأة تقطّر حناناً وتتدفق حباً وصدقاً لمن تحب !
شكرا علي الكلام الحقاني يا استاذة
Post: #75 Title: Re: لماذا لا يلاطف الرجل السوداني زوجته Author: Abdulrahman Gorashi Date: 04-12-2011, 04:33 PM Parent: #72
ياشباب الكلام دا ماعندو اي علاقة لا بيمسيك ايادي ولا بوس في الشارع , الشغل دا غريق وابعد من ذلك . التربية الجنسية السودانية ضعيفة جدا بين الأزواج , وتلك نقطة البداية. اتمنى مسار البوست يغرق حبة هنا لانو دا مربط الفرس.
Post: #76 Title: Re: لماذا لا يلاطف الرجل السوداني زوجته Author: بله محمد الفاضل Date: 04-12-2011, 04:55 PM Parent: #75
الأعزاء جميعاً ومبتدر هذا الخيط سلام ومحبة
البذار في أي شيء بخربو راسو عديل خير الأمور منتصفها يعني لا تكتر لا تبخل بتمشي الأمور في توازن ولكل مقام مقاله
تقسيم الحياة إلى فقرات يجعلها غنية جداً وممتعة يعني غرفة النوم للعواطف بكامل تفاصيلها المطبخ لممارسة فنون الطبخ مع تقديم الدعم المادي والمعنوي ما أمكن ذلك الجلوس العادي في المنزل لابد فيه من ممارسة الجد والمزاح والعطف ... الخ كل في مكانه ووقته الخروج إلى أي مكان يتطلب الإمساك بالعيال والانتباه لهم ولا بأس من مساندتها والإمساك بيدها والمشي جنباً إلى جنب متى ما أتيح ذلك وهكذا وهكذا
Post: #77 Title: Re: لماذا لا يلاطف الرجل السوداني زوجته Author: Hani Arabi Mohamed Date: 04-12-2011, 05:17 PM Parent: #76
المشكلة في المجتمع كله،ـ
تربية تعلم الناس على ازدواجية في التعامل ، وبناء شخصيتين متناقضتين ، التقول الناس كلها عندها انفصام
بعد داك للأسف عندما تظهر رومانسيتك ، وتظهر مشاعرك ، يتم استغلالها أسوأ استغلال ،
والتعامل معها على أساس أنها دليل ضعف واستستلام يتيح للطرف التاني يتفسح فيك
:)
Post: #79 Title: Re: لماذا لا يلاطف الرجل السوداني زوجته Author: ismeil abbas Date: 04-12-2011, 06:50 PM Parent: #77
أخ/ناصر سكنت عندك فى هذا البوست...أسمح لى.
أخ/نورالدين......لك التحية.
Quote: بعد الزواج ومجى الاطفال يكون كل اهتمامها انصب اتجاه رعاية اطفالها ويكون صاحبنا فى اخر الاولويات اما بجد اللحظات الحميمية ديك فهى فى اخر اخر الاهتماماتها وربما اعتقادا منها بانه مادام البيت مرتب والاطفال مهتمين بيهم فهذا كل شى يعنى يالحبيب دورك انتهى بمجى الاطفال ونرجوا التركيز على ماكلهم ومشربهم وتعليمهم ووووو الخ اما انت فنوم نومك عشان تصحى بدرى وتواصل جريك ياتور الساقية .
فتحت بوست فى السابق بعنوان المرأة بعد ما تلد الجنى ما بتدى الهنا..ناقدأ لكلام الممثل حمدنا الله عبدالقادر فى برنامج مع د/البونى ....وألأولاد ليس هم العائق إذا كانت الحياة ألأسرية مبنية على التفاهم والحب وألأحترام..وكل شىء ممكن يتم بنظام...
ولكن أصل المشكلة كما قلت سابقآ فى تربيتنا ودائمآ المشاعر الظاهرة تسمى قلة أدب..حتى كلمة أحبك ويا حبيبى وياحبيبتى.
المفردة العاطفية مفقودة ويجب ان نتناولها بين أولادنا حتى لا تكون غريبة عليهم ويمكن إستعمالها بعد ذلك بسهولة.
خالص التقدير وألأحترام للجميع.
Post: #80 Title: Re: لماذا لا يلاطف الرجل السوداني زوجته Author: حمد عبد الغفار عمر Date: 04-12-2011, 07:15 PM Parent: #79
الأخ ناصر والزوار
سلام
Quote: لماذا لا يلاطف الرجل السوداني زوجته
في البيت ما في مشكلة
لكن في الشارع والأماكن المفتوحة شين وما ليهو لزوم
لأنو الناس في الشارع ديل كلهم ما بكونوا متأكدين أنكم أزواج
وبالتالي ممكن تلاحقكم نظرات الريبة والأفكار السالبة
Post: #133 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 01:38 PM Parent: #80
Quote: في البيت ما في مشكلة لكن في الشارع والأماكن المفتوحة شين وما ليهو لزوم لأنو الناس في الشارع ديل كلهم ما بكونوا متأكدين أنكم أزواج وبالتالي ممكن تلاحقكم نظرات الريبة والأفكار السالبة
خلينا نبدا من البيت و بعدين نشوف الحاصل شنو اقتراح كويس يا حمد عبدالغفار .... اشكرك
Post: #81 Title: Re: لماذا لا يلاطف الرجل السوداني زوجته Author: عوض محمد احمد Date: 04-12-2011, 07:18 PM Parent: #79
حد ينزل لينا اغنية طه سليمان ذات الصلة الكبيرة بموضوع البوست: لو فاكرة ريدتنا زى مهند و نور تبقى مجنونة و عايزة دكتور
Post: #132 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 01:28 PM Parent: #79
Quote: أخ/ناصر سكنت عندك فى هذا البوست...أسمح لى.
و نحن لاقينك وين يا اسماعي عباس
Quote: ولكن أصل المشكلة كما قلت سابقآ فى تربيتنا ودائمآ المشاعر الظاهرة تسمى قلة أدب..حتى كلمة أحبك ويا حبيبى وياحبيبتى. المفردة العاطفية مفقودة ويجب ان نتناولها بين أولادنا حتى لا تكون غريبة عليهم ويمكن إستعمالها بعد ذلك بسهولة
لك الود والتقدير
Post: #82 Title: Re: لماذا لا يلاطف الرجل السوداني زوجته Author: عبد الباقي الجيلي Date: 04-12-2011, 07:20 PM Parent: #77
أخوي ناصر وضيوفه الأكارم ...
تحيات نديات ...
وشكراً على البوست المهم والجميل في آن ...
قد لا تصدقوا لو قلت لكم ... أنني وبعد قراءة أغلب المداخلات كدت أشك في سودانيتي ... لأن الأمر مختلف عندي جداً والله ...!!
والوصفة بسيطة جداً وسهلة جدنين !!!!
بس قبل ما أقولها ... أذكر كيف قدمت د. عفاف الصادق حمدالنيل إحدى قصائدها المهداة للأستاذ عركي مساء الجمعة الماضية عندنا هنا في الرياض ... فقد اقتضى جلوس الضيوف أن يكون الأستاذ عركي في مكان ما .. موارباً نوعاً من د. عفاف ... وعندما أرادت تقديم قصيدتها أوضحت أن ذلك الأمر يتطلب توجيهها إليه مباشرة ثم بحثت عنه وقالت بعفويتها المعهودة : لكن إنتو دسيتوهو مني وين؟ وشرعت في إلقاء واحدة من أروع ما كتب في رسائل الحب والغرام ... بوضوح وشفافية تحسد عليهما... هكذا يكون الحب!!!
أعود فأقول أن الوصفة بسيطة وسهلة ::
لا تفوت فرصة للتعبير عن إعجابك بأمر ما قامت به .. ولو كانت إعداد كوب شاي ... حتى على سبيل المزاح ... وبالطبع فذلك يشمل لبسها ... تسريحتها ... إلخ ... حاول أن تطبع على خديها قبلة عند الصباح ... يعني وإنت قايم من النوم وماشي الشغل ... وإن لم يكن على خدها فلتكن على جبينها فتلك تشمل الاحترام مع المحبة .. إن استكثرت على نفسك كلمة أحبك ... فلتكن مثلاً ... الله يحفظك ... ربنا يقدرني على جزاك ... ربنا يخليك لينا أنا والأولاد ... ولتكن جاداً بعض الشيء ... قدم لها هدية في يوم ذكرى زواجكما ... ليس بالضرورة أن تحتفلا ... فقط هدية بسيطة ... صدقني سيكون لها وقع جميل جداً ... أرسل لها رسائل محبة على الجوال بين فترة وأخرى ... ستسغرب الأمر في أوله ... لكن مع التكرار ستعرف أنك تعني ما تقول ... وسوف تبادر هي إلى مجاراتك ... إذا دخلت البيت وهي في المطبخ تعد الأكل وعرقانة وحالتها بالبلاء .. ضمها إليك وأنت تطبع على جبهتها قبلة قائلاً : الليلة العسل عامل لينا شنو على الغداء؟ أو شيء من هذا القبيل .. فذلك يجعلها تشعر أنك تقبلها على علاتها ... وتأثيره فعال جداً احك لها قصصاً عن عملك ... ولو كانت تفاصيل قد لا تهمها كثيراً لكن اشركها فيها ... واسألها رأيها في بعض ما قد يعرض لك من مشاكل في العمل حتى وإن لم تأخذ برايها ... اشركها فقط .. للدين أثر فعال ... حاول أن توقظها لصلاة الفجر ... إن كنت أنت تفعل ذلك ... وإن صليتما معاً .. اطلب منها أن تدعو هي في نهاية الصلاة ... كلما أهمك أو غمك أمر ... اسألها أن تدعو لك ... وفهمها أنك تؤمن ببركة دعوتها ... اذكر أهلها دائماً بالخير ... وحاول خلق علاقة جيدة معهم ... وخاصة أمها ... وإن كان هناك ما يشوب علاقتك بهم فلا تذكر الأمر أمامها أبداً إلا مضطراً ... الأمر الأكثر أهمية ... هو محاولة جعل المعاشرة الزوجية أكثر رومانسية... وليس ذلك بالأمر الصعب ... فالمرأة قد تكتفي بالمداعبة التي فيها شيء من الود والمحبة أكثر من المعاشرة الباردة ...
والله من وراء القصد وهو يهدي السبيل ...!!!
Post: #83 Title: Re: لماذا لا يلاطف الرجل السوداني زوجته Author: عوض محمد احمد Date: 04-12-2011, 07:43 PM Parent: #82
طبعا لا مجال للملاطفة او حتى اظهار اى قدر من المشاعر الحميمة فى الشارع: فقانون النظام العام فيه مواد تطالب الازواج بابراز القسيمة متى ما راؤا ذلك
Post: #136 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 01:54 PM Parent: #83
Quote: طبعا لا مجال للملاطفة او حتى اظهار اى قدر من المشاعر الحميمة فى الشارع: فقانون النظام العام فيه مواد تطالب الازواج بابراز القسيمة متى ما راؤا ذلك
نحن حالتنا صعبة جدا في السودان يا عوض، و الله لو لقوك ماشي براك و خاتي يدك في جيب البنطلون الورا ممكن يعتقلوك.
Post: #84 Title: Re: لماذا لا يلاطف الرجل السوداني زوجته Author: ismeil abbas Date: 04-12-2011, 07:45 PM Parent: #82
Quote: حاول أن تطبع على خديها قبلة عند الصباح
تسلم أخى عبدالباقى فقد اتيت بالمفيد......وهناك من تقوم معك حتى الباب وتدع لك وفعلآ الكلمة الطيبة مفعوله سريع واكيد.. ربنا يحفظ لك أسرتك يارب....
Post: #86 Title: Re: لماذا لا يلاطف الرجل السوداني زوجته Author: علاء الدين صالح Date: 04-12-2011, 07:48 PM Parent: #82
الحبيب/ باشمهندس ناصر تحيّاتي
بوست كَر وفَر زي الورد، بيذكِّرني بمدينة البريقة
تخلّيها تحت سيطرة الثوّار.. تطلع مشوار وترجع تلقاها بقت تحت سيطرة كتائب القذّافي
( حذاء المرأة لم يُخلق ليكون محط إعجاب الرجال جميعاً.. بل ليكون مصدراً لسعادة رجل واحد ) - مثل أنغولي -
Post: #88 Title: Re: لماذا لا يلاطف الرجل السوداني زوجته Author: Balla Musa Date: 04-12-2011, 08:00 PM Parent: #86
أغنية سودانية جديدة تقول:
لو عايزا نبقى زى مهند ونور تبقى عيانه ودايرا ليك دكتور
Post: #137 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 01:59 PM Parent: #86
Quote: بوست كَر وفَر زي الورد، بيذكِّرني بمدينة البريقة تخلّيها تحت سيطرة الثوّار.. تطلع مشوار وترجع تلقاها بقت تحت سيطرة كتائب القذّافي
كااااااااك ...ههههه و الله ليك وحشه يا مان
كن بخير يا صديقي
Post: #134 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 01:46 PM Parent: #82
Quote: تفوت فرصة للتعبير عن إعجابك بأمر ما قامت به .. ولو كانت إعداد كوب شاي ... حتى على سبيل المزاح ... وبالطبع فذلك يشمل لبسها ... تسريحتها ... إلخ ... حاول أن تطبع على خديها قبلة عند الصباح ... يعني وإنت قايم من النوم وماشي الشغل ... وإن لم يكن على خدها فلتكن على جبينها فتلك تشمل الاحترام مع المحبة .. إن استكثرت على نفسك كلمة أحبك ... فلتكن مثلاً ... الله يحفظك ... ربنا يقدرني على جزاك ... ربنا يخليك لينا أنا والأولاد ... ولتكن جاداً بعض الشيء ... قدم لها هدية في يوم ذكرى زواجكما ... ليس بالضرورة أن تحتفلا ... فقط هدية بسيطة ... صدقني سيكون لها وقع جميل جداً ... أرسل لها رسائل محبة على الجوال بين فترة وأخرى ... ستسغرب الأمر في أوله ... لكن مع التكرار ستعرف أنك تعني ما تقول ... وسوف تبادر هي إلى مجاراتك ... إذا دخلت البيت وهي في المطبخ تعد الأكل وعرقانة وحالتها بالبلاء .. ضمها إليك وأنت تطبع على جبهتها قبلة قائلاً : الليلة العسل عامل لينا شنو على الغداء؟ أو شيء من هذا القبيل .. فذلك يجعلها تشعر أنك تقبلها على علاتها ... وتأثيره فعال جداً احك لها قصصاً عن عملك ... ولو كانت تفاصيل قد لا تهمها كثيراً لكن اشركها فيها ... واسألها رأيها في بعض ما قد يعرض لك من مشاكل في العمل حتى وإن لم تأخذ برايها ... اشركها فقط ..
دي خارطة طريق عديل كدا !!! ...... اشكرك استاذ عبد الباقي و سعيد بمرورك و الكلام الجميل
Post: #131 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 01:19 PM Parent: #77
Quote: تربية تعلم الناس على ازدواجية في التعامل ، وبناء شخصيتين متناقضتين ، التقول الناس كلها عندها انفصام بعد داك للأسف عندما تظهر رومانسيتك ، وتظهر مشاعرك ، يتم استغلالها أسوأ استغلال ، والتعامل معها على أساس أنها دليل ضعف واستستلام يتيح للطرف التاني يتفسح فيك
اذا مفاهيمنا للاشياء دي كلها غلط التناقض اصاب جزئية كبيرة من مجتمعنا لا بد ان نعتق افكارنا بأراده زاتية و المقتنع ينفذ طوالي و مايشتغل بالناس مافي حل.
شكرا هاني
Post: #193 Title: Re: لماذا لا يلاطف الرجل السوداني زوجته Author: SAMIR IBRAHIM Date: 05-15-2011, 11:52 PM Parent: #131
يا ود اخوي شفنا زيجات لبعض الاخوه والاخوات السودانيين .. دلع وعضه صاح ونظافه وحنان كمان ... وفي نفس الوقت شفنا حالات احسن منها عدم الزواج من ضمنها عندي واحد صاحبي متزوج ليهو اخت مصنقره في الكمبيوتر اربعة وعشرين ساعة ومن اكل المعلبات بقت مربعة زي صفيحة الجبنه .... اها زي دي يدلعوها كيفن ؟؟؟؟؟
... ونتابع معاكم ... وناس الهيلاهوب ما قصروا وتناولوا الموضوع بصورة جميلة ...
Post: #130 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 01:11 PM Parent: #76
Quote: البذار في أي شيء بخربو راسو عديل خير الأمور منتصفها يعني لا تكتر لا تبخل بتمشي الأمور في توازن ولكل مقام مقاله
الحياه الوسطية دي مافي احسن منها وقت الشدة براهو و وقت الحنان براهو اتفق معاك يا بله
لكين انا بشوف انو اي حتة في البيت لازم تكون مكان للحنان و تبادل المشاعر و الحب حتي في الحمام
Post: #174 Title: Re: لماذا لا يلاطف الرجل السوداني زوجته Author: عبدالله كع Date: 04-16-2011, 04:01 PM Parent: #130
..
Post: #124 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 08:05 AM Parent: #75
Quote: التربية الجنسية السودانية ضعيفة جدا بين الأزواج , وتلك نقطة البداية. اتمنى مسار البوست يغرق حبة هنا لانو دا مربط الفرس.
يا عبد الرحمن انت جبت الجزئية الاهم
و خلونا نتكلم بي صراحة لحدي الان في نسبه كبيره جدا من الرجال مابيقدرو يستمتعو مع زوجاتهم جنسيا بيمارسو العملية الجنسيه و كأنها تجربة مختبرية محدودة الخطوات. الخجل و الخوف و الشعور بالابتذال و محاولة فرض الشخصية من اهم الاسباب المعوقة للتصرف بحرية بحثا في الامتاع و لا غير في العملية الجنسية.
و بقت يوم الخميس بس
________________________________________________________ يا ريت نواصل الكلام في الجزئية دي لانها مهمة يا عبد الرحمن .. اشكرك
Post: #119 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 07:09 AM Parent: #72
Quote: صومنا وصومنا . وصوووووووووووووومنا ..................... وفطر جيل التسعينيات علي بصله لمن شطح نطح !
استاذ عبد السميع شخط اوي ]
Quote: قلنا ليك ملاطفة بتاع الساعة كم؟ كان لجنس دا .. ياما في الحبس مظاليم .. شلنا الشنط و حمنا وراهن لمن شالوا حالنا غايتو بعد دا الا تكون عيانة و متوكة كلو كلو
يا كع جبت لينا الكلام مع ناس قيقا ديل، اصلهم قاعدين علي الهبشة و البحر الايام دي زايد
Post: #121 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 07:27 AM Parent: #71
Quote: نحن اتربينا انه تشلت اختك ( الاكبر منك ) لانك راجل .. المرأه ذاتها اتربت علي العين الحمراء والقهر لما نجي لحتة ( بعد) الزواج لازم الراجل يبقي عينو حمراء ويهرش البيت كلو اي تراخي منو الزوجه بتعتبرو زول ضعيف واضينه ساكت . وطوالي بتخت سرجها فيهو وتركب حتي وصية الام ليها .. ختي سرجك قبال يخت سرجو
كلامك صحيح يا نوفل .. و لاحظت انو نسبة القناعات بضرورة العمل علي التغيير كبيره بس تفتكر انو حا ننجح ؟؟ و خصوصا انو نحن حا نواجة بقايا التربية الصارمة و المجتمع المايل الممثل في السلطة و الرأي العام.
Post: #103 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 09:51 PM Parent: #51
Quote: اما بجد اللحظات الحميمية ديك فهى فى اخر اخر الاهتماماتها وربما اعتقادا منها بانه مادام البيت مرتب والاطفال مهتمين بيهم فهذا كل شى يعنى يالحبيب دورك انتهى بمجى الاطفال
يا نور الدين ذكرتني مقال كتبو احد الاخوه السعوديين عن تجربة صديقة المتزوج من معلمة و لديه اطفال و هو ما اشرت له للاخت شبكة و دي فرصه اعمل بيست للنص:
حدثنى احد المتزوجين القدامى (ممن امضوا اكثر من عشر سنوات زواج) انه كان يسمع كثيرا عن فوائد الكلام الحلو للزوجه ومدى تا ثيره على العائله جميعا. يقول صاحبنا انه كا يضحك على هذا الكلام . ويقول انا شخصياُ متزوج وزوجتى تعلم ومتاكده انى احبها فما فائدة الكلام هل نحن بمسلسل تلفزيونى ويجب ان اسمعها يومياُ انى احبها.المهم يقول صاحبنا كنت مضغوط بالعمل لمدة 3 شهور وحبيت اخذ اجازه لمدة اسبوعين وفعلا اخذت الاجازه. وفى اول يوم اجازه كنت بالصاله واتصفح الجرايد واتفرج عالتلفزيون وكانوا يتكلموا عن الزوجه وعن فوائد اسماعها كلمات الغزل. وخطر لى ان اضيع الاجازه بفلم من اعدادى واخراجى واسميه الضحك على الزوجه.
وبدا الفلم من سمعت صوت الاولاد وهم راجعين من المدرسه ومعهم المدام (المدام معلمه). لما دخلوا البيت مرت المدام من عندى متجهه لغرفتها فا وقفتها وقلت هلا وغلا هلا بعمرى ونور عيونى فنظرت الى وقالت الحمد لله اكيد تحلم ودخلت الغرفه فدخلت معها واعدت ما قلته لها مع حضنه خفيفه وخرجت.
واثناء الغداء صرت امدح بطبخها واقول انى محظوظ ان عندى زوجه حتى وهى جايه من الدوام ومتعبه تهتم لى وتطبخ طبخ حلو ومو اى كلام. بنت الحلال مو مصدقه وقالت الله يستر من اللى وراء هالكلام اكيد فيه شى.
وبعدالعشاء دخلت غرفة الملابس وبدلت استعداد للخروج مع الشله ولما طلعت للصاله لم اجد المدام كالعاده عند مسلسلها المفضل فدخلت غرفة الاولاد وسالت عن امهم قالوا بالمطبخ . مريت عليها وقلت غريبه حبيبتى مو عند التلفزيون قالت بكره فطور المدرسات على(فخطر لى ان اكمل الفلم) فقلت حبيبتى لا تفوتى المسلسل اللى انتى متابعه وانا اجيب لك كل شى من برا فاستغربت وقالت انت تتكلم جد قلت نعم.
ولما طلعت من البيت خطر على بالى انى ما اروح للشباب الليله واجيب اللى طلبت واشوف نهاية الفلم.وجبت طلباتها ورجعت ويوم شافتنى استغربت وظنت انى جبت ا لاغراض لانى بتاخر بالسهر لان ما عندى دوام.لكن تفاجاءت لما بدلت وكانت بجنبى فحضنتها وقلت حبيبتى وش بتعشينى اليوم ورحت للصاله.
المسكينه لحقتنى وقالت يا ابن الناس قلى وش عندك تراك خوفتنى قلت والله ما فيه شى ابد وقامت من عندى ورجعت وبيدها مصحف وقالت تحلف عالمصحف انو ما فيه شى قلت نعم وحلفت.
وفجاءه طاحت على وصارت تبكى بكاء قوى مرره وتقول يا ويلى على عيالى. انا اندهشت وقلت وش فيك قالت اكيد بتموت او انا بموت وبيتيتموا عيالنا. انا قلت تعوذى من ابليس .........
وويواصل صاحبنا سرد قصته او فلمه كما سماه. يقول كان الحال بداء يعجبنى واستمريت بنفس الكلام المعسول صرت امدح بلبسها واثنى على ذوقها با ختيار الالوان.
وبعد اسبوعين على هالحال. بدأت المدام تتغير بعينى وصرت ما اقدر ابعد عن البيت حتى وانا بالبيت لو راحت تسوى شى احس انها تاخرت كثير وصرت كانى باول ايام الزواج. حتى شكلها اتهيا لى انه تغير وان وجهه صار انظر وخدودها كانها مورده عيونها صارت اوسع وفمها صار اصغر. وانا افكر واقول يمكن لما سمعت الكلام الحلو ارتاحت ونفسيتها صارت حلوه واثر على . لكن اللى صار حقيقه ومو تهيات حتى اولادى تغيروا وصرت ما اسمع زعاقهم الا نادراُ وهو اللى كان يلج بآذنى حتى وانا بالدوام. صاروا يحبوا بعض ويخافوا على بعض .
يقول الحبيب صرت اسمع منهم صباح الخير يا بابا وتصبح على خير يا بابا وهالشى كنت اشوفه بالمسلسلات واضحك واقول مستحيل يصير هالشى باى بيت سعودى مهما بلغت تربية الاولاد ومهما بلغت مثالية الاب والام.
ويستمر صاحبنا بسرد قصته ويقول ان لاحظ اختفاء الكريمات اللى دائماُ مرصوصه عالتسريحه. ولما سال زوجته قالت كان زمان انا الان ما استخدم اى شى حتى زميلاتى مو مصدقين انى ما استخدم شى لبشرتى ويقولوا لو تحلفى ما راح نصدقك.
وبالاخير فيه ملاحظه انا لاحظتها على صاحبنا وهى انه كان سابقاُ كثير الكلام عن الزوجه الثانيه وكثير التمنى بالزواج ولا اكون مبالغ اذا قلت عمرى ما شفته الا يتمنى الزواج ويتكلم عنه والان صار العكس وما يجيب له طارى حتى لو جا الكلام عن الزواج من ثانيه صار يتضايق.
ختاماُ هل يعقل أن الكلام الحلو للزوجة يحدث هذا التغيير
Post: #97 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 08:56 PM Parent: #42
تلقيت اتصال لطيف جدا من دكتور جمال من جدة اشكره علي الاشادة بالموضوع
سعدت جدا بأتصالك و الحديث معك يادكتور
سألني الدكتور ... التهاب شنو؟؟؟
Quote: تخيل كان عندها التهاب بس
علي ما اعتقد (جيوب انفيه)
Post: #98 Title: Re: لماذا لا يلاطف الرجل السوداني زوجته Author: ناصر احمد الامين Date: 04-12-2011, 09:08 PM Parent: #97
احب ان اشكر صديقتي (هديل) تناقشنا عن بعض الاجتماعيات و السلوكيات لبعض السودانيين في الغربة و منها تطرقنا الي موضوع البوست تناقشنا لفترة طويلة .. تفهمت وجهة النظر الانثوية من القضية حسيت انو في تقصير مننا نحن الرجال تذكرت بعض المواقف في حياتي الخاصة و طريقتي التي اخترت في التعامل معها حسيت انو الموضوع مهم
اتخمرت في راسي الفكرة و فتحت البوست.
شكرا يا هـديل
Post: #99 Title: Re: لماذا لا يلاطف الرجل السوداني زوجته Author: Souad Taj-Elsir Date: 04-12-2011, 09:16 PM Parent: #97
سلام سيد البوست الأستاذ الفاضل ناصر وضيوفه الكرام، والله موضوع مهم وتُشكر عليه، لكن يا جماعة التعميم فيهو الكثير من الإجحاف، ورغم التقدير لبعض الموروثات التقليدية التي وصفها البعض، غير أن هناك قطاع آخر من الرجال السوادانيين لا يقع تحت طائلة (الرجل الناشف، الجاف، الذي لا يلاطف زوجته)، إذن أرجو الإتفاق بإنه بيكون في شوية إنصاف لو تجنّبنا التعميم لأن العنوان (لماذا لا يلاطف الرجل السوداني زوجته)؟، فيهو إيحاء بأن كل (رجل سوداني لا يلاطف زوجته)، وهذا غير صحيح، لأن التعميم، ليس في هذا فحسب، بل في كل شئ فيهو إجحاف! أقول قولي هذا لأن في محيطي ما شاء الله تبارك الله العديد من الرجال السودانيين من زوج، أخ، إبن خالة، صديق، إلخ، ممن لا يقعون تحت طائلة هذا العنوان قطعاً، فلكم ولهم التحية والمحبة والتقدير، وتحية خاصة لزوجي الحبيب عبدُالله جلاّب.
Post: #138 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 07:53 PM Parent: #99
Quote: أقول قولي هذا لأن في محيطي ما شاء الله تبارك الله العديد من الرجال السودانيين من زوج، أخ، إبن خالة، صديق، إلخ، ممن لا يقعون تحت طائلة هذا العنوان قطعاً، فلكم ولهم التحية والمحبة والتقدير، وتحية خاصة لزوجي الحبيب عبدُالله جلاّب.
ربنا يسعدكم و يهنيكم و دايما تكونو في مودة و هنا و سعادة يا استاذه سعاد
Post: #104 Title: Re: لماذا لا يلاطف الرجل السوداني زوجته Author: عزاز شامي Date: 04-12-2011, 09:59 PM Parent: #1
Quote: لماذا لا يلاطف الرجل السوداني زوجته
لأن الرجل السوداني لا يلاطف زوجته
Post: #105 Title: Re: لماذا لا يلاطف الرجل السوداني زوجته Author: الهادي محمد ابراهيم Date: 04-12-2011, 10:28 PM Parent: #104
اخ ناصر ياخي يلاطفها كيف مع ناس النظام العام ديل...تعرف مرة واحد سائق وزوجته بتأكل فيهو بتاع بوليس الحركة لغاية قعد في الارض حتي صفر ليهو..لمن وقف قال ليهو الرخصة يا حاج..بعد داك سألوا والاخت دي شنو...قال ليهو زوجتي....بتاع الحركة قال ليهو وانا عرفها كيف زوجتك...عمك طبعا اكيد يكون ما شايل القسيمة...اخيرا لقي نفسه في بوليس النظام العام وما نجده الا حضور اخوه بالقسيمة.... تقول لي يلاطفها ياخي.....
Post: #140 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 08:11 PM Parent: #105
Quote: بتاع الحركة قال ليهو وانا عرفها كيف زوجتك...
و الله يا الهادي دي حاجة عجيبة جدا .. بتاع الحركة شغلتو شنو بالناس القاعدة جوة العربية؟؟؟ مهمتو بس تنظيم حركة المرور و ما ليهو حق يودي زول للقسم في اي قضية او التباس اخر.
ياخي دي قمة الفوضي.
Post: #139 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 08:06 PM Parent: #104
Quote: : لماذا لا يلاطف الرجل السوداني زوجته
لأن الرجل السوداني لا يلاطف زوجته
ماهو المنطق؟؟؟ ........... انا لو اعرف اقول علي طول عزاز ازيك
Post: #107 Title: Re: لماذا لا يلاطف الرجل السوداني زوجته Author: محمد الكامل عبد الحليم Date: 04-13-2011, 05:55 AM Parent: #1
... تحية يا ناصر...دواعي السلوك تعود بطبيعة الحال الي مخلفات الثقافة والبيئة...المجتمع الذكوري وما يترتب عن العلاقة في مستوي الذهنية ومن ثم التعامل...اثناء فترات الانتظار في المطارات ظللت اتابع لحظات الاستقبال والوداع لاجد هذا الجفاف العاطفي (ظاهريا) لدي بنو السودان...يعود التفسير للحالة الاذدواجية التي توارثناها عبر ثقافتنا غير الحوارية....جميع المتداخلين افاضوا عن ذلك....لكن الزمن كفيل بتقريب العلاقة عبر التفاهم المشترك وصياغة الدستور العاطفي ليكون الحب لحمته وسداه...
قدمو الحب تجدوه....
ومن عبر المحيطات ارسل قبلة حانية علي صدر وجبين رفيقة الحياة والسفر...
Post: #118 Title: Re: لماذا لا يلاطف الرجل السوداني زوجته Author: osman righeem Date: 04-13-2011, 07:03 AM Parent: #107
Quote: فجأه جا واحد سوداني مع زوجتو ماشيين، لو قلت ليكم المسافة البيناتهم كانت 7 متر علي الاقل، ما تستغربو. و كل عشرين خطوه يتلفت عليها (يا وليه ما تتحركي) و المسكينه بتحاول انها تمشي بي اقصي سرعة و يد ماسكه بيها المطبقة و اليد التانية تجرجر في التوب و تتلفت خجلانه من نظرات الناس.
يا هندسة ممكن تحدد المنظر كان وهو داخل الموول
أو طالع من عند الكاشير ؟؟؟ عشان نحدد
Post: #120 Title: Re: لماذا لا يلاطف الرجل السوداني زوجته Author: حامد محمد حامد Date: 04-13-2011, 07:25 AM Parent: #118
Quote: إذا دخلت البيت وهي في المطبخ تعد الأكل وعرقانة وحالتها بالبلاء .. ضمها إليك وأنت تطبع على جبهتها قبلة قائلاً : الليلة العسل عامل لينا شنو على الغداء؟
الاخ عبد الباقى ...لقيتك رومانسى الفات حده ... الكلام الفوق دة كل يوم كل يوم ولا يوم بعد يوم
التحية مرة اخرى للاخ ناصر
فى نظرى ان عالم المرأة يحتاج الى كثير من التاكتكس وقليل من العفوية وهلمجرا....
Post: #123 Title: Re: لماذا لا يلاطف الرجل السوداني زوجته Author: طلحة عبدالله Date: 04-13-2011, 07:58 AM Parent: #120
ناصر يا حبيب وبما انو الموضوع جاد جدا والناس دخلت ترد وتتداخل بكل جدية فبالمقابل شوف لينا برضو : لماذا لا تلاطف المرأة السودانية زوجها ؟ وبالله ناس الرجل هو المبادر يمتنعون لأنو نحن في زمن يطالب فيه المجتمع بمساواة المرأة مع الرجل .
Post: #125 Title: Re: لماذا لا يلاطف الرجل السوداني زوجته Author: جمال محمود Date: 04-13-2011, 09:25 AM Parent: #123
Post: #146 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 08:42 PM Parent: #125
Quote: سلام لصاحب البوست وضيوفه
اشكرك يا هندسة علي تحقيق طلب ايراد الاغنية
و سلام مربع ليك
Post: #126 Title: Re: لماذا لا يلاطف الرجل السوداني زوجته Author: عبدالكريم أحمد الامين Date: 04-13-2011, 09:32 AM Parent: #123
Quote: ** لماذا لا يلاطف الرجل السوداني زوجته؟؟ [B]## ولماذا لاتُلاطف المرأه السودانيه زوحها؟؟
** الباشمهندس ود أحمد الأمين.. ** صباحك خير.. ## لايمكن وضع معيار لتشخيص هذه الحاله نتيجةً لانها مُترسبه عبر الجينات الوراثيه للطرفين "الزوجه والزوج" بالإضافه لعوامل أُخرى :- التقارب الثقافى ,, تقارب أو تفاوت العُمر السنى عند الزواج ,, ثقافة الممنوعات ,, تربية القهر التى لاتجعل الفرد يُعبر عما يجيش فى صدره ,, الموضوع مُتشعب فيهو الجانب الإجتماعى والنفسى والبيئه التى ينشأ فيها أفراد المجتمع .. ## مُعالجة مثل هذه السلوكيات التربويه تحتاج لأكثر من ثلاثه أجيال ..
** كسره:- مره فى السودان ومعاى زوجتى كنا فى زياره لصديقاتا ,, طلعنا فتحت ليها باب العربيه عشان تركب ,, ماتحركنا مترين التلفونات تتطاقش والله الأميره آن بس ,, يعنى دى فتحة الباب عشان تركب ..... تم تصويرا ...
(ودام الود بيننا) (ابومحمد فؤاد)
Post: #147 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 08:46 PM Parent: #126
Quote: ** كسره:- مره فى السودان ومعاى زوجتى كنا فى زياره لصديقاتا ,, طلعنا فتحت ليها باب العربيه عشان تركب ,, ماتحركنا مترين التلفونات تتطاقش والله الأميره آن بس ,, يعنى دى فتحة الباب عشان تركب ..... تم تصويرا ...
تفتح باب العربية لي مرتك جاب ليك الكلام !!!! عليك الله يا سعادتك دي حالة دي
سعدت جدا بالمحادثة المطولة و النقاش عبر الهاتف معك، حيث تطرقنا الي عدة مسائل و كانت الفاجعة في الوصول الي الحقيقة التي تقول:
Quote: مُعالجة مثل هذه السلوكيات التربويه تحتاج لأكثر من ثلاثه أجيال
الله يكون في عوننا !!!
Post: #145 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 08:39 PM Parent: #123
Quote: لماذا لا تلاطف المرأة السودانية زوجها ؟
تعرف يا طلحة من افرازات هذا البوست اتصلت علي احدي الاخوات و تحدثت معي عن مشكلة اختها التي تحاول ان تلاطف زوجها و لم تجد منه غير كل اساءة و سؤ ظن انتهت بطلاقها بعد مشاكل كتيرة جدا
تقول لي تلاطف؟؟
Post: #143 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 08:30 PM Parent: #120
Quote: فى نظرى ان عالم المرأة يحتاج الى كثير من التاكتكس وقليل من العفوية وهلمجرا....
يا حامد لكين ما قدر دا ... النساء ديل بسيطات جدا في معظم الاحيان بس اعمل حسابك من المواسير و المكنات ... و غالبا ما بتكون المكنة معروفة مسبقا. يعني القليل من التمرس حا ينفع.
تحياتي يا حامد
Post: #142 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 08:23 PM Parent: #118
Quote: يا هندسة ممكن تحدد المنظر كان وهو داخل الموول أو طالع من عند الكاشير ؟؟؟ عشان نحدد
بالضبط كانو تحت النجفة الكبيرة بتاعة الطيور في مدخل المارينا مول و كانو متوجهين للسلالم البتودي لي كارفور تحت. الساعة كانت حوالي خمسة و نص و انا كنت واقف جنب محل الدهب الفي الناصية دا.
تحياتي ابو رغيم
Post: #127 Title: Re: لماذا لا يلاطف الرجل السوداني زوجته Author: Sana Khalid Date: 04-13-2011, 10:07 AM Parent: #107
سلام يا ناصر.. كان نفسي أقرأ كل المداخلات لكن ما قدرت و قمت مريت سريع قلت أعرف رأي آدم السوداني.. طبعاً في ردود معتادة من النوع البترمي اللوم طوالي في حواء السودان.. لكن بصراحة رد الأخ عبدالله كع صدمني!! و الحمدلله انو ما شاركوه فيه كتيرين.. لأنو كلام قاسي جداً و بيجني على حواء السودانية في ماضيها و مستقبلها لو وجدت هذه النظرية الرواج الذي وجدته نظرية (كسل السودانيين!!)
الغربة يا ناصر أتاحت لي زمالة و صداقة و جيرة معظم الجنسيات العربية .. و جنسيات مختلفة من القارات الست ..و الله في كل الجنسيات دي ما لقيت جنسية واحدة تبذل نساءها من الجهد و الزمن ما تبذله السودانية لإرضاء زوجها، و ما لقيت جنسية واحدة تعرض المرأة فيها نفسها لما تعرض له السودانية نفسها من الألم و المخاطر ليرضى عنها و يحبها زوجها! و الأغرب.. لم أجد في كل هذه الجنسيات من تحفظ غيبة زوجها و كرامته كما تفعل السودانية! و كلامي ما عن نفسي.. كلامي عن مجتمع السودانيات في أي مكان قعدت فيهو داخل و خارج السودان .. ما سمعت امرأة سودانية (تقطع) في راجلها.. أو تجيب سيرتو بشينة قدام غيرها من النساء.. قد تشكي احداهن لصديقتها الصدوق.. لكن ما بتقطع في راجلها أو تخليهو موضع نقد أو سخرية من الناس القاعدة معاهم.. لكن شفت عدم الإحترام للرجل في حضوره و في غيابه من مختلف الجنسيات.. لا فرق بين الأوروبية منها و العربية!!
لكن إلى حد ما الرجل السوداني معذور إن لم يلاطف زوجته.. لأنو تربية معظم السودانيين غير إنها تربية جافة و بتشجع على كتم المشاعر و عدم التصريح بيها و اعتبارها (خفة) كمان هي تربية تهتم كثيراً لما يقوله الآخرون و ما يفعله الآخرون!! و الآخرون ديل بيبدأوا من أهل البيت لما يعمل الراجل حسابو من امتعاض أمه و أخواته لو دلل زوجته قدامهم.. أو أظهر محبته ليها.. مروراً بخجلو من سخرية أصحابه (مستلماك.. حاكماك..و الحكومة) و حتى الغيرة على زوجته منهم لما يقولوا ليهو (يا بختك!) انتهاء بخوفه من تعليقات ناس الشارع .. (دي شنو العوارة دي!) .. و الموضوع عندو جوانب كتيرة.. و يمكن الطرفين مسؤولين عنها.. لكن أهم شيء عشان نحاول نغير في الحاجة دي بصورة إيجابية.. إنو نخلي أول شيء اشتغالنا بالناس.. مش بس قصة رأيهم فينا.. كمان اشتغالنا بقصة عملوا شنو و تركوا شنو! يعني إذا نحن ما حنخلي الأزواج من جيراننا .. أصحابنا .. أهلنا .. أو الناس الماشين في الشارع ساي في حالهم.. و نرحمهم من تعليقاتنا.. القصة ما حتقيف بالعكس.. حتكون زي ساقية جحا.. نعلق على الناس.. نتتبعهم بعيوننا و تعليقاتنا و نتلقط أخبارهم، و كمان نهجس بإنو هم حيقولوا عننا شنو و نفضل نكتم مشاعرنا احتياطاً (من القول الزي قولنا و التفكير الزي تفكيرنا) و نعيش في جفاف أبدي!
تبارك كان عندو بوست سمح اسمه على ما أعتقد (عشة أم طيور).. ما لقيته للأسف.. بس كان فيهو نموذج جميل .. التحية ليهم
Post: #128 Title: Re: لماذا لا يلاطف الرجل السوداني زوجته Author: shammashi Date: 04-13-2011, 10:12 AM Parent: #127
هاكا الوا
Post: #149 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 08:55 PM Parent: #128
Quote: هاكا الوا
يا شماسي ... دي راندوك و اللا شنو؟؟؟
Post: #129 Title: Re: لماذا لا يلاطف الرجل السوداني زوجته Author: shammashi Date: 04-13-2011, 10:12 AM Parent: #127
هاكا الوا
Post: #135 Title: Re: لماذا لا يلاطف الرجل السوداني زوجته Author: قيقراوي Date: 04-13-2011, 01:48 PM Parent: #129
سناء ازيك
Quote: و الموضوع عندو جوانب كتيرة.. و يمكن الطرفين مسؤولين عنها.. لكن أهم شيء عشان نحاول نغير في الحاجة دي بصورة إيجابية.. إنو نخلي أول شيء اشتغالنا بالناس.. مش بس قصة رأيهم فينا.. كمان اشتغالنا بقصة عملوا شنو و تركوا شنو! يعني إذا نحن ما حنخلي الأزواج من جيراننا .. أصحابنا .. أهلنا .. أو الناس الماشين في الشارع ساي في حالهم.. و نرحمهم من تعليقاتنا.. القصة ما حتقيف بالعكس.. حتكون زي ساقية جحا.. نعلق على الناس.. نتتبعهم بعيوننا و تعليقاتنا و نتلقط أخبارهم، و كمان نهجس بإنو هم حيقولوا عننا شنو و نفضل نكتم مشاعرنا احتياطاً (من القول الزي قولنا و التفكير الزي تفكيرنا) و نعيش في جفاف أبدي!
لوووووول
وين الكلام دا؟ و الله الفرمتة بس .. ما عندكم غيرا!؟
ياخ المجتمع السوداني داسي خشمو داسي خشمو .. من قولة يوووووووووي ( اي العرس ) مروراً بما بقيتو تلاتة؟ ( السخيفة ) .. لي مرحلة انت اسي راجلك دا مخليك هنا و هو هناك لا معروفة معرسة لا مطلقة!؟
النقول ما اشتغلتي بيهم .. هم بريحوك؟
يا فرمتة يا كمان غيروا لينا الشعب دا
------
انا ذاتي ما قريت او قولي قراية فطسطرية ما فاطي سطر اصلاً
يا ناصر الامين جداً جدن
حالة كونك فاتح ليك عش دبابير سؤالي قائم: زوجتة دي يعني زمنا العروس .. و لّ ام العيال؟
تفرق كتيييييييير دي و يفرق كتير طعم الحلو لو يبقى مر
وشوشنى العبير فانتشيت وساقنى الهوى فما أبيت يد الحرير ارتعشت بكفىّ بكيت من رعشتها بكيت صبية ... العطر يشتهيها أمذنب أنا إذا اشتهيت؟ جدائل الليل على كتفيها تهدّلت حولى فما أهتديت أجمل منها ما احتوى فؤادى فالعبق الصادح مااحتويت حبيبتى أغرودة العذارى ورنة الأفراح إن غنيت حبيبتى أنيقة العطايا تهمى هوى إذا أنا غنيت لا تسألونى كيف كان الملتقى وكيف فى دروبها مشيت وكيف طاف الثغر فى إبتهال وكيف فى محرابها صليت سرّ عميق حبها بقلبى ما قلته للناس .. ما حكيت فإن روى القيثار سرّ قلبىّ قولوا لها ما قلت .. ما رويت لكنه حين بكى حنينا بكيت من رقته بكيت
عليك دينك في ارق و الطف من الكلام دا؟
ايه رايك انو القائل - رحمة الله عليه - قال لو قدر له اعادة كتابتها لكتبها : وشوشني ( العوير ) .. و التفت على هلاوي وقال : يا ريتني لو ابيت!
رحم الله ابو آمنة حامد و بشبش الطوبة التحت راسو .. فهو من الطف و املح الكتاب.
فما طوالي حالة كونك عايش زهو تمتع بجماليات مرحلة وشوشة العبير تضرب لينا الككو الوحيد بتاعنا، و تجرو من ضنبو تجيبو في نص البورد؟ .. كرمشت مشاعرنا ياخ! اها ان شاء الله بس ادوك دبورة بس!
Post: #144 Title: Re: لماذا لا يلاطف الرجل السوداني زوجته Author: عاطف عمر Date: 04-13-2011, 08:31 PM Parent: #135
Quote: سؤالي قائم: زوجتة دي يعني زمنا العروس .. و لّ ام العيال؟
تفرق كتيييييييير دي
سولت لي نفسي أن أحتفل و ( عروسي وقتها ) بعيد زواجنا الأول دعونا له لفيف من الأصدقاء والأقارب في الإستراحة الموجودة في مدينة زايد غرب أبوظبي حيث كنت أعمل أيامها. هيأت نفسي أن سوف نكون - عروسي وأنا - نجوم تلك الليلة. ربما لإحساسنا أننا لم نتزوج مثل ( زيجات المغتربين ) التي كانت سائدة في ذلك الزمان . بل كان زواج سبقته معرفة وقصة حب وهكذا ( دواليبك )
الشاهد
لم نجد فرصة لنقول ولا كلمة كنا نستمع لتعليقات المعازيم التي تنوعت بين
" معذورين ، لسع جديدين على الحياة والسكينة سارقاهم " و " عدم المسؤولية بسوي أكتر من كدا " و "كتر خيركم عملتوا لينا برنامج في مدينتنا الجافة دي " و " نستناكم بعد عشرة سنين ونشوفكم حتعزمونا ولا ح نجي نبقى ليكم أجاويد "
إلا أن أكثر التعليقات التي لم نتوقعها كان من ( شقيقة المدام ) قالت وهى تودعنا بعد أن حضرت ( للإحتفال معنا )
" كتر خيركم على العزومة لكين زي ما بيقولوا أهلنا المصريين العندو قرش محيروا إشترى حمام ويطيرو "
__________________
الآن ، وبعد كم وعشرين سنة من تلك ( الحادثة ) اليتيمة
تجدونني أسائل نفسي
ياربي القروش الصرفتها في ( الحادثة ) دي لو كنت وفرتها كانت جابت لى كم ( طن أسمنت ) في زنقتي الحالية دي ؟؟؟؟
Post: #150 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 09:01 PM Parent: #144
Quote: ياربي القروش الصرفتها في ( الحادثة ) دي لو كنت وفرتها كانت جابت لى كم ( طن أسمنت ) في زنقتي الحالية دي ؟؟؟؟
هههههههه و الله يا عاطف طلعت رومانسي نمبر ون!!
غايتو انا بنصحك : اعمل عيد زواج تاني و الناس العزمتهم المره الفاتت ديل كلهم ما تعزمهم تاني ... ان شاء الله لو تأجر ليك فلبينيين!! و البناء ملحوق يا مان.
اصلا هي زنقة زنقة.
Post: #156 Title: Re: لماذا لا يلاطف الرجل السوداني زوجته Author: Sana Khalid Date: 04-15-2011, 07:18 AM Parent: #135
Quote: النقول ما اشتغلتي بيهم .. هم بريحوك؟
يا قيقراوي ياخ أكان انت قدرت على روحك و أنا قدرت على روحي كدا بنكون ما قصرنا.. يعني كل زول يبقى على خشمو و نظرو و فكرو عشرة.. بعد داك بيكون في أمل كتير الحال ينصلح.. كلامك دا زاتو ياهو اللي نحن بنقول نبطلو.. انو الناس بيقولوا شنو و يخلوا شنو.. خلي الناس في قولها و نشتغل بأم رويحتنا دي.. و الا شنو؟
Post: #172 Title: Re: لماذا لا يلاطف الرجل السوداني زوجته Author: قيقراوي Date: 04-16-2011, 09:25 AM Parent: #156
Quote: يا قيقراوي ياخ أكان انت قدرت على روحك و أنا قدرت على روحي كدا بنكون ما قصرنا.. يعني كل زول يبقى على خشمو و نظرو و فكرو عشرة.. بعد داك بيكون في أمل كتير الحال ينصلح.. كلامك دا زاتو ياهو اللي نحن بنقول نبطلو.. انو الناس بيقولوا شنو و يخلوا شنو.. خلي الناس في قولها و نشتغل بأم رويحتنا دي.. و الا شنو؟
لووووووول اخلي الناس في حالم كيف يعني؟ وضعي كزعيم اممي ما بسمح لي ياخ! تعرفي دي هي المشكلة حكاية [ بعد داك بيكون في أمل كتير الحال ينصلح ]!! الاحلام المجانية دي هي المشكلة. مافي حاجة بنتظروها تنصلح براها. و لا بالحلول الجزئية القلتيها اعلاه
المرحوم ماركس قال الما عاجبك غيرو
قلنا ليكم ياخ! .. المعركة وااااااحدة .. ما تجزئوها ياخ! .. ما عندي ليكم غير الفرمتة بس
الزعيم يريد فرمتة النظام
Post: #166 Title: Re: لماذا لا يلاطف الرجل السوداني زوجته Author: ناصر احمد الامين Date: 04-15-2011, 01:50 PM Parent: #135
Quote: فما طوالي حالة كونك عايش زهو تمتع بجماليات مرحلة وشوشة العبير تضرب لينا الككو الوحيد بتاعنا، و تجرو من ضنبو تجيبو في نص البورد؟ .. كرمشت مشاعرنا ياخ! اها ان شاء الله بس ادوك دبورة بس!
كلام ابو امنه حامد ما بناباهو لكين الفوقك انعرفت يا قيقا الزعيم ههههههههههههههههههه
Post: #148 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 08:53 PM Parent: #127
Quote: الله في كل الجنسيات دي ما لقيت جنسية واحدة تبذل نساءها من الجهد و الزمن ما تبذله السودانية لإرضاء زوجها، و ما لقيت جنسية واحدة تعرض المرأة فيها نفسها لما تعرض له السودانية نفسها من الألم و المخاطر ليرضى عنها و يحبها زوجها! و الأغرب.. لم أجد في كل هذه الجنسيات من تحفظ غيبة زوجها و كرامته كما تفعل السودانية!
Quote: لأنو تربية معظم السودانيين غير إنها تربية جافة و بتشجع على كتم المشاعر و عدم التصريح بيها و اعتبارها (خفة) كمان هي تربية تهتم كثيراً لما يقوله الآخرون و ما يفعله الآخرون!!
اتفق معك تماما يا سناء
Quote: حتكون زي ساقية جحا.. نعلق على الناس.. نتتبعهم بعيوننا و تعليقاتنا و نتلقط أخبارهم، و كمان نهجس بإنو هم حيقولوا عننا شنو و نفضل نكتم مشاعرنا احتياطاً (من القول الزي قولنا و التفكير الزي تفكيرنا) و نعيش في جفاف أبدي!
و دي هي المأساة
يا سناء و الله نورتي البوست ..... تحياتي
Post: #177 Title: Re: لماذا لا يلاطف الرجل السوداني زوجته Author: عبدالله كع Date: 04-17-2011, 02:50 PM Parent: #148
سناء(( صباح او مساء )) الخير
Quote: . طبعاً في ردود معتادة من النوع البترمي اللوم طوالي في حواء السودان.. لكن بصراحة رد الأخ عبدالله كع صدمني!! و الحمدلله انو ما شاركوه فيه كتيرين.. لأنو كلام قاسي جداً و بيجني على حواء السودانية في ماضيها و مستقبلها لو وجدت هذه النظرية الرواج الذي وجدته نظرية (كسل السودانيين!!)
(( معليش )) يا ستي من الصدمه !! اها دي نوع الملاطفة حقتنا !! راااااجل ومرة ........ حتي في الاسافير !! لم اكن قاسيا ولا مجحفا في حق حواء .. ولكن هذا هو الواقع المعاش .. وغير ذلك هراء الا ما ندر ! انا لما وصفت برود حواءنا بي برودة القطب الجنوبي لم ابالغ والا حاجه ....... امكن هناك الجو ادفئ شويه حقيقه حـــــــــــــــــــواء السودانيه وتحديدا (( الزوجه )) ا .. لا تجيد كيف تلاطف ولا تعرف كيف تتعامل في تلك اللحظات الحميمه .. وحقيقة تانيه عملت استبيان في اليومين الفاتو ديل عن هذه الحالة لم ا جد غير اجابة واااااااااااااااااااااحده بس (( نحنا متزوجين رجال زينا )) .. وقبل البداية تبداء النهاية بي نهره - ييييييييييييييييلا قومي شوفي ليك شغلة اقضيها !!
يا ستاذة سناء .. حسب علمي الراجل (( وخاصة السوداني )) زي الطفل الصغير (( بابو يعني )) .. ممكن حلاوة حربه تسكتو ويرضي بيها وينووووووووم مبسوط للطيش - ولكن هن لا يعرفن من اين تأكل الكتف !! زي حواءات الما سودانيات ! بعدين ... ادم برضو مقصر .. وابختصار المشكلة فينا علي حدا سواء ... ولكن لحواء القدح المعلي في هذه المشكلة لان طبيعتها اللين والحنيه والمفروض - تكون هي دكتـــــــــــــــورة ومهندســـــــــــــه واســـــــــــتاذة في فن الملاطفه ......... وانا لا اقول ان تبادر !!
لفه ...... في مزيعه في قناة زول عندها برنامج اسمو(( بيت الصندل )) انا متابعو لي سنة تقريبا لها مواضيع زي دي !! وحـــــــــــــــــــــــاة الله انا لو لقيت الزولة دي بعضيها في نص راسه .. تخيلو مطلعه الراجل السوداني زي الواطة دي ..!! ولا يعرف اي شي في الدنيا - ظالم - جائر - وقاتل - مجرم - انتهازي - قاهر لحواء اينما كانت !! عجبي
فتكم عافيه ..
Post: #175 Title: Re: لماذا لا يلاطف الرجل السوداني زوجته Author: عبدالله كع Date: 04-16-2011, 05:08 PM Parent: #127
نسيت اقول ليك حاجه يا ستاذه سناء فاقد الشي لايعطيه
واللا ما معاي ..........
Post: #141 Title: Re: لماذا لا يلاطف الرجل السوداني زوجته Author: ناصر احمد الامين Date: 04-13-2011, 08:16 PM Parent: #107
Quote: يعود التفسير للحالة الاذدواجية التي توارثناها عبر ثقافتنا غير الحوارية....جميع المتداخلين افاضوا عن ذلك....لكن الزمن كفيل بتقريب العلاقة عبر التفاهم المشترك وصياغة الدستور العاطفي ليكون الحب لحمته وسداه...
قدمو الحب تجدوه....
ومن عبر المحيطات ارسل قبلة حانية علي صدر وجبين رفيقة الحياة والسفر...
الاخ محمد الكامل اشكرك علي ايراد التحليل المنطقي دا و الدعوه و الامنيات و رسالتك التي تحمل القبلة. انت زول رائع ياخي ربنا يهنيك و سعيد بمشاركتك
Post: #151 Title: Re: لماذا لا يلاطف الرجل السوداني زوجته Author: سناء عبد السيد Date: 04-13-2011, 11:13 PM Parent: #141
Post: #152 Title: Re: لماذا لا يلاطف الرجل السوداني زوجته Author: نادية عثمان Date: 04-13-2011, 11:51 PM Parent: #151
إزيكم
ليس مهماً من يلاطف من ويبادر أولاً .. المهم الملاطفة في حد ذاتها !!
والملاطفة ( خشم بيوت) !!
هناك زوج لو جاب لي زوجته (كيس جوافة) وهو جاي من الشغل بيعتبرها ملاطفة !!
وهناك زوجة لو عزمت (حماتها) على العشاء فهذه قمة الملاطفة للزوج وهكذا !!
Post: #154 Title: Re: لماذا لا يلاطف الرجل السوداني زوجته Author: رشا بابكر Date: 04-14-2011, 09:59 AM Parent: #152
سلام وتحية لصاحب البوست موضوع جدير بالمناقشة الذي لا يختلف فيه إثنان من أن المرأة السودانية تعاني من عدم الرضا فيما يخص علاقتها الزوجية من الجانب العاطفي بدءا من الملاطفة وانتهاءا بتبادل المشاعر الجفاف عند الزوج السوداني حاصل في ظل المنغصات الحياتية المعروفة الحياة الزوجية السعيدة تتم في حال التوافق والتناغم والأنسجام وإنعدام الملاطفة يصيب الزوجة بالبرود الأسباب عند الزوج كثيرة وأهمها بيئة وتربية رجل السودان هي التي شكلت طبيعته ومزاجه ولكن في بعض الأحيان تكون الزوجة أحد الأسباب مثال: عندما تشاهد وردة جميلةويدهشك منظرها لا تملك إلا أن تقرب أنفك منها حتى تستنشق عبيرها إذن هي من أجبرتك على ذلك من وجهة نظري إن ارادت الزوجة أن تصل السعادة التي تريد عليها أن تتقن ثقافة التواصل بينهما و شكلهاالخارجي هو العنوان وحلاوة التعامل هي المدخل الشفافية في الأسلوب ففي الكلام سحر وفي الأبتسامة سحر وفي عطرها سحر ويظل الحب هو الأساس في حياتنا الزوجية. أمنياتي بالسعادة لكل زوجين
Post: #157 Title: Re: لماذا لا يلاطف الرجل السوداني زوجته Author: ناصر احمد الامين Date: 04-15-2011, 01:06 PM Parent: #154
Quote: الشفافية في الأسلوب ففي الكلام سحر وفي الأبتسامة سحر وفي عطرها سحر ويظل الحب هو الأساس في حياتنا الزوجية
كلام في السليم ... عشان الحاجات تبقي كويسة شكرا رشا
Post: #169 Title: Re: لماذا لا يلاطف الرجل السوداني زوجته Author: محمد الكامل عبد الحليم Date: 04-16-2011, 06:17 AM Parent: #154
تحية... كلام تمام يا رشا....المقدرات الشخصية في هندسة العلاقة والابقاء علي التوازن المطلوب هو الاساس نحو المساكنة الوادعة والتعاطي الانساني بعقل مفتوح وقلب يعطي الحب بلا حدود....بالحب تستقيم الاشياء وبالصبر تتكامل معطيات الرحلة في دروب الحياة ومسالكها الغائرة والتي لا يمكن الوصل اليها الا بالعطاء بلا حدود ايضا...
قدمو الحب تجدوه.....هي رحلة قصيرة فازرعو في دروبهابذور الخير والجمال...
لك الاحترام...
Post: #159 Title: Re: لماذا لا يلاطف الرجل السوداني زوجته Author: ناصر احمد الامين Date: 04-15-2011, 01:15 PM Parent: #152
Quote: وهناك زوجة لو عزمت (حماتها) على العشاء فهذه قمة الملاطفة للزوج وهكذا !!
هههههههههه فعلا دي قمة الملاطفة و كسير التلج و برضو لو عملت حنة و استشوار و بيدكير و منكير مجانا لي حماتها بتكون ما قصرت تب يا نادية
Post: #155 Title: Re: لماذا لا يلاطف الرجل السوداني زوجته Author: محمد الكامل عبد الحليم Date: 04-15-2011, 07:02 AM Parent: #141
اقول لها.....اي لحظة بعيدة عنك ضايعة من ايام زماني.....واي يوم كان لي بقربك اتمني لو احياه تاني.
اتمني ان اجد نفسي في المطار لاستقبالها...
يا شوق مالك دعني.....اما سئمت عذابي؟
Post: #158 Title: Re: لماذا لا يلاطف الرجل السوداني زوجته Author: خالد المحرب Date: 04-15-2011, 01:07 PM Parent: #155
Quote: الأسباب عند الزوج كثيرة وأهمها بيئة وتربية رجل السودان هي التي شكلت طبيعته ومزاجه ولكن في بعض الأحيان تكون الزوجة أحد الأسباب مثال:
نعم هذا صحيح الزوج والزوجه على العموم ودى لاول مره استخدم كلمة عموم وليس للشواز احكام هنا تربينا على القهر وعدم ابداء الراى فى كل شى حتى فى النواحى العاطفيه ودا اس المشكله الموضوع هام جدا فى راى اسمح لى اخى الكريم ان ننقاش فيه عدة امور اختيار الزوج او الزوجه ختان البنات التربيه فى البيت اختيار رغبة التعليم اختيار الحزب الاحترام للصغير فى فكره وحاجات كتار يمكن ذكرها
Post: #161 Title: Re: لماذا لا يلاطف الرجل السوداني زوجته Author: ناصر احمد الامين Date: 04-15-2011, 01:21 PM Parent: #158
Quote: اختيار الزوج او الزوجه ختان البنات التربيه فى البيت اختيار رغبة التعليم اختيار الحزب الاحترام للصغير فى فكره وحاجات كتار يمكن ذكرها
استاذ خالد المحرب المحترم اشكرك علي المشاركة الجميلة دي اتفق معك تماما الا ما ورد اعلاه باللون الاحمر دي عاوزة ليها تفسير شوية
Post: #160 Title: Re: لماذا لا يلاطف الرجل السوداني زوجته Author: ناصر احمد الامين Date: 04-15-2011, 01:18 PM Parent: #155
اقول لها.....اي لحظة بعيدة عنك ضايعة من ايام زماني.....واي يوم كان لي بقربك اتمني لو احياه تاني.
اتمني ان اجد نفسي في المطار لاستقبالها...
يا شوق مالك دعني.....اما سئمت عذابي؟
بي كلامك دا يا محمد الكامل بنديك صك الغفران و الخروج من المله التقليدية السودانية هنيئا لك يا صاحب
Post: #162 Title: Re: لماذا لا يلاطف الرجل السوداني زوجته Author: خالد المحرب Date: 04-15-2011, 01:27 PM Parent: #160
Quote: الا ما ورد اعلاه باللون الاحمر دي عاوزة ليها تفسير شوية
شكرا انا اقصد مطلق الحريه حتى فى اللون السياسى للمره التانيه الموضوع هام وموضوعى تحياتى لك واذا ما وقع ليك كلامى اقبل الاستفسار للمره التانيه والعاشره
Post: #164 Title: Re: لماذا لا يلاطف الرجل السوداني زوجته Author: ناصر احمد الامين Date: 04-15-2011, 01:36 PM Parent: #162
Quote: شكرا انا اقصد مطلق الحريه حتى فى اللون السياسى للمره التانيه الموضوع هام وموضوعى تحياتى لك واذا ما وقع ليك كلامى اقبل الاستفسار للمره التانيه والعاشره
كدا الكلام و قع لي تماما و دا طبعا بند مهم جدا ان يقبل الطرفين بعضهم بغض النظر عن الانتماء السياسي علي شرط الاتفاق علي الفعل الاجتماعي
اشكرك استاذ خالد علي ايراد هذا البند الذي اتمني ان ياخذ قدر من المشاركة للمزيد من الاراء.
Post: #163 Title: Re: لماذا لا يلاطف الرجل السوداني زوجته Author: ناصر احمد الامين Date: 04-15-2011, 01:30 PM Parent: #160
اتصل بي احد الاصدقاء و قال انه و بعد قراءته للبوست قرر ان يكون يوم الخميس (امس) موعدا للملاطفة مع زوجته فقام بما لم يعودها ان يقوم به كل يوم رجع البيت بدري و ظل في حالة غزل و كلام ناعم و مشاركة فعالة في الاعمال المنزلية حتي المساء حيث دعاها للعشاء في فندق الشيراتون حيث البوفيه المفتوح العجيب و بعدها الي المنزل حيث خبأ لها هدية جميلة و قال ان ليلته كانت استثنائية حتي في ممارسة الجنس
و النتيجة انه و منذ صباح اليوم احس انه قد اضاف الكثير من القيم و المشاعر الايجابيه لنفسه اولا و لها و للحياة التي ينظر اليها مستقبلا بمزيد من التفائل
و قال انه سوف لن نتظر او يخصص يوم الخميس لذلك الامر، بل كل ايام الاسبوع رهن المتعة ما استطاع اليه سبيلا
_________________ هنئيا لك يا صديقي
Post: #165 Title: Re: لماذا لا يلاطف الرجل السوداني زوجته Author: ناصر احمد الامين Date: 04-15-2011, 01:46 PM Parent: #163
أماني محمد صالح صحافية اكثر كتاباتها عن المواضيع الاجتماعية و العلاقات الانسانية في السودان لها عمود بعنوان (اماني الروح) في موقع رماةالحدق. و أنقل احد المواضيع التي تعبر بها عن رأيها في الموضوع
كل الشكر يا استاذه اماني
____________ شاهدت امس حلقة من برنامج في النيل الازرق كان موضوعا عن رومانسية الرجل السوداني وكانت المذيعة لا اعرف من هي بضبط كانت تدير الحوار بطريقة غير لا ئقة وطلب من ضيوفها الرجال ان يعاملوا زوجاتهم بطريقة المسلسلات التركية ولماذا لا نفعل مثلهم الموضوع مهم ولكن طريقة تناوله كانت غير لا ئقة نحن في زمن مذيعات يجرين حوارات اكثر جدية وبطريقة تجبرك على المتابعة ونحن ابسط الحوارات لا نجيدها فمثلا سالت احد الضيوف انت ما بتقول لمرتك لو قدمت العصير لضيوف شكر ا يا حبيبتي والخ بطريقة غيرمقبولة لماذا تريدون لسوداني ان يكون تركيا فلكل منا تقافته التى تربي عليها لاننكر اننا في حوجة لرومانسية ولكن كل بطريقته الخاصة دون ان نتظر المسلسلات التركية توقظ فينا الرومانسية الا فهي مصنعة فهي احاسيس فيجب ات تخرج بعفوية دون تقليد احد الضيوف قال ان الرجل السوداني ايضا رومانسي اذا وجد من تنتزع هذه الرومانسية منه المراة السودانيةايضا لا تجيد الرومانسية فالموضوع ليس موضوع مسلسلات تركية فيجب ان تكون لنا ايضا تقافة خاصة واعتقد ان الحوار كان سيكون اجمل لو اداره مذيعا اكثر تفاقة ويعرف كيف يجيد الحوار فليست كل من لبست ثوبا وضع ميك اب صالحة لتكون مذيعة تدير حوارات
أماني الروح
Post: #167 Title: Re: لماذا لا يلاطف الرجل السوداني زوجته Author: ناصر احمد الامين Date: 04-15-2011, 02:06 PM Parent: #165
من الكلمات التي تعبر تماما عن حالة الازدواجية في العلاقات العاطفية في مجتمعنا بخاف .. للشاعر السر حسن و غناء الاستاذ ابوعركي البخيت
بخاف...أنا بخاف... أسأل عليك الناس وسر الريدة بينا يزيع... وأخاف أكتر كمان ياغالي من ايدي انت تضيع وأعيش بعدك حياتي جفاف مواسم ريده مافي ربيع.... بخاف يا انت لو جيتك الملم خطاوي الشوق وازور بيتك.... يقولو علي حبيتك....
بخاف لو برضي غبت عليك تقول ناسيك و جافيتك بَهـِم لو صدفه لاقيتك
درب حِـِلـِّتنا جابك يوم تشيل ياروحي ترمي اللوم عليّ وتزيد همومي هموم تقول جافيك وأنا نسيتك ؟؟؟ أريت تعرف حنيني إليك ياريتك
كمان تعرف لحد وين بعزك وفي أعماقي حسيتك وبس خايف إذا جيتك حكاية الريده تمشي تذيع ومن إيديَّ إنت تضيع وأعيش بعدك آه حياتي جفاف مواسم ريده مافي ربيع
Post: #170 Title: Re: لماذا لا يلاطف الرجل السوداني زوجته Author: Asim Fageary Date: 04-16-2011, 08:46 AM Parent: #167
Quote: بخاف...أنا بخاف... أسأل عليك الناس وسر الريدة بينا يزيع... وأخاف أكتر كمان ياغالي من ايدي انت تضيع وأعيش بعدك حياتي جفاف مواسم ريده مافي ربيع.... بخاف يا انت لو جيتك الملم خطاوي الشوق وازور بيتك.... يقولو علي حبيتك....
ناصر
صباح الخير
أعتقد أنها مواسم بينها مافي ربيع وليست (ريدة)
لأنها مواسم جفاف وليس من بينها موسم ربيع أو هكذا القصد
مع تحياتي
عاصم فقيري
Post: #171 Title: Re: لماذا لا يلاطف الرجل السوداني زوجته Author: البشير دفع الله Date: 04-16-2011, 09:22 AM Parent: #170
لأن الجمود العاطفي مشترك وأزيدك من الشعر بيت الجزء الأكبر من المسئولية يقع على عاتق الزوجة .
Post: #173 Title: Re: لماذا لا يلاطف الرجل السوداني زوجته Author: معاوية المدير Date: 04-16-2011, 01:30 PM Parent: #171
Quote: ______________________ و انت زاتك البشغلك بالليل شنو؟
Quote: علشان ما يكون معاها بالليل و يقضى النهار كلة نايم و المساء يطلع يشتغل
إنّ بعض الظن إثم. الزمن دآك زآتي ما كنت معرّس، هههههههههههههههه
Post: #178 Title: Re: لماذا لا يلاطف الرجل السوداني زوجته Author: ناصر احمد الامين Date: 04-19-2011, 09:05 AM Parent: #171
Quote: لأن الجمود العاطفي مشترك وأزيدك من الشعر بيت الجزء الأكبر من المسئولية يقع على عاتق الزوجة .
يا البشير دفع الله ... يعني برضو نعلق القضية علي شماعتنا الازلية !!؟؟ انا بختلف معاك في الحته دي ياخي ما الرجال ديل عاملين فيها قوامين طيب .. ما يقومو بالحته دي كلللها
تحياتي يا ملك
Post: #176 Title: Re: لماذا لا يلاطف الرجل السوداني زوجته Author: حسن حماد محمد Date: 04-17-2011, 00:42 AM Parent: #1
الأخ ناصر عساك طيب
أظن الأمر يتعلق بالحب وممارسة الحب
فيما يخص الحب من النادر عند السودانيين أن يتم الزواج كتتويج طبيعى لعلاقة حب
ظروف وعادات السودانيين (وبالتأكيد ليس كل السودانيين) لا تساعد كثيراً فى اقامة علاقات حب
وكثيراً ما يتم الزواج بين الاقارب SAFE LANDING ان لم يكن اطرارى (مرتو بت اعمو)
أما ممارسة الحب فأيضاً تعود لثقافة وبئة المحبين _
الرجل وأيضاً المرأة السودانية حياتهما العاطفية عامةً والجنسية خاصةً يحفها الكثير من الخوف و الخجل
وتأتى الممارسة أيضاً مصابة بشئ من الرتابة والمألوف فتصير الى مملة أحياناً وتبقى العشرة والعيال هما الوقود
والدافع لاستمرار الحياة (يتخللها الكثير من الزمن الضائع فى الكتشينة والنادى ومتابعة المسلسلات المصرية)
ولكن الغريب أن نفس الرجل السودانى اذا تزوج أو دخل فى قصة حب مع غير سودانية تجد العلاقة
على قدر كبير من الديناميكية المتجددة وتجد الرجل السودانى أكثر استعداداً للكشف والتعبير عن مكنونات ومخذونات عاطفية وجنسية قل ما تظهر
فى حالة ارتباطه بسودانية
وفى هذا الخصوص لابد من العودة للبوست الذى كتبه أحد الاخوة فى الربع الفائت على ما اظن عنوانه (الزول والجنس)
الله يستر علينا ما يجى واحد ناطى ويقولينا هسع الجاب الجنس فى الكلام ده شنو ؟
على كل اعتقد ان هذا من ذاك وارجو الا نكون قد غصنا فى الممنوع من الصرف
وللكلام بقية مشوقة
Post: #179 Title: Re: لماذا لا يلاطف الرجل السوداني زوجته Author: ناصر احمد الامين Date: 04-19-2011, 09:11 AM Parent: #176
Quote: أما ممارسة الحب فأيضاً تعود لثقافة وبئة المحبين _ الرجل وأيضاً المرأة السودانية حياتهما العاطفية عامةً والجنسية خاصةً يحفها الكثير من الخوف و الخجل وتأتى الممارسة أيضاً مصابة بشئ من الرتابة والمألوف فتصير الى مملة أحياناً وتبقى العشرة والعيال هما الوقود
حسن حماد و الضرب علي الوتر الحساس
Quote: ولكن الغريب أن نفس الرجل السودانى اذا تزوج أو دخل فى قصة حب مع غير سودانية تجد العلاقة على قدر كبير من الديناميكية المتجددة وتجد الرجل السودانى أكثر استعداداً للكشف والتعبير عن مكنونات ومخذونات عاطفية وجنسية قل ما تظهر فى حالة ارتباطه بسودانية
ياخي فعلا الموضوع دا مهم جدا يا حسن و ياريت الناس تواصل النقاش فيهو
Post: #180 Title: Re: لماذا لا يلاطف الرجل السوداني زوجته Author: عبدالرحمن الحلاوي Date: 04-19-2011, 09:47 AM Parent: #179
العالم لا يتحسن إلا عندما يجازف أشخاص بشيء ما في سبيل دفعه نحو الأفضل. الرجل السوداني لا يجازف لزوجته بشي حتى يتغير المفهوم في العلاقة القطبية وتحريك جبل الجليد نحو اشعة الصراحة والصدق والعمق ...فالزوجة مشدودة بتقاليد المجتمع وقشوره والرجل رهن كتب القرن السابع عشر ...فالحداثة في السلوك والعرف والتجديد في كل شيء في خبر كان ، والحل يكمن في عملية فرمطة للذهنية السائدة لدى الطرفين ...أرى أجيال جديدة أكثر إنفتاحا وأفقاً وأرى أيضا غثاً ورماداً كثيفا أيضا شكرا ناصر لفتح هذه الكوة العسرة الهضم والحل . تحيات كبار
Post: #184 Title: Re: لماذا لا يلاطف الرجل السوداني زوجته Author: ناصر احمد الامين Date: 04-19-2011, 09:14 PM Parent: #180
Quote: الرجل السوداني لا يجازف لزوجته بشي حتى يتغير المفهوم في العلاقة القطبية وتحريك جبل الجليد نحو اشعة الصراحة والصدق والعمق ...
Quote: فالحداثة في السلوك والعرف والتجديد في كل شيء في خبر كان ، والحل يكمن في عملية فرمطة للذهنية السائدة لدى الطرفين ...أرى أجيال جديدة أكثر إنفتاحا وأفقاً وأرى أيضا غثاً ورماداً كثيفا أيضا
الحلاوي الرجل الفريد و الله ليك وحشة كلام زي الورد ما بقدر اعلق عليهو ... فهو يعبر عن نفسو تماما
سعيد جدا بمرورك يا ملك
Post: #181 Title: Re: لماذا لا يلاطف الرجل السوداني زوجته Author: Kabar Date: 04-19-2011, 10:45 AM Parent: #179
ناصر..حبابك يا صديق و حباب كل الأصدقاء و الصديقات.. لم اقرأ كثيرا..و لكني سأسعي لأن اقرأ كثيرا.. و سؤالي : هل الملاطفة لازم تكون مدخل للجنس.. أو ممارسة الحب كما يقول صديقي وول ابا حسن حماد؟.. في مثل هذه البوستات و غيرها .. كنت اتمنى أن يتحلل السوداني و السودانية من الصرامة..و يكتب التجربة الذاتية.. ليس من باب اشاعة الفاحشة..و لكن من باب التعليم.. عشان الماشين / الماشات في السكة.. يفهموا البيهم و العليهم..
في حاجات صغيرة مرات بتحدث الفرق..يعني تكون متهم بانك مصاقر النت (زوجتك التانية)..و الطرف الآخر ما يكون مقدر انو النت ده ممكن يشكل ليك فضاء للبوح و وتحقيق الذات بطريقة ما..يقوموا يقولوا ليك (في بداية العلاقة) انو ما عندهم مشكلة مع الكلام البتكتبو.. لكن بعد شوية الكلام البتكتبو يبقى موضع سؤال (اخير منو سؤال زبانية محمد عطا لصفية محمد اسحاق)..اها تعمل شنو؟.. تنحبك و تقول ليهم ياخي انتو ماواثقين في روحكم و عندكم هاجس شك دايم؟.. تقوم ماشي الشغل.. تقول ليك اوصلك لغاية محطة الميترو ..و بعد تخلص من الشغل تجي تاخدك من محطة الميترو (مش دي ملاطفة و عميقة كمان و بتخسسك بانو في زولة مهتمة بيك؟)؟ اها يوم تقوم تعصر على روحك و تجلي عالمك الإفتراضي بتاع سودانيز اونلاين..و تقعد في الهول تتفرج في التلفزيون معاها و مع البنيات أو الأولاد..و تكتشف انو في برامج سمحة و فايت عليك الإنتباه ليها..و تحس بمتعة عميقة.. اهادي ملاطفة ولا ما ها ملاطفة؟.. تمشوا السوق..و تتغالطوا في الحاجات..و تسب ليها دين و لسلفيل اهلها الخفلوها.. بفهم انك البتتعب عشان تجيب قروش..و بعد ده كلو رايها يمشي و الحاجات الدايراها تقوم تشتريها..و تتنازل عن طنقعتك الهايفة..هل دي تعتبرها ملاطفة ولا انهزام؟.. تمشى مناسبة عامة.ز فلتكن حفلة مثلا.. تقوم واحدة تانية تجيك ترقص معاك..و عشان يكون تيرموتر الحساسية واعي عندك و مصحصح للآخر.. الرقصة التانية تقوم تمشي ليها و تقول ليها تعالي نرقص..الرقصة الآولانية بتكون تورت فيها حاجات كتيرة..و بتحس انو ضربت بيها عرض الحائط قدام الناس.ز لكن الرقصة التانية بتكون صححت الأمور..و هي اشارة مفادها ما شغالين بالتانيات و التانيين.. شغالين بيكم انتو.. حاجة بسيطة لكن ممكن تعمل الفرق..!
نحن كسودانيين و سودانيات ، صحيح اتربينا في بيئات معقدة للغاية ( انا القدامكم ده بقاري و راعي بقر ساكت).. لكن القدرة على التوافق والتصالح مع معطيات الواقع ممكن تكون مننا شخصيات ايجابية.. وصيتي للشابات و الشباب الماتزوجوا بعد ( بالمناسبة دي خبرة تمنطاشر سنة زواج): أول حاجة تكون نفسك و بس.. يعني ما تحاول تتنطقع نهائي و تلبس ليك جبة ماها جبتك.. المرأة السودانية و الرجل السوداني ( نسبة لظروف التنشئة الإجتماعية الخاصة للغاية) ناس بتحب المدوارة..و الإشارة.ز عشان كده خليك/خليكي ذكي:ذكية للغاية.. الشباب الذكور: يعني لو ، بدون اي مناسبة ، لموا فيك ردحي و شتيمة..ما تتعقد خالص.. ممكن تمثل فيها زعلان.. لكن اتلفت حولك.. عملت شنو عاشن يجيب الردحي ده؟..و صدقوني حاجة ساهلة ممكن تكتشفها بسهولة و تتعامل معاها.. حاجات مهمة للغاية: اوعك تنسى تأريخ يوم لاقيتها ، يوم اتزوجتها ، و يوم ميلاد الأطفال ( دي غايتو دايرة جهد كبير).. في اي نقاش حاد.. ممكن تعتمد على حيلة بسيطة..قول ليها ياخي انا غلطان و بعتذر..و دي مجربة و على ضمانتي.. المرأة السودانية دايما رايح ليها تقرير مصير..و اول ما تديها الضوء الأخضر.. ممكن تكون بالونة و تتنفس..زي الماحصل شئ..! الملاطفة ليست بالضرورة مدخل للجنس..ممكن تتنوس معاها و تعيد ذكريات الماضي..تجاملها في حاجاتها ..قالت ليك الشمش خضراء .. قول ليها خضراء لمن داكنة..قالت ليك الدنيا حر.. رش وشك بموية من الماسورة ..و قول ليها حر لمن عرقان..هي كذبات صغيرة لكنها ملاطفة عالية الجودة.. الكذبات البيضاء مرات بتكون مفيدة ( اهلنا البقارة عندهم مثل بيقول عرسوهن بالصح و امسكوهن بالكضب)..بالنسبة للذكور .. خلي عندك قدرة دائمة على الكضب البرئ الأبيض.. ياخي اتفق معاها طوالي..و بعد داك سوي الداير تسويهو.(بس ما تكتر المحلبية)..! الرجل السوداني يلاطف زوجته و نص كمان.. و لو و قال ليكم .. هل ح تصدقوهو؟؟؟
و دمتم جميعا.. كبر
Post: #182 Title: Re: لماذا لا يلاطف الرجل السوداني زوجته Author: الفاتح شلبي Date: 04-19-2011, 12:48 PM Parent: #181
الأستاذ ناصر
تحياتي لك ولضيوفك الكرام
وشكراً على هذا البوست كامل الدسم, رغم ان الموضوع فى النهاية بيفضح الرجال فضيحة شينة لكن الجميل ان النقاط اتوضعت فوق الحروف رغم مرارة حقيقتها ... غايتو عن نفسي معترف بالتقصير لكن الظاهر عايزين تدريب مكثف عشان نلحق اللى راح مننا
وأقول ليكم حسسسسع ... أول رد فعل اتوقعه من بعلولتي إنها حتقول ... هات من الآخر يا الفاتح Icon:
Post: #183 Title: Re: لماذا لا يلاطف الرجل السوداني زوجته Author: سناء عبد السيد Date: 04-19-2011, 03:55 PM Parent: #182
Quote: لماذا لا يلاطف الرجل السوداني زوجته
الشخصية السودانية بتعاني من الإزدواجية الناتجة من التربية الجافة..الخ في ازواج بتلاقيهم قمة الرومانسية مع زوجاتم
لكن في حدود المنزل فقط لكن برة و خصوصا في وجود الناس بتعامل معاها معاملة فظة و في ازواج بكونوا جافيين مع زوجاتم
لكن برة هاك يا الرومانسية و تلقاهم مبتسمين الخشم من الأضان للأضان لكن تعال شوفم في البيت اماالبكونوا رومانسسين جوة و برة البيت
ديل قليليين.
Post: #187 Title: Re: لماذا لا يلاطف الرجل السوداني زوجته Author: ناصر احمد الامين Date: 04-19-2011, 09:30 PM Parent: #183
Quote: في ازواج بتلاقيهم قمة الرومانسية مع زوجاتم لكن في حدود المنزل فقط لكن برة و خصوصا في وجود الناس بتعامل معاها معاملة فظة و في ازواج بكونوا جافيين مع زوجاتم لكن برة هاك يا الرومانسية و تلقاهم مبتسمين الخشم من الأضان للأضان لكن تعال شوفم في البيت
و دي الحاجة الما لقيت ليها تفسير ابدا يا سناء التربية و البيئة اذا كانت هي السبب !! فهل في طريقة لللتغيير ؟؟؟
دي هي نقطة الحوار المهمة اشكرك يا سناء و خليكي قريب للمزيد من الطرح
Post: #186 Title: Re: لماذا لا يلاطف الرجل السوداني زوجته Author: ناصر احمد الامين Date: 04-19-2011, 09:26 PM Parent: #182
Quote: لكن الجميل ان النقاط اتوضعت فوق الحروف رغم مرارة حقيقتها ... غايتو عن نفسي معترف بالتقصير لكن الظاهر عايزين تدريب مكثف عشان نلحق اللى راح مننا
و الله يا الفاتح الراح مننا كتير لكين ايدنا علي ايدك ممكن نحصل الباقي
Quote: وأقول ليكم حسسسسع ... أول رد فعل اتوقعه من بعلولتي إنها حتقول ... هات من الآخر يا الفاتح
ههههههههههههه دي بالغت فيها و الله يا الفاتح .....ياخي يديك العافية و ورينا النتيجة !!
Post: #185 Title: Re: لماذا لا يلاطف الرجل السوداني زوجته Author: ناصر احمد الامين Date: 04-19-2011, 09:21 PM Parent: #181
يا كبر يا ملك و الله انا ما عرفت اقتبس شنو و اللا شنو في مداخلتك فهي ثره و عميقة و في المضمون تماما، لذلك حا اخليها زي ما هي عشان نشوف راي اكبر عدد من الناس
اشكرك كتير ياخي و ربنا يهنيك بي فهمك العميق دا.
Post: #188 Title: Re: لماذا لا يلاطف الرجل السوداني زوجته Author: خالد المحرب Date: 04-19-2011, 09:40 PM Parent: #185
Quote: سلام سيد البوست الأستاذ الفاضل ناصر وضيوفه الكرام، والله موضوع مهم وتُشكر عليه، لكن يا جماعة التعميم فيهو الكثير من الإجحاف، ورغم التقدير لبعض الموروثات التقليدية التي وصفها البعض، غير أن هناك قطاع آخر من الرجال السوادانيين لا يقع تحت طائلة (الرجل الناشف، الجاف، الذي لا يلاطف زوجته)، إذن أرجو الإتفاق بإنه بيكون في شوية إنصاف لو تجنّبنا التعميم لأن العنوان (لماذا لا يلاطف الرجل السوداني زوجته)؟، فيهو إيحاء بأن كل (رجل سوداني لا يلاطف زوجته)، وهذا غير صحيح، لأن التعميم، ليس في هذا فحسب، بل في كل شئ فيهو إجحاف! أقول قولي هذا لأن في محيطي ما شاء الله تبارك الله العديد من الرجال السودانيين من زوج، أخ، إبن خالة، صديق، إلخ، ممن لا يقعون تحت طائلة هذا العنوان قطعاً، فلكم ولهم التحية والمحبة والتقدير، وتحية خاصة لزوجي الحبيب عبدُالله جلاّب.
والله يا دكتوره سعاد اهنيك على الانصاف لان ليس كل رجال السودان لايلاطفون زوجاتهم ولكن قد يسرعوا فى الخطا فتجد المسافه بينهم فى المشى فى الاماكن العامه تحياتى لك و للاستاذ جلاب والشكر مره اخرى للاخ ناصر
Post: #189 Title: Re: لماذا لا يلاطف الرجل السوداني زوجته Author: أيمن دياب Date: 05-10-2011, 06:15 PM Parent: #188
.....
Post: #191 Title: Re: لماذا لا يلاطف الرجل السوداني زوجته Author: othman mohmmadien Date: 05-15-2011, 09:37 PM Parent: #189
تحية طيبة أخ ناصر وسلام لضيوفك الكرام وشكرا على هذا الطرح الشيق
يا جماعة ظلمتوا الرجل السوداني ... لا أعتقد ان هنالك حياة بلا ملاطفة ... وقد تتخذ اشكال عدة وقد تكون في نظر البعض غير معبرة ولكنها للاطراف التي تتبادلها كازواج غاية السمو والاحساس بالمتعة العاطفية - وإن انعدمت الملاطفة فلن تستمر الحياة الزوجية ... يا أخوانا بعد غنا الحقيبة والوصف اللامحدود لمحاسن المراة السودانية والخيال الشاطح في الوصف برضوا تقولو مافي ملاطفة ... عموما وأعتقد أن الدراسة التي سأوردها هنا حاسمة كحجة حيث أن الأمر لا يرتبط بالرجل السوداني دون غيره بل قد تكون ظاهرة تخص كل الرجال وربما تكون رسختها لدى الرجل السوداني مفاهيم وتقاليد صارت الآن بالية وجعلت الرجل السوداني يبدو كذلك ولا اعتقد ... ستظل باقية ... أبد الدهر
Quote: غالبية السيدات يعتقدن بأن الرجال من النوع الصامت والقوي، ولكن الحقيقة التي قد تصدم النساء أن الرجال يرغبون بالانفتاح على الشريك ومشاركته مشاعره ومخاوفه وطموحه وشغفه، ورغم ذلك يكبحون هذه الرغبة.
وهناك أسباب تدفع الرجل إلى كبح رغبته في التواصل ومنها؛ أن الرجال يشعرون بالخوف من الإفصاح عن المشاعر، فهم يعرفون بأن المرأة خبيرة في مهارات التواصل، في حين يفتقر الرجل إلى هذه المهارة، ويعتقدون أن الإفصاح عن المشاعر، قد يسبّب لهم المشاكل مع زوجاتهم.
كما أن الرجال يحتاجون إلى تخفيف الضغوطات بداية، ولكن من وجهة نظر المرأة، فإنها ترغب أن تسمع من زوجها ما الذي جرى معه في العمل على الفور وبمجرد دخوله المنزل، أما الرجل فيرغب بالاسترخاء بمجرد دخول المنزل؛ لأنه يشعر بأنه وصل إلى المكان الذي يخلد فيه للراحة والهدوء.
وتشير الدراسات إلى أن 14% من الرجال يرغبون في تفقد بريدهم الإلكتروني بمجرد الدخول إلى المنزل، و 12% منهم يريدون الاسترخاء في دورة المياه و 20% يرغبون بتناول الطعام. لذا يشعر الرجل بتوتر حين تبدأ المرأة بطرح الأسئلة وهو أمر قد يدفعه للغضب.
الرجال يشعرون براحة أكبر في الأفعال بدلا من الأقوال؛ فالرجل حين يريد التعبير عن حبه لزوجته يقوم باتخاذ الأفعال، كأن يغير لها زيت السيارة أو يجلب لها الورد، أو يساعدها في الأعمال المنزلية.
كذلك فإن الرجال يكرهون أن يكونوا تحت الاستجواب، وعندما يختصر الرجل في حديثه تشعر المرأة بأنها تريد السماع أكثر، والمعادلة هي كلما قلّ الحديث كثرت الأسئلة.
ووفقا لصحيفة "الغد" الأردنية تبين دراسة حديثة أن 65% من الرجال يمقتون أن تقوم زوجاتهم بطرح أسئلة كثيرة عليهم. فهم في العادة لا يخفون شيئا بالضرورة؛ لأنهم بالطبيعة يميلون إلى الاختصار في حديثهم.
وينصح خبراء الإرشاد الأسري أن تتريث المرأة قليلا وتعطي زوجها مساحة وتفهم طبيعة تكوينه؛ لأنه يختلف عن المرأة في طرق التعامل مع المشاعر، وإذا أشعرت الزوجة شريكها بأنها ليست فضولية، فإنه سيميل إلى الإفصاح والتواصل مع زوجته.
يا سلام علي الكلام
