الليلة البشير زعلآن، نام بايت القوا مابي العشا وزهجان قالوا ابناء يهود ضربوها بورسودان قال حا يأدِبُن بخطاب عنيف مليآن إتلموا الخلوّق البادية والعُربان الساحة اتملت جايين من ايّ مكان، وحين ظهر المشير بصوت قوي ورنان إتصايحوا الكيزآن لا سرائيل، لا أمريكان دفاعنا الشعبي في الميدآن وبدأ الخليفة المنتصر نص الخطاب بنفخ تقيّل بِتتتتت الهِرمّة يا اسرائيل بدل ما نجيك نحن هنآك تجينا عديييييل !!! وقعتِك طِيييينة يا اسرائيل يا الزول النِتِـن وجبـآن تشيل سآروخك العـفنآن تضرب بيهو بورسودان ؟!!! لو إنت صحيح من الشجعآن كنت تجينا في امدرمان عشان نهريّك نقطّع لك مصارينك نلملم فوقك الضُبآن والخوران والعفنان وود الغوش والوسـخان والجرذآن والمانافع السجمآن وود كرتي، وعلي عثمان والموقوذة والمنطوحة والعورا وقليل الشـان نجيك بجيش يهِد الحيل بِتتتتت الـ يا اسرائيل تجينا عدييييييل !!! حلفت طلآق طلآق إتنين اخلِيلِك حياتك طين اعفصِك طظظظظ تحت نِعلآتي الإتنين اعفصِك طظظظظ عفصة زول مدآسو سنين سير سير يا بشير لا تراجع لا تأخير نحن معاك للتعمير ابشروا، ابشروا دُقُوا الجيرك في كل مكان ارقصوا تِوِست في الميدآن عشان ارقص انا الممكون انا الزهجان علي الطلآق ارقُص وكمان ارقُص زي الداردوق وابو الحُرقُص إسرائيل تحت جزمتي ست الرد الرد السد السد . . .
ود المدير ...
Post: #2 Title: Re: عـمـر الـبـشـيـر زعـلآن ... Author: فيصل محمد خليل Date: 04-11-2011, 09:09 AM Parent: #1
يبرى و يستبرى يا يمة دا موحد السودان وحامي شرقنا البزعل شنو !!!! دي حسادة منك ساي يا ود المدير ____ ثم تاني هو ذاتو سوها كيف ? ســــودانيييييييي...ســــودانيييييي ســـرقوا ســــوداني
Post: #3 Title: Re: عـمـر الـبـشـيـر زعـلآن ... Author: محمد حسن العمدة Date: 04-11-2011, 09:18 AM Parent: #1
والله ما بخليهم وح اتلللللللللللب ليهم جوا تل ابيب بتاعتهم دي ( مع حفظ حقوق التلوب لبت الجنيد )
Quote: يبرى و يستبرى يا يمة دا موحد السودان وحامي شرقنا البزعل شنو !!!! دي حسادة منك ساي يا ود المدير ____ ثم تاني هو ذاتو سوها كيف ? ســــودانيييييييي...ســــودانيييييي ســـرقوا ســــوداني
سلآم يا فيصل خليل. وحاتك يا فيصل ماني حاسد بس غايزني اليهود الخوافين ديل. هُن كان رجال ما كانوا يمشولو عدييييل عشان يلقوا نفسهم تحت الجزمة...
Post: #6 Title: Re: عـمـر الـبـشـيـر زعـلآن ... Author: أحمد ابن عوف Date: 04-11-2011, 11:00 AM Parent: #5
Quote: ههههههههههههههههههه، ليهُن الحق يضربونا. والله صحي..
ود المدير حبابك يابا شكييييييييييييييت محنك يا خوي شفت رقصة البشير دي يا ود المدير بتشبه شنو ؟؟ اتكنو بحكاي في النمر الليلك الفي بروفايلك بنقز برا شغلة ده والله صحي كدي عاين لي سمح شوفوا بحكايهو كيفن شكيتك على حبوبتك بت ميدوب يا ود المدير , في محنك البتقلعا دي محن بي نقزتها والله صحي
سلامات يا ادارة كدى يامدير الـ نكون واقعيين يعنى هسع الضربة دى كان وقعت فى عهد الصادق ولا اى رئيس تانى حايعمل شنو يعنى ,, طبعا فى ناس حاتجينى ناطه ويقولوا لى: لو ما سياسة الكيزان ما كانت اسرائيل ضربت السودان. استريحوا عارفا دى ,, انتوا دحين لما الإنجليز دخلوا السودان واستغلونا زى عشرمية سنة. ياربى كان بسبب الكيزان بررضو? مدير ياود عمى ياخ انا بطرب لكتاباتك الزمان ديك مالك داير تحرمنا منها? مالك بعد كنت بتغنى بالدلوكة داير تغنى بالمندلين?
Quote: والله ما بخليهم وح اتلللللللللللب ليهم جوا تل ابيب بتاعتهم دي ( مع حفظ حقوق التلوب لبت الجنيد ) اخر تصريحات جعجاع افريقيا
سلآم يا عمدة. تصريحات شنو يا عمدة؟؟؟ هذا رجل لا يجيد مهنته، كرئيس دولة نسبةً لأنّ التصرفات والتصريحات التي يدلي بها لا ترقى لتأهيله كي يكون راعي إبل ناهيك من ان يكون مسئول من بشر. هكذا إبتلآنا الله سبحانه وتعالى بهذه النوعية الغريبة من خلقه. نسأل الله السلآمة...
تشكر يا معاوية، الفيديو ده لازم يتعمل ليو فوروورد محترم، يتوزع أركان الدنيا الاربعة وتكتب في الايميل (كل من نشر الايميل ده جاتو قروش كتيرة خلال 24 ساعة :)
Quote: سلام يا معاوية من جلالات الجيش الزعلان كلمو.... يقع الخزان كلموووو الخزان كان بعيد عربات الجيش في الطرييييق
سلآم يا ود ابنعوف. يا زول والله انا كان في محل الزول ده، ادي نفسي طلقة وسط البلد، لكن ديل ناس عديمي ضمير وإحساس. يسولهم شنو؟؟؟ شكراً علي المرور والجلآلآت...
Quote: الزعلان كلمو يقع الخزان كلمو .. خزان لو بعيد صبغة من دكان سممو .. ترلم ترلم .. هكذا غنن بنات بلدي ذات رقيص عروس فى زمان بعيد
بت الشيخ، سلآمات. والله مشتاقين، والبركة في زعلة الزول ده الجابتك. غايتو زي ما قال ود العمدة إنت بقيتي كتلة كُتلآ. نحن الزول بنوريهو محل الخزآن، بعدين هو يتصرف برآهو...
Quote: العزيز ود المدير سلام البشير زعلان البشير حردان البشير بردان البشير بمبان.. مولّع وشالع لا اسرائيل ولا امريكان.. الله يكون في عونه السايب البلد هملة تحياتي
عبد العزيز يا عزيز، ســـلآم. البلد عآيرة وادوها سوط، ما معروفة تقيف وين؟؟؟ غايتو الله يستر...
قال الشاعر: لايصلح القوم فوضى لاسراة لهم ,,,,, ولاسراة إذا جهالهم سادوا
Quote: ود المدير حبابك يابا شكييييييييييييييت محنك يا خوي شفت رقصة البشير دي يا ود المدير بتشبه شنو ؟؟ اتكنو بحكاي في النمر الليلك الفي بروفايلك بنقز برا شغلة ده والله صحي كدي عاين لي سمح شوفوا بحكايهو كيفن شكيتك على حبوبتك بت ميدوب يا ود المدير , في محنك البتقلعا دي محن بي نقزتها والله صحي
إخيتي بت الجنيد، اريت حالك زين. بتعرفي العبوب؟ بس ياهو العبوب زاااااتو. والله صحي. يا قول حبوبتي بت ميدوب: بقينا زرزور في إيد عيال. والله صحي تاني كمان...
Quote: سلامات يا ادارة كدى يامدير الـ نكون واقعيين يعنى هسع الضربة دى كان وقعت فى عهد الصادق ولا اى رئيس تانى حايعمل شنو يعنى ,, طبعا فى ناس حاتجينى ناطه ويقولوا لى: لو ما سياسة الكيزان ما كانت اسرائيل ضربت السودان. استريحوا عارفا دى ,, انتوا دحين لما الإنجليز دخلوا السودان واستغلونا زى عشرمية سنة. ياربى كان بسبب الكيزان بررضو? مدير ياود عمى ياخ انا بطرب لكتاباتك الزمان ديك مالك داير تحرمنا منها? مالك بعد كنت بتغنى بالدلوكة داير تغنى بالمندلين?
عبد العزيز يا عزيز، كدي في الأوّل، أخبارك وأخبار وِليداتك؟ نعلكم طيبين؟؟؟ مفروض نهاتفك، لكن برآك عارف اخوك كوم لوّم. دحين شوف لي عُذُر من السبعين ينالك ثواب. يا عبد العزيز، حتي لا يقع الضرب من الأصل، يجب ان تكون للدولة شخصية قوية تحوُّل دون الإعتداء عليها، والدولة تستمد شخصيتها من أصحاب الأمر فيها ونوعية السياسة التي يتبعونها. الناس وقفوا مع عمر البشير ضد قرار المحكمة الدولية نسبةً لأنه رمز سيادة الدولة، ورمز سيادة الدولة هو هذا الذي يرقص في الشريط. تفتكر هل بقيت سيادة للدولة وهذا راعيها وحاميها؟؟؟ الدولة في عهد هذا الحكم ليس لها شخصية ولا سيادة، لذلك ليس من المستغرب ان تعتدي عليها أحطّ وأحقر وأجبن دولة في العالم، وتنتهك حُرمة أراضيها مرتين. بزمتك يا عبد العزيز هل هذا الذي في الشريط يرضيك أو يرضي الله ورسوله؟؟؟ رعايا الدولة يقومون بهذا التهريج والعبث من أجل مكاسب سياسية، ومن أجل إستمالة جانب هاؤلاء البسطاء مظهرين من خلآلهم انّ لهم سند جماهيري، ومدعين في نفس الوقت انّ هذا التهريج الذي يقومون به خارج من مِشكآة النبؤة، وهو من صميم المحجة البيضاء التي ليلها كنهارها ولا يزيغ عنها إلا هالك تلك التي تركنا عليها المصطفى عليه أفضل الصلآة واتمّ التسليم. العزف علي أوتار المندلين لا يستهويني يا عبد العزيز، فأخوك مُرغم وليس بطل. نحن يا عبد العزيز نعيش في ظل نظام باعت فيه الأم فلذات كبدها من شدة العوذ، والقأمين علي أمره يمارسون الدجل والشعوذة وقد أصبح الرقص ديدنهم. اشتاق لأنغام الدلوكة يا عبد العزيز، وشر البلية ما يضطرك لأكا الميتة ولحم الخنزير. أعذرني يا فاضلآبي فالذي بيني وبينك ليس بحر النيل فقطـ...
Quote: صحف إسرائيل : لدينا انشغال غير بسيط مع محور الشر من طهران عبر دمشق وسلة قمامة الارهابيين في السودان . وزير الخارجية السوداني لا يفهم ما حصل لشاشات الرادار ومن أنام مراقبي الطيران ويحاول الظهور بالبراءة.
من الصعب التصديق بأن أحدا لن يصنع فيلما عن هذا: ينزل رجل من طائرة صغيرة وهو يحمل حقيبة سفر دون أن يشعر به أحد تقريبا، يخرج من المطار، يلاحظ على الفور السائق في سيارة اليونداي التي بانتظاره، ويحتل مكانه في السيارة.
ليل، ظلام شبه دامس، لا توجد أي اشارة تدل على الدراما التي ستقع بعد دقيقتين ثلاث دقائق. اليونداي تنطلق الى الطريق السريع. 15 كم فقط حتى مدينة الميناء، 10 دقائق سفر في قافلة السيارات. فجأة، من مكان ما، تأتي طائرة صغيرة من دون طيار وتطلق النار.
اليونداي تحترق. السائق والمسافر يتفحمان. أي من السيارات الاخرى لا تصاب بأذى. اصابة دقيقة. لا بصمات، لم تتبق هويات تشخيص للضحيتين ولكن من ينبغي له ان يعرف فهو يعرف. في مكان ما تُفتح قنينة احتفاء بتصفية مركزة ناجحة اخرى. الستار ينزل في الظلام، لا توجد حظوات للمنتج، للمخرج، لرجال الميدان الذين ساهموا في تقديم المعلومات، بل ولا توجد حتى جنازة لتشييع الضحيتين.
كل الاحترام لصحيفة 'الجريدة' الكويتية. بالذات (ليس بالصدفة على الاطلاق) وسائل اعلامية هامشية وصغيرة اختيرت لكشف القصة عن التصفية في السودان. نحن نتعرّف من الجريدة (أي الصحيفة) كل التفاصيل العملياتية: من، برأيهم، كان هدف التصفية، كيف نجحوا في تجنيد عملاء ميدانيين رفعوا معلومات ميدانية، وكيف رُبطت المعلومات التي سلمها مسؤول حماس الذي جيء به من اوكرانيا، ضرار أبو سيسي، لدى التحقيق معه عندنا، بتصفية عبد اللطيف الاشقر في مكان بعيد في السودان.
كلاهما من مخيم جباليا للاجئين في غزة. أبو سيسي كان 'المهندس'، الذي طور منظومات السلاح في غزة. الاشقر كان وكيل المشتريات، مقاول التهريب عبر الأنفاق الى غزة، الخليفة غير المتوج لمحمود المبحوح الذي صُفي في دبي.
من دون المساهمة السخية للصحيفة الكويتية، ما كان يحتمل ان يُحل لغز القضية أبدا. ولكن لحظة، مثلما في الأفلام، المنتج يريد أن يوزع الحظوات لكل من قاموا بالمهمة، أمام وخلف الكواليس. وهو يعرف بأن كل فتات معلومات تأتي في هذا المجال سيلقى كشفا كاملا.
فهاتان هما قاعدتان أساسيتان للعب: اذا فعلت ولم تُبلغ (حتى عبر التسريب عن بعد) وكأنك لم تفعل شيئا. نبشت في الانترنت ولقيت معلومات لذيذة مسموح لك أن تقتبس، أن تنشر، وأن تصنع عناوين رئيسية.
من المضحك ان نسمع مساعي النفي التي تنبعث من غزة، وكأن ضحية التصفية لا يزال حياً يُرزق. فاذا كان 'وضعه جيداً'، مثلما يدعي عم ذاك الاشقر، فليأت الشاب، فيتصور ويطلق صوته. ويمس شغاف القلب ان نسمع محاولة الظهور بالبراءة من جانب وزير الخارجية السوداني. فمن جهة تجده مقتنعا مئة في المئة بأن اسرائيل نفذت التصفية، ومن جهة اخرى لا يزال يفحص من قُتل في القصف، بل ولا يفهم ايضا ما حصل لشاشات الرادار ومن أنام مراقبي الطيران.
هذه القضية، التي تبدأ بعماد مغنية، وتستمر الى المبحوح وتنتهي (حاليا فقط) بالاشقر، لم تكتمل. لدينا انشغال غير بسيط مع محور الشر من طهران عبر دمشق وسلة قمامة الارهابيين في السودان. تفاصيل اخرى لا بد ستأتي، وهي ستظهر على نحو مفاجىء في وسيلة اعلام ما لم نفكر فيها. ثقوا بالمنتجين.
Quote: صحف إسرائيل : لدينا انشغال غير بسيط مع محور الشر من طهران عبر دمشق وسلة قمامة الارهابيين في السودان . وزير الخارجية السوداني لا يفهم ما حصل لشاشات الرادار ومن أنام مراقبي الطيران ويحاول الظهور بالبراءة.
يا سعادة المشير: لقد خاب قوم أملـوك لـشـدة = أرادوا نزالا أن تكون تحـارب فلا أنت تغني عن أمور تواترت = ولا أنت دفاع إذا حـل نـائب أرب يبول الثعلبـان بـرأسـه = لقد ذل من بالت عليه الثعالـب...
Quote: والبيع بيعة عدوكا بعت الأرض بترابا؟؟ باكر تبيع أبوكا وان مُتْ من تُخمة باكر ناس الشرق يبكوكا وناس الغرب يبكوكا ناس الشمال يبكوكا وناس الجنوب يبكوكا.