نكتة عن عمر حسن احمد البشير فى أول زيارة له لليبيا فى عام 1989

طبعا العقيد رفض مقابلة البشير فى زيارته الاولى لليبيا لان العقيدكان زعلان شديد من البشير عندما خان العهدو قلب النظام فى السودان وطوالى قام بزيارة حسن مبارك فى الاسكندرية للوقوف معه اها العقيد بعتبر نفسه هو أولى من حسن مبارك بمساندة النظام الجديد لان حكومة الديمقراطية بقياد الوطنى الجسور السيد الصادق المهدى لم توافق على شروط العقيد و التى أولها أن يطبق السيد الصادق المهدى له الكتاب الاخضر لكى يمده بكل شئ فوضح له السيد أنه سيعرض هذا الرأى على الشعب لانه ليس فى يده القرار فغضب العقيد و قرر الاطاحة بالسيد بأى أسلوب لذا البشير كان عشمان فى وفقة العقيد اها صاحبنا بعد الاسكندرية استدرك أنه أخطأ فى عدم زيارته أولا قبل مصر نسبة لمعرفة ليبيا بالواقع السودانى فقال للزبير أفو نحنا ما نسينا ليبيا فقام طوالى جهز نفسه وطار ليبيا و مو عارف العقيد دافنا ليهو فعند وصوله مطار طرابلس استقبله نفر عادى لم يكن العقيد من بينهم فقعد يوم يومين ثلاثة لم تصله اشارة لمقابلة للعقيد فسأل فقالوا ليه العقيد مريض فقال ليهم طيب انا امشئ للعقيد منها اتحمدل ليه السلامة ومنها مقابلة فردوا عليه بأن العقيد غير جاهز للمقابلات الرسمية فقال اسع انا قاطع أميال عشان أرجع من غير مقابلة العقيد والله ما بسويها دى الا أقابل العقيد عشان أضمن أنا قاعد فى الحكومة فواحد من جماعته قال ليهو يا ريس نحنا لسع جديدين لنج والعقب خلا أمكن واحد ينقلب علينا قال ليهو تنقلب معدتك ود البشير الاسد النتر فى زول بنقلب عليهو

طبعا مافى زول بنقلب عليك الا ثورة الشباب عبر الفيس بوك يا مخجوج يا مزور

حمدلاك بالسلامة يا حبيب

في أول أيامه الإنقاذيين أفهموا العقيد أنهم تبنوا منهج اللجان الشعبية

وكملوا البوهية الخضرا والبيضاء

وجابو قذافي كسر حيطة السجن وأنشدوا أصبح الصبح


يريدوننا أن ننسي

ويريدون القذافي أن ينسى


أما مبارك

فقد باعوا له أخوانهم من الجماعات

ويظهر أنهم نسوا ذلك تماما



الباقر موسى