العميد (م) عبد الرحمن فرح طلاق كاثوليكى لحزب الامة وزواج عرفى للانتباهة

اهلنا زمان قالوا الفيل كان وقع سكاكينه بتكتر هذا هو وضع الصادق المهدى وحزب الامة , فالعميد بحرى (م) عبد الرحمن فرع مدير جهاز الامن فى حكومة الصادق وتربية بيت المهدى قد اعلنها حربا شرسة على حزب الامة واهل الصادق ولسان حاله يقول : ( انتو فاكرين الدنيا مهدية ), ويا سبحان مغير الاحوال , الراجل شوف عينى الباكلهم الدود ديل كان يتبرك بلمس طرف عمامة الصادق وكان محمد احمد المهدى بالنسبة له خليفة رسول الله (ص) فيا ترى ماذا حدث فجأة للعميد عبد الرحمن فرح ؟ وما سر انضمامة لمنبر السلام العادل ؟ هل بحثا عن المال من ما تبقى من عائدات بترول الجنوب ام ان الخلافة قد انتقلت الى الطيب مصطفى

سلامات
لا يوجد طلاق كاثولوكي بل يوجد زواج كاثلوكي وهو الى الابد till death do us apart

ليه الزول لما يغير موقفوا بيكون عشان القروش؟
ليه ما يكون بس في السندي اكتشف خطل ما كان فيه وقرر انه يغير؟

اولا هو ما محتاج لاي اموال عشان يبيع نفسه لاجلها

زول عايز يكتب مذكراته ليه يتحارب وتشوه سمعته.

دكتورة نجاة
اهلا وسهلا وتشرفنا زيارتك
الطلاق الكاثوليكى هنا يعنى الفراق الابدى عكس الزواج الكاثوليكى يعنى زى ( فراق الطريفى لجمله ), وبعدين الراجل لم يكتشف عيوب حزب الامة الا بعد ما تجاوز السبعين ؟ على فكرة انا لست حزب أمة ( ولن أكون ) بس يكفى الراجل احترام اختياره الذى دام لعقود وبعدين هو تعلم السياسة فى حزب الامة, وبعدين مافى مانع الواحد يكتب مزكراته وينقد لكن ما تكون على طريقة ( الصحاف ) وانا بصراحة اعيب فيه وعليه اسلوبه فى الحوار مع الصحافة يا اما الراجل دة مصاب بمرض الخرف السياسى واذا هو بكامل عقله وبصحة جيدة دى مصيبة السودان الذى يسكنه قرابة الاربعين مليون عاقل وتناوب على حكمه الرجال البلهاء