Post: #3 Title: Re: الله ليااااااااااااااااااا .... طيارة جات بي فوووووووووووووق Author: ياسر بيناوي Date: 04-08-2011, 02:17 AM Parent: #2
شفت كيف ....؟ يعني عادي زي الزبادي حمار كلتوم يكون ماشي في امان الله فجأة تجي طيارة وللا صاروخ زي قطعة الشيطان (علي قول خالتي خديجة ) يجيب اجلو ودمو يروح هدر لانها طيارة الجن دي متل جات متل ماراحت
ودقي يامزيكا
Post: #4 Title: Re: الله ليااااااااااااااااااا .... طيارة جات بي فوووووووووووووق Author: Elhadi Date: 04-08-2011, 02:26 AM Parent: #2
الله لييي طيارة جاتنا تحوم .. يا قوشنا لا
الله لييي شايلة القنابل كوم .. يا قوشنا لا
الله لييي جات تضرب الخرطوم ..
كتلـت حمـاااار كلتووم ..
سـت اللبــن
ـــــــــــــــ
الله لييي طيارة جات مـن بحـري .. يا قوشنا لا
الله لييي وشايفة العساكر تجري .. يا قوشنا لا
الله لييي جات تضرب الشفخانة ..
ضربت لنا السلخانـة..
والتـور شــرد
الله ليا الليمون سقايتو عليا .. يا قوشنا لا ..
ـــــــــــــــ
الله ليييي
أب ريالة يا فـ سـايـة
مدفعيتـك الصفايــــة
جات تضرب الطيارة
كتلت ..
تلاتة عمايا
جمب العشـش ..
الله ليييي .. الليمون سقايتو عليا .. يا فارة لا
Post: #5 Title: Re: الله ليااااااااااااااااااا .... طيارة جات بي فوووووووووووووق Author: ياسر بيناوي Date: 04-08-2011, 03:22 AM Parent: #4
Quote: الله لييي جات تضرب الشفخانة ..
ضربت لنا السلخانـة..
والتـور شــرد
جالك كلامي يا الهادي هسه التور دا ذنبو شنو ....؟
Post: #6 Title: Re: الله ليااااااااااااااااااا .... طيارة جات بي فوووووووووووووق Author: ياسر بيناوي Date: 04-08-2011, 07:42 PM Parent: #5
****
Post: #7 Title: Re: الله ليااااااااااااااااااا .... طيارة جات بي فوووووووووووووق Author: عائشة موسي السعيد Date: 04-09-2011, 07:22 AM Parent: #6
الإبن ياسر
وجدت ان هذا أبلغ تجاوُب مع "الطيارة الجات بفوق"
لما دبابة تلاقيها مافي خلينا نلاقيها بالرقص
(كما شيمة أهل البيت الذي ربه للدُف ضارباً)
وكمان أحيي معاك ذكرى عائشة الفلاتية ذات الرؤية الصادقة
وحواء الطقاقة في محاولات خلط الفسيخ والشربات!
في مكان قريب قالت د. سعاد تاج إنها ثورة النساء
وأنت تؤكد انها ثورة من قديم الزمان
عُذراً ... سنرجع لألحان الطقطاقة ونشكرك على تخفيف حدة الجو..
وبالله عليك نزل لينا شريط آخر من الفلاتية
أصلها عبقرية وماغريبة لأن إسمها ( عائشة موسي!)
Post: #8 Title: Re: الله ليااااااااااااااااااا .... طيارة جات بي فوووووووووووووق Author: Abdlaziz Eisa Date: 04-09-2011, 08:03 AM Parent: #7
Quote:
الله ليااااااااااااااااااا .... طيارة جات بي فوووووووووووووق
عزيزي بيناوي
سلامات
طيارة الجن جات تجنن أهل الجن..
ان شاء تكون آخر طيارة.. للناس الما عندها دبارة..
مودتي
Post: #10 Title: Re: الله ليااااااااااااااااااا .... طيارة جات بي فوووووووووووووق Author: ياسر بيناوي Date: 04-11-2011, 06:13 PM Parent: #8
عزيز ياغالي
Quote: ان شاء تكون آخر طيارة.. للناس الما عندها دبارة..
امين يا حبيبنا ياخي
Post: #9 Title: Re: الله ليااااااااااااااااااا .... طيارة جات بي فوووووووووووووق Author: ياسر بيناوي Date: 04-09-2011, 07:22 PM Parent: #7
الاستاذة عائشة موسي سلامات ويامراحب
Quote: وجدت ان هذا أبلغ تجاوُب مع "الطيارة الجات بفوق"
لما دبابة تلاقيها مافي خلينا نلاقيها بالرقص
المصيبة انو رب البيت الرقيص ذاتو ما مخلي لينا فيهو فرقة
اما نضلات المرأة السودانية مشهود منذ القدم ملكات مملكة مروي ومرورا بمندي بت السلطان عجبنا ومهيرة وحتي اليوم التحية لنضال المرأة السودانية علي مر العصور