يا ابكرونا مجهوليين هبتوننننننننننا....!!!!

موسف ومخجل ومخزي ذلك الامر الذي حدث بالامس عندما قذفت طائرة بكل ارتياح وكانت تمشي الهويني في الارض السودانية وتضرب ثم تعود الي وكناتها دون ادني بصمات تحدد هويتها ..

سيادة الاراضي السودانية برا وجوا وبحرا.. هي شي دونه القتاد واي تهاون في ذلك يعتبر اهمال من الدرجة الاولي العظمي وعدم اهلية وتهتك سلطاني

ما تم بالامس عكس الاشياء الاتية
1- الحدود السودانية تجلس مخترقة في السهلة
2- الدفاعات البحرية في نواحي البحر الاحمر غياب كامل وجلوس في الصقيعة
3- الدفاعات الجوية جلوس (ميطي)
4- تامين المطارات في السودان غياب كارزيمي
5- تامين المدن (مدنية بورتسودان) احسن منه دفاع المريخ
6-اختراق استخباراتي علي مستوي مخيف ونافذ
7- تواجد انشطة ذات خطورة عليا علي (امن دول اخري) في هذه منطقة البحر الاحمر (عموما)

الحكومة تطير عيشتا معاكم
تسوى شنو وتخلى شنو

هى طيارة ولا صاروخ ولا شنطة وقعت من طيارة

الجماعة عاملين زغبير من هكذا (دقسة)

Quote: هى طيارة ولا صاروخ ولا شنطة وقعت من طيارة الجماعة عاملين زغبير من هكذا (دقسة)

هلا يا معاوية
هم الجماعة فاضين من الرقيص و اللبع و دق الجرس في املاك الفاسد السعودي جمعة
ديل اخوي شغلتهم اموالهم وكروشهم عن حماية البلاد والعباد وما فاضين للكركبات الجوية الصهيونية دي..

شكرا كيكى حمكة البوست

Quote: 5- تامين المدن (مدنية بورتسودان) احسن منه دفاع المريخ

الحكمة اعلاه بعد اذن كيكى تهدى لاميرة الشيخ

Quote: الحكمة اعلاه بعد اذن كيكى تهدى لاميرة الشيخ

فعلا يا معاوية..
الضربة قيل بانها علي بعد 14 او 20 كيلو من بورتسودان
وفي اهم طريق استراتيجي في المدينة وهو طريق المطار وحسسع (بشتنة) وبهدلة ودفاع سلطة زي ده يقولو عليه شنو..
الكيزان ديل ليهم ديشيلون سنة في الحكم واكبر ميزانية في السودان هي ميزانية التسليح مدينة استراتيجية ومهمة زي بورتسودان
يخلوها قاااعدة (ام فكو) كده...؟؟

كيكي سلام

ما حدث فضيحة بحق

ويثبت انها اجهزتنا الآمنيه متخصصه فقط في البطش بمعارضيها من ابناء الشعب
بينما النواحي الدفاعيه تجاه اي عدوان اجنبي فهي(ميطي) كما قلت.



والاستهتار بارواح المواطنين يبدو واضحا
فلماذا يتورطون بانشطه عدوانيه تجاه
دول وشعوب آخرى طالما هم لا قدرات دفاعيه لهم؟؟!!




غايو يا كيكي قال لك بلديتنا ادروبي ايام
توطين الفلسطينين بالشرق اتشاكل مع فلسطيني:
(اسمع يا فلسطيني اسرائيل كيف)؟! (هههههههههه)



اها يا الطيب مصطفى نقولها عاليا (اسرائيل كيف)؟!
فلاحتهم في الغلابه الطلاب المتظاهرين,اهو حقهم ربنا اخذه
خلعه يمين تفوت آلام تعذيبهم للمعتقلين اكيد!

Quote: اها يا الطيب مصطفى نقولها عاليا (اسرائيل كيف)؟! فلاحتهم في الغلابه الطلاب المتظاهرين,اهو حقهم ربنا اخذه خلعه يمين تفوت آلام تعذيبهم للمعتقلين اكيد!

هلا يا تراجي
وفضيحة السواد
وسلطة يا تراجي فالحة في الفصاحة والكضوبات والبشير شابكنا هييييييع انا الدود النتر
وهييييييييع انا (اسكوني فروني) ودفاعات البلد التي يحكمها قاعدة في السهلة والبلد مخترقة خرييييييق تقيل..
واذا كانت الانقاذ هي زااااتها بتضرب ابناء السودان البمنع الدول الاخري تجي تضرب وتفرتق شننننو..؟؟
ما كلو ضرب في ضرب
الانتنوف يضرب ويهبت في كراكير دارفور والجنوب سابقا
وسرعان ياتتدوزن الموسيقي بضرب اخر في كراكير سكورتا بالشرق في نواحي بورتسودان

انه شعب مسكين ياااخ وحظو كعب وشششششششين يوم القرر المدعو عمر البشير ورهطه انهم يحكموا البلد دي ويعذبو اهلها عذابات قبورة

ياكيكي
سلام
شنو الغريب يعنى اذا كان لحتى الان هم ماعارفين مصنع الشفاء قصف بطائرات ام بصواريخ من خارج الحدود
وشنو الغريب طالما انهم تفأجاوا بقوات خليل فى بانت والموردة
والغريبة انهم قبل ايام فقط جابوا خبر عن تشغيل رادارات للدفاع الجوي بحضور البشير شحصياً.
والمؤسف ان هذا يحدث فى بلد تخصص ثلاثة ارباع الميزانية للاجهزة الامنية .

Quote: تامين المدن (مدنية بورتسودان) احسن منه دفاع المريخ

صدقني ياكيكي باسكال لو كان فى بورتسودان كان نزل الطيارة دى بصدره .

سلام يا كيكي

المشكلة انو مافي جهة اعلنت مسئوليتها عن الحادث

وتلقاهم هسع بقولوا

ديل منو

ديل منو

ديل منو

Quote: شنو الغريب يعنى اذا كان لحتى الان هم ماعارفين مصنع الشفاء قصف بطائرات ام بصواريخ من خارج الحدود وشنو الغريب طالما انهم تفأجاوا بقوات خليل فى بانت والموردة والغريبة انهم قبل ايام فقط جابوا خبر عن تشغيل رادارات للدفاع الجوي بحضور البشير شحصياً. والمؤسف ان هذا يحدث فى بلد تخصص ثلاثة ارباع الميزانية للاجهزة الامنية .

هلا يا معاوية
والقصة بيني وبينك فعلا بقت مخيفة ومخزية ومتكررة تكرار عجيب
1-مصنع الشفاء
2- الضربات التي تمت في الشرق قبل فترة ليس بالطويلة
3- ضربة امس دي
وفعلا كل هذه الهبتتات مافي زول عارف الشي ده (ضرب جن من جنون سواكن القديم داااك) ولا ضرب اسرائيل ولا ملائكة

بالامس كنت بتكلم مع صديق ضابط سابق وخبير عسكري كان شغال في نواحي بورتسودان دي قبل تفنيشه قال لي الرادارات الفي بورتسودان دي
دايرة ليها (برميل بتاع شحم) عشان تشتغل لووووووووول
ماعارف دي رادرات ولا موتر قريدر
---
الافتتحها البشير دي حسسع لو مشيت فتشتها بتلقاها واقفة وما شغالة لانو العطاء بكون القطر قام
وعند ابرام الصفقة وكل كوز يشيلو حقو الرادار بروح في غضب الله وبعصلج وممكن يكونو جابو من تايوان او من اي سوق اخوان عالمي بتاع مخلفات رادرية في كراكير اسيا الوسطي

Quote: المشكلة انو مافي جهة اعلنت مسئوليتها عن الحادث وتلقاهم هسع بقولوا ديل منو ديل منو ديل منو

هلا يا ابو حميد
والغربية الانقاذ اشهر نشيد مر سمائها هو نشيد (امريكا وروسيا قد دنا عذابها وعلي ان لاقيتها ضرابها)
وعلي انغام وكلمات هذا النشيد قامت عقيدة عسكرية وجيشت الالوف في ساحات الدفاع الشعبي وجكت بيهو زي ديشيلون دقن كده
وفجاة الضراب ياتي ولم يجد احد للتصدي له..
وكل مرة الهببببت يسجل ضد مجهول..
والوطن ينزف ويصبح مسخرة دولية ومضحكة شعوب
رئيس مطارد زنقة زنقة
واراضيه تضرب ايضا زنقة زنقا

انا حزين يااااخ وده شي مقرف وموسف ان يكون هو حال السودان بكل ما فيه من رجال وعقول وموارد

Quote: وفعلا كل هذه الهبتتات مافي زول عارف الشي ده (ضرب جن من جنون سواكن القديم داااك) ولا ضرب اسرائيل ولا ملائكة

ذكرتني ياكيكي واحد صديقنا كان مؤيد بشدة لصدام حسين وكان يقسم بالله بأنه سينتصر على قوات التحالف
وعندما تم ضرب وتدميرالعراق بالطائرات وهرب صدام سالنا صديقنا عن رايه فيما حدث
فقال هم لو رجال كانوا يجوه بتحت
اهااعتقد انو الجماعة الان يرددوا فى نفس كلام صديقنا دي لانهم جهزوا الكتيبة الاستراتيجية قبل ايام للضرب البتحت ام الجو ده شعر ماعندهم ليهو رقبة .

Quote: اهااعتقد انو الجماعة الان يرددوا فى نفس كلام صديقنا دي لانهم جهزوا الكتيبة الاستراتيجية قبل ايام للضرب البتحت ام الجو ده شعر ماعندهم ليهو رقبة .

هلا يا معاوية
وجية تحت كدي خليها
وحسسع الطيارة دي لو فكرت تعمل مظاهرات سااااكت كان حسسع فككوها اسبيرات وباعوها للشيخ عبدالباسط
يا اخوي دي حكومة قاعدة(سمبلة) علي قارعة الطريق العام وحكايتها حكاية

Quote: ما تم بالامس عكس الاشياء الاتية 1- الحدود السودانية تجلس مخترقة في السهلة 2- الدفاعات البحرية في نواحي البحر الاحمر غياب كامل وجلوس في الصقيعة 3- الدفاعات الجوية جلوس (ميطي) 4- تامين المطارات في السودان غياب كارزيمي 5- تامين المدن (مدنية بورتسودان) احسن منه دفاع المريخ 6-اختراق استخباراتي علي مستوي مخيف ونافذ 7- تواجد انشطة ذات خطورة عليا علي (امن دول اخري) في هذه منطقة البحر الاحمر (عموما)

يا كيكى , سلام
مهم جدا تضيف السبب البخلى اسرائيل تضرب فى العمق السودانى وهو كما معروف لاى هبنقة وجود صلات وتسهيلات للفلسطينيين والذى بالتاكيد يشكل تهديد لامن اسرائيل وبالتالى الوطن فى عهد العصابة الانقاذية اصبح احد اهداف الة الحرب الاسرائيلية ذات القدرات العالية والتطور التكنولوجى الذى لا يخطر ببال ناس الصقرية واكل البلح والفول المدمس فى اجتماعاتهم الوزارية,
ليس لنا اى مصلحة ولا مبرر للتورط مع هؤلاء اى كانت هويتهم فى صراعاتهم مع اسرائيل , العرب جرب , شعوب لم تتعاطف يوما مع قضايا شعبنا الذى انهكته المجاعات والامراض وكوارث الطبيعة لم نرى لهم غير شوية بطاطين وخيام خلافا للدعم الذى يتحصل عليه اللبنانيين او الفلسطينيين مثلا لما تحدث لهم كارثة , لا والغريبة رئيس العصابة البيوزع فى اموال شعبنا يمين وشمال شى عربات وبقر للمصريين وطيارات اغاثة ومواطنيه معلقين فى الحدود لا حول لهم ولا قوة
الحمد لله الذى لا يحمد على مكروه سواه

حسسسع يا جماعة قروش الخمسة الف بقرة الادوها لمصر دي
لو اشترو بيها ردارات ومصايب بتاعة انذار مبكر مش حسسسع كان قبضنا الطايرة ولا المصيبة الجات ضربتنا امس دي...

وحسسع الليلة بني كوز ومن لف لفهم صقرياتهم تطاقش بدل لابدين لينا زي الحرامية من اثر هذه الخجلة والفضيحة المدوية


معاوية واحمد تجاني
وحبابكم
وخفسة علي خفيف كده وبنجيكم للنقة في هذه الفجيعة والكارثة الوطنية الكبري في زمانات الحكومات الكيري

تحية طيبة كيكي وضيوفك الكرام :
تطير عيشتو أبكرونا وهو يلقاها من منو ولا منو ، حكومة السجم عاوزيين يوصلونا لوين !!
شئ محزن ما يتعرض له الوطن ومخجل هذه المعلومات الغريبة التي يُزيعها تلفزيون الإنقاذ ، بيكرروا في الخبر بصورة سازجة وقالوا صاروخ مجهول المصدر !! . من الواضح تورط حكومة الفساد بالصراع الفلسطيني الإسرائيلي ، إذا كانت حكومة الإنقاذ لا تهتم بأمن مواطنيها فحكومة إسرائيل شغلها الشاغل المحافظة علي سلامة و أمن مواطنيها !

كيكي
وزوار بوسته تعالوا اضحكوا مع محمد الامين
يمين عنوان بوست قوم لي الازمه عديل قدر ما ضحكته:
الاجواء السودانية دي ذي لباس ابوتكة

Quote: إذا كانت حكومة الإنقاذ لا تهتم بأمن مواطنيها فحكومة إسرائيل شغلها الشاغل المحافظة علي سلامة و أمن مواطنيها !

مها يا غاليه هذا يفترض ديدن الحكومات
ان يهتموا بمواطنيهم مش زي حكومتنا دي
آخر اولوياتها شعبنا!

Quote: بكل ارتياح

ارتياح شنو يا كيكي نحن مضاداتنا الارضيه ضربت ضرب
الطيار زاتو اتجهجه ما عرف امش وين ... كويس ماقالوا
طيارة وقعت في البحر الاحمر ..... نحن شبعنا كذب وبشتنة
في عهد الانقاذ ده.

ده انذار اول يا كيكى ... الناس ديل جائين قريب
والبحر الاحمر مليان طائرات وعينه على كل تل متحرك
في هذه المنطقة...

تاني مافي فصاحة ولا قولت بق

تحياتي

امين

Quote: ده انذار اول يا كيكى ... الناس ديل جائين قريب والبحر الاحمر مليان طائرات وعينه على كل تل متحرك في هذه المنطقة...

هلا يا الامين ومشتاقين ياااخ
والناس ديل فعلا تاني حيجو وحيعملو البحر الاحمر ده (درب زرع)
طالما مافي زول بقدر يقول ليهم (وووش حاااو) والاشياء مطلوقة سااااااااكت طلقة زهرة وغنمها

كل مرة شابكننا واتجهت الطائرات صوب البحر __واتجهت الطائرات صوب البحر
هي طيارات ولا اسماك المصايب البتجي تضربنا دي

Quote: الاجواء السودانية دي ذي لباس ابوتكة

هلا يا تراجي
ونعم الاجواء بقت زي اللباس ابو تكة ولكن فجاة كده اللباس ده قلعو وجدعو بعيد
و(الامفكو التاريخي) حصل

سلام كيكي
اتزكرت انه مواهيم الانقاذ ديل قبل كم يوم كانوا فالقننا بي انهم صنعوا طائرة بدون طيار وقصص من النوع ده خاصة وانهم احتفلوا بالقصة دي في مدينة بورتسودان المظلومة فعملت بحث في قوقل ووجدت هذه المداخلات العجيبة فأردت مشاركتك اياها

كتب احدهم الخبر الاتي واضعا في بروفايله شعار المؤتمر الوطني واسمه حسن السيد

Quote: أفادت وكالة أنباء رسمية سودانية أن السودان طور طائرات استطلاع بدون طيار ويقوم بتطوير صواريخ كما أنه بلغ مرحلة الاكتفاء الذاتي من الاسلحة التقليدية. لم يتضمن هذا الاعلان النادر بخصوص القدرات العسكرية للسودان تفاصيل بشأن مدى التقدم في تطور الصواريخ أو المكان الذي قد تستخدم به طائرات الاستطلاع بدون طيار.وشكك معلقون دوليون في الغرض من التصريحات السودانية كما لم يتسن الحصول على تعليق من وزارة الدفاع يوم الاربعاء.وقال المركز السوداني للخدمات الصحفية في تقرير يوم الثلاثاء إن وزير الدفاع السوداني أعلن أن بلاده طورت بنجاح طائرات استطلاع بدون طيار.

فرد عليه كوز اخر اسمه ابو نادر

Quote: عزيزي حسن السيد .. كل عام وأنت حبيبي مشكور يا زول علي الأخبار الرهيبة .. والتي كنا نفضل عدم الإفصاح عنها لأسباب أستخباراتية بحتة .. الشاهد كان لزاماً علينا أن نطورها .. ونسعي في ذلك .. ونطلعها في الوقت المناسب يعني لليوم الأسود .. وفي اليوم دا عدونا يشوف ليهو بلد .. لكن برضو الدنيا سمع وشوف .. علي قول صديقي حسن ودالمكي .. (( منطقة المهيدات أم بلي )) ونلتقي

انظر لتلك المحن ياكيكي وادي ربك العجب

_____________________---------
المقتبس اعلاه في منتدى رفاعة اونلاين وهنا الرابط http://www.rufaaonline.com/vb/showthread.php?t=5690

غايتو صبري اتريق عليهم لكن ياريت يمشي يلكزم تاني عشان الليلة اليوم الاسود حق الطيارة دي

سلامات كيكي

Quote: موسف ومخجل ومخزي ذلك الامر الذي حدث بالامس عندما قذفت طائرة بكل ارتياح وكانت تمشي الهويني في الارض السودانية وتضرب ثم تعود الي وكناتها دون ادني بصمات تحدد هويتها ..

مؤسف فعلاً إنو بلدنا تكون قاعده ساي

لا عندها رادار يعرف الداخل

ولا دفاع يرد عليهو

ولا حتي يقدر يحدد هويتو

أو حتي وزاره دفاع محترمه تصدر بيان

لكن مخزي دي هي فقط إمتداد للخزي الحاصل من ما جو الكيزان وسيستمر مع إستمرارهم

المشكله في الوهم الحقيقي العايشين فيهو

إنو هم فعلاً ( They can )

طياره بدون طيار عديل كده ؟

Not in a Million

Quote: يخلوها قاااعدة (ام فكو) كده...؟؟

يا كيكى وصى الجماعة لما يصلو ام فكو يكلمونا....

ياخى قالوا السماء قد امطرت شهبا ونيازك ..انت عمرك ماشفت نيازك ...!!

اصبر ولا تستعجل فان السيناريو ما زال فى طور التعديلات

اه يا بلد

Quote: اصبر ولا تستعجل فان السيناريو ما زال فى طور التعديلات

هلا يا حامد ومشتاقين شديد يااخ
وشايف ايدعوت حرنوت او اي كان اسمها قالت الهبت ده اسرائيلي
ولكن طبعا مع الكيزان الثعالب ديل فاي تخريجة متوقعة وممكن حسسسع يقولو ليك انه جن من سلاطين الجن في سواكن
زعلان من (المظاهرات في المنطقة والتي يتوقع ان تزور سحابتها السودان)فخرج من قمقمه يعبر عن زعله وغضبه بطريقته

Quote: لكن مخزي دي هي فقط إمتداد للخزي الحاصل من ما جو الكيزان وسيستمر مع إستمرارهم المشكله في الوهم الحقيقي العايشين فيهو إنو هم فعلاً ( They can ) طياره بدون طيار عديل كده ؟ Not in a Million

هلا يا توما وحبابك
وفعلا وهم حقيقي وتغبيش رهيب للشعب الفضل ده اشياء فنكوشية تبيعها هذه الحكومة للراي العام وسرعان ما تنكشف كذبتها وتسير بخيبتها الركبان...
طيارة بدون طيار
ومصيبة في الجو ساكة ليها عربية في وااحدة من اكبر مدن السودان واهمها ولحدي الان مافي زول جايب خبر ولا اثر للمصيبة دي
انها زمانات الفجيعة وسلطة الزيف الكيزاني..
ويا حسرة كبيرة علي وطن بقامة كبيرة ياااخ

Quote: والتي كنا نفضل عدم الإفصاح عنها لأسباب أستخباراتية بحتة ..

هلا يا كونت
واهو الطيارات عملت فتاشة وكشفت المستخبي
وانا يا كونت ما بستعبد الناس ديل (بعبعصو ليهم) في مكنة مكنتين وقالو دي صواريخ واكلو ورا الموضوع ده ملايين
والوارد انوهذه الصواريخ (هبشوها بجاي) ما اشتغلت و(بجاي) برضو ما اشتغلت لانها فالصو ومغشوشة وفيها ملعوبية وماكلة كيزانية
some where
انها زمانات الفجيعة يا كونت يا صديقي

Quote: تطير عيشتو أبكرونا وهو يلقاها من منو ولا منو ، حكومة السجم عاوزيين يوصلونا لوين !! شئ محزن ما يتعرض له الوطن ومخجل هذه المعلومات الغريبة التي يُزيعها تلفزيون الإنقاذ ، بيكرروا في الخبر بصورة سازجة وقالوا صاروخ مجهول المصدر !! . من الواضح تورط حكومة الفساد بالصراع الفلسطيني الإسرائيلي ، إذا كانت حكومة الإنقاذ لا تهتم بأمن مواطنيها فحكومة إسرائيل شغلها الشاغل المحافظة علي سلامة و أمن مواطنيها !

هلا يا مها
والتلفزيون بكرر في خيبة الحكومة ودي هزيمة كبيرة للامن السوداني القومي وهزيمة للاستراتجية العسكرية وهزيمة للسلطة
وحكاية بتقهر المواطن المحب لبلده وبتحسسه بالهزيمة..
واسرائيل يدها طويلة وقادرة علي ان تصل الي كل من تريده واحنا الفينا مكفينا من مشاكل وفقر وخيبة والمعركة مع اسرائيل معركة في غير معترك وهروب من القضايا والمعارك الاساسية بتاعة الوطن المسكين ده....
ودي حكاية موسفة ومحزنة يا مها..
وابكرونا الليلة حزين وغضبان وحالتو بالسواد والله

Quote: ليس لنا اى مصلحة ولا مبرر للتورط مع هؤلاء اى كانت هويتهم فى صراعاتهم مع اسرائيل , العرب جرب , شعوب لم تتعاطف يوما مع قضايا شعبنا الذى انهكته المجاعات والامراض وكوارث الطبيعة لم نرى لهم غير شوية بطاطين وخيام خلافا للدعم الذى يتحصل عليه اللبنانيين او الفلسطينيين مثلا لما تحدث لهم كارثة , لا والغريبة رئيس العصابة البيوزع فى اموال شعبنا يمين وشمال شى عربات وبقر للمصريين وطيارات اغاثة ومواطنيه معلقين فى الحدود لا حول لهم ولا قوة الحمد لله الذى لا يحمد على مكروه سواه

نعم يا احمد
ليس لدينا مصلحة في مثل هذه الالاعيب والاجندة وحروبات الوكالة للعرب الجرب وقضاياهم الخسرانة
شعب يا احمد (جيعان وعطشان... وفقران وسراويلو مقطعة) يقومو الوهم ديل يهابشو العقارب الدولية في كراكيرها
ونبقي في دقونا وشالو قروشنا
وماعارفين زاااتو الدقانا منوووو..؟؟
دي ماساة وتراجيديا ومغسة وحكاية بتوجع القلب من جووووووه ياااخ

Quote: وماعارفين زاااتو الدقانا منوووو..؟؟ دي ماساة وتراجيديا ومغسة وحكاية بتوجع القلب من جووووووه ياااخ

دولة الحزب المتطلع للعالموية تفعل أكثر من ذلك أخ كيكي ... كل شئ في هذه الدولة يعمل بصورة خاطئة ما عدا ضبط وقمع المواطنين السودانيين,

لو حدث هذا في أي بلاد أخرى لرأيت الاستقالات تتطاير .. انتهاك كبير وخطير للسيادة الوطنية وعلى رؤوس الأشهاد .. هذا لم يحدث للمرة الأولى ولا الثانية ولا الثالثة

وهذا شئ تحدثت عنه صحف سيارة في دول أخرى ناطقة بالعبريـة وصورته وأتت بخرائطه معترفة به (على عينك يا تاجر) ..

وما تزال بياناتنا الرسمية تتحدث عن (غموض) و (مجهـول) ....

هذا أمر يؤسف له ويقطع الأكباد ...

أحمد الشايقي

Quote: لو حدث هذا في أي بلاد أخرى لرأيت الاستقالات تتطاير .. انتهاك كبير وخطير للسيادة الوطنية وعلى رؤوس الأشهاد .. هذا لم يحدث للمرة الأولى ولا الثانية ولا الثالثة

هلا يا احمد
وبالفعل انتهاك خطير وكبير للسيادة الوطنية واستخفاف بكل الموجدات الكونية في الارض السودانية
ولكن يظل الطاغوت قافلا اذنه وبياناته الكسيحة ومسجل غياب في وااحدة من ابشع الصفات التي يمكنها ان تتواجد في سلطة تعني بقضايا البلاد والعباد هي (اللامبالاة المكابرة)..

وقلبنا علي هذا الوطن الذي تمت مرمغت كل اشيائه السيادية من حدود واجواء ورئاسة في التراب العالمي
صرنا اضحوكة..

عبد الكريم
تحياتى

شرق السودان بلد واسع دى الضربة الاتعرفت جوة المدينة خوفى من انو يكون هنالك تف تقيل فى الخلا ولحدى الان ناسنا ما جايبين ليهو خبر وربنا يستر على الفضل من البلد

Quote: شرق السودان بلد واسع دى الضربة الاتعرفت جوة المدينة خوفى من انو يكون هنالك تف تقيل فى الخلا ولحدى الان ناسنا ما جايبين ليهو خبر وربنا يستر على الفضل من البلد

تحياتي يا محمد
وما تستبعد يكون حسسع فعلا في هبت في كراكير بعيدة لا الحكومة ولا قوقل ايرث زاااتو ما بقدر يجيب خبرها
والارض السودانية شاسعة وغير محمية وقاعدة في السهلة لذا لنا ان نتوقع اي حاجة والموسف بكون في ضحايا من المواطنين
الغلابة..
وغايتو الله في ياااخ

Quote: Quote: تامين المدن (مدنية بورتسودان) احسن منه دفاع المريخ صدقني ياكيكي باسكال لو كان فى بورتسودان كان نزل الطيارة دى بصدره .

Quote: كان لزاماً علينا أن نطورها .. ونسعي في ذلك .. ونطلعها في الوقت المناسب يعني لليوم الأسود ..

وطيب وينه ما طلعت امس ليه ولا راجين يوم أسود من كدا !!؟ يا كونت الزول دا ذكرني النكته بتاعة الزول إياهو الشايل السكين في ضراعو لليوم الأسود

Quote: يا كونت الزول دا ذكرني النكته بتاعة الزول إياهو الشايل السكين في ضراعو لليوم الأسود

لووووووووووووول يا مورتا
وانتو يا شعب يا فضل منكم جفلة والله

طبعا البلد قاعدة في السهلة وطلقيبة
غايتو نقول الله المستعان
70% من الميزانية تصرف في على الامن والجيش ولما تجي حوبتهم يجيك الرد (هذا الرقم لا يمكن الوصول اليه)
طيب انتو تمشو تهبشو العقرب في شوكتا ولما نقول الكلام ده ما صاح خلو العقارب دي ما بتقدرو عليها
يقول ليك انا الشافو خلو
وانادابي الكر وانا الدود النتر
اول ما الدق يحصل الجرسة تتكب والموسيقي الحزاينية تدور
وانا الضربني ده منو
وانا الضربني يضربو الضريب

هي لو ما هزلت السودان يكون رئيسو بشة الراقص
ووزير دفاعو عبدرالرحيم جلكسات
ومن وراءهم كورس من الدجالين والمشعوذين والمطبلين

كيكي
فى خبر عاجل سمعنا انو الطيار قال انه قبل الدخول للاجواء السودانية قام بتشغيل جهاز التشويش على الرادارات فبعد قليل جاءته رسالة من الجهاز يفيده بانه لم يعثر على رادارات للتشويش عليها

كيكي سلامات

الخطورة الناس دي ضربت هدف معين
معناهو في معلومة دقيقة من داخل الاراضي السودانيه
بي مكان وزمان الهدف المقصود

الكيزان (الشيطان) والتحالف مع الشيطان

Quote: الخطورة الناس دي ضربت هدف معين معناهو في معلومة دقيقة من داخل الاراضي السودانيه بي مكان وزمان الهدف المقصود الكيزان (الشيطان) والتحالف مع الشيطان

هلا ياابوحميد ومشتاقين ياااخ
نعم الدقة عالية جدا في هذه الضربة والمعلومات الاستخباراتية يبدو ان مصدرها منسف بمستوي مميز مع الطائرة علي مستوي التوقيت ومستوي نوع العربة واتجاهها والشخصيات الفيها يبدو ايضا انهم من الشخصيات الذين يسيل لهم لعاب المخابرات وراسهم مطلوب باي ثمن وبشدة

Quote: فى خبر عاجل سمعنا انو الطيار قال انه قبل الدخول للاجواء السودانية قام بتشغيل جهاز التشويش على الرادارات فبعد قليل جاءته رسالة من الجهاز يفيده بانه لم يعثر على رادارات للتشويش عليها

لا يامعاوية..
ولاندكروزات تدششششششش الحدود وتصل حتي قلب الخرطوم والرادار ناااايم
طيارات تخش وتسك وتضرب وترجع والردار نااااايم
وه رادارتهم دي حكاية شنوووبالجد كده انا ماعارف..؟؟

Quote: طيب انتو تمشو تهبشو العقرب في شوكتا ولما نقول الكلام ده ما صاح خلو العقارب دي ما بتقدرو عليها يقول ليك انا الشافو خلو وانادابي الكر وانا الدود النتر اول ما الدق يحصل الجرسة تتكب والموسيقي الحزاينية تدور وانا الضربني ده منو وانا الضربني يضربو الضريب

هلا ياود ابراهيم
ويقول ليك انا كجنكي مسمار الزنكي
وشايف علي كرتي قال احنا من امس عارفين انو الضرب ده من اسرائيل
ولعل مثل علي كرتي لايسال عن مصدر او دليل او كما قالت

كيكي نسيت أقول ليك : موقف حكومة السجم دا بيزكرك بي شنو عليك الله !!
عملية إسرائيل دي دخلت طائرة رمت صاروخ ....... وهربت
ودخلت نملة وشالت حبة وطلعت لوووووووووول


تعديل لحذف حرف

كيكي سلام وحرام عليك يا خي
الحكومة دي جاهلة وصغيرة شن قدرها على إسرائيل المن زمن حفروا البحر ديك

Quote: وكل مرة الهببببت يسجل ضد مجهول..

والمصيبة إنه إسرائيل ما بتسكت
تجي كل مرة تتكلم وتقول أنا الضربتكم

قاتل الله إسرائيل وحكومة الكيزان

http://www.youtube.com/watch?v=Clg7yNF7WME

والمؤسف اكتر يا كيكي ... المنطقه التى تم قصفها توجد بها مصفاة لتكرير البترول
بالقرب من مكان قصف السياره توجد سريه ولا كتيبه ولا فصيله ماعارف تحديدآ لكن كميه من العساكر والمدافع قالوا ايه قالوا حارسين مصفاة البترول
التى لاتبعد الا حوالى 3 كيلو من مكان القصف ...

زمان ونحنا صغار كنا بنجى ماشين على الكيلو بالعجلات بنشوف ليك البشر ديل مدججين بالسلاح وموجهين ليك المدافع الى عنان السماء
الواحد كان بيحس بى فخر بيهم وبيحس انو هو فى امان .... ترى ماذا هل تغيرت تركيبة الجندى السودانى الذى اتسم وتحلى سابقآ باليقظه
والشجاعه ( يعنى خلاص الجيش زااااادوه مويه وموضوعنا استحمى ) حارسنا الله يا كيكي اخوى ....
وحليل الحارس مالنا ودمنا جيشنا جيش الهناااا

Quote: والشجاعه ( يعنى خلاص الجيش زااااادوه مويه وموضوعنا استحمى ) حارسنا الله يا كيكي اخوى .... وحليل الحارس مالنا ودمنا جيشنا جيش الهناااا

هلا يا عوضاي
ومشتاقين ياخي..
وحليل فعلا يا حسين جيش (ابو كريك حبل الوجج) وحليل الجندي السوداني الذي كان يمكنه ان ياكل هذه الطيارة زيها وزي اي (سمبرية) كما كان يفعل قوات الصاعقة هي قوات الصاعقة قبل ما الجيش يقوووم ليهو دقن ويتم تدجينه لضرب وقتل ابناء هذا الشعب...
وحفظ الله الاهل في الشرق وما يدور في هذا الجزء الجميل من السودان هوامرا يدمي القلب ويولد الحسرة
وحكومة هباشة ومستهترة ولا تحترم لا المواطن ولا الارض ولاتحترم نفسها ..

وتحياتي يا حسين

هلا يا سيف اليزل
وايوووه ياهو ابكرونا شخصيا نشكي له خيبة السلطة الكيزانية وبعبصتها للارض السودانية

Quote: الحكومة دي جاهلة وصغيرة شن قدرها على إسرائيل المن زمن حفروا البحر ديك

----------

Quote: والمصيبة إنه إسرائيل ما بتسكت تجي كل مرة تتكلم وتقول أنا الضربتكم قاتل الله إسرائيل وحكومة الكيزان

هلا يا جعفر
وفعلا ياااخي قاتل الله اسرائيل وحكومة الكيزان المستهترة بالارواح والبلاد
وتلك الحكومة التي تهابش العقارب في جحرها ولمن يضربوها تقعد تبكي وتشكي
واسرائيل طبعا غارة زي دي بتطلع بيها الجووو وبتحاول ترهب عدو الصهيونية بمقدراتهم ويدهم الاعلي عشان مافي زول تاني يفكر يعمل كركبة او غاغا

وتحياتي واشواقي

Quote: كيكي نسيت أقول ليك : موقف حكومة السجم دا بيزكرك بي شنو عليك الله !! عملية إسرائيل دي دخلت طائرة رمت صاروخ ....... وهربت ودخلت نملة وشالت حبة وطلعت لوووووووووول

هلامها
وفعلا حجوة ام ضربونا ودقونا وعارفين الدقانا منو..؟؟؟
اكعب حاجة طبعا في الشكل انو تتدقي وما تعرف الدقاك منوووو..؟؟؟
والغربية الشعب كلو ما عارف دقونا ليييه
ولكن هم الكيزان عااااارفيييييين دقونا ليييه

Quote: يا ابكرونا مجهوليين هبتوننننننننننا....!!!!

عقبال ياكيكى ما تنزل لينا بوست بعنوان:

يابكرونا النسوان قبضونا...!!!

بعد النسوان الماخمج ، قاضيات الجنائية ديل :


يودن الاسد النتر لاهاى!!!

قريب ان شاء الله
سلفانا إربيا، رئيس قلم محكمة العدل الدولية في لاهاي،
أنيتا أوشاسكا، القاضية بمحكمة العدل الدولية( لاتفيا)،
- أكوا كوينيهيا، القاضية بمحكمة العدل الدولية ( غانا)،
- سيلفيا شتاينر، القاضية بمحكمة الجنايات الدولية ( البرازيل).

دى طبعا
تبر البتجيب الخبر

كيكي شنو ياخ الجماعه ديل عارفين الهبتم منو لكن هم لا قدرو ولا لحم سدرو

وبعدين معاك انحنا قاعدين في السهله من الليله ولا امس شي عادي
قبل كدي في شرق الله ماضربونا عملنا شنو ماكلناها عادي
بحري مصنع الشفاء مال كان جن احمر

Quote: كيكي شنو ياخ الجماعه ديل عارفين الهبتم منو لكن هم لا قدرو ولا لحم سدرو

هلا يا مني
وبيني وبينك اسرائيل دي ما بتنقدر لاحاجة شي صواريخ كاتوشا وشي توما هووووك
وكروز وراجمات بتهبت هبت جددد...
وناس ديل لو فيهم باقي عضام احسن يلموها للمظاهرات والكركبة الداخلية...
دي يااخ موقفة العرب ديل كلهم علي كراع كديس.

كريم:
أولاً يجب تكون منصفاً، فالحكومة صرّحت من قولة تيت ان دفاعاتها الجوية طاردت طيارة تبدو اجنبية، حتى زاغت في المدى الخارجي للحدود السودانية، بالإضافة يا عبد الكريم ما قاله المسئول الحكومي البارز لأحدى الإذاعات العربية، أن الضربة ########ة وفي الضهر، ولو كان لتلك القوى الضاربة الشجاعة جد جد كان يجو في العلن حتى نعد لهم ما استطعنا من النبال و الحبال:
الكيزان ديل قاعدين يخشوا ي حتات مبالغة لدرجة انو احياناًً تعطف عليهم: تقول مساكين يا اخي دي ح يمرقوا منها كيف؟ يجيك سعادة الفريق وزير الدفاع بعباطة تحسدو عليها يقول ليك ما بنخليهم، ثم يدلف الي ملحسة أخرى لا يقظة منها إلا بضجيج طيارات تخترق الأجواء:
ارحمنا يا عبد الرحيم
استقيل يا ثقيل:

Quote: الكيزان ديل قاعدين يخشوا ي حتات مبالغة لدرجة انو احياناًً تعطف عليهم: تقول مساكين يا اخي دي ح يمرقوا منها كيف؟ يجيك سعادة الفريق وزير الدفاع بعباطة تحسدو عليها يقول ليك ما بنخليهم، ثم يدلف الي ملحسة أخرى لا يقظة منها إلا بضجيج طيارات تخترق الأجواء: ارحمنا يا عبد الرحيم استقيل يا ثقيل:

هلا يا متوكل وووين انت يا زول ليك مدة ما بنت
ابوريالة دي فشل يمشي علي قدمين ويرتدي ميري..
والغريبة دي ما اول (كعة)
الذراع الطويلة دي لاندكروزرات داست فرامل في كبري امدرمان.... قلنا اوووكي
اسرائيل كل مرة والتاني بتجي تضرب كانها في رحلة صيد
وخت في بالك مصنع الشفاء..
وكل مرة تبرير اجووف ويشبكوك لقد ردت دفاعتنا بنيران تقيلة
--------------------------
وحسع شوقونا زاااتو حيعملو شنو لاسرائيل دي ويبدو اننا موعودين بصيف عبور قادم يضرب(اورشليم)في عقر دارها ويعيد الي صلاح الدين الايوبي سيرته الاولي
والله اكبر ياااهو دي

كريم:
أولاً يجب تكون منصفاً، فالحكومة صرّحت من قولة تيت ان دفاعاتها الجوية طاردت طيارة تبدو اجنبية، حتى زاغت في المدى الخارجي للحدود السودانية، بالإضافة يا عبد الكريم ما قاله المسئول الحكومي البارز لأحدى الإذاعات العربية، أن الضربة ########ة وفي الضهر، ولو كان لتلك القوى الضاربة الشجاعة جد جد كان يجو في العلن حتى نعد لهم ما استطعنا من النبال و الحبال:
الكيزان ديل قاعدين يخشوا ي حتات مبالغة لدرجة انو احياناًً تعطف عليهم: تقول مساكين يا اخي دي ح يمرقوا منها كيف؟ يجيك سعادة الفريق وزير الدفاع بعباطة تحسدو عليها يقول ليك ما بنخليهم، ثم يدلف الي ملحسة أخرى لا يقظة منها إلا بضجيج طيارات تخترق الأجواء:
ارحمنا يا عبد الرحيم
استقيل يا ثقيل:

Quote: عقبال ياكيكى ما تنزل لينا بوست بعنوان: يابكرونا النسوان قبضونا...!!! بعد النسوان الماخمج ، قاضيات الجنائية ديل : يودن الاسد النتر لاهاى!!!

هلا يا مهيرة..
وقعادنا في الحتة الاسفيرية دي كلهو في انتظار هذا البوست وهو البوست الغائب الذي ومن حسع سادعو مكرسحنا ويجي شايل عمياننا عشان يجي يشوف الكيتة والرمبة الما رمبة خمج باذن الله وبركات شيخي شكرالله..
والله يحضرنا اليوم داااك بس يا مهيرة فهو يوم السعد والبخت

وتحياتي

كيكى ولضممى اتارى نحن قاعدين لحم فى قش والماعندها ضنب بحاحى ليهل ربها
والناس المانن عيونك خضر دول كن قبلوا علينا الا الكريم يحمينا
لك مودتى.

Quote: كيكى ولضممى اتارى نحن قاعدين لحم فى قش والماعندها ضنب بحاحى ليهل ربها والناس المانن عيونك خضر دول كن قبلوا علينا الا الكريم يحمينا لك مودتى.

اوووووووووه ود خالتك
ومشتاقين وقيل ايضا قرمانين ياصالح يااخي
وضنب نلقي وين احنا يا صالح مع الجبهجية ديل
واسرائيل دي لو مشينا نهابشها ونحن بحالتنا لخلت ريحتنا طير طير

وتحياتي يا صالح لكل الاهل والاسرة

احد مواطني منطقة (هوشيري) القريبة من موقع القصف ويدعي (أ.م) وفي إتصال هاتفي لـ (أجراس الحرية) معه ذكر أن طائرتين حلقتا في المنطقة قرابة النصف ساعة قبل الحادثة علي علو منخفض، وبينما لم يكن متاحاً رؤيتهما لحلول الظلام فإن أصوات الطائرات كانت مسموعة حتي قبل قيامها بإطلاق الصواريخ.
بعد ذلك ودون سابق إنذار اوأي إنارة للمنطقة _ كما يحدث في مثل هذه العمليات _ اطلقت الطائرات قذائفها، يقول محدثنا، وحلقت في الجو قرابة العشر دقائق، لتنسحب بعدها في إتجاه ميناء بشائر القريب من منطقة القصف..

المصدر أجراس الحرية:
منقول من بوست هاشم توريت

لاحظ الطيارات دي قدلت في جوّنا كيف؟
يعني لو كان بورتسودان فيعا ستار بوكس كان تكّلو رشفوا فتجاناً من الموكا.
الضربنا عارف حجمنا بثقة مبالغ فيها و عارف انو ما عندنا كوفي شوب يبركِن طياراتو فيها و يقعد يتفرج في ردة الفعل..
الضربنا نحن بالنسبة ليو كتاب مفتوح،
و عارف انو الكيزان ح يعملوا نايمين لو مافي زول شاف الطيارات لكن احرجم قدام الناس أكتر من شاهد عيان عاين الفضيحة.
لكن عزانا أخيراً انو عبد الرحيم حسين ما ح يخليهم ما ح يخليهم:

يا كيكي
الجماعة ديل نجضتهم نجاض قبورة ياخي..هم براهم الفيهم مكفيهم هههههههههههههههههه.

هلا يا كيكي

دا الحدث الوحيدة الممكن الجماعة ديل يسمحوا لنا به بالتظاهر والمساير
فما نضيع الفرصة يل صاحب ..

ولنرفع شعارتنا ضد إنتهاك أجوائنا
وضد الذين يسمحون لإنتهاك أجوائنا ..

بالمناسبة القاعدة بتاعت أمفكو دي وين؟
لانو المفروض يكون التظاهر أمامها ..
لك التحية ياخ

سلام يا كيكي
بالجد فضيحة بجلاجل
بالله دي حكومة
بلد ماشة طلقيتا ساااي

Quote: ولنرفع شعارتنا ضد إنتهاك أجوائنا وضد الذين يسمحون لإنتهاك أجوائنا .. بالمناسبة القاعدة بتاعت أمفكو دي وين؟ لانو المفروض يكون التظاهر أمامها .. لك التحية ياخ

هلا يا منعم وتحياتي
وده موضوع كبير وخطير ويفترض ان يقلب هذا السودان من اعلي الي ادني
فالسيادة الوطنية انتهكت وهناك قوي اجنبية تعبث بالارض...
والكيزان ديل شابكننا (مخططات خارجية...مخططات خارجية واها حسسع المخططات الخارجية جات لحدي عندهم عيانا وبيانا وضربت وذهبت بكل ورافة) ...
سيظاهر هذا الشعب يا منعم وسيرسل هذه السلطة المستهترة الي مزابل التاريخ
ولقد كتب في التاريخ الان بان الدولة المسمية السودان تعيش في اسواء الاحوال..

Quote: الجماعة ديل نجضتهم نجاض قبورة ياخي..هم براهم الفيهم مكفيهم هههههههههههههههههه.

هلا يا دكتور
والجماعية ديل يا دكترة كرهونا ياااخ (البلي)
واهو قلنا نديهم شوية الفيها النصيب علي خفيف كده

Quote: لاحظ الطيارات دي قدلت في جوّنا كيف؟ يعني لو كان بورتسودان فيعا ستار بوكس كان تكّلو رشفوا فتجاناً من الموكا.

هلا يا متوكل
ومابعيد التيم العامل في الطيارات دي يغشي استاد بورتسودان ويلعب ليهو ماتش كامل مع (حي العرب) سكورتا

Quote: و عارف انو الكيزان ح يعملوا نايمين لو مافي زول شاف الطيارات لكن احرجم قدام الناس أكتر من شاهد عيان عاين الفضيحة. لكن عزانا أخيراً انو عبد الرحيم حسين ما ح يخليهم ما ح يخليهم:

ايووه الدود النتر ده الخبر الاكيد حيسكهم
اورشيلم اورشيلم
احرنوت احونوت
زنقة زنقة

أبشـــــــــــــــــر ياكيكي
وزير الخارجية صرح بان السودان يحتفظ بحقه فى الرد الكامل .
اهاعاوز شنو تاني
السودان حيتسدا

وين الناس البقولوا هييييييييع

في واحد زعلان من الموضوع دا زعل شديد خلاص
قال لي: تعرف يا ناصر موضوع طيارة بورتسودان
دا زي الزول الطالع حيطت بيتكم و بكشف جوه الحوش
و اهلك ماخدين راحتهم .. و فجأه يقوم يفلق امك بي حجر
و ينزل علي مهلتو و يتخارج ,,, دا كلو و انت قاعد في العنقريب
المتكول علي الحيطة في الضل و بتعاين.




____________
ازيك يا هندسة

Quote: أبشـــــــــــــــــر ياكيكي وزير الخارجية صرح بان السودان يحتفظ بحقه فى الرد الكامل . اهاعاوز شنو تاني السودان حيتسدا وين الناس البقولوا هييييييييع

هلا يا معاوية
ومادايرين حاجة تاني تببببببببببب
وهيييييييع ابو درق الجدادي

Quote: سلام يا كيكي بالجد فضيحة بجلاجل بالله دي حكومة بلد ماشة طلقيتا ساااي

هلا يا خالد
وايوه انها فضيحة الفضائح وهل يعيد التاريخ نفسه ونحن في عصر فضيحة (الفلاشا 2)
التي جابت خبر جعفر النميري وارسلته الي مزبلة التاريخ...

Quote: و فجأه يقوم يفلق امك بي حجر و ينزل علي مهلتو و يتخارج ,,, دا كلو و انت قاعد في العنقريب المتكول علي الحيطة في الضل و بتعاين.

هلا يا ابو النصر وتحياتي..
وفعلا ياخي المشهد يبدو تماما كما حكاه الزول الزعلان ده
وحقارة ياااخ ما بعدها حقارة واكعب شي انو يدقوك وما تعرف الدقاك وتقعد تقابض في الماس بدون دليل
زي مقابضة علي كرتي دي..
وفي دولة تحترم اشيائها مفروض الليلة الاستقالات ترقد هبطرش ويتم مراجعة كل النظم العسكرية عموما ونظام الدفاعات الجوية وتامين الحدود والمدن والمطارات ويتم مراجعة تامة وشاملة لكل انشطة الاجانب في السودان والسيطرة علي الامن القومي بعدة اسسترايجيات صبورة وممنهجة
ولكن تقول شنو مع ناس هيييييييع هاااااااع وفي الفاضي ديل يااخ

البركة في البوست يا كيكي،
مرور للتحية والسلآم.
يا زول عادي زي الزبادي،
بكرة مسيرة مليونية، وشوية هرشة هرشتين،
مع جلد كديس، وتحت جزمتي، ثمّ غنو ورقصوني
يرحمكم الله، ثمّ بعد ذلك يستغفر الله، وبعدها يتوجه
للشعب بالتهديد والوعيد بالجلد والقطع موهماً إياهم
بأنه ظل الله في الأرض.
عجبي !!!!!!!!!!!!!!!!!

Quote: مع جلد كديس، وتحت جزمتي، ثمّ غنو ورقصوني يرحمكم الله، ثمّ بعد ذلك يستغفر الله، وبعدها يتوجه للشعب بالتهديد والوعيد بالجلد والقطع موهماً إياهم بأنه ظل الله في الأرض. عجبي !!!!!!!!!!!!!!!!!

هلا يا معاوية
وبعد نهاية حمي الادانة للقتل الخارجي سيعود النظام كعودة حليمة الي عادتها القديمة
وتدور في جولة (القتل الداخلي) وفي كل الاحوال فعلا الشعب الفضل هو الضحية
وانه زمانات الفجيعة التردي يا معاوية
وتحياتي

يا كيكي

ياخي خليل جاء شاقي الصحراء من أقاصي الغرب ودخل أم درمان ومشى ضرب كبدة في قندهار وشرب مريسة الكيزان وساق الميج حقتهم من قاعدة وادي سيدناوكسح.
وبرضو تقول لي الطيارة عندها بوري.

بعدين الضربتين الفاتت في الحدود الشرقية ناس الحكومة ذاتم ما كانوا عارفنهن إلا بعد ما نشرتهم الصحف الإسؤائيلية.
دي مش بلد مترامية الأطراف دي بلد ميطي قاعدة في السهلة والهنبريب ضارب فيها.




أسي عليك الله دي يشوفوها كيف؟؟؟

مع إنو قالوا جات بي تحت مبارية الظلط. يعني لو أدروب أداها سفروق ساكت كان جابا ليك الواطة.

Quote: بعدين الضربتين الفاتت في الحدود الشرقية ناس الحكومة ذاتم ما كانوا عارفنهن إلا بعد ما نشرتهم الصحف الإسؤائيلية. دي مش بلد مترامية الأطراف دي بلد ميطي قاعدة في السهلة والهنبريب ضارب فيها.

هلا يا شماسي
وانت عارف لو الحكومة دي انكشحت جاي ولا جاي حتظهر جرائم زي دي كثيرة واحتمال تكون اخطر من هذه الضربة كثير...فالكراكير الواسعة والبلد الممتد والقاعد في السهلة بدون حماية مثله مثل المال السايب (بعلم الهبت)
وانا ما عارف الناس ديل حاكمين البلد دي بياتو وووووش

هلا يا عبد الكريم بوست موفق وفى الصميم ولا يخلو طبعآ من القفشات، عشان كدا حبينا نساهم بنكتة،



فى إتنين أدروبات أوشيك مريخابى وأدروب هلالابى, أدروب عنيف وما بتحمل فى الهلال، أوشيك عايز يقول ليه حارس مرمى الهلال السابق أحمد آدم (بتاع زيت عافية للصحة والعافية داك) بقى صفاية وأى كورة بتخش قون. أوشيك قال لى أدروب:

يا أدروب البلد دا قستو هيرنا؟ المنقستو تقوم من الأديس أبابا تدرب القدارف،بالمدفع، و ترجع، زول تجيب هبر مافى.ء

القذافى تقوم من الكفرة، بالتيارة تدرب الإذاعة أمدرمان، ترجع/ زول تجيب هبر مافى؟

هو البلد دا هارسو أهمد آدم؟؟؟؟؟؟

Quote: هلا يا متوكل وووين انت يا زول ليك مدة ما بنت ابوريالة دي فشل يمشي علي قدمين ويرتدي ميري.. والغريبة دي ما اول (كعة) الذراع الطويلة دي لاندكروزرات داست فرامل في كبري امدرمان.... قلنا اوووكي اسرائيل كل مرة والتاني بتجي تضرب كانها في رحلة صيد وخت في بالك مصنع الشفاء.. وكل مرة تبرير اجووف ويشبكوك لقد ردت دفاعتنا بنيران تقيلة -------------------------- وحسع شوقونا زاااتو حيعملو شنو لاسرائيل دي ويبدو اننا موعودين بصيف عبور قادم يضرب(اورشليم)في عقر دارها ويعيد الي صلاح الدين الايوبي سيرته الاولي والله اكبر ياااهو دي

بلد ماعندها وجيع والله
رئيسها البشير
ووزير دفاعها عبد الرحيم محمد حسين
وقس على ذلك
بالله مش حاجة تفقع المرارة

Quote: بلد ماعندها وجيع والله رئيسها البشير ووزير دفاعها عبد الرحيم محمد حسين وقس على ذلك بالله مش حاجة تفقع المرارة

هلا يا منعم
وفقع مرارة رهيب ياخي
وحكاية انو البشير الجهلول ده رئيس وعبدالرحيم محمد حسين وزير دفاع
دي اكثر حاجة بالجد عاملة انا ده ارتجاج دماغي....
ولكن طبعا كارثة الكوارث هي (علي كرتي) وزير للخارجية
ياااخ دي كارثة وطنية وعوجة بتوجع الزول جووووه مسام القلب

Quote: هو البلد دا هارسو أهمد آدم؟؟؟؟؟؟

هلا يا نجاة
(وادروب عصر علينا كهلالاب وعشاق لاحمد عافية) ولكن مافي عووجات لانو كده بكون جاب قووون الدرون للمريخاب لاني عصرت عليهم هنا برضو

Quote: تامين المدن (مدنية بورتسودان) احسن منه دفاع المريخ

وتحياتي

Quote: مع إنو قالوا جات بي تحت مبارية الظلط. يعني لو أدروب أداها سفروق ساكت كان جابا ليك الواطة.

هم كان خلو الشغل دا لادروب وسفروقو ماكان حصل الحصل،،

Quote: هم كان خلو الشغل دا لادروب وسفروقو ماكان حصل الحصل،،

والله كلامك صاح يا نجاة
وادروب قلب حار ورسمي وما بدور الخمج

وقال واحد صيني في كراكير الشرق دي عمل كركبةو شكلة مع ادروب وبعدين في الاشتباك كل ما ادروب يحاول ينيشو بالسفروق الصيني بطير فوووق وبضرب ادروب(كارتي)... ادروب يغير الوضع ويحاول تاني يلقي الصيني طاير فوووق وضارب (كارتي) برضو.. المهم في النهاية ادروب ببسالة كبيرة (هجر الصيني) ده ورماهو تحت ورقد فيهو خانقو.,..
والحجازين جو شبكو
يا ادروب فك الصيني
يا ادروب فك الصيني..
ادروب قال ليهم (ادورب ما يفك سيني ... سيني يطير)

يا كيكي
الصقر ظلّ يعاكس المضيفة كل ما مرت المضيفة بالقرب من مقعده، بتكرار ممل حتى تعلمّ الحمار معاكسة المضيفة، ما إن مرت المضيفة إلا وعاكسها الحمار قبل وبعد مررورها بالصقر؛ إشتكت المضيفة لكابتن الطائرة من معاكسات الصقر والحمار لها، فقرر الكابتن رميهما من الجوء حتى تتمكّن المضيفة من أداء واجبها وينعم الركاب برحلة سعيدة. عندما فتح كابتن الطائرة الباب ليرمي الصقر والحمار سأل الصقر الحمار: بتعرف تطير؟
ردّ الحمار: لا
عقّب عليه الصقر: طيِّب وكتين ما بتعرف تطير بتتلاوّ"ت" مالك؟
___
والقصة معروفة؛)

وقل لحمار الإنقاذ: أرعوي وبطل لواتة ؛)

Quote: وقل لحمار الإنقاذ: أرعوي وبطل لواتة ؛)

لووووووووووووووول يا ابو تفة

والانقاذ تمنقمنق و تمنقمنق وتمنقمنق ولمن يدقوها يبقي ليها ببمبي وتقعد تكورك

يا هندسة

أرجو منك دائما مراعاة حقوق الملكية الفكرية

أيام خروج أخوتنا الفلسطينين من بيروت وإستضافتهم عندنا في بورتسودان (الجريحة) رأيك شنو في الجريحة دي؟؟ قبال ما تبقى (سليبة) وتلحق حلايب كمان ونرجع مرة تانية للغة الإعلام العربي الخائبة في خمسينات وستينات القرن الماضي..

أدروب كان زعلان جدا من واحد فلسطيني إحتل (بنبره) الذي كان يجلس عليه كل صباح أمام الجكس بتاعه، ست القهوة، محبوبته المجكسه عمره كله وعامل معاها رومانس طويل وعريض..

المهم ياسيدي أدروب قرر أن يحسم الأمر نهائيا والدخول في معركة تراق فيها الدماء من أجل أستعادة بنبر الحنان بتاعه والجكس وجلسة الصباح الجميلة. فتحزم بتوبه ووضع (شوتاله) في مكان ظاهر علامة على تأبط الشر، ووصل إلى راكوبة محبوبته ولم ينتظر طويلا حتى إشتبك مع الفلسطيني في قتال دامي ..فما كان من الفلسطيني إلا أن طار في السماء وبضربات من (الكركديه) المتقن نال من أدروب أمام محبوبته. فجرجر أدروب أذيال الهزيمة (توبه الملطخ بالدماء). وقرر في قرارة نفسه الإنتقام ورفع درجة التسلح من أجل إعادة الإعتبار والسيطرة على المناطق في معركة دامية فاصلة.

في الصباح التالي إمتشق أدروب الشوتال والسيف وحمل الصريمة والكوكاب والسفروق وحضر الى مكان النزال كفارس نبيل. ولكن، ولسوء حظه وجد الفلسطيني وقد إنتهى لتوه من نوبة حراسة ليلية لمعسكرهم في بورتسودان وهو مدجج بسلاح (عوزي) رهيب ومسدسا أتوماتيكيا في الخاصرة من جهة الشمال مع (طرشي متش) طوله نص متر متدليا من الجهة اليمنى ولابس بوت مساميره سنينة تلمع زي سنون كدايس بورتسودان الشهيرة..

وبنظرة فاحصة وعقل رزين مع تقدير ذكي جدا للموقف الحالي ولما حدث في معركة الأمس القريب، قرر أدروب عدم التهور والدخول في معركة غير متوازنة وغير عادلة. عليه، إتخذ أدروب ساترا يحميه من رصاصات العوزي الرهيبة مع الإحتفاظ بمسافة مريحة تمكنه من الإنطلاق صاح مناديا الفلسطيني:

- فلستيني....فلستيني....

(وعند إلتفات الفلسطيني عقد أدروب كفه اليمنى مقلوبة محركا أياهـا إلى الأمام وإلى الخلف عدة مرات وصاح فيه قائلا):ـ

- إســـــرائيل كـــــيــــف....؟؟؟؟

ولكن يا هندسة على كرتي العاتي صرح:

بأن السودان يحتفظ بحق الرد كاملا.......

بس إنت مستعينا بصديق، معتبرا ومستفيدا من قصة أدروب إعلاه
دايرك تشرح لي دي كيف يا هندسة؟؟؟؟؟؟؟؟؟

زمان يا كيكى
كان صاحبنا زول اسمو عبد الكبير عسكرى فى سلاح المظلات فى جبل اولياء
وملقب بى اب رونجا

زول ظريف وعندو كلام يقطعو من راسو

بيت الشعر الشهير اسدا على وفى الحروب

كان بيقولو

اسدا على وفى الحروف جلجالو


جلجالو دى بس عمر البشير لمن يجعع

Quote: جلجالو

هلا يا محمد وحبابك يا مسرح
وعمر البشير مفروض طبعا اسمو الرسمي والشعبي يتحول طواالي الي عمر جلجالو
جلجلة شديدة ياااخ ثم ربربة اشد والنتيجة صفر كبير وارض جالسة بلا سيادة
ومطلوقة طلقة السنين

وتحياتي

Quote: - فلستيني....فلستيني.... (وعند إلتفات الفلسطيني عقد أدروب كفه اليمنى مقلوبا محركا أياه إلى الأمام وإلى الخلف عدة مرات وصاح فيه قائلا):ـ - إســـــرائيل كـــــيــــف....؟؟؟؟ ولكن يا هندسة على كرتي العاتي صرح: بأن السودان يحتفظ بحق الرد كاملا....... بس إنت مستعينا بصديق، معتبرا ومستفيدا من قصة أدروب إعلاه دايرك تشرح لي دي كيف يا هندسة؟؟؟؟؟؟؟؟؟

هلا يا ابو الزهور
وعل كرتي اساسا مشهور كزول نفاخ ولفاخ وباعوضة اسرائيلية ما بقدر يهبشها...
قالو ايامات حرب الجنوب في جريدة(نسيت اسمها) هابشت في كلام خفيف كده(الشهداء) وعلي كرتي عاوز يجيب للجريدة دي هواء ويقفلها..
اها قالو خشي للبشير وهو يبكي بصوت عالي خلاص وبكورك
نبذو الشهداء يا الريس
نبذو الشهداء ياريس
نبذو سياد الناس يا ريس..
البشير بانفعال شديد قال ليهو (ديل منوووووووووووووو ديل ...ديل مننوووو ديل)
علي كرتي قال ليهو ديل ناس الجريدة الفلانية العلانية
فما كان من البشير الا وان رد قفلوها قفلوها قفلوها وقعد يبكي مع علي كرتي


اها كرتي ده ما تستبعد بكرة بعد بكرة يمشي مجلس الامن ويعقد يبكي
ضربو السودان ضربو السودان يا بانكي مون
ولكن هنالك مافي طريقة لمثل هذا الادعاء الا بالدليل والاثبات و وما اظن يلقي ليهو كووووت يجيبو للاثبات
انو اسرائيل ضربتهم
-----------------------------
قالو يا ازهري في وااحد من اهلنا الجنوبين ديل ماعندو ثقة في اولاد العرب وبجنبهم ما بجي
وبعدين لاحظ انو اخوهو الصغير مصاحب منهم مجموعة كبيرة وقاعد يمشي معاهم بيوتهم وبساهر ومرات بنوم معاهم... والكلام ده ما عجب صاحبنا المكجن العرب ديل..
فمرة لقي اخوهو ده مطرف
وقال ليهو هوووي يا جون انا اشوفك تاني مع اولاد عرب ده انا بطلع دينك
ليه يا واني عرب ده سهبي..
فما كان من اخوهو الا ان يقول ليهو (عموما اعمل حسابك لانو عرب ده ممكن يعمل ليك حاجة كعب نوع راجل بسوي لراجل داااك وبعدين انت ما تعرف منو العمل ليك حاجة ده) هههههههه

ولد أبوك


ولد الراجل الزين عبد الكريم


كلامك دا كِن صحى

"أنطبقت فوقنا جيولنيٍه كلو ..كلو"

كلامكم حدو هنيا
مظاهراتكم كيف ؟؟؟

وادروب قلب حار ورسمي وما بدور الخمج

-------------------------------------------------------


كيكي الف تحية


ادروب ما بدور الخمج والخج كمان


--------------

هو جنس هبد !!!!

وللمرة التانية


والتالتة تابتة

والبلد ذي قولتك قاعدة ميطي

Quote: كلامكم حدو هنيا مظاهراتكم كيف ؟؟؟

هلا يا قريش
وهييييييييييع ابو درق الجدادي وصل..
ويا زول احنا مالنا ومال مظاهرات... في حد يظاهر ضد الدوووود النترررررررر
والسم البنقع....
انتو كدي ضايروا اسرائيل دي وردو للارض كرامتها وبعدها تعالو لو قلتو لينا ظاهروا بنظاهر
ولو كمان قلتو لينا ما تظاهروا حنسمع كلام الدووود النتر وما بنظاهر.

حد يظاهر ضد الدووود النتر..؟؟؟
انت مشوطن ولاايييييييييه يا بيه

Quote: أنطبقت فوقنا جيولنيٍه كلو ..كلو"

هلا يا دكتور
وحبابك ود ابوك
وبلدنا اخي قاعدة عريانة (نللللل) والغرباء بمحطوها بمطرق هنا عرد
والكلام ده تعيسسسسسسسسسسس حااار.....واسرائيل دي غير الضبيب ول حميدان(الله يرحمو) ما شااايف لي زولا كدي ممكن (يلا بطها)

Quote: وردا على سؤال حول هوية الشهيدين، اجاب وزير الخارجية 'لا نعلم من كان هذان الشخصان. كانا مجرد مواطنين سودانيين عائدين من المطار'. واضاف 'لا نعرف لماذا استهدفتهما اسرائيل'.واضاف ان الطائرة المجهولة جاءت من ناحية البحر الاحمر، وعادت باتجاهه بعد تنفيذ الضربة في حوالي العاشرة مساء (19,00 ت غ).

الكلام أعلاه جزء من مؤتمر صحفي للدباب علي كرتي وزير الخارجية

وهو يقول بين كل جملة والثانية أنهم (لا يعرفـون ......)

السؤال هو : ما الذي يعرفه وزير خارجية الهناء والسرور هذا ....... ؟

وعلى أي اساس يشكو إسرائيل لمجلس الأمن وهو يردد .. نحن لا نعرف ... نحن لا نعرف ...

الأخطر يا أخي كيكي أن اليوم بدأ مسلسل تلفيق التهمة لجنوبيي السودان ومن هذا المنبر تحديداً, هؤلاء الذين يرددون أنهم لا يعرفون بدؤوا يقولون أن العملاء الجنوبيين هـم السبب ... هم طبعاً نسـوا أن وزير الخارجية أكد أن السيارة المقصوفة ليس فيها أي أجنبي وأن الذين قتلا فيها هم سودانيين عاديين ليس لهم علاقة بالنظام ولا بالاسلاميين .... إذن فلماذا يتآمر الجنوبيين على مقتل هؤلاء بالذات من بين ملايين السودانيين على الطرقات ؟؟؟؟؟


أحمد الشايقي

Quote: الكلام أعلاه جزء من مؤتمر صحفي للدباب علي كرتي وزير الخارجية وهو يقول بين كل جملة والثانية أنهم (لا يعرفـون ......) السؤال هو : ما الذي يعرفه وزير خارجية الهناء والسرور هذا ....... ؟ وعلى أي اساس يشكو إسرائيل لمجلس الأمن وهو يردد .. نحن لا نعرف ... نحن لا نعرف ...

حضرتة المؤتمر دا فى قناة الجزيرة يا احمد الشايقى والله انا خجلت لكرتى لما قال ماعارف ،،طيب امشى اعرف بعدين

اعمل مؤتمر صحفى حفاظ لما تبقى من ماء وجهك يا فضيحة،،

Quote: الأخطر يا أخي كيكي أن اليوم بدأ مسلسل تلفيق التهمة لجنوبيي السودان ومن هذا المنبر تحديداً, هؤلاء الذين يرددون أنهم لا يعرفون بدؤوا يقولون أن العملاء الجنوبيين هـم السبب ... هم طبعاً نسـوا أن وزير الخارجية أكد أن السيارة المقصوفة ليس فيها أي أجنبي وأن الذين قتلا فيها هم سودانيين عاديين ليس لهم علاقة بالنظام ولا بالاسلاميين .... إذن فلماذا يتآمر الجنوبيين على مقتل هؤلاء بالذات من بين ملايين السودانيين على الطرقات ؟؟؟؟؟

هلا يا احمد
وحبابك يا نجاة
وده يا احمد التخبط والعشوائية والحيرة في لحظات الفشل والمكابرة ومحاولة ايجاد تبريرات فطير والقاء التهم علي الاخريين بدون ادلة واستنادا فقط علي عمي البصيرة..
الانقاذ صارت الان وفي ظل تخبطها ترسم ابشع اللوحات التي يمكن لسلطة فاشلة ان ترسمها في ارض في هذا الكون..

سجمنا


وقسطنطين كان ويييين !!

Quote: سجمنا وقسطنطين كان ويييين !!

هلا يا كوتشب
وسجمنا واسرائيل هجمنا

---
قسطنطين زاااتو رادارتو بتكون خارج الخدمة ودايرة (برميل شحم)
عشان تلفلف

ياكيكى سلام تفكيكى كفكفكة السوناتا

سؤالى..
الاستغراب شنو..؟؟
حكومتنا الفتية الماقادرة توفر لينا ابسط مقومات العيش الكريم وهى العاجزة عن توفير مصل العقرب والادوية المنقذة للحياة على الارض وفى المستشفيات مش الشفخانات
ياجماعة حكومتنا ماقادرة توفر رغيف الخبز والتعليم والعلاج فكيف لها ان توفر رادارات وما ادراك ما صافات وكيف لها ان توفر حماية الاجواء..!!
وان كانت جل ميزانيتها موجهة للامن...........
فالامن عندها تامين السلطة والبقاء على كراسى الحكم ,,كما هو تأمين مستقبل العصابة ومن تبعهم بالسؤ الى يوم الدين

ودامت دفاعاتنا باسكال

Quote: ياجماعة حكومتنا ماقادرة توفر رغيف الخبز والتعليم والعلاج فكيف لها ان توفر رادارات وما ادراك ما صافات وكيف لها ان توفر حماية الاجواء..!!

هلا يا ابو حميد
وبيني وبينك كلامك صاح ياخي..
وحكومة ماقادرة توفر رغيف وحقنة وكراس تاني مفروض فعلا ما نرجي منها تعمل اي حاجة تاني..
وانا ماعارف الحكومة دي اساسا قاعدة تعمل (شنوووو).. كل شي تهبشو في السودان في السودان تلقاهو
بايظ وخربان ومبشتن ولكنهم مستمرين في الكنكشة والمكابرة ومحاولة خداع الجميع عبر الالتفاف والكضوبات والقمع...
وغايتو الله يحلنا من الناس ديل..عشان ما نصحي يوم مع الصباح نلقي السودان ده كلووو مافي
وتسالهم يقولو ليك والله ماعارفين السودان ده مشي وين..!!

Quote: ودامت دفاعاتنا باسكال

غايتو دفاع المريخ مع باسكال ده قطع شك اخير من دفاعات بني كوز

تمام يا كيكى


وليك براءةاختراع اللقب


عمر جلجالو

Quote: تمام يا كيكى وليك براءةاختراع اللقب عمر جلجالو

هلا يا محمد
وشخصية (عمر جلجالو) دي لو لقت شوية اهتمام درامي حتكون شخصية تاريخية
فكل العدة الاساسية المطلوبة لبناء شخصية (عمر جلجالو) متواجدة وبكثرة في عمر البشير
بس دايرة زول يسوقها سواقة برواقة كده

Quote: هو جنس هبد !!!! وللمرة التانية والتالتة تابتة والبلد ذي قولتك قاعدة ميطي

هلا يا كمبورة
ويا حليل البلد ياااخ اصبح ممرمط وحكايته حكاية في زمن بني كوز والانتهازيين الجدد

Quote: لقد كتبنا محذرين من أن عبد الرحيم محمد حسين هو آخر من يصلح لقيادة القوات المسلحة لمعرفتنا التامة بقدراته العسكرية الضئيلة ولتلوث ذمته المالية وفساده الذى سارت به الركبان . يمكن لعبد الرحيم أن يكون وزيرا للدفاع كمدنى إذا ما تخلى عن بزّته العسكرية وكان طاهر اليد وترك تنفيذ القرار العسكرى للقادة المختصين. ولكن جاء الرجل مترفعاً فى الرتبة وتسبقه السمعة السيئة من فساد أزكمت رائحته الأنوف .

نقلاً عن مدونة السودان أكاذيب وحقائق

مع التحية يا باشمهندس والشكر على هذا البوست التفتيحة!

Quote: انتو كدي ضايروا اسرائيل دي وردو للارض كرامتها وبعدها تعالو لو قلتو لينا ظاهروا بنظاهر

نحنا بنلفِّخكم انتو بس

هلا يا سعادتك وتحياتي..
وهذا الرجل صار صمة عار في جبين العسكرية السودانية وفي زماناته شهد الوطن واحدة من اسواء الاشياء التي يمكن ان يشهدها تامين حياة بلاد وعباد (اختراق) في العمق السوداني وحتي العاصمة الخرطوم انطلاقا من الحدود التشادية بطول الف كيلو
ثم اختراق جوووي وضرب العمق الشرقي علي مقربة من اهم المدن في السودان..
وايضا فساده المقيم في انهيار العمارة الشهيرة تلك
وانه يا سعادتو زمانات التردي واللخبتة وسيادة الاوباش الذين لا يحملون سوي عقولهم الخربة ونفوسهم التواقة الي السحت

وكل الود يا جنابو