Post: #1
Title: ناكل مما نزرع...كيف نمزق فاتورة الخضار فى البيت
Author: smart_ana2001
Date: 04-04-2011, 06:52 PM
Parent: #0
الزراعة فى الحوش الخلفى للبيت او فى زهرية صغيرة فى شباك المطبخ ممكن تكون هواية لطيفة و ممكن تكون برنامج للاطفال فى البيت. ممكن نوفر شوية قروش من استخدام المحصول بدل شرء خضار فى فصل الصيف.
الهدف من البوست ح يكون تبادل التجارب و الخبرات و الافكار.
اتكلمت قبل كده مع اخواتى وصحباتى مريوم و سناء عن موضوع البوست و قالوا متحمسين للفكرة
اخواتى داليا و لنا برضوا اتحمسوا للفكرة
اى زول (طبعا) مرحب بيه فى البوست. الموضوع موضوعكم.
اولا لازم اوضح ان خبرتى تعبانة جدا جدا. وكلنا ح نتعلم و نزرع مع بعض.
و عشان ما اكون بياعة كلام ساى, ح اكتب اول حاجه اتعلمتها و هي : احسن طريقة لابعاد الحشرات من الخضار. مع انها ما اول خطوة فى الزراعة لكن دى المعلومة المفيدة الوحيده البعرفها الان.
احسن طريقة لابعاد الحشرات انك تعملى محلول خفيف من ماء الصابون و الخل و الثوم و ترشي بيه الخضار خفيف جدا كل يوم. ح انزل المقادير بالتفصيل فى بوست لاحق
|
Post: #2
Title: Re: ناكل مما نزرع...كيف نمزق فاتورة الخضار فى البيت
Author: GamarBoBa
Date: 04-04-2011, 07:41 PM
Parent: #1
تحياتي اسمارت
متابعة لكن بعد تمشوا قدام شوية لانو مسألة الفكرة هي عملية أم لأ ممكن الناس تصل ليها في النقاش لقدام
لكن مبديئا ممكن أتساءل المساحة المتوفرة ممكن تكون قدر شنو ونوع الخضار الممكن يتزرع شنو
يعني مثلا جرجير ما وارد لمسألة الموسم علي المساحة لانها ما ممكن ينمو مرتين تلاتة
الفكرة في رأيي الخاص ممكنة في النباتات المثمرة مثلا مثلا الباذنجان،الشطة..دي الشجرة بتكون واقفة في حتتها تنتج وبيتم تناولها وتعود لتثمر
_
قالوا واحد من أولاد المزارعين خشا كليه الزراعة وغاب فترة فالجماعة الحناكيش بشرحوا ليه عشان يخش الامتحان معاهم..فبدوا معاه تحضر الارض وتجيب التركتر و و و لحدي ما تعمل التقند...قالوا ليه المقرر كدة انتهي ...علي كدة قال ليهم أنا اجي رابعة امتحن بس.
|
Post: #3
Title: Re: ناكل مما نزرع...كيف نمزق فاتورة الخضار فى البيت
Author: خضر حسين خليل
Date: 04-04-2011, 07:54 PM
Parent: #2
يعني بي كلامك ده يا قمر الواحد يرش الحوش الشمالي ده شطة ويقرط علي كده ولا شنو ؟
يا سمارت بالله شوفي لينا طريقة نمزق بيها فواتير اللحمة واللبن والمخلوق الإسمو زيت داك
وينوبك عن الثواب ثواب
|
Post: #4
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 04-04-2011, 08:09 PM
Parent: #3
كدي خلينا من الخزعبلات بتاعتك دي
شن جاب الصابون للخل
أسمعي:
أنا عايز تيراب جرجير و رجلة و خضرة و عجور سوداني...سريع جدا
و الحشرات ملحوقة و عندي ليها دواء خطير
أخلطي عصير المانجو بالشطة أم توم و أكشحي في الخضار ....الناموس لو شحدوه ما يجيك في الباك يارد بتاعك.
أرسلي التيراب
أو البوست دا حا أملاه ليكم صور باعوض و أغاني القوارض
|
Post: #5
Title: Re: ناكل مما نزرع...كيف نمزق فاتورة الخضار فى البيت
Author: smart_ana2001
Date: 04-04-2011, 08:45 PM
Parent: #4
سلامات يا امر ...و شكرا شكرا على المشاركة
طيب الفكرة من ناحية عملية...فهى عملية. المشكلة احتمال تكون لناس السودان فى عدم توفر الشتول بالساهل. لكن املى انو يجى زول فى البوست و يوريهم احسن مشتل ممكن يلقوا فيه شتول وين.
المساحة على حسب المساحة. يعنى كل زول يعمل قدر مساحته (و شمسه) الموفرة.
كلامك صحيح مية فى المية. اظن ان الطماطم و الفلفلية (بانواعها, حتى الشطة) و العجور و الخيار و البامية و الكوسة خيارات مناسبة. البصل برضو بيتزرع كويس. النعناع و الشمار الاخضر مكسب برضو. السنة الفاتت انا زرعت كل الحجات دى و نجحت بصورة معقولة.
بالمناشبة شكلك كده ناقش كويس فى المواضيع دى....اها ما تبخل علينا
خضر حسين خليل سلامات و شكرا ليك
احنا ح نعمل ذى الكيزان....ح نمزق الفاتورة و نجى بعد كم شهر نلصقها تانى.
ابقى نباتى و مزق فاتورة اللحمة. الفول ماله?
كوستاوى انت ما نصيح? انا فى ولاية لما تجى داخل ما بيسالوك شايل مخدرات او اى مصيبة تانية....بيسالوك :انت شايل اى تيراب او شتلة?
الولاية كتير من اقتصادها من الزراعة و لو دخلت ليهم شتلة او تيراب فيه مرض معين بيعمل مشاكل كتيرة. عشان كده عجور السودان ده تاكلو فى كوستى بس يا فردة
بتاع الجرجير ده ممكن القاه ليك هنا. يوم الاحد بسال ليك فى الFarmers Market
خضرة لقيتو فى النت فى استراليا لكن (و العهدة على النصري امين) قالوا ما بشحنوا خارج استراليا. خلى خالد العبيد يرسل ليك
انت شكلك كده واااعى و مجرب. ما تجى تهضرب لينا ساي هنا. قل لينا حاجه مفيدة فى البوست ده
|
Post: #6
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 04-04-2011, 10:49 PM
Parent: #5
يا سمارتي
عشان رفضتوا تدوني التيراب و أنا ما طالب منكم iphone5
و أنا زول غلبان على قدر حالي
مشيت للعم قوقول و قلت ليه عايزين تيراب عجور
قام أداني
أمل عجور.....تطير عيشتنا
|
Post: #7
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 04-04-2011, 11:15 PM
Parent: #6
جرجير
عجور
رجلة
خضرة (ملوخية بالأرانب)
|
Post: #8
Title: Re: ناكل مما نزرع...كيف نمزق فاتورة الخضار فى البيت
Author: smart_ana2001
Date: 04-05-2011, 00:37 AM
Parent: #7
ايوه ده الكلام يا كستاوى
انت متاكد الشى الفوق ده رجلة ??
arugula ده انا عارفاه الجرجير و بمشي في الويك اند من الفارمرس ماركت اشترى حزمة كل يوم احد. يكونوا فاكرنى مربية ارنب فى البيت
|
Post: #9
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 04-05-2011, 04:50 AM
Parent: #8
| Quote: arugula ده انا عارفاه الجرجير |
أركولا في عينك!
الجرجير هو الوتركرست Watercress
أمشي شوفي ليك دوكة أكرديها و طلعي منها خمار للكسرة
و الحطب مننا
يا جماعة البوست دا فشنك!!!
الزولة دي ما تخمكم بموية الصابون و الخل و الحجات الما جايبة راس مالها ...
نفسوا البوست دا!
ديل ناس بتعاين زلازل و نوويات و يابانيات و قتالين قتلة
شيلوا جرجيركم و أكسحوا.....
حمانا الله.
|
Post: #10
Title: Re: ناكل مما نزرع...كيف نمزق فاتورة الخضار فى البيت
Author: smart_ana2001
Date: 04-05-2011, 05:03 AM
Parent: #9
ما تغالطنى ساكت. اها دى ترجمة صحبك قوقل للاتنين. "نبات البغلة" ده شنو كمان القاعد تضربوا و متخيلوا جرجير؟؟؟
ناس الساحل الشرقى الحقودين ديل انا ما عارفه اعمل معاهم شنو!!! تلج فى شتاء و حر و رطوبة فى الصيف و بيطولوا لسانهم على ناس اغنى ولاية امريكية و سادس اقتصاد فى العالم!!! حقوا افتح بوست اسميه كلفورنيا الجميلة!
|
Post: #11
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 04-05-2011, 05:40 AM
Parent: #10
يعني طلعتي جرجيرنا بقلة (لا حصان لا حمار) إنتي و العجوز بتاعك دا! شيخ قوقل
الله لا كسبكم ...يا مفترين
يعني شيخك دا حا يطلع الخضرة ...حمار البنات
و الرجلة........أم كلثوم رجلها مكسورة
و العجور.....رقصة العروس
و البامية.....أصابعين أم قضيم
سبحان الله!
نحمدو, نعمل شنو!
|
Post: #12
Title: Re: ناكل مما نزرع...كيف نمزق فاتورة الخضار فى البيت
Author: د.نجاة محمود
Date: 04-05-2011, 05:52 AM
Parent: #11
نحي الشعار
ولكن لا نستطيع تنفيذه لانو عندي ربو
مودتي يا سمارتي
|
Post: #13
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 04-05-2011, 06:12 AM
Parent: #12
يا ساتر
أم قضيم الكوزة الظلامية في الميدان!!!
الله لا كسبك يا الجرجير
دي عملة تعملها.......?
قاعدين كويسين بنتخابت في USA
ناس ماليزيا المتخلفين ديل جو من وين?
المنتدى دا ما فيه غربال?
يا بكري أبو صلعة?
ربنا يا أبو صلعة إبتلاك بيها لأنو لقاك خردة و العياذ...
يا سمارتي
قولتي لي كلفورنيا مالا?
|
Post: #14
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 04-05-2011, 06:23 AM
Parent: #13
شوفي يا سمارتي
لو الناس ديل قالوا ولفير معناه بقصدوكي إنتي
أنا برا
و لو قالوا 6 باك أنا (برتين)
دا بوستك و إنتي مخيرا فيه
أنا بتاع 6 ربط جرجير..يا بت الناس....ما تحريجيني
_________
السلام عليكم و رحمة الله و بركاته
الأخت العزيزة د. نجاة
مشتاقون....أي خدمة?
|
Post: #15
Title: Re: ناكل مما نزرع...كيف نمزق فاتورة الخضار فى البيت
Author: smart_ana2001
Date: 04-05-2011, 06:35 AM
Parent: #13
شكرا د.نجاة على الدعم المعنوى..
الربو فعلا سخيف بس السيطرة عليه سهلة لو بعدتى من الحجات البتهيجه.
كوستاوى...بطل نقة و قول لينا بتزرع شنو فى حركم الملهلب ده؟
قلت ليك كلفورنيا الجميلة.....
كلفورنيا دى يا كوستاوى ما بتقدر عليها. امتحنها بتاع المهندسين ساى بيطفشك . اما الضرائب فدى فلم براه.
و كمان انت ما شكلك زول بتاع camping and hiking او حتى Skiing . غايتو انا ما بمشى Skiing قالوا لازم تقع اول مرة و انا جلدى حلو و ما بقدر على الوقيع. لكن كا جيتنا بنسوقك camping العدة قاااعدة من الخيمة لحدى الكانون.
غزيزى القاريئ افتح لكستاوى ده لو ما اتكلم عن الزراعة.
ح ارجع بمعلومات عن زراعة الطماطم.
|
Post: #16
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 04-05-2011, 06:45 AM
Parent: #15
| Quote: ح ارجع بمعلومات عن زراعة الطماطم |
طماطم في عينك
الطماطم عايزا ليها زراعة?
كيلو الطماطم عندنا في واشنطون بقرشين!
و الرطل بتعريفا....
ما تستهبلي الناس ساكت.
لكن ممكن نخليك تتكلمي عن زراعة القطن.
ثروة قومية و كدا.
|
Post: #17
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 04-05-2011, 07:16 AM
Parent: #16
أوعك تزعلي مني!!!!!
أفتحي بوست تاني لكن ما تقولي كلام زراعة....يعني ممكن تتكلمي عن الذراعة و الفحم.
زراعة..No
أيه رايك تتكلمي عن النوبة (traditional drum) و الصوفية و ثورة اللواء الأبيض و القذافي
what are you saying?
No
No...No
I am out of here
أزرعوا زراعتكم...تنفعكم
|
Post: #18
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 04-05-2011, 07:51 AM
Parent: #17
وانا اقوووووووول سمارت دي فتحت لينا ولا شنو.. اتاريك ختيته في العنوان ده... ياخ انا بقت عندي حساسية من كل ابجديات الناس ديل...
حأقرا الكتبتيه، لاني ما بعرف التكتح... لكن بحب الزراعة موت... انا عايزه ابدا بالاعشاب في الاول، بعداك نشوف نقدر نزرع شنو في الجو الغريب بتاع الدمام ده... ان شاء الله تكوني بديتي لينا بي ناس الشمار الاخضر والنعناع وياريت تدينا درس مستعجل في الجرجير...
اقرا وارجع لو عندي اسئلة
|
Post: #22
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 04-05-2011, 08:27 AM
Parent: #18
عمو كوستاوي... عذّبتنا والله...
كدي ورينا الريجلة والجرجير ديل بزرعوهم كيف؟
انا ما عندي يارد، لكن عندي بلكونه ظريفه، عايزه اعمل فيها اصايص... منتظرينكم يا جماعة...
|
Post: #19
Title: Re: ناكل مما نزرع...كيف نمزق فاتورة الخضار فى البيت
Author: ودقاسم
Date: 04-05-2011, 08:03 AM
Parent: #17
فكرة البوست جميلة .. بس يطلع منّها كوستاوي ..
الزراعة في المنزل حاجة مفيدة ، وممكنة ، وتمنح حديقة المنزل جمالا إضافيا وتسهم في تلطيف الجو ..
وأنا أنطلق من تجربة ذاتية ، أعتبرها ناجحة ، لكنها تحتاج إلى بعض الدعم من مختصين .
وقد استفدت من بعض مواقع النت المتخصصة في الزراعة. وما زلت أدفع بموضوع الزراعة المنزلية إلى الأمام ..
لكن بصراحة ، الشيء الذي دفعني لهذا الموضوع هو الفشل في استكمال العمل في المزرعة التي تحتاج تمويلا لم أتمكن من إيجاده ..
|
Post: #20
Title: Re: ناكل مما نزرع...كيف نمزق فاتورة الخضار فى البيت
Author: GamarBoBa
Date: 04-05-2011, 08:15 AM
Parent: #19
يا هندسة كدي لو عندك سكة نزلي الآيتم لست بتاع الناس الفوق ديل عشان نقدر نعرف المنتجات ونشوف كيف وحتقوم وين
...
خضر حسين ...حوشكم بالشمال ده تجيب ليه نخلة من الشمالية خليها تكبر بعد عشرة سنة وجذورها تخرب بير السايفون ويقع بيك عشان تغور في ستين داهية..ما تزرع بتنجان..أول زول اشتكي من البتنجان في الاسافير انت ده..عندك بوست فاتحه عديل للبتنجان...سمين ده
...
مريم سلامات....كان الدمام الشفتها انا وعشت فيها إنتي تزعي بترول بس..معقولة درجة الرطوبة في الصيف 5 مليون وفي الشتا ريحة البحر تجي الغرفة؟؟
...
كوستاوي يا خردة ..إنضبط
|
Post: #21
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 04-05-2011, 08:27 AM
Parent: #20
مريم و ود قاسم و القمر بوبا و زولتكم
بطلوا الحركات دي
مافي تيراب... مافي بوست
أطلعوا من هنا....بلاش حركات معاكم
أمشوا أفتحوا بوست تاني
الكتاب الأخضر--كوستاوي
|
Post: #23
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 04-05-2011, 08:40 AM
Parent: #21
Quote: عمو كوستاوي... عذّبتنا والله...
كدي ورينا الريجلة والجرجير ديل بزرعوهم كيف؟
انا ما عندي يارد، لكن عندي بلكونه ظريفه، عايزه اعمل فيها اصايص... منتظرينكم يا جماعة... |
ما عندك باك يارد
تسعي ليك كديسة في البلكونة بتاعتك دي
و أكلي معاها نبق و دوم--
أطلعي من البوست دا
نشوف ناس القمر ولع ديل عايزين يصلوا لشنو?
بلا قمر بوبا بلا بطارية حرقانة.
أرح
|
Post: #24
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 04-05-2011, 08:45 AM
Parent: #23
بوستيكم بايخ
و أنا ما راجع ليه
tani
babababye
|
Post: #26
Title: Re: ناكل مما نزرع...كيف نمزق فاتورة الخضار فى البيت
Author: محمد يوسف الزين
Date: 04-05-2011, 01:47 PM
Parent: #25
والله بوست مبالغة
في البلكونة عندي نعناع
تحت عاملين حوض عندنا فيهو خدرة وجرجير وكوسة، مشكلتو الاولى الشمس بتجيهو زي ساعة كدا في اليوم،
وفي دودة مكرهانا برضو، مرة زرعنا باذنجان فشلتو نهائي.. وطبعن اذا حاربناها بكيماوي يبقى ما استفدنا حاجة من الاورقانيكـ
ومنكم نستفيد بالجد
دايرين نزرع حاجة زيادة
بالنسبة للقاعدين معاي في الخرطوم، ممكن اوصف ليهم محل بتاع بذور رخيص وحاجات اصلية ومضمونة، الباب الغربي للسوق المركزي الخرطوم، في محل بتاع واحد اسمو محمد
|
Post: #27
Title: Re: ناكل مما نزرع...كيف نمزق فاتورة الخضار فى البيت
Author: smart_ana2001
Date: 04-05-2011, 03:24 PM
Parent: #26
ازيكم يا شباب و انت برضو يا جدو كوستاوى
خلونى ارد على كستاوى الاول
كستاوى يا اخى ما تزعل...اكتب الدايره
يا جماعة ما فى زول يشتغل بكستاوى...عمكم و خرف...استحملوه
|
Post: #28
Title: Re: ناكل مما نزرع...كيف نمزق فاتورة الخضار فى البيت
Author: د.نجاة محمود
Date: 04-05-2011, 05:14 PM
Parent: #27
كوستا بالله يا الشايقي الشقي
خليت التمر بقيت حق جرجير ما عجبني ليك والله
افتكر" اسحن" ترفع الشعار وتزرع نخلتين تلاتي
في البيت.
بالجد ليك وحشة؟
انا جيت في زيارة سرية الى دياركم ..
|
Post: #29
Title: Re: ناكل مما نزرع...كيف نمزق فاتورة الخضار فى البيت
Author: smart_ana2001
Date: 04-05-2011, 09:29 PM
Parent: #28
مريوم ما كتبنا حاجه لسه. بنحاحى فى جدك كستاوى من البوست
ود قاسم ....ما تبخل علينا بالخبرة. زرعت شنو و متين?
قمر بوبا...ده بالضبط اللى حصل فى بيتنا فى بحرى. و فى النهاية قطعوا الشجرة
ادريس خليفة علم الهدي.. .شكرا... ده بوست مباالغة . كيف ما لاحظت ليه انا???
يا جماعة كلكم امشو بوست د. مهدى ذاكروه كويس بعدين رجع هنا
محمد يوسف الزين تمام و الله .احسن حاجه تعملها للديدان هى موية الصابون و الثوم. بيطفشوا كل الحشرات
|
Post: #30
Title: Re: ناكل مما نزرع...كيف نمزق فاتورة الخضار فى البيت
Author: smart_ana2001
Date: 04-05-2011, 09:35 PM
Parent: #29
طيب نجى للجد.
اغلب الخظروات بتحتاج شمس. على الاقل ٦ ساعات من الشمس المباشرة. عشان كده فى الزراعة لازم نعرف ح نزرع وين.
الشي التانى لازم نعرف اطوال النباتات اللى عاوزين نزرها بينتهى على اى طول. عشان لما نرص الشتول ما فى واحده تغطى التانية. القصار فى اتجاه الشمس و الطوال خلفهم.
برضو لازم نعرف المسافة المناسبة بين الشتلة و اللى بعدها. و ممكن تسال صاحب المشتل او فى بلدنا دى بيكون مكتوب فى الشتلة.
|
Post: #31
Title: Re: ناكل مما نزرع...كيف نمزق فاتورة الخضار فى البيت
Author: Sana Khalid
Date: 04-06-2011, 07:04 AM
Parent: #30
سمارتي كيفك؟ مشتاقين كميات..
تعرفي يا سمارتي.. بعاين للسودان و السودانيين.. كمية الشمس.. الموية و الأرض المسطحة.. الحيشان الواسعة و بستغرب كيف ممكن تحصل عندنا مجاعة، و ناس ما لاقية تاكل!
زمان كان أبوي و أمي بيدرسوا في المسلمية.. ساكنين في بيوت المدرسين في الكتر.. و حيشان واسعة و أرض طبعاً خصبة.. كان أبوي دائماً بيزرع الطماطم و الأسود و العجور و الجرجير..
كان عندنا قفص كبير دجاج.. و قفص حمام.. و كان عندنا غنم كمان! كنا كل يوم الصباح في طريقنا للمدرسة نغشي الغنم للراعي .. يااا سلام يا سمارت.. كانت أيام خضراء و رويانة!
موضوع سمح داير قعدة..
|
Post: #32
Title: Re: ناكل مما نزرع...كيف نمزق فاتورة الخضار فى البيت
Author: ودقاسم
Date: 04-06-2011, 11:48 AM
Parent: #31
لكم التحية جميعا
حتى الآن قمت بتجربة زراعة الجرجير ، البقدونس ، والشمار ، والنعناع، والطماطم لكنها لم تحقق النجاح المطلوب ، الملوخية وهي ناجحة بدرجة امتياز ، الكركدي وهو أيضا ناجح جدا ، وزرعت البامية لكن حوالي 4 شجرات فقط وزرعت العدسي . وهذه الأيام أقوم بتجربة العجور والتبش ، وأخطط لزراعة القرع والبطيخ .. وقد نبتت عندي ملوخية من النوع الخلوي ولا أعلم من أين أتتني بذورها ، وأنا مهتم بإكثار بذورها لتنتج كمية أكبر .
الكميات التي يمكن زراعتها محدودة لضيق المساحة ولمقدرتي المحدودة بالاهتمام بها لضيق وقت الفراغ
.. ويمكن الزراعة في أحواض أو اصايص أو على الأرض مباشرة ،، كما يمكن الاستفادة من السطح .. وتحتاج الزراعة المنزلية إلى عناية فائقة في الري واهتمام كيير لأن بعض النباتات ربما تحتاج سقاية لمرتين في اليوم . كما يجب أن تتم سقيا النبات في الباح الباكر أو المساء ، لكن السقيا منتصف النهار تضر بالنبات .. كما أن الشمس ضرورية ، وأيضا يفضل تعريض النبات على الظل لجزء من اليوم لأن الأشعة القاسية توذي النبات ..
|
Post: #33
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 04-12-2011, 10:00 PM
Parent: #32
زرعكم دا ما قام لسع!
أقعدوا باروا الخردة دي
تزرع ليكم بطاطسة يقوم ليكم فجل عاوج رقبتو
|
Post: #34
Title: Re: ناكل مما نزرع...كيف نمزق فاتورة الخضار فى البيت
Author: smart_ana2001
Date: 04-21-2011, 07:28 PM
Parent: #33
| Quote: تعرفي يا سمارتي.. بعاين للسودان و السودانيين.. كمية الشمس.. الموية و الأرض المسطحة.. الحيشان الواسعة و بستغرب كيف ممكن تحصل عندنا مجاعة، و ناس ما لاقية تاكل! |
سلامات يا سناء
المشكلة يا سناء ان فى زمنا ده الزراعة ما بقت موية و ارض و شمس
الزراعة بقت تكنلوجيا و اسرار عملية و صناعية. نفس مساحة الارض فى كلفونيا بتنتج اكتر من عشرة اضعاف انتاجها فى مشروع الجزيرة.
الزراعة عاوزه راس مال كبير جدا
احنا برضو فى بيتنا كان عندنا شجر برتقال و جوافة و نخلة و ليمونة لما رجعت اخر مرة السودان ما كان فى اى واحدة منهم. ما فى زول فاضي ليهم. و ممكن يخربوا البير او الحوش كلو
سلامات ود قاسمشكرا جزيلا. لو ممكن تنزل لينا صور. عارفه انو برنامج طويل...لكن دى الطريقة الوحيد عشان نفهم
كستاوى. اخير تتصلح معاى. صحبتى جات من السودان و جابت لى بزور رجلة و خدرة و جرجير و بامية.
|
Post: #35
Title: Re: ناكل مما نزرع...كيف نمزق فاتورة الخضار فى البيت
Author: smart_ana2001
Date: 04-21-2011, 07:31 PM
Parent: #34
السنة دى قررت ازرع الاتى:
طماطم
كوسة
جرجير
فلفلية خضراء و حمراء
عجور
خيار
نعناع (من السنة الفاتت)
شمار اخضر(من السنة الفاتت)
فراولة
شمام
بطيخ
عيش ريف
|
Post: #36
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 04-21-2011, 07:38 PM
Parent: #35
Quote: السنة دى قررت ازرع الاتى:
طماطم
كوسة
جرجير
فلفلية خضراء و حمراء
عجور
خيار
نعناع (من السنة الفاتت)
شمار اخضر(من السنة الفاتت)
فراولة
شمام
بطيخ
عيش ريف |
يعني السنة دي ما زارعة برسيم
بالمناسبة دي حصلي بوست صور البورداب....
|
Post: #37
Title: Re: ناكل مما نزرع...كيف نمزق فاتورة الخضار فى البيت
Author: Elawad
Date: 04-21-2011, 08:29 PM
Parent: #36
Quote: السنة دى قررت ازرع الاتى:
طماطم
كوسة
جرجير
فلفلية خضراء و حمراء
عجور
خيار
نعناع (من السنة الفاتت)
شمار اخضر(من السنة الفاتت)
فراولة
شمام
بطيخ
عيش ريف |
والله ما شاء الله يا سمارت. بيتكم دا أصله كم فدان؟
والله حكاية الزراعة دي حاجة ممتعة جدا و بتدي الواحد إحساس بالإنجاز. قبل كم سنة زرعنا جزر و بصل و خس و شطة خضرا و طماطم و كانت حاجة ناجحة جدا. المشكلة بعدها رحلنا لبيت الباك بارد فيه ضل شديد و مافيها طريقة زراعة. المهم خلينا متابعين معاك بالصور لو ممكن.
|
Post: #38
Title: Re: ناكل مما نزرع...كيف نمزق فاتورة الخضار فى البيت
Author: smart_ana2001
Date: 04-21-2011, 08:45 PM
Parent: #37
العوض....انا بزرع شتلتين بالكتير من كل نوع يا اخى. يا ريت لو ان عندى بيت كم فدان... ربنا يوعدنا....كلنا باذنه تعالى
ممكن انزل الصور من الاسبوع الجاى ان شاء الله
السنيين الفاتت كنت بعمل حجات بسيطه. السنة دى اشتريت لى كتاب و عملنا الاحواض برنا فى البيت و اشترينا التراب و جاهزين. راجين المطر يقيف بس.
كستاوى.... و نسيت البامية والرجلة و الملوخية بتاعات السودان.
برضو ما عاوز تتصلح موش? ما فى ليك رجلة
|
Post: #39
Title: Re: ناكل مما نزرع...كيف نمزق فاتورة الخضار فى البيت
Author: عبداللطيف حسن علي
Date: 04-21-2011, 09:05 PM
Parent: #38
بوست ممتع يا اسمارتي
لكن دا كان زمان
هسي اغلب البيوت بقت بيوت حبش !
|
Post: #40
Title: Re: ناكل مما نزرع...كيف نمزق فاتورة الخضار فى البيت
Author: Dania Elmaki
Date: 04-21-2011, 09:15 PM
Parent: #38
Watch out for Rats and Mice, and also check wiht your HOA, some don't allow corn because it attracts rodents.
انا بحب الزراعه. اخر مره زرعت قبل سنتين الارنب كرهني الحياة اكل خياري و خسي و الباذنجان و جارنا الحرامي سرق الطماطم مره قبضته نص الليل شايل كميه من الطماطم و الشطه اظنه شالها بالنهار. اها خليت الزراعه لكن هسه باع بيته و رحل بفكر ازرع تاني اها الارنب ده ارحله كيف؟
|
Post: #41
Title: Re: ناكل مما نزرع...كيف نمزق فاتورة الخضار فى البيت
Author: عبداللطيف حسن علي
Date: 04-21-2011, 09:36 PM
Parent: #40
| Quote: انا بحب الزراعه. اخر مره زرعت قبل سنتين الارنب كرهني الحياة اكل خياري و خسي و الباذنجان و جارنا الحرامي سرق الطماطم مره قبضته نص الليل شايل كميه من الطماطم و الشطه اظنه شالها بالنهار. اها خليت الزراعه لكن هسه باع بيته و رحل بفكر ازرع تاني اها الارنب ده ارحله كيف؟ |
تربة تصلح لكل هذه المحاصيل ويبوظها ارنب ؟
التضحية بالارنب طبعا تجيبي ليه ملوخية ويكون يوم مصري
ودي دانيا
|
Post: #42
Title: Re: ناكل مما نزرع...كيف نمزق فاتورة الخضار فى البيت
Author: smart_ana2001
Date: 04-21-2011, 10:13 PM
Parent: #41
عبداللطيف حسن علي سلامات...ما لها بيوت الحبش بقت مضرب الامثال??
| Quote: التضحية بالارنب طبعا تجيبي ليه ملوخية ويكون يوم مصري |
دى بالغت فيها.
اوعك يا دانية تسمعى الكلام ده يجوك ناس الرفق بالحيون يخلوكى تقول يا ريت الارنب كان اكلنى انا ذاتى
يا دانيا ما عندنا HOA و الحمد لله . و ده كان اهم شرط قبل البيت. ما عندى مزاج يجو ناس الحلة ينظروا فى بيتى.
قلتى لى الارنب ابى يرحل. حتى بال HOA لسه قاعد ??
و جاركم عديل كده سرق الطماطم ?
حلتكم شكلها لذيذة يا دانية
|
Post: #43
Title: Re: ناكل مما نزرع...كيف نمزق فاتورة الخضار فى البيت
Author: Mohamad Shamseldin
Date: 04-22-2011, 03:52 AM
Parent: #42
سمارت سلام
حضرنا الارض للزراعه
الطماطم عندنا بالينوي تنجح مبالغه...
الجرجير ... السنه الماضيه لم يكن بالمستوي المطلوب... اعتقد أن السبب التاخر في الزراعه ...في نهايه الموسم...
هذه السنه ناوي علي العجور... و لكن أخاف من الامطار الكثيره... التي اعتقد انها ستضر المحصول....لا أدري هل أعمل سرابات أم ما هو الحل ؟
...
المشكله الكبري هي محاوله الالتزام بعدم إستخدام المبيدات الكيماويه.... فالمقاومه الطبيعيه للافات و الحشرات صعبه جدا....
|
Post: #44
Title: Re: ناكل مما نزرع...كيف نمزق فاتورة الخضار فى البيت
Author: Dania Elmaki
Date: 04-22-2011, 04:29 AM
Parent: #43
Quote: و جاركم عديل كده سرق الطماطم ?
حلتكم شكلها لذيذة يا دانية |
الراجل ده يا سمارت كره ناس الحله كلها, و كلمه انجليزي ما بيعرف قدر ما تفهميه ما بفهم لمن رحل ناس الحله عملوا حفله. الغريبه بيزرع زراعه مبالغه اي خضار من الصين عنده لكن الطماطم بيشيلها من زاعة الجيران
|
Post: #45
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 04-22-2011, 08:17 AM
Parent: #44
يا اخوانا... احنا سنة أولى زراعة... ما علموتنا ولا شي... ورونا نعمل شنو يعني وكده.. انا عايزه ازرع جرجير... ونعناع
|
Post: #46
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 04-22-2011, 03:51 PM
Parent: #45
أنا حا أزرع توم و فجل و بصل بجان اللستة بتاعة إسمارتي
يا جماعة عايزين لينا تيراب نبق
|
Post: #47
Title: Re: ناكل مما نزرع...كيف نمزق فاتورة الخضار فى البيت
Author: Dania Elmaki
Date: 04-22-2011, 10:51 PM
Parent: #43
Quote: و جاركم عديل كده سرق الطماطم ?
حلتكم شكلها لذيذة يا دانية |
الراجل ده يا سمارت كره ناس الحله كلها, و كلمه انجليزي ما بيعرف قدر ما تفهميه ما بفهم لمن رحل ناس الحله عملوا حفله. الغريبه بيزرع زراعه مبالغه اي خضار من الصين عنده لكن الطماطم بيشيلها من زاعة الجيران
|
Post: #48
Title: Re: ناكل مما نزرع...كيف نمزق فاتورة الخضار فى البيت
Author: Rawia
Date: 04-22-2011, 11:07 PM
Parent: #47
عاجـبانـي شديد الوان الزهور في الربيع
كل أسبوع بتفتح لون
الاسبوع دا مفتحة الورود الاحمر القاني
حاجة جميلة بشكل
لاحظت للاصفر والابيض والروز (البمبي)
ياخ الطبيعة دي مدهشة
دي صورة هدية ليك ولزوارك ياسمارتي من تحت شباك الاوضة
أما حكاية إني أزرع ولا أسعى لي حيوان فانسي
مع إني امووووت واجيب لي كـلب شيواوا
|
Post: #49
Title: Re: ناكل مما نزرع...كيف نمزق فاتورة الخضار فى البيت
Author: lana mahdi
Date: 04-22-2011, 11:56 PM
Parent: #48
الزراعة المنزلية جمال شديد ومحبة شديدة وألم شخصي شديد بالنسبة لي
أبوي من النوع البيهتم جداً بالزراعة المنزلية
في السودان بيتنا كان مزروع بي طول حيطة بيتنا الشرقية لوبة عدس
وكانت حبوبتي أم أبوي رحمة الله عليها بتجمع اللوبة دي وتشدها ولسة طعمها كأنه تحت لساني حسة
وبعدها إبتدأ أبوي يزرع الجنينة بي يدو ويسقي الأشجار آخر الليل يظل ساهراً لعدة ساعات يسقيها بنفسه ويسمدها بنفسه برغم إصرار عم عبدالله مسئول الحديقة الطيب الأصيل على القيام بعمله ولكنها كانت عشق الوالد..
محل اللوبة حلت أشجار الجوافة وفي نفس الصف شجر ليمون عمتي مقبولة رحمة الله عليها كانت بتذاكر تحتها
سور البيت الغربي من جوة كله كان شجر جوافة بعد البير الارتوازية الاتحفرت مخصوص عشان تسقي الزراعة
وبعد آخر شجرة جوافة كانت شجرة التين وبعد شجرة التين تمتد ال(باكية) شمال-جنوب مزروعة زهور وياسمين بلدي وياسمين هندي وفل وكنا بنجمع الليمون في طفولتنا عشان مويات رمضان..
بمحاذاة السور الشمالي للبيت أقفاص الدجاج وفي الركن الشمالي الشرقي قبل صف الجوافات أوضة الجنريتر
ودة برضو الغرض الأساسي منه الموية وفي الناحية الجنوبية الغربية عريشة العنب وكانت شجرة العنب بتثمر عنب صغير حامض..
وفي النص أشجار ليمون واحدة منها حفرت على جذعها تاريخ مهم لي ولعمتي الراحلة وأشجار برتقال ولارنج ومانجو وشجرة رمان وحيدة وأشجار النخيل منتشرة في كل مكان وشمال المطبخ بعد شجرة الليمون في شجر شطة وبطيخ وعجور وطماطم..وبعد الباكية امتداداً شرقاً حتى شجر الجوافة شجيرات الحنة بطول الحوش
وجنوب البيت جنب المباني أربعة شجرات فايكس على أركان النجيلة وبين كل شجرة فايكس والأخرى صف فل وورد بلدي وياسمين وشجرة زينة ضنب الكديس وشجيرات زهور بدون رائحة للزينة فقط ولا زلت أذكر رائحة المزروعات المبتلة بالماء ورذاذ نافورة النجيلة..ضحكات الصغار وهم يلعبون وسمر الكبار..
هذه الحديقة باستطالة سنوات الغربة والسفر المستمر أضحت أثراً بعد عين وقد شيعنا منذ عام شجرة الرمان وكانت آخر الجنود المقاومين للموات والفناء ولا زالت عدة شجيرات حنة تقف شاهدة على جمال غابر..
بكيتوني لأن حديقة بيتنا هي طفولتي وذكرياتي الحلوة فنحن نسكن في هذا المنزل منذ أربعة وثلاثين عاماً
|
Post: #50
Title: Re: ناكل مما نزرع...كيف نمزق فاتورة الخضار فى البيت
Author: Rawia
Date: 04-24-2011, 10:28 PM
Parent: #49
سمارتي وضيوفها
أها دي من الشباك الناحية التانية
برضو هدية وهابي إيستر
_____________
ووب علي الرقة والرومانسية كاتلني عديل
لما ماعرفت روحي
أحي أنا
|
Post: #51
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 04-25-2011, 08:10 AM
Parent: #50
راوية.. انا ومحمود ونادر راحلين عندك.... كنت حأقول الكلام ده للنا، لكن أحبطتني وقالت لي الحديقة ماتت :(
جبته لي شتلات بتاعت صباح الخير... حأصورّهم وانزلهم ليكم مدام ابيتو تورينو ازرع شمار اخضر وجرجير ونعناع كيف... صباح الخير العندي ابيض واحمر وبرتقالي... جميييييييله... جبتها من الامارات لما مشيت زيارة آخر مرّه.. جبته برضه ورده اسمها الخبّيزه... وردتها بيضاء... في منها واحدة وردتها حمراء، لكن ما جبتها.. ميزة الخبّيزة انها كمان عندها فوائد طبّية غير شكلها الحلو.. بعدين عبيييييييييط (على قول أمّي)... بتمشي سريع، وممكن تكبر وتزيد في وقت قصير..
الفوائد دي لقيتها في موقع (منقووووول)
1- الخبيزة مفيدة في حالة السعال والنزلات الصدرية وفي حالة خشونة الصوت والصدر
2- الخبيزة مدرة للبول وتفيد في حالة حرقان البول
3- تخزن أزهار الخبيزة بعد تجفيفها ويصنع من مسحوقها منقوع حار مسكن لآلام الحلق ويستعمل كغرغرة للبلعوم
4- أوراقها مفيدة للجلد وتستعمل في صنع الكريمات التي تغذي البشرة وتزيل التجاعيد كما أنها تستعمل في صناعة الصابون والشامبو
5- تفيد في حالة وهن الأعصاب
6- تفيد في تخفيف الإمساك حيث إنها تلين أغشية الأمعاء الغليظة
7- عمل مغاطس بمغلي أوراق الخبيزة يلّطف احتقانات الرحم
8- الخبيزة من مجموعة النباتات التي تقلّل من نشاط ديدان الإسكارس حيث أنها تشلُّ حركة الديدان الأمر الذي يتطلب إعطاء شربة سهلة بعدها لإمكان طرد هذه الديدان من الأمعاء عند إستعمال الخبيزة لهذا الغرض
طبعا ماما عرفتها من أيامنا في الاردن.. وهي ما دايره عناية شديدة، ونبته دمّها خفيف على القلب، وزوهورها جميلة..
|
Post: #53
Title: Re: ناكل مما نزرع...كيف نمزق فاتورة الخضار فى البيت
Author: smart_ana2001
Date: 04-27-2011, 08:33 PM
Parent: #52
سلامات Mohamad Shamseldin
بالتوفيق ان شاء الله
فى خلطه مشهورة فى الانترنت لمقاومة الافات. فيه مويه صابون و زيت طعام و شطة. خلينى افتشها بالضبط و اختها ليك. بدرة التوم برضو فعالة جدا
دانية قلتى لى كسرتوا وراه قلة?
مريم
ما تزعلى...كلنا زيك كده.... بنقول يا هادى
طيب انت ممكن تلاقي شتول ام ح تبدى من بزور?
اظن ان الهيارين كويسات جدا
جيبى ليك ليك زهريتين مقاس صغير يعنى القطر يكون حوالى قدم.
النعان ما فى طريقة تزرعيه فى الارض( الكلام ده ليكم كلكم) لانه بيسرح. تجى تلاقي البيت كلو نعناع.
عشان كده وحده للجرجير واحده للنعناع. الاتنين ما بيحتاجو شمس كتيرة. ممكن تختيهم جنب شباك المطبخ او فى بلكونة. لازم الزهرية تكون بتمرر الموية من تحت عشان الموية ما تركض. ازقيهم كل يوم. يعنى التربة تكون رطبة.
لو ح تبدى من بزور قولى عوك...عشان نحاول نعرف موضةع اليزور ده كيف
و ما شاء الله عليك يا مريوم فتينا و زرعتى الورد
كستاوى ....النبق ده ريحتو (لا مؤاخذة) ابعدنا منه لو سمحت
راوية انا زاتى ح ارحل معاك...شكرا على الصور...يا اخى دى ح تبقينى انا رومانسية
لنا انا و بقرى فى كلامك حسيت انى حايمة فى حديقتكم
شكرا على اشراكنا فى الجمال ده
سلامات ود قاسم. و شكرا جويلا على الوصلة اللى بالجد مفيدة
|
Post: #54
Title: Re: ناكل مما نزرع...كيف نمزق فاتورة الخضار فى البيت
Author: smart_ana2001
Date: 04-27-2011, 08:45 PM
Parent: #53
الاسبوع الفات بديت زراعة. بديت من شتول. زرعت
طماطم
عجور (ايوه... لقيت شتوله هنا)
خيار
كوسة
فراولة
شمار اخضر
نعناع
فلفلية حمراء
شمام
بطيخ
اى شتلة بيجى معاها ورقة صغيرة فيها: المسافة المناسبة بين الشتلى و الاخرى, كمية الشمس, مكية الماء, و العمق الى مفروض تتزرع فيه.
اغلب الحجات دى بتحتاج لحوالى ٦ ساعات من الشمس المباشرة يوميا.
النعناع و الشمار ممكن يكونوا كويسين باقل من كده.
بتاع مشتل واعدنى ببامية و جرجير
و جارتى السودانية واعدانى بملوخية و رجلة
غالبا ده موضوع الاحد الجاى
من الحجات المهمة اللى اتعلمتها حتى الان ان نحاول نخت الشتول مع بعض (لو بنزرع فى حوض كبير او فى الارض) على حسب عمق للجزور و نوع الخضار. عشان السنة الجاية نخت نوع مختلف فى الحوض المعين و ده بيخلى التربة تستعيد صحتها.
الحاجه التانية هى اننا فى السقاية ما نحاول نتفادى رش صفق الخضار بالموية. لتجنب اناقال الامراض. كبوا الموية في التربة
|
Post: #55
Title: Re: ناكل مما نزرع...كيف نمزق فاتورة الخضار فى البيت
Author: smart_ana2001
Date: 04-27-2011, 08:59 PM
Parent: #54
شتلة اسود
دى فيها فراولة, شمار اخضر, شمام, بطيخ
شتلة الطماطم
دى فيها: كوسة, عجور, و خيار
|
Post: #56
Title: Re: ناكل مما نزرع...كيف نمزق فاتورة الخضار فى البيت
Author: ودقاسم
Date: 04-28-2011, 07:42 AM
Parent: #55
ولفائدة الجميع :
اجمعوا قشر الفواكه ، وبقايا الخضار ، وورق الأشجار الجاف ، واخلطوها بالتربة في علبة أو جردل أو مزهرية كبيرة ، وصبوا عليها الماء ، وحافظوا على رطوبتها باستمرار ، ويتم تقليبها من وقت إلى آخر ، ستجدونها بعد فترة وجيزة تحولت إلى أفضل سماد ..
|
Post: #57
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 04-28-2011, 09:50 AM
Parent: #56
الغالية اسمارت
السلام عليكم
انا زولة تربالية ساحاول المواصلة معكم بس مشكلتى فى عدم المواصلة للمشغوليات
كدى اول حاجة نقسمكم الى مجموعات
الناس الساكنة شقق وعندها بلكونات (وجود شمس ضرورى )
ناس ساكنة شقق وماعندها بلكونات (برضو ركزوا على الشبابيك التى يدخل منها شمس حتى الحمام )
ناس السعيدة فى عمرها وعندها مساحة خلفيه او امامية فى البيت
قبل ما ندخل فى الكلام الكتير . الزراعة دى ثقافة عالية واحساس حب للنبات بتصدقوا النباتات بتحس وبتبادلك الحب بالعطاء
ياريت اى ست بيت يكون عندها على الاقل النعناع والبقدونس والشمار لانهم بصراحة ديل صيدلية متكاملة ولا يخلو بيت من استخدامهم اليومى
نبدأ من الثلاث حاجات الفوق دى :
بالنسبة للنعناع لا انصح بزراعته على الارض لان جذوره تنتشر وتكون زراعته خصما على المساحة لانه يستمر فى التربة لفترات طويلة الافضل ان يزرع على اصص صغيرة ويمكن نقله من الاصص الصغيرة الى اكبر فى المستقبل
بالنسبة للشمار او البقدونس يزرع بالنثر ان كان على الارض وتكفى مساحة صغيرة نص متر فى نص متر لكل نوع . او يمكن زراعته على اصص .
ملاحظة هامة السقاية تكون معقولة ودى تحدد حسب درجة الحرارة عشان ما يحصل تعفن للجذور ويمكن ملاحظة زيادة السقاية بوجود طبقة خضؤاء على سطح التربة
الملاحظة التانية اذا لقيتى النبات قايم ضعيف وطويل يعنى عندك مشكلة فى كمية الضؤ ليست كافية
اذا كان النبات ذابل يعنى كمية الرى غير كافية
اتمنى من خلال هذا البوست اى زول يكون زرع ليه حاجة فى بيته على الاقل ان شاء الله للزينة (الزينة دى موضوع طويل نخليه لوقت اخر بعد ان ناكل مما نزرع )
انتصار
|
Post: #58
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 04-28-2011, 10:58 AM
Parent: #56
خلاص انا كده رضيت يا سمارت .. حأمشي بكره اشوف المشتل القريب من بيتنا ده عنده شنو.. لو لقيت شتول بجيب، لو ما لقيت حأشتري بذور... اول امس اشتريت بذور rosemary وعبّاد الشمس... ما عندي اي خطة لعبّاد الشمس سوى انه محمود بحبّه... وعملناه مع بعض زي project صغير كده... وحنواصل نتابعه لما نشوف الوضع ببقى كيف... الrosemary، محتاجه لمويه قليله... يعني ممكن تتسقي مرّه كل اسبوعين، او لما التربة تخف رطوبتها شويه... برضه زرعناهم في اصيص صغير... حأفتش النعناع والجرجير وارجع ليكم...
|
Post: #59
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 04-28-2011, 11:13 AM
Parent: #58
أبعدوا من الكميكال
و تعالوا للأورقنق
عندنا رجلة 100%
organic
الزولة دي "كندهار"...أعملوا حسابكم
أقعوا الخرد
|
Post: #60
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 04-29-2011, 06:56 PM
Parent: #59
يا جماعه استشاره
قبل حوالي شهر اشتريت نباتين ظلّيات .. واحده ماشه بصورة ممتازه .. ومافيها اي مشكلة... وطلعت صفق جديد.. والتانية حاسه بيها شويه من صفقها بنزل... رغم اني بسقيهم سوا.. وما بديهم مويه كتيره.. بسقيهم مرّه في الاسبوع... دي صورة النبته التعبانه... وروني رأيكم
|
Post: #61
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 04-29-2011, 07:01 PM
Parent: #60
Quote: سماد الأوراق الجافة
نقوم بتجميع اوراق الأشجار الجافة وطحنها ... وبذلك نحصل على سماد حمضي ذو قيمة عالية وفائدة كبيرة لنباتات الزينة
سماد الشاي
نقوم بنقع أوراق الشاي ونسقي بها النباتات... وله نفس الفائدة والمفعول
سماد تفل القهوة (بقايا القهوة (حفل) بعد غليها )
نخلط تفل القهوة مع السكر البودرة ونخلطه مع التربة ... سوف يقوم هذا الخليط على تقوية النباتات ..
سماد قشور البيض
نقوم بطحن قشر البيض وخلطه مع السكر البودرة ....... و من ثم خلطه بتربة النبات..
|
لقيت دي افكار لسمادات ما عارفاها كويسه ولا لأ.... ادونا رأيكم عشان نعرف المفيد منها، ونستبعد الخستكات...
|
Post: #62
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 04-29-2011, 08:32 PM
Parent: #61
الغالية مريومة
يا سلام عليك احلى حاجة البيت فيه حاجة خضراء وفيها روح
شتلتك دى ما فيها عوجة تب بس انقليها مكان فيه اضاءة اكتر وتهويه افضل ومره فى الاسبوع نظفى اوراقها بقطن مبلل بالماء
اما الاسمدة بتاعة الشاى واوراق الاشجار الجافة وقشر البيض يمكن ان تصبح اسمدة بس انصحك بشراء سماد ورقى سائل
من اقرب مشتل جوارك واتبعى التعليمات التى فيه واستخدميه لنباتات الزينة
|
Post: #63
Title: Re: ناكل مما نزرع...كيف نمزق فاتورة الخضار فى البيت
Author: smart_ana2001
Date: 04-30-2011, 01:21 AM
Parent: #62
سلامات يا انتصار.... مشتاقين مشتاقين مشتاقين
وينك يا زوله؟ ان شاء الله طيبة؟؟؟
شكلك مزارعية بالجد....اصلو بوستنا ده ما تفارقيه
انت و ودقاسم شكلكم برفشنال..
حصلونا انا و مريم صحبتى...و كستاوى الذى يدعى المعرفة.
جاياكم انا تانى قريب
مريوم اسمعى لام انتصار قالت ليك شتلتك ما عندها عوجة
|
Post: #64
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 04-30-2011, 07:55 AM
Parent: #63
الله يبشّرك يا انتصار... انا فعلا لاحظته انه الشتله التانية قاعده في مكان فيه تهوية أحسن من الشتله دي... هي بس الصفق بتاعها البي تحت بدا ينشف...ونادر شايل حسّي، قال لي متشبّكه انت وولدك في الزراعة وما بتعرفوا فيها شي... شفتي الفضايح دي! جبنا لي روحنا الكلام... لكن حنثبت ليه انا ومحمود انه الزراعة تجري في دمّنا..
سمارت.. والله بقيت أصحى الصباح، اول شي اصبّح على شتلاتي... ولما اشوف ليك صباح الخير مطلّعه ورده.. اقوم افرح كده ويجيني نشاط من مافي... سبحان الله، الزراعة دي ترد الروح...
|
Post: #66
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 04-30-2011, 09:15 AM
Parent: #64
الغالية ام محمود
سلام وشوق
اجمل شئ معاك محمود فى شغل الزراعة دا حايكون زول مبدع دى تربية ممتازة للاطفال
ممكن تخلقى حديقة منسقة وجميلة فى البلكونة حقتك واذا محمود ونادر وانتى ما عندكم اى مشكلة حساسية او ربو ممكن تعملى قفص عصافير يعلق على طرف جدار البلكونة
لمحمود . كما استفيدى من سور البلكونة علقى فيه بعض الشتول (يا زولة انتى زرتى بريطانيا كمان بوصوك )
ملاحظة صغيرة ممكن الاوراق الاكبر سنا تجف او تصفر وعادتا تكون اسفل الشتلة كمثال لشتلتك التى بالصورة ببساطة قصيها
|
Post: #65
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 04-30-2011, 09:04 AM
Parent: #63
الغالية اسمارت
الشوق بالاكتر
انا زولة مزراعية وبمزاج وبحب الزراعة وبحس بعدم ارتياح فى مكان ما فيه حاجة خضراء
يازولة انا معاكم اصلا من زمان بفتش لى محل فيه مساحة من الخضراء
|
Post: #67
Title: Re: ناكل مما نزرع...كيف نمزق فاتورة الخضار فى البيت
Author: ودقاسم
Date: 04-30-2011, 09:20 AM
Parent: #65
بالرغم من اشتعال الصيف في السودان إلا أنني مصرّ على مواصلة الزراعة ..
الملوخية ناجحة جدا في الصيف ، والنعناع يمنح بيتنا مؤنته ،
وما يزال البقدونس يزيد كلما قصصنا منه
والجرجير أحببت أن أنظفه من الأرض إلا أن بذوره نبتت مرة أخرى من جديد ..
وأصبحت أجيد إكثار الفل وبعض النباتات الشوكية المزهرة ..
وبالأمس خرجت على النيل ونقلت تربة من هناك وهي طبعا من أجود أنواع التربة ..
بالمناسبة أنا كتبت من قبل أن التبش اختراع سودلني ، وأنا الآن أزرعه في البيت .
|
Post: #68
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 04-30-2011, 09:38 AM
Parent: #67
انتصار، انا فعلا ناوية كده... بلكونتي صغيروووونه، لكن ناويه استفيد منها بأي طريقة.... الزراعة بتدي روح للبيت، وجمال ... خليك بجاي عليك الله وورينا زارعه شنو...
الللللللللللله يا عمو ود قاسم، انا عايزه زي حديقتك دي... عايزه الجرجير والبقدونس والنعناع... لكن ما لاقيه البذور بتاعتهم لسه... عندي سؤال.. حسي احنا لما نجيب نعناع للبيت، بنختو في مويه عشان يفضل نضر ويستمر فترة طويله.. وفعلا بعد فترة بكوّن جذور... ينفع نزرعها كده؟ وتقوم؟ ولا ما بتقوم؟
|
Post: #69
Title: Re: ناكل مما نزرع...كيف نمزق فاتورة الخضار فى البيت
Author: ودقاسم
Date: 04-30-2011, 10:08 AM
Parent: #68
مريم
سلام كتير ليك ولنادر ولمحمود
بذور النعناع والبقدونس والجرجير وغيرها متوفرة جدا في السعودية ،
وهناك عبوات صغيرة في ظروف صغيرة وسعرها لا يزيد عن ريال أو ريالين .
ويفضّل زراعة النعناع من الجذور ، وأنا زرعته من الجذور التي حصلت عليها من بائع النعناع الذي قام بتجميعها لي ونجحت ، وهو فقط يحتاج ريا غزيرا خاصة في بداية الانبات ، وأنصحك أن تشتري جنزبيل أخضر من الوبرماركت وأن تقومي بزراعته أيضا فهو نبات جميل ولونه رائع وتفوح منه رائحة الجنزبيل . .
|
Post: #70
Title: Re: ناكل مما نزرع...كيف نمزق فاتورة الخضار فى البيت
Author: nazar hussien
Date: 04-30-2011, 10:12 AM
Parent: #68
يا سمارت وضيوفها...
البوست دا جميل جدا...لو زحيتو لينا كوستاوي دا بعيد...
واديتونا قوائم بالنباتات..البتنمو في الصيف.../الشتاء..
نحن هنا عندنا صيف وشتاء بس...
الارض عندنا...والبذور عندنا...والشمس عندنا..والضل عندنا
والموية متوفرة....
هسي نحن داخلين علي الصيف...نزرع شنو؟
ونسقيه كم مرة في اليوم.../الاسبوع..
وبنأكلو متين؟ عشان كما ما نقوم نزرع
لينا زراعة...نسقي فيها شهرين...ونأكل
منها طماطماية واحدة!!!!
|
Post: #71
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 04-30-2011, 10:38 AM
Parent: #70
Quote: بذور النعناع والبقدونس والجرجير وغيرها متوفرة جدا في السعودية ،
وهناك عبوات صغيرة في ظروف صغيرة وسعرها لا يزيد عن ريال أو ريالين .
ويفضّل زراعة النعناع من الجذور ، وأنا زرعته من الجذور التي حصلت عليها من بائع النعناع الذي قام بتجميعها لي ونجحت ، وهو فقط يحتاج ريا غزيرا خاصة في بداية الانبات ، وأنصحك أن تشتري جنزبيل أخضر من الوبرماركت وأن تقومي بزراعته أيضا فهو نبات جميل ولونه رائع وتفوح منه رائحة الجنزبيل . . |
انا يمكن لسه ما عرفته درب المشاتل في الشرقية... غايته في حلتنا اعتقد في مشتل لكن ما قادره اتذكر بياتو اتجاه.. بالنسبة للنعناع حأجرب طريقة الجذور دي.. طيب بالنسبة للجنزبيل، قصدك الجنزبيله نفسها؟ ازرعها كيف... يا عمو ود قاسم انا لسه في أولى ابتدائي زراعة.. اديني خطوات... وحأقوم جري أشتريه واجي ازرعه، أصلا انا بستخدم الجنزبيل في الطبيخ كتير... وبحبه مع الشاي شديد...
حديقتي الصغيره ياخوانا واخواتنا بقت تضم بالاضافة لصباح الخير ابيض واحمر وبرتقالي، أيضاً عبّاد الشمس، وروز ماري وpot marigold flower... عايزه اضيف ليهم النعناع والجرجير والبقدونس... وحسي عمو ود قاسم اقترح لي كمان الجنزبيل...
صفّقوا لي بالله 
انتصار، محمود كل يوم بجي يسألني من عبّاد الشمس.. هو بحبها شديد.. اخدوها في المدرسة، ومتعلّق بيها.. ده غير اني غلطته ووريته فيديو في YouTube، بوريك كيف الزهره بتقوم بس بالحركة السريعة، انا محمود مُصر انه زهرتنا مخستكه لأنها ما قامت سريع زي دي... حسي زرعنا الpot marigold برضه عشان اخدوها في المدرسة... لكن برنامج ممتع وانا مستمتعه انه عندنا حاجه بنعمل فيها سوا... اصلا انا مشتريه ليه نبته ظلّيه هو مسؤول عنها قاعده في غرفته، هو بسقيها وبنظف صفقها وبعتني بيها..
عايني الفيديو الورّطني مع محمود
http://www.youtube.com/watch?v=zst08tm9s6M
|
Post: #73
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 04-30-2011, 12:55 PM
Parent: #71
الغالية مريومة سلامات
اول حاجة تعمليها تزورى اقرب مشتل ليك ليه ما يكون المشتل دا جزء من التسوق بتاعك بس زيارة واحدة اوعدك ستكونى زائر دائم
بالنسبة لنوافذ بيتك هل تصلها الشمس ؟ استفيدى منها .
بعدين انتى زولة سنة اولى زراعة ما عندك مساحة كافيه ارجو شراء شتول صغيرة من المشتل وارعيها فى بيتك وكلام الاخ قاسم صحيح النعناع يمكن زراعته شتلا بعد ظهور الجذور
بالنسبة للجنزبيل يمكن وضع قطعة بعد شراءها من السوبر ماركت فى مكان رطب بالكتير اسبوع تبدأ تظهر البراعم (تشبه براعم البطاطس ) بالبلدى كدى تكون عملت زريعة تنقليها لاصيص
قولى لمحمود الزراعة بتعلم الصبر وانتى اعملى ليه جدول زمنى لمراحل الانبات عشان ما يحبط يعنى يحسب معاك الايام لكل المراحل التى تمر بها الشتلة
|
Post: #72
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 04-30-2011, 12:03 PM
Parent: #70
الاخ نزار
سلام عليكم
اول حاجة جهز الارض بالتسويه ونظافتها من الحجارة والاعشاب واجعلها مسطحة وقسمها الى احواض حسب مساحتك عشان داخل الاحواض دى تعمل خطوط للزراعة
بالنسبة للخضروات الشتويه مثل الثوم والخص والقرنبيط واللقت والسبانخ والبقدونس الجزر السلج دى نبدأ زراعتها فى المدى الزمنى (نهاية سبتمر الى نهاية اكتوبر )
اما الصيفيه مثل الطماطم الخيار الشمام البطيخ الباميا الباذنجان اللوبيا الملوخيه الكوسا القرع معاك المدى الزمنى (مارس الى ابريل )
مع مراعاة انت زول عاوز تزرع وتاكل مش شغل اقتصادى ما تتقيد كتير بالجدول الزمنى يمكن نساعدك ببعض المعالجات مثل التغطية بالبلاستيك ايام البرد
|
Post: #74
Title: Re: ناكل مما نزرع...كيف نمزق فاتورة الخضار فى البيت
Author: nazar hussien
Date: 04-30-2011, 03:10 PM
Parent: #72
Quote: الاخ نزار
سلام عليكم
اول حاجة جهز الارض بالتسويه ونظافتها من الحجارة والاعشاب واجعلها مسطحة
وقسمها الى احواض حسب مساحتك عشان داخل الاحواض دى تعمل خطوط للزراعة
بالنسبة للخضروات الشتويه مثل الثوم والخص والقرنبيط واللقت والسبانخ
والبقدونس الجزر السلج دى نبدأ زراعتها فى المدى الزمنى (نهاية سبتمر
الى نهاية اكتوبر )
اما الصيفيه مثل الطماطم الخيار الشمام البطيخ الباميا الباذنجان اللوبيا
الملوخيه الكوسا القرع معاك المدى الزمنى (مارس الى ابريل )
مع مراعاة انت زول عاوز تزرع وتاكل مش شغل اقتصادى ما تتقيد كتير بالجدول
الزمنى يمكن نساعدك ببعض المعالجات مثل التغطية بالبلاستيك ايام البرد |
دا الكلام العملي...يا انتصار...كتر الف خيرك
|
Post: #75
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 04-30-2011, 03:51 PM
Parent: #74
| Quote: بالنسبة للجنزبيل يمكن وضع قطعة بعد شراءها من السوبر ماركت فى مكان رطب بالكتير اسبوع تبدأ تظهر البراعم (تشبه براعم البطاطس ) بالبلدى كدى تكون عملت زريعة تنقليها لاصيص |
انتصار ازيك، انا فعلا ناويه استغل الشبابيك بتاعتي.. كلها بتجيها شمس كتيرة... بالنسبة للجنزبيل، انا حاسه انه الجو لسه ما رطّب كفاية، ينفع الفها بي منديل فيه مويه زي ما زمان بنعمل مع العدس والفاصوليا؟
|
Post: #76
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 04-30-2011, 05:48 PM
Parent: #75
مريومة سلامات
شوفى الحنزبيل ممكن ينموا ان وضع فى التربة مع مراعاة ان نضع الجزء الذى يحتوى على نتوء للاعلى
وللضمان لخروج البراعم يمكنك الاستعانة بوضع قطعة وتغطيتها بقماش سميك وريها بالماء وبعد ذلك نقلها لاصيص
|
Post: #77
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 05-01-2011, 10:04 AM
Parent: #76
| Quote: وللضمان لخروج البراعم يمكنك الاستعانة بوضع قطعة وتغطيتها بقماش سميك وريها بالماء وبعد ذلك نقلها لاصيص |
امس خليت نادر جاب لي جنزبيل معاه.. قال لي عايزه بيه شنو، قلت ليه عايزه ازرعه... قعد يضحك.. قال لي انا خايف يوم أصحى من النوم ألقاكم زارعيني انا زاتي! ... جابو لي، ولفيته بي مناديل مبلوله... وحأتباعها واديكم النتائج.....
|
Post: #78
Title: Re: ناكل مما نزرع...كيف نمزق فاتورة الخضار فى البيت
Author: smart_ana2001
Date: 05-01-2011, 07:21 PM
Parent: #77
و الله يا جماعة انا عاجزة عن شكر انتصار و ودقاسم...
ربنا يديكم العافية
انا فتحت البوست ده و معلوماتى صفر عن الموضوع ده..لكن اتعلمت كتير ..شكرا ليكم
صفقة قوية لمريم..
ماشاء الله يا مريم.....ماشه كويس. انا ما عندى اى نبته داخل البيت....كل ما اجيب احده بتموت (من عدم الرعايه)
واحد صاحبا فى الشغل لما عرف انى حامل بطفلى الاول قال لى : يا اخى اعملى حسابك..كان تبدى بشتله او حتى ######!
انتى و محمود تنفعوا مسلسل كوميدى...ربنا يخليكم لبعض
nazar hussien كستاوى ده الخير و البركة يا اخى
مرحب بيك...و ورينا عملتا شنو
|
Post: #79
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 05-01-2011, 08:30 PM
Parent: #78
الغالية اسمارت
سلامات وشوق
Quote:
و الله يا جماعة انا عاجزة عن شكر انتصار و ودقاسم...
ربنا يديكم العافية |
يا زولة شكر شنو بس كدى ابقى عشرة على عنوان البوست
معاك خطوة بخطوة
|
Post: #80
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 05-02-2011, 05:47 AM
Parent: #79
امس نادر اشترى لي اصيص لزيز كبير ومطاول.. قلت انقل فيه الشتلات بتاعت صباح الخير كلها.. عشان كبير ويكون شكلها جميل... ما قادره انتظر عشان ارجع البيت اعمل العملية دي ... امس مشينا اتعشينا في مطعم ظريف، طلبته عصير جابوا لي فيه عرق اخضضضضضر بتاع نعناع... عجبني عجب... قمت شلته حقي وحق محمود ولفيتهم في منديل ودخلتهم في شنطتي، نادر قال لي عايزه بيه شنو.. قلت ليه عمو ود قاسم قال لي ازرع النعناع من الجذور...
الموضوع ده بقى هوس عديل كده..
|
Post: #81
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 05-04-2011, 12:46 PM
Parent: #80
الليلة محتفلة من الصباح.. لقيت البذرتين بتاعتات عبّاد الشمس... وواحده من بذور marigold... طلعت براعمهم الليلة... فرحانه بشكل... زرعت عبّاد الشمس يوم 26/4... والmarigold يوم 28/4... عبّاد الشمس اتأخرت في انها تظهر لاني كترت التربة من فوقها... وانا عاملاها في اصيص شفّاف... لقيتها مفرهده لكن ما ظاهره بي فوق التربة... قمت شلت جزء من التربة الفوقها... وقامت طلعت ... يا سلااااام انا مبسوطه بشكل!
|
Post: #82
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 05-04-2011, 08:28 PM
Parent: #81
في زول في القرن ال 21
يزرع عبّاد الشمس!
يا جماعة نحن قلنا
رجلة - بامية - جرجير - نبق - قضيم - تمباك
بعدين ود قاسم و إنتصار و إسمارتي متصلبطين في الشغلة دي ساكت
ما بعرفوا التكتحة!
|
Post: #83
Title: Re: ناكل مما نزرع...كيف نمزق فاتورة الخضار فى البيت
Author: ياسر إدريس حسن
Date: 05-04-2011, 11:05 PM
Parent: #82
الاخت اسمارتي وضيوفها الكرام السلام عليكم
بوست موفق جدا اخت اسمارتي..لكي كل الشكر والتقدير
هذه السنة انشاء الله ولاول مرة سوف نقوم بعمل حديقة منزليه لزراعة بعض انواع الخضار والفاكهة. بدانا بتجهيز الارض منذ يوم الاحد الماضي.
السبب الاساسي هو زراعة الفراوله لانو من الصعب جدا الحصول علي فرواله organic واطفالنا يموتون في الفرواله.
شكرا للاخت انتصار والبقيه علي هذه المعلومات القيمه.
سوف اكون متابعا لهذا البوست الرائع
ولكم كل الشكر والتقدير
|
Post: #84
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 05-05-2011, 08:04 AM
Parent: #83
Quote: بعدين ود قاسم و إنتصار و إسمارتي متصلبطين في الشغلة دي ساكت
ما بعرفوا التكتحة! |
هل ده يعني اني بعرف التكتحه؟؟
|
Post: #85
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 05-05-2011, 07:33 PM
Parent: #84
| Quote: هل ده يعني اني بعرف التكتحه؟؟ |
طبعا
لأنك من الهامش
و ناس الهامش بياكلوا من ما نزع
و بتأكلوا معاكم ناس البندر
إسمارتي دي بتاعة تلفونات و iphone
و BMW
مالا و مال الطماطم و الفجل
و الخروع?
|
Post: #86
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 05-05-2011, 08:21 PM
Parent: #85
عمو كوستاوي، زي هامش ناس تراجي؟
عمو ود قاسم وانتصار... قلت أوريكم.. الليلة عرقين النعناع الختيتهم في المويه قوّموا جذور صغييييييييره، حأنتظر شويه لحدي ما تطلع... بجيكم بالصور لما افضى شويه... مزحومه الايام دي شديد
|
Post: #87
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 05-05-2011, 11:11 PM
Parent: #86
كوستاوى سلامات
Quote: بعدين ود قاسم و إنتصار و إسمارتي متصلبطين في الشغلة دي ساكت
ما بعرفوا التكتحة! |
شويه شوية علينا كدى انت بس امشى شوف ليك مساحة مناسبة فى البيت وابقى قريب
اوعدك التحتح حقتنا دى بتخفف على الجيب
بس التمباك دا ما ادونا ليه
|
Post: #88
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 05-06-2011, 09:58 AM
Parent: #87
الغالية مريومة
سلام عليكم
| Quote: عرقين النعناع الختيتهم في المويه قوّموا جذور صغييييييييره |
يا حبيبتى الزراعة دى عاوزة صبر وطولة بال مؤشر جيد نمو الجذور خليها تانى اسبوعين عشان لما تنقليها تنمو سريع
ونصيحة اخرى عند زراعة بذرة ضعيها على السطح وغطيها بطبقة خفيفة من التربة ولو تركتيها كمان مبلولة بالماء 24 ساعة قبل زراعتها بتسرع من الانبات
|
Post: #89
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 05-06-2011, 10:15 AM
Parent: #83
الاخ ياسر
السلام عليكم
فكرة ممتازة زراعة الفراولة وان يشارك الاطفال معك الرعاية والرى
انا ما عندى فكرة عن الجو عندكم (درجة الحرارة )
على العموم انصحك بشراء شتول جاهزة لان المشتل متخصص ويعرف الانواع التى تناسب طقس مدينتك
وان احببت ان تزرع بذرة وفى الارض مباشرة لا تضع اكثر من بذرة واحدة فى الحفرة وان يكون عمقها بالكتير 1سم
بمسافة 30 سم بين البذرة والاخرى .
وان شاء الله ساواصل معك
|
Post: #90
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 05-06-2011, 04:02 PM
Parent: #89
Quote: يا حبيبتى الزراعة دى عاوزة صبر وطولة بال مؤشر جيد نمو الجذور خليها تانى اسبوعين عشان لما تنقليها تنمو سريع
ونصيحة اخرى عند زراعة بذرة ضعيها على السطح وغطيها بطبقة خفيفة من التربة ولو تركتيها كمان مبلولة بالماء 24 ساعة قبل زراعتها بتسرع من الانبات |
انتصار ازيك... والله فعلا كلامك صاح.. انا شكلي البذورة ختيتها تحت شديد... لكن اهو، بنتعلّم :)... دوّار الشمس ما شاء الله قايمات صلاتي على النبي... حلااااتهم... marigold برضهم مرقوا وماشات تمام... عندي rosemary ده ابا يمرق كله كله... رغم اني فعلا عملته زي ما قلت وقبل ما ازرعهم ختيتهم في موية وبعداك زرعتهم.. نعناعي مستمتعه بي اني اشوفه كل يوم جذوره بتطول.. وما شاءا الله طلّع صفقات صغار كمان، حأسمع نصيحتك وانتظر لحدي ما الجذور تكون طويله وانقله لأصيص...الجنزبيل، هداك مبلول ولحدي حسي ما عمل اي شي :(... نادر بدا يشيل حسّي فيه!.... المنجا حلاتها ماشه تمام... البذرة بدت تطلّع جذر صغيروني... برضه حأنتظرها لحدي ما يكبر عشان انقلها لأصيص...
|
Post: #91
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 05-08-2011, 11:22 AM
Parent: #90
يا خبراء النعناع... سؤال فنّي....
نعناعي صلاتي على النبي، موقع سماحة جذور... حاجه كده تشرح القلب الحزين... صفقهم ببكر... ولونه وريحته حلوات شديد... وقوّم صفقات صغار كمان...
السؤال: الصفق ده اقدر اقطعه استخدمه، لحدي ما انقل الشتلات لي أصيص؟ لا بضر سير الجذور بتاعتي......
|
Post: #92
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 05-08-2011, 06:26 PM
Parent: #91
يا اخوانا... انا منتظراكم يعني!
|
Post: #93
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 05-08-2011, 08:50 PM
Parent: #92
مريومة ام محمود
سلامات
يا زولة النعناع دا بس انسيه حتى يعمل حجم معقول من الجذور
الان لا تقطفى اى اوراق منه لانه للشتل وقطف الاوراق يؤثر على النمو
استعملى نعناع اخر للاستخدام اليومى
وبعد تكوين قدر كافى من الجذور وظهور عدد من الاوراق وبحجم طبيعى يمكنك نقلها للاصيص
|
Post: #94
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 05-09-2011, 08:27 AM
Parent: #93
انا طبعا يا انتصار ما عايزه اقطع منّه نهااااائي، لكن نادر اغراه شكله وعمل منّه شاي قبل كده.. خلاص كده بعد ده بقلب قوي بمشي أقول ليه ما تشيل تاني... ...
امس الجنزبيل زرعته لانه جذره قام حلاااااته.. وزهوري ماشه ميه الميه... حأنزل صور للحاجات دي قريب... بس افضى من السك سك بتاعت القراية والشغل دي...
|
Post: #95
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 05-09-2011, 08:43 AM
Parent: #94
مريومة ام محمود يختى هسع الجنزبيل دا مش استعجلتى لزراعته ؟
مافى مشكلة اذا ظهرت ليه جذور بس وصية استفيدى من الزراعة فى الماء بدون تربة وتكوين قدر من الجذور ونقلها الى الاصيص
|
Post: #96
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 05-09-2011, 09:29 AM
Parent: #95
| Quote: ريومة ام محمود يختى هسع الجنزبيل دا مش استعجلتى لزراعته ؟ |
الله كريم غايته.. النشوفها ان شاء الله تقوم.. يا حليلها...
|
Post: #97
Title: Re: ناكل مما نزرع...كيف نمزق فاتورة الخضار فى البيت
Author: smart_ana2001
Date: 05-09-2011, 08:43 PM
Parent: #96
انتصار و مريم بغرتونى
اها ذى ما قلت لكستاوى...وصل تيراب الجرجير و الملوخية و الرجلة من السودان. و بجهز لزراعته اليوم ان شاء الله
|
Post: #98
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 05-09-2011, 10:03 PM
Parent: #97
اسمارت موفقه ان شاء الله
ماتنسى تنظفى الارض اول وتساويها وتضيفى ليها سماد بلدى جاهز (كمبوست ) موجود فى المشاتل
والبذرة تزرع بالنثر فى احواض تجهز فى التربة بمساحة 2x2 متر مربع انثرى 100 جرام لمساحة المترين المربع لكل نوع
وعند السقاية بعد الزراعة استخدمى الرشاش الخاص بالزراعة عشان البذرة لا تنجرف وتتركز فى منطقة واحدة
ونواصل معاك
|
Post: #99
Title: Re: ناكل مما نزرع...كيف نمزق فاتورة الخضار فى البيت
Author: ياسر إدريس حسن
Date: 05-09-2011, 10:44 PM
Parent: #98
السلام عليكم يا شباب
الاخت انتصار كتر خيرك كتير....
يوم امس ذهبنا واحضرنا شتول الفراوله كما ارشدتينا ....وكم شتلة طماطم وفلفل اخضر واحمر واصفر وبرتقالي كمان. وبعض من الخيار.
ودمتم.
|
Post: #100
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 05-10-2011, 09:47 AM
Parent: #99
اهلا ياسر
ياسلام عليك انت زول عملى بالتوفيق اى حاجة قول عوك اختك جاهزة
نصيحة اعتدل فى السقاية المؤشر بتاعك بكون الطبقة السطحية للتربة . الموية الكتيرة تجعل السطح مخضر والعطش بشقق التربة
سلام كتير للوليدات وامهم
|
Post: #101
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 05-10-2011, 02:53 PM
Parent: #100
| Quote: مريومة ام محمود يختى هسع الجنزبيل دا مش استعجلتى لزراعته ؟ |
!!!!!
مش قلنا ليكم
|
Post: #102
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 05-10-2011, 04:35 PM
Parent: #101
عمو كوستاوي ياخ عليك الله خليني اتعلّم برواقه... انت شكلك خبرة... سنة 1980 كنت وين؟ متأكده كنت بتكون بتزرع في زراعتك دي زاتها...
غايته الزهور بتاعتي ماشه ألف (صباح الخير، دوار الشمس، marigold)... لكن الrosemarry فشلت فشلا ذريعاً.. راسها ما طلعته... مافي مشكلة... احنا لسه بنتعلّم...
|
Post: #103
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 05-10-2011, 07:27 PM
Parent: #102
الاخت الحبيبة مريومة
سلامات ...... احيانا كثيرة لا تنجح زراعة بذرة الروزمارى بسهولة مقارنة باكثار العقل (قطع طول 15 سم من الافرع الناضجة وغرسها فى التربة او ماء الى ان تكون جذور وتنقل للاص او الارض )
او الاكثار بالترقيد ( بدفن جزء الاسفل من النبات القريب من التربة بعد كشط جزء من اللحاء بالتربة وتسقى وتكون جذور وتفصل عن النبات الام )
عشان كدى شوفى ليك فرع روز مارى واعملى ذى النعناع او اغرسيه فى طرف احد الاصص
|
Post: #104
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 05-10-2011, 08:50 PM
Parent: #103
انتصار... بركة الجيتي..
حأجرب مع الrosemarry... واوريك النتيجة...
كنت عايزه برضه اسألك عن الشمار الأخضر، هل ممكن نعمله زي النعناع كده؟
|
Post: #105
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 05-10-2011, 08:59 PM
Parent: #104
حضرنا الملعب للجرجير
|
Post: #106
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 05-10-2011, 09:14 PM
Parent: #105
انا بحب سلطة الجرجير جداً... طالباك سلطة يا عمو كوستاوي..
لو ما جيت أكلتها، اعملها لعمي متوكل، ورسلها ليه....
اديك الوصفة كيف؟
|
Post: #107
Title: Re: ناكل مما نزرع...كيف نمزق فاتورة الخضار فى البيت
Author: smart_ana2001
Date: 05-11-2011, 06:51 PM
Parent: #106
كستاوى احواضك دى مقاساتها كم فى كم
انا بتاعتى ٣ قدم فى ٣ قدم. بس حاسه انى دقستا. كان مفروض اعملها ٥ فى ٢ . نشوف غايتو بيحصل شنو السنة دى
مريوم نزلى الوصفة لى اختك يا اخى
|
Post: #108
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 05-11-2011, 07:11 PM
Parent: #107
أول شي اديني أماره انت سمارت ولا اسم النبي حارسه
|
Post: #109
Title: Re: ناكل مما نزرع...كيف نمزق فاتورة الخضار فى البيت
Author: smart_ana2001
Date: 05-11-2011, 08:22 PM
Parent: #108
انا زاتى بقيت اشك فى روحى...و افتح البوسات بريبة خوفنا من انه حاجه تجى طايره لى فى وشي.
نجى للجد ...ختى الوصفة يا اخى....و الامارة: النظارة البرتقالية خرافية. محتاجين واحدة حمراء كمان بالاضافة للبرتقالية و الزرقاء
|
Post: #110
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 05-11-2011, 08:36 PM
Parent: #109
سمارت.. في وصفتين...
الاولى سهههههههههله... جرجير ومعاه ليمون وملح وزيت زيتون، لكن على شرط يكون زيت زيتون سمح... EVOO
التانية... الجرجير... تعملي ليه صوص بتاعت زبادي وليمون وملح وتوم وفلفل اسود... وتكبيها من فوقه.. وممكن تعملي معاها قطع بتاعت توست محمّص.. .وفوقهم رشت زيت زيتون
نفس الوصفة دي بعملها مع السبانخ أو مع الرجلة النييييييية.. ايوه من غير ما تدخل نار...
|
Post: #111
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 05-11-2011, 08:42 PM
Parent: #109
إستعمل a garden fork لتوزيع السماد high-nitrogen فوق التربة بسمك 5 أو 6 بوصات
|
Post: #112
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 05-11-2011, 08:51 PM
Parent: #105
| Quote: حضرنا الملعب للجرجير |
غايتو جنس بخل .... ياخى وسعها الله يوسع عليك انت عاوز تعمل تجربة ولا عاوز تاكل ؟
ما قلتو الارض فى والمويه فى والشمس فى اها المشكلة وين ؟
حوضك المقسمه دا اعمله لجرجير فقط واعمل واحد تانى مثله للملوخية واخر للرجلة
ملاحظة عن الحوض :
التربة غير مستويه (سطحها عشان فى السقاية بتجرف ليك البذرة فى المناطق المنخفضة وعند النمو البذرة تصبح البادرات مزدحمة )
اخفض مستوى التربة من برواز الخشب قليلا عشان تعطى فرصة للموية بدل تدفق تتشرب فى التربة
|
Post: #113
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 05-11-2011, 09:09 PM
Parent: #112
الخردة إنتصار
العرفك شنو في الجرجير
طبعاالجرجير ما بنزرعوا كلو في يوم واحد يعني تزرع الليلة مربع واحد و بعد 5 أيام المربع التاني و هكذا....لأنو نحن ما ممكن فجاءة يكون عندي شوال جرجير...ما عندنا جيران بياكلو جرجير......و بعدين نحن بنرطب التربة بالطرق الحديثة...قالت موية بتنط.
|
Post: #114
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 05-11-2011, 09:14 PM
Parent: #113
و كمان ناموسية عشان جرجيري ما بحب الشمس السطعة و كمان برضو من العين...عيونكم إنتو ديل.
|
Post: #115
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 05-11-2011, 09:14 PM
Parent: #104
| Quote: كنت عايزه برضه اسألك عن الشمار الأخضر، هل ممكن نعمله زي النعناع كده؟ |
النعناع يا مريومة عشبة معمرة
الشمار سهل وسريع النمو وقصير الموسم
فى اصيص انثرى شوية بذرة وضعيها فى محل تصله الشمس
|
Post: #116
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 05-12-2011, 09:27 AM
Parent: #115
Quote:
الخردة إنتصار
العرفك شنو في الجرجير
طبعاالجرجير ما بنزرعوا كلو في يوم واحد يعني تزرع الليلة مربع واحد و بعد 5 أيام المربع التاني و هكذا....لأنو نحن ما ممكن فجاءة يكون عندي شوال جرجير...ما عندنا جيران بياكلو جرجير......و بعدين نحن بنرطب التربة بالطرق الحديثة...قالت موية بتنط. |
ما خردة الا انت يعلم الله مسلبط فى الجرجير عشان من الحاجات الماعاوزة تعب شديد
بعدين يا اخوى يا كافى البلا لا بضوق حبيب ولا صديق من جرجيرك دا
وممكن ببساطة عند القطف قص من الاوراق ولا تقلع من الجذور وممكن الموسم كله تاكل منه
اها طفش الناس من الزراعة قال الطرق الحديثة قال ... وزيادة تكلفه اسمارت قالت ليك نمزق فاتورة الخضار
ياخى خلى الامور بسيطة واقل تكلفة عشان الناس تشجع ... صحى خردة والله
|
Post: #117
Title: Re: ناكل مما نزرع...كيف نمزق فاتورة الخضار فى البيت
Author: ياسر إدريس حسن
Date: 05-12-2011, 10:51 PM
Parent: #116
الاخت انتصار سلامات ....والله يسلمك كتير
سؤال عن زراعة الشطة....جاري قدم لي هدية عبارة عن 4 شتلات شطة (فلفل حار جدا) .
كيف تتم زراعة الشطه.
للكي كل الشكر والتقدير
|
Post: #118
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 05-12-2011, 10:52 PM
Parent: #116
| Quote: وزيادة تكلفه اسمارت قالت ليك نمزق فاتورة الخضار |
إسمارت زولة جبارة ساكت
جنها قروش
|
Post: #119
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 05-13-2011, 12:44 PM
Parent: #118
Quote: سؤال عن زراعة الشطة....جاري قدم لي هدية عبارة عن 4 شتلات شطة (فلفل حار جدا) .
كيف تتم زراعة الشطه. |
اخى ياسر الفلفل احتياجاته للضؤ معتدل يمكن اختيار موقع تصله الشمس جزء من اليوم
انزل الشتول فى الارض مباشرة بمسافة 30 سم من بعض واذا عندك مشكلة مساحة ارض يمكن اختيار اصيص فخار وعلى ان يكون فى الاصيص شتلة واحدة فقط
بالنسبة للسقاية تقسمها كالاتى :
عند زاعة الشتلة السقاية كل يومين
من ثم الاعتدال فى السقاية لانها مرحلة مهمة لتكوين المجموع الخضرى من الفروع والاوراق
اول من تبدأ تزهر قلل السقاية بمعدل اقل من السابق لان زيادة الرى تفقدها حملها من الازهار التى ستكون ليك قرون الشطة
وتاكلوها بالعافية انت والمعاك
|
Post: #120
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 05-13-2011, 03:03 PM
Parent: #119
انتصار ازيك...
عندي سؤالين عن دوّار الشمس بتاعتي... نقلته اتنين منّهم لأصيص أكبر، من يومين تقريباً... شاعره انهم ميتات كده.. يعني ما قاموا... شنو الطريقة الصحيحة لنقل الشتلة من الأصيص لأصيص آخر...
السؤال التاني.. بقت عندي شتلات كتييييييييره بتاعت دوّار الشمس، وعايزه ادخّلهم جوّه البيت مافي البلكونه، ينفع ولا لازم يكون في ضوء شمس مباشر؟ يعني الشبابيك بتدخّل إضاءة لزيزه.. لكن كنت حابه أخت منهم جوّه البيت... نفس السؤال عن الmarigold، تستحمل أدخّلها جوّه البيت؟
تحياتي
|
Post: #121
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 05-13-2011, 05:05 PM
Parent: #120
العزيزة ام محمود
ازيك وصحتك
دوار الشمس يا مريومة دورته كاملة 3 شهور (موسمى )
النباتات المزهرة تحتاج الى كمية من الضؤ المباشر جزء من اليوم اذا احببت ان تنقلى اصيص الى الداخل يجب ان توضع فى محل قريب من اضاءة نيون (لانها تعطى كمية من الضوء المنتشر بدون انبعاث حرارة )
وتكون اكثر استفادة اذا كان طلاء بيتك باللون الابيض او كريمى فاتح . انت بالتجربة يمكنك معرفة الموقع المناسب من شد الاضاءة مع ملاحظة قلة الاضاءة تظهر على النبات بان يكون الساق ضعيف وطويل والاوراق خضرتها باهته
مع التاكيد ان اشعة الشمس هى الافصل للنباتات المزهرة نفس الشئ بالنسبة مارى قولد.
اما بالنسبة للنقل يتم كالاتى اذا كان فى اصيص صغير يمكنك قلب الاصيص ووضع ساق النبات بين اصبعيك اللسبابة والوسطى مع ضربة خفيفة على ظهر الاصيص تخرج فى يدك (ذى قالب العصيدة )
وتحفرى فى وسط الاصيص الكبير (المراد النقل فيه ) حفرة مقاس حجم النبات المنقول وتنزليها وتواسها بالتربة وتسقى مباشرة بعد النقل
واحيانا النقل من اصيص كبير يصعب حمله فما عليك سوى وضع الاصيص بوضع مائل واحفرى بالاطراف بمسافه كافيه وبعيدة من الجذور وتتكون عندك كتلة من التربة تحتوى على الجذور ويمكن زراعتها فى الاص الاكبر
مع مراعاة ان تكون رطبة وليست جافة لان التربة الجافه تتفت وتعرض الجذور للتلف والمغمورة بالماء لا يساعدك فى نقل االتربة بداخلها الجذور.
كثير من النباتات تتاثر بالنقل ولكن بعد عدة ايام ترجع لوضعها الطبيعى
اما عند نقل الشجيرات المعمرة نقص القمة بمقص يساعدها بتكوين ورقات جديدة
|
Post: #122
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 05-13-2011, 05:10 PM
Parent: #121
| Quote: وتكون اكثر استفادة اذا كان طلاء بيتك باللون الابيض |
أول مرّه أفرح انه بيتي كله مدهون ابيييييييييااااااااااااض...
والله النقل ده فعلا ما ظبّطه عشان كده خايفه على شتلاتي... كدي النشوفهم بعد كم يوم كده
|
Post: #123
Title: Re: ناكل مما نزرع...كيف نمزق فاتورة الخضار فى البيت
Author: ياسر إدريس حسن
Date: 05-13-2011, 10:38 PM
Parent: #120
كتر خيرك اختي انتصار
|
Post: #124
Title: Re: ناكل مما نزرع...كيف نمزق فاتورة الخضار فى البيت
Author: smart_ana2001
Date: 05-14-2011, 01:28 AM
عاد يا انتصار تتعلى ما تدلى ذى ما كانت حبوبتى بتقول.
يديك العافية
انت و كوستاوى و الله طلعتو شفوت شديد. اتاري كوستاو كان بيخستك بينا(او و مريوم) من بداية البوست...لانه عارف بيعمل فى شنو!
الويك اند جا...ح اجيكم بقوة ان شاء الله...
|
Post: #125
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 05-14-2011, 06:08 PM
Parent: #124
انتصار... ألحقيني.. في فطر صغاااااار ظهر مع الجهنمية... عايني ليه.. ده شنو كمان؟
-----------------------------------------------------
بعدين انا اعتقد انه انا خستكته وشالتني الهاشمية في الSunflower... زرعتهم 11 بذرة في اصيص واحد (ما تضحكوا فيني عليكم الله) ... اها حسي كبروا، ما عارفه حأنقلهم لأصيص أكبر كيف.... اعتقد نفس المشكلة مع الmarigold
-----------------------------------------------------
أما ده، فالنعناع الفخوره بيه وطايره بيه السماء... على قدر حالي
|
Post: #126
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 05-14-2011, 08:41 PM
Parent: #125
كدى بسم الله انتى زارعة جهنمية وين ؟
دى عديل شجيرة بتكبر وعاوزة شمس صاح عادتا الفطر ناتج من رطوبة عالية وقلة ضؤ
الجهنمية دى تصلح للاسوار وللخلفيات وفى بعض الاحيان اسيجة اتخلصى منها لانو حسب كلامك انتى بلكونة ما عندك
اما النقل للاصص التى فى الصورة نقلها بسيط وسهل عشان صغيرة امامك خيارات
اختارى الاقوى والاصح وضحى بالباقى ويمكنك استخدام سكين صغيرة بتقطيع التربة حول كل شتلة بحرص وعمق اكبر من حجم الجذور ولانها صغيرة بعد النقل بتنجح
ماشاء الله على النعناع عقبال الباقى
|
Post: #127
Title: Re: ناكل مما نزرع...كيف نمزق فاتورة الخضار فى البيت
Author: مريم بنت الحسين
Date: 05-15-2011, 08:43 AM
Parent: #126
ما جهنّمية، دايره اكتب ليك "صباح الخير" كتبته جهنّمية... شفتي الحالة دي!!!
لكن بالمناسبة، انا عندي بلكونه والشتلات دي كلها خاتاها فيها... وبرضه الفطر قايم، حتى في عبّاد الشمس، الليلة شايفاه مد راسه 
لكن ياخ ما بشّرتيني... ما تقولي لي اضحّي بي أي واحده منهم.. والله قطعتي قلبي... حسي مافي أي طريقة إنقاذ للsunflowrer ديل كلهم ... ما عايزه ولا واحده فيهم تموت... ...
اقوم ابكي ليك حسي...
|
Post: #128
Title: Re: ناكل مما نزرع...كيف نمزق فاتورة الخضار فى البيت
Author: انتصار محمد صالخ بشير
Date: 05-15-2011, 12:03 PM
Parent: #127
الغاليه مريومة
سلامات ...... الحمد لله ما طلعت جهنمية المقصود تضحى بالجهنمية
يا زولة كدى قللى الرى ,واكشطى الطبقة السطحية من التربة وعوضى الذى نقص بتربة جديدة لكل الزهريات اتركيها فى البلكونة محل تصله الشمس اطول فترة
وبتابع معاك اطمنى
|
Post: #129
Title: Re: ناكل مما نزرع...كيف نمزق فاتورة الخضار فى البيت
Author: Kostawi
Date: 05-20-2011, 04:13 PM
Parent: #128
أها يا ناس الجرجير وصلتوا لي شنو?
|
|
