لعيبة المريخ يهزمون انفسهم ، معقوله بس يا الزومة !!!!!!!!!!!!!

سبحان الله شهد الله اننى كنت اترقب مرور الدقيقة ال 15 لانها هى دوما القاصمة ، لم يخب ظنى فقد كان دفاعنا فى حالة توهان غريب اربعة لعيبة و بينهم لاعب واحد يضع الكورة بكل اريحية .

الهدف التانى اهدى من (سفارى الجن ) باستهتاره و هو لا يعرف قيمة الحضرى الكورة التى تسبب فيها بضربة جزاء ، كان يمكن ترك الاعب اما ان يعكسها ، او يتصدى لها الحضرى وهذه منتطقته .

حاجة محيرة هل هيثم طمبل مفروض على البدرى ، لاعب مستهلك ضايع فى الملعب .

العجب يا سبب الاذى منذ ان خلقنا الله فان الجميع يعلم ان العجب ضعيف فى تسديد ضربات الجزاء ، و الله ما تعشمت فى ضربته ، و كذلك الكادوك الكبير موسى الزومة.

احلى ما فى المباراة التحكيم النظيف النزيه .

سبحان الله مصائبنا دوما فى الاصابات ، سكواها كان يكون احسن وافيد من الشايب هيثم مصطفى . تحسن الحال بعد دخول كلتشى ، وبعدها انهار الفريق صاحب الارض ، لكن البداية الخطأ اضاعت كل شى ء . الفريق الخصم لعب فى الخرطوم احسن من بلده ،

عليكم الله اعيبوا لى الدافى مالو؟

كان من المفروض ان نلعب بهنو من البدايه ثو انزال كلتشى بعد الدقيقة 30 فى الشوط الاول ، العجب ليس المنقد فى كل الاوقات .

هذيمة قاتله بل مذلة ، الخروج حتى من الكنفدرالية ، مبرووووووووووووووك لقبيلة الزرقان الصعود .

اعتداء ادارة الفريق الكنغولى وضرب حاتم التاج ومنع البث ، مهزلة متوقعة من اهل افريقيا ، وناس قوون ما قصرتو والله فى نقل البقية .

Quote: سكواها كان يكون احسن وافيد من الشايب هيثم مصطفى

استغفر يا حاج , الصبر الصبر دا أمر الله

Quote: اعتداء ادارة الفريق الكنغولى

الكورة في انقولا يا عمك
يا خوانا الحقونا بموية باردة

Quote: سكواها كان يكون احسن وافيد من الشايب هيثم مصطفى

سبقتني عليها يا ود البشرى
هجو زعلان زعل شديد عشان كده فاتت منو



ليك وحشه يا أبو حتوت

Quote: هجو زعلان زعل شديد عشان كده فاتت منو

محمد خليل ازيك ياخ كيفك و عروسنا الصغيرة الامورة ، مش زعل بس احباط كمان

يا هندسة سلام يا اخى انت زول بتحب الفضائح كده مالك ، كان تعمل لى اخوك رنه ، بعد ما يتم التعديل تنزل الاقتباس بتاعك ، اهه و الله ما اعدلها ، يا اخى و الله المريخ رفعنا ضغطنا.

و المصيبة كمان شغال ليل .

مبروووووووك عليكم الكنفدراليه من هسع صعود فقط و بعدين نشوف الحاصل

والله ياهجو انا خشيت البوست دا عشان اكشح ليك غااااااااااااااااغ كبيرة واتخارج
لكن حننتني عشان كدة بقول ليك هاردلك وركز علي


نهواهـ في كل الظروف




خالص الود

Quote: لكن حننتني عشان كدة بقول ليك هاردلك وركز علي

يا سر يا خوى و الله ما قصرت ، ما يجوك فى شين تب

Quote: سكواها كان يكون احسن وافيد من الشايب هيثم مصطفى

Quote: اعتداء ادارة الفريق الكنغولى

يا هجو بالطريقة دي انا بصراحة ما بنصحك تمشي الشغل

Call sick





تحياتي

Quote: Call sick

صاحبك متورط ورطة شديده
هو حسي فى الدوام
إلا يعمل دايخ بس

يا شباب سلام جميعا ، المعذره على عدم الرد لكل الحالة ضنك ، محمد خليل و الله شغال وشايف مباراة الاهلى و سوبر اسبورت ، بس مشيت من غير عشاء.

واللة دي مصيبة كبيرة وخسارة اكبر
يلة

Quote: مبرووووووووووووووك لقبيلة الزرقان الصعود .

الله إبارك فيك يا ابو هالة

والله كوت كلامك عن هيثم مصطفى وعاوزة ارشك لقيت تفسيرك لود البشرى سكت ساي

معليش معذور انت الليلة والله جد المريخ كان منتهي

ونحن كورتنا ما شفناها الخوف إكون برضو فريقنا تعبان وإتعبنا لقدام

الابنه سامية ، كيفك و العيال و الاهل البعاد و القراب ، الحمد الله على ما اراد الله ، الفقد جلل ، نسال الله حسن الصبر .

تعرفى هالة مريحة نفسها ، و الله نحن نقوم ونقعد وهى ما جايبة خبر .

تعرف يا اخونا هجو
في مثل هذه الحالة
تقفل سودانيوز اونلاين
وتفتح اليوتيوب
وتغطس
لانو الحروف بقت عندك مروكبة مروكبة
حبيت امسي عليك

Quote: احسن وافيد من الشايب هيثم مصطفى

شكلو الشايب ده في عقلكم الباطن

هارلك

Quote: تعرفى هالة مريحة نفسها ، و الله نحن نقوم ونقعد وهى ما جايبة خبر

والله احسن ليها هسه عليك الله نحن غير وجع القلب لاقين شنو من الجماعة ديل

كان هلال كان مريخ كان الفريق القومي كلهم تعبانين لكن غايتو الليلة شوية كده ابو الهل فرحنا

ولبكرة ما معروف البحصل شنو

الزومة في فرح مافي