مشكلة المريـــخ الأزلية ..

إذا كان التيم كويس المدرب بكون متفلسف

يجيبو مدرب كويس التيم يكون تعبان


والله صحي..

بالله البدري دا ما راجل متفلسف ..

هيثم طمبل ظاهر عليهو منتهي من بداية الكورة ولا خاشي الفورمة

ليه لاعب المباراة كاملة ؟؟

ياخ من آخر كورة للمريخ قبل ما يسافر كان ظاهر عليهو لسة محتاج شغل جامد

مصعب عمر .. أحسن زول في المريخ من بداية الموسم ما لاعب في مكانو مرتاح

قلق سئ تماما .. وكان المفروض يطلع بعد الشوط الأول ويدخل الدافي أو العجب

طارق مختار على ما أعتقد من بداية الموسم لم يلعب إلا في مباراة تأبين الراحل إيداهور

بأي فهم لعب اليوم ..؟

وأي استراتيجية قصدها البدري بإشراك الباشا في الجهة اليسرى

ده طبعا كلو كوم وموسى الزومة كوم تاني

الزول دا دافن شنو تحت العراضة ؟؟؟؟؟


وقسما بالله موسى دا أبلد مدافع أنا أشوفو في حياتي

ومافي زول في الدنيا دي جاب إساءات لي أمو زي موسى الزومة دا

والما مصدق يخش أي كورة للمريخ جوة الاستاد

عشان تشوفو والدتو دي ببتعذب كيف بسبب ولدها دا

رفقا بامك يا رجل!!!

غايتو آخر مرة كان المدرب كويس والتيم نوعا ما كويس

كان في موسم 2007 ,, ويومها - برغم الهزيمة الثقيلة - لكن المريخ لعب النهائي

ومنذ ذلك التاريخ لم يكن الهارموني مكتملا بين الكوتش واللاعبين والإدارة

هاردلك هذا العام خرجنا مبكرا

لا عليك يا غالي

Quote: هاردلك هذا العام خرجنا مبكرا لا عليك يا غالي

هلا بالرياضي والمريخابي المطبوع دوكـ شهاب

يا أستاذي الفاضل الحمد لله أولا وأخيرا

لكن البزعلك بالجد هذا الذي يحدث في المريخ

التيم والله دقر في عين اللي ما يصلي ع النبي

ولكن كل ما أحضر كورة للمريخ أتذكر كتاب الفصول لصاحبه Hippocrates .. أبقراط

غدا سنطالع في الصحف والأعمدة الحمراء كثير لغو
عن التحكيم وظلم الحسن والحسين والفندق وضعف الإعداد
وما إلى ذلك من مبررات ..

ولكن أقولها بمنتهى الصدق والشفافية مشكلة المريخ -حاليا- هي فلسفة السيد حسام البدري

وحتى أكون أكثر دقة وللأمانة فإن البدري كان دائما ما ينجح في شوط المدربين

لذا يبدو ان فرض بيكهام الكرة السودانية فاروق جبرة

كان له الدور الأول في التنظير في تشكيلة كل مباريات المريخ السابقة .. ومن المعروف أن المدرب العام الوطني دائما يكون الأقرب
للاعبين ويفهم أكثر في وضع التشكيلة المناسبة لتنفيذ خطة المدرب

غدا سنطالع في الصحف والأعمدة الحمراء كثير لغو
عن التحكيم وظلم الحسن والحسين والفندق وضعف الإعداد
وما إلى ذلك من مبررات ..

ولكن أقولها بمنتهى الصدق والشفافية مشكلة المريخ -حاليا- هي فلسفة السيد حسام البدري

وحتى أكون أكثر دقة وللأمانة فإن البدري كان دائما ما ينجح في شوط المدربين

لذا يبدو ان فرض بيكهام الكرة السودانية فاروق جبرة

كان له الدور الأول في التنظير في تشكيلة كل مباريات المريخ السابقة .. ومن المعروف أن المدرب العام الوطني دائما يكون الأقرب
للاعبين ويفهم أكثر في وضع التشكيلة المناسبة لتنفيذ خطة المدرب

ما تنسي

نهواهـ في كل الظروف دا ذاتا المودياكم التوج

Quote: ما تنسي نهواهـ في كل الظروف دا ذاتا المودياكم التوج

هلا يا بون بون

بالله التنظير الفوق دا كلو ما لقيت فيهو حاجة غير
نهواهو في كل الظروف

ok

برضو بنحبو ونعشقو في كل الظروف

Quote: عشان تشوفو والدتو دي ببتعذب كيف بسبب ولدها دا رفقا بامك يا رجل!!!

كاااااااااااااااااااااااااااااااااك

يا حبيبنا
ياخي نهواه في كل الظروف دي مداخلتي الفرمالة اليوم نزلتها في كل البوستات
لكن شكلها هنا لفقت
وزي ما توقعتها تماما ههههههههههه


عموما ياخي هارد لك وغاااااااااااااااااااااااااااااااااااغ



خالص الود

Quote: كاااااااااااااااااااااااااااااااااك

كاااك يا كبير ..

مزمل أبو القاسم ليهو أسبوع بيتكلم
إعداد المريخ للمباراة دي ما على قدر كده
أول مرة أشوف مدرب يسافر بلدو بين شوطين مباراة مهمة
الإهتمام بالإياب ليس بقدر الإستعداد للموسم
وكلامو طلع صاح حسي ولو قريت الزاوية بتاعتو بكره راح تلقى الكلام ده


هاردلك يا جميل ولكل المريخاب
وإن شاء الله الهلال يتستر مع الإفريقي
ولو جلّا منه قدامو الكونفدرالية

Quote: مزمل أبو القاسم ليهو أسبوع بيتكلم إعداد المريخ للمباراة دي ما على قدر كده أول مرة أشوف مدرب يسافر بلدو بين شوطين مباراة مهمة الإهتمام بالإياب ليس بقدر الإستعداد للموسم وكلامو طلع صاح حسي ولو قريت الزاوية بتاعتو بكره راح تلقى الكلام ده

عارف وربك عارف
لكن يا حبوب المشكلة ما استعداد ولاهم يحزنون ..

المشكلة كوتشينا دا متفلسف زيادة عن اللزوم... أي والله عديييل كده


كتر خير مزمل أبو القاسم برضو
هبش حتة لولا فلسفة البدري كان ممكن نتجاوزا

سلام



مشكلتو في مال الشعب