اي مظاهرة بعد الواحد من مايو ستنجح ان توفر لها الاعلان المناسب

الخدمة المدنية تغلى الان بسبب قرار وزير المالية الجائر

يقول انه يريد مراجعة معالجة التفاوت في امر الاجور ...!!!

غطت هذه الحكومة على هذا التفاوت الظالم 21 سنة ما الضير من تغطيتها له شهر اخر .. تراجع فيه .. ثم تصدر قراراتها التي تقول انها للاصلاح منذ بداية الشهر القادم

لماذا اخذ المساكين بجريرة غيرهم
لماذا لا يتم ايقاف مرتبات من استفاد من هذا الامر فقط ؟

ده كلام فاضي ... ولعب على الدقون

كل من في الخدمة المدنية غير مقتنعين ويشعرون بظلم كبير .. ان وجه سيصبح ثورة

اي مظاهرة بعد واحد مايو ان اعلن عنها ( على ارض الواقع ) ستنجح دون شك ايا كان من سيعلن عنها


وزير المالية سيكون هو شرارة الثورة

Quote: وزير المالية سيكون هو شرارة الثورة

شكله كدة ...!!!

سلامات يا ولي
الرجاء شرح الحاصل شنو

بعدين ما تدي الناس دي افكار
اي حاجة يخشو فيها ناس المعارضة الشعب بفك دربها

ما يلحقو القضية دي قضية صفية

مع الحية للعرائس واخوهن وامهن

Quote: ما يلحقو القضية دي قضية صفية

بري ....... العبيدي

مرحب ادريس

يا شفت ... غيرت رأيك مالك؟

مش كنت بتتكلم عن نهاية مارس؟ والا أنا غلطان.

غايتو ما عايزين تأخير .... لكن أول مايو برضو ما بعيد.

مرحب ابو الريش
شكرا للتنبيه

المقصود الواحد من ابريل
اتمنى من بكري تعديل العنوان

كتبت نجاط

Quote: الرجاء شرح الحاصل شنو بعدين ما تدي الناس دي افكار

يشرحو ليك شنو؟.
انتِ ما متابعة بس

هو انتِ اصلا فاضية من بوستات المشاكل!.
ياااخ , في اي بوست بتاع مشاكل بنلقاك قاعدة
دايرن مظاهرات ناجحة .. انتظروا وزير المالية ينفذ قراره ...لنوا عنها .. وسترون!

قال يخشو فيها المعارضة قالت!!

رايك شنو فى 25 مايو؟؟






______________________
وليد انت بعد الأمنجة عايز تبقى طلايع كمان؟

ولى كيفك يا صاحب
يا أخي حكاية دراسة الجدوى بتاعة الثورات ده أمسك فيها قوي . ده موسم ما بتفوت . بعدين ما تنسانا بس

هههههههههههها
وليد صراحه كدا انتوا شعب دوره ميت
واظن حق فيكم قول نميري "ان الشعب السوداني شعب جبـــــــــــــــــــان"
شنو حكايه التهديدات
بتاعتكم دي؟؟
كل مره يا وزير الماليه لو وقفت الحافز ح نقلبها
لو عملت شنو داك ح نعمل مظاهر ات
يا ولدي السواي اصلوا ما حداث
بعملها من سكات

Quote: السواي اصلوا ما حداث بعملها من سكات

تحياتى ليك يا دومة و صاحب البوست

عادل

مرحب عادل

مرحب الخالة دوما

نحن يا خالة شعب دوره ميت

انتو شنو ؟

_____
السواي ما حداث دي يا خاله فضلت خيركم في هذا المنبر
يعني مرقت في المنبر ده خرتمية مظاهرة وهمية
دعمتيهن كلهن

وكت مرقت الدعوه ليها بس مننا
ما عجبتك !!!

عموما استني وشوفي
وحا نعرف منو الدورو ميت يا خاله
خاصة بعد ان عرفت المعارضة الاسفيرية حجمها الحقيقي في في الشهرين الفاتو ديل

_______

مقدر احباطك يا خاله
لكن ما انتو البتحددوا من بره شروط التظاهر
نحن هنا البحددها
لو واعين تابعوها وادعموها

مع الموده

فوق

كيفك يا ود الفضل

واضح انو ناس العارضة هنا جربندية ساكت او متواطين او مخمومين في روحهم
واضح جدا عشان تنجح مظاهرة مفروض يحصل شنو

الغبينة يا ود الفضل الغبينة
للحقيقة ان للمؤتمر الوطني عباقر في امر جهجهة الامور
وللحقيقة كمان ناس المعارضة بنفذوا لناس المؤتمر الوطني الكلام ده بالنيابة عنهم

نحن الناس الساكت ديل لا نفرق بين المؤتمر الوطني ومعارضيه
لكن بما انو المؤتمر الوطني بقى بهبش في لحمنا الحي بكل بجاحة

حا يتقدم خطوه عندنا على المعارضة
نشوف المعارضة حا تستفيد ولا حا تتدروش

مرحب يا دكتور

Quote: وليد انت بعد الأمنجة عايز تبقى طلايع كمان؟

عارف يا دكتور لاقفة تمام

جدي احمد عبد الكريم ( اب شيبة ) شقيق خليل ابو الحسن ابو يثينة زوجة نميري
ومعروف درجة قرابة بثينة بنميري

يعني الزول في الحسبة عمي ود عمة ابوي


يعني لافقة تماما

هاهاهاهاهاهاهاهاهاهاهاهاهاها

مرحب احمد محمد بشير

مرحب يا دكتورة
الحاصل زي كانو وزير المالية ده طابور خامس

قرقرقرقرقرقرقر

ده شغال ضد الحكومة اخير اخير من ناس المعارضة ديل
الخلاصة انو مرتبي البصرفوا نقص تقريبا 50% او يزيد

وده حال الجميع

يا ولي ازيك ياخ

غايتو مرتبك الاعلنت عنو هنا قبل كدا لو زاد مية في المية برضو
ما بغطي الاحتياجات الاساسية لاسرة بها ام واب وعدد من الاطفال ربنا
يحفظهم ليك. يجو كمان يا وليد ينقصوه خمسين في المية !!!! جد اتسائل
كيف تعيشون ماذا تنتظرون والي متى ؟؟؟؟؟؟ ربنا يكون في العون وما تنسى
يا وليد قدر ما تنقص انت تمها بي ( الله كريم ) والحال بمشي.

الخير يا صديقي اخبارك

مرتبي الاعلنت عنوا ده ياهو الفضل .. الاعلنت عنه ده المرتب الاساسي .. الحكومة كانت مصلحاه بي حوافز خارج المرتب
بدل وجبه
حافز وزير ثابت
حاجات زي كده
ولاحظ انا موظف رانكر قديم 14 سنة

ما يحدث الان هو تخبط .. وقلنا قديما ان للمرونة حد

لكن يظهر انو ناس الخالة دوما ما عاجباهم غبينتنا سبب للتظاهر
عاوزننا يا نمرق بي غبينتهم او فلا

Quote: لكن يظهر انو ناس الخالة دوما ما عاجباهم غبينتنا سبب للتظاهر عاوزننا يا نمرق بي غبينتهم او فلا

لووووووول يا وليد تصدق اناما عندي ايتها غبينه

مهابشتي معاكم دي مهابشه محنه
وحق التراب الذي يضم رفات اعز الناس لدي
انا كانسان اهم لي من الاكل والشراب حريتي
حريتي لا شئ يعدلها وحققت الحريه دي لنفسي بطريقتي .
انا شخصيا لم اغادر السودان كمعارضه لان الزمن داك كانت في حكومه منتخبه ديمقراطيا والكيزان كانوا في المعارضه
.ولوقلبتوها برضوا ما عندي طريقه رجوع فقد احرقت كل قواربي .
حتي صندوق جثماني لن يعود الي الخرطوم سادفن حيث يقبض الله روحي .
مظالم الانقاد وفسادها يحرك من به صمم ومنذ زمان بعيد
تجي تقول لي الناس ح يطلعوا لو وقفوا الحوافز او 100 جنيه لا تغني لا تسمن من جوع ؟؟!!!!
افهم من كدا اان الانقاد دي سمممممممممحه بس عوجتها الوحييييييييييييييييييييييييده هي عدم صرف الحافز بتاع ال 100 جنيه دا ؟؟؟

اتمني ان يصرف لكم الحافز ويكفي الله المؤمنين شر القتال .

مرحب خالة دوما

Quote: مظالم الانقاد وفسادها يحرك من به صمم ومنذ زمان بعيد

وماذا فعلتم انتم يا خاله بعد ان اصمت اذانكم مظالم الانقاذ وفسادها غير الهروب الى الامام .. ونظرية حجا واهل بيته

Quote: تجي تقول لي الناس ح يطلعوا لو وقفوا الحوافز او 100 جنيه لا تغني لا تسمن من جوع ؟؟!!!!

طبعا ما حا اغالتك
لانك بتتكلمي لسان حالك المترف .. 100 جنيه بالنسبة ليك لاتغني عن جوع
بالنسبة لزول معانا عامل بتشكل فرقة بين علاج ابنو وموتو

ما حا تفهي الكلام ده طالما انك بعيد عن البلد اكثر من عشرين سنة
لو مرضت او مرض قريب ليك .. الهلس انشورنس حا يتكفل بعلاجو

لغتنا ما واحده يا خاله
عشان كده ما حاتفهميني
وحا تعتبري ضيقنا من توقيف الحوافز مجرد هظار وترف

Quote: افهم من كدا اان الانقاد دي سمممممممممحه بس عوجتها الوحييييييييييييييييييييييييده هي عدم صرف الحافز بتاع ال 100 جنيه دا ؟؟؟

بالمناسبة الحديث ما عن المية جنية
لو قريتي البوست كويس
كان عرفتي انو اي موظف في الدولة راتبو خلاف المية جنية نفص 50% او يزيد
انا تحديدا مرتي نقص اكتر من 55%

ده العوجة الشايفنها نحن في الانقاذ
انت لو شايفة فيها عوجة تانية
ا تتصرفي ..
دي غبينتا مع الانقاذ
في الوقت الحالي

Quote: اتمني ان يصرف لكم الحافز ويكفي الله المؤمنين شر القتال .

امين

Quote: وماذا فعلتم انتم يا خاله بعد ان اصمت اذانكم مظالم الانقاذ وفسادها غير الهروب الى الامام .. ونظرية حجا واهل بيته

يا وليد انا حالتي تختلف عن باقي الناس لاني لما خرجت لم تكن هناك انقاد لدا لا يمكن ان اصنف باني هربت للامام كل ما في الامر احبني رجل غير سوداني وطلب يدي فتزوجته وانجبت منه طفلين وليس لهم الحق في الجنسيه السودانيه الان بحمد الله البت في تانيه جامعه والولد ممتحن السنه القادمه الشهاده .
ماذا تتوقع منا في الخارج ان نفعل يا وليد غير التفاكر معكم في كيفيه ازاحه هذا النظام الفاسد لرفع المظالم عن عامه الشعب السوداني
ولعلك تذكر قولي بقطع التحويلات لاهلنا بالداخل لمده سته اشهر والانقاد ستكون في مزبله التاريخ
وكلام القصير ما بتسمع
وهاانت الان تعترف بان الاحساس بالظلم هو ما يحدث الثوره .
طريقه تفكيرنا يا وليد ما واحده
واقصد هنا الناس الكانت واقفه علي الترتواروبتتفرج علي الشباب الطلعوا في المظاهرات
انا بفتكر الناس بتطلع لاجل المصلحه العامه لكل اهل السودان
لانه ببساطه لو استجاب وزير الماليه لمطالبكم بطبع ورق جنيهات سودانيه وصرفها ليكم خلاص ثورتكم بتكون ماتت
والناس الفي دارفور وقروره وطوكر والعفاض واي شبر اخر منسي بيكون ياهو نفس الحال . فاهمني يا وليد !.
شعب دا طريقه تفكيره شعب دوره ميت يا وليد
لازم يا ابني يكون في احساس بمظالم الغير
العامل البسيط العتالي ست الشاي الخفير
المقتول في صحاري وجبال دارفور في كجبار وبورتسودان
المنسي في فيافي قروره وطوكر والعفاض وجبال النوبه .

Quote: لانك بتتكلمي لسان حالك المترف .. 100 جنيه بالنسبة ليك لاتغني عن جوع بالنسبة لزول معانا عامل بتشكل فرقة بين علاج ابنو وموتو

اححححي يا وليد ما فهمتني يا ولدي مافهمتني
وليد انا بتمني انه مطالبكم تكون اعلي من حفنه جنيهات
عداله اجتماعيه عداله لكل الناس شفافيه تحاسب كل مفسد لانهم هم السبب في الحاصل دا

يا حليلي قالوا لسان حالي المترف
الا يجي الرشيد البصيلي او اماني الامين ناس بعرفوني وشافوا بيتي ومعيشتي او سناء الصباغ عشان يحكوا ليكم عن لسان
حالي المترف .
وليد انا حكيت تجربتي في الحياه هنا دا قاسيت العوز و الجوع ياوليد عارف لما اشرب المويه كانت بتالمني احسها متل السكين البتقطع في احشائي
دي تجربه انسان ممكن يعيش في ترف لووول عارف للان بعيش حياه متقشفه شديد

Quote: لو مرضت او مرض قريب ليك .. الهلس انشورنس حا يتكفل بعلاجو

ياوليد الهلث انشورنس دا انا
عايزاه ليك انت ولاطفالك ولكل زول غير مقتدر في السودان لانه الان العلاج متوفر فقط للقادر ومتوفر ليهم هم يا وليد لو زول مترف هم اهل الانقاد ما الناس البرا ديل .
يا وليد في خدمات اساسيه توفرها اي حكومه محترمه لمواطنيها
العداله الاجتماعيه يا وليد التعليم الصحه للغلابا اهم شئ ومطالب اساسيه مش ال ميه جنيه او زياده 50 في الميه .

يا وليد قلت لى بعد يوم 1 / 5 وش البامية ما ياهو ؟؟

الطاق اليَطُقْ .. عشتْ .. آ .. أبوالزَمَل
بى الحال العليك .. بى الفال .. بى الأمل
كُتْ فلاح فى يوم
فى إيدك تنوم .. على كيفك تقوم
لا دفتر حضور .. لا حصة فطور
تزرع بالقمر .. تقرع بى النجوم
لكن الزمن .. دوّار .. آ .. بِدُوم
عم عبدالرحيم ..
ماشى على الشغل
فى البال القديم .. من عار التُكل
تنشايح جِراح
.. كيف الغُسُل
الدِنيِى أم صلاح تبدا من التُكُل
من حِجـّة صباح .. فى حق المُلاح
فى الغُبُن الجديد .. فى القسط القديم
وبيناتِن عشم .. فى الفرج القريب















ـــــــــــــــ
غايتو يا وليد مرتبك الشفتو انا داك !!!
لا داير لى يوم واحد لا داير لى شهر خمسة انتو مفروض
تشيلوا سلاح لووووووووب .. لو نقص 50% الشغال ليها شنو ؟
طوااااالى تمشى تقعد عاطل عند الملك عبدالله بى 3 الف ريال
وبتتقلب سعودى ما مشكلة ..

موش كده يا ابو حميد

نحن جاهزين بعد 9/7/2011
لكن كان عملتو تمرين اي وقت
بنشجع تشجيع ايجابي
لكن هسي ماب نكورك لي زول








كيفك يا شفت

يا رغيم
التشجيع الايجابي حبابو

وبعد 9 /7
تعالوا لموا الكراسي بس

آه يا رمادي، يا بتاع الككو المسكت ضنبو لأستاذ الأساتيذ (مطاعنه راسه عديييل)* أو أياً كان لونك؛
إلا يهبشوك في اللحم الحي حتين تآمن!!


عارف يا وليد؛
زمااان كنت في طيب الذكر مشروع الجزيره (حا احكيها ولو فيها فكت آخر)، وكنا في إدارة متميزه
ماسكين فيها ميزانية (مشروع إعادة تأهيل وتحديث مشروع الجزيرة) الممولة من البنك الدولي وعدة
صناديق اقراض عالمية.. يلا نشوفلك قطاعات حكومية ومؤسسات بي قدرة قادر أصبحت ليهم امتيازات
ما أنزل الله بها من سلطان.. ونحن البنعتمد ليهم أوجه صرفها وما نايبنا شي!
يعني في إيدنا القلم وكاتبين نفسنا اشقيا.. أها الحكايه بقتلنا حاااره.. بقينا ننداغل في تصديق بنود الحوافز
وما إليه.. (دي بتفهما إنت والناس المحتكين بالخدمة المدنية).. أها ياخينا حصلت تذمرات وإحن لا غايت
ما جا طيب الذكر الله يرحمو د. عمر نور الدايم (كان وقتها وزير الزراعة) و(أنصفنا)!

دحين خرخرو وأوعكم تخلو حقكم!! ومااا يمسككوكم ضنب البتاع بتاعك!



__
* م ب خ: أغشى كشك ودالصايم!!



[المطرطش]

Quote: ما جا طيب الذكر الله يرحمو د. عمر نور الدايم (كان وقتها وزير الزراعة) و(أنصفنا)!

دين امك !!
وانا زمني ده كله قايلك دفعتنا
تاريك حبوبة !!

قر قر قر قر

المحرش ما بكاتل يا محمد .. لابد من توفر الغبينة الشخصية سببا للقتال
اها يا ابو
جاتكم مملحة
كان ابيتوها بتاكلوها قروض


بالمعني جبنا ليكم الككو ذات نفسو .. نشوفكم حا تمسكوه ولا برضو حا تمسكوا ضنبوا
نحن حقنا ما بنخليه
على الاقل حا نستغل ليهم قدر قروشهم
يعني الكان بتم في 3 يوم حا نتموا في شهر

اسوأ سبعة وزرا في الحكومة

خمسة

وزير الاعلام ووزير المالية

مرحب دكتور

اسعدنا مرورك ياخ

معليش يا وليد لكن صدقني دا كلام ميت وما بجيب دخل
الموظفين في الخدمة المدنية كم ؟ وفي الخرطوم كم
وكم نسبة الشباب فيهم وكم عدد الوظفين الغير منظمين أو ملتزمين أو موالين بشكل أو بآخر
ووين نقاباتكم البتقدر تحرككم وتخليكم تعملوا اضراب ساي في الأول خليك من مظاهرة
كان على الغبينة متوفرة من زمان من يوم رفع الدعم عن العلاج و التعليم , من يوم سعر السكر بقى مطلق السراح و يبرطع على كيفو
تسعين في المية من الشعب العينو طالعة وبالكاد بلقى قوت يومه خارج الخدمة المدنية
الشغال عتالي أو طلبة أو ميكانيكي او اعمال حرة ... إلخ
ديل لا عرفوا حافز لا بطاقة تأمين صحي لا ترحيل عشان يحسوا بفقدها
قضيتكم يا وليد حدها قرار فوقي باعادة جزئية للحوافز ولاّ أي معالجة كانت و الموضوع ينتهي
لغاية ما الفئات التانية القلتها ليك تحس بالغبينة الجد جد ويمرقوا سكينهم - الخاتنها لي ياتو يوم اسود من كدا ما عارف ؟
حتى ممكن نقول ستنجح مظاهرة ما و تحس الحكومة بأن " ما كلّو تمام يا ريس"

مرحب ود البشرى
حبابك
وجهة نظرك مقدرة

لكن
كلامي انا ما ميت .. كلام مبنى على الواقع
كلامك انت الميت لانو افتراضات

انا قاعد .ز ومتابع وبناقش في ناس وبمسع في رايهم ... والناس ديل لي معاهم سنوات ..
انت بتستنتج بمعلومات قريتها او سمعتها

ما مهم كم هم نسبة من في الخدمة المدنية
لانو قيمتهم النوعية اكبر من قيمتهم العددية بمراحل

وانا اوريك كيف

امتحان الشهادة انتهى قبل كم يوم .. وهذا شان يخص جميع السودانيين .. لا تخلوا اسرة من ممتحن سوداني
اها ناس الخدمة المدنية ما حا يصححوه لو ما عرفو راسهم من كرعينهم

بعد الامتحانات في قبول
كل موظفين التعليم العالي قالوا ما حا يستغلوا في القبول السنة دي الا يعرفوا راسهم من كرعينهم
اها الطلب ديل البدخلهم جامعات منو ؟

وهكذا
الحكاية ما عاوزه ليها عدد كم ونوعوا شنو وعمرهم كم
الضرر الممكن تخلفوا الخدمة المدنية ممكن يخسف بالحكمونة سابع ارض

الناسلك ما هو سبب نجاح مظاهرة المصريين
ما هم قاعدين في ميدان لا شالوا سلاح لا حاربوا زول !!
السبب هو تعطل الحياة العامة وتوقف ضخ الدم في شرايين الدولة

وهذا ما يمكن ان تفعله الخدمة المدنية بصورة اسرع من مظاهات في شارع

قلت قضيتنا في قرار بمعالجة الموضوع
هذا هو المطلوب
الحكومة دي افترت ولاذم تتعلم تتراجع قصاد رغبة الجماهير .. او يخمها طوافنهم
وفي الحالتين مكسب

مكرر

مكرر برضو

ايوة يا شفت في الحالتين مكسب طبعا
وان كنت انا بتكلم على حسب البوست عن المظاهرة تحديدا كشكل من الاحتجاج
لكن الفكرة في النهاية واحدة - توصيل صوت عدم الرضى للحكومة سواء بمظاهرة أو اضراب معلن او مستتر
وبتفق معك في خطورة الاضرابات و تأثيرها على دولاب العمل
اها السؤال هنا هل في شكل منظم - نقابة اتحاد جمعية- او اي شكل من اشكال التنسيق لتوحيد مواقف المتضررين ام مجرد تصرفات فردية
و احتجاجات سلبية - سلبية دي قاصد بيها تبطئة سير العمل أو التوقف الفردي او الامتناع مثلا عن التصحيح و اجراءات القبول
خت في بالك الشغل الاشتغلوه الكيزان طيلة واحد وعشرين سنة في الخدمة المدنية و النقابات و في البال ايضا تجربة اضراب الاطباء و سلبياتها و ايجابياتها
عموما زي ما قلت انا بتكلم من برة الصورة و انت شايف من جوة

يا ود البشرى كدي اقراء مداخلة المكاشفي دي وقيم انت
لاحظ دي كاتبها المكاشفي
وانا مقتنع تماما انو كاتبها وهو يعنيها

Quote: نؤيد وبشدة قيام مظارة لأفراد الخدمة المدنية لإصلاح رواتبهم وتعديلها وزياادة الاحد الادنى للإجور معكم لتنسيق مظاهرة ضد النقابات التى لا تعمل بجد أبدا الموضوع كله لدي غندور ومجلسه فالنقابات القاعدية لا تستطيع فعل شيء فوق

بالمناسبة حتى منسوبي المؤتمر الوطني متضايقين من القرار ده

Quote: دين امك !! وانا زمني ده كله قايلك دفعتنا تاريك حبوبة !!

من هني وغادي تقولي يا أونكل..
شفت كيف..

والأهم من كدي تحددلك لون: إن شالله أبيض!!

نؤيد وبشدة قيام مظارة لأفراد الخدمة المدنية لإصلاح رواتبهم وتعديلها وزياادة الاحد الادنى للإجور


معكم لتنسيق مظاهرة ضد النقابات التى لا تعمل بجد أبدا الموضوع كله لدي غندور ومجلسه فالنقابات القاعدية لا تستطيع فعل شيء

فوق

يا ود البشرى
اها ياهو ده المكاشفي زاتو معانا

عشان تعرف الموضوع في الداخل حجموا كيف



تسلم يالمكاشفي

والله يا وليد افتقدتك ليك فترة منقطع

فكرت أفتح بوست اسأل منك بس خفت الشمشرة و شفتة البورض


الله يعين على مواجهة المظالم

ياخ والله شكرا كتير يا ادم صيام
البفقدك بعزك وشاعر بيك

وده شي بشرفني كتير حقيقي

اكرر شكري
وتسلم يا زوق

يا دينا يا صحبتي

الظلم لا يولد ثورات

الاحساس به هو ما يولدها


الفرق كبير بين الظلم والاحساس به

Quote: من هني وغادي تقولي يا أونكل.. شفت كيف..

حاضر يا خال

Quote: والأهم من كدي تحددلك لون: إن شالله أبيض!!

الرمادي مالو عيبو لي ؟

Quote: لظلم لا يولد ثورات الاحساس به هو ما يولدها الفرق كبير بين الظلم والاحساس به

سلامات يا وليد

ياخي دة كلام عميق جداً

تسلم

يا مراحب بشرى
يعافيك يا خ


و حقيقي الفرقة بين الظلم والاحساس بالظلم كبيره
ياخ في ناس بتتمتع انها تنظلم والشخصيات ذات النزعة المازوخية الماشوسية معروفة في علم النفس

والامثال في اعرافنا بترسخ الامر ده
من ضرب الحبيب الاحلى من الذبيب
وانت ماشي

الحيران في بعض الخلاوي يمارس عليهم ظلم السواد لكن لا يصلهم احساس بانهم ظلموا بسبب المعتقد وظنهم ان هذا من اسباب الخلاص


ده موضوع كبير
افتحوا في مكان تاني خلي اتجدع واعمل ليك فيها مثقفاتي

يديك العافية

Quote: الحكومة دي افترت ولاذم تتعلم تتراجع قصاد رغبة الجماهير .. او يخمها طوافنهم وفي الحالتين مكسب

دا الكلام ..
سيبك مننا يا وليد ..
المهم تخرجوا وتفرضوا رأيكم..
بس ما يجوا يخدروكم بالوعود الكاذبة.

محمد على طه الملك
سلامات


حا نمرق يا ملك غصباً عننا حا نمرق

المرتب الصرفناه الشهر ده .. أؤكد ليك ما حا يحصل يوم 15
وطبعا بما انو الحال من بعضه لن يجد العاملين من يستدينون منه

5 يوم زيادة على يوم 15

والناس حا تمرق براها

الجموع بمرق العقرب من حجرها يا ملك

يديك العافية

حبوبتي تسلم عليكم وتقول ليكم خلاص اتفقتو على التاريخ دة ولا حتغيرو

نحن زي الموت يا غريبة
ما مربوطين بالزمن
مربوطين بالرزق
وكت ما يخلص الرزق دي ساعتنا وساعة مروقنا


كلام زي ده ما بتفهموا لا انت ولا حبوبتك


روح بلا يخمك

شفت يا وليد غريبة فقعك شفت انا محل غور بلا يخمك قاعد افتح وورد وبرص ليهو هو حبوبتو لما يأمنو المره المسكينة غايتو كان راقده فى احمد شرفى بتسمعو فى قليبها فى الحريقة عندكم لسه فى اتنين ما جوك لما يجو بجيك راجع

بالنسبة لموضوع الرواتب شفت ناس الحكومة 99 فى المية منهم البقو مليونيرات بالدولار ديل قبل 20 سنة الواحد فيهم اقصى احلامو كان بوكس 78 ومية في المية منهم لولا مجانية التعليم والعلاج الكسروهو كان اولادهم البقرو فى احسن الجامعات بره البلد ديل كان بكونو ساكين القطر ببيعوا فى جنا جداد فديل نسوا هم جو من وين عشان كده لما يشيلو نص راتبك دي عندهم ارقام ما زول عندو اربعه اطفال واسره وبعد داك هم مقتنعين انو الشعب السودانى شعب خنوع هم جربو فيهو اى حاجه وما عاينو حولهم ما شافو انو البوعزيزي لما حرق نفسو ما كان عشان تعدديه ولا ديمقراطيه كان من الغبن والظلم والمحاربة فى الرزق والمهانة وعدم القيمة قايلين أمنهم اقوى من المصريين ولا جبروتهم اكتر من زين العابدين الداير يخلى الناس يصلو بالبطاقة ولا اسلحتهم اكتر من القذافى ولا راجينها لمن الناس تكسر الحاجز وبعد داك يبقوا فى اصرفو للناس ماهية شهرين يحسبوا لعب والله كافورى دى تبقى ليهم اضيق طيز وزة
خليهم يضايقوا الناس فى ارزاقها ويزيدوا فى مهانة الناس وهتك اعراضها يشوفوا بعيد نشوفو قريب

مرحب منتصر

المشكلة يا منتصر
ناس الحكومة شالو قروشنا واعتبروا ده شي عادي
ناس المعارضة كمان شافين الامر ده عادي ...
وزي كانهم عاوزين تعهد انو لو ما اقرينا باننا حا نمرق ضد الحكومة لحدي ما تسقط ما حا يعتبروا موضوعنا ده ايرجنت

هسع بالنسبة لينا نحن الفرقة بين الحكومة والمعارضة شنو ؟

ياخ ناس توتي اتجمعوا كلهم حول فريق نزل التالته وكان قضية محورية في توتي

يعني الا يمرقوا الحكومة حتين نعترف ليهم بي قضيتهم


يا زول صلاح غريبة ده وحبوبتو حريقة في الجوز
يحترم نفسو نحترمو
ما يحترمها نديه بالجزمة هو وحبوبتو

هو زاتو حاشر حبوبتو هنا ليه؟

Quote: الخلاصة انو مرتبي البصرفوا نقص تقريبا 50% او يزيد وده حال الجميع

الله يخليك يا وليد .. مهم شديد تأكد لي إنو (ده حال الجميع) .. لأنو في حالات كتيرة، فهمت إنو في حاجات مطبقة في وزارة دون الوزارات التانية. في الحالة دي، حتلقى روحك بتتململ براك.

نحن (معارضين الكيبورد) مستعدين لما ناس الداخل يتحركوا، ندعمهم ونشجعهم، ونقدم كل البنقدر عليهو. لكن شوف لينا ود البشرى (الرمادي)، قاعد برة ويكسر مقاديف القاعدين جوة.

_____
أما المدعو صلاح غُريبة، فأردمو ما طاب لك الردم ..... ورسل لي الفاتورة.

يا ابو الريش وقت قريت كلامي و فهمت منو تكسير مقاديف النسألك طيب

Quote: نحن (معارضين الكيبورد) مستعدين لما ناس الداخل يتحركوا، ندعمهم ونشجعهم، ونقدم كل البنقدر عليهو.

بي شنو؟
ح تدعمهم بشنو و البتقدر عليه زي شنو؟ اديني مثال مثالين كدا
دي واحدة و التانية ناس الداخل ديل قول طلعوا وقام الوزير اتراجع عن قرارو ورجعت الرواتب كماهي , ح تتصرف كيف كـ (معارض كيبورد) كما وصفت نفسك في قضيتك الرئيسية

انا بفتكر ان كلام ود البشري ما تكسير مقاديف يا ود ابو العزائم بل يصب في نفس اتجاه كلامي انا يعني الناس ديل يصرفوا ليهم القروش خلاص ح يسكتوا
ولا يهمهم
برا مني ما يخصني

سلام ي وليد

لدي سؤال واحد وهو هل تم تطبيق الاستقطاعات دي علي كل الخدمة المدنية ؟

بعض المصالح الحكومية لم يتم تطبيق الكلام ده عليهم كل الحصل ليهم الان بدلا من ان يصرفوا

مرتباتهم في اواخر الشهر الان بدوا في صرفها بعد الاسبوع الاول من الشهر الجديد وده تم تطبيقه

من الشهر الماضي .

شوف لا معارضة ولا احزاب ما بتقدر تطلع الناس في مظاهرات ولكن اؤكد لك وقريب جدا

حتي الـ 50% دي ما حا تلقوها تاني باخوي واخوك

يازول امشي افتح لك كشك ليمون احسن لك هههههههه

يديك العافية

.

بخاف يا انا

كيفك يا حبه
والله مشتاقين

Quote: يازول امشي افتح لك كشك ليمون احسن لك هههههههه

هاهاهاهاهاها
وانت قايل ده بحل

حا يشبكوك
محلية ، وضرايب ، وزكاة ، ونفايات ، وشرطة ، وعييييييييييييييييييييييييييييييييييييك

هاهاهاهاهاهاها\\
يديك العافية

سلام ي وليد

لدي سؤال واحد وهو هل تم تطبيق الاستقطاعات دي علي كل الخدمة المدنية ؟

بعض المصالح الحكومية لم يتم تطبيق الكلام ده عليهم كل الحصل ليهم الان بدلا من ان يصرفوا

مرتباتهم في اواخر الشهر الان بدوا في صرفها بعد الاسبوع الاول من الشهر الجديد وده تم تطبيقه

من الشهر الماضي .

شوف لا معارضة ولا احزاب ما بتقدر تطلع الناس في مظاهرات ولكن اؤكد لك وقريب جدا

حتي الـ 50% دي ما حا تلقوها تاني باخوي واخوك

يازول امشي افتح لك كشك ليمون احسن لك هههههههه

يديك العافية

.

Quote: انا بفتكر ان كلام ود البشري ما تكسير مقاديف يا ود ابو العزائم بل يصب في نفس اتجاه كلامي انا يعني الناس ديل يصرفوا ليهم القروش خلاص ح يسكتوا ولا يهمهم برا مني ما يخصني

نعم يا خالة دوما
اغلب من في الخدمة المدنية دي قضيتهم الان

لو صرفوا ليهم قروشهم حا يسكتوا

اها انت حا تستغلوا الامر ده ولا حا تستهروا بالموضوع ده وتقولوا شنوا يعني الخصم

ما في زول حا يجيك قضيتو يوصلوا شارع ظلت لي حلتهم في الجزيرة ده موضوع الحلة المحوري
وفي ناس موضوعهم المحوري انهم يعلموا ليهم بير في شمال كردفان ده موضوعهم المحوري
في مدينة كاملة قضيتها المحورية يسوروا ليهم استادهم ويعملوا ليهم فيه اضاءة

اها الراي شنو ؟

انتو عاوزين الناس كلها تكون قضايا متلكم ولا خلاص ما نافعين

يا وليد يا ولدي حاول افهمني حس بي لوووووووووول والله قلبي بقطر دم
يا وليد مشكله فساد النظام دا من غير المعقول ان يتم اختزالها في قرارات وزير الماليه التي مست عصب حساس لدي قطاع الخدمه المدنيه
يا حبيبي الموضوع اخطر من كدا ودا راس جبل الجليد يا وليد دي دوله فاشله من قوله تيت
اقتصادها متل فقاعه الصابون اعتمد كليا علي عائدات البترول والبترول دا ما تحت اقدامهم تحت اقدام اهل الجنوب
وهدموا كل دعائم الاقتصاد القومي .
والبترول ذاتو سفوه لرقبتهم في شكل مشاريع عاليه التكلفه نفذتها شركاتهم, ولك في شركات المتعافي خير مثال واخوان البشير وغيرهم من اهل التمكين وكل العملوه شويه شوارع ظلط وبنايات عاليه تخلب انظار ناس الخرتوم وطياره اللعب ديك
واالتسليح والاجهزه الامنيه لتامين كراسيهم وقمع الناس المتلكم
والقوا فتات موائدهم في شكل علاوات وبدل وجبه لناس الخدمه المدنيه .
.
حتي لو قلنا يطبعوا ورق عمله محليه من غيرغطاء
الانتاج المحلي من السلع ما بغطي الحاجه
وانتوا بتعمدوا اعتماد كلي علي الاستيراد اها بس انت قول لي من وين وزير الماليه بخيت الحال يجيب ليكم دولارات ولا يوروهات ولا استرليني ولا حتي ريال سعودي او قطري ؟؟!!
من وين عشان يستورد لود العامل القلت لي عليه قبيل داك الدويات ولا حتي القمح ولا حتي الزيت؟؟؟! يا وليد مدخلات الانتاج انتوا كلها بتستوردوها .
اقتصاد طفيلي يعتمد علي الاستيراد ما في ا نتاج فعلي
انا ما زوله اقتصاديه لكين بالله لو لقيت مصادر موثوق منها وريني كم تبلغ جمله قيمه الصادر غير البترول وكم تبلغ قيمه الوارد ؟؟.
يا وليد يا ابني في احتياجات اساسيه بحتاجها الكائن الحي مهمه للنفس الطالع ونازل دا
الهواء الحمد لله ما بقي في قزايز( ولو انه في بعض الحالات برضو بيكون في السلندر وسمعنا مره هنا انه المستشفي الخاص قفل انبوبه الاكسجين عشان اهل المريض ما عندهم الثمن ). الماء , العيش , الملبس و المسكن .
الجماعه الفوق او ناس الانقاذ فاهمين اللعبه دي تماما امنوا احتياجاتهم الاساسيه دي كلها وركزوا نفسهم لجنا جناهم وباعوا ليكم الشريعه .
اها قاموا ناس البترول قالوا والله نحن شريعتكم دي ما دايرنها وبننفصل
وانفصلوا ودي اسع مترتبات الانفصال يا وليد
وزير الماليه ما عنده ذنب في الحاصل يا ولي الخزنه فاضيه في شح في العمله الصعبه جنيهم داقي الدلجه الموضوع منتهي .
وما بعرف البمسكها بعدهم ح يعمل شنو ؟؟!! دي جنازه بحر يا ابني .
والحل انهم يلقوا الجني البغزل القش دهب بتاع الاسطوره داك لو متذكرها .

اها خبر كويس انه قطرعملت ليهم انقاذ سريع
وغالبا يتم صرف الحافز

ا الانقاذ ستمد قرعتها الي ان يتم تاهيل المشاريع الاساسيه للاقتصاد القومي لتحقيق تنميه اقتصاديه فعليه لموازنه الصادر والوارد .
تحقيق السلام العادل لاقليم دارفور وانهاء الحروبات الداخليه
وتحقيق مطالب اهل الهامش والاهتمام بالتنميه المتوازنه لاقاليمهم
تخفض ميزانيه الامن والتسليح والصرف الحكومي وتقليص عدد الوزراء ونوابهم .
انتهاج مبدأ المحاسبه العلنيه للمعتدين علي المال العام بدلا عن فقه الستره
Austerity measures .ربط الاحزمه علي البطون لمجابهه الضائقه الاقتصاديه والتي ستزداد حدتها كلما اقترب شهر سبعه .

Quote: انتو عاوزين الناس كلها تكون قضايا متلكم ولا خلاص ما نافعين

يا ابني لو في زول بفتكر ان قضايا العداله الاجتماعيه ما قضيته الزول دا بيكون محتاج لتوعيه.
حاول يا وليد ما تفصل القضايا عاين للصوره الكامله .ما تشوف قضيكم منفصله من قضيه البئر في شمال كردفان اوالمدرسه في ام كداده او صهريج المويه في العفاض او المستشفي في كادقلي او الاناره في حجر الطير .
عشان لما الناس تتبني القضايا بشكل عام بيكون الالتفاف اكبر لكين لو بقي كل زول يرفع قضيته وبس
الحكومه دي قادره انها تسكته ولو دعي الامر للابد .
.

القضية واحدة يادوما فعلا لكن الحسنة في ان لو نجح ناس الخدمة المدنية في الخرطوم في توصيل صوتهم للحكومة و حصلوا منها على نتيجة
سيتشجع اهل ام كدادة للفعل نفس الشيئ وتوصيل صوتهم للحكومة للحصول على بير الموية
و الحكومة واعية للحتة دي تمام عارفة اي تنازل تجاه اي مطالب مهما كانت عادلة سيفتح صندوق بندورا
وعينها لتجارب الشعوب حولها عندما ترى رقراق التنازلات ما بقيفوا إلاّ يفتحوا كامل الباب ويصلوا حتة الشعب يريد .. إلخ

Quote: الجماعه الفوق او ناس الانقاذ فاهمين اللعبه دي تماما امنوا احتياجاتهم الاساسيه دي كلها وركزوا نفسهم لجنا جناهم وباعوا ليكم الشريعه . اها قاموا ناس البترول قالوا والله نحن شريعتكم دي ما دايرنها وبننفصل وانفصلوا ودي اسع مترتبات الانفصال يا وليد وزير الماليه ما عنده ذنب في الحاصل يا ولي الخزنه فاضيه في شح في العمله الصعبه جنيهم داقي الدلجه الموضوع منتهي . وما بعرف البمسكها بعدهم ح يعمل شنو ؟؟!! دي جنازه بحر يا ابني . والحل انهم يلقوا الجني البغزل القش دهب بتاع الاسطوره داك لو متذكرها .

Quote: ناس الداخل ديل قول طلعوا وقام الوزير اتراجع عن قرارو ورجعت الرواتب كماهي

تعرف يا ود البشرى، بيكون يا دوب اللعب إحلوّ ...... لأنو الباب ده لما يتفتح ما من الساهل يتقفل.

القصد إنو المقهورين يعرفوا إنو صوتهم وصل وأثّر على قرار سيادة الوزير أو المسئول أياً كان. وزي ما قلت هم (مقهورين) ومطالبهم كتيرة، بعدها حيظهر مطلب ورا التاني، وسقف المطالبات يرتفع.

المسألة دي حاصلة بالتجربة، في السودان وبرة السودان.

Quote: الناسلك ما هو سبب نجاح مظاهرة المصريين ما هم قاعدين في ميدان لا شالوا سلاح لا حاربوا زول !! السبب هو تعطل الحياة العامة وتوقف ضخ الدم في شرايين الدولة

كلامك صحيح 100 % يا شفت
هذا سبب نجاح الانتفاضه المصريه ... انتفاضه شعبيه حقيقيه

مرحب نوفل ويديك العافية


المشكلة يا نوفل الناس مفتكرة انو ثورة المصريين قامت كده صدفة
ما عارفين انو كان في تنظيم لمدة تجاوزت خمس سنوات

اي نعم ما حدث في تونس سرع الاحداث وعجل بيها
لكن ما خلقها ولا كان سبب في اتنفاضت مصر

مرحب احمد الشايقي

عارفة يا خالة دوما
انت الما قادرة تفهميني
عشان افصل ليك المواضيع .. بصورة شخصية موضوع قطع الحوافز ما حا ياثر فيني كتير .. لكن انا بتحدث عن العامة عن المجموعة بلسان الموظفين في الوزارة والخدمة المدنية

ما كل الموظفين عاملين عقودات بتاعةخبرا ومستشارين مع منظمات تابعة للامم المتحدة متلي حسب حظي السمح ، ولا كلهم بصرفوا بالدولار وامورهم ماشة تمام .. ولا كلهم بعرفوا يصمموا مواقع قروش موقع واحد بتمثل ليهم مرتب سنة قبل ايقاف الحوافز ..
اتمنى كده الصورة تكون واضحة ليك


انا بتكلم عن مجموعة مقدرة من الشعب السوداني .. كلام التوعية واعتبار موضوع بير شمال كردفان متل موضوع الحوافز .. ده ما محلو ولا مكانو
الان الموضوع بالنسبة للعاملين بالخدمة المدنية موضوع وجود ..
نعم يا خالة
وجود الراسو عديل ده

نحن نقلنا ليكم هم مجموعة من الشعب السوداني
يلا ورونا همتكم كيف تقدروا تربطوا هم المجموعة دي مع بقية هموم الشعب السوداني
ده شغلكم ما شغل الموظفين المنتظرين رواتبهم

المرتب الحالي ما حا يكفي ليهم الشهر بالتالي ما حا يقدر يوفر الاساسيات

حكاية يفكروا بصورة قومية او نظرة شاملة ده ترف الان هم ما فاضين ليه

وحكاية التوعية دي بصراحة يا خالة دومة .. شغلكم الشردتوا من وما اشتغلتوه لمدة 21 سنة
عاوزين الناس تعرفوا هسع في ظرف الشهور دي

ما ممكن طبعا

Quote: انا بتكلم عن مجموعة مقدرة من الشعب السوداني .. كلام التوعية واعتبار موضوع بير شمال كردفان متل موضوع الحوافز .. ده ما محلو ولا مكانو الان الموضوع بالنسبة للعاملين بالخدمة المدنية موضوع وجود .. نعم يا خالة وجود الراسو عديل ده نحن نقلنا ليكم هم مجموعة من الشعب السوداني يلا ورونا همتكم كيف تقدروا تربطوا هم المجموعة دي مع بقية هموم الشعب السوداني ده شغلكم ما شغل الموظفين المنتظرين رواتبهم

يا ولي يا ابني انا فاهماك وبتذكر قبل كدا انا قلت ليك ال 300 دولار بتعمل لي اسره متل اسرتك شنو ؟؟وانت وضحت لي انك بتكسب في السوق لانك مصصم صفحات وانك بتتعاقد مع منظمات عالميه لكين همك العامل البسيط او من ليس مؤهلا متلك انا الحته دي فاهمها .
يا وليد يا ابني الشريحه المقدره دي صحيح عندها مشكله حقيقيه ظهرت الان لكين لو تم حلها فلن تكن هناك ثوره ضد النظام لا غير ه
وعوج النظام دا ما هي مرتبات او حوافز الشريحه دي فقط لانه في ناس في محلات تانيه ومنسيين لانهم بعيدين من عينكم ومن عين الحكومه
انا كلامي انه لازم يحصل وعي بان مشكله ناس الخدمه المدنيه هي متل ما بيقولو The tip of the Ice Berg. وحل مشكلتهم الذاتيه اجهاض للثوره ضد النظام لانه التعامل بالقطاعي دا النظام قادر عليه بالترهيب او الترغيب حسب ما يستدعي الامر او يخدم مصالحه
ولقد راينا او سمعنا لما طلعوا شباب قرفنا تم اعتقالهم والترويع بهم لانه ناس الخدمه المدنيه وقتها كانو ا يتفرجون من منازلهم ويحسبون انهم في مآمن من عوادي الانقاذ.
عشان كدا لازم ينتبه الناس انه اي مسكنات تعملها الانقاد لفئه من الفئات ليست علاجا لوطن يئن مواطنه المهمش تحت ويلات الجوع والمرض والحروبات .
مش بيقولوا
تابي الرماح اذا اجتمعن تكسرا
واذا افترقن تكسرت احادا

مرحب بالجميع خلوني ارد على خالتي في الاول واجيكم

سلامات يا خاله

Quote: ا وليد يا ابني الشريحه المقدره دي صحيح عندها مشكله حقيقيه ظهرت الان لكين لو تم حلها فلن تكن هناك ثوره ضد النظام لا غير ه

يلا يا خاله
الان موظفي الخدمة المدنية عندهم مشكلة .. من سيساهم في حل هذه المشكلة سيكون امام ناظرهم وضمن خياراتهم
لو اتصرفت الانقاذ وحلت المشكلة ، مع انو دي قروشهم وحقهم- اقصد الشب وتحته الخدمة المدنية - حا يعاينوا ليها بعين الرضى

يعني لو الرئيس اتصرف ولغى القرار ده ، ناس الخدمة المدنية حا يعاينوا ليه كمخلص وبطل بالنسبة ليهم
واي بتاع خدمة مدنية بقرا في نقاشنا ده ، حيكون عبرك كره كل المعارضين باعتبار انك في مشكلته الشخصية
شابكاه توعية وسياسه وما اليه .. في وكت هو محتاج يحلو ليه مشكلته الانية

حلي ليهم مشكلتهم بعدين وعيهم ولوميهم

المهم لو اتحركت المعارضة وضغطت هي ، وكان التراجع المستقبلي عن القرار بسبب ضغط الشارع بمعارضته
النظره ستختلف

اها يا امي لو سبقكم المؤتمر الوطني وحل المشكلة الهو اساسا سبب فيها ، حينها لمن تجي تقولي يا جماعة المؤتمر الوطني كعب امرقوا مظاهرات عشان نغيروا
ناس الخدمة المدنية حا يقولوا ليك
بالله
عشان نجيبكم انتو الوكت جيناكم بمشكلتنا شبكتوا .. كيفما اتفق وحيثما ان
لحدي ما حلاها لينا الرئيس كتر خيرو

ان شاء الله تكوني فهمتيني

الشعب اساسا عندهم عدم ثقة في المعارضة\وكت تجيها فرصة انها تقيف مع الناس وترجع جزء من ثقتها المفقوده .. وتروي الناس انها شيالت تقيله وهم
تقعد تشبكم انتو شعب ميت
حلو مشكلتكم براكم

معقولة يا خاله

Quote: حلي ليهم مشكلتهم بعدين وعيهم ولوميهم

يا وليدا انت بتتدكر في نقاش سابق لينا انا قلت انه الدافع لازم يجئ منكم والحل بايديكم
لانه من ناحيه عمليه يا وليد انا كمناضله كي بورد
ما عندي دور غير اني اقول لناس الخدمه المدنيه
حل مشكلتكم وحدكم دون معالجه جذريه لمشاكل الفساد والتهميش الحاصل في السودان الان
هي مجرد مسكن لوجع الضرس وسرعان ما سيعاودهم
الضرس لما يسوس ويتآكل لازم يتقلع .

يا وليد لكم فيما فعله الشعب المصري عبره يا اولي الالباب
الناس ديل لما طلعوا الشارع كان مطلبهم واحد وبس هو ذهاب النظام لانهم قنعوا من اي اصلاح
من غير اي مطالب فئويه .

لكن اول ما تجي شريحه بمطالب فئويه ستقدم لهم الحكومه ان استجابت المسكنات فقط ودا منطلق اناني وغير وطني
و هو السبب الرئيسي في اطاله عمر الانقاذ . لو الشعب عايز الخلاص لازم يقيف متكاتفا من غير ان تطالب اي فئه بمطالب ذاتيه يتم مساومتها فيها .

وليد يا صاحبي سلام
والجاتك في مريخك .. إن شاءالله تجي في العدو ..
انا بتفق معاك في إنو قطاع الخدمة المدنية ، ده قطاع مهم ومؤثر وما بعيد كونو يشكل نواة لي ثورة محتملة ،وما بشوق إنو مطالبهم حتى لو كانت زيادة 100 ألف
بتخصم من دورهم في التغيير إلا اكون أنا فاهم الثورة دي غلط ..
مش ممكن يكون في ابن آدم لاهمو حرية لا تعددية لا دولة مؤسسات .. همو بس الحيكومة الهبشت مرتبو دي تمش .. حنقول ليهو لأ .. وامشي أحضر ليك دورة دورتين
بتوعين ديمقراطية ونصيغ مفاهيمو حتى تتوافق مع لافتات الثورة .. المستهلكة ؟
ما اهو ديل الاطباء .. سايقين قضية اي زول واقف فيها معاهم ومطالبهم في الأساس بتدور حول وضع الطبيب (المادي) .. مش كلنا متفقين إنو برضو قاعدين يناضلو..؟
فوين المشكلة لمن :
يطلعو مع الاطباء ديل وناس الخدمة المدنية ناس تانيين مطالبهم مربوطة بي اوضاعهم .. بالعكس كمان انا بشوف إنو ناتجها اكبر كمان ..
خلي ناس وليد يطلعو .. عشان المية ألف..
والدكاترة عشان الخمسمئة ..
والمعلمين لانو الطباشير بيعمل ليهم حساسية (مثلاً)..
وبتوعين الركشات لأنو غراماتهم زادت..
والتجار لانو الضريبة زادت ..
والمريخاب لانو فريقهم ماسورة وحمام وطار من دور ال135..

مش الناس دي كلها راح تتلاقى في شارع واحد ..
وحتتضغط في الضاغطنا 21 سنة ده .. وتيب ؟

Quote: مش الناس دي كلها راح تتلاقى في شارع واحد

انا غايتوا بفتكر ان ساعه الصفر لوما كانت موحده لن تقثتلع نظام وطد نفسه 21 سنه
الاطباء سيخرجون وح يعتقلوهم ويرفدوا منهم كم زول وينقلوهم وبكدا ما ح يتلاقوا في الشارع
شباب قرفنا عملوا نفس الشئ برضوا انضربوا وماتت ثورتهم اسع ناس الخدمه المدنيه برضوا ح تموت ثورتهم
لازم الفئات دي كلها تهب في وقت واحد من غير مطالب فئويه ويكون المطلب الوحيد هو ذهاب النظام
اللهم الا اذا كانت الفكره التصالح مع النظا م
حيث نري ان مواليه من هبشتهم قرارات وزير الماليه يحصرون المشكله في وزير الماليه ويطالبون باقالته هو وبروفسير غندور كباش فداء لابقاء النظام .

كاهن يا صحبي ازيك

عليك الناس في هم بلد تقول لي المريخ - اخ طقاهو في الانكل -
قر قر قر قر قر قر قر قر


ريحتني كتير بموضوع الاطباء ديل
ياخ انت فردتي التانية الفاهمني تمااااااااااااااااااااااااام


ياخ ما تظهر

وزير المالية دا طابور كبير

ونحن لا نريد قندور

الشعب يريد اسقاط قندور

وزير المالية دا طابور كبير

ونحن لا نريد قندور

الشعب يريد اسقاط قندور

Quote: حبوبتي تسلم عليكم وتقول ليكم خلاص اتفقتو على التاريخ دة ولا حتغيرو

صلاح غريبه حبتك مقره
قول آمين

Quote: وليد محمد المبارك كتب: مرحب الخالة دوما نحن يا خالة شعب دوره ميت انتو شنو ؟ _____ السواي ما حداث دي يا خاله فضلت خيركم في هذا المنبر يعني مرقت في المنبر ده خرتمية مظاهرة وهمية دعمتيهن كلهن وكت مرقت الدعوه ليها بس مننا ما عجبتك !!! عموما استني وشوفي وحا نعرف منو الدورو ميت يا خاله خاصة بعد ان عرفت المعارضة الاسفيرية حجمها الحقيقي في في الشهرين الفاتو ديل _______ مقدر احباطك يا خاله لكن ما انتو البتحددوا من بره شروط التظاهر نحن هنا البحددها لو واعين تابعوها وادعموها

يا عمّك إنت مش قبل كدة قلت محمود عبدالعزيز فرق زمن ؟

وطلع لا فرق زمن ولا حاجة وطلعت إنت الفارق زمن

Quote: .. ستنجح ان توفر لها الاعلان المناسب

يعني نستعين بوسيط تي في مثلاً؟؟

ياها زاااتا البامية بتاعت امبارح



وليد تحياتي وأشواقي يا غالي

Quote: مش ممكن يكون في ابن آدم لاهمو حرية لا تعددية لا دولة مؤسسات .. همو بس الحيكومة الهبشت مرتبو دي تمش .. حنقول ليهو لأ .. وامشي أحضر ليك دورة دورتين

يا حاتم هم ما قالوا لازم تمش قالوا حسنوا لينا وضعنا ولو حسنتوه فبها .
. دي مطالب من مهام نقابات الفئات دي وما هي مطالب ثوره شعبيه .

والسؤال الموجه ليك ولي وليد
منو المانع الناس دي تمرق ؟؟
ومنو البحدد ليها متي تمرق ؟؟
ومنوالقال ما ح نساند لو طلعت الشارع ؟؟
كل القلتو انا انه الخروج البي القطاعي دا ما بعمل ثوره تجرف الانقاذ .

Quote: دي مطالب من مهام نقابات الفئات دي وما هي مطالب ثوره شعبيه

يا خالة دومة منو القال انو الحاصل في الخدمة المدنية ثورة شعبية

هي الثورة الشعبية سااااااااااكت .. عندها تفاصيل .. ودروب بتمر بيها


الحاصل انو مطالب الفيئات وكت تتجمع مع بعض بتبقى مطالب شعب
وده البادي لثورة شعبية

Quote: كل القلتو انا انه الخروج البي القطاعي دا ما بعمل ثوره تجرف الانقاذ .

الثورة ضد الانقاذ من تجربة الشهرين الفاتن واضح انها ما نجيضة لسع
عاوزه بهارات وحبة فحم

كيف حا تنجض وانت وكت يجيبوا ليك فحم بدل تلميه .. تقولي شوية الا يجيبوا الشوال كله

ياخ لمي الفحم بالملوه عندك .. لحدي ما يبقى شوال بعدين نجضي حلتك

لكن لو رجعتي كل زول بي ملوتو وقلت ليه يا تجيب شوال يا ما حا نقبل منك
حلتك دي الا تنجضيها بالشمس

Quote: ومنوالقال ما ح نساند لو طلعت الشارع ؟؟

شارع شنو يا خالة
انتو في سودانيز اون لاين دي استهترتوا بي مطالبهم

عموما يا خالة الرسالة واضحة كل زول ياكل نارو
لحدى ما الثورة دي تقوم براها منها ليها او يقضى الله امرا كان مفعولا

يا وليد يا ولدي الحله دي صدقني ما ح تنجض
ونحن ذاتنا طابور خامس
ومن اسباب عدم نجاض حلتكم دي وبقاء الانقاذ
لاننا ما قاعدين نخلي كل زول ياكل نارو.

Quote: ونحن ذاتنا طابور خامس

والله يا النسوان حركاتكم واااااااااااااااااااااااحده
هاهاهاهاهاهاهاهاهاهاهاهاها

زكرتيني امي يديها العافية
الواحد يناقشها يزنقها في النقاش
طوالي تستخدم جوكر الحردان والزعلي وتقلبن الكلام


يديك العافية يا خالة

هاهاهاهاهاهاهاهاهاهاهاهاهاهاها

ههههههههههههههههههههها يا ولي لا لا ما كلام زعل بالجد انا قاصده اننا طابور خامس
اي مغترب برسل تحويلات السودان طابور خامس .
اي زول يتزنق في عيشه وشرابه وتعليم اولاده ح يطلع الشارع لو ربطوه .
انا غايتوا رفعت يدي
اي زول ياكل نارو .

Quote: ههههههههههههههههههههها يا ولي لا لا ما كلام زعل بالجد انا قاصده اننا طابور خامس اي مغترب برسل تحويلات السودان طابور خامس . اي زول يتزنق في عيشه وشرابه وتعليم اولاده ح يطلع الشارع لو ربطوه . انا غايتوا رفعت يدي اي زول ياكل نارو .

بالضبط كدة يا خالة ...

ناس سايرة مع البشير وعايشة على الناس الطشو !!!

الواحد يقول ليك سير سير يا بشير وتسأليهو منو البدفع ليك حق الجامعة يقول ليك أخوي الكبير
تسأليهو أخوك دة شغال شنو ؟
يقول ليك مغترب !!!!!!!!

Quote: بالضبط كدة يا خالة ... ناس سايرة مع البشير وعايشة على الناس الطشو !!! الواحد يقول ليك سير سير يا بشير وتسأليهو منو البدفع ليك حق الجامعة يقول ليك أخوي الكبير تسأليهو أخوك دة شغال شنو ؟ يقول ليك مغترب !!!!!!!!

مؤسف ومحبط

بالله انت بتدفع لي اخوك حق الجامعة مقابل انو يظاهر ليك ضد البشير ؟!

يعني مشترى رائيه عديل بقروشك
انا لو محل اخوك ده .. بقول ليك وقف قروشك وببقى كوز من بكره

ده من شنو البقى بين الاخوان ديل
يا يكون رائك متل رائي
ولا بشهر بيك في الانترنت
قر قر قر قر قر قر قر قر قر

لووووووووووووووووول غايتو يا وليد غلبكم التسوهوه
دا حار ودا حرم ما بنكوي بي
انا غايتوا قررت اي زول ياكل نارو
شايفه الريس النائم صحي
وبيقول ح يحسن التعليم الحكومي
وقال الكتب مافيشه والطلبه ما لاقين كراسي يقعدوا فيها وكلام كثير
الحمد لله في الصحوه دي بس اهم شئ يكون عنده الفكه لتحسين الخربان والمايل كله
عشان لو اهلنا قالوا سير سير يا بشير يكون ليهم حق .

يا خالة

نحمد الله انو ما بقيتوا قرايبنا انت وصبري
ده شيل حال عديل كده

اها بعد الريس الصحى وكلامك ده
لموا قروشكم عليكم ... اشتروبيها جنسيات واقعدوا قبلكم
مالكم مالنا

هاهاهاهاهاههاا

بيني وبينك يا وليد الحكومه دي اتوفرت ليها فرصه ذهبيه لكين يا خساره ما استثمرتها
ما فكروا ابعد من ارنبه انوفهم ابدا
وستدور عليهم الدوائر
اسه لازم نحن نضغط وانتوا تضغطوا عشان الحال ينصلح .
لو سكتوا ونحن استمرينا نكون طابورخامس تاني ح ينوموا .

Quote: مؤسف ومحبط بالله انت بتدفع لي اخوك حق الجامعة مقابل انو يظاهر ليك ضد البشير ؟! يعني مشترى رائيه عديل بقروشك انا لو محل اخوك ده .. بقول ليك وقف قروشك وببقى كوز من بكره ده من شنو البقى بين الاخوان ديل يا يكون رائك متل رائي ولا بشهر بيك في الانترنت قر قر قر قر قر قر قر قر قر

يا عمّك دة شنو دة المسكت الكلام وشقلبتو ومسَّكتني ضنب الككو ؟!

يا عمّك قصدي واضح وهو كثير من الناس القاعدة في البلد عايشة على الناس الطشّت والناس الطشّت دي طشّت لأسباب منها العطالة يعني مافي وظائف ...
ومنها سوء الحياة المعيشية وعشان تعيش ناس غيرها ما قادرة تعيش ...

طيب في نوعية ضحّت واغتربت لأجل الناس التانين لأنو الشغل في البلد ما جايب حقو ...
يقوم الزول الإنت بتعيش فيهو يقول ليك سير سير يا بشير ...

طيب ممكن يقنعني إنو ساير مع البشير عشان شنو ؟! والبشير ما قادر يوفّر ليهو التعليم المجاني والعلاج المجاني ويوفّر ليهو احتياجاتو المعيشية ...
باختصار الحاجات الما قادر البشير يوفّرها ليهو دي سبب هجرة الزول البعيش فيهو !!! فالحين بس لي رسّل لي المصاريف ورسّل لي لابتوب وآي فون وآخر جدعة وووووو

ولاّ الحكاية إعلام ورقيص والشروق مرّت من هنا ؟!

Quote: عمّك دة شنو دة المسكت الكلام وشقلبتو ومسَّكتني ضنب الككو ؟!

حي انا
ما قلتو نوبة

Quote: يا يكون رائك متل رائي ولا بشهر بيك في الانترنت

تعال تعال هنا يا حبيب دا كلام شنو؟؟
ما مشهرين ب زول محدد دا كلام عام
البشير وحكومته دي ما عندها اثر مباشر علي حياتنا نحن شايلين الوجعه معاكم
وكت انتوا شايفين البشير حلو وحكومته تمام
نحن محبه ما علينا مبسوطين ليكم 24 قيراط
البشير كعب وحكومته سجمانه شوفوا طريقتكم معاه.

Quote: حي انا ما قلتو نوبة

يا عمّك أنا كتبت كلام عام ...
ما قلت قاعد أرسّل لي أخوي ...
لأنو أصلاً ما عندي أخو هسي بقرأ في الجامعة ولا حصل صرفت لي على أخو في الجامعة ...

واحتمال تنطّ لي في حلقي وتقول لي جبت الكلام دة من وين ؟
حأقول ليك من المغتربين العايش وسطهم وعرفت منهم البير وغطاها ومن قرايبي الشايفاهم عيوني ...

لو الكلام دة ما صحيح قول ما صحيح ...
وفي الحالة دي حأقول ليك نوبة وفراعنة عديل كدة !!!

Quote: لموا قروشكم عليكم ... اشتروبيها جنسيات واقعدوا قبلكم مالكم مالنا

لووووووووول اي انا شخصيا ح المها علي وح اشتري لي جنسيه
.واصلا قررت اقعد قبلي وادفن قبلي يا خوي قبور هنا سمحه تقول جنينه بس .

انت قايل الجنسيه السودانيه في عهد الانقاذ دي حسنتها شنو ؟؟
غير تعذب الزول عذاب الله اكبر
في مطارات معظم الدول يسالونا سؤال نكير
نجيكم زياره ناس شئون المغتربين يسالونا سؤال نكير
وفيها حليفه مصحف كمان .

متابع وعامل غمران لكن ما مشكله اكب الطَـلس كلو وبرجع أغمر تاني

Quote: الناس ديل لما طلعوا الشارع كان مطلبهم واحد وبس هو ذهاب النظام لانهم قنعوا من اي اصلاح من غير اي مطالب فئويه .

الإصلاح هو الغاية ومن الممكن الوصول لها بالضغط على النظام والمطالبة والخروج من أجل الإصلاحات او بالمطالبة والخروج من أجل التغير في حال يئس الشعب من رغبة الحكومة في الإصلاحات، لكن ما لم تتكون قناعة لدى الشعب بأن إسقاط النظام سيقوده للإصلاح وتحسن الأوضاع لن يخرج أحد من أجل تغير النظام








يا شفت بالنسبه لموضوع الواحد من مايو سنة كم تحديدا ؟؟؟

الزول السمي القروش الضحاكات ما كضب
من قالوا ليهم ح يصرفوا ليكم الحافز
الجماعه نزلوا الرايات

ما قلت ليك دوركم ميت يا وليد

في مثل بيقول
الاضينه دقوا واتعذرلو.

Quote: من قالوا ليهم ح يصرفوا ليكم الحافز

الخبر الجميل ده جبتيه من وين يا خاله ؟


لو عملت الانقاذ كده قبل ما تستلم المعارضة الملف ده
الموضوع مستحمي بالنسبة لثورة

جبتوا من اضابير البورد دا اقيف النفتشوا ليك وعمك الكباشي طوالي نزل الرايه

الحكومه في دور التعذر يا ولدي بعد دق 21 سنه .

Quote: أكد د. عبدالرحمن الخضر والي الخرطوم صرف منحة الرئيس مع راتب مارس لتنتظم بعد ذلك وتصرف مع الراتب شهرياً. وأعلن الخضر في مؤتمر صحفي بحضور معتمدي محليات الولاية ، عن إنهاء عمل جميع اللجان الشعبية بالولاية بعد إنتهاء أجلها، وأضاف أن إنتخابها سيكون فى غضون شهر وفق القانون عبر إجتماع يدعو له معتمدو المحليات. وقال إنه تم تكليف الضباط الثلاثة لتسيير أعمال اللجان لحين إعادة إنتخابها، مؤكداً أن الإنتخابات ستكون حرة والترشح مكفول لكل شخص بغض النظر عن لونه السياسي. وأشار إلى أن عدد اللجان الشعبية بأحياء الولاية بلغ (1640) لجنة، وأشار إلى بداية إنتخابات المجالس التشريعية للمحليات عقب إنتهاء إنتخابات اللجان، وقال إن الولاية بذلك تكمل الكليات المنتخبة كافة. وأشار الخضر إلى أنه بعد المراجعة الأولية اتضح أن هناك بعض الرسوم طرأت عليها زيادات. وأعلن عن تكوين لجنة للمراجعة ستفرغ من أعمالها خلال أسبوع واحد، وقال إن المبدأ الأساسي هو إلغاء أية زيادة في الرسوم، على أن تكون رسوم العوائد هي نفس رسوم العام الماضي، وشدد الوالي على منع إستخدام الشرطة فى التحصيل، وأقر الوالي بأن أداء مرفق النظافة دون المستوى المرجو

من بوست لفرانكلي ما عرفت انقل الرابط

يا خالة
انت ما مركزة

البوست ده ما عن المية جنيه
نحن صفناها


بالنسبة لي انا صرفت المية جنيه حقت الرئيس
وتم خصم 850 جنيه قصادها

يعني الفاقد بعد منحة الرئيس 750 جنيه

Quote: يا خالة انت ما مركزة البوست ده ما عن المية جنيه نحن صفناها بالنسبة لي انا صرفت المية جنيه حقت الرئيس وتم خصم 850 جنيه قصادها يعني الفاقد بعد منحة الرئيس 750 جنيه

طيب يا وليد انتوا مظاهرات شنو المنتظرنها???!!!!! ما تطلعوا من غير اعلان مظاهرات
الناس ديل حقارين عديل كدا