Post: #26 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-01-2011, 03:20 AM Parent: #12
عمر يا عمكـ .. والله ما عرفنا الجبونقا حاول تفتح لينا في الموضوع دا شوية يا عمكـ
تسلم ياخ وتحياتي
Post: #94 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Omer A. Ibrahim Date: 04-05-2011, 05:33 AM Parent: #26
تسلم يا محمد الظاهر عليك خرتومي ساكت كدي اسال ليك واحد دارفوري وبوريك نطقها ومعناها لكن ما تسال عيال اليومين ديل - لانهم ما حيكونوا عارفين. نرجع للموضوع : في دارفور وعندما يرفض الاهل الزوج المتقدم - يتفق مع البنت ويهربوا من المنطقة - وطبعا العادة اندثرت ولكن بقي المثل هو الشاىع
جبونقا اتفاق ويطلق المثل عندما يخطط اثنين لكي يقوموا بعمل معين
Post: #4 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: عبدالمجيد الكونت Date: 03-30-2011, 06:25 PM Parent: #2
الليله والله الا تبيت في المزاحمية انا وراك وراك يا تنسخها يا تديني ليها
Post: #5 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Nasr Date: 03-30-2011, 07:15 PM Parent: #4
البت دي أظنها عترت ليها في منجم ذهب في عتمور الفلكلور السوداني لله درها لي قدام ومنتظرين منها كثير
Post: #6 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Hassan Makkawi Date: 03-30-2011, 07:42 PM Parent: #5
Quote: فندرية
غايتو الفندر فيكم فندر والمافندر فيكم
_____________________
تقبلة رب العرش بوافر الرحمة
Post: #7 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: mohmed khalail Date: 03-30-2011, 08:12 PM Parent: #6
Quote: في العربية!!
القناة!!!!
يطرشني
Post: #8 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Abd Alla Elhabib Date: 03-30-2011, 09:11 PM Parent: #7
Post: #9 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: ABUHUSSEIN Date: 03-30-2011, 09:27 PM Parent: #8
Quote: الأغنية دي شغالة تلاتة يوم (رِبيت) في العربية!!
و إنت ليك تلاتة يوم في العربية...؟؟؟؟
.
Post: #10 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: طلحة عبدالله Date: 03-30-2011, 09:33 PM Parent: #9
ياخ نانسي دي كملتوها عديل وما فضلتو فيها حرف القاف .. المنبر كلو نانسي نانسي أها أشبعوا بيها وما تنفعكم ياخ . يتبع ...
Post: #11 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Hadeer Alzain Date: 03-30-2011, 10:05 PM Parent: #10
Quote: نانسي عجاج .. لو ما كلام الناس أموت ويدفنوني قدام شركة الشل!!
والعنوان مالو مشاتر كدا ؟!! وما هي شركة الشل هذه يا هذا
كان يجب عليك أن تكتب وتقول
لو ما كلام الناس أموت ويدفنوني في مقابر فاروق أو لو ما كلام الناس من بيتكم ما بقيف
وأنا أقول غاتس وين!! أتاريك!
حاجة روعة شديد والله شكرآ لك وللبنت الذهبية نانسي
Post: #13 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: الخير محمد عوض Date: 03-31-2011, 04:48 AM Parent: #11
يا حبوب زماااااااان قلت ليك دا صوت جانح صوب الجمال وصوت مكرب وفلتة ومافي زيو لا في سودانا دا ولا في عالمنا العربي كلو..... قلت الخير عاصر علي باللوتري ههههههه
المهم انا حاسي انك لو لي هسي ما اقنعك كلامي اقلاها بقول ان في اصح واول عتبات الجمال في سلم الاليقة ذات الصوت العذب نانسي.
Post: #14 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Mamoun Ahmed Date: 03-31-2011, 06:15 AM Parent: #13
بهذه الاغنية ترتفع نانسي عجاج درجات في الفن!
التقاط هذا اللحن الجميل من بحر فنون السودان الضخمة وتقديمه للعالم دا نجاح اول
تطوير اللحن وتقديمه بطريقة عصريه
دا نمرة اتنين
استخدام الطمبرة كخلفية متحركة وايقاعية في آن! دي معالجة ورؤية فاهمة عديل واعتراف ورد جميل لهذا (العنصر) النادر مثلة في موسيقي العالم كله!
البساطة في الاضافات الموسيقية والابتعاد عن (البهرجة الفارغة) دي ما بعملا الا زول فاهم في الفن زاتو!
اما اداء وصوت ناسي فموجه ومطوع لتوصيل الحال او (المناخ) الحزين وال (الحنين) في مضمون الاغنية
-----
طيب.. دا كلو كلام انطباعي.. والله كتبتو قبل ما اكمل الاستاع للاغنية لانو الرساله والقيمة وصلت من بدايه الاغنية وبالطبع دا مؤشر ذو قيمة عالية
وكدا نانسي طمنتنا عليها كفنانة حقيقية لانو كنت خايف عليها من نجاحات البداية ومواجهة السؤال العتيد في الفن: ثم ماذا بعد..
ومع الطريق المسدود الذي وصلت اليه الاغنية السودانية بتاعت ام درمان (تقرأ بتاعت الاذاعة مثلا) ممكن جدا تطوير الاغاني والالحان من الاقاليم المختلفة وتشيكل طوق طفرة وخروج للمرحومة الاغنية السودانية يعكس بصدق وجوه التنوع في فنون السودان
شكرا نانسي ومن معها في هذا العمل وكذلك صاحب البوست
Post: #66 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 10:25 AM Parent: #14
Quote: الليله والله الا تبيت في المزاحمية انا وراك وراك يا تنسخها يا تديني ليها
الكونت يا عمكـ .. إنت عارف النسخ دا ماف ليهو طريقة! فزي ما أخوكـ دبّر عمروا وجاب نسخة أصلية اتصرّف إنت كمان!!
Post: #67 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 10:26 AM Parent: #14
Quote: البت دي أظنها عترت ليها في منجم ذهب في عتمور الفلكلور السوداني
نصر يا حبيب .. فعلا الفلكلور منجم من ذهب المشكلة حاجات زي دي لو ما الناس وثّقت ليها ياهو الاندثرت وبقت نسيا منسيا!!
تحياتي وشكرا يا عمكـ
Post: #68 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 10:27 AM Parent: #14
Quote: غايتو الفندر فيكم فندر
أوووو عمكـ حسن مكاوي! ياخ إن شاء الله إنتو كويسين؟ يعلم الله متلومين .. لكن التلفون ليهو رافع!!
_ تفندرنا بنعمة من الله!
Post: #69 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 10:28 AM Parent: #14
Quote: القناة!!!!
أبو سامي .. القناة اليومين ديل ما فيها إلا الراجمات!! فـ إلا نعمل ليكم استلاب ثقافي ونقول (السيارة)!!
Post: #70 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 10:38 AM Parent: #14
Quote: أسمع واستمتع والله يعــــينك ..
عبد الله يا حبيب .. وين الناس ياخ؟ طولت الغيبات إنت وناتاشا زاتا! الحاصل شنو؟
فعلا يا عمكـ .. أعان الله!!
Post: #71 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 10:39 AM Parent: #14
Quote: و إنت ليك تلاتة يوم في العربية...؟؟؟؟
غايتو الواحد اكتشف إنو كسر الأصبع ببقي الزول زريف!!
Post: #72 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 10:40 AM Parent: #14
Quote: يتبع ...
هي فضلت فيها متابعة يا طلحة! الموضوع كم يا حبيب .. قفلت عميا!!
Post: #73 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 10:42 AM Parent: #14
Quote: والعنوان مالو مشاتر كدا ؟!! وما هي شركة الشل هذه يا هذا
تعرفي يا شغيغة .. المشاترة دي لازم تحصل بعد ما دوزنت نانسي أوتار الفلكلور المطوية!!
_ شفتني وأنا بتاع تنظير!!
_
Quote: وأنا أقول غاتس وين!! أتاريك
والله الغتسة ياها الغتسة .. علا الواحد بسلّي طريقو!
Post: #75 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 10:54 AM Parent: #14
Quote: يا حبوب زماااااااان قلت ليك دا صوت جانح صوب الجمال وصوت مكرب وفلتة ومافي زيو لا في سودانا دا ولا في عالمنا العربي كلو..... قلت الخير عاصر علي باللوتري ههههههه
الخير يا عمكـ .. هسي زاتو عصرت علينا شوية
الأغنية دي مميزة من نواحي كتيرة يا عمكـ الأولى إنها فلكلور وفيها ريحة الوطن فايحة .. ونانسي أدت الأغنية بطريقة سلسة وصّلت (الفيلينق) كويس جدا جدا!!
_ اللوتري باقي عليهو كم آآزول!!
Post: #76 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 10:57 AM Parent: #14
Quote: شكرا نانسي ومن معها في هذا العمل وكذلك صاحب البوست
شكرا ليكـ إنت دا يا مأمون على الإضافة وتوصيل الكلام البعبّر عني برضو بصورة مقعّدة وجميلة! تحياتي ياخ!
Post: #15 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد خليل ساني Date: 03-31-2011, 09:12 AM Parent: #1
ودي فوتوها ليك كيف يا جميل غايتو بت الشيخ دي ما شايفه شغلها ،،،
Post: #16 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: عبدالله ود البوش Date: 03-31-2011, 10:44 AM Parent: #15
قلت اسمع بعيوني ولبعدين باللضنين لقيت روحي شقي ومجنون . . الليل البشيل الناس بشيلو هموم . . مالك يا زول تاني وجع الضرس هبشك الكمون اقع الكمون بالكمدة والرمدة
Post: #17 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Mustafa Mahmoud Date: 03-31-2011, 11:06 AM Parent: #16
لكل من يحب الجمال
التحية لود الصائم
Post: #18 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: singawi Date: 03-31-2011, 11:23 AM Parent: #17
يعني الجديد شنو
ساحرة ومبدعة ومدهشة كالعادة ولو ما كلام الناس ..... بوضح الإحساس
غايتو ذكرتني صوت امي الحنييييين وهي تهدهدني قبل الفطام
Post: #19 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد يوسف الزين Date: 03-31-2011, 11:29 AM Parent: #18
يا باكمبا.. حالتك اخير من فيصل نوبي غايتو
وانما صديقكم عمر الفاروق ربنا يطراهو بالخير محض "حاسد"
____________ مشتاقين
Post: #20 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد على طه الملك Date: 03-31-2011, 11:59 AM Parent: #19
والله يالحبيب البنيه دي من يوم مسكت المكرفون وقالت اف اف عرفت حيكون ليها شأن.. بالمناسبة الخلفية دي عندنا في البلد معروفه ب (الهمبى ) .. وكانت بتصحب بعض الاغاني الشعبية في كل مناسبات الافراح .. بس أظنها اختفت الآن.
Post: #21 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: معاوية عوض الكريم Date: 03-31-2011, 12:12 PM Parent: #20
احب اغانيها جت !
Post: #51 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: haroon diyab Date: 04-01-2011, 10:16 PM Parent: #21
ياسعادة السناتور
Quote: احب اغانيها جت !
جت معناها عند الاخوة الخليجيين
برسيييييييييييييييييييييييم
Post: #78 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 11:28 AM Parent: #51
Quote: ودي فوتوها ليك كيف يا جميل غايتو بت الشيخ دي ما شايفه شغلها ،،،
ساني يا حبيب .. بت الشيخ شنو في الطيران من 32 دا!! لكن بيني وبينكـ .. حارة ياخ!
دع لهم الطيران في الكرة .. ولنا الطيران في الغُنا!!
Post: #96 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد خليل ساني Date: 04-05-2011, 09:21 AM Parent: #78
Quote: دع لهم الطيران في الكرة .. ولنا الطيران في الغُنا!!
آآآآآآآآآآآآآي والله حليلهم والله راح يوحشونا
Post: #79 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 11:29 AM Parent: #51
Quote: الكمون اقع الكمون بالكمدة والرمدة
ود البوش يا حبيب ما أظن بيفيد! الموت بس .. الموت فغط ولا غير!!
Post: #80 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 11:31 AM Parent: #51
Quote: لكل من يحب الجمال التحية لود الصائم
شكرا يا دكتور مصطفى ولكـ التحية بأفضل منها يا حبيب
Post: #81 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 11:46 AM Parent: #51
Quote: يعني الجديد شنو
الجديد يا سنجاوي إنو مرقت الأغنية دي من حتة غرييييقة! يعني لو ما غنتا نانسي هل تتوقع ممكن تقع تحت أضانكـ في يوم من الأيام؟ بالنسبة لي ما أظن .. ياهو فرصة الواحد سمع حاجة من تراثو ما كان سامع بيها قبل كـدا!!
باقي كلامكـ ما فيهو جديد فعلا
Post: #98 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: singawi Date: 04-06-2011, 12:36 PM Parent: #81
ود الصايم
صدقت والله نكتت الجمال دا ومزجتو بي بصمتها وطشمتناعدييييل كدا ويديك الفي مرادك ياخي .. أجر المناولة وكدا
تحياتي
Post: #82 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 11:49 AM Parent: #51
Quote: يا باكمبا.. حالتك اخير من فيصل نوبي غايتو
عابد ود الزين! نوبي شنو ياخ .. داكـ ما بفرز!
الأغنية دي بالذات لقيتا خاشة جوه الواحد توووش من أول مرة أسمعا .. بعكس باقي كل أغنيات الألبوم!!
Post: #83 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 11:53 AM Parent: #51
Quote: بس أظنها اختفت الآن.
محمد طه يا ملكـ .. دا الكلام الغلط! أهـو نانسي عملت حاجة ومرقت ليها تراث من تحت التراب! ليه ما يكون في مشروع متكامل يرجع التراث دا لوضعه الصحيح؟
_ الهمبي دا لُب زاتو!!
Post: #84 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 12:06 PM Parent: #51
Quote: احب اغانيها جت !
عارفكـ يا معلم .. آآبتفرز!!
Post: #85 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 12:09 PM Parent: #51
Quote: جت معناها عند الاخوة الخليجيين
دياب يا عمكـ إتا شايفنا قاعدين في خليجيين ضوط كوم؟ جت هنا تعني عدم الفزر تماما .. أخينا في الله معاوية بيلُخ أي حاجة!!
Post: #22 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: بشير دفع الله Date: 03-31-2011, 12:17 PM Parent: #19
تلاته يوم و في العربيه ؟؟
هو انت شغال شنو ؟؟
و برضو مشتاقين ..
ت
Post: #23 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: كمال ادريس Date: 03-31-2011, 12:27 PM Parent: #22
بوست ملياااااان حلوين شكرا ياحلو
Post: #24 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: عبدالله ابوشوارب Date: 03-31-2011, 02:43 PM Parent: #23
شـــكرا للمرهف ودالصايم
شـــكرا للمبدعة نانسي
بالامس القريب حدثني الاخ تبارك شيخ الدين عن هذه الاغنية
كم كان معجبا بسهولة الكلمات وبساطة اللحن ودفء الصوت
لم يسمعني اللحن بل تركتني متلهفا لسماعه
جلست طوال الليل ابحث عن تلك الاغنية ولم اجدها
وفي الصباح وعندما فتحت اول بوست فاجأني الاخ الشفيف ودالصايم باللحن
شكرا مرة اخري ودالصايم
YOU MADE MY DAY
Post: #25 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: حبيب نورة Date: 03-31-2011, 03:13 PM Parent: #24
صراحة غنية نااااار
Post: #27 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: سارة علي Date: 04-01-2011, 04:30 AM Parent: #25
طبعا انا متفاجئة جدا .. جدا
_______ اول مرة أتم ليها اغنية ..وباستمتاع كمان واول مرة ما تدلع الغنا....فرق فرق فرق كبير
Post: #28 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: omer osman Date: 04-01-2011, 05:06 AM Parent: #27
Quote: اول مرة أتم ليها اغنية ..
فاتك خير كتيييير خلاس ياسارة ...
ارجعي اسمعي اغانيها القديمة تاني ...
Post: #29 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Yasier Elsayed Date: 04-01-2011, 05:24 AM Parent: #28
ياتو محطة للدفن ولا الرئاسة
زوقك موت
Post: #86 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 01:22 PM Parent: #29
Quote: تلاته يوم و في العربيه ؟؟ هو انت شغال شنو ؟؟
البشير يا عمكـ .. شغلنا خليهو ساي! مايديكـ نفس تسمع حاجة إلا في العربية!!
_ بالأكتر والله!
Post: #87 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 01:25 PM Parent: #29
Quote: بوست ملياااااان حلوين
تسلم يا كيمو يا حبيب! رغم إنو سيد البوست ما شاف الحلاوة بي عينو!!
Post: #88 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 01:29 PM Parent: #29
Quote: بالامس القريب حدثني الاخ تبارك شيخ الدين عن هذه الاغنية كم كان معجبا بسهولة الكلمات وبساطة اللحن ودفء الصوت
أبو شوارب يا حبيب غايتو أول مرة تباكـ يدي زول النجيضة
فعلا أغنية مميزة جدا في الألبوم تحياتي يا حبيب
Post: #89 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 01:29 PM Parent: #29
Quote: صراحة غنية نااااار
كلام نجيض يا حبيبو أغنية نار وأداء نار فتحت طريق إن شاء الله تمش فيهو!
Post: #90 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 01:31 PM Parent: #29
Quote: اول مرة أتم ليها اغنية ..وباستمتاع كمان واول مرة ما تدلع الغنا....فرق فرق فرق كبير
سـرور .. الأغنية صراحة مريحة جدا وبتخش في الزول توووش!
Post: #91 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 01:31 PM Parent: #29
Quote: ارجعي اسمعي اغانيها القديمة تاني ...
أهو يا جنابو .. زي ما بتقول القديمة! في بعض الأغاني صراحة نانسي محتاجة تعيد النظر فيها أو في طريقة تنفيذها أو طريقة الأداء!
تحياتي يا عمكـ
Post: #92 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-04-2011, 01:32 PM Parent: #29
Quote: ياتو محطة للدفن ولا الرئاسة
أبو اليُسر يا عمكـ .. بعد الشغل دا أي دفن ما بفرق معانا كتير!!
Post: #30 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: القلب النابض Date: 04-01-2011, 05:28 AM Parent: #28
same same Wad al-Sa'm
for 2 days my PC never stop Andaria , ham ham
Post: #31 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: خليفة موسى حمدان Date: 04-01-2011, 06:07 AM Parent: #30
السلام عليكم ورحمة الله
هذا تراثنا يا ودالصايم لقد قلتها من قبل ان هذا التراث لوجد طريقه الى أذان المستمعين سوف لن تشبع منه بطون أذانهم لو للاذان بطون ..
مبدعة نانسى وادت الاغنية كمالو انها مننا والينا.. الزراعنك فى الصريف بسقيك بلا خريف كما الصبر تكليف من بيتكم ما بفيق *********** حلاوة القرطاس الفى الخشيم تتماص (اى بمعنى تذوب بسرعة) لو ما كلام الناس برحل معاك خماس .. (خماس هذه تبقى حلتنا عديل كدة ) ********* بنشلع ونبنى ما تقولوا عاجبنى همك ضاربنى وتفسيرك غالبنى ****** اللورى جاء منقل شاحن قزاز الخل اموت ويدفنونى قدام شركة شل
بس الكورس ما اصلى .. لابد من تحديث لهذه الاغنية لان هذا تراث لابد ان يؤدى كما ينبغى ....
تراث دار حمر ... كردفان الغرة
Post: #32 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: omer osman Date: 04-01-2011, 06:23 AM Parent: #31
Post: #99 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-09-2011, 08:22 AM Parent: #32
Quote: for 2 days my PC never stop Andaria , ham ham
سلام يا قلب .. وهلكتي الـ PC هلاكـ ياخ! الأغنية صراحة تستاهل ونانسي اتوفّقت فيها!!
Post: #100 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-09-2011, 08:24 AM Parent: #32
Quote: بس الكورس ما اصلى .. لابد من تحديث لهذه الاغنية لان هذا تراث لابد ان يؤدى كما ينبغى
خليفة يا عمكـ شكرا يا حبيب على الإضافة الجميلة أنا برضو لاحظت شوية طبزات كـدا للكورس من ناحية سماعية عادية طبعا لأنو دي أول مرة أسمع الأغنية فما عندي الخلفية المفروض تكون عليها في الأساس .. وبرضو تُشكر نانسي على إخراجها ونتمنى إنها تكون عتبة أولية في عودة الأعمال التراثية الجميلة دي
تسلم يا عمكـ
Post: #101 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-09-2011, 08:24 AM Parent: #32
جنابو .. شكرا ياخ .. ما قصّرت تب
Post: #33 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: osman righeem Date: 04-01-2011, 06:24 AM Parent: #31
وانا اعلن كامل انضمامي لثورة الشباب بقيادة اندريا 2011
بنت الوز عوام
Post: #34 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: saadeldin abdelrahman Date: 04-01-2011, 07:29 AM Parent: #33
ود الصايم دخل الغابة متين ؟
---------------
يا أخوانا الخلفية الصوتية بتاعت الشباب ديل هل دي هي الطمبرة ست الإسم؟ زي ما قال أخونا مامون أحمد ده فوق. عمري ده كلو قايل الطنبرة و الطنباري مشتقة من طنبور
Post: #103 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 08:22 AM Parent: #34
Quote: وانا اعلن كامل انضمامي لثورة الشباب بقيادة اندريا 2011
حبابكـ أبو رغيم في ميدان تحرير البورض!!
Post: #104 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 08:23 AM Parent: #34
Quote: ود الصايم دخل الغابة متين ؟
يا زول غابة ساي .. غابة وسلاح كمان! ما شايف الموت اللحمر دا؟
Post: #35 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Hani Arabi Mohamed Date: 04-01-2011, 07:38 AM Parent: #33
cc:
الهندي عز الدين
Post: #36 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: عماد الدين عبدالله Date: 04-01-2011, 08:01 AM Parent: #35
شكرا ود الصائم فدائما تاتينا بكل ما هو جميل ورائع
نزلنا الاغنية في الموبايل واستماع واستمتاع دائم
تحياتي واحترامي
Post: #37 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: آدم صيام Date: 04-01-2011, 08:34 AM Parent: #36
Quote: والله يالحبيب البنيه دي من يوم مسكت المكرفون وقالت اف اف عرفت حيكون ليها شأن.. بالمناسبة الخلفية دي عندنا في البلد معروفه ب (الهمبى ) .. وكانت بتصحب بعض الاغاني الشعبية في كل مناسبات الافراح .. بس أظنها اختفت الآن.
تطوير اللحن وتقديمه بطريقة عصريه
دا نمرة اتنين
استخدام الطمبرة كخلفية متحركة وايقاعية في آن! دي معالجة ورؤية فاهمة عديل واعتراف ورد جميل لهذا (العنصر) النادر مثلة في موسيقي العالم كله!
البساطة في الاضافات الموسيقية والابتعاد عن (البهرجة الفارغة) دي ما بعملا الا زول فاهم في الفن زاتو!
اما اداء وصوت ناسي فموجه ومطوع لتوصيل الحال او (المناخ) الحزين وال (الحنين) في مضمون الاغنية
شكرا مامون وده حالتو ماكملت الغنيوة شرّحها بالله بعد تسمعها وتشرب القهوة وتعدل طاقيتك الحمراء
ود الصايم شكراً على الربة الفريدة
يا أخي بدل تحلل لينا الأغنية والأداء والأدوات تلصق الغنية وتعمل فيها الفنان ظاتو! اشتغل شغل مجود يا أخي، إنت قايل دي محاسبة!
نانسي دي لو قامت كده نفضت أغاني التراث المجهول بين الجخانين والله تاني تلحقوها قال(تفهموا غناها بس) إلا في الثريا كان حصلتوا منطاد!
Post: #38 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: ناصر احمد الامين Date: 04-01-2011, 10:30 AM Parent: #37
يا سلاااااام يا ود الصايم ياخي اضانك بقت شفيفة و انتقائية يا مان
اشكرك علي توصيل الابداع
Post: #39 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: نجلاء قرافي Date: 04-01-2011, 11:51 AM Parent: #38
اغنيه فرز اول
ــــــــــــ مناسبة الاغنيه اغنيه اتكتبت في واحده من بنات شركة شل
ودالصائم جننتنا جن
Post: #40 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: ABUHUSSEIN Date: 04-01-2011, 12:09 PM Parent: #39
يا الزارعنك في الصريف أندريه.. بسقيك بلا خريف كان ما الصبر تكليف اندريه.. من بيتكم ما بقيف حلاوة القرطاس اندريه.. يا الفي الخشيم تتماص لو ما كلام الناس اندريه .. برحل معاك خماص نشلعه ونبنيه أندريه.. وما تقولوا عاجبني همك طاردني اندريه ..تفسيرك غالبني القمري قوقا وطار اندريه .. خلاني للافكار خلاني للافكار اندريه .. بالكبري قوقا وطار اللوري جا منقل اندريه.. وشايل قزاز الخل اموت ويدفنوني اندريه.. قدام شركة الشل
.
Post: #41 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-01-2011, 12:29 PM Parent: #40
شكرا ليكم كلكم والله وبجيكم واحد واحد بجيّهكم تب! إضافات ثرّة وجميلة زادت من روعة الأداء لنانسي
الأغاني التراثية دايما
Post: #42 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Hadeer Alzain Date: 04-01-2011, 03:50 PM Parent: #41
Quote: لو ما كلام الناس أموت ويدفنوني قدام شركة الشل!!
Quote: اموت ويدفنوني اندريه .. قدام شركة الشل
Quote: مناسبة الاغنيه اغنيه اتكتبت في واحده من بنات شركة شل
الآن أنا فهمتكم يا سيدي! الآن أنا فهمتكم!
_
Post: #43 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: عليش Date: 04-01-2011, 04:14 PM Parent: #42
ودالصايم... ماجاك احساس انو نانسي بتغني فيها بي مشاط ومساير ولابسه خلخال في رجلها اليمين... صور جميله.. ليك وليها الف تحيه... يادوب نانسي مسكت الدرب الصعب... بالتوفيق...
Post: #106 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 10:26 AM Parent: #43
Quote: cc:الهندي عز الدين
هاني يا عربي .. اعتبر الـ Cc بتاعكـ وصل!!
Post: #107 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 10:26 AM Parent: #43
Quote: شكرا ود الصائم فدائما تاتينا بكل ما هو جميل ورائع
الشكر لله يا عمدة .. واستمتع بالخدمة يا حبيب
Post: #108 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 10:31 AM Parent: #43
Quote: يا أخي بدل تحلل لينا الأغنية والأداء والأدوات تلصق الغنية وتعمل فيها الفنان ظاتو! اشتغل شغل مجود يا أخي، إنت قايل دي محاسبة!
والله يا آدم يا عمكـ .. التجويد عندما ياهو نسمع النضيف دا! علاقتي بالكلام التحليلي بتاع الغنا دا أخير منها علاقتي بالإنجليزي!!
الأغنية الجبتها دي يا عمكـ برضو من الحاجات العملت فيها نانسي شغل نضيف .. وسمح بالحيل .. وياهو نتمنى كل حاجاتا تطلع بالطريقة دي ولو مشت في درب التراث دا تكون كّملت القضية!
تسلم يا عمكـ
Post: #109 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 10:32 AM Parent: #43
Quote: اضانك بقت شفيفة و انتقائية يا مان
ناصر يا عمكـ الحمد لله ياخ نحن وصلنا المرحلة دي .. إنتو ح تصلوا متين؟
Post: #110 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 10:33 AM Parent: #43
Quote: مناسبة الاغنية أغنيه اتكتبت في واحده من بنات شركة شل
نجلاء يا قرافي .. شنو ياخ ترمي لينا طرف الخيت وتقومي جارية؟
تعالي كلمي في الكلام الطاعم دا!!
Post: #111 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 10:34 AM Parent: #43
Quote: اموت ويدفنوني اندريه.. قدام شركة الشل
جمعا يا أبو حسين يا عمكـ وشكرا ياخ على توضيح المفردات بس صلّح لينا (خماص) دي!!
Post: #112 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 10:34 AM Parent: #43
Quote: الأغاني التراثية دايما
محمد الصايم يا عمكـ .. ما جبت جديد!!
Post: #113 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 10:35 AM Parent: #43
Quote: الآن أنا فهمتكم يا سيدي
هدير يا شغيغة .. لسع ما فهمتي .. آيم شووور
Post: #114 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 10:36 AM Parent: #43
Quote: ماجاك احساس انو نانسي بتغني فيها بي مشاط ومساير ولابسه خلخال في رجلها اليمين
عليش يا عمكـ .. كلام صحيح .. وزيادة عليهو كمان تخيل بقية مناظر الأغنية والطبيعة والخريف وإييييكـ!
Quote: يادوب نانسي مسكت الدرب الصعب...
ويا ريت تكمّل فيهو!
Post: #44 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Yasir Aloob Date: 04-01-2011, 04:34 PM Parent: #40
ود الصايم سلام الغنية دى ذاته لمن تخش الاضان بتتماص فى باقى الجسم ذى عصير المنقة فى فطور رمضان.
يا ود الصايم لو ما كلام الناس كان سميتك اندرية
Post: #45 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: كمال علي الزين Date: 04-01-2011, 05:18 PM Parent: #44
(*)
طيب ماهو طلعتا بتفهم ..
Post: #46 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: singawi Date: 04-01-2011, 07:14 PM Parent: #45
الأخ خليفة موسى حمدان والأحباب المشاركين
سلام وكلام
Quote: هذا تراثنا يا ودالصايم لقد قلتها من قبل ان هذا التراث لوجد طريقه الى أذان المستمعين سوف لن تشبع منه بطون أذانهم لو للاذان بطون ..
في تراث كردفاني حيرني اندريا دا ... إيه قصة اندريا .. وهل هو موجود في اصل الأغنية وبرضو بسأل هل لكلمات الأغنية بقية
تحياتي
Post: #47 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: عبدالله ود البوش Date: 04-01-2011, 07:50 PM Parent: #46
ود الصايم كتلتني وعافي ليك والله
Post: #48 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Faisal Salih Date: 04-01-2011, 09:48 PM Parent: #47
شكرا يا ود الصايم وفعلا والله اتضح إنك كويس...وموش بطال، يمكن يجي منك
الكورس اصلي جدا، وهي فرقة حمرية عديل قامت بعمل الهسيس والطمبرة مع إيقاع الجراري وعندما اقامت نانسي حفل تقديم هذا الالبوم اعتذرت عن عدم تقديم هذه الأغنية حية (لايف) لان الفرقة التي اشتغلت معها العمل لم تكن موجودة ووعدت بتقديمها على المسرح بعرض كامل بالآلات والأزياء سالت عن اندرية، ولم أجد تفسيرا واضحا عن منبع الاسم، لكن قيل ان البنت في تلك المناطق، كما في مناطق أخرى من السودان، لا يمكن أن تاتي باسم حبيبها مباشرة وبشكل صريح، وإلا وقعت الحرابة، لهذا هي ترمز له، وهنا جاء الرمز أندرية، وربما التقطته من فيلم كاوبوي قديم!!!، موش ممكن
فيصل
Post: #49 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: حمور زيادة Date: 04-01-2011, 09:54 PM Parent: #48
Quote: وعندما اقامت نانسي حفل تقديم هذا الالبوم اعتذرت عن عدم تقديم هذه الأغنية حية (لايف)
ما ينفعك
Post: #50 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: مها عبد الله Date: 04-01-2011, 10:10 PM Parent: #49
أيوه ساسك لينا نانسي عجاج وطلَع لينا الإبداع بدل مساككة الرايحين من بيت ( فلانة ) محمد الصايم يا فنان نانسي إبداع
Post: #115 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 11:08 AM Parent: #50
Quote: يا ود الصايم لو ما كلام الناس كان سميتك اندرية
علوب يا عمكـ .. سمّي ياخ!ّ عليكـ الله سمي .. إن شاء الله مربوطة!!
Post: #116 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 11:09 AM Parent: #50
Quote: طيب ماهو طلعتا بتفهم ..
كيمو يا عمكـ .. مرات مرات
Post: #117 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 11:09 AM Parent: #50
Quote: وبرضو بسأل هل لكلمات الأغنية بقية
نسأل معاكـ يا عمكـ ومنتظرين!
Post: #118 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 11:11 AM Parent: #50
Quote: ود الصايم كتلتني وعافي ليك والله
ود البوش .. أكتلكـ كيفن وأنا ميت قبلكـ؟
Post: #119 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 11:14 AM Parent: #50
Quote: ووعدت بتقديمها على المسرح بعرض كامل بالآلات والأزياء
فيصل يا عمكـ .. ياخ مداخلتكـ زاتا بجي منها والله لكن زي ما قال ليكـ حمور .. ما ينفعكـ ياخ! وياريت لو الحفلة دي كمان أجلّتوها لينا لحدي الضحية تكونوا ما قصرتوا تب!!
تسلم ياخ!
Post: #120 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 11:21 AM Parent: #50
Quote:
Quote: وعندما اقامت نانسي حفل تقديم هذا الالبوم اعتذرت عن عدم تقديم هذه الأغنية حية (لايف)
ما ينفعك
أثنّي!!
Post: #121 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 11:24 AM Parent: #50
Quote: أيوه ساسك لينا نانسي عجاج وطلَع لينا الإبداع بدل مساككة الرايحين من بيت ( فلانة)
شفتي يا النجيضة يا مها .. أنا كنت قاعد أوري الناس الرايحة البيت بي وين .. لا وصّفت ولا وصفوا لي!!
Post: #60 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: خليفة موسى حمدان Date: 04-02-2011, 02:02 PM Parent: #46
Quote: في تراث كردفاني حيرني اندريا دا ... إيه قصة اندريا .. وهل هو موجود في اصل الأغنية وبرضو بسأل هل لكلمات الأغنية بقية
الاخ الفاضل سنقاوى كلمة اندريا تستعمل كغيرها من الكلمات فى اغانى الجرارى والعنقالى والطمبور الحمرى لزوم اللزمة ومثلها الليمونى والبلابل ديل ويا الله وجمال الرايقة والزول منو الخ.... اما بقية الكلمات فيمكن ان تضيف اليها ما تشاء مع مراعاة التقيد بنمط الاغنية .. هذا اغنية لجرارى خفيف بصوت الفنان الحمرى المبدع عبدالمنعم سليمان المهتم كثيراً بالتراث الحمرى وله الكثير من الاغنيات ذات الطابع التراثى
مع تحياتى
Post: #123 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 12:11 PM Parent: #60
Quote: كلمة اندريا تستعمل كغيرها من الكلمات فى اغانى الجرارى والعنقالى والطمبور الحمرى لزوم اللزمة ومثلها الليمونى والبلابل ديل ويا الله وجمال الرايقة والزول منو الخ....
شكرا يا عمكـ خليفة على الإضافة والتوضيح والفيديو كمان!
Post: #52 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد على طه الملك Date: 04-02-2011, 03:17 AM Parent: #37
آدم صيام يا ذوق .. شكرا ليك ياخي.. الخلفية دي حسع يلطشوها الامركان الشواطين .. ويدوزنوها في آلاتهم ويقشروا بيها .. زي ما عملو للصفقة والزغاريد حتى رقصة الرقبة ما خلوها.
Post: #53 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Tragie Mustafa Date: 04-02-2011, 03:39 AM Parent: #52
اها عاد دي عمله تعمليها يا نانسي
ثاني عيال دار حمر ما بيجنونا
وما بيكندكوا عزام بالكول ثاني (ههههههههه)؟!
Quote: تراث دار حمر ... كردفان الغرة
ود الصائم شكرا
واستني يا ساره يعني ما سمعتي لنانسي الا لما غنت لتراث جيرانكم
يا بت دار حامد(هههههه)؟!
طبعا كل الافلام دي نقشتها من بوست الكول يا ود الصائم(هههههه)
Post: #54 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: اساسي Date: 04-02-2011, 08:15 AM Parent: #53
انا بصراحة من كل الموضوع دا اسم اندريا دا ما بلعتو , ضرسني في الاغنية كلها
Post: #55 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: طارق ميرغني Date: 04-02-2011, 08:53 AM Parent: #54
الأغنية دي شغالة تلاتة يوم (رِبيت) في العربية!!
ياتو عربيه ....القناه ...ولا السايقا الما سمعت فيها قصة عوضيه سمك !!!!
كيفك يا ود الصايم
Post: #56 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Isa Date: 04-02-2011, 09:33 AM Parent: #55
ٍSee Below!1
Post: #124 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 12:18 PM Parent: #56
Quote: زي ما عملو للصفقة والزغاريد حتى رقصة الرقبة ما خلوها.
يا ملكـ .. معقولة ياخ!ّ الأمريكان بقو يرقصو رقبة؟
Post: #125 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 12:21 PM Parent: #56
Quote: اها عاد دي عمله تعمليها يا نانسي ثاني عيال دار حمر ما بيجنونا وما بيكندكوا عزام بالكول ثاني (ههههههههه)؟!
حبابكـ يا تراجي .. ونانسي غايتو بالغت جد! أها لو من دار حمر كمان مشت دا حامد تكون ما قصرت ومن هناكـ تمرق على الشرق والشمال (بقى ماف جنوب)
_ قلتي لي ساكنة في بوست الكول!
Post: #126 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 12:23 PM Parent: #56
Quote: انا بصراحة من كل الموضوع دا اسم اندريا دا ما بلعتو , ضرسني في الاغنية كلها
أساسي يا عمكـ .. ما تبالغ ياخ! أمش غيّر سلوكـ سماعات قلبكـ! أندريا دا الدوزن اللحن كلو يا معلم!
Post: #127 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 12:27 PM Parent: #56
Quote: ياتو عربيه ....القناه ...ولا السايقا الما سمعت فيها قصة عوضيه سمك
ههههههههههههههههههههههه طارق يا عمكـ .. شايف موضوع عوضية دا مزعلكـ شديد! يا زول إم بي سي شنو كمان الواحد يقعد يسمع فيها! نحن شغالين Ufm ـ Cds ولو كتّرت بنقفل أي حاجة وتسمع نقة أم روان!!
Post: #57 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Isa Date: 04-02-2011, 09:34 AM Parent: #55
سـلام يا شباب.. للشباب البسألوا عن حكاية أندريا، أصلها شنو ولاّ من وين ما عارفها والله،، لكنها من أشهر وأقدم (لزمات) الجراري، وأول غنية جراري سمعتها كانت بنفس اللزمة وبتقول: الوادي الأضلم ديه (يا اندريا) درب أم حنين جابت بيه كان عمرك خايف ليه هاك عمري سافر بيه الخ.. يعني يمكن مقارنتها ب(الليموني) في : كباشي كان برضى، أو بالليمونة (الليلة يا) التي تؤديها الفنانة حرم النور.. وكثير كثير من اللزمات المشابهة، يعني دي طبيعة غنا الجراري كدة.. وكل غناية أو فنانة أو حكامة (تنجـر) ما شاءت من كلمات جديدة أو تستخدم نفس اللزمات الموجودة وتؤلف عليها.. أتفق أيضا مع الأخ خليفة حمدان في أن (الفرقة ما أصلية) وذكرت الكلام دا أيضا في بوست الأخ فيصل نوبي، وحتى لو نانسي ذات نفسها اعتذرت عن أداء الغنية لعدم وجود الفرقة فهذا لا يؤكد أن فرقة اصلية من ناس بتاعين جراري محترفين لأننا على الأقل سمعناها وبنفرز الزولال (بزوم) عديل من الزول البتعلم أو ال(بِـكُـرْ) لأول مرة! (غايتو الناطقين بغيرها يتصرفوا).. والأخ خليفة حمدان قاليكم هو من خماس البغنوا عليها دي زااتا.. يعني مافي داعي تغالطوا أهل بيت الله كما تقول النكتة والتي ربما لاتصلح لتحكى في مكان عام زي البورد!.. ملاحظة بدون زعل للأخ جنابو الشهير بعمر عثمان: ياخي أنا عندي حساسية شديدة من ال Autoplay في البوستات، يعني مرات تكون داخل ليك بوست شكلة تجيك غنية ناطة..فإن شئت عدلته وأن شئت تركته..
Quote: الأغنية دي شغالة تلاتة يوم (رِبيت) في العربية!!
ربيت ولا ودك يا محمد؟
Post: #58 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-02-2011, 10:47 AM Parent: #57
بتخيل لي دا أول بوست أعملوا في البورض دا ويطلع بالمعلومات دي كولها! ياخ أنا متحير زاتو أرد على منو وأخلي منو! يلا نمش قدام كملو لينا الحكاية دي!
_ غايتو يا عيسى يا عمكـ .. لقيتكـ خبير (أحمبا) عديل!!
Post: #59 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد ابراهيم قرض Date: 04-02-2011, 01:01 PM Parent: #58
وزير الصحة يتذوق الفن ؟؟؟؟؟
ونحن نقول الصحة باظت ليه !!!!!!!!!!!!!!!!
Post: #61 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: عمر عشاري Date: 04-02-2011, 02:18 PM Parent: #59
Quote: لكل من يحب الجمال
التحية لود الصائم
عزيزي مصطفى محمود
كم أسعدتني هذه المُداخلة المختلفه
والورود الجميله
__________________________________
ود الصايم
وريني زول جاييك من السودان
برسل ليك حاجه ظريفه
Post: #62 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Nagat Sid Ahmed Elshiekh Date: 04-02-2011, 03:09 PM Parent: #61
Quote: ود الصايم
وريني زول جاييك من السودان
برسل ليك حاجه ظريفه
حظك يا ود الصايم أضانك النضيفة جابت ليها هدايا كمان،
تسلم للذوق السليم،
بس الحاجة الظريفة بالنص من عمر عشارى الا لو صاعود بخيت وسعيد عليك ههههه
Post: #63 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-03-2011, 08:38 AM Parent: #62
لمزيد من الآراء
Post: #64 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-03-2011, 01:19 PM Parent: #63
Quote: ود الصايم حبابك الف شكرا شديد على اغنية نانسي عجاج .. واتمني انك تكمل جميلك وتدعو اخونا ( البحيراوي ) عشان يكمل الخياطة بالحرير الما خمج . اخوك Unixo من الزمن الغابر 2002
Post: #65 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: نادية عثمان Date: 04-03-2011, 03:15 PM Parent: #64
والله من كترة ما عجبني إبداع نانسي لمن ساهرت بالأغنية وقرررررررربت أحفظها ياخ !!
ود الصايم ياشقيقي .. النبي فيك شفت جنس الـ ( أندريا) ده كيف ؟
أنا إتمنيت لو صوتي سمح زي نانسي .. وتلاقيك إتمنيت تكون أنت أندريا البتغني ليهو نانسي ، صاح ؟ ( وش أحمر مدردق)
Post: #74 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: طلحة عبدالله Date: 04-04-2011, 10:49 AM Parent: #65
Quote: لمزيد من الآراء
ياخ إتا فتحت البوست دا لأنو عجبتك البنية وربما صوتا العميق دا لا أكتر ولا أقل جوك خبراء وذويقة الفن وعملوا من فسيخ البوست شربات فراولة .. طوالي بس إتلببت الموضوع وعايز تعمل فيها ناقد فني زيك وزي هيثم كابو .. قال لمزيد من الأراء قال بطلوا اللبط والتسلق دا .. ومن زواية حادة : إختشوا .. ............... والنشوفك تاني ما ترد على مداخلتي في أي بوست ليك ..
Post: #77 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: الصادق المهل Date: 04-04-2011, 11:22 AM Parent: #74
ود الصايم
شكراً يا رائع ... ومزيد من البحيت (هاك كوريك)
Post: #93 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: عادل جبارة Date: 04-04-2011, 03:04 PM Parent: #77
ود الصائم
فعلا إبداع صوت متميز أداء راقي إختيار موفق وفوق ذلك مجهود وبحث مضني ..
التهنئة والإعجاب بالفنانة المتميزة نانسي عجاج
Post: #95 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Yousif A Abusinina Date: 04-05-2011, 07:26 AM Parent: #93
تلاثة ايام يا ودالصائم
اذا ود الصــــــــــائم بمر بمرحلة خطرة نسال الله له السلامة .
صحى النوم يا بريش ........... زمان زمن ود البوش كانوا بقولو كدة .
المهم يا حبيب زمنك فات وغنائك مات ............ وخلى ناس نانسى دا مو مفصل عليك يا ود الصائم،،،،
عجائز اخر زمن ..... نسال الله السترة
تحية ومودة خاصة لكل المتداخلين
Post: #97 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: أحمد التجاني ماهل Date: 04-05-2011, 11:46 AM Parent: #95
التحية لصاحب البوست وكافة المتداخلين هذه الأغنية من نمط الجراري بشقيه الثقيل والخفيف فمثلاً رمية "أندريا أو في بعض الأحيان لاندريا" وهو كاتب الدونكي أندريا لور من دينكا مطقة أبيي وهو من أسرة سلطان كان يعمل كاتب دونكي الغبشان في دار حامد وكانت أول أغنية من بنات العريفية عن الإبل التي تشرب وتصدر: شربن قامن صدريا من دونكي أندريا وانتقلت الأغنية كالعادة في كردفان وتطور وتزداد في المقاطع والرباعيات حتى وصلت منطقة دار حمر فكانت: يا الزارعنك في الصريف أندريه.. بسقيك بلا خريف كان ما الصبر تكليف اندريه.. من بيتكم ما بقيف حلاوة القرطاس اندريه.. يا الفي الخشيم تتماص لو ما كلام الناس اندريه .. برحل معاك خماص نشلعه ونبنيه أندريه.. وما تقولوا عاجبني همك طاردني اندريه ..تفسيرك غالبني القمري قوقا وطار اندريه .. خلاني للافكار خلاني للافكار اندريه .. بالكبري قوقا وطار اللوري جا منقل اندريه.. وشايل قزاز الخل اموت ويدفنوني اندريه.. قدام شركة الشل فمثلاً كلمة الصريف هنا فيها تورية المعنى القريب وهو الصريف أي تقسيمات الحوش داخل البيت والبعيد هو الصريف جمع صرفان كصريف خازوق وصريف عنكوش من أجمل المناطق في الخريف. وهنا يقصد حلاوة البنات وخاصة الجميلات في مناطق خماس حلاب والدونكي وحبيل وكافة الخماسات وأم لبانة والخوي ومركب وعيال بخيت والحمرة والدودية وقليصة والسعاتات. أم شركة شل هنا المقصود بها مكتب شركة شل في منطقة الخوي وهو شرق المدرسة الشرقية بالقرب من القيزان وشارع الأحيدب (الأبيض دارفور) حيث كانت بنات المنطقة يخرجن لملاقات البقر بعد عود الراعي في المرواح (المداناة) وكان المكتب مخصص لتزويد السيارات بالوقود في الزمن السابق إلا أنه تهدف وكسر في هذا العهد البالي. وتتمرحل الأغنية من فترة إلى فترة حتى تصل إلى: هجينك الساعي لا تدقه لا تكاليه أندريا ياريته كان عندي نسقيه عصير هندي أندريا ساق النعام مدروك الفادنية ما بمشوك أندريا ودووك صعيد جابوك قلاب بلا صندوك أندريا فالتحية للفنانة نناسي عجاج على الاهتمام بأغنيات التراث والتي ستعزز من موقفها الفني لأن الشعوب ثقافات والثقافة ترتكز على عدة أعمدة أساسها التراث. أحمد التجاني ماهل مترجم وباحث في التراث الكردفاني ملتقى كردفان الثقافي http://www.kordufan.com/[/B][/B][/B]
Post: #102 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: إبراهيم عبد الحليم Date: 04-09-2011, 01:16 PM Parent: #97
مبروك لنانسى الالبوم الجديد
تحياتى ود الصايم ود اندريا
Post: #105 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Faris Mohamed Date: 04-10-2011, 08:59 AM Parent: #102
Post: #122 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: tmbis Date: 04-10-2011, 11:45 AM Parent: #105
Post: #134 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 09:47 AM Parent: #122
Quote: سـلام يا شباب.. للشباب البسألوا عن حكاية أندريا، أصلها شنو ولاّ من وين ما عارفها والله،، لكنها من أشهر وأقدم (لزمات) الجراري، وأول غنية جراري سمعتها كانت بنفس اللزمة وبتقول: الوادي الأضلم ديه (يا اندريا) درب أم حنين جابت بيه كان عمرك خايف ليه هاك عمري سافر بيه الخ.. يعني يمكن مقارنتها ب(الليموني) في : كباشي كان برضى، أو بالليمونة (الليلة يا) التي تؤديها الفنانة حرم النور.. وكثير كثير من اللزمات المشابهة، يعني دي طبيعة غنا الجراري كدة.. وكل غناية أو فنانة أو حكامة (تنجـر) ما شاءت من كلمات جديدة أو تستخدم نفس اللزمات الموجودة وتؤلف عليها..
عيسى يا عمكـ مشكور شديد على حبيب على المعلومات الثرّة والجميلة دي! يا أخوانا التراث دا إنتو نايمين عليهو كـدا مالكم؟ نحن نضيع ساي معاكم؟ تعالوا أكتبوا وورونا الحاصل شنو؟ شكرا والله يا نانسي الطلعتي لينا الحاجات دي!!
تعال يا عمكـ راجع وأدينا الباقي!
Post: #146 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 10:30 AM Parent: #134
Quote: فالتحية للفنانة نناسي عجاج على الاهتمام بأغنيات التراث والتي ستعزز من موقفها الفني لأن الشعوب ثقافات والثقافة ترتكز على عدة أعمدة أساسها التراث.
يا سلام ياخ! أحمد التجاني يا ماهل .. والله ما قصّرت معانا تب!ّ الله يديكـ العافية وشكرا على المعلومات الضافية الوافية! يلا كمّل معانا وأدونا باقي التراث .. ورونا الناس زمان! الحاجات دي هسي بقت ماشة للاندثار ومن الواجب تلاقي زول يطلعا مرة تانية .. فما تمش بعيد وكمّل يا حبيب شكرا ياخ!
Post: #135 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 09:48 AM Parent: #122
Quote: بتخيل لي دا أول بوست أعملوا في البورض دا ويطلع بالمعلومات دي كولها! ياخ أنا متحير زاتو أرد على منو وأخلي منو! يلا نمش قدام كملو لينا الحكاية دي!
كلام صاح يا ود الصايم .. ما متذكر ملاسي قال ليكـ كل ما أخش الفيسبوكـ بتذكركـ!! أها كويس إنكـ عملت ليكـ حاجة مفيدة وأهو طلعنا منها بكمية معلومات نجيضة عديل!!
إن شاء الله مبسوط يا عمو!
Post: #136 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 09:49 AM Parent: #122
Quote: وزير الصحة يتذوق الفن ؟؟؟؟؟ ونحن نقول الصحة باظت ليه
ياااا قرض! هسي عليكـ زمّتكـ .. الغنية دي مش قاعدة تتوغل وتتسرب وتنتشر جوووه الجوه بتاعكـ؟
وتيب؟ الفن أساس الصحة ياخ!!
Post: #137 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 09:51 AM Parent: #122
Quote: وريني زول جاييك من السودان برسل ليك حاجه ظريفه
عُشاري .. حبابكـ ألف ياخ! يا زول خليكـ جادي .. خالتي جاية آخر الأسبوع!!
Post: #138 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 09:52 AM Parent: #122
Quote: بس الحاجة الظريفة بالنص من عمر عشارى الا لو صاعود بخيت وسعيد عليك ههههه
غايتو يا نجاة لو صاعود .. أديتكـ ليهو كلو! هسي الخشم الكبير دا يختو فيهو السفة بين وين زاتو!!
تسلمي ياخ وحبابكـ الف .. وحباب أضانكـ كمان!!
Post: #139 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 09:53 AM Parent: #122
Quote: لمزيد من الآراء
قوم لف بلا كلام فارغ معاكـ!!
Post: #140 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 09:55 AM Parent: #122
Unixo يا عمكـ .. حبابكـ وحباب الزمن الغابر معاكـ ومنتظرين البحيراوي عشان يجيب لينا باقي النجيضة! تسلم يا حبيب وخليكـ مواصل!
Post: #141 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 09:58 AM Parent: #122
Quote: وتلاقيك إتمنيت تكون أنت أندريا البتغني ليهو نانسي
غايتو يا ندوية بالغتي عديل!! تعرفي ذكرتني النُكتة بتاعت الزول الفاز بمليون دولار وما عارفين يكلموهو خايفين يتلحس ليهم .. أها واحد ضرب سدرو وقال أنا بكلمو ليكم تب.. مشا عليهو وقال ليهم: يا عمكـ .. لو ربحت مليون دولار ح تعمل بيها شنو؟ قال ليهو بديكـ نُصها .. صاحبنا بب جا واقع!!
أهـو أنا الواقع دا!!
Post: #142 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 10:00 AM Parent: #122
Quote: والنشوفك تاني ما ترد على مداخلتي في أي بوست ليك ..
أها كيتن ليكـ يا مسكين .. ح أرد عليكـ! وهذا بالتأكيد يدل على إنو مداخلتكـ دي محض نقة كتيرة منكـ ساي! ودا مردو وبعد التمحيص والتدقيق يعود لأنكـ زول كيسكـ فاضي!!!
وهذا لا يمنع من إنو الزولة دي سمحة!
Post: #143 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 10:05 AM Parent: #122
Quote: شكراً يا رائع ... ومزيد من البحيت (هاك كوريك)
الصادق يا المهل .. حبابكـ ياخ! وتعالوا كلكم بالـ (كواريكـ) نبحت مع بعض!! أبقى متوهّط!
Post: #144 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 10:05 AM Parent: #122
Quote: فعلا إبداع صوت متميز أداء راقي إختيار موفق وفوق ذلك مجهود وبحث مضني ..
عادل يا عمكـ كلام مية مية .. ونسوق الزولة دي لي قدام في المجال دا!
Post: #145 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 10:09 AM Parent: #122
Quote: وخلى ناس نانسى دا مو مفصل عليك يا ود الصائم،،،، عجائز اخر زمن ..... نسال الله السترة
غايتو صدق القال أب سنينة بضحكـ على أب سنينتين!!
Post: #147 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 10:38 AM Parent: #122
Quote: مبروك لنانسى الالبوم الجديد تحياتى ود الصايم ود اندريا
تسلم يا دكتور إبراهيم .. ونشوف جديدكـ قريب!!
Post: #148 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 10:38 AM Parent: #122
تمبس .. أبقى مارق يا زول!!
Post: #129 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: حسن محمود Date: 04-10-2011, 12:48 PM Parent: #95
يا الزارعنك في الصريف.. بسقيك بلا خريف كما الصبر تكليف من بيتكم ما بقيف حلاوة القرطاس يا الفي الخشيم تماص لو ما كلام الناس برحل معاك خماس
Post: #149 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 10:39 AM Parent: #129
حسن محمود يا عمكـ .. شعور شنو الفضل ياخ! ما قريت فوق .. أموت ويدفنوني في أي حتة زاتو!!
Post: #128 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-10-2011, 12:36 PM Parent: #64
Test
Post: #130 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Faris Mohamed Date: 04-10-2011, 01:27 PM Parent: #128
تيست شنو ياعمكـ .. ماتكون قايلني العدو
بتلقى قصة الأغنية في اللينكـ الفوق دا
Post: #133 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 09:42 AM Parent: #130
Quote: تيست شنو ياعمكـ .. ماتكون قايلني العدو
عدو شنو يا عمكـ .. قاعد أشوف الرد دا ح ينزل وين! ياخ عمكـ أب صلعة شال لينا الرد في آخر البوست والردود كولها بقت ورا بعض .. عشان ترد للناس إلا تفتش محل رجلكـ وين!! هسي ناس الصفحة الأولى ديلاكـ ح يلاقو ردودهم هنا .. وهكذا دواليكـ! فكل واحد يشيل ردو يا جماعة .. التفيش على مسؤولية صاحب المداخلة
Post: #150 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 10:40 AM Parent: #133
أها يا فارس يا عمكـ .. عاين الردود دي جات منبهلة كيف! عشان كـدا لازم تـ (تستس) وتشوف محل ردكـ وين وتبقى مارق!!
Post: #131 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: الصادق الزين Date: 04-10-2011, 01:41 PM Parent: #128
شكرا ود الصائم على ايراد الاغنية التراثية الرائعة هذا النوع من اللحن الثراثى كما سبقونى الاخوة خليفة ومهل هو لحن الجرارى الواسع الانتشار فى دار حمر و دار حامد (ابناء العمومة) دار حمر هى منطقة النهود و غبيش وودبندا و خماسات وابوزبد و الخوى و فوجا وعيال بخيت اما دار حامد فهى مناطق بارا و ام قرفة و طيبة و ما جاورهم.
تؤدى الاغنية من قبل كورس مكتمل من النساء تتوسطهن الحكامة وهى تنشد الاغنية ويساعدها الكورس بترديد المقطع الاساسى و الرمية وفى المقابل صف اخر من الرجال يؤدون رمى الهسيس او الكرير النمط الذى نسمعه همم همم همم فى خلفية الاغنية ويصاحب عادة بضرب الارجل على الارض. وكما ذكر الاخوان من قبلى كلمة الاندرية هى فقط رمية لضبط ايقاع الاغنية و يمكن ان تتبدل باى كلمة اخرى تحفظ تماسك الاغنية على سبيل المثال نحن فى مناطق ودبندا وهى الريف الغربى لمدينة النهود نستخدم كلمة الفنجرية عوضا عن كلمة الاندرية , مثل ان تقول
زارعنا فى الصريف الفنجرية نسقى بلا خريف الفنجرية
او لو ما كلام الناس الفنجرية بسكن معاك خماس الفنجرية
و الفنجرية هى الحسناء الجميلة و يطلق ايضا على الشاب الوسيم وهو الفنجرى و هى غاية فى الجمال و الحسن وجمال الطبع .
هذه الاغانى التراثية كما معلوم برز فى ايصالها الى مسامع الناس الفنان عبدالرحمن عبدالله كما فى اغنية (كباشى كن برضى) للحكامة المرحومة الحاجة حبيبة ابراهيم وهى من منطقة حاج سليمان ريفى ودبندا ولديها دونكى مشهور بدونكى حبيبة و يقال ان الرئيس نميرى فى احدى زياراته الى المنطقة استقبلته الحكامة حبيبة بسيل من اغانى الثراث بصوتها العزب تشكوا معاناة الاهالى فى البحث عن الماء فما من نميرى الا ان قرر بتشيد دونكى للمياه بمنطقتها و صار الدونكى من يومها بدونكى حبيبة و هو ما زال موجودا صرحا ضخما وتوفيت الحاجة حبيبة العام قبل الماضى فبكتها المنطقة كما لم تبكى من قبل.
الاغنية هى:
كباشى كن برضى وصلنى ودبندا الليمونى
زولا سرب سربه و خلا الجبال غربه الليمونى ناولونى لى شربة خلى النقص دربه الليمونى
سامعلى صوت كوراك خلف الجبال ديلاك الليمونى يا زول جريت و راك خليت شريك لباك الليمونى
زارعنا فى البورة وطاطا ممطوره الليمونى زولا جميل صورة بالفاتحه مندوره الليمونى
زارعنا فى بارا و ساقينا اباله الليمونى زولا ستر حالة يا ود الصائم فى الغربة البطالة الليمونى
وايضا اغانى صديق عباس مثل اغنية مطر الرشاش الرشا اليمونى شوقى للمراح النشا الليمونى السايقنه ناس عشه الليمونى
وغيرهم من فنانيين التراث الكردفانى .
خلاصة القول السودان غنى بتراثه و ثقافاته وغالبا هى مشتركة الى حد بعيد على النحو الذى شاهدنا فى هذه الاغنية فهى قد حركت وجدان الكثير من ابناء بلدى بادائها الحنيين دون ان يدرى الناس ان هذه الاغنية تكاد ان تؤدى بصفة شبه يومية و فى كل مناسبات اهلنا فى دارحمر من اعراس وختان الاولاد واحتفالات مواسم الحصاد وغيرهم الى هذا اليوم فهى يا ود الصائم لم تندثر و لكن غياب تسليط الاضواء وعدم الاحتكاك صورها للناس و كان الاغنية خرجت من ايام سرور و كروما.
عموما تشكر ود الصائم فقد اثرت شجوننا بتذكر تلك الديار والاهل و الاحباب و نحن فى الغربة لم نراها لسنيين عددا , و الشكر من قبل للمبدعة ابدا نانسى عجاج و اذكر لما حضرت نانسى عجاج الى امريكا فى جولتها الاخيرة اقمت لها حفلا عاما فى نيويورك وحضر الحفل معظم ابناء حمر فى امريكا من مختلف الولايات و كان اخونا خليفة موسى حمدان من و لاية فرجينيا من ضمن الحضور والان فهى تكافئنا بهذا الجمال من تراثنا, لله درك بنت عجاج من ابداع مدوزن حتى الثمالة.
Post: #132 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Ashraf el-Halabi Date: 04-11-2011, 08:53 AM Parent: #131
ود الصايم مشكور على (التذكرة) ما عندك جهة تتكفل بمصاريف الإجازة؟
ــــــــــــــــــــــــــــــــــــ الواحد طول ما سمع غنية فلتة زي دي 10/10 نانسي
Post: #151 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: حمد إبراهيم محمد Date: 04-11-2011, 11:01 AM Parent: #132
Quote: الصادق يا المهل .. حبابكـ ياخ! وتعالوا كلكم بالـ (كواريكـ) نبحت مع بعض!! أبقى متوهّط!
شكرا ودالصايم
يا ريت نشيل كواريكنا ونبحت لي الدهب في شرق وغرب وشمال وجنوب كردفان ووسط السودان فهناك الكثير والجميل والقيم من تراثنابتعدد موروثاتنا وثقافاتناولغاتنا ولهجاتنا... فلنبدأ من هذا البوست البحيت وللفنانة الباحثة الرائعة نانسي بدر الدين كل التقدير وأن تتحفنا بالمزيد من أغاني التراث
Post: #152 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 11:16 AM Parent: #151
Quote: عموما تشكر ود الصائم فقد اثرت شجوننا بتذكر تلك الديار والاهل و الاحباب و نحن فى الغربة لم نراها لسنيين عددا , و الشكر من قبل للمبدعة ابدا نانسى عجاج و اذكر لما حضرت نانسى عجاج الى امريكا فى جولتها الاخيرة اقمت لها حفلا عاما فى نيويورك وحضر الحفل معظم ابناء حمر فى امريكا من مختلف الولايات و كان اخونا خليفة موسى حمدان من و لاية فرجينيا من ضمن الحضور والان فهى تكافئنا بهذا الجمال من تراثنا, لله درك بنت عجاج من ابداع مدوزن حتى الثمالة.
الصادق الزين يا عمكـ .. بالغت ياخ!ّ هسي تُشكر أنا ولّ تُشكر إنت دا؟ تحياتي ياخ على المساهمة الأوسكارية دي ومشكور عليها شديد وتحياتنا للتراث السوداني كلو ويا ريت نعمل كلنا على المساهمة لإخراجه بالصورة المطلوبة وتوصيله للجيل الجديد
شكرا شديد والله
Post: #153 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 11:18 AM Parent: #151
Quote: ود الصايم مشكور على (التذكرة) ما عندك جهة تتكفل بمصاريف الإجازة؟
Post: #154 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 11:20 AM Parent: #151
Quote: يا ريت نشيل كواريكنا ونبحت لي الدهب في شرق وغرب وشمال وجنوب كردفان ووسط السودان فهناك الكثير والجميل والقيم من تراثنابتعدد موروثاتنا وثقافاتناولغاتنا ولهجاتنا... فلنبدأ من هذا البوست البحيت وللفنانة الباحثة الرائعة نانسي بدر الدين كل التقدير وأن تتحفنا بالمزيد من أغاني التراث
حمد ود إبراهيم .. حبابكـ يا عمكـ ويلا .. كل واحد يدخل يدو ويمرق بي حاجة! طبعا نحن قصة التراث دي يمكن تكون عندنا زي 10 في المية ما أظن تكون فاتت أكتر من كـدا .. وعشان كـدا دايرين الباقي!
الكوريكـ يا عمكـ .. جيب الكوريكـ وتعال!
Post: #155 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-11-2011, 01:13 PM Parent: #154
والبوست زارعنو في الصريف!
Post: #156 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: كمال علي الزين Date: 04-12-2011, 09:49 AM Parent: #155
(*)
ياخينا إنتو لسا ما سقفتوا ؟
Post: #157 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-13-2011, 08:34 AM Parent: #156
الصبر تكليف يا ود الزين!
Post: #158 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: singawi Date: 04-13-2011, 11:22 AM Parent: #157
الأحباب فيصل صالح خليفة موسى حمدان عيسى أحمد التجاني ماهل
مشكورين على الإفادة بخصوص أندريا يديكم الفي مرادكم ويدي ست الشي كمان .. آمين
Post: #159 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: أحمد التجاني ماهل Date: 04-13-2011, 11:39 AM Parent: #157
العزيز ود الصايم تعتبر أغنية أندريا من أغنيات الجراري ولكن الكورس المصاحبة للفنانة نانسي لم يجيد الكرير بالصورة الحقيقية لذا قال بعض المتداخليين أنها طمبرة وهي جراري وليس طمبرة لأن الطمبور عندنا في غرب السودان نوعان طمبور غرباوي وبحاري ويمكن أن نوضح الفرق بينهما ونعطي عليهما نماذج لاحقاً. ونرفق أدناه جزء من ندوة عن التراث قدمتها بالنادي السوداني أبوظبي وبها بعض نماذج الجراري .
الملتقى الفكري أبو ظبي - مارس 2009
تفعيل مفردة التراث الشعبي في ربط النسيج الاجتماعي وفض النزاعات
أدب الأبالة ( غرب السودان نموذجاً )
إعداد: أحمد التجاني ماهل ملتقى كردفان للتراث والثقافة والفنون
إن الشعر الشعبي هو الكلام الذي يقال باللهجة المحلية اليومية للتعبير عن ما بوجدان الناس حيث أنه لا يبتعد كثيراً عن الفصحى وهو كذلك يسمى بالشعر العامي النبطي أو البدوي، أما في السودان فيختلف باختلاف القبائل وطبيعة البادية والسعيه التي تربى فيها. أما عن لغته حسب النحويين هو شعر عامى استنبط من الفصحى. وفي بادية كردفان ينقسم إلى قسمين هما أشعار الأبالة وأشعار البقارة هذا من ناحية الترحال. أما أهل كردفان القاطنين القرى والجبال والمدن فيتعاطون الشعر الشعبي منه البدوي ومنه الشعبي المحلي في الجبال (حسب لغات القبائل وأعراقها). والشعر الشعبي في كردفان عبارة عن لوحة فلكورية متداخلة الألوان تفسر ذاتها للقارئ قبل أن يتمعنها ولكنها لديها جانب خفي لا يخطر ببال المفسر إلا عند ما تظهر ريشات من يرسمها. وهنا سأتناول منه قسم الأبالة فيما يتعلق بالأبل والنساء والخيل: (1) إلبــــل والبــنـــــات والخيــــل ديل جنة الشايل النهار والليل البهديني من جنس المسائل ديل ذنبي عليهو يا قصبة مدالق السيل ********************* إلبــــــــــل ديـل سمحـات هيـبـــة إلبل سلاحهن قرمصيص ما حريبة إلبـــــــل جيابات اليوم أبو دعكيبة سمحات يجنك في القرب واريبة. ********************* شبلنا قرانا وبى غرب الجبال مدينا لفحنا التاية فوق كلسن تلاحظ عينا كان أمسينا ولى وليم البنات شاشينا المحن الكبار دايرات صبُر يا زينا ****************** الليلة البكار بالقران انشــــــكن مدن بى دَمَاسَ لمن حمارهن دكن كان شافن الكرب الحجارو سككن بقدلن قدلة الكانن حزانى وفكــــن ******************* ديـك حفرة طارت كالسحاب جَبَــــالا زاد في السرعة عارف سيدا ما برتالا أم كزمة الزى رطين دارفور نقر حجالا أرح سويــلــها زوغـات المدرج رالا. ******************** خريــر دومــك نزل مجـــــرور وسيدك من فُرق الحبيب محسور بلد السيدة قربت وجاتك أم قرقور أرح سويلها شِيت رقاصة الطمبور ********************* اكسر الهُربة والهيش أم دبيبن ساكن أيديك بتعبو يا العاطن جوالسك وكاكن مخروط الحشا العند الفنايـــد ماكــن ودنا ليهو يا الهباب النجوم اتاكــن ******************* التيس البسرق الخب طلق شوباحا يتقوشل عصار قايلة وهبوب قرواحا عانى الشقَ قرنو ورش بى أرياحا المن عسل النحل يا داري أحلى مزاحا *********************** قام من الحمير وأدلى في خريبانة جاهم زاحى أبو عجلة المسك دندانة قدامـــك زواملن بالقرب مليــــانـــة ما تضيعها راجياها الخلوق عطشانة ********************* دويماتـك بحاكن بهيــل الرىّ أيدياتك يقلبو الدغنة فوق كُرعىّ بعد ما أخر الجَبال لعب أم سى سىّ عانى الديسو خِلقة ربُو مو جورسىّ. ********************* رسنك دير ومن سير الوحش كرابك بى كلو انمغيت بيهو ونفض ركابك الصي والنقوع ما بحملنو غيـابــك ضايق هجمة الناس البقولو حبابك **** بعد ما آخر الكــــــتر أبشديرن رٌوس نشر الداخرو وأصبح في الحشا مدسوس المخروط ضميرها وريدها لينا خسوس عليها أتافح مثل ###### الجرى الممروس ****
يوم تلقانى قادل والبنات لامات ويوم تلقانى ماسك مقرح العقبات اليوم البجرجنا والدموم سايلات بنفرح بى يا فلانة والقلوب ثابتات
وعند أهلنا في البادية أنواع من الجمال (عربيات = 20-22 سنة، بشنديات = 25 سنة، عنافيات = 30 سنة وبشاريات = 30 سنة) أما ألبل (حديثات الولادة تسمى لقحات، والتي أكملت سنة تسمى مرابيع، الدارات أو المخاض تسمى دوار، والباريات تسمى برية أو فدرة) حيث يتدرج البعير في السن (حوار، مفرود، ود لبون، حق، جدع، تني، رباع، سديس، أول شق، جامع وأكثر من عشرة سنوات يسمى ثلب للجمل وفاطر أو قص الروية للناقة) وكذلك الناقة تسمى ( سهيت = لا تحلب وتترك لتربي حوارها، الدوخة، نذرة، مربيت) ويتضح ذلك في أغاني الجراري : ود نذرة مُو (مربيت شِق أمك ليك سهيت يا بشاري وين أمسيت كيف عصارة الساقية الزيت. أنواع الجري: أم طقة، الخب أو الطبق، أم تومتين أو أم زمباق، الترير أو السى سى، القرب أو الواريبة، الربع أو استربع. عدة وفرش الجمل: الرسن = يسمى الكسير – الدير ويصنع من القد. العقال = يصنع من اللحى – القد – الحبل – الصوف. القيد = يصنع من اللحى – الحبل – الصوف – القد – الحديد. السرج = يسمى الكور – الباصور ويصنع من الحميض والجوغان. البطال = يسمى الغردة ويصنع من القد أو القاش. المحقبة = وتسمى الحقاب وتصنع من القد أو القاش. الجباد = يصنع من القد أو الجلد. اللبب = يصنع القد أو القاش. المردفعة = تسمى التركيبة أو الضامنة تصنع من الجلد وتستخدم لتثبيت الفرش. الطواف = تصنع من الجلد. المخلوفة = وتسمى الرقبية. الفروة = تسمى فروة الريف وأنواعها: تويلى وهي السوداء، المرعز وهي الحمراء، أرو وهي البيضاء أو السوداء. المخلاية: تصنع من الجلد أو المشمع.
الاحرام: يصنع من الغزل وبه عدة ألوان. وتقول أغنية الجراري: الركب الكلو تويلى يلقى البادية سهيلى وكت ما شفت السيرى دماعى بـــل سديــــرى. الحشرات التي تصيب الإبل: الشعرانة، الدلم، القراد والصهيب. الأمراض: الجرب = يصيب الجلد الجفار = مرض في الدم يعرف بالبول ويضخم الجسم ويرفض الماء والمرعى. الهلاع = دود يوجد في النبات يورم الحلق والزور ويدمع العيون وينزل الأذنين. الغداد = التهاب. دِمبل = يدمع العيون ويرفض المرعى. الكسارة = يكسر الشجرة برقبته ويثنيها. الرطل = يرخى الأعصاب المحفورة = يطق الرأس. الهدب = شطور في الفم. اللسنة = ورم في الحلق الشعرة = جنون.
البنات:
أمك سمتك اسمن حقيقي ودايم وأني سميتك النعسانة عين النايم لمحة فاطرك البرق السقالو بهايم وخضرة جسمك الدرمة أم نباتن قايم *********************** بدور ليك زمن يا ديفة القنـــــاص بى خط الرمل حفيتِ أصابع الناس رميتى القلوب يا جاهلة بالرصاص خليتى العيون دائماً غميضهن حاس *********************** بـــلتنا بــــلالة وبــــلانا الشوق مالت وانثنت قالت دي كبدة نوق طبع العرب خايل فيها رباية وذوق جملها الخالقها فوق خلقة المخلوق ******************* سنـــــــــك مداحــــــــــــي الفقع وريقك مسخ السكر بعد ما أتنقع عرجون دنقلا العالي ما بـــطقع سيد الريد مقدد قلبو ما بتــــرقع ************** الناس كلهم وجدوا الحظوظ والراحه وأنا الليلة غايراني أم قدود بسلاحه الخلاني اساقد النجمة لى بيــــــاحه بلا تِذِكِر فلانـــه وربتها الميـــاحه. ***************
شبــــهك في البتاريــــــن بعنايــــــة مقزز وخصرك طي حجاب وعنقك طويل ومحزز الجرحــــو غور بـــي لا انفتـــق لا نـــــــزز وينـــــو ويني حتى طيـــــفو البزورني تعزز ***************** وين الهافو ضامر وصدرو جاب تجميحه جبد البُرصة من وجنات طبيعي صبيحة اتخيلتو صيد صواً وطاتــــو قبيــــــحة خلا أكبادنا بي رماشو بايتـــــة جريحة *** بايتـــــة جريــــــحة ليها ليــــــــــالي شالها قلوبنا أبو كزمة الردايفو عوالي النظراتو عنــــــــــــدي غــــــــــوالي عاشقو بـــراهو نساني البعاد وحوالي. *** بـــــــــــــــــــــعاد وحـــــــــوالي مببقولي زي زولا ملامحو غزالي يامخروطة لو عارفة العلي وأحوالي ما بجافي كان حنيتي لي طـــــوالي **** اللبادة:
عادة تبدأ بكورس جماعي للمقطع الأول أو العصا ثم تغني الفتيات ويرقصن ويكر الشباب ويغنون فرادى ومجموعة وأصل هذه الأغاني من منطقة دار حمر ( ود الحليو وسالم ود أم خريف) وانتقلت إلى دار المجانين فأصبح النيل ود أحمد (السوقي) من أشهر كراري اللبادة:
كورس جماعي (نساء ورجال): بريق العينة التور أم سرجيــــــن طراني زولاً زي شارب الشمسين مقطع نسائي:- جـــــــدى العيشوبــــــــــــــــه دمـــــــــر مشاريع النوبـــــــه الليل الطويل شايلا بنقص في دروبه *** سيـــــــاد أم ميــــــــــــــلىِ صب خريفهم ليـــــــــــــلىِ متحلفين مابرعو قش القيلىِ ***** الــــــــــــزول القـــــــــــــوني أبـــــــــــــلونن يشبه لـــــــــوني لموني في خلو الباعوضة تنوني *** قـــــــــــــول يــــــا خشمي جيب الحديــــــث الرسمي متهوم بى ود العزاز المسمي *** البـــــــــت ديفة الوقل مولانا عز وجـــــــل عليــــــــــــها ما وكل بى أيـــــــــــدو اشتغل سوالها ضميــر وقعر ومن فوق سدرها فــر يـــــا حليلك يا تومتي بقــــول على تومتي أم سدرن بقوت ويجي نوريكي يا تــومتي طرف الهدم جــــرى حتى الرقيص طلقى. الجالسة:
من أغني الشيوخ الذين يجلسون تحت الأشجار ويجترون ذكريات الصبا: عانس الـــدفر شوقر على كاشــــا كسار للحدود لمن لحق ساســـــــا عيال جاد الله أهلها والفرزة حشاشا أتى بتشيهى القامولا قناصـــــــــا جفل توقر بعيد ضاربنو رصاصا زى ماسورة الدارعنو بى قاشـــــا أنى الزول الظريف ماسكني هلواسا نبقى سير ورق يكربنى فوق راسا قــــــت قولك معاى تاريكى غشاشا قـــــــــــــت مغذيات تاريكى فشفاشا ما شفتى كفل العنكس الفى الشاية رداسا تمشى هج ورج والتــــــــــالته رقاصا سدرها زى ركوب الأيـــــــــدو هباشا مطلوق من درت لمن لحق ساسا زولة الفرك أيــدو ونصل فاسا لو ما حُكم جابر بقى حساسا والله العظيم ما منـــخاف باسا
التوية:
غناء يتماسك فيه الفتيان بأيديهم من الكتوف في شكل دائرة كبيرة ويقف في نصفها المغني (طقاق تويه) ويبدأ بالصلاة أو العصا ويردد معه الجميع في شكل كورس جماعي ويكون المقطع من أربعة أبيات أو أكثر أو مقطوعة طويلة وعند المقطع النهائي يردد الجميع العصا وهو يضربون الأرض بالأرجل ضربات جماعية موزونة: عصا: الشهر وأزن النجمة طراني بسمة أم كزمة أو النجمة السايقة أبوريه ضوايه على النجوم هيه أو الزول الأيدو تلالها قول بأم بدحه جراها مقطع طقاق توية: جقـــــــــلة البينا أبعدتى على ناس "مور" تحدرتى رعيــــــتى القش تفزرتى نهارك كلو هــــــــجرتى وفى الأسهام تخيــــــرتى صعيد ميدوب وريح برتى أو دليـــلنا للخلوف شايل ركبناالبقرش الدايـــــر حزمنا الرقهن عايـــل قطع وادى القداب سايل خلينا أم قرقدن جايـــــل بخر دماعها متسايـــــل
الجراري:- يــــــا نفسي مـــا تنـــــــــــــــعلى في وكتن قريــــب من الصعيد تنقلى كان للفرقة فرقتي أمات ليهجن يسلى والدينهن يكرمو الضيف قبل ما يدلى **** الزول القــجة قرونـــا أبـــداً مــا بشيقونــــا عجبى الدافن المونــا يحامر الزول بى عيونا *** الدنيــــا دار القــش علمتى أبويا الحــش بعد ما كان بعقر القش فوق المصع ورش
الكدنداية: كردفان الهبَ نسيما ذكرني زولاً بريدو ديما **** كسر بى أبوزعيمة وادي الملك قالوا الريد جريمة وادي الملك كسر بى أبوزعيمة الزمبلك قالوا الحب جريمة وداي الملك *** الجمرة وقعت في الحزه الزول بلا هله شن عزه.
السيار: هز عليّ بــالسنـــــــــــين سمح الدبال فوق أم حنين الفارس والخواف يبــــين *** جدوك من قام طلع تندل عيـــــــل الخيل معا إلبل. **** صقر الجو الحمر كُرعيه قــــول لرفيقه جــدن جيه
Post: #160 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: tmbis Date: 04-13-2011, 11:54 AM Parent: #159
Quote: العزيز ود الصايم تعتبر أغنية أندريا من أغنيات الجراري ولكن الكورس المصاحبة للفنانة نانسي لم يجيد الكرير بالصورة الحقيقية لذا قال بعض المتداخليين أنها طمبرة وهي جراري وليس طمبرة لأن الطمبور عندنا في غرب السودان نوعان طمبور غرباوي وبحاري ويمكن أن نوضح الفرق بينهما ونعطي عليهما نماذج لاحقاً. ونرفق أدناه جزء من ندوة عن التراث قدمتها بالنادي السوداني أبوظبي وبها بعض نماذج الجراري .
.. سلامات يا أحمد التجاني ماهل .. وشكرا جزيلا .. للعلامات الفوق دي .. وشكرا للتخصصية تعرف انا لما دخلت البوست دا قبل كم يوم كان أول مرة استمع لي نانسي في الأغنية دي .. .. حجزت لي مكان وقلت امشي واجي راجع .. بي رواقه لي ود الصايم .. لكن ما لقيت يدي بس .. أول ما شداني في العمل المصاحب .. الكورس المصاحب .. والذي لم يقوم بتوصيل الفكرة كما هي .. انا شخصيا انضرسته عديل كدا .. لقطت من ضمن كلمات الأغنية مفردة (خمـــاس) وهي منطقة اعتقد انها (لقبائل الحمــر) في كردفان .. المفردة رجعت بي شديد جدا لي وراء .. وانا عمري تقريبا اطناشر طلطاشر سنـة .. كان جيرانا في الموردة (حمـــر) ... تقريبا من منطقة (خماس الدونكي) .. كنا بننتظر اي مناسبة سعيدة ليهم .. علشان نستمتع بالجراري .. والكرير المظبوط جدا .. والكدنداية .. وإلخ من ضروب التراث الجميل جدا .. استمعت قريبات دي .. بالصدفة لي .. مغنية جديدة كان جابوها في برنامج رمضان بتاع اغاني وأغاني .. اسمها صباح على ما اعتقد .. ويبدو انها من نفس المنطقة .. زيادية أو حمرية ما متأكد .. لكن المهم اني استمعت ليها في عمل جراجري زي دا .. وصلت بيهو الفكرة بالضبط .. بالرغم من انو كان من غير كرير واظنها من اغاني المنطقة .. المهم .. كان علي نانسي عجاج انها تراجع نفسها كويس .. والكورس المصاحب .. قبل ما تدخل في تجربة زي دي .. واعتقد انها اكبر من امكانياتها الصوتية .. دا طبعا كلام زول ما متخصص لكن متابع وسمع .. الغناء لما يتنقل .. مفروض يتنقل كما هو .. ولو في اضافة من الفنان ما تحسب خصما على العمل .. ..
يا ود الصايم شايف طنظير فاتح ليهو مناحة بي هناك برضو .. كان تتلمو لينا في مكان واحد علشان يسهل رشكم ..
Post: #161 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Isa Date: 04-13-2011, 01:43 PM Parent: #160
سـلام ود الصايم، تمبس، أحمد التجاني والشباب،،
Quote: استمعت قريبات دي .. بالصدفة لي .. مغنية جديدة كان جابوها في برنامج رمضان بتاع اغاني وأغاني .. اسمها صباح على ما اعتقد .. ويبدو انها من نفس المنطقة .. زيادية أو حمرية ما متأكد .. لكن المهم اني استمعت ليها في عمل جراجري زي دا .. وصلت بيهو الفكرة بالضبط .. بالرغم من انو كان من غير كرير واظنها من اغاني المنطقة
تعـرفت يا تمـبس ـ بعد التحايا الطيبة ـ كنت فكرت أجيب أغنية صباح دي لمزيد من التوضيح للزمات الجـراري، مع ظني أن (منعوني سـلام حميدة) دي عندها خصوصية أكتر من باقي اللزمات الشائعة وقد تكون خاصة بشاعرة الأغنية، وأظنها خالة صباح كما ذكرت.. المهم دي للغنية:
بالصدفة لقيت برضو نمـوذج لغنا التوية والذي شرحو الأخ أحمدـ طبعا كل الناس بعرفوا أغنية راقصين التوية بس! ـ طبعا شاكرين لأخونا سيمبا مجهوداته في حفظ الأغاني لكن زي ما قلت فالفيديو أغنية توية وليس جراري..
Post: #162 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: سلمى تاور Date: 04-13-2011, 03:24 PM Parent: #161
لأول مرة
شكراً نانسي عجاج
Post: #163 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: rummana Date: 04-13-2011, 05:48 PM Parent: #162
Quote: هسي ناس الصفحة الأولى ديلاكـ ح يلاقو ردودهم هنا .. وهكذا دواليكـ! فكل واحد يشيل ردو يا جماعة .. التفيش على مسؤولية صاحب المداخلة
محمدالصايم.. انت كاتب ليك 14 مداخلة re tmbis وبعدين تجي تقول للناس التفتيش على مسؤوليتكم؟ :) لكن بوست ظريف وممتع ومليان بالمعلومات شكرا ود الصايم والمتداخلين
تحياتي
Post: #167 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-18-2011, 11:16 AM Parent: #163
أحمد التجاني يا ماهل .. أوسكار ياخ! يمين مفروض تسجل البوست زاتو باسمكـ!!
شكر يليق بمقدار مشاركاتكـ في البوست يا حبيب ويا ريت تكمّل ومعاكـ بقية الشباب في الاتجاه دا! تحياتي ياخ .. وكمية مقدرة من الشكر
Post: #168 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-18-2011, 11:19 AM Parent: #163
تعرف يا تامبا أنا لاحظت برضو إنو الكورس المصاحب بعمل ليهو زي تايم أوت مرات مرات كـدا .. طبعا وبحكم إنو أخوكـ بسمع ساي فمشيتا وقلت يمكن دي الطريقة الطبيعية للنوع دا!
الشكل العام للأغنية وطريقة الأداء لنانسي لا يُعلى عليها يا عمكـ!
_ وطبعا دا رأي مستمع ساي زيي كـدا
Post: #169 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-18-2011, 11:20 AM Parent: #163
يا عيسى .. ينصر دينكـ ياخ! وشكرا مليون مرة لمساهماتكـ الجميلة في البوست! حبابكـ مليون!
Post: #170 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-18-2011, 11:25 AM Parent: #163
Quote: لأول مرة شكراً نانسي عجاج
سلمى تاور! .. دا حقد دفين منّكـ ساي!!
Post: #171 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-18-2011, 11:29 AM Parent: #163
Quote: انت كاتب ليك 14 مداخلة re tmbis وبعدين تجي تقول للناس التفتيش على مسؤوليتكم؟
حبابكـ يا رمّانة .. وكيف أخباركـ تعرفي .. أخونا في الله بكري أبو بكر زمان كامن عامل أيقونتين لـ (أضف رد)! الأولى في المداخلة نفسها .. زي ما هو حاليا، والتانية في آخر البوست! الناس ترد على البوست كلو من النهاية .. وصاحب البوست يرد على المتداخلين من الإيقونة الداخلية للمداخلة نفسها .. قووووم يا بكري حصل ليهو شنو ما عارف شال التحت وخلا لينا الفوق .. أها لما يجو 20 متداخل ورا بعض .. ماف طريقة إلا تسرق الرد في نص مداخلاتهم .. زي ما عملت أنا في الرد على الناس كلها بعد مداخلة تمبس الأولى .. وياهو لقيت الفرصة برضو بعد مداخلتكـ .. فرديت على الناس السبقت كلها مع المحافظة على ترتيب الرد على المتداخلين! وهكذا دواليكـ!!
فـ .. كلمي قريبكـ دا يرجع الأمر زي ما كان!
Post: #164 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: willeim andrea Date: 04-13-2011, 06:03 PM Parent: #64
Post: #165 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-17-2011, 04:44 AM Parent: #164
الشكر لكل المشاركين .. وآسف جدا على الانقطاع المعايش جبارة والله!!
Post: #166 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: اسعد صلاح البدري Date: 04-17-2011, 09:22 AM Parent: #165
Quote: المعايش جبارة والله!!
كويس
Post: #172 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: إدريس محمد إبراهيم Date: 04-18-2011, 12:13 PM Parent: #166
ود الصايم ...
شكراً لك على جلب كل هذا الجمال هنا ....
Quote: الليله والله الا تبيت في المزاحمية انا وراك وراك يا تنسخها يا تديني ليها
عبد المجيد يا صديقي ...
شارع غبيرا العام التسجيلات التي بالقرب من مطعم العباسيه .. في الناصيه ... يتلقى الشريط هناك .. لكن تسجيل يا عبد المجيد وليس Master
مع خالص حبي وتقديري ؛؛؛
Post: #173 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-19-2011, 10:12 AM Parent: #172
وليم أندريا .. سيد اللسم زاااتووو حبابكـ ياخ وشكرا على اليوتيوب المرفق ربنا يمرق دارفور من الحروب وكل السودان وأهلو
Post: #174 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-20-2011, 08:31 AM Parent: #173
Quote: كويس
كوّس الله أيامكـ يا أسعد ياخ! كان ما جبّارة كان حضرنا حفلة أبو عركي!!
Post: #175 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-20-2011, 08:32 AM Parent: #173
Quote: شارع غبيرا العام التسجيلات التي بالقرب من مطعم العباسيه .. في الناصيه ... يتلقى الشريط هناك
إدريس يا عمكـ زولكـ طبق الـ CD من عربيتي قلع عديل!!
Post: #176 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-20-2011, 08:33 AM Parent: #175
Quote: زولكـ طبق الـ CD من عربيتي قلع عديل!!
مع مُلاحظة إنو الـ CD أصلي جدن!!
Post: #177 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: كمال علي الزين Date: 04-20-2011, 08:46 AM Parent: #176
(*)
ودالصايم كاد بهذا البوست أن ينافس ودالبشرى على نجومية البورد
*بدون تأملات
_________________________________ السقف ده شكلوا ماقريب , أعمل عقد ياعمك وأطلع بالدور التاني إمكن (تحن) وتجي ونسقفوووووه
Post: #178 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-20-2011, 05:28 PM Parent: #177
ود الزين .. إنا منتظرون!!
Post: #179 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: عبدالعزيز الفاضلابى Date: 04-20-2011, 05:55 PM Parent: #178
ياخى بالله يا تدعم البوست بي صور زى بتاعت حبيب نورة يا فرتك. سلامات ياخ والله نفسى الاقيك . بلدنا دى ياكافى البلا كان قلت ليك لى زول نكته يضرب ليك نص الليل عشان يوريك انو فهم النكتة بتاعة الصباح ويقعد يقرقر .
Post: #180 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-21-2011, 07:47 PM Parent: #179
فاضلابي .. إنتو قاعدين وين؟
البوست سيتم دعمه بصور .. عاجلا أم آجلا! لوكـ الصبر وأحجز كرسيكـ من هسي يا عمكـ!
Post: #181 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: عبدالعزيز الفاضلابى Date: 04-21-2011, 08:02 PM Parent: #180
Quote: فاضلابي .. إنتو قاعدين وين؟
سؤال زى ده محمد عادل مايسألو. إنت ما عندك اكسس للبروفايلات?
Post: #182 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: الفاتح ميرغني Date: 04-22-2011, 03:57 AM Parent: #181
بوست رايق ومصفى! شكرا يا عمك( اندريا).
محبتي
Post: #183 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-23-2011, 08:50 AM Parent: #182
Quote: سؤال زى ده محمد عادل مايسألو. إنت ما عندك اكسس للبروفايلات?
عالم ما بتريح كلو كلو! بعدين قاعدين في بروكلين وداير الناس تجمّع من أول الكلام؟ إنت جادي؟
Post: #184 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-23-2011, 08:51 AM Parent: #182
Quote: بوست رايق ومصفى! شكرا يا عمك( اندريا).
شكرا ليكـ إنت يا الفاتح ياخ!! غايتو رختر ما عمل فيكم خير كلو كلو! شايفكم بقيتو زي الجلي .. إنتو ترقصوا والعماير ترقص!!
Post: #185 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 04-24-2011, 12:10 PM Parent: #184
زارعنو في الصريف .. ونسقيو بلا خريف!
Post: #186 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Nasr Date: 04-30-2011, 06:07 PM Parent: #185
قلت أجي أشكر الإخوة الساهمو بمعلومات عن أصل وفصل الأغنية وبالأخص أحمد الماهل ورغم إنه كلامه مقنع شديد (في الحتة دي) إلا أنني أورد هنا مساهمة وجدتها في سودانايل بعد إذن الكاتب والموقع
أندريا ونانسي عجاج .. بقلم: محمد سليمان محمد موسى الجمعة, 29 نيسان/أبريل 2011 13:36 Share أغنية (لو ما كلام الناس برحل معاك خَمَّاس) التي غنتها ناسي عجاج هي أغنية حَمَرِّيَة من أغاني الجراري المعروفة في منطقة دار حمر. و الجراري هو نوع من الأغاني الشعبية التي لا تزال رائجة في كثير من مناطق حمر الريفية، وينقسم إلى جراري خفيف (أو عنقالي) والذي منه هذه الأغنية، وجراري تقيل. وتتكون أغنية الجراري من أربعة أشطار قصيرة متفقة في الوزن والقافية. ولكن الفنانة ناسي عجاج أتت في هذه الأغنية بكلمة (أندريا) فما حقيقة هذه الكلمة؟ طبعاً في الأغنية الأصلية لا وجود لكلمة (أندريا) وإنما عبارة (مَنْ دريه) بمعنى مَنْ يدري، أو لا أدري.. وهذه العبارة مستخدمة كثيراً في اللهجة الحَمَرِيَّة. ولضرورة اللحن نجد أنها تُنْطَق في الأغنية الأصلية (مَنْ دريا). كما إنَّ لحَمَر عبارة أخرى مشهورة في لهجتهم وهي (لا مِنْ شَاف لا مِنْ دِري أو دِريه): وإذا أراد أحدهم كتم سره أو إذا حدثك حديثاً وأراد منك ألا تبوح به إلى شخصٍ آخر فيقول لك: " ترا الكلام القلته لك دا " (لا مِنْ شَاف لا مِنْ دِري) أي لا تبوح به لأحد. ونشير إلى أن كلمة (مَنْ دريه) الواردة في الأغنية الأصلية هي مجرد (لَزمَة) تضاف إلى أغنية الجراري لضرورة اللحن، وتتكرر في جميع أشطار الأغنية، لذلك نجد في أغاني حَمَر كلمات تسمى بـ (اللحن) وتُعْرَف بها الأغنية ولكنها في الأساس كلمات زائدة تَرِدُ لضرورة اللحن فقط ومن ذلك: (الليموني)، و(الحبيبوني)، و(يا سلام) و(آح يا روحي)، و(الزول منو)، و(المريود) و(خضار اللالوبة)، و(النجيمة)، و(القماري قوقن)، و(الليل بوبا)، و(قمر بوبا) و(مَنْ دريه)، وغير ذلك كثير. وفي السنوات الأخيرة تغيرت عبارة (مَنْ دَرِيه) إلى (النارية) ولضرورة الوزن واللحن تنطقها المغنية النَّرِيَة بحذف الألف مع تشديد النون.
لذلك أغنية (أندريا) التي غنتها نانسي عجاج تكون في الأصل كالتالي
الزارعنك في الصريف النارِيَة.. بسقيك بلا خريف النارِيَة كان ما الصبر تكليف النارِيَة.. من بيتكم ما بقيف النارِيَة حلاوة القرطاس النارِيَة .. يا الفي الخشيم تنماص النارِيَة كان ما كلام الناس النارِيَة.. برحل معاك خَمَّاس النارِيَة نشلعه ونبنيه النارِيَة.. وما تقولوا عاجبني النارِيَة الهم الضاربني النارِيَة.. تفسيرا غالبني النارِيَة القمري قوقا وطار النارِيَة .. خلاني للأفكار النارِيَة خلاني للأفكار النارِيَة.. بالكبري قوقا وطار النارِيَة اللوري جا مِنْقَلْ النارِيَة.. شايل قزاز الخل النارِيَة اموت ويدفنوني النارِيَة.. قدام شركة الشل النارِيَة
شرح المفردات: الصريف: ركن الحوش، أو هو سور من القصب يحيط بالمنزل تكليف: واجب، شيء لا بد منه، يعني هي مكلفة بالصبر تنماص: تذوب خَمَّاس: قرية في منطقة دار حمر غرب مدينة الأبيض نشلعه: أزيل عنه القش وأتركه هيكلاً مِنْقَلْ: مُسْرِع
محمد سليمان محمد موسى من أبناء منطقة النهود – ومقيم بمدينة جدة المملكة العربية السعودية ___________ وزي ما بيقول المثل الشعبي الكلام كتره سمح في القراية
Post: #187 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 05-01-2011, 08:15 AM Parent: #186
شكرا يا عمكـ نصر على جلب المقال وشكرا على إطلاعنا على وجهة نظر أخرى للموضوع
تسلم ياخ
Post: #188 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: Magdi Ahmed Elsheikh Date: 05-01-2011, 10:57 PM Parent: #187
Post: #189 Title: Re: نانسي عجاج .. لو ما كلام الناس أموت ويدفنوني قدام شركة الشل!! Author: محمد عبد الماجد الصايم Date: 05-02-2011, 08:03 AM Parent: #188
فيا حبات ترى اصلوحو معانا.
