التغيير يجب ان يكون من الالف الى الياء حتى نصل لما نصبو اليه فى بلادى

تراكمات فرضتها علينا التربيه
ياولد اسمع كلامى انت عاوز تورينى الصاح انا اكبر منك
ومن هنا بدات ثقافة عدم ابداء الراى والتبعيه العميا للاسف
نبدا من شيخ القبيله ورئيس الحزب وخلفاء الصوفيه ودى اس المشكله
التى طولت عمر الدكتاتوريه لانها مكمله لبعضها البعض

دايرين حلول من القواعد ادونا راى

اخونا أبو أحمد سلام

وين الغيبة يا طيب ليك فترة ما ظاهر إنت و المدام إن شاء الله تكونو و العيال بألف خير

Quote: تراكمات فرضتها علينا التربيه ياولد اسمع كلامى انت عاوز تورينى الصاح انا اكبر منك ومن هنا بدات ثقافة عدم ابداء الراى والتبعيه العميا للاسف نبدا من شيخ القبيله ورئيس الحزب وخلفاء الصوفيه ودى اس المشكله التى طولت عمر الدكتاتوريه لانها مكمله لبعضها البعض

البيت و المدرسة و الشارع بكونو شخصية الأطفال و بالتالي بقوم على كدا
ديل كلهم عايزين تصحيح علشان ينتجوا لينا فرد مسؤول و يحترم الآخرين



تحياتي


.

Quote: البيت و المدرسة و الشارع بكونو شخصية الأطفال و بالتالي بقوم على كدا ديل كلهم عايزين تصحيح علشان ينتجوا لينا فرد مسؤول و يحترم الآخرين

الاخ ابوحسين ات قت كلام جمبل من زول حقانى
انا اعرفك من على البعد بى الحاسه ما داير اسميها

Quote: تراكمات فرضتها علينا التربيه ياولد اسمع كلامى انت عاوز تورينى الصاح انا اكبر منك ومن هنا بدات ثقافة عدم ابداء الراى والتبعيه العميا للاسف نبدا من شيخ القبيله ورئيس الحزب وخلفاء الصوفيه ودى اس المشكله التى طولت عمر الدكتاتوريه لانها مكمله لبعضها البعض

المحرب
لقد أصبت كيد الحقيقة



الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

السنجك شكرا الحمد لله انى لقيت زول واحد متفق معاى
فى الطرح

Quote: تراكمات فرضتها علينا التربيه ياولد اسمع كلامى انت عاوز تورينى الصاح انا اكبر منك ومن هنا بدات ثقافة عدم ابداء الراى والتبعيه العميا للاسف نبدا من شيخ القبيله ورئيس الحزب وخلفاء الصوفيه ودى اس المشكله التى طولت عمر الدكتاتوريه لانها مكمله لبعضها البعض

شيخ العرب المحرب

سلامات وحمدالله ... وجيب معاك المسنوح


كلام سمح يا شيخ العرب..
التغيير مطلوب وياريتو يتحقق من اي مرحلة..

بس من تحت دي الا نتركها وصايا لكم جيل جاي..
لكن قبل داك نحن علينا دين..
الخازوق العملنا ده ما من الذوق نخلي مركب في البعدنا..
لازم نقطّع رسين الحيات دي بعدين نترك ليهم التغيير من القواعد..

فتك بعافية

Quote: تراكمات فرضتها علينا التربيه ياولد اسمع كلامى انت عاوز تورينى الصاح انا اكبر منك ومن هنا بدات ثقافة عدم ابداء الراى والتبعيه العميا للاسف نبدا من شيخ القبيله ورئيس الحزب وخلفاء الصوفيه ودى اس المشكله التى طولت عمر الدكتاتوريه لانها مكمله لبعضها البعض

كيف يا اخ خالد ومشتاقين

انت عارف يا خالد التراكمات دي كلها كانت في مصلحة الانقاذ
وزادت من ترسيخها وتعميقها ورسخت اكثر من مفهوم القبيلة حتي نخنق
التيار الوطني الذي سيضئ مثل هذه الظلمات
انا معك ان الشعب السوداني شعب محافظ للكبير دوره ورايه ولكن الثورة الاعلامية
ستحدث اختراقا لامحالة في جدار هذه التراكمات وكذلك العلم عندما يتخطي حدود الجدران
لكن في السودان المسيرة ستطول بعض الشئ ولكن الفجر آت

Quote: كيف يا اخ خالد ومشتاقين انت عارف يا خالد التراكمات دي كلها كانت في مصلحة الانقاذ وزادت من ترسيخها وتعميقها ورسخت اكثر من مفهوم القبيلة حتي نخنق التيار الوطني الذي سيضئ مثل هذه الظلمات انا معك ان الشعب السوداني شعب محافظ للكبير دوره ورايه ولكن الثورة الاعلامية ستحدث اختراقا لامحالة في جدار هذه التراكمات وكذلك العلم عندما يتخطي حدود الجدران لكن في السودان المسيرة ستطول بعض الشئ ولكن الفجر آت

الاخ الشامى انا وانت وكثير من الناس نعلم بان شعبنا اغلبه للاسف ليس لديه تعبير حتى المثقفين
تمعرت عليهم التربيه وهاجت وماجت للاسف على قناعاتهم الداخليه منهم من يمجد رئيس حزبه
ومنهم من يمجد شيخ طريق امه . ومنهم من يمجد رئيس حزب ناظر قبيلته . وضاعت الديمراطيه الحقيقه
اخى الشامى ( ضاعت الديمقراطيه )

Quote: كلام سمح يا شيخ العرب.. التغيير مطلوب وياريتو يتحقق من اي مرحلة.. بس من تحت دي الا نتركها وصايا لكم جيل جاي.. لكن قبل داك نحن علينا دين.. الخازوق العملنا ده ما من الذوق نخلي مركب في البعدنا.. لازم نقطّع رسين الحيات دي بعدين نترك ليهم التغيير من القواعد..

الاخ عبد العزيز انت تعلم بان اتيت من بيئه تحترم الشايب الغريب وتقبل الام والاب والعم
دى شى لانختلف عليه فى محيط المجتمع والاسره ولكنى ادعو ان يكون هناك مساحه تبدا
من البيت ان يكون لكل فرد مساحه غير منقوصه من التعبير فى هيك مسايل لونه السياسى ولونه الرياضى ورغبته العلميه
وعليه سوف ننعم بمجمتع معافى مافيه اى اى مجاملات

نضمي متعافي فكرياً

وأسئلة مكشوف عنها الحجاب



أب أحمد تسلم

عوافي وكيف الأهل

Quote: نضمي متعافي فكرياً وأسئلة مكشوف عنها الحجاب أب أحمد تسلم عوافي وكيف الأهل

ابننا المتعافى ثقافيا حبيب نوره
دى فرصه اتقدم اليك بعدة اسئله ليس امتحانا ولكنى اريد المزيد
من امثالكم وفى فهمى المتواضع انتم من الذين تنشدون الديمقراطيه خلينى اسميها بين (بدون قلة ادب )
ادينى رايك فى الشى الدايرو من يكون ريس حكومة السودان او رئيس الحزب الذى تتمناهو

عزيزي ود المحرب
إنت عارف يا أخوي، السودان مصاب بأميتين
أمية الناس الما تعلموا أو بسيطي التعليم
وأمية المتعلمين
نمط التعليم التلقيني القائم على الحفظ والطاعية العمياء
الذي لا مكان فيه لتنمية العقل النقدي والتفكير الحر
وتلقي كل ما يمثل التراث بتسليم مطلق
والصورة الانتقائية لتدريس الدين وتاريخ الحضارة الإسلامية
وتزييف ذلك التاريخ بدرجة كبيرة في أذهان النشء
ثم أموال البترول التي مكنت للأخوان المسلين والمذاهب السلفية
ثم هزيمة القومية العربية الجوفاء
مع سيادة الأنظمة الدكتاتورية في كل البلاد العربية
كل ذلك مهد لعملية غسل أدمغة طويلة الأمد
لكن أي دين أو مذهب عندما يعجز عن حل مشاكل الناس وتلبية احتياجاتهم يخرج من حياتهم
وهذا هو الحاصل الآن في بلاد المسلمين
الدين أصبح مجرد قشرة ومظاهر خارجية تخفي كما هائلا من الفساد الداخلي في العقول والنفوس
جعل النفاق والكذب عملة يومية مألوفة
وجعل مداهنة الحكام والظلم والفساد اشياء مألوفة
لكن شباب هذا العصر بدأ يكسر القيود
وأمامه وأمامنا مسيرة طويلة لنهدم البنيان الخرب ونبي مجتمعات جديدة من الألف إلى الياء

Quote: الاخ عبد العزيز انت تعلم بان اتيت من بيئه تحترم الشايب الغريب وتقبل الام والاب والعم دى شى لانختلف عليه فى محيط المجتمع والاسره ولكنى ادعو ان يكون هناك مساحه تبدا من البيت ان يكون لكل فرد مساحه غير منقوصه من التعبير فى هيك مسايل لونه السياسى ولونه الرياضى ورغبته العلميه وعليه سوف ننعم بمجمتع معافى مافيه اى اى مجاملات

عزيزي شيخ العرب المحرب

سلام

مساحة التباين ممكن تكون موجودة لحد ما في مجتمعنا.. لكن هنالك أحيانا يحدث بعض الشد الآني خاصة في الامور السياسية..
في الجزيرة ابا مثلا الغالبية انصار او قول حزب امة مع وجود ملحوظ للشيوعيين منذ الستينات.. وكان الشحن السياسي والاستقطاب يخلق جو من التنافر كثيرا ما يؤدي الى الصدام.. بعد الانتفاضة 1985م وظهور فئة قليل من الكيزان "4-5" فقط حولت الاستقطاب والصراع تجاه هؤلاء النفر واصبح الشيوعي في مأمن أو قبول أكثر من الجبهجي.. ويتحول الكوز لخانة العدو الاول للأنصار..
فالجو السياسي العام في البلد ربما يتحكم بشكل كبير في المساحة الممكنة بين الاجيال من البيت للمجتمع الكبير..
علاقات التنظيمات السياسية الفوقية لها اثر كبير في المسألة..

تحياتي

Quote: عزيزي ود المحرب إنت عارف يا أخوي، السودان مصاب بأميتين أمية الناس الما تعلموا أو بسيطي التعليم وأمية المتعلمين نمط التعليم التلقيني القائم على الحفظ والطاعية العمياء الذي لا مكان فيه لتنمية العقل النقدي والتفكير الحر وتلقي كل ما يمثل التراث بتسليم مطلق والصورة الانتقائية لتدريس الدين وتاريخ الحضارة الإسلامية وتزييف ذلك التاريخ بدرجة كبيرة في أذهان النشء ثم أموال البترول التي مكنت للأخوان المسلين والمذاهب السلفية ثم هزيمة القومية العربية الجوفاء مع سيادة الأنظمة الدكتاتورية في كل البلاد العربية كل ذلك مهد لعملية غسل أدمغة طويلة الأمد لكن أي دين أو مذهب عندما يعجز عن حل مشاكل الناس وتلبية احتياجاتهم يخرج من حياتهم وهذا هو الحاصل الآن في بلاد المسلمين الدين أصبح مجرد قشرة ومظاهر خارجية تخفي كما هائلا من الفساد الداخلي في العقول والنفوس جعل النفاق والكذب عملة يومية مألوفة وجعل مداهنة الحكام والظلم والفساد اشياء مألوفة

b -bakkar لك التحيه والاحترام على الاضافه والتفصيل العميق والطرح المميز جدا فى هذا الموضوع

Quote: تراكمات فرضتها علينا التربيه ياولد اسمع كلامى انت عاوز تورينى الصاح انا اكبر منك ومن هنا بدات ثقافة عدم ابداء الراى والتبعيه العميا للاسف نبدا من شيخ القبيله ورئيس الحزب وخلفاء الصوفيه ودى اس المشكله التى طولت عمر الدكتاتوريه لانها مكمله لبعضها البعض

الديمقراطية تبدأ من البيت والمدرسة
ولذا يجب تعليمها في المدرسة والبيت ؛ ولا بد من وعي جديد لخلق ديمقراطية مستدامة


شكرا استاذنا المحرب على هذا الخيط الهام واعدك بالرجوع له مرات ومرات

Quote: تراكمات فرضتها علينا التربيه ياولد اسمع كلامى انت عاوز تورينى الصاح انا اكبر منك ومن هنا بدات ثقافة عدم ابداء الراى والتبعيه العميا للاسف نبدا من شيخ القبيله ورئيس الحزب وخلفاء الصوفيه ودى اس المشكله التى طولت عمر الدكتاتوريه لانها مكمله لبعضها البعض

الأخ خالد السلام عليكم
كلامك يتضمّن نقد جوهري
خاصّة للمثقفين وقادة الأحزاب السياسية:
أنّهم وقد لمسوا هذه الحقيقة،
لم يهتموا بأن يكون لأحزابهم دور تربوي ووطني وأخلاقي!
شكرا لك!

شيخ العرب

السلام عليكم

Quote: كتب :صلاح فقير لم يهتموا بأن يكون لأحزابهم دور تربوي ووطني وأخلاقي!

ما الفائدة إذاً ..عليه العوض ومنو العوض


مع تقديري لصراحتك

تيجاني

اخي خالد

لا يغير الله ما بقوم حتي يغيروا مابانفسهم

بعد الدمار الذي طال كل شيءفي السودان

القصه عايزه اعادة صياغة للبشر

الفساد عم كل المرافق

تبدا من وين ولا من وين يا خالد ؟؟؟؟

Quote: اخي خالد لا يغير الله ما بقوم حتي يغيروا مابانفسهم بعد الدمار الذي طال كل شيءفي السودان القصه عايزه اعادة صياغة للبشر الفساد عم كل المرافق تبدا من وين ولا من وين يا خالد ؟؟؟؟

الاخ طارق الله يجازى اللكان السبب
طولنا منك يارجل خلينا نشوفكم

اخى التجانى عبد الباقى شرفت ونورت المكان
وعندك راى بالتاكيد ولكن اختصرته واكتفيت
بالعوض من الله ونعم بالله

Quote: الأخ خالد السلام عليكم كلامك يتضمّن نقد جوهري خاصّة للمثقفين وقادة الأحزاب السياسية: أنّهم وقد لمسوا هذه الحقيقة، لم يهتموا بأن يكون لأحزابهم دور تربوي ووطني وأخلاقي! شكرا لك!

الاخ صلاح انا سعيد جدا بان اسمع الكلام الجميل دا
نعم لدينا تمجيد الافراد حتى من المثقفين تجدهم يمجدون شخص ويسكتوا على
بعض اخطائه ولم يسدوا له النصح او ابداء الاعتراض المحترم والتوجه اليه
بعدم الموافقه فى الراى . اما الاحزاب تطرح البرنامج ولكن لاتمارسه على الطبيعه
والسبب هو الانفراد فى امور الحزب

Quote: الديمقراطية تبدأ من البيت والمدرسة ولذا يجب تعليمها في المدرسة والبيت ؛ ولا بد من وعي جديد لخلق ديمقراطية مستدامة شكرا استاذنا المحرب على هذا الخيط الهام واعدك بالرجوع له مرات ومرات

الاخ عبد العاطى شكرا
طبعا اذا كانت فى ثقافه زى دى من البيت اكيد بتكون هى اللبنه الاولى والمهمه جدا
والمساله اخى الكريم محتاجه وعى كبير جدا حتى فى ادارة الحوار داخل الاسره الصغيره
بان توزع الادوار والاستماع الى الصغير ونحسسه بان رايه مهم حتى ولو لم نعمل به المهم تكون
هناك مشاركه حتى نزرع فيه ابداء الراى باحترام وعدم السكوت السمع فقط
منتظرين

Quote: ياولد اسمع كلامى انت عاوز تورينى الصاح انا اكبر منك

وكثير من المعلمين في المدارس يقمعون طلابهم

Quote: تراكمات فرضتها علينا التربيه ياولد اسمع كلامى انت عاوز تورينى الصاح انا اكبر منك ومن هنا بدات ثقافة عدم ابداء الراى والتبعيه العميا للاسف نبدا من شيخ القبيله ورئيس الحزب وخلفاء الصوفيه ودى اس المشكله التى طولت عمر الدكتاتوريه لانها مكمله لبعضها البعض

صحيح أخي المحرب، للأسف الشديد..

لكن مما يبعث الأمل، أن الوضع يكاد يكون متشابهاً في مجمل الدول العربية والإسلامية، وما إنطلاقة (ثورة الشباب) التي تسلحت بثورة التكنولوجيا والإتصالات والعولمة إلاّ كسراً لهذه القيود ورفضاً للواقع المرير

ونحن بإذن الله في الطريق

وإذا لم يحدث التغيير بالطريقة المثلى،
فإنه سيكون إنقلاباً عنيفاً
خاصةً ضد الأنظمة الشمولية التي تبنى وجودها بالمكايدة على هذه الظلاميات.

لذلك وجود - جيل الوسط - مهم لتجسير الهوة بين الواقع المرير وبين ورؤى وتطلعات الشباب، حتى يكون التغيير أكثر إيجابياً ومؤمناَ ضد التراجعات في المستقبل بالإتفاق على الثوابت، وبأقل الخسائر.

وعلينا أن نسمو فوق الإنتماءات الضيقة لندعم العملية الشاملة لتحقيق (الحكم الرشيد) على أسس ثابتة لا مساومة عليها أبداً.

مع مودتي.

Quote: تراكمات فرضتها علينا التربيه ياولد اسمع كلامى انت عاوز تورينى الصاح انا اكبر منك ومن هنا بدات ثقافة عدم ابداء الراى والتبعيه العميا للاسف نبدا من شيخ القبيله ورئيس الحزب وخلفاء الصوفيه ودى اس المشكله التى طولت عمر الدكتاتوريه لانها مكمله لبعضها البعض

هلا هلا بشيخ العرب

على اليمين جبت النجيضة تب
والشغلة خربانه من كبارها
وين مختفي آآآآ زول

تحاياي

Quote: على اليمين جبت النجيضة تب والشغلة خربانه من كبارها وين مختفي آآآآ زول تحاياي

الاخ اللمين ود البشارى خراب الكبار هو سبب فتحى لهذا الخيط
مع انى احترم الكبير حتى لو كان من اسرائيل ولكنى قد اختلف معه فى الراى
وبكل احترام فله ماله ولى ماعلى
اختفينا لاسباب توصيل( الرساله)

Quote: صحيح أخي المحرب، للأسف الشديد.. لكن مما يبعث الأمل، أن الوضع يكاد يكون متشابهاً في مجمل الدول العربية والإسلامية، وما إنطلاقة (ثورة الشباب) التي تسلحت بثورة التكنولوجيا والإتصالات والعولمة إلاّ كسراً لهذه القيود ورفضاً للواقع المرير ونحن بإذن الله في الطريق وإذا لم يحدث التغيير بالطريقة المثلى، فإنه سيكون إنقلاباً عنيفاً خاصةً ضد الأنظمة الشمولية التي تبنى وجودها بالمكايدة على هذه الظلاميات.

اخى ابو الطيب انا ارى التغيير الذى لا ركيزه له سوف يهدم سريع
بمعنى لابد لنا كشعب ان نكون لدينا الثقافه الديمقراطيه التى تضمن لنا استمرارها
ودى دايره استئصال نقاط الضعف التى سرعان ما تنتهى وتؤد الديمقرايه لانها لم تجد
الطريق الممهد حتى تصبح فتاة يباهى بها اهلها

Quote: وكثير من المعلمين في المدارس يقمعون طلابهم

الا القليل منهم والمشكله اخى الكريم التلميذ واستاذه مرات الاثنين ما بكونو
فاهمين بعض . ياسلام انا مره كنت اتحدث الى رجل مروروكنت غير
مقتنع بى المخالفه التى يتحدث عنها هذا العسكرى فحاولت
ابدى وجة نظرى بان الامور كلها ليست بالمقنعه فكان رده لى باننى اتدخل فى شغله
اذا ما عاوز تدفع المخالفه سوف نشيل النمر ونسحب السياره فضحكت وتاملت حولى وانصرفت
بعد دفعى للمخالفه التى لم اكن مقتنعا بطريقة اخذها والقمع الذى اراه امامى الى الاخرين

Quote: تراكمات فرضتها علينا التربيه ياولد اسمع كلامى انت عاوز تورينى الصاح انا اكبر منك ومن هنا بدات ثقافة عدم ابداء الراى والتبعيه العميا للاسف نبدا من شيخ القبيله ورئيس الحزب وخلفاء الصوفيه ودى اس المشكله التى طولت عمر الدكتاتوريه لانها مكمله لبعضها البعض

الاخوه القراء عندما فتحت هذا البوست كنت اعنى حاجات كتار
النهره من الاهل دا ترتبت عليه اشياء كثيره جدا فى ابداء الراى من نواحى كتار لها علاقه بى شئون نشى المستقبل والنتاج الخضوع ل الاراء لمتخلفه
تحكمت الحبوبه فى ختان بنات بتها الماعندها راى الشى البقا عليها بقا على البنات الا من حالفهم الحظ الاثنين
من ام واب كانو على وعى ( توافق ) عليه الزوجه المحكوم عليها بهذا الفعل الشنيع ولكن تقدمهم الثقافى
انقذوا احفاد التخلف

الجنيات الغابت جابت
.
.
والله يا ابو احمد طولت الغيبة لكن جبت معاك كلام ممتاز تيزة شديدة خلاس
.
.
قاليك الجار عودو كان عيان
كلما زول ادخل عليهو اقول ليهو بتحس بشنو
اقول عندي ايدز
مالك يا الجار عود
ايدز
قاموا اولاد قالوا ليهو يا با بتتكلم كدي لشنو ؟
قال ليهن مالكن في شنو ؟
قالوا ليهو ات عارف ايدز دي معناها شنو ؟
قال آي عارفو
طيب لشنو بتقول عندي ايدز
قال : عشان بعد اموت ما في زول اعرس امكن دي
.
.
والحزب الحاكم زي عمك الجار عودو اعلاه
.
يا خالد ات ختيت ايدك فوق الجرح
وقلت اياهو دا هدو هدو هدو
اها نادي الحكيم يا تمرجي
البنسلين يا تمرجي
نادي الحكيم يطعني
.
يا ابو احمد عليك الله لاقاك هندي ولا بنغالي ساهي من عمالك الشغالين معاك ديل
قال سديق انا في اروح امش اشيل فاتحة .. لاقاك
في ذمتك دي لاقاك هندي قال نحن الهنود نحن اولاد مهاتما غاندي هيييييييع
عليك الله لاقتك اندوسيية قالت اجي ولا سجي ولا كررررررررر علي
وتيييييييب
تحياتي ومشتاقين

Quote: يا خالد ات ختيت ايدك فوق الجرح وقلت اياهو دا هدو هدو هدو اها نادي الحكيم يا تمرجي البنسلين يا تمرجي نادي الحكيم يطعني .

اين الحكيم

Quote: في ذمتك دي لاقاك هندي قال نحن الهنود نحن اولاد مهاتما غاندي هيييييييع عليك الله لاقتك اندوسيية قالت اجي ولا سجي ولا كررررررررر علي

اخى ود البوش كلامك عجبنى قت اكل العنب حبه حبه
بعدين لظروف ما فتحت النت الا اليوم من قبل الارشفه
كيف الاخبار ... ما جمعت بى الرايحه لا ها الحين

Quote: كيف الاخبار ... ما جمعت بى الرايحه لا ها الحين

لسع في البكا والنحيب وزاد وجدي ونوم عيني اصبح قليل
.
.
ما سمعت اندريا يا المحرب
كان ما الصبر تكليف
من بيتكن ما بقيف اندريا
.
.
يا خوي كان باريت كلامي بوستيك دا بتحول من عيادة الامراض السياسية
الى عيادة امراض الحانكلو اب حكا حلو

Quote: يا خوي كان باريت كلامي بوستيك دا بتحول من عيادة الامراض السياسية الى عيادة امراض الحانكلو اب حكا حلو

ود البوش مرات كلام الحانكو دا زاتو سياسه

الاخ الفاضل خالد

لك التحية و التقدير

حمدلله على السلامة

كنت فى الحج و لا شنو .... ؟


نعم اتفق معك تمام و كامل الاتفاق انه لابد من يكون هناك تغيير جذرى فى الحياة السودانية

طبعا تغيير الى الافضل , و لابد من تغيير من يفرض عليينا لونا و طعما و رائحة بعينها

لابد من تغيير عمر البشير و زمرته الفاسدة .

Quote: الاخ الفاضل خالد لك التحية و التقدير حمدلله على السلامة كنت فى الحج و لا شنو .... ؟ نعم اتفق معك تمام و كامل الاتفاق انه لابد من يكون هناك تغيير جذرى فى الحياة السودانية طبعا تغيير الى الافضل , و لابد من تغيير من يفرض عليينا لونا و طعما و رائحة بعينها لابد من تغيير عمر البشير و زمرته الفاسدة .

اخى قريمان ياتو حج دا فى شهر نا دا النحن فيه

انا ادعو الى التغيير المنهجى والموسس حتى نصل الى نتايج تكون مقنعه للكل
شكرا على المداخله المقدره جدا من جانبى