من هـو أكبر أعضاء المنبر (في السِن)....... أكبر زول/ة في المنبر دة منو؟

ياجنابو عمر .. تقبل الله صيامك وقيامك ....

يو اشا هي كبيرتنا من زماااان وقبل ما تكبر عمرا وانا اذكر انها كانت كبيرتنا ونحن تلاميذ في الوسطي علمتنا كيف نتظاهر رافضيين اغراق وادي حلفا وحينها هي ذاتها كانت طالبة علم ... اما دوما فالعمر يزيدها شبابا واحترمها لجمال روحها وجمالها وثقتها فيهما بحيث كانت اولي اخواتنا هنا ممن اعلن عن عمرهن ولا انسي هنا صحبي الجميل سلمي سلامة التي تعلن عن عمرها بانتظام عند كل عيد ميلاد لها وهي الاخري يزيد عمرها فتصغر .. اما انا فاستفيد من الديسكاونت الذي يوفره هذا الجمع الجميل فازداد شبابا ولو ان الحلاوة الزايدة (السكري) لديها علاوات اجبارية .....

اما جنابكم فالمنضبطون والرياضيون روحا وبدنا امثالكم لديهم ديسكاونت خاص جدا .....

اتمني للجميع صحة وسعادة فهما العمر الحقيقي...

مودتي

ابوبكر

Quote: يو اشا هي كبيرتنا من زماااان وقبل ما تكبر عمرا وانا اذكر انها كانت كبيرتنا ونحن تلاميذ في الوسطي علمتنا كيف نتظاهر رافضيين اغراق وادي حلفا وحينها هي ذاتها كانت طالبة علم ... اما دوما فالعمر يزيدها شبابا واحترمها لجمال روحها وجمالها وثقتها فيهما بحيث كانت اولي اخواتنا هنا ممن اعلن عن عمرهن ولا انسي هنا صحبي الجميل سلمي سلامة التي تعلن عن عمرها بانتظام عند كل عيد ميلاد لها وهي الاخري يزيد عمرها فتصغر .. اما انا فاستفيد من الديسكاونت الذي يوفره هذا الجمع الجميل فازداد شبابا ولو ان الحلاوة الزايدة (السكري) لديها علاوات اجبارية .....

كتير يا عزيزي من الذكريات عشان نعرف صاحب اللقب ‘‘ و التحية للإنسانة التي أحترمها جدا "سلمي الشيخ سلامة" عيد ميلادها السابق كان قبل شهر و سعدنا و فرحنا معها ‘‘ إنشاء الله الايام كلها أفراح بدون احزان واسأل الله أن يديم علي الجميع نعمة الافراح ‘‘‘ و يوم وراء يوم سنحتفل بي بكل من نحب ففي هذا السودان الصغير‘‘  

Quote: الاخت دوما تستحق الهدية لانها الوحيدة من بنات حواء التي تقدمت الصف واعلنت بصراحة عن عمر قالت انه مسنود بشهادة ميلاد صادرة من مكان لو ثبت ان لاهله معرفة بتسجيل المواليد في ذلك الزمان فاننا يجب ان نفخر باننا بلد متقدم .. ومن اجل (المجاملة) لهذه السيدة العظيمة فانني (اكرمها) بتخفيض عمرها للحد الذي ذكرة (اخوها الكاشف) .. وبذلك نحفظ لها سلطانها كامرأة في متوسط العمر ..

شكرا ليك يا/ عم عمر علي حسن.
دومة تستحق أكثر و أكثر ..
ولا شك ان الكثير من الاعضاء فد إكتشفو معنا من تكون دومة الله يطراها بالخير

Quote: وحتي لو كان عمرك 72 سنه يا اخت دوما فانني اكبر سنا

ما مشكلة يا أستاذ عمر في منافسين كتيرين للخالة دمة بس شوية شوية و حنجيبهم هنا للمنافسة ..
وواحدة من منجزاتنا في البوست إنو في إقتراح لتكريم اُمنَا الخالة /سعاد أحمد ابراهيم.

Quote: انت المفروض تحترم اي زول في البورد دا موش لانو اكبر سنا طيب والاصغر سنا مثل المسافر يعني ما تحترمو

ازيك يا المكاشفي الخضر ..
الحكاية ما كدة كل الناس هنا علي عينا وراسنا

المقصود إختيار أكبرالاعضاء و بعدها نقترح سوياً أي تكرم مناسبة له ..... ودة الهدف.

Quote: أضيف العم محمد أحمد الخضر "ود الخضر" من مسقط... و الدكتور عبدالرحمن إبراهيم من بوسطن متعهما الله بالصحة

شكرا اخوي محمد شمس الدين ..
ربنا يديهم الصحة والعافية
أعمامنا محمد أحمد الخضر
و د/ عبد الرحمن إبراهيم

انا حرفع ليهم البوست بين الحين و الأخر لحدي ما يجو يتداخلوا لوحدهم ... وزي ما قلنا في كثير من الاعضاء مسجلين بس عملية الإختيار حتكون صعبة شوية نطول بالنا وبنصل لي هدفنا.

Quote: يا عزيزي احمد .... العمر ليس مقياسا للمعرفة وانما تجربة من عاش وراي وعايش اكثر من الاخر وفي امور مشتركة ... المعرفة هي لمن يريدها ويسعي اليها جاهدا وليس للعمر فيها سلطان كبير ولا وصاية

بلا شك يا قريبي أبوبكر سيد احمد ...
العمر ليس مقياس للمعرفة ...... ولكن الذي أقصده هنا أن الإنسان كل ما العمر يتقدم بيهو بيصبح أكثر خبرة للتعامل مع الامور ..... وبالتأكيد مسألة تثقيف النفس و التعلم لا يتوصل إلي الانسان إلا بالسعي إليها.... اما الخبرة فتكتسب من خلال إحتكاك الفرد في مجتمعه لسنوات طويلة.

***- انا مابقول لك كم عمري، ولكن...

1- عاصرت زمن الانجليز، وشفت الحاكم العام البريطاني راكب حصانه الابيض وبتفقد الاسواق،
2- درست في مدرسة وحفظت ( في القولد التقيت بالصديق انعم به من فاضل صديقي)،
3- ركبت الحنطور من الطابية لحد بيوت الحرس،
4- ركبت الترمواي من شارع الدوران لحد سينما برامبل بامدمان ودفت "فرينـي"،
5- كنت بحب اغاني زنقار وعائشة الفلاتية، ويجوا عائدين ان شاء الله عائدين،
6- كان عندنا في البيت راديو كبير بشتغل بالبطارية، زي بطارية العربات،
7- ركبت القطر من الخرطوم لمدني وشاقي الحصاحيصا،
8- عاصرت زمن صديق منزول ( المايسترو)...وقرعم ( خالقها)!!
9- شربت البزيانوس والكيتي كولا، والمشروب كان تمنه قرش صاغ مصري،
10- قعدت مع الشيوعيين ورموز السياسة الكبار في قهوة عم دهب بميدان عبدالمنعم،حاليآ نادي الاسرة،
11- كنا نبعرف الممثلين الاميريكان ونبحب بصورة خاصة افلام: جاري كوبر، استيف، كيرك دوجلاس، جيمس دين، شارلي شابلن، جون واين، هيدي لامار، جاك بلانس، فرانك سيناترا، سامي ديفيز، ايرول فلين، فكتور ماتيور، مارلين مونرو،وصوفيا لورين،
12- اشهر الافلام المصرية في زمنا كانت: سجين ابوزعبل، جعلوني مجرمآ، غزل البنات،
13- سعر تذكرة السينما كانت ب 3 قروش ونص،
14- تذكرة الطيارة من الخرطوم للقاهرة ذهاب واياب ب30 جنيه مصري(ماطلعت وقتها قروش سودانية)،
15- اشهر قهوة في الخرطوم كانت قهوة المحطة الوسطي، ملتقي المثقفيين وناس السياسة، قام نميري بالغاءها بعد احداث 19 يوليو 1971، كانت وقتها محل لقاء الشباب والونسة لحد الساعة 11 ليلآ،
15- الدنيا صيام ورمضان، ماعاوز اكتب لك عن زمنا الجميل، والحرية الشخصية المصانة، تشرب بيرة ولاكورية مريسة ولابيرة ستلا مافي زول شغال بك شغلة،، والغني يشرب المستورد وماادراك ماالمستورد ( 29 نوع ) من لعن الله حاملها وشربها!!
16- جامعة القاهرة فرع الخرطوم سابقآ كان اسـمها "مدرسة الملك فاروق" وقتها،
17- الدولار كان في زمنا كان بساوي 3 جنيهات سودانية و66 سنت،
18- اول عدد من جريدة (صوت السودان) طلع في مايو 1940،
19- اول عدد طلع من جريدة ( العلم) بتاعت ناس الازهري في عام 1953،
20- اول عدد طلع من جريدة (الرأي العام) كان في منتصف مارس 1945،
21- اول عدد طلع من جريدة (الميدان) كان في 2 سبتمبر 1954،
22- اول عدد من جريدة الاخوان المسلمين ( الميثاق الاسلامي) كان في عام 1964،
23- عاصرت كمان زمن ظهور حزب الامة لاول مرة في 28 يناير 1945،
24- الحزب الاتحادي اتكون في نوفمبر 1952،
25- حزب الشعب الديمقراطي في 27 يونيو 1956،
26- الحزب الشيوعي ظهر لاول مرة فياغسطس 1945،
27- حزب الاحرار الجنوبي ظهر في اواخر عام 1953،
28- عاصرت قيام الجمعية التشريعية عام 1948،
29- وحضرت زمن اول تمرد عسكري في الجيش السوداني في 18 اغسطس 1955،
30- وحضرت زمن الحاكم البريطاني الكان عنده هيبة وحضور،وله احترام وكلمته ماتنزل الواطة، وقوانينه مطاعة وسلطاته نافذة وقوية،

***- رحم الله تلك الايام الخوالي....

***- اها قدر عـمري كم سـنة?!!

Quote: 7- الدولار كان في زمنا كان بساوي 3 جنيهات سودانية و66 سنت،

استاذ بكرى

تقصد الجنيه بساوى 3 دزلارات و66 سنت

يديك طولة العمر

الاستاذ بكري الصائغ

تحياتي

والله قد عشت في القديم الجميل والان تشهد عهد القهر والظلم والسرقه والاستهبال والدعوة لاسلمة المجتمع



يا سلام علي مانفيستو الحياة التي عشتها ترماج وترام وقطارات وسكه حديد وبوسطة ومدرسة اسطي

وحدائق وغناء وسكر وبوح بمحبة من تسكر به ان بفضل خمرة الدنيا او خمرة العشق الالهي ومدد يا سيدي مدد

مدارس تنشر التعليم ومدارس الان خاوية علي عدم العلم والمقاعد والغش

وصحة جيدة وناس مبسوطه

الان علامات صلاة ان جد جد او بفعل المصريين تدفع لهم نظير وضع علامة صلاة وعمة وشوية ارزقية منتشرين علي الطرقات


تكفير وارهاب مثل مسجد الطائف وداعيته للارهاب والاكراه محمد عبد الكريم

وشيخ عبد الحي يوسف اول من دعا الي حرق معرض النصاري بجامعة الخرطوم وهو مسئؤل تعليم الثقافة الاسلامية تصدق


انت عشت زمن رائع وجميل وتعلمت خير التعليم


قاتل الله الهوس الديني نشر الفساد والارهاب والذل والهوان والان يقسم البلاد بعدما عذب العباد

لك الحب والسلام

نعم الجنيه يساوي 3 دولار وتلت الي ان بدا التخفيض المجرم رحمه الله النميري علي يد بدر الدين سليمان

في مايو قد خفض الجنيه اربعتاشر مرة بداية من 1978 والي 1985
وعينك ما تشوف الا النور بعد ان اتت عصابة الدولة الاسلامية
ونشروا شعار
لا لدنيا قد عملنا ....................................

وووووب علينا لغف في اي حته مجرم او صعلوك باسم الاسلام يزمجر ويسرق في خيرات البلاد

ويوصف بالقوي الامين ويستبدل باحسن مما كان يعمل وغلمان ونشر الرذيلة والفساد وانت لك ملف كبير في فضحه



المقام مقام ناس كبار اتعلم منهم منهن لذا اتاسف لهذه الاطالة

كتب د/ بكري الصايغ

Quote: ***- انا مابقول لك كم عمري، ولكن... 1- عاصرت زمن الانجليز، وشفت الحاكم العام البريطاني راكب حصانه الابيض وبتفقد الاسواق، 2- درست في مدرسة وحفظت ( في القولد التقيت بالصديق انعم به من فاضل صديقي)، 3- ركبت الحنطور من الطابية لحد بيوت الحرس، 4- ركبت الترمواي من شارع الدوران لحد سينما برامبل بامدمان ودفت "فرينـي"، 5- كنت بحب اغاني زنقار وعائشة الفلاتية، ويجوا عائدين ان شاء الله عائدين، 6- كان عندنا في البيت راديو كبير بشتغل بالبطارية، زي بطارية العربات، 7- ركبت القطر من الخرطوم لمدني وشاقي الحصاحيصا، 8- عاصرت زمن صديق منزول ( المايسترو)...وقرعم ( خالقها)!! 9- شربت البزيانوس والكيتي كولا، والمشروب كان تمنه قرش صاغ مصري، 10- قعدت مع الشيوعيين ورموز السياسة الكبار في قهوة عم دهب بميدان عبدالمنعم،حاليآ نادي الاسرة، 11- كنا نبعرف الممثلين الاميريكان ونبحب بصورة خاصة افلام: جاري كوبر، استيف، كيرك دوجلاس، جيمس دين، شارلي شابلن، جون واين، هيدي لامار، جاك بلانس، فرانك سيناترا، سامي ديفيز، ايرول فلين، فكتور ماتيور، مارلين مونرو،وصوفيا لورين، 12- اشهر الافلام المصرية في زمنا كانت: سجين ابوزعبل، جعلوني مجرمآ، غزل البنات، 13- سعر تذكرة السينما كانت ب 3 قروش ونص، 14- تذكرة الطيارة من الخرطوم للقاهرة ذهاب واياب ب30 جنيه مصري(ماطلعت وقتها قروش سودانية)، 15- اشهر قهوة في الخرطوم كانت قهوة المحطة الوسطي، ملتقي المثقفيين وناس السياسة، قام نميري بالغاءها بعد احداث 19 يوليو 1971، كانت وقتها محل لقاء الشباب والونسة لحد الساعة 11 ليلآ، 15- الدنيا صيام ورمضان، ماعاوز اكتب لك عن زمنا الجميل، والحرية الشخصية المصانة، تشرب بيرة ولاكورية مريسة ولابيرة ستلا مافي زول شغال بك شغلة،، والغني يشرب المستورد وماادراك ماالمستورد ( 29 نوع ) من لعن الله حاملها وشربها!! 16- جامعة القاهرة فرع الخرطوم سابقآ كان اسـمها "مدرسة الملك فاروق" وقتها، 17- الدولار كان في زمنا كان بساوي 3 جنيهات سودانية و66 سنت، 18- اول عدد من جريدة (صوت السودان) طلع في مايو 1940، 19- اول عدد طلع من جريدة ( العلم) بتاعت ناس الازهري في عام 1953، 20- اول عدد طلع من جريدة (الرأي العام) كان في منتصف مارس 1945، 21- اول عدد طلع من جريدة (الميدان) كان في 2 سبتمبر 1954، 22- اول عدد من جريدة الاخوان المسلمين ( الميثاق الاسلامي) كان في عام 1964، 23- عاصرت كمان زمن ظهور حزب الامة لاول مرة في 28 يناير 1945، 24- الحزب الاتحادي اتكون في نوفمبر 1952، 25- حزب الشعب الديمقراطي في 27 يونيو 1956، 26- الحزب الشيوعي ظهر لاول مرة فياغسطس 1945، 27- حزب الاحرار الجنوبي ظهر في اواخر عام 1953، 28- عاصرت قيام الجمعية التشريعية عام 1948، 29- وحضرت زمن اول تمرد عسكري في الجيش السوداني في 18 اغسطس 1955، 30- وحضرت زمن الحاكم البريطاني الكان عنده هيبة وحضور،وله احترام وكلمته ماتنزل الواطة، وقوانينه مطاعة وسلطاته نافذة وقوية، ***- رحم الله تلك الايام الخوالي.... ***- اها قدر عـمري كم سـنة?!!

ربنا يحفظك يا د/ بكري الصايغ ..........
من الصعب أن نجد من يوثقك مثلك أنت فخر لنا وركن من أركان هذا المنبر.
ومن أراد ان يكتشف عبقرية د/بكري الصايغ في الوصف و التوثيق
فعليه بقراءة مداخلته اعلآه فقد وصف الحقب التاريخية التي كان شاهداً عليها بكامل الدقة

لو كان علي يا عم بكري لإخترتك بدون إستشارة الاخوة لنيل اللقب ‘‘
لكن لازم نشاور الجميع لانو زي ما شايفين في أعزاء ظهروا و طلبو لقب المنافسة.

أسأل الله أن يكتب لك العمر المديد،
وأن يجعل كل ما وثقته للأجيال في موازين حسناتك.

و

الأخ الـحـبيـب الـحـبـوب،
talha alsayed
تـحياتي ومودتي،
وألف شكر علي دعواتك الطيبة في حقي، وعليها ألف شكر اخري علي تصيـحيح المعلومة، وجزاك الله عني كل خيـر وسؤدد.


***- لما قامت الشكلة المشهورة بين الفنان الراحل ابراهيم عوض والفنان الكبير محمد وردي سنة 1957، كنا كبار وواعيين، ناس امدرمان انحازوا لابراهيم وناس قبيلة من( اندينا) ومعاهم ناس الخرطوم انحازوا لوردي. سبب الشكلة انو ابراهيم عوض كان وقتها فنان السودان الاول وخاصة سط الشباب والبنات (بالمناسبة :الفتيات في زمنا كنا بنسميهم حمام او قماري، وعشان كده طلعت لهم اغنية اي سرب يتهادي للمرحوم الفنان سيدخليفة)،

***- وكان ابراهيم عوض هو سيد الساحة الغنائية، قام الفنان محمد وردي مشي له بغرض مساعدته في سماع اغانيه للمسؤولين بالاذاعة، ابراهيم عوض طلب من وردي ان يسمعه اغانيه، فغني وردي اربعة اغنيات ولكن ابراهيم عوض ابدي عدم اعجابه بالاغاني ونصـح وردي يشوف له اي شغلانية غير الغناء،

***- وطارت الشكلة بينهم طويلآ ولم يتصالحا الا في السبعينيات!!!

***- اها قـدر عـمري كم سـنة?!!

***- لك مودتي اخـي طلـحة.

B]لاسباب يبدو انها فنية نزلت مدااخلتي مع مداخلة اخري لذلك فانني اعيد ارسالها علي جزئين لعلها تصلح للقراءة

الجزء الاول

Quote: غايتو انا الاكبر سنا اها لازم ترسل لي الهديه توب بنقالي وجوز مراكيب قطع الفاشروما تنسي حق البن و الصعوط

الاخت دوما تستحق الهدية لانها الوحيدة من بنات حواء التي تقدمت الصف واعلنت بصراحة عن عمر قالت انه مسنود بشهادة ميلاد صادرة من مكان
لو ثبت ان لاهله معرفة بتسجيل المواليد في ذلك الزمان فاننا يجب ان نفخر باننا بلد متقدم .. ومن اجل (المجاملة) لهذه السيدة العظيمة فانني (اكرمها)
بتخفيض عمرها للحد الذي ذكرة (اخوها الكاشف) .. وبذلك نحفظ لها سلطانها كامرأة في متوسط العمر ..

Quote: لعمر 72 سنهمن مواليد بير التوروك لبرهان على مداخلتي أعلاه موجود في هذا البوست

وحتي لو كان عمرك 72 سنه يا اخت دوما فانني اكبر سنا .. وساعو د لسني في محال المقارنة مع آخرين اعترف في وجودهم باني (وليد صغير) ..

عمر علي حسن

الأخ الـحـبيـب الـحـبـوب،
Sabri Elshareef
تحياتي ومودتي،
وسررت بزيارتك المقدرة، وجزاك الله كل خير علي دعواتك الكريـمة في شخصي الضعيف.

***- تعرف ياألشريف، زمان كنا بنسمع بحاجة اسمها زمن "الجاهلية الاولي"،وكان شيخ الخلوة يشرح لنا شنو الكان حاصل وقتها، وكيف عرب زمان بعيشوا وكيف كانت سلوكياتهم!!، ومرت السنيين الطوال ونسيت الحكاية مع مشاغل الدنيا لحد ماطبق نميري مااسماها وقتها ب"الشريعة الاسلامية" في سبتمبر 1983، ولقيت الناس بقت تتكلم عن عودة الجاهلية الاولي، التي طورها الحزب الحاكم لنعيش زمن "الجاهلية الاولي برئاسة طالبان السودان"!!

***- السودان الجميل بتاع زمان ضاع بسبب النميري والبشير، واحال النظام الحالي البلاد الي قطعة من جهنم!!، ياأخي ألشريف، لايمكن باي حال من الاحوال تقارن الوضع الجميل والحياة السهلة ايام حكم الحاكم العام في سنوات الاربعينيات والخمسينيات بالوضع الاسلامي الردئ الحالي?!!، زمان كان للسوداني هيبة ومكانة في كل مكان، والرؤساء الانجليز كانوا دائمآ يصرون احترام السوداني فسـمحوا بفتح الخلاوي والمدارس وبنوا كلية غردون التذكارية لتخريج كوادر تدير الدولة، وكان التعليم مجانآ، والطالب مابدفع مصاريف في المدارس او بكلية غردون، كانوا طلاب الاقاليم يسكنون مجانآ في الداخليات " البركس" ويتعالج مجانآ والوجبات الثلاثة مجانآ علي حساب الجامعة،

***- قبل ايام قليلة نشرت الصحف المحلية بهجـرة 1800 طبيب سوداني فروا بجلودهم من نظام طالبان السوداني، وقبلها كتبت الصـحفرب وجود ازمة بين الطلاب الفقراء بسبب عدم سـداد الرسوم الجامعية?!!، طيب الطالب بتاع دارفور يجيب من وين الرسوم واغلبهم ماعندهم اولياء امور?!!، قبل ايام قليلة برضو وقعت مشكلة للطلاب البدرسو علي حسابهم الخاص بالعملات الاجنبية بسبب ارتفاع اسعار الدولار!!! واحدة طالبة صرحت عديل وقالت ( لو البشير كان عنده اولاد او بنات بالجامعة كان الحال بكون غير حالنا حسه..لكن لانه محروم من الخلفة وماعنده اولاد ولابنات عشان كده مامهتم بنا ولابمستقبلنا)!!، حكاية زي دي لايمكن وتلقاها في زمنا الجميل الولي وفات، يعني الحاكم البريطاني لو عنده اولاد او ماعنده كان بهتم بالطلاب السودانيين زي اولاده!!

***- في زمنا الجميل داك كنت تلقي القانون مطبق علي الجميع لافرق بين سوداني وغير سـوداني والقوانين عندها مهابة واحترام. الليلة بكل سهولة تسمع باختفاء 300 طفل من دار المايقوما ولاواحد بسأل وين الاطفال ديل راحوا ولاكيف طلعوا من الدار?..تقرأ خبر اختفاء 10 مليار جنيه من خزينة وزارة الشئون الانسانية . .افلاس بنك النيليين، افلاس بنك نيما، افلاس خزينة ولاية الجزيرة وماتلقي تحقيقات ولااجراءات قانونية، وتقرأ بدل الاخبار تطبيق القوانيين الصارمة علي بائعات الشاي واللقيمات!!

***- في زمنا الجميل داك، ماكانت في مخدرات، الليلة الحكومة بتحارب الشيشـة وسكتت عن البنقو والافيون الدخل المدارس والجامعات!! كنا بنسكر ونعربد ونعمل السبعة وذمتها ولكن ماكان في زمنا دار "مايقوما"،، الليلة تسمع بالسودان الاسلامي الحضاري وكيف ان الحكومة تطبق الاسلام وعندها دار" مايقوما" بستقبل" كل سنة نحو 700 لقيط....... وبعترف بوجود مافيات لتجارة المخدرات والادوية الفاسدة والعملات المزيفة وعصابات تستورد السلع المسرطنة!!!

***- ياحليييييل زمنا الجـميل ياألشريف...وياليت ايام الشباب تعود يومآ...فاحكي لها مافعل...الـمشــيـر!!

***- لك مودتي اخي صـبـري.

انا اعترف للاخت العظيمة سعاد ابراهيم احمد ولكنها يجب ان ان تعترف لمنصور خالد
اما الاخ بكري الصائغ فقد حضرنا ما حضره وذكره .. فعليه ان يضبط نفسه في صفنا خلف من ذكرت اعلاه

اطال الله اعمار الجميع

عمر علي حسن

مداخلة عمر على حسن

Quote: ما اخونا الباشمهنس ابوبكر الذي يريد الاعتماد علي كونه رطاني ليجر الاخت دوما وراءه باشهر قليلة فسوف (يجدها عند الغافل) .. وهو مولود بالصلاة علي النبي في عام 1948 ولذلك نعمده (شلبا) كما عمدنا اخاه الكاشف (دوما) ونطالب باخراجه من المنافسة مع الابقاء علي اخيه الكاشف لاعتبارات الشجاعة التي اشرت اليها اعلاه . ونؤيد ابوبكر في رأيه الصحيح القائل Quote: يا عزيزي احمد .... العمر ليس مقياسا للمعرفة ولاشك ان المجال في المنبر مجال فكر وابداع ورأي وتعبير وهذه كلها لا تتطلب سنا .. ولكن لاينبغي الانتقاص من قيمة هذا البوست الهادف لارساء قاعدة احترام شرفي قائمة في مجتمعنا السوداني لكبار السن .. وقد خصني شخصيا كثير من المتداخلين معي بهذا الاحترام للسن واصبح حافزا لي لاكتب وارد واتداخل .. ولست انكر علي الذي وصف مبار السن بانهم (ديناصورات) ولكنني اسال الله له ان يعمر حتي يقال له مثلما قال ويري ان كان ذلك الوصف سيعجبه .. اخيرا فانني اكبر من الاخت دوما والاخ المهندس العظيم ابوبكر سواء كان ذلك بحسابها او بحسابه .. لكنني بالقطع اصغر كثيرا من الدكتور منصور خالدوالاستاذ خالد العبيد ان كانا يحتفظان بعضويتهما بالمنبر وادعوا لهما بطول العمر .. Quote: اليوم عيد ميلادي ال 64 إحتفلوا معي كل سنة وانت طيب .. وانت ياخي شباب دائم انشاءالله عمر علي حسن

اول ما الواحد يسألوه من عمره يبتدى يفكر .. فى ما مر من ايام .. حلوها و مرها .. و ما هو آت هل هو كافى لتعويض ما فات ؟؟

انا سعيد جدا بما انقضى من عمرى .. لقد حققت الكثير و الحمد لله .. اجمل ما فى ذلك معرفتى بالناس بكل ما فيها .

منذ انضمامى للمنبر لم اجد غير كل احترام من الجميع .. اسعدنى ذلك كثيرا و صرت مدمن للمنبر .. وشكرا لبكرى و لكم جميعا .

قبل ما نخش فى قصة العمر دى .. اعتقد احترام الكبير و الصغير واجب جبلنا عليه و يجب ان يكرس هنا فى المنبر .

بس الكبار .. لابد من وان يكون لهم احترام خاص .. وهذا البوست فرصة طيبة لمعرفة كبارنا .. طبعا انا فيهم !!

بخصوص العمر و كدا .. انا و اخوى دكتور / عارف عفان .. اكبر اثنين فى بورداب جدة .. يعنى ستين الا شويه !!

اها قصرتا معاكم ؟

الود كله لكم و لصاحب البوست

وكل عام و انتم بألف خير

لووووووووووووووووووووووول الله يديكم الصحه وطول العمر يا جماعه
احتراماتي لكل الاخوه الذين دخلوا المنافسه .يا باش مهندس يا اخي انتوا ما اولاد المدن بدخلوكم المدارس صغار
نحن اولا نسرح بالبهيمات ونحتلن البرم
ونقدم الغنيمات علي طرف الوادي
ونلقط الويقود وخدره الوادي ونشرك للدباس
بير التوروك دي في الخريطه ما ظنيت تتلقي وتقول لي سجل مواليد !!

Quote: مصدقينك يا خالة دوما وبدون شهادات ‘‘‘"ربنا يحفظ لينا" .. المنافسة مشتدة و نيل اللقب دا ما شي ساهل .... و ظهرو ليكي منافسين زي ما شايفه . يشهد الله قبل البوست ما كنت عارف عمرك كم ‘‘ وسبحان الله لم نجد من كتابات إلا كل الخير و الفائدة. ولم أختلف معكي في يوم من الأيام لو تذكري..

بركه ياولدي العرفت عمري كم
لكين ما ظهرت لي منافسه للان
اخواني كبار البورد خليهم يتنافسوا براهم
وانا بتنافس مع النساء والي الان اتصدر قائمه كبيرات البورد

Quote: بركه ياولدي العرفت عمري كم لكين ما ظهرت لي منافسه للان اخواني كبار البورد خليهم يتنافسوا براهم وانا بتنافس مع النساء والي الان اتصدر قائمه كبيرات البورد

ماما دومة 72 سنة بتصليها ما تستعجلى

بطرفنا صور حديثة حننزلها لو كترتى واصريتى على السبعينات دى
ماتستعجلى ياماما ...
اذا اقتنعنو دومة دى سبعينية تكونو بالغتو والله ؟

Quote: بطرفنا صور حديثة حننزلها لو كترتى واصريتى على السبعينات دى ماتستعجلى ياماما ... اذا اقتنعنو دومة دى سبعينية تكونو بالغتو والله ؟

اححححححححي انا منك
يا بت يا اميره كدي ناوليني حقه الصعوط دي
و وامشي علي رفيقاتك هناك اخبزن وقشقشن الحيشان العيد قرب

Quote: اححححححححي انا منك يا بت يا اميره كدي ناوليني حقه الصعوط دي و وامشي علي رفيقاتك هناك اخبزن وقشقشن الحيشان العيد قرب

hahahahahahahahahahaha

Ich liebe dich mama

لم أكن أعرف أني شافع في اهذا البوست حتى قرأت هذا البوست!!

Quote: لم أكن أعرف أني شافع في اهذا البوست حتى قرأت هذا البوست!!

الاستاذ عبد الحفيظ ... لك تحياتي و إحترامي
لا يا شيخ ! راجع معلوماتك يا استاذ "لطيف" و حاول نافِس و أتحفنا بي ذكرياتك عشان يمروا ليها ناس لجنة الحكام ‘‘ و أكيد ليك مركز من المراكز الاولي  وساعدنا بي إقتراحاتك للمرحلة القادمة و حاول أحصر لينا البورداب المرشحين في البلد الذي تُقيم فيه.

Quote: اححححححححي انا منك يا بت يا اميره كدي ناوليني حقه الصعوط دي و وامشي علي رفيقاتك هناك اخبزن وقشقشن الحيشان العيد قرب

حىىىىىىى منك ات دى ياماما

حاضر ياماما ......بس صورتك بتاعى التوب البلو سمحة شديييييييييييييييييييييييييييييييييد
غايتو عندك توب عندى بمناسة عيد ميلادك ال72 كان ربنا هون..

ماما دومة خليناها الصور الحديثة ...السنة الفاتت القريبة دى(اول عام انول ) راوية مش فتحت ليك بوست
عيد ميلادك الكم كدا ؟ وانا جبت التورتة كمان

اااااااااااااااااااااااااااااخ....

الناس دى باين مامتابعة...

Quote: غايتو عندك توب عندى بمناسة عيد ميلادك ال72 كان ربنا هون..

والله عاد انا االتياب دي بمووت فيها عديل كدا يا اميره بتي
عيد ميلادي ال 72 يوم 12 شهر تسعه
ولازم يكون لونه بلو التوب ووحضري التورته والشموع وكوستاوي بجيب لي الرد واين والورد الاحمر

ارشح دكتور عمر كبير
وهوعضو جديد بالبورد منذ ايام فقط
حقيقة فى دردشه معه فى عيادته وحينها احضرته له حبوبة عائشة عليها الرحمه
كانو للاخر وكده ... يعنى اولاد دفعه ... وكده1

Quote: Ich liebe dich mama

Ich dich auch
warum sehe ich dich beim MSN seit Jahren nicht mehr?

يا زينب كنتي وين .. رمضان كريم

Quote: .يا باش مهندس يا اخي انتوا ما اولاد المدن بدخلوكم المدارس صغار نحن اولا نسرح بالبهيمات ونحتلن البرم ونقدم الغنيمات علي طرف الوادي ونلقط الويقود وخدره الوادي ونشرك للدباس بير التوروك دي في الخريطه ما ظنيت تتلقي وتقول لي سجل مواليد !!

اكان قريتنا الفي بطن الحجر واسمها ما اتغير من سنة 3000 ق م والمحطات الحيرت كتشنر ذاتو فعمل منها جدول حساب واللا جبل دود وبيوت بقت مدن ابقي انا ود مدن ..انا استفدت من اني ود"سكة حديد" وزي ما كانت مواعيد القطارات بتسجل في دفاتر لقيت يوم ميلادي مسجل في دفتر سوا سوا مع مشترك كوستي واكسبريس حلفا وبضاعة تسني(كانت زمااااااانك تابعة للسودان او محطتها تبع سكك حديد السودان لاني عندي صورة وعمري شهر هناك لما كان المرحوم والدي ناظر المحطة ...الصورة اخدها واحد ايتالايانو ...( اها بشان كدة اكلنا بيتزا زماااااان ) .. شفتي كيف ؟؟؟ ورعيت الغنم قبل التهجير وجبت الموية بخرج من البحر ودرست القمح ..الخ ... وتقوللي ود مدن هو اصلي بقدم اغاني واغاني واللا تواشيح النهر الخالد ؟؟؟؟

Quote: ان قريتنا الفي بطن الحجر واسمها ما اتغير من سنة 3000 ق م والمحطات الحيرت كتشنر ذاتو فعمل منها جدول حساب واللا جبل دود وبيوت بقت مدن ابقي انا ود مدن ..انا استفدت من اني ود"سكة حديد" وزي ما كانت مواعيد القطارات بتسجل في دفاتر لقيت يوم ميلادي مسجل في دفتر سوا سوا مع مشترك كوستي واكسبريس حلفا وبضاعة تسني(كانت زمااااااانك تابعة للسودان او محطتها تبع سكك حديد السودان لاني عندي صورة وعمري شهر هناك لما كان المرحوم والدي ناظر المحطة ...الصورة اخدها واحد ايتالايانو ...( اها بشان كدة اكلنا بيتزا زماااااان )

لووووووووووول يا باشمهندس اهو انت كمان طلعت ود عز اكلت بتزا وصورك الايطالي وانا بت مهمشين ولاده حبل

اول صوره تلتقط لي سنه 1974 لاستخراج ا الجنسيه واول جواز سفر 1983 والبتزا دي اول مره اكلها سنه 1983 شهر عشره في المانيا Prien am chiemsee وبرضك تقول لي الكاشف اخوك عندو شهاده ميلاد لوووووووووول

يازينب ...

Quote: لووووووووووول يا باشمهندس اهو انت كمان طلعت ود عز اكلت بتزا وصورك الايطالي وانا بت مهمشين ولاده حبل اول صوره تلتقط لي سنه 1974 لاستخراج ا الجنسيه واول جواز سفر 1983 والبتزا دي اول مره اكلها سنه 1983 شهر عشره في المانيا Prien am chiemsee وبرضك تقول لي الكاشف اخوك عندو شهاده ميلاد لوووووووووول

اول مرة "اشوف" البتزا كان برضو في المانيا بس قبل منك في 1972 والبرد شديد والفلوس شوووووية والجوع كافر والايتاليانو يرمي العجينة فوق ويقوم لاقفا بحركات قبلما يعوسا ويخت البيض وووو .. منظر تاريخي ....
اكان الصور بتخلي الواحد ود عز اها انا كانت اول كاميرا امتلكها في 1957 سوا سوا مع الساعة الجوفيال الكسبتها في كرتله زز السودان كان وقتها بلد عز ....اها بقيت ود عز بساعة وكاميرا كمان ...

قعدت محتار ومستغرب

ياربي المقعدنا لحدي هسع مع الناس الكبار ديل شنو

مفروض بكري يعمل منابر وحدات للناس الكبار ووحدات للشباب الزينا ... الخ


صلاح غريبة - الرياض

ود الموج 99 سنة

Quote: مفروض بكري يعمل منابر وحدات للناس الكبار ووحدات للشباب الزينا ... الخ

غريبة أختشي.

Quote: عيد ميلادي ال 72 يوم 12 شهر تسعه

سنة كم ؟

Hej igen

Quote: Ich dich auch warum sehe ich dich beim MSN seit Jahren nicht mehr

Jag är inte på MSN så mycket eftersom jag var för upptagen
hopps jag om jag har tiden

Quote: Ich liebe dich mama

مافي مشكلة يا HOPEFUL حنعرف المعني بكرة إنشاء الله
في واحد زميلنا من أماني من أمانيا الإتحادية بكرة بسألو عن معني الكلام الفوق دة
إنت زول قديم في المنبر دة يا HOPEFUL كدي حاول خش المنافسة ولا رشح لينا بورداب من طرفكم ..

نحنا غايتو بوردابنا هنا ما كتار وكلهم ما أظن يخشو المنافسة
ولو غصبتوا علينا حنوريكم أكبر واحد فينا منو بعد ما ناخد منو الإذن.

سلام واحترام اخونا
احمد محمد بشير

Quote: مافي مشكلة يا HOPEFUL حنعرف المعني بكرة إنشاء الله في واحد زميلنا من أماني من أمانيا الإتحادية بكرة بسألو عن معني الكلام الفوق دة إنت زول قديم في المنبر دة يا HOPEFUL كدي حاول خش المنافسة ولا رشح لينا بورداب من طرفكم .. نحنا غايتو بوردابنا هنا ما كتار وكلهم ما أظن يخشو المنافسة ولو غصبتوا علينا حنوريكم أكبر واحد فينا منو بعد ما ناخد منو الإذن.

يا أخي أعفي لي والله
أنا جيت ناطي اتشمشر عشان أعرف ريسنا منو في البلد دي
أها لقيت أمي دي مارقة هبابة بررررررررررره ورامية حقته في واطة الله دي مع الجرر بكسر الجيم _جمع جرة ودي بعرفوها ناس التنباك
المهم.. قلت أسلم عليها من غير ما أشوشر على أحبابنا القدماء الهناء هههههههه

وبالمناسبة أمي دي هاوية كبر ساي ... شيلة من الصف حتى حق الحريم ما تختها ..(غايتو الله يسترنا الليلة)

غايتو من الرجال برشح عمنا الموسوعة بكري الصائغ .. وعمنا الحبوب الغائب صديق ضرار
من النسوان عندي اثنين في بالي بس امي ما واحدة منهن كيتاً فيها لوووووووووووووووول

Quote: بطرفنا صور حديثة حننزلها لو كترتى واصريتى على السبعينات دى ماتستعجلى ياماما ... اذا اقتنعنو دومة دى سبعينية تكونو بالغتو والله ؟

يا أميرة الحكاية شنو ؟
يا اااااخ في ناس كتار شهدو علي الخالة دي ومن ضمنهم ذو اليد
راجعي حكاويها دي تاني من جديد ....
وبعدين يا "أميرة المنبر" ما تلخبطي علي الخالة ..... الحاجات الذكرتها الخالة دي مافي زول بيقدر يتذكرها إلا زول عايشها و إحتك بالاحداث.

ناس عمنا بكري و يوسف و عمر علي حسن و أبوبكر كلهم إقنعو بالمعلومات الذكرتها الخالة.

شوفي و ألعبي غيرها يا أميرة ....  

Quote: شوفي و ألعبي غيرها يا أميرة ...

ماعايزة اى لعب بعيد من ماما دومة يااحمد ممد بشير

Quote: اخواني كبار البورد خليهم يتنافسوا براهم وانا بتنافس مع النساء والي الان اتصدر قائمه كبيرات البورد

بالتأكيد يا خالة إنتي في المقدمة حتي الان ....... و إذا كان في منافس أو منافسة نرجوا أن يشرفونا بتوثيقهم هنا .
بالنسبة لي إقتراحك بخصوص الاخوة كبار البورد ف إنتي تأمري و نحنا ننفذ ‘‘ وحنواصل معهم حتي نصل الي فائز

و إنتي خليكي قريبة لتؤكدي لنا الوقائع و الذكريات الأحداث التي سترد وتوثق هُنا ‘‘
يعني إنتي يا خالة دوما حتكوني في رئاسة لجنة التحكيم .

Quote: احتراماتي لكل الاخوه الذين دخلوا المنافسه .يا باش مهندس يا اخي انتوا ما اولاد المدن بدخلوكم المدارس صغار نحن اولا نسرح بالبهيمات ونحتلن البرم ونقدم الغنيمات علي طرف الوادي ونلقط الويقود وخدره الوادي ونشرك للدباس بير التوروك دي في الخريطه ما ظنيت تتلقي وتقول لي سجل مواليد !!

مشاء الله .......... شُوفتوا الخالة دوما دي بتنافس كيف ؟!!
"التوروك" دي دليل قوي علي إنك شاهدة للزمن الجميل , و مافي زول حيقدر يغالطتك فيها.


يالا شدو حيلكم ومين فيكم حينافس الخالة ؟
زيديهم يا خالة بالذكريات و الحكاوي ....... علشان يجروا شخييييت ويرجعوا بعيد.

Quote: احتراماتي لكل الاخوه الذين دخلوا المنافسه .يا باش مهندس يا اخي انتوا ما اولاد المدن بدخلوكم المدارس صغار نحن اولا نسرح بالبهيمات ونحتلن البرم ونقدم الغنيمات علي طرف الوادي ونلقط الويقود وخدره الوادي ونشرك للدباس بير التوروك دي في الخريطه ما ظنيت تتلقي وتقول لي سجل مواليد !!

مشاء الله .......... شُوفتوا الخالة دوما دي بتنافس كيف ؟!!
"التوروك" دي دليل قوي علي إنك شاهدة للزمن الجميل , و مافي زول حيقدر يغالطتك فيها.


يالا شدو حيلكم ومين فيكم حينافس الخالة ؟
زيديهم يا خالة بالذكريات و الحكاوي ....... علشان يجروا شخييييت ويرجعوا بعيد.

كتب عمنا يوسف

Quote: اول ما الواحد يسألوه من عمره يبتدى يفكر .. فى ما مر من ايام .. حلوها و مرها .. و ما هو آت هل هو كافى لتعويض ما فات ؟؟ انا سعيد جدا بما انقضى من عمرى .. لقد حققت الكثير و الحمد لله .. اجمل ما فى ذلك معرفتى بالناس بكل ما فيها . منذ انضمامى للمنبر لم اجد غير كل احترام من الجميع .. اسعدنى ذلك كثيرا و صرت مدمن للمنبر .. وشكرا لبكرى و لكم جميعا . قبل ما نخش فى قصة العمر دى .. اعتقد احترام الكبير و الصغير واجب جبلنا عليه و يجب ان يكرس هنا فى المنبر . بس الكبار .. لابد من وان يكون لهم احترام خاص .. وهذا البوست فرصة طيبة لمعرفة كبارنا .. طبعا انا فيهم !! بخصوص العمر و كدا .. انا و اخوى دكتور / عارف عفان .. اكبر اثنين فى بورداب جدة .. يعنى ستين الا شويه !! اها قصرتا معاكم ؟ الود كله لكم و لصاحب البوست وكل عام و انتم بألف خير

وكتب عمنا / يوسف محمد يوسف

Quote: نا سعيد جدا بما انقضى من عمرى .. لقد حققت الكثير و الحمد لله .. اجمل ما فى ذلك معرفتى بالناس بكل ما فيها .

و الله نحنا برضو سعداء بمعلوماتك ونصائحك يا عم يوسف , و الواحد سعيد جدا إنو إتعرف بيكم من خلال موضوعنا المطروح هنا و اكيد اي عضو مر علي البوست حيكون قراء مداخلتك الجميلة دي ‘‘ و بالتالي إنت علي عينا و وراسنا ... و تأكد تماما يا عم يوسف إنو إنت لو قلت رايك في اي موضوع مطروح هنا في المنبر حتلاقي إنو كل الناس متفقة معاك لانك إحتكيت بالحياة لسنوات و عرفت مجريات الامور و دهاليز السياسة الداخلية و الخارجية لبلادنا الحبيبة.

Quote: بس الكبار .. لابد من وان يكون لهم احترام خاص

أكيد أكيد يا عم يوسف كامل الإحترام ليكم ......
** ودة هدفنا من البوست , وأطلُب من البقية إنهم يجو يسجلو حضورهم في البوست و يحتفونا بي ذكرياتهم و بالمرّة يخشو المنافسة.

كل عام و أنت بخير و أسأل الله إنو يتقبل منا و منكم الدعوات في هذة الليلة المباركة ..
ليلة السابع و العشرين من رمضان ..

Quote: مداخلة عمر على حسن

شكرا ليك يا عادل حمزة ... علي تعديلك وتنسيقك لمداخلة عمنا عمر




ونبشرك يا أستاذ عادل إنو عمنا عمر علي حسن داخِل المنافسات لان ذكر إنو شاهد و عاصر كل الأحداث الشّيقة اللي عاصرها عمنا د/ بكري الصايغ.

Quote: انا اعترف للاخت العظيمة سعاد ابراهيم احمد ولكنها يجب ان ان تعترف لمنصور خالد اما الاخ بكري الصائغ فقد حضرنا ما حضره وذكره .. فعليه ان يضبط نفسه في صفنا خلف من ذكرت اعلاه اطال الله اعمار الجميع عمر علي حسن

ألف شكر ليك يا عم عمر هذة الحقائق ‘, الخالة دما قالت لازم يكون في منافسة بينكم كرجال
أما في منافسات السيدات فالأمر شبة محسوم .

نرجع ونقول المنافسة محصورة بينكم و طالما حضرت الذي حضره د/ بكري فأكيد واحد منكم أقرب للقب
بس نحنا و القراء ما عارفنوا منو ؟!

بي مداخلتك دي صعبت لينا الامور .........

يا قريبي احمد

Quote: نرجع ونقول المنافسة محصورة بينكم و طالما حضرت الذي حضره د/ بكري فأكيد واحد منكم أقرب للقب بس نحنا و القراء ما عارفنوا منو ؟!

قريبي وسمي "ابوبكر سيداحمد الصائغ" العرض الجابو برضو شفنا اغلبه .. يعني هو شاف بعض المناظر قبلنا في عرض السبت ونحن شفنا واحد حضر العرض وجا حكي لينا واحنا قاعدين بر السيما لانو الدخول كان لعشرة واكبر واحنا كنا شوية اقل من عشرة ... يعني سوا سوا ....

ابوبكر سيداحمد محمد ( شفت الفرق بسيط كيف ؟؟) ..

سن المعاش الرسمي اقلو ستيين وفي بريطانيا 65 وعايزين يرفعوه الي 70 للتخلص من تكاليف ال bus pass ولهذا المنافسة تكون للستينيات والستينيين وبعدين ما في فرق بين اي واحد عمرو بين 60 و70 ....

__
حاشية : السبب :
Forty is the old age of youth, fifty is the youth of old age""

سلام يا دوما
وتحياتي

Quote: وانا بتنافس مع النساء والي الان اتصدر قائمه كبيرات البورد

اعتقد ان الاستاذة سعاد ابراهيم احمد
عضو البورد اكبر منك سنا
لانها ولدت بتاريخ 30 مايو 1935
وعمرها الآن 75 عاما
ربنا يحفظها ويدها الصحة والعافية

ولكم احترامي

Quote: اعتقد ان الاستاذة سعاد ابراهيم احمد عضو البورد اكبر منك سنا لانها ولدت بتاريخ 30 مايو 1935 وعمرها الآن 75 عاما ربنا يحفظها ويدها الصحة والعافية

يا ود العبيد نعم الاستاذه المبجله سعاد ابرهيم احمد اكبر مني وممكن تكون اخت لجيل والدتي المولوده عام 1930
لكين المنافسه دي قالوا الا الزول يتقدم بنفسه يبقي للان انا كبيره البورد لوعندك طعن تاني اطعنوا .

وبما انني احد اعضاء لجنه التحكيم
اعلن عن عدم كفاءه اخي الجميل الكاشف الرطاني
لنيل اسم كبير البورداب
حيث تمت ازاحته تماما
بواسطه اخي المحترم بكري الصائغ

Quote: وهذا البوست فرصة طيبة لمعرفة كبارنا .. طبعا انا فيهم !!

أنا برضو فيهم كما هو ظاهر من صورتي الحديثة في البروفايل

تحياتي

تحية خاصة جدا جدا ....للباشمهندس ابوبكر والاستاذ بكرى الصائغ والاستاذ جعفر اسماعيل
وابوى وعمى عمر على ,,,,,,
تحية محبة واجلال وتقدير لانكم تحفظون لهاذ البورد توازنه بالحكمة والمعرفة المعتقة والوعى والاستنارة الحقيقية
ومنكم نتعلم وبيكم بكون دربنا اخضر ومنور ...
فرصة للتعبير عن محبتى ليكم ولمجهودكم الوافر نوعا كما......

حابة اقول ملاحظة بسيطة ......
البورد دا ممكن يكون غالبية العضوية هم مواليد الستينيات والسبيعينيات ونسبة بسيطة من مواليد التمينيات
مواليد التسعينيات ديل ممكن يكون اقل من الاقلية ذاتو وممكن يكونو مافى
مواليد الاربعينات والخمسينات تقريبا هما الاقل عددا بهذا البورد واحتمال السبب يرجع الى
انهم ماعاصرو الطفرة التكنولوجية الحصلت فى الفترة الاخيرة
و نجدهم غير متحمسين للتعامل مع وسائل الاتصال الحديثة ابسطها الموبايل واعقدها الانترنت
لذلك نجدهم زاهدين فى المشاركة الاسفيرية كما هو زهد السودانيين دائما فى حالة الجديد ..
دى مجرد ملاحظة مامبنية على اى سند علمى ممكن تكون شبه صحيحة وممكن لا ...


لذلك تحياتى للاباء ..ابوبكر .....الصائغ ....جعفر ..عمر ....

صديقي جعفر

Quote: أنا برضو فيهم كما هو ظاهر من صورتي الحديثة في البروفايل

اليابان بها اكبر نسبة معمريين في العالم مع كندا ...وبالتالي وجودكم هناك يجعلكم من الشباب مقارنة بمعمرييهم فلذا انت خارج المنافسة....

تسلمي يااميرة ...افساح المجال للشباب والاعمار الصغيره لتناقش وتاتي بارائها فيما يحدث في بلادنا وحولنا وتشجيعهم علي ذلك هو من اسباب وجودنا هنالتحفيزهم ....سنة الحياة ان القادم هو للاصغر عمرا واسقطات او نجاحات الحاضر تمسه هو وبالتالي التواجد الاكبر لهم هنا محمود ...

بيل غيتس (مايكروسوفت ) واستيف جوبز (ابل) من مواليد1955 وبول الن (مؤسس مايكروسف مع غيتس ) من مواليد 1953 .. فالخمسينيين هم رواد هذه التقنية ولذا اتوقع تواجدا مقدرا لهم هنا ...انا قضيت ثلاثيين سنة اكابس مع هذه التقنية من مجرد هواية الي عمل يوما ما الي تاسيس اول شبكة اليكترونية في اسيا .. هذه التقنية هي للطفل والسبعيني كما يقال عنها .......

شكرا كثيرا

Quote: بيل غيتس (مايكروسوفت ) واستيف جوبز (ابل) من مواليد1955 وبول الن (مؤسس مايكروسف مع غيتس ) من مواليد 1953 .. فالخمسينيين هم رواد هذه التقنية ولذا اتوقع تواجدا مقدرا لهم هنا ...انا قضيت ثلاثيين سنة اكابس مع هذه التقنية من مجرد هواية الي عمل يوما ما الي تاسيس اول شبكة اليكترونية في اسيا .. هذه التقنية هي للطفل والسبعيني كما يقال عنها .......

استاذنا ابوبكر ...
اعرف ان الخمسينيين هم رواد هذه التقنية ولا انكر ايضا ان الكثيرين منهم متعاملين مع هذه التقنية وبشكل جيد جدا
انا ملاحظتى قصرتها علينا كسودانيين وعايشين جوة السودان زاهدين فى التعامل مع الجديد ويخص التكنولوجيا بشكل عام
انا ابوى لى الليلة مابحب يشيل موبايل
وشان اثبت ليك كلامى؟؟
مثال هو انت وعم عمر عايشين فى الامارات وعم جعفر فى اليابان وعم بكرى الصائغ فى المانيا
يعنى كلكم عايشين برة السودان ...
كدى نشوف كم عضو اوفر 60 بكتبو من داخل السودان

يا اميرة ....التعامل مع التقنية مشكلة غير مرتبطة بالمكان او من اين اتيت فانا اعمل مع عشرات الاوربيين والاسيويين الذين من هم صناع ومطوري تقنية الكمبيوتر والاتصالات ولولا الزام جهات العمل بان تكون معاملاتنا من خلال الاجهزة الاليكترونية لما اقتربو منها .. واري يوميا زميلي البريطاني وهو يسب ويلعن عندما يبطئ الجهاز او لا يفهم كيف يتعامل مع جزئية معينة في هاتفه او جهاز الكمبيوتر .. انه لا يحاول ان يتصرف خارج نطاق ما تدرب عليه يوم ان استلم الهاتف والجهاز واقوم انا دون ان اتي بفني الشركة لمساعدته حيث انها امور عادية لا تستوجب تدخل فني .. هذا الحاجز الذي بين كثير من البشر والتقنية هو من تعود علي امور تقليدية لا يحاول الكثيري الانفكاك منها بمختلف جنسياتهم .... اعرف زميلا بريطانيا كان يفتخر بانه لا يقرء رسائله الاليكترونية ولذا كلفني وادارتي الكثير حينما تاخرت معاملات مهمة وعاجلة لديه لم يراها لانه لا يجب التعامل مع التقنية ... امثلة كثيرة ويومية ,....الصغار كون ان العابهم وهم اطفال تحولت من الالعاب التقليدية التي كانت لدي جيلنا الي العاب اليكترونية فصار تعاملهم مع التقنية سهلا متاحا ...لو زرتي الفيسبوك وبحثتي لو جدت مئات من اطفال وصبية السودان هناك ومن الداخل ...كلما تصير التقنية متاحة فاول من يتعامل معها هم الاجيال الصغيرة ....الهواتف الجوالة وشركات الاتصالات المتطورة في السودان جعلت التعامل مع التقنية متاحة .. فاجهزة الجوال فيها كلها اليوم ميزات الوسائط المتعددة للاتصال من انترنيت وخلافه وحيث ان هذه الهواتف انتشرت في كل السودان فهنالك ثمانية مليون سوداني يستعمل الانترنيت وفق احصائيات عالمية.....

يازينب .. بطلي تحيز....(بكري في المانيا)

بكري الصائغ عايش في اوروبا ولذا بيفقد كام نقطة لانو البرد هناك كتير والخلايا بتكون "مرطبة" وانا وحيث اعيش في بلاد درجة حرارتها تصل الخمسين وزيادة فان خلاياي بتنشوي ( فاقد خلايا) فلذا بكري اووت .....

لوووووول الكاشف اخوي هل انت شفت الحاكم الانجليزي ؟؟
او ركبت الترماج ؟؟
الاشياء دي ما في زول مولود اخر اربعينات او خمسينات شافها اطلاقا .
بكري الصايغ in انت اوت
و انا ما زلت اتصدر القائمه

يا زينب دعايات جوزيف غوبلز الالمانية دي ما بتخليني اتزحزح قيد انملة لورا ....

Quote: لوووووول الكاشف اخوي هل انت شفت الحاكم الانجليزي ؟؟ او ركبت الترماج ؟؟ الاشياء دي ما في زول مولود اخر اربعينات او خمسينات شافها اطلاقا . بكري الصايغ in انت اوت و انا ما زلت اتصدر القائمه

الحاكم شفت صورتو وبعدين ما كان في حاكم عام في السودان كان نائبو بس!!
الترماج شفتو مرمي وراء نادي الهلال او في المناطق الكانت خلا زماااااانك في الحتة دييك

Quote: الحاكم شفت صورتو وبعدين ما كان في حاكم عام في السودان كان نائبو بس!! الترماج شفتو مرمي وراء نادي الهلال او في المناطق الكانت خلا زماااااانك في الحتة دييك

لوووووووول يا بشمهندز نحن ما قلنا الصور
او الركج بتا ع الترماي
نحن سالنا بلغه الاعراب هل رايت نائب الحاكم بشحمه ولحمه وحصانه الابيض ؟؟!!
وهل ركبت الترام او السمع بكسر السين كما كان يسميه والدي ؟؟؟
غايتوا الا اتنازل ليك انا من لقبي تكرما

Quote: نحن سالنا بلغه الاعراب هل رايت نائب الحاكم بشحمه ولحمه وحصانه الابيض ؟؟!! وهل ركبت الترام او السمع بكسر السين كما كان يسميه والدي ؟؟؟

يعني هو شافني؟؟؟ تواجدنا في مدينة واحدة ولم اراه.....؟؟
انا الترماج شفتو وما ركبتو لاني كنت ساكن الخرطوم غرب وجدي عليه رحمة الله شغال في الخرطوم وجنينة النزهة في الخرطوم والسوق الافرنجي في الخرطوم ولم يكن هنالك اي داع لاركب الترماج من والي امدرمان ؟؟؟

يا جماعة مسألة الأعمار دي أصبح ما عندها معنى اليومين ديل والكبير أصبح يسمى ديناصور ويطالب بان يفوت أو يموت!
ويا أبوبكر سيدأحمد يا دفعة كشفت إنو أنا أكبر منك بشهر و17 يوم ايه رأيك؟ على أي حال لا تنزعج فأنا أيضا أصغر منك يثلاثين عاما(8أعوام معتقلات و22 سنةفي بريطانيا وكلها بتوفر بعض الطاقة وتخلي تجديد الخلايا أكثر إنتظاما) وبالطبع لا طريق لنا لمنافسة السيد عمر علي حسن ولا الصديق بكري الصائغ.
أهم ما نفتقده كجيل عاش وشارك خلال ثلاثة عهود ديمقراطية هو روح التسامح بين المخنتلفين سياسيا حتى في الحزب الواحد!

تحياتي ياصدقي كبلو يا دفعة

Quote: ويا أبوبكر سيدأحمد يا دفعة كشفت إنو أنا أكبر منك بشهر و17 يوم ايه رأيك؟ على أي حال لا تنزعج فأنا أيضا أصغر منك يثلاثين عاما(8أعوام معتقلات و22 سنةفي بريطانيا وكلها بتوفر بعض الطاقة وتخلي تجديد الخلايا أكثر إنتظاما) وبالطبع لا طريق لنا لمنافسة السيد عمر علي حسن ولا الصديق بكري الصائغ.

انت اكبر مني كيف وانا ابوعاج نزلني معاش سنة 1975 يعني قبل 35 نزلت معاش(قبل القومسيون الطبي ) بامر رئاسي واستلمت الاخطار من الوزير ذاتو ...اها زيد 35 الي حساباتك وبعدين تشوف مين الاكبر ....
جنابو لاسباب رياضية ونظامية لا يمكن ان يكون اكبر مني بتاتا .. يااخ انا لعبت كورة مرة واجة وانا "تفل"حيث انني فرضت علي اولاد حلتنا اللعب رغم هزالي ونظاراتي نسبة لانو الكورة والصفارة كانتا من املاكي فما كان من واحد قريبي (جتة وعفريت) الا وافتعل بلنتي (بنلتي كما يقال) وقام وقفني في القون وعد سته خطوات بطريقة ناس الجروف والحبال يعني قدم لاصق في القدم التاني فاذا كان قدمه مثلا 25 سم يعني المسافة 150سنتي وقام جاري لورا كدة خمسين متر وهاااك كعععععع وعينك ماتشوف الا النور .. غايتو اخر ما اتذكر انو كنت بجري حول الميدان وكفة يدي واصابعيني يو تيرن عدييل واصيح باعلي صوتي (هو في كان صوت!) "يمة ومنها لم اشاهد اية كورة وفي الجامعة اخر مباراة شفتها كانت دافوري امام بحر العرب بين علي كورة والمرحوم عبدالقيوم صديق والمرحوم الفاضل بن عوف ....وتقولي جنابو اكبر مني ؟؟ وهو رئيس تاريخي للهلال ورئيس تسيير للهلال في المهجر وضابط عظيم ووووووو..الخ .. كيف يعني ؟؟؟ دي المؤامرات الخارجية (دوما) هي التي تحاول حرماني من اللقب .....
"

Quote: اليابان بها اكبر نسبة معمريين في العالم مع كندا ...وبالتالي وجودكم هناك يجعلكم من الشباب مقارنة بمعمرييهم فلذا انت خارج المنافسة....

أخي الحبيب وصديقي العزيز الباشمهندس ابوبكر
صحيح أنا وسط المعمرين اليابانيين بعتبر شباب ، لكنني بينكم عجوز من الدرجة الأولى

مـا بــان عــليـك سـفــر العـمـر


لســة الربـيـع يـادابــو زار

لسّــة الضـفـاف المـتـرعــة

بـتـفـيـض نـدى ... وتـطـرح ثـمــــار

الـنـاس عـلـيـك نــاداهـا .. فــــال

فى عـيـونـا نـام الإنـبـهـار

وأنـا جـّــوة قـلبى الـمـشـتـهـيـك

.... نـزفـت جـراحـات الـودار

********

جــّوة العـيون غــطـّى الـفـرح

... لـمّ الـزفـــاف

جـــّوة العــيــون تـشـرق شـمـوس

... يـرحـل جـفـاف

أزمان بـتـغـرق فى الـنـعـيــم

... وحـنـان غـمر عـاشـقـيـن رهـاف

*********

يـازهـــرة طــالت بى الـفـــرح

بـتـراقـص أنـوار الـمســـــــا

مـا بــان عـــلـيــك أثــر الــقــطــاب

... ولا جـاتــك أيــام الـقســــا

ما أروعـــك وإنـت الـشـــبــاب
بي حمرة الريد إكتسى..




مدنى يوسف النخلى

بالله المولد كان حا يفوتنا?

أنا طبعا بحب المسابقات

حبوبة دومة طبعا لقتني مشغول في تجهيزات العيد
و دايرا تخم الكاس بي واينو و كمان تلك الزهرة.

(معليش يا شباب الكلام الفوق دا لو ما فهمتوه طنشوه كلام خرف وكدا--و الخرف دا صنعة ما عندكم ليها صلعة.)



للتاريخ

أنا و دومة طبعا كنا أعضاء في سودان نت
الزمن داك كان زمن خير....كيلو اللحمة كان بفرد ريال

ما علينا
سودانيزأونلاين بدأت 1999

الزمن داك دومة كانت يادوب تخرجت من الجامعة
شابكانا رطانة
مرة ألماني و مرة عربي حناكيش
و إنجليزي أروبي

هسة كمان فيها رطانة صواني

I have to go now

Later

looooooooooooooooool Alkaramaba
get the hell out of here
this post only for the veterans who fought in the second world war. Don't forget my favourite wine and the red roses

اها يازينب وشهد شاهد من اهلهم

Quote: أنا و دومة طبعا كنا أعضاء في سودان نت

داك سودان نت مش بتاع معاذ عطا السيد ... انا كنت قايلك من زمنا وكت لسه ما بنعرف لغة الاعراب .. زمن sudan-l و sudanese .. تجي تطلعي من زمن سودنت بتاعة امبارح بس ...

العم أبوبكر
تحياتنا

طبعا نحن التوثيق ما بنلعب فيه
يعني حبوبة دومة دي حالة خاصة تحتاج للدراسة
و بعدين الموضوع ما واين تركوازي و زهرة حمراء
ديل معاهم سيجاير برنجي و كبريت أبو مفتاح

شوف الوثيقة دي....حبوبة متفرجقة في نص الرجالة, منجضاهم ليك نجاض الويل, و كمان بتتفاصح معاهم بالطلياني

ياكوستاوي عيدكم مبارك .. دي وثيقة في الالفية الجديدة ..مما يثبت ان دوما خارج المنافسة كاس الكبار ويمكن تنافس في اولمبياد الشباب ....

من حكم المولي انو قريبتنا رحمها الله داية قريتنا (التي الان تحت الماء) كانت عمياء وتعرف طريقها الي كل بيوت القرية ليلا ونهارا ولديها دفتر تسجيل المواليد في ذلك الزمن البعيد تحمله معها فلذا لم ينتشر لدينا التاريخ الافتراضي 1-1-؟؟؟؟

السلام عليكم
....

لوم على الهواء مباشرة

:

من أكبر الخسائر الأصابتني ، عندما تغير اسمي من (الزوول) الى اسمي الحقيقي (عوض عبد الله طه) ووضعت صورتي الحقيقية.
فقدي لأصدقائي الأعزاء جداً جداً علي
الباشمهندس الرطاني (دفعتنا) أبوبكر سيدا حمد
والصديق العزيز جداً (الياباني الأصلي) جعفر عبد الرحمن اسماعيل
أصل الحكاية يا جماعة على ما يبدو أنني ومن خلال مداخلاتي أظهر كأني كبير سناً إلى حد ما ، ربما لأني دائم الحنين لزمن سابق أحبه وأعيش كل تفاصيله ، كتابه ، شعراءه ، فنانيه ...الخ
وعندما اجتمع كل ذلك مع حالة الإخفاء الكاملة التي كنت أعيشها خلف جلباب الزوول
أظن أن كل منهما رسم لي صورة أكبر (قليلاً) مما أنا فيه
وحقيقة كنت أعيش معهما وكأننا زي ما بيقولوا شباب الزمن ده (فرد)
حتى كشفت عن اسمي
يا جماعة زي الحسيت باني أحبطتهم
أول مداخلة لصديقي أبوبكر سيداحمد معي
خاطبني ب (يا إبني) .... تصدقوا !!!!
أما فردتي جعفر اسماعيل ... فبقيت ما بشوفو كتير في بوستاتي كما كان
يا فرد....
ما عندي مانع أرجع أحيي الزوول تاني
بشرط انتو ترجعوا زي ما كنتو
......
تحياتي لصاحب البوست الأخ أحمد محمد بشير ، وللأخت زينب بت الفحل ، وللأخ بكري الصايغ ، والأخ عمر علي حسن ، الأخت د. سعاد علي أحمد ، الأخ طلحة السيد ، الأخ صدقي كبلو وممكن نضيف لهم الأخ كوستاوي برضو


....

Quote: وللأخت زينب بت الفحل

اجي كمان يا الزول يا ولدي كيفن ابقي اخنك ؟؟؟!!ا اصغر اخواتي من مواليد 1968وقتها انا كنت طالبه بالاميره ببحري
اصلوا ما معقول انت تكون اخوي ممكن تكون في عمر ولدي الكبير كدي راجع شهاده ميلادك

اي زول من مواليد 1972 وانت ماشي بكون امه اصغر ابنائي عمره 16 سنه ولي تلات احفاد
ماتسمعوا كلام اخوي الباشمهند س ابو بكر دا انا اكبر زوله هنا
.غير كدا ماعندي اي مانع اي زول يقول لي يا والده بفرح بيه شديد

Doma Glücklich Eid

Ich spreche nicht gutes Deutsch, aber ich möchte meinen Dank zu Ihnen übermitteln. Die 1974 haben gezeigt, dass Sie jünger sind, als Ihr Anspruch. Sie dürfen vom competion zurückziehen. Beachtungen,

Ihr älterer Bruder

الأخ كامل كرار ...عيدك مبارك

Quote: [Dutch to Arabic translation دومة glückliche العيد زيوريخ sprechen nicht gutes دويتش ، عبير meinen التراث الثقافى المعنوى شكرا زو Ihnen Übermitteln المسموح بها. 1974 والتي عندما كنت اضغط هابن ، dass دونالد سي السند جونغر ، وAnspruch اللوائح الصحية الدولية. دونالد سي شركات فوم dürfen zurückziehen المحطة. Beachtungen ، اللوائح الصحية الدولية Bruder مغيرListen

...

ده شنو كلام الطير في الباقير ده

غايتو يا اما تكونوا الصيام قام بيكم

ويا أما يكون قام بى عمك قوقل للترجمة ده


...

Quote: ويا أما يكون قام بى عمك قوقل للترجمة ده

الأخ/ عوض...

كل سنة وأنت طيب...

الإقتباس هو الصحيح...

كنت أعاوز سألت قوقل.. عن "في الباقير"

ترجمها لي "في سوبا"

عيدكم مبارك.. يا ناس ال Hoch Deutche

يا هلا يا هلا ود الزينين هلت الانوار حبابك ياود كرار
كمال دا من اسره عريقه علمت معظم اهل بحري لهم مني التحيه والتقدير والاجلال وكل المحبه
وعيدك سعيد يا كمال انت واسرتك الصغيره والكبيره .
لوووووووووووول الزول ولدي انت القامك بيك قوقل
كلام كمال انا فهمته لكين حمدو في بطنو
عشان الباشمندس الرطاني ما يمرقني من المنافسه

شكرا يا دوما..

وكل سنة وأنت والعائلة بألف خير...

شنف لي كلامي الألماني... مع إنو أبتدرت

الرسالة بعدم تحدثي للغة بطلاقة... لكن أخونا

عوض شال كلامي بصمتو ودخلو في حلق قوقل...لما قال "عوع"

مع إنو أنا أعتمدت على معلوماتي من كورسات سابقة في

جوته.. وقوقل شن عرفو بالألماني... عشان يقلبو عربي لوووووووووووول

وطالما فهمتي كلامي.. ده المطلوب...

عيد سعيد

يادوما عيدك مبارك بالصيني

Quote: عشان الباشمندس الرطاني ما يمرقني من المنافسه

انت باي ديفولت خارج المنافسة من زمااااان ...

أخي الحبيب وصديقي العزيز الزوول
يا عوض الوِلِف كتـّال
صحيح أنا أحن جدا لإسم الزوول الذي الفته لكن (عوض) سيظل دائما على حدقات العين وفردتي الذي لن يغيره الزمن ...غيابي في الفترة الأخيرة بسبب الكسل العام في رمضان ..ستجدني دائما معك قلبا وقالباً...تسلم يا حبيب.
وكل عام وأنت الأسرة بخير .

تحياتي ومودتي

صديقي العجوز الباشمهندس ابوبكر
على ذكر Sudan-L يبدو إننا اقدم الناس اسفيريا حيث تزاملنا في ذلك المنبر الذي كان يديره د. عبدالمنعم يونس باللغة الإنجليزية في أوائل التسعينات من القرن الماضي .. لا حول ..الأيام والسنوات تجري ودا كله محسوب على اعمارنا.

القصيدة ممتازة يا صلاح الدين و جات في وقتها
و الشكر عبرك للشاعر مدني النخلي ..

وكل سنة وانت طيب يا أخي Saadeldin Abdelrahman

آآآآآآآآآآآآآآآني !!!!
خلاااص كبرت ولي تمااااانين سنة ..
عمر الزهور وعمر الهنا ..
وحصوة في عين اللي ما يصلي ع النبي !!!

وعيدكم جميعا مبارك يا ناس يا سمحين
اخوتي الاعزاء ابوبكر سيد احمد وجعفر اسماعيل
والابن الزوول عوض عبد الله طه

أتمنى دخول المنافسة على المركز الثانى او الثالث , حسب التساهيل
انا من مواليد القاهرة 24 فبراير 1940 فى مستشفى على ابراهيم باشا تحديداً
يعنى انشاء الله , انشاء الله , انشاء الله , لو فى عمر 24 فبراير الجاى بكون 71 سنة .
واتمنى وجود جوائز للصراحة الشديدة
والتحية للابن مفترع البوست .
وربنا يمتع الجميع بالصحة والعافية .
.....
شاهين.

يابني يا شاهين

Quote: انا من مواليد القاهرة 24 فبراير 1940 فى مستشفى على ابراهيم باشا تحديداً

المنافسة بين الاعضاء وليس ابائهم ....

كدى قبال ما تشيلي قفتك و تمشي تشحدى العيدية
شيلي باقي عفشك دا

لو الابنة دوما تخرجت عام 1999 بتكون قدر بتى الوحيدة شاهندة , اتخرجت نفس العام الدراسى , يعنى كده دوما تكون ابنتى , وتكون خارج المنافسة .

Quote: يابني يا شاهين

معقول يا هندسة اكون ابنك ؟
انا مصر على دخول المسابقة , ولحدى ما اعمل اسكان لشهادة الميلاد
هذه هى صورتى الحقيقية


معقول اكون اقل من 70 !! .. ومعقول اكون ابنك !!
الحكم للجمهور .

اعمامنا وعماتنا ,,سلامات
وربنا يديكم الصحة والعافية

عندي متسابق جديد
تاريخ الميلاد : May 30, 1935
<a href="http://www.sudaneseonline.com/cgi-bin/sdb/2bb.cgi?seq=profile&nickname=suad¤20i¤2e¤20ahmed" target="_blank">بروفايــل اكبر معمرة في سودانيز اونلاين

:P

الابن محمد احمد البشير
اقترح عليك تعمل , المركز الاول , والتانى لحدى مثلاً العاشر عشان نعرف اكبر عدد من جيلنا , وليك التحية للفكرة ,

عييييييل
الدوري سخن

المهم عدد المتنافسين لغاية الآن 5 مخضرمين
عندكم يا جماعة لغاية تالت يوم في العيد لإعلان النتيجة النهائية

الابن العزيز كستاوى
ويا جماعة عشان البوست ما يفقد المغزى بتاعه , الرجاء سحب اسم الابنة دوما من المنافسة
بس يا جماعة عشان نعرف بعض وكده .
لا للخستكة فى هذا البوست الرائع , واتمنى الفوز بالمركز الثانى .

الإبن شاهين

نحن ضد التزوير و الدعاية الغير عادلة

حبوبة دومة معانا معانا
أنت عندك مشكلة في مساواة المرأة مع المخضرمين



و بعدين ياخ ماتحلم بالفوز ساكت
إنتا قايل ديمقراطيتنا دي فيها خج صناديق

عيدكم مبارك

عاينو الصور كويس وستجدون ان البربري الاوحد هو "فيري اوثينتك " زيزو زيي تودانجنمن (توت عنخ امون كما قيل) يعني قديم وبالتالي وبنهاية الشهر القمري فانني اعلن بانني الذي نافس وكسب رغم الزي الرسمي من توب وجلابية وعمة والبيريهات والاستعانة بخبراء اجانب .....

تمنياتي للجميع بعيد سعيد مبارك واتمني لمن "لم" يحالفهم الحظ اختي دوما واخي جعفروجنابو عمر ...

واتمني للاجيال الصغيرة من قريبي شاهين وكوستاوي والزوول سابقا المحاولة في الدورات القادمة وناس اميرة في دورات 2050 وما بعده ....

___

غايتو كان ما غلطان يعني الزوول دة كان اخوه الاكبر (وفق الاسم الجديد بتاع الزوول) زميل عمل (مهندس) قبل خرتومية سنة فكيف يجي لينافس في اولمبياد العجائز زي كدة

يا جماعة والله العظيم انا عجوز
راجعوا البروفايل بتاعى .
يا اخى دى ما مسابقة
دى كوسة عــــــــــــــــــــــــــــــــــــــــــــــــــــديل .

أبنتى الوحيدة (شاهندة) , وحفيدى طالب الثانوى (شادى) .
هما كل ما املك من حطام الدنيا .

up
لمزيد من المنافسة والمتنافسين
مع تحيات ابوكم ومرشحكم شاهين

الإبن شاهين

متى رسمت هذه اللوحة

هذا طلب ارفعه الي عدالة قضاة هذه المسابقة الجادة :

1- الذين حصروا المنافسة في خمسة رجال والاستاذة دوما اسقطوا اثنين من العجائز هما عمكم بكري الصائغ وعمكم انا ده ..
اما دوما فيكفيها انها السيدة الوحيدة التي (غامرت) بخوض المسابقه ولم يرد في البوست تقدم من هن اكبر منها رغم ظهور
ترشيح للاستذة العظيمة سعاد ابراهيم احمد .. لذلك فان من حق دوما ان تفوز بالتزكية بشياخة سيدات البورد .. فقط آمل ان
تكون الصورة المنشورة مع صور المرشحين الاخرين ليست صورتها ..

2- الصائغ وانا اكبر من من الاخرين بسنوات تصل في بعض الحالات الي عشرة وانا بيدي شهادة ميلاد اصلية مستخرجة
من سجل المواليد والوفيات بمصلحة الاحصاء .. ولا ادري عن الصائغ .. ولكن ماذكره ينبئ بانه في سني

3- هناك تقديم لشخص مولود عام 1935 .. فاذا تقدم ذلك العضو بنفسه وبما يثبت ميلاده فانني اتنحي له وانصح الاخ بكري
الصائغ بالتنحي له ايضا .. اما اذا لم يتقدم بنفسه فانني والاخ بكري الاكبر .. وانا مستعد لعرض (سكان) لشهادة ميلادي

4- لاتجعلونا نردد مع الشاعر الخالد احمد محمد صالح ما قاله عندما (زحلقوه) من الاحتفال بالشاعر المصري علي الجارم :
اخلفت يا حسناء وعدي * وجفوتني ومنعت رفدي
فينوس يا رمز الجمال * ومتعة الايام عندي
لما جلوك علي الملا * وتخيروا الخطاب بعدي
هرعوا اليك جماعة * وبقيت مثل السيف وحدي
استنجز الوعد النسيم * واسأل الركبان جهدي
يا من رأي حسناء * ترفل في ثياب اللازورد

ولا أقول كما قال:
لو كان لي ذهب المعز * لاحسنوا صلتي وودي
او كان زندي واريا * لتهيبوا كفي وزندي

5- اقترح تكوين لجنة شرفية من مشائخ المنبر تضم من ورد ت صورهم البهية (ليناوبوا) مباشرة بعد ذهاب الاكبر

عشتم وعمرتم وعمر بكم المنبر .. وكل عام وانتم بالف خير

عمر علي حسن

التاريخ المنشور ده (30مايو1935) افتكر المقصودة به انا ولسع ما في زول كتب تاريخ ميلاد تاني اقدم مني..
تذكروا انه نحن ناس التعليم شبابنا يتجدد بمن نعلمهم من الأجيال الجديدة!!
سعاد إبراهيم أحمد

تخريمة
شكرا للكلمات الطيبة التي ابتدرها الباشمهندس الهميم ابوبكر وشارك فيها آخرون

Quote: خلاااص كبرت ولي تمااااانين سنة .. عمر الزهور وعمر الهنا .. وحصوة في عين اللي ما يصلي ع النبي !!!

كل سنة وانت بألف خير يا معتصم ... و ألف صلاة وسلام علي الحبيب
مالك إنسحبت .... خش المنافسة إنت مين زيك مافي زول بيلحقك.

***-انا طلعت من (البوست) ده ....وزعلان شديد من الاولاد والبنات الصغار اللسه اعمارهن واعمارهم في سن الخمسين والستين وجايين وبدون اي احترام ولاتقدير (لمن رأي الشمس قبلهم وقبلهن) (ويتعولقوا) وعاوزين يعملوا شوية SHOW وشوفـوني!!

***- زعلان من ناس لاشافوا الترامواي ولاركبوه، ولاعارفين الحنطور ده شنو?،
***- ولاغنوا مع اهل العريس وهو بشرب عروسته من موية النيل :
عريسنا قطع البحر ياعديلا قطع جرائد النخل الليلة زينة ( ودي كانت عادة ايام زماااان انو العريس يطلع بعروسته في سيرة كبيرة من الاهل والاقارب والاصدقاء لشارع النيل، وهناك يقوم العريس وينزل بالعروسة للشاطئ لحد طرف الموية ويشربها هناك من كفه موية النيل)،

زعلان من بعض الاعضاء الصغار المتداخليين بالموضوع ويتكلموا ويحكوا عن ذكريات الستينيات والسبعينيات وكانهم خلاص هم البنوا وشيدوا هرامات مروي والبقعة! !،انو وماعارفيين في ناس في المنبر ده هم الاستقبلو سيدنا ادم لما نزل من الجنة!!

***- رغم زعلي الشدييييد، اقول لكم يااحبتي واحبابي، كل سنة وانتو في تمام العافية واوج الصحة التامة، اعاده الله تعالي عيد الفطر المبارك وكل الاعياد الاخري علينا وعليكم وعلي الجميع باليمن والبركات، وحـقق مقاصـدكم ونجـح اهدافكم.

***- شكرآ وألف شكر للاخ الـحـبيـب الـحـبـوب، الذي وبفضل موقعه الموقر جمعنا جميعآ في حـوشه، وسهل لنا التعارف والتخاطب بعضنا البعض رغم تشتتنا الكبيـر بارجاء الـمعمورة، وله اتقدم بتـحـية خاصة متمنيآ من الله تعالي ان يسبغ عليه الصـحة والعافية له ولاسرته الكريـمة ويـحقق كل امانيه ويوفقه تمام التوفيق. وايضآ للفريق العامل معه بالموقع الموقر.... تمنياتي الطيبة وألف ألف شكر علي ماقدمتم وتقدمون من خـدمات ومساهمات مقدرة ل نحو 7 ألف عضو بالمنبر.

ينصر دينك يا دفعة
يا بكرى الصائغ
وكل سنة وانتا طيب

Quote: ،انو وماعارفيين في ناس في المنبر ده هم الاستقبلو سيدنا ادم لما نزل من الجنة!!

انشاء الله بس بتتذكرنى ؟ , انا كنتا فى لجنة الاستقبال معاكم , يأأأأأأأأأأأأأه دنيا , صحيح الزمن بيجرى بسرعة .
هسع يا بكرى مسؤول من الخير , مرت كم سنة مما استقبلنا سيدنا آدم ؟ .

Quote: الإبن شاهين متى رسمت هذه اللوحة

الابن والحفيد كوستاوى
تُعايرنى بهفوات الصبا ؟ , والدنيا قبايل عيد !
انا عايز الجايزة عشان مزنوق شوية فى مصاريف العيد .

يا ســـــــــلام يا بكرى , يا ســـلام
صحيح والله العظيم العيال ديل ما بعرفوا اى حاجة فى اى حتة
عليك الله بتتذكر انتقال البشرية من العصر الحجرى للعصر البرونزى ؟
متذكر يا يا بكرى اول مرة شوفنا فيها سكينة برونز ونحنا فى واحد من كهوف وادى حلفا ؟
يا ســــــــــــــــــــــلام
واجمل حاجة الوقت داك انو عمر البشير ما كان في .
فعلاً كانت لنا ايام , لها ايقاع .

العزيز عمر

Quote: ] لذلك فان من حق دوما ان تفوز بالتزكية بشياخة سيدات البورد .. فقط آمل ان تكون الصورة المنشورة مع صور المرشحين الاخرين ليست صورتها ..

عفواً التزوير واضح فى حالة الابنة دوما بدليل الصورة , واقترح سحبها من المنافسة .

Quote: ] وانا مستعد لعرض (سكان) لشهادة ميلادي

اعتقد ان هذا هو الفيصل , وانا ايضاً على استعداد لعرض شهادة ميلادى من اجل المركز الثانى .

Quote: رغم زعلي الشدييييد، اقول لكم يااحبتي واحبابي، كل سنة وانتو في تمام العافية واوج الصحة التامة، اعاده الله تعالي عيد الفطر المبارك وكل الاعياد الاخري علينا وعليكم وعلي الجميع باليمن والبركات، وحـقق مقاصـدكم ونجـح اهدافكم.

الله لا جاب زعل يا د/بكري.........ولا يمهمك يا دكتور ناس الخمسين الستين المزعلنك ديل قاعدين ينافسوا بكل ما عندهم من إمكانيات بس ما اظن يصلوا للقب و علي العموم في لجنة شغالة و بترصد كل ما يكتب هنا و المنافسة شبه إنحصرت بينك و بين ثلاثة أعضاء مروا من هنا..... وكل سنة و الجميع بألف خير و ينعاد عليكم العيد وانتو في اتم الصحة و العافية.

اخـوي الـحـبيـب الـحـبـوب،
shaheen shaheen
ياسلام ياشاهيـن،
وانا لي زمن بشبه في الاسم ده سعتو وين..وين?!!، بالله اياك شاهيـن الاستقبلت معنا سيدنا ادم?!!، وكيف مابتذكرك... بتذكرك...وبتذكر طبظتك العملتها يوم استقباله، .... في واحـد في الدنيا ويقول له اهـلآ ببورداب ناس السـماء?!! ... غايتو دي بالغت فيها ياشاهيـن!!

***- معليش نسيت اهديك اجـمل امنياتي الطيبة وكل عام وانت واسرتك الكريمة بمناسبة العيد وجعله عيدآ بهيجآ ملئ بالافراح والمسرات.

***- لك مودتي ياابني الصغيـر ودمت بعافية وصحة تامة.

إرتفع العدد الى 6
بعد إضافة إبنتنا سعاد إبراهيم أحمد

كل سنة وجميع أل الصايغ الرائعين بصحة وعافية وسالمين وتامين ومعارضين .
*
لكن دى زى طبظتى يوم استقبال سيدنا آدم

Quote: لك مودتي ياابني الصغيـر ودمت بعافية وصحة تامة.

وين حواء ؟ .

يا سلام يا كوستاوى
يا سلام
وجود الهرم سعاد سوف يشعل المنافسة , وحماس الطبقة العاملة .
فى واحدة فى الصين قالوا عمرها زى 112 , الكلام ده كان قبل 5 سنوات , لو لسه عايشة اتمنى تفعيل حسابها فى سودانيز , ولو ماتت اتمنى ان تشيل ليها الفاتحة يا كستاوى .

البيان الاول والاخير

ايها الكبار

انه وبعد ان تبين لنا ان المكايدات العمرية قد استعانت بتاريخ ميلاد غير مكتوب وشهادات تسنين وترماج اسكراب و Make up وصور Photo Shop فلقد راينا انه من واجبنا كقيادة لقواتكم المعمرة ان نقلبها "فوق حدر " (كما تقول الاعراب) ونستولي علي كرسي المعمريين الازلي انقاذا له من ان يجلس عليه الشباب الستينين والسبعينيين في اوروبا والخليج والصين ....
ونعلن حالة الغاء لسجل المواليد بتاتا حيث لا لزوم له بعد ان جلسنا علي الكرسي والعايز يجلس يسطح او يكوع في البرش....

وكل ثورة تصحيحة وانتم بالف خير ....

توقيع:

رئيس كرسي القيادة
المعمر الازلي
__________

تقبل الله صيامكم وقيامكم وامدكم بالصحة والعافية

up
حتى يعود اخر مفصول .

هل من مزيد ؟
وبعدين ولدنا بتاع البوست الظاهر لقى العجايز ديل , خاف على سمعته وكب الزوغة .

في الحقيقة كنت محتار لانني كنت أتوقع أن تكون عملية الإختيار سهلة و يحسم أمرها بعد عدد قليل من المداخلات ...... في نفس الوقت سُررت بكمية المعلومات التاريخية و الذكريات الجميلة اللي كتبها المتنافسين وبالتالي توقف أفكاري في إختيار الاسلوب الذي أشكر به المرور والمتنافسين فردا فردا على كل ماسردتموه من ذكريات أخذتنا إلي عالم وسودان أخر جميل جداً حسب ما وثقتم هنا ‘‘ وأنا ممنون و عاجز عن الشكر لكل المتنافسين لكل ما قدمتموه من دعم لفكرة هذا البوست فقد خرج من كونه مجرد منافسة إلي أشياء أخري جميلة كفكرة تكريم المبدعة سعاد احمد إبراهيم و فكرة تكريم صاحب اللقب الذي سيفوز بهذة المنافسة ........... أما بخصوص مطالبة البعض بإنسحاب المتنافسة الخالة (دومـا) أري من المناسب تركها لتستمر في المنافسة و كما تلاحظون انه لا توجد منافِسه لها من سيدات المنبر و إن إستمر الحال كذلك فمن المؤكد انها ستتقاسم اللقب مع المناضلة الخالة /سعاد أحمد ابراهيم ..... وننتظر ذكرياتكم فهي التي ستقربكم من اللقب .... وشدو حليكم و إتذكروا الاحداث وحنعلن النتيجة بعد ان نضمن مرور البوست علي كل المتنافسين الغائبيين .


طبعا انا ما بقدر أبقي الحكم و الدكتاتور و أختار ..... وماتنسوا إنو في لجنة للإختيار وكل من يريد
المشاركة في هذة اللجنة فعليه بإخبارنا و الخالة دومـا ستقرر إن كان العضو المتقم ذو كفاءة و صالح للقيام بمهامه في اللجنة
الاستاذ نصر هجام "كوستاوي" أنت منذ الان مسجل في اللجنة وما عليك إلاتشد حيلك و تحصر الاعضاء
المرور وبجانب شغلك في اللجنة ممكن تدخل المنافسة إذا كنت شايف نفسك قدرها يا كوستاوي
سنقوم بمشاورة البورداب في البلدان التي يقيم بها المتنافسين
لقب زعيم المنبر دة عظيم ويشرف كل من يناله........شايفك يا شاهين مشاء الله خاشي بي نمرة أربعة
علي العموم لحدي الان زي ما شايفين في أربعة من المتنافسين المنافسة تكاد محصورة بينهم
حنشاور بورداب القاهرة يا شاهين لانو معلوماتك دي بتجيب ليك اللقب مدردق لحدي عندك

.

لجنة ايه وبورداب ايه ؟ ما قلنا انقلاب ... انقلاب ....الا الواحد يجي بدبابة ؟؟؟


اعلان حالة الطوارئ 24 ساعة كل يوم .... وبس

Quote: لجنة ايه وبورداب ايه ؟ ما قلنا انقلاب ... انقلاب ....الا الواحد يجي بدبابة ؟؟؟ اعلان حالة الطوارئ 24 ساعة كل يوم .... وبس

ما تستعجل يا عمي ابوبكر ..... الدنيا عيد و نخلي الجماعة المنافسنكم ديل يعيدوا و نديهم فرصة يجوا يقولو العندهم قبل ما الحكومة تنقلب..... وبعدين ساعة الصفر وموعد الإنقلاب حيكون فجاءة و الطوارئ الاربعة و عشرين ساعة دي و لاحتنفعهم ولا حاجة ‘‘ ابدا مافي مجاملة .... وما تخاف اللجنة من بعد اليوم حتكون صارمة جدا.

الاخ المحترم شاهين شاهين تحياتي
انا تخرجت في جامعه الخرطوم قبل 20 عام من التاريخ الذي ذكره المغرض كوستاوي
ولدا استحق لقب كبيره البورد
بينما خرج من المنافسه الاخ والصديق العزيز الباشمهندس الرطاني
واعتقد الان المنافسه الرجاليه ستكون بينك وبين الاخ المحترم بكري الصايغ
وكل عام وانتم بخير

Quote: و أكيد أكبر زول/ة فينا حيلقي إحترام خاص مِـننا كأعضاء أصغر منه , بعد ثبوت نيله للقب "طويل العمر" أو لقب كبر المنبر أو اي لقب تختاروه أنتم

بالله؟

اي مرة توري عمرها هنا وتطلع كبيرة يقعو فيها بالعكاكيز
رافعين شعار العجوز القاعدة برة قاعدة لي انا للمضرة

كلما صغر عمر المرأة كلماوجدت احترام اكثر خاصة من الرجال السودانين

يلا يا دومة اطلعي من الكاموفلاج المضر دا.. البخليك هدف لروزميري بيبيز

دا اذا ما النسوان الاكبر منك جو هنا وقالو ليك سنك سنك "واحطرام"
وبطيخ.

وكل شاة معلقة من عرقوبها انا من مواليد 1990

Quote: انا تخرجت في جامعه الخرطوم قبل 20 عام من التاريخ الذي ذكره المغرض كوستاوي ولدا استحق لقب كبيره البورد

ده دليل على التزوير فى العمر
لانو الوقت داك كان اسمها كلية غردون التذكارية
عيدك سعيد انشاء الله يا رب يا دوما .

Quote: ده دليل على التزوير فى العمر لانو الوقت داك كان اسمها كلية غردون التذكارية عيدك سعيد انشاء الله يا رب يا دوما .

لوووووووووووووووول الا خ المحترم شاهيبن شاهين الله يسعد ايامك كلها يارب ويخليك
وكل عام وانت واسرتك ومن تحب بخير وعافيه

أخي الحبيب شاهين شاهين
كل عام وانت والأسرة بخير
أنا كنت قايل أكبر واحد هو اخونا عمر علي حسن يليه بكري الصائغ لكن لما شفت صورة بنتك قلت أكيد شاهين دا يكون ابونا آدم ذاتو

حتى الآن يكون الباشمهندس صديقي العزيز ابوبكر سيداحمد ترتيبه الطيش في قائمة العجائز .. يا اخي انت كنت دائما الأول في كل المراحل ..كده جــرِب تكون الطيش في العمر مرة .

عيدكم مبارك

انتو البتخلو الانقلابات تبقي دموية ؟؟ ما قلنا انقلاب ؟؟ وحالة طوارئ معلنة 24 ساعة اها فييييي شنو بتعارضو ؟؟ اتز اوفر ....وكان مشيتو وراء شاهين ياهو حيدخلكم العباسية مع دكتورتو الجننا واتخيلت نفسها رئيس انتو ذاكرتكم بقت خفيفة نسيتو خلي الدكتورة تهطرب كيف وبعدين يغتالوها
أغتيال دكتورة / احلام حسب الرسول .
؟؟؟؟ارجو التزام اماكنكم تفاديا للتعرض للذخيرة الطائرة .. وهذا ما لزم التنويه .. وتصومو وتفطرو علي خير ...


انتهي البيان

المعمر الازلي

كل عام وجميع الشيوخ والشباب بخير ويديكم جميعا طول العمر

ولانني لاحظت انحيازات واضحة الي بعض المتنافسين واصدار قاتمة من ستة اشخاص انا قطعا اكبر من ثلاثة منهم ورغم ذلك تم اسقاط اسمي لسبب
لا اعلمه .. فانني اعلن تاييدي للانقلاب الذي اعلنه المشير الركن مهندس رطاني ابوبكر سيد احمد .. وهو علي الاقل (احسن من غيره) وفي تكوينه وجيناته
الوراثية شيء من الديمقراطية يمكن ان تعيده يوما ما الي الصواب ..

وساقوم بوصفي المسئول عن تامين هذا الانقلاب اول حاجة باعتقال كوستاوي في عملية تصفية حسابات مباشرة معه لانه اسقط اسمي من قائمة المتنافسين
بون ابداء الاسباب رغم انني حددت لكم وبالديل موقعي وموقع الاخ بكري الصائغ من المنافسة .. وسنفكر بعد التشاور مع قائد الانقلاب في اعتقال اخرين ..

واقول للاخ المارشال ابوبكر، اذا عايز دبابات نجيب ليك .. لكن المسالة لا تحتاج دبابات فنحن شعب لايحركه شيء سوي البيان الاول ولا يسأل بعد ذلك
الناس ديل جوا من وين ولا المعاهم منو ولا عندهم كم دبابة .. وعندي من الشواهد مثل ماعندي من اثباتات بان عمري يقترب رويدا رويدا من الرابعه والسبعين
ومع ذلك اقر للاخوين بكري الصائغ وشاهين شاهين بانهما قد يكونا احق مني واكبر ..

عمر علي حسن

السلام عليكم
....
.

Quote: وساقوم بوصفي المسئول عن تامين هذا الانقلاب

Quote: عمر علي حسن

....
والله لايقة عليك الإنقلابات
هسه لو شكينا اسمك ده ...ووزعناهو تاني
مش بتطلع سيد الشيء ذاتا


....
الله يديكم العافية وطول العمر
وكل عام وأنتم بخير

..

....
.
___

Quote: غايتو كان ما غلطان يعني الزوول دة كان اخوه الاكبر (وفق الاسم الجديد بتاع الزوول) زميل عمل (مهندس) قبل خرتومية سنة فكيف يجي لينافس في اولمبياد العجائز زي كدة

....
استنتاجك صاح يا دفعة
المهندس محمد عبد الله طه شقيقي الأكبر
تقريباً حضر للأمارات قبل أن تكون الأمارات أو ربما مع تكوين الإتحاد
عمل في دائرة الأشغال – أبوظبي (هندسة المطارات)
مستقر بالشارقة حالياً
....


....

عيدكم مبارك

Quote: المهندس محمد عبد الله طه شقيقي الأكبر

هوو ذاتو .. اخر مرة تهاتتفنا كان عند حضوره الي الامارات الشمالية والعمل في جبل علي ...

لذا فانت تنتظر دورة 2050 ....

لوووووووووووول خلاص عملتوها انقلابات عسكريه بعرفوكم كيف من السودان؟؟!!
ندين التامر علي الديمقرطيه وتهديد المصالح الوطنيه
ونوجه السلطات الامنيه باعتقال قاده الانقلاب الفاشل
ملازم اول
ابوبكر سيد احمد سلاح المهندسين
والعقيد معاش عمر علي حسن سلاح المدفعيه
صدر تحت توقيعي
زينب الفحل
رئاسه مجلس الوزراء
بتاريخ 10 سبتمر 2010 ببكين

عيدكم مبارك

Quote: زينب الفحل رئاسه مجلس الوزراء

عجيبة ... ؟؟ مجلس وزراء بتاع مين ؟؟ مين بيعتقل مين ؟؟ ...مصالح وطنية بتاع ايه ومصلحة نقل ميكانيكي ايه ...احنا الساس واحنا الراس .. احنا المصالح والما عاجبو يروح في الصالح العام .....

انتهي البيان

عيدكم ميارك

Quote: .. فانني اعلن تاييدي للانقلاب الذي اعلنه المشير الركن مهندس رطاني ابوبكر سيد احمد

وطنية تمام ...وانحياز الي "الشعب" ... وعليه قررنا الاتي تعينكم رئيسا مدي الحياة لمجلس الاعمار الازلي ووقائدا لعموم جيوش ومليشيات المعمريين في كل انحاه البلاد ..ولا نامت اعين المتربصات والمتربصيين .. مزوري شهادات التسنين من كوستاوي الي شاهين بقيادة دوما...

________

يا جنابو شاهين من اندنا وولدوه وانا هنا والده البيطري النوبي الاشهر دكتور محمد سليمان شاهين وكونكم من قدامي المتحالفيين مع النوبيين ربما تعرفه ....دة رسام حروف ساااااي ....

اجدادي وجداتي
أبائي وامهاتي
اعمامي وعماتي
اخوالي وخالتي
اخواني واخواتي
الكبيرون/ات
الصغيرون/ات.
كل عام وجميعكم بخير وانشاء الله
اراكم هنا في الاحتفال المليون بتاسيس هذا الموقع العامر!!

اولا انوه بان دوم وبعد اقرارها بعمرها في العام 74
قد سقط عنها لقب العمة والخالة والام الا لمن يكون له صورة ببزة
لبن حليب فورموست المنتج في عام 95.

كما لا انسي ان اطالب صاحب البوست بادعاء المتهم ود الباوقة الذي
يتصاغر في كتاباته حتي نحسبه رضيعا!!
والي ذلك الحين اتمني ان اري بيننا الملك بعانخي ورمسيس
وأمون راع الذين يكتبون في هذا المنبر كقاصرين.
وعيد سعيد
يا سعيد كن سعيد

عيدكم مبارك

البينو ياولدي انت طبعا مع قيادة ثورة التصحيح وسيبك من ناس دوما والشباب دييل ... بدري عليهم ....

ولانامت اعين المتربصات والمتربصيين مزوري شهادات التسنيين ...

المعمر الازلي قائد ثورة التصحيح العمري الما مشير ....

الابن العزيز والغالى جداً
جعفر أسماعيل

Quote: أنا كنت قايل أكبر واحد هو اخونا عمر علي حسن يليه بكري الصائغ لكن لما شفت صورة بنتك قلت أكيد شاهين دا يكون ابونا آدم ذاتو

هى (شاهندة) ما كبيرة للدرجة دى , هى فى بدايات الاربعينيات , بس عندها مشاكل صحية صعبة شوية ربنا يكتب ليها العافية , وحفيدى (شادى) رغم انو طالب فى الثانوى لسه لكن عقد قرآنه انشاء الله 5 ايام عيد الفطر المبارك والدعوة عامة بمدينة (نابولى) لجميع الاحباب فى سودانيز .
صورتى دى سنة 1998 فى زيارة لــ(شاهندة) بايطاليا , يعنى قبل 12 سنة تقريباً او تحديداً ما عارف .

Quote: يا جنابو شاهين من اندنا وولدوه وانا هنا والده البيطري النوبي الاشهر دكتور محمد سليمان شاهين وكونكم من قدامي المتحالفيين مع النوبيين ربما تعرفه ....دة رسام حروف ساااااي

ادعاءات تحتاج الى اثبات مادى ملموس بفلوس !!!

Quote: ادعاءات تحتاج الى اثبات مادى ملموس بفلوس !!!

ياابني .. فلوس ايه ؟؟ احنا نصرفو كلو بعدما الاهم منو اتصرف ....

وعيدك مبارك عمنا بكري.
طبعا ما عايز اقول ليك اخونا بكري لان اخوي الاكبر في
عمر اختي دوما واكبر منها بي سنة, كمان ما عايز اقول اخوي بكري لان ابوي
ليه اولاد احفادهم في عمر اخوي الاصغر من مواليد 90
وبي حساباتي دي اظنوا ما حاكون برة مقاييس اهل شهادات التسنين!!
بالمناسبة انا من مواليد ما عارف يوم شنو سنة شنو؟!!
لكن البتذكروا ان بيتنا اتحرق في 86 واتحرقت كل شهادات ميلاد اخوتي واخواتي!!
لكن بتذكر انو كان في يوم من الايام كنت في زيارو لي حبوبتي في مليك اليل( مليك) اسم مذكر (اليل) بعني حجر.
في الوقت داك ود عمي وهو من احب افراد اسرتي لقلبي وقدوتي الحسنة في ايام طفولتي جاء زائر
لانو خالي عمل فيهو دكتور وطعني حقنة ملاريا وحصل ورم في موضع الورم.
سانتينو ديينق( ما دينق) جاء وكان بيواسيني باحدث اغنية من الاغاني التي كان بيذم بيه الانانيا2:
انانيا اش كوين ميض نقواج (.........)ق.
اي ان الانانيا اخذ قسطا من طعام الطفل.
ولاحقا علمت انه استشهد بعد ثلاثة اشهر منذ لقائي به وان البندقية التي كانت بمعيته كانت ملكا لوالدي
الشئ الذي كاد يلحق والدي بكان واخواته.
وطبقا لهذه القصة فانا من مواليد ما بين العام78و79و80, لان بداية الانانيا2 كانت 5/1983, ولا اعتقد
ان استذكر هذه الاحداث لو كنت في عمرا اقل عن الثالثة كمااني كنت ساتذكرها بسهولة لو كنت في عمر يناهز او اكبر قليلا من الثالثة.
وبرضو كل سنه وانت طيب ودمت عمنا واخا وصديقا.

Quote: وطبقا لهذه القصة فانا من مواليد ما بين العام78و79و80, لان بداية الانانيا2 كانت 5/1983,

الابن الحبيب البينو تحياتي
انا عام 1974 امتحنت الشهاده السودانيه وعام 1979 تخرجت من جامعه الخرطوم
وعليه اكون امك .
ونسبه لوفاه والدي ووالدتي خلال 9 اشهر وانا اكبر اخواتي زوجوني قبل اكمال الثانوي لذا قلت كل من ولد عام 1972 وانت ماشي انا امه
واصغر ابنائي عمره 16 عام واكبرهم عمره 38 سنه

Quote: انا عام 1974 امتحنت الشهاده السودانيه وعام 1979 تخرجت من جامعه الخرطوم

تزاملنا انا والاخت زينب الفحل فى كليه الزراعه جامعه الخرطوم
وتخرجنا سويا
على فكره يا ابنائى زينب كانت من اجمل بنات الكليه واشطرهم ولا زالت
والله يا زينب زمن طويل
مودتى للاولاد وخاصه الشقيه سوزانا
مودتى
اخوك فرح

دا شنويا فرح

ا نا لله
بطريقه عماد عبد الله
الشواطين ديل بطلعوا لي من وين ؟؟!!
خلاص فكوهم

عيدكم مبارك

Quote: دا شنويا فرح

غايتو يازينب ؟؟ كنتي بتقري قانون زراعي وما عارفة انقلاب وحالة طوارئ شنو ؟؟؟

Quote: انا عام 1974 امتحنت الشهاده السودانيه وعام 1979 تخرجت من جامعه الخرطوم

انا وكت ما امتحنتي الشهادة ابوعاج احالني ابوعاج الي المعاش ودحين جايا تنافسي الكبار....عجيبة .. انقلاب سوينا .. حاة طوارئ اعلنا .. يعني الا الانتينوف ونرمي البراميل من فوق ....؟؟

Quote: أبنتى الوحيدة (شاهندة) , وحفيدى طالب الثانوى (شادى) . هما كل ما املك من حطام الدنيا .

ربنا يحفظهم ليك ويعطي شاهنده العافيه

Quote: زينب الفحل رئاسه مجلس الوزراء مجلس الوزراء بتاع الانقلاب ؟ في اعتقادي انك بعد حكاية سنة 1974 وكشف اوراق كلية الزراعة ماعندك فرصة للمنافسة الديموقراطية ولا حتي عن طريق (الخج) واحسن تلحقي نفسك وتؤيدي انقلاب 30 رمضان وتضمني (خانة) رئيس الوزراء خاصة بعد قيامك بالغاء اوامر الاعتقال الصادرة بعد نجاح الانقلاب وتغيير الاسماء الواردة فيها باسماء مثل كوستاوي وآخرين لدينا حسابات معهم .. وبالمناسبة سنه 1974 انا كنت عميد قديم ووش ترقية الي لواء .. Quote: والله لايقة عليك الإنقلابات اما اخونا عوض عبد الله طه فنقول له (ما بتدي حريف) واكرر انا واخوي ابوبكر احسن من غيرنا لكن انتو ناس ما بتسمعوا الكلام .. يجيكم عمر البشير ماتسمعوا كلامه ، يجيكم ابو بكر ما تسمعوا كلامه .. نجيب ليكم ناس من وين ؟ .. اما مسالة شقلبة الاسم فيمكن تعملوني ود اخوه لانه (علي) دة قاعد في النص والتاني داك ماعنده (علي) .. بالمناسبه في واحد في الدوحة اسمه علي حسن عنده شركات وحاجات .. حاولنا مع اولاده لكن برضه مافي فايده .. طيب ، انت حسع معانا واللا نكتبك مع كوستاوي .. اما اخونا شاهين فاحسن ما يكابر فانا ايضا اعرف عمه الدكتور شاهين بتاع البطري ودرسني Animal Management كما ان لي صلات قديمة مع الاسر الحلفاوية تجعلني في عداد العالمين ببواطن الامور .. وادعوه هو الاخر لتأييد الانقلاب فذلك (اسلم) له وللاخ بكري الصائغ الذي اختفي منذ وقوع الانقلاب .. وسيبكم كلكم من حكاية الابناء اللي عمرهم 40 سنه فعندنا اكبر منهم .... اطال الله اعماركم جميعا ومتعكم بالصحة والعافيه حتي تحضروا المزيد من الاحداث وتكتبوها في بروفايلاتكم زي عمكم بكري الصائغ ولكم مني اخلص الود والتهاني بالعيد السعيد عمر علي حسن

---

Post: #192 Title: Re: من هـو أكبر أعضاء المنبر (في السِن)....... أكبر زول/ة في المنبر دة منو؟ Author: shaheen shaheen Date: 09-10-2010, 05:18 PM Parent: #191 الابنة العزيزة دوما وصلت التحايا للابنة (شـــــــــــاهندة) وبتقول ليك لو شرفتينا فى زواج (شــــادى) بمدينة (نابولى) الايطالية تكونى ما قصرتى . * الابن الغالى والمنافس على اللقب دون وجه حق عمر على حسن عيـدك سعيد .

---

Post: #193 Title: Re: من هـو أكبر أعضاء المنبر (في السِن)....... أكبر زول/ة في المنبر دة منو؟ Author: shaheen shaheen Date: 09-10-2010, 05:44 PM Parent: #192 [QUOTE]عمه الدكتور شاهين بتاع البطري ودرسني Animal Management كما ان لي صلات قديمة مع الاسر الحلفاوية تجعلني في عداد العالمين ببواطن الامور

يا ٍســــــــــلام
د. محمد سليمان شاهين , صديق قديم وعزيز على القلب
رجل موهوب وصاحب كتاب (خــواطر طبيب بيطرى) , و (ابـو عكاز)
يا ســــلام
وبعدين شنو قصة عليم ببواطن الامور ؟ , اعتبر ده تهديد عشان انسـحب ؟ .

Quote: الابن الغالى والمنافس على اللقب دون وجه حق عمر على حسن

الله يفرحك مثلما افرحتني بهذا اللقب اذي افتقدته طويلا ..
اما المنافسة دون وجه حق فيبدو انك لم تقرأ مداخلاتي السابقة فقد وسعت لك الطريق بل وطلبت من الصائغ ان يتنحي هو الاخر لك ..
ولكن المسالة خرجت من اليد بعد انقلاب 30 رمضان .. لم تعد هناك منافسة .. وقد اخذنا حقنا بايدينا ولم يبق امامكم الا التاييد ..

اطال الله عمرك وعمر الحفيد العريس

عمر علي حسن

هى زوجتى
وشريكتى
وصديقتى
ورفيقتى
وعشيقتى
وعصيدتى عند الأذان
صمام أمان
زمزمية موية العطشان
وعكازة طريق مليان كلاب
ام العيال
من منبعك حتى المصب
اهديك سـلام .

جنابو رئيس مجلس الاعمار الازلي

Quote: عمه الدكتور شاهين بتاع البطري ودرسني Animal Management

عجيبة مع انو من اندنا انا "كنت" قايل انو "ابوه "

__________

شاهين محمدسليمان شاهين .....( عالم عجيبة الحفيد يشيل اسم الاب ويلصق اسمو في اسم جدو )...

هندسة يا دفعة
أيامك كلها اعياد يارب .
وتحياتى لاسرتك الجميلة فرداً , فرداً .

السلام عليكم ورحمة الله
كل سنة وانتو طيبيين سالميين و القابلة علي امانيكم , ومرحب بالمتداخلين الجُدد ...... و عيد ورا عيد و إنتو في اتم الصحة و العافية.

إحدي إنجازاتنا من هذا البوست ....... أنه تحسنت لغة الحوار بين الاعضاء الكبار و الصغار وأصبح العضو يسأل قبل الخوض في النقاش ..... و أتمني أن تسود هذة الثقافة هنا في هذا المكان.
و إليكم بعض من الإنجازات هنا Re: الزميل/ محـــــمد عـلــي حـســن لو سمحت
وهنا Re: الزميل/ محـــــمد عـلــي حـســن لو سمحت

Quote: اولا كل عام وانت ومن معك بخير ثانيا: اشكرك على وصفي بالمهذب وارجو ان اكون عند حسن ظنك ... وبالمناسبه انا ابلغ من العمر ثلاثون عاما ووالدي واعمامي اعمارهم مابين الستين والخمسين فأذا كنت من جيل والدي واعمامي فسيكون اسلوبي معك مختلف بمعني انني سأقول لك ما اريده منك بصوره مباشرة دون الدخول في مهاترات تنقص من احترامي تجاه من هم في جيل ابائي فكم تبلغ من العمر؟

بفتكر أناحاكون أكبر واحدلكن
سيادة العميد ود الريح اكبر مني
ربنا يطول في عمره و يديهو الصحة و العافية

Quote: بفتكر أناحاكون أكبر واحدلكن سيادة العميد ود الريح اكبر مني ربنا يطول في عمره و يديهو الصحة و العافية

مرحب بيك يا عم / حسن الطيب ..
سعدنا وفرحنا كتير بي عيد ميلادك .... يالا خش لي قدام ونافس مع اخوانك و اتحفنا بي ذكرياتكم .. , وفي انتظار مساهمات الأب الرجل الإنسان محمد أحمد الريح إن سمحت ه الظروف.
كل سنة وانت طيب وعيد وراء عيد و انت سعيد بين اهلك واصحابك.

اليوم عيد ميلادي ال 64 إحتفلوا معي

إنشاء الله
لنا عودة مع الذكريات

فعلاً دا بوست جميل بالجد، وإنّي حقيقة من المعجبين بكبارنا في هذا المكان، ربنا يخليهم لينا.
عاجبني فيهم إنهم ناس تفاتيح ومطّلعين ونشيطين ومواكبين، ولا يشبهون مطلقاً من هم في سنهم من السودانيين، الذين يخملون، ويذهلون عن الحياة حتى قبل بلوغهم الخمسين. أقترح تكريمهم في يوم من الأيام، وأن نشكرهم على بقائهم وصبرهم معنا في هذا المكان المزعج وطولة بالهم وسعة أفقهم على قلّة أدبنا وبلاهاتنا الكثيرة وطفولياتنا، وكذلك شكرهم على رفدنا بما معهم من علم ومعلومات مما عاصروه وشهدوه. تحياتي لأبي بكر وإني من المعجبين به جداً جداً. يا شاهين بالله إنت مواليد 1940م!؟ أم تمزح؟ هذه معلومة أذهلتني للغاية. كنتُ قد قرأتُ شيئاً من أعمالك الروائية النابهة وتخيلت أنها لكاتب في الأربعينات لا أدري لماذا! كما قرأتُ للصائغ كثيراً، وقد نقلتُ مداخلات الصائغ من هذا البوست كوبي بيست، لأنها مفيدة للروائيين في حالة الحديث عن الزمن الماضي، وبناء المكان. شكراً يا الصائغ، وعلى كل المعلومات التي ترفدنا بها دائماً وتثرينا، إنني من متابعيك وقرائك المواظبين.
أطالب باستبعاد أمي زينب من المنافسة للاستهبال، أولاً هي والشهادة للشهادة عمرها 54 سنة لا غير.
وأكبر أبنائها أكبر مني بسنتين أو ثلاث، وهو نزار، إمَّا مواليد 71 أو 70.
أعتقد أنّ ماما سعاد ستنافس بقوة، من الجانب النسائي، وسينافس صديقي في بوست إصلاح الكتابة جعفر إسماعيل، قاطن اليابان، بعض الشيء، لا أظنه قد داقش الستين، والله أعلم.
عمر علي، أعتقد أنَّه طامح لنيل اللقب مثل أمي زينب، لا أعتقد بأنَّه قد تجاوز الستين أيضاً (لوول).
أمي زينب، أكرمني الله وقابلتُها في هذه الحياة، وشكلها لا يمكنك أن تمنحه أكثر من 47 إلى 49، مع صحّة جيدة ما شاء الله ومحافظة، أعتقد أن الحجم مساعدها (لووول).
يضحك نهاركم، حبيت أعيّد عليكم وأهاظر شوية، وكل عام وأنتم كبارنا بخير، وأقول لكل كبارنا في المكان، أنتم تاج رؤوسنا، وبوجودكم هنا نتشرف، وربنا يديكم طولة العمر، وما يحرمنا يوم من حكمتكم أو منكم.
الخُردة كوستاوي هو الطيش، مجرّد مستهبل.
أقدر اختفاء الرفاق أبو ساندرا وود الموج وود قاسم.
وكونوا جميعاً، بخير، أبداً بخير
----------------
بالمناسبة يا شباب، ما تجوا تساعدوني في بوست الكوشرثيا وكت الله حَضَّركم الما حضرناه.
شكراً جزيلاً لأخينا أحمد محمّد بشير، رأس حربة البوست وصاحب الفكرة

ابني الحبيب وصديقي العزيز الأديب محسن خالد(انت أكبر من إبني سعدالدين ، عضو المنبر بحوالي 8 أشهر فقط)
كل عام وانت بخير وعافية
مداخلتك الأنيقة أضافت لهذالبوست مزيد من الألق ..يا ريت تنكت لينا بوست (إصلاح الكتابة ) يحتاجه المنبر حقا ، وارجو من الإبن بكري ابوبكر يضعه في واجهة المنبر.
نرجع للبوست وهاكم النجيضة كما يقول ولدنا المشاغب الظريف ود الصائم

حسب دفتر يوميات هذا البوست كما يقول أبنائي ضباط الشرطة، استطيع أن احكم بارتياح على ترتيب عجائز البورد كما يلي:-
-قال الحبيب بكري الصائغ انه عاصر اول ظهور حسب الأمة في 28 يناير 1945 ، يعني عمره كان (بالميت كدا) حوالي خمس عشرة سنة ...إذاً يستحق الأول بدون منازع .
- اخونا الحبيب عمر علي حسن كتب بطقاطيق كيبورده بأنه من مواليد 1935 ، يستحق الثاني .
- أخي الحبيب شاهين من مواليد 1940 يستحق الثالث
- الرابع مشترك سعاد والعبد لله.
- الخامس صديقي العزيز الباشمهندس ابوبكر سيداحمد
- الطيش اختي العزيزة ماما دومة....يا دومة اختي أمرك عجيب ..النساء الواحدة بتاكل من عمرها عشر سنوات بارتياح ( يعني كان الواحدة عمرها خمسين سنة تقول أنا يا دوب 40 سنة )..تقومي يا الفالحة تزيدي عمرك 20 سنة ....لووووول
- أخونا الحبيب الأمير الكوشي بشاشا لو دخل المنافسة يمكن كان يغير موازين المنافسة (رأساً على عقب) ...لووووول
- كوستاوي خارج المنافسة خالص لأن لقب العجوز الذي يطلقه عليه خصومه لا اساس له من الصحة ويأتي من باب مكايدات البورد

ويا إبني احمد محمد بشير ، صاحب البوست..يوم شكرك ما يجي
علي الأقل لقد اعطيت ابناءنا أعضاء البورد معرفة مواقعنا من العمر ..على الأقل لو الواحد منا طاش قلمه يوما ما.. يسامحونا من الخرف .

وبعدين انتو انقلابي دة ما عاجبكم؟؟؟؟ ... اجيب ليكم رامبو.....؟؟انقلاب كامل الدسم وفيه بيان اول وحالة طوارئ وترقيات استثنائية وقفز بالزانه ؟؟ يعني نسووي ليكم انقلاب زي بتاع منغستو ونرصرصكم داخل اجتماع واللا شنو ؟؟؟ ايه دي ....؟
ودوما شنو البتدخل تنافس ؟؟؟ انا عمتي يوو شا هي بس اليها حق التنافس وبصفتي قريبها كل الدرجات بتاعتها هي لي ! ... وجنابو ايد الانقلاب بتاعي .. وشيخ جعفر عيناهو ممثلنا في المناطق الشرقية من العالم .. اها بعدة واحد يجي يقول كاني ماني ؟؟؟

ما تجو الا بالعين الحمراء من وراء نطارة

Quote: - أخي الحبيب شاهين من مواليد 1940 يستحق الثالث

ياجماعة ولدنا دة قدر يتسلبط عليكم كلكم .. ما قلت ليكم دة من اندنا وابوه هو المفروض ينافس مش هو .. شاهين محمدسليمان شاهين اتولد وانا مغترب ...
دة رسام حروف سااااي ... ياولد اطلع برررررره . بلا خوتة بلا مسخرة ....

Quote: وشيخ جعفر عيناهو ممثلنا في المناطق الشرقية من العالم

أنا رضيت بموقعي من الرشوة وسأكون عين ساهرة لكل من تسول له نفسه التلاعب بمكتسبات رئيسي المباشر المهندس ابوبكر، قائد الإنقلاب المظفر . وعملا بالسلطات المخولة لي قد وافقت على تعيين ماما دومة نائبة لي في بلاد الواق واق وما وراءها، واوصي بالقاء القبض على اخي الحبيب العزيز شاهين شاهين لإقدامه على تدقيس لجنة حصر عواجيز المنبر ، ولا نامت أعين الجبناء.

Quote: أنا رضيت بموقعي من الرشوة وسأكون عين ساهرة لكل من تسول له نفسه التلاعب بمكتسبات رئيسي المباشر المهندس ابوبكر، قائد الإنقلاب المظفر

وهكذا انتصرت "ارادة شعوبنا" والتفت نحو قيادتنا الرشيدة وعليه فلتعرف المتامرات ويعرف المتامرون المتربصون بشعوبنا وبقيادتنا باننا نمثل ارادة غالبة كاسحة .. احنا "الشعوب"....وبس

انتهي البيان

بعض من مشاريعنا الفورية :

حوافز وخصومات تصل عشر سنوات :

العيد مبارك عليكن ياولاد امى

صحى النسوان ما بدورن الكبر يا ابوبكر اخوى علا عاد النصيحة انا تاريخ ميلادى ختيته ليكم فى البروفايل قبال استقلال السودان بسنة، ان شاء الله ربنا يحفظ السودان من الفرتكة ويكفينا شر خلقه

وادينا الصحة والعافية وحسن الخاتمة، ومن القوة للهوة يا قول حبوبتى الله يرحمها

فتكم بعافية ياوليداتى

تحياتى

شعارات ثورية :

Old age isn't so bad when you consider the alternative
Maurice Chevalier

The spiritual eyesight improves as the physical eyesight declines
Plato

To me, old age is always fifteen years older than I am
Bernard Baruch

Few people know how to be old
François de la Rochefoucauld

عيدك مبارك يا مهيرة

Quote: صحى النسوان ما بدورن الكبر يا ابوبكر

حسب تجربة شخصية وجدت ان كثير من الرجال يتفادون ان تعرف اعمارهم الحقيقية ...قبل ايام كنت اتصفح ملفات شخصية في الفيسبوك لاصحاب اعرفهم فوجدت تواريخ اعمارهم والتي اعرف حقيقتها مختلفة تماما عن الواقع بسنوات كثيرة .. قبل ايام كنت اشاهد برنامجا تلفزيونية عن شخصية سودانية (من دفعتي) وبينما كتب تاريخ ميلاده وتاريخ تخرجه من كلية علمية(نفس سنة تخرجي) وجدت انه وفق ذلك دخل الاولية (بتاعتنا زمان) وعمرو اقل من ثلاث سنوات (العمر الرسمي كان سبعة سنوات في ايامنا) ....

علي كيفهم .. عموما انا مصر علي ان اعيش عمري كما هو ولا اسطو علي سنوات لم اعشها او انكر سنوات عشتها ...

شاهين شاهين هو الشخص الوحيد الذي ادلي بمعلومات غير صحيحه البته لانه في بوست اخر قال انه زميل طارق ابو عبيده

يبقي يا باشمهندي انا ما زلت اكبر نساء البورد
لكين انت موقفك ضعيف لانه هناك تلات او اربعه من الكانديتس اكبر منك

السلام عليكم و عيدكم سعيد
شكرا ليك يا جعفر إسماعيل علي الترتيب و المتابعة
ومرحب بالناقد المبدع ......... مُحسن خالد
الخالة دوما شكرا للمتابعة
شكرا ليكي يا مهيرة الأصيلة
و الشكر لكل الضيوف و المرور و القُراء.

إقتراحنا للسيد طارق الأمين رئيس بيت الفنون بالخرطوم.
بتخصيص فقرة أو يوم كامل لتكريم الفائز.
الإقتراح هنا Re: رشا شيخ الدين رابع ايام العيد في بيت الفنون(توجد مفاجات)

يالا شِدو حيلكم يا عم / أبوبكر سيد أحمد و أعلن عن إنقلابك لإعلان الفائز .....
هل تصنيف عمنا جعفر اسماعيل هو الأخير ‘‘ عشان نلحق نعلن إسم الفائز؟؟

Quote: -قال الحبيب بكري الصائغ انه عاصر اول ظهور حسب الأمة في 28 يناير 1945 ، يعني عمره كان (بالميت كدا) حوالي خمس عشرة سنة ...إذاً يستحق الأول بدون منازع . - اخونا الحبيب عمر علي حسن كتب بطقاطيق كيبورده بأنه من مواليد 1935 ، يستحق الثاني . - أخي الحبيب شاهين من مواليد 1940 يستحق الثالث - الرابع مشترك سعاد والعبد لله. - الخامس صديقي العزيز الباشمهندس ابوبكر سيداحمد - الطيش اختي العزيزة ماما دومة....يا دومة اختي أمرك عجيب ..النساء الواحدة بتاكل من عمرها عشر سنوات بارتياح ( يعني كان الواحدة عمرها خمسين سنة تقول أنا يا دوب 40 سنة )..تقومي يا الفالحة تزيدي عمرك 20 سنة ....لووووول - أخونا الحبيب الأمير الكوشي بشاشا لو دخل المنافسة يمكن كان يغير موازين المنافسة (رأساً على عقب) ...لووووول - كوستاوي خارج المنافسة خالص لأن لقب العجوز الذي يطلقه عليه خصومه لا اساس له من الصحة ويأتي من باب مكايدات البورد

Quote: شاهين شاهين هو الشخص الوحيد الذي ادلي بمعلومات غير صحيحه البته لانه في بوست اخر قال انه زميل طارق ابو عبيده

ماما دوما حرام عليك
الرجاء مراجعة البروفايل الخاص بى
وحكاية انو طارق صحبى ما شايف فيها اى مشكلة , طارق ده يا ماما دوما ان اكلتا فى السماية بتاعته
ولذلك انا احتج حتى على المركز الثالث .

Quote: شاهين شاهين هو الشخص الوحيد الذي ادلي بمعلومات غير صحيحه البته لانه في بوست اخر قال انه زميل طارق ابو عبيده

دى صورتى سنة 1998 تقريباً .
*


دى بتى شاهندة , وحفيدى شادى , فى ايطاليا من سنوات بعيدة .
*


دى زوجتى الايطالية المرحومة كستاريا , اتوفت 2005 .

Quote: شاهين شاهين هو الشخص الوحيد الذي ادلي بمعلومات غير صحيحه البته لانه في بوست اخر قال انه زميل طارق ابو عبيده

عيب عليك يا ماما دوما تقولى عنى انى كذاب وانا زول ماشى على نهاية الطريق .
حتى البوست البتتكلمى عنه ح تلقى فيهو المداخلة دى مكتوبة باسمى

Quote: سمعتا بيك كتير / سمع خير / ودى فرصة نشوفك , بالمناسبة اصغر اخواتى اسمها زيك . لما اسمع عنك بتذكر ايام شبابى مع هنرى كورييل فى اربعينيات القرن المنصرم , والجبهة المعادية للأستعمار .

ياجماعة الجني شاهيين سارح بيكم سااااي .. جايب صورة واحد سكسونيالدم وقال زوجته كذلك اريه الدماء وجاب ابنة وحفيد هسبنك ...دة رسام حرووف ساااي حيتوهكم

Quote: هل تصنيف عمنا جعفر اسماعيل هو الأخير ‘‘ عشان نلحق نعلن إسم الفائز؟؟

الشيخ جعفر هو ممثلنا في المناطق الشرقية من العالم .. الا تقرء بياناتنا الانقلابية ؟؟؟؟ اثارتكم لامر الفائز رغم نفاذ الانقلاب يعني انك طابور عاشر واننا من هنا نقصييك من وظيفة الناطق الرسمي وتطلع من البوست دة طوالي وما تهوبش ناحيتو بتا بتا ....

انتهي البيان

Quote: يبقي يا باشمهندي انا ما زلت اكبر نساء البورد

الانقلاب صار نافذا لا رجعة عنه ....وممكن تعينيك ممثلة المراة في مجلس الاعمار الازلي..

انتهي البيان

Quote: شاهين شاهين هو الشخص الوحيد الذي ادلي بمعلومات غير صحيحه البته لانه في بوست اخر قال انه زميل طارق ابو عبيده

ياللهول اتلم الصغيروني علي الاصغر .... خدر خارج كل المنافسات هنا حتي لو اصابت التعرية راسه


_________

ياشاهين انت دفعة ع الرحمن اخوي اصغر الاصغريين وخدر وراء ع الرحمن بسنه.. وع الرحمن موجود في المنبر دة (عبدالرحمن خليل) فاما تطلع ياجني من هنا يا نناديهو ليك

أمبارك عليكم

يا أعضاء نادي عواجيز و عجوزات البورد
و مرحب بالأعضاء الجدد

Quote: ..وممكن تعينيك ممثلة المراة في مجلس الاعمار الازلي..

ايوه ياريس يا ازلي .. نرحب ونفتح صفحة بيضاء مع كل المنافسين للآنضمام للنظام الانقلابي الظافر

عمر غلي حسن
رئيس مجلس الاعمار الازلي

Quote: -قال الحبيب بكري الصائغ انه عاصر اول ظهور حسب الأمة في 28 يناير 1945 ، يعني عمره كان (بالميت كدا) حوالي خمس عشرة سنة ...إذاً يستحق الأول بدون منازع . - اخونا الحبيب عمر علي حسن كتب بطقاطيق كيبورده بأنه من مواليد 1935 ، يستحق الثاني .

اخي جعفر اسماعيل

انا من الاول وضعت الاخ بكري الصائغ في منطقة المقدمة وطالبته بكشف اوراقه ومازلت احتفظ له بالحق .. اما حكاية تأسيس حزب الامة سنة
1945 فهذه حضرناها كلنا وكمان حضرنا الاحتفال بالهدنه الساعة 11 يوم 11/11/1944

اما عن انني ذكرت ان ميلادي كان عام 1935 فان ذلك لم يحدث وانما تحدثت عن شخص اخر لم يذكر اسمه وقيل انه ولد في عام 1935 وكذلك
السيدة سعاد ابراهيم احمد وقلت انني اصغر منهما .. ومع ذلك انا ساحتفظ بنفس الترتيب الذي صدر عنك حتي يبرز لنا الاخ بكري الصائغ ما يثبت
لنا بانه مولود قبل 10 مارس 1938 وهو تاريخ ميلادي ..

ورغم هذا وذاك فانني مؤيد ومشارك في حكومة الرئيس الازلي ابوبكر سيد احمد التي جاءت عبر انقلاب ابيض يوم 30 رمضان الماضي وندعوكم
لمساندتها والدخول فيها بالقائمة التي اوردتموها في مداخالتكم مع الوعد بتعيين الاخ بكري الصائغ ابا روحيا اذا صح مولده قبل التاريخ الذي ذكرت حتي
لاتضيع القيمة العالية لهذا البوست ..

عش سالما

عمر علي حسن

عاش نضال الطبقة العاملة
وتسقط ماما دوما لانها بتزور تاريخ السودان الحديث , ولانها عايزة تقنع المعجبات انى لسه شاب صغير السن .

Quote: عاش نضال الطبقة العاملة

ياابني "طبقة عاملة " تاااني ؟؟ اصلو زماانك بس بس قلنا عندنا مطالب شاتونا شرقا قريبا من الشمس وهسع عايز تودينا ورا الشمس بعدما وهن العظم ؟؟؟ خلينا نتهني برئاستنا الازلية دي شوية .... فيدروف قال مافي طبقة عاملة ولا يحزنون ؟؟؟ ....

جنابو

Quote: حكومة الرئيس الازلي ابوبكر سيد احمد

اول ما قريت "حكومة الرئيس الازلي ابوبكر " بس نطيت وقعدت اتلفت زي السمبرية بس ما لقيت جماهيير هادرة مليونية ؟؟ عايز ابقي "رئيس " حتي ولو "رئيس وردية " بس "رئيس " ويقولو لي "الرئيس قال " و"الرئيس منح " و "الرئيس امر " و"الرئيس تبسم ".. يااااخ ....اتاري الرياسة دي حكاية ...؟؟

Quote: ياجماعة الجني شاهيين سارح بيكم سااااي .. جايب صورة واحد سكسوني الدم وقال زوجته كذلك اريه الدماء وجاب ابنة وحفيد هسبنك ...دة رسام حرووف ساااي حيتوهكم

يا باشمهندس شاهين محمد سليمان شاهين دا موضوعه انتهي
يبقي يقعد
ساكت ويبلش تهريج
وانا بديه تلاته فرص يختار منها العاجبه 1960 -1961 او 1962
فكلهم اخوانا الاصغر يا باشمهندس بما فيهم طارق ابو عبيده .
وبهذا تعلن لجنه الاختيار بفوز مامه دوما بلقب كبيره البوردابيات بينما
يظل التنافس علي لقب كبير البورداب مفتوحا
واري ان فرصه اخي الرطاني ابو بكر سيد احمد ضعيفه في الفوز به

Quote: واري ان فرصه اخي الرطاني ابو بكر سيد احمد ضعيفه في الفوز به

لييييه بس..... ما عملنا انقلاب وكل الكبارات ايدو ..... انتي الرطاني دة بحكم التاريخ وحبوبتو الكنداكة اماني ريناس هو الرئيس الازلي..ظ انتي بس خليكي مع ولدنا شاهين وقريبنا خدر والاجيال الزغننة ....

Quote: اما عن انني ذكرت ان ميلادي كان عام 1935 فان ذلك لم يحدث وانما تحدثت عن شخص اخر لم يذكر اسمه وقيل انه ولد في عام 1935 وكذلك السيدة سعاد ابراهيم احمد وقلت انني اصغر منهما

أخي الحبيب الريس عمر علي حسن
كل عام وانت والأسرة بخير وعافية .
أرجو المعذرة والعفو فقد التبس عليّ الأمر.
بناءاً على ما ورد في مداخلتك القيمة ، فإنني أعيد ترتيب القائمة على النحو التالي: -
الأولى وعميدة عواجيز المنبر الأستاذة سعاد إبراهيم احمد
الثاني سيادتكم
الثالث بكري الصائغ حتى يثبت انه مولود قبل تاريخ ميلادك
الرابع : شاهين
الخامس : العبد لله مع احتفاظي بوظيفتي المكتسبة من اتقلاب القائد الملهم ابوبكر سيداحمد.

تحياتي ومودتي ووافر احترامي

Quote: يا باشمهندس شاهين محمد سليمان شاهين دا موضوعه انتهي يبقي يقعد ساكت ويبلش تهريج وانا بديه تلاته فرص يختار منها العاجبه 1960 -1961 او 1962

1940

يعني يا شاهين ..... إنت 40؟

جواب نهائي؟

يا شاهين يا بن محمد سليمان شاهين اللي من اندهم
اللي بسال ما بتوه علي قول الشاعر
السودان دا قريه صغيره يا اخي
سالنا منك وعرفنا انك دفعه اختنا سناء
ابقي اختار واحده من السنوات اللي قلتهم ليك

الاخ المحترم جعفر اسماعيل
شاهين محمد سليمان شاهين تشيلو من القائمه
خالص لانه لم يصل الخمسين بعد يعني عمره بين 47 الي 49