عن المهدية يا كمال بشاشا .. تكملة ما انقطع

الأرشفة لا تجب ما قبلها.
و هرجلة التاريخ لا يمحوها بزوغ ربع جديد.

هل خرج الامام محمد أحمد المهدي(رحمه الله ) على طاعة الخلافة العثمانية

ملخص ما سبق في الرابط المذكور اعلاه ..
في حوار بيني و الاخ ثروت سوار الذهب تدخل بشاشا كعهده في الهرجلة ليقول لي :

Quote: حمور، شايف الصعق الكهربي، جاب نتيجة معاك! نعم، او باعتراف شرشل، خطة الخليفة في كرري كانت عبقرية بحق، ولكن المثقفاتي شيخ الدين، بوظ كل شئ، باخراجو لي قلب جيش المقاومة من المعركة كليا!

وكعادته لم يهتم باثبات دعواه بل زاد عليها انه اتهمني بنكران ما سبق و كتبته انا عن المهدية كأن موقفي منها قد تغير.

لا تهمني هنا هرجلة كمال الشخصية.
بل يهمني ان اوضح انه "جاهل" بالتاريخ الذي يحاول ان يقهر به الاخرين و يهرف بما لا يعرف.
هذا البوست مواصلة للنقاش الذي انقطع بالأرشفة.
ولو دخل بشاشا هنا ليتكلم عن المهدية فسيثبت جهله أكثر.
اما ان فضل "الزوغان" فساواصل سرد قصص واحدة من اعظم الثورات الافريقية السوداء ضد الاستعمار الاوروبي التي يتجاهلها بشاشا لأسباب اجهلها.

بوست (ممتع + مفيد)

حضوووووور

قال بشاشا مخلّطا في التاريخ و كاذبا :

Quote: ولكن المثقفاتي شيخ الدين، بوظ كل شئ، باخراجو لي قلب جيش المقاومة من المعركة كليا!

المثقفاتي الذي يصغر من شأنه كمال هو عثمان شيخ الدين ابن الخليفة .. سنعود لهذا مرة اخرى .. المهم اني صوبته قائلا :

Quote: تصويب للخلط التاريخي الذكرو بشاشا ده .. قوات الملازمين لم تكن قلب الجيش. القوات التي كانت قلب الجيش هي الراية الزرقاء. قوات الملازمين لم تكن في الاصطفاف ولكن امرت ان تقوم على يمين ميدان المعركة خلف احد الجبال.

فجاء بشاشا محاولا ان يتذاكى على الخطأ الذي ذكره فقال :

Quote: الجلابي حمور، لحقتا نكرتا تناولك السابق للمهدية؟ خير، ما حنضيع وكت هنا او خلينا في القدامنا. اها قتا تصويب هتة واهدة كده، لي بشاشا؟ في تقديرنا احنا، لواء شيخ الدين كان هو قلب الجيش من حيث العدة او مستوي المقاتلين. ربما في فهمك المعيار هو العدد مثلا. مافي تصويب هنا، ولكن راي اخر! تواضع شوية! متين لحقتا تبطل ترمرم، مشك امباز ناس ونجت؟

فكان ردي على هذا العبث و التخليط :

Quote: تقديرك و تقديري لا يغير حقائق الاشياء و العلوم العسكرية. قلب الجيش و ميمنته و ميسرته ما حاجات خاضعة لاهواء. انت تقدر انو القلب الملازمين و انا اقدر انو الراية الزرقاءو يجي واحد يقدر انو راية علي ود حلو. لا ابوي. قلب الجيش مصطلح محدد له تفسير واحد. لو انت بتتكلم عن القوة الضاربة ده شي تاني. ممكن نقدر هل كانت بالعدد ( الراية الزرقاء ) ام تقدر بالسلاح ( الملازمين ). لكن لما تتكلم عن قلب الجيش فهو الراية الزرقاء. قلب الجيش في المعارك هو القوات البتكون في نص الجيش و بتكون محمية بالميمنة و الميسرة. اصلو ما لاقاك تكتيك هنيبال الشهير بتاع تراجع القلب و تقدم الميمنة و الميسرة لتحيط بالعدو في شكل هلال ؟ ياخ ده الشفع بيعرفوهو. هل كنت تقصد قلب الجيش ام القوة الضاربة ؟

فجاء بشاشا للاسف بدون فهم ليقول :

Quote: Quote: لو انت بتتكلم عن القوة الضاربة ده شي تاني قرقرقرقرقرقر! الجلابي الكامل حمور، بقينا في "لو"؟ اذن كلامنا صاح، انو كلامك وجهة نظر اخري مش تصويب بتاع استاذ لي تلميذو في الابتدائي او كده! Quote: هل كنت تقصد قلب الجيش ام القوة الضاربة ؟ طيب ما كان تسال في الاول، قبل ما تعمل فيها مصوباتي او كده! زي ما قتا ليك الصعق الكهربي في حالتك جاب نتيجة، مقارنة بالفاري من عنبر المجانين تبع معامل بشاشا، واقصد المدعو شاموق! قرقرقرقرقر!

يا كمال كلامي ليس فرضيات نتخار منها ..
انا احاول ان افهم كلامك "الملخبط" .. فانت تسمي شيئا ( قلب الجيش ) و تشرح شيئا اخرا ( القوة الضاربة ) .. و انا احاول ان افهم هل قلت قلب الجيش عن جهل او مجرد اختلاط عليك في التفريق بينهما.
فوريني بالله انت بتتكلم عن شنو ؟
قلب الجيش الذي كان الراية الزرقاء بقيادة الامير يعقوب .. ام تتكلم عن القوة الضاربة التي كانت الملازمين بقيادة عثمان شيخ الدين ؟
بطل قرقره و قول ليك كلام يتفهم

و من هرجلة بشاشا للتاريخ انه اجاب ثروت سوار الذهب حين سأل عن خطة الخليفة في كرري انه قال :

Quote: ثروة سلام، طبقا لشرشل، خطة الخليفة قامت علي دفع الجيش الغازي للتحرك من حصنو الامن، ثم الالتحام بالعدو وهو في حالة الحركة هذه باعتبارها انجع الطرق، وافضلا لتوظيف امكانيات جيش الانصار. لهذا تمكن الخليفة من اخفاء معظم القوة الضاربة من جيشو من انظار الجيش الغازي! بالفعل قضاء الجيش الغازي علي الموجة الاولي، دفعتو للتحرك صوب امدرمان، ظنا منه انو دي القوة الرئيسية او بالتالي انهزمت! في اللحظة القاتلة، شيخ الدين تخلف بي سبب مطاردة قوة صغيرة او بي كده قلب الجيش الوطني خرج من المعركة، لتنهار خطة الخليفة الوضح جزء منها، عندما تمكن الحلو من الالتحام بغتة، بلواء مكدونالد، وقد ابلي بلاءا حسنا. مما يوضح مدي خطورة خطة الخليفة لو نفذت كما هي، لانو المباغتة او حالة الحركة في مقابل التخندق، عطل مفعول التفوق الناري للعدو، واتاح فرصة التحام اكبر للجيش الوطني، بالعدو وهذا الالتحام يمثل بالفعل الحافة الحادة او القاطعة لي جيوش المهدية الاشتهرت بقوة شكيمة مقاتيليها اذا ما اتيح لمقاتليها فرصة الالتحام بالعدو مباشرة. مذكرات جنود الغزو توضح هذا الجانب بجلاء

فاضطررت ان اعلق على هذا الكلام :

Quote: لتصويب الهرجلة و عدم الدقة التي تناول بها بشاشا خطة الخليفة في كرري ساضطر ان اقول انه تكلم عن المرحلة الثانية فقط من خطة الخليفة. تكونت خطة الخليفة من مرحلتين. المرحلة الاولى خاضها الخليفة بثلث جيشه تقريبا. كانت مهمة عثمان ازرق بقيادة 8000 مقاتل من الملازمين بالهجوم المباشر على قلب زريبة تحصينات الجيش البريطاني. و في نفس الوقت يهاجم ابراهيم الخليل بجيش الكارا الجانب الايسر للزريبة تحت غطاء مدفعية عثمان ازرق من الوسط. واثناء هذا الهجوم يتحرك متسللا عثمان شيخ الدين ( الذي يستهزئ به بشاشا و يسميه المثقفاتي) ليحتل جبال كرري . المرحلة الثانية بعد خروج الجيش البريطاني من الزريبة. وفي اثناء حركته تهاجمه الراية الزرقاء من الجنوب الغربي في القلب تحت غطاء نيران ملازمية شيخ الدين من قمة الجبل. وفي نفس اللحظة هجوم من الخلف من الراية الخضراء بقيادة عبد الله ابو سوار. اجهض هذا التخطيط جهل الخليفة بحقيقة قوة العدو النارية الضاربة. فقد تقدم عثمان ازرق و ابراهيم الخليل الى الموت لمواجهة اكثر من مئة مدفع و ثلاثين رشاشا في عز النهار و في ارض منبسطة مكشوفة. اما خطأ شيخ الدين فانه غادر مكمنه و انشغل بمطاردة فرسان بقوات مشاته دون جدوى. و في اللحظة التي كان من المفترض ان يقدم الدعم لقوات والده بغطاء ناري كثيف كان شيخ الدين على بعد اربعة أميال من موقعه المفترض و قواته تلهث من الركض المتواصل خلف فرسان العدو.

ويتبع لهرجلة بشاشا قوله :

Quote: الثورة الام اللتي مرغت انف كبرياء السيادة النازية البيضاء، كما لم يمرقه، قوم سود اخرين علي الاطلاق

ان كان بشاشا يستهزئ بعثمان شيخ الدين و يسميه المثقفاتي فربما كان ذلك راجعا لحنقه على دور شيخ الدين في هزيمة كرري .. ربما.
لكن لماذا يحذف بشاشا من تاريخ المقاومة الافريقية هزيمة الزولو للانجليز عام 1879 قبل المهدية في معركة ايسندونا حيث اباد الزولو تقريبا الجيش البريطاني ؟
ألم يكن ذلك تمريغاً كافياً لأنف كبرياء السيادة النازية البيضاء ؟

شكرا يا احمد على الحضور و الدعم.
سانتظر قدوم بشاشا في القريب ليحل لنا اشكال كلامه عن ان الملازمين كانت قلب الجيش في كرري و موضوع استخفافو بعثمان شيخ الدين و تجاهلو لثورات الزولو و الماساي ضد المستعمر الابيض و هرجلتو في سرد خطة الخليفة في كرري.
بعد داك ممكن نفكك ( يا عملات كيكي ) مداخلاته الشوية المنقوله دي و نقعد نعاين كم الهرجلة التاريخية فيها.

في انتظار الزميل كمال لمناقشة النقاط الأربعة الفوق دي واحدة واحدة و بعد داك نطلع ليو باقي هرجلاتو في كلامو.

يا كمال التاريخ ليس عرضة للهرجلة التي تمارسها ولا يصلح معه التعصب المهووس الذي تصرخ به.
التاريخ علم مقدس يقرأ و يُعرض بحيادية و انضباط.

ربما - اقول ربما - لو انضبط كمال في النقاش و لم يمارس الهرجلة كعادته يمكننا ان نناقش معه رأيه في ادعاء الامام المهدي النسب العربي وهل يعتبر بهذا زنجيا مستلبا متنكرا لأصله كما يحلو لبشاشا ان يصف كل سوداني يدعي لنفسه ذلك النسب ام لا.
سيحلو لي مناقشة كمال في هذا الامر .. فلم اقرأ له يوما رأي في الامام المهدي يصفه بالزنجي الكاره لذاته رغم ادعاء المهدي للعروبه.

اطمع يا كمال في نقاش تاريخي منضبط و محترم معك .. هل يمكن ان تحدث هذه المعجزة بعيدا عن هرجلتك و شتائمك لأي محاور ؟

حمور

انت المنبر دا قابلو مهدية ول شنو؟؟

ابداً يا دكتور بلة ..
بس عايزين نجلد الفرمالة

"و ليكن معلوم عندكم اني من نسل رسول الله صلى الله عليه و سلم، فأبي حسني من أبيه و امه، و امي كذلك من جهة امها و أبوها عباسي. و لي نسبة الى الحسين "
منشور الدعوة 1881

رأي كمال بشاشا في قضية مشابهة :

Quote: متوهم العروبة حسن الجيلي، واين هذا الوجود العربي في ارض السود، في الاول؟ لوانت عربي فانت اجنبي ووافد ولايحق ليك كضيف تقول بغم، كمالايحق ل"لاخوال" في السعودية مثلا يقولو بغم! بلا وهم! الاخت هوزي، كدي عايني لي صورتك دي مرة تانية، في شنو في ملامحك الفوق دي عربي مثلا؟ البدعو العروبة من زنوجة السودان بعانو من عقدة محددة، هي عقدة الدونية، اي بعانو من مركب نقص ولاغير. ثم ذي حماسك ده للمقهورين في بلدك وينو؟ كراهية الذات تعمل اكتر من كده! هل العلاقة الطردية مابين الاستعلاء ومحارق التطهير، والتباكي علي مصير العرب صدفة، ابدا! نفس المستعلواتية في السودان هم ذات المسكونيين بالهم العربي باستمرار!

الحمد لله انى عربى

شخصيا لا اجزم بنفي او اثبات ما ادعاه المهدي من نسبه .. لكني احب ان اعرف رأي كمال بشاشا في هذه الدعوة.
وكيف يمجد دعوة المهدي الذي قال ما هو اكثر من بغم في السودان رغم انه يدعي انه من نسل الحسن و الحسين.

رؤوس مواضيع للنقاش مع بشاشا حين حضوره باذن الله :

"..و حيث الامر كما ذكر فليكن حبيبي القيام و التفحص على احوال اهل الجبال لأنهم معروفون بالمكر و الخداع و التمويه ".
من خطاب من الخليفة الى حمدان ابوعنجة بتاريخ 6 جمادى الاخر 1302 هـ عن سكان جبال النوبة.
سنحاول ان نعرف رأي بشاشا في وصف الخليفة لأهل جبال النوبة بانهم معروفون بالمكر و الخداع و التمويه .. هل هو مقبول ام انه سيكيل للخليفه ما كان سيكيله لأي "جلابي " كان سيقول مثل هذا الكلام.

بسم الله الرحمن الرحيم. الحمد لله الولي الكريم و الصلاة على سيدنا محمد وآله مع التسليم.وبعد فمن عبد ربه الخليفة عبد الله بن محمد خليفة الصديق الى ابيه المكرم السيد حامد.
بعد السلام عليكم ورحمة الله و بركاته.
نعلم حضرة الابي ان رافع هذا محمد الفحل المذكور جميع أملاكه دخلت غنيمة على يدي ابابكر عامر، وبالنظر لضعف حاله ورحمتنا بأطفاله قد أعطي له واحدة فرخة لخدمته و خدمة أولاده. و قيل ان الفرخة المذكورة هي بت و أتت الى واحد من الفقرا و الفقير المذكور اوصلها اليكم.
ومادام الامر كما ذكر وهذه الفرخة سلمها ابابكر عامر ينبغي ان تسلموها لصاحبها لأجل مساعدته في خدمة اولاده و السلام.

15 رجب 1302 (5/5/1885 )

ممكن نعرف راي بشاشا برضو في "الفرخة" الصرفوها للراجل ده و شردت و جاء الامر بردها.
سيكون موضوع ممتع للنقاش.

من اوراق عبد الرحمن النجومي :
بيان ما تحت يده من نساء و سراري و اموال رفعه الى خليفة المهدي :
1 حوا المذكورة عطيت لنا من سيد الجميع المهدي عليه السلام بالابيض بعد الفتح على يد سيدي خليفة الكرار.
1 زهرا الذكورة من سراري محمود حسن و ان سيدي خليفة المهدي عليه السلام اعطانا اياها بمناولة الاخي ( كذا في الوثيقة ) احمد سليمان بالابيض.
1 زهرا ايضا المذمورة كانت بققره الخرطوم و لها اخ معنا من الجهادية من كردفان و خرجت ايام الفتح بديم الحصار و اجتمعت مع اخيها المذكور و بعد الفتح قومها علينا ابراهيم عدلان بخمسين ريال ثم علم بامرها سيد الجميع المهدي عليه السلام من غير رفع منا و عفى عن قيمتها و هي لنا.
1 نصر العزيز المذكورة اعطانا اياها سيدي خليفة المهدي عليه السلام لما جينا من بربر بالبقعة الطاهرة.
1 فرخة صغيرة كانت معنا من الابيض بالمنزل و بعد وصولنا بدنقلا احضرنا احمد امين بيت المال و بعض اخوان و تقومت علينا بخمسين ريال و الان مجموعة معنا.
2 عطيتا لنا من جناب سيدنا خليفة المهدي عليه السلام في حضورنا بالبقعة الطاهرة في اواخر 1305 في شهر شوال و القعدة.
1 من الغنيمة اعطانها ( كذا في الوثيقة ) اياها احمد سليمان باذن منه بالرهد لخدمة بنت ابراهيم الكباشي.
1 فرخة خماسية مع السرية حواء لحمل اولادها من رقيق الداير على وجه الامانة و العادية كما اخبرناها بذلك.
1 فرخة سداسية من رقيق الضباب مع بنت الكباشي لمساعدتها في حمل اولادها على سبيل الامانة كما اخبرناها بذلك.
2 امنا بالمنزل احدهم اعطانا اياه احمد سليمان وواحد وقع عندنا بدنقلا مع غنيمة
1 حصان معنا من ديم حصار الخرطوم
1 الحصان الازرق المرسول من لدنكم سيدي لنا بربر ( كذا في الوثيقة ) لاجل التبرك
3 سيوف اثنين معنا من كردفان وواحد اهداه لنا المكرم.. الخ الوثيقة.
و الترقيم المذكور هنا منقول عنها ايضا.

ممكن برضو نناقش النص ده لو حب بشاشا.

وين الكلام دي يا حمور?
ياخ الظاهر فاتني بوست شحمان
لا ياخ, اتكلموا عن خطة الخليفة ولو في مصادر يا جماعة اكتبوها, او ادونا روابط!

سنتابع!

حمور زيادة

بشاشا لا يملك المنهج والمنطق للنقاش، ولا أعتقد أنه سيأتى لهذا البوست، وإن جاء فسيملأه بنفس العبارات المستهلكة، والتى لا تفيد ولاتسمن من به جوع للمعرفة.

اتمني ان يخيب بشاشا ظنك يا اخ الصادق
___________
كما ارجو من الاخ حمور التحلي بضبط النفس لاقصي حد ممكن في حال حضور بشاشا :)

تحياتي يا بدر الدين ..
في الرابط المختوت فوق داك بتلقى شوية نقاشات عن خطة الخليفة في كرري.
وكان الله سهل و هدى عبده بشاشا انو يجي ينضم بدون هرجلة يمكن يكون في نقاش كويس في البوست ده.

تحياتي يا الصادق ..
ياخ التاريخ لا يتحمل عبثه و محاكماته و الاستدعاء للهجوم البيعملو ده.
التاريخ علم و منهج.
لا يتحمل العواطف الجياشة و التشاتم حقو ده.
الثورة المهدية ثورة مهمة في تاريخ السودان و هو نقطة انطلاق تاريخ السودان الحديث. لذلك فالتعاطي معها ينبغي ان يكون بعلم و عقل لا بهرجلة و جوطة ساي.
فليكف عن التبجح بها ان كان لا يعرفها. ولا يعتبر ان اي كلام تاريخي عنها هو محاولة تقييم متأخرة تسقط اوجاع الحاضر على الماضي.
يعني تقول المهدية اخطأت يطلعك مستلب. تقول كرري كانت خطتها عظيمة يقول اتعاجلت.
هذا عبث غريب.
دعنا نتمنى ان ياتينا بهدوء هنا ليناقش النقاط التي وردت و سترد في هذا البوست باذن الله.

تعرف يا احمد ..
في حال جا انا عارفو حيجي يملا البوست "عزيزي القارئ " ، " ابدا ما صدفة " ، " جلابي كامل " ، " انكشف " ، " معلوف و امباز و غزاة و قلم المخابرات و ونجت"
لكن ده لا يغير من مسار البوست للشخصنة قط. سيظل هذا البوست باذن الله دعوة لبشاشا للنقاش حول المهدية و نشوف رايو في نصوص المهدية و نعمل مقارنة للراي ده مع اراء ينثرها في هذا المنبر في حواره مع الزملاء.
وبمناسبة قلم المخابرات احب اطمن بشاشا و اطمنك و اطمن كل قارئ لهذا البوست :
كل ما نقلته و سانقله هو من الوثائق الاصلية التي صورتها او نقلت عنها بدار الوثائق بالخرطوم او من منشورات المهدية و محرراتها التي نشرها د.ابوسليم.
اصلو ما حألجأ لمصدر اجنبي او معادي للمهدية في هذا البوست.
فليقر بشاشا عينا لو خايف نجيب ليو من العدو الأبيض.
اكتر زول ابيض سأنقل عنه هنا هو ابوسليم النوبي.
ابيض من كده ما عندنا. كلو اسود باذن الله.

يا كمال بشاشا هل الثورة العظيمة التي "مرقت" انف المستعمر الابيض دي كان صاحبا زنجي كاره لزاتو او عربي ضيف ؟
وهل هذه الثورة ظلمت السود السودانيين و تاجرت فيهم زي ما انت شغال تكورك انو السودانيين كان يتم بيعهم في مصر ؟

Quote: اتمني ان يخيب بشاشا ظنك يا اخ الصادق

يا ريت والله، صدقني سأكون أسعد إنسان.


وعايز أقول ليك حاجة صغيرة عن بشاشا، عارف أنا ممكن أستعمل نفس اسلوبو دا وأكرهو المنبر دا وأمسك عندك النظرية:


بشاشا جلابي ومن اسرة جلابية مشهورة، ومواصلة في سيرة الإستهبال والإستعلاء الجلابي يحاول بشاشا الجلابي سليل الجلابة أن ينصب نفسه مدافعاً عن حقوق المهمشين، بإدعاء أن المهمشين لا يستطيعون أن يدافعوا عن انفسهم ويطالبون بحقوقهم، ولذلك يتصدى الجلابي بشاشا لهذه المهمة في مواصلة للإستغلال الذي ظل يمارسه الجلابة طوال تاريخ السودان


اها المكتوب بالأحمر دا أنا ممكن اعيده كل يوم مع بشاشا دا لحدى ما يطفش من المنبر دا، وكل ما هو يفتح ليهو بوست أجي ناطي جوز بعبارات زي (ما صدفة إنو الجلابي المستهبل بشاشا يكتب كدا) (عزيزي القارئ بتلاحظ بعد زرزرتنا لبشاشا وحمبكته حاول أن يغير خطابه) (بشاشا المعلوف بأمباز الجلابة المسروق من عرق أهلنا في الهامش) (بشاشا بعد الصعقة الكهربائية بكشفنا لأصوله الجلابية بيحاول يجى لابس ثوب جديد بعد خدمته الطويلة كعسكري نفر في مشروع الجلابة القومي)


وبإضافة عدد واحد (عييييييييييييييييييييييييييييييييييييييييييييييييييييييك) يكتمل الخطاب المعرفي التنويسري والذي سيغير واقع اهلنا المهمشين وسيكسب إلى صفوف الثورة مجموعات جديدة.


فيا ريت إنو بشاشا يناقش بموضوعية في يوم من الأيام.

عييييييييييييييييك
الجلابي حمور

قرقرقرقرقر

المستلب
الجاهل

ابن الهامش
الكوز
الامنجي


اتحدى بشاشا ان يدخل هذا البوست وان لا يتخدم مفرده من المفردات عاليه

بوست محضور وصورة الجدادة المشويةجاهزة

Quote: في حال جا انا عارفو حيجي يملا البوست "عزيزي القارئ " ، " ابدا ما صدفة " ، " جلابي كامل " ، " انكشف " ، " معلوف و امباز و غزاة و قلم المخابرات و ونجت"

حرام عليك يا حمور حرقت المراقات كلها أديه فرصة يجي ويجر نفس كمان

Quote: بشاشا جلابي ومن اسرة جلابية مشهورة، ومواصلة في سيرة الإستهبال والإستعلاء الجلابي يحاول بشاشا الجلابي سليل الجلابة أن ينصب نفسه مدافعاً عن حقوق المهمشين، بإدعاء أن المهمشين لا يستطيعون أن يدافعوا عن انفسهم ويطالبون بحقوقهم، ولذلك يتصدى الجلابي بشاشا لهذه المهمة في مواصلة للإستغلال الذي ظل يمارسه الجلابة طوال تاريخ السودان

تعرف يا الصادق ..
زي الديباجة دي ممكن نخت عليها كمان :
لاحظ عزيزي القارئ كيف بشاشا الجلابي بينتقص من عثمان شيخ الدين الغرابي .. هل ده صدفة ؟

اعتقد ان على كمال بشاشا مراجعة اسلوب كتابته. اما ماذا يكتب فان الخطأ حق مكفول للجميع.

Quote: الجلابي حمور

يا وليد الجلابي ده انت .. انا بشاشا انعم عليّ بلقب " الجلابي الكامل ".
دي درجة ارفع من مجرد جلابي نفر زيك.

Quote: حرام عليك يا حمور حرقت المراقات كلها أديه فرصة يجي ويجر نفس كمان

يا عبد العزيز بشاشا لا يعدم المراقات .. بشاشا ده مبدع.

" .. سيدي ان اللاحق بالاعداء هارباً من تلقاء نفسه لغاية هذا اليوم فهم ناس كثيرون من جميع اصناف الجيش من ناس البحر و من ناس الغرب كما هو مبين بالكشوفه .. "
من خطاب لعبدالرحمن النجومي ليونس الدكيم عن حال جيشه المتقدم لتوشكي في 27 ذو القعدة 1306 ( 26/7/1889 )

سننتظر كمال للناقش هروب ناس الغرب من جيش المهدية للانضمام للعدو. ما رأي بشاشا في هذا الهروب للعلف من امباز العدو و ترك دولة المهدية.

" .. انه كما تحرر لكم بجوابنا الأكبر بتذكير اهالي الجبال و تدريجهم بالرفق و اللين الى آخره.
فمن ضمن ذلك ينبغي ان تبشروهم وتوعدوهم بانكم بعد تمام الفتح و تتمهد البلاد فمن كانت له بندقية ملكه يعني من ابوروحين وخالية من شبهة سلاح المهدي وسلام المك آدم و نحوهما من اهل الشبهة تعطى له ليستعين بها على التصيد لتمعشه ( كذا في الأصل و اظن صوابها : لتعيشه ) فبذلك تلين قلوبهم و ترغب في الانابة الى الله و لا يخبوا منكم شيء من الاسلحة ".
من خطاب الامام المهدي الى حمدان ابوعنجة عن اهالي جبال النوبة. 22 شعبان 1302ه

يا بشاشا هل كان المهدي الذي يدعي انه عربي يوصي عامله بخداع سكان جبال النوبة ؟
ما رأيك في خطاب المهدي هذا .. هل هو مواصلة لخداع العربي للسوداني الزنجي ؟

" .. فالمطلوب منكم الجميع ان تشفقوا على عموم المؤمنين الذين ياتونكم مهاجرين من دنقلة فآووهم وضموهم اليكم واخفضوا لهم الجناح و آلفوهم. و بالخصوص قرابتنا الموجودين هناك و هم ذرية الجد حاج شريف. فان لهم حق المودة التي يشير اليها قوله تعالى " الا المودة في القربى" ، اذ هم ال بيت النبي صلى الله عليه و سلم. قد قال صلى الله عليه و سلم : ارغبوني في ذوي.
فيلزم من حضر منهم ان يكون اللطف به و شمول النظر عليه ".
من خطاب للامام المهدي الى انصاره المتوجهين الى حصار دنقلا. 14 شعبان 1302 ه.

برضو يا كمال عاوزين نناقش الكلام ده.
لماذا يريد المهدي مكانة خاصة لاهله العرب و يوصي بهم ؟
شوف بالخصوص دي قاعدة كيف في الخطاب.
هل هي صدفة يا بشاشا انو المهدي الذي قال عن نفسه انه عربي يوصي باهله العرب على وجه الخصوص ؟ لماذا لا تتم معاملتهم كباقي زنوجة السودان ؟

خلي بالك يا كمال يكون المهدي زاتو كان معلوف بامباز غزاتنا و عايز الناس تتوصى باهله العرب.

خلي بالك يا كمال وصية المهدي باهله دي تكون من باب :

Quote: الا تري عزيزي القارئ، مدي تلاعب السيد العربي، بامخاخ ذنوجة السودان، المضحك، المبكي، في ان، معا؟

الانت قلتها هنا
Re: الشهيد محمد سليمان الخليفة عبدالله التعايشي ودور ...عث الغامض في يوليو71
وله ما زيها ؟

حمور يا حمور
والله لا قريت بوستك دا ولا المداخلات
بس مجرد انى القيت نظرة على بعض المكتوب فيه
وفى بالى يتردد سؤال ..
هل تمت كتابة التاريخ عندنا بصورة محايدة اصلا ؟؟
الى ان قرات كلامك ::

Quote: يا كمال التاريخ ليس عرضة للهرجلة التي تمارسها ولا يصلح معه التعصب المهووس الذي تصرخ به. التاريخ علم مقدس يقرأ و يُعرض بحيادية و انضباط.

للاسف فى السودان حتى التاريخ القرييب دا والذى لا يتعدى
المائة عام .. لاتوجد كتابات تاريخية مسئوله ومتجرده
فمعظم ما كتب اما باقلام اهل المهدية او اعداءها ..
ولا يفوتك ما يمكن ان يحدث من الطرفين بخصوص حقيقة الوقائع
او اخفاء الوثائق .. وهذا الامر يحدث فى كثير من رواية التاريخ
على مر العصور فى كل العالم .. ولكن ما فاقم الامر فى السودان
هو اعتماد تلك الروايات على التواتر والتناقل والتسامع
التاريخ بكون علم يقرا ويعرض بحيادية وانضباط
اذا كانت كتابته قد تمت بذات تلك الضوابط والحيادية
اما كلمة مقدس دى فما اظنها وارده مطلقا ...

لو لاحظت بيرد كلام ذى الزريبة و30 مدفع و5 كلاشات وبعد 10
سنين تلقى باحث اضاف كلمة تومهوك وهكذا وذى التفاصيل
دىى مقصود بيها اضافة دقة ةتحديد لتاكيد الرواية التى لاتقف
على اى شى يسندها سوى قول صاحبها وتدوينه لها فى زمن
الخليفة ذاتو ما كان بعرف القراية والكتابة المهدى دا ما بعرفوا
ليك والله ..










ـــــــــــــــ
بعضهم وصف تفلتات بابكر بدرى فى بعض رواياته
للمهديه .. بالوقاحة .. وهو ذلك الجندى الذى حارب
مع المهدية واسر فى فتح مصر وعاد وشارك فى كررى فقط لانها
لم تعجبه .. فتأمل !

الاخ حمور السلام عليكم وطاب يومكم
آسف للإنقطاع
نثبت أن ######## المهدية ليست خططهم فاشلة بدليل الانتصارات التى تعاعقبت والفتوحات الواحد تلو الاخر ، ولكن يجب ان نقول ان في كرري قد نسف الخليفة
-لانه القائد _ كل ما بناه ######## المهدية من إنتصارات ، ولكن لابد ان نكون نتحلى بالموضوعية والشفافية ونحن نقاقش حقبة من صفحات التاريخ حيث ان الاجيال القادمة لن ترحمنا كما أننا لم نرحم من سبقنا من المؤرخين الذين لم يبينوا لنا كل الصفحات من تاريخ المهدية حتى تلك الصفحات السوداء ، وتركوا لنا أجدادنا لكي يحكوها لنا شفاهة وخيرا فعلوا لأننا وجدناها من مصادر كابر عن كابر ولم تدخل فيها أسنان ومداد الاقلام

تخريمة /: حدثني من أثق به أن الشيخ التنقاري قد بايع السيد عبد الله المحجوب _عم السيد على الميرغني _ على الطيقة الختمية وعندما سمع به الخليفة أمر بإحضاره وقال له ياتنقاري إنت تخلى بيعة المهدي وتمش تبائع المحجوب فرد الشيخ التنقاري قائلا: يا خليفة المهدي الله كم ؟ قال الخليفة : واحد ، قال التنقاري الطريق واحد والرأس دا ما بدليهو إلا الله ، فامر الخليفة الجنود بأن يخلوا سبيل التنقاري وقال للحاشية نحن لو عندنا زي الراجل دا جماعة ما بيحصل لينا مكروه _ او كما قالوا


الاخ حمور قطعا سوف ارجع لك

" .. ويقول صلى الله عليه و سلم : لو لم يكن حب الله للعرب لما كانوا اصحابا للمهدي قبل الناس و ما كانوا يحبون المهدي و يحبهم و انهم اول انصاره "
من حضرة نبوية للخليفة عبد الله.
الاثار الكاملة للامام المهدي (5/450 ) تحقيق د.ابوسليم


عيييييييك يا بشاشا .. عيك شديد.
شوف جنس الاستلاب ده وخداع زناجرة السودان الغلابة.

سلام يا دينا ..
التاريخ هو ما حدث.
وما حدث يتبعه تحليل ما حدث.
كتابة التاريخ مسألة شائكة جدا و عويصة. لذلك لابد من التعامل معها بحذر شديد و قدر من التجرد عالي جدا.
هناك فرق بين تأريخ المعاصر لاحداث هو جزء منها و بين تناول المؤرخ المتأخر.
المؤرخ المتأخر تتوفر له فرص و قراءات لم تتوفر للكاتب المعاصر باي حال.
لو اخدنا الثورة المهدية كمثال فهناك ثلاث ثورات .. هناك كتابة انصار المهدية عنها .. مثالا اسماعيل الكردفاني .. الزهرا.
وهناك كتابة الاعداء .. نعوم شقير .. سلاطين .
هؤلاء كتبوا من قلب الاحداث .. فما كتبوه - رغم تضاده - هو وثائق تاريخية.
وهناك كتابة المتأخرين كالمؤرخ السوفيتي سيرجي سمرنوف .. مكي شبيكة .. القدال و غيرهم.
هذه كتابات تبحث في الوثائق التاريخية التي تركها المعاصرون للحدث. و قد تصل لرؤية حسب اتجاهاتها.
ليس من الضروري ان يكون كل ما كتبه سلاطين كذبا ( و انا اعتبره اصدق الكذابين لو قورن مثلا بابراهيم فوزي ) و ليس من الضروري ان يكون كل ما كتبه نعوم شقير كذباً.
بل ستلاحظين ان شخص كشقير مثلا رغم كل ما شتم به المهدي و الخليفة احتفظ في تقييمه لهما بنوع من الاحترام و تقدير مواقف رغم انه كال لهما من صفات الوحشية و الهمجية الكثير. بينما لم يذكر مثلا الكردفاني لاي من خصوم المهدية سودانيين او اجانب اي ميزة بل هم عنده دوما كفرة انجاس كل صفاتهم خسة و جبن.

الوثائق التاريخية ليست كتبا منزلة لنصدق كل ما جاء فيها.
فمثلا لا يمكن ان اصدق ما كتبه المهدي نفسه في رسائله ان جثث الاعداء كانت النيران تشتعل فيها بعد موتهم على الكفر.
ولا يمكن ان اصدق ما رواه الكردفاني ان ورق الشجر كتب عليه اسم المهدي.
ولا يمكن ان اصدق ما نشره الخليفة عن مبايعة الجن له.
لكن فائدة وثائق تقول هذا الكلام لي كقارئ متأخر انها تكشف لي كيف كان الناس في ذلك الزمن يفكرون.
لكن لا يمكن ان افتح منشورات المهدي مثلا و اقرأ صفحة تتكلم عن الحضرة النبوية بتأييده فارمي الكتاب و اقول انه غير محايد.
لا يمكن و لا يصح.
لا توجد "وثيقة" تاريخية محايدة.
لكن يوجد باحث تاريخي متأخر محايد.

لنعرف ما حدث في فترة المهدية او فترة الحركة الوطنية او فترة نميري او غيرها نحتاج ان نقرأ كل هذا و نقارن بينه لنخلص الى نتائج "تاريخية ".
نتائج تاريخية تعني اننا لسنا في حوجة للتعصب ضد او مع.
فالتاريخ انقضى و انتهى. و صار مادة للدراسة.
فلا يمكن ان اقرأ الوثائق التاريخية بعين التعصب فارفض ما يتعارض مع تعصبي و اقبل ما يتناسب معه.
ماذا يعني للباحث المحايد ان يكون الخليفة قد ارتكب ابادة جماعية في المتمة لكنه رغم ذلك كان رجلا شجاعاً و قائدا وطنياً ؟
هذا امر حدث منذ اكثر من مئة سنة فلا معنى ان يجعل الباحث يتغاضى عن محاسن الخليفة لانه "زعلان" من كتلة المتمة.
ولا يمكن ان يتغاضى عن كتلة المتمة لأنه معجب بالخليفة.
هذا لا يستقيم للباحث المتأخر.
لكنه مقبول من الوثائق المعاصرة بحسب حال من يكتبونها.
لو قرأتي وثائق المهدي و منشوراته عن الامر بمحاصرة مدينة سنار و تخريبها لرأيتي الامر من وجهة نظره.
لكن حين تسمعين الامر من جهة سكان سنار الذين اخرجوا من ديارهم و خربت مدينتهم و حرمت سكناها ستكون لك وجهة نظر مختلفة.
فماذا اذا خلصتي لرأي حول ما حدث ؟
انت ببساطة لن تكوني متعصبة له.
لأنه حدث و انتهى.
ما احاول مناقشته هنا مع بشاشا هو فكرة التعصب في عرض التاريخ و استخراج قراءات متعسفه له تتوافق مع الهوس الشخصي.
لهذا ستلاحظين اني اعرض هنا وثائق تخالف ما يصرخ به بشاشا.
هل هذه هي كل الدولة المهدية ؟
بالتاكيد لا. ولو ادعيت ذلك لكنت كذابا.
لكن المهدية ليست هي فقط ما يصرخ به بشاشا. بل ليست هي اصلا ما يتكلم عنه بشاشا.
بشاشا يخلق تاريخا خاصا به للثورة المهدية و يحاول به جلد الاخرين.


اخيرا و عودا لكلامك ..
يقال اصلا عن التاريخ انه علم النميمة المهذبة.
لانه مجرد اقوال اشخاص عن اخرين.
لذلك هو عرض وجهات نظر من الضروري لم اراد ان ينظر فيها ان يستعرضها كلها ليحاول منها تركيب واقع افتراضي لما حدث.
لكن لا يمكن ان احمل كتاب ما " وثيقة " او " جمعي " و اقول انه يحوي تأريخ ما حدث تماما.
هذا اقرب للمحال.

هو المهدى ذاتوو عربى ؟؟؟

Quote: للاسف فى السودان حتى التاريخ القرييب دا والذى لا يتعدى المائة عام .. لاتوجد كتابات تاريخية مسئوله ومتجرده

.
.

ياوليد نسيت أهم مفردة من مفردات النضال البشاشي :

مفردة (عوووووووووع)

بشاشا (متعووودة دائماً) أي بوست يدخله لازم يملاه طراش ويطلع .

حمور زيادة ماعرفتك وانت متصور بالجنبة، والله ماشية معاك باسطة في عاصمة الخديوية أيها المستلب الأصلع المعلوف بي أمباز غزاتنا، والجلابي الكاره لذاته.



تخريمة بعيداً عن بشاشاوتركاضه في الضلال وتجواله في الشقاق :

غالبية معرفتي بالمهدي وثورته مستقاة من كتاب نعوم شقير، ولم تتاح لي الفرصة للاطلاع على مصدر آخر عن الثورة المهدية إلا متفرقات من حكاوي الحبوبات، وربما كتاب للبروفسور أبوسليم عن فتح الخرطوم (لا أتذكر بالضبط)

لذلك يمكن لهذا البوست أن يكون رافداً جيداً لو تم توثيقه بالمراجع ياحمور .

تحياتي وتقديري
.
.

Quote: كما أننا لم نرحم من سبقنا من المؤرخين الذين لم يبينوا لنا كل الصفحات من تاريخ المهدية حتى تلك الصفحات السوداء

تحياتي يا دكتور ..
انا ازعم ان اغلب التاريخ ان لم يكن كله موثق و محفوظ.
اعني عن المهدية.
لكن السؤال كيف نقرأه ؟
وثائق الامام المهدي مثلا تقدم لنا الكثير و الكثير.
لكن السؤال هو عن منهج القراءة.
لا تحتاج الى كتاب تاريخي يقول لك ان المهدي كان يكفر من خالفه و يستحل دماء و اموال المسلمين.
ستجد هذا في وثائق المهدي و من خط يده. لكنه يذكره لك ممجدا و على انه حكم الشرع.
لا حوجة لنا لنعوم شقير مثلا ليخلص لنا بحكم على المهدي من مواقف و اراء كهذه.
خذ عندك وثيقة النجومي المنشورة اعلاه التي بها كشف ما عنده من نساء و سراري و خيول و سيوف.
الا تقول هذه الوثيقة كل شيء بتجرد و حيادية و شمول ؟
هل احتاج لمؤرخ يتكلم عنها ؟

كلو موجود يا دكتور .. بس القراية كيف ؟
ده السؤال.
مثلا ستجد بشاشا يتكلم عن رفض اولاد البحر لخلافة عبد الله التعايشي و يعتبرها عنصرية.
لكن لو رجعنا لوثائق المهدي نفسه سنجده يكتب مكتوبا لمك تقلي ينهاه عن الاعتراض على خلافة التعايشي و يامره بطاعته.
هذا موجود جنبا بجنب مع وثائق اعتراض الاشراف على الخليفة.
القارئ المتأخر يمكن ان يقرأ بالغرض فيقول ان اولاد البحر كانوا يرفضون الخليفة.
او يمكن ان يقرأ بشمول و يقول ان هناك كثيرين اعترضوا على الخليفة من كافة القبائل و الجهات.

Quote: هو المهدى ذاتوو عربى ؟؟؟

اجي يا دينا!!
كان قريتي النقة الفوق دي حتلقي اني جبت ادعاء المهدي للنسب الشريف.
لكن و الله ما ارجعك ساي.
هاك ده كلام لي من مبحث تاريخي انا كاتبو عن المهدية :

Quote: هو محمد أحمد بن عبد الله بن الفحل بن عبد المولى بن عبد الله بن محمد بن حاج شريف بن على بن أحمد بن علي بن حسب النبي بن صبر بن نصر بن عبد الكريم بن حسين بن عون الله بن نجم الدين ( يقول علي بن المهدي في كتابه : جهاد في سبيل الله ان نجم الدين المذكور هو الوزير الفاطمي الذي ينسب إليه باب الوزير بمصر . وهو غريب لأن المعروف ان الباب ينسب للوزير نجم الدين محمود وزير السلطان سيف الدين بن الناصر محمد بن قلاوون و قيل الوزير نجم الدين محمد قلاوون ) بن عثمان بن موسى بن احمد بن أبي العباس ( أسقط شقير في تاريخه أحمد بن أبي العباس ) بن يونس بن عثمان بن يعقوب بن عبد القادر بن الحسن العسكري بن علوان بن عبد الباقي بن صخر بن يعقوب بن الحسن بن على بن أبي طالب رضي الله عنه. ( سعادة المستهدي) و لم أجد ما يثبت هذا النسب أو يخالفه .. فمن الثابت ان للإمام الحسن بن علي ابنا يدعى يعقوب. أما ما دون ذلك فلم أقف له على تحقيق. و الحسن العسكري المذكور هنا ليس هو الحسن العسكري امام الشيعة الشهير. فذاك من نسل الحسين بن علي لا من نسل الحسن رضي الله عنهما. كما ان اشارة علي المهدي الى اختلاط النسب بنسب الفاطميين ملبس إذ في نسبة الفاطميين الى آل البيت نزاع يكاد يكون محسوماً في غير صالح دعواهم. لكن هذا النسب شهير قبل ادعاء المهدي محمد احمد بحسب د. أبو سليم. يقول رحمه الله : " روي هذا النسب قبل ظهور المهدي ، و كان الأشراف يعرفون بهذا اللقب و نسبتهم الى ذرية النبي قبله أيضاً. فهو ليس من مستحدثات المهدية " ( سعادة المستهدي : 74 : ح 1 ) يقول شقير : " ولد محمد احمد هذا في جزيرة ضرار من أعمال دنقلة سنة 1258 هـ - 1843 م أو حواليها و اسم أبيه عبد الله و أمه زينب " ( جغرافية و تاريخ السودان : 637 ) و هو العام الذي ولد فيه روبرت كوخ العظيم الذي حاز على جائزة نوبل عام 1905 . روبرت كوخ الطبيب الريفي الألماني الخجول قيصر الطب و مكتشف بكتريا السل ( اكتشفها عام 1882م، أي بعد عام من قيام الثورة في السودان ) و الجمرة الخبيثة و صاحب فرضية كوخ العملية الشهيرة. توفي كوخ عام 1910م. و قد أثبت اللإمام المهدي لنفسه بمنشور شهير النسب الشريف لآل البيت. يقول المهدي في بعض منشورات الدعوة ( 1881 م) : " و ليكن معلوم عندكم اني من نسل رسول الله صلى الله عليه و سلم، فأبي حسني من أبيه و امه، و امي كذلك من جهة امها و أبوها عباسي. و لي نسبة الى الحسين "

تعرف يا حسين مسألة متجردة دي للمعاصر صعبة .. لكن مسئولة دي ممكنه و مهمة.
المهم في كاتب الوثيقة التاريخية ان يتحلى بالمسئولية فلا يزور. لكن ليس من الضرورة ان يكون متجردا.
فمن حقه ان يكتب الاحداث كما يراها و بحسب موقفه منها.
يعني لو تكلم مؤيد المهدية عن معركة الجمعة في غزو الابيض فمن المنطقي انو ينظر ليها باستخفاف و انها مجرد كبوة لها ما يبررها.
ومن المنطقي انو معارض المهدية يتكلم عن ذات المعركة باعتبارا هزيمة ساحقة للمهدي.
اتكلم هنا عن كاتب الوثيقة.
اما المؤرخ المتأخر فيجب عليه ان يدرس الرأيين و يخلص لنتيجة تخصه. لا ان يتعصب لأحد الرأيين لمجرد الانتماء.
قبيل مثلا كنت بقرا في البوست حقك عن كرري و انها هزيمة لا تستحق الاحتفاء.
ده رأي متأخر انت وصلت ليو عن كرري بالنظر لنتيجتها الكلية.
في واحد تاني ممكن يعاين للتفاصيل بانها خطة عظيمة و بسالة و ان نتيجتها كان لها علاقة بالتفوق في السلاح اكثر من اي شيء اخر. فيصل لنتيجة مختلفة.
لكن اي القراءتين ما حتفترض انو كرري كانت انتصار للمهدية و انو الانجليز "فروا".

الازهري صديقي الرافضي كاره السادة من ال امية ..
تبا لك يا صديق.
كيف حالك.
يا صديقي من السيء ان تكون قراءتنا لتاريخ المهدية فقط من كتابات نعوم شقير. هذا لا يستقيم. لأن الحقيقة التاريخية ليست ملكا لخصم دون صاحبه.
انت كشيعي تعرف هذا الامر جيدا في عقيدتك.
ما يقوله النواصب عن علي بن ابي طالب يختلف تماما عن ما يقوله الشيعة. فلا يمكن ان تأخذ تاريخ علي من واحد منهما بتسليم تام و اطلاق.
مش ؟
لأن الكراهية معمية كالحب تماما.
شقير كان على الجانب الاخر فمن الضروري ان يكتب عن مثالب عدوه اكثر مما يكتب عن محامده.
لذلك من المهم الاطلاع عن كتب اخرى ووثائق مختلفة.
شخصيا انصح من يريد تكوين فكرة عن تاريخ المهدية ان يبدأ بقراءة الوثائق التاريخية. هكذا سيسمع المهدي و الخليفة يتكلمان مباشرة.
ثم بعد ذلك يمكنه ان يجول على كتابات المؤرخين المعاصرين للحدث حبا و كراهية.


ـــــ
كتاب د.ابوسليم اسمه " تاريخ الخرطوم"

Quote: التاريخ هو ما حدث.

العزيز حمور
ماهى المشكلة فيما حدث دا !!
العارفو منو فى زول عارف ماحدث ؟؟
ماحدث فى تلك الفترة يروى باحاديث تفتقد للعلمية والمنطق
وبالتالى لا تصلح لان يعتمد عليها فى التحليل ..
الروايات فقدت قيمتها التاريخية ومصداقيتها لانعدام مقومات وشروط
الصحة فيها ..

Quote: هناك فرق بين تأريخ المعاصر لاحداث هو جزء منها و بين تناول المؤرخ المتأخر. المؤرخ المتأخر تتوفر له فرص و قراءات لم تتوفر للكاتب المعاصر باي حال.

دا برضو برجعنا للمادة محل البحث والاستقراء والتمحيص
ومن ثم التحليل .. هؤلاء المتاخرون هل توفرت لهم فرص
وقراءات فعلا من زمن الحدث ؟؟؟ اى داووت ..

Quote: هذه كتابات تبحث في الوثائق التاريخية التي تركها المعاصرون للحدث

وهل ترك المعاصرون للاحداث وثائق تاريخية فعلا ؟؟
ما كان بتكون فى مشكله وغلاط لو تركوا وثائق تاريخية
فعلا .. ولكنهم تركوا مجرد قناعات تخصهم واقوال
عن احلامهم واشواقهم وامانيهم .. لا تفارق كثيرا
حقيقة اشعارهم التى مجدوا بها ابطالهم ..














،،ـــــــــــ
كلامى دا لا مع ولا ضد
بس بحاول افهم من كلامك
الواضح جدا انه فيهو اجتهاد كبير..

Quote: " الجلابي الكامل ".

حمور باي حق تستحق لقب زي دا؟
رشيت بشاشا دا و لاه دي محسوبية.
لانه في ناس اكبر (جلبنة) و أقدم منك في البورد دا.
لم ينعموا بهذا اللقب.
في حاجة غلط.

المكاشفي انت جيت؟

و انا اقول البوست مالو ضلم.
تحياتي
امشي الم عفشي من بوستك و اجيك هنا زي الجلابي الكامل دا
و بعد إذنه طبعا

Quote: خطة الخليفة في كرري كانت عبقرية بحق،

!!!!!!!!!

مافي شك يا دكتور.
الخطة العبقرية ما لازم انها تكون الخطة البتكسب.
كسب المهدي معركة ابوالسعود ولم تكن له خطة تذكر.
وخسر روميل في العلمين رغم ان خطته كانت الاكمل.

تعرفي يا دينا .. في كتب مهمة جدا عن علم التاريخ و اهميتو انا انصح الناس تقراها.
في كتاب قديم كده و معتت اسمو "الاعلان بالتوبيخ لمن ذم اهل التوريخ " للحافظ السخاوي. ده كتاب جميل جدا رغم غلبة الفكر الديني عليو.
وبلا شك مقدمة ابن خلدون و مجموعة كتابات ارنولد توينبي عن التاريخ.
دي بتفصل ليك حاجات مهمة جدا في مسألة ما حدث و الوثيقة التاريخية.

انا ما عارف شروط الصحة عندك شنو الانت خاتاها للروايات التاريخية عشان ما تسقط.
لكن كدي خلينا نضرب مثل متخيل عن البورد ده.

البوست النحن فيو ده بعد سنة حيكون تاريخ.
معركة بين حمور و بشاشا.
خلينا نعتبرا كده.
هذا الامر حدث.
خلاصته ستجدينها في بوستات تانية. ممكن تلقي عبد العزيز بيتكلم عن هذا البوست و يقول حمور نجض بشاشا نجاض الجن.
وممكن تلقي زول تاني صليح لبشاشا ( و لا اعلم له صليحاً ) بيتكلم عن نفس البوست انو في بوست فتحو حمور لبشاشا فبلعو ليو.
هذين الرأيين يصبحان تأريخا معاصرا لما حدث ده زاتو.
طيب هل ما حدث انو حمور نجض بشاشا وله انو بشاشا بلع حمور ؟
ما حدث يقينا هو انو حمور و بشاشا دار بيناتم جدل ودليله البوست.
نتيجة الجدل تخضع لمنهج القراءة.

فلما يجي بعد السنة مؤرخ محايد من خارج البورد يكتب عن البوست ده بيكتب ما حدث بحسب ما وصل له من نتائج.

ده ينطبق على المهدية خصوصا لانو عندها وثائق. ما هي زي مملكة سنار مثلا التي وصلنا ما كتب عنها اكثر مما كتبوه هم انفسهم.

خلينا ناخد اسر شارلز نيوفلد مثلا.
شارلز نيوفيلد دخل السودان يقينا و تم اسره على يد قوات عبد الرحمن النجومي.
طيب ما الذي حدث بالضبط ؟
شارلز بيوفيلد في مذكراته يحكي انه كان بيرئا و كان قادما في تجارة. بينما في وثائق عبد الرحمن النجومي للخليفة يحكي عن صفة اسر نيوفيلد و من معه تجدين انه يصف نيوفيلد انه جاسوس.
اذن الخلاف هنا ليس في ما حدث.
فالخواجة نيوفيلد دخل السودان و تم القبض عليه بلا شك. لكن الخلاف بين الروايتين هل دخل جاسوسا او تاجرا ؟
هنا يمكن الرجوع الى وثائق و تاريخ اخر لدعم وجهة نظر من الاثنين.
لو نظرنا مجردا من حيث المنطق سنقول ان المهدية كانت تحس بالشك تجاه كل متسلل فهي ظلمت الرجل.
ويمكن بنفس المنطق ان نقول ان الرجل كتب للراي العام الاوروبي ليحسسهم كم هي باطشة دولة الدراويش حين تمسك برجل برئ مثله لتحبسه.
لكن اليس نيوفيلد لو اراد ان يكذب فان الاوفق ان يدعي انه كان جاسوسا فعلا و انه حبس و عذب كبطل حربي بدل من التاجر الجشع الذي ذهب يخاطر من اجل مزيد من الربح كما صور نفسه ؟
هنا نجد منطق القراءة يجعلنا نميل لتصديق نيوفيلد انه مجرد تاجر جشع اخر من اولئك الذين تمتليء بهم الدنيا و ان النجومي كان متوترا اكثر من اللازم و اعتبره جاسوسا بلا سبب قوي.
هل يمكن ان تدعم الوثائق هذا الكلام ؟ نعم يمكن. فحين لا نجد لنيوفيلد اي ذكر في كتابات ونجت انه ارسله للتجسس على حين ذكر انه كان يرسل رسل كثيرين فاننا يمكن ان نصدق نيوفيلد بشكل اقوى و نقول ان ما حدث هو ان تاجرا جشعا اسمه نيوفيلد دخل السودان خفية فامسك به الانصار و حبسوه في ام درمان.

طيب ماذا عن كتابات المعاصرين التي تعتبر وثيقة.
خلينا نشوف مثال.
كتب الاب اورفالدر في كتابه عشر سنوات من الاسر في معسكر المهدي :
المهدية مؤسسة على النهب و العنف. و بالنهب و العنف استمرت. في بعض المقاطعات مات نصف السكان و في بعضها فان الفقد اعظم. قبائل بأكملها قد دمرت تماما و في اماكنهم تتجول الحيوانات الضارية
هذا ادعاء يكتبه الرجل من باب كرهه للمهدية بلا شك. لكن هل هو ادعاء كاذب ؟
نعم هو كاذب حين يختصر المهدية هذا الاختصار. لكنه صادق من حيث ان مثل هذا وقع.
سنجد في رسائل الخليفة امره بتخريب سنار و تطويف خشب منازلها الى ام درمان. تخيلي هدم و حرق مدينة كاملة و تهجير سكانها و انتزاع خشب بيوتها. و سنجد ايضا رسائله لعماله بتهجير الرزيقات و الهبانية من ديارهم عاجلا.
فهل كان هناك نهب ؟
سنجده في وثائق الخليفة نفسه حين يكتب لعامله يأمره بمحاسبة من تعدى على المسيرية و الفلاتة المهاجرين اليه و ان لا يعود الى التعرض لهم.
اذن فقد كان هناك نهب و عنف كما قال الاب اورفالدر.
هذا حدث فعلا لا اختلاف عليه.
لكنه ليس الخلاصة كما يرى الاب اورفالدر.
هو له حق الخطأ ( تتذكري الكلمة دي ) لأنه معايش للاحداث و متضرر منها فاتخذ الموقف الكلي بحسب موقفه من الاحداث.
فلو انزلت المهدية المن و السلوى فهو لن يخلص الا لانها قامت بالنهب و السلب.
بينما لا يمكن للمؤرخ المتأخر المتحلي بالمسئولية ان يخلص لهذه النتيجة كاختصار لكل حركة المهدية. حتى لو كان المؤرخ يتفق مع اورفالدر في التفاصيل.

فمسألة انو ما حدث ما معروفة دي ما صحيحة على المطلق.
ما حدث فيه يقيني.
كان هناك رجل اسمه محمد احمد المهدي ثار و خرج و انضم له الناس و كون دولة و مات وورثة عبد الله التعايش الخ الخ الخ.
لكن الخلاف هل كان محمد احمد المهدي قائدا عظيما ام قاطع طريق ؟
هل كان عادلا ام كان ظالما متجينا ؟
دي كلها احكام. المعايش لها يكتب عنها من باب وجهة نظره لها. لكن بعد سنوات يتخفف الباحث من قيود المعاصرة و يحق له ان ينظر ليصل لاحكام اقل حدة.
قالوا المعاصرة حجاب.
وهذا حق. فالمعاصر ليس له ترف الاختيار الموضوعي. انه مجبر على اتخاذ موقف كلي يكتب به.
المهدية جيدة اذن سيكت عن الجيد و عن السيء بشكل جيد تبريرا له. هذه وثيقة.
المهدية سيئة اذن سيكتب عن السيء و عن الجيد بشكل مستخف تحقيرا له. هذه وثيقة.
المؤرخ ينظر في الوثائق بشكل كلي ليصل الى حكم خاص به.
والقارئ له ان يفاضل ايضا و يتخير - بمنهج لا لمجرد الرغبة - لعرف.
لكن لا يوجد في التاريخ كتاب هو الحق التاريخي المطلق.

يا ثروت انما ذاك فضل بشاشا يؤتيه من يشاء ياخ.
هو بشاشا بيتلفت كمان في الاحكام ؟
ماهو كلو تلصيق ساي. ليس على الكتابة في البورد جمارك.

Quote: كلامى دا لا مع ولا ضد

شفتي يا دينا حكمتك دي دايرة ليها صفقة زي حقت حسين الفوق ديك.
في مع كليه حقت انك تكوني مايلة لكل ما هو مجيد في تاريخ بلدك.
لكن كمان المع و الضد لا يجب ان تؤثر على عرضك للتاريخ. و ده الانا هسه جايط في بشاشا فيو.

انا مثلا احب جدا الامير يعقوب شقيق الخليفة و ابراهيم الخليل ابن عمه.
احبها بشكل غير موضوعي.
لكن هل يعني ان انكر ان يعقوب كان له دور كبير في المظالم التي حدثت في عهد الخليفة ؟
هذا ليس منطقيا.
نعم انا اعتذر عنه ان الرجل كان طبعه طباع رجال القصور. كان سياسيا في زمن غير سياسي.
لذلك كان يعمل المكر و الدهاء و الكرم و العدل و الدسائس و السيف كلها يعملها كوسائل سياسية.
حبي له قد يجعلني لا اسارع لكتابة اخطاء ارتكبها .. لكنها لن تعني ان انكرها ان ذكرت.
ولا ان اكذب من يقول بها لمجرد اني احب يعقوب.

المنهج التاريخي لا يتحمل المع و الضد حقت الريدة.
المنهج التاريخي يتعامل مع التاريخ بصرامة ( خلينا قداسة عشان ما تزعلك ) لأنه لا يتحمل عبث العواطف.
خاصة في المكتوب على الانترنت. فهذه الكتابات تصبح وثائق تاريخية.
ما ممكن زول يعمل بحث عن الخليفة في قوقل فيجيبو لمداخلة لبشاشا بيمجد فيها الخليفة لمجرد انو بيحبو و يبتسر فيها التاريخ و يمارس الهرجلة و تترك هذه المداخلة بدون تصويب.

حين اكتب عن التاريخ محبا فيجب ان اوضح بشكل واضح لا لبس فيه ان ما اقوله هو كلام ينطلق من العواطف اولا.
ثم اتغزل ما شئت.
لكن ما اجي اكتب عواطفي في شكل حقائق تاريخية.

الكتابة التاريخية لا تتحمل المع او الضد.
لقد تعبت جدا لاعرف من دكتور ابوسليم هل هو مع المهدية او ضدها.
وكان دائما ما يقول لي ان السؤال في حد ذاته خطأ.
وكنت اتعجب كيف ينشر ما اعتبره و انا شاب حدث متحمس بلاوي المهدي و لا يكون ضده.
ثم اكسبني العمر شوية روية و اتزان عرفت بعده ان التاريخ لا يبحث بالمع و الضد.
لكن عواطفك شيء و البحث شيء. و لا ينبغي ان تفسد بحوثك بعواطفك.

كتبت دينا خالد:

Quote: وذى التفاصيل دىى مقصود بيها اضافة دقة ةتحديد لتاكيد الرواية التى لاتقف على اى شى يسندها سوى قول صاحبها وتدوينه لها فى زمن الخليفة ذاتو ما كان بعرف القراية والكتابة

ماهو المصدر الذى اعتمدت عليه دينا خالد
فى أمية الخليفة؟؟؟؟؟؟؟؟
هل راجعت السيف والنار لسلاطين باشا" إنجليزى ومترجم عربى "
هل راجعت مؤلف عمر قسوم بإعتباره اول كتاب
كتب عن الخليفة؟؟؟؟
الخليفة كان يقرأ ويكتب
ولقد تتلمذ على يد والده الفقيه
بدارفور قبل أن يبدأ تجواله وصولا للمهدى فى المسلمية
حيث قبة الشيخ ود القرشى.....
** فى روايات شفوية قد لايكون لها قيمة فى التأريخ
لكن عجائز الانصار من أهلنا يقولون
ان الخليفة وصل الحضرة قبل المهدى لكن فضل
عدم الدخول حتى يلحق به المهدى !!!

Quote: انا ما عارف شروط الصحة عندك شنو الانت خاتاها للروايات التاريخية عشان ما تسقط. لكن كدي خلينا نضرب مثل متخيل عن البورد ده. البوست النحن فيو ده بعد سنة حيكون تاريخ. معركة بين حمور و بشاشا. خلينا نعتبرا كده. هذا الامر حدث. خلاصته ستجدينها في بوستات تانية. ممكن تلقي عبد العزيز بيتكلم عن هذا البوست و يقول حمور نجض بشاشا نجاض الجن. وممكن تلقي زول تاني صليح لبشاشا ( و لا اعلم له صليحاً ) بيتكلم عن نفس البوست انو في بوست فتحو حمور لبشاشا فبلعو ليو. هذين الرأيين يصبحان تأريخا معاصرا لما حدث ده زاتو. طيب هل ما حدث انو حمور نجض بشاشا وله انو بشاشا بلع حمور ؟ ما حدث يقينا هو انو حمور و بشاشا دار بيناتم جدل ودليله البوست. نتيجة الجدل تخضع لمنهج القراءة.

ايوااااااا ودا الفرق الاساسى الانا بتكلم ليك عنه
فرق كبير بين انو بعد سنه او 100 سنة تكون فى الية
لحفظ البوست دا ذااااتو بى ضبانتو بى عدل بتاعتو
ويرجعوا ليه الناس بعد الف سنة لاستقراء الحوار بينكم
وفرق بين انو وسيلة الاستقراء والتحليل تكون مجرد حكى
من الناس القرو البوست ... صاح .. الاولى بتكون طريقة مستوفيه
شروط العلمية والصحة البتتوافر من وجود اصل الاحداث محل البحث
يعنى فرق بين اننا نجد بنود اتفاقية البقط فى مخطوطة عمرها
مليون سنة وبين انو هذه الشروط تكون اتنقلت بالتواتر وشفاهة صاح ؟
الفراعنه تاريخهم بتتحدث عنه اشياء مادية موجوده ...
ولغة استطاع المؤرخين فك طلاسمها لتصبح عندنا ماده تاريخية
موثوق منها ..مخطوطات وشخصيات محنطة وتوثيق للاحداث مافيه غلاط
لكن قصة انو كلللللل الموجود من العالم داك الما فات ليه 100 سنه
يتمثل فى محض اقوال وتواتر لقصص مشكوك فى وقوعها ذاتو ..
كدا الموضوع ببقى صعب ..












ــــــــــــــ
صحيح ان التاريخ والبحث الاكاديمى عموما بتطلب التحليل
بعيد من ايدلوجيات الناس وافكارها واعتقاداتها وحبها وكرهها
لكن هل دا حصل لما تناول القدال تاريخ السودان ؟؟ اوسلاطين
باشا او بابكر بدرى او حتى ابو سليم ذاتو ؟؟؟
دايما المفروض والمعروف بالعقل والمنطق شىء والواقع والحاصل
الاتعمل فعلا شلى تانى ...
وما بحصل لانهم ما عارفنو عارفففففففنو .. لكن برضو بحصل لانهم
فى الواقع اسيرين ايدلوجيات وافكار واعتقادات لا ولن يستطيعوا
رميها وراء ظهورهم عندما يكتبو .. يساعدهم فى ذلك ويخفى سلوكهم دا
انو مافى مضابط تاريخ ملموسة وواضحة لا تقبل التاويل .. كلو
كلام فى كلام ...

يا حمور عندي أولاد أخواتي وأخواني الصغار أعمارهم من 1 لحدي 5 سنين حركات كدا ما فاهمه لمن يجو الزيارات ويتلموا في البيت الكبير عندهم حاجه اسمها ضربة الوداع البضرب التاني اخر ضربة قبل ما يمشوا بيتهم بكون فرحان ومبسوط ومنتصر والتاني زعلان ومرات الزعل بصل الناس الكبار وبشيلوا الشافع يودهو للتاني عشان يضربه عشان يرتاح وينوم

شفت الحصل في البوست دا ياهو نفس نظام الشفع ديل بشاشا محروق ومغبون منك شديد واختار البوست داك قبل الارشفه عشان يمشي الربع مرتاح فقام عمل عمايله دي وأنت عارف سببها ياهو البوست الشرد منه داك وما قادر اتذكر اسمه ولا في قدرة هسع افتشه (عليك الله جيبه هنا) اها بشاشا كان عاوز يديك خبطة الوداع ويمشي الربع البعده مرتاح لكن حظه الكعب جاته النبيشه من حيث لا يحتسب ومن الاول براها سواها في نفسه وانت لايوق كمان

حمور عليك الله ما تقول لي حاجة لو بشاشا جا خليني اخد راحتي وهو انت براك شايفه ماخد راحته كيف وبقدر يقول اي كلام عاوز يقوله انا منتظر بشاشا

حمور عليك الله حاول اكتب لى شوية شوية
التطويل دا بشتت وما بخلى الفايدة تعم
مجرد طلب











ــــــــــــ
امين بالله اقيف بعيد
والا ساتضطر لتعزيز القوات والتحصن بعزيزية
بشاشا ..

Quote: لكن عجائز الانصار من أهلنا يقولون ان الخليفة وصل الحضرة قبل المهدى لكن فضل عدم الدخول حتى يلحق به المهدى !!!

Quote: لكن عجائز الانصار من أهلنا يقولون ان الخليفة وصل الحضرة قبل المهدى لكن فضل عدم الدخول حتى يلحق به المهدى !!!

وفى ذلك إشارة إلى أن الخليفة
أكثر تدينا من المهدى ....
أثناء جمعى للتراث الشفوى
لقبيلة الجوامعة بتكليف من
معهد الدراسات الأفريقية والأسيوية
بمنطقة ام روابة/ الرهد/ الغبشة
والقرى التى حولهم
ألتقيت بمعمرين من الانصار
عاصروا نهاية عهد الخليفة
وبعضهم كسر معه من ام درمان
هم مصدر تلك الروايات الشفوية
إلى لا يأبه بها التأريخ كثيرا
لان التصوف/ الحضرة وغير ذلك من مصطلحات
التصوف يصعب الإمساك بها فى هذا المجرى
الخليفة كان يتخذ بعض القرارات الحاسمة
فى الحكم بعد موت المهدى ويؤكد للأنصار
أن المهدى شخصيا زاره فى المنام وأوعز إليه بذلك
وطبعا لقوة معتقد الانصار فى فكرة المهدية كانوا يصدقون
ويمكن ربط هذا بدعوى الشيخ الهميم فى" طبقات ود ضيف الله "
حين قال أن النبى صلى الله عليه و سلم شخصيا أذن له بتجاوز الاربع
من النساء والجمع بين الاختين رغم مخالفة ذلك للفقة

Quote: وفى ذلك إشارة إلى أن الخليفة أكثر تدينا من المهدى ....

Quote: الخليفة كان يتخذ بعض القرارات الحاسمة فى الحكم بعد موت المهدى ويؤكد للأنصارأن المهدى شخصيا زاره فى المنام وأوعز إليه بذلك

إن كانوا يظنون أنه أكثر تديناً من المهدي؛ ما الذي أحوجه لمثل هذه الترهات!

ميزة الأنصار .. إنو أي حاجة بيقولوها ليهم بيصدقوها.

Quote: ãíÒÉ ÇáÃäÕÇÑ .. Åäæ Ãí ÍÇÌÉ ÈíÞæáæåÇ يا كمال التاريخ ليس عرضة للهرجلة التي تمارسها ولا يصلح معه التعصب المهووس الذي تصرخ به. التاريخ علم مقدس يقرأ و يُعرض بحيادية و انضباط.áíåã ÈíÕÏÞæåÇ.

حمور سلامات يا رجل :

يا أخي هل عندك أي دلبل إنه التأريخ علم موثوق و لا يتطرق إلبه الشك و لا يصلح معه التعصب و لا ده رأيك الشخصي ؟
سؤال آخر هل المشكلة في قراءة أم كتابة التاريخ ؟
السؤال الأهم من كتب تاريخ السودان؟
سؤال أخير : هل رأي البسطاء ممن عايشوا المهدية يتفق مع الوارد في كتب التاريخ ؟

لك ودي

الفلاسي

وانت ميزتك شنو يا ميشو؟! زمان صور بروفايلك بالجنبة وهكذا وضع كان فيهو رحمة بخلق الله ..لكن دي بز كدي..كل الوش الباشبزقي دا..يقابل الواحد يا ساتر!

لو أن حمور وبشاشا عملو بنصيحة النعام آدم:
"يا خي فاوضني بلا زعل"
إذن لخرج للناس بوست في غاية المفهومية

يا الأزهري 2

Quote: غالبية معرفتي بالمهدي وثورته مستقاة من كتاب نعوم شقير، ولم تتاح لي الفرصة للاطلاع على مصدر آخر عن الثورة المهدية إلا متفرقات من حكاوي الحبوبات، وربما كتاب للبروفسور أبوسليم عن فتح الخرطوم (لا أتذكر بالضبط)

لو عندك زمن وعاوز تعرف شوية عن تاريخ السودان عموما والمهدية خصوصا فأرشح لك الكتب التاليه
1- عن معركة كرري فإن كتاب عصمت حسن زلفوا بذات العنوان مرجع هام وشحمان
2- عن المهدي أرشح لك كتاب القدال: المهدي لوحة لثائر
3- عن السياسة الإقتصادية للمهدية أرشح لك كتاب القدال بنفس الإسم
4- عن خروج المهدي علي سلطان تركيا فأرشح لك كتيب عبد الله علي إبراهيم: الصراع بين المهدي والعلماء
5- عن المهدية والرق فأقراء الجزء المهم في كتاب محمد إبراهيم نقد عن الرق في السودان
وكتاب نقد هذا شديد الأهمية في موضوع شديد الأهمية
6-وهناك كتاب مهم عن دولة الفونج كتبه جي سبولدنق وإسمه العصر البطولي في سنار وأعتقد أنه قد تمت ترجمته للعربية
7- ولوهمة العروبة فأرشح لك كتاب يوسف فضل عن العرب في السودان
8-وكتاب آخر مهم عن الرقيق كتبه أحمد العوض سيكينجه بالإنجليزية: من الرقيق إلي العمال
كتب هولت وكويلنز وشكبية ومندور المهدي وضرار صالح ضرار مهمة وبتديك الصورة العامة

هل من ترشيحات أخري؟؟؟
أتمني أن تستفزهذه المناقشات عدد من المؤرخين الشباب ليساهموا في كتابة تاريخ السودان

Quote: ميزة الأنصار .. إنو أي حاجة بيقولوها ليهم بيصدقوها.

المؤمن صديق

هذه هرجلة ليس الا، ناطي من فرع لي فريع، زي قرد الطلح، ي احمور!

ولكن حقيقة لله العلاج بالابر الكوشية جاب نتيجة معاك!

بقيت تقول مافي حياد، او كمان تحوش الناس من شقير!

ارجع جيب بوستك عن التعايشي كمدخل.

المهدية تجربة من ضخامتا من جانب، او عصاب الوعي الجلابي من الجانب الاخر، الي اليوم لم تقدر حق قدرها علي الاطلق!

كل شعوب الارض تمجد او تبجل ابطالا الا احنا مستلبة السودان!

في امريكا العشرات من عامة الناس او نجوم المجتمع او علي نفقتم الخاصة، يعيدو انتاج مسرح الاحداث التاريخية، باعادة معايشتا ممارسة لاقراءة نصوص بلعب ادوار الشخصيات التاريخية، بواسطة مش ممثلين وانما افراد عاديين في شكل عمل درامي ضخم تشارك فيهو الحلة كلها زي ما بنقول، كبار او صغار نساء او رجال، وبذلك الفرد العادي يتمثل ويعيش في اللحظة الانية، الماضي التليد.

حتي المعارك الحربية يعاد انتاجا دراميا، مش بواسطة محترفي تمثيل وانما بواسطة افراد عاديين، مع التزام صارم بالازياء، الاليات،..الخ.

ده نشاط اهلي مش حكومي، ولا حزبي ولا قبلي ولاجهوي ولاطائفي!

قارن كل هذا بي كيف المقرر الرسمي لي تاريخ المهدية او السودان مؤلفو الي اليوم، جاسوس عربي، اي ارزقي في مخابرات الجيش الغازي، الذي صاغ وعي امثال حمور!

اذن تاريخ المهدية ولا سطر منو ما اتكتب ذاتو، ولا حيتكتب قريب ذاتو، لغياب الكادر المؤهل لهذا الدور!

كل ما هناك، فيما اتصل بكل تاريخ السودان، من قبل المختصين افتراضا، كالطيرة يوسف فضل ولاغيرو، من شراح ارسطو زي ما تقول، هو اجترار في شكل ترجمة او غيرو لي امباز منشورات المخابرات البريطانية، ليس الا!

يازول تاريخ مهدية وين او شنو، البكتبا كادر دويلة تاسست علي انقاض المهدية، لتكون نقيضا بالضبط في كل شئ!

هذا مستحيل!

وكنتيجة والي هذا اليوم واحد دكتور زي المكاشفي، محتار، هل المهدي بثورتو خرج علي الخلافة ام لا!

نعم بعد قرابة ال200 سنة من حسم الشعب السوداني باسره لترهات كهذه، لازال باشبوذغة التركية احياء يرزقون او يسعون علي قدمين بينا!

السؤال، هل نموذج امثال ملاسي والمكاشفي صدفة؟

اليس النظام الحالي تجلي وتنزل للعهد التركي في احقر معانيه؟

مافاهم متورك يؤرخ للمهدية كيف؟

هذه نكتة، والسلام!

تحياتي للجميع ..
اعتذر عن الرد عليكم و استميحكم في التعقيب على صاحب الحفلة الزميل كمال بشاشا.
مرحباً به في البوست.
اول شي تعليق شكلي.

Quote: هذه هرجلة ليس الا، ناطي من فرع لي فريع، زي قرد الطلح، ي احمور! ولكن حقيقة لله العلاج بالابر الكوشية جاب نتيجة معاك! بقيت تقول مافي حياد، او كمان تحوش الناس من شقير! ارجع جيب بوستك عن التعايشي كمدخل. المهدية تجربة من ضخامتا من جانب، او عصاب الوعي الجلابي من الجانب الاخر، الي اليوم لم تقدر حق قدرها علي الاطلق! كل شعوب الارض تمجد او تبجل ابطالا الا احنا مستلبة السودان! في امريكا العشرات من عامة الناس او نجوم المجتمع او علي نفقتم الخاصة، يعيدو انتاج مسرح الاحداث التاريخية، باعادة معايشتا ممارسة لاقراءة نصوص بلعب ادوار الشخصيات التاريخية، بواسطة مش ممثلين وانما افراد عاديين في شكل عمل درامي ضخم تشارك فيهو الحلة كلها زي ما بنقول، كبار او صغار نساء او رجال، وبذلك الفرد العادي يتمثل ويعيش في اللحظة الانية، الماضي التليد. حتي المعارك الحربية يعاد انتاجا دراميا، مش بواسطة محترفي تمثيل وانما بواسطة افراد عاديين، مع التزام صارم بالازياء، الاليات،..الخ. ده نشاط اهلي مش حكومي، ولا حزبي ولا قبلي ولاجهوي ولاطائفي! قارن كل هذا بي كيف المقرر الرسمي لي تاريخ المهدية او السودان مؤلفو الي اليوم، جاسوس عربي، اي ارزقي في مخابرات الجيش الغازي، الذي صاغ وعي امثال حمور! اذن تاريخ المهدية ولا سطر منو ما اتكتب ذاتو، ولا حيتكتب قريب ذاتو، لغياب الكادر المؤهل لهذا الدور! كل ما هناك، فيما اتصل بكل تاريخ السودان، من قبل المختصين افتراضا، كالطيرة يوسف فضل ولاغيرو، من شراح ارسطو زي ما تقول، هو اجترار في شكل ترجمة او غيرو لي امباز منشورات المخابرات البريطانية، ليس الا! يازول تاريخ مهدية وين او شنو، البكتبا كادر دويلة تاسست علي انقاض المهدية، لتكون نقيضا بالضبط في كل شئ! هذا مستحيل! وكنتيجة والي هذا اليوم واحد دكتور زي المكاشفي، محتار، هل المهدي بثورتو خرج علي الخلافة ام لا! نعم بعد قرابة ال200 سنة من حسم الشعب السوداني باسره لترهات كهذه، لازال باشبوذغة التركية احياء يرزقون او يسعون علي قدمين بينا! السؤال، هل نموذج امثال ملاسي والمكاشفي صدفة؟ اليس النظام الحالي تجلي وتنزل للعهد التركي في احقر معانيه؟ مافاهم متورك يؤرخ للمهدية كيف؟ هذه نكتة، والسلام!

جميل جدا انو كمال بدا يتصلح و تخلص من مخاطبة المحاور بالفاظ الحمبرا و الطيرة و عييييييك و عوووووووع و ما شابه.
لكن طبعا لانو لا يقدر ان يتكلم دون شتايم فضل يوجه الشتيمة للبروف يوسف فضل رغم انو اسمو ما ورد هنا كلو كلو.
فالاعتذار للعظيم يوسف فضل على قلة ادب كمال تجاهو.
لكن الحق اني اثمن بداية اتجاه كمال للحوار دون اهانات للمحاور كعهده.
المره دي اكتفى بالهرجلة.
يلا نشوف هرجلتو في الردود على المكتوب.

شوف يا كمال ..
كل طربقتك لن تحلك من اسئلتي مهما جهدت.
انت تتكلم كثيرا جدا عن المهدية و تصرف فيها عربي فارغ لا معنى له.
وانا هنا اريد ان اصل معاك لحد ما تعرف عن المهدية و رأيك فيها.
اوهامك حقت اني غيرت رأيي في الحياد و احوش الناس من شقير لن تغير هذا البوست.
انا لم اقل من قبل ان هناك محايد في تناول التاريخ. ولا قلت شقير مصدر منزه. لكني حتى اليوم اخذ عن شقير و لا اجد غضاضة في ذلك.
تركت النقل عن شقير هنا حتى لا تجد انت طريقة للفرفرة.
انا هنا بجيب ليك نقولات من الوثائق الاصلية ذات نفسها.
كون انك تنجر من راسك نظرية زي دي :

Quote: اذن تاريخ المهدية ولا سطر منو ما اتكتب ذاتو، ولا حيتكتب قريب ذاتو، لغياب الكادر المؤهل لهذا الدور!

دا كلام فارغ ساي و محاولة منك للزوغة عشان اي كلام عن تاريخ المهدية ما يلفق مع اوهامك تنط و تقول بشاشا قال تاريخ المهدية اصلا ما اتكتب.
تاريخ المهدية محفوظ و موثق لو انت ما عارفو قول عدس يا اخوي.
تاريخ المهدية المكتوب و الموثق من منشورات الامام المهدي و التي طبعها الخليفة عبد الله التعايشي و محفوظة حتى اليوم بصورتها الاصلية بيقول انو المهدي قال هو عباسي حسني حسيني. يعني عربي زيو زي الجعليين البيدعو النسب العباسي.
تعال وريني يلا رأيك في المهدي شنو. كاره لزاتو برضو وله ضيف عربي ما من حقو يقول بغم.
ثم اذا فرضنا انو هترشتك دي حقيقية و تاريخ المهدية ما اتكتب منو سطر تفصحك حق عثمان شيخ الدين المثقفاتي و الملازمين كانو قلب الجيش ده جبتو من وين ؟
عرفت كيف يا بشاشا انو عثمان شيخ الدين كان مثقفاتي و تاريخ المهدية ما اتكتب منو سطر ؟
عرفت كيف انو الملازمين كانوا قلب الجيش و تاريخ المهدية ما اتكتب منو سطر ؟
وله هي هضربه ساي ؟
مش قلت ليك انت كل مداخلة بتكتب كلام ما بيتفق مع القبلو.
مره تكلمنا عن تاريخ المهدية.
ومره تقول ما اتكتب.

Quote: في امريكا العشرات من عامة الناس او نجوم المجتمع او علي نفقتم الخاصة، يعيدو انتاج مسرح الاحداث التاريخية، باعادة معايشتا ممارسة لاقراءة نصوص بلعب ادوار الشخصيات التاريخية، بواسطة مش ممثلين وانما افراد عاديين في شكل عمل درامي ضخم تشارك فيهو الحلة كلها زي ما بنقول، كبار او صغار نساء او رجال، وبذلك الفرد العادي يتمثل ويعيش في اللحظة الانية، الماضي التليد. حتي المعارك الحربية يعاد انتاجا دراميا، مش بواسطة محترفي تمثيل وانما بواسطة افراد عاديين، مع التزام صارم بالازياء، الاليات،..الخ. ده نشاط اهلي مش حكومي، ولا حزبي ولا قبلي ولاجهوي ولاطائفي!

امريكا البيضاء ؟
طيب.
التحية ليها.
نحن هسه بنتكلم عن الثورة السودانية السوداء.
الثورة التي قادها و فجرها رجل يدعي انه عباسي حسيني حسني.
عاوز تتكلم عنها وله عايز تتكلم عن المجتمع الامريكي ؟
بلا ازياء بلا اليات. هسه قلنا ليك كلمنا في صناعة السينما الامريكية ؟

Quote: لكن عجائز الانصار من أهلنا يقولون ان الخليفة وصل الحضرة قبل المهدى لكن فضل عدم الدخول حتى يلحق به المهدى

كلام احمد الامين اعلاه صحيح!

التعايشي هو الجند المهدي اصلا!

دعك من المهدي، جيل اباء التعايشي كان سلفا واعي بقرب ظهور المهدي اي اوزريس في مرجعية الثقافة الكوشية، اساس ما يعرف بالتصوف اليوم.

دان فوديو هو البشر بقرب ظهور اوزريس اصلا، او عشان كده كانت للهجرة من غرب افريقيا للسودان الحالي بانتظار ظهور اوزريس او المهدي.

ده معني كونو الخليفة وصل الحضرة قبل المهدي، تاريخيا وهذه حقيقة.

اذن لابد من استيعياب ثم اصطسحاب تاريخ الثقافة الكوشية، كمدخل اولي لفهم وتناول الثورة المهدية.

كده فقط، ممكن نجتث ترهات المركزية العربية والغربية، المشوشة في المنهج الاستلابي الحالي، المستخدم في تناول المهدية!

هذا المنهج الاستلابي، مرقا لي ديار فارس، بحثا عن اصول المهدية، ياللمزاح بحق!

عشان كده قنا، الكادر المؤهل لتناول المهدية، انطلاقا من مرجعية تاريخ ثقافتنا، لم يولد بعد!

مش كده او بس وانما المجتمع والدولة المناط بها تفريخ هذا الكادر لم تولد بعد!

نعم حواء حامل، ولكنها لم تضع مولد هذا المجتمع بعد!

Quote: تاريخ المهدية ولا سطر منو ما اتكتب ذاتو، ولا حيتكتب قريب ذاتو، لغياب الكادر المؤهل لهذا الدور!

Quote: التعايشي هو الجند المهدي اصلا!

العلم اللدني ياخ.
تاريخ المهدية ما اتكتب .. لكن بشاشا يعرف ما هو الصاح و ما هو الغلط. و يعرف انو التعايشي هو الجند المهدي اصلا.
لو ركز بشاشا للنقاش يمكن ان نعرض كلام التعايشي زاتو في الموضوع ده بحسب منشوراتو الكان بيوزعا و ينشرا و نشوف هل هو عارف نفسو اكتر وله بشاشا.
لكن هسه يهمنا ان نستمتع بمعرفة بشاشا للتاريخ الذي لم يكتب.

كتب بشاشا

Quote: كلام احمد الامين اعلاه صحيح!

دون إسقاط لماضى عنيف بينى وبينه
عبر هذا المنبر..
أرجو أن أشير إلى أننى تحولت فى قاموس
بشاشا إلى احمد الامين
قبلها كان يسبق إسمى بجريقس/ المستلب/
الجلابى وغير ذلك ...
يبدو أن محاسن الحوار تعديل سلوك
الأفراد دون الصعق الكهربائى الشهير
تحية لبشاشا
وتحية كذلك لحمور زياد إلذى
مهد للحوار

فتح الله عليك يا احمد امين.
هذا بالضبط ما اعنيه في هرجلة بشاشا.
لما يكون الرأي ضد ما يعتقده هو فصاحبه جريقيس و مستلب و ابن ستين.
اول ما يقول كلام يعجبو يتحول لبني ادم محترم و احتمال يقول عليك استاذ احمد امين.
وكذلك التاريخ.
الحته البتعجبو يعمل منها هليلة و يلبع بيها الناس.
الحته الما بتعجبو يعمل منها رايح. لو جبتها ليو يقول ليك ده كلام الاستعمار و التاريخ ما اتكتب.

اتمنى انو بشاشا يبطل الهرجلة و يناقش الكلام المكتوب هنا ده بنوع من المسئولية طالما ظهر انو بدا يتعمل الحوار و يتكلم مع الناس بادب.
انو يغلط دي ما مشكلة. منو المعصوم ؟
يعني انا ما بغلط ؟
لكن المهم ان يتعلم بشاشا كيف يخاطب الناس بدل ما يجبرم انهم يدوهو فوق راسو.


يلا يا كمال ناقش النصوص الوارده اعلاه.
لو عندك اي شك او ساتفسار عن توثيق اي نص قول لي و انا اوثقو ليك كاملا.

كابداء لحسن النوايا يا كمال هاك توثيق لمنشور الدعوة الذي قال فيه المهدي انه عباسي حسني حسيني النسب.
الصورة لقطة فتوغرافيه بكاميرتي للمخطوط الاصلي.

Quote: تاريخ المهدية محفوظ و موثق لو انت ما عارفو قول عدس يا اخوي

حمور حاف كده،

الوثائق هي فقط مدخلات انتاج وصياغة مقرر للتاريخ لاي شعب كاساس للتربية الوطنية.

ما انتج او قدم حتي الان كمقرر لي تاريخ المهدية، صاغه الاحتلال الثنائي!

اذا بتقول ماعندك مشكلة مع الحقيقة دي، فحقيقة صدقتا!

كنتيجة مباشرة لهذه الصياغة الاستعمارية لمقرراتنا الدراسية، حصل او حاصل الشايفو قدام عينك، من حروب اهلية او في الختام تشليع للبلد!

هل صدفة انو المكاشفي بفتكر الثورة الام خروج علي "الخلافة الاسلامية"؟

هل صدفة مثل هذا العداء والكراهية للثورة الام او رموزا؟

طبعا الاجابة علي هذه الاسئلة من زول طريقة تفكيرو هي زبدة صياغة امثال شغير لي وعيو، سلفا معروفة.

الوثائق في حد زاتا لاتعني شئ!

الذي يعني هو مرجعية المتناول الثقافية والفكرية!

ولهذا بالنسبة لي تناول الطيور امثال ابي سليم او يوسف فضل لهذه الوثائق فلا معني له قياسا بي مرجعيتم الفكرية، باعتبارم، مجرد عساكر جدد في ذات لواء مكدونالد المكون من مسترقي السودان بواسطة الخلافة الاسلامية بتاعة المكاشفي، طه الكباشي هذا، بتاع نميري!

وقع ليك رمزية جنود لواء مكدونالد؟

اذا ديل اساتذتك، فالجواب يكفيك عنوانو!

بشاشا اذ يأتي لحوار ..

بما انك تعرض وجهة نظر فلها الاحترام و ساتعامل معها بذات الاحترام و ارد عليها.
وابداها معاك حته حته.

Quote: حمور حاف كده، الوثائق هي فقط مدخلات انتاج وصياغة مقرر للتاريخ لاي شعب كاساس للتربية الوطنية

كلام سليم جدا يا بشاشا و اتفق معاك فيو و ما فيو نقطة غلط واحدة.

Quote: ما انتج او قدم حتي الان كمقرر لي تاريخ المهدية، صاغه الاحتلال الثنائي! اذا بتقول ماعندك مشكلة مع الحقيقة دي، فحقيقة صدقتا!

بختلف معاك في التعميم ده.
ليس كل ما انتج و قدم حتى الان عن المهدية صاغه الاحتلال الثنائي.
هناك كتابات كسلاطين و نيوفيلد و اورفيلد و غيرهم كتبت بغرض واضح لا يخفى على اي طفل.
فقد كتبت للقارئ الاوروبي في اطار حملة ونجت لاستثارة الراي العام لقبول اعادة غزو السودان.
اذن فمن يقرأها على انها الحقيقة المطلقة المجردة هو شخص مغالط.
لكن هل كلها كذب ؟
توجد كتابات تاريخية محابية للمهدية ككتاب الكردفاني سعادة المستهدي.
هذا كتاب ممجد للمهدية.
لكن هل هو كلو صدق ايضا ؟ هذا كتاب دعائي للمهدي مؤمن به.
السؤال هنا ما هو المنهج في قراءة ما كتب ؟
لو قلنا زيك انو كل ما كتبه سلاطين مردود نكون وقعنا في خطأ.
لو قلنا ان كل ما كتبه الكردفاني مقبول نكون وقعنا في خطأ.
الحق وسط بين الاثنين. خصومة المختصم و حب المحب.

Quote: كنتيجة مباشرة لهذه الصياغة الاستعمارية لمقرراتنا الدراسية، حصل او حاصل الشايفو قدام عينك، من حروب اهلية او في الختام تشليع للبلد!

صراحة يا بشاشا ما اذكره عن مقرراتنا المدرسية انها كانت ممجدة للمهدية لدرجة الكذب.
حتى اني حين كنت ابحث عن تاريخ الزاكي طمل تعجب بعض اصحابي كيف لم يخبرونا في المدارس ان الخليفة قتله في السجن و اكتفوا بان قالوا لنا انه بطل.
لكن حين اطلعت على مقرر التاريخ القديم ( بتاع رابعة وسطى داك ) وجدت بعض اشارات في تاريخ الزاكي طمل الى ان هناك من دس له عند الخليفة فغضب عليه. يعني برضو خففو الموضوع.
فالمقررات المدرسية عندنا انا اعيبها من وجهة نظر اخرى. انها رسمت لنا صورة وردية جدا لدرجة ان من يفتح السيف و النار سيحس انه اكثر صدقا من كتاب المدرسة البيكلمنا عن ملائكة ثاروا في السودان. فده خطأ انك تعرض تاريخك بشكل مثالي غير مقنع يخلي الزول يتخلع لما يلقى معلومة مضادة اكثر حبكة.
الحروب الانت بتقولا دي لا اعتقد انها نتيجة للتاريخ المدرس او المكتوب .. انا اظنها نتيجة مباشرة للعقلية التي ورثت مباشرة من احتقانات تلك الايام.
يعني لما القى وثيقة لعلي دينار بيقترح فيها ابادة المعاليا لازم اعرف انو إحن زي دي موجودة على الارض و تورث.
تفتكر ليه اهل الوسط ليوم الليلة عندهم راي في الشوايقة ؟
هل في التاريخ المدرسي انو الشوايقة كانو عسكر الترك و انو المهدي اباح دمائهم و اموالهم ثلاثة ايام بعد دخول الخرطوم ؟
ده تاريخ متوارث حتى لو نسي الناس من اين جاء.


اواصل

Quote: هل صدفة انو المكاشفي بفتكر الثورة الام خروج علي "الخلافة الاسلامية"؟ هل صدفة مثل هذا العداء والكراهية للثورة الام او رموزا؟ طبعا الاجابة علي هذه الاسئلة من زول طريقة تفكيرو هي زبدة صياغة امثال شغير لي وعيو، سلفا معروفة.

مشكلتك يا بشاشا بتفترض في الناس السوء بشكل عجيب و لا ترى الا القبيح.
طيب هل هي صدفة انو في بوست المكاشفي ده زاتو يلمو فيو "اولاد البحر " و الجلابة ديل يسلقوهو و يسخروا منو ؟
انت بتعاين لسوء تفكير المكاشفي على انو هو الحقيقة و انو الباقين ديل مستهبلين يعبر المكاشفي عنهم و هم زايغين.
ليه ما افترضت انو الذي ليس صدفة انو الناس تسخر من سؤال المكاشفي و انو سؤالو هو الهبل وانو يتحمل مسئوليتو براو ؟
ليه الاصرار على انك تطلع من كلام زول واحد منهج للكل.
طيب هسه هل يصح انا اخد كلامك حكم على اهل القدار و اقول هل هي صدفة انو بشاشا المن القدار يقول كذا و كذا ؟
كلام الكباشي نتاج لطريقة تفكيرو الفقهية بتاعة الخروج على الحاكم.
كان بيقول الكلام ده عن البشير فقاده التفكير الى الثورة المهدية وانها خروج على الحاكم برضو.
يا ناقشو و اثبت ليو خطأ كلامو يا كمان اسخر منو زي السخرو.
لكن انك تاخدو نموذج معملي و تعتبرو بيعبر عن اخرين تحاول تفترضم و تناقشني انا فيو ده ما بيجي.
انت في بوست المكاشفي ما لقيتني بغالط فيو في الاخطاء الكتبا عن المهدية ؟
هل هي صدفة اني اقول خطة كرري عظيمة ؟
هل ده معناها انو لازم يكون كل ما فعلته المهدية عظيم عندي ؟
لأ
ده الزام بما لا يلزم.
خطة كرري عظيمة و قتل الزاكي طمل جريمة. لا يسقط هذا ذاك.

Quote: الوثائق في حد زاتا لاتعني شئ! الذي يعني هو مرجعية المتناول الثقافية والفكرية!

كلام ما دقيق يا بشاشا
الصواب في تقديري :
الوثائق لا تعني كل شيء في الحوار. لكن معها مرجعية المتناول الثقافية و الفكرية.
يعني مثلا وثيقة زي حقت النجومي بتاعة العبيد دي تعني شيء.
لكن بيبقا بعد داك كيف ننظر لها.
زول ليبرالي زي ثروت ممكن يجي يشتم بيها المهدية التي استعبدت الناس.
زول بتاع تاريخ يجي يقول انها لم تخرج عن العادي في ذلك الوقت.
فالخلاصة التي تؤخذ من الوثيق هي التي تعتمد على مرجعية المتناول الثقافية و الفكرية.
لكن الوثيقة في حد ذاتا قايمة بنفسها.
عشان كده انا هنا ابيت اجيب ليك رأي شخصي حول الوثائق و جبتها ليك و قلت ليك تعال ناقشا.
لأني ما عندي تعصب تجاها.
الغلط فيها بقول عليو غلط و المهدية اجرمت فيو.
الما تهمة بقول ما تهمة.
انت بتفترض للناس مرجعيات فكرية خاصة بيهم تختها على ألسنتم و تحاول تناقشا بغض النظر عن هم بيقولو شنو.
هسه سألتك بالذي تعبد انا القدامك ده متين شفتني شتمت المهدية ؟
سألتك السؤال ده قبل كده عن موقفي تجاه قضية دارفور تجاه مصر و انت بتوزع افتراضات و قلت لي ما ضروري تكتبا بيدك لكن بتفهم من السياق العام.
و ده ما منطقي يا بشاشا.
ما ممكن تفترض سياقات براك و تناقش الناس على اساسا.
شوف الزول بلسانو قال شنو و ناقش كلامو. عشان ما تبقى في الجهجه الانت فيها دي.

Quote: ولهذا بالنسبة لي تناول الطيور امثال ابي سليم او يوسف فضل لهذه الوثائق فلا معني له قياسا بي مرجعيتم الفكرية، باعتبارم، مجرد عساكر جدد في ذات لواء مكدونالد المكون من مسترقي السودان بواسطة الخلافة الاسلامية بتاعة المكاشفي، طه الكباشي هذا، بتاع نميري! وقع ليك رمزية جنود لواء مكدونالد؟

الاساتذة المحترمين امثال ابوسليم و يوسف فضل قالوا شنو عن المهدية ؟
ابو سليم لم يكتب رأي في المهدية الا كتابو الخصومة في مهدية السودان و نشر بعد موته و في الكتاب لا توجد اي اشارة سالبة تجاه المهدية بل هو دراسة قيمة محايدة جدا.
غير كده كل ما نشره هو وثائق المهدية فانت بتلومو على شنو مثلا ؟ كدي جيب لي اي مثال لشيء سيء كتبو ابو سليم عن تاريخ المهدية.
اما يوسف فضل العظيم فانا شخصيا لا اعرف له كتابة عن تاريخ المهدية بل هو مهتم بتاريخ الفونج اكثر. و قبل كده اتكلمت معاو في الموضوع ده في مكتبو في جامعة الخرطوم. هل كتب يوسف فضل شيء محدد عن المهدية تراه انت سيء يا كمال وله هو كلام و خلاص ؟

Quote: اذا ديل اساتذتك، فالجواب يكفيك عنوانو!

اها شفت ده الغلط و التعصب.
لو ديل اساتذتي هل لازم اكون متفق مع كل ما قالوه ؟
ولو مختلف معاهم الا اشتمم و ما احترمم ؟
ياخ ديل اساتذتي و اخدت عنهم كتير جدا و اختلف معاهم في اشياء كتبوها لكن احترمم غاية الاحترام.
لو عاوز تناقش سوء او خير الاساتذة ديل انا ما عندي مانع فهم ما مقدسين. لكن تعال قول لي ابو سليم كتب الكلام الفلاني خطأ و نناقشو. لكن ما تفك كلام ساي عنهم كحتمية و تتوقع مني اسلم بيو.

ختاما احييك على هدوء النسيم الكتبت بيو المداخلة الفاتت.
واتوقع لو استمر النسق كده بعد مداخلتين حتكتب لي الاخ الكريم حمور زيادة.

Quote: كابداء لحسن النوايا يا كمال هاك توثيق لمنشور الدعوة الذي قال فيه المهدي انه عباسي حسني حسيني النسب.

تخيلو هذا المخلوق بفكر كيف!

ينبش الماضي نبش من قبرو، او بعد داك يحاكمو بي قوانيين، معايير او مفاهيم اليوم!

والطريف زولنا ده فاكر روحو زول موضوعي او علمي او كده الي اخر قائمة الكراكيب المالية نافوخو المليان استلاب ده!

ياخي المهدي زاتو هو القائل لكل مقام مقال، او لكل زمن فرسان!

وفرسان هذه اقرأها، مفاهيم معايير، تصورات!

ده الوعي الكان قاعدة في عصر المهدي.

حتي لو مامقتنع بالفكرة دي هو لايملك غير مخاطبة الناس باللغة البفهموها!

دعك من اربعينات القرن التاسع عشر، اليوم والثانية، في القرن 21، بدل مجرد الاعتقاد، عندك الدويلة ذات نفسها مؤسسة علي انها عربية جدها الرسول، تبيد من الوجود كل من هو ليس بعربي!

تقول لي المهدي قال؟

انتا زول بسيط شديد، او منطقك صوري او شكلي!

السلام عليكم واهلا ومرحب بكل الحضور حمور وضيوفه الكرام

يا نصر انت نسيت أهم كتاب مكي شبيكة يا اخي معقول تنسى مكي شبيكة وهو اهم كتاب في هذا الباب

Quote: عن المهدية والرق فأقراء الجزء المهم في كتاب محمد إبراهيم نقد عن الرق في السودان وكتاب نقد هذا شديد الأهمية في موضوع شديد الأهمية

ده ما كتاب ده مرجع عديل ..
اظن ان هذا الكتاب احد اسباب الداء البحصل من فترة لي فترة بين الامة والشيوعين واخرتها قصة محمد عادل

الكتاب قريتو ولقيتو في مكتبة زميل البورد والصديق المحامي عز الدين عثمان
وخلعتني المعلومات الفيه

Quote: يا نصر انت نسيت أهم كتاب مكي شبيكة يا اخي معقول تنسى مكي شبيكة وهو اهم كتاب في هذا الباب

ياتو واحد فيهم يا المكاشفي ؟
غايتو ايا كان فده جنس الكلام البيفتح فيك و فينا بشاشا.
نصر قال :

Quote: كتب هولت وكويلنز وشكبية ومندور المهدي وضرار صالح ضرار مهمة وبتديك الصورة العامة

لكن خليني اقول ليك الاستاذ مكي شبيكة مع كل التقدير لاسهامه فكتابينو الاتنين ما فيهو واحد بيعتبر اهم من الكتب القالم نصر ديل.
هو كتاب بيديك صورة عامة لا اكثر.
انا شخصيا ارشح لمن له وقت و صبر ان يقرأ كتب المذكرات لخصوم و انصار المهدية اولا.
ثم يطلع ولو على خفيف على الوثائق المنشورة. مكتبة جامعة الخرطوم طابعة اثار المهدي الكاملة بسعر رخيص للمجلد الواحد. و هم ستة مجلدات تقريبا.
ممكن بعد داك يقرا الكتب التحليلية و الرصدية الجابا نصر دي.
لو مافي وكت و عايز خلاصات ممكن يعمل كلام نصر ده.
لكن عليه ان يتذكر انو دي وجهة نظر في قراءة التاريخ و ليست التاريخ نفسه.

Quote: الاساتذة المحترمين امثال ابوسليم و يوسف فضل قالوا شنو عن المهدية ؟ ابو سليم لم يكتب رأي في المهدية الا كتابو الخصومة في مهدية السودان و نشر بعد موته و في الكتاب لا توجد اي اشارة سالبة تجاه المهدية بل هو دراسة قيمة محايدة جدا. غير كده كل ما نشره هو وثائق المهدية فانت بتلومو على شنو مثلا ؟ كدي جيب لي اي مثال لشيء سيء كتبو ابو سليم عن تاريخ المهدية. اما يوسف فضل العظيم فانا شخصيا لا اعرف له كتابة عن تاريخ المهدية بل هو مهتم بتاريخ الفونج اكثر. و قبل كده اتكلمت معاو في الموضوع ده في مكتبو في جامعة الخرطوم. هل كتب يوسف فضل شيء محدد عن المهدية تراه انت سيء يا كمال وله هو كلام و خلاص ؟

سيييييييييييييك في القبول


مشكلت يا بشاش خليت مرقاتك وبقيت تحاور وتعمل حريف

فقام حمور سيكك


كااااااااااااااااااك

Quote: بختلف معاك في التعميم ده. ليس كل ما انتج و قدم حتى الان عن المهدية صاغه الاحتلال الثنائي

اقول ليهو مقرر التاريخ الرسمي الصادر من وزارة التربية من الابتدائي او حتي العالي، يقول لي نيوفيلد!

اها زي ده، ياخدو او يدو معاهو كيف؟

شوف يا بشاشا كون اني رديت عليك في مداخلتين باحترام عشان انت كتبت كلام محترم ما معناها ما بقدر ارجع فيك خلف اعفصك لما تقل ادبك.
تتكلم باحترام ارد عليك باحترام.
تقعد تقل في ادبك بعصرك تاني و الله الا تحكي نكت في البوست ده عشان تعمل صاحبي.
الكراكيب المالية النافوخ هي كلامك انت ده.
شنو هسه العبط ده :

Quote: ياخي المهدي زاتو هو القائل لكل مقام مقال، او لكل زمن فرسان! وفرسان هذه اقرأها، مفاهيم معايير، تصورات! ده الوعي الكان قاعدة في عصر المهدي. حتي لو مامقتنع بالفكرة دي هو لايملك غير مخاطبة الناس باللغة البفهموها!

ايه هو لو ما مقتنع ؟
المهدي مقتنع بانو عربي وله لأ ؟ ما تقعد تتلولو لي هنا.
تخت ليك فرضات و عايز تمرق بيها.
لا يوجد اي شيء يمكن ان يوهم مجرد ايهام انو المهدي لم يكن مقتنعا بعروبته. انها هي كراكيبك الفي نافوخك انت ده.
عاوز تلولو اي حاجة عشان تستقيم مع رايك الملولو بدل تصلح رايك.

شنو يعني الوعي الكان قاعد ؟
الوعي الكان قاعد انو هو عربي ؟ طيب وين المشكلة.
ما برضو هسه في وعي قاعد انو الجعلي عربي.
الوعي القاعد او الوعي الواقف لا يغير من حقيقة انو المهدي مشعل الثورة قال عن نفسو عربي.
انت اي زول يقول هو عربي قاعد تملاهو فقر.
اشمعنى ده عاذرو بالوعي القاعد ؟
والجعلي الهسه وعيو واقف ؟

ما تقعد تدخل بحمد و تمرق بخوجلي.
المهدي قال عن نفسو عربي اكتر من مرة بشكل واضح.
انو ده الوعي وله ما الوعي لا تفرق الا في لولوتك.

هل المهدي عربي كما ادعى وله هو زنجي كاره لزاتو ؟

Quote: اما يوسف فضل العظيم فانا شخصيا لا اعرف له كتابة عن تاريخ المهدية بل هو مهتم بتاريخ الفونج اكثر. و قبل كده اتكلمت معاو في الموضوع ده في مكتبو في جامعة الخرطوم. هل كتب يوسف فضل شيء محدد عن المهدية تراه انت سيء يا كمال وله هو كلام و خلاص ؟

فعلا ياحمور المجال الاساسى
ليوسف فضل كمؤرخ هو السودان فى العصور الوسطى
تحديدا فترة دخول العرب إلى السودان
وهذا مبحث رسالته للدكتوراة بإنجلترة
بالانجليزى وطبعت طبعة أخيرة قبل أشهر عن دار جامعة الخرطوم للنشر
سعرها 30 الف بالقديم وقد كتبت عنه صحيفة التايمز عند
صدوره أنه إنجاز ضخم فى مجاله ودقته ...
لم يعرف ليوسف فضل إهتمام بتأريخ المهدية
كذلك له مقالات بعد الدكتوراة فى ظواهر طقسية
خاصة بمملكة الفونج إلى جانب هجرة الرشايدة كأخر قبيلة
عربية للسودان وبعض الأنساب
ويتجلى إنجازه الأكبر حول الفونج فى تحقيق طبقات ود ضيف الله
الذى يعكس الحياة الدينية والإجتماعية خلال الفونج ....
يوسف فضل/ ابوسليم/ محمد خير عثمان
هم تلاميذ لمكى شبيكة فى الجامعة
لكن نهج كل واحد منهم نهجا مختلفا عن الاخر
وأختار فترة زمنية معينة من تأريخ السودان ....
** الوثائق الخاصة بالمهدية إلتى نشرها ابوسليم
فى كتاب قبل وفاته لايحاسب ابوسليم على محتواها
بل هو مسؤول فقط عن فحصها /ترتيبها / وتحقيقها
بمنهج علمى دون إسقاط لرؤيته الشخصية فيها
وهذا منهج مكى شبيكة فى التعامل مع التأريخ
حيث ذكر فى حوار إذاعى أحتفظ فى شريط أن المؤرخ
/ التاريخ عموما دون وثيقة لاقيمة له....

تعرف يا احمد غالبا بشاشا لا يعرف ان بروف يوسف في ما كتبه يميل الى ان الفونج اصولهم من الشلك.
بيكون كلام زي ده ما مر بيو و لا يهمو انو يعرفو طالما هو خاتي حاجة في راسو.
هسه غالبا يجي ينط في اهتمام يوسف فضل بتاريخ دخول العرب السودان لدرجة انو يعمل فيها دكتوراه.
لانو عند بشاشا القصة ما تاريخ و علم. القصة هرجلة ساي.
لا يقرا يوسف فضل كتب شنو لا يهمو.
هسه عاينو حاشر يوسف فضل في الكلام عن المهدية كيف و يشتم في ابو سليم.
وانا جادي عايز منو اي نقل او حتى يذكر لي مصدر و انا برجع ليو لو ما عندي هنا برسل اجيبو من مكتبتي مخصوص من السودان. و نشوف ماذا كتب ابوسليم او يوسف فضل عن المهدية شيء سيء يغضب منه بشاشا.
انما هي محض كواريك.

يا بشاشا انا اتحداك التحدي العديل انك تقول لي يوسف فضل او ابو سليم كتبو شنو سيء عن المهدية حتى تعتبرم عساكر جدد و طيور و غير مقبولين عندك.

شن قولك ؟
بس عشان اقنعك انت زاتك انك زول بتاع كنبه ورا و هرجلة ساي.


ـــــــــــــــ
يا وليد متين ما كان مسيك بشاشا ده ؟

Quote: اقول ليهو مقرر التاريخ الرسمي الصادر من وزارة التربية من الابتدائي او حتي العالي، يقول لي نيوفيلد! اها زي ده، ياخدو او يدو معاهو كيف؟

هو متين انت بتاخد و تدي اصلا ؟
ما طوالي شايل عيييييييك عوووووووع مستلب طيرة حمبرا و حايم بيها.
انت قايل ده نقاش يا اللخو ؟
انا الما كنت قايلك امي لدرجة انك ماسك منهج الابتدائي عايز تناقش بيو تاريخ المهدية.
قايلك زول راكز و بتناقش كتب التاريخ زاتا. لكن وكت اصلك عايز تناقش ناس كتابي الاول فما مشكلة انا بسحب الحته الانت كوتها دي و انا فهمتها على الوجه الحسن.
طوالي تنزل لكلامي عن المقررات المدرسية التحتها.
واتمنى تقوم تعضد لي كلامك بمثل عن السوء في المقرر المدرسي عشان نعرفو.





ــــــــــــ
الحمد لله مرقنا من مناقشة كتب التاريخ مع بشاشا لمناقشة مقرر سنة تالتة.
غالبا نهاية البوست بشاشا حيدينا واجب.
فعلا عقلية مهرجلي الكنبة الورا.

زول يناقش في التاريخ يقولو ليو نيوفيلد يقول لا لأ انا قصدي كتاب التاريخ حق المدرسة.
بالله دي بشرية دي.

اضحك الله سنك يا بشاشا ياخ ابهجت ليلتي.







ــــــــــــــــ
عندك اعتراض على دجاجي يلقط الحب وله مقسمة معاك يا كمال ؟

اوريك يا حمور الزول ده عنطج لياتو درجة

الزول ده عامل فيها كوشي


وبحلف بي امون راع


وهو ما عارف انو امون ده فرضوه الفراعنه على النوبيين فرض

الجاهل ده مستلب من زمن الفراعنة وهو ما عارف


ياخ ده زول عنطج بس


يا بشاشا ان اردت اله نوبيا خالصا لتحف بيه
كلمنا عشان نوريك


امسك في حورس بخارجك
وخليك من امون
فهو اول استلاب يا جهلول

Quote: الخطة العبقرية ما لازم انها تكون الخطة البتكسب.

يا استاذ حمور العبقريه الوحيده فى موضوع المهديه هى التقاط الثائر السودانى محمدـاحمد المهدى للحظه الثوريه والقدره على الحاق الهزيمه باعظم امبراطوريه عدا عن ذلك فالمشهد مشحون بالهوس الدينى ولن انسى ان البشير قال انه امتداد للخليفه عبدالله التعايشى..مالم نقرا التاريخ بعقول مفتوحه فاننا سنقع فى فخ تكرار الاخطاء..وما لم نحاسب الطغاة امثال الخليفه وبعيدا عن التابوهات فانا سنكون كمن يحرث فى البحر..وسنجعل من تاريخنا متكاءا للطغيان وتكراره فلنكف عن تسمية الاشياء بما يناقضها ولنبحث عن العبقريات فى تاريخنا وما اكثرها وتحياتى...

هذا البوست سيضع بشاشا في مكانه الطبيعي، فقد كررنا أن بشاشا يشبه بطل هذه القصة الذي ساتلوها عليكم:


القصة تحكى عن بطل العالم في إستعمال القوس والسهم، وهذا البطل لم يجد من يهزمه ابداً في العالم، وفي يوم من الأيام جاء احدهم لهذا البطل وقال له أن في القرية الفلانية يوجد شخص يصيب الهدف بدقة متناهية، فسافر بطل العالم لتلك القرية، وعندما وصل للقرية سلأل عن ذلك الشخص فقالوا له انه يعيش في تلك الغابة القريبة من القرية. فذهب بطل العالم للغابة وأول ما دخل للغابة وجد أن في كل شجرة يصادفه يو جد رسم لعلامة التنشين ويوجد سهم في منتصفها تماماً، وتوجد علامات صغيرة جداً للتنشين ويوجد السهم في منتصفها تماماً. فواصل مسيرته حتى وجد الرجل. وحينما وجده ركع امامه وقال له: أنا لم أشاهد أحداً يصيب الهدف بهذه الدقة في حياتي، لذلك أنا سأتتلمذ على يديك. فقال له الرجل: الأمر بسيط جداً، هل تستطيع أن تصيب هذه الشجرة الكبيرة أمامك. فأجاب البطل: نعم، ثم شدّ قوسه وأصاب الشجرة، فدخل الرجل إلى قطيته وأحضر بوهية وريشة ورسم علام التنشيش في مكان السهم.


كذلك أخونا بشاشالإ الذي قرأ كتباً لآباء المركزية الأفريقية ولم يفهم بالضبط ما ذا يريدون، ولنه خرج بتفسيره الخاص لها، لذلك هو يحاول أن يفسر كل شئ حسب قراءته، فهو يطلق السهم أولاً ثم يحاول أن يلوى عنق الواقع ليتفق مع آراءه، لذلك نراه يُكثر من التهريج في أي نقاش منطقي، لأن نتائجه دائماً غير متسقة مع بداياته.

أنظر مثلاً لرأيه في دكتور يوسف فضل، مشكلته مع دكتور يوسف فضل أنه (شايقي) لذلك يفترض أنه كتب عن المهدية، وليس ذلك فحسب بل يفترض أن كتاباته عن المهدية منحازة وأنها تتابع ما كتبه المستعمر. وليس ذلك من الحقيقة في شئ، وابو سليم لا أعتقد أن بشاشا قرأ له بل هو تنميط يفعله بشاشا ثم يفتش عن مبررانت له، وحتى إذا لم يجد ما يدعمه، إنهال بسيل الشتائم مثل (باشبزوغ، عسكري نفر، مستلب) فهذه الشتائم تغطى جهله وكسله المعرفي.

سنتابع وسنكتب في هذا البوست

Quote: أنظر مثلاً لرأيه في دكتور يوسف فضل، مشكلته مع دكتور يوسف فضل أنه (شايقي)

قرقرقرقرقر!

عالم!

مرة بشاشا عندو مشكلة مع الشوايقة، مرة المحس، مرة الدناقلة، مرة الحلفاويين، مرة الجعل!

قنا، هذه طريقة تفكير هؤلاء، يروحو ماسحنها في حيطة بشاشا القصيرة!

يا بني ادمين، مافي مفاهيم زي دي في راس بشاشا!

بشاشا افريقي اولا، واذا لابد فسوداني اخيرا، "فل اوستوب"!

هذه المسميات وعينا بيها اصبح زائدة دودوية، كما الذنب في مسيرة تطور الانسان الماعاد عندو ضنب زي الككو، مثلا!

يوسف فضل ابو سليم مكي شبيكة، هؤلاء مجندي لواء مكدونالد، الجدد لاغير!

كلهم مستلبة مركزية اوربية عربية!

اي ذات مرجعية الاحتلال الثنائي!

كما شراح ارسطو فهم شراح شغير، لاغير!

يا وليد كلامك ده في كتاب التاريخ حق سنة كم ؟










ــــــــــــــــ
انا ما متأكد يا شفت لكن اظن امون اصلاً حق النوبيين.
لكن عموما بشاشا عندو راي سيء في موضوع "الحضارة النوبية" و ما بيقبلو.
خلينا في المهدية دي لامن نخلص منو نسلمو ليك في قصص النوبيين.

Quote: يوسف فضل ابو سليم مكي شبيكة، هؤلاء مجندي لواء مكدونالد، الجدد لاغير! كلهم مستلبة مركزية اوربية عربية! اي ذات مرجعية الاحتلال الثنائي!

طيب ممكن من راس بشاشا تجيب لينا مثال واحد بس من كتابات ابو سليم البتوري انو مستلب للمركزية الاوروبية العربية بمرجعية الاحتلال الثنائي ؟
مثال واحد ما اكتر.
لو ما متذكر وصف الكتاب وصف و انا بسكو.

Quote: الوعي الكان قاعد انو هو عربي ؟ طيب وين المشكلة. ما برضو هسه في وعي قاعد انو الجعلي عربي.

قطعا القرن ال19 والقرن ال21 ماحاجة واحدة!

ياخي يكفي رغم كل هذا الرجل وحد البلد او حررا من الاحتلال الاستعمار والاستعباد العربي، رغم انف غات، كحول، او بنقو خلافة اسلامية، اللافين سجارتا الي اليوم ناس المكاشفي، الدكتور!

ده المعيار او ده المقياس!

بالفهم ده توظيفو لي وهم العروبة كان عبقري لابعد حد، مقارنة بي ذنوجة الجلابة، البذبحو اهلهم او يقدموهم كقرابين، تقرب وذلفي لاسيادم المرغ المهدي انف عنتظتم في الرمال، وهو القائل بكل شموخ اباء وكبرياء:

هم رجال ونحن رجال!

لما حاولو يركعو او يدجنو بي كلام ناس مالك قال او حمبل مال، عكس مستلبة اليوم من جراقيس الوهابية او اقنان البنا!

لاوجه للمقارنة اصلا مابين عصرنا او عصر المهدي، وهم عروبة طيورنا، او ادعاء عروبة امثال المهدي!

في زمنو كان في تويتر، ولا فيس بوك، ولا جي ميل، ولا آي فون،ولا اسكايب، ولاجزيرة، ولا المصرية؟

بمعني اي فرد عادي اليوم في السودان عندو فكرة عن العربي مقارنة بيهو شكلو كيف!

مثل هذا الترف ما كان متاح في عصر السفر للسعودية كداري او علي ظهور الجمال!

وقتها وهم زي ده كان مبرر، بل عبقري، كمخرج من جحيم الانتما لابن السوداء!

اما اليوم فهذه نكتة، او نكتة مكلفة، ولعت النيران او ابادت الملايين، عكس المهدية الادخلت تعبير "الحبيب" فلان في قاموسنا للمرة الاولي، وبذلك المهدية هي مبتدعة واجدانا المشترك كسودانيين!

قبل المهدية كنا كما الان قبائل وجهويات تماما كما في التركية، مما يؤكد عودة التركية محمولة علي اعناق الجلابة الزي حمور!

Quote: يا استاذ حمور العبقريه الوحيده فى موضوع المهديه هى التقاط الثائر السودانى محمدـاحمد المهدى للحظه الثوريه والقدره على الحاق الهزيمه باعظم امبراطوريه عدا عن ذلك فالمشهد مشحون بالهوس الدينى ولن انسى ان البشير قال انه امتداد للخليفه عبدالله التعايشى..مالم نقرا التاريخ بعقول مفتوحه فاننا سنقع فى فخ تكرار الاخطاء..وما لم نحاسب الطغاة امثال الخليفه وبعيدا عن التابوهات فانا سنكون كمن يحرث فى البحر..وسنجعل من تاريخنا متكاءا للطغيان وتكراره فلنكف عن تسمية الاشياء بما يناقضها ولنبحث عن العبقريات فى تاريخنا وما اكثرها وتحياتى...

يا دكتور انا ما قدرت اربط بين الكلام ده و بين انو خطة معركة كرري الحربية كانت خطة عبقرية.
وين التضاد بين الكلامين ؟
يعني لو وافقتك - جدلا - في كلامك ده هل يستلزم منو انو خطة كرري لم تكن عبقرية ؟

يا بشاشا بما انك متذكر مقرر المدرسة و عاوز تناقشو و ما عاوز تناقش كتب التاريخ الحقيقية.
رايك شنو في "الغراب الذكي ".

كتب بشاشا:

Quote: اقول ليهو مقرر التاريخ الرسمي الصادر من وزارة التربية من الابتدائي او حتي العالي، يقول لي نيوفيلد!

كتاب تأريخ السودان الحديث
المقرر للقسم الادبى/ الصف الثالث ثانوى
وضعه البروفسير حسن احمد إبراهيم
وفى ثبت المصادر أشار إلى مراجع اجنبية
تحديدا كتاب تأريخ السودان للبروفسير هولت
وهولت نفسه كان محاضر بقسم التأريخ جامعة الخرطوم
فى بداية تأسيس الجامعة
وعند رجوعه لجامعة لندن كان المشرف على رسالة الدكتوراة
للبروف حسن احمد إبراهيم
وموضوعها إتفاقية 1936بين مصر وبريطانيا
بإختصار التأريخ المدرسى فى التعليم العام
أستند بقوة على كتاب أجانب لان التأريخ كعلم
لايحفل بجنسية وقبيلة المؤرخ بل بمنهجه العلمى
تحديدا التأريخ المكتوب بواسطة أكاديمين كيوسف فضل/
شبيكة / القدال/ ابوسليم/ حسن عابدين كى لايدخل معهم
مؤرخ غير دارس او مختص كالتجانى عامر

Quote: يا بشاشا انا اتحداك التحدي العديل انك تقول لي يوسف فضل او ابو سليم كتبو شنو سيء عن المهدية حتى تعتبرم عساكر جدد و طيور و غير مقبولين عندك.

ـــــــــــ
يا احمد و الله انا شاكر شديد المعلومات المهمة دي.
لكن كنت افضل تسأل منها بشاشا قبل تديها ليو هينة كده.
انا اثق انو بشاشا لا يعرف سطر من الانت كتبتو ده.
هرجلتو دي ما هرجلة زول عارف الكلام ده.

بشاشا اسمع كلامي ده سمح .
خت كفك اليمين على نافوخك و اقرا سورة الحمد سبعة مرات.
والله جد.
بتنفعك.
الفوقك ده ما تستهون بيو.
هسه ده كلام يتكتب خليك من يتناقش و يترد عليو ؟
انت يا زول اشول في قراية التاريخ ؟

Quote: ياخي يكفي رغم كل هذا الرجل وحد البلد او حررا من الاحتلال الاستعمار والاستعباد العربي، رغم انف غات، كحول، او بنقو خلافة اسلامية، اللافين سجارتا الي اليوم ناس المكاشفي، الدكتور!

بفهمك حق عربي و بتاع الزول ده عربي استغل الزنج عشان يبقى ملك عليهم لا اكتر لا اقل.
انت مش قلت لعضو هنا لو هو عربي يبقى يسكت و ما يقول بغم ؟
هسه عايز تقبل من المهدي العربي انو يحارب بالزنج العرب و تعملو حررم ؟
تحرير شنو و هو بيأمرم بالسمع و الطاعة ليو في اي حاجة ؟
اجيب ليك من الوثائق كيف امر يونس الدكيم يطلق مرتو عشان يعرس واحدة تانية هو اختارا ليو ؟
بفهمك العربي ده استعبد الناس ديل لامن دخل مع الراجل فيهم سريرو.
طالما انت لا تقبل من العربي في السودا يقول بغم فكل ما فعلو المهدي غير مقبول و تطاول منو. مفروض يهبط و يخلي اسياد البلد يتصرفو. مش يركب في راسم و يعمل ليهم مهدي و الله قال لي و الرسول قال لي و يحكمم.
هسه يعني انت شايف الشي الكويس انو تقول المهدي خش الزنوج ديل قال ليهم انا عربي و انا الرسول جاني عشان يحررم ؟
طيب ياخ معانا ديل ناس وهم جدا.
الا يحررم عربي و يغشهم بالدين.
دي شتيمة منك و الله لا بقبلا منك لا حاجة للتاريخ السوداني.
تشكر ليك زول بانو كضاب و تشكر ناس انهم الا يحررم عربي من العرب ؟
بالله انت ما مخبول ؟
ثم لو هي بتتقاس كده يا مختل هل الترك كانو عرب اصلا ؟
خورشيد باشا و ابو ودان و بتاع ديل كانو عرب وله ادعو عروبة ؟
انت كافي البلا تاريخ السلطنة العثمانية ما عارفو برضو ؟
انت يا زول عارف شنو ؟
ده شهر كم طيب ؟
زول يدعي انو عربي عشان يحرر الزنج من الترك. و فرحان بيو ؟
والله انت شتمتو ما خليت ليو شي.

Quote: لاوجه للمقارنة اصلا مابين عصرنا او عصر المهدي، وهم عروبة طيورنا، او ادعاء عروبة امثال المهدي! في زمنو كان في تويتر، ولا فيس بوك، ولا جي ميل، ولا آي فون،ولا اسكايب، ولاجزيرة، ولا المصرية؟ بمعني اي فرد عادي اليوم في السودان عندو فكرة عن العربي مقارنة بيهو شكلو كيف! مثل هذا الترف ما كان متاح في عصر السفر للسعودية كداري او علي ظهور الجمال! وقتها وهم زي ده كان مبرر، بل عبقري، كمخرج من جحيم الانتما لابن السوداء!

هسه في ذمتك فهمك قال ليك انو كلامك ده منطق و حجة مفروض تقنع ليها قرنتيه ؟
يعني عشان ما عندهم تويتر عشان كده المهدي لقاهم طير و قام قال ليهم انا عربي و ده منطقي جدا ؟
وله هو زاتو كان موهوم انو عربي عشان ما شاف العرب في الفيس بوك ؟
يا بشاشا ياخ انا بطالب انو يقطعو عليك تذاكر.
انت الطف من السيرك و الله.

يعين لو واحد كان مشى الحج كان جا قال للمهدي كضاب ؟
طيب ياخ شنو رأيك انهم شافو عرب.
انت حصل سمعت انو المهدي ارسل رسلو لقبائل الحجاز و تحديدا لحذيفة بن سعد و لقبيلة قريش و لأهل المدينة و لأهل نجد و لعبد الله بن فيصل ؟
ليه رسلو ديل ما جو قال عووووووك يا ناس نحن شفنا العرب و لقينا زويلنا ده ما بيشبهم.

ياخ خليك من كلامي ده.
تعال نرجع لكلامك و فهمك انو السودان كان واقع تحت الاحتلال العربي الاوروبي.
المصريين العرب ديل ما شافوهم الناس عشان يعرفو انو ما بيشبهوهم ؟
تقول لي منطقي لأنو ما عندهم اي فون شافو بيو العرب و تقول انهم كانوا محكومين بالعرب ؟
انت يا زول واعي ؟




ــــــــــــ
عليك الله يا بشاشا وريني بتشوف الناس بالجي ميل كيف.
انا شغال بالياهو و ما بيوريني الناس العندي شكلهم عامل كيف. شكلو الجي ميل ده اخطر و بيوريك شكل العرب.
علم و الله.

على فكرة يا بشاشا انا سمعت تحت تحت انو المهدي كان عندو N-90 و انو سبب الخلاف بين الخليفة و الاشراف انو الخليفة شريف قام بالشاحن بتاعو و ابا يسلمو للخليفة التعايشي. فالموبايل قطع كهربا و ما لقو ليو شاحن ابرة كلو كلو.
فحصلت المشكلة المعروفة في التاريخ ديك لحدي ما اتوسط الخليفة علي ود حلو عشان الخليفة شريف يرجع الشاحن.

Quote: كتاب تأريخ السودان الحديث المقرر للقسم الادبى/ الصف الثالث ثانوى وضعه البروفسير حسن احمد إبراهيم وفى ثبت المصادر أشار إلى مراجع اجنبية تحديدا كتاب تأريخ السودان للبروفسير هولت

قرقرقر!

احمد الامين حاف كده، جاب ضقلا يلولوح!

قتا لي هولت هو مرجع حسن ابراهيم؟

هل ممكن مقرر ولي عهد بريطانيا، حول تاريخ بريطانيا، يكون مرجعو واحد اجنبي، Negro من السودان؟

حسن ابراهيم ده درسني تاريخ في اداب الخرطوم، فبالعربي، كلامو مجرد طبعة جديدة للمقرر الوضع اساسو شغير!

والله من الضحك لمن دموعي جرن!

قال هولت كان استاذ تاريخ السودان قال!

مش ياهم زي ديل اساتذة التنابلة فضل ابوسليم والقبلي المتخلف شبيكة؟

ياخي ما عشان كده، الي اليوم السودان مستعمرة عربية، امثال شبيكة ابادو ملايين من اهلو دفاعا عن العمق العربي!

وين في الكون العريض ده، اجانب وغزاة، يكونو اساتذة لشعب فعلا حر كما بقية الشعوب الحرة؟

قال مراجع اجنبية قال!

احتفاء بما هو وافد او اجنبي حتي هنا!

Quote: حسن ابراهيم ده درسني تاريخ في اداب الخرطوم

عليك النبي مش خسارة الكنبة القعدت فيها ؟؟
حالتك درست اداب الخرطوم و استاذك حسن ابراهيم. طيب لو كنت امي من ورا المخرطة كان كتبت شنو ؟

Quote: عكس المهدية الادخلت تعبير "الحبيب" فلان في قاموسنا للمرة الاولي، وبذلك المهدية هي مبتدعة واجدانا المشترك كسودانيين!

المهدية ادخلت تعبير يا حبيب فهي بذلك مبتدعة وجداننا المشترك كسودانيين ؟
يعني لو كانت قالت الاخ كان بقينا دولة عظمي .. مش كده ؟
بشاشا ياخ كان نعست قول .. لكن ما تجبرني على قراية كلامك الفارغ ده.
البوست ده بيرجاك لبكرة و الله.
لكن ما تضحك فيك خلوق الله ياخ.
قسما بالله انا لو قطعت عليك تذاكر يومين بس ابقا اغنى من الحكام العرب مجتمعين.

Quote: قبل المهدية كنا كما الان قبائل وجهويات تماما كما في التركية، مما يؤكد عودة التركية محمولة علي اعناق الجلابة الزي حمور!

هسه في ذمتك المافيشه حمور ده متين مدح قبلية وله جهوية في حياتو او في اي كتابة ليو ؟
البيؤكد عودة التركية هو الزيك ده.
الجاهل البينطط و ينضم في اي حاجة.
فرقك شنو هسه من الامي الكان عايش في التركية لا عندو فيس بوك لا تويتر لا اي فون لا جي ميل ؟
زيك زيو بل انت اسوأ.
انت اكبر دليل على عودة الانسان الى ما قبل اختراع النار اصلاً.
هسه ده كلام زول عندو جي ميل يا بشاشا ؟

Quote: هل ممكن مقرر ولي عهد بريطانيا، حول تاريخ بريطانيا، يكون مرجعو واحد اجنبي، Negro من السودان؟

خليك من مقرر ولى عهد بريطانيا حول تاريخ بريطانيا
وإمكانية مرجعيته عبر مرجع واحد أجنبى!!!!
هل تعرف أن ولى عهد بريطانيا بمقايسك حول
اجنبى وقبيلة ومستلب هل تعلم ان الامير فيليب زوج
ملكة بريطانيا نفسه أجنبى " تقريبا يونانى الأصل"
التقت به الملكة أثناء رحلة فى اوربا فتزوجها
وهل تعلم بمقايسك حول اجنبى واصيل
اللغة الانجليزية التى يتحدثها ولى عهد بريطانيا
أصدرت مؤخرا قاموس
Foreign Words in English
حوى المفردات الاجنبية التى بفضل التداخل العرقى
ببريطانيا صارت مفردات أنجليزية
منها كلمة حلال / إنتفاضة
وكلمات تركية وهندية وأفريقية
ككلمة juju
بريطانيا أستتعمرت ثلث العالم
وتأريخا متشابك مع تأريخ
كل مستعمراتها ومنها السودان
لذا لاتندهش حين يكون هولت مرجعا لحسن أحمد إبراهيم
حتى كررى تعتبر جزء من التأريخ الحربى البريطانى
ويسمونها معركة أم درمان
راجع :
A Dictionary of British Military History

Quote: بإختصار التأريخ المدرسى فى التعليم العام أستند بقوة على كتاب أجانب لان التأريخ كعلم لايحفل بجنسية وقبيلة المؤرخ بل بمنهجه العلمى

حولا ولاقوة!

بالله اصابني دوار!

يا احمد،

انتا عايز الانجليز والمصريين، غزاتك مستعمريك، محتلي ارضك، غاصبي شرفك، يكونو هم واضعي مقرر التاريخ والتربية الوطنية لي اطفالك؟

ماهذا؟

بعدين ما معني "علمي" يا احمد؟

لحقتا تشتري ترماي "صرامة علمية" وماشابه من كروباوي حبرتجية الخواجات، شغل غسيل مخ او ترويض؟

في فهمك واضح "العلمي" صنو للخواجة او "الاجنبي" وهذه ماساة بحق!

عزيزي القارئ،

انشاء الله كلامي يكون وقع ليك؟

قتا تاريخنا الي اليوم بما فيه تاريخ المهدية، ولاسطر منو ما اتكتب!

اها كلامنا طلع صاح ولا لا، قياسا بي كلام احمد الامين اعلاه البعترف علنا، يقر، بل ينادي بضرورة استجلاب خبراء الاحتلال الثنائي لكتابة تاريخ السودان!

محتاج لي بريك حقيقة!

هذا لايطاق!

ما حلمتا بي ده كلو كدليل علي صحة كلامنا!

tooooooo much!

Quote: اها كلامنا طلع صاح ولا لا، قياسا بي كلام احمد الامين اعلاه البعترف علنا، يقر، بل ينادي بضرورة استجلاب خبراء الاحتلال الثنائي لكتابة تاريخ السودان!

هات من مداخلاتى بهذا البوست
مايؤكد أننى طالبت بضرورة
إستجلاب خبراء الاحتلال الثنائى
لكتابة تأريخ السودان
عيب تلخص حسب ماتهوى لخداع القارى
أنا قلت بوضوح التاريخ المدرسى
بالسودان يستند ضمن مايستند على مراجع اجنبية
علمية صارمة .....
بعدين أنت ترفض الإستعانة بالاجانب فى الكتابة
فى التاريخ طيب لماذا وانت افريقى سودانى
حسب تعريفك سابقا
لماذا تلوذ ببلاد الخواجات الذين استعمروك
قديما
ليه ماتلوذ مثلا بدولة أفريقيه تعيش بها
يعنى عيب هذا رأيك فى المستعمر
وانت تعيش معه
طبعا حتقول انا فى امريكا
ومش كانت مستعمرة السودان
التأريخ يقول أمريكا كدولة رغم إكتشافها
بواسطة الاسبان لكن الايرلنديين الذين هم جزء من بريطانيا
المستمعرة هم من صنع امريكا الحديثة
كلما تكتب يابشاشا تتفكك خيوطك ويتضح تناقضك

Quote: قتا تاريخنا الي اليوم بما فيه تاريخ المهدية، ولاسطر منو ما اتكتب!

انت حقار وله شنو ؟
سعادة المستهدي بسيرة الامام المهدي للشيخ اسماعيل عبد القادر الكرفاني
وقائع شرق السودان تدوين الامير عثمان دقنة
وله عشان ما عندهم جي ميل ما معترف بيهم ؟
ياخ عثمان دقنة كان شغال هوت ميل. ما يمشي ؟
انت اداب الخرطوم قروك فيها شنو بتقول في جنس الكلام ده يا زول ؟

Quote: يا بشاشا انا اتحداك التحدي العديل انك تقول لي يوسف فضل او ابو سليم كتبو شنو سيء عن المهدية حتى تعتبرم عساكر جدد و طيور و غير مقبولين عندك

الكوت ده بشاشا زايغ منو ليه ؟ يا بشاشا انا عندي فيس بوك وتويتر رد لي ياخ.

يا جماعة عليكم الله هدو اللعب!
بشاشا وحمور بالله بطلو مهاترة والله البوست دا لو ختيتو الرحمن في قلوبكم ممكن يكون اهم بوست كتب في سودانيزاونلاين.

ياخ ابقوا زي احمد الامين وحا نستفيد منكم كتير!
انا من زمان عندي راي انه بشاشا كنز بس يبطل رواشة ومنابذة,
وحمور عندو ما يفيد.

ترانا قاعدين في الكنب و بنتعلم.

اوصيكم بالمراجع, والروابط, اكتبوها لينا ياخ.

Quote: بالله اصابني دوار!

ثم لكمه بين عينيه و طار في الهواء ليركل المسدس من يد الواقف خلفه.
مش كده يا كمال ؟


يا زول انت شنو كتاب التاريخ حق المدرسة و ما عندهم تويتر و اصابني دوار. انت يا بشاشا عمرك كم سنة ؟ محسسني اني بناقش في زول عمرو 14 سنة بيقرا ادهم صبري و مغيوز من استاذ متوكل بتاع التاريخ في المدرسة.

بكل الجدية يا بدر الدين انا اعتبر كلامك ده اسوا اهانه وجهت لي في هذه الاسافير و قد لقيت فيها ما لقيت.
انك تختني مع كمال بشاشا في مثل هذا البوست في صف واحد و تقول عندنا كلام كويس نخلي الهتر و نجيب روابط و مراجع دي حاجة سيئة جدا يا بدر.
انا البوست ده ابتدرتو لبشاشا لاثبات انو لا يعي ما يتكلم عنه .. و هو ماشي كويس في هذا الخط مشكوراً بطربقتو البيعمل فيها دي.
وستجد اني طلبت منه اكثر من مرة ان يثبت حرف مما يقوله فلم يستجب و اختصر لك لن يقدر.
فبشاشا بيتكلم ساي زي ما يجي تحت صباعو في الكيبورد يمرقو.
هسه كدي جيب لي كوت واحد لبشاشا في كل هذا البوست قال فيو شي مفيد.
عن نفسي ما عندي غير النقل من الوثائق النقلت منها فوق دي و يمكن ان اظل انقل ان هبط بشاشا من بردبتو دي و قرر مناقشة تاريخ المهدية.
لكن كيف يناقش تاريخ المهدية شخص يتكلم عن التاريخ من الكتاب المدرسي دون حتى ان يقول انو الغلط النقطة الفلانية.
الكلام المرسل ساي ده ما بينفع.

فارجو منك صادقا يا بدر الدين ان لا تساويني ببشاشا فهذا امر لا اقبل به البتة لو سمحت.
انا اجهل اشياء كثيرة جدا .. لكني لا اتقافز فوقها كبشاشا.
ان ما احمد الله انه رزقني به كل يوم فانه رزقني نعمة ان اعرف ما انا جاهل به فاصمت عنه و احاول ان اتعلمه.

يقال يا بدر الدين :
لي حيلة في من ينم و ليس لي في الكذب حيلة
من كان يخلق قوله فحيلتي فيه قليلة
كيف عايزني اناقش بشاشا بشكل عملي و هو بيقطع من راسو و يلصق ؟
شوف كلامو عن يوسف فضل و ابو سليم ده كمثال صغير. من وين جابو ؟ حجتو شنو ؟
لا يهتم ان يثبت.
كفاية انو يقولو و يا سلاااام خلاص.
عاين كلامو عن انو السودانيين ما شافو العرب و لا بيعرفو شكلهم ايام المهدي. مصدرو شنو ؟
ماف.
هو زول اصلا بيقول التاريخ ما اتكتب يجيب مراجع كيف.
مفروض بس نسمع بشاشا بيقول شنو و نصدق. لانو وحده من يملك حقيقة التاريخ الما مكتوب.
ولو انصفنا لجلّدناه و وضعناه في المكتبة لنستفيد منه.

(*)

حمور و ضيوفه سلام

مؤسف جدا ما يدور في هذا البوست
و أكثر ما يؤلمني فيه موقف أستاذي الصادق إسماعيل
موقف شاحب و دون الطموح
خصوصاً و أنه على غير العادة يبدو و كأنه يتشفى من بشاشا، بطريقة لم أتمنى أن أراه فيها
يا صادق كن كما عودتني دوماً في هذا البوست الكثير من الخمج ما يصلح أن يكون مادة حافلة للنقد و لإعادة قرائتها برغم كل ما يدور فيه، و لكني اثق أن بإمكانك أن تضع الكثير من الأمور في نصابها

Quote: نت حقار وله شنو ؟ سعادة المستهدي بسيرة الامام المهدي للشيخ اسماعيل عبد القادر الكرفاني

حولا ولاقوة!

يا حمور، ياخي ما تفضح روحك!

هل فعلا انتا درست تاريخ، ولا زول ساكت هاوي او مغرم بي دراسة التاريخ؟

يا حمور، هذه مصادر او مراجع يا حمور!

كتابة التاريخ اي صياغتو في شكل مقرر مدرسي بيتم باستخدام مثل هذه الكتب كمصادر، بالاضافة للمصادر الاخري، كالروايات الشفاهية والمخلفات المادية لو اثرية ولا غيرا!

وقع ليك؟

بطل شرط عين!

Quote: كتابة التاريخ اي صياغتو في شكل مقرر مدرسي

كتابة التاريخ معناها صياغتو في شكل مقرر مدرسي .. برضو مقرر مدرسي ؟ انت يا بشاشا رايحة ليك خصة خامسة وله شنو ؟
يا كمال اي نعم انا توقعت البوست ده يدخلك مدرسة لكن ما لدرجة الهستريا دي.
شنو مدرسة مدرسة دي .

يعني هسه انت كل مشكلتك مع التاريخ الما اتكتب زي ما بتقول في انو ما اتكتب في مقرر المدرسة صاح ؟
طيب شنو الاتكتب غلط في مقرر المدرسة. وريني مثال عشان افهم بتتكلم عن شنو.
ورايك شنو في الاتكتب في غير مقرر المدرسة. مثلا يعني زي الكتبوهو يوسف فضل و ابوسليم القلت طيور و كتبو عن المهدية ديل.وريني رايك في كتابتم المزعومة دي شنو.

Quote: كتابة التاريخ اي صياغتو في شكل مقرر مدرسي بيتم باستخدام مثل هذه الكتب كمصادر، بالاضافة للمصادر الاخري، كالروايات الشفاهية والمخلفات المادية لو اثرية ولا غيرا!

والكتابات الاجنبية .. مش كده ؟

واضح جدا انو مشكلة بشاشا هي مع كتاب التاريخ حق المدرسة.
يا ريت يقول لينا حق سنة كم تحديدا عشان نجيبو نحرقو هنا نريحو منو.


والله يا بشاشا سواتك دي سواة زول كان معذباهو المقالات ساي.

حمور، لما نقول تاريخ السودان ما اتكتب، بنشير للمقرر الدراسي لاطفال اي امة كاساس عريض، موجه او بوصلة، للخط العام والتوجه المتداول في تناول هذا التاريخ.

كل "سوداني" والمفردة هنا مجاز، فتح جا في سودان اليوم او فهم تاريخ بلدو بي صورة محددة معينة استقاها، من الروضة، ثم سنة اولي اولية او لحدي العالي.

ده المقصود بالتاريخ المكتوب او ما انكتب، كمعيار!

المقدم الان لاطفال المدارس كمقرر تاريخ، صاغو موظف في قلم مخابرات الجيش الصاغ السودان الحالي، وهذا عار عديل كده، يخجل! ف

انت مافاهم "جر" من "حاو اوش" او جاي تسمع بضع سطور قريتم!

Quote: حمور و ضيوفه سلام مؤسف جدا ما يدور في هذا البوست و أكثر ما يؤلمني فيه موقف أستاذي الصادق إسماعيل موقف شاحب و دون الطموح خصوصاً و أنه على غير العادة يبدو و كأنه يتشفى من بشاشا، بطريقة لم أتمنى أن أراه فيها يا صادق كن كما عودتني دوماً في هذا البوست الكثير من الخمج ما يصلح أن يكون مادة حافلة للنقد و لإعادة قرائتها برغم كل ما يدور فيه، و لكني اثق أن بإمكانك أن تضع الكثير من الأمور في نصابها

الماجد سامي صلاح

ما يدور في هذا البوست هو وضع للأمور في نصابها، ومداخلاتي مقصودة لتوضيح منهج بشاشا والذي يضر بطبيعة الحوار هنا، ولست من الذين يتشفون من الناس فقط أساعد على وضع الأمور في نصابها.

أنا من الذين يعتقدون أن حمور زيادة من القارئين الجيدين للتاريخ، وهو يحاول أن يقدم معارفه بصورة مفيدة للقراء هنا، وبشاشا يأتي ويمارس التهريج، نعم اكرر التهريج وإلقاء الكلام على عواهنه، ولذلك كتبت مداخلاتي هنا وهي مقصودة، وأعتقد أن حمور ممسك جيد بزمام الأمور.
نعم يمكنني أن افند كلام بشاشا بموضوعية ولكن شرط الموضوعية منتفٍ تماماً عند النقاش مع بشاشا، والآن بشاشا موضوع في كورنر ستفضحه تماماً وسيتضح للكثيرين هنا هشاشة الأفكار (إن صحّ التعبير) التى يطرحها بشاشا.

بعد يوم أي يومين من الآن سينسحب بشاشا من هذا النقاش ومن البوست بعد أن يكتب بوسته الشهيرة (بشاشا كسح يا جلابة فتنفسوا الصعداء)

مايدور من خمج في هذا البوست هو مقصود تماماً من كمال بشاشا، وأنظر للمداد الاسفيري الذي أهدره هنا دون ان يكلف نفسه للتدليل على أي شئ من هرائه الذي طرحه هنا. قل لي بربك يا سامي، كيف يمكن أن نكتب غير ما كتبنا سيكون هذا البوست توضيحاً لأفكار بشاشا وطريقته التى تساهم في تغبيش الوعي عن حقيقة صراع الهامش والمهمشين، وتحويله من صراع جدلي لصراع (ديكة) ويمنع الكثير من الجادين في هذا المكان من ترقية الطرح ورفع الوعي الذي نراهن عليه.

ودمت

حمور

سلام

مالك يا اخوي بقيت تزرزرني شديد كدة ياخ?

يا حمور انا عندي اعتقاد لا اتزحزح منه ابدا انه: لا يوجد اثنين متساوين في الدنيا دي. وما اظني قلت انت وبشاشا متساويين!

انا و بشاشا اتطالعنا زمان, وبعد الدواس عرفت انه زول ما هين, ويا حمور الناس بقولو "الدهب ليه لمعة" وانا من غير مماراة شايف لمعة في بشاشا!
المشكلة انه كيف نقنع بشاشا يطلع من دور البهلوان وعييييك وعوووووك ويبقى جادي في طرح نفسه عشان الناس تاخده بجدية!
يا حمور كل المثقفين الغيروا المعرفة في العالم, هم اساسا ناس ما كان عاجبهم الحال, او, بدقة اكثر طرحوا اسئلة ووضعوا واقع المعرفة المعاصر لهم في موضع المتهم, وطرحوا نظريات جديدة اضافت للمعرفة والعلوم.
واظن بشاشا عنده الاسئلة, لكن تنقصه الجدية, واتوقع له مستقبل ممتاز لو لبس اللبوس المناسب لطرحه!

انا يا حمور معرفتي بتاريخ السودان لا تتعدى الكتاب المدرسي لغاية سنة تانية ثانوي وكتاب بروفيسور القدال عن تاريخ السودان-طبعا هنا في امريكا درست تاريخ العالم و تاريخ امريكاواوروبا, وتاريخ المراة في امريكا, وتاريخ الفكر الغربي وفلسفته- عشان كدة شايف انه البوست دا ممكن يقدم لي شخصيا كتير من المعلومات لتطوير معرفتي بتاريخ السودان عشان كدة سالت عن المراجع والروابط.
طبعا انت طرحت وثايق لكن من اين اتيت بها-يعني الكتب ولا صفحات الانترنت لو اخذتها من الانترنت- بتكون زاد للباحثين عن الاستزادة فهدفي في التداخل هو تحفيزكم, لكن برضو لاني عايز اعرف اكتر.

عموما انت ارهبتني في المرتين وتاني لو عايز اتداخل في بوستاتك لازم اراجع السكرتاريا عشان ما اتعدى عليك ههههههههه
ياخ انا مش كفتا انا بقيت لحمة بالصلصة ذاتو ياه!!!

صباح الخير يا من ابتلاهم الله بقراءة ما يكتبه بشاشا .. بذنوبكم ابتلاكم الله.

يا بدر الدين انا اسف ان كان كلامي امبارح كان فيو حدة.
لكن صدقني بشاشا ما عندو غير اللبوس الهو لابسو ده. ده الطقم الوحيد الذي يمتلكه.
شوف كيف بعد كل هذا الزمن ظهر ان بشاشا لا يعرف عن التاريخ السوداني الا تهاويم ما عن كتب المدرسة.
زول يبني كواريكو في التاريخ على كتاب المدرسة الزمان و يطلع على الناس شاهرا سيفه. ده زول تتوقع منو حاجة ؟
عموما خليك قريب انا حاوريك اكتر جهل بشاشا بالتاريخ.






ــــــــــــ
الوثائق التي اتيت بها يا بدر بعضها من مخطوطات رسائل الامام المهدي و الخليفة المحفوظة في دار الوثائق.
امتلك نسخاً مصورة عنها و لأني لا املك اسكنر هنا اقوم بتصويرها فتوغرافيا لانزالها.
ووثيقة النجومي عن محررات عبد الرحمن النجومي المطبوع بتحقيق ابوسليم. وهو نشر لوثائق مخاطبات الخليفة و عبد الرحمن النجومي في تحركه الى توشكي.
انا لمعرفتي ان بشاشا لو جبت ليو نقلا عن اي وسيط سيرفضه لذلك رأيت ان اذهب الى الاصول مباشرة.
لهذا مارس بشاشا اللولوه و الاحتكام الى التاريخ المدرسي.

Quote: حمور، لما نقول تاريخ السودان ما اتكتب، بنشير للمقرر الدراسي لاطفال اي امة كاساس عريض، موجه او بوصلة، للخط العام والتوجه المتداول في تناول هذا التاريخ. كل "سوداني" والمفردة هنا مجاز، فتح جا في سودان اليوم او فهم تاريخ بلدو بي صورة محددة معينة استقاها، من الروضة، ثم سنة اولي اولية او لحدي العالي. ده المقصود بالتاريخ المكتوب او ما انكتب، كمعيار! المقدم الان لاطفال المدارس كمقرر تاريخ، صاغو موظف في قلم مخابرات الجيش الصاغ السودان الحالي، وهذا عار عديل كده، يخجل! ف انت مافاهم "جر" من "حاو اوش" او جاي تسمع بضع سطور قريتم

يا بشبش نو انا لو كنت اظن ان الدنيا ستجبرني على الاخد و الرد عليك كان اتعلمت ج و حا اوش عشان انت تقدر تفهمني.
ياخ لما تقول تاريخ السودان ما اتكتب ما ممكن تكون سطحي و بسيط لدرجة انك تحصر عبارة واسعة زي دي في المقرر الدراسي للاطفال.
وما ممكن تجي تملاني فقر عشان انت ما عارف عن تاريخ السودان غير المقرر الدراسي للاطفال.
نتكلم عن المهدية و انت تقول لي في الروضة بيقرو الناس شنو ؟
هس ضب افكارك ما لقى حيطة غير دي يطلع فيها ؟

طيب يا العشا بلبن قول لي في الروضة و المدرسة قروا الناس شنو غلط عن المهدية.
بدل تملا البوست طراش ساي و عايزني اصدقك تقول براك القريت مدارس .. وريني الغلط شنو في التاريخ المدرسي ؟

Quote: دان فوديو هو البشر بقرب ظهور اوزريس اصلا، او عشان كده كانت للهجرة من غرب افريقيا للسودان الحالي بانتظار ظهور اوزريس او المهدي.

الغريبة بشاشا ده عندو جي ميل لكن برضو امي.
انت يا بشاشا قريت كلام دان فوديو وله ساي لفحي ؟
عثمان دان فوديو عندو رسالة اسمها "الخبر الهادي الى امور الامام المهدي ".
رسالة صغيرونيه كده مخطوطة في 13 صفحة. شفتها ؟
في الرسالة دي دان فوديو بيقول انو المهدي من نسل فاطمة الزهراء.و مرجعو في الكلام ده ابن عربي صاحب الفصوص. و انو المهدي معمر لأنو اتولد سنة 255ه يعني عمرو 968 سنة ساعة دان فوديو كتب و حيعيش لحدي ما يلاقي عيسى بن مريم. و مرجع كلامو الاخير ده الامام الشعراني صاحب طبقات الصوفية.
وقال انو المهدي سيخرج بالمدينة المنورة. و عشان ما تجي تقول لي لا لا لا قصدو مدينة منورة حقت الكوشيين فاحب اقول ليك انو استدل على كلامو ده بحديث نبوى عن ام سلمة ام المؤمنين. اها الرسول عليه الصلاة و السلام - ان صح الحديث - كان قاصد مدينة الكوشيين دي برضو ؟

فيا عزيزي الجاهل العصامي مهدي دان فوديو عربي من نسل فاطمة و علي و عمرو قريب الألف سنة و بيظهر في المدينة عند العرب.
اوزوريس شنو و مرنبتاح شنو.
اقعد في الواطة دي خلي الهضربة.

اوهادي كسحة، يا جلابة، تنفسو الصعداء!

ليه كده يا بشاشا ؟
ياخ انا كنت عايز اتفرغ ليك الربع ده.
احبطتني.
طيب تعال و بناقشك في كتاب التاريخ حق المدرسة. الوثائق خليتن.

شرد يا خسارة حالنا أنشغلنا وما جهزنا العده

ما مشكلة الجايات اكتر من الرايحات وضنب الفار عمره ما ينعدل

Quote: يا دكتور انا ما قدرت اربط بين الكلام ده و بين انو خطة معركة كرري الحربية كانت خطة عبقرية. وين التضاد بين الكلامين ؟ يعني لو وافقتك - جدلا - في كلامك ده هل يستلزم منو انو خطة كرري لم تكن عبقرية ؟

يااستاذ حمور ياخى انا متاسف بعد ما كتبت الرد لقيت انه البوست مخصص بكامله للاخ بشاشا وان كان هنالك ما يربط بين الخليفه وبشاشا فهو العبقريه المدعاة اما عن عبقرية خطة كررى فدونك الحوار الطويل الذى دار فى مجلس الحرب بين ابراهيم الخليل وخليفة المهدى حين طلب الخليل مهاجمة الاعداء ليلا مستدلا بنجاح تجربة شيكان واجه الخليفه هذا الراى بان سيد الوجود ومعه الامام المهدى قد اشارا عليه بالهجوم نهارا وكلنا يعرف نتيجة هذه المعركه وما من سبيل للمغالطه الا اذا اردنا قراءة الاحداث على طريقة(ما لان فرسان لنا بل فر جمع الطاغيه)والتى ظل معناها فى قلب الشاعر ...خصوصا ان عماد الجيشين كان من السودانيين وان طغيان الخليفه ليس محل خلاف ودمتم..واخليك لبشبش شايفك طالع ليهو...

Quote: فدونك الحوار الطويل الذى دار فى مجلس الحرب بين ابراهيم الخليل وخليفة المهدى حين طلب الخليل مهاجمة الاعداء ليلا مستدلا بنجاح تجربة شيكان واجه الخليفه هذا الراى بان سيد الوجود ومعه الامام المهدى قد اشارا عليه بالهجوم نهارا وكلنا يعرف نتيجة هذه المعركه وما من سبيل للمغالطه

* أحمر: اللواء أبوقرون عبدالله أبوقرون
ضابط معاصر قدم قبل سنوات تحليلا عسكريا لمعركة كررى
بالتلفزيون السودانى وأنحاز لخطة الخليفةفى كررى فى الهجوم بعد الفجر
وليس نهارا كما فى المداخلة أعلاه " الفرق بين بعد الفجر والنهار واضح"
أبوقرون ذكر أن لكل جيش فى الأرض عقيدة قتالية وعقيدة جيش الأنصار القتالية
قائمة على الهجوم عقب صلاة الفجر فى كل الأحوال معللا أن العقيدة القتالية
لكل جيش هى أساس روحه المعنوية وحافزه للنصر...
* أخضر: نجاح الهجوم فى شيكان نهارا
لايعنى تغيير عقيدة الانصار بل لايصح مقارنة
شيكان بكررى لان القتال فى شيكان أندلع فجاءة
وكان المهاجم فكى من نيالا يقود رجالا فى الطريق
لمبايعة المهدى بالأبيض لكنه ضل الطريق فوجد نفسه
أمام قوات هكس وهم بالزريبة فهاجمهم لقتالهم
ثم لحق بهم الأنصار بقيادة الخليفة والمهدى
فى القتال .....
* المصدر : حول شيكان عصمت حسن زلفو ...
** تنبيه:
شئنا أم لم نشاء الخليفة عبدالله جزء هام
من الدولة المهدية ولايجوز محاسبته كفرد
بل يحاسب كنظام كامل يدخل فيه المهدى نفسه
الذى وثق فيه وسلم مقاليد الامور ....

Quote: دان فوديو هو البشر بقرب ظهور اوزريس اصلا، او عشان كده كانت للهجرة من غرب افريقيا للسودان الحالي بانتظار ظهور اوزريس او المهدي

و بشاشه طبعاً كالعادة يهرجل في الكلام ساي.
لا خلاف و لا جدال ان دان فوديو بشر بقرب ظهور المهدي .. لكن أي مهدي ؟
خلونا نقرا كلام عثمان دان فوديو بنفسو في كتاب تاني من كتبو :

".. اعلموا ايضا يا اخوان أن خروج المهدي أمر مقطوع به، و أن كونه شريفاً أمر مقطوع به، وأن كونه من ذرية فاطمة بنت النبي صلى الله عليه و سلم هو الصحيح الذي عليه الجمهور "
تحذير الاخوان من ادعاء المهدية الموعودة في اخر الزمان ( ص 2 )

" .. كيف أدعي المهدية و قد ولدت في بلاد السودان في مكان يسمى مرت ؟ و لقد عرف في الأحاديث النبوية أن المهدي يولد بالمدينة "
تحذير الاخوان من ادعاء المهدية الموعودة في اخر الزمان ( ص 5 )


أي يا بشاشا .. أي شديد.
عثمان دان فوديو شخصيا بيقول ليك كيف اكون مهدي و انا مولود في السودان .. شفت المستلب ده.

ده المهدي/ اوزوريس الذي يتحدث عنه دان فوديو.
وليس مهديك القاطعو من صنقورك ده.

قال دان فوديو قال.
شن عرفك بدان فوديو انت يا الهليفيت ؟

Quote: * أخضر: نجاح الهجوم فى شيكان نهارا

Quote: ** تنبيه: شئنا أم لم نشاء الخليفة عبدالله جزء هام من الدولة المهدية ولايجوز محاسبته كفرد بل يحاسب كنظام كامل يدخل فيه المهدى نفسه الذى وثق فيه وسلم مقاليد الامور ....

الاخ احمد اظنك قصدت الهجوم ليلا فى شيكان وليس نهارا...

اما بخصوص محاسبة المهديه كنظام واحد فهذا عدا عن كونه ظلم للثائر محمد احمد المهدى فهو تجاوز لنزوات شخصيه مارسها الخليفه على السكان انذاك تمثلت فى الطغيان والدمويه والرعونه التى صبغت قراراته منذ وصوله للحكم وحتى استشهاده فى ام دبيكرات ..

وعما ما سقته من تحليل قدمه الجنرال ابوقرون فهو محاوله غير موفقه منه لصبغ العبقريه على قيادة تلفعت بالتيوقراطيه والاستبداد ...وادعوك مرة اخرى للاطلاع على تفاصيل مجلس الخليفه عشية المعركه..

اخيرا اية عقيدة عسكريه هذى التى تقود بها جيشك لمعركة تدفع البلاد ثمنها والى يومنا هذا ودمتم...

معليش تانى ياحمور لكن شايف بشبش راح منك انشاء ربنا يجمع..

Quote: الاخ احمد اظنك قصدت الهجوم ليلا فى شيكان وليس نهارا... اما بخصوص محاسبة المهديه كنظام واحد فهذا عدا عن كونه ظلم للثائر محمد احمد المهدى فهو تجاوز لنزوات شخصيه مارسها الخليفه على السكان انذاك تمثلت فى الطغيان والدمويه والرعونه التى صبغت قراراته منذ وصوله للحكم وحتى استشهاده فى ام دبيكرات .. وعما ما سقته من تحليل قدمه الجنرال ابوقرون فهو محاوله غير موفقه منه لصبغ العبقريه على قيادة تلفعت بالتيوقراطيه والاستبداد ...وادعوك مرة اخرى للاطلاع على تفاصيل مجلس الخليفه عشية المعركه..

1- أعترف لم أكن دقيقا للغاية الهجوم النهارى
فى شيكان كان بواسطة الفكى القادم من نيالا
لمبايعة المهدى
وضل الطريق حتى تفاجأ بجيش كتشنر وأشتبك معهموقد قتل
هذا الفكى ورجاله بواسطة قوات هكس ...
هجوم الأنصار بقيادة التعايشى والمهدى فى شيكان
تم عقب صلاة الفجر وجنود هكس نيام داخل الزريبة
وهو ذات مبدأ العقيدة القتالية....
2- اللواء ابوقرون عسكرى متخصص وقاد منطقة بحر الغزال
العسكرية ويحمل أركان حرب لذا يظل تحليله علميا/ إستراتيجيا/
لمعركة عسكرية بمثابة وصفة الطبيب للعلاج خصوصا نحن جميعا لسنا عسكريين
مختصين ....مع ملاحظة بعد رتبة النقيب فى الجيش السودانى لأجل التأهل
لرتبة الرائد يقوم الضابط بتحليل معركةبريطانية " مصدرى إبن عمى نقيب حاليا"...
3- المهدى لم يكن ينظر للخليفة وغيره من الأنصار
نظرتنا الحاليه لتقسيم الانصار لاولاد بحر وغر ابه
وغير ذلك الخليفة جزء عضوى هام ومفصلى فى هيكل المهدية
ولايجوز مطلقا محاسبته كفرد علما انه عقب هزيمة كررى
تحلل من البيعة فبايعة الانصار مجددا على القتال
فساروا معه إلى ام دبيكرات ...
4- مجلس الخليفة الحربى عشية كررى
دارت به عدة أراء فى كيفية الهجوم
وتوصل المجتمعون اخيرا لرأى الهجوم عقب الصلاة
حسب عقيدة الأنصار القتالية...
5- ابوقرون كخبيرعسكرى مهنى حلل كذلك
العقيدة القتالية لقوات كتشنر بل تحدث حتى عن
عتادهم الشخصى ومؤونتهم مقارنة بمؤونة المقاتل
الأنصارى التى لاتتعدى وقتها حسب قوله حفنة من الغلال
او التمر موضحا ان الغاية من القتال بين الجيشين
كانت مختلفة معتبرا حتى إستشهاد المقاتل الأنصارى
كان بمثابة نصرا على المستوى العقدى ...
* تنبيه:
أنا مش أنصارى ولا كذلك حزب امة
لكن قراءة التأريخ تتطلب الحياد .

تمنيت حوارا بلا زعل
ولكن يبدو أن كل الحروب (بما في ذلك الحرب الفكرية) ما بتبقي بلا غبينة

المهم

ملاحظة في موضوع كرري (وأعذروني إذا في واحد قال الكلام دا قبلي)
المعركة حسمها السلاح المتطور لجيش الفتح الثنائ
وبالتحديد إستخدام مدافع المكسيم المحرمة دوليا في ذلك الوقت
وهذا مسألة طبيعية في كل تاريخ البشرية
صاحب السلاح المتطور دائما ما يكسب

وهذا ليس قدحا أو مدحا في مسألة الخطط العسكرية وخيارات الخليفه عبد الله الحربية

والموضوع المهم بالنسبة لي
وأتمني أن يدلو حمور بدلوه فيه
هو موضوع خروج المهدي وشعب السودان علي الخديوي
وهل المهدي وشعب السودان عندهم حق
ولا غلطانين
والإجابة علي هذا السؤال بتنفعنا كثير في مسألة خروج الشعب السوداني علي الحاكم الفاجر الفاسد البشير
وأعوانه من المفسدين الضالين

بكون دا درس من التاريخ مفيد جدا في المستقبل

Quote: المعركة حسمها السلاح المتطور لجيش الفتح الثنائ وبالتحديد إستخدام مدافع المكسيم المحرمة دوليا في ذلك الوقت وهذا مسألة طبيعية في كل تاريخ البشرية صاحب السلاح المتطور دائما ما يكسب

كلام سليم يانصار يؤكده عبارات أستخدمها
تشرشل كمراسل حربى مستقل فى حرب النهر
حين اعترف بشجاعة الأنصار والخليفة تحديدا
لكنه أعترف بقوة سلاح المكسيم الحديث وقتها فى حسم
المعركة لصالح الغزاة تحديدا بقوله:
" لم نهزمهم ابدا بل أبدناهم"
وقوله :
" لم يتقهقروا أبدا وكان تقدمهم دائما نحو الأمام"
كذلك إعتراف شاعر الإمبراطورية رديارد كيبلنق
فى قصيدته عن البجة ودقنة تحديدا الذى كان
خارج سلطة كل رايات المهدية فى كررى
وكان لوحده يقاتل خلف الخور الذى دوخ فيه الإنجليز
وكسر مربعهم الشهير عقب إبادة جل الراية الزرقاء وبدء
تحرك الانجليز صوب البقعة ...
السلاح الحديث هو من حسم امر كررى
وليس خطل خطة الخليفة وسوء عقيدته الحربية

جيت يا المبروك ؟

Re: سيطرة (انتهازية قطاع الشمال) الجديد و(جزاء سنمار) ل...رمي الحركه الشعبيه)!
طيب تعال بجاي.
عاوزين نواصل حول رأي ابوسليم و يوسف فضل عن تاريخ المهدية المزعلك منهم و يخليك تصفم بالطيور.

يقول كمال بشاشا مهرجلاً :

Quote: كل ما هناك، فيما اتصل بكل تاريخ السودان، من قبل المختصين افتراضا، كالطيرة يوسف فضل ولاغيرو، من شراح ارسطو زي ما تقول، هو اجترار في شكل ترجمة او غيرو لي امباز منشورات المخابرات البريطانية، ليس الا!

Quote: ولهذا بالنسبة لي تناول الطيور امثال ابي سليم او يوسف فضل لهذه الوثائق فلا معني له قياسا بي مرجعيتم الفكرية، باعتبارم، مجرد عساكر جدد في ذات لواء مكدونالد المكون من مسترقي السودان بواسطة الخلافة الاسلامية بتاعة المكاشفي، طه الكباشي هذا، بتاع نميري!

تقرأ هذه الهرجلة لبشاشا فتضن ان يوسف فضل ساجد في محراب "منشورات المخابرات البريطانية" يمجد كتابها و كتبها عن المهدية.
طيب .. لنقرأ لدكتور يوسف فضل هذا السطر التقييمي :

" .. رجنالد ونجت، وردودلف إسلاطن (سلاطين كما يسميه السودانيون) و إبراهيم فوزي ، الذين غلبت على مؤلفاتهم الدعاية الاستعمارية المتحيزة وأعمتهم النظرة المغرضة"
يوسف فضل : حواش على متون ص 72

اضحك مع بشاشا.
هل يستطيع كمال بشاشا ان يورد و لو سطر ليوسف فضل يؤكد به ما ادعاه ؟
انما هي الهرجلة.
ثم بعض الزملاء - عفا الله عنهم - يطالبون بنقاش هادئ.
كيف يناقش الكذاب الذي يكتب ما يعن له دون تمحيص او مراجعة او ضمير ؟

فماذا عن ابوسليم يا بشاشا ؟

بشاشا يمارس الهرجلة ضد ابوسليم و يشتم كل ابحاثه و انجازاته في تأريخ المهدية.
فما هو موقف ابوسليم المشين من المهدية الذي يأخذه عليه بشاشا ؟
انا ازعم انه غير موجود اصلا وان بشاشا مجرد كذاب يدعي على الناس بالبهتان ليداري عار جهله.
بشاشا لا يعرف لابوسليم كتابة او رأي.
هي فقط شتائم.
هات يا بشاشا رأي سيء لابوسليم عن المهدية ان استطعت.

هل قرأ بشاشا لابوسليم في كتاب التاريخ بتاع المدرسة ؟

هل نعشم و نطمع ان يتكرم و يتفضل كمال بشاشا باثبات أي واحدة من اكاذيبه و تهريجاته التاريخية في هذا البوست ؟

حصل يا حمور هسع يعلم الله قبضته بالثابته يزازي ويحشر في مداخلاته

وهاك الدليل






بشاشا تعال عليك الله حا اخد ليك وعد من حمور ما يعصر شديد وانا ما حا اتشمشر والله بالجد وحياة حمود ولدي ما حا اجي اتشتمشر وحا اسكت ساي بس انت تعال

احتمال و الله اعلم يا عبد العزيز يكون عندو سبب قوي.
ربما لم يستطع العثور على كتاب التاريخ بتاع سنة رابعة عشان يثبت انو تاريخ المهدية مكتوب غلط.
عليه اعرض عليه العودة الى البوست حتى لو لم يكن الكتاب معه.
ليرجع لنناقش موقف ابوسليم و يوسف فضل من كتاب قلم المخابرات البريطانية الذي يغضبه.
اظن ده ما في كتاب التاريخ حق المدرسة.

حمور لكن بصراحة أنت زاتك بتبالغ وما بتراعي الشعور .. حرام عليك يا أخي دا بشبش بالراحة شوية شوية ..... سويتها ظاهرة واستهدافك باين زي بتاع اسرائيل

انت يا حمور ما بتعرف الدردقة ..... دردقة وقنطروا وخليه يشوت نفسه براهو بعد مدة طويلة بعد ما نكون استمتعنا هسع لا انت استفتدت حاجة ولانحنا استمتعنا بقينا زي الخرمانين



يا حمور يا غالي البوست دا انا خاتيه في المفضلة بتاعتي وما اظن بشاشا يجي تسمح لي انزل فيه اغاني كدا

يا عبد العزيز هنا الشوت بالدوغري.
وليس مطلوبا من الزميل الكريم كمال بشاشا الا ان يورد للقارئ العزيز حججه التي يستند عليها في هرجلته التاريخية.
وطالما لم يتفضل على القارئ العزيز بالاثبات فانه يسمح لي ان اصفه بالكذب و الهرجلة.
مؤسف ان يكون بشاشا يكتب عن التاريخ كل هذا الزمن و خريج كلية الاداب جامعة الخرطوم و بلغ من العمر ارزله و لا يعرف عن التاريخ الا معلومات مبهمة مغلوطة و لا يتعلم من الاستاذة امثال يوسف فضل و ابو سليم مفضلا الهرجلة و الكواريك في التعامل مع التاريخ و تقسيم المؤرخين بالالوان الرجل الابيض و الرجل الاسود و الرجل المنقط دقاقة.

زميل المنبر كمال بشاشا جاهل عصامي .. جمع جهلاً طائلاً بمجهود شخصي بلا وراثة او محسوبية.
ولو جهد ان يعلّم نفسه كما جهد أن يجهّلها لكان له شأن اخر. لكنه فضل ان يتميز بجهالته و قد وفقه الله في ما يطلب.
لذلك تجد - عزيزي القارئ - ان بشاشا يمارس الاحادية الفكرية لأنها مريحة جدا لعقله و معرفته . فبشاشا لا يمكن ان يفهم الافكار المركبة ..
هي مربكة له جدا.
كيف يمكن ان تؤمن ان مصر دولة احتلال ثم لا ترفض رفضا مطلقا كل ما يصدر عنها ؟ كيف يستقيم ان تقول ان نعوم شقير ليس محايدا لكنه منحاز ضد المهدية الى حد كبير ثم تتخذه مرجعاً.
بالنسبة لشخص كسول ذهنياً كالزميل المحترم كمال بشاشا هذا امر مربك و غير مفهوم. فهو يريد الاشياء ان تكون أكثر سلاسة و سهولة ليستوعبها جهله. فتصبح الامور : مصر احتلنتا اذن كل ما يصدر منها تجاهنا سيء و مشكوك فيه ولابد من رفضه بحسم. شقير منحاز اذن هو مرفوض تماما و لا يمكن الركون اليه.
بشاشا لضخامة مخزونة الجاهل يظن ان الامور يجب ان تكون واضحة بسيطة ليقدر ان يفهمها.
لذلك تراه يسارع بالاتهامات هنا و هناك لكل ما يخالف جهله المفرط.
فابوسليم طيرة لانه يعتمد على هل و هولت و شقير و سلاطين رغم انهم بيض اشرار من دولة الاحتلال. كيف يكون هذا ؟ بشاشا لبساطته لا يفهم و لا يريد ان يفهم.

اللهم ارزقنا صبراً حسناً يكافئ ما رزقت به عبدك بشاشا من جهل عريض.








ـــــــــــــــــ
عزيزي القارئ قول جاهل و بسيط و غيرها ليس شتيمة بل هو توصيف .. جرياً على سنة كمال بشاشا حين يقول :

Quote: عرفتا الان كيف وصف اهبل لي سلوكك توصيف لي حقيقة او ما شتيمة؟ بشاشا لايشتم قط، لانو لايحتاج اصلا يتم محل العقل قصر باستخدام اليدين

Re: سيطرة (انتهازية قطاع الشمال) الجديد و(جزاء سنمار) ل...رمي الحركه الشعبيه)!

Quote: Quote: كل ما هناك، فيما اتصل بكل تاريخ السودان، من قبل المختصين افتراضا، كالطيرة يوسف فضل ولاغيرو، من شراح ارسطو زي ما تقول، هو اجترار في شكل ترجمة او غيرو لي امباز منشورات المخابرات البريطانية، ليس الا! Quote: ولهذا بالنسبة لي تناول الطيور امثال ابي سليم او يوسف فضل لهذه الوثائق فلا معني له قياسا بي مرجعيتم الفكرية، باعتبارم، مجرد عساكر جدد في ذات لواء مكدونالد المكون من مسترقي السودان بواسطة الخلافة الاسلامية بتاعة المكاشفي، طه الكباشي هذا، بتاع نميري! تقرأ هذه الهرجلة لبشاشا فتضن ان يوسف فضل ساجد في محراب "منشورات المخابرات البريطانية" يمجد كتابها و كتبها عن المهدية. طيب .. لنقرأ لدكتور يوسف فضل هذا السطر التقييمي : " .. رجنالد ونجت، وردودلف إسلاطن (سلاطين كما يسميه السودانيون) و إبراهيم فوزي ، الذين غلبت على مؤلفاتهم الدعاية الاستعمارية المتحيزة وأعمتهم النظرة المغرضة" يوسف فضل : حواش على متون ص 72 اضحك مع بشاشا. هل يستطيع كمال بشاشا ان يورد و لو سطر ليوسف فضل يؤكد به ما ادعاه ؟ انما هي الهرجلة.

نأمل من السيد بشاشا أن يدعم ادعاءه !!!!!

سلامات يا حمور ... ونحن معك ... لايجوز ولا يصح أن ينشر البعض الجهل والإدعاءات المضرة بدون مساءلة وفضح لجهلهم ...
تشكر يا حبيب

Quote: نأمل من السيد بشاشا أن يدعم ادعاءه !!!!!

بشاشا يلقى الكلام على عواهنه، ويعتمد على الإرهاب اللفظي والتهريج لتمرير وجهات نظره، لذلك هرب من هذا البوست وأدعى أنه لديه مشاغل يومية، ولكنه أول ما وجد بوست يمارس فيه هرجلته رجع ونسي أن قال أنه سيكسح (مع إحتفاظنا له بالحق في أن يرد على ما يشاء ويترك ما يشاء).

شكرا أمير و الصادق للمتابعة .
واتمنى معكما أن يعود بشاشا الى البوست ليدلل ولو على سطر واحد من الجهل المطبق الذي كتبه بدل هذا الفرار المهين الذي مارسه.
فرغم اني لا اعتبر البورد الا ساحة حوار و تبادل افكار الا ان بشاشا كتب اكثر من مرة ان البورد عنده هو ساحة "دواس فكري".
فتركه للبوست و الاختباء خلف الاستاذة تراجي قبيح جدا و لا يمكن ان يفهم الا انه هروب و تولي ساعة الزحف حسب مفهومه الغريب للبورد و للحوار الفكري.
و واضح ان بشاشا كما يظن النقاش يعني "الدواس" كان يظن ايضا ان الدواس يعني ان تطلق اي كلام و السلام و انت تتظاهر انك واثق منه.
هذا مواصلة للجهل العريض الذي يرتع فيه الزميل كمال.
فالنقاش ليس دواسا و لا حرابة. بل هو طرح وجهات نظر و افادة للطرفين.
و ليس من النقاش و لا الحوار و لا الدواس و لا الامانة و لا مسئولية الكلمة ان يطلق الشخص احكاما جزافية دون ادلة تساندها.
وليس من مسئولية الكلمة الكذب و الابتسار و التحريف و لا الكلام بغير علم.

اتمنى صدقا ان يعود الزميل بشاشا الى البوست - بعد أن يهدأ روعه قليلاً - و يحاول أن يثبت أي سطر من الكذب و الجهالة الفاضحة التي كتبها هنا.

البقاء لله ..
الزميل الجاهل النحرير بشاشا بعد ان فر من هذا البوست لا يلوي على شيء و ادعى ان كوتة الوكت كملت عاد متخفيا الى بوستات الزميلة تراجي مصطفى يهاجم د. ندى على.
ولأن الشقي يعتر ليو "لسانو" .. أينما كان مكان هذا اللسان فقد عتر بشاشا في لسانه كالعادة. فالجهل لا يولد الا العثرات.
هديه ل(لجنة الرؤيه) ب(قطاع الشمال) مقال للدكتور الباقر العفيف!
في هذا البوست اثبت بشاشا انه لا يعرف العلمانية و انه لا يعرف القراءة و لا يعرف الفلسفة و لا يعرف ابن رشد و انه كذاب و اثبت انه عنصري متعفن جدا حيث ان نظرته للمهمش انه شخص غائب الوعي يحتاج الى الجلابي لينير بصيرته.
وقد أجلب عليه الزملاء عبد المنعم الحاج و أحمد الامين و الصادق اسماعيل و سامي صلاح فلم يبقوا له باقية. و لا اظن ما تبقى من جيفته يصلح للسؤال.
فالدوام لله في زميلنا الجاهل النحرير بشاشا و قد شنق نفسه بلسانه.
عليه اعلن ايقاف هذا البوست الى حين طالما ان بشاشا هرب من هنا و فضل الانتحار في مكان اخر.
تقبل الله منا و منكم صالح الاعمال و تغمد بشاشا برحمة تستر عورة جهلة .. انه على كل شيء قدير.

شتت بنمرة اربعة

الغريبة شال معاه كروت من الكوشتينة

تجري يا معلم

ما قلت نوبة افريقين

حمور يا صديق

بشاشا مشكلتو داير يخرب موتو بالرفسي، شايف كيف.

أنا إتوقعت إنو يكسح طوالي بعد البوست دا، ويديها صنة لحدى الناس ما تنسى كالعادة، لكن المرة دي قرر الإنتحار، لأنو مشروعو كقائد للهامش وعندو رؤية تحطم بعيد تشكيل لجنة الرؤية (والتى غاب عنها ذكر أي مساهمة للمفكر بشاشا) وهذا ما جعله يستعجل الإنتحار.

وإن كنت أري أن به بقية فرفرة ستحسم قريباً جداً.

وحات الله يا وليد جرا جرية العدو .. ياخ يجري مني انا براي الما شايل غير شوية كتب تاريخ ووثائق قديمة يمشي يخش في نص ناس عبد المنعم و الصادق و خالد كودي يلبعوهو ظاهرا لباطنا في موضوع الهامش ؟
ياخ المهدية قول طلع ما بيعرفا .. ما كانت مشكلة كبيرة كان بس يكبر اللفة من مواضيع التاريخ .. لكن مشى لشقاوتو طلعوهو بالثابتة جلابي و عنصري و جاهل و كضاب كمان .
بالذمة ده كلام ؟





يا الصادق اسماعيل ..
اشهد الله انكم ناس كعبين .. تشيلو دلوكتي تقدوها كده ؟ ياخ انا ادق شنو تاني ؟
و الله لمن قعد فوق جعباتو كده و اتوهط و ملا خشمو قال مدرسة المركزية السودانية انا اتفقعت بالضحك.
قربت اجي متلب اقول ليو لو سمحت حدثنا عن المدرسة دي و عن رؤيتا و مرتكزاتا .
ياخ بيشيل يكب ليو في كلام هو زاتو ما فاهمو. العجب طبعا لمن طلع ابن رشد ما فيلسوف. كااااااااااااااك. ياخ راجل ابن نكتة ولا يمكن تطلع منو ساي.
عارف .. بيذكرني بحججو كضيباتو البيقطعا من راسو بنكتة الحلفاوي و الجعلي. لما الجعلي قال للحلفاوي نحن الرسول حقنا لأننا عباسيين. الحلفاوي ملا سدرو هوا و قال ليو نهن الله زاتو من إندينا.
ياها سواة بشاشا. تقول ليو ابن رشد يقول ليك ابن رشد ده حبرتجي. تقول ليو د.جون يقول ليك هو منزل ؟ نغالطو. تقول ليو العلم يقول ليك كاتبو الرجل الابيض.
ما بنقدر ياخ. ممتع.
تعرف لو جبت ليو كلام حقو هو زاتو قلت ليو بشاشا قال حيقول ليك بشاشا ده جلابي وهم ساي.

غايتو ابدعتو.
انا بس ماسكني منو حاجتين. انو في حماية تراجي. و اني ما داير افتح ليو باب كلو كلو يزوغ من قصة المهدية. بشاشا ده ان لاقاني في بكا و قال لي الفاتحة بطلع ليو البوست ده اقول ليو تعال نتمو الفاتحة ملحوقة.

هو كان مجنون انا لايوق.
يا بشاشا ما بيحلك مني الا شهادة وفاة .. الله يديك طولة العمر قول امين.

Quote: انا بس ماسكني منو حاجتين. انو في حماية تراجي. و اني ما داير افتح ليو باب كلو كلو يزوغ من قصة المهدية. بشاشا ده ان لاقاني في بكا و قال لي الفاتحة بطلع ليو البوست ده اقول ليو تعال نتمو الفاتحة ملحوقة.

و أنا المعتمد عليك و قايلك صاحبي

يا سامي ياخ هو انت براك القلت ليو بنادي ليك حمور وله ذكرتو البوست ده ؟
كم زول عمل ليو الحركة دي لكن هو عمل فيها ما بيعرف عضو في المنبر اسمو حمور زيادة اصلا.
والله لكن يا بشاشا طلعت خاين خلاص. ياخ تاكلو دقنا و تنسو حقنا ؟ معقولة يا زميل ؟

طبعا يا سامي اللطيف انو في بوستو بتاع هوي يا ناس انا ماشي نكر حطب انو فاري من مذبحة البوست ده. النجيض عمل ساين اوت و جا راجع تاني قايل يعني خلاص كده ما حنعرفو.

حمور

والله نحن ما كعبين ويشهد الله أنا دا تحديداً مديت ليهو حبال الصبر كتير جداً، لكن هو براهو حاول يمرر هراءه دا على ناس محترمين بيعملوا في صمت.

طبعاً بشاشا بيقرأ لي كلمة كلمتين ويجى طائر المنبر هنا عشان يقشر بيهم، وطبعاً المشكلة إنو بيفتكر الناس ما بتقرأ، والكتب الهو بيقولها دي والله مش قريناها بس، يا خي عملنا بيها ورش عمل عديل كدة.

طبعاً هو كان بصدد يفتح ليهو بوست عن الأصل الأفريقي للفلسفة اليونانية، وحاتك جيبنا ليهو الكتاب وقلنا ليهو الكتاب موجود اونلاين، أها فك البيرق لي هذا ما جاب سيرتو.

الغريبة الكتاب دا تحديدأ أخوك قرأهو بدري جداً، المهم أنا كنت مشرك لي بشاشا بالكتاب دا تحديداً وبخصوص المنهج العلمي بتاع (المركزية الأوربية) الإستعملوا المؤلف. وبعدين كنت داير أختو في نقاش فكري عشان ما يجي يملانا بترهاتو، وأنتظرت ليك شهر واحد الفات دا كلو وبشاشا فتح ليك للموضوع.

المهم دا رابط البوست:

قريبا...في ذكري الشهيد محمود: الاصل السوداني (الكوشي)، للفلسفة الاغريقية.


المهم يا زول كدى خلينا نلحقو بهناك ما يكون هبب ليهو حاجة تانية.

تعرف يا الصادق ..
المضحك انو بشاشا واقف معاي في نفس الضفة من كتابات د.محمد جلال هاشم .. و سامي ده يعلم تماما انو انا عندي راي مخالف لاغلب اطروحات د. محمد جلال .. لكن انا بفطس بالضحك لما القى بشاشا ما فاهم هاشم بيقول في شنو .. و بيرد على كلام هاشم بجهالات تجعل كلام محمد جلال قوي و موضوعي جدا اذا قيس بحجة من يرد عليو.
اخونا بشاشا لأنو جاهل نحرير فهو عندو قراية براو لاي شي و عندو علم لدني عن اي حاجة.

لو استمر الحال ببشاشا كده فلازم تتدخل الامم المتحدة لحمايتو.
خالد كودي يضرب فيو .. سامي صلاح يضرب فيو .. عبد المنعم الحاج يضرب فيو .. الصادق اسماعيل ضرب فيو .. احمد الأمين يضرب فيو .. بشاشا زاتو يضرب في روحو معاهم ..
كده ما صاح.

يا بشاشا فر من هناك و ارجع لاحضان هذا البوست فهو أكرم لك و الله. من هنا ممكن تطلع جاهل ساي .. لكن من هناك ما اظنك تطلع زاتو.

حمور فيما يخص حورس وامون
لم اجد هذا في كتب دراسية .. هذه معلومات قصد تغيبها عمدا .. ومن اراد ذلك هم المصريون واليهود متحدين ويستخدمون امثال بشاشا في هذا الامر استلابا

استلاب جدجد موش زي البقول عنو بشاشا
والامر في المهدية والنوبة مرتبط بصورة وثيقة .. الا وهو تشويه التاريخ .. حتى محاولة الدعوه الى الافريقانية الابتعاد عن العربية الخيار الودي المستند الى قناعات فقط في امر الهوية السودانية .. عكس كل الخيارات الاخرى من امر الهوية التي فرضت قسرا وبحروبات مثل امون الذي يروج له بشاشا ...كذلك امر نسبة جهود النوبيون في الخضارة ..الى بعض القبائل النيلية من قبل هذا البشاشا .. هو امر مقصود .. قد يفعله بشاشا بعلم او بدون وعي وبصورة اتوماتيكة تلقينية وانا ارشح الثانية

فالامر له علاقة مباشرة بالدولة العبرية .. فنحن والاحباش والبجة فقط من كان لنا تاريخ منتظم وموثق وحضاري في شكل ممالك لها دوواوين وخلافه قبلهم ..
لان تاريخهم بدا مع ظهور الممالك الفرعونية وليس قبلها
ونحن قبل الفراعنه بوقت كثير لا يسبقنا في ذلك الا البجة والاحباش

إنا لله و إنا إليه راجعون .. عرفنا جهل التاريخ كمان جابت ليها غيبوبة و انفصام عن الواقع ذاتو ؟

Quote: الذي عرفت انك ذهبت من قبل الي دنقلا العجوز موطن زوجتك، زعيمة حقوق الانسان في السودان، فماذا فعلت هي او فعلت انتا تجاه ضحايا العبودية في دنقلا العجوز؟ ولا الانكأ كلام زي ده ما طرش اضانك، جايي تبشع بي بشاشا واسرة بشاشا، بي سبب ما شهد به بشاشا واعلنه هنا علي الملا؟ لماذا الصمت علي العبودية في دنقلا العجوز يا ندي علي موطنك الاصلي؟

Re: هديه ل(لجنة الرؤيه) ب(قطاع الشمال) مقال للدكتور الباقر العفيف!

Quote: ماذا كان موقف دكتورة ندي علي من العبودية في موطنا دنقلا الممارسة اليوم؟ ممكن تنشر نموذج لي تناول الدكتورة لهذا الواقع في بلدتا؟ خالد كودي الفنان العالمي، ماذا كان موقفك من استعباد امثالك في دنقلا الي اليوم؟

Re: هديه ل(لجنة الرؤيه) ب(قطاع الشمال) مقال للدكتور الباقر العفيف!

حكمة الله دنقلا العجوز دي عقبة صقيعة خالية ما فيها بني ادم عايش فيها او ساكن فيها.
الزول الوحيد البيبيت احيانا في دنقلا هو "بابكر ابن الخليفة محمد زيادة ميرغني سوار الدهب ". عامل ليو اوضة بيختلي فيها من الناس قادما من مسكنه في قرية القدار المجاورة.
حتى الرجل الأبيض الوغد حسب تصنيفات بشاشا اللونية استيبان البولندي عالم الاثار الذي يعمل في دنقلا العجوز من اخر الخمسينات لا يبيت في دنقلا العجوز ولا يقيم فيها.

ويأم دنقلا العجوز في العيد جماعات من السواراب و مؤمني المتصوفة ليصلو العيد بها.
غير كده مما تمرق من قرية بكبول لامن تصل القدار لا تجد بشرا ساكنا في طول تلك المسافة و التي تشمل منطقة دنقلا العجوز الاثرية. سواء كان حرا او عبدا او له ضنب مثل بشاشا.


يا خالد كودي دي شهادة زول من اهل المنطقة .. فلا يسوقنك بشاشا للحديث عن عبيد في دنقلا العجوز.
يحتاج بشاشا ان يثبت اولا أن هناك بشر أصلا في دنقلا العجوز. ثم نشوف ان كانوا احرار ام عبيد.

بالله يا بشاشا لو دنقلا العجوز رجعت مسكونة كلمني عشان الحق قصر جدي فيها لأنو هيئة الاثار واضعا يدها عليو. نمشي نستلمو.



سؤال خاص جدا لبشاشا :
بتعرف "جقوب" يا كمال ؟

Quote: بعد تتبع طويل لكتابات الزميل الجاهل النحرير بشاشا وجدت ان خلاصة ما يقوله : في السودان افارقة مستلبين يظنون انفسهم عربا ( هم من يسمون الجلابة ) و افارقة مستلبين للافارقة المستلبين الذين يظنون انفسهم عربا ( هم من يسمون جراقيس الجلابة ). و الافريقي المستلب للعرب يصبح جلابي بالميلاد (!!) .. بينما الافريقي المستلب للمستلبين يصبح جرقاساً بالبرمجة. والافارقة المستلبين للعرب يمارسون الرق على الافارقة المستلبين للافارقة المستلبين للعرب. لكن لا يمكن ان نتهم الافارقة بممارسة الرق بل هم العرب من يفعل ذلك. ويمكن للافريقي المستلب للعرب ان يدعي انه عربي ( كالامام المهدي ) ليخدع الافارقة المستلبين للافارقة المستلبين للعرب كي يحررهم من العرب الذين هم الاتراك. والافارقة المستلبين للعرب يدينون بالاسلام العربي الذي هو في الاصل الاسلام الافريقي الكوشي. ويلتقي العرب والافارقة المستلبين للعرب و الافارقة المستلبين للافارقة المستلبين للعرب في الجد الاكبر الذي هو آدم الكوشي. فالافارقة ( جلابة و جراقيس ) و العرب كلهم كوشيين. و الاديان كلها كوشية. لكن رغم ذلك فان العرب ليسو كوشيين بل هم غزاة استلبوا افارقة جعلوهم جلابة يتجرقس لهم افارقة اخرين. ويجب على الافريقي المستلب للافريقيين المستلبين للعرب ان يدين الرق الذي يمارسه الجلابة ( خالد كودي مثالا) .. لكن ادانته للرق لا تعني شيئاً لأنه جرقاس مستلب. و المستلب الجرقاس لا يعرف انه جرقاس و لا يمكنه ذلك؛ لذلك يحتاج لمستلب جلابي ينبهه. وافريقيا ارض السود و لا عرب فيها. لذلك لا يوجد عرب في السودان. لكن المصريين عرب.

Re: هديه ل(لجنة الرؤيه) ب(قطاع الشمال) مقال للدكتور الباقر العفيف!

الجلابي الكامل حمور،

والله مافاهم عاوز تقول شنو؟

سؤالي محدد هل درستا تاريخ دراسة منهجية، عشان نعرف احنا بنتفاهم مع ياتو نوع من المهتمين بدراسة التاريخ؟

ثانيا امشي ارشيفك او جيب اول بوست عن المهدية خضعت فيه لي جلسة صعق كهربي من بشاشا.

نعم بوستك بتاع التعايشي.

Quote: والله مافاهم عاوز تقول شنو؟

تحياتي يا كمال ..
دي اجمل كلمة اقراها ليك من يوم شفت ليك كتابة هنا يا كمال.
لما ما تفهم الزول عايز يقول شنو من المفروض و ما عيب انك تستوضحو بدل تخش تشوت من راسك ساي.
ودي كانت اكبر مشاكلي معاك.


طيب يا سيدي ..
اوقع ليك انا عاوز اقول شنو ..

انا بدعي يا كمال انك لا تعرف تاريخ المهدية .. و ده ما عيب .. العيب انك بتحاول تجّير المهدية لصالح خطابك الانت مقتنع بيو و تزور التاريخ لتدعم ما تقوله .. و ده العيب الكبير .. من حقك ان تجهل تاريخ المهدية .. و من حقك ان يكون لك افكار و اراء خاصة حول الوضع الاجتماعي و السياسي في السودان اليوم .. لكن ما من حقك قط انك تزور التاريخ و تكذب لصالح افكارك.
انا ادعي ان تاريخ و خطاب الثورة المهدية يعارض تماما ما تتكلم انت به اليوم. بينما انت تدعي انها الثورة الام التي يستند اليها فكرك.
في هذا البوست انا طرحت نقاط تاريخية من وثائق لكشف جزء من هذا التعارض.
بينما هربت انت لتكذب على ابوسليم و يوسف فضل.
و تتبعتك في كذبك هذا فهربت يا كمال.
ودي المشكلة التانية معاك.
انت لا تتورع ان تكذب على الناس. و حين ينكشف كذبك تفر. من حقك يا كمال انك يكون عندك رأي في حاجة و لا تقدر ان تثبته. لا تهرب. قول انا لا اقدر ان اثبت لاسباب هي كذا و كذا. لكن ما تفك كلام لما يطلع غلط تزوغ.
اذكرك مثل ؟ انت ادعيت انو انا مناصر لحكومة الانقاذ. في بوست قريب ماهو بعيد. و زغت عادي.
جيت تاني قلت انك لا تستبعد اني اكون مخابرات مصرية. سألتك من اي اثبات ولو كان ظني زغت.
هنا جيت اتهمت ابو سليم و يوسف فضل اتهامات لم تهتم باثباتا. انا جبت ليك ما يعارض اتهاماتك انت زغت.
و الامثلة اكثر من ان تحصى.

دحين يا اخوي ..
لو داير نتناقش عن الثورة المهدية حتة حتة عشان انا اثبت ليك انها مخالفة لما تقوله انت من خطاب شخصي ما عندي مانع و ده غرض البوست.
ولو داير نناقش اتهاماتك لابوسليم و يوسف فضل ما عندي مانع.
ولو داير تقلب البوست انك تجيب لي بوستات بتدعي اني كتبت فيها كلام عن الثورة المهدية يعارض اي رأي لي عنها ما عندي مانع.
مكتبتي موجودة و باقي بوستاتي تلقاها في قسم " بوستات لمكتبتي" في بوست فيو بوستات الدورتين الفاتو.

بس ارجو انك ما تزوغ.
اختار يا بشاشا.
عايز شنو ؟

Quote: ما احاول مناقشته هنا مع بشاشا هو فكرة التعصب في عرض التاريخ و استخراج قراءات متعسفه له تتوافق مع الهوس الشخصي. لهذا ستلاحظين اني اعرض هنا وثائق تخالف ما يصرخ به بشاشا. هل هذه هي كل الدولة المهدية ؟ بالتاكيد لا. ولو ادعيت ذلك لكنت كذابا. لكن المهدية ليست هي فقط ما يصرخ به بشاشا. بل ليست هي اصلا ما يتكلم عنه بشاشا. بشاشا يخلق تاريخا خاصا به للثورة المهدية و يحاول به جلد الاخرين.

من مداخلة لي بالصفحة الاولى من هذا البوست ردا على دينا خالد.

حمور

كيفك

بشاشا بيكذب زي ما بيتنفس، وحياتو كلها يا ها سودانيز اولاينن وهو بيفتكر سودانيز اولاين دي الأساس، تصدق الزول دا ما بيشارك معانا هنا في أمريكا في أي فعالية أو مظاهرة بتدعم قضايا الهامش، ولمن سالناهو ليه قال هو قاعد يظاهر في سودانيز اونلاين، يعنى لو بكرى سحب الباسويرد هو حيقيف دفاعو عن أهل الهامش.

شرحو بشاشا كإله فهو لا يخطئ أبداً إذا قال عليك كوز فأنت كوز، وإذا قال إنت مخابرات مصرية فأنت مخابرات مصرية، وإذا قال يوسف فضل كتب عن المهدية فيوسف فضل بيكون كتب عنالمهدية لكن نحن البنكون ما قرينا.

على العموم هو حيهرب بعد أقل من أسبوع فما تخاف.

Quote: انا بدعي يا كمال انك لا تعرف تاريخ المهدية ..

حمور،

لسة ما جاوبتا علي سؤالي:

هل انت درست تاريخ، ولا فقط هاوي قراية كتب تاريخ؟

كلامك اعلاه نموذج لي زول ما درس تاريخ او بعد ده بنظر في السهلة ام فكو بلا ادني ضابط خبط عشواء ساكت!

التفاهم مع نوعك ده بكون صعب لغياب حد اني من اللغة المشتركة!

صعب تتكلم بالاوردي مع زول بفهم ايطالي بس!

ياعزيزي،

ان تقول فلان لايعرف تاريخ الفترة الفلانية كلام عشوائي او ما منهجي، بلاش علمي!

انت فاهم معرفة تاريخ اي حقبة معيارو "كم" المعلومات او ده ما دقيق.

الاساس هو المنهج المحدد لدراسة الحقبة المحددة وليس كم معلومات مرصوصة ساكت او مخزنة في فلاش حاسوب دماغ حمور.

انا درست تاريخ دراسة نظامية بلاش دراب اكاديمية في السودان طبقا لي مدرسة المركزية الاوربية والعربية السائدة في السودان ثم بعد هجرتي لامريكا اواخر الثمانينات تتلمذت علي ايدي اهلي من افارقة امريكا علي مبادئ المدرسة السودانية الحقة اي مدرسة المركزية الافريقية.

عندك فكرة عن المدارس دي في الاول قبل ما تورجغ ساكد، تصدر في احكامك المعممة باتباع منصق صوري، علي نسق نصوصي تسميعي بلا فهم، شغل بلع بلا حتي هضم؟

كمثال لي كلامي حاتناول كيف المهدية هي بالحق ثورة السودان الجديد الام. stay tuned

لاسباب فنية ضاع جزء من المداخلة سوف أعيد كتابتها فى موضع اخر من البوست

للمتابعين هذه مداخلة فى ذات البوست لبشاشا قبل إنسحابه:

إقتباس: قلت لي هولت هو مرجع حسن ابراهيم؟

هل ممكن مقرر ولي عهد بريطانيا، حول تاريخ بريطانيا، يكون مرجعو واحد اجنبي، Negro من السودان؟

حسن ابراهيم ده درسني تاريخ في اداب الخرطوم، فبالعربي، كلامو مجرد طبعة جديدة للمقرر الوضع اساسو شغير!
وهذه مداخلة فى إتجاه معاكس لبشاشا بعد عودته للبوست :


إقتباس :الجلابي الكامل حمور،

والله مافاهم عاوز تقول شنو؟

سؤالي محدد هل درستا تاريخ دراسة منهجية، عشان نعرف احنا بنتفاهم مع ياتو نوع من المهتمين بدراسة التاريخ؟
لاحظوا فى المداخلة الأولى يسخر من هولت المؤرخ الشهير والمحاضر بجامعة لندن وصاحب اكثر من مؤلف فى التأريخ بعضها
عن السودان وتدرس كتبه كمصادر اساسية فى جامعات العالم ..
كذلك يسخر من البروف حسن احمد إبراهيم تلميذ هولت والمؤرخ السودانى المشهور وأخر عميد لكلية اداب الخرطوم قبل الإنقلاب والحاصل على الدكتوراة من جامعة لندن حول معاهدة 1936 بين مصر وبريطانيا حول السودان مع ملاحظة ان حسن أحمد إبراهيم وهولت يتعاملان مع التأريخ كعلم عبر المنهج الاكاديمى الصارم والمحكم ..رغم ذلك يسفهما بشاشا....
فى المداخلة الاخيرة يسأل الاخ حمور إن كان دارس للتأريخ دراسة منهجية؟؟؟؟؟
يعنى بشاشا حين يذكر له حسن احمد وهولت وهما دراسان للتأريخ ومدرسان له لايعجبه ذلك
وحين يحاوره حمور يساله إن كان دارس للتأريخ منهجيا ؟؟؟على نسق هولت وحسن وهو رافض لهما ؟؟؟؟!!!
مع ملاحظة ان بشاشا قبل إنسحابه سب اكبر مؤرخ سودانى فى القرن
العشرين بعد مكى شبيكة هو البروف يوسف فضل حسن
حامل الدكتوراة من جامعة لندن والذى وصفت صحيفة القارديان رسالته تلك
انها تضاهى إنجاز المؤرخ العالمى أرنولد توينبى عبر منهجها ودقتها
...
حين يتم الإستشهاد بدارسى ومدرسين للتاريخ منهجيا كهولت
وحسن ويوسف فضل ينزعج بشاشا
وحين يتداخل الاخ حمور باسئلة مشروعة من حق اى فرد طرحها حول التاريخ
يسأله بشاشا إن كان دارس للتاريخ منهجيا مع العلم ان المنبر مفتوح للحوار
فى الفن/ السياسة /الرياضة وكل ضروب المعرفة دون ان يكون العضو دارسا منهجيا
للضرب المعنى فى الحوار

اجابة على سؤالك يا كمال :
لا .. أنا لم أدرس التاريخ دراسة أكاديمية.
واظن ان هذه ميزة لي بدليل كلامك انت عن دراستك الاكاديمية للتاريخ :

Quote: انا درست تاريخ دراسة نظامية بلاش دراب اكاديمية في السودان طبقا لي مدرسة المركزية الاوربية والعربية السائدة في السودان

فانا - و الحمد لله - لم اخضع للتدريس الأكاديمي وفق مدرسة المركزية الاوروبية و العربية.

ولكن ..
نحن يا كمال لم نصل في خلافنا الى مرحلة "منهج قراءة التاريخ " عشان تجري للمدرسة التي تنظر بها انت للتاريخ.
نحن مختلفين اصلاً في وقائع ما حدث .. و ما حدث تثبيته يسبق منهج القراءة.
عشان كده قلت ليك انت لا تعرف تاريخ المهدية. ما قلت ليك انت تتعامل معه بشكل خاطئ. لأنو قراءة الوقائع يخضع للمنهج.
انت بقى ايها الزميل جاهل بما حدث .. فمنهجك سواء اتفقنا عليه او اختلفنا لن يزيدك الا خبالاً.
فهنا يا زميلي العزيز انا اريد ان اناقش معك "ما حدث " .. و ليس " كيف نقرأ ما حدث ".
وقع ليك ؟
عشان كده من بداية البوست بديت أسرد ليك وقائع من الوثائق. ما جبت ليك منهج كلي للنظر الى تاريخ المهدية.
وأصلا ما حينفع نقاش بينا عن منهج القراءة و انت جاهل ما حدث و كمان و انت بتوزع احكام اعتباطية ساي. لأنو مثلا يوسف فضل الانت شتمتو ساكت ده و لا علاقة له بالبوست انت ما قدرت تجيب ليو سطر واحد تعيبو عليو في منهجو.
فخلينا نناقش ما حدث في المهدية.
من لحظة ما خرج محمد احمد الى الناس يقول انا عربي و عندي دعوة دينية اتبعوني فيها او انتم كفار.
وكل حتة تاريخية نتفق عليها لك ان توضح منهج قراءتك ليها ولا اعتراض لي على مدرستك التي تتبعها في تحليل و قراءة الاحداث.
ونمشي خطوة خطوة في الكلام ده.

معليش يا كمال ..
شكلي انا "الحأهرب " المرة دي.
فوجئت الان بان هناك مذبحة حدثت لعدد من الزملاء تم ايقافهم من البورد. و لم أكن متابعاً لهذا الأمر.
لذلك افضل ان اتوقف عن الكتابة حتى افهم الموضوع بدقة و اتخذ موقفاً عن بينة.
لنا عودة باذن الله الى هذا الأمر.

ياحمور

مافي مزبحة، انا زاتي مروري واقف.

لازم مع كل دخلة اسجل من جديد.

هناك هجمة علي المنبر فيما يبدو.

Quote: انا ادعي ان تاريخ و خطاب الثورة المهدية يعارض تماما ما تتكلم انت به اليوم. بينما انت تدعي انها الثورة الام التي يستند اليها فكرك

ياحمور،

قراتك نصية بلا استيعات، غير انها مبتورة خارجة عن السياق الكلي لتاريخ السودان منذ الازل، اوقبل كده انت تنطلق من تراش المركزية الاوربية من دون ماتكون عارف زاتو انو ده الحاصل اصلا!

ماتقول لي وقائع ما حصل، لانو ما حصل لابد من قرآتو والاختلاف اصلا هنا!

لهذا مضحك لما تتوهم انو في مرحلة سابقة لي مرحلة القراءة لماحدث بي قولك!

مافي شئ سابق للقراة اصلا، او كل فهم مبني علي قراءة محددة للوقائع المحددة مش العكس كما تتوهم!

يبقي في الاول لازم تكون فكرة عن القرآة المطروحة لذات الوقائع، والا فانت مخموم ساكت بالقراءة السائدة، المنبثقة عن قلم المستعمر الذي صاغ المتداول لديك اليوم كوقائع!

مشكلتك هنا، كدوغمائي ولانقدي بتخيل الهو قام فتح عليهو هو الحاصل او الصاح!

تحياتي يا كمال ..
يا زول المذبحة كانت مدورة و نحن الما كنا جايبين خبر.
بكري أوقف عدد من الزملاء لاعتراضهم على اسلوب الادارة. و حين علمت بالامر فضلت التوقف معهم طوعا. و اظن ان كلمات مرورهم عادت اليهم الان حسبما أظن.
لذلك يمكن ان نواصل.

Quote: ياحمور، قراتك نصية بلا استيعات، غير انها مبتورة خارجة عن السياق الكلي لتاريخ السودان منذ الازل، اوقبل كده انت تنطلق من تراش المركزية الاوربية من دون ماتكون عارف زاتو انو ده الحاصل اصلا! ماتقول لي وقائع ما حصل، لانو ما حصل لابد من قرآتو والاختلاف اصلا هنا! لهذا مضحك لما تتوهم انو في مرحلة سابقة لي مرحلة القراءة لماحدث بي قولك! مافي شئ سابق للقراة اصلا، او كل فهم مبني علي قراءة محددة للوقائع المحددة مش العكس كما تتوهم! يبقي في الاول لازم تكون فكرة عن القرآة المطروحة لذات الوقائع، والا فانت مخموم ساكت بالقراءة السائدة، المنبثقة عن قلم المستعمر الذي صاغ المتداول لديك اليوم كوقائع! مشكلتك هنا، كدوغمائي ولانقدي بتخيل الهو قام فتح عليهو هو الحاصل او الصاح!

الغريب يا كمال اني قريت ليك قبل دقايق السطور دي :

Quote: سلام يامنعم، لسة مواصل عادتك بتاع نجر الفرية نجر من راسك، او بعد داك تضيع يومك تصارع في نجرك؟ ماهذا؟ وين بشاشا قال المهمش ما بتحرر الابواسطة جلابي تائب؟ وين؟ ياخي بطل ابتذال يا هذا! في منو في الاسماء الانا ذكرتها كنماذج للمتحررين من عصاب الاستلاب الجلابي، تحرر بواسطة جلابي تائب كما تبتذل؟ منو مثلا؟ اديني اسم واحد فقط.

Re: "حوار" هــــــادي، مع الزميل الصادق اسماعيل، وحده لاشريك له!

طيب ياخ ما تراكا فاهم و بتعرف انو النجر من الراس و التلصيق للناس ماهو زين و انو لما تقول كلام عن زول تتبعو بالادلة ما تفكو ساي.
اقلاها منعاً للغلاط.
يعني انت لمن قمت نعلت ابوسليم و يوسف فضل و ما قدرت تجيب اثبات مش شكلك بقى شين لما انا جبت كلام بيعارض الكضب الجيت انت كتبتو عنهم ؟
هسه عاين كمية الادعاء و النجر عني الفي كلامك ده ..

Quote: اوقبل كده انت تنطلق من تراش المركزية الاوربية من دون ماتكون عارف زاتو انو ده الحاصل اصلا!

Quote: مشكلتك هنا، كدوغمائي ولانقدي بتخيل الهو قام فتح عليهو هو الحاصل او الصاح

هل عندك مثال واحد يا كمال يثبت اني منطلق من مدرسة المركزية الاوروبية في قراءة التاريخ ؟ خليك من عارف وله ما عارف. انت العارف ده عني هل تقدر تثبتو لي و انا اتوب منو هنا جهارا نهارا. وله هو كلام ساي ؟
هل تقدر تثبت ابدا اني بتعامل مع التاريخ على اساس انو الفتحت عليو هو الحاصل و هو الصح ؟ هل تعرف يا كمال كمية المراجعات الفكرية و التاريخية التي خضتها أنا مع نفسي و كيف تقلبت بي الافكار و المعتقدات و المدارس ؟ عارف وله بتنجر ساي؟
لو عندك اثبات جيبو لي و حبابك. ما عندك ما تورجغ ساي اخوي و تملانا كضيبات. معقولة تكضب فيني لي ؟ انت ماك نصيح؟

نرجع لانكارك الغريب حق اختلافنا حول ما حدث وله حول القراءة.
يا كمال اختلافنا حول ما حدث.
انت مش قلت عثمان شيخ الدين " المثقفاتي" كان قائد قلب الجيش. وانا قلت ليك كضبا كاضب ؟
ده ما اختلاف في القراءة. ده اختلاف في ما حدث زاتو يا زول.
مش جيت تكضب و توقل دانفوديو بشر باوزوريس ؟ و جبت ليك انا كلام دانفوديو انو المهدي الهو بيبشر بيو عربي و بيتولد في المدينة المنورة و ما ممكن يتولد في السودان ؟ ده خلاف حول كيفية قراءة دانفوديو وله خلاف حول ما قاله أصلا.
انت يا كمال تكضب و تجي تقول ده اختلاف قراءة لاختلاف المدارس ؟
لا لا يا عمك.
لمن تقول لي المهدي كان اسمو جار النبي ما تبرر لي ده بانو انت من مدرسة العزبة الابتدائية بنين و انا بقرا التاريخ بمدرسة الموردة الابتدائية يا سيد.
لما تقول لي المهدي اسمو جار النبي تبقى جاهل او كضاب.
انا مدرستك ماني مخالفك فيها يا زول اقرا التاريخ كما بدا لك و اربط خيطو في اي سبحة دايره. لكن حدي معاك الكضب و الجهل.
انت تقول مافي عربي في السودان ولو في يمسك خشمو عليو ... بينما المهدي نفسو بيقول على روحو عربي و انت تمدح فيو و تمجدو.
ده اختلاف مدارس ؟
تقول يوسف فضل بيمجد الكتابات الاستعمارية عن السودان و نجيب ليك نقد يوسف فضل للكتابات دي. و تقول لي ده اختلاف مدارس ؟
مدارس شنو يا كمال ياخ.
مره تشبكني كتاب التاريخ حق المدرسة مرة تقول لي بقرا التاريخ بالمدرسة السودانية.
القراية بالمدرسة السودانية لا تغير الوقائع.
اركز معاي في ما حدث و في كضبك و جهلك ده.
كان ثبت انو كلامك صاح اقراهو بعد داك باي مدرسة شئت حتى لو مدرسة سان فرانسيس زاتو.

Quote: هل عندك مثال واحد يا كمال يثبت اني منطلق من مدرسة المركزية الاوروبية في قراءة التاريخ ؟

حمور،

للاسف ما عندك ادني المام بي ابجديات مدارس او مناهج تاريخ السودان قديمو او حديثو، ترمرم ساكت، زي غنماية اللبن، من طرف، البتمرقا من الدناقلة بحري او لي حد كوبر، كداري، او بالعكس، بي صورة الية مكنيكية مافيها ذرة تفكير!

ياهذا، المنهج الحالي المتمثل في المقرر المدرسي لي شفع الاولية وحتي الدكتوراة، في مجال تاريخ السودان، عبارة عن قمامة مركزية اوربية عربية، اي مرجعتي "الاحتلال" الثنائي، البسموهو الطيور بتاعنك من امثال يوسف فضل او ابو سليم، "الحكم" الثنائي نقل مسطرة من نعوم شغير، المؤلف الحقيقي للمقرر الحالي، بل الرجل هو المهندس الحقيقي لظاهرة الوعي الجلابي، جرثومة الحرب البيولوجية اللتي ابتدعها الاحتلال، البجسدا الجلابي المدعو حمور هذا!

طبعا قعدتا تضحك سنن او تتريق من كلام بشاشا عن المقرر والمنهج المدرسي، باعتبارو شغل شفع او كلام فاضي، لايحفل به امثال حمور الروائي الكبير او محرر الصفحات الثقافية في جرايد الانقاذ الصفرا!

اذن بالنسبة ليك، داخل السودان مافي شئ بخلاف تراش امثال شغير او جورج رايزنر!

تماما كما هي ثنئيائية علاء او هكس في شيكان!

لهذا مضحك جدا لمان ده يكون المتداول في السودان كتاريخ للغازي العربي الغربي في حقيقتو، او انتا تجي هنا مصر اجيب ليك دليل في شكل اقتباس يثبت انو يوسف فضل مثلا حوار مركزية اوربية!

نفس منطق المجولب الصادق اسماعيل الجبنا ليهو الارشيف بي ضباتو كاقتباس ضخم، او هو برضو يقول ليك لا، انا داير جملة "صغيرة" مثلا في شكل اقتباس!

Quote: هل تعرف يا كمال كمية المراجعات الفكرية و التاريخية التي خضتها أنا مع نفسي و كيف تقلبت بي الافكار و المعتقدات و المدارس ؟ عارف وله بتنجر ساي؟

قرقرقرقرقر!

ياحمور،
اي مراجعات ياهذا والمتداول في السودان مدرسة واحدة محددة مهما تتقلب فانت ما حتطلع خارج قالب مدرسة نعوم شقير او ونجت فيما اتصل بي تاريخ الغزاة العرب في السودان المقدم كتاريخ للسودان العربي او المصري الحالي!

تناول المهدية تم في هذا الاطار!

مالم تستوعب حقيقة هذا الاطار او مرجعية الاحتلال الثنائي كاساس لي كل شئ في السودان العربي المصري الحالي، او بالذات مقرر التاريخ، فما انت الا ميت من حيث الوعي بالذات، بين يدي الغاسل لي دماغك المحشي تراش، اللي هو نعوم شغير!

Quote: مش جيت تكضب و توقل دانفوديو بشر باوزوريس ؟ و جبت ليك انا كلام دانفوديو انو المهدي الهو بيبشر بيو عربي و بيتولد في المدينة المنورة و ما ممكن يتولد في السودان ؟

حول ولا قوة!

انا بتكلم عن فكرة المنقذ المعروف بالمهدي مش اصل الشخص المفروض يكون هذا المهدي كان عربي كان غيرو!

الفكرة كوشية صرفة تعود الي ماقبل عصر الاهرامات في مصر ابنة كوش!

ده المقصود!

كونو السامييين او العرب او الفرس، اقتبسو الفكرة او لبسوها هدوم مرجعية ثقاتم هم، بان اشترطو فيه انو يكون عربي او خلافو ده ما موضوعنا اصلا!

فاوزوريس هو اول مهدي من قبل هاجر ما تتوحم بي اسماعيل بلالاف السنين ياهذا!

شفتا فهمك محدود او نصوصي تسميعي او حرفي كيف؟

انتا ماعندك ادني خلفية عن تاريخ الثقافة السودانية، فيما وراء تاريخ دخول الغزاة العرب بتاع شغير!

up

up!0