Post: #1 Title: ماهو القدو قدو سيد الاسم....!! Author: عبدالكريم الامين احمد Date: 12-21-2010, 07:07 AM
ومنذ ان انطلق ذلك الفيديو العجيب الذي رسم لوحة من لوحات جور الزمان وسطوة السلاطين الطغاة واياديهم المرتفجة انطلقت ايضا وعلي هامش التناول هنا او هناك سيرة القدو قدو كون واحد من الذين ارتبطو بهذا العمل القبيح يكني بقدو قدو فاصبح القدو قدو رمزا لتلك الحادثة والحوادث المشابهة.. ولكن علينا ان نحلق ولو قليلا في القدو قدو الحقيقي سيد الاسم ذلك المشروب والغذاء الرهيب والكامل الدسم في كل مكوناته من دخن ولبن رائب والسكر ورغم انه في زمانات العولمة وتلاقح الاخيلة حدثت به بعض التطورات الاركو قدوقدية واصبح في كراكير بندرية يجاوز بالطحنية مما اضافت اليه القا ومتعة .. هنا حنحاول العبور الي ساحات القدو قدو واهله من بني هوسا والبرنو وقد نتحسس الاختلافات المصنعية في بقاع الفلاتة المختلفة في ارض السودان وايهما اكثر مقدرة علي صناعة قدو قدو تجعلك تاكل صوابعك خلف حبيباته الباقية في اخر المشروب والتي تسمي بلغة الهوسا (بالفرا)
Post: #2 Title: Re: ماهو القدو قدو سيد الاسم....!! Author: معاوية عبيد الصائم Date: 12-21-2010, 07:16 AM Parent: #1
Quote: وايهما اكثر مقدرة علي صناعة قدو قدو تجعلك تاكل صوابعك خلف حبيباته الباقية في اخر المشروب والتي تسمي بلغة الهوسا (بالفرا)
صباح الخير كيكى ما هذا الكلام (المدغمس )
وهل حلال ام حرام بين ذلك المشروب ويجب الاغتسال بعد تناوله
بطل دغمسة ودغميس
مودتى يا صاحب
واصل
Post: #3 Title: Re: ماهو القدو قدو سيد الاسم....!! Author: عبدالكريم الامين احمد Date: 12-21-2010, 07:16 AM Parent: #1
القدو قدو في مجمله هو نموذج لنمط انتاج بشري زراعي ورعوي في تحالف ابن لذينة ما بين (الدخن واللبن الرائب)... الدخن المشكل للقدو قدو يتم التعامل معه في (فنادك) الدق عليها دارما مدهشة.. فالامراءة التي تعالج هذه الجزئية في بعض الاحيان واحيان كثيرة لها المقدرة علي الغناء والهمهمة واستخدام الاصوات التي تخرج من (الفندك) ويده كخلفية ايقاعية ..وقد تسمع اغاني وصهيل موغل في الحنين بلغة الهوسا البرنو تلك اللغات الفصيحة...وان صادفت امراءة لها طفلا رضيع فلك ان تمتع نفسك بالدهشة في الاريحية والراحة التي قد يتمتع بها الرضيع وهو محمولا في الظهر وامه (بتدق في الفندك) في لوحة افريقية حقيقية وهذا الامر يسمي في العامية السودانية (الموقاقة)..
Post: #5 Title: Re: ماهو القدو قدو سيد الاسم....!! Author: عبدالكريم الامين احمد Date: 12-21-2010, 07:22 AM Parent: #3
Quote: وهل حلال ام حرام بين ذلك المشروب ويجب الاغتسال بعد تناوله
بطل دغمسة ودغميس
هلا يا معاوية وان كان ريس البلد للكلام مدغمسا فشيمة مواطني شعبه الفضل الدغميس وحبابك في مدارات القدو قدو والذي طبعا فيه ميزة اساسية لو خمر وخلاص قصتو بايظة طوووالي بتحول الي مشروب منتهي الصلاحية فوجب تجهيز العدة لرحلة قدو قدو تاني من جديد.. قدو قدو متعة وكامل الدسم مش زي قدو قدو الرعديد بتاع الكبجاب الوشو زي الكبك داك
Post: #140 Title: Re: ماهو القدو قدو سيد الاسم....!! Author: ذواليد سليمان مصطفى Date: 04-07-2011, 06:13 PM Parent: #5
القدو قدو مشروب حلال مائة المائة دا اذا ما فيه زيادات مثل التخمير والخميرة نتذكر الايام الجميلة في سوق ام دفسو بنيالا ولن ننسى اياماً مضت مرحاً قضيناه مع القدو قدو والاقاشي
Post: #4 Title: Re: ماهو القدو قدو سيد الاسم....!! Author: الصادق اسماعيل Date: 12-21-2010, 07:18 AM Parent: #1
كيكي
تحياتنا
يا حبذا لو عرجت أيضاً على الاقاشي وأتحفتنا ببعض من (أحاديثه).
Post: #6 Title: Re: ماهو القدو قدو سيد الاسم....!! Author: عبدالكريم الامين احمد Date: 12-21-2010, 07:29 AM Parent: #4
Quote: يا حبذا لو عرجت أيضاً على الاقاشي وأتحفتنا ببعض من (أحاديثه).
هلا يا الصادق وحبابك يا متابعة ومالك ياخي مولع فينا جمر الحي وجايب لينا سيرة الاقاشي معبود الرياح.. ولك ما اردت يا صديقي ولاحقا قد احملك الي مدارات من عوالم الاقاشي والتي اعتقد جازما بان احسن من يصنعها في العالم رجلا في نواحي المجلد يسمي (علي برنجي) اصوله من نواحي راجا وكفيا كنجي.. والما اكل اقاشي (علي برنجي) عليه بمراجعة ذاكرته الاقاشية والغذائية عموما.. وقد ندلف الي رجلا اخر في نواحي مايرنو طار اسمه الان من الذاكرة التي وهنت.. ثم قد نحط في الدباغة حيث الاقاشي الما خمج..
وتحياتي
Post: #7 Title: Re: ماهو القدو قدو سيد الاسم....!! Author: موسي عيسي Date: 12-21-2010, 07:37 AM Parent: #6
اخي ود احمد سرد جميل سال علي اثره اللعاب سخينا و كان الواحد
فينا يتذوق ما قلت من وصف جميل للقدوقدو و ما تنسى هذه الايام
صباحات الرياض الباردة التي سوف تلتهب بقراءة هذه الوصفات
العزيزة علينا و علي كل من تذوقها .
فامتعتنا امتعك الله دنيا وآخرة فسير سير يا ........................عبدالكريم ؟
و نحن منتظرين باقي الخلطة السرية .
Post: #8 Title: Re: ماهو القدو قدو سيد الاسم....!! Author: tmbis Date: 12-21-2010, 07:49 AM Parent: #7
Quote: والتي اعتقد جازما بان احسن من يصنعها في العالم رجلا في نواحي المجلد يسمي (علي برنجي) اصوله من نواحي راجا وكفيا كنجي.. والما اكل اقاشي (علي برنجي) عليه بمراجعة ذاكرته الاقاشية والغذائية عموما.. وقد ندلف الي رجلا اخر في نواحي مايرنو طار اسمه الان من الذاكرة التي وهنت.. ثم قد نحط في الدباغة حيث الاقاشي الما خمج..
يا كيكي بطل حركات اعلام مضلل .. والله عمك المرحوم الياس في الموردة .. دا كان بيعمل اقاشي إلإ يدوك كتلوج معاهو عشان تعرف تاكلو .. خاصة لو كنت حريف شوية كدا وقعدته انتظرته العملية الفنية .. وشلته السيخ من النار مباشرة بعدما يديك الباص وورد .. ويرش ليك السيخة كدا بي شوية (كروه وكراوه) عذاب ياخ ...
... مشروع أم جنقر دا فاشل شوية معاي وما قدر يقنعني .. ما عارف ليه .. غايتو ما استفزتني شديد كدا واللا عشان الواحد ما مهمش ما عارف
Post: #9 Title: Re: ماهو القدو قدو سيد الاسم....!! Author: معاوية عبيد الصائم Date: 12-21-2010, 07:53 AM Parent: #8
Quote: خاصة لو كنت حريف شوية كدا وقعدته انتظرته العملية الفنية .. وشلته السيخ من النار مباشرة بعدما يديك الباص وورد .. و
تمبس ازيك يا قديم كااااااااااااك وبس
Post: #10 Title: Re: ماهو القدو قدو سيد الاسم....!! Author: tmbis Date: 12-21-2010, 08:06 AM Parent: #9
Quote: تمبس ازيك يا قديم كااااااااااااك وبس
والله يا معاوية شعور لا يقاوم .. في ميدان ابوعنجة كنت بقيف في القون الغربي عارف لما الوااطة تبدا تمغرب كدا .. دا حدي مع التمرين .. لانو بتكون جذبتني ليك ريحة الأقاشي (البكري) .. كنت عامل كونترات معاهم .. مرات بيلحقوني أول سيخه بتاع التيست قبال تمغــرب كويس .. لزول مقبلات وكدا ..
والله يا معاوية تلقاك عذبتو عذاب .. لكن طبعا إنتو بجيكم بالليل .. ناس فرشه
Post: #12 Title: Re: ماهو القدو قدو سيد الاسم....!! Author: عبدالعزيز حسين عبدالرحيم Date: 12-21-2010, 08:17 AM Parent: #9
يا سلام يا عبدالكريم بوست ممتع وجميل
بتذكر في بداية التسعينات مشيت سوق ستة في الحاج يوسف الساعة واحدة والدنيا صيف قلاية قعدت ازازي بين الضلله واكركع في المويه وبعد شرابه جاني فتور وخمول في جسمي ولاحظت الجماعة في السوق شغالين عادي في الحر وفي الشمش وناس فارشين بضاعتهم في نص السوق بدون شمشية سالت مرافقي الناس ديل ما مسخنين قال تعال اشرب مكيف استغربت جاب لي جك بتاع قدو قدو اتذكرت جارتنا حاجة عشه الفلاتية زمان كان بتسويه وتدينا نشرب شربت القدو قدو ولقيته ظابط زي حق حاجه عشه بس حلو وفيهو نكهة لي هسع بتذكرها سالت تاني دا مش قدوقدو ماله قال دا القدوقدو بالطحنية وقال لي الناس ديل كلهم ضاربين قدوقدو ومريسه وكان ما كدا مافي زول بقدر يشتغل تصدق بعد ماشربت القدوقدو زي الركبت مكنة حصان ومشيت وما اشتغلت بالحر زاته
وعرفت أنه من فوائد القدو قدو
يمنع الجفاف في الحر ويعوض السوائل يعتبر وجبة غذائية كاملة يمد الجسم بطاقة فورية قوية ويبعث النشاط
غايتو في فوائد عرفتها بعد العرس ولي هسع بنضرب قدوقدو
Post: #13 Title: Re: ماهو القدو قدو سيد الاسم....!! Author: مرتضى احمد عبد القادر Date: 12-21-2010, 08:22 AM Parent: #9
مستمتعين ومركزين واصل يا كيكي ولمن تخلص عرج بينا ميل على الأقاشي
Post: #11 Title: Re: ماهو القدو قدو سيد الاسم....!! Author: النذير حجازي Date: 12-21-2010, 08:09 AM Parent: #8
سلام يا كيكي وضوفه الكرام
تعرف يا كيكي أنا اليومين اللي فاتو ديل كل ما أقرأ كلمة "قدو قدو" بمطق زي عيسى موسى أخوي دا لووول.
ما تنسى يا هندسة القدو قدو طعام المهندسين المدنيين والمساحين والمقاولين وعمال البناء، فالقدو قدو وجبة الغداء الرئيسية لهم والله تضرب كورية بتاعت قدوقدو تقيف لمبة لوووول
وبمناسبة القدو قدو يا كيكي أقترح أن يصنع ويعلب فهي فكرة استثمارية جيدة، وليه لا؟ مادام الشربوت علبوهو وسموهو "شامبيون" وكذلك مديدة الحلبة ومديدة البلح برضو بقت معلبة.
تحياتي
Post: #14 Title: Re: ماهو القدو قدو سيد الاسم....!! Author: عادل نجيلة Date: 12-21-2010, 08:25 AM Parent: #11
يا باشمهندس كيكي .. ياخ إنت زول رائع و سوداني أصيل .. تذكرت القدو قدو وأنت تكتب في قصة تلك الفتاة الليلية التي ترتاد بيوت العزابة فوقعت تلك الليلة في حبائل ذلك الذئب الذي برئ من دم يعقوب ولكن لم يبرأ من دمائها ... كمية أدوار جعلت قصيدة العبادي الشهيرة والتي قالها في زواج محمد عثمان منصور ( تم دوره وإدور) .. كيكي يا جميل .. أحاطة عنقك الزهور.
Post: #15 Title: Re: ماهو القدو قدو سيد الاسم....!! Author: عبدالكريم الامين احمد Date: 12-21-2010, 08:47 AM Parent: #14
هلا بالجميع وسنعود اليكم جميعا ونحتسي معكم فردا فردا مشروب القدو قدو في قرعة حاحرص علي ان تكون من النوع الاصلي وموضبة بايادي ماهرة واما انت يا تمبس فكن في انتظار علي برنجي حتي تشوف الباصوريد الماخمج لووووووول علي برنجي يا تمبس اعدائه ومنافسينه في( بورصة الاقاشي )اطلقو اشاعة بانه قاعد يصنع الاقاشي من لحم الكدايس والفطيس ولكن ورغم كل الاشاعات المغرضة الا ان مبيعاته ارتفعت و(الداو جونز) بتاعو عدادو يوماتي داقي في السماء (فالخلطة السحرية بتاعة اقاشي الياس بتاعك ده لو عملنا فتاشة بنلقاهو مجازفها من علي برنجي)
وقبل ان نعود ونحن الان لا زلنا قابضين علي جمر الدخن الذي (دق) دق يفوق دق العيش... ليذهب هذا الدقيق الدخني المعالج بايادي ماهرة الي مرحلة اخري وهي (الغربلة) الغربلة لزوم التسبيك لاحقا وفصل الدخن الكبار الكبار والاهتمام بالحبيبات الصغيرة والدقاق دقاق.. ثم تاتي مرحلة (العصيدة) ولكن هي ليس كالعصيدة المعروفة بل هي عصيدة يتم غلي هذا الدخن علي خفيف وفي نار هادئة وانتشاله من الماء قبل ان يغلي ويفور..(وكده بقي عندنا دخن معصود (حلوة معصود دي)... عليه ان يرجع مرة اخري الي الفندق لكي يدق علي خفيف قبل مرحلة التعبيك وهي محاولة تجميع هذا الدخن المعصود في شكل (معبك) (معبك) لكي يصنع حزم قدو قدوية لاحقا... وكده الدخن بكون جاهز وعلي اهبة الانطلاق الي المرحلة الاخري والاساسية من صناعة القدو قدو هي مرحلة الالتحام الماكوكي مع الروب ...وهذه المرحلة يسميها الهوسا تحديد (بالكلوبي)....
والكلوبي ده هو خلط الدخن مع الروب وهنا تمكن الصنعة والفرق في الصناعة والمهنية والنساء اللائي يجدن عمل (الكوبي) هن علامة فارقة في هذه الصنعة ومهمات اهمية رهيبة في الصراع ما بين البرنو والهوسا في جودة وكيمياء هذا المشروب الرهيب
وسنعود
Post: #16 Title: Re: ماهو القدو قدو سيد الاسم....!! Author: tmbis Date: 12-21-2010, 08:58 AM Parent: #15
يا كيكي .. يا تفكيكي .. انا بديك فرصة تاخد راحتك في القدوقدو دا .. تخيل مرة رسلو لي واحد صاحبي من السودان كعربون محبة قديمة كدا الدنيا رمضان .. بقيت اتصل عليهو ووراني ليك الوصفة .. عملتو ليك اكتر من مرة كدا لقيتو ليك ما فيهو اي ثمرة ما بشبه لي بتاع عشش فلاته قبال ما يرحلوها .. علما إني ضربتو ليك في عشش فلاته ومعاي نفس الفرده دا .. المهم .. بقى قاعد عندي فترة طويلة جدا .. استعضته عنو بعد فترة بي مديدة الدخن حيث أني من ضمن البارعين جدا في صناعتها بالطريقة الايطالية .. غايتو اخد راحتك في القدو قدو دا .. لكن ابقى مارق في موضوع الاقاشي دا وجيب عدتك معاك .. في بوست آخر لانو بي صراحة كدا حسع دي ريحة الاقاشي جاتني عديل كدا .. وهيجت اشجاني بصورة عجيبة جدا
Post: #17 Title: Re: ماهو القدو قدو سيد الاسم....!! Author: omer osman Date: 12-21-2010, 09:23 AM Parent: #16
ياعمو كيكي ......
القدوقدو ده حاجة يعني زي المليك شيك
سؤال زول من نمرة 2 .....
Post: #19 Title: Re: ماهو القدو قدو سيد الاسم....!! Author: عبدالكريم الامين احمد Date: 12-21-2010, 09:35 AM Parent: #16
Quote: بقيت اتصل عليهو ووراني ليك الوصفة .. عملتو ليك اكتر من مرة كدا لقيتو ليك ما فيهو اي ثمرة
الكلوبي بتاعك بكون تعبان يا تمبس... الحكاية دي ياخي بياخدو فيها دورات في خجانين مايرنو ممكن سنة ونص حتي يا دوبك تعمل قدو قدو ممكن يقول عليهو قدو قدو .. داير انت في صحاري نجد دي تباصروا...اضرب مديدة الدخن دي يافردة اضرب..!! وبالله ما تولع فيني جمر الحي بالله وتجيب سيرة العشش القديمة حيث الراحل بانكا وابو دلامة اقوم اتم ليكم باقي البوست ده رندوك بتاع كلام فلاتة وتاني صناعة القدو القدو دي الا تشوفوها في السينما
------------
Quote: اخي ود احمد سرد جميل سال علي اثره اللعاب سخينا و كان الواحد
فينا يتذوق ما قلت من وصف جميل للقدوقدو و ما تنسى هذه الايام
صباحات الرياض الباردة التي سوف تلتهب بقراءة هذه الوصفات
العزيزة علينا و علي كل من تذوقها
تحياتي يا موسي وحبابك شديد ياخي في سيرة القدو قدو والذي فعلا يولع جمر الحي ويرسل الاشواق الي مداراته ومكانات صنعته الرهيبة والخليج ده فعلا لو اتلقي فيهو قدو قدو تاني عوووجة مافي تببببببب والقدو قدو ليس من السهل علي تذوقه ان ينساه مهما طال الزمن..
-----
Quote: غايتو في فوائد عرفتها بعد العرس ولي هسع بنضرب قدوقدو
هلا يا عزيز ودي كلمة السر في حبيبنا القدو قدو وسر الاسرار الذي لو تم الكشف عنه لتجاري اليه كل العالم بالاضافة الي الفوائد التي ذكرتها انت .. فهذا المشروب سحري سحر شديد خلاص وابن لذينة شديد يااخ لووول
----
Quote: مستمتعين ومركزين واصل يا كيكي ولمن تخلص عرج بينا ميل على الأقاشي
هلا يامورتا وحبابك في القدو قدو وحتما سنسافر صوب الاقاشي... وقد اعطيك لمحة وجلسكة عن ماكول اخري يسمي (الوينا) ويا سسسلام يا وينا ياخي --------
Quote: وبمناسبة القدو قدو يا كيكي أقترح أن يصنع ويعلب فهي فكرة استثمارية جيدة، وليه لا؟ مادام الشربوت علبوهو وسموهو "شامبيون" وكذلك مديدة الحلبة ومديدة البلح برضو بقت معلبة
هلا يا حجازي وفعلا القدو قدو هو غذاء (الهارد ويركرس) والعمل الشاق فهو مغذي ومانح هورس بووور زي ديشيلون حصان ولو هبشنا بنلقي الافارقة ديل عملو مصيبة في تعليب هذا القدو قدو.. وانا زيك وزي موسي ومن ما البشرية دي شبكت الحكاية قدو قدو اخوك خشي في منخوليا في الدماغ ومفكر الاجازة الجاية اخش لي دورة بتاعة (قدو قدو) مخصوص عشان اعمل القدو قدو بتاعي في الدوحة هنا براااااااي ولاعزاء لابوساندرا واخريين
---
Quote: ياخ إنت زول رائع و سوداني أصيل .. تذكرت القدو قدو وأنت تكتب في قصة تلك الفتاة الليلية التي ترتاد بيوت العزابة فوقعت تلك الليلة في حبائل ذلك الذئب الذي برئ من دم يعقوب ولكن لم يبرأ من دمائها ... كمية أدوار جعلت قصيدة العبادي الشهيرة والتي قالها في زواج محمد عثمان منصور ( تم دوره وإدور) .. كيكي يا جميل .. أحاطة عنقك الزهور.
تحية عالية والف سلام يا نجيلة يا صديقي الجميل ونعم انها دوشكاية سار الليل الذي اوقعها حظها العاثر في فتي قاااادر ومعلوف بقدو قدو وكان ماكان
كل الود والتقدير والف تحية يا عادل
Post: #18 Title: Re: ماهو القدو قدو سيد الاسم....!! Author: Ashraf el-Halabi Date: 12-21-2010, 09:31 AM Parent: #15
Quote: يا حبذا لو عرجت أيضاً على الاقاشي وأتحفتنا ببعض من (أحاديثه).
ويا حبذا أحبذ من بتاعت الصادق لو عرجت وتكلت عديل في حارة الكاnyـي مورو
Post: #20 Title: Re: ماهو القدو قدو سيد الاسم....!! Author: بدر الدين احمد موسى Date: 12-21-2010, 09:46 AM Parent: #18
عبدالكريم ازيك
ياخ والله خياناتك كترت بالحليل على ياخ لو القدو قدو دا حلو كدة ليه تخلونا في الخرطوم نشرب موية الحنفية?
احسن منكم سلطان مايرنو! امي-الله يرحمها- كانت بتحكي لينا كيف ان سلطان مايرنو جاء امدرمان واقنع اهلنا انه يمشوا سنار وكان حجته انهم في امدرمان شرابهم بس موية وما عندهم لبن ولا روب!
تصدق يا عبدالكريم انا ضقت القدو قدو مرة واحدة في حياتي وكانت جابتو بت الشيخ -ام ناس زهير, شفت محنتي حتى القدو قدو بتاعنا جابتو لينا واحدة من الكواهلة!
يا اخوي لو جاي بلدنا دي جيب لي معاك قدو قدو!
Post: #22 Title: Re: ماهو القدو قدو سيد الاسم....!! Author: عبدالعزيز حسين عبدالرحيم Date: 12-21-2010, 10:18 AM Parent: #20
يا عبدالكريم
في معطم أفريقي في دبي عجيييب فيه قدو قدو بس مختلف رغم أنو المطعم بوفيه مفتوح وخدمة ذاتية لكن القدو قدو دا بتطلبه طلب وبتجيبه ليك بنية سمحة وتديك ابتسامه حلوه في كورة ظريفة ومعاه غرشة لبن صغيرة كدا ولونه بني وشكلة في مرحلة التعبيك و الماكوكي بتسوية انت براك بي ملعقة وتضرب بعد داك وطعمة غريب وفيه حاجات بتخربش في الخشم زي الكزبرة بي صراحة أنا هرشت اخدت منه حبة وخليت الباقي لكن عرفت أنو دا مخصوص للعرسان ودا ياهو القدو قدو الأصلي بتاعنا دا قدو قدو جلابي ساي ومافيه فايدة وبالمناسبة المطعم دا كل روادة افارقة وأغلبهم أخوانا النيجريين والسنغاليين تصدق لقيت الأكل بتاعنا دا كله هناك والجماعة كلهم واقعين في العصيدة وملاح الخدرة الزي حقنا دا
------------ زمان العتالة الكانو بنزلوا الفول والبذرة والسمسم في مصانع الزيوت في المنطقة الصناعية بجو وكل واحد طابق باقة بتاع قدو قدو وبشتغلو من الصباح للمغرب وما بفطرو ولا بتغدو لمن يكون الشغل كتير والبقطع قدوقدو عندهم نسوان بجو معاهم بي جرادل يبعو ليهم القدوقدو
Post: #21 Title: Re: ماهو القدو قدو سيد الاسم....!! Author: عبدالكريم الامين احمد Date: 12-21-2010, 10:04 AM Parent: #18
Quote: القدوقدو ده حاجة يعني زي المليك شيك
سؤال زول من نمرة 2 .....
هلا يا جنابو وناس نمرة2 ديل اليومين دي جبت ليهم سيرة _(قدو قدو) حيقومو جارين منك.. والقدو قدو يا جنابو حاجة كده اضرب المليك شيك ده في 10 ونص..حكايته بالجد حكاية
----------------
Quote: ويا حبذا أحبذ من بتاعت الصادق لو عرجت وتكلت عديل في حارة الكاnyـي مورو
هلا يا ابو الشوش مالك يافردة عاوز تجيب لينا الهواء مع الشريعة الاعلنوها دي ولو هبشتني في الكانجي مورو ياني الخاشي ليك لفت في العسلية والابيض ضميرك والمشروبات الانفصالية دي وكده حتجيب لينا قدو قدو بتاع الكبجاب زاااتو بباصوردي كروباي كده
-------------
Quote: تصدق يا عبدالكريم انا ضقت القدو قدو مرة واحدة في حياتي وكانت جابتو بت الشيخ -ام ناس زهير, شفت محنتي حتى القدو قدو بتاعنا جابتو لينا واحدة من الكواهلة!
يا سسلام ياخي حياها الغمام خالتي زينب بت شيوخ طلحة.. وايوووه يابدر خيانات تقيلة وقدو قدو اتقل.. وكل اجازات وفترة الجامعة الما لاقيتك فيها ديك كان اكل قدو قدو ساااااااكت فيجخانين مايرنو دي التي لاحقا ساحدثك عن حاجة حتزيد الخيانات كونها المصنفة الاولي علي مستوي كل فلاتة السودان كمنصة لصناعة قدو قدو استاندر واصلي ومجهبز كيميائيا ورغم المنافسة من مناطق اخري سيتم الكشف عنها لاحقا..
Post: #23 Title: Re: ماهو القدو قدو سيد الاسم....!! Author: عبدالكريم الامين احمد Date: 12-21-2010, 10:44 AM Parent: #21
احنا الان دخن تم دقه وغربتله ومن ثم تعصيده وغليه في ماء دافي ومن ثم تعبيكه ووضعه علي جنبة في انتظار مرحلة الكلوبي.. حيث يتم مجاوزته وخلطه مع الروب..ودي العملية الفيها القدو قدو بنفرز كان قدو قدو اصلي وماصل ولا قدو قدو كشا مشا ساااكت (قدو قدو جلابة) ساااكت لووووووووول.. الروب ايضا في صناعته الاستاندر له طقوس والبخسة المخصصة لذلك يجب ان تكون بخسة محترمة ويتم تبخيرها ما بين كل فترةو الاخري حتي تحتفظ بالكفاءة والمقدرات البخسية بتاعتها تلك المقدرات التي لها المقدرة عل صناعة روب مدنكل ويتم هزهزة هذه البخسة هزهزات رختريتة حنونة كده في مشهد درامي حيث يمكنك ايضا ان تحظي بسماع بعض الدندنات الحنونة والاغاني الافريقية الموغلة في الدهشة والحنين وطبعا مع تطور الامر اللبني صار ممارسة هذه المشاهد قليلة الظهور الا في الكراكير البعيدة حيث لا روب معلب وحاجات الفرنجة البوظت لينا طقوس صناعة القدو قدو دي..
Post: #24 Title: Re: ماهو القدو قدو سيد الاسم....!! Author: عبدالكريم الامين احمد Date: 12-21-2010, 11:06 AM Parent: #23
Quote: زمان العتالة الكانو بنزلوا الفول والبذرة والسمسم في مصانع الزيوت في المنطقة الصناعية بجو وكل واحد طابق باقة بتاع قدو قدو وبشتغلو من الصباح للمغرب وما بفطرو ولا بتغدو لمن يكون الشغل كتير والبقطع قدوقدو عندهم نسوان بجو معاهم بي جرادل يبعو ليهم القدوقدو
يا سسلام يا عبد العزيز علي العتالة والقدو قدو(دي ممكن تكون رواية براااحة) وحي روح العتالي الشهير (عمر قمبو ) الغمام وحي ايضا (شايب)وعثمان علي قاجرة والراحل محمد زكريا فديل في السنة كده الواحد بكون شارب ليهو زي تانكر بتاع قدوقدو وفي حلهم وترحالهم وهم حاملين لشوالات المحاصيل في نواحي المجلد مستعدين ينافسو اي فور كلفت حايم في مواني جوهانسبيرج في عتالة معاهم من ابناء قبائل اخري ناس ود كور وناس عبد الله خليل المشهور بلهب ديل بضربو القدو قدو ده زي السلام عليكم وسرعان ما يتحولو الي فوركلفتات متحركة... الحاجة البتسخن في الخشم في قدو قدو المطعم الافريقي الضربت فيهو ده دي بالتاكيد بهرات فالقدو قدو ايضا هنالك مساحة وزمن لاضافة بهارات وخلطها مع الدخن علي خفيف كده حتي تبظبط النكهة ولكن الخبراء ما بوضي الابقليل من الكمون الاسود علي الماشي كده وتحياتي يا عبدالعزيز وانت يا صحبي زول قدو قدو تبببببببببب وقد نمنحك الايزو في هذا البوست
Post: #25 Title: Re: ماهو القدو قدو سيد الاسم....!! Author: عبدالعزيز حسين عبدالرحيم Date: 12-21-2010, 11:54 AM Parent: #24
يازول
Quote: وتحياتي يا عبدالعزيز وانت يا صحبي زول قدو قدو تبببببببببب وقد نمنحك الايزو في هذا البوست
يا زول أنا كنت مستفلت
الله يرحم الحاجة عشة الفلاتية جارتنا أمنا الكبيرة الربتنا فطمتنا بالقدو قدو ولوبه عفن بالسمن والاقاشي مره بي الاف الرجال مرة شفتها ضبحت خروف براها وسلخته
بوست ذكرني أنجماماتنا في الثانوي في عشش فلاتة والاقاشي وخميس أبومريومة يا أخي مالك علينا نحنا حمام الشقوق ضربناه في العشش بعد فتوي من شيخ زكريا وطبعا شيخ زكريا هو صاحب فتوي المريسة حلال
يا عبدالكريم في حاجة كدا طعمها مر شديد زي البطاطس كانو ببيعوها في سوق العشش بقولوا بتعالج امراض كتيرة كنا بناكلها رغم أنها مره أسمها شنو ؟
Post: #26 Title: Re: ماهو القدو قدو سيد الاسم....!! Author: احمد الزبير Date: 12-21-2010, 12:22 PM Parent: #15
القدو قدو بالمويه زيدو حلا وباللبن لااله الا الله
سنين عمرنا الاولى قضيناها بارض التاكا ، وتحديدا في غرب القاش وسط اهلنا الفلاته درسنا معهم القران في خلاويهم ومازلت ازكر شيخنا ابراهيم واكلنا القدوقدو والاقاشي ورطنا معهم ومازالت حتي الان كلمات عالقه بالزاكره واغنيات صديقي احمد عيس (( زو سني ابوشي )) من اول نظره وشكرا للرائع كيكي .
Post: #27 Title: Re: ماهو القدو قدو سيد الاسم....!! Author: محمد أبوالعزائم أبوالريش Date: 12-21-2010, 01:28 PM Parent: #26
هلا كيكي ....
في ذكر القدو قدو ... تغنّى المرحوم إسماعيل عبدالمعين قائلاً:
بس نلاحظ هنا يا كيكي الأغنية تقول (باكلا برايا) .. فهل منه ما يؤكل .... أم أن هذه الـ (يايا) حولته من حالة السيولة (مشروب) إلى شئ يشبه العصيدة. ____ بوست كلو قدو قدو وأقاشي وسلاد؟ ...... شُغُل باربيكيو نضيف
Post: #28 Title: Re: ماهو القدو قدو سيد الاسم....!! Author: حمزه بابكر الكوبي Date: 12-22-2010, 00:37 AM Parent: #27
كيكي لك التحايا عشت لي زي سنتين كده في مطلع التسعينات في سنار المدينه واستمتعت بالقدو قدو وكنا الصباح اول ما نصل مكان الشغل اول حاجه نتريق بها القدو قدو وفعلا كما زكرت ياكيكي غذاء كامل وليس مشروب فحسب .
Post: #29 Title: Re: ماهو القدو قدو سيد الاسم....!! Author: اشرف السر Date: 12-22-2010, 00:53 AM Parent: #6
Quote: ثم قد نحط في الدباغة حيث الاقاشي الما خمج..
ديني انا كدا انا آمنت يا كيكي الما كيكي.. معلم والله على شرط تكون طالع من سينما رودي وفيلم البطلة مادوري تغني وانت جعان لحدي ما تصل (محمد) أشهر صانع اقاشي على مستوى الوطن .. اها واصل حكي عن القدو قدو خصوصا في الليالي الرمضانية وأسراره الجلية.. ثم عرج بي وميل للدباغة
Post: #30 Title: Re: ماهو القدو قدو سيد الاسم....!! Author: عبدالعزيز حسين عبدالرحيم Date: 12-22-2010, 07:03 AM Parent: #29
يا عبدالكريم
Quote: يا عبدالكريم في حاجة كدا طعمها مر شديد زي البطاطس كانو ببيعوها في سوق العشش بقولوا بتعالج امراض كتيرة كنا بناكلها رغم أنها مره أسمها شنو ؟
عرفتها ليك القورو القورو
Post: #31 Title: Re: ماهو القدو قدو سيد الاسم....!! Author: عبدالكريم الامين احمد Date: 12-22-2010, 10:08 AM Parent: #30
Quote: بوست ذكرني أنجماماتنا في الثانوي في عشش فلاتة والاقاشي وخميس أبومريومة يا أخي مالك علينا نحنا حمام الشقوق ضربناه في العشش بعد فتوي من شيخ زكريا وطبعا شيخ زكريا هو صاحب فتوي المريسة حلال
يا عبدالكريم في حاجة كدا طعمها مر شديد زي البطاطس كانو ببيعوها في سوق العشش بقولوا بتعالج امراض كتيرة كنا بناكلها رغم أنها مره أسمها شنو ؟
وحبابك يا عبدالعزيز وسيرة القورو ذلك الممدغوع الي يهب القوة والمنعة ويحافظ علي خلايا الجسم ويقويها وايضا هنالك (الهلوق) وهي جذور تشابه البافرا يتم سلقها وضربها ضرب غرائب الابل الفلاتية... وفي سيرة العشش القديمة والشيك تاتي سيرة متعة العوالم والناس الطاعمة حيث فعلا ياتي خميس ابو مريومة ذلك الساحر الكبير (سركن هوكا) اي سلطان الجنون.. وعندي كتابات قديمة عن الشيك هذا والعشش القديم ضروري ح اقوقلها واجيب تزين هذا المكان..
----------
Quote: كلمات عالقه بالزاكره واغنيات صديقي احمد عيس (( زو سني ابوشي )) من اول نظره
هلا يا ود الزبير وحبابك وحباب التاكا واهلها الرائعين وفعلا البعيش مع الهوسا تتسرب في دواخله سطوة ثقافتهم وطقوسهم القوية الراسخة والتي يصعب ان ينساها الشخص كونها تاتي بفن ومتعة ودهشة..
بس نلاحظ هنا يا كيكي الأغنية تقول (باكلا برايا) .. فهل منه ما يؤكل .... أم أن هذه الـ (يايا) حولته من حالة السيولة (مشروب) إلى شئ يشبه العصيدة.
يا سسسسلام يا ابو الريش ويا سلام تاني علي اسماعيل عبد المعين وهذه الاغنية ياخي ياريت تباصيها لاخوك ذات يوم حتي نسمع حلووووو (او كما يقول الفتيان في مايرنو) والقدو قدو يا ابو الريش اكل وشراب والاثنين معا وهو وجبة كاملة الدسم.. ----------------
Quote: عشت لي زي سنتين كده في مطلع التسعينات في سنار المدينه واستمتعت بالقدو قدو وكنا الصباح اول ما نصل مكان الشغل اول حاجه نتريق بها القدو قدو وفعلا كما زكرت ياكيكي غذاء كامل وليس مشروب فحسب
هلا يا الكوبي وتحياتي وقدو قدو سنار ده بكون بالتاكيد هو القدو قدو الاصلي والبرنجي علي مستوي كل القدو قدوهيات في فلاتة السودان كونه علي مرمي حجر من مايرنو حيث القدو قدو في انصع حاله واحواله وطالما ضربت قدو قدو وفي سنار يا الكوبي فعوجة تببببببب ما بتجيك
--------------
Quote: ديني انا
هلا يا ابو الشوش وديني انا برضو ثاني وثالث من حي الدباغة كلووووووو كده وعوالمه الضاجة بالاشياء الممتعة والحرفنة في صنعتها وديني انا من السمك (الجيفي) فالدباغة متعة بشرية تمشي علي قدمين في شخوصها وفي منتجاتها وفي اهلها المدهشين... وحتما سنضرب الاقاشي في احدي جخانيها وقد نلاعب بائعها الشطرنج ونتنونس معه.. وفليكن من بائعي الاقاشي في الدباغة قديما قبل ما ينسخطو ويمشوا يفرشو بيها في كراكير السوق الصغير وعلي مرمي حجر من روائح تمباك الشهير (بوش) وسنعود
Post: #32 Title: Re: ماهو القدو قدو سيد الاسم....!! Author: فيصل محمد خليل Date: 12-22-2010, 10:28 AM Parent: #31
و ماذا عن القدو قدو يايا
تحياتي
Post: #33 Title: Re: ماهو القدو قدو سيد الاسم....!! Author: عبدالكريم الامين احمد Date: 12-22-2010, 06:53 PM Parent: #32
Post: #37 Title: Re: ماهو القدو قدو سيد الاسم....!! Author: عبدالكريم الامين احمد Date: 12-22-2010, 07:53 PM Parent: #35
Quote: أظن ان إسمها القورو كريم سلام زمان فى تندلتى فى حلاوة بالجنزبيل والفول حارة وخشنة إسمها شنو
هلا يا عفراء وحبابك في سيرة ومدارات القدو قدو.. ونعم انه القورو معبود الرياح والما مدغ قورو في ام شوكة عليه بمراجعة ذاكرته المدغية
والحلاوة القلتي عليها دي اعتقد بانها اسمها (المندوسة) وهي تصنع من الفول (الدكوة) تنشف وتتجدع فيها بهارات كده وبعض مرات حبات فول سوداني مهروسة هرس كبار كبار كده,,,
Post: #38 Title: Re: ماهو القدو قدو سيد الاسم....!! Author: عبدالكريم الامين احمد Date: 12-22-2010, 08:02 PM Parent: #37
Quote: بوست لا يخلو من دغمسة
أنا غايتو بقترح ترشيح القدو قدو كشخصية للعام
هلا يا حبيب نورة وحبابك يا حب والهوسا عندهم مثل بقول قدو قدو هين صعب كلا م وينا وعشان كده حقو الناس تلحق تقرض علي القدو قدو ده وتعلنو شخصية العام لانو لو اتسرب شريط تاني وذكرت فيها سيرة (الوينا) عوضا عن القدو قدو القصة حكتون بايظة بوووظ شديد
والوينا هو ايضا نوع من الاكل حاجة كده زي اللقيمات ولكن من الدخن ويمر تصنيعه بمراحل معقدة وقيل بانها تحتاج الي مهارات فردية عالية
Post: #40 Title: Re: ماهو القدو قدو سيد الاسم....!! Author: عبدالكريم الامين احمد Date: 12-22-2010, 08:22 PM Parent: #38
Quote: دى قويه يا عبدالكريم تحياتى.
هلا يا دكتور وحبابك في سيرة القدو قدو واركلوجيته
Post: #41 Title: Re: ماهو القدو قدو سيد الاسم....!! Author: محمد أحمد الريح Date: 12-23-2010, 00:52 AM Parent: #40
شكراً يا باشمهندس فقد نقلتنا من جو الجلد وتقطيع الأوصال إلى هذه الحكاوى اللطيفة.
فعلآ القدو قدو رهيب وأذكر أنه فى أوائل الستينات من القرن الماضى عندما لم تكن البكاسي قدظهرت فى السودان
وكانت عربات الكارو ممنوعة فى الخرطوم كان أصحاب ثلاجات الموز يستعينون بالحمالين لحمل طبالى الموز من مكان لآخر
وأذكر أن أقارب لنا كانت لديهم ثلاجات موز بقرب سوق الخضار بالخرطوم قبل أن يتوفاه الله فكانوا يستعينون بإثنين
من الحمالين لنقل طاولات الموز إلى السوق العربى وأماكن أخرى بأطراف السوق. كان كل حمال يحضر معه جالون صفيح
مملوء بالقدو قدو الأصلى ويبداون فى نقل طاولات الموز على رؤوسهم من الثامنة صباحاً وحتى الثالثة بعد الظهر دون
كلل أو ملل علماً بأن حمولة الطاولة تساوي مائة كيلو! فعلا الواحد منهم كان بكفاءة الفوركلفت وكلّو من القدو قدو.
Post: #42 Title: Re: ماهو القدو قدو سيد الاسم....!! Author: عبدالكريم الامين احمد Date: 12-23-2010, 06:46 AM Parent: #41
Quote: كان كل حمال يحضر معه جالون صفيح
مملوء بالقدو قدو الأصلى ويبداون فى نقل طاولات الموز على رؤوسهم من الثامنة صباحاً وحتى الثالثة بعد الظهر دون
كلل أو ملل علماً بأن حمولة الطاولة تساوي مائة كيلو! فعلا الواحد منهم كان بكفاءة الفوركلفت وكلّو من القدو قدو.
هلا يا سعادتك وتحياتي وتقديري وحبابك كثير في القدو قدو ونعم سعادتك فالعتالين يساهم القدو قدو مساهمة عالية في منحهم طاقة ومنعة لذا نجده كثير محترم ومقدر ومجود في عوالمهم الاسرية وبيتوهم التي تجنب جزء اساسي من الميزانية المالية لهذا الغذاء الرهيب.. والقدو قدو في جودته مثله ومثل الاسبيرات فهنالك النوع التايواني وهذا قد تجده يباع في الاسواق وهناك النوع الياباني الاصلي الفيهو كل (الخلطة السحرية) وده ما بتلقي الا في الخجانين والكراكير الفلاتية الغميسة في اطار غتاتة الفلاتة التاريخية
Post: #43 Title: Re: ماهو القدو قدو سيد الاسم....!! Author: عبدالكريم الامين احمد Date: 12-23-2010, 10:21 AM Parent: #42
Quote: قدو قدو هين صعب كلا م وينا
Post: #44 Title: Re: ماهو القدو قدو سيد الاسم....!! Author: Mohamed Doudi Date: 12-23-2010, 11:20 AM Parent: #43
او كما كان يدندن صديقى ابن ابيي شول دينق الاك وزير الدوله بالخارجيه السابق والقيادى بالحركه الشعبيه
دودى
Post: #45 Title: Re: ماهو القدو قدو سيد الاسم....!! Author: عبدالكريم الامين احمد Date: 12-23-2010, 12:39 PM Parent: #44
Quote: او كما كان يدندن صديقى ابن ابيي شول دينق الاك وزير الدوله بالخارجيه السابق والقيادى بالحركه الشعبيه
دودى
هلا يا دودي وياسسسسسسسلام ياخي علي ابن ابيي شول الاك ده الذي يتغني للقدو قدو وبالمناسبة واحد من اكثر في السودان ارتباط بثقافة الفلاتة في السودان من ابناء قبيلة الدينكا هو رجل يسمي (عبدالله) في نواحي المجلد..رطانة هوسا زي السم وبلسان طلق ثم ضرب قدو قدو واكل قورو وكل الاشياء العجيبة.. وربما ينافسه في ذلك ابن المجلد الشهير (احمد سايس)...
Post: #46 Title: Re: ماهو القدو قدو سيد الاسم....!! Author: خالد عبد الله محمود Date: 12-23-2010, 05:57 PM Parent: #45
كيكي شابكنا البوست كلو قدو قدو قدو قدو و في النهاية يطلع Red Bull ؟
Post: #47 Title: Re: ماهو القدو قدو سيد الاسم....!! Author: عبدالكريم الامين احمد Date: 12-23-2010, 07:39 PM Parent: #46
Quote: شابكنا البوست كلو قدو قدو قدو قدو و في النهاية يطلع Red Bull ؟
هلا يا ابو الخلد والقدو قدو بقول للريد بول ده او اي كان اسمه زح بعيد واعمل شخيت ولكن تقول شنو ياخي مع التهميش الغذائي وسطوة الاعلام المضلل
Post: #48 Title: Re: ماهو القدو قدو سيد الاسم....!! Author: عبدالعزيز حسين عبدالرحيم Date: 12-24-2010, 04:16 PM Parent: #47
يا عبدالكريم
Quote: غتاتة الفلاتة التاريخية
الحمد لله الجات منك غتاتة الفلاتة الغير مضرة دي براها دايرة بوست
رغم أنهم ببيعوا احسن فول سوداني (فول حاجات) في العالم لكن تمشي ليهم في البيت يجيبوا ليك فول غير شكل وغير طعم تاني نمونه تعرف انك ما اكلت فول في حياتك
برضه من غتاتهم داسين متعة الاستطعام بي فول (أبوقوي) ومخلنها بي بعضهم وخاصتهم وما بقدموا إلا لي عزيز وحبيب
هسع كان عارفنك انك قاعد تفت في أهم اسرارهم (المفاعل الفلاتي العظيم) القدوقدو ما كانو خلوك
Quote: والتي اعتقد جازما بان احسن من يصنعها في العالم رجلا في نواحي المجلد يسمي (علي برنجي) اصوله من نواحي راجا وكفيا كنجي.. والما اكل اقاشي (علي برنجي) عليه بمراجعة ذاكرته الاقاشية والغذائية عموما.. وقد ندلف الي رجلا اخر في نواحي مايرنو طار اسمه الان من الذاكرة التي وهنت.. ثم قد نحط في الدباغة حيث الاقاشي الما خمج..
قمبو عليه رحمة الله راح نص عمر من لم يذق طعم اقاشيهو بخلطته السرية والسحرية والتى لا تنافسها ماكدونالد وكنتكى وصب واى! سل كل من سكن او مر الابيض أبقبة فحل الديوم ينبيك! بالمناسبة هنالك اكلة اندونيسية شهية تعرف باسم قادو قادو انصحك بتجربتها! ما بتديى الجنبك دى سلطة القادو قادو ودا طبق القادو قادو ولو طلبت ساتى معاهم يبقى عجوة معطونة بى عسل
كدى جربه وتعال تم باقى البوست لو الله جابك عمرة عازمك فى مطعم بالى قدوقدو اندونيسى 20 سوط وكدة! جنى
Post: #50 Title: Re: ماهو القدو قدو سيد الاسم....!! Author: Osman Musa Date: 12-24-2010, 06:13 PM Parent: #49
القدو قدو ؟ جد يا عبدالكريم جماعتك ناس McDonald ديل ما جايبين خبر . ياخ القصة دي من زمان كان مفروض تكون فى نص ال MENU . القدو قدو سرو عجيب يا حبة . يا عبدالكريم كل الماريع السودانية النجحت . وكل الصادر من الحبوب والقطن كان بسبب هذا القدو قدو . تحياتى
Post: #51 Title: Re: ماهو القدو قدو سيد الاسم....!! Author: عبدالعزيز حسين عبدالرحيم Date: 12-26-2010, 06:52 AM Parent: #50
.
Post: #52 Title: Re: ماهو القدو قدو سيد الاسم....!! Author: عبدالكريم الامين احمد Date: 12-26-2010, 07:16 AM Parent: #51
هلا يا عزيز وحبابك جني ومرحب ابو عفان والبوست ده انا فعلا مارست فيه غتاتة استحق عليه دق في راسي المدوقس ده ولكن وديانهو الي بص الارشفة لانو لسسع الحديث فيهو ذو شجون وكراكيره لم تكتمل حتي الان ويحتاج الي نقة اطول ومساحة وزمن ونتوقع للدورة الجاية ان تكون دورة القدو قدو وخاصة الاجواء حتكون رايقة وفايقة بالاجازة الناوي خالكم ياخدها من الشغل ابو دق ده ويتفر غ للقدو قدو
Quote: برضه من غتاتهم داسين متعة الاستطعام بي فول (أبوقوي) ومخلنها بي بعضهم وخاصتهم وما بقدموا إلا لي عزيز وحبيب
هسع كان عارفنك انك قاعد تفت في أهم اسرارهم (المفاعل الفلاتي العظيم) القدوقدو ما كانو خلوك
كلو هين الخووف يعملو لي (كالوشي مالوشي) ويخلو ريحتي طير طير يا عزيز@@ ويا سسلام علي فول ابو قووي ده(انت يا زول كنت فلاتي سابق ولاشنو ,,..؟؟) لوول فوول ابو قووي ده كمان دهشة فلاتية متحركة والما اكل فوول ابو قووي في حلة فلاتة المجلد فله ان يراجع ذاكرته الابو قوووية
@@@@ لاقيت شاب من اكثر شباب المجلد مرحا وانساختة وهو يمارس مهنة الترزية في سوق مدني ورغم انه كان في المجلد ترزي له شنة ورنة الا في مدني تحول الي ترزي درجة ثانية وبخيط (ترقيع) وشغلة خياطة ميتة كده قلت ليهو يازول ياخي مالك في البنادر دي وفتحت للمجلد قال لي يا زول البشرية الهناك دي رازوني وعملو لي (كالوشي مالوشي) بكتابة اسمها اذا (زلزلت الارض) ولكن ما تشيل هم يا زول انا بلقي لي فكي في دار صباح دي ويعمل ليهم حجاب اسمو قد جااااكم وارجع ليهم اكرههم البلد ديك
Post: #53 Title: Re: ماهو القدو قدو سيد الاسم....!! Author: عبدالكريم الامين احمد Date: 12-26-2010, 07:26 AM Parent: #52
Quote: قمبو عليه رحمة الله راح نص عمر من لم يذق طعم اقاشيهو بخلطته السرية والسحرية والتى لا تنافسها ماكدونالد وكنتكى وصب واى! سل كل من سكن او مر الابيض أبقبة فحل الديوم ينبيك! بالمناسبة هنالك اكلة اندونيسية شهية تعرف باسم قادو قادو انصحك بتجربتها! ما بتديى الجنبك دى سلطة القادو قادو
هلا يا جني وحي حي فلاتة الابيض الغمام حيث الواقعية السحرية والناس الموهوبين في كل شي وحي زهاء الطاهر وروحه الطاهر الغمام وعيال خالتي ناس سيف وعماد احرف من داعب التيوة في ملاعب ابو بقة فحل الديوم... ومن حسع يا جني ح امشي افتش القادو قادو بتاع اندونسيا ده واكيد الناس ديل زارتهم سحابة بني فولتا ذات تاريخ من التواريخ ولو ما لميت فيها فاني لها من الضاربين معاك في اول عمرة ولو القادو قادو نفع معانا قد تكون عمرة وزوغة وياخ ولعت فيني جمر اللهط مع صحانتك الجبتها دي يا جني يااااااخ وبالذات السيخ الاقاشيوي ده.. وتحياتي والمجد والخلود لابو قبة فحل الديوم في سحرها المقيم
Post: #54 Title: Re: ماهو القدو قدو سيد الاسم....!! Author: عبدالكريم الامين احمد Date: 12-26-2010, 07:32 AM Parent: #52
Quote: وكل الصادر من الحبوب والقطن كان بسبب هذا القدو قدو .
هلا يا ابو عفان وانت الصادق والله وحقو القدو قدو ده يعملو ليهو تمثال من الذهب في كل بنايات ادارة المشاريع الزراعية السودانية وفي المواني
وتحياتي يا ابو عفان وناسك ناس نيويورك ديل لو دخلو الكراكير الافريقية وخوجنو القدو قدو ده بالتاكيد بكرة حنلقي شاكيرا طالعة مداعي في اجمل اعلان عن القدو قدو..والعميان ساعتها حيجي شايل المكرسح
وتحياتي يا ابو عفان
Post: #55 Title: Re: ماهو القدو قدو سيد الاسم....!! Author: عبدالكريم الامين احمد Date: 03-29-2011, 07:52 PM Parent: #54
كلما اوغلت في المحلية احتفاء .., كلما تغلغت في قلوبنا حبا .
Post: #57 Title: Re: ماهو القدو قدو سيد الاسم....!! Author: عبدالكريم الامين احمد Date: 03-29-2011, 08:52 PM Parent: #56
تحياتي وتقديري يا معاوية.. وحبابك في مدارات القدو قدو سيرة محليتنا الفعلا ملانة بدهشة الاشياء وروعتها وثقافات عميقة ومتجذرة في هذا البلد وحريا بنا ان نحتفي بها ونحكي
وكل الود
Post: #58 Title: Re: ماهو القدو قدو سيد الاسم....!! Author: متوكل بحر Date: 03-29-2011, 09:25 PM Parent: #56
العزيز عبد الكريم الامين لك تحياتى اذكر انه عندما كنت فى المرحلة المتوسطة بمدرسة الدويم الريفية كنا فى نهاية اليوم الدراسى بعد المعافره فى الجمعيات الصباحية ودق الاسبلنق والرياضيات نذهب الى معمل باسطة قريب من المدرسة وخلف الاتصالات السلكية واللاسلكية وبنكون موفرين يا حبة ونشترى صينيتين باسطة وبعد فترة اكتشف بعض المقرمين ان هنالك فلاتى فى سوق الدويم القديم ابو برندات ببيع القدوقدو وطبعا الدويم يكثر فيها اهلنا الفلاته وفى الديمقراطية الاخيرة كان لديهم مرشح مستقل وهو جبدان حتى انه المرحوم ابورزقة كان يدعم حملتة الانتخابية ( اضرب جركانك وادى جبدانك ) المهم انتقل الشباب من الباسطة ومشاكلها الليلية الى القدو قدو وكان يمنحنا طاقة جبارة تعيننا على رهق المدرسة كانت ايام رائعة لازال طعم القدو قدو على فمى Make Your Mouth Water
Post: #59 Title: Re: ماهو القدو قدو سيد الاسم....!! Author: عبدالكريم الامين احمد Date: 03-29-2011, 10:04 PM Parent: #58
Quote: وبعد فترة اكتشف بعض المقرمين ان هنالك فلاتى فى سوق الدويم القديم ابو برندات ببيع القدوقدو وطبعا الدويم يكثر فيها اهلنا الفلاته وفى الديمقراطية الاخيرة كان لديهم مرشح مستقل وهو جبدان حتى انه المرحوم ابورزقة كان يدعم حملتة الانتخابية ( اضرب جركانك وادى جبدانك ) المهم انتقل الشباب من الباسطة ومشاكلها الليلية الى القدو قدو وكان يمنحنا طاقة جبارة تعيننا على رهق المدرسة كانت ايام رائعة لازال طعم القدو قدو على فمى Make Your Mouth Water
هلا يا متوكل وتحياتي.. وحي الدويم واهلها الكرام الغمام والتحية ايضا للدويم الريفية التي سكنا علي مرمي حجر منها في زمانات اصبحت الان بعيدة.. القدو قدو يا متوكل مميز يااخ في كل اشيائه وغذاء اقل ما يمكننا وصفه به بانه رهيييب... وشوقتني وباثر رجعي ياااخ للقدو قدو بتاع الدويم ده... وكان ضربت جركاتني القدو قدوية وادتت صوتي لجبداني
Post: #60 Title: Re: ماهو القدو قدو سيد الاسم....!! Author: متوكل بحر Date: 03-30-2011, 03:15 AM Parent: #59
يا عزيز واصل سردك الشيق متابعين
Post: #61 Title: Re: ماهو القدو قدو سيد الاسم....!! Author: walid taha Date: 03-30-2011, 06:48 AM Parent: #1
يشربه "العتّالة" دغشاً فيغدون أقوياء إلى مغيب الشمس
Post: #62 Title: Re: ماهو القدو قدو سيد الاسم....!! Author: عبدالكريم الامين احمد Date: 03-30-2011, 11:21 AM Parent: #61
هلا يا وليد وحبابك يا متوكل ومنورين سيرة القدو قدو وحبابكم شديد
Post: #63 Title: Re: ماهو القدو قدو سيد الاسم....!! Author: Mohamed E. Seliaman Date: 03-30-2011, 12:05 PM Parent: #62
تحياتي يا (باشمهندس)
Quote: .. فالامراءة
لعلك تريد أن تكتب (الامرأة) لكن ليس في اللغة العربية (الامرأة) امرأة عندما تدخل عليها (ال) تعريف تصبح (المرأة) ! هل تصدق أن (المرأة) هي نفسها (امرأة) بس معرفة بالألف واللام!
Post: #64 Title: Re: ماهو القدو قدو سيد الاسم....!! Author: عبدالكريم الامين احمد Date: 03-30-2011, 12:33 PM Parent: #63
Quote: لعلك تريد أن تكتب (الامرأة) لكن ليس في اللغة العربية (الامرأة) امرأة عندما تدخل عليها (ال) تعريف تصبح (المرأة) ! هل تصدق أن (المرأة) هي نفسها (امرأة) بس معرفة بالألف واللام!
هلا يا محمد وشكرا علي اللكشر والمعلومة المفيدة حقا واهو زي ما شايف القصة هنا كلها قدو قدو وكلامات فلاتة يعني (عربي تتتتتتتتك)
وحتما سنردها لك ذات منضل وكن بالف خير ولغة عربية عالية حتي ذلك الزمان
وتحياتي
Post: #66 Title: Re: ماهو القدو قدو سيد الاسم....!! Author: Ahmed Khalil Date: 03-30-2011, 12:54 PM Parent: #64
Quote: وقد ندلف الي رجلا اخر في نواحي مايرنو طار اسمه الان من الذاكرة التي وهنت
لعله عمر زقندا
Post: #70 Title: Re: ماهو القدو قدو سيد الاسم....!! Author: عبدالكريم الامين احمد Date: 03-30-2011, 01:21 PM Parent: #66
Quote: لعله عمر زقندا
هلا يا احمد وحي مايرنو والتي هي (موسكو) الغمام ورياح الصعيد الاتية من نواحي ام شوكة وود اللكندي وكل بقاع النيل الازرق المدهشة... وبائع الاقاشي المدهش كان يمتلك مكانا ليس ببعيد من شارع سوق مايرنو... وله مقولة شهيرة يقولها لكل من عبر امام مكانه اتفضل اتفضل بحقققققك...او بهقققققك كما كان ينطقها
Post: #65 Title: Re: ماهو القدو قدو سيد الاسم....!! Author: walid taha Date: 03-30-2011, 12:51 PM Parent: #62
أهلنا الفلاتة والهوسا لا تمضي حياتهم بدون القدوقدو منها جاءت الطرفة " قدو قدو فى السوق أدم ، فلاتي وقأ سدم" الترجمة " القدودقو فى السوق إنعدم الفلاتي وقع إنصدم" :)))))
تحياتي كيكي
Post: #67 Title: Re: ماهو القدو قدو سيد الاسم....!! Author: walid taha Date: 03-30-2011, 01:02 PM Parent: #65
فاتنى أن أذكر معلومة هامة، وهى ان شارب القدقدو لأول مرة غالباً ما يصاب -الله يكرمكم - بإسهال شديد ريثما تتعود معدته على هذا الدسم ليعود أكثر شغفاً
---
عبد الكريم أنا حأثري ليك البوست ده :)
Post: #71 Title: Re: ماهو القدو قدو سيد الاسم....!! Author: عبدالكريم الامين احمد Date: 03-30-2011, 01:26 PM Parent: #67
Quote: فاتنى أن أذكر معلومة هامة، وهى ان شارب القدقدو لأول مرة غالباً ما يصاب -الله يكرمكم - بإسهال شديد ريثما تتعود معدته على هذا الدسم ليعود أكثر شغفاً
هلا يا وليد وهججت البوست بالدهشة وسيرة القدو قدو...وعشمتني ياخ اشيلو معانا الربع الجاي.. ونعم القدو قدو البكون ما مزبط في الكيمياء والخلطة بتاعتو ممكن يعمل كركبة في البطن (ويا ويلك لو شربت منو وركبت بص سفري علي طريق سنار - مدني والبص فيهو جكس) لووووووول... طبعا كل مرة حتوقف البص وجررررررري علي الطنطب
وواصل امتاعنا ياخي وخلينا نتحسي القدو قدو ولو عبر الاسير في هذه الفيافي والبلدان القدو قدو مافيها
غايتو يا كيكي القدو قدو دا اصلوووو ما بجربو لانو واحد صاحبنا جربو شبع فيهو شبعة شديدة خالص خالص وقام مشى على المرة حمالتك علي كان اسهل فوقا كرررررر كاااااااك يا كيكي المجنون الككو اتمسك في ضنبو وتعيط
Post: #69 Title: Re: ماهو القدو قدو سيد الاسم....!! Author: walid taha Date: 03-30-2011, 01:14 PM Parent: #68
هذا وتجدر الإشارة إلى ان القدقدو- قبل إضافة اللبن الرايب - الـExpiry Date بتاعو طويـــل طول شديد
Post: #72 Title: Re: ماهو القدو قدو سيد الاسم....!! Author: عبدالكريم الامين احمد Date: 03-30-2011, 01:37 PM Parent: #69
Quote: كاااااااك يا كيكي المجنون الككو اتمسك في ضنبو وتعيط
لووووووووول هلا يا ود البوش... وزولك ده كيشة ياااخ ففي حاجة اسمها (قدو قدو تست) وما كل قدو قدو يجيبو ليك مفروض تقرطع منو.. فمن الضروري تعمل (تستة) بقة علي خفيف وتتحسس الخلطة القدو قدوية... لقيتو مية مية شوت فيهو طوالي ولو لقيتو فيهو (دخنة) والكلوبي بتاعو ماايااااهو.. اعمل نايم ولا تشرب حتي لا تتعوق في الضنب
Post: #73 Title: Re: ماهو القدو قدو سيد الاسم....!! Author: عبدالكريم الامين احمد Date: 03-30-2011, 02:33 PM Parent: #72
Quote: هذا وتجدر الإشارة إلى ان القدقدو- قبل إضافة اللبن الرايب - الـExpiry Date بتاعو طويـــل طول شديد
هلا يا وليد والقدو قدو في كل مراحل صناعتة وقبل التحامه الماكوكي مع الروب بمر يعمليات تجويد وتوضيب ونفض تقيل للدخن ده مرة بالموية السخنة ومرة بالدق في الفندك وكل مرحلة بتضيف ليهو تجويد صناعي لو فتشنا زيو في عربات تايوتا ما بنلقاهو عشان كده بعقد لمدة طويلة.. فهو اكل حروبات واكل سلام واكل سفر الي مدارات بعيدة..
Post: #74 Title: Re: ماهو القدو قدو سيد الاسم....!! Author: محمد أحمد إدريس Date: 03-30-2011, 02:48 PM Parent: #72
Quote: الي القدو قدو في عليائه
( عبد الكريم الأمين أحمد ) وفى روايةٍ أخرى ( كيكى التفكيكى ) لست من المغرمين بفتح البوسات الجديده مثل إخوة لنا لا يتوانون عن ذلك حتى لو كان بالبورد مائة من شبيهاتها فى الموضوع . بل ارى نفسى ميّالاً إلى المداخلات فى بوستات الآخرين. ألا ترى عدد مشاركاتى المقله مقارنةً بتاريخ إنضمامى هنا ؟! عبد الكريم هو الكاتب الإسفيرى المميز لدىّ من بين الكتاب هنا والمواقع السودانية الأخرى فى جده وهزله تستفيد عند القراءة له ولا تندم بما تنفقه من الزمن فى مطلعة ما يكتب . لديه رسالةٌ واضحة المعالم وليس ممن يكتب من أجل أن يسطع أسمه فى الصفحة الأولى التى لا تمكث عليها الموضوعات إلا بفعل الرافعات و ( الفزعه ) . لذا فكرت كثيراً فى إفتراع بوست عنه للإشادة به وتعبيراً عن إعجابى بكتاباته الجاده والساخرة وفى الشأن العام وفى المحاورة بالمنطق والديالكتيك ! من حبى لكتابات عبد الكريم أحببت القدو قدو الطعام رغم أنى لم أذق طعمه بعد ولكن صدقونى سوف ألتهمه فى أول فرصه تتاح لى لذلك ولن ألجأ لأى تستا كما أوصانا بها العبد الكريم تفسه . يا عبد الكريم يا كيكى ( رفعاً للكلفه ) والله أنا مشفق على سودايز أونلاين لإمكانية أن تغادر هذه الساحة كما غادرها آخرون ونصبح ملومين حسيرين . كن بخير وواصل فى الكتابه التى يُمتع قليله ويُغنى كثيره . بارك الله فيك وأمثالك .
Post: #75 Title: Re: ماهو القدو قدو سيد الاسم....!! Author: عبدالكريم الامين احمد Date: 03-30-2011, 03:18 PM Parent: #74
تحياتي محمد احمد ادريس.. والف شكر وتقدير علي كرمك الفياض وحديثك الذي يحملني مسئولية كبيرة اتمني ان اكون مستحقا وقادرا عليها بكل حب وتقدير للجميع هنا.. وساكون في غاية السعادة ان جانا خبر احتسائك لجرعة القدو القدو الاولي وسنكون معك فيها بكل حواسنا رغم المسافات وحتما سيصبح هو مشروبك المفضل لما فيه من دسامة ومتعة وكل الود والتقدير يا محمد احمد
Post: #76 Title: Re: ماهو القدو قدو سيد الاسم....!! Author: متوكل بحر Date: 03-30-2011, 03:52 PM Parent: #75
ياخى دى قوية شديد مبالغة والله يا وليد
Quote: " قدو قدو فى السوق أدم ، فلاتي وقأ سدم"
دى حاعزب ليك بيها معروف سند عزاب جد والله الا كان ارحل
عزيزي عبد الكريم هطا بوست هام تشكر عليه كثيرا، فإلى جانب متعة السرد والقفشات المريحة والمبهجة وما تثيره من ذكريات ال>فولة والصبا والسياحة في أرجاء الوطن والإحتفاء بتنوعه الثقافي والإثني وبفقرائه وعماله من عتالة وحمالين وعمال زراعيين، فإنك تثير مسألة عامة عن تهور مكونات الغذاء في السودان وقد ذكرني ذلك بكتاب لإقتصادي من البرازيل (لو لم تنخني الذاكرة) إسمه دي كاسترو (ليس له علاقة بكاسترو كوبا) وكتابه إسمه جغرافية الجوع ورغم أن ذلك الكتاب تناول آثار إقتصاد السوق والتحول نحو الإنتاج السلعي على غذاء الفقراء وسوء تغذية الأطفال، إلا أن الشبه بما تكتبه أنت هو تحول العادات والثقافات الغذائية من غذاء كامل (القدو قدو) أو غني بالبروتينات (الأقاشي)، ويمكنني ذكر العشرات مثل الوجبة التي كانت تباع لأطفال المدارس والمشكلة من الطعمية(المصنوعة من اللوبيا) وكسرة مصنوعة من الفتريتة الحمراء الغنية مع الفول السوداني (الدفلي)، إلى الكربس والجيبسالذيي دخال السودان بينما ينتقدهما العالم االغربي، ولولا الفول المصري لعانى أطفالنا من سوء الغذاء، وأختفت من كثير من ىالبيوت الكسرة والعصيدة وعصيدة الدخن والسمن البلدي والعسل وملاح الشرموط الغني بالبروتينات، وملاح الروب لتحل محلها وجبات مليئة بالنشويات وبعيدة عن الغذاء الكامل والموزون في موناته، بل أن الفواكه الشعبية التي كانت تمد الناس بالسكريات وفيتامين سي إختفت بينما لا يستطيع الفقراء إستبدالها بالفواكه المرتفعة الثمن التي أصبحت متاحة فقط للأغنياء الذيك لم يكتفوا بالمنتجات الوطنية بل صرفوا نقد البلاد الأجنبي ليستوردو الفواكه من الخارج. شكرا لك على هذا البوست.
Post: #81 Title: Re: ماهو القدو قدو سيد الاسم....!! Author: عبدالكريم الامين احمد Date: 03-30-2011, 09:34 PM Parent: #80
Quote: وقد ذكرني ذلك بكتاب لإقتصادي من البرازيل (لو لم تنخني الذاكرة) إسمه دي كاسترو (ليس له علاقة بكاسترو كوبا) وكتابه إسمه جغرافية الجوع ورغم أن ذلك الكتاب تناول آثار إقتصاد السوق والتحول نحو الإنتاج السلعي على غذاء الفقراء وسوء تغذية الأطفال، إلا أن الشبه بما تكتبه أنت هو تحول العادات والثقافات الغذائية من غذاء كامل (القدو قدو) أو غني بالبروتينات (الأقاشي)، ويمكنني ذكر العشرات مثل الوجبة التي كانت تباع لأطفال المدارس والمشكلة من الطعمية(المصنوعة من اللوبيا) وكسرة مصنوعة من الفتريتة الحمراء الغنية مع الفول السوداني (الدفلي)، إلى الكربس والجيبسالذيي دخال السودان بينما ينتقدهما العالم االغربي، ولولا الفول المصري لعانى أطفالنا من سوء الغذاء، وأختفت من كثير من ىالبيوت الكسرة والعصيدة وعصيدة الدخن والسمن البلدي والعسل وملاح الشرموط الغني بالبروتينات، وملاح الروب لتحل محلها وجبات مليئة بالنشويات وبعيدة عن الغذاء الكامل والموزون في موناته، بل أن الفواكه الشعبية التي كانت تمد الناس بالسكريات وفيتامين سي إختفت بينما لا يستطيع الفقراء إستبدالها بالفواكه المرتفعة الثمن التي أصبحت متاحة فقط للأغنياء الذيك لم يكتفوا بالمنتجات الوطنية بل صرفوا نقد البلاد الأجنبي ليستوردو الفواكه من الخارج
تحياتي وتقديري يادكتور صدقي والف شكر وتقدير علي الحضور الي حكاوي القدو قدو ... والمائدة السودانية كانت غنية ومتنوعة في كل جزئياتها لها طقوسها المميزة وتسخر الطبيعة الرعوية والزراعية لهذا الوطن بالاضافة الي الغابة تسخير سلس يهب الجميع طعام متنوع ومتكامل ولكن زحفت اشياء عديدة وصارت خصما علي هذه الاريحية الغذائية...!! وشكرا يا دكتور مرة اخري علي الاضافات الملهمة صوب تاملات كثيرة في واقع بلادنا الغذائي وجغرافيته وكل الود
Post: #82 Title: Re: ماهو القدو قدو سيد الاسم....!! Author: mona altom Date: 03-31-2011, 00:30 AM Parent: #81
ففي يوم كده قلت نرتاح من التعب والشقاوه واعمل ذي اهل البلد
وامشي اخد يوم يومين في باريس ادريس على وزن خرطوم ادريس ( طبعا اختك زولة ضهاري )
ففي اليوم التالت اتصلت علي صديقه موروتانيه ودعتني الي قضاء يوم في بيتها
اهى في المطبخ لمحت كوره فيها اثار قدوقدو قلت بسم الله انا جنيت ولا شنو كما بقيت اهلوس
طنشت الموضوع الا المغربيه كدي فضلنا برانا في البيت دخلت المطبخ لاشرب عصير
المفاجاه كانت جردل القدو قدو وبعدها لم تكن حوجة لعصير سالتني اذ كنت اعرفه قلت ليها وريني اشتريتي من وين
وفي الصباح دقش لعند دكان السنغالي اشتريت الدخن الجاهز والروب ووصفت لي الطريقه البعملوا بيها
الا بعد ما وصلت البيت قدر ما اجتهدت غلبني ففي النهايه طلعت حاجه في الطعم بتشبه امجنقر
تقول القدو قدو محلي
Post: #83 Title: Re: ماهو القدو قدو سيد الاسم....!! Author: عبدالعزيز حسين عبدالرحيم Date: 03-31-2011, 04:51 AM Parent: #82
عبدالكريم تحياتي
إن شاء الله البوست منقول معانا للربع الجاي يلا فوق ومعاك
Post: #84 Title: Re: ماهو القدو قدو سيد الاسم....!! Author: متوكل بحر Date: 03-31-2011, 05:13 AM Parent: #83
الصديق عبد الكريم
فى معلومة عايز اتاكد منها فقد ذكر شوقى بدرى
Quote: ولهذا اطلق على عصيده البنكربو اسم قدو قدو لانها تشبه تلك الطبول
تقلا عن بوست القدقدو بقلم شوقى بدرى
هل صحيحا ان القدو قدو هو البنكربو لانى افهم ان البنكربو هى نوع من انوع العصيدة قوية جدا وممكن تأكل بى ملاح والقدوقدو حاجة مختلفة تماما عنها
ماعارف صاح انا ولا خالنا العزيز شوقى بدرى ؟
Post: #85 Title: Re: ماهو القدو قدو سيد الاسم....!! Author: عبدالكريم الامين احمد Date: 03-31-2011, 07:00 AM Parent: #84
Quote: وفي الصباح دقش لعند دكان السنغالي اشتريت الدخن الجاهز والروب ووصفت لي الطريقه البعملوا بيها
الا بعد ما وصلت البيت قدر ما اجتهدت غلبني ففي النهايه طلعت حاجه في الطعم بتشبه امجنقر
تقول القدو قدو محلي
هلا يا مني والمرة الجاية اشتري قدو قدو تركيب وجاهز (زي حكاية تركيب العطور المالية السودان ديك) لووول ولاحظتي يا مني مدي تغلغل القدوقدو في القارة الافريقية دي .. صحبتك المورتانية والبائع السنغالي و(قدو قدو في قلب باريس) يا سسلام ياااخ ده ممكن يكون اسم فيلم برااااحة
وتحياتي
Post: #87 Title: Re: ماهو القدو قدو سيد الاسم....!! Author: aydaroos Date: 03-31-2011, 07:12 AM Parent: #85
وينادي عليه الباعة هكذا: القدو قدو درادم درادم زي راس البنو آدم كان بي مويه .. حلو ، أكان بي لبن .. يزيدو حلا كان بي روب ... لا اله إلا الله
***** و كان علي ما إتذكر في لحن للموسيقار عبد المعين بي يقول قدو قدو ددايا ... قدو ددايا .. باكلا برايا باكلا برايا
Post: #92 Title: Re: ماهو القدو قدو سيد الاسم....!! Author: ابراهيم احمد سليمان Date: 03-31-2011, 08:07 AM Parent: #85
الله عليك يا عبدالكريم
بوست روعة ....... والله أنا طولت خلاص من القدو قدو دا
وماتنسى أم لبنين يا عمك
Post: #86 Title: Re: ماهو القدو قدو سيد الاسم....!! Author: عبدالكريم الامين احمد Date: 03-31-2011, 07:03 AM Parent: #83
Quote: عبدالكريم تحياتي
إن شاء الله البوست منقول معانا للربع الجاي يلا فوق ومعاك
اووووه (ابو كينا عبدالعزيز) وين يا زول انت والقدو قدو بفتش عليك.. والبوست ماشي معانا بالتاكيد وسنكون دوما في انتظارك
وتحياتي
Post: #88 Title: Re: ماهو القدو قدو سيد الاسم....!! Author: عبدالكريم الامين احمد Date: 03-31-2011, 07:18 AM Parent: #86
Quote: تقلا عن بوست القدقدو بقلم شوقى بدرى
هل صحيحا ان القدو قدو هو البنكربو لانى افهم ان البنكربو هى نوع من انوع العصيدة قوية جدا وممكن تأكل بى ملاح والقدوقدو حاجة مختلفة تماما عنها
ماعارف صاح انا ولا خالنا العزيز شوقى بدرى ؟
هلا يا متوكل... حي كبيرنا شوقي بدري الغمام.. ولكن كلامك انت هو الصاح (فالبني كربو) هي عصيدة قوووية كالحجر (يمكن تفلعك براااحة) والفرق بينها وبين القدو قدو كبير ولكل منهما توصيفه المختلف.. البني كربو تتم صناعتة من (الفتريته) وانواعها المختلفة (ماريق- قدم حمام-ود احمد) وغيرها وهي عصيدة يتم اكلها بملاحات مختلفة (شرموط او ملاح وويكة (ام بقبق) ولكن متعة اكلها ان اكلتها بالكجيك وهو السمك الناشف)... وفي الغالب البني كربو هو طعام المزارعين في المشاريع المطرية البعيدة في الضهاري في زمانات الخريف والعمل الشاق وندرة الزمن لذا من الضرورة صناعة طعام يمكنه ان يصمد لفترة اطول (يومين - ثلاثة)... - القدو قدو يصنع من (الدخن) ويجاوز فقط مع اللبن الرائب مع السكر -------------------------------- وقد يكون الصمود لفترة من الزمن كطعام هي الميزة التي تجعل من القدو قدو يتشابه مع البني كربو ولكن الثابت القدو قدو جاحة لوحدها والبني كربو حاجة لوحدها
Post: #89 Title: Re: ماهو القدو قدو سيد الاسم....!! Author: walid taha Date: 03-31-2011, 07:40 AM Parent: #88
عبد الكريم صباح الخير ياخ أنا جيت جاري جري قبل الأرشفة لعل هذه المداخلة تُسهم فى نقل البوست الى الربع الجاى دى بس دفرة
نواصل ،،
Post: #90 Title: Re: ماهو القدو قدو سيد الاسم....!! Author: عبدالكريم الامين احمد Date: 03-31-2011, 07:43 AM Parent: #88
Quote: كان بي روب ... لا اله إلا الله
هلا يا عيدروس ووفعلا كان بروب... لا اله الا الله.. والله اكبر (ولكن القديمة)
Post: #91 Title: Re: ماهو القدو قدو سيد الاسم....!! Author: عبدالكريم الامين احمد Date: 03-31-2011, 07:54 AM Parent: #90
Quote: عبد الكريم صباح الخير ياخ أنا جيت جاري جري قبل الأرشفة لعل هذه المداخلة تُسهم فى نقل البوست الى الربع الجاى دى بس دفرة
نواصل ،،
هلا يا وليد والبوست ماشي معنا الدورة الجاية باذن الله وببركات شيخي شكر الله وتم اجراء اللازم في بص الارشفة وتحياتي
Post: #93 Title: Re: ماهو القدو قدو سيد الاسم....!! Author: walid taha Date: 03-31-2011, 08:30 AM Parent: #91
وتم اجراء اللازم في بص الارشفة تمام 100%
لقدام
Post: #94 Title: Re: ماهو القدو قدو سيد الاسم....!! Author: walid taha Date: 03-31-2011, 10:20 AM Parent: #93
الفلاتة والهوسا ما بهظروا فى القدو قدو ، ولعل ذلك ما جعلهم يقولون بالفم المليان :
زول يموت قضاء وقدر زول يعيا قضاء وقدر زول قرشوا ينسرق قضاء وقدر لكن قدو قدو يندفق فى الواتا (أن أوو) ده إهمال
("أن اوو" تقال للتعبير عن الإستياء وهى تقال بدون فتح الخشم مع الضغط على اللسان بدون إخراجه وهى مفهومة لكل من عاشر الفلاتة
مع الإحتفاظ باللهجة طبعاً
D:
Post: #103 Title: Re: ماهو القدو قدو سيد الاسم....!! Author: عبدالكريم الامين احمد Date: 03-31-2011, 03:56 PM Parent: #94
Quote: لكن قدو قدو يندفق فى الواتا (أن أوو) ده إهمال
يا سسسسلام يا وليد ياااخي.. ايووه (ان اووو) دي تنهيدة مميزة وماركة مسجلة تماما عند الفلاتي .. والحاج مشي العراق وحضر الحرب والجبخانة التقيلة دي دورت ليهو في راسو وجاء كاضم مرة واحدة.. جابو ليهو مليون علاج عشان يشفي من السكات ده كلهن ما نفعن فيهو... جاهو واااحد شفت فاهم النفسية الفلاتية كويسسس.. قعد يحكي ليهو علي (كورية بتاعة ) قدو قدو وكيف جهزوها وكيف كبو فيها الروب وكيف كبو فيها السكر وكيف ساطوها وساطوها...وفجاة كده قال ليهو قدو قدو انكشح... اها زولنا الكان ساكت بدون اي مقدمات شبكو ليك ( ان اووو) (ان اووو) (ان اووو) وما معقول ومامعقول وبعدها اصبح يتكلم زي الطلقة
Post: #95 Title: Re: ماهو القدو قدو سيد الاسم....!! Author: Abdlaziz Eisa Date: 03-31-2011, 10:34 AM Parent: #93
العزيز/ كيكي
سلامات
كنت بتاوق وبتاوق.. وكل مرة شايف الناس تتزايد في البوست.. دحين صدقت أنه في قدو قدو هنا ولمة الناس دي ما ساي وكمان شايلين البوست للربع الجديد.. الفلاتة من المكونات الأساسية لمجتمع الجزيرة أبا.. والتداخل بين الاعراق في أبا ليس له مثيل في باقي السودان.. لذا فان القدو قدو هو طعام له وجود عادي في أبا ويباع في السوق.. " البني كربو" طعامنا في الصقائع وهي أعالي الضهاري التي غالبا نمشيها عذابة للزراعة.. تصنع بوضع الماء في الحلة وعندما يفور تبدأ بزيادة الدقيق تدريجيا وضربه بالعود "العوّاسة" حتى يتماسك ثم تقلبه على شوال مرشوش بالدقيق وتصب عليه ما عندك من ملاح.. الفرق بين العصيدة والبني كربو هو عدم وجود العجين المخمر للبني كربو.. والبني كربو يمكن عمله بكافة انواع دقيق الذرة والدخن ايضا..
لكن خلونا مع سيد الاسم القدو قدو..
تحياتي
Post: #96 Title: Re: ماهو القدو قدو سيد الاسم....!! Author: عبدالعزيز حسين عبدالرحيم Date: 03-31-2011, 11:23 AM Parent: #95
ما عارف البني كربو هو أسم العصيدة وأسم القدح البياكلو فيهو العصيدة
بتذكر قدح مشهور مسمنه قدح بني كربو من الخشب قطعة خشب كبيرة منحوته شكل صحن أو قدح وشفت واحد زيه من الفخار عريض في النهاية والحبش عندهم نفس القدح دا
والاواني برضه عندها اسرار ومزاج مثلا المعلمين بشربوا القدو قدو بي كورة كبيرة والهواه بشربوا بي كوز ما شفت قدو قدو في كباية بعدين شفت العتالة عندهم بستلات خاصة للقدو قدو حجمها اكبر من البستلة العادية ومن الطلس ولونها ابيض
Post: #97 Title: Re: ماهو القدو قدو سيد الاسم....!! Author: عبدالعزيز حسين عبدالرحيم Date: 03-31-2011, 11:26 AM Parent: #96
دي طبعاً أواني الشراب في خارج البيت
لكن في البيت طبعا القدو قدو بكون عنده بخسة مخصوص والشراب بالقرغ والبخس عندهم تعجب مزينة بالودع والسيور يسرك منظره الخارج وينفعك ما بداخلها
Post: #98 Title: Re: ماهو القدو قدو سيد الاسم....!! Author: مرتضى احمد عبد القادر Date: 03-31-2011, 12:43 PM Parent: #97
Quote: وايضا هنالك (الهلوق) وهي جذور تشابه البافرا يتم سلقها وضربها ضرب غرائب الابل الفلاتية
Quote: ياخليل ياخوى ..البوست دا بتاع 300 _350 .. لكن (الله لمن يدور يريحك بسوي ليك تمداية في خشم بيتك)...
dahab gad ya mohamed
i think there is out put
hhhhhhhhhhhhhhh
Post: #102 Title: Re: ماهو القدو قدو سيد الاسم....!! Author: محمد عبدالرحمن Date: 03-31-2011, 02:10 PM Parent: #101
(ما اوت بتٍا كدا لمن ينضوموبو) ..لكن نسوى شنو مع القبول الاسفيرى .....
Post: #105 Title: Re: ماهو القدو قدو سيد الاسم....!! Author: عبدالكريم الامين احمد Date: 04-01-2011, 09:34 AM Parent: #97
Quote: والاواني برضه عندها اسرار ومزاج مثلا المعلمين بشربوا القدو قدو بي كورة كبيرة والهواه بشربوا بي كوز ما شفت قدو قدو في كباية بعدين شفت العتالة عندهم بستلات خاصة للقدو قدو حجمها اكبر من البستلة العادية ومن الطلس ولونها ابيض
هلا يا عبد العزيز وشكرا علي التحليق في الاواني والمواعين وقدو قدو في كباية دي انا شفتها ولكن في البيوتات في(المدينة)في زمن العولمة الخربت كل الطقوس والقصص وفي الغالب يتم تقديمه في كبايات شب كبيرة كده ولكنها لا تكفي ومجرد (شحتفة) وما عليك الا ان تدبل او تتلت الحكاية دي...وتمتع نفسك بالقدو قدو.. الذي يجب عن يكون (دااافي) دف علي خفيف كده...
ودوما في انتظارك
Post: #104 Title: Re: ماهو القدو قدو سيد الاسم....!! Author: عبدالكريم الامين احمد Date: 03-31-2011, 10:54 PM Parent: #95
Quote: الفلاتة من المكونات الأساسية لمجتمع الجزيرة أبا.. والتداخل بين الاعراق في أبا ليس له مثيل في باقي السودان.. لذا فان القدو قدو هو طعام له وجود عادي في أبا ويباع في السوق.. " البني كربو" طعامنا في الصقائع وهي أعالي الضهاري التي غالبا نمشيها عذابة للزراعة.. تصنع بوضع الماء في الحلة وعندما يفور تبدأ بزيادة الدقيق تدريجيا وضربه بالعود "العوّاسة" حتى يتماسك ثم تقلبه على شوال مرشوش بالدقيق وتصب عليه ما عندك من ملاح.. الفرق بين العصيدة والبني كربو هو عدم وجود العجين المخمر للبني كربو.. والبني كربو يمكن عمله بكافة انواع دقيق الذرة والدخن ايضا..
هلا يا عبد العزيز وحبابك وحباب سيرة الجزيرة ابا تلك المدينة المدهشة في كل اشيائها وشوقتني ياااخ للبني كربو المعمول من الدخن لانو انا كل ذاكرتي البني كربوية كانت من الفتريتة وبنفس الطريقة بتاعة (الشوال) البكبو فيهو دقيق الذي ذكرتها... وشرفت والله سيرة القدو قدو...
Post: #106 Title: Re: ماهو القدو قدو سيد الاسم....!! Author: محمد عبدالرحمن Date: 04-01-2011, 01:33 PM Parent: #104
Quote: الهلوق البنسيك أمك وأبوك ولا ما ياهو يا كيكي
هلا يا مورتا ونعم انه (الهلوق ) معشوق الرياح والذي يمكن ان ينسيك الكثير وان تمتع نفسك بالتهامه.. وسمعت تحت تحت بانك بقيت بتاع اسماك محترف.. وهذه جزئية دايرة ليها راكوبة منفصلة حتي نتكلم فيها عن (السمك) او (الجيفي) معبود الرياح الفلاتية
Post: #107 Title: Re: ماهو القدو قدو سيد الاسم....!! Author: عبدالكريم الامين احمد Date: 04-01-2011, 01:38 PM Parent: #106
عفوا علي المداخلة السابقة والتي ظهرت باسم محمد عبدالرحمن ولقد ضربو معي هو والفتي ابو خليل السمك والراجل السمك طار ليهو في راسو ونسي يعمل صاين اون وده حالتو سمك يا محمد عبدالرحمن وانا ماعارف لو ضربت معاي الليلة قدو قدو كنت حتمعلب شنننووو..؟؟
Post: #108 Title: Re: ماهو القدو قدو سيد الاسم....!! Author: عبدالكريم الامين احمد Date: 04-01-2011, 03:30 PM Parent: #107
هلا يا خلي وحبابك يا محمد عبدالرحمن ومرحب بيكم يا (كامل ود القندوف ) اخوان لوووووووول.... والدورة دي امسكو الخشب
Post: #109 Title: Re: ماهو القدو قدو سيد الاسم....!! Author: عبدالكريم الامين احمد Date: 04-01-2011, 03:54 PM Parent: #108
تحياتي للاخ متوكل بحر الذي دلاني علي مقال استاذنا شوقي بدري في سودانيات لقد ذهبت وحلقت في حروفه.. ولكن هنالك العديد من الملاحظات الاساسية في افادات استاذنا شوقي بدري.. وبكل احترام وتقدير نوضح الاتي.. 1- اصل كلمة قدو قدو ربطها شوقي بدري بالزاندي وقد تكون هنالك (كلمة في لغة الزاندي) لها نفس النطق ولكن القدو قدو في تركبيته الموصوفة اعلاه هو سليل عمق افريقي في نواحيها الغربية تحديدا وخاصة قبيلتي (الهوسا والبرنو) ولو ذهبت لكل الدول الافريقية التي تتواجد فيها هذه القبائل سنجد هذا القدو قدو متواجد وبكثرة.. 2- القدو قدو هو البني كربو وهذه الجزئية قد قمنا بالنقة فيها اعلاه فالخلاف النوعي والتوصيفي بين القدو قدو والبني كربو كبير وواضح.. شي اخر واساسي في الطبيعة الغذائية لقبائل الزاندي التي تتواجد في السودان في نواحي(طمبرة وانذارا ومريدي) حيث الغابة الاستوائية والاعتماد الاساسي علي الغابة وبعض الجباريك الزراعية (الصغيرة) وهذه المناطق بعيدة نسبيا من حزام زراعة الدخن في السوداني والعصائد في سطوتها العليا عند الزاندي تتواجد في (عصيدة الموز).. ولقد اكلنا وفي عبورنا القديم لمنطقة (انذارا) عصيدة موز رهيبة ومدهشة.. وايضا من الضروري ان نفيد بان الاكلة الشعبية الاكثر شيوعا عند قبائل الزاندي هي (النقبا) وهي عبارة عن لوبيا تتم معالجته بطريقة مدهشة بالاضافة الي ورشال اللوبيا (والورشال هو الورق)... ايضا يعشق الزاندي (الكيموت) وهو الفول المسحون (او الدكوة) بالاضافة الي الننونق وهو النمل ابو ريش الذي يخرج عقب وقوف الامطار في الخريف فيتم اصطياده بتوليع نيران تتجمع وتسقط فيها هذه الحشرات الدسمة لكي تضرب لاحقا بالدكوة..... ويا النبي نووح من الننونق بالدوكة يااااخ .. احلي وجبة ممكن ان ياكلها العابر الي مدارات بلاد الزاندي الجميلة..
وسنتابع
Post: #110 Title: Re: ماهو القدو قدو سيد الاسم....!! Author: متوكل بحر Date: 04-01-2011, 07:34 PM Parent: #109
الزول الجميل عبد الكريم تحياتى
اولا شكرا على التوضيح والاضافة حقيقة مع حلاوة القدو قدو فى تسريبات جميلة ثقافية وتاريخية لك الود
Post: #111 Title: Re: ماهو القدو قدو سيد الاسم....!! Author: عبدالكريم الامين احمد Date: 04-01-2011, 10:21 PM Parent: #110
تحياتي يا متوكل والقدو قدو فعلا عمل ليهو في الحكي كليوات وضرب في حتات بعيدة... وفاتني يااخ ان احي اكلة رهيبة ومدهشة كده شفتها عند الشلك اسمها (المنكلي) ويا سسلام ياااخ علي (المنكلي) ده.. العيش ده بباصروا ليك بطريقة عجيبة وببقي زي السكسك ده وبياكلو ببيض السمك والسمك عموما وهي اكلة مميزة ولذيذة كده تتمني ان تظل عمرك ده كلو تكون قاعد تاكل المنكلي ده
وتحياتي
Post: #112 Title: Re: ماهو القدو قدو سيد الاسم....!! Author: محمد عبدالرحمن Date: 04-01-2011, 10:48 PM Parent: #111
Quote: عفوا علي المداخلة السابقة والتي ظهرت باسم محمد عبدالرحمن ولقد ضربو معي هو والفتي ابو خليل السمك والراجل السمك طار ليهو في راسو ونسي يعمل صاين اون وده حالتو سمك يا محمد عبدالرحمن وانا ماعارف لو ضربت معاي الليلة قدو قدو كنت حتمعلب شنننووو..؟؟
ماتسمعو كلام كيكى دا ..قدو قدو تانى لو كتبو ليهو دكتور مابياكلو ..الليلة فى الغداء استخدم السكين (لذبح) كيس الكسرة عشان يطلع الكسرة منو ..
Post: #113 Title: Re: ماهو القدو قدو سيد الاسم....!! Author: متوكل بحر Date: 04-02-2011, 01:05 AM Parent: #112
Quote: عفوا علي المداخلة السابقة والتي ظهرت باسم محمد عبدالرحمن ولقد ضربو معي هو والفتي ابو خليل السمك والراجل السمك طار ليهو في راسو ونسي يعمل صاين اون وده حالتو سمك يا محمد عبدالرحمن وانا ماعارف لو ضربت معاي الليلة قدو قدو كنت حتمعلب شنننووو..؟؟
ماتسمعو كلام كيكى دا ..قدو قدو تانى لو كتبو ليهو دكتور مابياكلو ..الليلة فى الغداء استخدم السكين (لذبح) كيس الكسرة عشان يطلع الكسرة منو ..
حلوة منك
Post: #114 Title: Re: ماهو القدو قدو سيد الاسم....!! Author: متوكل بحر Date: 04-02-2011, 01:11 AM Parent: #113
Quote: وفاتني يااخ ان احي اكلة رهيبة ومدهشة كده شفتها عند الشلك اسمها (المنكلي) ويا سسلام ياااخ علي (المنكلي) ده.. العيش ده بباصروا ليك بطريقة عجيبة وببقي زي السكسك ده وبياكلو ببيض السمك والسمك عموم
دة كافيار بتاع شلك ولا شنو
Post: #115 Title: Re: ماهو القدو قدو سيد الاسم....!! Author: متوكل بحر Date: 04-02-2011, 03:16 AM Parent: #114
العزيز عبد الكريم لو سمحت لى تنزيل فصول من هذا الكتاب
Post: #116 Title: Re: ماهو القدو قدو سيد الاسم....!! Author: عبدالكريم الامين احمد Date: 04-02-2011, 07:18 AM Parent: #115
هلا يا متوكل ومرحب يامحمد عبدالرحمن
Quote: ماتسمعو كلام كيكى دا ..قدو قدو تانى لو كتبو ليهو دكتور مابياكلو ..الليلة فى الغداء استخدم السكين (لذبح) كيس الكسرة عشان يطلع الكسرة منو
لووووووول دي يا محمد هي (عدة) الغربة وفتح كيس الكسرة بالسكين وهييك حركات بتاع غربة حدي معاها مطار الدوحة الذي حنخلي فيهو كل هذه العادات السمي (حنكوشة) وننزل السودان زي ما كنا اول ونرجع الي كراكيرنا سالمين وللقدو قدو وغيره ضاربين...
Quote: العزيز عبد الكريم لو سمحت لى تنزيل فصول من هذا الكتاب
مرحب شديد يا متوكل وحباب كتاب الاستاذ الطيب عبدالرحيم وساكون شاكرا وممتنا حقا لو انزلت هذه الفصول وواصل يااااخ
Post: #117 Title: Re: ماهو القدو قدو سيد الاسم....!! Author: متوكل بحر Date: 04-02-2011, 07:36 AM Parent: #116
Post: #118 Title: Re: ماهو القدو قدو سيد الاسم....!! Author: متوكل بحر Date: 04-02-2011, 07:41 AM Parent: #117
Post: #119 Title: Re: ماهو القدو قدو سيد الاسم....!! Author: متوكل بحر Date: 04-02-2011, 07:46 AM Parent: #118
Post: #120 Title: Re: ماهو القدو قدو سيد الاسم....!! Author: متوكل بحر Date: 04-02-2011, 07:49 AM Parent: #119
Post: #121 Title: Re: ماهو القدو قدو سيد الاسم....!! Author: متوكل بحر Date: 04-02-2011, 07:52 AM Parent: #120
Post: #122 Title: Re: ماهو القدو قدو سيد الاسم....!! Author: متوكل بحر Date: 04-02-2011, 07:55 AM Parent: #121
Post: #123 Title: Re: ماهو القدو قدو سيد الاسم....!! Author: متوكل بحر Date: 04-02-2011, 08:00 AM Parent: #122
Post: #124 Title: Re: ماهو القدو قدو سيد الاسم....!! Author: متوكل بحر Date: 04-02-2011, 08:03 AM Parent: #123
Post: #125 Title: Re: ماهو القدو قدو سيد الاسم....!! Author: متوكل بحر Date: 04-02-2011, 08:06 AM Parent: #124
Post: #127 Title: Re: ماهو القدو قدو سيد الاسم....!! Author: متوكل بحر Date: 04-02-2011, 08:08 AM Parent: #125
Post: #126 Title: Re: ماهو القدو قدو سيد الاسم....!! Author: walid taha Date: 04-02-2011, 08:08 AM Parent: #115
مرحبا بالقدو قدو وسيرته العطرة فى هذا الربع
أرقدو عافية
Post: #128 Title: Re: ماهو القدو قدو سيد الاسم....!! Author: متوكل بحر Date: 04-02-2011, 08:21 AM Parent: #126
Post: #129 Title: Re: ماهو القدو قدو سيد الاسم....!! Author: متوكل بحر Date: 04-02-2011, 08:24 AM Parent: #128
Post: #130 Title: Re: ماهو القدو قدو سيد الاسم....!! Author: عبدالكريم الامين احمد Date: 04-02-2011, 08:59 AM Parent: #129
شكرا يا متوكل.. ومقاطع دسمة دسامة القدو قدو.. ودايرة ليها كباية شاي ليها ضل ونعناع ونجي نحلق في هذه التجريدة الشحمانة التي اضافت الي البوست بعدا رابعا ومدهشا... وبجيييك نابل.. --------------
سلام يا ولي وحبابك يا خبير والقدو لا يزال في انتظارك
Post: #131 Title: Re: ماهو القدو قدو سيد الاسم....!! Author: عبدالكريم الامين احمد Date: 04-03-2011, 09:21 AM Parent: #130
شكرا يا متوكل ياااخ ولقد اهديتني سياحة فلاتية وتحليق جميل في مقاطع الكتاب اعلاه.. وانا كنت عندي الكتاب ده لكن اتلطش مني يااخ بواسطة احد الاصدقاء الرعاديد وياريت لو عندك ليهو في نسخة سوفت تشوتو لاخوك علي [email protected] وساكون لك من الشاكرين
Post: #132 Title: Re: ماهو القدو قدو سيد الاسم....!! Author: متوكل بحر Date: 04-06-2011, 08:59 PM Parent: #131
راجع اميلك لقد تم ارسال الكتاب
لك الود
Post: #133 Title: Re: ماهو القدو قدو سيد الاسم....!! Author: عبدالكريم الامين احمد Date: 04-06-2011, 09:37 PM Parent: #132
الف شكر يا متوكل والبضاعة وصلت بكل امان وسلام ولقد اهديتني سفر مفيد وغالي بالحيل فكل التقدير والتحايا يا متوكل
Post: #134 Title: Re: ماهو القدو قدو سيد الاسم....!! Author: متوكل بحر Date: 04-06-2011, 10:08 PM Parent: #133
من اغانى الفلاته الجميلة بصوت عاصم الطيب
كولاج من أغنية لفنان السريو المرهف محمد سليمان و أغنية نداء المطر من أغانى الفلاتة
تعديل : اضافة معلومات عن الاغنية نقلا عن يوتيوب
Post: #135 Title: Re: ماهو القدو قدو سيد الاسم....!! Author: عبدالكريم الامين احمد Date: 04-06-2011, 10:26 PM Parent: #134
شكرا يا متوكل وعل انغام اغنية ود السريو وغناء الموسيقار المدهش عاصم وسيرة الفلو والنيل الازرق فضروري ابرك واحي هذه المنطقة من الصعيد الجميل واهلها الكرام وخلينا نسافر في حضرة شوووالبهبابة من سعف اشجار الدوم ضاربة جذورها عميقا في فيافي الصعيد البعيدة شاربة من موية النيل الازرق لمن يرسل رزاره للضفاف عند قيسان, كرمك, دمازين ,رصيروص جلقني, ام درمان, فلاتة وبنزقة, وود النيل محل القمري (قيل) وبعيدا حتي القربين وفيافي الصهباء نواحي ضيعة (كمال جار النبي).... بتلك (الهبابة) ولع فيني (جمر الحي) واشتهيت وجبة من الكجيك وشواء (فار البوص) وكديس الخلاء وذلك المخلوق الذي يشابه كثير (اللاكوست) المرسوم علي جنبات فانلات اولاد البندر عندما رايتهم في زيهم الانيق في ذلك الزمان البعيد..... شوال فرش لا ادري لماذا (شوال) وليس الا شوال فقط..لعل ذلك اتيا من فوبيا ذلك المكان الذي ينشط فيه الالاف من البشر وتحرق الاطنان من محروقات البترول وتدور المئات من المحركات وعتاد غربلة الارض ليصبح الناتج هو (شوال).... فليكن شوالنا مخلفات لدقيق ردي (السحن) وتمارس بين مسامه (حشرات) عسلية اللون اوجدت لنفسها مساحة داخل تلكم الكيلات التي سحنتها طاحونة (ود اب كريعة) وحولتها الي بودرة الذرة التي في (استاندرها)كان عليها ان تكون بيضاء اللون ولكن هي الان تميل الي لون العسل في اطراف تلكم الالوان المتمردة علي لون البودرة الاساسي...... انه طعام الفقراء (البني كربو) هو عجينة ذلك الدقيق الردي الصناعة الملي براغيث الارض وتصنع منه عصيدةقادرة في ادني معدلات تماسكها في تجاوز اختبارات السماكة للصخور في اعلي معامل قياسات التماسك دقة وكفاءة وانضباط..عصيدة يمكن ان تطلق عليها بكل ارتياح انها يمكن ان (تفلع) وقادرة بكل يسر علي تهشيم (راس) ادمي ان استعملت في خناقة ليس ابتزالا لها بل دقة في توصيف تماسكها وصلابة ايوناتها.. في تلكم الفيافي وعندما يرسل النيل الازرق باطنه عبر فيضانه النشيط او عبر مراكب مدهشة يقودها رجال يغيبون خلف الشفق الي مسافات بعيدة في سطح ذلك النهر ويعودن الينا حاملين اطنان من (السمك) وانواعه المدهشة تباع علي ضفاف النهر الذي يكسوه(الطين الازرق) ويلتف حولهم سماسرة الاسماك واصحاب المطاعم ومخزني السمك ومحولينه الي اسماك ناشفة قادرة علي البقاء لسنين عديدة حتي تجد لها سوقا يحملها الي بيوت وكنابي وقطاطي الفقراء في اطراف القري الكثيرة ومعسكراتهم المنتشرة في غيط ذلك المكان المدهش الجغرافيا والمناخ..... اذن انه الكجيك .....
Post: #136 Title: Re: ماهو القدو قدو سيد الاسم....!! Author: متوكل بحر Date: 04-06-2011, 10:36 PM Parent: #135
عزيزى عبدالكريم وعلى سيرة الكجيك
Quote: ومخزني السمك ومحولينه الي اسماك ناشفة قادرة علي البقاء لسنين عديدة حتي تجد لها سوقا يحملها الي بيوت وكنابي وقطاطي الفقراء في اطراف القري الكثيرة ومعسكراتهم المنتشرة في غيط ذلك المكان المدهش الجغرافيا والمناخ..... اذن انه الكجيك .....
لاننسى دور اهلنا الفلاتة فى النيل الابيض وخاصة الدويم حسث تجارة الفسيخ لها رواج وعبق وشهوة فالفلاته يصطادون السمك ويتم فرز الكاسات لعمل الفسيخ ( احلى واجمل انوع الفسيخ ما صنع من سمك الكاس وهو نحيل يكثر به الشوك وعلى به لون احمر فى منطقة البطن واعلاها ) 80% من المراكب اصحابها من الفلاته
Post: #137 Title: Re: ماهو القدو قدو سيد الاسم....!! Author: عبدالكريم الامين احمد Date: 04-06-2011, 10:56 PM Parent: #136
هلا متوكل السمك والفلاتة ده كمان (جابتر كامل وشامل) وملان بالحكاوي السير و(الجيفي) او كما يناديه الهوسا له طقوس وعوالم مدهشة وناس حرفاء جدا في صيد الاسماك وسواقة المراكب وصناعة الماكولات السمكية وحي نواحي مايرنو وحي(ثاني) الغمام فهو احسن زول انا اشوفو بيعرف بياكل سمك في العالم وفسيخ الدويم تاريخي ياااخ مصنوع وكما يبدو بمهارة وتركيز معتق
Post: #138 Title: Re: ماهو القدو قدو سيد الاسم....!! Author: متوكل بحر Date: 04-06-2011, 11:58 PM Parent: #137
بالله ياصديق لمن تحصل الجابتر دة ادينا خبر عشان اوصف طريقة عمل الفسيخ بشكل دويمى ًًًًًًًًًًًًًًًًًًًً ص-----------------------اح الوصفة مرسله من الدويم
Post: #139 Title: Re: ماهو القدو قدو سيد الاسم....!! Author: عبدالكريم الامين احمد Date: 04-07-2011, 06:57 AM Parent: #138
Quote: عشان اوصف طريقة عمل الفسيخ بشكل دويمى ًًًًًًًًًًًًًًًًًًًً ص-----------------------اح
هلا يا متوكل وارحنا بهذا الوصف يا متوكل والينا به سريعا مارش.. والا ليت ايام كراكير (روتو) تعود اني اذن لسعيدو
ودا ياهو القدو قدو الأصلي بتاعنا دا قدو قدو جلابي ساي ومافيه فايدة وبالمناسبة المطعم دا كل روادة افارقة وأغلبهم أخوانا النيجريين والسنغاليين تصدق لقيت الأكل بتاعنا دا كله هناك والجماعة كلهم واقعين في العصيدة وملاح الخدرة الزي حقنا دا 
