الرمادي ...

الرمادي هي مدينة تقع في غرب العراق. تبعد عن غرب بغداد حوالي 110 كيلومتر، وهي مركز محافظة الأنبار.
تقع المدينة في جنوب غرب ما يسمى بالمثلث السني العراقي. حسب تقديرات يبلغ عدد سكانها ما بين 600 الف نسمة و900 الف نسمة، وينتمي أغلب سكان المدينة إلى عشائر الدليم البوفهد والبوعلوان والبوذياب والبوعساف والبومرعي والبو خليفة والبوريشة والبو عبيد.
بدأت على أرض الرمادي نهضة عمرانية وذلك بسبب الموقع البعيد عن أحداث الحرب العراقية الإيرانية، وهي تعتبر مدينة مهمة بالنسبة للتجارة بين العراق والأردن وسوريا، كما أنها مرتبطة بخطوط مواصلات سريعة مع العاصمة العراقية بغداد بالإضافة إلى المدن الأخرى القريبة من الحدود الغربية للبلاد، وفي المدينة مواقع أثرية قديمة جداً.
تعد المدينة نقطة رئيسية للمقاومة العراقية للاحتلال الأمريكي للعراق. تحتوي على خط السكة الحديدية الرئيسية الذي يقود إلى سوريا، لذا فإن القادة العسكريين الأمريكيين يعتبرون المدينة منطقة تنقل للمقاومين.


أسس مدينة الرمادي والي بغداد مدحت باشا الذي حكم بين عامي 1869 و 1872. وأصبحت بعد ذلك مدينة يرتادها المسافرون ليتزودوا بالطعام. في عام 1932 سكنت بشكل فعلي وتم إنشاء طرق مواصلات تمر بالمدينة مما أدى إلى نهضتها العمرانية بعد أن انتشرت فيها المساكن. ومن بين القبائل العربية التي سكنتها الدليم، والمناذرة، وعنزة.
كما يوجد بها مجموعة من الأكراد. وبين الرمادي والفلوجة يقع مطار "سن الذبان" الذي أسسه البريطانيون عام 1935، في غرب الفرات، بالقرب من الحبانية. وقد كان معسكراً تنقل إليه القوات الجوية البريطانية من المعسكرات الأخرى. سكن الجيش العراقي المدينة منذ عام 1955 بعد أن ألغيت معاهدة 30 حزيران 1935 والتي تنص على أن تقوم بريطانيا بإنشاء قاعدتين جويتين في الرمادي والشعيبة. وفي نيسان/أبريل عام 1956 فتحت أقنية مائية لبحيرة الحبانية.

كانت مدينة الرمادي تعتبر من المدن التي تشهد مستوى عال من العمليات مسلحة ومن أشهر المعارك المسلحة التي جرت في المدينة جرت في منطقة الساجرية في بداية الحرب. حاولت القوات الأمريكية على إحكام السيطرة على المدينة بعد قتال عنيف، شهدت مدينة الرمادي معارك ومواجهات ضد القوات الأمريكية أستمرت نحو خمس سنين متواصلة.
وكان لجماعة أنصار السنة والجيش الإسلامي وكتائب ثورة العشرين وجيش الفاتحين وعشرات التنظيمات الأخرى الفضل في التصدي للاحتلال. وكانت الصواريخ وقذائف الهاون تمطر مطراً على القواعد الأمريكية ليلاُ نهاراُ. أستقر الوضع الأمني في الرمادي أواخر عام 2007م بعد سيطرة الشرطة على المدينة بعد موافقة التنظيمات المسلحة على إنشاء الشرطة.
وقد توصل شيوخ الرمادي إلى اتفاق مع الحكومة العراقية يقتضي بأن تنحسب القوات الأمريكية من القواعد والنكثات العسكرية بالمدينة مقابل إنشاء الشرطة واعادة افراد الجيش السابق. وفي الوقت الحالي تسيطر قوات شرطة الأنبار على المدينة وعلى عموم الأنبار.

http://ar.wikipedia.org/wiki/%D8%A7%D9%84%D8%B1%D9%85%D8%A7%D8%AF%D9%8A

_______________________________

+يتبع (يا قول هناي)

واهم من يظن أن الحياة بدأت في سودانيزاونلاين
وخيالي من يحسبها تنهي به
ومسكين من يظن أن الكتابة يجب أن تكون للآخرين بغرض اثارة اعجابهم و لكي يهزوا رؤوسهم استحسانا

_____________
ويتبع يا قول اسمو مين دا

الكتابة ليست للآخرين لتنال اعجابهم يامحمد بل
لنفسك لترضى ضميرك ...اشاهد باستغراب (شديد جدا)
مواقفك الاخيرة ..ومحاولاتك المستمرة لادخال (الجمل
من سم الخياط) مع آخرين ..ترى كيف تتبدل المواقف
بعد ان كانت واضحة وبينة لتصبح (رمادية) مثل عنوان
بوستك ؟!

ياباشمهندس وانت سيد العارفين ان الحياة لم تبدا
من سودانيز ..وكذلك تعلم وانت (ابن ام نخيل) ان
القلم والكتابة امانة ..وامانة عظيمة لو نعلم ..
فاطلق لقلمك عنانه ليفضح الباطل وينصر الحق مهما
كان موقفك من انصار الحق او انصار الباطل ..وجه
عقلك الذى نثق فى قدرته على التمييز وجهه نحو
القضية ودعك من الاشخاص ..

اقول قولى هذا واتمنى ان لايغضبك ..فهى كلمة مناصحة
ابذلها لك انت ..وقد ابخل بها على غيرك ..

هذا والله اعلم ...

شكرا على النصيحة يا محمد
وعرفانا مني ابرك بي واحدة

ما تفترض انو قرايتك وتقييمك للامور دايما هو الصاح الذي لا يقبل الجدل

سنتابع علي قول الصادق !!

قسما بالله الذي لا إله إلا هو
إني كنت بفكر أعمل البوست دا وأنا ماشي المكتب!

كنت في ضيافة بورداب أعزاء في شاي المغرب وكالعادة كان
النقاش عن الأحداث الأخيرة والرمادية وطالع منهم فكرت أعمل
بوست باسم (الرمادي) وأجيب صورة المدينة ونبذة عنها!!

Quote: قسما بالله الذي لا إله إلا هو إني كنت بفكر أعمل البوست دا وأنا ماشي المكتب!

ود البشرى بالله إتبرع ليه ريع هذا البوست دا....

Quote: كنت في ضيافة بورداب أعزاء في شاي المغرب

ياهو حالك من صينية شاي لي صينية كوارع.....

أحسن منكـ .. بعد شوية بنلاقيكـ
في صينية القندول عديل كـدا!!

مهم جدا يا محمد اللا تكون مستثارا ضد فكرة ما, بسبب محيط ما, فى مجال ما, لم تبدأ الحياة فيه ولا تنتهى عنده ..

Quote: قسما بالله الذي لا إله إلا هو إني كنت بفكر أعمل البوست دا وأنا ماشي المكتب! كنت في ضيافة بورداب أعزاء في شاي المغرب وكالعادة كان النقاش عن الأحداث الأخيرة والرمادية وطالع منهم فكرت أعمل بوست باسم (الرمادي) وأجيب صورة المدينة ونبذة عنها!!

birds of feather flock together
___
and so do الضحوكنجية ؛)

تعرف يا حمودي الفرق بينك وبين أبوحتوت شنو؟
___
إنت صوتك دشِن وصوت أبوحتوت ناعِم..

..
.

Quote: birds of feather flock together

حكمة الخواجات دى يا ابوتفه شاملة الجميع
وخصوصا مجموعة وقائمة ( جثة الشرف )


-------

فعليك الله ما تهبش عش الدبابير
نحنا فضينا خلااص ..

تبلدينا يا كنار

Quote: حكمة الخواجات دى يا ابوتفه شاملة الجميع وخصوصا مجموعة وقائمة ( جثة الشرف )

ناس جثة الشرف والأكاذيب ديل أنا لا أدخل حتى بوستاتهم..
____
مداخلاتي يا تبلدينا لا علاقة لهما بما يدور بالبوست، كل مافيهما هو مابين ( )، شفت كيف؟ حمودي وأبوحتوت يفهمان ذلك..

سلامات محمد البشرى الخضر
احتمال اكون مستعجلة فى الكتابة فى بوستك ده. لكن جملتك دى اظنها لخصت البوست

Quote: واهم من يظن أن الحياة بدأت في سودانيزاونلاين وخيالي من يحسبها تنهي به ومسكين من يظن أن الكتابة يجب أن تكون للآخرين بغرض اثارة اعجابهم و لكي يهزوا رؤوسهم استحسانا

كلامك صحيح. الحياة ما بدات هنا و لا حتى ح تنتهى هنا ...و هى اصلا الان ما موجوده هنا. لكن البورد (بالنسبة لى انا على الاقل) شباك بعاين بيه على السودان. كلنا بنسمع الاخبار هنا و العاقل بيميز بين الحقيقي و الكلام الفارغ.
ح اكتب حاجه هنا خاصة شوية (و احتمال بعد ما اكتبها اتجرس و امسحها). انا طلعت من السودان من حوالى ٩ سنوات. بمشى اجازات السودان كل سنة او اتنين. الان و بفضل الفيسبوك....انا بتعرف على اهلى (خاصة الشباب ,سن ١٢ لحدى ٤٠ ) من الاول. كانهم ناس جداد جدا فى حياتى. ما بعرفهم قبل كده. و حاليا امارس الاندهاش (و ما تسالنى بكتشف شنو الايام دى). العاوزه اقوله ان ...فعلا النت و مواقع التواصل الاجتماعى ما كل الدنيا ..لكن (بالجد) اللى مكن تاخده منها عن الدنيا قريب جدا جدا من الحقيقة و الواقع.
و بالنسبة لى انا....البورد و الفيسبوك هم طرق التواصل الوحيد مع السودان.

الحاجه الحاصلة الان ما بقت منو مع الحكومة و منو مع المعارضة. الحاصل الان ان المواطن السودانى بقى ما عندو قيمة. و الله انا بس قلبى واجعنى الايام دى على الهوان اللى احنا فيه. اى وطن ده اللى ما بتحس فيه بالامان. الفساد السامعه بيه و الشايفاه بعيونى. الظلم الحاصل على الناس.
معقول احنا شعب ما بيستاهل يكون محترم من حكومته???

ما فى زول عندو حق يوصف موقفك باى لون.....لكن كمان السكوت على الحكومة دى ذى الموافقة عليها و البصم على سياساتها.

Quote: ما تفترض انو قرايتك وتقييمك للامور دايما هو الصاح الذي لا يقبل الجدل

ى حاجه ممكن نتجادل فيها .لكن تفتكر مواقف الحكومة دى ممكن يتغالطوا فيها اتنين? احتمال يكون فى حاجه انا ما شايفاها*
بين جملتك الفوق دى و بين "الساكت عن الحق شيطان اخرس" الناس اللى فى حالتى دى يعملوا شنو?

__________________________________
*بالجد لو فى حاجه انا ما شايفاها قول لى.

Quote: واهم من يظن أن الحياة بدأت في سودانيزاونلاين وخيالي من يحسبها تنهي به

يا زميل
كلما تقرا جملة زى دى و تشوف الزول محمبك قدر كيف من كم كلمه اتقالت ليهو في سودانيزاونلاين - انكلودينق ماي سيلف - تقرب تقول "دلللللل" . الواحد ممكن يطمن روحو بي كلام زى ده, انو الانترنت ماهى كل الحياة و هى جمله صحيحه لكنها جزء من الحقيقه, لأننا - الناس البقت الانترنت جزء اساسي من تواصلهم مع الدنيا و الآخرين غض النظر عن أهداف التواصل و التبادل ده - بيأثر فينا البحصل هنا ده سلبآ و ايجابآ و قد يقود لتحولات كبيرة في نظرتنا و تعاملنا مع الناس و الافكار و المواقف, خطر اذا تركنا الأمر ده للانفعالات و ردود الأفعال. الأفضل اننا نحاول نقود التغيير ده بي صورة واعية في اتجاه ايجابي , مستعد أديك من تجربتى الخاصه عشرات النماذج من كل نوع: غلطت و نبذت ,غلطو فينى و نبذونى, صنفت و صنفونى, جرمت و جرمونى , و اترفدتا كمان , و في لحظات تجوط ليك لما ما تقدر تفرز عدوك من حبيبك ( زى موضوع صوات و البندر)
و شكرآ شعبي.
أها يا زميل, بعد مناحاتك الفوق دى و حلايف الزميل التانى ... عاوز تقول شنو؟ شايفك ماشي في درب زول اخونا أول اسمو تمبس لو قلت ليهو السلام عليكم يرد ليك : مافي حوار , زمان قلنا و قلنا, و قالو لينا و قالو فينا .... الدرب ده كعب ... و ده كلام بقولو لى رقبتى برضو و ما عندو علاقه بي سياسة و لا معارضه : ده درب بداية التوهان و فقدان الصله بالواقع ...
وسع الأحلام و أهرب منو ضيقك

Quote: أحسن منكـ .. بعد شوية بنلاقيكـ في صينية القندول عديل كـدا!!

ليه قايلني رمادي زيك........

..
.
يا حبيب عش حياتك وارتكز على مواقفك
حسب قناعاتك ومبادئك وما يمليه عليك ضميرك
وكل فرد بالغ عاقل يستطيع ان يقيم الامور بمنظاره
وزاويته الخاصة .. فالجمع لا يفوقك وعيا ولا البعض يتميز
عنك ذكاءا ..
ان تكون رمادى فهذا يعنى انك افلاطونى تحاول ما استطعت ان تجمع
بين مزايا هذا .. وتبعد مساؤى ذاك ... لاجل يوم افضل اتٍ لا محالة
واعلم يا صديقى انها معادلة صعبة فى هذا المكان وعلى الواقع فنظرية من لم يؤيد
ليس معنا .. لا تعنى الكثير ..
وبالرغم ان هناك قضايا لا تحتاج لمزايدات ومواقف لا تحتاج لاعادة تأهيل
او تربية او انعاش وصدمات كهربائية .. تأتى ردودها بالفطرة .. بالانسانية
بالحس الوطنى ولكنهم يرون الامر من زاويتهم الخاصة ..
فدعهم .. يمارسون حقوقهم الاسفيرية ويغازلون الكيبورد فى عوالمهم
الخيالية ..
ولاشك انه لكل حدث حديث ولكل اجل كتاب ولابد لكل جبار يوم
ولابد للظلم من نهاية
.. شئنا ام أبينا..

----------

حكمة التبلدى : مارس حياتك وفق قناعاتك
ولا تهتم بمعايير الآخرين؛

Quote: لكن البورد (بالنسبة لى انا على الاقل) شباك بعاين بيه على السودان

نصيحة والله يا سمارت .. حاولي تغيّري الفكرة دي!

..
.

Quote: نصيحة والله يا سمارت .. حاولي تغيّري الفكرة دي!

دى نصيحة غالية جداً .. فلا تستهينى بها
وان كانت ارائك مدعومة بتواصل الفيس بوك ..
فهو لا يحكى واقع معاش ..

----------

سلام يا صائم الرمادى؛

شكرا يا محمد الصايم. انا بقبل النصيحة و برحب بيها
لكن لازم تفسر اكتر.
انا معاك ...الحجات المهمة فى البورد ما هى الحاجات المهمة فى الشارع السودانى. لكن ده ما معناه انو ما فى علاقة نهائي..

لكن انت ما شايف ان الفساد متاصل فى البلد ?
ما شايف انو كرامتنا ما عنده قيمة فى بلدنا?
الحاجه اللى انا مندهشة ليها انو ما فى ناس كتار شغالين بالموضوع ده فى السودان!!!
جاوب على لو سمحت.....انا شايفه غلط? الحجات دى ما حاصلة?
ام الحجات دى ما مهمة بالنسبة للشعب السودانى ??
معليش محمد البشرى....استلمت بوستك فى الفاضي
____________________________________________________
امس (من كترة ان اعصابى بايضة بسبب الحاصل) زوجى واعد يدينى خمسمية دولارد (خارج الميزانية) اعمل بيها العاوزاه لو بطلت البورد و الفيسبوك لمدة شهر عشان اريح اعصابى. شكلى ح اشيل القروش و افتح لكل القضايا

Quote: امس (من كترة ان اعصابى بايضة بسبب الحاصل) زوجى واعد يدينى خمسمية دولارد (خارج الميزانية) اعمل بيها العاوزاه لو بطلت البورد و الفيسبوك لمدة شهر عشان اريح اعصابى. شكلى ح اشيل القروش و افتح لكل القضايا

أها عشان كـدا قلنا ليكـ حاولي تغيري الفكرة دي!!
أغلب القضايا البيتم تناولها هنا يا سمارت بيكون
تأثيرها على أرض الواقع .. أو نقلها من الواقع بيكون
نسبة الصحة فيه لا تتجاوز أصابع اليد الواحدة!!

أقرب مثال للقصة دي ثورة الخرطوم البوستات الكانت بتتناول
الموضوع وكتابها من خارج السودان والبوستات البتتناول نفس
القضية وكتابها من السودان .. المكتوين بالنار جدجد!!
أمشي أقري بوست عمر عُشاري ومحمد عمر جبريل وشوفي البوستات التانية!!

صديقي ود البشرى..حبابك

شنو يا زول انت زعلت ولا شنو؟..المهم

تلاتة سنين من عمري الإسفيري في هذا المنتدى نابتني اوصاف و تقييمات مسبقة..من شاكلة (رمادي) (ماسك العصاية من النص)..(خاتف لونين تجاه القضايا)..و هكذا..!

لكن الليلة..قاعد اتلفت حولي..و اعاين للناس الكانت بتوزع ليك انواط الشرف اياها و التي نابني منهاما نابني..يعني يا صديقي هم قالوا رايهم ..و انا سويت العلي..وياهو لغاية الليلة قاعدين.. لكن حدثت حاجة صغيرة.. أنو الناس بعد داك بقت تدي نفسها فرصة مراجعة ذات..!

من زمان يا محمد وصلنا لقناعة انو نبقى محايدين و متمردين على الأطر التنظيمية السياسية السودانية..و الغريبة كل يوم فجر جديد يمر نوهائي ما بتحس فيها بحاجة فاتتك..!!

كن كما انت يا صديقي..و الحبة ما بتجيك..!

كبر

حبابكـ يا تبلدينا .. المتجاوز للون الرمادي بمراحل!!



في مرة من المرارير وأنا قاعد في أمانة الله ومولع شيشة في السطوح
في الطابق التالت .. شايف الحاج يوسف دي كووولها تحت عيني وإذا واحد
أخونا فاتح بوست الساعة بعد الساعة واحدة قال في مظاهرات في الحاج يوسف
والشرطة تحاصر المتظاهرين والهيلمانة قايمة .. لمن أنا ذاتي اتخلعت وداير
ألم العدة .. رفعت راسي أشوف الحاصل شنو .. يعني قطع شكـ الوكت داكـ
شارع الظلط زاتو كان نايم!! اضطريت أجيب لي قزازة شامبيون من التلاجة
يمكن أشوف الشايفو الزول الفتح البوست دا .. برضو أبت تزبط معاي!!

..
.

Quote: أقرب مثال للقصة دي ثورة الخرطوم

بمناسبة الثورات دى رأيك شنو يا رمادى فى مظاهرة ( الشرف ) ليوم غد الجمعة
دعوة لم تكمل 24 ساعة .. فى النت لكل مساجد الخرطوم ..!!؟
انا ماعارف الناس دى ما بتستفيد من التجارب ..!!؟
وتقعد ترتب نفسها بعد تجربة 30 يناير و3 فبراير _لاحظ التوقيت _
لما لا يستفيدوا من الانتفاضة - ثورة مصر - ثورة بوعزيزى
وترتيب الصف وتوحيد الجهود حتى وان كان الغضب بسبب يمس النخوة
والكرامة الانسانية والشرف السودانى..!!

----------

طبعا دا راى شخص تجاوز الرمادية
ويعلم ان وائل غنيم ومجموعته احتاج لعام كامل للدعوة
لساحة التحرير ووصل فى ساعة الصفر للبلد..

البوصلة!




قالوا البوصلة دي جهاز داخلي ، عندو علاقة بالهورمونات

والتوازن المكتسب خلال النضج !

Quote: امس (من كترة ان اعصابى بايضة بسبب الحاصل) زوجى واعد يدينى خمسمية دولارد (خارج الميزانية) اعمل بيها العاوزاه لو بطلت البورد و الفيسبوك لمدة شهر عشان اريح اعصابى. شكلى ح اشيل القروش و افتح لكل القضايا

يا سمارت قول ليه دكتور أمين قال ليك (تلك أشياء لا تشتري ) !!!

..
.
انا فعلاً اقتنعت ان ( اعصابكـ بايظة )
وتستحقين 500$

--------

وذلك عندما قرأت ما اقتبسه الاخ امين؛

Quote: أها عشان كـدا قلنا ليكـ حاولي تغيري الفكرة دي!! أغلب القضايا البيتم تناولها هنا يا سمارت بيكون تأثيرها على أرض الواقع .. أو نقلها من الواقع بيكون نسبة الصحة فيه لا تتجاوز أصابع اليد الواحدة!! أقرب مثال للقصة دي ثورة الخرطوم البوستات الكانت بتتناول الموضوع وكتابها من خارج السودان والبوستات البتتناول نفس القضية وكتابها من السودان .. المكتوين بالنار جدجد!! أمشي أقري بوست عمر عُشاري ومحمد عمر جبريل وشوفي البوستات

التانية!!
يا محمد انا كمان ما عبيطه. (ما تقول انى زعلت . انا ما زعلانه. انا بس اعصابى بايضه). انا فاهمة تماما ان الشعب السودانى ما شغال بالحاصل هنا. المحيرنى ان الشعب السودانى ما شغال بالحاصل فى السودان اصلا شنو ليه?.
ارجوك (تانى) ترد على كلامى ده.
فى فساد فى السودان ام لا?
فى امتهان للكرامة من ناس الامن و القوات النظامية ام لا?
الحالة صعبة و الغلاء مبالغ فيه ام لا?
لو اجابتك نعم ...ليه الناس ما شغالة بالموضوع فى الشارع?. ليه الشباب فى اسرتى همهم فى الفيسبوك ما ليه علاقة بالمواضيع دى?
ليه الواحد بيكون خريج و عاطل و بيقول انه ما عندو مشكلة مع الحكومة. ليه زول بيكون مغترب و بيشكو اشواقه للسودان لكن ما عاوز يرجع بلدو و بيشكر فى الحكومة?*

Quote: يا سمارت قول ليه دكتور أمين قال ليك (تلك أشياء لا تشتري ) !!!

د. امين ضربت ليه تلفون و قلت ليه كلامك ده بالنص. فقال لى: :اكتبى رقم مناسب و رسليه فى ايميل و بنتفق ان شاء الله".
وقفل الخط.
ضرب بعد عشرة ثوانى سائلا: د. امين ده منو?

Quote: وان كانت ارائك مدعومة بتواصل الفيس بوك .. فهو لا يحكى واقع معاش ..

تبلدينا....
بالجد ....الفيسبوك بتاعى فيه الشارع السودان بالجد جد.
عارف:
نفرين او تلاته جابو سيرة انفصال الجنوب فى السنة الفاتت.
اصلا ما عارفين حاجه اسمها سودانيزاولاين.
بيختوا وصلات بتاعة مظاهرات لتايييد البشير.

_______________________________________
*عارفه ....الناس حرة تشتغل محل ما عاوزه و تعيش محل ما عاوزه.

..
.

Quote: تبلدينا.... بالجد ....الفيسبوك بتاعى فيه الشارع السودان بالجد جد.

أذن فلننتظر مظاهرة يوم غدٍ ..
فدعوتها تمت هنا وفى الفيس بوك
وساختار احد اكبر 3 مساجد بالخرطوم وسط
لاداء الصلاة لارى بأم عينى واشارك ..


-------

فقد اكون ابيض ناصع او اسود داكن؛

Quote: المحيرنى ان الشعب السودانى ما شغال بالحاصل فى السودان اصلا شنو ليه?.

أولا حاشاكـ من العبط يا سمارت!

من وجهة نظري إنو قنع من خيراً في المعارضة!

المعارضة ما قادرة تعمل تغيير في نفسها ودايرة
تطبقوا على الشعب السوداني الفضل!!

Quote: أها يا زميل, بعد مناحاتك الفوق دى و حلايف الزميل التانى ... عاوز تقول شنو؟ شايفك ماشي في درب زول اخونا أول اسمو تمبس لو قلت ليهو السلام عليكم يرد ليك : مافي حوار , زمان قلنا و قلنا, و قالو لينا و قالو فينا .... الدرب ده كعب ... و ده كلام بقولو لى رقبتى برضو و ما عندو علاقه بي سياسة و لا معارضه : ده درب بداية التوهان و فقدان الصله بالواقع ... وسع الأحلام و أهرب منو ضيقك

اسي ديل كم عصفور بحجر واحد!!؟ الداير يقرأ كلامي مستصحب معاهو مثل الخوجات القالو طيفور براحتو وأنا مالي

هوي يا مورتا
أبوحتوت وحمودي ديل انا والله ما قبل فيهم، داير تقول ليهم كلام بين قوسين أشملني معاك، داير تطلع بره القوسن، أنا استبرأ منك..

بالمناسبة يا أب تفة .. طواقيكـ دي عندي فيها نصيب ولّ أكبر القوس؟

تبرأ يا حمودي من الطواقي،
أكان عندك فيها نصيب البيناتنا عامرة كان لبستك ليها براي..
___
وحلفت عليك بالتلاتة ما تطلعها..

تعرف يا أب تفة اتوقعت يكون ردّكـ:
أكضب عليكـ لو قلت ليكـ ما عندكـ!!

Quote: أكضب عليكـ لو قلت ليكـ ما عندكـ!!

إذا ساء فعل المرء ساءت ظنونه!
____
كان كده أمشي شيل الطواقي مجدعة، خيبة الله عليك ؛)

بالمناسبة يا أب تفة .. البوست كلو أنا شايفو استعدائي!

..
.

Quote: الداير يقرأ كلامي مستصحب معاهو مثل الخوجات القالو طيفور براحتو وأنا مالي

انت منو ..!!؟

------

ناس بتحاول توسع قاعدتها ..

هسي في زول جاب سيرة حلاوة حربة في البوست دا؟

بسم الله بسم الله البوست دا مسكون قي مداخلة لا عندا سيد ولا فيها كلام وبي تاريخ قبل ميلاد ود الصيام ..

محمد معانا ما تغشانا

Quote: أذن فلننتظر مظاهرة يوم غدٍ .. فدعوتها تمت هنا وفى الفيس بوك

يطرشنى, يعمينى, و يكسر كومبيوترى..ما سمعت بيها فى الفيسبوك.
يا تبلدينا يا اخوى شكلو ده :كما تكونوا (او يكون اصحابكم فى الفيس بوك) يكون فيسبوككم. انا احسن حاجه اديك ملخص سريع لاصحابى فى الفيسبوك (الان) بيتكلموا عن شنو:
الان فى زول خاتى اغنية لفيروز.
زول بيشتم فى عادل امام و سيف الاسلام القزافى
زول بيضحك على القزافى
زول بيسال عن برج الفاتح ح يكون اسمه شنو بعد ما القزافى يشتت
ده غير المواضيع الخاصة ...ذى : "انا زهجان" و "انا فرحانة" و " كن جميلا ترى الوجود جميلا" و كده
ممكن اصحاب زى ديل جيبوا سيرة مظاهرات??
ديل هم الشعب السودانى....

..
.

Quote: ديل هم الشعب السودانى....

خطأ .. ديل اصحابك انت بس ..
الشعب السودانى معظمه خلايا نائمة وبعضه
حاضنة ..


---------

لم يأت الطقس والتوقيت المناسب لتفقس ..

ابو حتحوت وود الصائم

إن تكونا رماديين او بنفسجيجيين..

ستظلان من القلائل الذين سعدت بمعرفتهم في هذا البورد العجيب.


لكما المحبة والتقدير.

Quote: ابو حتحوت وود الصائم إن تكونا رماديين او بنفسجيجيين.. ستظلان من القلائل الذين سعدت بمعرفتهم في هذا البورد العجيب. لكما المحبة والتقدير.

يا ود خليل بالله ركز معانا وما تحرف إتجاه البوست..
___
()

محمد خليل يا عمكـ
نتشرف بيكـ والله

اسمارت ممكن تلفون زوجك
انا علي استعداد اخلي الاكسل زاتو خليك من النت
نت شنوسطح المكتب متبرع بيهو لي ود الصايم يشرب فيهو شيشة وتحته الايقونات علي مد بصره
بي 250 $

يا اسمارت
مداخلتك بتاعة الخمسمية دي ذكرتني القصة القصيرة المشهورة عندما قال احمد لخطيبته , كم تمنيت ان اتملك قصرا وسيارة رياضية وارصدة ضخمة في البنوك مثل صديقي عادل لاسعدك يا حبيبتي , قاطعته حبيبته قائلا لو اردت سعادتي فعلا فعرفني علي صديقك عادل.
فاسع عرفينا علي زوجك يا اسمارت

يا إسئس
50 دولار سمارت أنا ذكرتني : واحد واقف في الحرم وبيدعي يا الله مليون ريال يا الله مليون ريال، وقف جمبو واحد وبقى يدعي يا الله خمسين ريال يا الله خمسين ريال، الداير مليون ريال دخل يدو في جيبو وطلع خمسين ريال أداها ليهو، وواصل يدعي يا الله ركز معاي..

Quote: ضرب بعد عشرة ثوانى سائلا: د. امين ده منو?

كان كده ما تشتغلي بيه شغله !!
-----------
عالم مرتاحه عندها خمسمية دولار خارج الميزانية !!!
هسي عليك الله شوفي أساسي المحتقن ده : : ميزانيتو كلها ما تامه خمسمية دولار

زوجى يا اساسي عاوز يشترى راحة البال. عارف انه لحدى الان ما شاف فيديو البنت المجلوده? بيقرا الجرايد و سودانيل بس. و ما حصل دخل اى بورد. ما عندو حساب فيسبوك و ما بيخش يوتيوب نهائي و ما عارف اصلا (و ما عاوز يعرف) انا بكتب باى اسم هنا.
موضوع القروش ده غالبا شرك. ح يدينى ليها الان. لما اجى ماشه السودان شهر اتناشر ح يقول لى:" القروش ما صرفتيها فى محل الجزم شهر فبراير"
لكن بعرفك بيه لو عاوز!!!

Quote: من وجهة نظري إنو قنع من خيراً في المعارضة! المعارضة ما قادرة تعمل تغيير في نفسها ودايرة تطبقوا على الشعب السوداني الفضل!!

ود الصائم

كلام عجيب لمن الواحد يفكر فيهو، هي المعارضة منو والشعب ذاتو منو، حيرتونا والله، المشكلة إنو أي زول قاعد هنا في سودانيز اونلاين مفتكر إنو المعارضة يا ها الناس البيكتبوا في سودانيز وبيفتكرو إنهم معارضة، وفي ناس كمان في الجانب الآخر بيفتكروا إنو الحكومة يا ها الناس القاعدين يكتبوا ويدافعوا عن الحكومة. عشان كدة بتظهر الأراء الرمادية والتصنيفات و(العوة الفي الضلف).

اها النكلمك ضحي يا عملات الجريفاوي.


مافي حاجة إسمها المعارضة (كدة ساكت)، في موقف تجاه ما يحدث في السودان، وهو موقف ضد السياسات الحاصلة من الجبهة الإسلامية وحكومتها. الموقف دا بيشمل ناس كتار (إنت واحد منهم)، الناس ديل ما تنظيم واحد، فيهم زول ضد الساسات دي لأنها (منعتو من الفساد والسرقة)، يعنى هو بيعارض عشان هم منعوهو من السرقة وسرقوا هم براهم، وفيهم الإنسان الداير السودان دا يكون دولة بتاعت مؤسسات وبين الزولين ديل في آلاف المواقف، لمن تجي إنت وكتير من أعضاء المنبر دا وبجرة (كيبورد) تقول لي المعارضة (وتفتكر إنهم واحد) لدرجة إنك تصرح كدة عديل (أنو الشعب قنع من المعارضة)، بيكون سؤالي ليك طوالي يا تو معارضة دي القنع منها الشعب السوداني (المعارضة كموقف من الشعب إنو بيعارض السياسات البتحصل في السودان دا) ولا قصدك هو قنعان من (الأحزاب البتعارض)، ولا شنو المعارضة دى.

بعدين هو شنو الشعب السوداني دا وساكن وين وبتين اجتمع عشان يقنع ولا يأييد.

المشكلة إنو الحاصل في منبر (بكري دا) بسيط جداً، ناس ملمومة في حتى للتواصل، كلو زول جاي وعندو هدف، فبالله ما تحملوا المكان دا اكتر من طاقتو، في زول عندو مراهقة متأخرة (أها دا كان بقي معارض ولا مؤيد ولا مستقل) ما حيخلي ليكم معارضته، وفي نوع (أحمق عديل)، دا ممكن يبقى (كوز) عشان إستفزاه واحد من (المعارضين) والعكس صحيح. في نوع مهووس بفكرة محددة (ناس عنزة ولو طارت) ودا ما حيقتنع ليك بأي شئ.

داير أمثلة، خد عندك عصام دهب (بقي مؤتمر وطني عشان هو ضد المعارضة)، مصطفي محمود (لو الحكومة سقطت حيكون معارضة ولافي بي كوتاته) هشام هباني (حيظل في معارضته بإستعمال نفس الالفاظ البيستعملها كل مرة). ومممكن أمشي معاك في كل الأسماء (ود الصائم) حيظل يمارس (كااااكاته).


دا المكان دا كل واحد حيجي بي مشكلته وبي فهمو، هسة عاين مثلاً المثال بتاع تبلدينا الفوق دا، تفتكر هسة ما ممكن إنو الناس دي بكرة تطلع من الجوامع وتسقط الحكمومة (ممكن) لكن هل دا حيكون لأنو قرأوا في سود\انيز ومشوا نفذوا؟؟؟


القصة بالنسبة لي واضحة جداً هنا على الأقل في سودانيز، الناس دايرا تلف وتقعد (تشخصن القضايا) وتقعد (تعمم) فالحال حيكون الحال، الناس دايرة تفرز وتتكلم بموضوعية وتسيب الأفكار المسبقة والعقلية التصنيفية، المكان دا حيسع الجميع.

الصادق المتابع .. شكرا ياخ على الرد الضافي
بس ملاحظة مهمة إنو أنا قلت في بداية كلامي (حسب وجهة نظري)!
هي وجهة نظر تحتمل الصواب وتحتمل الخطأ!

بالنسبة لقصة المعارضة في سودانيز أون لاين لازم يكون كلامنا عنها
لأنو نحن قاعدين في سودانيز أون لاين بنضرب في كلكات والناس جوه
البلد مكتوية بالحاصل .. من أي جهة كانت!!!

Quote: يا ود خليل بالله ركز معانا وما تحرف إتجاه البوست..

ود طيفور ..تركيز شنو ياخ مع السقط ده..

Quote: بالنسبة لقصة المعارضة في سودانيز أون لاين لازم يكون كلامنا عنها لأنو نحن قاعدين في سودانيز أون لاين بنضرب في كلكات والناس جوه البلد مكتوية بالحاصل .. من أي جهة كانت!!!

ود الصايم

أنا ما قلت إنو ما في زول إتكلم عن المعارضة، أنا بقصد (التعميم) يعنى هسة حمور زيادة (معارضة) وبشاشا (معارضة) وود الصايم (معارضة) وتبلدينا (معارضة).

لمن أي زول يجى يقول المعارضة عملت وسوت، الكلام دا بيكون مقصود بيهو شنو، يعنى هسة مبارك الفاضل دا إتفق مع الحكومة وبقى وزير معناها المعارضة خلاص إتفقت مع الحكومة، الترابي معارضة خلاص رأي الترابي هو رأي المعارضة.

يا حبيب دا المقصود، ما في حاجة إسمها المعارضة ممكن أجى واحاسبها وأقول عملت وسوت، في موقف معارض، حأقول عديل الناس المؤيدين الموقف الفلاني أنا ضدو، زي ما إنت ذكرت موضوع الزول القال في مظاهرة في الحاج يوسف، أها حتجى تقول لي دا من المعارضة، ممكن أقول ليك دا من ناس الحكومة (وغواصة كمان)، لكن إذا من البداية وجهت كلامك لي الزول نفسو الجاب الخبر وقلت ليهو إنت دا كضاب، أعتقد تاني مرة ما حيجيب (خبر لو ما إتاكد منو)، ودونك قضايا السرقات الفكرية، أها إنحسرت جداً وأي زول قبضوا بالثابتة حيحرم تانتي يسرق.

مرة ثانية التعميم في موضوع المعارضة هو جزء من مشكلة المنبر. طبعاً الحكومة واحدة وحزب واحد عشان كدة ممكن تقول الحكومة سوت وعملت وممكن تطلع بيان بإسمها وعنده ناطق رسمى وورق مرؤس وأختام، المعارضة لا فالتعميم ماشي في البورد والكلام عن المعارضة ب‘تبار أنها (شخصية إعتبارية) فيهو كتير من عدم الدقة والموضوعية البيؤدي في النهاية لتكتلات وذهنيات تصنيفية.

Quote: ناس جثة الشرف والأكاذيب ديل أنا لا أدخل حتى بوستاتهم

سلام يا ياسر..

غلبني أفهم الكوت دا و الله..!!!!!

رابط البوست المعني..

أتمنى أسمع رأي تمبس، ود الصايم، ود البشرى، وليد المبارك...آخرين! توجد جثة شرف!

Quote: هوي يا مورتا أبوحتوت وحمودي ديل انا والله ما قبل فيهم، داير تقول ليهم كلام بين قوسين أشملني معاك، داير تطلع بره القوسن، أنا استبرأ منك..

كان كدا ابرا واستبرا سااااي

Quote: هسي في زول جاب سيرة حلاوة حربة في البوست دا؟

ربنا على الظلام والمفتري

Quote: انت منو ..!!؟ ------ ناس بتحاول توسع قاعدتها ..

ما تراكا عارف يا يابا.. وتيب !!

Quote: ربنا على الظلام والمفتري

ياخ إنتو كهربتكم قاطعة .. نحن ذنبنا شنو؟

Quote: ياخ إنتو كهربتكم قاطعة .. نحن ذنبنا شنو؟

إتضامن معنا في قطعت كهربتنا ثبت موقفك عذبته الرمادي عذاب (لسان ممدود)

Quote: أولا حاشاكـ من العبط يا سمارت!

...شكرا جزيلا...تسلم.

Quote: من وجهة نظري إنو قنع من خيراً في المعارضة! المعارضة ما قادرة تعمل تغيير في نفسها ودايرة تطبقوا على الشعب السوداني الفضل!!

حلو جدا جدا...اهو احنا ماشين لحته... ما لافين ساى. انا معاك. اى زول من اصحابى (الشلت حسهم فى البوست ده ) لما اسالهم بيقولوا قرفانيين من المعارضة.
ذى ما قلت لتنبس قبل كم يوم...رايك شنو تكون انت و كل الناس الزيك هم البديل؟؟؟؟
نقول عاوزين شنو من حكومتنا. انا حقيقى ما فاراق معاى يحكم منو. ما عندى اى ادولوجية. عاوزه بس حكومة تدينى فرصة اصوت على اى حاجه....من تطبيق الشريعة الاسلامية لحدى ضرائب المغتربين.رايك شنو؟؟؟

د.امين

Quote: عالم مرتاحه عندها خمسمية دولار خارج الميزانية !!!

اها جينا للقر؟؟؟
يا جماعة دى قروش سفرة السودان شهر 12...

في شدة في الميم .. دا بالنسبة لاسم المدينة

سودانيز أون لاين فيها المعارضة نعم

و فيها الحكومة نعم

سودانيز أون لاين فيها أعضاء منظمين و فاعلين في أحزاب الأنصار عموماً
و فيها الختمية و فيها الشيوعيين و فيها كـل الأحزاب السودانية تقريباً و كل الحركات
و حتى من المنظمات يعني فيها تقريباً تمثيل لكل المعارضة..

و لكن عندما تتحدث عن ضعفها و سطحيتها و بعدها عن الواقع السوداني ينفون ذلك
سودانيز أون لاين واضح جداً فيها ضعف و هوان المعارضة التي فشلت في ممارسة الديمقراطية
داخل تنظيماتها و فشلت في الإتفاق على الحد الأدنى المطلوب لتلبية طموحات الشعب المسكين

و أصبح الشعب السوداني بين قوسين مساوئ الحكومة و مساوئ المعارضة.



.

البوست دا انتهى ياود البشرى؟

اتذكرت مرة ملاسى كتب بوست وكان فى خطأ مطبعى فى العنوان..

وعمل مداخلة واحدة

جا عاطف مكاوى قال ليه: اكتب بوست جديد عشان تصحح العنوان خصوصا أن البوست دا فى بدايتو

ملاسى قال: عليك الله شوف دا هو البوست انتهى يقول فى بدايتو!!


قصة تانية من الواقع

فى سنة تسعين ذهبت مع صديق لأحد معسكرات الجبهة الشعبية لتحرير أرتريا بمنطقة قرمايكا..

كان من قادة المعسكر أحمد شنيتى, افتكر أصبح قنصل أرتريا فى جدة..

دار النقاش بينى وبينه فى موضوع أن الجبهة الشعبية بتحارب جبهة التحرير والأثنين بحاربوا فى منقستو آنذاك

فأنا كناس سودانيزاونلاين كنت مستنكر حكاية معارضة تحارب معارضة ( لاحظ ديك محاربة فيها موت)..

فاحمد ومن معه من الحضور كانوا بفتكروا أول خطوة لهزيمة منقستو هو هزيمة جبهة التحرير واخراجها من ساحة النضال الأرترى..

فإذا بهم فعلا يهزموا جبهة التحرير ثم يهزموا منقستو ويستولوا على السلطة فى أسمرا..

المداخلة العايز أقولا:

المعارضة الحزبية فى هذا المنبر عايزيننا نكون مصفقين فقط وباصمين على مايصدر منهم..
أى خروج عن هذا الخط بيدخلك الرمادى الكال حمادى..

الحل تكوين رابطة منبرية من المستقلين معارضى النظام ومنظفى ###### المعارضة الحزبية ومصححى دجلها!

العزيزة جداً سناء خالد
السلام والتحية

ما طالباني حليفة ولكن والله لا أقصدك ولا حتى أقصد هذا البوست المرفق، وحينما ذكر تبلدينا جماعة "جثة الشرف" كنت أظنه يقصد الذين يروجون للأكاذيب، وأنا بالطبع ضدهم حتى وإن أسقطوا هذا النظام بكذبهم..
___
وبخصوص البوست قرأته وكانت عندي فكرة التداخل فيه - لتعزيز حسن النية مع المذكورين وبصفة خاصة مع تمبس، لأننيِّ أعلم مقدار معزتكما لبعض، وحتى لا يفسدها سوء الفهم او التعبير، ولكن توقيت البوست جاء في بداية الإسبوع، والشغل زحمة حيث لا يسمح بمداخلة تحتاج لترتيب..

كوني بخير والأسرة.

Quote: تبرأ يا حمودي من الطواقي،أكان عندك فيها نصيب البيناتنا عامرة كان لبستك ليها براي

Quote: ما طالباني حليفة ولكن والله لا أقصدك ولا حتى أقصد هذا البوست المرفق،

شكلو نفي الطاقية الجاي حيكون ببوست وشرفي لم أعنيك بهذه الطاقيه يا فلان

يا صديقي طيفور دعك من صنع الطواقي المرنة ونثرها بقارعة هذا البوست فإني اخاف عليك من أن يأتيك (أحدهم) متسائلا عن طاقيته الحمرا











حتى لا تكون (أحدهم) هي الأخرى طاقية مرنة، فهي تشمل فقط ناس السلك من رواد ملاعب ذو اليد للمسات الحلوه


التعديل لتحديد حجم الطاقيه

Quote: العزيزة جداً سناء خالد السلام والتحية ما طالباني حليفة ولكن والله لا أقصدك ولا حتى أقصد هذا البوست المرفق، وحينما ذكر تبلدينا جماعة "جثة الشرف" كنت أظنه يقصد الذين يروجون للأكاذيب، وأنا بالطبع ضدهم حتى وإن أسقطوا هذا النظام بكذبهم.. ___ وبخصوص البوست قرأته وكانت عندي فكرة التداخل فيه - لتعزيز حسن النية مع المذكورين وبصفة خاصة مع تمبس، لأننيِّ أعلم مقدار معزتكما لبعض، وحتى لا يفسدها سوء الفهم او التعبير، ولكن توقيت البوست جاء في بداية الإسبوع، والشغل زحمة حيث لا يسمح بمداخلة تحتاج لترتيب.. كوني بخير والأسرة.

مصدقاك و الله يا ياسر .. مع اني اتمحنت .. وغلبني أفهم كلو كلو..قلبي قال لي أخت ليك علامة الإستفهام الحمراء حقت بكري دي.. بعدين قلت يا بت إستني أفهمي الحاصل شنو!

قلت ياسر دا إلا مهكر!

المعزة دي إلا أكان في خاطري و ذاكرتك بس يا ياسر.. الله يطراك بالخير ياخ!


تحياتي للعروسة و خالص مودتي..

الصادق اسماعيل ياخي بتكتب كلام مرتب و سمح..
تحياتي و تقديري..


---------------

سلام يا باشمهندس و أتمنى أجد هنا ما يعينني على الفهم أو التفهم أو حتى التسليم بأن الخير في الإلتفات إلى حلة ملاحي الفي النار دي

ارى ان كلاب السُرة قد اجتمعت هنا !!!



ثم

والله لا أقصدك ولا حتى أقصد هذا البوست المرفق،

بت ال###### الشعيرية

Quote: ارى ان كلاب السُرة قد اجتمعت هنا !!!

يا شفت البخت طاقية هنا يخت معاها لنك او إشارة للبوست بتاع تحديد المقاس عشان ما يقعد في ما طالبني حليفه وما طالبني مهدواي فالشِفت من إتعظ بطيفور

يا مرتضى يا زول هي

كلاب سرتي القاصدهم انا غير اي كلاب سُرة ذكروا هنا

بطل جمجره

Quote: كلاب سرتي القاصدهم انا غير اي كلاب سُرة ذكروا هنا

سمح ياشفت فهمت عليك فهمته عليك








يا جماعة كل زول يخلي بالو من كلاب سُرتو ما يتلخبطو مع كلاب سُرة زول غيرو

Quote: واهم من يظن أن الحياة بدأت في سودانيزاونلاين وخيالي من يحسبها تنهي به

يا أبوحتوت، بكلامك ده معاناهو تلاتة أرباع البورد ده ( مواهيم)
والربع الباقي خيالي (أنا أؤيد).
في حالات يا محمد مفروض تجلّيها ، مشيّها بي مزاجك ، ما غصِب..
ثم أنو منو البيعرفك عشان يحدد لونك ؟؟ ياها غشوات هنا دي واللا شيتن آخر؟؟
لما الزول يتخيل أنو سودانيز أون لاين هو نافذته الوحيدة للتلاقي وعمل علاقات اجتماعية إنسانية
وأنها الطاقة الوحيدة المتاحة للتعبير عن الرأي فيما يدور في السودان ، أو في العالم حتى
ده معناه إنو الزول ده عنده مشكلة كبيرة في تواصلو مع من (وما) حوله، وده قطع شك زول (موهوم)!!
ولما الزول يتخيل إنو كل ما نطق به كيبوردو وكتبه هنا ، هو كالقرآن ، وأنه (مفروض) يكون إتقرأ
بواسطة العضوية ، وآمنوا به وصدقوه ، فذلك هو (الخيالي) .
يا أبوحتوت في المكان ده في مشكلة حقيقية في فهم ( الديموقراطية )
وإذا قلت رأيك المجرد غير المؤيد أو المنحاز (و ده ممنوع هنا طبعاً) فأنت رمادي ،
بل إنت أرمد من الرمادي زاتو وماسك العصاية من النص
لأنك لم تؤيد وتقل نعم في كل الحالات مع بقية أخوانك ولم تتبع السيرة (فرض عين)!!
وبعدها طبعاً يتطور الأمر ويصل بك الى ناس كوز، كـ لـب أمن، إنقاذي ....الخ ليصبح لونك أسود ناصع السواد.
والويل الثبور لك إن عارضت معارض، في لحظة يتلمَّ عليك الغاشي والماشي!!
أما إذا أيدّتَ ، فانت منو البيشبهك ، أنت أحسن زول ، مناضل ، بطل ....الخ (أبيض من الحليب)..
المستغرب ليهو الناس دي متخيلة إنو سودانيز أون لاين دي ساحة النضال الوحيدة!!!!
يعني إذا ما جيت (ناضلت) وسجلت موقفك المؤيد هنا ده ، فإنت مجرد رمادي فارة ساي!!!

التحت ديل رماديين فارات رزق:
محمد البشرى الخضر – وليد محمد المبارك – تمبس – أساسي – محمد عبدالماجد الصايم .. وبعض العناصر المنفلتة.
اللهم أحشرنا مع الرماديين الفوق ديل ، اللهم أجعلنا في زمرتهم.. آمين.

والله يا شباب شاكر ليكم كتير ومقدر
مزنوق حاليا لكن راجع بإذن الله لقراءة أكثر وبي مهلة
على السريع كدة عايز اقول يا اخوانا الفكرة ما حمبكة - يا زميل - او تبرير أو مربوطة بي انا شخصيا
الموضوع بشكل عام وكان الله هوّن لي قدام تتضح الفكرة اكتر


ويا قول - اسمو منو هو كان؟ - يتبع

__________________________

ملحوظة...
في زول فهم الجهلول المثقفاتي عب لطيف مين كدا بقول في شنو؟

مشكلة أن تٌحاسب مش على الكلام القلته بل على ما لم تقله
ومصيبة أن من يحاسبك يجعل من نفسه بنش مارك فيقرأك من زاويته و يفهمك حسب طريقة تفكيره
و الكارثة عندما يرى انه مقاييسه و استاندراته هي الحق كل الحق و ما عداها باطل

_____________________

دكتور امين هو الصادق زاته خلى المتابعة
مشاركتك مهمة طبعا لاسيما بعد المكتبة

القلوب عند بعضيها يا حموودي وإن كان شايفك اليومين ديل بقيت تكتب كلام كتير خلاس
عاداك قيقرا ولاّ كيف؟

اهلا ابو حسين

اطمئن يا دكتور المشرف ليس الأمر كذلك

افتكر عبارة زي صوتو ناعم دي عندكم في كندا تعتبر تحرش يا ابتفة , صاح ولا ما غلط ؟
فأحسن ترعوي - ياقول عمر فضل المولى

اهلا سمارت

Quote: شباك بعاين بيه على السودان. كلنا بنسمع الاخبار هنا و العاقل بيميز بين الحقيقي و الكلام الفارغ

بالضبط كدا , هو شباك ما أكتر
تقييم المتاوقين المعاك من الشبابيك ما بتجاوز الجزء الإنت شايفه منهم - أو العايزينك تشوفه

Quote: ما فى زول عندو حق يوصف موقفك باى لون.....لكن كمان السكوت على الحكومة دى ذى الموافقة عليها و البصم على سياساتها. Quote: ما تفترض انو قرايتك وتقييمك للامور دايما هو الصاح الذي لا يقبل الجدل دى حاجه ممكن نتجادل فيها .لكن تفتكر مواقف الحكومة دى ممكن يتغالطوا فيها اتنين? احتمال يكون فى حاجه انا ما شايفاها* بين جملتك الفوق دى و بين "الساكت عن الحق شيطان اخرس" الناس اللى فى حالتى دى يعملوا شنو? __________________________________ *بالجد لو فى حاجه انا ما شايفاها قول لى.

الكلام دا بعكس الأزمة العايز اتكلم عنها
انا مثلا ما شايف الامور بنفس طريقتك وما شايف الحاجات حكومة Vs معارضة
مواقف و احداث الواحد بقيف منها على حسب تقييمه ليهاو وتحديد خياراته برجع ليه هو فقط
ليه الناس عايزين اي شي يمر أو يعبر على طريقتهم هم و بمقاييسهم هم وإلا يتم الحكم عليه بشكل أو بآخر
اديك مثال قريب يا اسمارت
فاكرة موضوع سدود منطقة النوبة في بداية البوست وقبل توضيح عدد من النقاط الكانت غايبة علينا أنا وانت كنا ضد رفض اقامة السدود كقرار سياسي او كنوع من المعارضة - صححيني لو غلطان -
تخيلي لوكان قام البعض بتفسير موقفك دا كتأييد للحكومة أو سكوت على مواقفها!!
الحمد لله الشباب طوّلوا بالهم علينا و ساقوا معانا الحوار بهدوء و رقي - لهم التحية بالمناسبة

يا زميل كيف ياخ
اها شفت كلامك دا و الإفتراض الختيته في البداية- عن الحمبكة - دا شكل آخر من اشكال الأزمة
واتفق واختلف معك في باقي الكلام
الانترنت عامة و البورد خاصة مهم للتواصل أي نعم لكن خطأ الحكم على الناس و تقييمهم من خلاله
عليك الله بعد قصة خالد ابو أحمد تاني بتثق في حكم على شخص مبني على تواصلك معاه من هنا

Quote: أها يا زميل, بعد مناحاتك الفوق دى و حلايف الزميل التانى ... عاوز تقول شنو؟ شايفك ماشي في درب زول اخونا أول اسمو تمبس لو قلت ليهو السلام عليكم يرد ليك : مافي حوار , زمان قلنا و قلنا, و قالو لينا و قالو فينا .... الدرب ده كعب ... و ده كلام بقولو لى رقبتى برضو و ما عندو علاقه بي سياسة و لا معارضه : ده درب بداية التوهان و فقدان الصله بالواقع ...

ياخي وقت سألتني عايز اقول شنو ما تصبر تخليني اقولو قبل ما تشرع
خد عندك وجه آخر للأزمة - دي ازمة شنو دي العندها الف وجه دي -
جمعتنا كدا بربطة المعلم و صهرتنا وطلعتنا حاجة واحدة بردفعل واحد واستجابة واحدة, باقيلك الكلام دا مو اعوج اخوي
بالنسبة لتمبس انا والله بحسدو على قوة تحملو , واحد على عشرة من الاتعرض ليه هنا لو حصل لي الله اعلم كنت اتحملو
وحاة خوتك المافيها عيش وملح دي تمبس ليه حق - بس كان بطل المداخلات الطويلة يكون ما قصر
تابع يا زميل الكلام فيه باقي

تبلدينا
حقيقة فعلا الواحد ما بكتب إلا ليمتع نفسه - يمكن الكلام دا يتشاف غلط
لكن هي كدا في النهاية انا بكتب لي روحي دي ما عشان يقراني فلان فيستحسن أو علان ليبتهج
ولا لتسويق انسانيتي و صدقي و الشو بيهم
حكاية رمادي و بهتان مواقف دا كلام هوا ساي
اتفق معاك في كلامك


يتبع يا شباب

Quote: هسي في زول جاب سيرة حلاوة حربة في البوست دا؟

سييييييييييبو يا ود الصايم سييييييييبو

Quote: سييييييييييبو يا ود الصايم سييييييييبو

( ) بالطريقة الصاح!!

Quote: الصادق اسماعيل ياخي بتكتب كلام مرتب و سمح.. تحياتي و تقديري..

أُثني يا سناء

سلامات

بس داير أشكر أخوي الصادق ده لقيت مداخلتك ...

_______________

ود البشرى سلامات
كيف الأحوال

موضوع الكتابه عشان الزول يمتع نفسو ده ...خش لينا فيهو زياده بالأمثله والشرح ، عشان النقاش يكون مفيد

يا أبوحتوت
كمان جابت ليها تحرش وشيل حِس؟
____
أول مرة أشوف لي زول بتحرش بأصحابوا، ده كلام ما دِسيس ؛)
في كندا Compliment، فأشكرني :)

Quote: والله يا شباب شاكر ليكم كتير ومقدر مزنوق حاليا لكن راجع بإذن الله لقراءة أكثر وبي مهلة

يا عمكـ اقتراح كدا
ما تقوم تخلي البوست دا نظام سبيل ياخ. وأي زول كدا حاسي زيي كدا يقوم يرتاح ويطلع في الرماديتو بمزاج على حسب فهمو..كان رماديتو دي اتهموهو بيها او شاعر بيها هو زاتو

في ناس ما اشتغلو سياسة قبل كدا (اقول اشتغلو مش بفهمو! والفرق بيناتم كبير)
وفي نفس الوقت بحبو السودان ومهتمين بالبحصل فيهو اذا كان معتبرنو شباك ولا ما معتبرنو على قول اختنا سمارت ربنا يبارك فيها وفي زوجها واولادها دي

اها الناس ديل لمن يكونو في المنبر العام دا وبشوفو كمية بتاعت صراع عندها دوافعها ومحركاتها اذا كانت احقاد وتار شخصي من الحكومة..زول شالو صالح عام أو زول دقوهو زمان في بيت اشباح أو زول اعدمو ليهو قريبو في اعدامات رمضان ديك او زول ملزوز بانتمائو الحزبي وشايف انو لمن يهري المنبر العام دا نبز في الحكومة بكون كدا خلاص اوفى وكفى بخصوص حزبو،كان مستنير متمرس ولا واحد من ولدوهو لقى اهلو ماشين ورا الامام ولا السيد، او حتى ناس الحكومة زاتهم اللي هم مكروهين من الازوال القلتهم اول ديل وهم ديل زاتو بتختلف اسبابهم المنهم عندهم اعتقاداتهم والمنهم إنفولف في الحكومة زاتها والمنهم مدنهم قروش على حسب ما قال شيخنا التجاهل التجاهل
وبين دا ودا وفي نصهم زاتو بين دا ودا شفنا نماذج غريبة شديد ممكن الزول اول مرة يشوفها في حياتو، في البنبـز على الملأ بالفاظ سيئة ما قعد نقولها الا في قعدات الكوتشيـنة ديك وبعد الساعة 12 بالليل، وفي النوع الما بزهج من الخمسة ولا عشرة سطور الشايلهم ليهو كم سنة. المهم
نرجع للنموذج الضايع في النص دا. الكلام يمكن يكون في راسي وانا بتذكر بوست عبداللطيف بكري الرفعو اخيراً دا. الراجل حزت في نفسو بعد ما كان بتندر ويضحك في الكلام الطلعوهو فيهو زول تبع الحكومة انو بعد الفيديو بتاع البت الحقهم قبل ما يقولو الكلام دا. حسيت بالراجل المحترم دا وهو بحاول يدافع عن نفسو ويثبت انو ما عندو علاقة بالحكومة، موقف تراجيدي ما بحصل الا في الاختراع الاسمو المنبر العام دا. زعلت والله، وبعد دا جو لصقو ليهو

حاجات كتيرة زي موضوع الثقة دا مثلاً (على حسب كلام ود الصايم اللافي بيهو اليومين دي) وانو معارضين اون لاين (شايف في معيار اشتغل في البوست دا عن كلمة المعارضة) المهم انو الجماعة ديل بالجد عندهم سوابق بتاعت كذب وكذلك ناس الحكومة.
ليه الناس ما دايرة تفهم انو ياخي ما مجبور انو اي زول بكتب هنا انو يقول رأيو ويعمل توضيح موقف زي ما عمل حبيبنا عبداللطيف!
ليه كمان بحـرقهم لمن يشوفو كاتب ذو شعبية زي ود الصايم الشين دا لازم يوضح موقفو! بحسابات شنو وعشان شنو؟
انتو قايلين كلام سمارت ما صاح؟ بتاع انو غير الناس البكتبو في اون لاين والمنتديات الزيو غيرهم مافي في الفيس بوك من اصحابي البجيبو خبر للحاجات دي؟! والله عندي كترة اصحاب في الفيس بوك، وكمان عندهم جنس ثقافة وجنس وعي! وهسي ولا سمعو بالحاجات القلبت البورد دا زاتو

__________
يا الله مداخلة بدون مربعات

Quote: لما الزول يتخيل أنو سودانيز أون لاين هو نافذته الوحيدة للتلاقي وعمل علاقات اجتماعية إنسانية وأنها الطاقة الوحيدة المتاحة للتعبير عن الرأي فيما يدور في السودان ، أو في العالم حتى ده معناه إنو الزول ده عنده مشكلة كبيرة في تواصلو مع من (وما) حوله، وده قطع شك زول (موهوم)!!

Salah Abdulla
من جاب سيرة العلاقات الاجتماعية هنا?
انا فى البورد ه من ٢٠٠٢ ...لاقيت زولة واحدة بس فى الخرطوم* .و حقيقى فى ٣ بقوا ذى اخواتى بالضبط من غير ما الاقيهم. لكن انا عارفه لو لقيتهم فى اى حته فى الدنيا كانوا بقوا اخواتى.
اما من ناحية الاخبار فما فى زول بقدر ينكر ده. لو قريت عناويين جنى بس بتعرف الشرق الاوسط و ال بى بى سى كان فيها اخبار مهمة شنو عن السودان.
اما التعبير....ف طبعا. يا اخى انا زولة عايشه بره السودان ح اعبر عن راى وين ? الاتجاه المعاكس فى الجزيرة??
يا اخى انا بسبب انى بقول راى المحايد. ...فى يوم واحد كان علاء الدين و تراجى الاتنين بيشتموا فينى (فى موضوعين مختلفين تماما طبعا)
كلكم دخلتو و مرقتوا من هنا وما فى زول رد على. هل السبب فى السكوت على الحكومة هو سؤ المعارضة بس ???

محمد البشرى

Quote: انا مثلا ما شايف الامور بنفس طريقتك وما شايف الحاجات حكومة Vs معارضة مواقف و احداث الواحد بقيف منها على حسب تقييمه ليهاو وتحديد خياراته برجع ليه هو فقط ليه الناس عايزين اي شي يمر أو يعبر على طريقتهم هم و بمقاييسهم هم وإلا يتم الحكم عليه بشكل أو بآخر

احنا متفقين تماما فى الكلام ده.
الاختلاف الوحيد هو انى برضوا شايفه ان الحاصل من الحكومة ده اكبر كتير جدا من اننا نسكت عشان شايفين ان المعارضة اسوا.
انا ضد الحكومة والمعارضة. ما فى فرق عندى بين سيف مساعد و الموج (بالنسبة للبورد يعنى)
و انا عاوزه اكون معارضه جديده. ضد كل القديم فى السودان. من الترابى للصدق للبشير.
حرام نحلم بوطن نحترم فيه ? وطن خالى من الفساد??
عاوزاك (please) يا محمد البشرى تقول لى احلامك شنو للسودان? نفسك اولادك يكبروا يلقوا السودان شكلو كيف?**
_______________________________
*لاقيت بورداب كتار جدا فى السودان و خارج السودان و ما حصل حاولت اعرف نفسي
**لو شايف انو ما عندى موضوع و عبيطه قول لى. اصلا الايام دى نازلة على حالة بتاعة نقد زاتى (بالاضافة للاعصاب البايظه).
و بالجد... معليش على احتلال البوست.

Quote: ليه الناس ما دايرة تفهم انو ياخي ما مجبور انو اي زول بكتب هنا انو يقول رأيو ويعمل توضيح موقف زي ما عمل حبيبنا عبداللطيف! ليه كمان بحـرقهم لمن يشوفو كاتب ذو شعبية زي ود الصايم الشين دا لازم يوضح موقفو! بحسابات شنو وعشان شنو؟

ازيك يا محمد يوسف زين?
تعرف ان ما حصل وقعت فى ادانة اى حاجه فى الدنيا دى. و عندى سببين. الاول....ما فى توقيع او ادانة ممكن يعمل حاجة. معقول ندين حاجه تقوم تجى الحكومة تعاين للسته كده و تقول hummm ...احنا لازم نحل المشكلة دى . ده ما ح يحصل.
و كدى النسالك انت شخصيا...مبسوط من الحكومة? اكيد ما مبسوط من المعارضة. طيب انا وانت اللى بنحب السودان جدا (انا شخصيا بديت اشك فى الموضوع ده) و ما مبسوطين من الاتنين نعمل شنو ? نسكت? السكوت مناصرة للحكومة. ...نعمل شنو عشان البلد?
و الله انا الايام دى بديت افكر جاده جدا انى اقدم لجنسية امريكية. يا اخى اى وطن ده الى بيعمل فى اولاده و بناته كده???

اما عن ود الصايم فالسبب واضح و انت قلته فى المداخلة ...(عندو شعبية) و المعارضة عاوزاه فى صفها. و الحكومة مبسوطه. طول ما هو ساكت كويس معاها.

يا اسمارت الاسم على اسم
تحياتي

انا شايف اكبر قضية يا اسمارت في السودان هي مكافحة الفساد، بأي وسيلة ضغط تحصل المهم دا الموضوع
ما بقول انو في تغييب للوعي في الشارع والحاجات دي، السودانيين عندهم والله والتغيير جاي ان شاءالله
بإذن الله تشوفي بلدك زي ما بتحبي

انا شايف انو حاجة كويسة ياخ انو الزول يكون عندو "دور في الحياة دي" ودي العبارة النحن تقريباً بنستخدمها لمن ما يكون همك كلو البيت والشغل والاكل والشراب،
وما بقول انو بنفتش في المنبر الفاضل (على وزن المدينة الفاضلة) والبكتبو فيهو كلهم صادقين ورزينين وشايلين هم الناس جد جد وما عندهم هستريا انت معاي ولا مع الخيانة، والسباق الفيهو لاثبات الصدق من الكذب ما يصل مرحلة الفجور من الخصومة.

انا غايتو أأسف والله للكلام الحأقولو، بس انا عايش في الخرطوم وما شايف منبر اون لاين ممكن يحرك الشارع، على حسب مشاهدتي الشخصية. ودا مع كامل احترامي لكل العرق الاتكبى هنا

وفي خضم الأحداث دي يجي صديق الموج يقول ليكـ: المبادئ لا تتجزأ!
إنا لله ياخ!

Quote: ما بقول انو في تغييب للوعي في الشارع والحاجات دي، السودانيين عندهم والله والتغيير جاي ان شاءالله

الاسبوع الفات كنت بفكر فى الموضوع ده.
السودانيين(ذيهم ذى اى شعب تانى) مختلفين. اى زول عندوا حاجه معينة بتزعلوا و ممكن تخليهوا يطلع يعمل ثورة.
انا وانت بيزعلنا الفساد. فى زول تانى بيزعل جدا لقضايا الحريات و التعبير. ناس تانيين بيزعلوا لما يجوعوا. طول ما هم ماكلين شاربين ما فى مشكلة و كده. و فى ناس ممكن دارفور كلها تتحرق ما يكون عندهم مشكلة لكن يزعلوا زول قال نلغى الشريعة. انا ما بنتقد فى نوع من الناس ديل. هم حرين. كل زول و اولوياته و وعيه. و التغيير بيجى لما كل الناس دى يكون عندها هدف واحد (تغيير النظام) حتى لو اختلفت الاسباب.
و اظن ان ده هو السبب ان الشارع ما ح يطلع الان. الناس شبعانه.....او ما جعانة كويس. عشان كده ساكته.
انا وانت عارفين الفساد بيعمل شنو فى البلد. عارفين البترول الطلع و اكلوا (اغلب) قروشه الكيزان ما Renewable resource و لما يخلص (او الجنوب ياخد حقه) ح نقعد نتلفت و ده اللى بدا يحصل الان

ما اصحبنا بتاعين الفجور فى الخصومة فديل موجودين فى كل الدنيا. خليهم معانا هنا. على الاقل يكونوا عظة و عبرة لكل ذو عقل

Quote: أها يا زميل, بعد مناحاتك الفوق دى و حلايف الزميل التانى ... عاوز تقول شنو؟ شايفك ماشي في درب زول اخونا أول اسمو تمبس لو قلت ليهو السلام عليكم يرد ليك : مافي حوار , زمان قلنا و قلنا, و قالو لينا و قالو فينا .... الدرب ده كعب ... و ده كلام بقولو لى رقبتى برضو و ما عندو علاقه بي سياسة و لا معارضه : ده درب بداية التوهان و فقدان الصله بالواقع ... وسع الأحلام و أهرب منو ضيقك

انظر من يتحدث عن التوهان وفقدان الصلة بالواقع .. ولب لب لب ..؟!
إنت يا عصام جبر الله أو أي كان اسمك .. ما قلنا ليك فك الدرب بتاع تمبس دا مالك ما بتسمع الكلام ..؟
وبعدين شنو الطريقة الوهمية بتاعت بقيت زي تمبس وعايز تبقى زي تمبس وعايز عشان شنو كدا ما عارف ..
إنتو اليومين دي الاتو تمبس يعني .. ؟
زمان في الحلة لما نكون قاصدين لينا واحد كنا .. بنقعد ليهو .. قعدت اخوان .. ونقطع الطرق الفرعية والرئيسية منو ..
عندنا واحد حريف جدا في المسارات الزي دي .. كل مرة يقولينا .. رسلو ليهو (بت) بتجيب خبرو
الغريبة اي واحد عندنا معاهو مغارز حلة يقولينا رسلو ليهو (بـت) .. ما عارف نظريتو دي قاصد بيها شنو ..
طيب حسع دي يا سيد عصم جبر الله .. ما تحرش ليك واحده علشان تكتب اسم تمبس دا في بوست .. وتجي تستجوبني بقيت كدا دا لييه ..؟
يا موقفي من القضية الليبية شنـو ..؟
مش احسن حاجة ممكن تعمله بدل ما تاااني داخل في مسالة تمبس وما ادراك ما تمبس ..

يا عصام جبر الله .. ياخ لو وقفت في حدك مش كويس .. لينا الاتنين ؟

يا جماعة اضربوا الجير ده بسرعة


المطرة جاية !!

المعارضة الحزبية فى هذا المنبر عايزيننا نكون مصفقين فقط وباصمين على مايصدر منهم..أى خروج عن هذا الخط بيدخلك الرمادى الكال حمادى.. الحل تكوين رابطة منبرية من المستقلين معارضى النظام ومنظفى ###### المعارضة الحزبية ومصححى دجلها!

والله يا دكتور بلة موسى اول مرة اجد نفسى اختلف معك 100%. الدجل والوصاية فى هذا المنبر (وانا اتابع منذ سنوات) لا يفرضها منسوبى المعارضة الحزبية. بالعكس من يطرحون انفسهم كممثلين لأحزاب سياسية فى المنبر أغلبهم ناس عاقلين جدا كان اتفقت معهم او اختلفت. الدجل والوصاية وانا دائما اضيف البلطجة والارهاب يحاول فرضها أناس يمكن ان يقال عليهم "معارضة self proclaimed" كما يمكن ان يقال عنهم "free-lance معارضة". يعنى لا ممثلين لاحزاب ولا حاجة.

لاصوت يعلو فوق صوت المعركة - أو على الأصح صوت المعارضة
المطلوب إلغاء العقل و التفكير فقط الهتاف مع الهاتفين
لا تغرد خارج السرب , تغاضى عن الكذبات الصغيرة - أو ما يراه السرب صغيرا
ليس لك الخيار فيما تكتب ولا اين تقف !!
_______________________________

كتب ابوحسين ضاحكا على حموودي

Quote: ليه قايلني رمادي زيك.......

يا ابوحسين ياخوي بالشايفو دا أظنك انت محسوب اسود عديل

كبر يا صديق
العفو ما زعل ولا شي والله لاجاب زعل لكن وقت المناسبة جات ففرصة للكلام و النقاش

ود خليل ليك نفس المحبة و التقدير و أكتر
وسعدت ايضا بمعرفتك

الصادق اسماعيل

Quote: القصة بالنسبة لي واضحة جداً هنا على الأقل في سودانيز، الناس دايرا تلف وتقعد (تشخصن القضايا) وتقعد (تعمم) فالحال حيكون الحال، الناس دايرة تفرز وتتكلم بموضوعية وتسيب الأفكار المسبقة والعقلية التصنيفية، المكان دا حيسع الجميع.

الله يديك العافية و اضيف للجزء دا من كلامك الناس كمان تخلي قراية الآخرين من خلالها هي وما تفسر كلامك على حسب فهمها و يحاسبوك على الاساس دا
يا معلم مما خليت المتابعة بقيت خطيييييير والله


راوية قلتي لي الميم فيها شدة
يعني عايزة تغالطي ويكبيديا ؟!!

لا يا دكتور بلة البوست في عمر الزهور لسة

Quote: المعارضة الحزبية فى هذا المنبر عايزيننا نكون مصفقين فقط وباصمين على مايصدر منهم.. أى خروج عن هذا الخط بيدخلك الرمادى الكال حمادى.. الحل تكوين رابطة منبرية من المستقلين معارضى النظام ومنظفى ###### المعارضة الحزبية ومصححى دجلها!

اها وكان قام ناس الرابطة ديل بعد شوية اختلفنا معاهم أو ما وقفنا نفس الموقف الهم واقفينو ح يمرقونا شنو؟
الالوان زاتها كملت بعد دا ؟
الحل يا دكتور في رأيي كل واحد ياخد راحته يكتب زي ما عايز و يطنش على كيفو
وما يشتغل باي مزايدات على انسانيته ووطنيته سواء من الموالاة او المعارضة

دكتورة سناء اشاركك الإعجاب بمداخلة الصادق و خاصة الجزء الما بتماشى مع روح البوست الناغمتينا فيه عشان تسمعي راينا :)
ثم حلتك للساعة تمانية إلاّ تلت في النار ما مرقت الناس ديل ح يتغدوا بيتزا بالطريقة دي
اشكرك مرة تانية على زرزرة و جرسة أبتفة

ابو صلاح كيفك ياخ

Quote: ثم أنو منو البيعرفك عشان يحدد لونك ؟؟ ياها غشوات هنا دي واللا شيتن آخر؟؟

تقول شنو بس !
اتفق معك في باقي الكلام


يتبع - كعادة تنظير البايخة :)

سلامات يا ود البشري


اعتقد ان ارضاء اهل المعارضة واهل الحكومة في هذا المنبر غاية لا تدرك

وارضاء ناس الهلال والمريخ والفن غاية لا تدرك


وعليه تكلم وسدد ما استطعت

فكلامك حي والسكوت جماد

Quote: توجد حلاوة مصاصة ماركة صديقي محمد فرح من اجل المص و هي علاج للتخلص من اللون الرمادي و الكوزنة الخفية

فجو لي .. فجو لي
المجنون مصطفى محمود طلعني رمادي و عندي كوزنه خفية ..

وكمان جابت ليها مص.

سحب بوستات علاء الدين يوسف ومعتز القريش الداعمة لجريمة جهاز الأمن

عجبني ليك

_______________________________________________
يا محمد بشرى
ابشرك باننا نسير في الطريق الصحيح .. قليا قليا سنصبح اغلبية على الحكومة والمعارضة

كما الثورة المصرية ناس لا مع ديل ولا مع ديك


اقترح تشكيل حزب وتمسته بالحزب الرمادي ..
انا جادي

Quote: اقترح تشكيل حزب وتمسته بالحزب الرمادي .. انا جادي

الشفت

بالله شوفوا لينا طريقه للإنضمام لهذا الحزب الرمادي

Quote: زمان في الحلة لما نكون قاصدين لينا واحد كنا .. بنقعد ليهو .. قعدت اخوان .. ونقطع الطرق الفرعية والرئيسية منو .. عندنا واحد حريف جدا في المسارات الزي دي .. كل مرة يقولينا .. رسلو ليهو (بـت) بتجيب خبرو الغريبة اي واحد عندنا معاهو مغارز حلة يقولينا رسلو ليهو (بـت).. ما عارف نظريتو دي قاصد بيها شنو .. طيب حسع دي يا سيد عصم جبر الله .. Quote: ما تحرش ليك واحده علشان تكتب اسم تمبس دا في بوست .. وتجي تستجوبني بقيت كدا دا لييه ..؟ يا موقفي من القضية الليبية شنـو ..؟

كدا عيب!!!!!!!

شوف يا سيد تمبس.. أنا سناء دي لما كتبت اسمك في بوست .. حتى لو انت اعتبرتو تصنيف.. فلو ما أجزلت ليك فيهو الاحترام ما قليتو ليك.. و لا اتجاوزت الأصول.. لا في خطابي ليك لا في حديثي عنك لا في الإشارة إليك!!

إذا ما بتقدر تتعامل معاي بالمثل.. فرجاء.. و لا بالإشارة ما تتعامل معاي.. و لحدي هنا كفاية و كتر ألف خيرك!!!

Quote: فلو ما أجزلت ليك فيهو الاحترام ما قليتو ليك.. و لا اتجاوزت الأصول.. لا في خطابي ليك لا في حديثي عنك لا في الإشارة إليك!!

غير صحيح
انت اتخطيتي كل حدود الاحترام .. وكت تكتبي اسماءنا في بوست يتحدث عن الاغتصاب تشككي في موقفنا من امر مثله .. وتنادينا دونا عن خلق الله عشان نقول راينا في هذا الامر ..

اتجاوزتي كل الاصول .. وكمان ختاية هبشتي الناس بدون ما يهابشوك .. ورغما عن انو في اخواك كتار بينوا ليك خطل ما كتبتي .. بتصري لحدي المادخلة قبل الاخيره على موقفك

انت ختايه بتاعة شربكة
هو عدم الاحترام ده كيفينو

Quote: اعتقد ان ارضاء اهل المعارضة واهل الحكومة في هذا المنبر غاية لا تدرك

بلا شك عباره في مجملها سليمه ياخليل

ولذلك نحاول أن نرضي ضميرنا ما إستطعنا إلى ذلك سبيلا

ود البشري يا صديق
لم تكن - على الأقل بالنسبة لي - صاحب موقف رمادي في هذا المنبر في يوم من الأيام ..


لا أنت و لا الزول المشي يلم العدة لمن قالو في مظاهرات في الحاج يوسف و مصر يقنعنا إنها عدة شيشة !!

استغفرتك يا مالك روحي

والله كان فتحتي خلوه هنا


ياهو ده الكلام بنفس اسلوب التشكيكك في نواياواخلاق ناس انت اصلا ما بتعرفيهم

غنوا وأرقصوا وأمرحوا
أسهروا
عيشوا حياتكم

أنا شعبي غذا ما يحبني ما نستحقش الحياة ليلة واحدة

تحية رمادية

زمان ، في التمنينات ، أخوي (محمد حسين عبدالله) كان عندو بص سفري شغال في خط دنقلا..
(( سفريات الوحدة (محمد حسين) الخرطوم دنقلا - الحفير - مشو ، وبالعكس..))
كان مكتوب فيها بي ورا ( سيري وعين الله ترعاك)..

محمد البشرى الخضر – وليد محمد المبارك – تمبس – أساسي – محمد عبدالماجد الصايم .. وبعض العناصر المنفلتة.
سيروا وعين الله ترعاكم.
من يأنس فس نفسه الكفاءة ، يضيف إسمو مع أولاد الحلة الفوق ديل.

Quote: لا أنت و لا الزول المشي يلم العدة لمن قالو في مظاهرات في الحاج يوسف و مصر يقنعنا إنها عدة شيشة !!

خالد يا عمكـ
يعني الواحد إلا يقول عندو أربعة كرعين وبقول باااع!!!



_
أب شنب .. شكرا ياخ!
الواحد بدا يفتش ليهو ورشة عشان يوزن البلوف
لكن لما يشوف كلامكم دا بطمئن شوية إنو لسع صاح!!

أقيم وأفيد مداخلة هنا بتاعت رايــــــــوة بت العباسي ..لكن مشيتو فيها سااااي
بالمناسبة الألوان دي حاجة نسبية ززياخ عندنا صاحبنا إسمو النذير زول حبااابو وما بيعرف في قصة الألوان دي حقيييقي يعني فمرة بيحكي لي قال لي والله يا عمر الليلة عربيتي اتعطلت جمب الكبري الجديد ربك رب الخير وقفت لي تاكسي من تكاسي الخرطوم البمبية دي..وهو جااادي جداً إنو اللون ده هو البمبي ..تقول لي رمادي..

بعدين يا ود البشرى يا اخوي لو بقيت أبيض لي ديل فأنت أسود لي ديلاك ولو بقيت أبيض لي ديلاك فأنت أسود لي ديل..
انا المحيرني في القصة دي كلللها الحاج يوسف الفيها تلاتة طوابق دي ..يعميني ويطرش جيراني ..

تخريمة :
لكن يا ياسر طيفور لقيتك حلللللافن ..هيييع والله لو جابو ليك قوندراني مصاحف تحلفو.

..
.

Quote: انا المحيرني في القصة دي كلللها الحاج يوسف الفيها تلاتة طوابق دي .. يعميني ويطرش جيراني ..

ياخى ما لها ما فيها
وكمااان ضاربهم رمااادى شوف عينى الحياكلهم الدود ..

------

Quote: لكن يا ياسر طيفور لقيتك حلللللافن ..هيييع والله لو جابو ليك قوندراني مصاحف تحلفو.

كااااااااااك ..
مقاومتو ضعيفة امام الجكس ..
قرقر قرقر قرقر

فكرة اللون الرمادي دي كويسة يا تبلديكم!!




_
عمر الفاروق .. إنت شكلكـ ما مشيت الحاج يوسف من زمن (تيتي)!

Quote: لكن يا ياسر طيفور لقيتك حلللللافن ..هيييع والله لو جابو ليك قوندراني مصاحف تحلفو.

يا عمر سؤال سناء ده مافي طريقة غير أحلف بالله، وبعد داك الحيلفة ذاتها إن لم يقدم عليها حسن النية ما أظنها الحيلفة ذاتها تُصدّق.. ده كلوا من تبلدينا ده، عليه اللعنة ..
____

Quote: كااااااااااك .. مقاومتو ضعيفة امام الجكس .. قرقر قرقر قرقر

يا ليتني يا تبلدينا يا هالك أملك قلباً ميتاً كقلبك، تنوم في الرحلة والجكس حواليك، لو كان لي قلبك يا صالح، كان عملت نايِّم من سؤال سناء، وليس على النائم حرج، حتى يصحى..

..
.

Quote: يا ليتني يا تبلدينا يا هالك أملك قلباً ميتاً كقلبك، تنوم في الرحلة والجكس حواليك، لو كان لي قلبك يا صالح، كان عملت نايِّم من سؤال سناء، وليس على النائم حرج، حتى يصحى

فعلا قلبي ميت وايضا ناصع البياض
لولا كذلك لهاجمتك فى بوست (معارضة كلاب السرة) وسببت ليك فى سـعَر
ومعاك باقى الجرويات الجو جاريين وراك ..
لذا اكتفيت بمداخلات الثلاث كلاب الرمادية.. التى شاركت
وانظروانا العن ابو الخوة البتخلى الواحد يتجاهل استفزازات صديق
لانه صديق وعريس كمان .. صار له حرمه

-------
بعدين تعال يا ابيض
ليه اعمل نايم من سؤالها ياخى متعشمة فينى خير ما ذيك فاقد فينا الامل ..
واالمؤسف مشكلتك انت وباقى الرعاع لا تعرفون اصول اللعبة
ومتى نقول : كش ملك ..
خبرتكم كمقاومتك تماما ضعيفة اسفيرية كلامية تاتى بردود فعل مخستكة
ياخى انت قايلنا قاعدين فى البلد دى نشرب شربوت ونمارس الجنس فقط
صدقنى سيأتى يوما يستجيب فيه القدر
وسيكون هذا القدر بارادة المولى وبيد الرمادييين وكلاب السرة..
ونتمنى ان تأتى فورا لتحضر التشيع .. لا تبارك هنا ..
وإلا لا مكان لكم بيننا ..
فإرتقب انا لمرتقبون ..

Quote: لولا كذلك لهاجمتك فى بوست (معارضة كلاب السرة) وسببت ليك فى سـعَر ومعاك باقى الجرويات الجو جاريين وراك ..

يا صالح يا كنار
البوست برعاية الطواقي الطائرة، لقيت مقاسك، then it's سيلف سيرفيس self service، ومجان، لا معاها ورانتي لا قرانتي ولا قِرِنتي، ولا حتى سيلس بيرسون عشان تقول ليهو ضيقة شوية، ولّ مفتوقة، ولا بعد غسلتها كشّت، شلتها براك، مانفعت أجدعها في هواء الله ده، ولا تلومنّ أب تِفه..
___
انت وحمودي أحرجتوني خالس خالس، لذلك:
تُسلّم طاقية صالح لعمته حواء جديد..
وتُسلّم طاقية حمودي لإبن عمه محمد فقيرى..

Quote: بلا شك عباره في مجملها سليمه ياخليل ولذلك نحاول أن نرضي ضميرنا ما إستطعنا إلى ذلك سبيلا

هولاء كذلك يا عشاري


هذا منبر عام قليقل كل رايه

ولا يهم ان صنف من الرمادي او الفلوجة

Quote: وتُسلّم طاقية حمودي لإبن عمه محمد فقيرى..

الراجل رمادي برضو ولّ شنو؟
قصة والله أولاد عمكـ الصايم ديل!!

Quote: كدا عيب!!!!!!!

العيب وووين يا سناء ..؟ تخيلي انك ما بتقدري توريني العيب من الما عيب .. ولو بتعرفي توريني العيب .. يا مفتشة النوايا .. ما كان جبتي ليك بوست معنون بي اسماء وبتعزلي في الناس واحـد واحد .. وبتستجوبي ... ولو ما رد ليك بالطريقة البتعجبك .. يبقى دا ردك ..

Quote: وأقل من كدا ما بيليق بيك، و أكتر منو ما كبير عليك.. سكوتكم بيجلدنا ألف جلدة لما واحدة تتجلد بيقتلنا ألف مرة.. لما زول يموت.. وبيعيد تمثيل الإغتصاب ألف مرة لما واحدة تغتصب.. اغتصاب واحدة اغتصاب بلد (نساءها و رجالها) .. وليس خجلك ما ننشده.. بل غضبك..

تفتكر سناء خالد انها لها الحق في تعييب الناس .. لو ما جو جاوبو ليها علي سؤاله في البوست الفاتحاهو .. متماشيا على ادبيات المرحلة .. متناسية تماما انو مجرد ان عنونت البوست بطريقتها الاستخباراتية دي فهي فتحت ابواب كبيرة جدا .. من العيب .. أولها الاشارة بالواضح .. لمدى الجبن .. وربما التعاون مع الجلاد .. وتجي تقوليك عايزاكم ايه .. عايزاكم تغضبوا .. كمان عايزه تتحكم في مستوى الغضب عندنا وتصنفو بي عيب وبي ما عيب .. على حسب مقياس الرصد عندها ..

Quote: سلام يا علاء الأسماء معزلة و العنوان ما وسع كل الأسماء و قد يكون العزل ما اكتمل.. عشان شنو!! تفتكر عشان شنو؟ على كل السبب أولريدي مذكور أعلاه! ولو سمحت ما تعمل ليحركات الاستجواب لأنها ما بتروق لي و ما بتتناسب معالتمني بتاعي عليك الفوق دا!

وتأمل واحد قاعد في قدام كمبيوترو .. يلقى اسمو معلق في قضية شرف بيسالو فوقو كأنو هو العمل الحاجة دي .. وتسأل ياخ السبب شنو .. السيدة سناء تقوليك .. ما تعمل لي حركات الاستجواب .. تأمل ..؟
شوفي يا سيدة سناء .. من هنا ولي قدام .. بعد الكلام الكتبتيهو تحت دا .. انا تحديدا ما ملزم اتعامل معاك بي الطريقة البتعجبك .. وما بتعجبني نهائي .. ومن هنا ولي قدام .. لو ارتكبتي الغلطة الارتكبتيها في ثوابتي .. وفي شخصيتي العارفه كويس انا .. ح يكون لينا كلام تاني .. واحسن حاجة عملتيها انك قلتي لحدي هنا كفاية .. ولو كان قلتيها من الأول في بوستيك بتاع الرمادي .. والاخضر والأصفر الجاية تفرزينا بيهو داك .. والله كان احسن ليك ولي .. لانو بالضبط كدا في ناس كل يوم بتكتشف انها ممكن تقوليك اي حاجة ساااي كدا ..
تبقى الحاجة المهمة شديد .. إنت في زول قاليك افتحي بوست فوقو اسم تمبس وتعالي استجوبيهو واللا لبستي طاقية البوست الاتكتب دا ؟؟؟ .. علما انو السؤال كان موجه لي عصام جبر الله او اي كان اسمه ..
مع انو كنت متوقع يجي عصام لو لقى عيب في الكلام دا يقولي عيب .. يا رمادي .. يا خـدر يجي يقوليك والله يا سناء تمبس دا ما قاصد كدا دا علي حسب ما فهمتي ..
لكن تقول شنو بس ؟ .. سودانيزاونلاين .. حسع ممكن تطلع خاين .. بعد خمسة دقايق اجير .. بعد ربع ساعة كوز .. بعد يومين .. بطــل وتحمل على الاكتاف ويهتف بي اسمك .. وذلك حال ما كتبت لي اي واحد في (لونو) .. يا بقيت انت ذاتك علبة الوان مويـة.

Quote: إذا ما بتقدر تتعامل معاي بالمثل.. فرجاء.. ولا بالإشارة ما تتعامل معاي.. ولحدي هنا كفاية و كتر ألف خيرك!!!

للأسف البوست كويس وفيهو كلام ما بطال والله .

سناء خالد وتمبس تحياتى ..
وكيف الحال والاحوال !

مسألة "العشم" كانت مدخل مفخخ جدا ..
أتفهم دواعيه بالتأكيد من "تصورات" الصداقه التى تنتابنا بمجرد احتكاكات اسفيريه
بالمقابل أري ان "سوء النوايا" ليست مدخلا مناسبا فى حالنا هذا..
لم أفهم بالتحديد ما عناه "تمبس" بالاشاره "لمرسال البنات" ولكن
اتركوا مساحة لما عبر عنه "البرغوثى" ب " الغلط الآدمى البسيط" او "الغلط المتصور والمافيش اصلا "
واتركوا رجاءا قليلا من المساحه لحسن النوايا .. فهى لا تضر فى شيء ولن تحدث خللا ما فى توازنات المنبر القبيحه التى نتحدث عنها كثيرا وجميعنا شركاء فيها ..
والكلام يمتد ك "عشم" آخر نحو وليد المبارك .. ولن يرجع ابدا

Quote: مسألة "العشم" كانت مدخل مفخخ جدا .. أتفهم دواعيه بالتأكيد من "تصورات" الصداقه التى تنتابنا بمجرد احتكاكات اسفيريه بالمقابل أري ان "سوء النوايا" ليست مدخلا مناسبا فى حالنا هذا..

.. سلامات يا مشرف ..
اتفق معاك في الاقتباس اعلاه تجده بالبونط العريض ..
ومن أجل التفخيخ في البوست الاساسي طلبت من سناء خالد والتي كنت حتى لحظتها اكن لها كل الأحترام الذي تعرفه هي اكتر من دونها.. لكن بردها الاولاني وتبريراتها من خلال البوست .. واصرارها على التمادي في ما اعتبره سوء ظـن .. على اقل تقدير في حقي خلق هذه الفجوة .. قمت بكتابة مداخله .. وتوقفت عندها إلا من متابعة البوست .. ومداخلات صاحبة البوست .. التي اتضح لي من خلال بعض المفردات أن فعلا العشم ما هو إلا مدخل مفخخ جدا .. خاصة في عالم سودانيزاونلاين .. فسرعان ما استلم البوست احدهم وجرى لتبشير البقية .. واقترحت قوائم الخزي والعار في انتظار ترتيب اللستة حسب ردات الفعل .. وكانت المساحة وقتها مناسبة جدا لسناء ان تجيد توجيه البوست وتدعمه بحسن النوايا لاخوانها الذين تتعشم فيهم كل الخير كما ادعت وذلك بان تقدم اعتذار صريح .. لكنها تمادت فيما اسماهو غيري من حصرتهم في لستتها بالخطأ واصرت على موقفها ممن لم يتفق معها .. وهو الغرض الاساسي من البوست .
واظنك تعي جيدا .. ان وضع احدنا في استهداف مباشر في هذا البورد .. وكيف يكون التعامل مع الفعل .. خاصة وان المسالة متعلقة بالثبات والشرف .. وإلخ ..

Quote: لم أفهم بالتحديد ما عناه "تمبس" بالاشاره "لمرسال البنات"

Quote: زمان في الحلة لما نكون قاصدين لينا واحد كنا .. بنقعد ليهو .. قعدت اخوان .. ونقطع الطرق الفرعية والرئيسية منو .. عندنا واحد حريف جدا في المسارات الزي دي .. كل مرة يقولينا .. رسلو ليهو (بت) بتجيب خبرو الغريبة اي واحد عندنا معاهو مغارز حلة يقولينا رسلو ليهو (بـت) .. ما عارف نظريتو دي قاصد بيها شنو .. طيب حسع دي يا سيد عصم جبر الله .. ما تحرش ليك واحده علشان تكتب اسم تمبس دا في بوست .. وتجي تستجوبني بقيت كدا دا لييه ..؟ يا موقفي من القضية الليبية شنـو ..؟ مش احسن حاجة ممكن تعمله بدل ما تاااني داخل في مسالة تمبس وما ادراك ما تمبس ..

يا مشرف ..
إذا كان فهمي سليم لمفردة عيب التي كتبتها سناء خالد او تساؤلك عن المعنى تحديدا .. فيا مشرف .. انا لسة ما وصلت المرحلة التي ادخل فيها العيب من الاشياء في تعاملي مع اي من الاخوات حيث لا يعقل ان طيلة وجودي هنا ضد مثل هذه الممارسات .. التي صنفت من اجل الوقوف بجانب مهاجمة الاخوات .. والعنف اللفظي جدا .. واستعمال مفردات الغرض منها تخويف وارهـاب .. ومن ناحية أخرى ضد العنف المقابل من بعضهن والذي تعرضت له في اكتر من موضع .. لا يعقل اجي في نفس الوكت علشان اكتب لي سناء خالد بطريقة قبيحة .. تدخل في مجال ما يسمونه التحرش .. وإلخ من المفردات التي صيغت خصيصا لمنبر من لا منبر له ..
ما كتبته موجه بعناية شديدة لعصام جبر الله .. ويفهم في صياغ المداخلة .. حيث ان عصام جبر الله له من المقدرات الذهنية والسياسية العالية جدا .. في فهمه للجملة .. وغيره من الذين يدعون انهم علماء سياسة بكل انواعها قذرة .. وبيضاء ورمادية وسوداء ..
إذن ..
لماذا افترضت سناء ان ما وجه هو لها .. وثارت ثورتها .. وازبدت ..؟ علما إني تركت البوست هناك وقريت ما كتبته سناء هنا ردا على ياسر طيفور .. ودخولي هنا كان بعيد كل البعد عن سناء خالد وكان بالامكان ردي على ما كتبته في معرب ردها لي ياسر طيفور ..

علاء سلام ..
" كتبت رد مرتب وجميل واجتهدت فيهو وراح ولكن"

Quote: إذا كان فهمي سليم لمفردة عيب التي كتبتها سناء خالد او تساؤلك عن المعنى تحديدا .. فيا مشرف .. انا لسة ما وصلت المرحلة التي ادخل فيها العيب من الاشياء في تعاملي مع اي من الاخوات حيث لا يعقل ان طيلة وجودي هنا ضد مثل هذه الممارسات .. التي صنفت من اجل الوقوف بجانب مهاجمة الاخوات .. والعنف اللفظي جدا .. واستعمال مفردات الغرض منها تخويف وارهـاب

- ده بالتحديد ما دعانى ان اضع كل ما بينك وسناء فى سلة "الغلط الآدمى البسيط" او "الخطأ المتصور ومافيش"

- ده بقودنا وبصوره مباشرة لموضوع مهم جدا .. انو مهم جدا استصحاب الكاتب لقراية كتابتو .. وده مدخل شخصى جدا .. ولانو الكاتب ذاتو بكتب بى مدخل شخصى .. وسايق طرحو بيهو .. ومستثمر شخصيتو الفرضها على الناس هنا عشان يقروهو صاح وزى ما هو قاصد.. اها الكلام ده ما صحيح فى مطلق الاحوال .. وده الخلانى اوصف مدخل "العشم" بتاع سناء ب "المفخخ" لانها برضو كانت بستثمر "وجودها" و "علاقاتها" و "مداخلها الشخصيه" عند الناس فى تمرير كلامها هنا .. والحته دى فيها حاجتين

1- ممكن قرايتها مصحوبه بكل التداعيات الايجابيه بتاعت المدخل الشخصى و حوش بكرى وافكار حول علاقات انسانيه ممكنه من خلالو تشابه تلك التى فى البال يا تمبس ..
2- ممكن قرايتها بكل التداعيات السلبيه المفخخه بتاعت المدخل الشخصى فى الحيز العام..

والمحصله النهائيه تتفاوت عند كل زول ولكن .. كنت اتمنى .. وما زلت .. الا نهمل ايجابيات "المدخل الشخصى" نحو الكتابه بالمنبر لانو ممكن جدا يكون صاح اولا .. او بالميت كده نستوعب دوافع "المدخل الشخصى" الايجابيه ونتعامل من خلالها لرفض اية اخطاء مصاحبه للطرح ..

Quote: - ده بالتحديد ما دعانى ان اضع كل ما بينك وسناء فى سلة "الغلط الآدمى البسيط" او "الخطأ المتصور ومافيش"

تمام يا حيدر .. دا كلام كويس ..
ان وضعنا ذلك في الحسبان .. عندنا خطوط رجعه وجب الاحتكام ليها ..
عني شخصيا .. وفي الكثير من العلاقات المميزة هنا في هذا المكان .. دائما لا اركن إلى سوء الفهم .. احيانا اتعامى عما يكتب لي بشكل مباشر أو غير مباشر .. وافترض حسن النية لابعد درجة .. حتى يثبت لك المعني بالأمر .. نيته تماما ..
والنوايا اصبحت مبزولة هنـا في المنبر منذ فترة .. بل بقت الناس تصرح بيها بشكل وااضح جدا .. سواء أن كانت بناء على آراء يتم تبنيها من خلال مجموعة محددة أو بالتأثير .. من شخوص بعينهم .. أو احيانا بالايعاز .. فالكثير من المجموعات واللوبيهات التي اصبحت تشكل بطريقة منتظمة تعرف كيف تدير امورها .. واحيانا يتم اصطياد شخوص بعينهم لتنفيذ هذه المهام .. بشكل جيد .. ودونك الصفحة الأولى ستجد ما يثبت نظريتي ..
خطوط الرجعة متمثله .. في على الاقل .. اديني فصة اقراك صاح .. عكس ما أتوهمه من اشياء تثبتها في اقرب مداخله .. وبما أنو نحن في فترة احتقان عالية جدا بدت تظهر على السطح من فترة فما اعتقد انو الغلط الأدمي البسيط دا يمكن يحتملو اي طرف فينا .. ما لم نرسم خطوط عريضة جدا .. تعود للآخر بحقه .. حالما طالب به ..
...

Quote: 1- ممكن قرايتها مصحوبه بكل التداعيات الايجابيه بتاعت المدخل الشخصى و حوش بكرى وافكار حول علاقات انسانيه ممكنه من خلالو تشابه تلك التى فى البال يا تمبس .. 2- ممكن قرايتها بكل التداعيات السلبيه المفخخه بتاعت المدخل الشخصى فى الحيز العام.. والمحصله النهائيه تتفاوت عند كل زول ولكن .. كنت اتمنى .. وما زلت .. الا نهمل ايجابيات "المدخل الشخصى" نحو الكتابه بالمنبر لانو ممكن جدا يكون صاح اولا .. او بالميت كده نستوعب دوافع "المدخل الشخصى" الايجابيه ونتعامل من خلالها لرفض اية اخطاء مصاحبه للطرح ..

واحد واتنين .. افتراضات كويسة ما بهمله يا مشرف .. خاصة السلبي منها.. لانها المدخل السليم للايجابي .. مع التحفظ على المدخل الشخصي منها .. لانو زي ما ذكرت ليك .. دائما بيكون مبني على افتراضات خاطئة جدا وطالما انها شخصية غير ملزم بها الآخـر .. أو جميع الاطراف ..

Quote: للأسف البوست كويس وفيهو كلام ما بطال والله .

مكابرة بامتياز يا طلحة





_____________
ود البشرى إزيكـ ياخي

ودالبشرى

ألحق البوست إتحول للفلوجه

تـمّ حذف الكود بعد معالـجة الأمر







شُكراً بكري
وعُذراً صاحب البوست

انا تامر يالمشرف

هاكم ده حزب كااااااااامل رمادي .......

Quote: الاتحادي الاصل واللون الرمادي ..... الحزب الاتحادي الديمقراطي الأصل بزعامة السيد محمد عثمان الميرغني بات يعشق التواجد السياسي في المنطقة الرمادية ويجاهد كي لا تخرج سياساته إلى مواقف قاطعة ... سوداء كانت أو بيضاء . وعلى الرغم من أن بعض المريدين يرون في هذا النهج المنسجم مع إرث الطريقة الختمية المتحفظ دوماً ، يرون فيه بعض البراعة السياسية التي ستتعصى على الإمساك، إلا أن كثير من المراقبين ليهم قناعة بأن هذا النهج أصبح جزءً من أزمة الحزب العتيد ومن تداعى بنيانه . ولقد أصبحت هذه السياسات المترددة والتي تحمل في الخطاب السياسي الفعل ونقيضه معاً سمة بارزة لأداء الحزب السياسي، ففي الانتخابات الأخيرة ظل موقف الحزب يتأرجح ما بين المقاطعة والمشاركة ... تارةً هو مع أحزاب المعارضة في قوى الإجماع الوطني وتارةً أخرى نراه متوافقاً مع المؤتمر الوطني في المشاركة وخوض الانتخابات . وظللنا على ذات المنوال عقب نتائج الانتخابات والشروع فى تشكيل الحكومة ، فنصف زعمائه كانوا يدعون للمشاركة والنصف الآخر يقول أنه لن يدخلها وإن جاءت مبرأة من كل عيب ، بينما رئيس الحزب يلتزم الصمت وهو يرمق الطرفين بذات القدر من الرضا . ثم وصلنا اليوم الى أعتاب الحكومة ذات القاعدة العريضة فإذا بعشق المنطقة الرمادية يبرز من جديد وراح الزعماء والخلفاء والمريدين يتبارون فى التصريحات المتناقضة ... بعضهم يؤكد المشاركة ونصفهم الآخر ضدها ، والغريب أن لا أحد منهم يعبأ أو يلتفت الى تصريحات زملائه أو حتى يتطوع بنفيها كأنما الجميع سلم بالتعايش مع هذا المناخ . إن السيد الميرغنى عليه قبل أن يحسم موقف حزبه من المشاركة أو المقاطعة أن يسارع بحسم هذا التردى والانهيار الذى اصاب مؤسسة الحزب حتى باتت كل كوادره وعضويته زعماء وقادة وناطقين رسميين بإسم الحزب ، فما هكذا تكون الاحزاب وما هكذا يدار الحزب . إن المنطقة الرمادية التى بات يسكنها ويألفها الحزب لن تقدم نفعاً ولن تنتج خطاباً سياسياً مسئولاً وأكثر ما نخشاه أن يقود التوارى والاختفاء وراء تلك الظلال الرمادية الى إختفاء الحزب نفسه وتواريه . ادريس حسن ... صحيفة الاخبار السودانية

http://alakhbar.sd/details.php?articleid=768#768

"من يكتب لتسويق نفسه عليه مراعاة ذوق المتسوقين ومن كان الأمر بالنسبة له show فليعمل على اثارة و الإحتفاظ بإعجاب النظارة"

أبو حتوت
شباط - 2011

________________________


عمر عشاري ازيك وعساك بخير
قصة الكتابة لتمتع روحك دي زي ما قلت لتبلدينا يمكن تتشاف غلط
لكنها دي الحاجة الأنا شايفها وبحس بيها
ودي بترجع للطريقة البنظر ليها أنا للبورد و بالتأكيد هي تختلف عن نظرتك عن نظرة فلان عن نظرة علان ليه
إختلاف النظرة دا هو البفرزنا كبشر من الأنعام
عشان كدا مفروض نقيّمه وكل زول ياخد مساحته وراحته في اهتماماته و تقييمه و فهمه و تفسيره للاشياء
و ترتيبو للأولويات و تفاعله مع الأحداث و و و ... إلخ

تعبير الكتابة لإمتاع النفس دا حقوقه لصاحبك العريس دكين قريته ليه زمان وراق لي تماما وحسيت بيه يعبر عني
حبابك يا عمر وحباب النقاش - المفيد بإذن الله

يا أبا التفة
اشكرك على التحرش ؟!!
يا النبي يا الرسول , كمان جابت ليها بهتان

ود الزين يا زين مرحب بيك
البوست بوستك والف مرحب بيك
قلت لي رماديتك لو اتهموك بيها او شعرت بيها؟
لو اتهام ما مشكلة عادي في البورد دا انسى وجلّي ما امكنك
لكن لو شعرت بيها صدقني دي مشكلة
الحكاية في نظري مش مسالة حكومة ومعارضة بل حق وباطل
الحق احق ان يتبع و يُعلى ولو جاء من ابغض الناس إليك كما أن الباطل لينتقد و يجتنب ولو من اخيك نفسه
تقييم الأحداث و التفاعل معها حسب موقف اصحابها خطأ كبير
فلا نقد خطأ المعارض حرام ولا مدح صاح الموالي ممنوع
الأشياء يجب ان تكون مجردة - او هكذا اراها
ود الزين ما عارفني رديت على كلامك ولا خرمجت ساي فمشيها بالله

يا سمارت العفو ياخ حاشاك العبط أو احتلال البوست بالعكس تعليقاتك مهمة وبتفتح ابواب كلام ومداخل كتيرة للنقاش
حتة انو نسكت على سجم الحكومة عشان المعارضة اسجم ما عارف جبتيها من وين ؟ أنا ما حصل قلت كدا او ناديت بي كدا
دا يمكن انطباع ساد ايام اثير سؤال اين البديل و مش عارف ايه
القراية الإنطباعية دي هي الفكرة الرئيسية الكانت في ذهني وانا بكتب البوست دا

Quote: عاوزاك (please) يا محمد البشرى تقول لى احلامك شنو للسودان? نفسك اولادك يكبروا يلقوا السودان شكلو كيف?

راس سنة 2010 كنا مجموعة بورداب مروسين في مقهى في الشارقة دور بيناتنا سؤال عن امنياتك الشخصية و على مستوى الوطن للعام الجديد
اجابتي بالنسبة للشق التاني كانت هي امنيتي المكررة كل سنة - يحكمنا من يخاف الله فينا و بس
طبعا باب التمني كبير وواسع وبوديك بعيد من الواقع لكن الشي الفي متناول اليد و بفكر فيه و امكانية انو يتحقق واردة
فليحكم أيا كان لكن تحت دستور واضح وقوي محمي بقضاء نزيه و صحافة حرة ومؤسسة عسكرية ملتزمة بواجبها ولا تتجاوزه
وقانون يسري على الكل ولا حصانة عليه ولا أحد فوقه
ودا افتكر ما مستحيل تحقيقه , قولي آمين انتي بس
بمناسبة كلامك دا

Quote: تعرف ان ما حصل وقعت فى ادانة اى حاجه فى الدنيا دى

سمح جدا , لكن تخيّلي ممكن يجي من يقول ليك ليه ما ادنتي الحاجة الفلانية و يفسّرها انك مؤيداها أو على الأقل مؤيدة من ارتكبها و غضيتي النظر عنها بسبب تأييدك دا , هل معاه حق في تفسيرو؟ هل ليه حق اصلا في انه يفسر؟
شفتي دا ياهو ملخص البوست

هلا ياخلي
ابدا أصلا ارضاء زيد أو عبيد ما هو غاية غض النظر عن امكانية ادراكها من عدمها
واصلا مافي غاية - بالنسبة لي

ههههههههه تستاهل يا حمور
بعدين مصر تبين استلابك؟ شنو اقيف قدام مترو دي
عيب لي القطر؟ ثم ابورجيلة مالو؟
مستلب دا

ولي يا شفت
نشكل حزب دي المشكلة زاتها
لما تتحزب بتلغي رايك أو ما تقدر تعبر عنه قصاد توجه الحزب
ودا الحاصل اسي , الأمم البتتفاصح دي كان القادة اتصالحوا أو اقتضت مصالحهم المشاركة يغيّرو الإتجاه 180 درجة زي لما حصل شي
خلينا احرار كدا احسن ننتقد وقت ما عايزين ونطنش برضو وقت ما عايزين

خلدون با عمك
مع الشكر لكن تصدق انا ما معتبر قولة صاحب موقف رمادي اساءة
لأنو الحاجات نسبية الشايفو فلان رمادي او اسود عديل أنا شايفه ابيض ناصع البياض
ودا البهمني - شوفي أنا

فاروق يا عمك
لا ياخ انا مداخلة راوية ما مشيت فيها بل غالطتها كمان
بالله شفت ابتفة فرش كيف :)

أووو تنظير , شنو يعني عامل تقيل
اتوقعتك تجي تنظر من تاني مداخلة

مشكور يا لؤي
تعبناك معانا

جنابو شكلو حنيت وكدا
مش خليتهم مالك ومالهم

لمن تميت المداخلات كلها والله حسيت اني مثقف رغم كيد ود الصايم

هلا ود جبريل وعذرا مداخلتك شفتها في حينها ونويت التعليق لكن الكيبورد ليه رافع

اخونا محمد عبد الرحمن , ازيك يابا وعساك بخير وعافية
كتبت لي مناصحا في مفتتح البوست عن مواقف لي حيّرتك و انا والله احب من ينتقدني و يهدي إلي عيوبي
معليش في حينها لم اسألك عن ماهية هذه المواقف لكن ما فات شي
ليتك لو احببت ان نكمل حديثنا حولها

حد يصحّي محمد عبد الرحمن يا اخوانا