بـورداب الرياض (وغير البورداب كمان) ... طلب مونكن ..؟؟

Post: #1
Title: بـورداب الرياض (وغير البورداب كمان) ... طلب مونكن ..؟؟
Author: داليا الكباشى
Date: 03-23-2011, 07:03 AM

اتفضلي اتفضلي يا دلوش طال عمرج ,
شوركن شوكرن ..

عاوزين شقـه !
المواصفات : غرفتين ومجلس وصاله ومطبخ وحماميين, ارضي او طابق ثاني لافرق بس يفضل الارضي طبعا ..
المواقع : حي الملك فهد (يفضل جدا) , ام الحمام , المعـذر , أو أي مكان قريب لي حي السفـارات ..

شكرا مقدما.. لاي زول حايفتش , ولي اي زول حايرفع لي البوست بررضو :)
اما البيجيب لي الشقه دا , فااا شكرو برراهو :)

غير البورداب
Dallwsha(at)hotmail.com

Post: #2
Title: Re: بـورداب الرياض (وغير البورداب كمان) ... طلب مونكن ..؟؟
Author: osman abdala
Date: 03-23-2011, 07:11 AM
Parent: #1

طال عمرج فين طويل العمر

Post: #5
Title: Re: بـورداب الرياض (وغير البورداب كمان) ... طلب مونكن ..؟؟
Author: داليا الكباشى
Date: 03-23-2011, 07:20 AM
Parent: #2

Quote: طال عمرج فين طويل العمر
كاشت للبـر يتفقد الحـلال طال عمرك

Post: #40
Title: Re: بـورداب الرياض (وغير البورداب كمان) ... طلب مونكن ..؟؟
Author: Magdi Ahmed Elsheikh
Date: 03-25-2011, 04:58 PM
Parent: #5

Quote: كاشت للبـر يتفقد الحـلال طال عمرك

براهو..............!!

Post: #3
Title: Re: بـورداب الرياض (وغير البورداب كمان) ... طلب مونكن ..؟؟
Author: yasir Abdelgadir
Date: 03-23-2011, 07:12 AM
Parent: #1

up (-:

Post: #4
Title: Re: بـورداب الرياض (وغير البورداب كمان) ... طلب مونكن ..؟؟
Author: عبد الله كسلا
Date: 03-23-2011, 07:19 AM
Parent: #3

دلووووووش سلام ..

والتحية عبرك لزميل البورض

مرور للتحية ولرفع البوست .. وللدعاء ليكم

إن شاء الله ربنا يوفقكم وتلقوا الفي مرادكم

Post: #6
Title: Re: بـورداب الرياض (وغير البورداب كمان) ... طلب مونكن ..؟؟
Author: SHIBKA
Date: 03-23-2011, 07:34 AM
Parent: #4

داليا

الله يعينك شغالة وزير داخلية وخارجية

Post: #7
Title: Re: بـورداب الرياض (وغير البورداب كمان) ... طلب مونكن ..؟؟
Author: ابو جهينة
Date: 03-23-2011, 07:44 AM
Parent: #6

دلوش

طيب العربون ال دفعناه في الشقة ديك يروح ساكت؟

كاشت للبـر يتفقد الحـلال طال عمرك

Post: #8
Title: Re: بـورداب الرياض (وغير البورداب كمان) ... طلب مونكن ..؟؟
Author: ABUHUSSEIN
Date: 03-23-2011, 07:46 AM
Parent: #6

Post: #10
Title: Re: بـورداب الرياض (وغير البورداب كمان) ... طلب مونكن ..؟؟
Author: أيمن دياب
Date: 03-23-2011, 08:06 AM
Parent: #8

مادام الشغلانية فيها حي سفارات..
أنصحكم بالدرعية.. حي هاديء ورايق وإيجاراتو نوعاً ما معقولة..
وشارع واحد لحي السفارات من غير إشارات..
حي الملك فهد ده ما بتقدرو عليهو.. في وسط زنقة وزحمة..
أم الحمام لا يُنصح بها.. زحمة شديدة ومشكلة في المواقف (الباركنج)..
هاتف شيخ السودانيين في الدرعية:
الأخ عيسى بشرى حسن 0507237486
بحل ليكم المشكلة.. بإذن الله..
لو بيدي تسكنوا في قصر طويق.. عشان الزميل يمشي الشغل كداري..

Post: #9
Title: Re: بـورداب الرياض (وغير البورداب كمان) ... طلب مونكن ..؟؟
Author: أبو الحسين
Date: 03-23-2011, 08:00 AM
Parent: #6

دعاء...

نسأل الله يسهل ليكم ويجمع ليكم قريباً...

Post: #11
Title: Re: بـورداب الرياض (وغير البورداب كمان) ... طلب مونكن ..؟؟
Author: الامين موسى البشاري
Date: 03-23-2011, 08:09 AM
Parent: #9

يعني المكاتب العقارية تقفل معاكم ولا كيف؟
مرور لرفع البوست
..
..

__

Post: #12
Title: Re: بـورداب الرياض (وغير البورداب كمان) ... طلب مونكن ..؟؟
Author: ABUHUSSEIN
Date: 03-23-2011, 08:10 AM
Parent: #9

البورد دا مرات بديك إحساس بي إنك في السوق الشعبي

ما عارف ليه.....

Post: #13
Title: Re: بـورداب الرياض (وغير البورداب كمان) ... طلب مونكن ..؟؟
Author: عاطف رميتي
Date: 03-23-2011, 08:14 AM
Parent: #12

التحايا للجميع

وياريت لو كنا قريبين

بالتوفيق

Post: #14
Title: Re: بـورداب الرياض (وغير البورداب كمان) ... طلب مونكن ..؟؟
Author: عمر الفاروق
Date: 03-23-2011, 08:17 AM
Parent: #6

زي ما قال المذيع في الأخبار الملك فهد طال عمره عليه رحمة الله ..فطال عمرك انا مستغرب يعني ..الزول يديك خيارات لي مليون حي ليس من بينهم حي السفارات سيد الشي زاااتا :)..يعني مفروض ولو من باب الخجلة مثلاً تقولي حي السفارات حي الملك فهد ام الحمام وهكذا يعني ..عموما زي ما قلت ليك زمااان إنتي بعد فتحتي موضوع الكتب داك ح يجي اليوم الح تقولي فيهو شوفو لينا قطعة ارض في كافوري وكان هذا تنبؤ مني ساااي لكن فاجعتيني يا فلانة بي شقة في الرياض عدييييييييل كده :)
في طابق كااامل في حفر العتش وبسعر مغري ..كيف ليك ؟

Post: #15
Title: Re: بـورداب الرياض (وغير البورداب كمان) ... طلب مونكن ..؟؟
Author: التيجاني عبد الباقي
Date: 03-23-2011, 08:30 AM
Parent: #14

نرفع البوست لخاطر الطلب
وربنا يساعدكم العقارات غالية اليومين ديل

الدرعية افضل كما ذكر الاستاذ ايمن دياب

Post: #16
Title: Re: بـورداب الرياض (وغير البورداب كمان) ... طلب مونكن ..؟؟
Author: الصادق صديق سلمان
Date: 03-23-2011, 08:42 AM
Parent: #15

هىلا بمسز تامبا
وهلا بالوثير تامبا

ياتامبا (نحن نخاطب الرجال --- هيعععععععععع)
يا دكتورة خليك مع الدرعية وماحاتندموا انشاء الله
بعدين الدخل المحدود يا تمس في منطقة معينة كدا فيهو بس ماعارف اسمها لأنهما قريبان من حي السفارات (الدخل المحدود والدرعية)
وأكيد تامبا ناقش الرياض دي كويس ومنقطة

نسأل الله لكما التوفيق

سلام

الصادق

Post: #18
Title: Re: بـورداب الرياض (وغير البورداب كمان) ... طلب مونكن ..؟؟
Author: ABUHUSSEIN
Date: 03-23-2011, 08:47 AM
Parent: #15

يعني ممكن بعد كم يوم نشوف لينا بوست بعنوان :-

.

.

.

.

.

بورداب الرياض و ما جاورها ما بلقى لي عندكم طايوقه

.

Post: #19
Title: Re: بـورداب الرياض (وغير البورداب كمان) ... طلب مونكن ..؟؟
Author: داليا الكباشى
Date: 03-23-2011, 08:58 AM
Parent: #15

طبعا كنتا منتظره عمر الفاروق يجي يكتب الهراء الخلاب حقو دا عشان ارد لي باقي الناس :)
قال حي السفارات قال ! انت ما سكنتا فيهو لييه ؟؟ انت قايلني (طال عمري ) جد جد ولا شنو ؟
غايتو شكورن على التذكير , حفر العتش دي بتذكر فيها لي تلاته يوم , واقول ياربي الحته الساكن فيها عومر الفاروق اسمها شنو ؟ اسمها شنو ؟ :)

دكتـور ياسر عبدالقادر .. تشكر يارب .. بيناتنا تلفونات لمزيد من التنسيق بخصوص الموضوع :)
عمو عبدالله كسلا .. تسلم يارب .. قول يا جامع يارقييب ..
شبوكـه (ياخ الخارجيه والداخليه والاشغال والطاقه , بس اهم شي الماليه زاتها مسكوني ليها , بعد دا انشالله يسكوني ضنب الككو زاتو:)
الريس ابو جهينه .. الـ (رعبون) لا يسترد ولا يستحدث من العدم , بل يتحول من مكتب لاخر :)
ابو حسين بالانجليزي (المكسور صباعو) .. انت الشهر القاعد فيهو في البيت دا حاتكمل لينا الباندويث صـح ؟ ياخ فكر في الاقتراح القلتو ليك :)
أبو حسين بالعربي .. ربنا يستجيب دعواتك وتسلم كتيير يارب
الامين البشاري .. ونحن ما نحلل الانترتنت البندفعوا في بورد بكري دا ولا شنو :)
عاطف رميتي .. تسلم على رفع البوست , في زول جاب لي شقه في حي النسيم جده .. جاري التفكيير :)
استاذ التيجاني .. ربنا يجبر خاطرك دنيا واخره .. تسلم يارب ..

Post: #17
Title: Re: بـورداب الرياض (وغير البورداب كمان) ... طلب مونكن ..؟؟
Author: Mahmoud Mustafa Mahmoud
Date: 03-23-2011, 08:46 AM
Parent: #6

(1)

Quote: طال عمرج فين طويل العمر

(2)

Quote: الله يعينك شغالة وزير داخلية وخارجية

بس إن شاء الله تكونوا ملاحظين معاي لآخرة علاقات الإنترنت..

كااااااااااااااااااااااااااك..

Post: #20
Title: Re: بـورداب الرياض (وغير البورداب كمان) ... طلب مونكن ..؟؟
Author: أيمن دياب
Date: 03-23-2011, 09:04 AM
Parent: #17

جاني اتصال وبشريات من شيخ السودانيين في الدرعية..
بتجنيد كل المكاتب وفرق البحث للعثور على الشقة المطلوبة خلال الأربعاء والخميس..
والله لو الشغلانية زبطت مطلوبين (خروف صغير).. حتى لو مجمّد من التلاجة العالمية..

Post: #21
Title: Re: بـورداب الرياض (وغير البورداب كمان) ... طلب مونكن ..؟؟
Author: خالد عبد الله محمود
Date: 03-23-2011, 09:08 AM
Parent: #20

يا أخوانا الواحد لو عايز يترقي شوية و يسكن مع ود الصايم في حي واحد ما يخجل و يقولها عديل !!

Post: #22
Title: Re: بـورداب الرياض (وغير البورداب كمان) ... طلب مونكن ..؟؟
Author: نادر النور آدم
Date: 03-23-2011, 09:13 AM
Parent: #21

Quote: المواقع : حي الملك فهد (يفضل جدا)

استأذنتو من منو ياللخت ؟؟

Post: #23
Title: Re: بـورداب الرياض (وغير البورداب كمان) ... طلب مونكن ..؟؟
Author: عمر عبد الله فضل المولى
Date: 03-23-2011, 09:18 AM
Parent: #22

حي الروضة انفع

Post: #24
Title: Re: بـورداب الرياض (وغير البورداب كمان) ... طلب مونكن ..؟؟
Author: داليا الكباشى
Date: 03-23-2011, 09:56 AM
Parent: #23

يا عمر فضل المولى , عارف ذكرتني شنو ؟ لمن امرق ن بيتنا الصباح اكون ماشه المستشفى , واكون لابسه جزمه سبورت (قماش)
بيلاقيني الولد بتاع الورنيش في مدخل المستشفى ويقول لي : ورنيييش يا دكتووره ؟؟ !! بقررب اقول ليهو ورنشها ووريني حاتورنشها كيييف؟
اسي انت كمان , الله يهديك , اقول ليك دايره قريب لي حي السفارات , تقول لي الروضـه ؟؟ :) :)

الصادق سلمان .. تحياتي وشكرا لرفع البوست .. الدخل المحدود دا ما معانا .. نمشي نسكن جمب ناس عمر الفاروق احسن :)
ابو حسين بالانجليزي .. مقبول منك الطايوق .. لكن الفيك اتعرفت .. وعموما اقتراحي شكلي حا انفذوا الليله من وراك :)
محمود مصطفى حمود .. اخره علاقه الانترنت كل خير والله .. بس نختى زي ناس ابو حسين بالانجليزي ديل :)
خالد عبدالله محمود .. ود الصايم هو ساكن ووين ؟؟؟ :) :)
نادر النور ادم .. اها اسي استأذنا .. بس فتشوا لينا .. عشان الواحد زاتو يسكن جب صحبتو وكدا :) :)

Post: #25
Title: Re: بـورداب الرياض (وغير البورداب كمان) ... طلب مونكن ..؟؟
Author: حبيب نورة
Date: 03-23-2011, 10:06 AM
Parent: #24

بوست إنصرافي وأفو بوينت ذاااتو

Post: #27
Title: Re: بـورداب الرياض (وغير البورداب كمان) ... طلب مونكن ..؟؟
Author: داليا الكباشى
Date: 03-23-2011, 10:08 AM
Parent: #24

أيمن ديـاب ,,
ما حصل فتحتا بوست بخصوص اي حاجه في البورد دا الا كنت انت اول المستجيبين ,
لا وكمان بالنجيييضه .. دايما شغلك كارب ماشاءالله علييك :)

تم الاتصال من زميل البورد بالشيخ , ووعده خيرا ,
بالنسبه للخروف , فا احيطك علما انو البند دا حولناهو لاختصاص ود الصايم , خاصه انو اكلنا ملح في السمايه :)

بالجد شكرا جزيلا يا أيمن .. تتجازى خير يارب :)
وانشالله الموضوع ينجح :)

Post: #28
Title: Re: بـورداب الرياض (وغير البورداب كمان) ... طلب مونكن ..؟؟
Author: Mahmoud Mustafa Mahmoud
Date: 03-23-2011, 10:08 AM
Parent: #24

Quote: اخره علاقه الانترنت كل خير والله .. بس نختى زي ناس ابو حسين بالانجليزي ديل :)

أنا غايتو كلام أبو حسين بالإنجليزي ما مسئول منه..

أنا قصدت بكلامي أستفز زميل البورض عشان يشوف ليك أحلى فيلا في الرياض

إن شاء الله تكون مطلة على البحر الأحمر زاتو....هههههههههههههههههههه

لكن أنا استاهل...

بطيبتك دي..ح يقوم ينقعك بإنه فكرة السكن زاتا زي اتجاوزتا الأحداث والمرحلة..

فشنو؟؟ نقوم نكتفي بالسكنى المذكورة في القرآن.."أزوجاً لتسكنوا إليهن"..

دي آخرتا؟؟

الغايظني جدن جدن..اللداحة وعدم الاستجابة للاستفزاز..

..>>..

Post: #26
Title: Re: بـورداب الرياض (وغير البورداب كمان) ... طلب مونكن ..؟؟
Author: عاطف عمر
Date: 03-23-2011, 10:08 AM
Parent: #1

Quote: أو أي مكان قريب لي حي السفـارات ..

أيواااااا
كدا تمام
خليكم قريبين من السفارات وحيها ،
عشان لمن نجيكم زايرين ما نتعب في التأشيرات والإشارات

______________________

سلامات الصديقة العزيزة د. داليا

Post: #29
Title: Re: بـورداب الرياض (وغير البورداب كمان) ... طلب مونكن ..؟؟
Author: داليا الكباشى
Date: 03-23-2011, 11:46 AM
Parent: #26

حبيب نوره .. أقنـور :)
صديقي عاطف عمـر .. تعال علييك الله .. انشاءالله عمره وزوغـه :) :)

Post: #30
Title: Re: بـورداب الرياض (وغير البورداب كمان) ... طلب مونكن ..؟؟
Author: عاطف رميتي
Date: 03-23-2011, 01:49 PM
Parent: #29

Quote: عاطف رميتي .. تسلم على رفع البوست , في زول جاب لي شقه في حي النسيم جده .. جاري التفكيير :)

والله جدة بيكم تنور .. وتتشرف

ولو عاوزين في جدة حاضرين ...

Post: #31
Title: Re: بـورداب الرياض (وغير البورداب كمان) ... طلب مونكن ..؟؟
Author: الصادق خليفة
Date: 03-23-2011, 02:09 PM
Parent: #30

مع انو كلام عمر ما نفع معاك لكن
و الله جنبي شقة بكل المواصفات الطلبتيها في حي الروضة ومش بعيدة من طريق الملك عبد الله يعني خط واحد لحدي السفارات
و سعرها مغري جدا 18000 الف ريال كانت معروضة ب 22000 انا نزلت سعرها لولد اخوي ولكن لظروف مالم يستأجرها وواسعة جدا و سراميك ومطبخ مركب فيها في الدور الاول بعيداً عن صراير الدور الارضي خريطتها حلوة جدا في حالة الرغبة الرجاء من زميل البورد الاتصال .

داليا كيفك احوالك و ربنا ما سترنا معاكم

Post: #32
Title: Re: بـورداب الرياض (وغير البورداب كمان) ... طلب مونكن ..؟؟
Author: عمر عبد الله فضل المولى
Date: 03-23-2011, 02:32 PM
Parent: #31

اول حاجة في الروضة شارع واحد دائري مافي اي اشارات الى حيث مكان الشغل الخاص بكم
ثانيا المطار طوالي

Post: #33
Title: Re: بـورداب الرياض (وغير البورداب كمان) ... طلب مونكن ..؟؟
Author: أيمن دياب
Date: 03-23-2011, 03:00 PM
Parent: #31

Quote: بالنسبه للخروف , فا احيطك علما انو البند دا حولناهو لاختصاص ود الصايم , خاصه انو اكلنا ملح في السمايه

بعد ما نسيت.. مالك تاني مذكراني الموضوع ده؟؟
حسب علمي إنو المولودة أسه داخلة على التمهيدي..
لكن والله وقسماً لو اتخرجت من الجامعة ما بنخلي حقنا..

Post: #34
Title: Re: بـورداب الرياض (وغير البورداب كمان) ... طلب مونكن ..؟؟
Author: ياسر السر
Date: 03-23-2011, 04:09 PM
Parent: #33

يا دكتورة كيف حالك أنا أقترح أن تبحثوا في عرقة وهي حي هادي وقريب جداً من المنطقة البتفتشو فيها دي أو ظهرة البديعة أو العريجاء او الدخل المحدود كلها ما فيها زحمة ،،،
ربنا يبلغكم مرادكم ,,

تحياتي : ياسر العيلفون

Post: #35
Title: Re: بـورداب الرياض (وغير البورداب كمان) ... طلب مونكن ..؟؟
Author: سيف بخيت موسي
Date: 03-23-2011, 07:03 PM
Parent: #34

عليك بالدرعية

تحياتي ليك ولـ البيق بوس

Post: #36
Title: Re: بـورداب الرياض (وغير البورداب كمان) ... طلب مونكن ..؟؟
Author: بدر الدين الأمير
Date: 03-23-2011, 07:28 PM
Parent: #35

داليا
بلاش غش تجارى
قولى بعد ماصاحبنا عضو البورض بنا السطوح
في العمارة الحالية صاحب العمارة اشترى منكم
السطوح ... وانت والزميل اكتشفتو عالم البزنس
ربنا يوفقكم وكفيكم شر الحساد وتعيشو وتبنو ..

Post: #37
Title: Re: بـورداب الرياض (وغير البورداب كمان) ... طلب مونكن ..؟؟
Author: داليا الكباشى
Date: 03-24-2011, 12:54 PM
Parent: #36

رفع البوست ,,

اعتذر عن الرد على المتداخلين الاعزاء لحين انتهاء فتره الحداد ,
رحم الله زميلنا واسكنه فسيح جناته ,,

Post: #38
Title: Re: بـورداب الرياض (وغير البورداب كمان) ... طلب مونكن ..؟؟
Author: داليا الكباشى
Date: 03-25-2011, 12:52 PM
Parent: #37

ما زال البحـث جاريا :)

Post: #39
Title: Re: بـورداب الرياض (وغير البورداب كمان) ... طلب مونكن ..؟؟
Author: حمد عبد الغفار عمر
Date: 03-25-2011, 03:24 PM
Parent: #38

د. داليا

سلام

انا زيكم بفتش لشقة

أمس لقيت شقة في الملز جنب الاستاد(اعتقد قريبة نوعا ما ليك)

أنا ما بتوافقني لأنها نوعا ما صغيرة علينا

غرفة + صالة + مجلس + مطبخ + حمامين عمارة جديدة كرت ونجف

انا غايتو عجبتني عديل كدا

وهي آخر شقة في العمارة لأنو أعلنوا عن العمارة في خلال خمسة يوم العمارة كلها اتأجرت

ومن الآخر السعر 20.000 ألف في السنة

وتلفون المسئول عندي بس لو عايزين تستعجلوا شديد

Post: #41
Title: Re: بـورداب الرياض (وغير البورداب كمان) ... طلب مونكن ..؟؟
Author: داليا الكباشى
Date: 03-26-2011, 07:08 AM
Parent: #39

يعني ما نسكـن معاكون في البورد دا ولا شنـو ..؟؟

Post: #42
Title: Re: بـورداب الرياض (وغير البورداب كمان) ... طلب مونكن ..؟؟
Author: داليا الكباشى
Date: 03-26-2011, 07:19 AM
Parent: #41

الصـادق خليفه , الشقه رووعه والله, والعرض مغري, لكن نسبه لبعدها تم تحويل العرض الى ساميه حامد وابو حسين بالانقليزي , والقدم ليو رافع :)
ياسر السر , والله امس مشينا فتشنا في عرقـه دي , يعني بس اقول ليك شنو , بررري يا يمه , سكنه اليابا طـه والمامون :)
عريجه وظهره البديعه والدخل المحدود ديل , تاني مافي زول يجيب لي سيرتهم , يعني ما اسكن صلبوخ ولا شقراء عدييل بعد دا ؟ :)
سيف بخيت , الدرعيه ..؟؟ قلتا ليكون قولوا لي عدييل اسكني صلبوخ ياخ .. مافيها حاجه :)
بدرالدين الامير , عراااف خلاس والله :) :) اكتشفتنا !! :) :)
حمد عبدالفغار , جـاري التفكير , بالمناسبه مواصفات الشقه العاوزها شنو ووين ؟ في حاجات كتير لاقتنا احتمال تنفع معاك برضو :)

Post: #43
Title: Re: بـورداب الرياض (وغير البورداب كمان) ... طلب مونكن ..؟؟
Author: داليا الكباشى
Date: 03-26-2011, 07:30 AM
Parent: #42

اثناء رحله البحث لقينا كم عرض ا نفع معانا لكن يمكن ينفع مع ناس تانيين ,
قلتا اجيبهم ليكم هنا :) ويابخت ما افاد واستفاد :)

1- شقه ارضيه تلات غرف ومجلس وصاله تشطيب ديلوكس ورررهيبه وواسعه حمامين ومطبخ , عماره جديده لنج , حي النخيـل الغربي ,,

2- شقه في السليمانيه (جات عن طريق قارىء للبورد) غرفتين وصاله ومجلس وحماماين ومطبخ مطلوب 30 الف ريال,

3- شقه اربعه غرف ومجلس وصاله وحماماين , ارضيه , اتسكنت قبل كدا , حي عرقـه , مطلوب 18 الف ريال ,

4- شقه ثلاث غرف ومجلس وصاله وحمامين ومطبخ , حي الرائـد , دور كامل ومدخل منفصل , مطلوب 30 الف ريال ,

5- شقق (عن طريق قارىء للبورد) غرفتين ومجلس وصاله وحمامين ومطبخ , حي العزيزيه , جديده لنج , مطلوب 20 الف ريال ,

Post: #45
Title: Re: بـورداب الرياض (وغير البورداب كمان) ... طلب مونكن ..؟؟
Author: داليا الكباشى
Date: 03-26-2011, 07:41 AM
Parent: #43

6- شقه غرفتين وصاله وحماماين ومطبخ , في السطوح , حـي المعذر , مطلوب 20 الف ريال,

7- شقه اربعه غرف وصاله ومجلس وحمامين ومطبخ , حـي السويدي , مطلوب 18 الف ريال ,

أنا شغاله من الذاكره , لو اتذكرتا حاجه بتكتبها ليكون :)

Post: #44
Title: Re: بـورداب الرياض (وغير البورداب كمان) ... طلب مونكن ..؟؟
Author: haroon diyab
Date: 03-26-2011, 07:37 AM
Parent: #42

مبروك ياعمو الاريتري

خلو ليك الشقة....!!!!!

منفوحة تنفع

Post: #47
Title: Re: بـورداب الرياض (وغير البورداب كمان) ... طلب مونكن ..؟؟
Author: داليا الكباشى
Date: 03-26-2011, 07:53 AM
Parent: #44

هارونوف يا صديق ,
عمو الارتري دقس خلاس :) قال عامل فيها حرريف وداير يخطف الشقه التحت سررريع سررريع
مشينا انا وزيل البورض صبحا دغش , لقينا ليك العمال البيشطبوا في العماره نازليين يادووب من الليموزين
وشايلين ليك اكياس الفول والتميس بوخو يقول يا ليل , بالاضافه الى (الاصبرايت) على قوله حمودي , ولبن المراعي ,
زميل البورض : صديق انا ممكن شوف شقه ارضيه جديده ؟
صديق: ايوه فضل فضل .. ابغى شوف شقه فوق ؟
انا وزميل البورض : ايون ايون :)

لقينا ليك الشقه الفوق ختتتريه عدييل كدا :)
ادفع نص عمري واشوف نظره الحنق في وجه عمو داكا لووول
لكن بررضو ما زلنا قيد التفتيش ... ما يضرش برضو :)

بالمناسبه , منفـوحه انت داا

Post: #46
Title: Re: بـورداب الرياض (وغير البورداب كمان) ... طلب مونكن ..؟؟
Author: عبدالله كع
Date: 03-26-2011, 07:44 AM
Parent: #42

شوفي طال عمرك ..
طالما السيارات في البلدي اكتر من البشر - والشوارع عالمنها بـ مسطرة وبرجل فلا غبار عليكم اذا سكنتم في الخرج ذاتووووووو

@@@

لو بنفع معاكم حي (( صياح )) - ((عمارة جديده غرفتين وصالة وحمامين ومتبخ في حدود 13 الف ))
طال عمرك ماتسالني حي(( صياح)) ده وين !!
المهم انو قريب للاسواق المهمه وناس قريعتي راحت
انتو قولو اوكي .. وما حاتندمو

فتك عافيه طال عمرك

Post: #48
Title: Re: بـورداب الرياض (وغير البورداب كمان) ... طلب مونكن ..؟؟
Author: داليا الكباشى
Date: 03-26-2011, 08:04 AM
Parent: #46

كـع :)

(صياح) دا ووين كدا لي (صـلبوخ) ..؟؟

Post: #49
Title: Re: بـورداب الرياض (وغير البورداب كمان) ... طلب مونكن ..؟؟
Author: د.نجاة محمود
Date: 03-26-2011, 08:57 AM
Parent: #46

سلامات يا دلو
غشيتي ولدي وقعتي ليه الاغنية دي اسع بقت في فتيش الشقق وغرف وصالون وصالة وهول؟

يا رب العالمين تتهنو محل تسكنو وربنا يجعل بيتكم عامر بالخير والحب ووساع الرزق

محبتي لا حدود لها ليكم يا احلى ناس

Post: #50
Title: Re: بـورداب الرياض (وغير البورداب كمان) ... طلب مونكن ..؟؟
Author: willeim andrea
Date: 03-26-2011, 09:48 AM
Parent: #49

Quote: يا رب العالمين تتهنو محل تسكنو وربنا يجعل بيتكم عامر بالخير والحب ووساع الرزق

شرحوا

تعرفي .... ومجرد فكره ..... ما اهو الواحد اغترب سنين وسنين .... ودفع ايجارات تشتري ليك عماره في حي السفارات ذاتو.... المهم اليومين ديل في امكانية التمويل من جهات كتيره ... وتمليك شقق للسكن .... رايكم شنو (انتي وزميل البورد تفكروا بجديه في الموضوع ده ... فكره جهنميه مش .... وبالتوفيق انشاء الله

Post: #58
Title: Re: بـورداب الرياض (وغير البورداب كمان) ... طلب مونكن ..؟؟
Author: walid taha
Date: 03-27-2011, 12:32 PM
Parent: #46

Quote: ((عمارة جديده غرفتين وصالة وحمامين ومتبخ في حدود 13 الف ))

عبدالله ما تكون بس قاصد العمار البمبية ديك
ياخ بالغت عديل كده :)

آمل ان لا تكون قد أرسلت الكروكي إلى وقت هذه المداخلة

التحية لست البوست فى بحثها المضني

Post: #51
Title: Re: بـورداب الرياض (وغير البورداب كمان) ... طلب مونكن ..؟؟
Author: هيثم التوم
Date: 03-26-2011, 11:37 AM
Parent: #1

هلا والله بالبورضاب الجداد ( جكن على الفحم وكدا )

احنا ناص نسيم وملظ صاااااااااكط ...

كان بودنا نشوفلكن هنا بس الله غالب

المهم بنخط بالنا ليكم ...

التوفيق عند الله وسلموا على راعي الحلال ....

Post: #52
Title: Re: بـورداب الرياض (وغير البورداب كمان) ... طلب مونكن ..؟؟
Author: عبدالله كع
Date: 03-26-2011, 12:35 PM
Parent: #51

Quote: (صياح) دا ووين كدا لي (صـلبوخ) ..؟؟

سلبوخ شنو يا خ ؟؟
(( صياح )) في قلب الرياض - من جوه الاوضه بتشوفي برج المملكه !!

ــــــــــــ
عموما هو في نص البلد - قولو اوكي عشان نرسل ليكم الكروكي !!

Post: #53
Title: Re: بـورداب الرياض (وغير البورداب كمان) ... طلب مونكن ..؟؟
Author: Yousif A Abusinina
Date: 03-26-2011, 03:08 PM
Parent: #52

براهو..............!!

براهووووووووو دى بتباينك

احسن تديرى بالك وتمشى معاه للحلال

Post: #54
Title: Re: بـورداب الرياض (وغير البورداب كمان) ... طلب مونكن ..؟؟
Author: عبدالله كع
Date: 03-27-2011, 06:28 AM
Parent: #51

Quote: (صياح) دا ووين كدا لي (صـلبوخ) ..؟؟

سلبوخ شنو يا خ ؟؟
(( صياح )) في قلب الرياض - من جوه الاوضه بتشوفي برج المملكه !!

ــــــــــــ
عموما هو في نص البلد - قولو اوكي عشان نرسل ليكم الكروكي !!

Post: #55
Title: Re: بـورداب الرياض (وغير البورداب كمان) ... طلب مونكن ..؟؟
Author: داليا الكباشى
Date: 03-27-2011, 07:58 AM
Parent: #54

دكتوره نجاه , تسلمي على الاغنيه اللطيفه , ووين الحي بيكي ياخ ؟ مشتاقين يعلم الله :) :) دعواتك الحلوه تسلمي عليها :) وامييين يارب
وليام اندريه , فكره جهنميه بس؟ فكره خطييره مررره والله .. مونكن نجيب معانا شريك ؟
هيثم التووم , الملز والنسيم السقط لقط :) لكن بس خت لينا بالك معانا :)
كـع , رسل الكروكي , خلينا نشوف صياح دا ووين كمان ,,
يوسف ابو سنينه , السغه من مغومات الحياه الزوجيه .. :)
كـع , تاااني , بدل تكرر المداخلات وصف لينا الشقه ولا صياح دي :)

Post: #56
Title: Re: بـورداب الرياض (وغير البورداب كمان) ... طلب مونكن ..؟؟
Author: مريم بنت الحسين
Date: 03-27-2011, 08:57 AM
Parent: #55

Post: #57
Title: Re: بـورداب الرياض (وغير البورداب كمان) ... طلب مونكن ..؟؟
Author: nazar hussien
Date: 03-27-2011, 09:00 AM
Parent: #55

Quote: عريجه وظهره البديعه والدخل المحدود ديل , تاني مافي زول يجيب لي سيرتهم , يعني ما اسكن صلبوخ ولا شقراء عدييل بعد دا ؟ :)

اسماء احياءكم مالا شينة كدي...
هسي كماسرة حافلاتكم...

بقولو: صلبوخ صلبوخ صلبوخ
عريجة عريجة عريجة..عريجة
الدخل المحدود الدخل المحدود الدخل المحدود...(تقوم النفس)

Post: #59
Title: Re: بـورداب الرياض (وغير البورداب كمان) ... طلب مونكن ..؟؟
Author: داليا الكباشى
Date: 03-28-2011, 09:04 AM
Parent: #57

يعني ما دايرين تلقوا لي شقـه مـوش ..؟؟

Post: #60
Title: Re: بـورداب الرياض (وغير البورداب كمان) ... طلب مونكن ..؟؟
Author: هيثم التوم
Date: 03-28-2011, 11:03 AM
Parent: #59

داليا ...

Quote:
يعني ما دايرين تلقوا لي شقـه مـوش ..؟؟

اخير ليك الصقط لقط ...