الحبيبه smart_ana2001

السلام عليكم ورحمة الله وبركاته

طالت غيبتك واتمنى ان تكونى بخير

اولا اشكرك عزيزتى
للدفاع عنى فى غيابى ولقد حاولت ارسال رساله لكى بالايميل الذى وضعتيه لى لكنه لا يعمل وردت الرساله لى مرات عديده

فلو ممكن تزويدينى بأيملك مره اخرى ولو عندك ايميلى ممكن تبعثى لى أيميل

ويسعدنى التواصل معكى


وفى حفظ الله ورعايته

لا اله الا الله

الغاليه جدا جداbint_alahfad
السلام عليكم و رحمه الله و بركاته
الف الف شكر على السؤال عنى . انت اول زول يسال عنى فى البورد لواختفيت او غبت لفتره طويله
عفوا , انا لا استحق الشكر على ما كتبته لك اثناء غيابك
اما عن غيابى. فانا موجوده دائما , اقرا البورد كل يوم لاعرف الاخبار والاشاعات فى السودان. بس فقدت شهيتى للكتابه.تعبت من الغلاط مع ناس لو قلت (الحمد لله ) , فانا كوزه.
وللاسف مع الحاصل فى البورد اظن انى ح ابقى كوزه بالجد.
ايميلى :
[email protected]
و يمكنك مراسلتى فى اى وقت , و انا ح اكون سعيده جدا بمعرفتك (اكتر) و التواصل معك

اختى الغاليه bint_alahfad
سلامات تانى
انت برضوا غايبه من البورد ليك يوم كامل
ان شاء الله خير
قلت اسلم و ارفع البوست , عشان تشوفيه لما ترجعى و تشوفى الايميل
شكرا

الحبيبه جدا سمارت انا

وهليكم السلام ورحمه الله وبركاتو

انتى تستحقى كل خير يا حبيبه, بجد أفتقدناك واتمنى الا تطولى الغيبه مره اخرى فنحنةفى حوجه الى تواجدك معنا

توقعى منى ايميل قريب بأزن الله ولكى ودى وتقديرى

وشكرا كثيرا على الايميل


وفى امان الله

لا اله الا الله

لعلها سانحة ان ابعث التحايا

لسمارت و بت الاحفاد في آن واحد.

الاخ الكريم Hussein Mallasi

شكرا على التحايا
و سلامى للاسره الكريمه
و لصحبتى سلام كميات

Quote: لعلها سانحة ان ابعث التحايا

وانا ايضا لنقيب المحامين والبصيرة أم حمد
جني

الاستاذ المحامى الكبير jini
شكرا على التحايا
و بعدين يااخى حرام عليك , لو انا نقيب المحامين ,انت تكون شنو ؟
معقوله بس؟ معقول انت تكون موجود فى مكان , و يكون نقيب المحامين زول غيرك

Quote: و بعدين يااخى حرام عليك , لو انا نقيب المحامين ,انت تكون شنو ؟

اوعك تغالطيهوا يقوم يرجعك برامك حمر يعني بي باقي خبيزك!!
البرام الحمر ديل جمعة برمة وهي اناء فخارى للعجين يصنع من الطين ويوضع على النار حتى يتحول لونه الى الاحمر ثم البني الغامق يعنى زي لون الزير حق الموية
تحياتي واحترامي الزايد لك
جني

jini

Quote: اوعك تغالطيهوا يقوم يرجعك برامك حمر

عديل كده ؟؟
انا زوله مسكينه و هديه و رضيه ,و الغنمايه تاكل عشاى و غداى كمان
لو ما مصدق اسال العنبه الراميه فوق البورد
و لك كل الاحترام و التقدير

مع تحياتى المسكينه
ٍSmart

السلام عليكم ورحمة الله وبركاته

الحبيبه سمارت انا

كيف اخبارك يا حبيبه?

أرسلت لكى ايميل قبل عده ايام فهل وصللك??? أتمنى ان اسمع منكى قريبا ان شاء الله, مودتى


العم الفاضل ملاسى

شكرا كثيرا للتحايا ولا يفوتنى ان اشكرك على ملاحظاتك وتحليلاتك الزكيه جدا ما شاء الله, بارك الله فيك


الاخ الفاضل جنى

شكرا كثيرا للتحايا ولقد ضحكت كثيرا عندما عرفت معنى البصيره ام حمد, طبعا استعنت بمترجم لانى لم اكن اعرف من هى البصيره ام حمد

بقى انا بالله غبيه للدرجه ده? ده انا ازكى منها بجد لكن معليش مقبوله منك
وشكرا كثير على التحايا

توقيع

البصيره ام حمد


وفى امان الله

لا اله الا الله

الحبيبه سمارت انا

بعثت لكى عده ايملات لا ادرى ان وصلتك ام لا

على العموم رجاء مراسلتى على العنوان التالى

[email protected]


محبتى


وفى امان الله

لا اله الا الله