أعتزار لجميع اعضاء وقراء البورد واتمنى ان اراكم فى ساعه خير

السلام عليكم ورحمة الله وبركاته


الاخوه والاخوات الافاضل

واخص بالزكر الاخوه اكسسوريت, ناذر, د ياسر الشريف, ابو الريش, مريم بنت الحسين

وجميع من اخطأت ف حقه/ها او احتديت معه/ها فى الحديث


اعتزر لكم جميعا


والعفو العافيه, هذا اخر حرفا اخطه فى هذا البورد

اشكركم جميعا لتحملكم لى طوال هذه المده

واعتزر لكل من اخطأت فى حقه,
يعلم الله اننى لم اسعى يوما للفتنه او ايذاء احد

واننى حرصت دائما على قول الحقيقه حتى على نفسى

واننى حرصت على ان اقول الحق حتى على نفسى

لكن يبدو انى تسببت فى ضرر البعض دون ان اقصد

ولانى اكره ان اتسبب فى ايزاء شخص مهما كان اختلافى معه

فأننى اعتزر عن زلك وانسحب من هذا البورد

واشكر كل من اتفق او اختلف معى وكل من حاورنى, واشكر كل من ساندى او اهدى لى عيوبى

واشكر الاخ بكرى لاستضافته لى فى منبره العامر كما اشكره لتحمله لى كل هذه المده

واعتزر للجميع عن عدم استطاعتى اكمال الردود فى بوستاتى

والعفو والعافيه


وفى امان الله

لا اله الا الله

Bitte nicht gehen

الاخت العزيزة بنت الاحفاد

لم نرى منك الا كل الخير والكلام الجيد

وجمع التبرعات والمساعدات الانسانية

ابقي هنا

مكرر

saif: erzählen Sie bitte ihr, dass wir sie deshalb viel lieben

koj jazik vi prichati
jeli to nemashki jezik
bint-elahvad:zao me shto nema nekoj
mogo da ti razumi
chovek kao ti ne moze da sedi ovde
mezo ovim podali ludi
zelm ti sve shto lepshi
na drugim meystima

tvoj, mohamed

عزيزتى بنت الاحفاد


ذهابك ليس حلا

الاخ ناذر غاضب الان

ولكن الامر بينكم سينجلى

هو مجرد سؤ فهم ليس الا..رجاءا لاتدعى هذا المكان ولاتذهبى ..انتى اخت لناذر ولنا جميعا ..وناذر صديقى انسان نبيل يسقبل باعتذارك ..وستقبلين باعغتذاره ولكن يجب ان تبقيا انتى وناذر فنحن نحبكما ونحب وجودنا معكم ..

طبعاً أنا أكتشفت دور بت الاحفاد دي من زمان, وكل مرة تنزنق تقوم تقول هي ماشة, وبعدين تاخد ليها أسبوعين تلاتة وتاني تجي راجعة. ده فليم قديم وبايخ يا بت الاحفاد ألعبي غيرو.
بس كده أتزكري كم مرة أنا قلته ليك قشة ما تعتر ليك؟ وللمرة المية برضه أنا بقول ليك قشة ما تعتر ليك وفي أمان الله.



دينق.

خالص التحايا..
العزيزه بت الاحفاد..


ماحصل التقيت معاك فى بوست ولا ونسه
لانو نحن نختلف اختلاف الليل والسما..

لكن واقف على بابك انو تقعدى ..
وناذر حيهدى ويجى يعتزر..
طلب ارجو قبلوه..
لو امكن




************************************
دينق شنو يعنى
مانعقل شويه

بت الاحفاد الزولة الرائعة ابدا
سلامات
و الله لم يحدث حوار بيننا قط
و لكنى اشهد الله اننى لم اعرف عنك الا كل خير
فليس الهروب هو الحل
فكلنا اصبحنا نبغض هذا المكان
و لكن ان ذهبنا سيبقى هؤلاء ال... و الله لم ادرى بماذا اوصفهم
فوجودك هنا يحقق قول المصطفى (ص) من رأى منكم منكرا
فليغيره بيده
فان لم يستطع فبلسانه
فان لم يستطع فبقلبه و هذا اضعف الايمان
فلماذا تحبين ان تذهبى لاضعف الايمان
و ما زال فى العمر بقية

ابقى حيث انت الى ان يقضى الله امرا كان مقضيا

دينق

Quote: وكل مرة تنزنق تقوم تقول هي ماشة, وبعدين تاخد ليها أسبوعين تلاتة وتاني تجي راجعة

انشاء الله روده ما تخزلك ز تجى راجعه تانى ياااا .... هه هه ياااا ... (اتذكرت ياااا فرده)
زى بت الاحفاد دى ما بتكلمو معاها بى الاسلوب ده
امشى شوف الناس البقدرو عليك
و اسف لأنى اتكلمت معاك بالطريقه دى
و هذا الأسف ليس من أجلك
و لكن من أجل نفسى لانى أربأ عنها بمثل هذا الحديث

تحياتي ... ناصر البطل

أختاه بنت الأحفاد
Just for my sake !!
please stay
don't go away
It's your destiny

I feel
very bad for you
EXORCIST7

They left you by yourself

شوف ليك romate
آخر يلعب معاك البلي

كوستاوى.....

أراك ترعى حول الحمى......تتخطف تخطف اللئام !!

نحن هنا بصدد إثناء عضوة بالبورد طلعتها بهية وروحها زكية وكلامها سلسا ينساب بين الجوانح صدقا وعدلا...أرادت أن تتواصل معنا أفلا نحرص عليها ونعض عليها بالنواجذ.....
هى حمامة البورد زاجلة تحمل خير المعانى ليس بمثلكم يا صقور البورد تنهشون فى عرض الناس والدين والوطن !!!!
الصقور إنتهازية تتصيد وتتخطف كل عزيز
ولكن ترعون فى حمى محصنة إستعصت عليكم وسوف لن تلين بل سوف تتحطم كل مخالبكم على صخورها الصماء الصلدة
أنا المسنتصر بالله
أنا المستكفى به
أنا المستأنس بأخوانى فى الله

ولكنكم لا تفقهون قيلا ....!!!

Quote: واخص بالزكر الاخوه اكسسوريت, ناذر, د ياسر الشريف, ابو الريش, مريم بنت الحسين

العزيزة الصديقة بنت الأحفاد.. يؤسفني أن يحدث كل هذا.. ووالله ما رأيت منك إلا سلامة النية... نتمنى ان تظلي بيننا.. وواجهي المواقف بروحك الجميله...

بنت الحسين

ينت الاحفاد

تااااااني حردتي؟......

لا لذهابك ابقي ايتها العزيزة, نحتاجك بشده لاتحرمينا ارجوك

الأخت العزيزة بنت الأحفاد،

السلام عليكم

أختى، أعلم ما تشعرين به من مرارة وظلم؛ ولكن الانسحاب لم يكن أبدا بالحل. ان كانت قد آذتك كلمات قيلت فى لحظة غضب، أولم يكفك كل الذين انبروا للدفاع عنك؟

أختى، أشهد بأنك واحدة من الذين أكن لهم احترام بلا حدود؛ ولم أر يوما منك ما يسئ أو يخجل ـوقد كنت ممن يتابعون ما تخطين من قبل انضمامى لهذا المنبر.

أختى، رجاء لا تذهبى، فذلك لن يريح الا من يضايقهم وجودك ونهجك المعتدل دون تشدد أو تقصير؛ بل اصبرى واحتسبى الظلم الذى وقع عليك، وليكن لك فى ما أصاب الأنبياء والرسل ـصلوات الله وسلامه عليهم ـ وصالح المؤمنين خير سلوى. واعلمى أنك ان بقيتى فستبقين عزيزة مرفوعة الرأس.

مع خالص احترامى

الاخت بنت الاحفاد
دبايتو
الحاصل شنو كلما يشنو عليكى حملة او يوروكى حمرة عين تحردى انت قايلة الدنيا مفروشة بالورود .
اكان حمر ليكى خواجة يعنى تطيرى للسودان كدى قولى بسم الله وختى الكرة واطا.


لا اله الا الله



وفى امان الله.

اختى بنت الاحفاد
كل الفتره الفاتت دى و انا بفكر انزل بوست خاص ليك
و عاوزه كنت افول ليك حاجه بسيطه جدا
البورد ده ابدا ما ح تستفيدى منه حاجه
الناس هنا انواع مختلفه
نوع شيوعى, او زمااان كان شيوعى :عندهم مشكله مع الدين . و طول ما انتى بتتكلمى عن الله (سبحانه و تعالى ) و الاسلام , ما ح يريحوك.
نوع معارض :و الانقاذ (طلعت عينهم ), وعملت ليهم عقده من الاسلام . و بقى برضوا اى زول بيتكلم عن الاسلام "ظلامى"
اما الباقين فهم عاديين جدا . ممكن الواحد فيهم يفهمك غلط يقوم يشتمك لحدى جدك المليون
الناس ديل اغلبهم انت فى سن اولادهم او اصغر , لكن ابدا ما بيختشوا .
و للمره التانيه يا بنت الاحفاد اقول ليك انو الناس ديل فى الدنيا ابدا ابدا ما ح تلاقيهم
انت زوله ناجحه فى دراستك و فى حياتك , فى شنو فى الدنيا يخليك تتكلمى مع ناس بالشكل ده؟؟؟
و صدقينى ما فى واحد فيهم ح تتحسن اخلاقه لما تقوى ليه عيب منك الكلام ده.و لافى واحد بعد ما عمره بقى 50 سنه ح يعرف ان الله حق. و ان الاسلام دين اخلاق
البورد ده فيه ناس قلائل جدا ممكن تتعاملى معاهم, و نصيحتى ليك ان تقصرى تعاملك من الناس اللى عارفه قدرك بس
لو عندك و قت فاضى رسلى لى على الايميل ده :
smart_ana2001@ yaoo.com

يا بت الاحفاد
تدافري في الناس ...ولما يعصروكي تقومي تعملي فيها يا بورد ما فيكي الا انا
في ناس اتعصروا في البورد لما جابوا ودك...ما عملوا زغبير زيك...ولا بكوا بدون دموع...بس صبروا
اقول لك حاجة
أنت مقبلة علي حياة عملية وزوجية لن يخلوا من الضغوط واختلافات الاراء ووجهات النظر واتهامات ومشاكل ...الخ
نصيحة
مواجهة المشكلة افضل من الهروب منها
لان المواجهة تقود للحل..فيما الهروب يدعها بدون حل
اخيرآ
راحتك وتعب الحاسي بك

عليك الله يا بت الأحفاد تغيظي لي دينق أب كلاما زفر دا وتقعدي ليه شوكة حوت لا تنبلع لا تفوت...عشان خاطر صبوحة ....أما ناذر فمليون غلط في القالوا ولحظة الزعل الإتملكتوا لكن المهم قلبه أبيض زيك علي حسب أحاسيسي وحسن الظن...وانشاءلله الامور ترجع أفضل مما كانت...

بنت الاحفاد
بوستاتك جد رائعة وكلها معاني وقيم ، الاختلاف سنة الحياة وهو شئ طبيعي بين البشر ، لا تلقي كثير بال لمن اختلف معكي ، لاتحرمينا من بوستاتك رجاءا

Quote: عليك الله يا بت الأحفاد تغيظي لي دينق أب كلاما زفر دا وتقعدي ليه شوكة حوت لا تنبلع لا تفوت...عشان خاطر صبوحة

يا صباح.

أنا كلامي ولا زفر ولا حاجة. أنا بتكلم عن تجاربنا مع بنت الاحفاد هنا وأنا ما جبته حاجة من عندي.
بعدين كدي أمشي شوفي في كم زول قالو زي كلامي ده؟ وليه دينق بالزات يا صباح؟

دينق.

Quote: عليك الله يا بت الأحفاد تغيظي لي دينق أب كلاما زفر دا وتقعدي ليه شوكة حوت لا تنبلع لا تفوت

ده كلام شنو ده يا الأخت الصحفية
وقدسية ذلك الحرم المهنى
و له الدوائر إتلخبطت مع دائرة الحرم اللاهائى

God bless us all
Ameeeen

خالص التحايا...
الجميع ..
اخص بالتحية العزيزه جدا المحترمه صباح (صبوحه) صحتك واخبارك نادينا عليك فى دفتر الغياب لكن يبدو انها مشغوليات..
المهم تكونوا بخير وبقية الاسره...

نبدا...

Deng
عند شك فى الكلام القالتو صباح ده ولا اقعد اعمل ليك كوبى وبيست زيك اظنو مامحتاج ده غير انك بتاع فتن وانتهاز فرص ....ازيدك ولا كفاك..
و
Kostawi
ارجوك خلى المتاجره الرخيصه خلونا نشعر باستقلاليه فى نفوسكم ولو مره مش تبقوا مربوطين فى الخير والشر ..والاغرب انو فى الشر وعدم الموضوعيه..
مش قلت ليك بشعر بانو بعيد منكم جدا اولا لانى ما مرتهن نفسى لرائ زول ولا شخص مش كل من هبه ودبه اقعد اطبل ليه ..ياعزيزى مايكتب هنا اراء شخصيه وللصحفى ايضا لديه راىخاص خلاف الخط العام .
واوريك ليه دينق بالذات ..كدى راجع مداخلتو الفوق دى وانت بتعرف ليه دينق بالذات ..
بعدين كموقف هل حصل يوم شفتنى واقف اترجى زول الا ماندر ..بعدين هنا الموقف بختلف مايهم كون بنت الاحفاد او غيرو لوكان اى شخص فى نفس الموقف كنت حجى اقول نفس الكلام بالاضافه اتخيل انو بت الاحفاد دى لاتجمعنى بيها اى اتفاق فيما تذهب اليه من قضايا لكن دقق وانت تعرف انو الوضع يختلف هنا..
ثم خلاص بقت عملية التكتل على النسوان بئس التكتل..
مانترقى بانسانياتنا شويه..

وفى القلم مداد...

وليه دينق بالزات يا صباح؟
يا زول القصة شنو طوال جريت لي وليه دينق بالزات يا صباح؟ لانو البوست ما قال يا هادي زي الناس انت شبكتنا قشة ماتعتر ليك
دعنا نختلف او نتفق فقط لا يكون هدفنا الفرقة والشتات فنحن من ارض النيلين خرجنا والسودان تاج في صدورنا اتمنى التوفيق لجميع ويا بت الاحفاد انت مكانك هنا وتأكدي اول من يفتقدوك هم ناس دينق وياكي انت المحرره سوقهم بمداخلاتك الرائعة

يا كوستا.

صباح دي برضه صحفية؟
والله دي تبقى مشكلة!!
يعني محمد جمعة, نادية وصباح دييل صحفيين؟
يا حليل الصاحفة لمن كان بقولو عليها السلطة الرابعة وليس السلطة الحاكمة بمقياس الكيزان.
ويا حليلك يا رجاء العباسي البتزكريني بالعمل الصحافي الجد.

دينق.

بنت الأحفاد ..
أعتقد السبب هو صغر سنك و إنعدام
التجارب ... أقترح أن تصقلي تجربتك
بالمزيد من الخلو مع النفس و التفكر
و التدبر

الأخت العزيزة بت الأحفاد
قرارك غير موفق تماماً، هذا المنبر ساحة للحوار، يعلو النفس فيه ويهبط حسب الطقس السائد، ثم لماذا حرق الأعصاب والبكاء.. رفقاً بنفسك وعليك أخذ الأمور بهدوء وبرود أعصاب.
أتمنى إعادة النظر في قرارك..

الاخت الكريمة
بنــت الأحفــاد

ابقى للعمل الخيري

ولأصدقائك

بالمنبر الحر

ولقرائك

تحياتي

والله إنتي فتي أساسي ذاتو في الحردان والرجعة.

بعدين الناس زمان قالوا ليكم الداير يشتت يشتت بدون ما يعمل لينا وجع راس.

ثالثا شنو حكاية اعتذر لكل من غلطت في حقو والكلام بتاع الإنشاء دا.

إنت بتغلطوا ليه عشان تجوا تعتذروا

شتات خالي محطات.

بلا لمة

شماشي :
خلاص ؛ ما لقيت موضوع بقيت تشاكل فى البنات كمان ؟ وصلت لكدا ؟ ..
خلي الكلام الفارغ و تعال بهناك ..
سريع ..

بي وين؟؟؟؟

الأخوة الأعزاء
المتداخلين الكرام ..
إلى كل من خط تعليقا في هذا البوست ..
أؤكد على إحترامي لكم جميعا ..
رغم المرارة التي أشعر بها .....
ورغم إصرار بت الأحفاد على مخاطبة القلوب لا العقول ..
ورغم إمتلاء المنبر بوستاتا لا هم لها سوى تهديد إكسسورست وأخرين بسببها..
ورغم شعوري بإني أتجرع السم لكوني خرجت من طوري وإسلوبي بسببها ...
أقدر لكم جميعا حسن نواياكم وسعيكم الحثيث في هذه الأزمة ...
وعليه ................
فأنا أقبل إعتذار بت الأحفاد وأقدر حسن نيتها وأصدقها ..

بت الأخفاد ...

أبقي معنا في المنبر ولا تغادري ...
فالجميع في حوجة لك ...

مع خالص شكري وتقديري وإحترامي

ما قلت ليكم ناذر معدنه نقي.....بعد دا ما عندك أي عذر يا بت الأحفاد

لماذا لا نجعل شعارنا دائما (اختلاف الراي لا يفسد للود قضية)؟؟؟؟
لماذا نختلف ونتخاصم ؟
لماذا لا نناقش كل القضيايا المطروحة بأسلوب حواري هادئ ورصين؟؟
لماذا الشلليات والتكتلات ؟؟
لماذا تجعلون من هذا المكان الذي كنا نظنه واحة ظليلة نركن إليها كلما ازدات همومنا الى جحيم لا يطاق؟؟؟
لماذا ولماذا؟؟
بنت الاحفاد ارجو ان تراجعي قرارك وتظلي هنا تكتبين ما تشاءين، فليس لأحد أن يحجر عليك ومن المستحيل أن تجدي كل الناس في وفاق مع ما تكتبين

الاخت بت الاحفاد
قرأت اعتذارك للاخ ناذر
وكذلك نقدك الذاتي ومثل هذا النقد او الاعتذار
لا يصدر الا من انسانه شفيفة يوذيها جدا ان تشعر انها
قد سببت بعض الاذي للاخرين ومثل هذه الانسانة اعتقد اننا في
حوجة اليها
لذا ارجوك ابقي معنا

???????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????

الأخت الغالية بنت الأحفاد
سلامات
أها ناذر حبيبنا ذاتو قال ليك لا
ما تمشي
بالله ما تمشي.

She is going no where.

Deng

Quote: يا كوستا. صباح دي برضه صحفية؟ والله دي تبقى مشكلة!! يعني محمد جمعة, نادية وصباح دييل صحفيين؟ يا حليل الصاحفة لمن كان بقولو عليها السلطة الرابعة وليس السلطة الحاكمة بمقياس الكيزان. ويا حليلك يا رجاء العباسي البتزكريني بالعمل الصحافي الجد. دينق.

Quote: She is going no where. Deng

Dear Deng whats up, YES. she going NO where, you are No longer be

fortunate enough to be graced by presence here


Anwar Ahmed

لاول مره اجد نفسى متضامن مع دنق ويا صباح دنق قال كلمة حق صادقه وهو رايو الشخصى فلك اما ان توافقيه الراى واما ان تختلفى معه ولكن لا يحق لك ابدا بوصف رائيه بالكلام الزفر انتو فى الصحافه ما وروكم كيف تتعاملو مع الراى الاخر حتى ولو كان خطأ خليك من لو كان صحيح ميه الميه
مع خالص مودتى

Anwar Ahmed.

Let me tell you something, or just never mind.

Deng.

Dear Deng, I was just wondering, you misunderstood me I said please don’t be ...... So I hope you got it, Thanks


Anwar Ahmed

بت الأحفاد :
ياغالية ...
في إنتظار عودتك .. ما أتوقفتي لكن كانت إجازة صغمبروتييييييييييييية تروقي فيها وتجي راجعة أكتر حيوية وأكتر نشاط ..
وإيه الدنيا غير لمة ناس في خير أو ساعة حزن ...
بعدين يا شرادة ولدي ده زعلاااااااااااااان منك شدييييييييييييييد وقال لي يا (جاح) وفي رواية يا (جولكين) أبو النسب دي خليها كدي أول شي توصف لينا البيت بي وين عشان نجيها للبت دي بعدين تمش ...
أها تعالي يازولة وما تكسري خاطر (الوليد) البرئ ده ..

بت الاحفاد عليك الاستجابه ولا اظنك تستمتعى بسماع توسل اخوانك وشماتة من يهمهم ان تذهبى.

لاتكسرى بخاطر من يسعد بوجودك.

السلام عليكم ورحمة الله وبركاته

أشكر كل المتداخلين هنا

وأقدر شعوركم النبيل ومثلكم لا يردله طلب لكنى اعتزر عن عدم تمكنى من التواصل فى الوقت الحاضر على الاقل, فالاحساس بأنى تسببت فى مضره احد ما بقصد او بدون قصد لهو احساس مرير لن استطيع التأقلم عليه بسهوله

الاخ نازر ليس فى حوجه للأعتزار لى فأنا كما زكرت اقدر غضبه واجد له العزر

أشكركم جميعا لمشاعركم النبيله, كان بقائي فى هذا المنبر هو احساسى بأنى افيد واستفيد, اما ان كان وجودى يسبب الضرر للبعض فالافضل عدم تواجدى هنا

هذه ليست هذيمه وليس غضب, ان قدر الله لى العوده فى وقت أخر فسأعود بأزن الله والا فأسال الله ان يجمعنا فى لحظه خير


استودعكم الله الذى لا تضيع ودائعه

والعفو والعافيه



وفى امان الله

لا اله الا الله

الأستاذة بنت الأحفاد،
تحية طيبة

Quote: واخص بالزكر الاخوه اكسسوريت, ناذر, د ياسر الشريف, ابو الريش, مريم بنت الحسين وجميع من اخطأت ف حقه/ها او احتديت معه/ها فى الحديث اعتزر لكم جميعا والعفو العافيه, هذا اخر حرفا اخطه فى هذا البورد

هذا البورد مدرسة نتعلم فيها من بعضنا البعض.. وأنا أتعلم منه كل يوم جديد ما ينفعني..

لا تثريب عليك، وأنت لم تحتدي معي أبدا، وحتى لو حدث، فليس في خاطر خاطري أي موجدة تجاهك، والعفو لله والرسول..

أتمنى لك التوفيق في الأمتحانات..
وسلام إلى الأسرة.. مني ومن خالتك إلهام..

وفي أمان الله

الاخت بنت اللاحفاد المحترمة

اختي لك السلام تحية اهل الاسلام فسلام الله عليك ورحمته وبركاته

ولك الود والاحترام.

اختنا بنت الاحفاد لكم تعودنا منك سعة الصدر واخدنا عنك السماحة

والصبر .

اختي لايخفى عليك حديث سيد الخلق اجمعين سيدنا محمد عليه افضل السلام واتم التسليم

((القابض على دينه كالقابض على الجمر)). او كما قال صلى الله عليه وسلم

لذا ندعوك للبقاء ومواصلة المشوار وان تكوني كما عهدناك سدا في وجه من تسول له

نفسه النيل من الاسلام والوطن ومبادئنا واخلاقنا السودانية الجميلة.

فنحن في زمن اختلت فيه الموازين ,,

فاصبح الحق باطلا و الباطل حقا.

والمنكر معروفا والمعروف منكرا.

والامر بالعروف فضولا والنهي عن المنكر تطفلا.

والتمسك بدين الله تزمتا والتمرد على شرع الله تحررا.

وبغض الكفار ومعاداتهم تطرفا وموالاهم ومحبتهم توسطا واعتدالا.

والداعي إلى تحكيم شريعة الله وصوليا والحاكم بغير شريعة الله حكما.

والكذب سياسه والنفاق لباقه.

والسكوت عن قول الحق حكمه والصدع بالحق فتنه.

والناصح عدوا والعدو صديقا.

والمجرم بطلا والمؤمن مبطلا.

والمصلح مفسدا والداعي إلى الفساد مصلحا.

والتهور شجاعه والفوضى حريه.

والحجاب تخلفا وتاخرا والتبرج تقدما.

والزواج قيدا والتعدد جريمه.

والتعلق بغير الله حبا.

والغش ذكاء والرشوة هديه.

والصلاة عاده والزكاة غرامه.

والصيام كسلا ونوما والحج نزهه.

والعلم تكسبا واتباع الائمة تعصبا.

والدعوة إلى الله تحزبا.

وتتبع الرخص دينا والفقه جمود.

والادب انحلالا.

ولا سبيل إلى معرفة الحق ووضوحه إلا بالرجوع إلى كتاب الله وسنة رسوله,, اللهم ارنا

الحق وارزقنا اتباعه وارنا الباطل باطلا وارزقنا اجتنابه,,

والحمد لله رب العالمين وصلِ ربي على محمد وآله الطاهرين .

فندعوك لتكوني نخلة تطال السماء شموخا, ترمى بالطوب فتلقي باطيب الثمر.

والسلام عليكم ورحمة الله وبركاته.

الأخت بنت الأحفاد

أنت بحاجة لفترة قليلة من الراحة والإستجمام تقضيها بعيدا عن هذا البورد
حتى يتسنى لك مراجعة نفسك وإزالة شعورك بالذنب والخطأ ...

لقد أخبرك إكسسورست أنه لم يغضب منك وأنا عن نفسي كنت غاضبا أشد الغضب لدرجة الإنفجار
وبحمده وحده زال كل شئ الأن ..

لقد تعلمت من هذه النجربة شيئا مفيدا وهو أننا لا نكتب ونناقش في منازلنا وبين أسرنا ولكننا نكتب وسط بحر متلاطم من الأمواج والأفكار والتي ما أن تعطيها ظهرك حتى تجرفك وتغرقك تماما ..

وأرجو ان تكوني تعلمتي معي ذات الشئ ..

الأعزاء المتداخلين ..

دعوا بت الأحفاد تخلد قليلا للإستجمام وإستجماع الأفكار فهي بحاجة لذلك وأرجوكم لا تواصلوا الضغط عليها أكثر من ذلك وإلا لأتت للمنبر بنفسيات مغايرة سيصعب علينا التكيف معها ...


لكم ولها محبتي وتقديري