شوفتوا ابداع ابناء المحس . . فريق بشاير الشمال يحرز الكاس بالصالحية في وداع ابوزيد

ليلة امس الجمعة الموافق 10 ديسمبر 2004 م تلألأ ابناء النوبة فريق بشاير الشمال في ميدان رابطة الصالحية وأحرزوا كأس مهرجان وداع علي أبوزيد بعد فوزهم على فريق ابوروف 1/صفر وكانت مباراة رائعة من الجانبين تمكن فريق النجوم الاشاوس بشاير الشمال احراز هدف المباراة الوحيد في الشوط الثاني كان كفيلاً برفعهم الكأس عالياً من يد رئيس الرابطة الفخري البروفسير عزالدين عمر موسى وبحضور البروفسير عثمان الحسن ورئيس الرابطة الاستاذ عبدالمنعم عبدالعال حميده والمحتفى به الاستاذ علي ابوزيد فكان مهرجانا رائعاً شارك الجميع اعضاء رابطة الصالحية وداع رفيق دربهم وكان لموقع سودانيز اون لاين حضور مشرف ممثلاً في بورداب الرياض الاستاذة ، ودقاسم ، حسن الملك ، اسماعيل وراق ، الصادق الخليفة ، صلاح شتات ، احمد حنين ، ودالباوقة ، الوجيه ، وليد طه ، تمبس ، يوسف ، خالد ، معتصم دفع الله .
مبروك لابناء النوبه بشاير الشمال الفوز بهذا الكأس والشكر والتقدير لرابطة الصالحية لامتاع الجميع بليلة رياضية رائعة .

Quote: شوفتوا ابداع ابناء المحس

هم كذلك .. في كل زمان ومكان ..

شكرا للخبر الجميل والمتابعة ..

وكل التحية للاخوة :

Quote: ، ودقاسم ، حسن الملك ، اسماعيل وراق ، الصادق الخليفة ، صلاح شتات ، احمد حنين ، ودالباوقة ، الوجيه ، وليد طه ، تمبس ، يوسف ، خالد ، معتصم دفع الله .

عافيلقو ... اننقة ..حمزة

حمزاوي
كانت المباراة غاية في الجمال ، وقد حضرها جمهور كبير ،، وانتهت بالأحضان والدموع ، فالكل يفتقد الأستاذ علي حمد أبوزيد
مبروك لفريق البشائر ، وهاردلك فريق أبوروف ،،

أخوي سامو معتصم
مسكاقمي هكرفي
دايما انت عاجبني وان شاء الله من نصر الي نصر
أخي ودفعتي ودقاسم
انا اكتر من احراز الكاس وفرحة المحس وروعة المباراة
عجبني الروح الاخوي والعناق بين الاخوان والسلام تشعر بانهم كلهم يعرفونك
ومعاملة الاباء البروفسر عزالدين وعثمان وعبدالعال وبقية الاخوة
يحسسك بانك بين اهلك ورعاية كريمة من اباء كرام
ان شاء الله نلتقي قريباً في الصالحية

حمزاوي
تحياتي

مبروك الكاس .. و مبروك لفريق بشاير ( رغم إني بكجن الكورة )
غايتو لو كنت موجود كنت حأشجع الحكم

أخوى حمزاوى
هكرفي مسكاقلو

تيت تيت البشائر حديد
بالطول بالعرض البشائر تهز الارض
مافي دقيقه البشائر بتجيبه
الكاس الكاس جبنهو خلاص

السمؤل

عمي حمزاوي .... هكرفي ... مسكاقلو .. والى مزيد من الانتصارات في كافة
الميادين ....

ود الباوقة

"اموت انا في جزيرة صاي"..... عشان تاني تقول لي الحصاحيصا....انت قايل نفسك ارجل مني؟

وان ما عجبك كمان..."احي ي ي ي انا"

اخوي ابوجهينة
الحكم زاتو كان معجب بفريق بشاير الشمال . . ما دايماً اولادنا مبهرين .
الابن السمؤل
الكأس كأسنا ، نستاهلو ونحن اهلو
اخوي ودالباوقة
شكراً . . بكم ومعكم يد واحدة
اخوي سجيمان ودعم بله
انت ما قلت مكجن الكورة
أنا لي في جزيرة مقرات غزالة
سجمي

حمزاوي

Quote: أنا لي في جزيرة مقرات غزالة

عاين دا بالله؟

انت قايل بي يهمني؟...انشاء الله عندك غنماية ظاطو

الصديق حمزاوي

مبروك لاولاد الشمال

كييييف ما تغلبو يا الحبيب وانتو ضاربين

التمودة والبركاوي والقنديلة والكابيدة والتركين

والجماعة ناس ابروف ضاربين الكل ندي والاوي

كانت مبارة جميلة وإن كانت أقل من مستوى مباراة النهائي، وهنا لا نملك إلا أن نقول مبرووووك لفريق بشائر الشمال و هاردلك فريق أبو روف..
وكذلك لا يفوتنا أن نخص بالشكر فريقي الدويم والزهور لتبرعهما بالكأس الفخم، وهذا أقل واجب يؤدي للأخ علي حمد والذي نتمنى له إقامة طيبة بالولايات المتحدة الأمريكية حيث أسرته هناك.

حمزاوي
البركة في بشاير الشمال اللي خلوك تفرح بعد ما سوى ليك المريخ الهم والغم.

وخضرة مروى فى وجه كريمة
وبانت قرير تحضن النخل
خلفت دنقلا جنة النيل
وعبرت على عبرى وكرمة النزل
وكأن ابقوتة درة ياقوتة
فى عنق حسناء تسعد البال


محس...محس...محس ..محس
جننت
من هذا
الاسم.....
كتبته
بفكرى
وفهمى
والقلم....
مرة المسه
بيدى
ومرة يطير
منى
بعيدا
فوق النجم...
هل هوعربى
ام انجليزى
او هولندى
تحيرت
انا والمعجم...
سرحت طويلا
مع التاريخ
ترهاقا
بعانخى
كتابات
محفورة
على حجر اصم...
ماء
انحدر
ابيض هادى
ازرق مرعب
نيل ملهم....
عبرالصحارى
وفى ديار
المحس
للنصر
رسم....

حمزاوى
ياحبى البداوى
مبروك الفوز...وكمان على
دوى الطابيات

أخوي سجيمان ودعم بله
أبوحمد راجلاً لي كريمة . . قطر كريمة زحمة خالص
سجيمان المحس في شمالك والجعليين في يمينك تروح وين يا اخوي
أخوي قرجة
يا حبيبي شكرا على الشعور الطيب ، حنعزمك في الاحتفال بالكأس ولك من انواع التمور ما لذ وطاب .
شقيقي اسماعيل وراق (ابومحمد)
انتو سوا الكاسات ونحن نشيلوا . .
أخوي ابوقوته
محس كوشيين ، فزنا على ناس انا الطابية المقابل النيل
عشان كدا المحس انا الدرة البزين بلدي
. . . .
شكرا لكم جميعاً

شكراً جزيلا اخي احمد الشايقي

مبـــــــــــــــــــــــــــــــروك
لابناء عمومتنا

Quote: شكراً جزيلا اخي احمد الشايقي

حمزاوي أخوي
إنت في حلم ولا علم
هسي أحمد الشايقي جاك بي جاي ولا شفتو حايم عليك
أوعى يكون أتصل عليك تلفونياً وإختلط عليك الأمر وأفتكرت مكالمته دي مداخلة في بوستك...
الله يكون في عونك.. تحياتي لفيصل العجب باللفة.

الاستاذة لنا المهدي بنت عمي
شكرا جزيلا وكلنا نوبه يا اختي يا سلاسلة الشيوخ
شقيقي اسماعيل وراق (ابومحمد)
انت الظاهر عليك ناقش الموضوع . . خليها مستورة

الحبيب حمزاوي


بقيت تفتشه في ابناء الروابط

تعال شجع سيد البلد عشان تفرح هيهيهيهيهيهيهيهي وسجيمان ده هلالابي اسالني انا

وعموما مبروك عليكم الكاس الجوي ده


مبروك

عبس اخوي
يا لذيذ يا رايق انت
دايما عاجبني
الكاسات المحمولة جوا دايما من تخصصنا
عشان كدا كل المحس مريخاب
شكرا على الطلة

حندعوا الجميع في الاحتفال

بسم الله الرحمن الرحيم
الخال / حمزاوي
كيف حالك ومبروك الفوز بس اظنو الشباب المريخاب ماتمو ليك فرحتك
بس نعمل شنو ده زيتنا وده بيتنا ( رشاشـــات )
مع ودي لك يابركة
(اقجنا اورقناني كدا فيولناني إيكا نينقا نوقلتو منجه كده الناني )

كرماوي

الخال سمو معتصم
وينك ياخال لسع ما سافرت السودان؟؟؟

المحس عندهم تيم كوره والله حاجه كويسه جدا جدا
غايتو نبارك ليكم انا طبعا مقطوع وبعيد لكن بعد كده
حاكون معكاكم ودي اول زياره اصلو انا من الناس الجداد
ودمتم جميعا عافيلقو

عماد شمت اخوي
مسكاقمي
ما شاء الله يا اخوي نحن عندنا كل حاجة وحتفرح كل يوم
وانبسط يا محسي يا ابن دفوي
شكرا جزيلا ونتشرف بمعرفتك
عافيلقو سلاملقو
. . .
ابن اختي كرماوي
مسكاقمي
خليك حنين علي يا ابن اختي
نحن دايما مع الكاسات المحمولة جوا

Quote: غايتو لو كنت موجود كنت حأشجع الحكم

ههههههههههههههههههههههههه ... انا طوالي بشجعه



عم حمزاوي.. مبروك.. ألف مبروك.. رغم اني ما عارفه الموضوع... ... كنت مغروده لي في كورس لغه نوبيه.. رأيك شنو نعمل بوست زي ده.. متابعاك.. وملاحظاك بتكتب بي لغتك كتير... نفسي أتعلم ولو جزء منها... والمقابل اطلب واتمنى.. كان وزارة نديك..

بنت الحسين

استاذتنا مريم بنت الحسين
في ديار المحس
يا الف مرحبا ويا مليار سهلا
زارتنا البركة واشرقت الانوار
استاذتنا مريم
كلنا من حلقا ولي عبري وصادنقا ودلقو وكرمة ودنقلا والقولد نرحب بكي
اما بخصوص تعلم اللغة النوبية
فهناك برنامج جاهز لدي الزميل ولياب وهو معانا في البورد
وهو ما عنده مانع بيساعد كل من له الرغبة في التعلم
وسوف نفتح بوست بهذا الخصوص قريبا ان شاء الله
وما عندي مانع في دروس العصر
وشكراً جزيلا على الطلة

خلاص... اعتبرك واسطه لولياب؟ والله نفسي.. لأمر في نفس يعقوب... بقوله ليك يوم تاني


بنت الحسين

يا خال سمو
انا هاف كاست يعني نص نص خلطه من الشرق والغرب من فريق المحس ودفوي
طبعا دي تسميات ساكت في النهايه الارض واحده قاسمهم النيل
وين انت في السودان ام السعوديه؟

الف مرحب بيك اخوي حمزاوي يديك الصحه والعافيه
والله نتشرف بمعرفتك وكمان انتظر منك الكتير في كل حاجه وماتبخل علينا
بالله. الكلام ده ليكم كلكم يامحسكو ويانوبه نتو
عافيلوقو

الاستاذة مريم بنت الحسين
حاضر ولنا الشرف
. . . .
عماد شمت لك حبي وتقديري