Post: #1
Title: يا اخوانا سمعتو التصريح الخطيردا بمخطط اغتيال الترابي؟
Author: القلب النابض
Date: 10-18-2005, 12:29 PM
Parent: #0
The Popular Congress (Sudan)The Deputy Secretary General المــؤتـمر الـشعـــبـي السوداني نائب الأمين العام
تصريح صحفي
صرح الدكتور علي الحاج محمد نائب الأمين العام للمؤتمر الشعبي السوداني أن حزبه تلقي معلومات حول مخطط للتعرض بالأذي وربما الإغتيال الجسدي للدكتور حسن عبد الله الترابي الأمين العام لمؤتمر الشعبي وذلك خلال جولته الخارجية التي يستهلها اليوم بالعاصمة القطرية الدوحة.
كما أفاد الدكتور علي الحاج محمد نائب الأمين العام للمؤتمر الشعبي السوداني أن حزبه يرجح ضلوع جهات أمنية سودانية في هذا المخطط الآثم.
الجدير بالذكر أن زيارة الدكتور حسن عبد الله الترابي إلي الدوحة هي أول زيارة له خارج السودان منذ خروجه من المعتقل في الثلاثين من يونيو الماضي.
انتهى التصريح
|
Post: #2
Title: Re: يا اخوانا سمعتو التصريح الخطيردا بمخطط اغتيال الترابي؟
Author: هشام مدنى
Date: 10-18-2005, 12:35 PM
Parent: #1
الأخت القلب النابض
تحيه طيبه
مشكلة ناس المؤتمر الشعبي بتخليوا اكثر من ما يجب..
هو في زول ميت اصلا بقتالوه ؟
|
Post: #3
Title: Re: يا اخوانا سمعتو التصريح الخطيردا بمخطط اغتيال الترابي؟
Author: ادم الهلباوى
Date: 10-18-2005, 02:12 PM
Parent: #2
بسم الله الرحمن الرحيم
غايتو انا ماعارف حكاية حى ميت .. ميت حى دى
لكن سمعت انو غدا الاربعاء عنده مقابله سخنة
مع احمد منصور فى الجزيرة وده طبعا بعد ماجردت
منه المشيخة وآلت للنائب الثانى على عثمان طه
اهو ...أسمع منه وخذ ماشئت منه أن تأخذ لما تشاء لتثرى البورد
فى نظرى هو برضك أحد الرموز السياسية السودانية شئنا ام أبينا
يعنى امر واقع زى حكومة الانقاذ !
|
Post: #4
Title: Re: يا اخوانا سمعتو التصريح الخطيردا بمخطط اغتيال الترابي؟
Author: Al Sunda
Date: 10-18-2005, 02:15 PM
Parent: #2
| Quote: هو في زول ميت اصلا بقتالوه ؟ |
وعمرك شفت سلطة تخاف من زول ميت ؟
مجرد التفكير في اغتيال شخص (اي كان حجم الاختلاف مع هذا الشخص )فكرة مرفوضة
ولولا سماحة الشعب السوداني
كان من باب اولي اغتيال كل اعضاء مجلس انقلاب يونيو
بعد غدرهم بضباط محاولة انقلاب رمضان
وبعد قتلهم للدكتور ومجدي وضحايا بيوت الاشباح
وكل ما فعلوه بالشعب السوداني
ولكن حكمة الله بالغة
شوف الزبير وابراهيم شمس الدين ماتو كيف !
وربنا يكضب الشينة
|
Post: #5
Title: Re: يا اخوانا سمعتو التصريح الخطيردا بمخطط اغتيال الترابي؟
Author: القلب النابض
Date: 10-18-2005, 03:18 PM
Parent: #4
؟
|
Post: #6
Title: Re: يا اخوانا سمعتو التصريح الخطيردا بمخطط اغتيال الترابي؟
Author: هشام مدنى
Date: 10-18-2005, 03:29 PM
Parent: #4
Quote: وعمرك شفت سلطة تخاف من زول ميت ؟
|
السلطة تخاف لانه يعرف عنها ما لا يعرفه احد.
لكن جماهيريا مات وهو وحده الذى قتل نفسه بانقلابه المشؤم
وبافعاله الشيطانية .عمره لم يكون رقما ولم يثق به احــد.
|
Post: #7
Title: Re: يا اخوانا سمعتو التصريح الخطيردا بمخطط اغتيال الترابي؟
Author: علاء الدين صلاح محمد
Date: 10-18-2005, 04:48 PM
Parent: #6
مشكلة ناس المؤتمر الشعبي بتخليوا اكثر من ما يجب..
هو في زول ميت اصلا بقتالوه ؟
على الاخوة في المؤتمر الشعبي احترام عقل المواطن السوداني وان ذلك المواطن الذى وصفه الدكتور الترابي و راهن ويراهن على ضعف ذاكرته وسرعة نسيانه قد تغيره.
من المعلوم انه من الجائز حدوث أي امر كان في العمل السياسي الا انه لابد من مسببات منطقية ما هي مصلحة المؤتمر الوطني في تصفية الدكتور الترابي في هذا الوقت ذلك بعد ان ابرم اتفاقية نفاشا ؟
ماذا يستفيد من اغتيال الدكتور الترابي؟
ما هو حجم ووزن الترابي الحقيقي ومدى خطورة الترابي على الحكم؟
لماذا الان يخطط لتصفيته ؟اما كان بامكانهم تصفيته من قبل خاصة وقد لاحت لهم اكثر من فرصة وما المحاولة الانقلابية ( المزعومة ) ببعيد
وهل باغتيال الترابي سوف تامن السلطة من ما يعرفه الترابي عن حواريه السابقين ؟
اين الدكتور (خلوها مستورة) هل سيتم تصفيته ايضاً؟؟
فيعلم الترابي و مريدوه في الشعبي انه اذا كانت هنالك جهة تعمل وتخطط على تصفيته هم اباء /امهات /ابناء /اخوان/ اخوات/ اصدقاء / وزملاء من قام بتصفيهتم الترابي وهم كثر .
من حسن حظ الترابي انه سوداني وان من جنى عليهم عليهم وعلى كثرة عددهك هم من المتسامحين الطيبين السودانين
والا انه كان سيكون في خبر كان منذا ام بعيد
يا شعبيون احترموا عقول شعبكم
علاء الدين صلاح محمد
|
Post: #8
Title: Re: يا اخوانا سمعتو التصريح الخطيردا بمخطط اغتيال الترابي؟
Author: القلب النابض
Date: 10-18-2005, 07:13 PM
Parent: #7
Quote: لكن سمعت انو غدا الاربعاء عنده مقابله سخنة
مع احمد منصور فى الجزيرة |
نشوف
|
Post: #9
Title: Re: يا اخوانا سمعتو التصريح الخطيردا بمخطط اغتيال الترابي؟
Author: ABDELMAGID ABDELMAGID
Date: 10-18-2005, 08:02 PM
Parent: #1
اللهم اجعل كيدهم فى نحرهم
|
Post: #10
Title: Re: يا اخوانا سمعتو التصريح الخطيردا بمخطط اغتيال الترابي؟
Author: القلب النابض
Date: 10-19-2005, 03:13 AM
Parent: #9
نسمع
ونرى
|
Post: #11
Title: Re: يا اخوانا سمعتو التصريح الخطيردا بمخطط اغتيال الترابي؟
Author: ناصر البطل
Date: 10-19-2005, 03:53 AM
Parent: #1
Quote: لكن سمعت انو غدا الاربعاء عنده مقابله سخنة
مع احمد منصور فى الجزيرة |
ممكن نعرف الساعه كم بالضبط
|
Post: #12
Title: Re: يا اخوانا سمعتو التصريح الخطيردا بمخطط اغتيال الترابي؟
Author: فيصل نوبي
Date: 10-19-2005, 04:00 AM
Parent: #1
| Quote: ممكن نعرف الساعه كم بالضبط |
بعد الفطور
عارف ليه !!!
تهريجه
برضو بكلمك بعد الفطور سمح !
|
Post: #13
Title: Re: يا اخوانا سمعتو التصريح الخطيردا بمخطط اغتيال الترابي؟
Author: Elawad Eltayeb
Date: 10-19-2005, 04:14 AM
Parent: #12
لقد إنتحر الترابي .... سياسياً
ووضع نهايته بيده
لأنه لم يحسن إختيار عدوه
|
Post: #14
Title: Re: يا اخوانا سمعتو التصريح الخطيردا بمخطط اغتيال الترابي؟
Author: القلب النابض
Date: 10-19-2005, 04:17 AM
Parent: #12
نوبي افتكر برنامج احمد منصور عادة 7 بتوقيت قرنتش
8 بريطانيا
وقس على ذلك
|
Post: #17
Title: Re: يا اخوانا سمعتو التصريح الخطيردا بمخطط اغتيال الترابي؟
Author: فيصل نوبي
Date: 10-19-2005, 04:48 AM
Parent: #14
Quote: 8 بريطانيا
وقس على ذلك |
انتو مقياس شنو (ريختر)؟
|
Post: #15
Title: Re: يا اخوانا سمعتو التصريح الخطيردا بمخطط اغتيال الترابي؟
Author: saadeldin abdelrahman
Date: 10-19-2005, 04:28 AM
Parent: #1
يا قلب
أنا...من تعب السفر!
الراجل ده خلوا يرجع لينا ولي مساكينا الفلوس اللهـطا واليتكلم بعدين!
عالم لا تخاف لا تختشي
وما بتغور!
قبحه الله من طليعة مؤتمر وللا غيروا
|
Post: #16
Title: Re: يا اخوانا سمعتو التصريح الخطيردا بمخطط اغتيال الترابي؟
Author: Hozy
Date: 10-19-2005, 04:29 AM
Parent: #1
انشاء الله يروح في 60 دهية
والله عنده تار عند ناس كتااااااااااااااار
واحنا معاهم
|
Post: #18
Title: Re: يا اخوانا سمعتو التصريح الخطيردا بمخطط اغتيال الترابي؟
Author: ادريس خليفة علم الهدي
Date: 10-19-2005, 04:53 AM
Parent: #1
| Quote: الجدير بالذكر أن زيارة الدكتور حسن عبد الله الترابي إلي الدوحة هي أول زيارة له خارج السودان منذ خروجه من المعتقل في الثلاثين من يونيو الماضي. |
السعودية رفضت تديهو تأشيرة لاداء العمرة ولا شنو ؟؟؟؟؟؟
|
Post: #19
Title: Re: يا اخوانا سمعتو التصريح الخطيردا بمخطط اغتيال الترابي؟
Author: WadAker
Date: 10-19-2005, 06:19 AM
Parent: #1
القتل حررررام
|
Post: #20
Title: Re: يا اخوانا سمعتو التصريح الخطيردا بمخطط اغتيال الترابي؟
Author: waleed500
Date: 10-19-2005, 06:27 AM
Parent: #19
نرفض مبدأ عمليات التصفيات الجسديةعموما بغض النظر عن من المقصود بها . لان الحريات واهمها حق الحياة حق مكفول لكل شخص ولا ينتزع بواسطة بشر. الله سبحانه وتعالى هو المسؤول عن الموت والحياة وليس نحن البشر
|
Post: #21
Title: Re: يا اخوانا سمعتو التصريح الخطيردا بمخطط اغتيال الترابي؟
Author: محمدين ايدام
Date: 10-19-2005, 07:08 AM
Parent: #20
انا ما عارف الوزل ده - على الحاج- بفكر كيف ؟
وبعدين فى زول اصدق تصريح من على الحاج ..ده راجل كضاب وبتاع لف ودوران ..وبتاع وهمات ..ياخى المؤتمر الشعبى اصبحت قصته بائخة جدا جدا .. واحسن منو السموه " وطنى" داك رغم كل المرارات معه ..والله!
اقروا "الوان" الليلة..( صحيفة الحق والخير والجمال) كما يقولون .. شوفوا عبد الماجد عبد الحميد كاتب شنو عن انسلاخ 130 عضوا من الشعبى بغرب كردفان؟
العمود: راى فى الأخبار
المؤتمر الشعبى .. البيات الشتوى وصيف التآكل من الطراف..!!
ومن البداية ، يتسائل عبد الماجد عبد الحميد وهو كاتب صحفى اسلامى معروف بدأ مقربا من جناح الشيخ الترابى ..هل يحتاج منهج حزب المؤتمر الشعبى فى التعاطى مع ظاهرة الإنشقاق من صفوفه والإنسلاخ عن التزاماته ، الى مراجعة ودراسة اكثر عمقا؟!! هذا السؤال يفرض نفسه مرة اخرى على خلفية اعلان ما يزيد على المائة وثلاثين عضوا من قاعدة الحزب وقياداته المؤثرة بولاية غرب كردفان ،انضمامهم الى حزب المؤتمر الوطنى ، واشهار ذلك فى اجتماع لا يخلو من دلالة واشارات اقامه د.عوض الجاز بنادى النفط بشارع 61 العمارات ، وليس فى المركز العام للمؤتمر الوطنى بشارع المطار!!
وبرضو تقول لى اغتيال.. الترابى هايغتالوهو..فى رايى دى كلها وهمات من على الحاج ..واحسن حاجة هو وشيخو وبقية الديناصورات يوسعو سكة شوية اخلوا الشباب يتحرك ..افضل من الدوران فى حلقة مفرغة لن تفضى بالحزب الا الى المزيد من الفراغ الذى اشار اليه احد المحسوبين له وهو عبد الماجد عبد الحميد اليوم !!!
|
Post: #22
Title: Re: يا اخوانا سمعتو التصريح الخطيردا بمخطط اغتيال الترابي؟
Author: محمدين ايدام
Date: 10-19-2005, 07:17 AM
Parent: #21
Quote: واشهار ذلك فى اجتماع لا يخلو من دلالة واشارات اقامه د.عوض الجاز بنادى النفط بشارع 61 العمارات ، وليس فى المركز العام للمؤتمر الوطنى بشارع المطار!!
|
اها شوفتووووا .. النفط ده جازب كيف ؟ ولمن ناس دارفور فى ابوجا يقولو عندهم راى فى قسمة الثروة والسلطة فى السودان تقوم الدنيا وما تقعد ..والمندوب السامى للمؤتمر الوطنى يصر على ان اتفاقية نيفاشا هى المرجعية .. برافو اهلنا الأشاوس فى كردفان فهمتوها صح ..ولسة دى جات عملية سياسية ..وفى حاجات بتجى بالقوة .. وللا شنو يامؤتمر يا وطنى!!
|
|