Post: #1
Title: يا جماعة وروني ديل بستعملوهم كيف
Author: ريهان الريح الشاذلي
Date: 02-01-2006, 01:23 PM
Parent: #0
Quote: 1- كندر سبرايز
2-حليب أنكور.
3-زبدة لور باك.
4-جبنة البقرات الثلاث.
5-جبنة الدنماركية البيضاء.
6- جبنة الموزاريلا.
7-جبنة بوك.
8- عصير سنتوب.
9- حليب السعودية.
10- جبنة بوك .
11- عصائر ومنتجات KDD شركة كويتية دانمركية لإنتاج العصائر ومعجون الطماطم وزيت الزيتون وقشطة وحليب وغيره , ابحث عن شعار الشركة KDD وتجاهلها .
12 - اسهم سدافكو السعودية " شركة سدافكو قائمة على إنتاج المواد الغذائية من الألبان ومشتقاتها والعصائر وغيرها ولها ارتباط وثيق ببعض الشركات الدنمركية ، ولا تخلو ايضا من الربا لاتساهم في الشركة ولا تشتري من منتجاتها "
13-الحليب : حليب السعودية وهو أشهر منتجات الشركة بالاضافة إلى حليب شاكـا ، وحليب أطفـال السعوديه
14-العصائر: شراب ماجيستك ، وشراب السعودية للأطفال ، وعصائر السعودية ، وعصير فيفيير
15-المياه المعدنية : مياه السعودية
16-المأكولات الخفيفة : ماركة "كريسبي"
17-الأجبان: وتشمل أجبان فيتا السعودية ، وجبنة المثلثات السعودية
18-المأكولات الغذائية: وتشمل صلصة طماطم السعودية ، ومعجون طماطم السعودية
19-الايسكريم: وتشمل ايسكريم موفمبيك ، وبريمو السعودية ، ومور ، ويوفو
وتغطي هذه المنتجات؛ الحليب طويل الأجل "حليب السعودية"، الحليب المنكه، عصيرات ، معجون الطماطم، المتبل، الحمص، الجبنة، الآيسكريم، المياه، وعصيرات الفواكه. ومن تلك العلامات موفنبيك "آيسكريم فاخر"،
20-ماجستيك "مشروبات غازية فوارة بنكهات الفواكه"، شيلز "نكتار"،
21-كريسبي "رقائق بطاطس وفول سوداني"، وبابو"يسكريم".
22- جميع منتجات مخابز وشركة صوفي دى فرانس لصنع الفطائر والمعجنات الدانمركية.
23- المقاطعة النسائية وتشمل : جميع منتجات
شركة بيزون وهي شركة دانمركية مشهورة في عالم التجميل.: ابحث عن شعار الشركة على العطور والماكياج وادوات العناية بالجسم "
24-جل الشعر (zeta) وكريم وصابون ومزيل عرق ورغوة شامبو (hazz) وملمع شفاه شازاد.
25- حليب كارولين
أي أنواع من الشوكولاته والحليب والجبن والبسكويت تكون من انتاج شركة كارولين .
26 – حليب دانو بالاضافة إلى سمنة لورباك |
انا غايتو غير الصلصة ما عرفت حاجة
|
Post: #2
Title: Re: يا جماعة وروني ديل بستعملوهم كيف
Author: عبدالرحمن عزّاز
Date: 02-01-2006, 01:27 PM
Parent: #1
الأخت من الهامش؟
أنا زيك ورينى الإجابة، بعد ما تعرفى
مع الود والتقدير،،،
|
Post: #3
Title: Re: يا جماعة وروني ديل بستعملوهم كيف
Author: الملك
Date: 02-01-2006, 01:28 PM
Parent: #1
بسم الله
|
Post: #4
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-01-2006, 01:35 PM
Parent: #3
لازلت اذكر المقولة (اعجب لشعب يخرج للشارع للمطالبة بقتل محمد طه محمد احمد عن مقال لم يقرأه اغلبهم)
وبالمثل اعجب لشعب يقاطع ماكولات لم يشم رائحتها حتي؟؟؟؟؟؟؟؟؟؟؟؟؟؟؟؟؟؟
|
Post: #6
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-01-2006, 01:43 PM
Parent: #4
وايضا اعجب لشعب يخرج شاهرا المقاطعة (اضعف الايمان) احتجاجا عن مقال لم يقرأه ولم يسمع عن اسم كاتبه ولم يطرق اضانه اسم الاصدارة وبل حتي لم يسمع بعضهم عن اسم دولته...
والله ده البضحك يا بنات امي...................
|
Post: #5
Title: Re: يا جماعة وروني ديل بستعملوهم كيف
Author: عبدالكريم الامين احمد
Date: 02-01-2006, 01:36 PM
Parent: #3
انا غايتو عرفت ده
|
Post: #7
Title: Re: يا جماعة وروني ديل بستعملوهم كيف
Author: القلب النابض
Date: 02-01-2006, 01:45 PM
Parent: #5
العزيزة ريهان الشاذلي
سلام من الله عليكم
المنتجات هذه متوفرة جداً في مناطق كثيرة جداً من انحاء الدنيا.
انظري للأرفف الفارغة في السعودية والخليج كله وحجم الخسائر التي قدرت لتعلمي ان هذه المنتجات لها سوقها ولها زبائنها.
والجرسة التي كبها الدنماركيين توضح حجم المبيعات بواسطة المسلمين.
قد لا توجد عندنا في السودان غير لبن النيدو جبنة بوك وبعض أدوات التجميل ولا أعرف إن .
ولكن في أوروبا لا يخلوا اصغر دكان كورنر من هذه المنتجات.
يعني ما تستغربي يا حبيبتي
تحياتي
وأمنياتي
|
Post: #8
Title: Re: يا جماعة وروني ديل بستعملوهم كيف
Author: انتصار محمد صالخ بشير
Date: 02-01-2006, 01:46 PM
Parent: #1
الاخت الغالية رهام
السلام عليكم ورحمة الله تعالى وبركاته
الحمدلله ان اهلنا فى السودان لا يعرفون هذه المنتجات
والبركة فى الفول + موية الفول + موية الجبنة-انتاج
الدويم.
(اهلى الغلابة طبعا)
انتصار
|
Post: #9
Title: Re: يا جماعة وروني ديل بستعملوهم كيف
Author: بكري اسماعيل
Date: 02-01-2006, 01:54 PM
Parent: #8
أختنا الغالية ريهان
عوافي عليك
زينا زيك في حاجات كتيرة من اللستة دي ما بنعرفها ولا بنعرف كيف بستعملوها كيف بس نصرةً لرسول الله بنقاطع كل المنتجات الدنماركية ,,
تحياتي
|
Post: #13
Title: Re: يا جماعة وروني ديل بستعملوهم كيف
Author: ragaa makkawi
Date: 02-01-2006, 03:59 PM
Parent: #9
لاكن يا بكري
العلاقه بين الجبنه ونصرة الرسول شنو
ولا دي كمان زي قصة
الفول بالجبنة بوش ما عاجبنا
رجاء
|
Post: #10
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-01-2006, 02:02 PM
Parent: #8
الاخ عبد الرحمن
الحكاية فعلا شكلها ما بتتعدي مركز المركز والباقي ياكلو نيم.
الاخ الملك
ونعم بالله
الاخ عبد الكريم
انت قايلو حقنا داك(دكوة) ياخي العولمة قلبتو لحاجة جديدة دينماركية كده
|
Post: #11
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-01-2006, 02:24 PM
Parent: #10
الاخت القلب النابض
عارفة هي بتكون عندنا قاعدة بس لانو الايد قصيرة غالبية الشعب ما بكون سمع بيها
المهم كدي..............هل كملت مشاكلنا عشان نفتش حاجة جديدة...........
الاخت انتصار
Quote: والبركة فى الفول + موية الفول + موية الجبنة-انتاج
الدويم. |
فعلا البركة فيهم كخيار اساسي وليس بديل............
|
Post: #12
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-01-2006, 02:39 PM
| Quote: زينا زيك في حاجات كتيرة من اللستة دي ما بنعرفها ولا بنعرف كيف بستعملوها كيف بس نصرةً لرسول الله بنقاطع كل المنتجات الدنماركية ,, |
ولكأن الرسول ينتظر منا المقاطعة.........
ياخي كدي انصروا لينا شعب السودان علي الفقر والجوع والمرض و ..........
|
Post: #14
Title: Re: يا جماعة وروني ديل بستعملوهم كيف
Author: محمد الامين احمد
Date: 02-01-2006, 04:23 PM
Parent: #1
Quote: لازلت اذكر المقولة (اعجب لشعب يخرج للشارع للمطالبة بقتل محمد طه محمد احمد عن مقال لم يقرأه اغلبهم)
وبالمثل اعجب لشعب يقاطع ماكولات لم يشم رائحتها حتي؟؟؟؟؟؟؟؟؟؟؟؟؟؟؟؟؟؟ |
البتعرفى من المذكور اعلاه قاطعيوه (طبعا اذا كنت مؤمنة بالمقاطعة دفاعا عن
الرسول صلى الله عليه و سلم) و دعك من هذة (الهترشات) الما وقتها حاليا باى حال
من الاحوال.
|
Post: #15
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-02-2006, 12:47 PM
Parent: #14
Quote: البتعرفى من المذكور اعلاه قاطعيوه (طبعا اذا كنت مؤمنة بالمقاطعة دفاعا عن
الرسول صلى الله عليه و سلم) و دعك من هذة (الهترشات) الما وقتها حاليا باى حال
من الاحوال.
|
انا غايتو مؤمنة بانو دي ما طريقة للدفاع عن الرسول او حتي للاحتجاج .
هترشة جديدة:
وبمناسبة الما بعرفوا من الحاجات (حاجتهد اني اعرفوا)
|
Post: #16
Title: Re: يا جماعة وروني ديل بستعملوهم كيف
Author: عشة بت فاطنة
Date: 02-02-2006, 12:58 PM
Parent: #15
يا حبيبتي ديل بكونن..
في المول (عفراء ) حيث يتسوق صبية الانقاذ
غايتو لو فيهن زيت السمسم والفول ما حنقاطع
ززاحييك لملاحظتك الذكية
|
Post: #17
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-02-2006, 01:12 PM
Parent: #16
عزيزتي عشة
عارفة لو الموضوع بقي فيهو زيت سمسم وفول في ناس كتااااااااااااااار حيبيعو القضية...........
|
Post: #18
Title: Re: يا جماعة وروني ديل بستعملوهم كيف
Author: القلب النابض
Date: 02-02-2006, 01:47 PM
Parent: #17
|
Post: #19
Title: Re: يا جماعة وروني ديل بستعملوهم كيف
Author: محمد الامين احمد
Date: 02-02-2006, 03:29 PM
Parent: #1
| Quote: انا غايتو مؤمنة بانو دي ما طريقة للدفاع عن الرسول او حتي للاحتجاج |
.
طيب ما تكسبى فينا ثواب و تورينا الطريقة المثلى (حسب رآيك) للدفاع عن الرسول و للاحتجاج !
| Quote: وبمناسبة الما بعرفوا من الحاجات (حاجتهد اني اعرفوا) |
ربنا يوفقك فيما عزمتى عليه.
|
Post: #20
Title: Re: يا جماعة وروني ديل بستعملوهم كيف
Author: khaleel
Date: 02-02-2006, 04:01 PM
Parent: #19
يا ريهان
دها اكل المترفين المقهقهين
ملاو الطريق زي ما قال العطبراوي
فول مع جبنة الدويم مع شمار
اسوي الدنيا بحالها
سيبك من اكل الكلاب
وياريت لو كسرة ببامية مفروكة وصحن سلطة
ويوم الجمعة ام فتفت مع بصل مفقش زي ما قال الطيب الفاضل
|
Post: #21
Title: Re: يا جماعة وروني ديل بستعملوهم كيف
Author: بكري اسماعيل
Date: 02-02-2006, 07:55 PM
Parent: #20
أختنا رجاء مكاوي
سلامات
ليس الغرض من المقاطعة هو الصيام عن الحليب أو الزبدة وإنما إثبات على أن المسلمين ما زالت فيهم نخوة وغيرة على الإسلام وعلى رسولنا الكريم ..
تحياتي ،،،
|
Post: #22
Title: Re: يا جماعة وروني ديل بستعملوهم كيف
Author: saadeldin abdelrahman
Date: 02-02-2006, 08:58 PM
Parent: #1
Quote: انا غايتو مؤمنة بانو دي ما طريقة للدفاع عن الرسول او حتي للاحتجاج .
هترشة جديدة:
وبمناسبة الما بعرفوا من الحاجات (حاجتهد اني اعرفوا) |
انا غايتو اكتر الحاجات دي ما شفتها و برضو بقاطعا..خليك من اهلنا
التعابا الفي السودان..
بعدين لا اعتقد {ان هناك اي ذكاء في الاستهتار بجهود و قناعات البشر!
وطريقة التفكير السلبية دي زاااتا المضيعة و ضيعت حقوق الناس جوه
البلد و شردتهمالبستعمل المنتجات دي يقاطع و الما بستعملا ولا ما
مقتنع.. ما يستهتر رجاءا ! لأنو ده موضوع جاد و لا يحتمل ظرافة!
|
Post: #23
Title: Re: يا جماعة وروني ديل بستعملوهم كيف
Author: Sana Khalid
Date: 02-02-2006, 10:02 PM
Parent: #1
الأخوات الكريمات..
عندما سمعت بالدعوة للمقاطعة..
فتحت ثلاجتي..
و نظرت في أنحاء بيتي..
فلم أجد فيه ما يمت للدنمارك بصلة..
فحمدت الله..
و لكني أقف بشدة مع سلاح المقاطعة..
و كفاكم تخذيلاُ..و تثبيطاً للهمم..
فمن رأى منكم منكراً..فليغيره..
و لو بأضعف الإيمان!!
|
Post: #24
Title: Re: يا جماعة وروني ديل بستعملوهم كيف
Author: الزوول
Date: 02-02-2006, 10:42 PM
Parent: #1
السلام عليكم
الأخت ريهام
المقاطعة تنبع من القلب وتتمثل في النية يليها الفعل.
فان كنت لا تؤمنين بنصرة الرسول صلى الله عليه وسلم أصلاً
أو ترين أن المقاطعة ليست طريقاً جيداً
فلا معنى لما تفعلينه اذن
مثلي مثلك لم أسمع بمعظم هذه المنتجات ...ولا استعمل اياً منها.ولكني اكتسبت عادة جديدة وهي التطلع الى السلعة وربط شراءها من عدمه بنصرة الرسول صلى الله عليه وسلم..وهذا إحساس تضامني يملآني ثقة في نفسي وفي أمتي وبما نستطيع فعله لو تضامنا.
شىء آخر ..
الدعوة للمقاطعة لا يقصد بها ريهام فقط ولكن ريهام هذه هي واحدة من مليار مسلم ( بفرض انك مسلمة) ماذا سيحصل إذا اتحدوا فإن كنت ( ريهام) لا تستعملين المنتجات الدنماركية ومثلك كل السودانيين ومثلهم 950 مليون مسلم ..
الا ترين ان مقاطعة 50 ملايين يستعملون المنتجات الدنماركية لها كافي لتدمير اقتصادها؟
إن كنت لا ترين فأذهبي للأنترنت لتري مايفعله الدنماركيون للملمة المسألة
لماذا يفعلون ذلك؟ حباً في سواد عيوننا ؟هل هددناهم بالحرب ؟ هل جردنا عليهم طائراتنا وغواصتنا؟
قصة قصيرة:
لما كنا شُفَع
ود المصارين البيُّض الوحيد العندو كورة ..وكان مرضان لِعِبْ
ونحن الغلابة الكادحين مع ريدتنا للكورة بس ما بنقدر نجيبها ..حتى لو اتشاركنا
الود متحكم فينا زي ما عاوز ..لو غلبناهو ساكت يشيل كورتو ويمشي
وهو البقسم التيم وهو الحكم وهو القون ...يشوت بكراعو يمسك بايدو يطرد فلان ..مافي زول يقدر يقول شىء
خلاس لما فاض بينا .. كلنا قررنا نقاطعو
قدر ما يمشي لواحد فينا عشان يلعب معاهو يابى
لما ضاقتبو الوسيعة ما لقى طريقة غير الاستسلام...
وعملنا تيم وحكم وقوانين للطرد والتقسيم..الخ
تحياتي
__________________________________________________
وما الناس إلا هالك وأبن هالك *** وذو نسب في الهالكين عريق
|
Post: #25
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-03-2006, 01:50 PM
Parent: #24
الاخ محمد الامين احمد
يعني لو المسلمين اقتنعوا بانو دي وجهة نظر كاتب او محرر واستفادوا منها في فهم نظرة الاخر لدينهم عاملة كيف وبدأوا و شرعوا في تصحيح المسار والفكرة وبطلوا حكاية زج الدين في صراعاتهم احسن من المقاطعةو الكواريك والجوطة ومسيرات الغضب والتنديد والقصص الميتة دي ......
لانو بطريقة التصحيح دي بنكون بنبذر في بذرة نتاجها بعيد لكن عظيم وبطريقتمكم دي وطريقة هيئة العلماء(شلة دقوون) بتتعبوا وتعبوا معاكم الناس ساي و تكونوا وهمانيين لو افتكرتم انكم بنمقاطعة وتهليل وتكبير بتنضروا الرسول انتو كده بتنصروا في هؤلا السلفبن
|
Post: #26
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-03-2006, 01:57 PM
Parent: #25
Quote: انا غايتو اكتر الحاجات دي ما شفتها و برضو بقاطعا..خليك من اهلنا
التعابا الفي السودان.. |
الاخ سعد الدين والله انت تعبان ساي لكن عموما اهلنا التعابا في السودان ديل كفاية عليهم تعبهم والرسول ده هم بعرفوا بنصروه كيف بس ادوهم فرصة وما تفرتقوا راسهم بالكلامات الكبيرة دي.........
|
Post: #27
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-03-2006, 02:04 PM
Parent: #26
(ويوم الجمعة ام فتفت مع بصل مفقش زي ما قال الطيب الفاضل )
اسكت اسكت حسة يقولو ليك ام فتفت دينماركية
|
Post: #28
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-03-2006, 02:10 PM
Parent: #27
فمن رأى منكم منكراً..فليغيره..
و لو بأضعف الإيمان!!
طيب يا سناء يا كريمة ده الانا بعمل فيهو حسة
|
Post: #29
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-03-2006, 02:24 PM
Parent: #28
الزوول
لو انت وامتك تضامنتو في كلامي الفووق احسن
بالنسبة للقصة :
عاين انا برضو بعرف واحدة اسمها كلتوم مقاطعة ليها واحدة اسمها عشة لانها ما جاتها في بكاء ابوها (يعني زي حكايتك عن ود المصارين البيض لا علاقة لها بمقاطعة المنتجات الدينماركية الا اذا كنت واهم ان الدينمارك والنرويج ستركعان ذليلتين)
|
Post: #30
Title: Re: يا جماعة وروني ديل بستعملوهم كيف
Author: م. سيد احمد قدورة
Date: 02-03-2006, 02:34 PM
Parent: #29
واصلوا المقاطعة حتى لو تم الاعتزار .
وزى مابقولوا اهلنا الكلمة الشينة مابتتنسى
|
Post: #31
Title: Re: يا جماعة وروني ديل بستعملوهم كيف
Author: الزوول
Date: 02-03-2006, 03:05 PM
Parent: #29
| Quote: عاين انا برضو بعرف واحدة اسمها كلتوم مقاطعة ليها واحدة اسمها عشة لانها ما جاتها في بكاء ابوها |
بدون تعليق
________________________________________________________
قررت الهروب
وبسرعة من هذا المكان
______________________________
وما الناس إلا هالك وأبن هالك *** وذو نسب في الهالكين عريق
|
Post: #32
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-04-2006, 01:08 PM
Parent: #31
اها يا جماعة الخير نقول الحاجات دي كم حبة في اليوم
وقبل الاكل ام بعد المسيرة؟؟؟؟؟؟؟؟؟؟؟؟
|
Post: #33
Title: Re: يا جماعة وروني ديل بستعملوهم كيف
Author: Sahar Abdelrahman
Date: 02-04-2006, 01:14 PM
Parent: #32
الحبيبه ريهان...على سبيل السلام وإنك واحشانى جدا...
لك معزتى
|
Post: #34
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-04-2006, 01:44 PM
Parent: #33
يا سحر سلامات وعوافي وشكرا للمرور
|
Post: #35
Title: Re: يا جماعة وروني ديل بستعملوهم كيف
Author: ragaa makkawi
Date: 02-05-2006, 10:23 AM
Parent: #1
حقائق :
مارك اند سبنسر اكبر ماركة ملابس إسرائلية في العالم
و الممول الرئيسي لخزنه الاسلحه الاسرائلية
75% من الدخل عربي
رجاء
|
Post: #36
Title: Re: يا جماعة وروني ديل بستعملوهم كيف
Author: Muna Khugali
Date: 02-05-2006, 10:49 AM
Parent: #35
لأن الغضب عنـدنا لم بتعـدي الاحـتجاج في كـثير مـن الأحــيـان ....حـتي يصـل الي مرحـلة كـيفيـة تحسين معاملاتناوصـورتنا في مخيـلة الغيـر....كمـا طـالبنـا ديننـا الكـريـم..فإن اشياءنـا تبقي غـير منظـمة تماما
لا اقـول ان المقاطعـة الإقتصـادية لا تفيـد ..ولكـن هـل يكـون هـذا هـو الطـريق الوحـيـد آمـامنـا مع حـرق السفارات واستباحـة الدمـاء?
عـديـد مـن المجمـوعات الاسـلامية نظـمت حمـلات مقاطـعـة لمنتجـات اسـرائيل ....مثل مقاطـعـة المحـلات الكـبيرة لماركس آنـد سـبنسـر كمـا ذكـرت الأخـت رجـاء....لكـن في نفس الوقت كـانت هنـاك حـوادث 11 سـبتمبر تقتل أبريـاء العالم رافعـة شـعارات اسلامية!
ازيك ياريهـان?
مـني
|
Post: #37
Title: Re: يا جماعة وروني ديل بستعملوهم كيف
Author: ragaa makkawi
Date: 02-05-2006, 10:52 AM
Parent: #1
بكري العزيز
النخوة على الرسول بتجي بي اثبات قيمة التسامح الجا بيها الرسول (اليهودي كبة فيه الوسخ مشة فقدوا لمن غاب)
عشان كدة مافي داعي للهمجية والهوس
ولو اصلوا بتحبوا الرسول ودايرين تسمعوا صوتكم للعالم
لي لمن مئات الالاف من الارواح بتزهق ما سمعنا عن نصرتكم
ولا لمن (الدقون ) سرقوا وكتلوا باسم الدين ماشفنا اضعف الايمان
رجاء
|
Post: #38
Title: Re: يا جماعة وروني ديل بستعملوهم كيف
Author: ragaa makkawi
Date: 02-05-2006, 11:14 AM
Parent: #1
الظاهر اننا حنحاول نستفيد من الهوشة دي ونحول المنبر لي قضايا اكثر عمقا
ونسال
موقف المسلمين شنو من حرية الراي والتعبير
علاقة الجريدة الدنماركية بالحكومة الدنماركية شنو علما بانو في البلاد دي الصحف عندها مطلق الحرية
لي نحن ما بندافع عن النبي لمن كانت الحركة الاسلامية بتكتل وبتعذب الملاين وبتسرق وبتكذب باسم النبي
ونواصل
وائل عمر عابدين
|
Post: #39
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-05-2006, 12:08 PM
Parent: #38
العزيزة مني
سلامات ياخي لكن انتي عارفة الناس ديل (جناح المقاطعة من المسلمين ) بتغضب اساسا بدون منطق وبتقاطع بدون نظرة مستقبلية رشيدة ومسئولة عشان كده معشقين طوالي خلف................
|
Post: #41
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-05-2006, 12:43 PM
Parent: #39
رجاء و وائل عمر
ازيكم وكده
الدين عندهم (قطاعي) يعني الواحد اليوم كلو تلقاهو يسب دين ويسكر ويسرق وياكل حق الناس ويعمل في الدنيا دي العشرة وذمتها بالعلانية وبالدس وووووو (حاجات ما بتخلص)
وبعدين يسمع عن ابي فلان بن خالة علان ود عمة هناي انو في صحفي في جريدة شاهد بام عيونو ما يفعله المسلمين باسم الاسلام والاساءات التي لحقت بالدين قام كتب رايه في جريدة يقوم الواحد من ديلك (القلناهم اوائل ) يهيج ويدفق ويخرج الي الشارع شاهرا سلاح المقاطعة لعل هيجته ديك و نبذه لغير المسلمين يشفع له عند الله ورسوله .............
هوي يا ناس جناح المقاطعة اصحوا ودعوا الاستهبال جانبا...............
|
Post: #40
Title: Re: يا جماعة وروني ديل بستعملوهم كيف
Author: saadeldin abdelrahman
Date: 02-05-2006, 12:17 PM
Parent: #1
Quote: اها يا جماعة الخير نقول الحاجات دي كم حبة في اليوم
وقبل الاكل ام بعد المسيرة؟؟؟؟؟؟؟؟؟؟؟؟ |
هي حبة و نص و بعد الصحيان طوالي
----
برضو وجهة نظر
|
Post: #42
Title: Re: يا جماعة وروني ديل بستعملوهم كيف
Author: انعام عبد الحفيظ
Date: 02-05-2006, 12:53 PM
Parent: #1
ريهان والله انا زاتي ماعرفتهم كلهم
لما تعرفي باصي لي 
|
Post: #43
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-05-2006, 01:11 PM
Parent: #42
الاخ سعد الدين
شكرا جزيلا وحنعمل بنصيحتك
انعام
ازييييييك وانشالله اول ما توصلنا معلومات من جناح المقاطعة عن الحاجات دي حنفيدك وربنا المستعان
|
Post: #44
Title: Re: يا جماعة وروني ديل بستعملوهم كيف
Author: Shams eldin Alsanosi
Date: 02-05-2006, 10:41 PM
Parent: #1
العزيزة ريهان الشاذلي
تحياتى مع كثير احتراماتى
احييك علي ابداء رايك بهذه الطريقة الشجاعة لان المقاطعة فى النهاية هي وجهة نظر وليس ركن من اركان الدين لا نستطيع ابداء راينا فيه
فى اعتقادى أن ما يحدث هو موقف سياسي يتدثر غطاء الغيرة علي الرسول الكريم, لهذا لم أتوقف للحظة للتفكير فى تبنى منهج المقاطعة مدخلا لنصرة الدين, وهنا لا يهمنى ان اتى احدهم وافتى بضعف ايمانى او زيليتى للغرب.
مع خالص تقديري
شمس الدين السنوسي
|
Post: #45
Title: Re: يا جماعة وروني ديل بستعملوهم كيف
Author: عبدالرحمن الحلاوي
Date: 02-05-2006, 11:12 PM
Parent: #44
الأخت ريهان
بعد تحية الود والحب : عدم معرفة الشيء لا ينفي وجوده . وكما قال السنوسي أصل المقاطعة نابع من الحب ونحن نعرف من نحب فهو الذي أمرنا بعدم موالاة أهل الكفر وهو الذي عاش على الأسودين ولم يعرف بيته صلى الله عليه وسلم هذه المنتجات ولو أراد الدنيا لأتته طوعاً ولكنه نبي مرسل هادي ونذير وبشير .
|
Post: #46
Title: Re: يا جماعة وروني ديل بستعملوهم كيف
Author: Sana Khalid
Date: 02-05-2006, 11:19 PM
Parent: #1
| Quote: طيب يا سناء يا كريمة ده الانا بعمل فيهو حسة |
لم أكن أسخر منك أو من بقية الأخوات عندما خاطبتكن ب(الأخوات الكريمات)..
بل هذا هو أسلوبي في (أدب الخطاب)..
لكن لو كنت أنت ترين في هذا الخطاب ما يدعوك للسخرية..فكل إناء بما فيه ينضح!!
|
Post: #47
Title: Re: يا جماعة وروني ديل بستعملوهم كيف
Author: Sana Khalid
Date: 02-05-2006, 11:28 PM
Parent: #1
Quote: انا غايتو مؤمنة بانو دي ما طريقة للدفاع عن الرسول او حتي للاحتجاج .
|
أتمنى أن تسهمي جادة في تبادل أفكار بناءة..!!
عن نفسي لا أمانع أبداً أن أتعلم منك أو من أي شخص آخر..
فكرة جديدة..
تجعلني أنجز شيئاً ما بطريقة أفضل..
لماذا لا تطرحي فكرة بديلة..(تساهمين بنفسك في تطبيقها)..
لنصرة الرسول الكريم صلّى الله عليه و سلم..
ما دام الأمر يحوز على شيء من اهتمامك..؟!
|
Post: #48
Title: Re: يا جماعة وروني ديل بستعملوهم كيف
Author: نهال كرار
Date: 02-06-2006, 09:16 AM
Parent: #1
الأخت ريهان
قريت بوستك أكثر من مرة , ومداخلاتك كلها , ما فهمت موقفك شنو من الرسومات المسيئة لرسولنا الكريم ؟؟
هل انت بتسخري من المقاطعة وشايفة ان الأمر ما بستحق ؟
ولو ما كنتي بتعرفي ولا حاجة واحدة من القائمة أعلاه ؟
هل دا معناه ان غيرك ما بعرف أو مالازم يقاطع ؟؟
تفتكري أن الناس كيف لازم تظهر إعتراضها ؟؟
بالشجب والإستنكار وبس يا ترى ؟؟
ولا الحل شنو لو ممكن تهدينا ليه ؟؟
دا طبعا إذا كنت شايفة أن رسم الرسول عليه الصلاة والسلام حرام والسخرية منه حرام
أما لو ما كنت شايفة كدا
فأنسي أسئلتي دي كلها
|
Post: #49
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-06-2006, 12:58 PM
Parent: #48
الاخ شمس الدين شكرا علي المرور والقصة عند جناح المقاطعة هؤلاء لا علاقة لها بالغيرة وكده وفعلا موقف سياسي لا غير
|
Post: #50
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-06-2006, 01:26 PM
Parent: #49
الاخ عبد الرحمن الحلاوي والاخت الكريمة سناء والاخت نهال
تحية طيبة
انا يا جماعة شايفة انو المحرر ده دي وجهة نظرو ومن حقو يعبر عنها ومن حق المسلمين ان يزعلو ومن حقهم انو يردو علي الكلام البزعلهم لكن بشكل موضوعي يعالجو بيهو اصل المشكلة ما يمسكو الطرف القريب ويمرروا خطوطهم عبرو او يتماسكو بيهو ساي
المعالجة للموضوع ذكرتها في احد ردودي في هذا البوست ما عليكم سوي اعادة قرأتها بشكل تاني..........
سناء......
يا زولة اسخر شنو ومن منو وعشان شنو؟؟؟ يا زولة الحكاية مقاطعة ما سخرية.......
نهال....
حاولت ان انسي اسالتك ولكن الكيبورد لم يطاوعني وابت نفسي الا ان ارد عليك...عسي ولعل ان ينقص جناح المقاطعة نفر.............
|
Post: #51
Title: Re: يا جماعة وروني ديل بستعملوهم كيف
Author: saadeldin abdelrahman
Date: 02-06-2006, 07:35 PM
Parent: #1
Quote: الاخ شمس الدين شكرا علي المرور والقصة عند جناح المقاطعة هؤلاء لا علاقة لها
بالغيرة وكده وفعلا موقف سياسي لا غير |
ريهان ازيك
موقفك ده ما موقف بص و لا موقف درامي ولا كوميدي..اتفهم وجهة نظرك و قد
احترمها اذا خرجت بدون تهكم و تبخيس لآراء الآخرين..يعني بي نفس اسلوبك ده
ممكن اجي اقول ليك انتي رايحة ليك شهرة..شفتي إزاي ? لكن النظرة الاحادية
و السخرية ترتد لصاحبها.. على العموم اتفق معك ان هناك من لم يرى هذه
المنتجات و هناك من لم يستعملها..لكن قولي لي بربك اين الموقف السياسي عند
صاحب بقالة افرغ رفوف محله من بضاعة من اساء لمن هو اعز من ابيه و امه
..دي اسمها وقفة لي حقك وان لاتدع مجالا لاحد أن يستهزأ بكرامتك مهما كانت
ثقافته او فكره او حضارته.. و لمن قلت ليك اسلوبك في الطرح ده سلبي و
مرجعنا لي وراء..لأنك لم تقترحي و لم تقدمي بديل ( and this is like turning
the other cheek which we won't approve).. و مع هذا اتمنى ان تذهب البضائع
التي افرغت الى الفقراء من الناس و الى من يستحقها..لأنها الآن ملك لمن اشتراها
قبل المقاطعة..
يا ريهان..العميري الله يرحمو عندو اغنية اسمها لو اعيش زول ليهو قيمة.. اسعد
الناس بي وجودي..سمعتيها ?
تحياتي.
|
Post: #52
Title: Re: يا جماعة وروني ديل بستعملوهم كيف
Author: عماد شمت
Date: 02-06-2006, 09:34 PM
Parent: #51
انا ضد اي استخفاف او اضطهاد او سب اي معتقد ان كان الاسلام او اليهوديه او المسيحيه او اي
معتقد كريم ..وهذا التصرف يعتبر تعدي علي مشاعر المسلمين.
عليهم ان يقاطعوا ويخرجوا في مسيرات سلميه ويعالجوا الامر بطريقه حضاريه ...
ولكن ما فعله المسلمون من حرق وتكسير وطلب الاعتذار من بابا الفاتكان وحرق الكنائس
لهو عين الجهل والتخلف .. ما علاقة البابا وماعلاقة الكنيسه ؟؟؟
وهؤلاء الذين خرجوا في مسيرات كلهم من اتعس الدول, كان الاجدي بهم ان يخرجوا ضد حكوماتهم التي
تركلهم بالاحذيه علي رؤسهم وتقتلهم وتشردهم وتنهب اموالهم.حكوماتهم تحكم بالبطش .. كان عليهم
نصرت اخوانهم في فلسطين .عشرات السنين وماذال المسجد الاقصي يدنس ...
ولي ملاحظه ايضا المسلمون او بالاحري التنظيمات الاسلاميه المتطرفه تسب علنا الاديان الاخري ولم تسلم
الطوائف الاسلاميه الاخري من هذا السب .فلماذا ترضي بسبهم ولا ترضي بسبك
الرصول الكريم لم يسب الناس . بل كان يعامل الناس بالحسني ويقول (ص) جادلهم بالتي هي احسن
تحياتي ريهان
|
Post: #53
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-07-2006, 12:54 PM
Parent: #52
الاخ عماد سلامات
شكرا للمرور وابرازوجهة النظر الشجاعة ...........
|
Post: #54
Title: Re: يا جماعة وروني ديل بستعملوهم كيف
Author: ريهان الريح الشاذلي
Date: 02-07-2006, 01:01 PM
Parent: #52
الاخ سعد الدين التحية لك
Quote: موقفك ده ما موقف بص و لا موقف درامي ولا كوميدي..اتفهم وجهة نظرك و قد
احترمها اذا خرجت بدون تهكم و تبخيس لآراء الآخرين..يعني بي نفس اسلوبك ده
ممكن اجي اقول ليك انتي رايحة ليك شهرة..شفتي إزاي ? لكن النظرة الاحادية
و السخرية ترتد لصاحبها |
للامانة لم اقصد ان اتهكم او اسخر من اراء الغير ولكن مواقف جماعة جناح المقاطعة والمدافعين عنها تثير في شجون.................
QUOTE]يا ريهان..العميري الله يرحمو عندو اغنية اسمها لو اعيش زول ليهو قيمة.. اسعد
الناس بي وجودي..سمعتيها ? |
سمعتها وغنية جميلة وذات معاني ........
|