Post: #1
Title: للمرأة في عيدها ..فير أند لفلي (وشك منور ..مستقبلك منور)
Author: ريهان الريح الشاذلي
Date: 03-03-2007, 10:32 AM
Parent: #0
وشك منور ....مستقبلك منور
تأهيل الفتاة الجامعية للحياة المهنية .................
أ/ثوابت الفير اند لفلي:
1/أن الامم العظيمة تبنيها النساء المتمسحات بالفير اند لفلي.
2/ان كل ما بذله السيد يوسف بدري من جهد في سبيل تعليم المرأة في السودان ما جايب حقو لان فير اند لفلي هو الطريق للمستقبل العظيم .
3/أن كفأة ومهارات النساء وقدراتهن الغير محدودة هو لغو الحديث بعينه لأن التوظيف يعتمد اساسا علي تمسحهن بفير اند لفلي فقط لاغير .
4/أن الحياة المهنية تفتح ابوابها علي مصرعيها امام النساء المتمسحات بفير وتغلقه بحزم وقوة امام الغبشاوات .
5/أن تنوير الوش (الوجه) ينور المستقبل المظلم للنساء.
6/أن فير اند لفلي مدرسة اذا استخدمناها بنينا مستقبل حافل للاجيال القادمة.
7/ جهود كل الحركات النضالية النسائية ذهبت مع الريح مع اكتشاف الفير اند لفلي (تعبو ساااااي).
1/البرنامج المرحلي:
1/ترويج المنتج ليصل لكافة النساء ووضع الخطط لذلك .
2/ التركيز والتشديد علي ان المسحة من الفير اند لفلي لها مفعول السحر في التوظيف.
2/دورة تدريبية في كيفية استخدام العبوة الكبيرة (تؤهلكن لوظائف مرموقة في المؤسسات والشركات العالمية و والخاصة )
3/دورة تدريبية في كيفية استخدام العبوة المتوسطة (تؤهلكن للتوظيف في المؤسسات الحكومية).
4/دورة تدريبية في كيفية استخدام العبوة الصغيرة (تؤهلكن للتوظيف كمدرسات سااااااااااي لأن مسحة واحدة لاتكفي) .
5/ورش تثقيفية عن طريقة الاستخدام وترشيد أستهلاك العبوات .
6/ الاعداد والتخطيط لدخول فير اند لفلي ضمن محاور الصراع في السودان كالثرو ة والسلطة وغيرهم .
|
Post: #2
Title: Re: للمرأة في عيدها ..فير أند لفلي (وشك منور ..مستقبلك منور)
Author: ريهان الريح الشاذلي
Date: 03-03-2007, 10:41 AM
Parent: #1
في ذكري يوم المراة العالمي ومرور مئة عام علي تعليم النساء وبعد كل الجهود المبذولة من اجل اخراج المراة من قمقم المرأة الشكل الخارجي والسمو بها للمرأة الانسان والمرأة العقل ومحاربة كل ما يقف عائقا امام تقدمها وتطورها تأتي هدية فير اند لفلي بهذا الاستفزاز وتكرس للمفاهيم التي تؤمن علي ان (المرأة اذا صلح وجهها صلحت ) .
لست ضد استخدام النساء لكريمات التجميل ولكني ضد وبشدة الترويج للسلع بهذه العبارات التي تهدر كل ما اكتسبته النساء من حقوق عبر ذلك الصراع والطويل والتي اراها بدعايات الفير اند لفلي تهدر بشكل مستفز جدا فالدعايات تختزل كل مسببات توظيف النساء في جمالهن فقط دون وضع اعتبار للشهادات ولا الكفأءات ولا حتي المهارات والمميزات الاخري .
ولدعاية لمن لم يشاهدهها تقول :
فير اند لفلي
تأهيل الفتاة الجامعية للحياة المهنية
وشك منور...مستقبلك منور..
لله درك يا وطن................
|
Post: #3
Title: Re: للمرأة في عيدها ..فير أند لفلي (وشك منور ..مستقبلك منور)
Author: Raja
Date: 03-03-2007, 04:37 PM
Parent: #2
العزيزة ريهان..
سلام ومودة وكل يوم مرأة وإنتي بخير..
موضوعك جميل.. حأرجع ليه بروقان
ودي
|
Post: #4
Title: Re: للمرأة في عيدها ..فير أند لفلي (وشك منور ..مستقبلك منور)
Author: mamkouna
Date: 03-03-2007, 08:37 PM
Parent: #1
عزيزتي ريهان..
يا ستي..المشكلة عالمية..
أي جريدة أو مجلة أو صفحة في النت...بتقول إنو الجمال - للجنسين- يفتح آفاق جديدة..و الوظائف المرموقة تحتاج لموظفات و موظفين..حسُني المظهر.
و جات كمان بعديها الإعلانات العنصرية البغيضة البتقول إنو اللون الفاتح هو اللون الأصلح و الأنجح.و قد حاربتها عدة أقلام نزيهة....لكن... لا حياة لمن تنادي!
يعني لو لاحظتي في كل القنوات الفضائية في إعلان مشترك..تظهر فيهو العارضة خجولة و مكتئبة و متوحدة..حتى تستعمل كريم فاتح للبشرة...فتصبح فجأة...واثقة من نفسها..مرحة...إجتماعية..
و يلللللللا... حِبِي الحياة..حِبِي الحياااااااااااااااااااااة!!
أنا مثلك..أصابتني صدمة كبيرة و أنا أري اللافتة الضخمة التى وٌضعت في شارع المطار و عليها عبارة..
(( وشك منور...مستقبلك منور ))...
ياااااربي...ياها دي...العولمة؟؟!!!!
|
Post: #5
Title: Re: للمرأة في عيدها ..فير أند لفلي (وشك منور ..مستقبلك منور)
Author: ريهان الريح الشاذلي
Date: 03-04-2007, 08:47 AM
Parent: #4
رجاء العزيزة منورانا (بدون فير اند لفلي)
راجينك ترجعي وتورينا رايك لانو اكيد مفيد
ممكونة الغالية وصابرة سلامات ياخي .......
فعلا المشكلة عالمية شديد لكن برضو هي خطيرررررررررة جدا ولابد من محاربتها بشكل او اخر يعني الوكيل بتاع فير اند لفلي ده فتش علي اهم اماكن وختها لافتتاته الجذابة عليها لتلفت الانتباه وهكذا هم يبحثون دوما عن طرق ترويج منتجاتهم بدون الاخذ في الاعتبار لأي شئ.
ولنا عودة ...................
|
Post: #6
Title: Re: للمرأة في عيدها ..فير أند لفلي (وشك منور ..مستقبلك منور)
Author: اساسي
Date: 03-04-2007, 09:17 AM
Parent: #5
علي كدا البتمتلك قنائن الديانا والكيلي وolay غيرها مؤهلة للدكتوراة مع مرتبة الشرف؟
|
Post: #7
Title: Re: للمرأة في عيدها ..فير أند لفلي (وشك منور ..مستقبلك منور)
Author: ريهان الريح الشاذلي
Date: 03-04-2007, 10:27 AM
Parent: #6
أساسي... سلامات وشكرا للمرور
مؤهلة كمان للوظائف امات 2000 دولار واكتر ديلك ...........
|
Post: #8
Title: Re: للمرأة في عيدها ..فير أند لفلي (وشك منور ..مستقبلك منور)
Author: ريهان الريح الشاذلي
Date: 03-11-2007, 11:10 PM
Parent: #7
قد يقتلونك او يبيحو يومك المجنون مشنقة وعارا ليس بعارك ..
انه عار من تربعو صمت النساء...
فقولي لهم ان النساء الصمت قد صرن انفجارا...
كل عام وحواء بلادي عطاء ممتد ، صمود وتفرد ، كل عام وشعبنا الأبي يدا واحدة وقلب واحد وهم واحد مدعوم بالامل في غد أفضل و وطن براح .
|
Post: #9
Title: Re: للمرأة في عيدها ..فير أند لفلي (وشك منور ..مستقبلك منور)
Author: طلال عفيفي
Date: 03-11-2007, 11:21 PM
يعني نفهم من كده :
تفتيح البشرة = تفتيح آفاق المستقبل ؟
والله حاجة غريبة ، هي الوحده لو ما كان مخها صاحي
وجسمها ضارباه الشمس ، تكون جميلة كيف ؟
طبعاً في بنات حلوين ونضاف ولامعين ومصقولي البشرة
لكنة بشعر بيهم عاملين زي لوبيهات الفنادق ، ممكن
يبهروا شويه ، لكن ما بشعر معاهم بالإلفة والسكن ..
عموماً كل زول حر
سلام يا ريهان 
|
Post: #10
Title: Re: للمرأة في عيدها ..فير أند لفلي (وشك منور ..مستقبلك منور)
Author: ريهان الريح الشاذلي
Date: 03-12-2007, 07:07 PM
Parent: #9
Quote: والله حاجة غريبة ، هي الوحده لو ما كان مخها صاحي
وجسمها ضارباه الشمس ، تكون جميلة كيف ؟ |
والله يا طلال مخها صاحي دي اهم حاجة لكن نعمل شنو مع العاوزين يوجهو بناتنا للتهلكة ديل؟؟؟؟؟؟؟
شكرا للمرور وشرفت........
|
Post: #11
Title: Re: للمرأة في عيدها ..فير أند لفلي (وشك منور ..مستقبلك منور)
Author: عاصم ابوبكر حامد
Date: 03-12-2007, 07:13 PM
Parent: #1
امور نسائية ...
الجمال ليس بالكريمات والفير ...
وهذا هراء فقط ...
الجمال جمال النفس قبل كل شئ
|
Post: #12
Title: Re: للمرأة في عيدها ..فير أند لفلي (وشك منور ..مستقبلك منور)
Author: ريهان الريح الشاذلي
Date: 03-12-2007, 09:01 PM
Parent: #11
ابدا يا عاصم انهاامور عامة............
Quote: الجمال ليس بالكريمات والفير ...
وهذا هراء فقط ...
الجمال جمال النفس قبل كل شئ
|
صدقت ..... وشكرا للمرور
|
Post: #13
Title: Re: للمرأة في عيدها ..فير أند لفلي (وشك منور ..مستقبلك منور)
Author: Raja
Date: 03-15-2007, 09:35 PM
Parent: #1
موضوع جميل يجب أن يكون أعلى
|
Post: #14
Title: Re: للمرأة في عيدها ..فير أند لفلي (وشك منور ..مستقبلك منور)
Author: خالد الطيب أحمد
Date: 03-15-2007, 09:50 PM
Parent: #13
والله يا ريهان كلامك حقائق وواقعي جدا..
وللأسف كثيرين عاوزين يقتصر دور المرأة علي كده.
|
Post: #15
Title: Re: للمرأة في عيدها ..فير أند لفلي (وشك منور ..مستقبلك منور)
Author: ريهان الريح الشاذلي
Date: 03-17-2007, 10:48 AM
Parent: #14
شكرا يا رجاء للمرور ومنتظرين اثراءك للحوار....
خالدالطيب
شكرا للمرور انهم من يهابون نهضة النساء
|
Post: #16
Title: Re: للمرأة في عيدها ..فير أند لفلي (وشك منور ..مستقبلك منور)
Author: حبيب نورة
Date: 03-17-2007, 12:06 PM
Parent: #15
ريهان
يا بت أمي فير آند لفلي لزومو شنو؟
أستعملي مجموعة ماكس أحسن ليك
لكن البيوكلير أوعك تقربي منو
قالوا بعمل فشل كلوي
بعيد منك
|
Post: #17
Title: Re: للمرأة في عيدها ..فير أند لفلي (وشك منور ..مستقبلك منور)
Author: ريهان الريح الشاذلي
Date: 03-20-2007, 09:45 AM
Parent: #16
حبيب نورة
سلامات ياخي
والله ياخي البايوكلير ده سمعنا بعنبره في الامراض الجلدية مستشفي الخرطوم لكن الا الشغلاي التاني ده ما سمعنا بيهو لسة.............
|
|