Post: #1
Title: ريهان الريح !!! من يعرفها فليتقدم!!!
Author: سفيان بشير نابرى
Date: 03-14-2006, 02:42 PM
Parent: #0
ريهان الريح ...
سودانية من تراب هذا الوطن ، شابة صغيرة العمر واسعة الرؤى والمعرفة
محاورة زكية ولماحة ، خفيفة العبارة ، ذات صوت واضح المعالم والمخارج
وسليمة النطق ، تُشعرك بالاطمئنان وانت تتعرف عليها اول مرة ، تشعر بانك تعرفها
منذ زمن بعيد ، تعرفت عليها فعلياً فى غضون الاربعة شهور الماضية ، ومنذ تلك اللحظة اشعر انى اعرفها من سنين بعيده ، لبساتطها وتلقائتها وسودانيتها الواضحة ، ولفكرتها
التى تحملها وتتطابق مع شخصيتها وتتماهى معها تماماً.
فى ثانى حوار لى معها ، قالت لى دون مواربة (كعادة الفتاة السودانية) شوف انا مولودة يوم / شهر / سنة / ، ضحكت كثيراً وقلت كعادتى حين يعجبنى شى ( ياسلام ياسلام ياسلام ، سالتنى مالك ياخوى ؟؟؟ قلت لها انتى عارفه يابت ياريهان مافى بت فى عمرك ده او بت سودانية بيسألوها من عمره وطوالى توش كده تقولوا ؟؟؟ قالت لى :- ليه؟؟؟ فسكت ولم اجب
وضحكنا كثيراً وعقبت على حديثى :- والله كلامك صاح يعنى هسى انا مشاتره ؟؟؟!!! قلت لها عليمك الله غايتو لكن دى حاجه غريبه .
اليوم ريهان الريح تكمل ( ) فكل عام كل عام هى بخير.
لها وردة صداقة واحترام وتقدير
ولكل نساء وطنى التجلة والاحترام
والقومة ليك يا وطنى.
|
Post: #2
Title: Re: ريهان الريح !!! من يعرفها فليتقدم!!!
Author: Gafar Bashir
Date: 03-14-2006, 02:49 PM
Parent: #1
أنا لم اراها ولكنني اعرفها
كل سنة وهي طيبة وانت طيب
|
Post: #5
Title: Re: ريهان الريح !!! من يعرفها فليتقدم!!!
Author: ريهان الريح الشاذلي
Date: 03-14-2006, 02:59 PM
Parent: #2
سفييييييييييييييييييان
ياخ شكرا وانت طيب والسودان بالف خير
واتمني ان اكون دوما وابدا عند حسن ظنك
وصراحة كده قلبي كان في يدي تقول عمري كمان جماهيريا
|
Post: #3
Title: Re: ريهان الريح !!! من يعرفها فليتقدم!!!
Author: عبدالكريم الامين احمد
Date: 03-14-2006, 02:52 PM
Parent: #1
انا اول من اتقدم............يا ابوالسيوف..
فريهان صديقة بحجم الوطن...
لها كل اشعار جويس..
ويا بارا يا حسن حوي كل المحاسن والقصيد
|
Post: #4
Title: Re: ريهان الريح !!! من يعرفها فليتقدم!!!
Author: Gafar Bashir
Date: 03-14-2006, 02:54 PM
Parent: #3
اسف يا عبد الكريم ما انتبهت لانك قاعد تكتب ...
واها انا متنازل ليك من الأول ما عندك مشكلة ...
|
Post: #6
Title: Re: ريهان الريح !!! من يعرفها فليتقدم!!!
Author: عبدالكريم الامين احمد
Date: 03-14-2006, 03:01 PM
Parent: #4
تشكر جعفر يا جميل,,,,
تسلم يا زول ولريهان الف شمعة وشمعة
|
Post: #7
Title: Re: ريهان الريح !!! من يعرفها فليتقدم!!!
Author: khaleel
Date: 03-14-2006, 03:05 PM
Parent: #6
ريهان
كل سنة وانتي طيبة
بس عملن لله
عشان ما قاعدة تجي بوستاتنا
|
Post: #8
Title: Re: ريهان الريح !!! من يعرفها فليتقدم!!!
Author: ريهان الريح الشاذلي
Date: 03-14-2006, 03:10 PM
Parent: #6
الاخ جعفر والاخ العزيز عبد الكريم
لكم التحايا الجميلة وكل عام وانتم اطيب وانقي واعظم البشر
وشكرا و.............
لكم الاناشيد الجميلة في طابور الشفع الصباح
..........................................................
|
Post: #9
Title: Re: ريهان الريح !!! من يعرفها فليتقدم!!!
Author: ريهان الريح الشاذلي
Date: 03-14-2006, 03:16 PM
Parent: #8
الاخ خليل
وانت طيب
يا زول انا مصاقرة بوست اليوم الحار -القطة والشول والجديدة( الاسمها زي حلاوة عصاية دي) وبرنامجي الاساسي انو افتتح بيهو المنبر
ومبارية بوست الكمبو
اما بوست بهية فقصتي فيهو طويلة
عموما دمت ودامت بوستاتك
|
Post: #10
Title: Re: ريهان الريح !!! من يعرفها فليتقدم!!!
Author: ثابت محمد
Date: 03-14-2006, 03:33 PM
Parent: #1
صورة ضـوئية عُمرها ( خمسة وعشرون ) عاماً 
ريهان الريح الشاذلي
بارك الله في أيامك
جعل الله آمالك مجســدة بين يديك
كل سنة وإنتي بألف خير
|
Post: #11
Title: Re: ريهان الريح !!! من يعرفها فليتقدم!!!
Author: أبو ساندرا
Date: 03-14-2006, 04:26 PM
Parent: #1
ريهان الريح
رهان رابح
على مهرة حرة وأبية
عقبال تطفي الشمعة المية
|
Post: #12
Title: Re: ريهان الريح !!! من يعرفها فليتقدم!!!
Author: محمد بهنس
Date: 03-14-2006, 04:41 PM
Parent: #11
البوست ده زاتو لماح وعفوي ياسفيان واقول معاك كل سنه وريهان طيبه.
|
Post: #13
Title: Re: ريهان الريح !!! من يعرفها فليتقدم!!!
Author: Moneim Malik
Date: 03-14-2006, 09:20 PM
Parent: #12
الاخ سفيان
تحياتى ولك الود
ولريهان مائة شمعة
ولمن لايعرفها انها حفيدة
الشاذلى الشيخ الريح العضو البرلمان الاتحادى
الصنديد عن دائرة بارا من جهة ابيها وحفيدة
جعفر سيد احمد قريش صاحب شركة التبلدي الهندسيةمن جهة امها
وابنت اخت صديقنا محمد جعفر سكرتير نادى المريخ
وعمها لابيهاالمقدم محمد احمد الريح والذى استشهد
وهو يقاتل طغمة مايو رافضا الاستسلام وهو الوحيد الذى لم يجرد
من رتبته
فهل ازيدكم
ولكم الود
|
Post: #14
Title: Re: ريهان الريح !!! من يعرفها فليتقدم!!!
Author: Hussein Mallasi
Date: 03-15-2006, 01:40 AM
Parent: #13
لا اعرفها شخصياً ؛ و لكن يكفيني ان يكون معاوية الشاذلي
زميلي في الاسكندرية .. لاعرفها.
______
كل سنة و انت طيبة يا ريهان.
|
Post: #15
Title: Re: ريهان الريح !!! من يعرفها فليتقدم!!!
Author: Elmuez
Date: 03-15-2006, 01:42 AM
Parent: #1
هابي بيرث دي ريهـان
! we miss you dear
مني / معز
شكرا سفيان
|
Post: #16
Title: Re: ريهان الريح !!! من يعرفها فليتقدم!!!
Author: gamal elsadig
Date: 03-15-2006, 02:14 AM
Parent: #15
الشقيقة / ريهان
كل سنة وانت طيبة
شكرا سفيان
.
|
Post: #17
Title: Re: ريهان الريح !!! من يعرفها فليتقدم!!!
Author: سفيان بشير نابرى
Date: 03-15-2006, 06:29 AM
Parent: #1
الاخوة والاخوات
جعفر بشير (ابو أمنة)
عبدالكريم محمد
خليل
ثابت محمد
العم عبد الرحمن بركات (ابوساندرا)
محمد حسين (بهنس)
منعم مالك
حسين ملاسى
المعز
جمال الصادق
الف شكر لكم
وريهان انسانة تستحق الاحتفاء بها ومعها مثل غالبية فتياتنا السودانيات
لدى سؤال غالباً ما يحيرنى لماذا يخفين الفتيات السودانيات اعمارهن شانهن شأن كافة فتيات العالم؟؟؟ هل فى الامر شى غريب؟؟؟
ارجوا مع احتفالنا بالنسنة الجديدة لريهان ان نتباحث فى هذا الامر!!!
ملحوظة :-
بحثت عن معنى كلمة ريهان فوجدت لها معنى الاجتهاد والرهان على شى
كذلك وجدت انها تعنى اسم زهرة تنبت فى نهر الامازون
لكم التقدير جميعاً
|
Post: #18
Title: Re: ريهان الريح !!! من يعرفها فليتقدم!!!
Author: أحمد الشايقي
Date: 03-15-2006, 06:37 AM
Parent: #1
الشقيقة ريهـان,
كل عام وانت بخير وسنة حلوة وعمر مديد في طاعة الله وخدمـة الوطن,
شكرا أخي سفيان على التذكر,
وطابت أيامكم
أحمد الشايقي
|
Post: #19
Title: Re: ريهان الريح !!! من يعرفها فليتقدم!!!
Author: saif khalil
Date: 03-15-2006, 08:49 AM
Parent: #1
ريهان
لك المودة
طالما انت ..بت بت جعفر ..اذيعك سرا ارجو ان تحرصي كل الحرص علي كتمانه..وهو انني (سكسكت)..في
عرس (ابوكي)..اوعي تستعملي الcalculator ..وعشان اقرب ليك الحسبة انا اصغر من خالك محمد وعمك
الحاج بخمسة سنوات(لا تكلميهم خلي بيني وبينك)..الغريب في الامر ،انني صديق شخصي لجدك الفخم
،الضخم..المغفور له بأذن الله الشاذلي الشيخ الريح..والاغرب ،كنت ولا زلت صديقا للحاج ومعاوية
وخالك محمدمنذ بارا الغربية..واحمد بخورطقت ومؤخرا اسامة وسنهوري..لهم عبرك وللاسرة الكريمة
صادق تحياتي..وكذلك تلميذتي منال..
وhappy birth to you وعقبال مية سنة..وما شاء الله السناهير معمرين ..ما تخافي..
تحياتي ..ولك كل الود
|
Post: #20
Title: Re: ريهان الريح !!! من يعرفها فليتقدم!!!
Author: عبد الرحمن الشبلي
Date: 03-15-2006, 09:28 AM
Parent: #1
كل عام وانتي
بكل الخير
والقادم افضل
|
Post: #21
Title: Re: ريهان الريح !!! من يعرفها فليتقدم!!!
Author: ريهان الريح الشاذلي
Date: 03-15-2006, 01:36 PM
Parent: #20
الاخ ثابت
وانت بالف صحة وعافية وشايفاك جايب خبري كلو في الصور الضوئية لكن للضمان كده ليس كل ما يكتب بالبروفايل صحيح...........................؟؟
|
Post: #22
Title: Re: ريهان الريح !!! من يعرفها فليتقدم!!!
Author: ريهان الريح الشاذلي
Date: 03-15-2006, 01:46 PM
Parent: #21
الاخ ابو ساندرا
شكرا ياخي وسعيدة جدا لمرورك ولسفيان كل التحايا ولك وردتان.........
|
Post: #24
Title: Re: ريهان الريح !!! من يعرفها فليتقدم!!!
Author: ريهان الريح الشاذلي
Date: 03-15-2006, 02:02 PM
Parent: #22
الاخ محمد بهنس شكرا جزيلا وكل عام وانت الخير
الاخ منعم
سلامات وعوافي وشكرا جزيلا ومن هنا نبعثها تحية صمود ونضال لكل شهداء 19 يوليو
وكم في الخطوة بنلقي شهيد بدمو بيرسم فجر العيد.....................
الاخ حسين
شكر جزيلا وتقبل تحيات معاوية
المعز ومني
ازيكم ومشتاقيين شديد وانتم طيبين ومتعافين ومعانا في السودان...........
الشقيق الرفيع جمال والشقيق الرفيع احمد الشايقي
سلامات وكل سنة وطن وحزب وانتم بخير
سيف خليل
تحية عطرة ما عرفت اقول الاخ ولا العم ولا الجد.......... شايفاك عاصرت الامة كلها للضمان كده حعمل تحريات واعرفك قدر منو فيهم...........
الشاعر العظيم عبد الرحمن
شكرا ياخي وانت طيب وجميع الاهل بابو حراز
|
Post: #23
Title: Re: ريهان الريح !!! من يعرفها فليتقدم!!!
Author: عبد الله عقيد
Date: 03-15-2006, 01:48 PM
Parent: #1
أعرف سفيان وريهان من خلال المنبر
ولذلك
أشكر سفيان
وأهنئ ريهان
happy birth day to you
|
Post: #25
Title: Re: ريهان الريح !!! من يعرفها فليتقدم!!!
Author: ريهان الريح الشاذلي
Date: 03-15-2006, 03:05 PM
Parent: #23
شكرا عبدالله عقيد والتورتة رهيبة
سفيان تحية المساء عارف مرة قريت لي كلا م لي مرأة بتتكلم عن موضوع اخفاء العمر فبتقول
أنو اخفاء السن أو العمر ظاهرة رجولية في الأصل تم إعادة انتاجها في المجتمع من خلال الاكذوبة الكبيرة التي تقول انها ظاهرة نسائية كما هي العادة في ان كل المظاهر السلبية، تلصق بالمرأة لصالح إعلاء شأن الآخر الرجل ، والنساء في العهود القديمة لم يكن في حالة اتصال بالعالم الخارجي فقد كانت هناك عزلة مفروضة حولهن فلم يكن هناك داع أو ضرورة أن تخفي المرأة عمرها كما أن هذه العزلة لم تتح لهن فرصة الكذب التي نتجت من فئة أو نوع الرجال الذين كانوا في حالة اختلاط دائم خارج المنزل ولديهم علاقات متعددة سواء كانت شرعية أو غير شرعية فكان اخفاء العمر منتجا ذكوريا بالضرورة، إذن فإن كل المغالطات التي يفعلها الرجال يسقطونها على النساء بما فيها بعض المغالطات العلمية مثل اخفاء السن من سمات الضعف والمرأة ليست ضعيفة.
انا غايتو شايفة انو اخفاء العمر ظاهرة انسانية بمارسوها الرجال والنساء معا احتمال النسوان مشهورين بها اكتر بفهم انو المرأة بنظرة المجتمع البسيطة ليها عبارة عن شكل وانها علاقة عكسية يكبر العمر يقل الجمال لذلك يسعي المجتمع لسؤال المرأة دوما عن عمرها ليعرفو كم بقي لها لتستمر جميلة .. فنادر في مجتمعنا السوداني ده انو نسمع بانو فلان سال فلان عن عمرو دايما اعمار الرجال تكون في حالة تامين ؟؟؟؟؟؟؟؟
|
Post: #26
Title: Re: ريهان الريح !!! من يعرفها فليتقدم!!!
Author: Tragie Mustafa
Date: 03-15-2006, 03:23 PM
Parent: #25
العزيز سفيان
دائما لماح وحساس تجاه اصدقائك
ربنا يسعدنا بمعرفة الاوفياء مثلك.
العزيزه ريهان
كل عام وانت بخير
وكل عام وبلادي ولاده للرائعات مثلك.
منذ دخولك البورد وانت شابه مميزه وتذكين تعارفنا من خلال الماسنجر.
وبالصدفه كنت سهرانه عند المعز ومنى وباعتبارنا بورداب انا ومعز
تحدثنا عن البورد
وتحدثت عنك باعجاب فما كان منهم الا ان حكوا لي من انت.
وشاهدت معهم شريط زواجهم وكنت به.
كذلك عرفت انك بانك ابنة اخ د. يحي الشاذلي
الذي درسني في النيلين قانون تجاري.
وهو صديق لزوجي حيث درس بالاردن معه في جامعة جرش.
ومعاويه الشاذلي زميلنا بالاسكندريه اخ فاضل.
وطلعت جذورك من بارا التي لم اعرف منها الا كل طيب.
فلك اجمل الامنيات يا غاليه يا بنت الاعزاء.
وليحمل لك العام الجديد كل الفرح و النجاح والسعاده
ويفرح قلبك وقلوبنا جميعا بازاحة الكيزان من السلطه.
محبتي .
تراجي.
|
Post: #27
Title: Re: ريهان الريح !!! من يعرفها فليتقدم!!!
Author: ناصر البطل
Date: 03-15-2006, 03:47 PM
Parent: #1
سنه طيبه يا ريهان
تخريمه:
و كييييييف سعيده؟ 
و جه يقهقه ضاحكا... و بس
|
Post: #28
Title: Re: ريهان الريح !!! من يعرفها فليتقدم!!!
Author: عماد شمت
Date: 03-16-2006, 05:14 PM
Parent: #27
تحيه لك اخ سفيان
ريهان اعرفها من خلال كتاباتها الجريئه, تكتب بصراحه.. وكل ثقه..
اتمني لها حياة سعيده وعافيه دوما...
كل سنة وانت طيبه وعقبال 10000000000000000000000000000000000000 شمعه
|
Post: #29
Title: Re: ريهان الريح !!! من يعرفها فليتقدم!!!
Author: ريهان الريح الشاذلي
Date: 03-17-2006, 12:28 PM
Parent: #28
العزيزة الغالية تراجي
كم جميلا لدي وجودك هنا فشكرا لكي ودمتي ودامت نضالاتك ونضالات نساء بلادي........
ناصرررررررررررررررررررررر.....يا بطل
ازييييييييييك ومشتاقييييييين وشكرا ليك وانت طيب
عموما سعيدة سعيدة بحالتها السعيدة (وجه اكثر سعادة)
الاخ العزيز عماد شمت
وانت طيب وشكرا لي سفيان الجابك لينا ويديك العافية..........
|
Post: #30
Title: Re: ريهان الريح !!! من يعرفها فليتقدم!!!
Author: أبو ساندرا
Date: 03-18-2006, 09:32 AM
Parent: #1
يا ريهان
سفيان الشين ده ليهو كل التحايا
وأنا وردتان بس
ليه ما كل الوردات ؟
زي سفيان ولدي ده
قال أيه؟ قال يا عم.
و ياريهان
بسأل عن بت عمك الشهيد ودالريح
كانت بتشتغل في ديوان المراجع العام
في أوائل التمانينات
بلغيها تحياتي وإحترامي
|
Post: #31
Title: Re: ريهان الريح !!! من يعرفها فليتقدم!!!
Author: ريهان الريح الشاذلي
Date: 03-19-2006, 12:51 PM
Parent: #30
العزيز ابو ساندرا
ليك بدل وردتان مية وردة وواحدة اخري........
ان كنت تقصد منال فهي بخير وعافية ولها تحياتك
|
Post: #32
Title: Re: ريهان الريح !!! من يعرفها فليتقدم!!!
Author: أبو ساندرا
Date: 03-19-2006, 01:53 PM
Parent: #1
أظنها هي
بيضاء
هادئة
رشيقة
في عيونها حزن مقيم وقديم
كانت تعمل في أواسط الثمانينات -إن لم تخني الذاكرة- في ديوان المراجع العام
حدثتني حديث مطول عن والدها البطل الشهيد ودالريح
وكدت أن أبكي عندما قالت هي لم تستمتع بحنانه كثيرآ
تحياتي لها
تحياتي لها
وإنحناءة أمام قبر الشهيد
المجهول
|
Post: #33
Title: Re: ريهان الريح !!! من يعرفها فليتقدم!!!
Author: ريهان الريح الشاذلي
Date: 03-19-2006, 02:38 PM
Parent: #32
نعم هي هادئة ولكني اظنها تحمل ثورة شعب باكمله يترقب يوم التنفيس
الذي سياتي لا ريب..............
ما بقولك لا تسافر سافر السفر البعيد
ما بقولك لا تكاتل ماتو حسة كم شهيد
|
Post: #34
Title: Re: ريهان الريح !!! من يعرفها فليتقدم!!!
Author: منصوري
Date: 03-19-2006, 03:01 PM
Parent: #1
نبارك لها
|
Post: #35
Title: Re: ريهان الريح !!! من يعرفها فليتقدم!!!
Author: خالد عويس
Date: 03-19-2006, 03:47 PM
Parent: #34
مررت لأضع زهرة وشمعة في عيد ميلادك يا ريهان.
وشكرا سفيان
|
Post: #36
Title: Re: ريهان الريح !!! من يعرفها فليتقدم!!!
Author: متوكل بحر
Date: 03-19-2006, 11:01 PM
Parent: #35
ريهان كل سنة وانت طيبة
سفيان بشير بالمناسبة دى انت عمرك كم
لانى بعتقد انك اصغر من جماع بسنة او اثنين
حسب كلام ضحية
|
Post: #37
Title: Re: ريهان الريح !!! من يعرفها فليتقدم!!!
Author: انعام عبد الحفيظ
Date: 03-20-2006, 02:54 AM
Parent: #1
الشقيقة ريهان الشاذلي
كل كل سنة وانتي طيبة
شكرا سفيان
|
Post: #38
Title: Re: ريهان الريح !!! من يعرفها فليتقدم!!!
Author: خدر
Date: 03-20-2006, 03:42 AM
Parent: #37
| Quote: انا غايتو شايفة انو اخفاء العمر ظاهرة انسانية بمارسوها الرجال والنساء معا احتمال النسوان مشهورين بها اكتر بفهم انو المرأة بنظرة المجتمع البسيطة ليها عبارة عن شكل وانها علاقة عكسية يكبر العمر يقل الجمال لذلك يسعي المجتمع لسؤال المرأة دوما عن عمرها ليعرفو كم بقي لها لتستمر جميلة .. فنادر في مجتمعنا السوداني ده انو نسمع بانو فلان سال فلان عن عمرو دايما اعمار الرجال تكون في حالة تامين ؟؟؟؟؟؟؟؟ |
مبروكـ للجندريات تسجيل لاعب جديد
و
كل سنة وانت طيبة يا ريهان
|
Post: #39
Title: Re: ريهان الريح !!! من يعرفها فليتقدم!!!
Author: سفيان بشير نابرى
Date: 03-21-2006, 02:23 AM
Parent: #1
اللــــــــــــه يامتوكل بحر ده كلام ليك ياخ!!!
((سفيان بشير بالمناسبة دى انت عمرك كم
لانى بعتقد انك اصغر من جماع بسنة او اثنين
حسب كلام ضحية )).
شنو يا متوكل ما (دافننو سوى ياخ)) !!!
لو عايز تسأل زول اسأل معروف سند (الافى معنا هنا ده)
متوكل كان ممكن اقوليك أسال (مى) لكن اتزكرته انك فى (حته بعيده)
واحتمال ما ممتواصلين (سمح).
|
Post: #40
Title: Re: ريهان الريح !!! من يعرفها فليتقدم!!!
Author: عبدالكريم الامين احمد
Date: 03-21-2006, 11:48 AM
Parent: #39
فوق....
وسلام يا ريهان...
وتسلم سفيان....
وواحد وعشرين طلقة (لود الريح)....الزول الشجاع
|
Post: #41
Title: Re: ريهان الريح !!! من يعرفها فليتقدم!!!
Author: Tabaldina
Date: 03-21-2006, 11:54 AM
Parent: #1
..
.
ريهان
أسم جميل،
لا أعرفها..!! هل لى أن اتقدم لأحصل
على شرف معرفتها..
كل سنة وأنت طيبة..
تسلم يا نابري؛
مودة
|
|