أمستردام تحتفل بطارق واسمهان ( خدر وبارعة) بالصوره والصوت

بالامس سهرت أمستردام فرحا حتى الصباح بزواج الحلوين الفنان الجميل طارق ابوعبيده ( خدر ) والجميله زوجته أسمهان ( بارعة )

بحضور مجموعة كبيره من بورداب اوربا الغربية وكان فرحا جميلا وحضورا رائعا ونشرككم الافراح عبر هذا البوست المشترك من منزل الفنان المسرحى الجميل منعمشوف ..
عزيز خطاب
نقابى عجوز
عصام جبرالله
بربراوى
وخالد الحاج

الفنانون الذين أحيوا الحفل:-

أنور عبدالرحمن ( أنور أبوغيداء)
عبدالعزيز خطاب ( عزيز )
استيفن أشولا ( مجموعة كوتو )
الفاتح الصادق
أباذر لندن
ضياء الدين ميرغنى ( الطاهر2 )
والموسيقيين
زهير محمد سعيد اكورديون
عثمان محى الدين كمان
الصادق شيخ الدين جيتار
عادل السيد جيتار
اسامه مليجى ايقاع
محمد أبواهيم اورغ
سراج طرمبه








ونواصل

الف مبروك للاخوان خدر والاخت بارعة
وان شاء الله بيت مال وعيال
وعقبال جميع العزابة

مليووون مبروووووك..
و بيت مال و عيال...
كده ياااادوب طارق أبوعبيدة بقى عندو عذر عشان يغيب عن الساحة...
و عقبالي..

طلب خاص جدا :::أها لو الموضوع ده فيهو صوت..نحنا دايرين شغل أنور عبدالرحمن كاااملا غير منقوص!!!!
وده تحريض ضغير كده عشان تنزلو لينا ما غناه في الحفب أو خارج الحفل...

تهانبنا القلبية للعروسين وامنياتي لهم بحياة سعيدة .

مبروك للعروسين
وانساءالله بيت مال وعيال

وعقبالنا يارب
ولاشنو ياخالد؟

نقابي عجوز

التهانى القلبية للعروسين
وبيت مال وعيال
وبالسعادة الدائمة

Tarig & Asmahan



العريس غلبو الصبر وغنى ليلاه



حبايبنا البلجيك الصادق شيخ الدين ( أبومريم) وهاله عرسان المستقبل القريب






عزيز خطاب يبدع غناءا ولحنا



الاستاذ محمد عبدالحميد وابنته داليا ( لقاء الاجيال)

الاخ خالد الحاج تحياتى ومبروك للعرسان لكن بس عندى سوالين
وين اخونا نزار الخواض مالو ما جا العرس نعلو طيب
السوال التانى السبب الخلاك تبيت مع عصام جبرالله شنو
يعنى امستردام دى كلها مالقيت بيت فاضى والله الحكايه
مبيته ومحبوكه
السوال التالت العلب الفى الصوره مع العريس ديل
علب كولا والله عيونى مطششات
مع تحياتى وبالله يا خال ماتزوغ من اى اجابه

مبروك يا خدر وعروستك بارعة..
خالد.. وينك في الصور.. أوعى عايز تعمل زي حنونة في لندن..
لووووووووول

مبارك الزواج ووالله فرحت ليكم من جوة القلب
غايتو دى فاتتنى , لكن برضو ح اجى واعمل للعرسان حفلة كاربة
اها ووين العازفين , لازم تكونو اختو ليهم لقطات
عايزين نشوف كل الناس ديل القدامن نجمة

عبدالعزيز خطاب ( عزيز )
استيفن أشولا ( مجموعة كوتو )
الفاتح الصادق***
أباذر لندن***
ضياء الدين ميرغنى ( الطاهر2 )***
والموسيقيين
زهير محمد سعيد اكورديون***
عثمان محى الدين كمان***
الصادق شيخ الدين جيتار
عادل السيد جيتار***
اسامه مليجى ايقاع************
محمد أبواهيم اورغ*****
سراج طرمبه************************
غايتو كان الناس ديل ماشلتو ليهم لقطات
انا ح ارفع عريضة واطالب بحقوق العازفين
لووووول
لكن انا ليه بس مالقيت حجز عشان اتلمّ معاكم
وبعدين الحاجة البتزعل الجماعة ديل كلهم كانو فى بيت بت اختى
لا انا لاهى مافيشين
كنتو ترسلو لينا طيارة خاصة
لووول
مبارك عليكم ياشباب
ولى عودة

يا سلام يا شباب..

والله ده كلام جميل لشكل؟؟

والعروس صلاة النبى..والعريس عينى بارده..

والصادق شيخ الدين..الحلق ليك منو؟؟ هاهاها..والله فرصه سعيده نشوف وشك مبسوط وعروسك..to be جنبك..تحياتى لهاله..

وبا انور ابوغيداء صلعم...وياحليلك ..ومحمد عبد الحميد بتو قدرو..

والله حاجه مفرحه جدا..

الف مبروك..الف الف مبروك..

وتحياتى لمهندس البوست...ههههههه

ونسيت احى عزيز وياسر مليجى

ونقابى عجوز طلع ما عجوز..

الكل الكل..بالله تحياتنا للكل..

الفنانة الرائعة تماضر
التحية ليك افتقدناك طبعانقابي عجوز بنكف بيها العين ههههههههههههها

مرحب تماضر معاك منعمشوف وعزيز خطاب وخالد الطاهر وخالد الحاج ونقابى عجوز وهاله
مازلنا ف منزل الاخ منعمشوف فى أمستردام ونشكرك على انطباعاتك الجميله
ولك منا جميعا أجمل تحية
وتحية خاصة من هاله
أخوك المحب الصادق
تحياتى للحلوين

خال الحاج
الف مبروك للعروسين وربنا يسعدهم
بالله يا خالد الحاج سلام امانة للاخ عثمان محي الدين
مع كل الشكر

الف مبروك للعروسين وانشاء الله بيت مال وعيال ويا لروعة العرس السوداني وتلاقي الاحبة في بلاد الغربة لتكتمل الفرحة وتعم حتى تصل إلى الجزور في ارض السودان الحبيب وانشاء الله عقبال باقي الاخوان الذين لم يتشرفوا بدخول القفص الذهبي بعد وتاني مبروك

وليد

ألف مبروك للعروسين طارق وأسمهان "خدر وبارعة".. وألف شكر لك يا خالد الحاج..

وعقبالك يا الصادق شيخ الدين.. ولحد الوكت داك الحلاقة بتكون اتصلحت يا تماضر..

alf mabroook lil irsan, i wish if i was there, it is a long time since i have met with many of those who came to the wedding, i wish if i was there to see them all,
Khidder izaik, kulak shabab ya zul ya ragi why saying "nagabi ajouz"

all the best to Tariq and Bara......
from Adil Gasmelkhalig Ibrahim

الحاج/ محمد الشيخ..
آمين يا رب..ولازم يعني لازم نحضر..

ود الجعلي..
(1) نزار الخواض ما شفتو والله وما متأكد جا ولا لا
(2) كنت بايت في بيت أخونا خالد الطاهر وعندي شهود
نقابي عجوز وعصام طه.وصاحبك عصام كان مع منعموش.
(3) العلب كوكا كولا وعيونك سمحات ماشاء الله عليهن..

رجا..
قاعد يا رجاء كدي فتشي كويس لكن عموما كنت مشغول بالتصوير.

أسعد أبراهيم ..
يوصل إن شاء الله.

ياسر الشريف..
الله يديك العافية يا إبن عمي ، وأيه الدنيا غير لمة ناس في خير.........

سمندلاوي...
حقيقي كانت بس فاقداك الفرقة رقصت حتي العجايز وأبدعت..

بصراحة كدا دى اجمل لقطة للفنان دا

والتحية والشوق لى الصادق (شوبو) وينك انت يافردة

ودى كمان حلوة حلوة حلوة
تشكر ياود الحاج
المزيد المزيد

تماضر بت الشيخ..
ياه الناس دي حلوة بشكل..وكان الفرح فوق طاقة إحتمالنا..
وناس بلجيكية منقة بس

مانديلا..
لك هذا ووعد من أخوك تسمع قريب للمبدع بحق أنور عبد الرحمن..

كديس..
فاتتك..والله فاتتك..

الصور جميلة ياخالد الحاج
لم استمع للصوت لان الاسبيكرس لايعملان

صديقى الحبيب .. أخى الفنان سمندلاوى
أيها الجميل والله كنا نفتقدك بشدة وكان مكانك شاغرا والاخ الجميل الصديق عثمان محى الدين كانت حنينته تسأل عن رفيقة لها
سنعيد شريط الحفل فى مناسبات كثيره قادمة ولن يكون مكانك كما كان بالامس
كان الاحساس جميلا والغناء أجمل والفرح فوق الاحتمال
أشكر لك رفع إحساسى المتسامى أبدا بتشجيع من هم فى قامتك والصوره للفنان منعم شوف كما أن الاولى برفقة زوجتى سحر والاستاذ محمد عبدالحميد والاخ الاستاذ عصام جبرالله من كمرة المبدع الذى غمرنا بالروعة الاخ الجميل خالد الحاج
طالب العريس بالحاح شديد أن يرسل لك نسخة من شريط الفديو لأنه صور بأيادى متخصصة وأخراج رفيع المستوى وأنا ومنعمشوف بندعم طلبك بالمتابعة
سلامنا للحلوين يارائع

مبروك لخدر وأسمهان
تمام تمام ياناس هولندا

صور الموسيقيين يا سمندلاوى
ثم بعدين يا أبو النسب أنا قلت ليك
أرسل ليك عجلتى قلت لى البرد والسقط وبنزلق فى التلج لووووووووول

اها أشوفك بتعرف الناس ديل













لو ما إذكّرتهم بقول ليك أساميهم

ألف مبروك للعروسين طارق وأسمهان "خدر وبارعة" وبيت مال وعيال

الله يطراك بالخير يا خالد الحاج
والله قمة الابداع ..... التصوير الفوتوغرافي ..... التعبير ..... الصورة ..... الكلام بدون صوت ( وآيه الدنيا غير لمة ناس في خير والله لا جاب الحزن) يارب قول آمين يا خالد اللهم اجعل ايامنا كلها افراح

وليد احمد

مبروك ألف مبروك للجميلين خدر وبارعة
بيت مال وعيال وسعادة وهناء
الصورة تحكي عن مناسبة جميلة وفرح بهيج
أرجو أن تستمر حياتكم كلها بهجة وسرور

والله يا شباب شهيتونا العرس ،
بالله شوفوا السودانيين ديل ، يتولدوا سودانيين ، ويعيشوا سودانيين ، يارب يظلوا سودانيين لي حد آخر العمر ،، وسودانا فوووووق
مبروك لبارعة وخضر

[B]ايوووووووووويا

والله فرحت ليكم والف مبروك للعروسين
والله غربتكم دي ما غربة
تعالوا شوفوا الغربة الجد عندنا
انتوا عايشين
ونحنا دايشين
ناس تاكل شيه بالسيخ
وناس بالسيخة مفلوقةوتقولي كوكا كولا
اللهم لا حسد
بعدين يا خالد
البغنوا في الصورة الرابعة من اعلي
ديل مبارك حسن بركات ومعاه صديق المجتبي
وعاوز اشوف واعرف بربراوي دا منو
مع اجمل الأمنيات

طبعا يا منعم وخالد يوم شكركم ما يجي
ويا منعم غايتو ربة وفاتتنى

بخيت وزين وعديل للعرسان

بختك يا خالد كاتلين البهجات على ضفاف الأمستل براكم


مبروك، وانشاء الله بالخير والسعادة

أبوذر

صدقدق حبيبى..شكرا على تحياتك الحلوه..

ويا ماجده كفاك اطردى الشبيبه دى من بيتك..بكسروا ليك ضهرك..ولا شغليهم..قبل ما يشغلوك..

لكم الحب جميعا..وانا لميت الشفع قلت ليهم تعالوا شوفو..البورداب بعرسوا...كيف و عروس الصادق..وقالو حلوه..


وطبعا اليومين ديل معانا اميمه..لزيارة البيبى الجديد ايسر..مشرف
وهل قمت بالواجب..قينا يختص بالوصيه؟؟

لك وللجميع الحب الكبير..ومتعمشوف الله يصبركم على البلاوى المعاك دى..ههههههه

الفنانه الرائعة تماضر
منعم جمل شيل ماهو فنان وانا مشيت منو من امبارح

شفتو كيف؟؟

لكن وفرت..!! هههههه

العزيز باش مهندس بكري..
تشكر يا زعيم..

زمراوي..
هو جنس غنا وهو جنس رقيص..

أحمد أمين..
يعني Rayan Air وقفت رحلاتها يا أحمد
يومين كانو حيعملو ليكم شنو إنت وود إسحق وفردة وأبا يزيد
ونقد ..والله كانت ناقصاكم..

الشريف..
طبعا كنت معانا وأنا لافي أسأل الناس عن طارق محمد عبد الله ويظهر الزول ده
مافي في هولندا وما نسيت والله يا شريف.

وليد 399 ...
ويجعل أيامك أحلي وأروع وتشكر للكلام الطيب.

ود قاسم..
وعقبال أخوك كمان
والله يا ود قاسم نشمها كدحة دي تاني ما خلاص القطر صفر.

أحمد حنين..
يا أبو حميد الغربة حاصلة لكن لمة الناس الحلوة
بتخلي الجراح تلتئم وطعم الغربة أقل مرارة. أما بربراوي
فدي عضو بورد قديم لكن الكسل كاتلو.

عالية عوض..
والله يوم ما بتحكي وصدقيني حتي بعد الصور دي كلها
الفرح والبهجة وروعة الناس الحلا..قصة ما بعدها.

المطر..
مرسل لك برميل أمستل محبة

يا سلالالالالالالالالام يا طارق
الف الف مبرووووووووووووك
وان شاء الله بيت مال وعيال
والفرح عندكم
حقيقى سعيد بمشاهدت كل الاخوان وربنا يحفظهم
تجياتى للجميع

يا سلام
العرس ده انتو متاكدين أنو في امستردام !!!!!!!!
يكون ناقص من عرس السودان شنو ؟
اللهم إلا بندقية ساعة العقد

الف الف مبروك

شكرا ياخالد
والله خليتنا حاضرين عديل

Quote: ياخدر وبارعه عقبال البكاري الله عليكم حلوين

العزيز حمزة..
مبروك لي صاحبك والله شهانا في العرس

ديامي قريبي..
تعرف العرس كان ناقص شنو..
شكلة كاربة بس ويبقي عرس سوداني 100%

العزيز الموصلي..
ليتك كنت معنا..وكان الفرح بيكم يكتمل

الصور حلوة جدا يا أستاذ خالد،جعل الله ايامكم داءما افراح،ومبروك للعروسين

الف مبروك طارق واسمهان منورين البورد شباب زي الورد. والله رافع القدم ما قال ليها كوني هناك. تعرف هناء متوعكه شويه وبقيت انا ماسك الشفع وامهم ذاتها. المهم حا نجي في السمايه انشاء الله بس بعد زمن كده اوع تورط بي سرعه في الاطفال. لكن رغم كده بيت مال وعيال.... وبالرفاء والبنين .وتحياتي لكل الناس الما لاقيناهم منعم شوف. الصادق شيخ الدين وينك انت . اسامه مليجي وعثمان محي الدين الجابك البلد دي شنو ومن متين مؤقت ولا دايم الدايم الله. عبد العزيز خطاب التحايا للجميع.

وليد يوسف

طارق واسمهان
الف مبروك
وربنا يديم عليكم نعمة السعادة ويجعل ايامكم كلها افراح يا رب

خالد
شكرا" ليك
عيشتنا الحفلة بحذافيرها

الف مبروك للعروسين
بيت مال وعيال انشاء الله
وصور زى الورد ... تسلم يالخال

thanks Khalid el hag, i'll be back later

realy it was great night met like those guys,1st of all 1000 mabrook 2Khedr and Bara`a
the full moon was that night any realy i waana write more abt it but unfortuently i have no arabic keyboard, thax khalid.

الخال والله ما بتقصر

والله الواحد حسدكم عديل كده على اللمة والبسطة دي

والف مبروك للعروسين وان شاء الله بيت مال وعيال


العزيز عزيز

غايتو المرة الجاية لو ماعملت لينا حفلة كاربة هنا ما بنخليك تمشي

وبعدين الزول الكن بسالك منه ما هو واقف جنبك (نقابي عجوز)

تعرف يا خالد

انا المحيرني في الصور دي كلها

عصام جبرالله ونقابي عجوز بسم الله ماشاء الله عيني باردة



انا ما داير احلف ساكت لكن عليك الله يا خالد الناس ديل ما صبغين

الأعزاء..
Manubia ...
هالة قوتة..
أبو مهند..
شكرا لكم مشاركتنا أفراحنا..وربنا يديم المودة..ويا هالة يعني لو جبتوا الخواجية وجيتوا مش كان بيكون أجمل.

أبو مريم..
حمدا لله علي السلامة أرجوا أن تكونوا وصلتوا بالسلامة
مع التعب الشديد الكان حاصل..شايفك دخلت بدون مشاكل

ياسر حنا..
الجماعة ما عارفهم والله لكن عصام بأكد ليك الموضوع ما فيهو صبغة والزول لسة شباب أم النقابي العجوز فدا أسألوا في المسنجر الله بلا حليفة قاعد يكتل

مبروووووووووووووووك خدر وبارعة
شكراً ياخالد .. لكن بوستك يغيظ . ويوقظ الامنيات كلها دفعة واحدة
عقبالنا ان شاء الله .

كيفك خالد شمارات

الاخ طارق(خدر) والاخت بارعة
الف مبروك
والاماني لكم بحياة زوجية هانئة
نهار

يا سلام يا سلام

الف الف مبروك العزيز طارق والعزيزة اسمهان

بيت مال وعيال


خالد تسلم علي النقل المباشر والله يخدر ضراعك


تنقو

التهاني القلبية للعروسين
وبيت مال وعيال إن شاء الله
وربنا يجعل أيامكم كلها أفراح

الف الف مبروك الاخ الفنان طارق ولاخت اسمهان
انشاء الله بيت مال وعيال وربنا يحفظكم ويخليمك
والف شكر للقايمين على امر الحفل والله مجهودكم واضح
الواحد عرس فى الخرطوم عديل وشايف ناس انور والصاديق
عرقهم منقط ياربى (يكون من شنو ؟) والخوان عبد العزيز
واسامه وعثمان والبقيه والله الواحد كان يتمنى يكون معاكم
لكن فى السمايه انشاء الله وربنا يديم الافراح
تحيات للكل وكل سنه وافراحكم بره

الف مبروك للشباب

مبروك لـ خدر وبارعة
وعقبال البكاري

وشكرا ليك كتير يا أبا
دايماً بتنقلنا إلى حيث الفرح
وللمناسبة ، سلّم لي على عثمان محي الدين
فهو زميل دراسة في كوستي الأهلية
وكمان ناصر عمر ناصر ، وأظنني لمحته في إحدى الصور
وهو زميل دراسة في المغرب
تحياتي لك وللكل يا أبا

الف الف مبروك الرائع طارق...والعروسة اسمهان....ربنا يهنيكم ببعض ويديكم العافية...
لكن الظاهر انو هولندا سوف تصبح ولاية سودانية

مبروك مره تانيه و الف لاسمهان وطارق
شكرآ لشباب وشابات وعجائز وعجوزات هولندا على كرم الضيافه و اللطافه
وبالفعل افتقدنا كثير من الاصدقاء والصديقات.. من المفاجئات الممتعه والجميله حضور صديقنا ابوبكر عثمان للحفل عن طريق الصدفه وهو كان فى كورس و راجع الخرطوم ..ايضآ مقابلة ماجد الكج بعد سنوات طويله ومقابلة خالد الحاج و منعمشوف ومجيد والكارثه براكا و عزيز ومامون و عصام تربيه و الرئيس غير المتوج لهولندا ميسره والنوبى الحميم محمد عبدالحميد وخدر الشاب و مليجى وزهير وانور خالد الطاهر وعدد اخر من الناس اللطيفه

يا ياسر حنا ما تغشك المظاهر,من بره هلاهلا ومن جوه يعلم الله...شيب مافى و لا صلعه,دى اسمها ميتة القلب ودى ما اى زول بقدر عليها,موهبه من الله,او ممكن تجيك من محن الزمن ومصايبو كان كترت عليك بتلحقنى,طالما عندك شيب فمعناها انك طبيعى,اخونا ميسره محمد صالح و لا نقطه بيضا فى شعرو مافى,اها رأيك شنو؟؟ او اتبع حكمة احد الاعمام "يا ولدى مهما حصل ليك حاول حافظ على قلبك اخضر "

Quote: عصام جبرالله ونقابي عجوز بسم الله ماشاء الله عيني باردة

كتر لينا فى ما شاء الله دى
تحايا وسلام للجميع

شكرا عزيزنا خالد ولكم منا أحر التهاني القلبية للعروسين وبيت مال وعيال إن شاء الله
وربنا يجعل أيامكم كلها أفراح وسعادة .

خالد ابا

نقابي عجوز ده ما يغشكم هراش ساكت والله هرشو ده ما فايت طرف لسانه
الزول ده من جوه قلبه ابيض من اللبن انت بس شوف ضحكته دي بس ضحكة الطفل الغرير
والله انا حاسدكم عديل كده، اولا على عدم الشيب وبعدين معاكم نقابي عجوز تعرف الزول زاتو الشايل هموم الناس وهمه العنده غالبو يشيله، رغم مشاغله وهمومه الكتيره لكن كان شايل هم ناس مسقط ديل كبيرهم وصغيرهم لا بكل لا بمل بس الله يدوه الصحة والعافية وطولة العمر ويبعد عنه الشيب

ود جبرالله
قلت لي ميسرة برضو ما شيب بالله تحياتي الحارة ليه، وكان كدي زي ما قال لي الخال قبل كده انا قطري صفر ساكت، تعرف فبل كده مشيت اودي المره عشان تتطلع رخصة تعليم السياقة (السواقة) فقام العسكري سالني قال لي دي بتك؟ طبعا هي تكيفت كيف و تضحك ساكت وما خلت زول ما حكتها لي وانا عايز اموت من الزعل

وان شاء الله ربنا يديك الصحة والعافية والعمر المديد، قول آمين

لكم التحايا اعزائي

مبروووووووووووووووووووووووووك للعرسان
وبيت مال وعيال
الاحباء المرابطين لكم الشكر وانتم توصلونا بما فقدناه لبعض الملامح
تعرف يامنعم لقيت نفسي بقيف على حيلي وببشر على طارق في الشايلنو فيها اتخيلتهم جايين علي شفت الحال الوصلناه ياصديق.
سؤال برى كان جيناكم بتعرسو لينا كده؟
لكم الفرح وابشروووووووووووووووووووو ياشباب
فيصل عباس

يا للروعة
يا للجمال
ألف مبروك للعروسين
ونقول ليهم بيت مال عيال
والله يا خالد الحاج ما قصرت تب معانا نحن سكان صحراء نجد القاحلة.
والتحية عبرك لكل الشباب الحلوين ديل
ويا ريت تنزل لينا حاجة للحبيب الفاتح الصادق
وطبعاً أنور عبد الرحمن أكيد ما قصّر
ربنا يديه ويديكم العافية

مبروووووووووووووووووووووووووك للعرسان
وبيت مال وعيال

تراث الجميل..
اللهم آمين..بس إنت أبدأ وأنا بي وراك

نقابي عجوز..
الزول حلفني أسوي شنو أنا يعني أكذب.

خالد تنقو..
الله يديك العافية يا زول يا زين..

السمندل...
تسلم وتوصل تحاياك..

democracy
ليك مليون تحية وشكر.

ياسر حنا..
صاحبك أنا عارفو راجل طيب لكن نسوي شنو الكبر حصل

بهاء بكري ..
تعال وخلي الباقي علي خالك..

إسماعيل وراق..
سلام للناس الجميلة ..يحصل إن شاء الله بس الفاتح يمدنا بالتسجيل.

هووووووووووووووي ياخالد
شنو الامين وانت ابدأ وانا بحصلك ؟
انت فهمت شنو ؟

الزول دا قال ليك و

Quote: يوقظ الامنيات

الامنيات دي جمع اماني
اليلة عاد ياني البشد لي سلك عديل كدي لاماني
وشوفك ليك بت خالد الطاهر بيت فيهو


العرسان
الف مبروك تاني

شفتي يا بارعة جنس محن الرجال دي ؟
ابقى فاااااااااااالحة عاد

جندرية..
يا زولة الحكاية شنو غلبك الراجل جيتي تأدبيني أنا
أنا والله بهظر والموضوع ده ما تجيبي سيرتو للحكومة حقتي
الأمانة لله عثمان متلقي حجج.وبارعة ما تدخليها في الفلم ده
الزولة لسة جديدة وطارق أخوي ما حمل ده كلو خففي يدك
الله يجازيك يا تراث إنت لسانك ده ما بتقدر عليهو

الف مبروك خدر و بارعة
بيت مال و عيال
الصور سمحات بالحيل
لكن مش تنتظرونا لما نرجع من البلد البعيدة دي عشان نحضر معاكم؟؟

خيرها بغيرها
اقصد نجي في السماية
فهمت يا خالد الحاج؟؟

الف الف مبروك يا طارق ويا اسمهان

ان شاءالله يدوم السعد وبيت مال وعيال

يا اخوانا الف مبروك....

والبركة في الشوفة...يامنعمشوف..

مجيد حسن ياحليلك..انور ابوغيدا..

الصادق شيخ الدين ..عماد براكة..

محمد عبد الحميد...وداليا..وين حوا

فتتشت لى الهام قمر..شديد...

وعيني بارده يا اسمهان وطارق....

والام رهيبة...بختكم..امكم وجاتكم

وابوكم زاتو جا...ربنا يدوم الاافراح

وشكرا... شكرا..شكرا..ياخالد الحاج

وربنا يديك العافية يا نقابي يا ما عجوز

الفنانة المبدعة مريم
شكرا علي القصيدة الرائعة وربنا يخليكي ويديك العافية ونفرح بافراحكم

الاخ ياسر
يديك العافية ويخلي لي اولادك والله انت الشباب كله لكن تعمل شنو مع ناس خلفان ديل يشيبو الحجر انا معرفتاها وهربت قبال مااخرف


ودجبرالله انشاء الله نفرح بيك قريب انا كلمته ليك ابو الفى بالك لم الفكه

حاسد الحاج الله يديك العافية

يديك العافية يا خالد و مليون مبروك لطارق و اسمهان وعقبال العذابة و بيني و بينك يا خالد الواحد فينا معشر المتزوجين لمن يشوف ليه عرس بتحرق شديد لانو بيكون قطارو فات و غنايو مات يعني كان فكرت تزوج البتعمل في اول عرسه ما بتكرر ولاشنو يا ابو الخلد ،، اوعي المدام تكون جنبك ،،
تحياتي لك و الاسرة .

تفورو البطن عديييييييل كدي

بيت مال وعيال يا خدر وبارعة

الفرح الزي دا نادر ربنا يديمه عليكم

ألف ألف مبرووووووووووووووووووك
الاخ العزيز طارق والى العروس الجميل أسمهان وبيت مال وعيال0000
منعشوف عليك الله وصل التهانى فى رقبتك

صور حلوة بالجد كده و الربه عندكم يا ناس هولندا
و مبروك تاني للعروس و العريس

العزيزة حنينة..
ما قلنا ليكم تعالوأ
قلتي أل قوتة والإمتحانات أها في السماية بنرجاكم
بس إن شاء ما تمرقيها في أستراليا

أم درمان..
عقبالك وكان عملتها إن شاء تدبل مع أخوك تراث ومعاي


ندا أمين..
ربة ولا كل الربات والله أنا لي عشرين سنة ما رقصت إلا في عرس طارق وأسمهان
ولما أنور غني أغنية سيرة ظهروا الجعلين وهاك يا عرضة وخبيت في الأرضية الخشب
والغريبة في ناس لابسة بدل (فل سوت) وديل طبعا جعليين أمستردام بس ما كان في
سوط عنج ساكت كان (البطان) ما يديكي الدرب .

1000 1000 1000

مبروك للعرسان وعقبال البكاري


وياخالد البث الحى كان جميل والاغنية روعة فى الخلفية

يا خالد وين صديقىنا و حبيبنا الشاعر عثمان حامد وعليك الله شوف الايميل بتاعك رسلت ليك حاجة مهمة فيه

العزيز بكري..
عثمان حامد والعقبال عندك في السودان أجازة بعد 15 سنة غربة
وكان فرحان بقدر ما هو متهيب التجربة ومنال بقت ليهو في رقبتو
أخيرا رضخ وعملها تمنياتنا له بأجازة سعيدة..

الإيميل وصل وسأقوم بالواجب فورا..
تحياتي للأسرة الكريمة

الف مبروك للعرسان
طارق واسمهان

وياخالد يقصر الملح من الملاح

الأعزاء..
ود العباسية..
عثمان حمد..
عقبالكم إن شاء الله والربة خلوها علي العجايز
ويا عثمان حمد الريدة الكتير بتكتل القلب شد حيلك

للاعزاء طارق واسمهان كل المنى بدوام السعادة والرضى
زواج مبارك وسعادة مقيمة باذن الله


وبعد كدة ... يا خالد الحاج الزول الشايل العريس الاسمو عبد المجيد دة بالله قول ليهو حسن الشيخ ( ازرق ) بسلم عليك شديد شديد .. اوكي يا حبوب

وبعد كدة تاني... شكرا ليك كتير يا خالد


لك التحايا والاحترام

العرسان
طارق وأسمهان

مبروك تقدمكم وتبراكم

وبيت عيال وستره ومال

الف مبروك خدر و بارعة
بيت مال و عيال..

مليون مبروك خدر مليون مبروك بارعه
بيت مال وعيال انشاء الله

الباشمهندس خالد الحاج
الحاجات الحلوة ليك ولى الممثل
والاستاذ منعمشوف
اليوم كان رائع بحق وقالوا
الجواب يكفيك عنوانو
الصور جميلة وهى تتحدث عن روعة ذاك
اليوم الامستردامى الفرايحى
شكراً للحضور من كل الانحاء وشكراً
للبورداب جميعاً كنا نتمنى ان
يكون المنبر هناك جميعه

الفاتح الصادق

شباب نكتب ليكم من انتورب (بلجيكا)
تهانينا مرة تانية للعروسين،
وشكر خاص ل
خالد الحاج للصور الرائعة دي.
عبدالمنعم لحسن الاستقبال...
اسامه، عادل، عثمان وعازف الكيبورد على العزف الجميل....
انور،عزيز,ابوذر و الفاتح على الغناء و طبعأ العريس كمان..
عماد و مجيد على التقديم والبرمجه العامه..
والحلقه ح تصلح قبل عرسنا بكل تاكيد لاننا ما ح نعرس قبل كده..
عمر بانقا لك التحايا و للاسرة، العرق ده من الزحمه يا رجل،
وشكر خاص لاحمد

هاله و صادق..
bye

وين باقي ياخالد ومنعم عايزين تعملو ليكم معرض اني احتج

الف مبروك طارق و اسمهان
انشاء الله بيت مال و عيال

نقابي يا عجوووووز
دي صور جديدة

خالد العزيز
دائما مصدر فرح وبهجة
نضر الله ايامك
بس عندي سؤال ّ! الغنوة المصاحبة البوست دة (يا طير يا ماشي لي اهلنا) ده منو البغني فيها الحنين ده؟ لانو متغالطين فيها انا وخالد الطيب؟ خالد الطيب واقفة في صفو زوجته ونحن متششارطين يلا خليك حكم وقول البغني فيها ده منو؟
مع تحياتي مطالبتي بالمحايدة

العزيزة أم سهي..
تحياتي ليك ولخالد الطيب والمدام..
الأغنية بصوت المبدع طارق أبو عبيدة (العريس)
ولو فيها جايزة أمرقوا لي حقي برة..
وأهديكم مجموعة من أغنيات أخونا طارق
أضغطوا اللنك :
http://www.tabatpeople.com/songs/sudan/tariq/


ست البنات..
ليك مني ألف تحية
وتشكري كتير علي كلماتك الطيبة
ربنا يدينا القدرة نكون عند حسن الظن.

تحياتى ,
وألف مبروك للعروسين وبيت مال وعيال وجهاد !!!
والله يخليك يا خالد الحاج الخليتنا نشوف ناس حواء بشير ومحمد عبد الحميد والزهرة والكتوف الأتلاحقت ما شاء الله , وتنسمنا أخبار الأخ عصام جبر الله والشباب الظريف فى هولندا .
وبقترح ندى جائزة المنبر ونوبل للأخ النشيط خالد الذى لا يضاهى نشاطه نشاط أحد و وشكرآ خالد اذ اتيتنا دومآ بأحبابنا فى مشارق الأرض والمغارب ....
ست البنات .

الف مبروك ليكم وعقبال لعزابة البورد وبيت مال وعيال انشاء الله

ود الحاج انكت الصور ومنعمشوف عمل نايم عايز يعمل لية معرض لكن وين الا في امريكا

العروس و طارق
مليون و نص مبروك و بيت مال كتير و عيال

يا شباب والله فرحتونا و بكيتونا و حسستونا انو السودان
كوووووووووووووووووووووووووووووولو اهلنا
العرس كان لذيذ بوجودكم
و نحن لذيذين لانو انتو اصحابنا
شوكرن خالص ليكم

....
يا اسمهان عاوزة تكتبي حاجة لي ناس البورد
....
طبعا ما ردت عليّ و بدينا مسلسل الطناش
طارق

لكن نحن لى حسه مردخين من البوست..


فما بالك بالحضروا العرس زاتهم..


؟؟؟



شغل جميل والله..والف مبروك..

يا اسمهان عاوزة تكتبي حاجة لي ناس البورد
....
طبعا ما ردت عليّ و بدينا مسلسل الطناش

اها ماقلت ليك

يا اسمهان عاوزة تكتبي حاجة لي ناس البورد
....
طبعا ما ردت عليّ و بدينا مسلسل الطناش

اها ماقلت ليك