Post: #2
Title: Re: شريط أحمد ربشة(خمسة أغنيات)
Author: Tumadir
Date: 02-21-2004, 10:12 PM
Parent: #1
sit back, get some pop corn, listen and observe the wonders of khalid alhaj
oh boy!! oh boy
well, thanks
|
Post: #3
Title: Re: شريط أحمد ربشة(خمسة أغنيات)
Author: خالد الحاج
Date: 02-21-2004, 10:16 PM
Parent: #2
تسلمي يابت الشيخ
ولو كنت عارف بيفرحوكي يعلم الله
كنت عملتهم من أول أمس..
|
Post: #4
Title: Re: شريط أحمد ربشة(خمسة أغنيات)
Author: الطيب بشير
Date: 02-21-2004, 10:25 PM
Parent: #3
خالد الحاج
غنا جمبل
و إنت جمبل
و تماضر جميلة
أنا ذاتي جنبكم أبدو مختلف
شكرنا أرتال
يعني رتلين و وقيتين
|
Post: #5
Title: Re: شريط أحمد ربشة(خمسة أغنيات)
Author: خالد الحاج
Date: 02-21-2004, 10:30 PM
Parent: #4
الطيب بشير..
تشكر وإنت زاتك جمبل..
بالمناسبة جمبل يعني شنو
غايتو كان قاصد جميل تبقي أبتني كلو كلو
مرتين جمبل ولما جات عند تماضر بقت جميلة
شفت كيف..
وليك أرتال محبة
|
Post: #6
Title: Re: شريط أحمد ربشة(خمسة أغنيات)
Author: الطيب بشير
Date: 02-21-2004, 10:38 PM
Parent: #5
خالد يا جمبلمان
قاتل الله الكي بورد المنقلش و فاضي و خمج
و كمان مسهوك
بعدين دة ما عذر مفروض أقرا كتابتي قبل ما أطق ليها أمشي كي
بعدين إنت مقدور علي جمبلتك
الغنا ذنبو شنو؟
ربشة دة بكا تاريخ روعتو ما يلقى مني حتى لغة سليمة
و الله أنا ظالم’ أنفع إنقاذي؟
تسلم يا جمييييل
|
Post: #7
Title: Re: شريط أحمد ربشة(خمسة أغنيات)
Author: rani
Date: 02-21-2004, 10:40 PM
Parent: #4
يا سلام عليك ياسلام وشكرا كتير للغناء الجميل
عارف شنو؟
دى اول مرة اسمع بأحمد ربشة واسمع ليهو كمان
ياريت لو تحدثني عنو شوية
مع فائق ودى
|
Post: #8
Title: Re: شريط أحمد ربشة(خمسة أغنيات)
Author: خالد الحاج
Date: 02-21-2004, 10:46 PM
Parent: #7
أحمد ربشة..يا راني..
فنان يعشق السودان حق العشق
صومالي يمني ..خريج معهد الموسيقي والمسرح السوداني
كان نموذج للإنسان الوفي لفنه غني لمجموعة من الشعراء السودانين
منهم المبدع زميلنا في البورد بشري سليمان.
توفي إلي رحمة الله..
وأرجو لو في معلومة خطأ أن يصوبني الزملاء
وعموما بجيك أستاذنا الموصلي بالقول الفصل
وقد كان المرحوم صديقه وسمح الغنا في خشم سيدو .
|
Post: #13
Title: Re: شريط أحمد ربشة(خمسة أغنيات)
Author: Outcast
Date: 02-21-2004, 11:10 PM
Parent: #8
ليه ليه الحقارة يا
Alia Awadelkareem بالدور بالله......
|
Post: #21
Title: Re: شريط أحمد ربشة(خمسة أغنيات)
Author: Rawia
Date: 02-22-2004, 00:18 AM
Parent: #8
اضافه بسيطه يا خالد احمد ربشه يا رانى الله يرحمه برضو كان وسيم
ويجمع الملامح العربيه بالافريقيه ( الحكايه دى مهمه يا خالد)
|
Post: #51
Title: Re: شريط أحمد ربشة(خمسة أغنيات)
Author: Outcast
Date: 02-25-2004, 05:05 AM
Parent: #21
ٌراوية
It seems like we share something together
|
Post: #55
Title: Re: شريط أحمد ربشة(خمسة أغنيات)
Author: Rawia
Date: 03-18-2004, 10:27 PM
Parent: #51
cool ......outcast
|
Post: #56
Title: Re: شريط أحمد ربشة(خمسة أغنيات)
Author: Outcast
Date: 03-18-2004, 10:45 PM
Parent: #55
Rawia,
ha, ha, ha,
You go girl....
|
Post: #58
Title: Re: شريط أحمد ربشة(خمسة أغنيات)
Author: Rawia
Date: 03-26-2004, 04:41 PM
Parent: #55
khled
|
Post: #11
Title: Re: شريط أحمد ربشة(خمسة أغنيات)
Author: Alia awadelkareem
Date: 02-21-2004, 11:04 PM
Parent: #2
من يحب معي هذا الولد المعطاء كماء النيل؟
اليك هذه يا ولد بلدي الذي ودعت/ والية احن/ وبذكراة اهدهد منافي الخوف /اليك يا خالد الاسم والعطاء/ وجليل الثري اهدي حرفي الحزين
مات المغني
او اقام علي تخوم الاة
جحرا من وطن
سنبث وحدتنا الية
سنبوح سيرتنا الية
بجحافل سطوتنا المضاعة
سرقونا ام اقاموا
علي تخوم الاة
جحرا من وطن
سنهيم فوق بساطة
الوتر الرخيم
او عبر شرخ الاسطوانة
علامة تهب الطفولة
شكل روعتها الاكيد
سندق اعناق العمامة
ونقاسم الوتر الرغيف
واخر جرعة من غليظ
القول بصحراؤها
غربي السكن
سنشاطر الحرف السرير
وقلادة الحوجة
وشعارات الانتفاضة
فالي من يحفظ الحرف الجميل ويبثة اللحن الشفيف ما تبقي من غناي
|
Post: #15
Title: Re: شريط أحمد ربشة(خمسة أغنيات)
Author: خالد الحاج
Date: 02-21-2004, 11:29 PM
Parent: #11
عالية..
طبعا إتأخرت في الرد قلت أصلح ليكي الصورة..
وتشكري لكلماتك الحلوة وحقيقي ما عارف أقول شنو؟؟
الله يديكي العافية ويخلي ليكي الصغيرونة الحليونة
الفي الصورة دي..ويديكي خيرا مالو حد..
|
Post: #9
Title: Re: شريط أحمد ربشة(خمسة أغنيات)
Author: أم سهى
Date: 02-21-2004, 10:54 PM
Parent: #1
خالد أمير الابداع
دعواتنا لك بتحقيق كل ما هو جميل في حياتك
وامنياتنا الاكيدة بدوام الفرح والحب والبهجة
تملاؤها في قلوبنا دوما لتنفض غبار الحياة المنهكة المتعبة عنا
تسلم ويسلم الحس الرفيع
|
Post: #10
Title: Re: شريط أحمد ربشة(خمسة أغنيات)
Author: Outcast
Date: 02-21-2004, 10:59 PM
Parent: #9
ابن العم العزيز ..خالد الحاج ..
أنت زول سمــــح بالحـــــيل!!
|
Post: #14
Title: Re: شريط أحمد ربشة(خمسة أغنيات)
Author: Mandela
Date: 02-21-2004, 11:11 PM
Parent: #10
شكرا يا خال...
ننزل الغنا...
نسمع...
و نجي...
شكرا ً
الله يرحم الراحل ...أحمد ربشة
|
Post: #17
Title: Re: شريط أحمد ربشة(خمسة أغنيات)
Author: خالد الحاج
Date: 02-21-2004, 11:32 PM
Parent: #14
مانديلا..
يديك العافية..
|
Post: #16
Title: Re: شريط أحمد ربشة(خمسة أغنيات)
Author: خالد الحاج
Date: 02-21-2004, 11:31 PM
Parent: #10
Outcast
وتشكري يا بت العم من هنا لا عندك
طبعا دي باللهجة الشايقية ولا هنا ما نافية..
|
Post: #18
Title: Re: شريط أحمد ربشة(خمسة أغنيات)
Author: خالد الحاج
Date: 02-21-2004, 11:53 PM
Parent: #9
أم سهي..
تسلمي إنتي أيتها الفاضلة
ويديكي صحة وعافية ليشع الفرح
في عيون أطفال بلادي المحرومين..يا رب
|
Post: #19
Title: Re: شريط أحمد ربشة(خمسة أغنيات)
Author: Rawia
Date: 02-22-2004, 00:00 AM
Parent: #1
كــــــــــــــــــــــريم انت يا اخوى
|
Post: #20
Title: Re: شريط أحمد ربشة(خمسة أغنيات)
Author: خالد الحاج
Date: 02-22-2004, 00:13 AM
Parent: #19
راوية أختي..
إعتبريهم هديتي في عيد ميلادك
وكل سنة وإنت بألف خير..
|
Post: #22
Title: Re: شريط أحمد ربشة(خمسة أغنيات)
Author: عزيز
Date: 02-22-2004, 01:22 AM
Parent: #20
خالد يارائع يامبدع يابديع + كل الكلام البشبهك الاتكتب عنك فوق
انت جميل لذلك تكسونا جمالا
وانت رائع ومنك تهدينا الروعة
وفنان ومن فنك تدفق علينا الفرح
ربنا يخليك ويخلى ليك منبع الألهام وخلاصة الجمال
وبينى ما بينك حب كبير وعشق ضارب فى الوجدان وأخوة صادقة
وكل الجمال الفى غناء ربشة
لك الحب والتحية
|
Post: #23
Title: Re: شريط أحمد ربشة(خمسة أغنيات)
Author: haneena
Date: 02-22-2004, 01:37 AM
Parent: #22
شكرآ خالد
|
Post: #24
Title: Re: شريط أحمد ربشة(خمسة أغنيات)
Author: Raja
Date: 02-22-2004, 01:52 AM
Parent: #1
خالد يا حامل المسك..
اي بوست تعملو بندخل تووووووش..
لأنو عارفين حنقرأ، ولا نشوف ولا نسمع حاجة تسعد..
رحم الله الفنان الرائع أحمد ربشة..
|
Post: #25
Title: Re: شريط أحمد ربشة(خمسة أغنيات)
Author: 3mk-Tango
Date: 02-22-2004, 02:31 AM
Parent: #1
خالد الجميل .. ما بجي منك الا كل جميل
تسلم كتير كتير كتير للروائع
وربنا يخدر ضراعك
تنقو
|
Post: #26
Title: Re: شريط أحمد ربشة(خمسة أغنيات)
Author: خالد الحاج
Date: 02-22-2004, 03:22 AM
Parent: #25
عزيز العزيز...
يكفيني كلامك الجميل وخوتك الصادقة
ويا زول إنت الخير كلو هو أنا سويت شنو مش إنت سيد المكنة
حنينة..
علي شنو الشكر وجايكي سي دي هدية بس رسلي العنوان
رجاء..
تسلمي يا غالية علي الكلام الطيب
خالد تنقو..
طبعا الأغاني محملة ريل بلاير فايل وللأسف مل حتتعمل في شريط أو سيدي
أنا عملت نسخة تانيةMP3 وعندك واحد سي دي علي عنوانك
|
Post: #27
Title: Re: شريط أحمد ربشة(خمسة أغنيات)
Author: Elmosley
Date: 02-22-2004, 04:43 AM
Parent: #26
بجيكم قدام تحياتي
|
Post: #28
Title: Re: شريط أحمد ربشة(خمسة أغنيات)
Author: tmbis
Date: 02-22-2004, 09:13 AM
Parent: #27
ده اسمو توزيع للثروة ياخال ؟؟
غايتو البيسمع براهو بيتخنق
الاسبوع ده عندي فكرة اقبل علي عمك تنقو .. قلت ليهو عايز اشيل حالك اون لاين ..
والاسبوع الجاي عليك لكن حسع دي .. الله يديك العافية لي العمل الجميل ده .. والاغنية الصومالية دي سمعتها بصوت الاستاذعثمان مصطفي قبل زمن .. وأول مرة اسمعه بصوت الراحل أحمد ربشة ربنا يرحمو ويغفر ليهو ..
غايتو كان ما بتخاف من كشف الحال اجدع لينا حاجات زي دي .. بخلي ليك الباب متاكا .
رايك شنو ؟؟
|
Post: #29
Title: Re: شريط أحمد ربشة(خمسة أغنيات)
Author: الجندرية
Date: 02-22-2004, 10:13 AM
Parent: #1
خالد
الله يجازيك بالخير كله
لانه ما بنقدر على جزاك نحن
5 اغنيات لاحمد ربشة مع لنك الحفظ كمان
دا ما الكنز زاااااااااااتو
|
Post: #30
Title: Re: شريط أحمد ربشة(خمسة أغنيات)
Author: خالد الحاج
Date: 02-22-2004, 01:25 PM
Parent: #29
استاذنا موصلي..
وننتظر جيتك..
تمبس...
خلي الباب متاكا لي خالك
الله لا قفل باب في وشك ونحنا البينا عامرة
ويا علاء ما نحن دافننو سوا يعني زيتنا في دقيقنا
جندرية..
أنا ما بقدر علي الإرهاب
زولا مسيكين من الأول بخت اللنك حتي بعد كده الغنية
|
Post: #31
Title: Re: شريط أحمد ربشة(خمسة أغنيات)
Author: منعمشوف
Date: 02-22-2004, 01:32 PM
Parent: #30
ده كلام شحمان يا صديق الجنوب
ارجو الإستعانة بصومالى رورمند
لترجمة نص الأغنية الصومالية
أو رسلوا مناديب إنجلترا
|
Post: #32
Title: Re: شريط أحمد ربشة(خمسة أغنيات)
Author: bushra suleiman
Date: 02-22-2004, 01:37 PM
Parent: #1
العزيز خالد
ياسلام عليك ياروعه والتحيه للفنان عبدالعزيز خطاب القدر يوصل ليك هذه الدرر عشان نستمتع ونتمتع بيها،واذكر للاسف الشديد واقعه حصلت عندما ذهبت للاذاعة ومعى الفنان ربشه للاتفاق على تسجيل كل اغنياته للاذاعة وكان انذاك مديرها ابوالعزايم،خاصة وان ربشه كان قد قرر السفر نهائيا للخليج،ان اصطدمنا بحائط البيروقراطية اللعين وعدم تقدير المسئولين بالاذاعة لقدرات الفنان احمد ربشه،ورفضوا ان يقيموا الفنان ربشه على انه فنان درجه اولى وذلك لعدم وجود تسجيلات كافيه لديه(كان يتم تقييم الفنان درجه اولى وتانيه الخ بعدد الاغنيات المسجله وليس بجودتها او قيمتها الفنية)وهكذا ضاعت الفرصة على الاذاعة وبالتالى المستمع السودانى فى الاحتفاظ بتسجيلات ذات قيمه فنيه عاليه للفنان ربشه
|
Post: #33
Title: Re: شريط أحمد ربشة(خمسة أغنيات)
Author: خالد الحاج
Date: 02-22-2004, 02:15 PM
Parent: #32
منعموش..
الزول الشحمان بالخير..
تعرف الجماعة هنا كلهم هاجروا إنجلترا
لكن عندي زول يترجمها طول لي بالك..
بس إنت شوف لي خالك زولة كدي في عمر الزهور
(سبعتاشر سنة) تترجم لي خالك الأمهرية
عندي غنية مغلباني
أستاذنا بشري..
تسلم يا جميل للطلة وللصورة (طبعا طوالي إستلفناها)
ويا مواسم + السي دي بيجوك بالبريد.
|
Post: #34
Title: Re: شريط أحمد ربشة(خمسة أغنيات)
Author: nazar hussien
Date: 02-22-2004, 04:42 PM
Parent: #33
قمة الروعة يا خالد
فعلا اهديتنا تحف يا رجل يا شحمان كرم
الامهرية المغلباك رسلها المشرحاتية ما لاقين شغل
ناس ايشششششي كتاااااااار هنا
|
Post: #35
Title: Re: شريط أحمد ربشة(خمسة أغنيات)
Author: منعمشوف
Date: 02-22-2004, 05:08 PM
Parent: #34
عندنا تسعتاشر سنة يا صديق الجنوب .. ينفع؟
يازول ماعندك مشكلة إنت تأمر بس .. رسل السى دى
|
Post: #36
Title: Re: شريط أحمد ربشة(خمسة أغنيات)
Author: خالد الحاج
Date: 02-22-2004, 05:42 PM
Parent: #35
نزار حسين..
هلا بيك قلت لي كيف
إششششششة ..تعرف إنت زولي تب..
منعموش..
سي دي شنو يا زول رسل التسعتاشر سنة
ولا أقول ليك أنا الخفيف بجيك
|
Post: #37
Title: Re: شريط أحمد ربشة(خمسة أغنيات)
Author: إيمان أحمد
Date: 02-22-2004, 06:01 PM
Parent: #36
شكرااااان يا خالد الحاج ياجميل
أحيانا تكتشف أن شيئا ما يسكن وجدانك... وهذي الأغاني من ذاك الزمن!!
لك التحيات والتقدير
إيمان
|
Post: #38
Title: Re: شريط أحمد ربشة(خمسة أغنيات)
Author: يا بت يا نيل
Date: 02-22-2004, 06:16 PM
Parent: #1
الاخ خالد
هدية جميلة وذكرتني باول مرة اسمع فيها غناء صومالي وافتتنت به خاصة وتقارب الموسيقى الصومالية مع الموسيقى السودانية
لك كل الشكر
|
Post: #39
Title: Re: شريط أحمد ربشة(خمسة أغنيات)
Author: HAMZA SULIMAN
Date: 02-22-2004, 07:32 PM
Parent: #38
الحبيب خالد
لك الوفاء
فى زمن باكر فتنت بهذا الاداء كنت اغنى مثله واعذف عود مثله ولا انكر ان هذا الاسلوب كان مثلا رائعا لى ..... ذهبت الى الاذاعه لاغتنى الشريط وانا فى ذلك الوقت فى الثانوى واتيت بى الشريط من مكتبه الاذاعه وبه 4 اغنيات
وتسألين
بينى ما بينك
اله فنى
اغنيه صوماليه
وبعدها وجدت بالصدفه اغنيه من كلمات العميرى الله يرحمه
عن طيب خاطرها تحرق طيبها
فالحب ينهى بالفداء ويبتدى
انى صديق رياحكم لما اتت
تجتاح لى امسى ةتغسلى لى غدى
وبعدها اغنيه فى شريط قديم لى صديق
كيف لا اعرف اسمه
واغنيه اخيره من انسانه عزيزه جدا
اهى النسمه البتحرق شوق
اهى النجمه القريبه وفوق
هذه الاغنيات كان يوما ملاذى وشعرى الذى اردده واغنياتى التى هدتنى الى هذا الاسلوب وشكلتنى .... غنى لنا فى منزلنا فى مناسبة خاصه ...ومرت السنوات الطوال وتحدثنا هنا فى الامارات واخبرته بانى احفظ له اغنياته القديمه وتفاجأه
وسرعان ما سافر من الامارات وسرعان ما سمعت بى خبر موته الله يرحمه ويغفر له لقد كان انسانا رائعا
|
Post: #40
Title: Re: شريط أحمد ربشة(خمسة أغنيات)
Author: عمر بانقا
Date: 02-22-2004, 08:11 PM
Parent: #39
الحبيب خالد
لك الله وحبى وتقديرى
دى مستوى عالى من التذوق والجمال الله يديك العافيه
تحيه للاخ خطاب وصديقى الفنان حمزه سليمان المسكون ومجنون بحب المبدع ربشه
|
Post: #41
Title: Re: شريط أحمد ربشة(خمسة أغنيات)
Author: خالد الحاج
Date: 02-22-2004, 11:16 PM
Parent: #40
العزيزة إيمان..
يديكي العافية
وعمر الله وجدانك بكل جميل
يا بت يانيل..
الأغنية الصومالية والأثيوبية والمورتانية
هي الأقرب لنا بحكم السلم الموسيقي وحنية اللحن
ورغم أنهم يحملون لنا الكثير من الود لكننا كالعادة
في مشاعرنا المقلوبة (نجري) نحو العرب وموسيقاهم العجيبة
ونظرتهم الدونية نحونا..والله غالب علي قولهم..
العزيز حمزة سليمان...
أولآ تشكر لمسدار أبو السرة وصل بعد أن حرق روحي
وأظنك كرهتني عديل كده..
رحم الله أحمد ربشة فقد عاصرت تلك الأيام الجميلة
حين كان كل شيئ عندنا مموسق وليس الغناء وحده
وقد ترك أثر واضح علي طريقة الأداء للكثير من المبدعين
وأزعم أن أسلوب الغناء لدي الهادي الجبل ثم محمود
يحمل بصمة واضحة لأداء أحمد ربشة..
الله يديك العافية..
الغالي عمر بانقا...
والتحية ليك أطنان
وكثيرون يا صديقي يحبون أداء ربشا
وإنسانيته وعشقه للسودان..
وتوصل تحاياك ..
|
Post: #42
Title: Re: شريط أحمد ربشة(خمسة أغنيات)
Author: Elmosley
Date: 02-22-2004, 11:20 PM
Parent: #41
لمن لايعرف احمد ربشه عن قرب
اقول لو كان ربشه سودانيا لما كان له مثيل الا القليل
ولو كان مصريا او من اي دولة عربية ماكنه لتفوق علي كل فناتي
العرب
ابدأ من محمد عبدو وانت ماشي
صدقوني هذا حديث القلب وبلا عاطفه وبلا حزن الا حزننا علي التقصير في
احتضان هذا العبقري الذي رحل في صمت غريب
اكاديميا كان من المتفوقين
عزفا كان من اروعهم وحتي الان لم يظهر لدينا من يعزف التوافق الصوتي علي العود كما فعل ربشه
كمؤلف لم تاسرني اغنيه في العشرين سنة الاخيره
كما اسرتني وتسالين
من لم يحبه من الفنانين كفنان
كلنا احبيناه وقد كان ثلاثتنا ابوعركي ومصطفي وشخصي
نستمتع بغنائه وتأليفه
وقد تاثر باسلوبه الكثير من المؤثرين في ساحتنا الفنيه
علمنا جميعا الاستماع الي بول موريه
Love is Still Blue
ومن منا لم يدمنها ولمن لايعرفون فان بول موريه فنان فرنسي يتفوق علي جيمس لاست في التوزيع الاوركسترالي
احمد ربشه من الدفعه الخامسه قسم الموسيقي المعهد العالي للموسيقي والمسرح
والتي ضمت ان لم تخني الذاكره
هاديه طلسم بيانو
عمر الشاعر بيانو الفاتح كسلاوي عود
مفاتن حسن بيانو عواطف حسن بيانو
ليلي بسطاوي بغدادي بيانو
فيصل سيد امام كنتراباص
عبد الواحد عبد الله كمان
عز الدين فضل الله كمان
يوسف القديل تشيلو
عبد الحفيظ عثمان كلارنيت
السمؤل فضل ترامبيت
محمد حميده غناء
شاديه جنيدابي تشيلو
السر المقدم كلارنيت
ثم عازف ساكس اسف لنسيان الاسم
الفاتح يس كنراباص
عبد العزيز المبارك غناء
اسماعيل عبد الرحيم كمان
اسماعيل ابوبكر كمان
احمد ربشه تاليف
درديري محمد الشيخ تاليف
يوسف الموصلي تاليف
ولاتاخذوني ان نسيت
|
Post: #43
Title: Re: شريط أحمد ربشة(خمسة أغنيات)
Author: Ahmed Elmardi
Date: 02-22-2004, 11:26 PM
Parent: #42
سلام يا خالد
ابهجتونا.. شكرا يا موصلى على المعلومات
|
Post: #44
Title: Re: شريط أحمد ربشة(خمسة أغنيات)
Author: خالد الحاج
Date: 02-22-2004, 11:42 PM
Parent: #43
العزيز الموصلي..
يديك العافية دايما وافي ووفي..
رحم الله أحمد ربشة ويمد لينا في أيامكم
فأنتم بقية الخير الفينا.
أحمد المرضي..
الله يبهجك دايما..
|
Post: #46
Title: Re: شريط أحمد ربشة(خمسة أغنيات)
Author: Elmosley
Date: 02-22-2004, 11:59 PM
Parent: #44
الاعزاء احمد المرضي وخالد
لاشكر علي واجب
وعلي فكره يا احمد
الصديقه البلبله امال طلسم
طالبه منك وايمان المساعده لامريكيه في
مونتريه بتعمل في بحث عن السودان
وشافت بعض لوحاتكما ونود ان نحوز علي البعض لزوم بحثها
ارجو انترسل لي ايميلك الخاص حتي اجعلها تتصل بك مباشرة
اقصد الامريكيه
ارسلهعلي
[email protected]
|
Post: #45
Title: Re: شريط أحمد ربشة(خمسة أغنيات)
Author: hala guta
Date: 02-22-2004, 11:57 PM
Parent: #1
خالد
يديك الفى مرادك
ويفتحها عليك محل ما تقبل
|
Post: #47
Title: Re: شريط أحمد ربشة(خمسة أغنيات)
Author: osama elkhawad
Date: 02-23-2004, 04:35 AM
Parent: #1
ينصر دينك يا خالد
هذا غناء له فلتر خاص ينقي الروح من عسف المنافي ,
ورهق العالم,
وفداحة الفقدان
المشاء
|
Post: #48
Title: Re: شريط أحمد ربشة(خمسة أغنيات)
Author: خالد الحاج
Date: 02-23-2004, 04:50 AM
Parent: #47
العزيزة هالة..
ويديكي العافية يا رب..
العزيز أسامة الخواض..
نحاول يا أسامة إضافة طعم البهار لماسخ أيامنا
تسلم للطلة.
|
Post: #49
Title: Re: شريط أحمد ربشة(خمسة أغنيات)
Author: bushra suleiman
Date: 02-23-2004, 12:27 PM
Parent: #1
نسمع مره تانيه وتالته ورابعه و...
|
Post: #50
Title: Re: شريط أحمد ربشة(خمسة أغنيات)
Author: layon
Date: 02-24-2004, 03:55 AM
Parent: #49
يا سلاااام يا خال
يديك العافيه والف شكر ليك
بقالي فتره طويله بفتش علي اغاني احمد ربشه بالسودانيه ,,الله يرحمك يا ود بلدي,,
آخر مره حضرت فيها له حفلة في دبي قبل سبعة سنوات تقريبا,,سمعت له اغاني بالصوماليه كثيره لكن لم يتسنى لي ان اسمع اغانيه بالسوادنيه من قبل
الحين اربعة اغاني دفعه واحده
ما نعدمك يا خال
تحياتي
ليون الصوماليه
|
Post: #52
Title: Re: شريط أحمد ربشة(خمسة أغنيات)
Author: THE RAIN
Date: 02-25-2004, 07:22 AM
Parent: #1
خالد يا حبيبى
عليك الله، وسألتك بالذى ما خلقك
ما تخلينى أريدك أكتر من كده
عشان ما أرتكب فيك جريمة
مرة واحدة بس سوى ليك حاجة كعبة، انت ياخى الحاجات الكعبة دى ما بتعرفها ولا شنو
عشان تنقص الريده دى شويه
حسبى الله ونعم الوكيل
وخليتك لى الله
يديك السعادة
والعافية
والصحة
والأيام الطيبة
ويديك أى شى عايزه
|
Post: #53
Title: Re: شريط أحمد ربشة(خمسة أغنيات)
Author: خالد الحاج
Date: 02-25-2004, 07:41 AM
Parent: #52
بشري سليمان..
ورابع وخامس وسادسو...
ليون..
أهلك ناس حلوين يحبوننا ونحبهم..
وتجدهم في أي مكان في العالم يقتربون منا
ويطايبوننا الحديث
الله يديك العافية
المطر..
بنحاول يا مطر بنحاول..
الله يرضي عنك ويرضيك إنت زول جميل لذلك لا تري إلا الجميل..
شكرا ليك.
|
Post: #54
Title: أحمد ربشة عبقرى أهملناه
Author: sinco
Date: 02-27-2004, 04:27 PM
Parent: #1
الخال خالد الحاج
الأجلال لك وجل الشكر على باقة الورد العبقة ممثلة فى اغانى الرائع الراحل ربشة.لقد حفيت اقدامى لرهط من الزمن وأنا ألف وأدور بحثا عمن يملك تسجيلا قديما لهذا الخالد دون جدوى,وزاد حسرتى وألمى علمى بمسح جميع تسجيلاته المرئية من تلفزيون السودان شأنها شأن تسجيلات نادرة لطلاب معهد الموسيقى والمسرح من بينهم آنذاك على سبيل المثال مصطفى سيد احمد ,سمية حسن ووردى الصغير والذى كنت أعشق سماعه وهو يتغنى برائعة وردى ياسلام منك انا آه والتى قام بتوزيعها الموسيقار الكورى والذى لم اعد أذكر اسمه.مايوجع القلب ان ربشة كان مبدعا أحب السودان وانتمى اليه ولم ينل منا الا الأهمال فرحل عنه.علمت انه اتصل بالرائع مصطفى السنى وعرض عليه فكرة تعاونهما فى اعمال مشتركة وقد كان هذا قبل وفاته بأسبوعين.كذلك أعلم أنه قبل وفاته قد لحن أغنيتين للفنان سيف الجامعه كتب كلمات احداها على الأقل شاعر خليجى وهاتان الأغنيتان ستريان النور قريبا .ربشة فنان متميز ولازلت اذكر كم كنت أطرب لرائعته (بدرى من عمرك)وأنا طفلة وأركض نحو غرفة التلفاز أن سمعته يتغنى بها.ربشة فنان غزير المشاعر مرهفها ,أضعناه ,فهل يجدى البكاء على ماتدفق من حليب؟؟
|
Post: #57
Title: Re: شريط أحمد ربشة(خمسة أغنيات)
Author: Abd-Elrhman sorkati
Date: 03-18-2004, 11:12 PM
Parent: #1
العزيز خالد الحاج يديك الف( 1000)
عافية0000
طبعا ما حا اقدر أقول ليك اي كلام00 لانه الشباب ما قصروا
وقالوا كل الكلام فوق0000 لكن بس أقول ليك يأخي ربنا يديك العافية
والصحة 000000 و والله انت زول الواحد بيتمني انك تكون جنبوا
طوالي لانك 0000 زول رائع وأصييييييييييييل وفننننننننان
يديك يا رب الف عافية
|
|