ما يطلبه المستمعون(مسدار أبو السرة لليانكي) القدال/عقد الجلاد

Save @ PC



Save @ PC
إهدأء خاص جدا ليمني قوتة كل سنة وإنتي طيبة وعيد ميلاد سعيد.
إهداء لكل البورداب الأحباب ولحنينة وخالد تنقو وراوية


(الأغنية طويلة جدا فضطريت أقسمها لي قسمين)

يمنى كل سنة وانتي طيبة

خالد الهدية مقبولة





اليانكي دا شنو يا جنا؟


شي في الضومنة؟

كـــل ســنــة وانــت طــيــبــة يا يــمــنــي
ربنا يحقق امانيك

ما قلتي لينا لكن.......
بقيتوا كم؟


خالد الحاج

الهدية مقبولة
الله يخليك لاخواتك و اخوانك بالبورد..وتسمعنا الدرر

سي جي..
والله إنت مطموس قلت لي اليانكي في الضومنة

حنينة..
ويخليكم لي يا زولة يا رائعة..

كل سنه ويمنى بالف خير
ويسلم الخال العزيز جدا على الاغنيه طبعا انا عندي عشق خاص لعقد الجلاد فليك من الشكر اجزله
لكن عليك الله ماتكتب لي كلمات الاغنيه دي لاني فاقده كتير منها
ودمت لنا
نوف

Khalid
welcome back.. as always shining

Nouf

here is the lyrics from
http://igdelgalad.net/song11mesdaar1.htm

مُسْدَار أبو السُّرة لي اليانكي
الشاعر : محمد طه القَدّالْ
اللحان : عثمان النو


أُمّاتِي القِبيلْ

بي حِنّهنْ لجّـنّي

كَرفة وقَلدة

كيف شوق اللّبن رَجّني

حُزناً جاني في مَيْع الصِّبا يلَجِّني

أطلعْ مِنِّي يا جلدي المِنمِّل جِنيِّ

واطلعْ مِنِّي يا حُزناً بِقى مكَجِّني



خَلّني أبدا مُسداري

وأودي قفايا لي داراً بِقَتْ مِي دَاري

جِيتَا ..

وجِلْدِي بينو وبين عضاي الشّحَمَة

إلا النّار بِقَتْ قِدّامي

جِلْدِي اللّيلة بينو وبين عَضَايَ المافي

إلاّ تراني شَوّالْ الكِبِسْ

نِفّيخْ جَراريب الوَرَمْ هَدّامِي

في جِلدي الورم قُولَنْلي

وللاّ صَحِي الورم عَضّامِي

سفريتك مِي الفي النيّة

وميها الكانت محريّة

خابراكْ عِرِّيفْ ..

ذم العُربانْ واللاّ قِيام الوردية

مالكْ ؟؟؟

تَرْيَانْ ومندِّي

كاسي الكِتّان والهندي

قولَكْ كِكّيفْ ترجى البيشان

واللاّ الغُربة البي الزِّنْدي

برقاً عِبْدِللِّي الوَزْنِ

يا طاشْ .. يا جاب المُزْنِ

فَرِّقْ يا الضّيفْ

فِعْل الغَضْبان ..

أم فِرفيرات الحُزْنِ

وشِنْ القَعدة

يا أبو السُّرة

في ضُل العمارات أم كمرةً برّة

ضُقْنا الحَنْضَل اليانكي

وبَلَعْنا المُرّة

كِمْلَتْ كوتة التُّمبَاك

صَقَعْنا الجِّـرّة

ووكت إتقفّلَتْ شِقّيشْ

قَبَلْ بي المرّة

نَرْمي أمُرنا في بلد المعاني الحُـرّة

الشّمْ خَوّخَتْ

بَرَدَنْ ليالي الحّـرّة

والبرّاق بَرَقْ ..

مِنْ مِنّا جاب القِرّة

شوف عيني الصِّقير بجناحو كَفَتْ الفِرّة

تلقاها ام خدود الليلة مَرَقَتْ بَرّة

مَرَقَتْ بَرّة تغلي مديدة الحِلْبة التَسَمِّن رِدْفَها

السَمِنْ المبَسْتَرْ يانْكي

والويقود بعيرات الدُّخان في العين

وفي الفَشْفَاشْ يسوِّي عمايلو

شِنْ فايدة مديدة الحلبة والويقود بشيلو اليانكي ؟؟

يا ابو السُّرة

قامت من دخاخين العمى تلمِّع وشِيها

اليانكي مِسْتَنِّيهَا

كان اليانكي مستنيها في مراية السَجَم في اللّيل

لقيتها مِتِلْ فريخ الطّير

مَرَقْ ود عينها من ود عينها

رجّافة المزمّلْ حُمّى

جَفَلَتْ مِنّو

وَقَعَتْ عندي

صدرها بغلي

يا ابوالسُّرة

شُفْتَ اليانكي في ود عينها

سُقْتَها للبحر

يمكن يغسِّل عينها من اليانكي

فُتْنَا الحَجْرة بالكَتّة وغطسنا مسافة

تبقى قَدُر مسالك الرّيدة

ما لاقانا من يغبانا في البحر الفَدَرْ تحتاني

ناس عارفاها

ناس عارفاكا

ناس عارفاني

ناديت القعوي والبُلْطي

قرقور السّمَك ودّاني لي دابي الخُشَشْ

نادينا عُمّال الطّمِي

عُمّال الطّمِي الصّارقيلا

والقَرْمُوط

وود الموية

فُتْنَا عليها

كانت نايمة

عَجّال البحر حارساها كانت نايمة

بين حجرين وضُل ساسوية كانت نايمة

وعُمّال الطّمِي الصّحونا لّمُو حصى البحر

قسموهو ياتْ من كان سبع جمراتْ

دابي الخُشّة قال :

أدُّوها في الجمرات تلات سبعاتْ

قُلْنا :

أدُّوها في الجمرات تلات سبعاتْ



مَسَكْنَا دَرِبْنَا

عُمّال الطّمِي الصّحوها

خابرين الدّروبْ

مَرَقوبنا فوق مُشْرَعْ مسارب الضّيْ

لقينا الدُّنيا تترجّانَا

قُوقَا القِمْري

خَوّى صِقيرْ

وعَوّى حِديْ

وعُمّال الطّمِي الصّحونَا

لَمُّو على البعرفو الصّيْ

حَصَى القيزان

دوابي الدّارْقَة

والسِّحْليّة

والنّاسْ التِّحِتْ

النّاسْ التِّحِتْ خابرين عَمايْل اليَانْكي

مَرّة معونة لي اللّغّاف

ومَرّة دَوانْكِي

شِنْ معناهو جيبها إن كان ملوهو بوانكي

صوتها مكتِّمو القَرَبين سيوف وسَوانْكِي



قولَنْ لي الأَخْلو ديارو

دمّكْ فَرْهَدْ في نارو

غَوّرْ في الأرض

طارو صَقْرين

ولاد الأرض ما طارو

لحمي غَطّى بِنْ عَمِّي

شو صار حالو يا إمِّي

منديل العِرْضْ في بيت الدِّينْ

دمِّي ما يخلِّي دمِّي

إمنّا من دير ياسينْ

صِرْنا في جِزْر التّين

عَمْ نسقى بعضْ

حُبّ الزّيتونْ بدّو يرجع للطينْ



صابرا تحت الدورية

صابرا فوق الدورية

صابرا فوق الدورية

يا حال الضِّدْ

لحم الطِّفلين نابت غُصنْ الحريّة

جِذْري مو في شاتيلا

ما قال حالي يا ويلا

حِنّا في الأرضْ

أرضِ فلسطين

يا إمِّي هيلا هيلا

يا إمِّي هيلا هيلا

يا أُمِّى هيلا هيلا

هيلا

هيلا

هيلا



هيلا وهيلا يا ابو السُّرة كُجْ العين

تخبر الشّينة من الزّينْ

تَفُرْز الطّاري من السّاري

يا ابو السُّرة كُجْ العينْ

ومدُّو صباعك السّبابي

قول لي الغَافي هويْ يا زول

هوي يا غافي يا زول هويْ

أرخي الغُردة للعَنّافي

شِدْ القمري بالحوبابي

في مسدارنا

شِلْنا نهارنا


في إيدينا من ساسو البحر عقدينْ

مَسَكْنا دَرِبْنا

عُمّال الطّمي الصّحونا

خابرين الدِّروب مرقوبنا في مُشْرع مَسَارب الضّيْ

لقينا الدُّنيا تترجّانا

قوقا القِمري

خَوّى صقيْر

وعَوّى حِدَيْ

وكُنّا جماعة

دابّات الأرض والسّايمة

عَوّامة البحر والطّيرْ

وحتى الغيمة قصّاصة الأَتَرْ

فوق راسنا شايفة الدّربْ

ضِنيب اليَانْكي

قال القمري لي الضُّليلة :

خَلِّكْ صاحية زوغ اليانكي لا يودِّرنا

قال الدّابي :

إن يغباها ما بيغباني

ولمّا الشّمْ مودِّعة غاربة

وَصّتْ جملة الصّقّار عيونهنْ كَارْبة :

أبقو أَلِفْ

بَفوت لي المِتْلَكُم ناهضينْ

وفوق ديناب عريباً غادي

قال السِّحْلي لا نغشاهم

ديل عُربانْ توابع اليانكي

قال الجمع لا نغشاهم

ديل عربان توابع اليانكي

خَلُّوها العريب الغايبة

والسّراقْ طبيقو معاهو

تيجاناً عروشها الخروعْ ..

الهَشْ ..

العَويشْ

الناّر تَعَلِّبْ فوق عُقَال العَرْشْ

ولا خَسّانا بي هادي العروش الهـُرْبة

يا ابو السُّرة .. لا عَقّالْ

مَسَكنا دربنا

والشمس البتوقد فوقنا

ولمّ لميمنا

لمّ لميمنا والشّمش البتوقد فوقنا

شدّ شديدنا لا التِّمثال مَشيّلْ روقنا

عَالَم حُرْ يدوعِلْ فوقنا

لي يوم سوقنا

نبزُق فيهو .. في ود عينو جَرْ واسوقنا

يا شمسي طِلِّي .. طِلِّي

شاوري عَ بيتي دِليِّ

كَيّال الكيل .. ختياري ماتْ

ظِلِّي عَمْ يحرس ظِلِّي

عَادِلْ عَ خَييّ ميلي

خَييّ ما يحمل شَيلي

ما خَفّ الشّيلْ

ثاني المرّات ناطِرْ رصّاصِي سيلي

عيني في الفيل ما ظِلّه

كِلْنا ندريه ما نضِلّه

يا ويل الويلْ

نرمي الجمرات عَدِّ المستشْهِدْ كِلّه

نوف..
تسلمي.. وأهو سوداناوي ما قصر معاكي

سوداناوي..
يديك العافية.

كل سنه وانت طيبه يمنى




شكرا للاهداء خالد اخوى

كل سنة وانتي طيبة يمنى
وشكرا لزوقك الراقي - خالد الحاج

العزيزة راوية..
العزيز راني..
مهداة ليكم أيها الرائعون..

شكرا خالد لامتاعنا بهذه التحف

المشاء

**

أسامة (المشاء)..
وشكرا لطلتك أيها المبدع الإنسان..

حنينة....
مرحب بيك..وما قلتي لي رايك في الغنية
روعة مش كده..
وسؤال بريئ جدا جدا جدا..أين المحتفي بها؟؟

ياخال الاغنية رهيبة فعلا وطريقة اللحن والأداء مدهشة
مابعرف احلل زى اهل الاختصاص لكن الاغنية دى بكون شايفها وسامعاها ... يعنى بإختصار بدخل فى جوها عديييل
شكررررررررررررن ياخال

ياخال ... سيجمان عمال فيها ماعارف اليانكي
وبهناك شغال تجنيد

شكرا يا خال على هذه الهدية الرائعة والجميلة ..

وكل سنة وأختنا يمنى قوته بألف خير ..

يا خال

الجماعة خليتهم امس قالوا مارقين يعملوا البارتي في فندق خمسة نجوم

اها ومن ديك وعيييييييك

يكونوا نايميين نوم شديد من أثر التورتات واب كباس

لسة الوقت بدري بهناك
نديهم فرصة شوية كدي

نسيت اقول ليك يا خال
الغنية اكتر من رايعة...والهدية مقبولة يا سيد الفهم والأصول

وانا برضو بهديها لست الكل أماني
ولحباب بالنجاح وسلامة الوصول
ولسارة وجعفر

مشكور يا سودناوي علي الكلمات
والله خليتنا قدرنا نتابع تمام


يمني

عملنا عيد ميلادك سبب..نسلم علي كل الحبايب
ويلا أظهر وبان عليك الأمان...التورتةعملت فيكم ما عملت

يمنى كل سنة وانت بالف خير

الملكي..
حباب بت العم..
تعرفي سجيمان خليه ساكت حمدو في بطنو

معتصم دفع الله..
لا شكر يا إبن أختي..
وإنت طيب لامن يجو ناس الطورتة.

حنينة..
لا يبقوا إتسمموا ..أصلها بقت موضة الطفاسة رجاء قبل كم يوم كاسرة سن بالأكل الأشتر.

خالد وجميع من هنا

شكرا لهذا الغناء الطاعم

كان صديقي صلاح الزين يردد دائما : الله لا حرمنا من التمباك والموية الباردة وبنات الفرع

وأنا أقول : الله لاحرمنا من القدال وعقد الجلاد وخالد الحاج

خالص التحايا ود الحاج
الخال العزيز كيفنك يازول يازين شكرا ليك وزى ماقلوا الحنين عاودتنى تانى ارجع للكتابه لكن بس شويه ماكتير والله يفك زنقتنا النتا عارفها هههه..
شكرا ليك الزميل العزيز خالد...

كل سنه وانت طيبه يمنى قوته
ود العم خالد
الله يديك العافية
البتجيب المعدوم في سوق الخرطوم
اها
مسدار أبو السرة لليانكي القدال
المسدار: يعنى المشوار
المسدار فى الشعر الشعبي
يعنى المشوار إلى ديار الحبيبه
يتم فيه أولا وصف الرحالة
ثم يتم وصف الطريق من تضاريس
وطبيعة .ثم يتم وصف ديار الحبييه
وكرم الحبيبه وكل صفتها.
فى هذا المسدار
مسدار أبو السرة لليانكي
هذا المشوار كان
إلي تماثل الحرية
ومناسبة المسدار عند اجتياح
الجيش الصهيوانى لبنان ودخول
بيروت ومجزرة صبرا وشاتيلا
لذلك استخدام القدال اللهجة الشعبية
الشامية في مقاطع من المسدار

خالد
اول شي بركة بطلتك
والله بلاك الدار خلا
مع كامل تقديرى لبقية البورداب/يات
الا فرقتك ما بتسد...

كل سنة وانت طيبة يا يمنى

لكن وحاة خوتكم امس جينا من البارتى متاخرين خالص
والمحتفى بها بتريد النوم

بتجيكم بعد شوية

لكن/ن كل مودتى

هالة

شكرا خالد علي الموسيقي و الكلم المنسجم مع المحتفي بها شأنا و علوا.

يمنى فخرنا و تاج راسنا لك التحايا النواضر

و كل سنة وانت طيبة يا بركة وعقبال مية شمعة.


ثروت

تحياتى يا خالد
وارجو ان تكون بالف خير
ولمساحتك عطر خاص فينا
الله يخليك

الخال العزيز خالد لو قلت ليك شكرا اكون قصرت فى حقك تقصير كبير عشان كده احسن اسكت بس
الاغنية اكثر من جميلة ربنا يجعل ايامك كلها جمال و بهاء

الاعزاء
سيجيمان....حنينة...نوف....سودانى ....راوية...رانى....اسامة...الملكة...معتصم...ديامى .معتز...المهندس....هالة....ثروت...حمزة
كل سنة و انتوا طيبين و شكرا ليكم على المداخلات و التهانى و الحقيقة انا استقبل عامى الجديد بانفلونزا حادة اتمنى انها تكون كفارة و بشارة خير لاحداث سعيدة طوال العام

المسدار بصوت صاحب المسدار والذي كتبه في عام 1982 عندما حاصر شارون صابرا وشاتيلا

اول مشاركة لي بعد العودة من الوطن لكل اعضاء البورد وانشاء كلكم تكونو تامين لامين بى توب العافية مدسرين
اضغط بلاي للتشغيل

والله يا خالد نزلت الجزئيين
وما قاعد اسمع اى شئ تانى
ياخى كتر خيرك..عامل شنبك الكبير ده

ياخى والله انت زول عجيب خلاسسسسس

شنّف الله سمعك يا خالد...وأمتعك بكل حلو يا حلو

يا خالد ما مرت عليك أغنية مرت الأيام تسمعنا ليها بصوت عبد الدافع أو أي مبدع اّخر
لك الشكر

تسلم ابوطويلة

بس

والله الالقاء اتداخل مع الاغنية وجاطوا في بعض
ممكن تصلحها؟؟
لآنه كمان الكود مخفي وما بنقدر نوقفها عشان نستمع للاغنية

ولك الود

العزيز المهندس..
والله يا مهندس دي من نفحات أخونا حمزة سليمان
الله يديهو العافية كل مده يتحفني بكمية من الغنا الرائع وأنا باقي ليهو في رقبتو..

هالة الرائعة..
كويس إنك بخير يعني جات سليمة خفنا عليكم والله

ثروت سوار الدهب..
صدقت والله يا إبن عمي يمني وهالة نعم الناس الجميلة الأصيلة.

أبو طويلة..
شايفك يا إبن عمي نزلت القصيدة والناس إشتكو
المشكلة في إنك مستخدم كود غلط معليش يا ريت تعدلو وليك الشكر آلاف..
وتشكر للطلة والمساهمة.

مراويد..
لوك الصبر بريحك تب..
وأنا الله يخليني لي وجعك.

أسامة ميرغني..
طلبت الموجود وطلباتك أوامر يا أبو وائل

أستاذنا حمزة سليمان..
هذه من نفحاتك العطرة
ربنا ما يحرمنا منك يا زول يا جميل.

حنينة..
شفتي يا خواجية أها كلمت ليكي أبو طويلة

العزيز خالد...

قطعت سيل كتابتي .. رميتني في جسدالبكاالعريان.. ولفيتني بي بالتوب

البعرفو..مليت قصيدتي بي شغب الكلام.

شكرا كثيرا...

يا جماعة معليش على اللخبطة لكن انا خايف اجي اصلحها اقوم اتبظه ... عشان كده لمن يشتغل الالقاء ممكن تدوس استوب وهو بيقف بعد داك لو عاوز تشغل الاغنية دوس بلاي والعكس صحيح.....معليش مرة تانية يا باشمهندس .. الاخ اسامة ميرغني انشاء الله ح احاول انزل ليك مرت الايام

خالد الحاج حبيبنا .. شكرا كتير كتير ... علي الاهداء وعلي الشغل الرائع دا

ربنا يخدر ضراعك

تنقو

يمنى

كل سنة و انت بألف خير
واتمنى ان يزيد عمرك
ولا تنقص ايامك

خالد الحاج والله الهدايا عندك شكراً ليك ومرحب تانى برجوعك الميمون

ندى

شكرا ليك على القدال
وحمدلله على الشوفه يا صاحب الطلعه البهيه،
صادق ابدا....

خالد الحاج
سالتك بالذي ركز الارض معبد وسو الفاس عليها مقام
ماتنزل الغنية كلها ياخى دى وقفت فى حتة صعبة جدا

خالد الحاج سلام

وحياة كتاب الدين انت عسل 00( طبعا وحياة كتاب الدين دي) انتزعتها
من أعماق طفولتي000 ما لقيت حاجة أصدق منها

أبو طويلة
يديك الف عافية
يمني قوتة
كل يوم وانتي طيبة

جورج بنيوتي..
سلام أيها الروح القصيدة
يديك العافية ..

تنقو الجميل..
مرحب بيك يا خالد والجمال للجميلين..

ندا علي..
تشكري يا زولة يا رائعة..

الصادق..أبو مريم..
الله يسلمك ويعافيك يا صادق
وتشكر للسؤال عن العبد الفقير لله ياها المحرية في الناس النيل المطر..

زمراوي..
دوس اللنكات يا زول يا جرسة الغنية ما بتترفع إلا تتقسم
لأنها سايد كامل في شريط نزل الجزئيين وأسمع لامن نلقي لينا مكتن ماهل نرفع فيهو الغنا.

سوركتي..
أتاريك بكاي زي أخوك..

يمنى العسل..
كل لحظة وانت اكثر جمالا جوه وبرة..
وربي يقسم ليك الهنا محل ما تقبلي..

قولي آآآآمين..

يمنى كل سنه وانت طيبه..وتراكى الفى خالد عرفتيها لكن


كمان عقد الجلاد ماتابيهن...


اما انت ياخالـــد ماعارفين نقول شنو..غايتو شايقى ونجح.

انت بالعافيه التخصك فى المصارين تبقالك هدم..سروال..ونعلين

هذا دعاء الشاقيه لفلذاتهم وزى ماقال د/ الجعلى من كان داعيا

فليدعوا بمثل هذا او ليصمت...

يا جماعه القصه دى عاديه...
من يوم خالد نزل الشغل ده انا ما بسمع اى غنا تانى واعنيها حرفيآ...وكل ما اسمع كل ما الحاله تزداد ..
القصيده و العمل الموسيقي شئ مدهش..القلبات من نوع لنوع تانى...كل ما نقول عقد الجلاد نضجو يخلعونا بى حاجه جديده وينجضونا معاهم...
اسمعوا الحاجات العجيبه المجدعه بى ورا هنا وهناك...
شمت...ياخى ياخى .... والولد البقول براهو "جلدى الليله بينو وبين عضاى المافى " ده جابوه من وين
والنو النفسو مشتت فى كل العمل....
اااااااح....الله يخليكم لينا....

اطلع منى يا حزنا بقا مكجنى
خلنى ابدا مسدارى

رجاء..
وإنتي طيبة.. لامن تجيكي بت أختي..

صديق الموج..
دعوتك حلوة يا زول يا جميل
وأنا عارفك شايقي بالإنتساب
شفت الناس ديل حنان كيف .. ويقولوا (روس)
ورسلت السلام يغريك يا الموج
(وأنا ما بوصفك آصباحي بخاف من العين
وإنت من عين الحسود وادعاك جبريل)
تصدق بمشي ببحتها وأسمعها
مالك علينا يا موج مش كفاي -الحزن النازل فينا ليل نهار-

مراويد..
حالة صعبة مش؟؟
تصدق نفس الحالة من يوم ما نفحني حمزة سليمان بالغنوة
وأنا مدور فيها سماع .. وسجلتها في كذا سي دي
والجماعة ديل الله يديهم العافية يشيلوا ويوجعوا فينا
أما زولك البقول (جلدي الليلة) فدي قصة براهو
وحقيقي خلي (شعرت جلدنا تكلب والكليبة اليا ها)
ويا حمزة سليمان المصيبة ده جبتوه من وين..