Post: #2
Title: Re: (Four Seasons -(Vivaldi-المطر،شتات،جورج،عبد الله جعفر، الملكة.
Author: almohndis
Date: 05-17-2004, 10:53 AM
Parent: #1
اخونا خالد الحاج
الله يديك العافية
فصولك ديل زادو
حبه
:D :D
|
Post: #3
Title: Re: (Four Seasons -(Vivaldi-المطر،شتات،جورج،عبد الله جعفر، الملكة.
Author: خالد الحاج
Date: 05-17-2004, 11:02 AM
إزيك يا مهندس
العمل أربعة فصول يا عثمان لكن بي رؤي مختلفة
يعني مثلآ أداء للعمل بكمنجات ونفس اللحن بالآلات الوترية
كمان بتجد الأداء بي أوركسترا إيطاليا ومرة فرنسية ومرة روسية
وأسمعهم بتلاحظ الفرق ولسة في ستة جايين
|
Post: #6
Title: Re: (Four Seasons -(Vivaldi-المطر،شتات،جورج،عبد الله جعفر، الملكة.
Author: شتات
Date: 05-18-2004, 09:33 AM
Parent: #3
الغالي خالد الحاج ..
والشمس في راحتيك ..
تنفجر الفصول ..
تمتد الجداول ..
وفي الدروب أنت واحة ..
يتطاول النخل ..
يصد الريح العواتي ..
يصفَّى النسيم للرائحين والغادين ..
تنفتح المجاهل ..
يحتفل الطريق ..
نمتطي الخيول الصافنات ..
تتدلي قناديل الليل ..
يجتمع الصحاب في استراحة المدى ..
يبنون عالما من فجر ..
ينبسط الصباح ..
يهطل الأمل ..
تمدد أيها القادم ..
من جذور الميعاد ..
قمحا ..
ووعدا ..
وتمني ..
يا لحظ هذه الساحة بمثلك يا خالد .. ويا لسعادتنا بك .. تأتينا دائما بنفحات الخير ..
بالجروف والعتامير والمطامير ..
بالفصول ..
مطر .. خضرة .. زهور
بالموسيقى ..
أغنية .. موال .. موشح .. سيمفونية
بالأصدقاء ..
بسمة .. ضحكة .. وجلسة شاى
نهديك ..
الود ..
مطر وغيوم ..
نهديك الصباح ..
وشاح ..
ونلتقيك ..
صلاح / شتات
|
Post: #4
Title: Re: (Four Seasons -(Vivaldi-المطر،شتات،جورج،عبد الله جعفر، الملكة.
Author: THE RAIN
Date: 05-17-2004, 11:06 AM
Parent: #1
خالد الحبيب
إنت شفانا وإنت البلسم
إنت المنية وإنت المغنم
فى حضرة جيتك نسعد
الفرحة تبهرج وتتجدد
لا بنشقى معاك لا بنتألم
نقراها معانى الإلفة معاك
تخضر لحظاتنا وتتمدد
ومن لوح الطيبة الفيك
نقرأ الكلمات ومنها نتعلم
دوما تفى بوعدك، ودوما تكبر مساحات الزهو بك، فينا، ويزداد ضوءها ليعم كل أرجاء النفوس ودواخل الأرواح
وإمتدادا للإهداء السخى والنبيل، إسمح لى أيضا أن أهديها بدورى لأستاذنا الشامخ الملئ بالنغم والجمال، يوسف الموصلى
وأنطونيو فيفالدى، واحد من أعظم موسيقيى إيطاليا، عاش فى الفترة من 1678 الى 1741، ويعد من أبرع المؤلفين فى عصره حسبما وصفه مواطنه الإيطالى المبدع الآخر، جيوسيبى فيردى، المتوفى فى سنة 1901الذى أشتهر بتأليف الأوبرا واشهرها أوبرا عايدا
والفصول الأربعة عمل عبقرى تتداخل فيه العبقرية الموسيقية مع الخيال والحس الفنى بشكل مذهل، وتعد من أجمل الوتريات
ومجددا يا خالد، لا تتسع الكلمات لحمل شكرنا وثناءنا ومحبتنا وتقديرنا لك
أدامك المولى لنا جميعا، لنشر المحبة والإلفة والجمال، وزادك الله عافية وجمالا
أبوذر
|
Post: #5
Title: Re: (Four Seasons -(Vivaldi-المطر،شتات،جورج،عبد الله جعفر، الملكة.
Author: هدهد
Date: 05-18-2004, 05:20 AM
Parent: #4
صباح الخير يا شباب
وصباح الورد ايتها العزيزة رجاء العباسي
مطر شتات جورج
آه
آه
آه
انا آه
|
Post: #7
Title: Re: (Four Seasons -(Vivaldi-المطر،شتات،جورج،عبد الله جعفر، الملكة.
Author: newbie
Date: 05-18-2004, 10:07 AM
Parent: #5
شكرا خالد الحاج
تصدق كنت بستمع لهذه القطع (midi) في الكمبيوتر عندما رأيت هذا البوست ,,,, لو في مجال رابط يكون mp3 لو عندك شوية مساحة
|
Post: #9
Title: Re: (Four Seasons -(Vivaldi-المطر،شتات،جورج،عبد الله جعفر، الملكة.
Author: ملكة سبأ
Date: 05-18-2004, 02:03 PM
Parent: #8
Quote: لحظ هذه الساحة بمثلك يا خالد .. ويا لسعادتنا بك .. تأتينا دائما بنفحات الخير ..
بالجروف والعتامير والمطامير ..
بالفصول ..
مطر .. خضرة .. زهور
بالموسيقى ..
أغنية .. موال .. موشح .. سيمفونية
بالأصدقاء ..
بسمة .. ضحكة .. وجلسة شاى
نهديك ..
الود ..
مطر وغيوم ..
نهديك الصباح ..
وشاح ..
ونلتقيك ..
بلقيس/ الملكة |
اااى سلبطة سلبطة 
انا برضو عايز اقول كدا ياخال
وعاين فوق كنك .. انا المطر زمان كلمته وقلت ليه انا خايفة يوم اتسلبطك واهو اليوم دا جا
اها ياخال انا عايز اقول برضو :
Quote: إنت شفانا وإنت البلسم
إنت المنية وإنت المغنم
فى حضرة جيتك نسعد
الفرحة تبهرج وتتجدد
لا بنشقى معاك لا بنتألم
نقراها معانى الإلفة معاك
تخضر لحظاتنا وتتمدد
ومن لوح الطيبة الفيك
نقرأ الكلمات ومنها نتعلم |
|
Post: #10
Title: Re: (Four Seasons -(Vivaldi-المطر،شتات،جورج،عبد الله جعفر، الملكة.
Author: Raja
Date: 05-18-2004, 02:29 PM
Parent: #1
الرائعون خالد، المطر، جورج، شتات، عبدالله جعفر، الملكة، الهدهد، نيو باي..
شكرا ليكم كونكم بقيتو السبب في هذا الركن الرااااااااااااااااااااقي..
خالد.. حاجات زي دي يا تمد في عمر المنبر ده يا تقصر أجلو..
|
Post: #11
Title: Re: (Four Seasons -(Vivaldi-المطر،شتات،جورج،عبد الله جعفر، الملكة.
Author: mohamed elshiekh
Date: 05-18-2004, 03:43 PM
Parent: #10
الحلو خالد
رغم انو الدعوه لم تشملنا للاستماع والاستمتاع بهذا العمل الراقى
ولكن لقناعه خاصه جدا اعتقد انو مافى وتر انضرب ولا وازا اتنفخت
ولا حتى نحاس انضرب ولا دليب اتهبش والا كان موجها بشكل خاص وخاص جدا لى انا وحدى حبا وعشقا فى المزيكا والطرب. عشان كده لما لقيت الفصول الاربعه قلت دى يومك يا ود الشيخ وعمل ذى ده بيقعدوا ليهو بحاله مزاجيه خاصه يعنى لازم تكون مهيأ عشان تستمتع .. يازول قمته
ظبطه كبايه بتاعت شاى سادة ولى لحظات ذى دى لازم يكون الشاى منكهه
بالقرنفل وشرط على كبايه من النوع الفرنسى الرهيف داك متمرة وتلمع
ولازم تكون بعد حمام وعليهو قشرة ما عاديه وجردل بتاع عطر بى مزاج ... لانو اقل من كده ماممكن لعمل ذى الفصول الاربعه .
المهم بعد التجهيزات والتهياءات جينا قعدنا وفركناالاصابع وختينا سجاير الميرت الماخمج وكمان شغلنا الاضاءة المناسبه لى لحظات ذى وشويه شويه جقمه من الشاى ونفس من الميرت شويه شويه بدينا ننفصل من العالم المحيط وندخل فى زمنك الجميل وخيالات من هنا وخيالات من هناك وباقى الخيال من نواحيكم .... ثم بدات ارتفع استعدادا مع الفصول الاربعه للهجرة فى الزمن .
وجاءت اللحظه المنتظرة انا الان مشدود ومدوزن تماما على الخط الثانى للاروكسترا ........هيا اضغط يا شيخون هيا حلق وسافر
هيا اضغط.......... وضغطنا ...... يا جماعه .... يا خالد لا اله الا الله ... معقول ابت تفتح يا جماعه دا كلام دا وبعدين ...
ولا قبلين ..الفصول الاربعه...... يعنى شنو مافى طريقه ..والجهوز التمه دا يعنى يروح ساكت.... ياخسارة .
تصدق ياخالد ابت تفتح معاى !!!؟؟؟
لكن ربنا ما كريم ... اها ..اندياح ذى بتاع شتات وهطول ذى بتاع اباذر و طرب ذى بتاع المنهدس والهدد ونيوباى , والق ذى بتاع الملكه و تمايل ذى بتاع الرجاء كان ممكن انا استمتع بيهو وين لو ما كان فى مسرح ذىدا
الله يديك العافيه
انت من ينثر العطر على هذا المنبر دوما ..
|
Post: #12
Title: Re: (Four Seasons -(Vivaldi-المطر،شتات،جورج،عبد الله جعفر، الملكة.
Author: خالد الحاج
Date: 05-18-2004, 04:18 PM
Parent: #11
الملكي..
مقبولة منك السلبطة وصدقيني لما الزول يقرا كلام المطر وشتات وجورج (بيوحل) وخالك بيبقي زي التمتام
أجارك الله الناس حلوين في النهاية بقيت البيخلف علي الله بيهو بكتبوا وهم من سماحتهم بيقبلوه..
شكرآ للسلبطة.
رجاء..
ما بتجيهو عوجة ده بكري مبرك ليهو فكي..وبعدين (البكان) محروس بي روعة الناس الفيهو
ألف شكر..
ود الشيخ..
يا حاج.. يا حاج..
تعرف ..لازم الليلة تسمع الألحان دي ونصيحة لي الله تشوف ليك ترمسة ألة شاي
كباية واحدة ما بتسويلك شي والحمام ما ضروري يعلم الله الموسيقي تغسل الروح
خليها الجتة..أنا ما عارف السبب شنو لكن تعال ناخدها (تاتي) خطوة خطوة.
الإحتمال الأول : تضغط علي (Play) ولما تنتهي الأولي وتقيف تبدأ التانية.
الإحتمال التاني: يكون الريل بلاير(Real Player) عندك ماهو ياهو ودي محلولة.
أضغط اللنك التحت ده ونزل الريل بلاير الجديد.
الإحتمال التالت: تكون الشي متلايقة عليك ساكت يا ود الشيخ وحرم كان بالمسنجر إلا أسمعك ليهم
http://forms.real.com/real/realone/realone.html?type=dl...src=040104freeplayer
|
Post: #13
Title: Re: (Four Seasons -(Vivaldi-المطر،شتات،جورج،عبد الله جعفر، الملكة.
Author: الطيب بشير
Date: 05-18-2004, 06:28 PM
Parent: #1
غيروا وجه البورد بمزيد من الغنا يا خالد الحاج
بمزيد من الفنون الجميلة
بمزيد من الشعر و مزيدين من الدراما
بمزيج من كل الفنون
لك الشكر و لنا الغنا
|
Post: #14
Title: Re: (Four Seasons -(Vivaldi-المطر،شتات،جورج،عبد الله جعفر، الملكة.
Author: بلدى يا حبوب
Date: 05-18-2004, 06:40 PM
Parent: #1
خالدالحاج
ويتواصل مد الاشواق لتدمج اسبوعا اخر للاشواق وعبر الوتر ننسجم وناس الكلام بكتبوا لينا كويس وناس الشمارات بغربلوه بمزاج وناس الكفر بنسوا العصبية ويفيدونا بالتحليل وكل الناس بيكونوا تمام واصلك انسان وديع وناس
شكرا للطرب الاصيل
تحياتى
|
Post: #15
Title: Re: (Four Seasons -(Vivaldi-المطر،شتات،جورج،عبد الله جعفر، الملكة.
Author: خالد الحاج
Date: 05-18-2004, 08:53 PM
Parent: #14
الطيب بشير..
صدقت والله.. ويا طيب تعجبني قدرتك علي الإحتمال..أرجو لك التوفيق فأنت إنسان سوي الدواخل
وابقي ماشي يا إبن عمي...أبقي ماشي والصابرات روابح.
أسعدني وجودك هنا..
بلدي يا حبوب...
ألف شكر يا بلد.. بنغسل أحزان (درّنت) جوانا وبنغش الزمن بالغناء
يديك العافية
|
Post: #16
Title: Re: (Four Seasons -(Vivaldi-المطر،شتات،جورج،عبد الله جعفر، الملكة.
Author: نجلاء التوم
Date: 05-18-2004, 11:13 PM
Parent: #15
الخال : العزيز خالد الحاج
عارف ؟ انا لى زمن مشركة ليك ، قريت اسم فيفالدى من بعيد , وجيت على هنا ولقيتك فى كامل المحبة. شكرا على الاشراقة دى مع اسف مقيم انو كلمات الشكر طوالى هى الاكثر فقرا بين كافة الكلمات .لا شى يضاهى فرحى بالعثور على تنويعات متباينة لقطعة محببة جدا لدى . اسعى بشراهة لحشرها فى جهازى بعد ان تمكنت بطلوع الروح من اكمال الداون لود للريل بلير .من هسى كلو ما عينى تقع على البوست ده حالجا لتصرف بشيه التالى :
UP UP UP
|
Post: #17
Title: Re: (Four Seasons -(Vivaldi-المطر،شتات،جورج،عبد الله جعفر، الملكة.
Author: خالد الحاج
Date: 05-18-2004, 11:51 PM
Parent: #16
نجلاء التوم..
خالك سعيد بي وجودك هنا
وليس تواجدك في رحاب "فيفالدي" بغريب
ألست القائلة
"
سأذبح صوتي
صوتي القديم
وأنسي كثيرآ
لماذا أهيم..
كضوء إلهي في حضرتك..
وما أرفق الليل.. لو لا إفتراق
وما أصعب الحب..لولاي..لك.. " .
ما أجمل هذا...
ونفس تشع جمالآ .. لا تري إلا جمالآ
هلا بيكي..
|
Post: #18
Title: Re: (Four Seasons -(Vivaldi-المطر،شتات،جورج،عبد الله جعفر، الملكة.
Author: Rawia
Date: 05-19-2004, 02:07 AM
Parent: #17
كما عيون حبيبى يأثرنى تدفق الفيولينات
خــــــــــــــــــــالد اخوى
انت مالك على
|
Post: #19
Title: Re: (Four Seasons -(Vivaldi-المطر،شتات،جورج،عبد الله جعفر، الملكة.
Author: Raja
Date: 05-24-2004, 06:27 PM
Parent: #1
|
|