النفاج/دعونا ندعم هذا العمل النبيل/ما أروعنا لو شئنا

Quote: من يضع تلك الصبيةفى طريقي؟؟ ومن علمها لعبة (التنطيط)على قلبي !!؟ ولما لم يعلموهابهشاشته ؟!؟ عليك الله مية انشاء الله ولله جعانة- ما اتعشيتى في بيتكم ؟!؟ - ابوى مات ، امى عيانة،واخوى قبضو ناس الكشة- ما مشيتى المدرسة مالك ؟ - ابتسمت الصبية واجزم ان ابتسامتها لم تحمل سوى معنى السخرية والعجب من غبائي ، فخجلت من نفسي ووضعت فى يدها الف جنيه وحدثتنى نفسي بان اتبنى تلك الطفلة - وهى حتفرق يعنى - والتفت لاتأكد من شكلها فاذا بها تذوب داخل شلتها قطيع من الفتيات لو سمحت لهن بممارسة التنطيط على قلبى ايضا لانخلع فى الحال فانصرفت وانا احاول معالجة اشجانى وهل استطيع تبني كل هذالعدد؟؟ هل افلح فى فعل ماعجزت عنه حكومات باكملها ؟؟ دا انا غلبااااااااان وياقليب مالك على

ملكة سبا


العام 1989 شتاء قارس مجموعة من الأطفال (المشردين) (الشماسة) يلتحفون أكياس الأسمنت ويلتصقون ببعضهم إتقاء حدة البرد ..لوري سفري محمل بالأسمنت يرجع ويدوس علي 9 أطفال فيموتوا في الحين.

القسم الشمالي لشرطة الخرطوم : مجموعة تقدر بحوالي 150 طفل مشرد يحتمون بمخفر الشرطة ليلآ خوفا من الإعتداء الجنسي عليهم،وفي الصباح ينطلقون بحثا عن لقمة عيش وشمة بنزين

الحرب ؟؟ إنها الحرب تثقل القلب ....بيوت الصفيح .. الجريمة..المشردين..الشماسة...الوجه الآخر للمدينة...من لهم..من يكون العم والخال..والقلب الدافئ...المعلم...

محجوب شريف

النفاج....مشروع الأمل هؤلاء يمثلون مستقبل أمة..سألته بالتلفون يا أستاذ محجوب ماذا يمكن أن نقدم ما الذي تحتاجونه؟؟؟قال كل شئ الحالة مأساوية ومتردية...

هلا توقفنا عن لعن الظلام وعملنا علي أن لا تنطفئ شمعة أشعل جزوتها
محجوب شريف

دراجة للمقعدين صناعة سودانية(ورشة نفاج)


أعمال يدوية :حرفة في اليد


Made in Sudan


معرض منتجات الأطفال


صناعة سودانية 100% بأيدي شريفة

خالد
معاك قلبا وقلبا
نعمل شنو وكيف
ايميلى فى البروفايل

العزيزة هالة قوتة
أعمل بمساعدة الأخوين عاصم الحزين والمهندس(بورداب الخرطوم)
والمطلوب تبرعات مالية وأي مساعدات عينية
وسوف نوافيكم بالتفاصيل ورقم الحساب

تسلمي

معاك و معاهم للطيش يا خال

تسلم يا ملاسي
قدرها والله

قبليهو بداها محجوب عبد الحفيظ ياخال ..
ونتمها من هنا ومعاك بآخر نفس .. وسع النفاج .. وافتح منافذ الضوء

تمبس أيها النبيل
سلام سلام

أبا الأبي تحياتي وفخري بك
عمل خير أنت أسرجت خيلة وأضأت قنديلة وربنا بتمه بمشاركة الجميع ولك فضل السبق ونحن معاك لي قدام إن شاء الله والعيد مبارك عليكم وعلينا وعلى المسلمين واسأل المولى أن يجعله عيداً على هؤلاء الضعفاء ويسخر لهم عباداً يزرعون البسمة في شفاههم
تحياتي وتقديري

بدر الدين
سلام يا زول يا زين
عشمنا في واقع أجمل يا صديقي الأجمل
وهذا لا يتأتي بالتمني، وأنتم لها
فالنصنع واقع أفضل
سلمت يا بدر

ابا الانسان المهذب الرائع

دائما تبادر بما هو جميلا جاعلا من هذا المنبر شمعة امل

معك بكل ما نملك حتى نرى طفولة كلها امل وعمل وسودان جديد مشرق
اشكرك يا رائع لهذه الدعوة وربنا يحقق امال الغبش

تحياتي

ابا ...
بس خلاس ... انت بحر يا صديق .. أحبك

بس سؤال واحد
انت ليه روحك مهذبه كده؟؟؟؟

ما تقول لي عشان سوداني

محجوب والاطفال في عيونا
وانا من زمان نفسي ادعم النفاج ده لاكن اسوي شنو
عموما اي خدمه انا بقدر راسلني وانا والله مستعد الف

الغالي خالد،،
كان لي شرف متابعة النفاج منذ بدايته،، وكان للنفاج صفحة ثابته كل ثلاثاء في صحيفة الخرطوم/المهجر، يعدها الأستاذ محجوب شريف، ويشرف عليها الزميل أحمد عبدالمكرم، وحضرت كل أيام تسجيل شريط "تبتبات"، في ستديو الأستاذ أحمد يوسف "حصاد"،،
سعدت بما اتيتنا به من انجازات النفاج،، وعلى استعداد لأي مدد مطلوب..
التحية للنفاج وجنده،، والتحية لك يا حامل المسك،،

Quote: ،، والتحية لك يا حامل المسك،،

والله صدقت يا بت العم ...

العزيز حسين ملاسي،،
سلام وتحية واعياد مباركات،،
هذا هو خالد، فما كتب بوستا الا وتنسمنا ذلك المسك، وكل هذا من حظنا،،

الأعزاء
الحبوب
أبراهيم الجريفاوي
والصديق ملاسي
الله يعزكم ويكرمكم ويدكم معاي
وكلنا في إنتظار بعض المعلومات من عاصم الحزين
والمهندس ونرجوا أن يكون عمل مثمر
لكم الود أرتال

رجاء العباسي
مرحب بيك يا إبنة العم
وكل ما نرجوه أن يكون هنالك عمل ملموس
لنصنع معا ما هو أجمل ونضع بسمة في عيون محرومة
ونشد علي يد محجوب الإنسان ونقول ليه ماك براك
يا محجوب نحن كمان نحس بالوجع وهاك منا ما هو أكتر من الكلمات
وتسلمي أيتها العزيزة

الاخ خالد
شكرآ للدعوة النبيلة
غير التبرعات المالية افتكر التبرعات العينية مهمة
يعني مثلا تجميع ملابس الاطفال وارسالها عن طريق ممثلين لنفاج في كافة المنافي
انت عارف الاطفال بيكبروا سريع ولسة الملابس جديدة الناس توديها هنا للمنظمات والمراكز الفي كل مكان لصالح ناس تانيين
اطفالنا اولي..موش كدة؟؟

غايتوا جاهزين ومعاكم

شئنا يا أخ خالد، فالفكرة نبيلة وتحقيقها ما صعب!

وياريت تأتونا بالمزيد من أخبار النفاج، فقد تابعتها في فترة وجود الأستا> محجوب شريف بالقاهرة، وأكن لها الاحترام والتقدير العالي.

إيمان

الأعزاء
حنينة
إيمان أحمد
أشكر لكم تجاوبكم ويا حنينة قام الأخ الدكتور حسن قطبي في لندن بجمع كمية ضخمة من الملابس للأطفال وحين هم بشحنها فوجئ بصدور قانون جديد يمنع إستيراد الملابس المستعملة لذلك فضلنا فكرة أرسال أموال
ولا قانون يمنع ذلك علي الأقل حسب متابعتي حتي مساء أمس وليس بالضرورة أن تكون المبالغ كبيرة فعشرة جنيهات إنجليزية من الفرد قد تصنع الكثير وبإمكانكم مساعدتنا بالرأي في وسائل تجعل هذا الحلم ممكنا.. ولكم معزتي

aba
sabah alkhair and salam
no need to repeat what has been said about you (ya misk amsik alkhashab)
or about Nafaj
practical:
1- A home page, simple one about Nafaj, to present it to the world,in Egnlish,Arabic, German, French, Dutsch.
This is very important, the experience with the sudanses contributions , unfortunately, is not encouraging, plus wîll not be of that significance, moraly of course very significant, but financially we need to target the NGOs, the governmental agencies, and a serious project like Nafaj will gain a lot of support.
I will send the rest of my suggestion per mail to you and we can discuss it with the others. sorry time is pressing
thanks again to you and other friends
and sorry for writing in english
esam

العزيز عصام
سلامات..حقيقي تعجبني أفكارك..عمل صفحة لنفاج بالنت ومخاطبة المنظمات الغير حكومية(الطوعية) ولي تجربة مع الأخيرة حيث توجد بعض القوانين التي تصيغها الحكومة حسب المزاج والمقاس وأخر تجربة شحنة ملابس لم نستطع إرسالها للخرطوم لصياغة قانون جديد يمنع ذلك..عموما فالنتحاور بالمسنجر وإن كان ذلك لا يمنع المساهمة المادية في هذا المشروع الإنساني الكبير..ويا عصام يا إبن عمي إعتاد السودانين السخرية ممن يغني للوطن بانه إنما كلام والكلام ببلاش هذا رجل غني
للوطن وهو اليوم يحفر في الصخر ليجعل أغنياته مشهد يري وحقيقية تتفاعل ..والعمل كبير لا يمكن أن يقوم به فرد لوحده وإن كان في قامة محجوب شريف ..فالنجعلها ساحة للتغني الصامت

ابا يا رائع

لك سلامات كثيرة انت و الأحباب في البورد

في الحقيقة اهتمام مركز عبدالكريم ميرغني الثقافي بالاطفال عامة و المشردين خاصة تحتاج الى عشرات البوستات لنوفي الرجال حقهم

و خاصة الاب مجوب شريف مد الله لنا في عمره المديد

و دي لقيتا فرصة لاعلن عن المشروع المشترك بين المركز و بين اتحاد طلاب جامعة الخرطوم

في اطار سياسة الاتحاد في تقوية العلاقة بين طلاب الجامعة و حركة الشارع العادي

و انشاء الله حتكون البداية في مشروع الهكر

او كما يسميه الاستاذ مجوب القديم المهمل المركون او ما فاض عن الحاجة

و سوف تاتي فرقة نفاج للفنون الشعبية و كل الاطفال ليأخذوا اي قطعة حديدية خردة ليحولها الساحرون الى أشكال كالتي تقضلت انت مشكورا بنشرها

و سوف يكون معهم عدد من الشخصيات المعروفة لجعل المشروع و البرنامج عبارة عن تظاهرة فنية

فلا تستغرب ان قلت لك ان في ذلك اليوم الموعود يمكنك ان ترى شمت من عقد الجلاد يعاون اح الاطفال في نقل قطعة حديد

او الاستاذان سيف الجامعة و ابو عركي و هما يحملان مكتب قديم

و كم نحب ان نرى اعضاء المنبر الحر في هذا العمل معنا

و حال تحديد موعد البرنامج ساقوم باطلاعكم

و ستكونون معنا بالصور انشاء الله

و سيكون هناك الكثير الكثير من اعلام المجتمع السوداني في هذه التظاهرة باذن القدير


كما سينظم الاتحاد ورشة عمل عن الحقوق الاساسية للمرأة و الطفل

و التي ستكون ضمن اليوم الطلابي لحقوق الانسان الذي سينظمه الاتحاد بعيد العيد

و لكم الود احبتي و لنا ما تبقى و لهم منا الاجلال و الفخار و حبر النضال و وافر التقدير

إنتهازي
أيها الرائع سلام
أسعدتني أخبارك وهذا ما يميز القطاع الطلابي أنه أكثر إلتصاقا
بواقع الشعب..ونحييكم ونقف إجلالا لكم والتحية لمركز عبد الكريم ميرغني ولعركي الإنسان وسيف الجامعة الزميل الهميم ..ونرجوا أن
تتضعونا في الصورة وبالصور..وهكذا يجب أن تكون الإتحادات الطلابية
ولي قدام يا صديقي الفاضل

الاخ ابا

معكم فى أى خطوه الى أرجاع البسمه الجميله لأطفال السودان والشكر لعمل النفاج والاهتمام بثقل وتفجير مواهب الاطفال والتحية للمناضل محجوب شريف

أجمل الأطفال قادمون ساعة فساعة

عيونهم أشد من عيوننا بريقا

صدورهم بما وهبت أكثر اتساعا

وحينما يكبرون يا أبي

سيوفهم تزيد من سيوفك الطوال طولا

لأن بذرة الحياة ليست الرصاص

لأن بذرة الحياة ليست الرصاص

الشريف
يا صديقي الشريف تسلم
ولم أتوقع منك أقل من ذلك

عمل يستحق وقفات قويه يا ابا
تحياتي لكل القائمين عليه
وعي راسهم النبيل
محجوب شريف

الأستاذ موصلي
توصل تحايياك إن شاء الله
ونتوقع تعاونك معانا وإنت أهل لذلك

غدا الاحدصباحا23/11 سوف يكون فى معيتكم
الاستاذ محجوب شريف
فى كل ما يخص النفاج
وانا كان لديكم شئ اخر

ياااااااااه ابا العزيز
شكـــــــــــــــــــــــــــــــــــــــرا

هذا ما اردت قوله بالضبط

معكم قلبا وقالبا

ويدكم معاى اولا ياسادة
حاولوا كبح هذا المجنون !!
قلبه هو الذى يمارس لعبة التنطيط هذه المرة فرحا

شكرا شكرا شكرا شكرا

ملكة سبا
تسلمي يا إبنة العم وشكرا ليك ولي كلماتك الطيبة

سيكون معنا غدا الأستاذ محجوب ويمكن لمن أراد إستفسارا
عن مشروع النفاج وضع إستفساره هنا

الان الاستاذ فى معيتنا

الان الاستاذ فى معيتنا

اخى ابا لك كل الود والحب والتقدير وكما قال الحبيب المصطفى (ص) فى حديث قدسى ان لله اناس اختصهم بفعل الخير حببهم للخير وحبب الخير اليهم اولئك الآمنون من العذاب يوم القيامه. اللهم اجعلنا منهم
قل لنا كيف ومتى يتم ذلك .


كبروا المواعيين


نصر الدين حسين

العزيز المهندس
تحياتنا للأستاذ محجوب وأرجو منك إخباره بأنه قد جد من الأمور ما شتت ذهن الناس عن موضوع نفاج هذين اليومين ..دعواتنا للزميل بالشفاء العاجل..ونريد يا مهندس رقم حساب المشروع..

الأخ نزار حسين
تسلم يا صديقي وتابع معانا بعيد العيد بعون الله

Quote: أمانة عليكم ..محجوب شريف والنفّاج ..ما تنسوا الاطفال اولاد وبنات الهامش ضحايا الحرب والنزوح ..ما تنسوا المسنين اصحابى اكيد بيحتاجو لزول يتونس معاهم .. ما تنسوا اطفال الخطأ الرومانسى وملجأ المايقوما واشكالاته

فوق عشان وصية عاصم

وواحدة مني يا ملكة

up
عليكم الله خلوا لي البوست الهام ده فوق . داير اخش فيه لكن الجندرية ما مدياني اي طريقة .

خالد

هذا الجميل هو من قال :
وطن حدادي مدادي
ما بنيه فرادي
ولا بالضجة في الرادي
ولا الخطب الحماسية

وهو حقاً يفعل ما يقول

له انحاءة احترام
ومحبة من القلب

وربنا يقدرنا كلنا على الاسهام في العمل البديع دا

عثمان تراث العزيز
سلام أيها النبيل
وننتظر عودتك
ألف لا بأس عليك قالوا متألم شوية


العزيزة الجندرية
مش كده بالله
الله يديكي الصحة والعافية

فوق
ودا حرام يمشي الارشيف ..

فوق

انا ليه ما جيت هنا؟؟

لوم العدو...

وقريت عنه وبوزع مجلة النفاج...

بس مازرتك..

طيب خلاص نوحد جهودنا.زى ما انت قلت فى بوست مشروع ام سهى..

الشغل ماشى لى قدام..ومابنختلف فى اليتامى...

تسلمي يا تماضر
وعرافك قدم خير علي أعمال الخير
والبتمدي ليه يدك يا بت الشيخ متموم
وخلونا نصنع التغيير..وإنتظروا مني التفاصيل
وخلو البوستين ديل فوق.
أم سهي والنفاج..

كان لى ايتام ام سهى..البوست مرفوع..بى جمال ناسو...

أبا .. يا حبة
وحبة دي من المحبة
حاضرين .. حتى اليقين
ونحن باذن الله دائما مع حزب "الفضول" حزب الفضول دا حزب الرسول طبعا ..
حا ننسق انشاء الله مع البورداب هنا بعد الفكرة تكتمل
وانت وتماضر .. ربنا يديكم العافية ويعلي مقامكم
وكل سنة وانتو بخير والسودان بخير

الكريــم خـالــد،
على أتم إستعـداد، (أين نحن الأن)

عاصم جاي
والشغل دا اخدموني فيه ياخالد ابا
ورونا الحاصل نحن جاهزين

شتات..كوم محبة..وياها المحرية فيكم..

أبو الريش ..ما بتقصر يا أبو حميد وطبعا بجهز ليك في الموضوعات ومنتظر حاجات من الخرطوم
ويا زول ببقي ليك في رقبتك بس أرجي الجاياك..

يا ملكة الشغل من غيركم ما بيبقي ودايرين منكم الحركة والشغل الميداني
وطبعا مع رجوع عاصم ووجودك إنتي ودريمس والمهندس بيكون في نواة لمجموعة طيبة لتقسيم العمل في الخرطوم بس ما تخرخروا بعدين..

ابا الغالي
معاكم وبيكم بنقيف مع النفاج لما نسمع صرير الباب بس انتو تامرو ونحن بنفذ
لي فوق يا نغاجنا
تحياتي للمبدع محجوب شريف

رقم حساب نفاج
مركز عبد الكريم ميرغنى الثقافي
حساب رقم: 3061
مشترك عملة محلية ودولار
البنك السوداني الفرنسي فرع الخرطوم 2

خالد أبا تحياتى
جريت النفاج لقيته من 20/11/2003 يعنى أكتر من شهرين
وشايف الردور كل مرة سنوافيكم بالتفاصيل . بالله اسرع
لأنه نحن بطبعنا جاهزين لكل شى . وبعدين محجوب دا راجل صديقى وحبيبى
بس ما شفته مما جوا الناس ديل لأنى ما بمشى هناك وإنت عارف وهم عارفين
سلام بالله ياخالد أسرع لينا شوية وفيك الخير ما بتقصر يا ود الأمراء

أحمد خير تسلم يا صديقي وفيك الخير..

صديق ضرار..أهو المهندس نزل رقم حساب النفاج..قول واحد
بنعمل في وب سايت..ناس لندن مشغولين اليومين ديل في تجهيز مساعدات عاجلة
والمسألة يا صديق رغم الوضع المأساوي لكن محتاجة جهد مستمر وصدقني بعمل البقدر عليهو
ولما نقول التفاصيل بنقصد جهدنا نحن كأفراد تصدوا للعمل ده ومطلوب مشاركتكم عشان التفاصيل تكتر.. وباكر لو ناس هولندا إجتمعوا حسب ما هو مخطط بنطرح الموضوع ونشوف مساهماتهم شنو..
ولك ودي

تعرف يا الخال .. خالد الحاج .. أبا سابقاً
محجوب شريف ابوي النبّهنا بضرورة ان نعرف سوداننا من جميع جهات الوعي
معكم انا في تمام انجاز مهامي حين اكون في الوطن
عاصم الحزين ؟؟؟؟؟؟؟؟؟؟؟؟؟؟؟؟؟؟؟؟
.................................
أعرفت لماذا يااااااااااااا خال
لأنه وطني يرزح في ضلالة الاهتمام بأبنائه الطيبين

و
سلام حتّي مطلع الامر

http://www.sudan.org/nafag/

الأعزاء عاصم الحزين..
المهندس..
شكرا لكم وأنتم تقومون بعمل جميل

وأشكر الأخ الكريم أبو الريش علي مساعدات جميلة سنحكي عنها في حينها
في الوصلة أعلاه مشروع ويب سايت للنفاج سيكون نافذة للنفاج ورابطها مع
محبي الخير من السودانين في العالم.

فوووق

up

http://www.20six.co.uk/Alnafag
الجديد موقع نفاج التحضيرى
الويب في بدايته وسوف يتم نقله بعد الإنتهاء منه إلي مساحة أكبر في النت تسمح بنقل نشاط النفاج

سنـد للإيـدو مكسـورة
*** حنبنيه البنحلـم بيـه يوماتـي ***