إحذروا فيروس خطير يصيب لبورد

أللهم يا ربي يا خالق المحبة ***تجعل شمارنا عليهم حبة حبة

بدأ خافتا ثم إنتقلت العدوة وأصابت بعض أعضاء البورد في القلب وبعد أسبوع من التوتر المشوب بالحذر يشير ترمومتر الحرارة إلي إنحراف حاد نحو الرقة والبوح المقفي ، وصرح مصدر موثوق به أن الفيروس مصدره الخليج العربي وقد إنتقل إلي البورد عن طريق بوست
المدعو رحمابي (الخدود الشاربة من لون الشفق

الخدود الشاربة من لون الشفق عند المغارب

وأصابت العدوة أول من أصابت المدعو هوب ليس وقد أدت الإصابة إلي نحوله وفقده (الليس) فصار هوب من غير ليس وصمت يومان ثم نطق وقال كلمته الشهيرة(الكلمه دي ليك يا (قمر) ليك وبس

http://www.sudaneseonline.com/cgi-bin/sdb/2bb.cgi?
seq=msg&board=2&msg=1063634900

وتقول إحدي الضالعات في الشمار أن (القمر) عمل أضان الحامل طرشا فما كان من طرير الشباب هوب إلا أن تقمص شخصية شامي كابور في الفلم الهندي تسري منزل و غني لها وغني..الغنية دي ليك يا قمر) ليك وبس

وكان لهذه التغيرات الفجائية وقعها علي بعض أعضاء البورد فصارت راويا العباسي تحكي عربي لما صعب الشمار عليها بلغة الفرنجة

Quote: غايتو يا ابا موضوع هوبفول دا انا وانت شايلين ريكتو وفاركين ويكتو التقول لينا فيه ناقة او بعير .....غايتو انا بشجع اللعبة الحلوة -------------------------------------------------------------------------------- Rawia El Abbasy

وكان ذلك مثار تعليق من بعض أعضاء البورد المفتحين

Quote: هى شوف؟ راوية صارت تحكى عربى مبروك يا راوية العربى اها يلا بالله نتوقع مشاركات تمام دكتورة بيان -------------------------------------------------------------------------------- وبكيتُ ما بكيت : من ترى يمنحنى طائراً يحملنى لمغاني وطنى عبر شمس الملح والريح العقيمْ لغة تسطعُ بالحبِّ القديمْ. السمندل

وقام هوب بتعيين المدعو أبا مستشارا للمحبة

Quote: هوب فل من دخلها يا ولدي مفقود مفقود ومن لم يدخلها يا ولدي مفقود مفقود -------------------------------------------------------------------------------- خالدالحاج

وكان لذلك التعيين ردود فعل مختلفة من بعض الجنس اللطيف فوصف بأنه خمجان

Quote: يا ناس الود هبفول مشى باب شريف يلقط الشيلة باستشارة ورعاية أبا الخمجان راعى حزب الشيطان عايز يكتر كومو ويقعد بعدين يقول والله هوب بقى محمول ومسكين دومة لوووووووووول الولد مسنق ان اكشن راوية لوووووووول رجاء الحلو بيحلو بيه من قاليك فكى خالة وما عندك تعتير ابو قوتة بقيت باونتى هانتر ولا شنو الزول دا كان ما قلع كلمنا عشان ننزل قصيدة يا عبده لا خطاب الشاكوش السودانى دكتورة بيان

ووصف أيضا بأنه (مودك) من ودك وهي علي وزن مفعل (للمستشرقين) وليس مفاعل للتوضيح حتي لا تأخذها أميركا حجة لغزو السودان بحجة إمتلاك أبا لأسلحة نووية

Quote: بت قضيم الحبيبة.. تأثير الفل علي انا وعلى الهوب؟ لووووول.. يا جماعة ما تخلونا حتى في المواضيع دي نعمل ليكم فيها صحفيين ونمشي نجيب الموضوع من أصله.. خلو العاشق الهوب فلي يغني وينثر، لكن انا قلت للجماعة المودكين ديلك (ابا) وصحابه ادو الراجل حبة خبرة ، لأنو لو استمر بالمعدل ده حنلاقي البورد كله حيغير اسمو... لووووووول رجاء العباسي

وقبلها وصفته تماضر بأنه مزلوع

Quote: المزلوع ابا تعال لينا فى بوست مايا الكلام دة دخل الحوش تماضر

إستطراد : (والله يا جماعة في حاجة فيني بتخلي الجنس اللطيف يشتمني هي شنو ما عارفها لكن أفتكر الأناقة والشياكة هي السبب) أفيدونا

وتنتقل العدوة إلي المدعو يا زول يا زول فيبكي شعرا

Quote: شيرى وعين الله ترعاكى وخلى الباندويدث شبعان يقبل فاكى ماكان اتملأ لولا الكلام لولاكى انتى تعبى فيه ونحن يوت نلفاكى نقرا ونشحد الله يجمعنا يوم نلقاكى فى حوش بيت كبير فيه الجداد بيكاكى او رقشة فى زلط سواقها لابس كاكى او فى باب شريف وسط البنات بتحاكى او حفلة عرس فنانا ضاحك باكى وأساسى يكون معانا مقنطر التمباكى روبنسون بيعرض فى الرقصة يتحداكى والباندوث فضى لى شيرى بابو متاكى هترشى فيه ساااااكت ونحن نستناكى يا زول يا زول

ثم إنتقلت العدوة إلي سنتمنتال إلا أن مناعته كانت جيدة فأصابته بالتمتمة فكان أخر ما صرح به

Quote: طبزها طبزها طبزاااااااااااااااااا سنتمنال --------------------------------------------------------------------------------

وأدي ذلك لرفع النداءات له

اين انت يا سنتمنتال
وانتقلت العدوة إلي المدعو أساسي فبدأ الرجل يكاد يشك في نفسه لأنه كاد يشك فيها وهي منه فأشعر (من قال شعرا) فأبدع وإن كان تأثير الفيروس عليه في الرأس إلي جانب القلب ويظهر ذلك من العنوان

وطارت من قولة كر

وطارت من قولة كر
آخر الحكي :

الحب جميل يا أخونا***فجر قلوبنا محبة
خلي الحمل في أمان***بين الأسود يتربة
لا جعلي لا شايقي***ما بيفرزهم بالحبة
كفت الخلق خلاها***في ود تعيش في صحبة
نسجو القصيد***ختو النزور في القبة
واللحن ذاع وانساب***خلي الحروف تتكبة
بي قدرتو المعبود***بي جاهو فالق الحبة
والفيروس خطير وعجيب***خلاها ربت ربة
ولو جانا يوم شاكوش***ساعدونا بس بي جكة

ابا
يا اخى
كيف نشتمك
دا
لو طبعا قاصدنى فى كوم الجنس اللطيف

يا اخى ما سمعتا الشوايقة بيقولو

Quote: كترة الريد دعى وقميد

وهو نحنا بنشتم من طرف
والله بس لاننا بنريدك
عشان كدا بندلعك بالخمجان دى


اما فيروساتك دى
شمارها مغربل نااااااااااعم
للسن احكام ما تتكلم بالالغاز
نحنا القواعد ديل الشمار
المغلف بيرفع الضغط والسكرى
فيالا
حتو بالحزافير والتفاصيل المملة

انا عاد يا ابا يا اخوي من ما تبقى رومانسيات روحي تتشحتف علي الشمار..ابا انا مقفوله لي في بلد براي لي 3سنين و فجاة القى الشمار دا كلو و مااتشومر....بيني و بينك يا ابا انا الناس ديل بغروني ونفسي اصاب بي الفايرس دايراهو يجيني سريع و يكون شافي شديد و لوووووووووول

ابا
شحتفتنا ياخي
فت الشمار سريع
من فَتَّ يفِتًّ فتفتفتة

ومن فتَ وجد

حنينة

حنينة
تشمي قدحة
إنتي قايلة الحكايا بالسهولة دي

راويا يا بت عمي
نسأل الله يديك ريدة ما سبقك عليها زول تتكسري فيهو ويتكسر فيك ونحن نلم العضام

Quote: أتركوا أساسي ولا تضايقوه ، هو في أزمة ودائما ينتج عبقا حلوا عندما تشتد به الأزمة اتركوه يشجينا ويطربنا اتركوا أساسي يستمتع بعذاباته ليمنحنا شعرا ونثرا من خبايا العذابات اتركوا أساسي يصطلي بنيرانه وسيأتينا من نيرانه بقبس أو يجد على نيرانه هدى اتركوا أساسي في ظمأه فستنبع من بين أصابعه زمزم ليشرب منها البورداب فيشفي غليلهم فقط اسعوا أنتم بين صفا الحب ومروته ، وأساسي سيصنع لكم المعجزات وسيأتيكم بأحلى الكلام انطلق أساسي وأنا عارفك جنك جني وعارفك ما بتدور طلتي لكن أنا برضو قلت أخوي ود بوردي ود قاسم

Quote: ود قاسم : هي Quote: انتقاء مفردة الحس الراقي على الارجح هي هاجس اخر نحتاجه على الدوام لنجتاز به حاجز الوحده .. الشجن.الشوق الوجوه التي تشكل الامان في حياتنا والابتسامات التي تضيء لنا الطريق بدور طلتك يا ود قاسم والله بدورها أساسي --------------------------------------------------------------------------------

دكتورة بيان والعجب أنا
لكن كدي شوفي الغزل الفوق ده أسة دي نسميها شنو (الحرب الباردة) ولا معاهدة سولت تو بيني وبينك الحب بسوي المعجزات

بـيـان راويـة حـنـيـنـه



بـوسـت الـشـمـار دائما إنتن يا الجـنـس الناعـم جـارين ليهو


كــــر عـلـيـكـن الله إيشفيكن قولن آآآآآآآآآآآآآمين

أبو حسين
كان كدي يا أبو حسين النسعلك إنت الجابك هنا شنو وسط النعومة دي
غايتو نصيحة شوف ليك كمامة من الفيروس ، ذي بتاعة (السارس ) وبعد ده الله يستر

الأخ خالد الحـاج ســـلام


يا خـوي الخـبـرة مـهـمـة في المواضيع دي بعدين يا خوي شفتك براك

قلت أكـون قـريب الجنس الناعم دا زمان كانوا بقتلوا بي الصبغة


لـكـن يا خـوي الزمـن بقى بي الساطور و إوزعوك في أكياس النايلون


يعني يا خوي خوفي عليك الجابني هنا ما حاجة تانية .

ابو حسين البنوته ازيها...انشاالله تكون بقت كبيره ....تحياتنا ليها و امها..

أبو حسين
تسلم يا ملك لكن ما تخاف علي أنا مطعم ضد الفيروس (متزوج) إلا الرفقة ماها كعبة و (الحروم) ديل ما يستفردوا بي أخوك

العزيز ابا.. المشكلة ما في الفايروس.. المشكلة في المدة التي يقضيها اي بوردابي امام النت... لوووووووووووووول

أهلــــــــين رجاء
قلتي لي المشكلة ما في الفيروس .. كدي قحي وقولي أأأأه والله أنا خايف عليك من ما بقيتي تقولي الشعر

Quote: ليك درب ولا دربين.. مساك الدروب ضهًاب ليك قلب ولا بالين.. سواي القلوب كضًاب ليك ظهر ولا سرجين.. ركًاب السروج وقًاع رجاء

دحين يا بت عمي ألحقي أبلعي ليك بارا سيتمول وألحقيه بي حبتين تتراساكلين وبعد ده برضو خايـــــــــــــــــــف عليكي

اللهم احفظنا من جنس الفيروسات دي كبرنا وما نقدر علي البشتنه

hammama
كان خايف يا أخوي أجر ألحق ليك كمامة
رغم إنها برضو ما بتحمي مية في المية يعني كده كده وتبتعد خالص من البوستات الفيها كمية من العواطف والشجن والحنية والكلام الرقيق الراقي

الناس ،، والحب ،،، والطلاء

زي الفوق ده

ابا....... ارفع ايدك وادعي معاي....... الله يغتي عليها..... الله يغتي عليها..... الكسرتني واتملست

سجيمان
يا هلا بالناس الحلوة
أها عشان خاطر الحبايب
آمـــــــــين
أأأأأأأمــــين
آميــــــــــــن
ويظهر إنو حالتك متأخرة جدا

الأخـت راويـة

تسلمي يا ختي البنت كويسة و الحمدلله و أمها بخير و بتسلم عليك

الأخ خالد

الظاهر تشخيصك كان في محلو المرض متفشي شديد و الناس كلها

مصابة بيهو لكن الظاهر كانوا منتظرين البوست بتاعك دا

واصل يا خوي خلينا نشوف الفيروس وصـل لغاية وين

بنات العباسي الإتنين في بوست واحد الله إستر

أبو حسين
والله يا إبن عمي لو لا الغلط في العنوان وعدم جاذبيته كان تشوف المحن لكن كدي أديها صنة بيظهر النحل وبنعرف الشمار الطاعم من المسيخ

ابا
يارسول الانسانيه والمحبه
تحياتي

بما اني احد المذكورين فيمن اصابتهم العدوة التي يبدو انها كانت عدوه عابره مرور الكرام لان مناطقنامحصنه جيدا من مثل هذه الامراض التي تأتي علي حين غفله وسرعان ما تتم السيطره عليه بفعل المناعه الطبيعيه ضد هذه الامراضي
ابشرك سيدي
لقد بلغنا تمام العافيه من هذا المرض العضال
وقد تماثلنا للشفاء
وقد اخذنا التدابير اللازمه لتفادي مثل هذه الامراض في المرات القادمه
تباً له من فايروس
يجعل المرء من المهلوسين
ويصور له ان جميع مافي الدنيا جميل
وان كل البشر جميلين وطيبين
وسرعان ما تكتشف ان هذا من تأثير هذا الفايروس الخطير

اطالب الدوله
بالقضاء عليه
لضرره البليغ
وازيته الكبيره
ومايتركه من تشوهات بعد الشفاء منه
تظل ملازمه للفرد بقدر شده الاصابه
يصور لك الناس اقمارا
تباً له من مرض
لو كان الفايرس رجلاً لقتلته
ومثلت بجثته
--
الحمد لله علي الشفاء
ووزع الحلاوه
دا مرض خطييييير
يؤدي الي التهلكه
ما تنسي الخرووووف

هوب فل
سلامات يا زول يا زين
تعرف يا إبن عمي تاني شنبك ده ما بخوف ليه زول ، يعني ممكن يهرش لكن ما أكتر من كده عشان الحالة الإنت بتتزاوق منها دي كشفت هوب الإنسان الجواهو حاجات حلوة وكمية من الإنسانية ومحبة للناس ، وبعدين يا هوب إنت داير شنو يعني تبقي (روبوت) وتشتغل حسب الطلب والموقف تقلع الشنب لما تسمع غنوة حلوة أو قصيده ،وتركب الشنب لما يكون الموضوع سياسة؟ يا زول إن شاء الله مع الشنب تسوي ليك دقن ذي بتاع كاسترو أو بن لادن برضك ياكا الزول الزين، وياخي أنا قلت ليك قبل كده نختلف أنا وإنت في السياسة نختو قرض لكن برضو حبايب

تحياتي ليك
وأكوام محبه

العزيز أبوحسين.. طلتك ولا القمر.. ألف حمدالله على السلامة...

Quote: الحروم

بس ساكت لقيت خالتك عجزت
دى انا مرة ضاربة لى زول بكرسى فيها
شوف يا ابا
اذا عايز الريدة دى تستمر تانى حروم دى ما تجيبها اسع بقيت اشوف الكو بورد طشاش

ام عن تلك الحرب الباردة عينى باردة
شايفة الايام دى فى نقد ذاتى
وتراجع عن الخطأ و تصحيح مسار
يا حليل الكموسمول
يا ابا يا وليدى

تحية وشوق لابو الحسين
وينك ليك وحشة كبيرة
تعال شوف كومنا
كيف

دكتورة بيان
إزيك كتير
تعرفي والله قبل مده كده كان الواحد بشارك في البوستات (خاينة خايفة) خاصة مع بعض الكلام المضاره وأنا زول غشيم يا بت عمي وما بعرف أشاكل بقيت أمسك ليك البوست وأقراه وأراجعه مرة وإتنين لو لقيت فيه موضوع بستحق موقف.. بقول الكاتبها الله ولو لقيت الكلام ما ياهو بلقط كرعيني واشتت زي ما بتقول شيري لكن شايف الأمور راقت والإختلاف بقي عقلاني فقلت أهظر شوية والبسمة عمرها ما كتلت ليها زول والله كان سجيمان قرضكم كلكم ، ويظهر إني زي الخرمجت كده غايتو دعواتك معانا

سلامات
ياخالد
ابا
شفتا خالد دي حلوة كيف زي التقول كنت بقعد في الكنبة الوراك في سنة سادتة ابتدائي
يااخي انت انسان جميل جدا والله العظيم وحربي وتعجبني ردودك وبوستاتك وبالرغم من اني هسي مااضفت شي للبوست دا لكنه اضاف ليً التمعن في اكتشافي لانسانيتك
نظرية طبعا اخوك اليومين دي بيعاني من كشفوفوبيا
شكرا ليك ياجميل
وعليك الله ابقي عشرة علي كدا
لالون يحجب جمالك لاهموم ولاقضية
تبقي غيمة ريد تدفق تغسل احزانا والاسية
مع تمنياتي القلبية

ودرملية
سلام طيب كتير
شكرا ليك يا أخي علي الكلام الحلو ده أسه أقوم أصدق وبعد يومين تبقي الحكاية ذي وظيفتي الرفدني منها هوب فل دي يعني يرضيك أشتغل مستشار يومين بس والله دي غير نميري مافي زول سبقو عليها
الشكية لي الله وليك يا ودرملية

ابا.....لسلام والشمشرة......والفُرجة

سجيمان

تعرف دي تنفع شعار إنتخابي


(أبا للسلام .. والشمشرة .. والفرجة )

أها بتديني صوتك.. والله أجلدك بيهو جنس جلد

Aba, because of your Shamarat.. Hopeless (sorry, I mean Hopeful) came out of his coma and put back his mustage...lool..now, that is not the effect that you wanted from this post..is it??

I hope this shamarat would have the same effect that it had on Rawia..Amin..

Outcast

تعرفي يا إبنة العم يظهر إنو كلامك جد وصدقيني دي ما النتيجة الكنت بسعي ليها، لكن تقولي شنو شلــــــــيق .. أما عن راويا فجد زولة أقول شنو عسل

البنسلين ما بداوى فيروس خالد
مرضان السنين المن ولد بقى والد
ناس راوية وبيان خلو الحكاية موالد
شوف كل الجمال من عهدن قديمن تالد
يارب يا كريم الحلوة ليها أقالد
واضوق العافية ما اشمت على ناس خالد

منلوج لي يا زول

يا زول يا عجوز يا راكوبة
يا أقدم من تأريخ النوبة
يا دفعـــة ناس حبــوبة
يا درويش بيضرب في نوبة
يا مكسر في البت اللهلوبة
دي الشبت هسة يا دوبة
ويا دابها لبست توبة
فلقوك حسادك بي طوبة
خلوه رويسك زي زوبة
خربوها وقالوا عجوبة
كت قايل خاتيك لي حوبة
شرددت وقلت التوبة

طبعا المنلوج ده عشان أنا زعلان منك زغت مني خليتني البوست داك الفلاني كلما يغطس أرفعو زي الدلو وانت ماك هنا وأنا أرفع وهو يغطس زي سيدو دحين شغلك ده أعوج وكان غبت تاني أها بس يا هو ذي ده هجاء المتنبي ما بيقدر عليهو

ابا
سلام وتحية
والله شماراتك حارة
وفتيتها تمام بس خلي شوية للفضوليين وإجتهاداتهم
والفيروسات البينية خطيرة جدا
مدمرة بس أعمل حسابك ما يجيبوا رجلك معاهم

ابا
يا رادار المحبه

كدى شوف لينا اخونا ابوجهينه
شايفو الايام دي مغير الصوره
وآآآآآآخر حكي

هوب فل
أبو جهينة حالتو متأخرة خالص وداير ليه أخصائي شغلي بتاع التمرجية ده ما بيعمل ليهو حاجة لكن أنا عارفو مكسر وين ولو داير تعرف قول خالي

حبيب بلدو
مرحب يا الحبيب بدون رقيبة
دي طبعا عشان نفرزك من الحبيب بورقيبة
ما تخاف علي أخوك كرعينو مثبتات بي مرة وتلاتة شفع يعني البتجيب كرعي دي إلا تبقي بي ريالة عشان ترضي بي ونحن ناس بكا ساكت نشوف السماحة وهاك يا جرسة ولا عن هنا وخلاص حليل أيامنا الله يرحم أمي شبكتني دايرها أشوف أولادك دايرة أشوف أولادك ورطتني وفاتت وهي ما عارفها إنو في جيل ذي الفس فس حا يظهر ويجهجهنا مع كبرنا نسأله الله السترة

لووووول يا أبا الخمجان

لكن ما شمار وحار... ونحنا نقول الولد هوبفل ده مالو رق ورهف فجأة كده وكذالك الحال مع أساسى بتاع الشمطات.
المصيبة يكون هوبفل سببو صاحبة الصورة ..تبقى مصيبة وحنترحم على روحو.

حاولت انساك وقلبى ذاد فى جرحو
ورينى كيييف الحى يودع روحو

ولا قدام يا شباب

**


قالوا بنكره البنات
كويس عشان ندور في اخوانا ديل شمار تقيل شوية

هسي نهدي ليكم الاغنية

مهاجر
أيها المهاجر دوما نحو الجمال
تشكر للهدية شغلك نضيف وزوقك عفيف

سنتي إبن منتل
أيها النسر الجريح

حاولت تنساهو وفلبك ذاد في جروحو
ونحن هنا بنسجل لي البجو والبيروحو

أها يا أخوي هوب صاحبك مصاب بحالة شاكوشية حادة وهبيشو الأيام دي ما بننصح بيه حبيب، ركب شنب ورجع صرة الوش وقدم شكوة للحيكومة ضد فيروس الحب قايل الحيكومة حا تسوي ليه حاجة صاحبك دي بقي ذي سمير في يوميات أخونا ود قاسم والله إلا يشوف ليه فكي لكن الحيكومة ما بتنفعو
أهانجي عليك قلت لي كيف الصداع راح ، عقبال التمتمة عليك الله كان ما وريتني إسمها منو وسرك في بير

الاغنية دي لبورداب جدة لانوا الفيروس انتشر عندنا بكثرة
ووصل الي مكة حيث يقطنا حبيبناججججججججج

مهاجر
قلت لي عربتك وحلت
أها أبقي راجل ضكر وتم الإسم

أبا يا عرق المحبة

عاد يا شافى يا معافى يا هوبفل.. عين الفتاة تقد الوطة وعرق التبش براه بمش ويا فشخور ابو مخاً منخور تنجى هوبفل من أم قنبور...لوووول

أها يا أبا يا عرق المهبة

قلت لى كييف?

سنتمنتال
كدي (هبه) (هبة) علينا وما تكلفتنا
قلت لي التمتمة جابت وراها ضربة في الحروف والحا بقت ها يا زول ألحق رقبتك بقت من (المهبة) في (محب) الريح

شوفو الولد خالد الليلة كيف وصفنى
سوانى العجوز الضهرو متكى ومحنى
وزى قولة المثل هاك الحجر جدعنى
يا حاسدين غرامنا حب البنات صحصحنى
وياكاره المحبة أحسن تعال ودعنى
باقى العمر بقضيه مع الجمال واللحنى
أشوف تلك الخدود والبرتكان فرحنى
عيون الصيد بتحكى كل الكلام البعنى
خالد شريتو امبارح مالك على بايعنى
ان درت السماحة كان بى وراى تتبعنى
وان درت العسل اصلو العسل جهجهنى
وكل ضفيرة سارحة وكلمات تجارى اللحنى
وآآآآه لو آه تفيد مجروح أو تنصفنى
من جور خالد الجاب الكلام جرحنى
خلانى زى زولن غريق بفتش البسحبنى
أخير أغرق عديل ولا الكلام ينصحنى
كيفن أسيبو زول قال اصلو ما بكرهنى
نفديه بالنفوس والعمر مرهون رهنى
كيتن عليك يا خالد ان تكرهنى

لله درررك يا ابن ابى شترة. هذا والله من لطائف الشعر

أبا يا عرق المهبة
طاقية...عراقى وجبة
مشيتو قدله وفيها شبه


وحبة حبة
يا ود يا أبا

العزيز ابا
تابعت مداخلتك
كم هي لذيذة
لكن بس حاقول ليك حاجة : الفيروس ده ما جديد ، اصلوا الرجال كبكابييييين وبكاييييين ( من غير زعل) يعني ده فيروس جاري في دمهم
خلقة ربنا عاد نسوي شنو؟
وزي ما قالت واحدة من نسوان الحاج متولي انه هو مصاب بداء الماذون!! فايه رايك تسمي الفيروس ده فيروس او داء الكبكبة والتبكي
ما جبت حاجة ما عندي
ده حالكم يا عالم الرجال
نحن بس خلونا ساكت نبكي جوانا ونتكبكب جوه غرف قلوبنا
وانشاءالله البطين ولا الاذين نلقاه يوم ما في
تسلم

مايا
إزيك يا مايا
مايا كيفنك

تعرفي الله يعلم الكبكبة حقتكم وجايا معاكم تنك يعني قميص (عامرة) ولكن الله حكمتو بالغة تشيلوا وتجدعوا فينا وعشان خاطر عيون النون ببقي أنا المجنون ....ورغم إنو مناعتنا نحن الجنس الخشن ضعيفة إلا إنو مصدر الفايرس ما بنقدر نزوغ منو عاد العيون الحلوة بتتفات

الظريف ابا
القصة ما قصة مناعة ضعيفة وبس القصة قصة فيروس جاري في الدم
الله لينا من الكبكبة
بعدين شكله البورد كله حيبقى صور
وبعدين نحنا الجرسة حقتنا جوانية يعني بينا وبين البطين والاذين بس
والله عالم الحالة بتكون كيف
تسلم يا شفيف

مايا انتسيسيكايا او مايا البكاية

ما قلنا ليكم تعالوا نبكى مع بعض .مافى داعى لشق الجيوب والبكاء على الاكمام حياء -ونسرق الدمع فى الجيوب حياء وبنا ما بنا من الاشواق- ما الله خلق الجرسة والكبكبة والبكاء ..ما تدسوها.

يلا كلكم مع بعض قولوا واااااااااااااااااااااااااااااااااااااااااااااااااااااااى



وفى حضرة شلوخكن يطيب البكاء
































الكلام ده ملانى ليه اساسى وقال لى أكتبو ...لوووول

سنتيمنتال
عيب يا ولد كده عيب
تعرف بي صورتك دي ياكا اللاحق أخوك هوب وشاكوشك حا يكون من النوع الووب
يا أخي الجكس دردقو ما تنهروا إنتو تتعلموا متين جبتوا لينا الهم جاتكو نيله
وكان لي أساسي قلت لي البكا بقي بالريموت كنترول

العزيز سنتمنتال
ما قلت ليكم كبكبتنا وبكانا غير بكاكم انتوا
يعني واي حقتنا صامتة
نشيل ونخت فيها برانا والله معانا
وابا يقول لينا فيروس جديد!! جديد مين يا عم انه ضارب في القدم

الحب الهرانا وخلانا قلنا الروب
محمد معانا ما ننجدع بالطوب
شوفو السنتمانا جاب الكلام مقلوب
شان الحمبكانةفى منديلو راسما قلوب

وبرى منكم
برى

شوفتا يا ابا الخمجان
بوستك بقى
حائط المبكى
بعدين حتى ابن منتال غير
مداخلو بقت
كلها بكائيات وقال نبكى علنى قال
والله غايتو
بركة البقينا قواعد

دكتورة بيان
هلا بالناس الكويسة

تعرفي الجماعة ديل لما يجوا يكبو الجرسة عندكم إنتوا الجنس اللطيف بقشو الدموع وبتذكروا كلام العرب (بكي الرجال ضحك) لكن يا بت عمي الجماعة ديل لما يجوا عندي هاك يا مخاخيت وأنا مكجن صوت نخ نخ إخ إخ
وكان لي خيك بن منتل الدايم الله القبة دافن فيها حمار ويلم في النزور وخلي الطاجن مغطي

عفو آزول وأنا القايلك زمان حبوب
طلعت أي كلام وزي دهب الحلب مضروب
يغشك منتل وبي وراك ماليها الجيوب
حليل أيامك ضهبت بيك الدروب يا دوب

مايا
مــــايا
مـــــــــــايا
صدقيني جديــــد والماعارف يقول شنو عــــــــدس
باكر باكر ما تجيني باكيا ودميعاتك زي سبلوقة حاجة بتول
وأنا قلبي رهيف
صاح
وحنين مع الجنس اللطيف
صاح
لكن جني وجن الجكس اللفيف
دحين يا بت عمي أسمعي كلام أخوك الكبير قبل ما تقعي في البير لأني بعد تحذيري ليك ده بعمل عوير وأبعدي من الحالات السنتي منتية بعدك من حامل الكير
اللهم إني بلغت اللهم إنك شهيد بصير

الأخ ود الحاج ســـلام

يا سيدي طلعت خبير في الفيروسات المرئية و الغير مرئية الفيروسات التي
تنتقل من جكس إلى جكس بالنظرات و الكلمات و كمان خبير في ناس كتيرين في البورد
قايلك بتهظر لكن لقيت الموضوع جـد و المكسرين كتار صغار و كبار و الله إستر
قالوا حـق العجائز ليهو ركائز .
و يا سيدي بوستك طلع أظهر لينا مواهبك و خفة دمك و الحمدلله لقينا لينا بوست نرتاح
فيهو من المناكفات و النزاعات اللي مليناها خلاص.

لكن المكسرين ديل الله إكون في عونهم و زي ما قالت الأخت بيان بوستك بقى زي حائط المبكى

لكن عايز ليك كرتونة مناديل علشان البجي داخل إشيل ليهو علبة مناديل لزوم البكاء
و كـدا.

و الحمدلله يا ود الحاج أنا و إنت محصنين ضـد السارس و كل الفيروسات .


الأخـت بيان البورد كيمانو كتيرة و أنا يا ختي خليني زي الجوكر أرك و أطير
بي مزاجي و لا شنو يا دكتورة ؟؟؟؟؟ مش كـدا أحـسـن

تسلموا و بالله واصلوا علشان ود الحاج دا خايف عليكم و داير مصلحتكم

و أبقوا عشرة

أبو حسين
إزيك يا أبو البنيات المابدورو الجكسيات
تعرف إنت زي حامل سلبي للفايرس ومناعتك قوية بي أثر المرا والبنية
دحين يا أخوي من الليلة عينتك سكرتير برتبة شمرجي من الدرجة التانية ومن الليلة جيب لي أخوك المشاط وأنا علي الفرتقة

انا نايم على اضانى وبى جاي الشباب راقدين سلطة
لكن يا ابا حكاية هوبفل البقى يشيل الشنب ويختو دى خطيرة جد .. انت عارف انا شكيت فى انة الزول دة ما فى حالتو الطبيعية من ما جاب ليهو صورة بتاعت بت ومركّب ليها انوار وكدة

اللهم رب الناس اذهب البأس

ولا ما عايزنو يذهبو؟؟

منعم
كيفنك أضانك كيفنها
إنت يا منعم كدي تعال جاي هي أضانك دي قدر شنو ساويها مخدة
والله دي جديدة يعني من النوع الفيلي بس إن شاء الله نخرتك ما تكون قدر أضانك عشان لما يجي وكت البكا إلا الواحد يمشي بيك مصنع الورق وصدقني ما تضحك علي الخلق دي باكر بتبقي عليك وإنت زول عزيز علي وما داير ليك البشتنة

سلامات
يامطرة صبي صبي
خالد
ياهذا الخريف

ود رملية
كيفك يا إبن عمي
تشكر والله زيارتك فرحتنا كتير

ابا يا ذوق يا ظريف يا حامل المسك

انا لي يومين ما دخلت بوستك دا ،امبارح عشان ماكان في اصلا ..عشان كدا تلقاني متقريفه شديدانا بعد ما قلت تاني الواحد يعمل الف حساب عشان ما يساء فهمه لكن انحنا في الاخر متلمين في ساعه خير و الواحد عاوز يفكها شويه من زحمه الشغل و القعده الله ورقبتك في بلد طيرا عجمي،....انالسه الشمار كاتلني الولد هوب فول وين الحي بيو النبي يا ابا تتبنو و تشوف محل خفستو،انحنا برضو ما بهون علينا ،...و كمان انا جايبه لك شمار دوما حبيبتي ختت صورتها شكلها كدا وقعت و محدش سما عليها

و اخيرا انت حاشاك الغلط انحنا منك انت بالتحديد بنقبل حروم لكن ما من الراجل بتاع الشياطين

ابا..... الفكي بتاعك دا وين؟ قوووووي....وايدو لاحقة........

سجيمان
ما إيدو براها

راوية
إزيك يا بت عمي

هوب فل : في العناية المركزة
دوما : الصورة شفناها وتحت الرقابة المكثفة
ما تغيبي كتير من أخوك الكبير وأعملي حسابك من الولد العكروت سجيمان السجمان

السلااااام عليكم
اها
في سرير ولا نستني شاكوش يخرج لينا زول من مستشفي المعوقين دا؟

ابا يا طبيب المحبه
بخر لي الناس ديل
سجيمان دا عيونو ختريه

هوب يا فل
راوية ما تخاف عليها تحت حماية الفكي بتاعي
وكان لي سجيمان أنا بوصي ناس أمدرمان يشوفو لينا الجماعة بتاعين السحر ديلك

مايا
سلمت من كل غم** ومن عيون السجم

Quote: و اخيرا انت حاشاك الغلط انحنا منك انت بالتحديد بنقبل حروم لكن ما من الراجل بتاع الشياطين

ليه يا راوية

ارجو انك تراجعي نفسك شوية وكان تناقشي مش تاخدي كلام الناس

علي العموم دا ما مكانوا وما عاوز اعكر علي المكسرين ديل

معليش يا ابا دخلنا بوستك في حالة تانية

نهديك الوجه الحسن دا

Quote: وكان لي سجيمان أنا بوصي ناس أمدرمان يشوفو لينا الجماعة بتاعين السحر ديلك

يا زول عجل
الزول دا بقى ختري
لازم نشوف معاهو حل (جزري) ه

مهاجر
الهدية مقبولة
وراوية بتهظر يا أخي خليك حنين ولطيف البنية ما بتستحمل جنس ده
وكان مشتهيليك شكلة أها آخوي أمش أفتح ليك بوست جديد وأنا بجيك بي غادي مع الخبراء الأجانب (هوب) أبو شنب وسنتيمنتال وأساسي بكل خبراتو المستوردة من الوب سايت التاني بتاعة الشكل وأركز

هوب فل
قمنا للسواطة ما كنا كويسين
ده أخر تحذير وبعد كده شوف ليك كركاسة

ابا معليش يا مان
والله انا زول مسكين لكن بس مشكلتي رباطابي وجعلي في ان واحد
وما برضي في حق الرجال

شوفن هنا شمار تقيل وهزار
وبهناك نازلات ردم في الرجال

صدق انا زمان اكلت من الشواكيش

عشان كدا بقت الريدة عندنا حقت طبيعة ساي ووجه حسن
لكن الفريق بتاع الشواكيش بعيد منو يا مان خلاص تبنا
بعد دا داخلين القفص الذهبي

وهي بقت ضربة جزاء يا جات هدف ممتاز يا طارت وفي النهاية شتنا ضربتنا وننتظر نهاية المباراة وبنلعبا غايتو

الفيروس بتاعك دا طلع بلاوي

كدي شوف للناس ديل رحلة ولا حاجة تفكها ليهم

صاحبنا داك بتاع مكة الا يعمل لي عمرة ولا يجينا في جدة هنا يوم الخميس يحضر ليهوا حفلة ويرجع

راوية سامحيني اذا غلطت عليكي ولا فهمتك غلط

خلاص انا رضيان سموني شيطون

مهاجر
يا سلام عليك عارفك حنين
وقلبك رهيف وماك ضنين
وصلحك زين ما بتسوي الشين
زول سمحة تب وناس زينين

هو أن تظل على الأصابع رعشة
وعلى الشفاه المطبقات سؤال..
هو جدول الأحزان في أعماقنا
تنمــــو كــروم حـــوله وغــلال...
هو هذه الأزمات تسحقنا معاً
فنموت نحن..وتزهر الأمــــال..
هو أن نثور لأي شئ تافه
هو يأسنا..هو شكنا القتال..
هو هذه الكف التي تغتالنا
ونقبل الكف التي تغتال..

قباني

أساسي الأساسي
هلا بالناس الحلوة

تشكر لنزار وحالتك تغني عن السؤال
ممكون وصابر والبيك زوالو محال

تبقي ترجع هنا بعد ساعة محضر ليك مفاجاءة حلوة

أسألك الرحيلا

--------------------------------------------------------------------------------

لنفترق قليلا..
لخيرِ هذا الحُبِّ يا حبيبي
وخيرنا..
لنفترق قليلا
لأنني أريدُ أن تزيدَ في محبتي
أريدُ أن تكرهني قليلا
***
بحقِّ ما لدينا..
من ذِكَرٍ غاليةٍ كانت على كِلَينا..
بحقِّ حُبٍّ رائعٍ..
ما زالَ منقوشاً على فمينا
ما زالَ محفوراً على يدينا..
بحقِّ ما كتبتَهُ.. إليَّ من رسائلِ..
ووجهُكَ المزروعُ مثلَ وردةٍ في داخلي..
وحبكَ الباقي على شَعري على أناملي
بحقِّ ذكرياتنا
وحزننا الجميلِ وابتسامنا
وحبنا الذي غدا أكبرَ من كلامنا
أكبرَ من شفاهنا..
بحقِّ أحلى قصةِ للحبِّ في حياتنا
أسألكَ الرحيلا
***
لنفترق أحبابا..
فالطيرُ في كلِّ موسمٍ..
تفارقُ الهضابا..
والشمسُ يا حبيبي..
تكونُ أحلى عندما تحاولُ الغيابا
كُن في حياتي الشكَّ والعذابا
كُن مرَّةً أسطورةً..
كُن مرةً سرابا..
وكُن سؤالاً في فمي
لا يعرفُ الجوابا
من أجلِ حبٍّ رائعٍ
يسكنُ منّا القلبَ والأهدابا
وكي أكونَ دائماً جميلةً
وكي تكونَ أكثر اقترابا
أسألكَ الذهابا..
***
لنفترق.. ونحنُ عاشقان..
لنفترق برغمِ كلِّ الحبِّ والحنان
فمن خلالِ الدمعِ يا حبيبي
أريدُ أن تراني
ومن خلالِ النارِ والدُخانِ
أريدُ أن تراني..
لنحترق.. لنبكِ يا حبيبي
فقد نسينا
نعمةَ البكاءِ من زمانِ
لنفترق..
كي لا يصيرَ حبُّنا اعتيادا
وشوقنا رمادا..
وتذبلَ الأزهارُ في الأواني..
***
كُن مطمئنَّ النفسِ يا صغيري
فلم يزَل حُبُّكَ ملء العينِ والضمير
ولم أزل مأخوذةً بحبكَ الكبير
ولم أزل أحلمُ أن تكونَ لي..
يا فارسي أنتَ ويا أميري
لكنني.. لكنني..
أخافُ من عاطفتي
أخافُ من شعوري
أخافُ أن نسأمَ من أشواقنا
أخاف من وِصالنا..
أخافُ من عناقنا..
فباسمِ حبٍّ رائعٍ
أزهرَ كالربيعِ في أعماقنا..
أضاءَ مثلَ الشمسِ في أحداقنا
وباسم أحلى قصةٍ للحبِّ في زماننا
أسألك الرحيلا..
حتى يظلَّ حبنا جميلا..
حتى يكون عمرُهُ طويلا..
أسألكَ الرحيلا..

اساسي دا من نزار برضو

دي كيف يا ابا

نهديها للحلوين

سلااامات للجميع

يا ابا اتغاتت وأبيت تفت الشمار؟؟
كوييس

الشمارات الجايات أكتر من الرايحات

غبت يومين .. قلت اجي القي الناس طابت
لكن يبدو الفيروس مستفحل
ومافيش فايدة

الله يشفينا جميعآ
آآمييين

حنينة
فت أكتر من كده بجيب الدق
وحاولي تاخديها جرعة جرعة

مهاجر
برضو نزار
يا زول قفص شنو ودهب شنو إنت الحمة ظاهرة فيك

طبعا يا جماعة أنا حبشي الهوي وبيني وبينكم الصورة عترت لي في بكان وفتشتو ولقيتو وهاكم الدوم ده والجرسة دي

ووووووب
وووب
ووووواي

Quote: لكن يا بيان....دي دومة؟ سيجيمان

Quote: يا دكتوره بيان..والله ما أقدر غير إني أصدقك...بس بالله أنقلي ليه مني رجاء حار : أولا تغير إسمها من دومة..يعني بكون في الحالة دي ما مناسب...مالو لو كان مشمش..منقه...فراوله ,زي كده ثانيا: قولي ليها بلاش تاكل مرس....لأنو في الحالة دي ممكن أسعاروا تزيد في البورصات العالمية وأهلنا الغبش ما يقدروا يشتروه.....قولي ليها أكلي اّيس كريم لك اله يا سي جي....الاّن أنا عرفت إنت مالك متوّك!!!!!!!! -------------------------------------------------------------------------------- أسامة ميرغني

Quote: يا دوما اللاف لف سجيمان وضهبان من اللف هل تشمله هذه الهدية واللا امشي سبعتاشر سنة نزار حسين

Quote: دومة التفاحة مـــــــــالكم دايرين تكهربونا يا جماعة ما كفاية سجيمان . بس نقول شنو نموت كمد والروووووب يا ناس ابوحمد ترهاقا

Quote: دومــــه ســـلام وبرضك تقولي لي ...الإبن النيــــل؟؟؟؟؟ جاتنا نيله دكتوره بيــان تحياتي نيل

والما إكتفي يزور هنا


مهداه الي سجيمان وكل من لف لفه

هى لكن يا أبا ما البكاء حقك عديييل ... مالك مع نسيبتى دى

سنتيمنتال
الفيك بدربو

اسه كان انا بكاي البسوي فيه أسامة ميرغني ده يبقي شنو والله بكي الناس الكبار حلو خلاص وبعدين يا سنتي نسيبتك دي عندها إسم يا أخي ولا قول أسماء قول لي نسيبتي
رمانة
فراولة
برتكانة