Post: #1
Title: البشير: الحكومة المصرية السابقة استغلت انشغالنا بالنزاع في الجنوب واحتلوا حلايب
Author: Wasil Ali
Date: 03-31-2011, 04:52 AM
Quote: وكشف الرئيس البشير، لدى مخاطبته مساء أمس الجالية السودانية بقطر، لأول مرة عن دور سالب ظل يضطلع به وزير الخارجية المصري السابق أحمد أبو الغيط لإفشال محادثات الدوحة لسلام دارفور بالتنسيق مع وزير خارجية ليبيا، وأردف: "صبرنا على كثير من الأذى" مشيرا إلى أن السودان من أسعد الدول بالتغيير في مصر، وأضاف: "الحكومة المصرية السابقة استغلت انشغالنا بالنزاع في الجنوب واحتلوا حلايب".
وحول مآلات الأوضاع في البلاد بعد نتائج الاستفتاء المضي إلى قيام دولة الجنوب قطع البشير الطريق أمام احتمالات التعايش بجنسيتين قائلا: "لا جنسية مزدوجة" مشيرا إلى اختيار الجنوبيين في الاستفتاء، كما أكد عدم قيام انتخابات في أبيي دون المسيرية وقال: "لا يمكن أن يكون الدينكا مواطنين من الدرجة الأولى والمسيرية من الدرجة الثانية، "مؤكدا على كفالة الحقوق وتساويها للزراع والرعاة في التسجيل والانتخاب وفقا لبروتوكول أبيي.
وأكد البشير أن المباحثات الجارية في الدوحة لجهة تحقيق السلام في دارفور ستنتهي بالتواضع على وثيقة نهائية يتم طرحها على أهل الإقليم مشتملة على أسس للحل وتحقيق العدالة وإشراك أهل دارفور وحل مشكلة النازحين، مؤكدا أن القوات المسلحة تبسط سيطرتها على الأوضاع وتتابع نشاط القوات المتفلتة، وقال: إن بعض الفصائل الأخرى التي تدعم الحكومة تحتاج لضبط وترتيب. من جهة ثانية نوَّه البشير إلى اتجاه الحكومة لإشراك القوى في الحوار الدائر بشأن الدستور المقبل حتى تتم إجازته والتوافق عليه بصورة مقبولة. |
|
Post: #2
Title: Re: البشير: الحكومة المصرية السابقة استغلت انشغالنا بالنزاع في الجنوب واحتلوا حلايب
Author: معاوية عبيد الصائم
Date: 03-31-2011, 04:56 AM
Parent: #1
والله كويس انو متذكر القصة دى
يعنى ال 5000 بقرة ديل عربون عودة اكان ربنا سهل
تحياتى واصل...
|
Post: #3
Title: Re: البشير: الحكومة المصرية السابقة استغلت انشغالنا بالنزاع في الجنوب واحتلوا حلايب
Author: علاء الدين صلاح محمد
Date: 03-31-2011, 05:21 AM
Parent: #2
| Quote: الحكومة المصرية السابقة استغلت انشغالنا بالنزاع في الجنوب واحتلوا حلايب". |
حرب الجنوب في دورتها الاخيرة منذا 1983م ولم تتجرا مصر على مس السيادة السودانية الا في عهد الانقاذ
ولذلك فالحقيقة هي " احتلت وتحتل مصر حلايب لمحاولة الحكومة السودانية اغتيال رئيس مصر السابق في اراضي دولة اخري جارة "
وماذا عن احتلال اثيوبيا للفشقة وكينيا لمثلث لامي في الجنوب واستباحة سلاح الجو الاسرائيلي للاجواء السودانية ؟
|
Post: #4
Title: Re: البشير: الحكومة المصرية السابقة استغلت انشغالنا بالنزاع في الجنوب واحتلوا حلايب
Author: معاوية عبيد الصائم
Date: 03-31-2011, 05:42 AM
Parent: #3
Quote: وماذا عن احتلال اثيوبيا للفشقة وكينيا لمثلث لامي في الجنوب واستباحة سلاح الجو الاسرائيلي للاجواء السودانية ؟
[/QUOTE
والله يا علاء انت زول مستعجل تصريحات زى دى بتمرق
من خلال سفر الدس دس الحاصل ده...
عليه نرجو ان تلوك الصبر حتى السفرية القادمة التى من المتوقع
ان تكون لاهـــــــــــــــــــــــــــــــــــاى ونسمع رايو فى القصة
بتاعت الفشقة ومثلث لامى
ازييك يازول اريتك طيب
|
Post: #5
Title: Re: البشير: الحكومة المصرية السابقة استغلت انشغالنا بالنزاع في الجنوب واحتلوا حلايب
Author: mohmmed said ahmed
Date: 03-31-2011, 06:26 AM
Parent: #4
دا شنو كلام الاستهبال دا
طيب الحرب فى الجنوب يا دوب وقفت هسا
زمان حسنى مبارك كان مخوف البشير وما سك عليهم ذلة
وبوفر ليهم نوع من الحماية
اها مبارك راح قالو
نقوم نعمل لينا هرشات ورجالات
|
Post: #6
Title: Re: البشير: الحكومة المصرية السابقة استغلت انشغالنا بالنزاع في الجنوب واحتلوا حلايب
Author: دينا خالد
Date: 03-31-2011, 06:44 AM
Parent: #5
وما قالوا لى مافى شىء اتغير ؟
حللللكم لما تفضوا .. مووت يا حمار
فمازال انشغالكم بالنزاع فى الجنوب على اشده !
وانتم اكثر مشغولية الان بالنزاع فى دارفور ََ!!
والشرق ليس بينه وبين الانفجار الا ان ينفجر !!!
فما العمل ؟؟؟
الدبارة شنو ؟
بتفضوا من الانشغال متيييين !
ــــــــــــــ
اذن الامل معقود على ان تكون الحكومة المصرية الحالية
اقل استغلالا من سابقتها للمشاغل السودانية وتترك حلايب
مش قاصد كدا ؟؟
|
Post: #7
Title: Re: البشير: الحكومة المصرية السابقة استغلت انشغالنا بالنزاع في الجنوب واحتلوا حلايب
Author: jini
Date: 03-31-2011, 01:29 PM
Parent: #6
| Quote: الحكومة المصرية السابقة استغلت انشغالنا بالنزاع في الجنوب واحتلوا حلايب". |
\
لا لمينا فى بلح الشام ولا عنب اليمن!
يا اخ الله ابتلانا برئيس كضاب ونساى وحقار!
يا اخى ارشيف تصريحاتك وزياراتك لمصر صورة وصوت موجود!
يا اخى هسة انت اتبرعت بخمسة الف بقرة وفى زمن مبارك بتلاتين سيارة هونداى نخب اول!
جنى
|
Post: #8
Title: Re: البشير: الحكومة المصرية السابقة استغلت انشغالنا بالنزاع في الجنوب واحتلوا حلايب
Author: ibrahim alnimma
Date: 03-31-2011, 02:13 PM
Parent: #7
فلنقل نجاوزاً بان سيادتهم قد كانو مشغولون فعلياً ، اذن هل هم كانو مشغلون عن الاستنكار فقط الاستنكار؟ هل كانو مشغولون عن ان الفعل ولو في مجلس الامن؟ مشغولون حتي عن اي سيرة للموضوع في حضرة المصرين؟ فليقل الرئيس صراحة انه كان في حاجة ماسة لموقف السلطات المصرية ساعتئذٍ ........بلاش سعادة مدعاة برحيل النظام المصري .......هذا بالاضافة الي ان حرب الجنوب قد انتهت فعلياً منذ 2005 ثم مالذي يجعلهم يسكتون عن حلايب وعن الفشقة؟ سيكونون ايضاً سعيدين ان رحلت السلطات في اثيوبيا وارتريا؟ بالله شوف الزول ده يشوف ان الشعب السوداني ضعيف الذاكرة ومصاب كله بالزهايمر؟
|
Post: #9
Title: Re: البشير: الحكومة المصرية السابقة استغلت انشغالنا بالنزاع في الجنوب واحتلوا حلايب
Author: د.محمد بابكر
Date: 03-31-2011, 03:30 PM
Parent: #8
اها اسه فضيتوا وما عندكم اى مشغوليه رجعوا لينا حلايب ومعاها بالمره الفشقه والله اكان مشغولين ما عارف ??مشغولين بملاحقة الشرفاء وتعذيبهم ام باغتصاب الحرائر وهتك الاعراض...للمفارقه فان جنرالاتنا وعلى راسهم المشير اقسموا على حماية الارض والعرض فلا ظهر ابقوا ولا ارض قطعوا ولاحول ولا قوة الا بالله العلى العظيم....
|
Post: #10
Title: Re: البشير: الحكومة المصرية السابقة استغلت انشغالنا بالنزاع في الجنوب واحتلوا حلايب
Author: الشفيع وراق عبد الرحمن
Date: 03-31-2011, 03:37 PM
Parent: #9
البشير عايز يفهمكم
مبارك اخد حلايب وبالمقابل اخدنا مصر
قذافي دعم التمرد و ح ..............
فافهموا
|
|
|