Post: #1
Title: لماذا ربط اللون الاسود بالحزن؟ اللون الابيض فى السودان هو لون الحزن وليس الاسود..
Author: ombadda
Date: 03-29-2011, 10:10 PM
لون كفن الميت أبيض.
المرأة التى يتوفى زوجها تلبس الثوب الابيض والفستان الابيض وتنام على فراش ابيض.
الزى الرسمى عند الرجال هو الجلباب الابيض والعمة البيضاء. فهو زى المناسبات الرسمية فى الماتم والافراح.
النساء يلبسن الثوب الابيض فى العمل الرسمى: الموظفات والمعلمات.
اللون الاسود هو لون الحزن عند الخواجات والعرب. اما نحن فلون الحزن عندنا هو اللون الابيض.
(موضوع الالوان هذا تطرق اليه الاستاذ سالم فى احد البوستات فى سنة ما.)
تذكرت هذا وانا اقرأ بيان الاطباء الذى دعى فيه الاطباء للاتشاح باللون الاسود فى يوم الغد.
|
Post: #2
Title: Re: لماذا ربط اللون الاسود بالحزن؟ اللون الابيض فى السودان هو لون الحزن وليس الاسود..
Author: Mohamed E. Seliaman
Date: 03-30-2011, 07:35 AM
Parent: #1
شكرا دكتور
|
Post: #3
Title: Re: لماذا ربط اللون الاسود بالحزن؟ اللون الابيض فى السودان هو لون الحزن وليس الاسود..
Author: aydaroos
Date: 03-30-2011, 12:48 PM
Parent: #2
أوبرا و ينفري في لقاء مع مغني هيب هوب أظن إسمو جي زي كانت
زعلانه شديد و هيا بي تسالوا ليه بي تتناولوا مفردات زي
"Nega" و المفردات المسيئة للنساء في أغانيكم.
رد عليها قاليها : في زمنكم المفردات دي مشحونة بي دلالات سالبة،
و نحن ما ممكن نخترع كلمات جديدة، قمنا شلنا الكلمات دي و غيرنا
الدلالات حقتا.
الزول دا عندو كتاب عن الهيب هوب و متطرق للكلام دا يا ريت زول
يلخصوا لينا هنا أو في بوست جديد.
|
Post: #4
Title: Re: لماذا ربط اللون الاسود بالحزن؟ اللون الابيض فى السودان هو لون الحزن وليس الاسود..
Author: عبدالله ود البوش
Date: 03-30-2011, 01:15 PM
Parent: #3
| Quote: تذكرت هذا وانا اقرأ بيان الاطباء الذى دعى فيه الاطباء للاتشاح باللون الاسود فى يوم الغد. |
حاجة غريبة .... لبس الطاقم الطبي غالبا ابيض
.
.
سلام اخي امبدة
|
Post: #5
Title: Re: لماذا ربط اللون الاسود بالحزن؟ اللون الابيض فى السودان هو لون الحزن وليس الاسود..
Author: othman mohmmadien
Date: 03-30-2011, 03:06 PM
Parent: #4
سلام عليكم ...
في الحروب راية الاستسلام بيضاء ...
وحينما نرتدي الأبيض عند الموت يعني ذلك الاستسلام لقضاء الله وقدره....
------
هنالك تضاد آخر ... ففي الزواج تزف العروس لبيت العريس عند سائر الشعوب
ما عدا السودانينن والأرانب ... يزفون العريس لبيت العروس فالحمد لله على الصالات في المدن التي فكتنا من ظاهرة الأرنبة هذه
والسلام
|
|