Post: #1
Title: الثورة بتشكيل دخان السيجار!وصفة سحرية و بسيطة!
Author: بدر الدين احمد موسى
Date: 03-27-2011, 09:04 PM
سهلة جدا
فقط عليك بشرا سيجارة رخيصة من اقرب بائع متجول,
اذهب الي غرفة معزولة,
اجلس على كرسي,
اوقد السجارة,
خذ نفسا عميقا, بل واعمق,
انفخ الدخان!
الا ترى!!!!
من السهل تشكيل الدخان.
وزع المناصب, والادوار, والابطال, والكمبارس, والاعداء, وانصب المشانق!
فلا ثورة بلا مشانق!!
انها سهلة اليست كذلك?
ثورة في سيجارة!
----
تحذير: الدخان مضر بصحتك
|
Post: #2
Title: Re: الثورة بتشكيل دخان السيجار!وصفة سحرية و بسيطة!
Author: abubakr salih
Date: 03-27-2011, 09:07 PM
Parent: #1
و بعدين؟ قصدي بعد تكوين حكومة السجارة دي، ما العمل؟
|
Post: #3
Title: Re: الثورة بتشكيل دخان السيجار!وصفة سحرية و بسيطة!
Author: بدر الدين احمد موسى
Date: 03-27-2011, 09:18 PM
Parent: #2
ابو بكر
كيفك?
ياخ انت بتاع فيزياء ياخ! معقولة افهمك انا?
طبعا غالبا ما تنقد الرئتين!
المصيبة يا بكري تكون امنية قائد الثورة الملهم ان يقعد في كريس عمر البشير!
|
Post: #4
Title: Re: الثورة بتشكيل دخان السيجار!وصفة سحرية و بسيطة!
Author: بدر الدين احمد موسى
Date: 03-27-2011, 09:40 PM
Parent: #3
تخيل كل الشعراء والفنانين الذين سيتغنون بعبقريتك!
تخيل النساء والزغاريد والتصفير والهتافات الحبيبة الي نفسك
اسرع
اوقد سيجارة اخرى
ب. س. : يقولون "لو كانت السيجارة خدرا ستكون الثورة اسرع!"
ما رايك?
اذهب الي حافة الحارة واشتري تبغا "اخدرا" لتسريع الثورة!
لا وقت لنضيعه في الاعداد, والتنسيق, والبحث عن حلفاء, وكل ذلك الهراء!
اذن فلنغير السيجار!
ركوب الفيل اسرع وسيلة للثورة!
|
Post: #5
Title: Re: الثورة بتشكيل دخان السيجار!وصفة سحرية و بسيطة!
Author: بدر الدين احمد موسى
Date: 03-27-2011, 10:41 PM
Parent: #4
انت القائد الاعظم
كل شئ رهن اشارتك!
دخن, دخن!!!!
|
Post: #6
Title: Re: الثورة بتشكيل دخان السيجار!وصفة سحرية و بسيطة!
Author: أحمد ابراهيم عثمان
Date: 03-27-2011, 10:46 PM
Parent: #5
سيجارة حمراء؟
|
Post: #7
Title: Re: الثورة بتشكيل دخان السيجار!وصفة سحرية و بسيطة!
Author: بدر الدين احمد موسى
Date: 03-28-2011, 01:33 AM
Parent: #6
احمد ابراهيم عثمان
حبابك في جناب القائد الثوري الاعظم
" سيجارة حمراء?"
يا احمد اها شوف الناس تسبح بعبقرية القائد الملهم:
هايل*, هايل يا مليكنا
انت يا هتلر زمانك!
نحن بس راجين اشارتك.
بي مزاجك, يا هبلنا*
منزه انت في قيادتك!
قول لليمين, للشمال, للوراء, او للامام, او نقيف!
كله بتحريك سبابتك!
اشنقوهو, نشنقوه!
اعزلوهو, نعزلوه!
اضربوهو, اسحلوهو, نهزروهو, ونبذوهو!
لا احم, لا نقول بغم!
الكون مسير بي بصارتك.
يللا دخن يا سلام,
الثورة في دخان سيجارتك!
---
*هايل تحية المانية كانت تقال لهتلر
*هبل احد الهة العرب القدماء
|
Post: #8
Title: Re: الثورة بتشكيل دخان السيجار!وصفة سحرية و بسيطة!
Author: بدر الدين احمد موسى
Date: 03-28-2011, 03:04 AM
Parent: #7
لا تنسى اسهل طريقة لصياغة خطة ان تاخذ معطياتك من تعقيدات سحب الدخان!
فلتسر المظاهرة وفق خططك السديدة لتتبع ذاك الخيط من الدخان.
على جميع المتظاهرين حفظ الخطة عن ظهر قلب.
المسارات,
الهتافات,
الكر والفر,
انها مثل الدخان!
حركها بنفخات من عبقريتك.
|
Post: #9
Title: Re: الثورة بتشكيل دخان السيجار!وصفة سحرية و بسيطة!
Author: بدر الدين احمد موسى
Date: 03-28-2011, 08:23 AM
Parent: #8
]
|
Post: #10
Title: Re: الثورة بتشكيل دخان السيجار!وصفة سحرية و بسيطة!
Author: بدر الدين احمد موسى
Date: 03-28-2011, 08:36 AM
Parent: #9
|
Post: #11
Title: Re: الثورة بتشكيل دخان السيجار!وصفة سحرية و بسيطة!
Author: بدر الدين احمد موسى
Date: 03-28-2011, 06:54 PM
Parent: #10
بفة نفس كبيرة
يمكنك اصدار صكوك الوطنية
من سحابة الدخان
هذا يمكنه, وذاك لا.
وهذا عميل, والاخر ذقنه طويلة, او جلبابه قصير!
اولئك خونة, جردهم من وطنهم.
يا سلام يللا دخن يا سلام,
ما الثورة في دخان سيجارتك!
|
Post: #12
Title: Re: الثورة بتشكيل دخان السيجار!وصفة سحرية و بسيطة!
Author: قيقراوي
Date: 03-28-2011, 07:05 PM
Parent: #11
و غير المدخنين يعملوا شنو؟
------
ازيك يا بدر
|
Post: #13
Title: Re: الثورة بتشكيل دخان السيجار!وصفة سحرية و بسيطة!
Author: بدر الدين احمد موسى
Date: 03-28-2011, 08:21 PM
Parent: #12
قيقراوي
ازيك يا وجيه?
"و غير المدخنين يعملوا شنو؟"
يا قيقراوي ياخ الما بخسر في راسه حق السجارة تاعبنا ماله ياخ? ههههههههه
الثورة دي بعملوها الناس الرؤوسهم مشغول عليها يا قيقا!
قيقراوي! ثنك اوت اوف ذا بوكس!
ثنك اوت اوف ذا بوكس!!!
|
Post: #14
Title: Re: الثورة بتشكيل دخان السيجار!وصفة سحرية و بسيطة!
Author: قيقراوي
Date: 03-29-2011, 03:20 PM
Parent: #13
و الله يا فردة كلو لقيناهو ما نافع
Quote:
نك اوت اوف ذا بوكس!!!
|
جربنا دخان سجايرنا ما نفع
جربنا من دماءنا .. برضو ما نفع
لقد هرمنا يا صديقي .. هرمنا
-----
زي ما جاء في الكتاب ..
بالنسبة لفكرة " الانثى " اهو الحمد لله نجحنا في انجاز بدل الواحدة اتنييييييين
الحمد لله الزول ضمن ليهو خرجة " مشرّفة "
غايتو " وجن " ام خشمن عريض دي سكاليبا في يوم " تخريجنا " ما تديك الدرب
يا ضل ضحانا الحر جانا .. اي اي اي
يا قتانا البرد جانا .. اي اي اي
اللخ .. اللخ
و هكذا .. حتى قشة المخاخيت في اقرب حيطة قصيرة
ستار
كانت هنا مدينة! .. الله يرحمو كان راجل طيب
بس
اوع تقول لي قلنا ليك فكر اوت اوف ذا بوكس .. ما قلنا ليك خش و اتكرفس جوة صندوق
|
Post: #15
Title: Re: الثورة بتشكيل دخان السيجار!وصفة سحرية و بسيطة!
Author: بدر الدين احمد موسى
Date: 03-30-2011, 07:50 AM
Parent: #14
قيقراوي
يا وجيه
ياخ حا تخليني افك اخري ساكت
البوست لانتقاد عقلية التكويش, وبعض الناس, العايزين يستكرتوا الشعب
السوداني وبوضع اليد عملوا نفسهم ابهات العروس (البسموها الثورة) يعزموا العايزنو ويطردوا الما بدوروه
اها اديناك البوكس
يللا ورينا رايك
ياخ في بوست رايح مني امبارح قريت فيه قصة, اظن جابتها القلب النابض, عن
تعامل سيدنا معاوية بن ابي سفيان مع واحد من زعماء العرب.
والله راي. القصة ديك, يسموها ا ب ت ث السياسة. واي واحد ما يحفظها عن ظهر قلب
يمنعوا منعا باتا من الكتاب في السياسة.
لو لقيتو لمني فيه بالله.
|
Post: #16
Title: Re: الثورة بتشكيل دخان السيجار!وصفة سحرية و بسيطة!
Author: بدر الدين احمد موسى
Date: 03-30-2011, 08:50 AM
Parent: #15
|
Post: #17
Title: Re: الثورة بتشكيل دخان السيجار!وصفة سحرية و بسيطة!
Author: قيقراوي
Date: 03-30-2011, 09:16 AM
Parent: #15
Quote:
تعامل سيدنا معاوية بن ابي سفيان مع واحد من زعماء العرب.
والله راي. القصة ديك, يسموها ا ب ت ث السياسة. واي واحد ما يحفظها عن ظهر قلب
يمنعوا منعا باتا من الكتاب في السياسة.
لو لقيتو لمني فيه بالله.
|
لووووووووول
البوست دا انا مشارك فيو
و انا واحد من الجماعة القلت عليهم .. صدق؟
اها في نظري الضعيف دا يا بدرنا .. الاوت اوف ذا البوكس انو نتجاوز " معاوية بن ابي سفيان " دا من اساسو
لووووووووووول
البشرية دخلت الالفية التالتة يا حبيب
و نحن لسة في " معاوية " بن ابي سفيان!!!؟
باختصار شديد جداً:
كل زول مسئول من مفردات خطابو .. و طريقة صياغة افكارو
لكن برضو كلو زول حر في لستتو شروطو .. اللخ العاوزا في حلفاءه
و كل زول ليهو الحق في الحلم و العلم و العمل لانجاز مشروعو
و مناهضة - سلمياً - المشاريع المناقضة
اعداء الدولة السودانية المدنية الديمقراطية الحديثة يستحيل يكونوا حلفاء لي في يوم
و قمبوري سلفتو لواحد من العيد الفات داك، مشى يتغشى بيهو ما رجعو لي .. بناءاً عليه لي فترة ماشي برا قمبور، و حالة كونو هرمنا و ورمنا ذاتو .. فكفاية .. قرفنا ياخ!
---
ما ح اجيبو ليك كلو كلو
و انا دخلت بوستك و فاهم قصدك .. اوع تقول لي برضو ما سمعت سوف اصنع لي فتات من دخان سجائير .. اللخ اللخ؟
بخت فيك رأي .. و احتمال الصق ليك تهمة ( تناص ) في حالة عدم المعرفة،
بصفتي محاميك .. انصحك تمثل غمران عشان نشيل الابريق و نطلعك تكون ختري عديييل
|
Post: #18
Title: Re: الثورة بتشكيل دخان السيجار!وصفة سحرية و بسيطة!
Author: بدر الدين احمد موسى
Date: 03-30-2011, 05:21 PM
Parent: #17
قيقراوي
ازيك يا وجيه?
تناص يا قيقراوي تناص ساكت والله!
وعشان ما اطلع حرامي قوقل, اكون سمعت الفكرة اثناء وجودي زمان مع "المسقفين".
لا حولا يا قيقا انا افتكرت الكلام في بوست تاني! شفت اخوك كم بلغ به الخرف?
"لا تاخذوا السكارى بما يقولون!"هههههههه
لا لا ما تجيبو, خلي في بكانو........ حد الله!
قيقراوي تصدق انه اساطين السياسة والمال والاعمال والفكر في الغرب بياخدوا افكارهم من سن سو الصيني- 3000
سنة او يزيد- ومن افلاطون وارسطو ?
هل بتتخيل انه امريكا سياسيا بنيت بالاستفادة من دروس اثينا وروما?
نتجاوز الاشخاص نعم لكن الافكار والحكمة من الصعب تجاوزها!
فكرة سيدنا معاوية تمثل لحم وسداة ممارسة السياسة يا قيقراوي ياخ.
يا قيقراوي الدولة المدنية الديمقراطية اساسا بتقوم على العقد الاجتماعي بين الاطراف المختلفة في البلد على
انها تتعايش مع بعض رغم اختلافها و اختلافها.
في اي لحظة تجد انه في ناس ممكن تسميهم "اعداء" الدولة المدنية معنى ذلك انك مفروض ترجع للتختة و تكرب شغلك
وتشوف طريقة كيف تجيبهم معاك.يعني مفروض نرجع ننجض شغلنا!
الاقصاء دفيتس ذا بيربوس بتاع الدولة المدنية يا قيقراوي!
---
هههههه انت ختري خلاس!
قلت لي البندورة كشفت دورا? لا ياخ, ما مية المية!
الموضوع دا انشيلادا* يا قيقراوي يعني وسع البوكس!
---
*الانشيلادا طبق طعام امريكي-غالبا يكون من المكسيك او ايطاليا,
مخلوطة فيه اشياء عديدة: جبنة وخدار ولحمة وباستة-الباستة ما باسطتنا ديك, لكنها طاعمة خلاس بس اعمل حساب البورك.
|
|