Post: #1
Title: هل بالأمكان؟
Author: ismeil abbas
Date: 03-26-2011, 05:26 PM
عمل خاصية منع أحد أعضاء المنبر فى الدخول إليك فى بوستاتك؟
بالنسبة لى لا أمانع فى مشاركة جميع ألأعضاء ولكن أحس أحيانآ وأنا أتابع بعض البوستات الجميلة أن يدخل أحد المنكدين على صاحب البوست ويغير محور البوست.
فى بعض ألأعضاء شايلنها مع بعض بجو على طول شايلين كلامهم المتكرر ويملوا بيها البوست عشان يغيظه أو يخرب عليه.
تقنيآ ممكن وألأعضاء والقراء يرتاحوا من هذه النوعية من البشر.
بصراحة حاجة مملة.
مع خالص تقديرى وأحترامى.
|
Post: #2
Title: Re: هل بالأمكان؟
Author: رشا سالم
Date: 03-26-2011, 06:05 PM
Parent: #1
هل بالأمكان؟
للاسف ليس بالامكان..بس تلوكو الصبر وتحتسبو..:)
|
Post: #3
Title: Re: هل بالأمكان؟
Author: ismeil abbas
Date: 03-26-2011, 06:52 PM
Parent: #2
| Quote: للاسف ليس بالامكان..بس تلوكو الصبر وتحتسبو..:) |
اللهم لا إعتراض فى حكمك يارب..يادكتورة ما تدينا بصيص أمل...لكن يا دكتورة إنت عارفه لو دخلو الخاصية دى أول زول بجرب فيك الحركة دى..لآنك ما بتزعلى منى مش كده؟
شكرآ أختى رشا تحياتى للأسرة الكريمة.
|
Post: #4
Title: Re: هل بالأمكان؟
Author: لؤى
Date: 03-26-2011, 07:00 PM
Parent: #1
أبو السّباع
مشتاقيـن
الطّريقة فـي
بس ما قبل الـمشاركة
وإنّـما بعد كتابتها
بس طبعاً مـمنوعة
وإنت عارف الـممنوعات غالية الـتّكلفة فـي حال الـحصول عليها
وأسأل مـجرّب ما تسأل دكتورة
مـحبّتـي
|
Post: #5
Title: Re: هل بالأمكان؟
Author: ismeil abbas
Date: 03-26-2011, 07:16 PM
Parent: #4
Quote: الطّريقة فـي
بس ما قبل الـمشاركة
وإنّـما بعد كتابتها
بس طبعاً مـمنوعة
|
يا سلام ده بوست جميل لآنو بدأ بالناس الرائعين وفى إنتظار البقية.تعرف يا أخى لؤى الممنوع مرغوب وأنا عايزه قبل المشاركة يعنى فى ناس بشاركوا مشاركة تحس بيها تخريبية وخاصة فى ناس متتبعين شخصيات معينة فى بوستاتهم
لؤى أنا سعيد بطلتك ولو كملت جميلك وزينت لى البوست ده بجميلة ومستحيلة بتكون ياكا أخوى السمح البعرفو وإذا لا برضو ياكا الجميل البعزو
تحياتنا للأولاد ياغائب عن العين مع إنك....
|
Post: #6
Title: Re: هل بالأمكان؟
Author: ABUHUSSEIN
Date: 03-26-2011, 07:52 PM
Parent: #5
لو بالإمكان ما حا إحصل......!!!!
ياخي المستشفيات دي تسترزق من وين...؟؟؟
الضغط
السكري
كل أنواع الكسور بما فيها الأصابع
النزلات المعوية
..
..
بعدين ياخي الكليكات الكتيييييييرة بتجي كيف..؟؟؟؟
ما ياهو من المداخلات الشترا ... زي مداخلتي دي
سمعة إزيك
.
|
Post: #7
Title: Re: هل بالأمكان؟
Author: البشير دفع الله
Date: 03-26-2011, 08:09 PM
Parent: #6
الزول الجميل اسماعيل عباس
تحياتي أكوام أكوام
علي باليمين كلامك دا كوز راسو عدييييييل ما يكتبوا
الجمال قسم يا خال , والناس البتذوقوا الجمال موجودين لكن ,,,
محتارين ومتمحنين .
وأنت من الناس البصنعوا الجمال من العدم , والبتذوقوا الجمال عند الآخرين
بوستات كتيرة جميلة وموضوعية
يدخلوها ناس بكلام الطير في الباقير يجيبوا خبرها
وتتحول لداحس والغبراء بقدرة قادر .
تصفية حسابات بايته على شوية نضال على خفة شوية خفة دم .
والله قادر
ياخ انا بفتخر انك خالي
|
Post: #8
Title: Re: هل بالأمكان؟
Author: التيجاني عبد الباقي
Date: 03-27-2011, 07:34 AM
Parent: #7
| Quote: وتتحول لداحس والغبراء بقدرة قادر . |
استاذنا اسماعيل عباس
تحية طيبة
والله فكرة
|
Post: #10
Title: Re: هل بالأمكان؟
Author: ismeil abbas
Date: 03-27-2011, 08:55 AM
Parent: #9
الحمدالله طيب.
تسلم يا عادل ياصديق...فى شتارة حلوة ومطلوبة..أها زى شتارتك دى ما زى ألألتى فى أم فتفت..
الله يجبر كسرك ويريح أختنا سامية منك..
|
Post: #11
Title: Re: هل بالأمكان؟
Author: ismeil abbas
Date: 03-27-2011, 08:59 AM
Parent: #10
البشير الراقى....
Quote: بوستات كتيرة جميلة وموضوعية
يدخلوها ناس بكلام الطير في الباقير يجيبوا خبرها
وتتحول لداحس والغبراء بقدرة قادر .
تصفية حسابات بايته على شوية نضال على خفة شوية خفة دم .
والله قادر
|
صح لسانك وسلمت صوابعك البتكتب مثل هذا الكلام.....فعلا الله قادر....تقديرى وأحترامى..
|
Post: #12
Title: Re: هل بالأمكان؟
Author: ismeil abbas
Date: 03-27-2011, 09:02 AM
Parent: #11
أخى التجانى ..أشكر ليك مرورك..
والفكرة عايزة طرح وقبول وتنفيذ...ونكون ناس أكثر فائدة وجمال....إحترامى.
|
Post: #13
Title: Re: هل بالأمكان؟
Author: ismeil abbas
Date: 03-27-2011, 09:06 AM
Parent: #12
Quote: اسماعين؛
هاك (الجميله ومستحيله) سابقبها لؤي على سبيل الرشوه،
فشان انبقى لقيتلك طريقة (حجب متداخلين) ما تشمل اخوك
[المطرطش]
|
أشكرك شكر جزيل يا أخى محمد عبدالرحمن..
تتخيل إنت من الناس البحب مداخلاتهم وبحب طرطشتك الله يزيدك طرطشة كان الطرطشة زى طرطشتك دى يا مطرطش.
أنا سعيد بمرورك ومشاركتى الفكرة.
|
Post: #14
Title: Re: هل بالأمكان؟
Author: عبدالله ود البوش
Date: 03-27-2011, 09:33 AM
Parent: #13
يعني المعنى يا سمعة زي دواء المارقوت
.
.
بتعرف حكاية بياع الهبود كدواء ناجع للمارقوت
كنت داير احكيها لكن خايف تكون قديمة
.
.
مرور وسلام ياحبيب
|
Post: #15
Title: Re: هل بالأمكان؟
Author: ismeil abbas
Date: 03-28-2011, 05:51 PM
Parent: #14
Quote: كنت داير احكيها لكن خايف تكون قديمة
.
|
القديم منك جديد..أحكى يا رائع...لك ودى..
|
Post: #16
Title: Re: هل بالأمكان؟
Author: الشفيع وراق عبد الرحمن
Date: 03-28-2011, 05:59 PM
Parent: #15
جينا نسلم
ونتضامن
يا زول
يا عسل
بالله ده منو الزعلك ده يا سمعة؟
|
Post: #17
Title: Re: هل بالأمكان؟
Author: ismeil abbas
Date: 03-28-2011, 07:36 PM
Parent: #16
أخى الشفيع الزول المهذب.
| Quote: بالله ده منو الزعلك ده يا سمعة؟ |
أشكر ليك تضامنك..والحمدالله أنا مازعلان لكن بالجد بزعل عشان الحاجات تبقى جميلة وحلوة..
ما معنى تسك ليك زميل أو زميلة وتعريه وتكشف فضايحه..إشباع لذات إنسان مريض فى فهمى.
الله يكون فى العون.
|
Post: #18
Title: Re: هل بالأمكان؟
Author: ساميه حامد
Date: 03-28-2011, 11:50 PM
Parent: #17
سمعة الراقي سلام
انا حالتي وصيتك جاي فاتح ليك بوست كمان ما تخلينا نرتاح شوية ياخ
| Quote: بالله ده منو الزعلك ده يا سمعة؟ |
والله يا الشفيع البزعل سمعة ده يا ويلو مننا 
ــــــــــــــــــــ
منتظرنكم يا خ
|
Post: #19
Title: Re: هل بالأمكان؟
Author: دينا خالد
Date: 03-29-2011, 02:42 AM
Parent: #18
اسماعيل !!
والله الواحد داخل هنا ومتحسس,, لووووب
داخل وشايل نعلاتو فى يدينو
وماشى على اطراف اصابعو
اتاريك شكال يا بوى !!..
غايتو كان جاتنا سكه مقبوله منك
فى حاجة اسمها الصبر الصبر
شيلوا الصبر يا سمعه ..
طرقت الباب حتى كل متنى فلما كل متنى
كلمتني قالت
أيا اسماعيل صبراَ فقلت أيا اسماء عيل صبري
(قالت لى يا اسماعيل صبرى ما تصبر ياخ )
ـــــــــــــ
خلاص انت اكتب بين قوسين (للجادين فقط)
او يوجد جادين لوووووب يا سمعة كرهتنا ياخ ..
|
Post: #20
Title: Re: هل بالأمكان؟
Author: ismeil abbas
Date: 03-29-2011, 08:28 AM
Parent: #19
أختنا سامية الودودة.....
تسلمى على التضامن يابت الرجال والفيكى مشهودة.....وربنا يجبر كسركم...
|
Post: #21
Title: Re: هل بالأمكان؟
Author: ismeil abbas
Date: 03-29-2011, 08:43 AM
Parent: #20
ألأخت دينا....
شرفتينا ونورتينا..
Quote: اسماعيل !!
والله الواحد داخل هنا ومتحسس,, لووووب
داخل وشايل نعلاتو فى يدينو
وماشى على اطراف اصابعو
اتاريك شكال يا بوى !!..
|
ما تتحسسى أدخلى ساى لكن لو لقيتك شايلة نعلاتك فوق راسك ما تلومينى, وتلومونى ليه؟؟
وحات الخوة ماشكال لكن الوضوع بقى صعب وصبرت كتير لكن شكل الصبر ذاتو مل من صبرى..
لك التحية والتقدير.
|
Post: #22
Title: Re: هل بالأمكان؟
Author: محمد مختار جعفر
Date: 03-29-2011, 09:34 AM
Parent: #21
إسماعيل ، سلام وتحية
إدفع بالتى هى أحسن ، ( دائما وأبدا )
تجد مدحا وثوابا من عند الله ..
تحيتى ..
محمد مختار جعفر
|
Post: #23
Title: Re: هل بالأمكان؟
Author: ismeil abbas
Date: 03-29-2011, 03:28 PM
Parent: #22
Quote: تجد مدحا وثوابا من عند الله ..
|
شكرآ أخى محمد جعفر..................أثمن نصيحتك الغالية وحقيقة انت من الذين أحترمهم وأقدرهم........لك التحية ولمن معك.
ونسأل الله ان يثبت لنا ألأجر جميعآ..
|
Post: #24
Title: Re: هل بالأمكان؟
Author: ismeil abbas
Date: 03-30-2011, 08:23 AM
Parent: #23
كل أمرىء فى شأنه ساع
|
Post: #25
Title: Re: هل بالأمكان؟
Author: معتصم دفع الله
Date: 03-30-2011, 08:48 AM
Parent: #24
يا سمعة ..
قالوا السواقة فن وذوق ..
عشان كده لازم تسوق بوستاتك بفن وحرفنة كمان ..
+ إنو الموضوع بكون وفق أهميته وطريقة طرحه ..
أسلوبك مع بقية الأعضاء والإحترام المتبادل بوفر عليك الكثير ..
بعيداً ..
مرات الخرمجة زاته سمحة 
|
Post: #26
Title: Re: هل بالأمكان؟
Author: ismeil abbas
Date: 03-30-2011, 08:57 AM
Parent: #25
يا معتصم أخوى.
Quote: قالوا السواقة فن وذوق ..
عشان كده لازم تسوق بوستاتك بفن وحرفنة كمان ..
+ إنو الموضوع بكون وفق أهميته وطريقة طرحه ..
أسلوبك مع بقية الأعضاء والإحترام المتبادل بوفر عليك الكثير ..
|
تتخيل القيادة فن وأدب شعار يرفع فى الدول النامية شوف عينى فى أوربا الناس نفسها تحيرك ليه لآنها بتحترم القانون واللوائح..نحن معظم الناس وفى مناحى كثيرة لاتحترم النظام ولا اللوائح
كلامك فى العين والرأس من زول عزيز وخبرة....فى خرمجة جميلة وبحبها من ناس حلوين مثلك...
إحترامى وتقديرى..
|
Post: #27
Title: Re: هل بالأمكان؟
Author: ابو جهينة
Date: 03-30-2011, 09:04 AM
Parent: #26
سمعة
ممكن نعمل تعديل لإقتراحك ؟
أي بوست يتعمل ليهو ( بوست قرين )
يعني البوست الأصل يتداخلوا فيه الجادين و أصحاب الكوم
البوست القرين يتداخلوا فيه غير الجادين و الذين تخصصوا في فتل عجلات البوستات و أصحاب الكيمان المختلفة الأخرى.
و بهذا يمكن أيضا عمل أرشيف يسمى ( الأرشيف القرين ) و تتم أرشفته كل ستة أشهر
تخريمة : البوست حنفتحو بكرة كان الله هون.
|
Post: #28
Title: Re: هل بالأمكان؟
Author: ismeil abbas
Date: 03-30-2011, 09:11 AM
Parent: #27
| Quote: تخريمة : البوست حنفتحو بكرة كان الله هون. |
تسلم ياريس...........((بالله بوست غير قرين))))
تحياتى وأحترامى.
|
Post: #29
Title: Re: هل بالأمكان؟
Author: معتصم دفع الله
Date: 03-30-2011, 10:03 AM
Parent: #28
عارف يا إسماعيل ..
مرات كتيرة في بوستات ولا بكون شفتها من أصله ..
والقراية بقت متعبة في وقت لا يوجد فيه فراغ إلا لحظات قليلة ..
المنبر في الفترة الماضية أصبحت تسيطر عليه القضايا الحية داخل البلد ..
لذلك إمتد الصراع بين شريحتين مختلفتين تماماً في الرؤى والأفكار ..
ولن ينتهي هذا الصراع أو يتحسم بسهولة ..
لذلك نجد أن البوستات الآخرى من ثقافية وفنية وحتى الرياضية تذهب بعيداً ..
من وجهة نظري يبقى الوطن هو الأهم وقضاياه بذات الأهمية ..
عن نفسي لا أحبذ الخرمجة وما قصدته هو بوستات الخستكة أحياناً نحتاجها لفك الزهج والدبرسة ..
لك الود ..
|
Post: #30
Title: Re: هل بالأمكان؟
Author: ismeil abbas
Date: 03-30-2011, 11:38 AM
Parent: #29
يامعتصم...
Quote: من وجهة نظري يبقى الوطن هو الأهم وقضاياه بذات الأهمية ..
|
مافى شك بأن هم الوطن فوق كل شىء,ولكن تصبح كيف ان نشيل هذا الهم.
هناك مهموم بالوطن ليس له رؤى.
وهناك مهموم بالوطن فى كل قضاياه.
وهناك مهموم بأزالة النظام الذى يحكم الوطن ولايدرى أين مصلحة الوطن.
كل يحمل همه الذى تكمن فيه مصلحته ويظل ألأوفياء أمثالك همهم ألأكبر وطن معافا يتساوى فيه الناس ويعم العدل كل أرجائه ويسعنا جميعآ.
تسعدنى طلاتك ومشاركاتك الهادفة.
|
Post: #31
Title: Re: هل بالأمكان؟
Author: ود الباوقة
Date: 03-30-2011, 12:18 PM
Parent: #30
لا تحزن اخي سمعة
فالمخستكون على قفا من يشيل
مودتي يا رائع .............
|
Post: #32
Title: Re: هل بالأمكان؟
Author: ismeil abbas
Date: 03-30-2011, 03:48 PM
Parent: #31
ودالباوقة..المتنرمس...
| Quote: مودتي يا رائع ............. |
واصل من رومانسيتك الحلوة دى وخلينا من خرمجات الناس الثانية......وأخلق نوع من الموازنة بطرح جميل ومدروس.
لك من الروعة ما يكفيك ويفيض.
|
|