Post: #1
Title: غاز الطبخ في السوق الاسود 25 جنيه الابنوبة!؟!!!
Author: زهير عثمان حمد
Date: 03-25-2011, 02:41 PM
سمعنا كلام كتير من الجهات الرسمية عن طرح كميات من غاز الطبخ في السوق ولكن اليوم غير متوفر في أمدرمان بعد جولة أستمرت لمدة ساعة ونصف فشلت في الحصول علي أنبوبة غاز وجدنها في صالحة وتباع بخمسة وعشرون جنيها ومع حذر شديد وخوف والبيع الا بالمعرفة كمان !
|
Post: #2
Title: Re: غاز الطبخ في السوق الاسود 25 جنيه الابنوبة!؟!!!
Author: عزام حسن فرح
Date: 03-25-2011, 04:23 PM
Parent: #1
زهير عثمان حمد
| Quote: سمعنا كلام كتير من الجهات الرسمية عن طرح كميات من غاز الطبخ في السوق ولكن اليوم غير متوفر في أمدرمان بعد جولة أستمرت لمدة ساعة ونصف فشلت في الحصول علي أنبوبة غاز وجدنها في صالحة وتباع بخمسة وعشرون جنيها ومع حذر شديد وخوف والبيع الا بالمعرفة كمان ! |
ياخ وزير المالية قال ليكُم [أُكُلو كِسره] هسِع العِواسة دي دايرالا أنبوبة غاز.. والله إنتو غايتو بتبالغو مرات.. يعني الحيكومة تسوي ليكُم شنو، "نيفاشا" وفقدت الشِمال 70% من البترول، أها غاز شنو العليكُم تاني؟!
نحنا في المحس نخلة واحدة تبرُك، بِتولع الدوكه شهر كامِل، فطور قٌراصة بِتركين، غدا قُراصة بِمُلاح أخدر، عشا قُراصة بِلبن وسكر أو بعسل تمُر.. ونسابتي كواهلة البُطانة، صاجُمْ بِولِعوهو بِالقصب ورَوَث البقر.. و نحنا بنادي بِنْفِصال غرب السودان ليه؟ ما علشان الناس -حسب التوجه العام- تخْشَوْشَن، إنت ما عِندك حيث المُصطفى (ص) القال فيهو [إخْشَوْشنوا فإن النِعمة لا تدوم] أو كما قال .. تَيِب الغاغا شنو!
|
Post: #3
Title: Re: غاز الطبخ في السوق الاسود 25 جنيه الابنوبة!؟!!!
Author: ايهاب الطيب بله
Date: 03-25-2011, 04:30 PM
Parent: #1
الاخ زهير
نهارك سعيد
في بحري بـ 35 جنيه
وربك يهون السعر الحكومي ب 13 جنيه
|
|