Post: #1 Title: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟! Author: Tragie Mustafa Date: 03-24-2011, 09:21 PM
تابعته فيديو نجلاء سيد احمد النزولته عن مظاهرة امبده!
واشفقت على المتظاهرين بفداحة العزله الكانوا فيها والموضوع لا شماته ولا حب للنقد....لكن بالله عليكم حتى متى والمواطن الكادح ده يحتاج لترجمان في شعارت المثقفين؟!
يعني حسيت ببساطه كل همنا نقنع المشاهد العربي ويفهم شعارتنا قبال من نفكر في المواطن الكان ممكن يتبعنا ويردد معنا ويزيد عددنا. وحتى متى ونحن في زهم الانتفاضه العربيه دي؟؟!!
وحكاية الطيره المباريه السيره؟؟؟
اوع تكون هذه نوع العقليات الممكن بكره نلقى لجنة عرمان المسؤله عن صياغة الرؤيه لقطاع الشمال اياها تصيغ ثقافات وموجهات الامه زيه بفكر زي نوع (خبز خبز للفقراء) دي؟!
Post: #2 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: أحمد ابن عوف Date: 03-24-2011, 09:25 PM Parent: #1
ختفتيها من كيبوردي يا تراجي
حبيت اعلق على قصة خبز دي، لكن لكل مقام مقال، المظاهرة لسه شكلها شغالة وح نبدأ التقد
اديها صنه، بعدين ناس الخرطوم مع المخابز التركية والسورية بقول يعرفوا يعني شنو خبز
بس رغيف احلى بكتير
Post: #3 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: abubakr salih Date: 03-24-2011, 09:32 PM Parent: #2
اللهم طولك يا روح!!
Post: #10 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: Tragie Mustafa Date: 03-25-2011, 00:14 AM Parent: #3
ابوبكر صالح
آخير تتجنب بوستاتي اليومين ديل
لانك ما لوحدك السمك فائر انا ذاتي سمي فائر....
اها طالع...ده زولكم بحسباتك...مؤيد وممجد ورغم ذلك كتبت الآتي:
Quote: ختفتيها من كيبوردي يا تراجي
فما بك تسمعنى ...زي ده؟؟!!
Quote: اللهم طولك يا روح!!
آمين!
Post: #4 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: Tragie Mustafa Date: 03-24-2011, 09:32 PM Parent: #2
اين عوف يا غالي
ده مصير امه بحالها واجهت ما واجهت من بطش
فهل لسه حنجامل في بعض؟؟؟
نحن لما ننتقد عشان نلحق البتلحق يا اخوي ما عشان نكسر المقاديف.
Quote: ختفتيها من كيبوردي يا تراجي
حبيت اعلق على قصة خبز دي، لكن لكل مقام مقال، المظاهرة لسه شكلها شغالة وح نبدأ التقد
اديها صنه، بعدين ناس الخرطوم مع المخابز التركية والسورية بقول يعرفوا يعني شنو خبز
بس رغيف احلى بكتير
يا حبيب يقولوا لك المظاهره في امبده تقول لي ناس الخرطوم؟؟
هم طالما رموا طوبة ناس الخرطوم ناس المخابز السوريه
واتجهوا سمتجيرين بغبش امبده...ضروري يقولوا لهم لغة بيعرفوها.
ولا شنو؟؟؟يا ابو حميد بطل مجاملات.
عشان كده قلنا لهم حناكيشطم الناطين في الكفر ديل ما حيقدروا يسقوا النظام ولا يحصلوا على التفاف جماهيري مالم لجان هذه التظاهرات تضم فعلا ناس هامش مكربين يارشكوا في صياغة الشعارت نفسها.
اها رفضوا يسمعوا خليهم يقعودوا يتظاهروا كده 15 و 10 و 9 الي ان يرث الله الارض وما عليها.
Post: #5 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: محمد أبوالعزائم أبوالريش Date: 03-24-2011, 09:34 PM Parent: #2
تراجي سلام ....
شعارات المظاهرات ... كما الشعر .. يصلح أن يكون بالعربية الفصحى أو بالدارجة.
عموماً .. حتى لو لم نوافق على مفردة (خبز) .. هذا لا يعني أن لا نشجّع هؤلاء الشباب.
شخصياً سأشجعهم، حتى لو أتوا بشعار الثورة المصرية كما هو (الشعب يريد ......).
أتمنى أن نترك خلافانا في هذه المرحلة، لأن المستفيد من ذلك أكيد يجلس في المعسكر الآخر ينبسط كلما اختلفنا.
Post: #6 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: abubakr salih Date: 03-24-2011, 09:40 PM Parent: #5
زول بيطلع في مظاهرة يعرّض نفسه للمخاطر الكبيرة اول كلمة يسمعها من الناس يقولوا ليهو كيييف تقول خبز ... مفروض تقول رغيف ... خبز دي اٍستلاب (يا النبي نوح تطول الروح)
Post: #7 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: د.نجاة محمود Date: 03-24-2011, 10:41 PM Parent: #6
ترجرج المرسال جاك بيرلا بريلا برلالة
فتح عينك تاكل ملبن وشيل اصبعك من عش الدبابير وهل دفقت الزيت؟
Post: #13 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: Rawia Date: 03-25-2011, 01:16 AM Parent: #7
Quote: وهل دفقت الذيت؟
هي يادكتورة
Post: #8 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: مرتضى احمد عبد القادر Date: 03-24-2011, 10:47 PM Parent: #6
المناضله الجسورة تراجي شكرا على هذا الجهد المقدر في التركيز ومتاابعة الفيديو ونرجو رفد المتظاهرين بالشعارات التي ترونها أنسب فهم في أشد الحوجه لشعاراتكم
Post: #9 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: Tragie Mustafa Date: 03-25-2011, 00:10 AM Parent: #5
الفاضل محمد ابز العزائم سلام
Quote: تراجي سلام ....
شعارات المظاهرات ... كما الشعر .. يصلح أن يكون بالعربية الفصحى أو بالدارجة.
عموماً .. حتى لو لم نوافق على مفردة (خبز) .. هذا لا يعني أن لا نشجّع هؤلاء الشباب.
شخصياً سأشجعهم، حتى لو أتوا بشعار الثورة المصرية كما هو (الشعب يريد ......).
أتمنى أن نترك خلافانا في هذه المرحلة، لأن المستفيد من ذلك أكيد يجلس في المعسكر
الآخر ينبسط كلما اختلفنا.
يا ابو العزائم يا اخوي
خلافنا شنو ووينه؟؟
زول بيقول لهم صلحوا شعارتكم
عشان ناس الركشه الواقفين ديل و الركاب و الناس الماشين ....
المره الجايه ينطوا في وسطها وينضموا لها,,,,بدل ما يشموا لانهم الشعارات ما حركت فيهم حاجه.
تقول لي خلافاتنا؟؟!!
Post: #11 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: Tragie Mustafa Date: 03-25-2011, 00:21 AM Parent: #9
اللهم طولك يا روح!!
Quote:
زول بيطلع في مظاهرة يعرّض نفسه للمخاطر الكبيرة اول كلمة
يسمعها من الناس يقولوا ليهو
كيييف تقول خبز ... مفروض تقول رغيف ... خبز دي اٍستلاب
(يا النبي نوح تطول الروح)
عايزنا نصفق لهم وبس؟!
وين قلنا ما عرضوا انفسهم لمخاطر؟؟؟ولا عايزنا نبصم وبس؟!
Post: #12 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: محمد مكى محمد Date: 03-25-2011, 00:51 AM Parent: #11
تراجى سلامات وكيفنك والأولاد * الشعارات والهتاف هو وقود كل مظاهرة وأبسـط الطرق لتوصيل البرنامج السياسى ,تتفاعل معها أو لا تتفاعل ,ولكل ذلك ظروف وأسباب منطقية وموضوعية.
* بصراحة تراجى محقة ,فى نقطة إنو الناس مفروض تخاطب الجماهير بلغتها,أو بأبسط لغة ممكنة ,لنضمن فهم أكبر ممكن من الناس لمضمون الرسالة.وطالما مفردة خبز منفرة لتراجى مثلا,فأكيد أن هناك كم آخر من الناس لديه نفس الرأى ,بغض النظر عن الأسباب. * يجب علينا شكر الأخت تراجى للتنبيه وتدارك وإصلاح الخطأ. والنضال لا يزال مستمرا.
تقديرى
Post: #14 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: abubakr salih Date: 03-25-2011, 09:06 AM Parent: #12
Quote: هي يادكتورة
يا رواية اسمو الذيت الذيت ... اٍنتى عشان ما قريتي فى جامعة القرآن الكريم ساكت!
Post: #15 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: د.نجاة محمود Date: 03-25-2011, 11:06 AM Parent: #14
حديد يا تراجي لكن
هاي مرجلة يا بنية
زولك شاف ليه طرف توب تاني مشى عليه..
Post: #16 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: محمود الدقم Date: 03-25-2011, 03:46 PM Parent: #15
اب او up
Post: #17 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: Tragie Mustafa Date: 03-25-2011, 04:07 PM Parent: #16
شكرا لك اخي مرتضى على المرور
Quote: المناضله الجسورة تراجي شكرا على هذا الجهد المقدر في التركيز ومتاابعة الفيديو ونرجو رفد المتظاهرين بالشعارات التي ترونها أنسب فهم في أشد الحوجه لشعاراتكم
في ناس عندها قدرات بتاعت سجع وشعر يمكنهم يفيدو في هذا الجانب انا دروي انه الفت النظر لما رايته(معيب) ونوجه النظر لما يمكن ان يكون مفيد في التعئبه الجماهيريه.
كذلك كلمة فقراء نفسها وعارف البني للمجهول...
وكأن الفقراء هؤلاء المتظاهرين لا ينتمون اليهم.
بينما الهتاف لو كان
جعانين عطشانين...الخ
مما يعني بان المتظاهرين هم انفسهم يعانوا بدلا عن تصوير الامر وكانه هم ما بيعانوا وانما يتظاهروا لاجل الآخرين.
هتافات المصرين لو لاحظتها كانت بسيطه اذكر شاهدت فيلما...
الذي يهتف فيه كان يقول عايزين ناكل عايزين نشرب!
وردد معه اغلب الشارع ذلك. لم يقل هنالك جوعى وكانه ليس منهم وانما هتف وكانه منهم,وكان واضح انه من الماره فقط وليس من منظمي التظاهره.
المهم لك التحيه ومعا على الدرب.
Post: #18 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: أحمد ابن عوف Date: 03-25-2011, 04:13 PM Parent: #17
Quote: ولا شنو؟؟؟يا ابو حميد بطل مجاملات
طيب اقترحي ليهم شعارات، يعني ما ممكن لا تجدعي لا تجيبي الحجار
واول مرة اعرف انو امبدة دا مافي الخرطوم هههههه
Post: #19 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: عبد المنعم سليمان Date: 03-25-2011, 04:31 PM Parent: #18
يشير الاصبع الى القمر ولكن الغبي من يرى الاصبع
Post: #20 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: Rawia Date: 03-25-2011, 11:05 PM Parent: #19
Quote: وهل دفقت الزيت؟ (عدل بواسطة د.نجاة محمود on 25-03-2011, 01:20 ص)
دا ما حل لازم تكتبيها عشرين مرة كل يوم
__________ صحيح تعلم في المتبلم يصبح ناسي
بكوري حنكلم مجمع اللغة العربية يغيرها لي (ذال) عشان الدكتورة ماتتعب
ياخ يو ميد ماي داي نجاة إنت عبقرية
Post: #21 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: ناظم ابراهيم Date: 03-25-2011, 11:30 PM Parent: #20
تراجى سلام
اهديك مارسيل خليفه احن الى خبز امى
Post: #22 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: abubakr salih Date: 03-25-2011, 11:37 PM Parent: #21
Quote: دا ما حل لازم تكتبيها عشرين مرة كل يوم
Post: #23 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: الطيب رحمه قريمان Date: 03-26-2011, 04:37 AM Parent: #22
لابد من اختييار الشعار الذى يعبر و يعكس حال اهل السودان
فالمفردة لها وقع فى نفوس المتظاهرين و دفعهم الى مزيد من التظاهر
فهى الوقود الذى يدفع بالجماهير الى الامام .
التحاي و الاشواق الاميرة تراجى
Post: #24 Title: Re: الاستلاب واضح من الشعارات....ياتو يوم نحن الشعب السوداني الفضل بنقول (خبز/للعيش او الرغيف)؟ Author: Asim Fageary Date: 03-26-2011, 06:34 AM Parent: #23
Quote: تراجى سلامات وكيفنك والأولاد * الشعارات والهتاف هو وقود كل مظاهرة وأبسـط الطرق لتوصيل البرنامج السياسى ,تتفاعل معها أو لا تتفاعل ,ولكل ذلك ظروف وأسباب منطقية وموضوعية.
* بصراحة تراجى محقة ,فى نقطة إنو الناس مفروض تخاطب الجماهير بلغتها,أو بأبسط لغة ممكنة ,لنضمن فهم أكبر ممكن من الناس لمضمون الرسالة.وطالما مفردة خبز منفرة لتراجى مثلا,فأكيد أن هناك كم آخر من الناس لديه نفس الرأى ,بغض النظر عن الأسباب. * يجب علينا شكر الأخت تراجى للتنبيه وتدارك وإصلاح الخطأ. والنضال لا يزال مستمرا.
تقديرى
دكتور/ محمد مكي
سلام
وأشكرك على هذا التجرد
ولكني أقول الآن ونحن في عصر العولمة تداخلت اللهجات في المنطقة وزلا سيما مع الفضائيات
ياخي السودان كله عرف زنقة يعني شنو لمن القذافي قالها
وعرفو علوج يعني شنو لمن الصحاف قالها
أها يعني البيكون إلى الآن ما عرف خبز يعني شنو خلوهو يعرف الخبز والتميز والشباتي
وبعدين في السودان زمان كنا بنقول الطابونة هل تدري إن الطابونة الآن يعرفها القليلين مثل جيلنا والأكبر مننا بقو يقولو مخبز تركي و مخبز شامي وهكذا
طالما بقوا يقولوا مخبز أكيد بيعرفوا خبز !!!
والموضوع لا يستحق كل هذه الضوضاء
مع إعتذاري لتراجي وأنتي تعرفي تقديري لك فأبذلي وقتك فيما هو أجدى
