Post: #1
Title: ما تخلونا نسب ليكم!!!
Author: Balla Musa
Date: 03-24-2011, 04:01 PM
Quote: طبلوا يلا طبلوا للجيش الصليبي .... طبلوا لفجر اوديسا .... طبلوا وافرحوا لماما امريكا يا وهم ... افرحوا لنصرة الجيش اليهودي .... افرحوا لهزيمة المسلمين
القذافي اسوأ رئيس عربي ما بيتغالطوا فيها اتنين
لكن ....
في النهاية مسلم وعربي
فهل نفرح لهزيمة مسلم من كافر يا ......
ما تخلونا نسب ليكم |
مسلم غيور فى حالة انحتات
|
Post: #2
Title: Re: ما تخلونا نسب ليكم!!!
Author: قيقراوي
Date: 03-24-2011, 04:15 PM
Parent: #1
Quote:
مسلم غيور فى حالة انحتات
|
الزول دا اضايق يا دتور ..
طيب زعلان مالو لمن بسب؟
و قبل ما يلصق ساي خلي يفتش لينا العقيد دا زنقة زنقة .. يشوف مويتو ..
الزول دا ما مضمون!
-------
الله لا غز في العقيد بركة .. جهجه باكات الناس بقت ما عارفة تقول شنو؟ .. و لّ تسوي شنو؟
|
Post: #4
Title: Re: ما تخلونا نسب ليكم!!!
Author: Balla Musa
Date: 03-24-2011, 04:20 PM
Parent: #2
Quote: و قبل ما يلصق ساي خلي يفتش لينا العقيد دا زنقة زنقة .. يشوف مويتو ..
الزول دا ما مضمون! |
قيقراوى
العقيد قبل الأوديسا وفجرها كان خايف على الغرب من الإسلام..
وبعد فجر الأوديسا أصبح خائفا على الإسلام من الغرب الكافر!!
______________________________
وبذلك يكون موقف العقيد واضح!!
|
Post: #3
Title: Re: ما تخلونا نسب ليكم!!!
Author: محمد المرتضى حامد
Date: 03-24-2011, 04:18 PM
Parent: #1
| Quote: ما تخلونا نسب ليكم |
ما تخليهو يا بله.
-
لاخلفية لدي عن الكاتب لكن كان داير يسب شنو؟
|
Post: #5
Title: Re: ما تخلونا نسب ليكم!!!
Author: Balla Musa
Date: 03-24-2011, 04:22 PM
Parent: #3
| Quote: لاخلفية لدي عن الكاتب لكن كان داير يسب شنو؟ |
مولانا
احتمال كبير كان عايز يسب بنت الميداح!!
|
Post: #6
Title: Re: ما تخلونا نسب ليكم!!!
Author: محمد المرتضى حامد
Date: 03-24-2011, 04:35 PM
Parent: #5
| Quote: احتمال كبير كان عايز يسب بنت الميداح!! |
يعني ما التومه هوك؟
|
Post: #7
Title: Re: ما تخلونا نسب ليكم!!!
Author: دينا خالد
Date: 03-24-2011, 04:39 PM
Parent: #5
| Quote: في النهاية مسلم وعربي |
الحتتين (يا قول المثقفاتيه) ديل استوثقتهن منو ؟؟
العقيد دا ما تقول اى كلام او وصف نيابة عنه !
ففى ذات زنقة واخر عهده بالحديث عن العرب
قال .... فى العرب ..
الاسلام دا مافى زول فقدو بعد الاوديسا ..
احتمال كبير هو ذاتو يكون سبا !!
ـــــــــــــ
باختصار كدا العقيد دا ما بتعرفو شنو
الا يقول براهو ...
والمسلم من سلم المسلمين من لسانه ويده وكتائبه واولاده..
|
Post: #8
Title: Re: ما تخلونا نسب ليكم!!!
Author: ابراهيم عدلان
Date: 03-24-2011, 04:48 PM
Parent: #7
Quote: يؤمم المضبف الاسمر البنك العربي و يصادر شركة المعروضات المصرية في حضرة الملهم الاممي في خطوة بلهاء
ارادها ثورية تلاشت معها خطوط عرض الدبلوماسية و خطوط طول لياقة الضيافة فأتت كسهم طائش بانت آثاره
علي وجه الضيف الكبير ورانت علي قلوب من معه فأدركها الحضور الجماهير هتافا ناصر....ناصر....ناصر
امسك بعدها عقيد الفاتح بمايك مكبرات الصوت فقاطعته الهتافات تريد ناصر
يضيق عقيد الفاتح بالهتاف و الجماهير فيصرخ غاضبا ( اسكتوا..... ينعل دينكم) فتحمل موجات
اثيرامدرمان صوته المبحوح الي دور بني سودان بيت بيت... دار دار.... زنقة زنقة. |
القذافي والشأن السوداني (استدعاء تأريخ العلاقة)
__________
تحياتي د. بله
|
Post: #9
Title: Re: ما تخلونا نسب ليكم!!!
Author: Balla Musa
Date: 03-24-2011, 04:48 PM
Parent: #7
| Quote: يعني ما التومه هوك؟ |
كلو وارد
واحتمال عايز يسب دينا كاتيوشا!
|
Post: #10
Title: Re: ما تخلونا نسب ليكم!!!
Author: Balla Musa
Date: 03-24-2011, 04:50 PM
Parent: #9
دينا اعملى حسابك
العقيد معروف أنو بضرب الشاشة بالمسدس (شاشة تلفزيون أو كمبيوتر)
|
Post: #11
Title: Re: ما تخلونا نسب ليكم!!!
Author: Balla Musa
Date: 03-24-2011, 04:54 PM
Parent: #10
ابراهيم
العايز يسب دا ما القذافى, دا مسلم غيور على المسلمين من أعضاء هذا المنبر!!
|
Post: #12
Title: Re: ما تخلونا نسب ليكم!!!
Author: ابراهيم عدلان
Date: 03-24-2011, 04:59 PM
Parent: #11
فاهم عليك يا بله
بس عايز اوري المسلم الغيور انو اتسب دينو من الزول البدافع عنو بحجة انو مسلم
|
Post: #14
Title: Re: ما تخلونا نسب ليكم!!!
Author: Balla Musa
Date: 03-24-2011, 05:01 PM
Parent: #12
| Quote: بس عايز اوري المسلم الغيور انو اتسب دينو من الزول البدافع عنو بحجة انو مسلم |
ابراهيم
ياخى الزول دا ياعايز يسب, يا مسلف باسويردو للقذافى عشان يسب..
فبالله ماتخليهو يسب لينا!!!
|
Post: #13
Title: Re: ما تخلونا نسب ليكم!!!
Author: قيقراوي
Date: 03-24-2011, 04:59 PM
Parent: #9
Quote:
وبذلك يكون موقف العقيد واضح!!
|
واضح لمن فاضح
ظهرا عاملة ذاتو! .. زنقة زنقة
و كلو زنقة بمكنة مختلفة؟
فرش بضاعة ( القاعدة ) ما لقى سوق ليها .. قام خسر ( المسلمين ) ..
الجماعة جابو العدة و جوهو .. قام غير الديكور و فرش ( حرب صليبية ) برضو بارت ليو في يدو ..
راسمالو ساي ما طلع بيو ..
باقي ليو بس اللادينيين العرب و ديل خسرم بعدد ( 3 ) طـــــــز* فيهم و جامعتم و عمالم ذاتو!
قلت لي الزول داير يسب شنو هو؟
دينا دي قالت يخلو العدة .. اظنها من العربان توابع اليانكي!
للضمان كدا طلع دينا
.
.
.
من هنا
اسي يجي زولك دا ينفذ وعيدو
-----------
دي كلمة عادية في الشارع الليبي .. و معتمدة رسمياً في التلفزيون زيي ي ي العلم الاخدر
|
Post: #15
Title: Re: ما تخلونا نسب ليكم!!!
Author: ابراهيم عدلان
Date: 03-24-2011, 05:05 PM
Parent: #13
خلاص يا قيقر
طلع دينا و قعمز في البوست
_______
اللهم انصر فجر الاوديسا
|
Post: #16
Title: Re: ما تخلونا نسب ليكم!!!
Author: Balla Musa
Date: 03-24-2011, 05:09 PM
Parent: #15
قيقراوى
العقيد الأيام دى قال ليك حايم تحت الأرض من جنينة الحيوانات لباب العزيزية!!
وعامل توبو قرباب!
|
Post: #17
Title: Re: ما تخلونا نسب ليكم!!!
Author: قيقراوي
Date: 03-24-2011, 05:18 PM
Parent: #15
يا ابراهيم ياخ عاوزين نحرر ابراهيمنا و يحطم لينا اصنام الاطلسي ياخ
دينا تستاهل ياخ
Quote:
خلاص يا قيقر
طلع دينا و قعمز في البوست
|
حقارة الزولة دي ياخ!
مست######ـــاني ليك في بوستها لمن مشيت حذفت مشاركتي ذاتو!
جني و جن الحقـــارة انا
ماش اشوف ابو السرة* يجي يكابر زولنا دا .. و يوايك لينا اليانكي
------
السرة دي منو شقية الحال دي؟ .. كلـــبا ما مريحنو ( ابتفة شايل حسو ) .. و ابوها بقوم بالدفرة الا يحرشوهو!؟
|
Post: #18
Title: Re: ما تخلونا نسب ليكم!!!
Author: أحمد ابن عوف
Date: 03-24-2011, 05:58 PM
Parent: #17
سلام يا بله
وقت داير يسب يا اخوانا ما تخلوهو يسب، واقفين ليهو في حلقو لييه
ما كل يوم ناس قوش ونافع ديل بلعنوا فينا وفي اهلنا الربونا، جات عليهو
|
Post: #19
Title: Re: ما تخلونا نسب ليكم!!!
Author: osman righeem
Date: 03-24-2011, 05:59 PM
Parent: #17
بمنسبة اسلام معمر
لحدي نهاية التسعينات الشخص الذي يثبت عليه انه
بصلي الخمس اوقات في الجامع كان يتهم بأنه ###### ضال
ويلحق بسجن ابو سليم
انت عارف الالف ميتين الذبحوهم في سجن ابو سليم كانت تهمتهم شنو ؟؟ انهم كلاب ضالة
العايز يدافع عن القذافي كدي يمييز لينا لمن القذافي كان بيقول شدوا الجرزان كان قاصد منو
وخاصة انه اتهم ناس القاعدة ؟؟؟ و الكان بيطلب منهم يشدو الجرزان هم منو ؟؟؟
غايتو اسلام القذافي فيه كم قول زي حكاية شهيد عرس الشهيد بتاع ساحات البتاع
|
Post: #21
Title: Re: ما تخلونا نسب ليكم!!!
Author: Balla Musa
Date: 03-24-2011, 06:21 PM
Parent: #20
| Quote: وقت داير يسب يا اخوانا ما تخلوهو يسب، واقفين ليهو في حلقو لييه |
أحمد ابونعوف
والله مافى زول منعوا..
بس الراجل طلع فاضل واكتفى بالتهديد!
|
Post: #23
Title: Re: ما تخلونا نسب ليكم!!!
Author: Balla Musa
Date: 03-24-2011, 06:24 PM
Parent: #21
| Quote: العايز يدافع عن القذافي كدي يمييز لينا لمن القذافي كان بيقول شدوا الجرزان كان قاصد منو |
عثمان رغيم
أثنى
بس القذافى دا يدافعوا عنو فى ياتو ملة؟
|
Post: #22
Title: Re: ما تخلونا نسب ليكم!!!
Author: ابراهيم عدلان
Date: 03-24-2011, 06:24 PM
Parent: #20
بعد ةان وصف ( ما لا تعلمون) ياسر عرفات بانه مجرد عريف في الشرطة الاسرائيلية, دعا -حياه الغمام- جموع
الشعب الفلسطيني بانشاء اتحاد مع اسرائيل سماه اسراطين و اخلي للدولة الوليدة مقعده في الجامعة
العربية ثم مضي في سبيله يدعوا لنظريته الثالثة
دعي الليبين لقراءة الكتاب الاخضر بدلا عن المصحف بل و اعاد طباعته بالخط العثماني المشكل اسوة
بالفرقان العظيم
شكك ليل نهار في السنة المطهرة و صاحبها عليه افضل الصلاة
دعا الليبين للانصراف عن الحج و العمرة الي مكة ووجههم نحو القدس فدخلوها بتأشيرات اسرائيلية
قارن بين نفسه و بين الذات الآلهية في المشيئة و العياذ بالله
| Quote: كذلك حديث للقذافي أثناء انعقاد "مجلس اتحاد الجامعات العربية" بمدينة بنغازي، المسجل مرئيا في شهر فبراير عام 1990 :" كلمة كن فيكون لا تعني الآن، قد تحصل بعد مليون سنة، مثلا: أيتها السحابة الكونية كوني كواكب سيارة من الشمس إلى الأرض بعد 400 مليون سنة. ما دام الله قرر هكذا، ففعلا بعد 400 مليون سنة ستكون بهذا الشكل، كن فيكون، يعني كوني هكذا فكانت حسب المدة، لا تعني السرعة، لا تعني الآن، أنا قلت فلتكن ثورة بعد عشرين سنة وعملت من اجلها..فقامت.. نعم قلت:فلتكن ثورة، فكانت ثورة!!!! |
_______
سبونا لو عايزين
|
Post: #24
Title: Re: ما تخلونا نسب ليكم!!!
Author: Balla Musa
Date: 03-24-2011, 06:26 PM
Parent: #22
دكتور سيف
ياخى فى حد سألك من المصدر؟
يعنى الواحد فى المنبر دا مايعرف يتضارا؟
|
Post: #25
Title: Re: ما تخلونا نسب ليكم!!!
Author: Balla Musa
Date: 03-24-2011, 06:29 PM
Parent: #24
ابراهيم عدلان
لكن لقيتك حاقد حقد على معمر؟!!
|
Post: #26
Title: Re: ما تخلونا نسب ليكم!!!
Author: سيف النصر محي الدين محمد أحمد
Date: 03-24-2011, 06:46 PM
Parent: #25
| Quote: يعنى الواحد فى المنبر دا مايعرف يتضارا؟ |
سلامات يا دوك
انا جبت المنظر عشان اوريك انو انا الوحيد الاتسبا ليهو لغاية هسه.
|
Post: #27
Title: Re: ما تخلونا نسب ليكم!!!
Author: قيقراوي
Date: 03-24-2011, 06:56 PM
Parent: #26
يا دكتور
انت موش ودوك الحسانية!؟
Quote:
انا جبت المنظر عشان اوريك انو انا الوحيد الاتسبا ليهو لغاية هسه.
|
تاني الجابك شنو نان؟
-----
اظرف حاجة اهلك نفسو في انو يشرح ليكم " الحسانية " ( المعروفة بالضرورة ) .. و خلا كل الباقي معلق
بما فيها هو داير يسب ليكم شنو من الاساس!؟
|
Post: #28
Title: Re: ما تخلونا نسب ليكم!!!
Author: سيف النصر محي الدين محمد أحمد
Date: 03-24-2011, 07:03 PM
Parent: #27
يا قيقا
ما تبخس الرجل اشياءه ياخ. في موضوع الحسانية ده انا استفدت معلومة جديدة
و هي انو سبق الحمير المزعوم كان "للخلف" !
اها دي هسه انت كنت عارفا؟
|
Post: #29
Title: Re: ما تخلونا نسب ليكم!!!
Author: Balla Musa
Date: 03-24-2011, 07:19 PM
Parent: #28
| Quote: و هي انو سبق الحمير المزعوم كان "للخلف" ! |
وانا اقول الحكومة لغت رسوم الخلف ليه ضمن رسوم استخراج الرخصة!!!
|
Post: #30
Title: Re: ما تخلونا نسب ليكم!!!
Author: قيقراوي
Date: 03-24-2011, 07:41 PM
Parent: #29
Quote:
اها دي هسه انت كنت عارفا؟
|
ذكرتني لما اتوظفنا في البيبسي - و نحن جايين من غبشة و جوع الداخلية - عملوا لينا عزومة على شرفنا يازول هييييي! .. شئ عجيب كلو كلو
كان جمبي واحد شمشار ( هشام عوض - الشجرة ) قمت سألتو من الحاجة الصفراء الفوق التحلية دي جنسا شنو؟
قال لي خلاس الباقي كلو عرفتو بس باقي ليك دي!؟ .. اها دي ما مقررة ما بتجي في الامتحان
لووووووووووول
هو انا فهمت حاجة من الاساس!!؟ شئ امراء و سلطان و ملوك و دين و شنو شنو؟ و شنو شنو؟*
لاول مرة اقرأ لي بوست كامل و اطلع اكثر جهلاص مما دخلت!!
حتى المعلومة دي ما واقفة على كريعن حقيقة .. هي ما للخلف .. الركاب هم المقبلين خلف
لخير كدا الزول دا جيبوهو هنا يسب لينا يخلينا نتخارج ياخ!
هو بهددنا يعني و لّ بهددنا؟
ما ح يؤثم بيها هو تواتر في لااثر انو واحد هدد صحابي بانو حيسبوا سب يدخل معاك قبرك .. رد الصحابي بهدوء فيما معناه ( سب ساي يا اللخو .. لكن ما بدخل معاي قبري انا .. بدخل معاك قبرك انت دا! )
--------
دي برضو واحد اتوهدب زي وهديبتنا ديك لما سألو السفرة كان فيها شنو شبكم ليك : فول و شنو شنو؟ و شنو شنو؟
|
Post: #31
Title: Re: ما تخلونا نسب ليكم!!!
Author: Balla Musa
Date: 03-24-2011, 08:05 PM
Parent: #30
Quote: ذكرتني لما اتوظفنا في البيبسي - و نحن جايين من غبشة و جوع الداخلية - عملوا لينا عزومة على شرفنا يازول هييييي! .. شئ عجيب كلو كلو
كان جمبي واحد شمشار ( هشام عوض - الشجرة ) قمت سألتو من الحاجة الصفراء الفوق التحلية دي جنسا شنو؟
قال لي خلاس الباقي كلو عرفتو بس باقي ليك دي!؟ .. اها دي ما مقررة ما بتجي في الامتحان
لووووووووووول
هو انا فهمت حاجة من الاساس!!؟ شئ امراء و سلطان و ملوك و دين و شنو شنو؟ و شنو شنو؟*
لاول مرة اقرأ لي بوست كامل و اطلع اكثر جهلاص مما دخلت!!
حتى المعلومة دي ما واقفة على كريعن حقيقة .. هي ما للخلف .. الركاب هم المقبلين خلف
لخير كدا الزول دا جيبوهو هنا يسب لينا يخلينا نتخارج ياخ!
هو بهددنا يعني و لّ بهددنا؟
ما ح يؤثم بيها هو تواتر في لااثر انو واحد هدد صحابي بانو حيسبوا سب يدخل معاك قبرك .. رد الصحابي بهدوء فيما معناه ( سب ساي يا اللخو .. لكن ما بدخل معاي قبري انا .. بدخل معاك قبرك انت دا! )
--------
دي برضو واحد اتوهدب زي وهديبتنا ديك لما سألو السفرة كان فيها شنو شبكم ليك : فول و شنو شنو؟ و شنو شنو؟ |
قيقر
والله مداخلتك دى اشتركت فى الأوسكار مع مداخلة مولانا محمد المرتضى التانية (الخدرا)
|
Post: #32
Title: Re: ما تخلونا نسب ليكم!!!
Author: معاوية المدير
Date: 03-25-2011, 03:44 AM
Parent: #31
جلي لمن فاضح.
مرور للتصحيح، ومخارجة علي السريع
قبل ما يسبوا لينا.
ســــلآم للجميع...
|
Post: #33
Title: Re: ما تخلونا نسب ليكم!!!
Author: قيقراوي
Date: 03-26-2011, 08:45 AM
Parent: #32
يا مدير
Quote:
قبل ما يسبوا لينا.
|
على قول البنقالي :مافي منا منا! .. اركزوا ساي للسب ياخ!؟
ورد في الاثر، خبر اتنين مهاجرية اشتهروا و سارت ركبان الحلة و الحلال الماجورة بانهم اؤلي بأس شديد [ تقرأ عضلات تبش ] و إستبداد لا يرحم، اها جارهم " التكاسي" ماشي جمب الحيطة، زول معايش سااي، حالتو ساترة و نص كم كدا. ذات يوم من يوميات تكاسي - وهو راجع منهك - يا دووووبك اداها دش، و طالع بفنيلتو يصفر سااااي، لا يلوي على ( مشاكل ) اذا بطقطقات بالباب. لخلعتو الرسمية و الشعبية، يلقاهم ليك ياهم الجماعة ذااااااتم!!
بدون سلام طلبوا منو يلبس هدومو.. و ان ارحكاكا " دبة الجبهة "! .. دا مكان بطقطقوا الناس هناك ( مشهورة في كوستي )لو داير تطالع ليك زول [ كان سارقك الدم في الروح و الجتة على قول خالد مونيكا " حقت راجل ساعة يتقنزح باشا "] .. اها عليك بطلب منازلة وراء ذاك التل.
اها صاحبنا هنا - عرف انو خلصت! .. تمت خلااااس! شال الشهادة ( هو اصلن عارفا ما دوامة ) و قنع من خيراً فيها تب( ام قدود ) - و حسم امرو تماما :
يا شباب رايكم شنو تطقطقوني هنا دا في ي محلي دا!؟ .. انا و الله جايي اسي من الشغل تعبان شديد
و قديمن قيل :
كتلوك و لا جوك! .. جوك!
اها وكت اصلو سابين لينا سابين لينا؟ .. خلوهو يسب لينا .. و نخلص ياخ!
-------
يا بله رايك شنو؟
|
|