Post: #1
Title: تخفيضات في معاملات الشرطة تشمل الرخص وإجراءات الهجرة
Author: omer osman
Date: 03-24-2011, 09:21 AM
Parent: #0
الخرطوم: الصحافة: شرعت وزارة الداخية في تخفيض رسوم المعاملات الشرطية مع الجمهور كرسوم استخراج الرخصة والترخيص والمعاملات الهجرية والسجل المدني والمرور والمباحث. واكد قرار صادر من وزارة الداخلية بالرقم الوزاري (70) لسنة 2011 تخفيض رسوم المعاملات المالية للادارات الخدمية مع المواطن من اجل تسهيل وتقديم خدمات مميزة للجمهور، ما عدا مكاتب العلاقات البينية. وقال مصدر مطلع بشرطة مرور ولاية الخرطوم للمركز السوداني للخدمات الصحافية ان ادارته شرعت في تنفيذ قرار تخفيض الرسوم المرورية خاصة رسوم الترخيص واستخراج الرخص، مبينا ان القرار نص على تقديم خدمات مميزة على المعاملات وقضى بتخفيض الرسوم في خدمات المرور من استخراج رخصة وترخيص في بعض المعاملات، وقال: «القرار نص على عدم تحصيل اية رسوم بشأن اية معاملة تقوم بتقديمها قوات الشرطة، كما حظر القرار فرض او تحصيل اية رسوم اخرى على تلك الخدمات، وطالب الجهات بالاسراع في تنفيذ هذا القرار. وكشفت ادارة مرور ولاية الخرطوم حسب المصدر عن تعديلات في عمليات امتحان استخراج الرخصة خاصة في امتحانات الميدان، حيث سهّلت على المواطن عملية امتحان استخراج الرخصة وحددت توسعة المضمار للممتحنين بالسيارات الكبيرة والصغيرة. وقال المصدر ان اي مواطن يود الامتحان بعربتة يسمح له بذلك من ادارة المرور، واشار الى انه تم الغاء رسوم الخلف والامتحان والسلامة حسب القرار الوزاري بموجب الدمغات القانونية. واعلنت شرطة مرور ولاية الخرطوم عن انطلاق حملات مكثفة لضبط سائقي الدراجات البخارية والركشات العاملة بدون لوحات، خاصة بعد تصاعد بلاغاتها المخالفة للقانون .
|
Post: #2
Title: Re: تخفيضات في معاملات الشرطة تشمل الرخص وإجراءات الهجرة
Author: omer osman
Date: 03-24-2011, 09:25 AM
Parent: #1
خطوة جيدة نرجوا أن يتبعها تبسيط وتسهيل للاجراءات ........
|
Post: #3
Title: Re: تخفيضات في معاملات الشرطة تشمل الرخص وإجراءات الهجرة
Author: omer osman
Date: 03-24-2011, 09:27 AM
Parent: #2
وياريت لو يتم الاعلان عن رسوم المعاملات الشرطية على الموقع الالكتروني الرسمي
لرئاسة شرطة السودان ومواقع الادارات الشرطية المتخصصة ...........
|
Post: #4
Title: Re: تخفيضات في معاملات الشرطة تشمل الرخص وإجراءات الهجرة
Author: Saifelyazal Elmaki
Date: 03-24-2011, 09:31 AM
Parent: #3
جنابو عمر
تحياتي
افتكرت الخبر من الارشيف ولكن تفاجأة بـ سنة 2011
| Quote: خطوة جيدة نرجوا أن يتبعها تبسيط وتسهيل للاجراءات ........ |
|
Post: #5
Title: Re: تخفيضات في معاملات الشرطة تشمل الرخص وإجراءات الهجرة
Author: جمال السنوسي
Date: 03-24-2011, 09:32 AM
Parent: #3
عمر سكواها
ازيك
يعني الما بعرفوا يسوقو يسوقو
والقاعدين في البلد يهاجرو
بالله يا عمر كلم آخر زول
يجر معاهو االباب
بعد السفناهو في ناس زنقة زنقة
|
Post: #8
Title: Re: تخفيضات في معاملات الشرطة تشمل الرخص وإجراءات الهجرة
Author: Abdlaziz Eisa
Date: 03-24-2011, 09:41 AM
Parent: #3
العزيز جنابو
سلام
هذه التخفيضات شئ جميل وممكن ان تسهل حاجيات الموطن تجاهها..
لكن مالم يخطر ببالي أن تشمل تسهيلات في امتحان الرخصة....!!
تسهيل استخراج رخصة السواقة معناه:
أن يمتطئ كل من هب ودب مركبة تكون تهديدا لسلامة نفسه وغيره من المواطنين
هذا أمر مردوده معكوس على المواطن..
لا بد من التشديد والتحري في عمر من يتقدم للرخصة..
وضع قيود مشددة في امتحان الرخصة حتى لا ينالها من هو ليس جديرا بالسواقة
مخالفات بالمرور يجب أن لا تتوقف عقوبتها في الغرامة المالية التي يمكن أن يدفعها بسهولة كثير من الناس..
أن يكون هنالك نظام نقاط تحسب الكترونيا بسقف معين فمن يصله تسحب منه الرخصة 3 شهور وتاني مرة 6 شهور وثالثا تسحب نهائيا ليبدأ اجراءاتها من البداية..
هذه تساوي بين الغني والفقير في المخالفات المرورية..
تحياتي
|
Post: #11
Title: Re: تخفيضات في معاملات الشرطة تشمل الرخص وإجراءات الهجرة
Author: omer osman
Date: 03-24-2011, 10:16 AM
Parent: #8
Quote: لا بد من التشديد والتحري في عمر من يتقدم للرخصة..
وضع قيود مشددة في امتحان الرخصة حتى لا ينالها من هو ليس جديرا بالسواقة
مخالفات بالمرور يجب أن لا تتوقف عقوبتها في الغرامة المالية التي يمكن أن يدفعها بسهولة كثير من الناس..
أن يكون هنالك نظام نقاط تحسب الكترونيا بسقف معين فمن يصله تسحب منه الرخصة 3 شهور وتاني مرة 6 شهور وثالثا تسحب نهائيا ليبدأ اجراءاتها من البداية.. |
ده كلام كويس جداً بس التشدد مايصل درجة الاستحالة لانو الرخصة برضو ممكن تبقي
سبب لمصدر رزق وفي ناس كتار محتاجة ليها ، يعني الاختبارات تكون بصورة علمية
وعملية وليس عن طريق الاحجار العشوائية التى ترص على ارض ميدان الاختبارات
|
Post: #6
Title: Re: تخفيضات في معاملات الشرطة تشمل الرخص وإجراءات الهجرة
Author: Dr.Mohammed Ali Elmusharaf
Date: 03-24-2011, 09:32 AM
Parent: #1
الحبيب عمر
تحياتي واشواقي
ياخي جبنا كم مره السودان ومشتاقين نشوفك
كم رسوم استخراج الجواز بدل فاقد...
الوالدة ضيعت جواز سفرها وفيه اقامة في الامارات
تقديري
|
Post: #7
Title: Re: تخفيضات في معاملات الشرطة تشمل الرخص وإجراءات الهجرة
Author: omer osman
Date: 03-24-2011, 09:36 AM
Parent: #6
الاعزاء سيف وجمال ودكتور المشرف حبابكم ........
ماعندي فكرة يادكتور عن رسوم الجواز بدل فاقد ، والايام دي انا في القاهرة ...
|
Post: #9
Title: Re: تخفيضات في معاملات الشرطة تشمل الرخص وإجراءات الهجرة
Author: Dr.Mohammed Ali Elmusharaf
Date: 03-24-2011, 09:46 AM
Parent: #7
| Quote: ماعندي فكرة يادكتور عن رسوم الجواز بدل فاقد ، والايام دي انا في القاهرة ... |
الف شكر
غريبة الطيب عثمان ما قشر بسفرت القاهرة دي اصلوا بريدك ريدة شديدة وقاشر بيك هنا معانا
اسال الله ان تكون رحلة خير وبركة وعافية
محبتي
|
Post: #10
Title: Re: تخفيضات في معاملات الشرطة تشمل الرخص وإجراءات الهجرة
Author: omer osman
Date: 03-24-2011, 10:08 AM
Parent: #9
| Quote: غريبة الطيب عثمان ما قشر بسفرت القاهرة دي اصلوا بريدك ريدة شديدة وقاشر بيك هنا معانا |
يادكتور ياااخ ده تواضع من سيادتو الطيب ساي ووسام شرف نعتز بيهو ......
لكن هو برضو ماقصر في دفتر الاحوال صرف لي من الحبوب اياها ...
|
Post: #12
Title: Re: تخفيضات في معاملات الشرطة تشمل الرخص وإجراءات الهجرة
Author: Abdlaziz Eisa
Date: 03-24-2011, 01:14 PM
Parent: #10
Quote:
Quote: لا بد من التشديد والتحري في عمر من يتقدم للرخصة..
وضع قيود مشددة في امتحان الرخصة حتى لا ينالها من هو ليس جديرا بالسواقة
مخالفات بالمرور يجب أن لا تتوقف عقوبتها في الغرامة المالية التي يمكن أن يدفعها بسهولة كثير من الناس..
أن يكون هنالك نظام نقاط تحسب الكترونيا بسقف معين فمن يصله تسحب منه الرخصة 3 شهور وتاني مرة 6 شهور وثالثا تسحب نهائيا ليبدأ اجراءاتها من البداية..
ده كلام كويس جداً بس التشدد مايصل درجة الاستحالة لانو الرخصة برضو ممكن تبقي
سبب لمصدر رزق وفي ناس كتار محتاجة ليها ، يعني الاختبارات تكون بصورة علمية
وعملية وليس عن طريق الاحجار العشوائية التى ترص على ارض ميدان الاختبارات
|
تشدد وليس استحالة..
سلامة النفس تقتضي التأني في أخذ الرخصة..
والبيشتغل بالسواقة ده هو اكتر زول يحتاج للتشدد معه في الرخصة..
عشان بكرة مايودي الناس في داهية من اول يوم
تحياتي
|
Post: #13
Title: Re: تخفيضات في معاملات الشرطة تشمل الرخص وإجراءات الهجرة
Author: عمر الفاروق
Date: 03-24-2011, 03:40 PM
| Quote: واشار الى انه تم الغاء رسوم الخلف |
دي كيييييف دي ..؟ والله ما فهمتها يا جنابو
يعني أسة الخلف بقا مجااااني؟ زي رسااايل ناس إم تي إن ؟
طيب التعاشيق كيف ؟ يعني واحد وإتنين وتلاتة برضو مجان ؟ أصلا أربعة وخمسة في السودان ما مستخدمات ..
|
Post: #14
Title: Re: تخفيضات في معاملات الشرطة تشمل الرخص وإجراءات الهجرة
Author: محمد إبراهيم علي
Date: 03-24-2011, 04:02 PM
Parent: #13
رسوم الخلف دي تحايل ليس الا او بالاحرى اكل اموال الناس بالباطل
|
Post: #15
Title: Re: تخفيضات في معاملات الشرطة تشمل الرخص وإجراءات الهجرة
Author: د.محمد حسن
Date: 03-24-2011, 04:11 PM
Parent: #14
آخر مرة جيت السودان
قدمت الجواز للتاشيرة
قالوا لي منتهي
انا اتخلعت
كيف منتهي
عاينت فيه كرة اخرى
ارتد الي البصر
واتاكدت انو فاضل فيه 5 شور ونصف الشهر
قلت للضابط باقي لي فيه قرابة 6 شهور
قال لي التعليمات عندنا لازم يكون ساري قبل ستة شهور
قلت ليه ما مشكلة اجددو في السفارة هناك قال لي لا
تجدد تسافر
اتبطم تقعد
ولانو يدي ملوية
جددت
مرغم لا بطل
وادعو من كل قلبي على من وضع هذا القرار
اها
هسة لسة ستة شهور والا زادوها ؟
|
Post: #16
Title: Re: تخفيضات في معاملات الشرطة تشمل الرخص وإجراءات الهجرة
Author: Manal Mohamed Ali
Date: 03-24-2011, 04:26 PM
Parent: #15
هي كان فيها رسوم خلف
والله دي حاجة تمحن
_________
عارف يا جنابو ..انا بت عسكري سكة حديد وابوي قال لي زمان اي معاملة مع الحكومة لازم يكون فيها اورنيك استلام مبلغ لتوريده لخزينة الدولة
لكن 22 سنة بندفع في رسوم تأشيرة الخروج من غير اورنيك استلام من وزارة المالية..الحاجة الانا متاكده منها انه القروش دي لا بتدخل جيوب البوليس ولا وزارة المالية
اها ياربي بتدخل وين؟؟ وليه الشرطه تشيل وش القباحه ؟؟؟
سلام
|
Post: #17
Title: Re: تخفيضات في معاملات الشرطة تشمل الرخص وإجراءات الهجرة
Author: محمد أحمد الريح
Date: 03-24-2011, 04:58 PM
Parent: #16
خفضوها بعد ما شبعوا من الخم فى الشوارع والقروش قالوا بالشواويل!!!
شايف قعدتك فى القاهرة طوّلت بالحيل من قبل ميدان التحرير؟ لعل المانع خير........
مع خالص التحيات.
|
Post: #18
Title: Re: تخفيضات في معاملات الشرطة تشمل الرخص وإجراءات الهجرة
Author: معاوية الأرباب
Date: 03-24-2011, 05:32 PM
Parent: #17
Quote:
دي كيييييف دي ..؟ والله ما فهمتها يا جنابو
يعني أسة الخلف بقا مجااااني؟ زي رسااايل ناس إم تي إن ؟
طيب التعاشيق كيف ؟ يعني واحد وإتنين وتلاتة برضو مجان ؟ أصلا أربعة وخمسة في السودان ما مستخدمات .. |
عمر الفاروق تحياتي
اذا أنتو الحكومة وما فاهمين .. , نحنا الأهالي ديل نقول شنو
بس برضو أحمد ربك , في سوريا يتم تحصيل رسوم لراديو السيارة , وتضاعف الرسوم اذا الراديو بجيب محطات اف ام .
|
Post: #19
Title: Re: تخفيضات في معاملات الشرطة تشمل الرخص وإجراءات الهجرة
Author: Tragie Mustafa
Date: 03-24-2011, 05:38 PM
Parent: #18
الفاضل عمر
شكرا لك.....على الخبار التي تدل انه الانقاذ فبصدد اجراءات كثيره لمغازلة ود المواطن
الخلاص طفح وضاق بدولة الجبايات هذه.
بقول لهم هذه حقوقنا ولا نستجدها من احد.
واصولوا الانبطاح ايها الانقاذين
...ونحن ورائكم و الزمن طويل ...زنقه زنقه.... وشارع شارع .....وجحر جحر(هههههههه)!
|
Post: #20
Title: Re: تخفيضات في معاملات الشرطة تشمل الرخص وإجراءات الهجرة
Author: معاوية الأرباب
Date: 03-24-2011, 05:42 PM
Parent: #17
Quote:
دي كيييييف دي ..؟ والله ما فهمتها يا جنابو
يعني أسة الخلف بقا مجااااني؟ زي رسااايل ناس إم تي إن ؟
طيب التعاشيق كيف ؟ يعني واحد وإتنين وتلاتة برضو مجان ؟ أصلا أربعة وخمسة في السودان ما مستخدمات .. |
عمر الفاروق تحياتي
اذا أنتو الحكومة وما فاهمين .. , نحنا الأهالي ديل نقول شنو
بس برضو أحمد ربك , في سوريا يتم تحصيل رسوم لراديو السيارة , وتضاعف الرسوم اذا الراديو بجيب محطات اف ام .
|
Post: #21
Title: Re: تخفيضات في معاملات الشرطة تشمل الرخص وإجراءات الهجرة
Author: osman righeem
Date: 03-24-2011, 06:29 PM
Parent: #20
اجمل حاجه في الخبر انه الشرطة سمحت انه تجي سايق عربيتك تمتحن بيها عشان تطلع رخصة ؟؟؟؟؟؟؟؟؟؟؟؟؟
طبعا من الزول الحرر الخبر يا عمر ما تنفي
|
|