Post: #1
Title: معتز قريش... والله أمك ظريفة
Author: ALGARADABI
Date: 03-23-2011, 12:27 PM
و الله السمؤأل زاتو ظريف
خلينا نلحق كسير التلج قبل ما تفحطو
|
Post: #2
Title: Re: معتز قريش... والله أمك ظريفة
Author: ALGARADABI
Date: 03-23-2011, 12:32 PM
Parent: #1
سهرة رائعة بقناة النيل الأزرق بمناسبة عيد الأم
تم تكريم العديد من الامهات
لكن أكتر أم عجبتني صراحة أم الزول ده
مع انو الامهات كلهم بعجبو
خاصة لي زول زي كده بدون أم
لكن والله اي زول مختلف مع معتز قريش ده بس يحضر اعادة السهرة دي وضمان كده حا يغفر ليهو
زول كاواااااااي
|
Post: #3
Title: Re: معتز قريش... والله أمك ظريفة
Author: ALGARADABI
Date: 03-23-2011, 12:34 PM
Parent: #2
التشو بقشة الكبريت ده أكيد انتا
لوووووووووووووول
السموأل قال بدون ذكر أسماء لكن وااااضحة
|
Post: #4
Title: Re: معتز قريش... والله أمك ظريفة
Author: ابراهيم محمد الحسن
Date: 03-23-2011, 12:41 PM
Parent: #3
| Quote: التشو بقشة الكبريت ده أكيد انتا |
تصدق أنا بأرضو قلت كده ،،
|
Post: #5
Title: Re: معتز قريش... والله أمك ظريفة
Author: ALGARADABI
Date: 03-24-2011, 06:13 AM
Parent: #4
منظمة شباب البلد تكرم الامهات:
نقلا عن قون
كتب محمود جبارة السادة (من أعضاء منظمة شباب البلد):
Quote: اقامت منظمة شباب البلد احتفائية بهيجة كرمت من خلالها عددا من الامهات على رأسهن والدة السيد رئيس الجمهورية السيدة هدية وانابت عنها في الحضور واستلام التكريم خالة الرئيس.
< شمل التكريم عددا من الامهات المكافحات واللائي لهن دور بارز في المجتمع من النواحي الوطنية والاجتماعية وكذلك اللائي احسن تربية اولادهن حتى اصبح يشار اليهم بالبنان.
< جاء التكريم رائعاً وفريداً في نوعه واطفى عليه حديث السيد وزير الثقافة رونقا خاصا والذي تحدث عن امه وكرم كل الامهات الحاضرات في الاحتفائية.
< كما تحدث الدكتور عصام احمد البشير الرجل العلامة فعدد مآثر الأم وتضحياتها وسهرها وبين مكانتها عند الله سبحانه وتعالي ورسوله الكريم.
< تحدث عدد من الشخصيات على رأسهم على مهدي والفاتح عروة والتشكيلي راشد دياب.
< كما كان حضوراً انيقاً الدكتور جمال الوالي والذي تبرع بتكاليف حجتين للأم حرم واخرى فهذا ديدن الرجل.
< تخلل الحفل فواصل غنائية مجدت الأم وعظمت دورها في الحياة.
< فتغنى كمال ترباس واحمد وحسين الصادق وترنموا باغنية امي يا دار السلام للرائع دوماً التجاني حاج موسى.
< وادمت الايدي بالتصفيق مع الرائع المبدع محمد جبارة وهو يشدو ببحر المودة.
< وكان فنانو المنظمة حضوراً مميزاً وهم يتغنوا للأم في اغنية كورالية بديعة.
< كما تغنى محمود تاور باغنيته الرائعة يمه الشوق غلب.
< وعندما حضر ترباس سأل عن محمود تاور فقالوا له بيعمل في بروڤة فقال ضاحكاً بروڤة لي شنو؟! الغنيه دي قبض منها مليون عداد داير يعمل ليها بروفة تاني؟! وعندما حضر محمود تاور قلت له الغنيه دي كل الناس عارفها لكن ما عارفه الشوق غلب كم؟ فقال لي والله الشوق غلب كتير شديد.
< التحية للفرقة الموسيقية التي ابدعت مع كل الوصلات الغنائية.
< محمود عبد العزيز فنان الشباب الاول كان نجم الاحتفائية الاول ليس لأنه فنان ومغني فقط .. محمود والذين لا يعرفونه شخصية صاحبة قلب كبير واحساس مرهف وشخصية تحب عمل الخير ولا تتوانى في ذلك.
< محمود عبد العزيز قدم اغنية جديدة للأم جاءت معبرة وصاحبها اداء مسرحي جسد دور الأم في تربية الابناء.
< كيف لا وهو فنان مسرحي ومغني مبدع..
< محمود عبد العزيز كرم والدته في هذه الاحتفائية وهي تستحق التكريم لأنها انجبت هذا الفنان الراقي.
< محمود عبد العزيز لا يمل عن المشاركة في الاعمال الخيرية يشخصه او عن طريق مجموعة محمود في القلب .. له التحية.
< كل المبدعين كرموا امهاتهم في هذا اليوم الرائع ..
< نحن بدورنا نرسل التحايا والأماني الطيبة لكل الامهات السودانيات ونسأل الله لهن الصحة والعافية.
< وأما الامهات المتوفيات فنسأل الله لهن الرحمة والمغفرة.
< وأنا اترحم على والدتي الحاجة هدية واسأل الله لها الرحمة والمغفرة.
< وأنا بدوري كرياضي وضمن اعضاء المكتب التنفيذي للمنظمة اخص بالتحية كل أمهات الرياضيين في مختلف نشاطاتهم الرياضية واتمنى لهن الصحة والعافية.
< أما أمهات الرياضيين اللائي رحلن عن هذه الدنيا الفانية فانا ادعو لهن بالرحمة والمغفرة وفي بالنا عديد من الرياضيين الذين فقدوا امهاتهم.
< كما نخص كل أمهات الشهداء بالتحية والتقدير لانهن قدمن فلذات اكبادهن فداء لهذا الوطن الحبيب.
< وحري بنا ان نشكر منظمة شباب البلد لقيامها بهذه الاحتفائية وان كان شكري للمنظمة مجروحاً لانني احد اعضاء مكتبها التنفيذي .. ولكنني اخص كل من شارك في انجاح العمل بالشكر الجزيل على رأسهم المبدع وليد زاكي الدين هذا الفنان المرهف .. وليد حضر للحفل ووالدته في سرير المرض ولكنه اصر على الحضور لأنه رئيس هذه المنظمة الوليدة .. فلوليد التحية ولأمه الشفاء العاجل.
< منظمة شباب البلد لها برامج عديدة ومتنوعة نتمنى ان ترى النور قريباً.
ندعوك أخي الشاب للالتحاق بعضوية المنظمة وهي مفتوحة لكل الشباب..
< كونوا على موعد آخر.
|
|
Post: #6
Title: Re: معتز قريش... والله أمك ظريفة
Author: معتز القريش
Date: 03-24-2011, 06:58 AM
Parent: #5
| Quote: معتز قريش... والله أمك ظريفة |
القرضابي ...
أرب ديل مأقدين
أمك ما تقول 
ــــــــ
ماشي أجيب السكين والعكاز وجاييكم 
|
Post: #7
Title: Re: معتز قريش... والله أمك ظريفة
Author: بخاري عثمان الامين
Date: 03-24-2011, 07:39 AM
Parent: #6
والله سمعتها من واحد من الشرق
عايز يطلع جنسية ، سألهو أسم الام
رد: لي شنو ؟
يا زول أمك ما تقول وخلي الجنسية
|
Post: #9
Title: Re: معتز قريش... والله أمك ظريفة
Author: معتز القريش
Date: 03-24-2011, 11:35 AM
Parent: #2
Quote: سهرة رائعة بقناة النيل الأزرق بمناسبة عيد الأم
تم تكريم العديد من الامهات
لكن أكتر أم عجبتني صراحة أم الزول ده
مع انو الامهات كلهم بعجبو
خاصة لي زول زي كده بدون أم
لكن والله اي زول مختلف مع معتز قريش ده بس يحضر اعادة السهرة دي وضمان كده حا يغفر ليهو
زول كاواااااااي
|
يا زول والله خجلتني عديل كدا
فعلا أنا زول كاواي (ما كيه واي) ههه
تعرف بوستك دا أنا ح أستغلوا في ذكر حاجات تانية
الزولة الانت بتتكلم عنها دي والظهرت في التلفزيون
دي ماها أمي الحقيقية !!!!
إي والله ماها أمي الحقيقية ...
قول لي كيف ؟؟؟
|
Post: #8
Title: Re: معتز قريش... والله أمك ظريفة
Author: معتز القريش
Date: 03-24-2011, 11:18 AM
Parent: #1
| Quote: و الله السمؤأل زاتو ظريف |
والله أنا برضو ظريف
حتى أسأل كمال سالم وبهاء بكري
| Quote: خلينا نلحق كسير التلج قبل ما تفحطو |
الآن أنت تضع رجلك في الطريق الصحيح بس بدو (تفحطو) دي
لأني ما شايف لي فحيطة قريبة
|
Post: #10
Title: Re: معتز قريش... والله أمك ظريفة
Author: ALGARADABI
Date: 03-24-2011, 11:53 AM
Parent: #8
يا معتز
والله انتا ظريف جداً (بعداذن دينق وبدرالدين الأمير)
بس الناس ديل مافاهمنك
وما فاهمين مكاوااتك
السمؤأل زميل دراسة ومرة كنتا مريض زارني في المستشفي عن الاتحاد و أداني 75 جنيه مصري لي هسه متذكرا(كانت ثروة الزمن داك)
الظاهر كان داير يحركني (من الحركة الاسلامية ) هههههههههههههههههه
وانا الاتحادي ابن الاتحاديين ..... هنع
بعدين كان عازف ماهر على العود بلحن الاناشيد الاسلامية بأغاني الحقيبة بصوت عذب أحسن من صوت كتتتتتار من الفنانين الامبارح ديل
بس أمك نجمة الحفل بلا منازع....
|
Post: #11
Title: Re: معتز قريش... والله أمك ظريفة
Author: معتز القريش
Date: 03-24-2011, 12:36 PM
Parent: #10
| Quote: بس أمك نجمة الحفل بلا منازع.... |
تاااني؟
ات آآآزول بتدور الضبح ولا شنو ؟
غايتو المرة دي جابت لينا الكلام
تصدق ؟
يوم لقيت صورا في الفيس بوك
قلت ليها لقيتيها والله .. بقيتي تنشري صورك في الفيس بوك ؟
الله يرحم علي السنهوري .. (أبوها)
كان شافك كان ضبحك من الأضان للأضان ...
|
|