قـالـت عِـنـدهـا حـسـآسـيّـة !!! ... والله صـحـي ... !

قبل ان ابدأ العمل اخذت قهوتي وبدأت احتسيها بمزاج وانا أستمع (للدِسبآتشر) وهي
توزع في (الكوّلآت). الكوّلآت جمع كوّل حسب مصطلحاتنا كسودانيين، فنحن نقوم
بتعريب اللغة الإنجليزيّة قدر الإمكان حتي تتناسب وظروف المهنة التي نؤديها، فالكوّل
هو تحديد الدِسباتشر لِمحل (التِرِب)، والدِسباتشر هي الموظفة القاعدة في سنتر الشركة
تتلقى الكوّلآت من الكستمر، وهم الزباين، والتِرِب هو الكوّل بعد وصوله للتكاسي من
الدِسباتشر عبر الراديو. في سودانيتنا نجمع التِرِب علي تِرِبآت، والكوّل علي كوّلآت، جمع
تكسير علي ما اظن، او جمع تيسير علي ما أعتقد.

المهم... يا قول تبارك.
فتحت الراديو، وبديت العمل بإعلآم الدِسباتشر بموقعي في المدينة، ورحت استمتع بقهوتي.
لم يمضي زمن طويل حتي ندهتني الدِسباتشر، وادتني كوّل في المستشفى. ذهب للمستشفى،
ولم إنتظر طويل حتي ظهرت الزبونة بنت الأصفر. تقدمت نحو العربيّة وفتحت الباب الخلفي.
ادخلتها و قفلت الباب، ثمّ فتحت الباب الأمامي وحيتني بإبتسامة رددت عليها بأحسن منها علي
نسق إذا حُييتم بتحيّة، ثمّ جلست في المقعد الأمامي.

طبعاً كجزء من المِهنة لآزم تدخل مع الكستمر في عشرة ونسة.
بديت الونسة مُتسآئلاً: مالكم، نعال ما عندكم عوجة؟؟؟... طبعاً السوداني عآدي ممكن يشوفكم
شايلين جنازة، ويسأل: مالكم، نعال ما عندكم عوجة؟؟؟!!!
ردّت الخوآجيّة: كان لابُدّ من مقابلة الدكتور، رغم إنها حالتها تحسّنت كتيّر من الأوّل.
سألتها من الأعراض التي تعتريها؟
قالت لي: بتكون نآيمة ومتعمّقة في النوم، فجاةً تصحى مخلوعة، وتقعد تِنكرش وتحكحِك في
جسمها، وتعضعض في نفسها. !!!
بيني وبين نفسي قلت: أُمّك، خلي بآلك دي جنها كلكي المطيّرة عِويناتا وصآمة خشُما دي !!!
يمرقني منها اللآ نآم، لآ أكل الطعآم...
قلت ليها: يمكن عندها نفسيآت !؟
قالت لي: إحتمال رغم إني مستبعدة حكاية النفسيآت دي. لكن ميّن عآرف؟؟؟
قلت ليها: الأكل كيف؟ بتسفسف كويّس؟
قالت لي: نعم، بتاكل كويّس، بس الشي المحيرني!!! إنها أصبحت ما عندها نفِس للشكولآتا البيضا،
رغم إنها كانت تموووووت فيها!!!.
بيني وبين نفسي قلت: مقدرة يا ناس المصارين البُيُض.
سألتها: عندكم مقابلة تانية مع الدكتور؟
قالت لي: نعم، وإحتمال يعملوا ليها صورة أشِعة. بس الصورة مُكلّفة جداً، وإذا حدد الدكتور إنها
تحتاج لعمليّة التكلفة حا تكون أكبر.
قلت ليها: علآقاتها الإجتماعية كيف، هل قاعدة تطلع تتفسح وكده؟
قالت لي: ما عندها مشكلة بتاعت إجتماعيات، بس أنا بخاف عليها شدييييد، وما بخليها تمرق براها.

وصلنا البيت... الخوآجيّة حاسبتني وادتني 3 دولارآت تِب. التِب هو المبلغ الذي يرفدك به الزبون
بعد المبلغ الفي العدآد، وبيدلعوهو التكاسة يقولوا ليهو (التبتبوني). مهم جداً بالمناسبة. شكرت
الخواجيّة، وقلت ليها: إن شاء الله ربنا يكتب سلآمتا، وتشوفي جديد وِلِيداتا.
شكرتني الخواجيّة، وقالت لي: من خشّمك ولبآب السما. عِم مِساءً.
نزلت بنت الأصفر. فتحت الباب الخلفي شالتا، وقبل أن تغادر إذا بها تفتح خشُما لأوّل مرّة
وتقول: نِيآو، نِيآو، نِيآو... !!!
ما عرفتها شكرتني، واللآ شتمتني !!!. في تلك اللحظة تذكرتَ أطفال بلآدي الذين يموتون بفقر
الدم، وسوء التغذية. أو نتيجة لإنعدآم حُقن الملآريا، والتي قد تكون موجودة أحياناً لكن وآلد
الطفل لا يستطيع دفع قيمتها، فتقتله الحسرة هو والأُم قبل أن يفارق فلذة كبدهما الحياة.
حينها، لعنت الظُلم والظالمين، وشعرت بأنني في حوجة لكوب قهوة آخر...

-----------
سلامات يامدير

like

شيكولاتا بيضاء...

..
..


__
سلام يا عمكـ

وفي رواية أخرى .. قالو اتنين مساطيل على شاطئ غابة السنط ..
واحد سأل التاني سؤال عميق الشوكولاتة البيضاء دي اخترعوها ليه
التاني بعمق أعمق من الأول: عشان ت###### خشوم شفعنا ديل ياخ.... أو كما قال ...




____________
تحيات يا مدير .. والقهوة بالهنا

ود المدير

Quote: ما عرفتها شكرتني، واللآ شتمتني !!!

قطع شك بتكون شكرتك.....



تحياتي

Quote: ----------- سلامات يامدير

ســــلآمات يا طبنجة.
والله مشتاقين،
ومشكور علي الطلّة...

Quote: like

مشكورة أختي رشا سالم علي المرور
والإطراء.






تحياتي...

Quote: __ سلام يا عمكـ

ســــلآم يا عريس.
يا زول ما قالوا العريس فوقو الملآيكة
ما بيحوم. إنت المحومّك شنو.
بعدين الخواجات ديل أختاهم، أصلهم
ما عندهم حياء.
والله صحي...

Quote: وفي رواية أخرى .. قالو اتنين مساطيل على شاطئ غابة السنط .. واحد سأل التاني سؤال عميق الشوكولاتة البيضاء دي اخترعوها ليه التاني بعمق أعمق من الأول: عشان ت###### خشوم شفعنا ديل ياخ.... أو كما قال ... ____________ تحيات يا مدير .. والقهوة بالهنا

ســـــلآم يا نادر.
هَننآك الله.
يا أخي ابو صلعة ده خرب علينا النكتة.
هسّع محل المربعات دي المسطول ده قال شنو؟؟؟
والله بعد دا الوآحد إلآ يكتب بالحبر السري.

مشكور يا نادر، لكن وحاتك
ما عرفت الحاصل شنو؟؟؟

يا مدير
جديد ولياتا قلتها بالانجليزى كيف ??كدى قول لى احتمال نحتاج ليها ..تحياتى.

Quote: قطع شك بتكون شكرتك..... تحياتي

ابو حسين يا راجل يا طيّب،
إن شاء الله يوم شُكرك ما يجي.


اها الصحة كيف؟؟؟

Quote: يا مدير جديد وليداتا قلتها بالانجليزى كيف ??كدى قول لى احتمال نحتاج ليها ..تحياتى.

يا دكتور محمد بابكر
ســـــــلآم.
يا اخي حسب مهنتك ضروري حتحتاج ليها.
أحفظ عندك:
May Allah extend your life until you
.see her children new

بعدين أحفظ عندك، برضو مصطلح مهم جداً لمهنتك:
The first new.
اوّل جديد.
وهو الـ circumcision
غايتو يالدكاترة الختيتوها رقدت.
حتي مصطلحات مهنتكم نوريكم ليها.


شكلك كنت قاعد تضرب طعميّة
من الجيزآوية...
مشكور علي المرور يا دكتور...

شكرا يا مدير والله ما قصرت معاى تب..تقول شنو باب النجار مخلع..

Quote: شكرا يا مدير والله ما قصرت معاى تب..تقول شنو باب النجار مخلع..

ما عندك مشكلة يا دكتور.
نحن تحت الخدمة في أيّ لحظة.
والله صحي...







تاني مشكور علي الطلّة...

الاخ معاوية المدير
سلامات و عساك طيب

ياخي الخواجية دي صبورة و بالا طويل بشكل
دي انتا سألتها اسئلة ناس الامن ما سألوها لمحمد عادل

مع تحياتي ليك و العزيز محمد عادل

Quote: الاخ معاوية المدير سلامات و عساك طيب ياخي الخواجية دي صبورة و بالا طويل بشكل دي انتا سألتها اسئلة ناس الامن ما سألوها لمحمد عادل مع تحياتي ليك و العزيز محمد عادل

سلآمات يا عمر، ونعلّك بخير ؟
حالآ ده مشوارا قصيّر. عليك امان الله دي كان بقى
مشوارا طويل شويّيييية كان بريتا ليك برِي قلم
الــ 3H ...

اهلاً بيك يا عزيز، والتحايا عبرك للأخ
محمد عادل...

قلت لي عندها حســــاسيــــــة !!!!! ؟؟
والمشكلة بقت ماقاعدة تاكل الشوكولاته البيضاء
غايتو لو دي { الكديسة } تكون كارثة
والله نحن لابيضاء ولازرقاء ماضقناها !!!!!
ياسبحان الله 00 المهلة يضوقوها وليداتنا
ناس تاكل شوكولا
وناس تاكل طين وبطنها تنتفخ !!!
انت عارف كان عندنا واحد بتاع دكان ايام كنا بنقرأ في الابتدائي
بنجي ماشين المدرسة كل يوم ملاصقين حيطة هذا الرجل
المدرسة الساعة 7 صباحا
ونحن بنمشي من السادسة صباحا
مش عشان التحصيل العلمي
لكن صاحبنا كان بشيل باقي التمر من قاع الشوال وبيديهو للحمار
نحن بنجي بدري عشان نختف لينا بلحة بلحتين من الحمار الأبيض الفحل ونجري
دي كانت اجمل شوكولاته بيجي في حياتنا
يعني كديسة في امريكا
ولازول نصيح في المنشية
ياخي الله يديك العافية 00 بوست دسم رغم الشوكولاته
ونسأل ربنا يحفظها ليكم 00 الناو دي } يحفظها من الحساسية !!!!!

أخى معاوية تحياتى..

حكاويكم تحير مع الناس أب عينيهم خضر

Quote: قلت لي عندها حســــاسيــــــة !!!!! ؟؟ والمشكلة بقت ماقاعدة تاكل الشوكولاته البيضاء غايتو لو دي { الكديسة } تكون كارثة والله نحن لابيضاء ولازرقاء ماضقناها !!!!! ياسبحان الله 00 المهلة يضوقوها وليداتنا ناس تاكل شوكولا وناس تاكل طين وبطنها تنتفخ !!! انت عارف كان عندنا واحد بتاع دكان ايام كنا بنقرأ في الابتدائي بنجي ماشين المدرسة كل يوم ملاصقين حيطة هذا الرجل المدرسة الساعة 7 صباحا ونحن بنمشي من السادسة صباحا مش عشان التحصيل العلمي لكن صاحبنا كان بشيل باقي التمر من قاع الشوال وبيديهو للحمار نحن بنجي بدري عشان نختف لينا بلحة بلحتين من الحمار الأبيض الفحل ونجري دي كانت اجمل شوكولاته بيجي في حياتنا يعني كديسة في امريكا ولازول نصيح في المنشية ياخي الله يديك العافية 00 بوست دسم رغم الشوكولاته ونسأل ربنا يحفظها ليكم 00 الناو دي } يحفظها من الحساسية !!!!!

سلآم يا لبو حراز .
النفيستا مرقت من الشكولآتة البيضا دي ياها سانتوت زاااااتا، تصدق!!!.
لكن حكاية أكل الطين دي يا ابو حراز غريبة جدّ!!! بالله الوآحد فينا كان
زي الصارقيل، والعجيبة طين الجن دا ما فيهو طعم!؟. لكن والله مقاصرتكم
للحمار دي مااااا عجبتني
يا اخي الأغرب من ده كلوا إنو في شركة من شركات البترول الكبيرة
في البلد في مكان التنقيب بتاعها في تُرعة بتاعت موية ممزوجة بزيت
البترول جاء سرب بتاع طيور نزل في البركة. جزء منه مات، والباقي
تصدق يا ابو حراز شالوهو بطيارة خاصة لمستشفى خاص في مدينة
تانية، والشركة تلتلوها في المحاكم تلتلة عدوك. وحكاية الألمانية مع
######ها دي بس خلها حمُدا في بطُنها.
لك مني التحية، وكتّر خيرك كتير
علي الطلّة...

كيفك يامان

Quote: سلآم يا لبو حراز . النفيستا مرقت من الشكولآتة البيضا دي ياها سانتوت زاااااتا، تصدق!!!. لكن حكاية أكل الطين دي يا ابو حراز غريبة جدّ!!! بالله الوآحد فينا كان زي الصارقيل، والعجيبة طين الجن دا ما فيهو طعم!؟. لكن والله مقاصرتكم للحمار دي مااااا عجبتني يا اخي الأغرب من ده كلوا إنو في شركة من شركات البترول الكبيرة في البلد في مكان التنقيب بتاعها في تُرعة بتاعت موية ممزوجة بزيت البترول جاء سرب بتاع طيور نزل في البركة. جزء منه مات، والباقي تصدق يا ابو حراز شالوهو بطيارة خاصة لمستشفى خاص في مدينة تانية، والشركة تلتلوها في المحاكم تلتلة عدوك. وحكاية الألمانية مع ######ها دي بس خلها حمُدا في بطُنها. لك مني التحية، وكتّر خيرك كتير علي الطلّة...

مرة هنا في سودانيز في ثلاثة بنات سودانيات اتوا من فرنسا
عايشات هناك طبعاً مع برجريت باردو
ونحن مرات بنتأثر بالخواجات كتير
البنات ديل من الخرطوم
واتوا زيارة عشان الأهل في بحري
تصدق جابن معاهن { الكـــــــلبــــــــة }
والظريف أن { الكـــــــــلبــــــة } أبوها ألماني وأمها فرنسية
شوف بالله الدلع كيف
طبعاً كــــلاب السجم والرماد بتاعاتنا مما شافن الكــــــــلـــبة } النار ولعت فيهن
كـــــــلبــــــة بيضاء وجميلة وعندها شعر ومبغبغة وسمينة
قال ليك بس كـــــــــــلابــــنا بقن كل يوم يجن يتفرجن
والحبوبة قالت للبنات بعد أن عرفت بالمؤامرة من كــــــــــــلابــــنا
قالت ليهن هووووووووووووووووي { لمن كــــــــلبتـــــكــــم دي عليكن }
يازول قال ليك 30 يوم والأسرة دي عايشة على أعصابها
وماصدقوا لمن رجعوا وركبوا الطيارة الى باريس
طوالي هناك ودها الدكتور عشان يكشف عليها بعد وعكة وزيارة السودان
تصدق لقوها { حاااااااااااااااااااااااامل } !!!!
قال ابو ألماني وأم فرنسية قال !!!
إنتوا أحسن مننا وللا أحسن مننا
أها خموا وصرو الحكاية جابت ليها أبو سوداني !!!!!!!!

أخونا أبو حراز سلام

يا زول الغيبة الطويلة شنو ...؟؟؟؟

و ما إجيبك إلا الكلام عن الحمير و الكدايس و الكـــلاب ....؟؟؟

ود المدير و الله سعيد اللي بجيهو أبو حراز بجلالة قدرو


تحياتي


.

Quote: أخى معاوية تحياتى.. حكاويكم تحير مع الناس أب عينيهم خضر

ســلآم،
إسماعيل عباس شخصياً !!!
بمرورك بيتنا نوّر يا أخي إسماعيل.
يا اخي تصدق مرّة أخونا عبد الله الصومالي لقاليك السنجاب يلعب،
ما كضّب بطوبة اردآه قتيلاً في الحال، وتعال شوّف تلتلوهو تلتلة
عدوك، وجرجروهو في المحاكم تقول كاتل شيخ البلد. ياااااا الله
بعد خراج روّح حتي مرق من مصيبته العملآ. قلنا ليهو يا عبد الله،
يا زول كاتل الدآهية مالك؟ هسّع شوف البهدلة البهدلوك ليها
الناس ديل. ردّ علينا بكل براءة: السنجاب ده عندنا عاااااادي
في الصومال بنغتس حجرو زووووول بيسعلنا ما في .

Quote: أها خموا وصرو الحكاية جابت ليها أبو سوداني !!!!!!!!

ابو الزفت

Quote: ود المدير و الله سعيد اللي بجيهو أبو حراز بجلالة قدرو

يا ابو حسين، ابو حراز حبابو الف، وجيتو والله شرفتني بالحيل.
شايف النصري ناشد من خبرو بغادي، دحين قولوا اخونا ابو حراز
ده نحن مسكناهو بجاي وتاني تب ما بنقصر فيهو، أكان دايرو
اليجيهو هنا...

أبوحسين 00 تحياتي

Quote: أخونا أبو حراز سلام يا زول الغيبة الطويلة شنو ...؟؟؟؟ و ما إجيبك إلا الكلام عن الحمير و الكدايس و الكـــلاب ....؟؟؟ ود المدير و الله سعيد اللي بجيهو أبو حراز بجلالة قدرو تحياتي

ياخي شكراً ليك على السؤال وشكراً للنصري ولكل من سأل عن ابو القدح
والله على قول زين العابدين بن علي { الآن فهمتكم } !!!
الناس دي تغيب منها ولابتسأل عنك
والله حالف القى طريقة الا أدخل ليكم باسم { نسرين سوركتي }
أو نسرين النمر
بس عشان الواحد لو غاب ليهو 24 ساعة يجيك الأعمى شايل المكسر ويسألوا
مشيت السودان قلت استقر واستثمر في الحمامات
بعد أن سال لعابي حينما وجدت احد المعارف لديه اربع حمامات
ودخله في اليوم لايقل عن 500 الف 00 تصدق !!!
معاه موظف خريج بياخد 1400 في الشهر
وعمال بنغلاديش بياخدوا 500 للواحد
وهناك دعم لوجستي ومنصرفات أخرى
اها التوفير في حدود 11 مليون في الشهر !!!
قال اغتراب قال
لكن لحد الإجازة انتهت ما اتوفقت اعمل اي شيء
والقريشات ماشاء الله راحن شمار في مرقة
بس الحمد لله ست النفر عندها صندوق كارب هن 10 نسوان والصرفة 5 مليون
دخلت في المعمعة دي
والصرفة بتاعتنا قريب
ياخي معليش لصاحب البوست
عسى ولعل نصحو ونجد الكديسة وقد انفتحت شهيتها لأكل الشوكولاته البيضاء

Quote: والله حالف القى طريقة الا أدخل ليكم باسم { نسرين سوركتي } أو نسرين النمر

و لو دخلت بي واحد من الإسمين ديل... حا تكتب شنو ..؟؟؟؟

و الله ونستك الكلها حمير و كلاب دي إعرفوك طوااااااااااالي

خليك رقيق شديد ياخي


تحياتي

.

Quote: بديت الونسة مُتسآئلاً: مالكم، نعال ما عندكم عوجة؟؟؟... طبعاً السوداني عآدي ممكن يشوفكم شايلين جنازة، ويسأل: مالكم، نعال ما عندكم عوجة؟؟؟!!!

سوداني لقى جماعة بيحفروا في قبر،
سألهم: مالكم، نعال ما عندكم عوجة؟؟؟
وآحد قال ليهو: ما عندنا عوجة بنطلّع في صارقيل...

ود المدير
مشتاقين عديل كدا
تحياتي وسلامي الكتير يا ود المدير
.
.
باستوت .. باستوت يا ود المدير
الكديسة شمت الشديدة حقت سيد البيت وسطلت
تااااااخ وقعت من الطابق التالت في الوطا
قالت اسع اقول
ناااااو
ولا اقول
هوووووو
ما عارفة ...
.
.
رجلة اعمال مصرية عندها كديسة مدلعاها دلع شديد خلاس
سافرت فرنسا وتقومي يا الكديسة تموتي
من هناك اتصلت على حارس الفلة
الاوطة كويسة ؟
قال ليها ماتت
طوالي قطعت الرحلة ورجعت القاهرة حزنا على الكديسة
قالت للحارس ياخي ما كان تقولها لي فجأة كدا انا كنت اروح فيها
قال ليها يعني اقول شنو ..
قالت ليهو كان تقول لي الكديسة تعبانة شوية وودينها البيطري وتاني تقول
الكديسة في العناية المركز
يعني تدريجيا
بعد ايام العزا رجعت فرنسا
بعد يومين ام رجلة الاعمال
الحارس اتصل عليها وقال ليها
امك تعبانة شوية وودينها البيطري

wd almudir salam

http://www.youtube.com/watch?v=o9MmLp9Twbw

الهيلاهوب كديسة لندن

الأخ الفاضل معاوية المدير ..

كيف الحال والأحوال ..
حقيقة الذى أرشدنى الى هذا البوست .. هو الأخ خفيف الظل " أبو حراز " ..
لأنه ذكر فى " بوست آخر " انه كان " حايم " فى بوست الكديسة اللى عندها حساسية ..
وبالصدفة وجدت البوست .. وقلت نشوف حكاية الكديسة دى ..

والشكر للأخ أبو حراز .. ولكم أخى ..

موضوع جيد لعمل مقارنة بسيطة بين معاملة حيوانات البلاد المتقدمة
و معاملة البشر فى بلادنا المتأخرة ..

وبهذه المناسبة أهديكم هذا المقال والذى سبق نشره فى بعض الصحف والمجلات المهجرية ..
وهو تحت عنوان :

" إنهم يعلمون كلابهم الحب "

+++

إنهم يعلمون كلابهم الحب ..!! (1)

فى أحد مِشياتى المسائية والتى أتخذها للرياضة البدنية والذهنية على حد سواء ، شاهدتُ ######اً أمريكياً يداعب قطة أمريكية .. وأقول إنهما أمريكيان لأنهما ولدا وترعرعا فى أمريكا .. ورحت أقول لنفسى ، سبحان الله .. حتى الكلاب هنا تداعب القطط – والحقيقة تقال كِدتُ أن أقول لذاك ال###### " انت ما راجل " .. ولولا خوفى من إتهامى بالجنون ، لقلتها وليكن ما يكون .. ######ٌ يداعب قطة !! .. أين " حماشة " الكلاب؟ أين نخوتها ؟ - هل يعقل أن ######اً يداعب قطة؟ - هل انقلبت الدنيا !.. لو حدث هذا فى بلادنا ، لزعق الجميع وبصوت واحد " ال###### دا ما راجل " ولن يخافوا من أن يُتهموا بالجنون .. !!
ولكن .. لم يدم اندهاشى طويلاً عندما تذكرت ذلك البرنامج التلفزيونى وتلك الحسناء التى جاءت ب######ها المدلل وبدأت تخاطب ######ها بالانجليزية قائلة له:" أنا أحبك " فما كان من ال###### إلا وأن رد الحب بكلمة حب مثلها قائلاً لها:" أنا أحبك " – كانت جملته واضحة جلية ، مفعمة بالحب وهو ناظر إليها – وهكذا يكون الحيوان مع الانسان فى بلاد العم سام .. لا فرق بين الانسان والحيوان إلا الذيل .. وهذا ناطق وذاك غير ناطق .. ولكنهم يعلمونها النطق .. نعم ، إنهم يعلمون كلابهم الحب .. فالكلاب والقطط هنا ، تحب ولا تكره ، تلعب ثم تمرح وكأن أعصابها فى ثلاجة إنجليزية الصنع .. أو أنها نوعية خاصة من ذوات الدم البارد .. حقيقة الكلاب فى بلاد الخواجات تمتاز بامتيازات ، لا نجدها نحن المواطنين فى بلادنا .. فهنا توجد محال تجارية خاصة بالكلاب والقطط – بها ما لذ وطاب من وجبات وحوافز- بل وأن كلابهم لها مدارس خاصة – " كلابهم مثقفة " – لا تهاجم من يقابلها فى الطريق العام – إنها لا تنبح على من هبّ ودبّ – ثم انها تفهم كلام أصحابها .. بل وتنفذه بالحرف الواحد – فقد كانتْ تتنحى جانباً مفسحة لى الطريق أثناء مسيراتى المسائية .. وجالت بخاطرى كلابنا السودانية .. وأقول كلابنا السودانية ، لأنها ولدت وترعرعت فى السودان مثلى – فأنا ولدتُ وترعرعت فى السودان – حيث كان ترعرعى يواكب ترعرع الكلاب " بدون أى مؤاخذة " لأن كلابنا كانت تُعامل معاملة الأشياء – كانت تعتبر جزءاً من الأثاث المنزلى - أذكر عندما كنا نرحل من منزل الى آخر، كان ######نا يُربط بنفس السلسلة أو الجنزير الخاص به طوال اليوم وهو قابع فى ركنه المعتاد بفناء المنزل – لا يفك أسرُه الا ليلاً ، وغير مسموح له الاقتراب من الغرف الداخلية – ولا أزال أذكر كيف كان يلهث من صهد فصل الصيف القاتل الذى تصل فيه درجة الحرارة الى درجة ذوبان الأسفلت فى شوارع الخرطوم – حقيقة أننى أشعر بالذنب المقترف فى حق ذلك ال###### المسكين ومما سبقوه من بنى جنسه .. وذنبه الوحيد ، أنه كان مخلصاً فى حراسته الليلية .. وأى حراسة ..!! وبالمناسبة ليس ######نا وحده الذى كان يقاسى من هذا الظلم والتفرقة – فقد يكون ######نا أحسن حالاً من الكلاب الأخرى التى كانت تُطلق فى شوارع المدينة ، حيث يكون مصيرها الرمى بالحجارة لأن أطفال الحى لا يمكن أن يروا ######اً يتركونه وحال سبيله إلا وكانوا قد أمطروه بوابل من الحجارة المتوافرة فى الشوارع والأزقة – والويل وكل الويل لذلك ال###### الذكر البالغ ، إذا وجد ######ة أنثى بالغة وتحابا من أول نظرة ، ثم قررا ممارسة الجنس حسب غريزتهما التى حباهما لهما الله عزّ وجل – بالطبع لا وجود لمكان آخر بخلاف الطريق العام .. ليس لديهما منزل أو شقة مفروشة .. ولا يعرفا مبدأ " إن بليتم فاستتروا " فقررا استنفاذ طاقتهما الآن وعلى قارعة الطريق .. وفى وضح النهار .. يا للعار .. عمل فاضح فى الطريق العام ..!! للأسف الشديد لن تدوم متعتهما لويحظات من مفرقى اللذات .. كمٌ من الأطفال قد تسارعوا بقذائفهم ..!! وقد أكون أنا واحد منهم فى ذلك الزمان والمكان .. من أين جاء كل هؤلاء ..؟ الحجارة تتساقط من كل فج و صوب – مشهد غريب .. والعجيب أن الشباب يساهمون بأكثر حماسة من الأطفال .. وهذه فرصتهم لاستنفاذ طاقاتهم المكبوتة .. ومن العجب العجاب لو كان من بين المارة ، شيخ عفا عليه الدهر فهذه فرصته فى هذه المعركة الجهادية فلابد من الادلاء بدلوه .. وهو يلوح بعكازته الناتئة للاشتراك فى هذا العمل الخيرى الجهادى - هذا كومٌ والألفاظ التى تُسمع كومٌ آخر .. ألهذه الدرجة يعتبر حق الكلاب المشروع ، جريمة لا تغتفر .. أين الوعى والمنطق ، يا أهل الوعى والمنطق ؟ لماذا يكون قصاصكم دائماً الرجم ؟ حتى على الحيوان الذى لا ينطق!! .. يا أهل النطق والمنطق ..
سبحان الله ، كلاب السودان تعيش مشردة فى الأزقة والشوارع وتحت وهج الشمس الحارقة .. وأخرى فى أمريكا ، تنعم ببرودة أجهزة التكييف المركزى – بل وبكل ما يتاح للمواطن الأمريكى ما عدا "الانتخاب" !! .. مثلها كمثل ######نا " تايقر جبران " والذى يحمل إسم عائلتنا الكريمة – بل وأن جميع كلاب أمريكا تحمل أسماء عائلات أصحابها – تخيلوا معى .. لو ذهب " تايقر " هذا ، الى السودان فى رحلة صيفية – وخرج من المنزل للنزهة كعادة أترابه من بنى كلاب أمريكا .. وحدث له ما يحدث للكلاب الوطنية الفدائية .. أعتقد عند عودته سوف يخبر بنى وطنه بكل ما قاساه ويقاسيه كلاب القارة الأفريقية – ومن يدرى فقد يتفق مع أصدقائة بتنظيم مظاهرة سلمية أمام البيت الأبيض – ولو كانت كلاب بلادنا تستطيع تكوين منظمة وقد تسمى نفسها " منظمة حقوق الكلاب المضطهدة " لكانت الأمم المتحدة ، تعجز عن إيجاد مكاناً لحفظ ملفات تلك المنظمة ..
والسؤال .. هل نستطيع نحن تعليم كلابنا الحب ؟ .. ولكن للأسف فاقد الشيىء لا يعطيه ..!! ولهذا وجب علينا أولاً أن نتعلم كيف نحب بعضنا بعضاً .. -
وهنا أود أن أسأل ثم أسائل نفسى ، هل تفتقر الأمة العربية الى الوعى الكافى والذى يوصلنا الى اللجوء باستخذام ألفاظاً تمس الكرامة والشرف – ولكن هذه المرة ليست بمخاطبة الكلاب – وأقول الصدق ، فان موضوع الكلاب هذا لم يكن فى الحسبان - وإنما تعبير " انت ما راجل " قد صدر عن مسئول سودانى فى لقاء تلفزيونى .. الشيىء الذى أثار حفيظتى واستفز مشاعرى .. فلم أجد من البد بداً ما يشفى غليلى سوى ذاك ال###### الأمريكى الذى كان يداعب القطة الأمريكية - محاولاً ترديد كلمات السيد مديرجمارك ميناء بورتسودان .. والذى هاج وماج لمجرد أنْ عارضه أحد المسئولين عن استيراد سلعة التفاح الأمريكى – فعندما قام أحد المستوردين أم من ينوب عنهم (لا أدرى) بانتقاد سلطات الميناء وسوء قرارهم برفضهم دخول سلعة التفاح الأمريكى بعد أن قام المستوردون بالتعاقد على إستيراد " التفاح الأمريكى المشهور ، " موضحاً سلبيات هذا القرار مثل الاضرار بهم كمستوردين لهذه السلعة ثم بسمعتهم من قِبل المصدرين الأجانب – بل وستنعكس كل هذه السلبيات بسمعة السودان بوجه عام – وما أن سمع سيادة اللواء والحاكم بأمر الله على شئون الميناء .. قاطعه قائلاً له بالحرف الواحد :" شنو شابكنى تفاح أمريكى .. تفاح أمريكى .. أمريكا اللى بتعبد فيها دى .. انت ما راجل .. انت زول ######## ليس إلا .. أنا بتكلم معاك باللاوندى .. " !!
والشيىء المُحزن والمُخزى حقاً ، هو ان هذه الحلقة كانت مذاعة على الهواء فى أحد برامج التلفزيون السودانى .. لماذا ننعت أناساً بمثل هذه الكلمات بمجرد أنهم قاموا بمعارضة أحد كبار المسئولين فى الدولة .. حقيقة ، انها ألفاظ غريبة .. انت ما راجل .. انت ######## .. !! .. هل هذا يليق بانسان مرموق فى أحد مرافق الدولة .. أياً كانت تلك الدولة أو ذلك الانسان ، أن يقوم بنعت الآخرين بعدم الرجولة والجبن .. أم أن إستخدامهما يعتبر أمراً ضرورياً كسلاح يلجأ اليه القوى عندما يكون فى موقف الضعف ، لإسكات الخصم الضعيف ، عندما يكون هذا الضعيف فى مركز القوة لأن الحق معه .. وهكذا يكون الحق لمسئولي بلادنا فى كل شيىء .. حتى الى درجة مسح كرامة الانسان الذى لا يدانيهم فى السلطة أوالمركز.. وا أسفاه على بلادنا ومسئولى بلادنا .. أم أن ذكر كلمة " أمريكا " هذه الأيام ، أصبحت تأجج غضب كل متأسلم متعصب ..!! وهكذا لم يستطع سيادة اللواء السيطرة على أعصابة وكبح جماح غضبه عندما كان يسمع كلمة تفاح أمريكى .. أمريكى ..!!
وهنا أود أن أتوقف هنيهة لأسأل هؤلاء ، ما هى القدوة فى نظرهم ؟ .. والسؤال الثانى كيف نحب الآخرين ..؟؟ .. هذا ما سنقرأه فى البقية ..
والبقية تأتى .. إن شاء الرب وعشنا ..

أرنست أرجانوس جبران
[email protected]

+++

Quote: بعدين أحفظ عندك، برضو مصطلح مهم جداً لمهنتك: The first new. اوّل جديد

لووووووووووووووووووووووووووووووووولز
خطيييييييييييير ياا ود عمي المدير
بقت مترجم للدكاترة ؟ , بسحروك يا خوي
والله صحي
هي عندها حساسية
وشفعنا في الجنيد هاردة جلدهم الباعوضة , كيفن الدبارة؟؟
هم يبكي وهم يضحك
والله صحي ,,,

مشتاقين يابا


سلام وتحية خاصة للعم العزيز الما عجوز ارنست
طولنا منك شديد يا حنين
اريتك طيب وحالك زين وكل الأسرة
كل التقدير وإلإحترام ليك يا العزيز ارنست
معزتي الأكيدة

عمنا الشاب العجوز 00 الله يديك العافية

Quote: ولهذا وجب علينا أولاً أن نتعلم كيف نحب بعضنا بعضاً ..

نحن بين ضفتين
وعبارتك هذه هي جسر يربط بين الضفة والضفة
هناك جسور بلا اسمنت
وبلا سيخ
وبلا نظريات هندسية معقدة
وهي جسور الحب والتواصل الإنساني الراقي
اذا أحببنا بعضنا وتقبلنا الآخر معنى ذلك أننا قد اقتربنا من سدرة المنتهى
لك التحية على هذا الدرس الجميل والرائع


الأخت الشاعرة اسماء
حمدا لله على السلامة 00 كيف اخبارك واخبار الأولاد
والتحايا للأخ الفاتح
انتو سافرتوا من السلطنة خلاص
اها الناس كلها في الخليج عاوزين يدوهن راتب شهرين
راحت عليكم

Quote: رجلة اعمال مصرية عندها كديسة مدلعاها دلع شديد خلاس سافرت فرنسا وتقومي يا الكديسة تموتي من هناك اتصلت على حارس الفلة الاوطة كويسة ؟ قال ليها ماتت طوالي قطعت الرحلة ورجعت القاهرة حزنا على الكديسة قالت للحارس ياخي ما كان تقولها لي فجأة كدا انا كنت اروح فيها قال ليها يعني اقول شنو .. قالت ليهو كان تقول لي الكديسة تعبانة شوية وودينها البيطري وتاني تقول الكديسة في العناية المركز يعني تدريجيا بعد ايام العزا رجعت فرنسا بعد يومين ام رجلة الاعمال الحارس اتصل عليها وقال ليها امك تعبانة شوية وودينها البيطري

هههههههههههههههههههه..... إلخ
ود البوش يا صديق،
والله شوقنا بحر عدييييل كده.
نعلّك بسط ؟؟؟
يا اخي تصدق معانا وآحد هنا يشتغل زي البغل، وآخر اليوم القاهو ليك جنب
دكان الكــــلآب والكدايس. إكتشقت انه عايش مع جرقاس، والقريشات البيخدما
كوووولها قاعد يشيلآ يصرفا علي جرقاس السجم دا. يا أخي الزول دا انا زعلآن
منو جِنِس زعل !!! نعمنو مقاصرنا في رزق وِليداتنا، ويشيل ويدلّع في جرقاس.
غايتو الكون ده فيهو جِنِس مِحن !!!

ويّن الحي بيك يا ود البرعي ؟؟؟
مشتاقين يا زول...

الأستاذة والأخت الحبيبة أسماء ..

وصلتنى كلماتك الرقيقة والتى أقتبسها كما يلى :

Quote: سلام وتحية خاصة للعم العزيز الما عجوز ارنست طولنا منك شديد يا حنين اريتك طيب وحالك زين وكل الأسرة كل التقدير وإلإحترام ليك يا العزيز ارنست معزتي الأكيدة

+++++

وكم هو جميل افتقاد الناس لبعضهم البعض ولاسيما فى هذه الأيام ..
ذات الأجواء الخانقة ..
أينما أدرنا جهاز التلفزيون ، تأتينا أخبار من كل صوت لتؤرق المنام ..
العالم بأكمله فوق فوهة بركان .. ونتساءل لماذا كل هذا ؟ ..
لماذا يتكالب الحكام على كراسيهم
الى هذه الدرجة .. ويروحون قتلاً وتنكيلاً بشعوبهم ..
الله يرحمنا ويرحم الجميع ..
المهم .. يا أسماء ..
أرجوك ألا تنقطعى من طلاتك الجميلة هذه ..
الرب يبارك حياتك ..
عمك العجوز ..
ارنست

Quote: الأخ الفاضل معاوية المدير .. كيف الحال والأحوال .. حقيقة الذى أرشدنى الى هذا البوست .. هو الأخ خفيف الظل " أبو حراز " .. لأنه ذكر فى " بوست آخر " انه كان " حايم " فى بوست الكديسة اللى عندها حساسية .. وبالصدفة وجدت البوست .. وقلت نشوف حكاية الكديسة دى .. والشكر للأخ أبو حراز .. ولكم أخى .. موضوع جيد لعمل مقارنة بسيطة بين معاملة حيوانات البلاد المتقدمة و معاملة البشر فى بلادنا المتأخرة .. وبهذه المناسبة أهديكم هذا المقال والذى سبق نشره فى بعض الصحف والمجلات المهجرية .. وهو تحت عنوان : " إنهم يعلمون كلابهم الحب "

ياسلآآآآآآآآآآآآآآآآآم،
حقيقة انا مبسوط بسطة شديدة جداً بطلتك عمنا ارنست، وفي نفس الوقت زعلت جد من نفسي لأنني لم انقل هذا
البوست للربع القادم، ووالله العظيم لو كنت أعلم انه سيجمع هذه الكوكبة بقيادتك يا عمي ارنست لفعلت.
اشكرك علي رفد البوست بالموضوع الهادف، فهذا حال المسؤلين في بلآدنا. لها الله. حقيقة انا شاهدت مقطع
الفيديو، وكان مشهد يدمي له الفؤاد، وطريقة حديث المسؤل كانت مثيرة للإشمئزاز.
عارف يا عم ارنست، لمان مشيت امريكا يا دووووب قبلها كنت لمان امشي من اتبرا للخرتوم تاني سكن بيخلعني،
وبكون اليوم كلووووو مصنقر بعاين للمصيبة العالية دي، فجأة لقيت نفسي حايم في وول إستريت جنب التِوِين
قبل يدُقن الدلجة. يا زول ما عارف اعاين وين!!! مرّة اصنقع للعمارات، مرّة إنشده في الحديد المالي الظلط، مرّة
ابحلق في الخلق المندلقين في الشوارع المابيكملوا ديل. اها، في الإندهاشة حقتي دي، عربية فوووو لفحت
لها كـــلــــبـ، ال########ــ ظنيتو إتردخ ساكت نعمنو قد يعووووص وجرى، لكن ناس الرماد ديل كلللللهم إتكهربوا، وكل
زول إتسمّر في بكانوا إلا انا فضلت متمحن فيهم!!! يا ربي الناس ديل مالُن ؟؟؟. بعد دآك عرفت إنو الخُلعة الدخلت
فوقهم دي من العربية الضربت الـكـلبـ!!!؟ بيني وبين نفسي قلت وحآت ربي ما عندهم شغلة. السجم ده عندنا في
البلد هناك وكتين العربية تضربو تكتلو فوق الظلط باقي العربات يمشن فوقو لآمن بعد فترة من الظلط ما تفرزوا.
بعد دآك عرفنا إنو البلد فيها عدل، ووالله العظيم انا اليوم في كندا كثير جداً اقيّف للغزال البري ليقطع شارع الظلط
في داخل المدينة ناهيك من الحيوانات الأليّفة!!!
نحن ما زلنا نفتقر لأبسط مقومات الحياة، ولم يتركونا علي هذه الحالة بل راحوا يمارسون ظلمهم علينا في وضح
النهار. كديسة تجد من العناية ما لا يجده اطفال بلآدي، بل تستمتع بأكل الشكولآتة البيضاء والأطفال في بلآدنا
يموتون بسبب سوء التغذية، بينما نجد من يدافع دفاع مستميت عن من يتمسكون بدفة الحكم.
إنها ازمة ضمير يا عمي ارنست.



عمي ارنست لك مني عظيم الشكر علي رفد البوست والطلّة السمحة،
وبالمناسبة ذكرتني الوالد عليه رحمة الله بحكاية نقابي عجوز دي ونقابة
عمال السكة الحديد بعطبرة التي شغل منصب سكرتاريتها لعدة دورات
له الرحمة والمغفرة، ولك مني عظيم الشكر مرةً أُخرى...

Quote: لووووووووووووووووووووووووووووووووولز خطيييييييييييير ياا ود عمي المدير بقت مترجم للدكاترة ؟ , بسحروك يا خوي والله صحي هي عندها حساسية وشفعنا في الجنيد هاردة جلدهم الباعوضة , كيفن الدبارة؟؟ هم يبكي وهم يضحك والله صحي ,,, مشتاقين يابا

حِكمة الله يا بت أعمي اسماء!!!
وحاتك ما كنت قايل نفسي بستمتع بكل هذه المقدرات؟؟؟!!!
من يومك القلتِ لي بيسحروك اشيّل وإتبخّر، وإتحصّن شغلي
خليتو. عارفة، انا أصلي مسعلة القرآية دي ما عندي فوقا كبير
غرد، لكن ربنا ده ما كريم. عليك الله شفت بتاعت اوّل جديد دي
كيف؟؟؟!!! يا زولة انا زااااتي ما عارف ترجمتها كيف؟؟؟!!!
الدكتور زاتو لمان إتخلع.
والله صحي.


يا بت الجنيد شر البلية ما يضحك. كما يقولون.
نسأل الله ان يبعد الظالمين عن بلآدنا.

الأخ الحبيب أبو حراز

شكراً أخى لتعليقكم الكريم :

Quote: عمنا الشاب العجوز 00 الله يديك العافية Quote: ولهذا وجب علينا أولاً أن نتعلم كيف نحب بعضنا بعضاً .. نحن بين ضفتين وعبارتك هذه هي جسر يربط بين الضفة والضفة هناك جسور بلا اسمنت وبلا سيخ وبلا نظريات هندسية معقدة وهي جسور الحب والتواصل الإنساني الراقي اذا أحببنا بعضنا وتقبلنا الآخر معنى ذلك أننا قد اقتربنا من سدرة المنتهى لك التحية على هذا الدرس الجميل والرائع

فى الحقيقة أخى .. هذه المحبة لا يعرفها الا الذى يعايشها لأنها تنبع من القلب ..
وليست شعارات تقال .. لأن المحبة الحقيقية شعور مكلف جداً ..

عمومياً شكراً جزيلاً مرة أخرى .. وبالله عليك لا تحرمنا من طلاتك الجميلة ..

أخوكم وعمكم العجوز ..
ارنست

Quote: إنهم يعلمون كلابهم الحب ..!! (1)

وكــدآ يــســهــمــ ...