ماذا حدث للهلال ؟؟؟؟؟؟؟

أين مطر البوستات والمواضيع والكواريك التى كانت تملأ المنبر بعد كل فوزه يحققه أبو
الهل حتي ولو كان على فريق الرابطة ببحر الزراف ؟
لماذا عبر فوز الهلال هذه المرة عبور الكرام وخلأ المنبر من الأفراح والليالي الملاح حيث
الهجيج والمجيج الذي طالما صدعنا به المساكين في مثل هذه المناسبات النادرة العابرة ؟
هل إكتشف مشجعيه بالمنبر أن فوزه في الأدوار الأولي للبطولة الأفريقية لا يعدو أن يكون فورة
اندروس تعود بعدها حليمة إلى عادتها القديمة وقنعوا من خير فيه ؟
أليس من الغريب أن يمر فوز الهلال الثلاثي والذي يعتبر خطوة واصلة نحو التأهل للدور ثمن
النهائي دون إحتفاءات ومهرجانات يقيمها أهله في المنبر متجاهلين الإزعاج الذي يسببونه
لأعضائه وغير عابئين لحرق كميات مضاعفة من باندوديث بكري المسكين ؟
أم أن عقلية الهلالاب ترقت إلى مرحلة أصبح معها الفوز في المراحل الأولي للبطولات غير كاف
بالنسبة لهم ولا يستدع منهم إلا مجرد إبتسامة عابرة ؟
يتبع ......

الأخ العزيز طلحة

تحيات

Quote: عقلية الهلالاب ترقت إلى مرحلة أصبح معها الفوز في المراحل الأولي للبطولات غير كاف

هذه الإجابة جعلت سؤالك افتراضياً .. أي لا يتوقع الإجابة عليه بحكم أن تلك الإجابة معروفة سلفاً.

هذا هو الواقع

الهلالاب غير مبسوطين من فريقهم هذه الأيام .. وفي نفس الوقت يعرفون أن ناديهم - وبوصفه واحد من كبار أندية القارة - سوف يجتاز المرحلة الأولى بكل سهولة ويسر.

ولو جيت للصراحة: أنا قلق على المريخ .. فالحضري وحده لا يصفق

Quote: الهلالاب غير مبسوطين من فريقهم هذه الأيام .. وفي نفس الوقت يعرفون أن ناديهم - وبوصفه واحد من كبار أندية القارة - سوف يجتاز المرحلة الأولى بكل سهولة ويسر. ولو جيت للصراحة: أنا قلق على المريخ .. فالحضري وحده لا يصفق

الهلال نادى الحركة الوطنية والحركة الوطنية مشغولة

بالهم الاكير

الأخطبوط طلحة..
نحنا قاعدين.. والهلال ما بطال..
بس بصراحة متابعة الكورة بقت بالنسبة لينا من المهام الثانوية..
تصدق أنا أمس أثناء المباراة حايم في السوق بصورة عادية..
وزمان كنت بزوغ من الشغل عشان الكورة..
في حاجة حاصلة ما معروفة شنو.. يا فينا يا حوالينا..

الاخ الكريم طلحة ، سلام من الله ورحمة شاهدت المباراة امس ، للاسف الهلال كان سيئا فى الشوط الاول ، علاوة على ان الفريق الخصم ( منتهى خالص ) . ولو صدق الحكم فى احتساب الهدف الاول الملغى بدون وجه حق للضيوف لتغيرت المباراة ، علاوة على ان رماتهم اضاعوا هدفين كانا فى متناول اليد ، و بدء المعز محجوب مهتزا، لن يتقدم الهلال و المريخ بعيدا ، و العام الماضى يطل بوجه الكالح .

الاخ الكريم طلحة ، سلام من الله ورحمة شاهدت المباراة امس ، للاسف الهلال كان سيئا فى الشوط الاول ، علاوة على ان الفريق الخصم ( منتهى خالص ) . ولو صدق الحكم فى احتساب الهدف الاول الملغى بدون وجه حق للضيوف لتغيرت المباراة ، علاوة على ان رماتهم اضاعوا هدفين كانا فى متناول اليد ، و بدء المعز محجوب مهتزا، لن يتقدم الهلال و المريخ بعيدا ، و العام الماضى يطل بوجه الكالح .


يا جماعه الزول ده جادي


يا حبيبنا هجو انت جادي في الكلام ده


نسيت الحكم المن بدات الكورة يشيل ويكرت في لعيبت فريق انتر كلوب

وارجوا ظلم التحكيم هناك وشوفو كيف

يا راجل قول كلام غير ده

ونسيت القونيين النقضهم الحكم للهلال ولا شنو

لو اصلو الحكم مع الهلال كان حسب ليه واحد وكان لي اسي تعدو في الاقوان

لا صوت يعلو فوق صوت المعركة يا طلحة!
الليلة المسيرة ياخ! هلال شنو وكاريكا بتاع الساعة كم!!

Quote: الهلال نادى الحركة الوطنية والحركة الوطنية مشغولة بالهم الاكير

الكلام دا جا في بالي وسبقتني
وشكرا


مريخ شنو تحرير شنو ساكواها شنو هلال شنو

كلما الناس تدخل في الاستاذ بالالف اقول يمكن لمن يمرقوا يهتفوا الشعب يريد اسقاط النظام

وبالله ويتن نلقى تجمع كثل تجمع كورة الهلال والمريخ اليومين دول

عايزين تضيعوا اولادنا الصغار يمرقوا من الجامعات ويهتفوا وينجلدوا؟؟؟

Quote: صوت يعلو فوق صوت المعركة يا طلحة! الليلة المسيرة ياخ! هلال شنو وكاريكا بتاع الساعة كم!!

حنك عاضي يا فردة

أين أبو الخل وهو يدندن بهلالي الجوه وجداني مؤكدا أنه رأي فيما يراه النائم
إن الكأس بت اللذينا تلمع وهي تتنقل بين يدي سيدا والمعز وبشة ويكاد بريقها
يخطف أبصار مساكين العرضة شمال ؟
وأين ود الفاروق وهو يتفلسف ويتقلقص مبتدعا النظريات وحاشرا نفسه حشرا بين
فقهاء وخبراء اللعبة مؤكدا أن الأمواج الزرقاء هذه المرة ستجتاح وتجرف الجميع
لأن البرنس إبتكر تمريرات زئبقية تجعل مدافع الخصم يقف مشدوها في حضرة هذا السحر
الذي يتلوي أمامه حتى أنه ربما أدخل الكرة بنفسه في مرمي فريقه ؟
أين فيصل نوبي وهو يرسل عشرات الرسائل النصية من موبايله إلى كل كائن مريخي مكاكيا ومهاتيا
ومحاحيا في وجهه دون إعتبار لما يمكن أن تسببه هذه المسجات الطنانة من إزعاج
للناس والأسر وقد أغلقوا الأبواب وأطفأوا الأنوار ما بين راقد نائم وآخر في الغرام هائم؟
يتبع .....

العزيز طلحة

طابت أوقاتك بكل خير

أفراح مشجعي سيد البلد تبداء بعد دوري المجموعات

فالمراحل الاولية نحن علي يقينا أن الهلال سيتخطاها

حتي ولو بالصف الثاني فراينا أن نترك مساحة لناس

الغاغات لانوا عمر أفراحهم قصير

الهلال يقلق مضاجعكم يا طلحة
عامل لي فريقكـ البنفسجي السمح ده
كيّفكـ صاح !

ذهب صلاح ادريس وذهب معه بريق الهلال

انا شخصيا من سنتين ما بشجع الهلال الا فى المجموعات

ياابو عبدالله الازرق صار يحذلنا عند قبضة الكاس

عشان كدا احسن الواحد يشجع برشلونا,,,

الهلال بقى زى رما,,اهل رما يطلقون على فريقهم العطر البدون رائحة

لكن رايك شنو فى زنقة المريخ دى,,,انتر كلوب فريق مو ساه

انا شائف الجهاز الفنى ومعه الحضرى,,مدة اقامتهم قربت,,,

المريخ ربما يطير فى ال32
والهلال فى ال16

أبقوتة ياعمك

Quote: ذهب صلاح ادريس وذهب معه بريق الهلال انا شخصيا من سنتين ما بشجع الهلال الا فى المجموعات ياابو عبدالله الازرق صار يحذلنا عند قبضة الكاس عشان كدا احسن الواحد يشجع برشلونا,,, الهلال بقى زى رما,,اهل رما يطلقون على فريقهم العطر البدون رائحة لكن رايك شنو فى زنقة المريخ دى,,,انتر كلوب فريق مو ساه انا شائف الجهاز الفنى ومعه الحضرى,,مدة اقامتهم قربت,,, المريخ ربما يطير فى ال32 والهلال فى ال16

أوافقك فيما قلت

هلا يا حسن بشير

Quote: أنا قلق على المريخ .. فالحضري وحده لا يصفق

المريخ دا أناقلق عليهو لي تلات سنين ولما جابوا الحضري قلبت طوبتو نوهائي
يا حليل المريخ ياخ .

Quote: المريخ دا أناقلق عليهو لي تلات سنين ولما جابوا الحضري قلبت طوبتو نوهائي يا حليل المريخ ياخ .

بس كده انت زولي

نزار حسين يا بلد

Quote: بس كده انت زولي

كان كدا أبشر بالخير

Quote: المريخ دا أناقلق عليهو لي تلات سنين ولما جابوا الحضري قلبت طوبتو نوهائي يا حليل المريخ ياخ

ياطلحة سلامات
غايتو رغم التنظير والجرجير ......
الا انك صفوى فاهم بصراحة

كدى سيبنا من الفتشة عن بوستات الهلالاب وخشلينا فى دور
الاخطبوط خلينا نشوف المريخ طاير من انغولا ولا من المحطة البعديها.
لانو الهلال حيواصل للمجموعات كتبت البوستات او لم تكتب ...
رجع محمد عادل للكورة بعد ماقنع من السياسة او لم يرجع.....

ألأخ/طلحة السلام عليكم.

أنظر للأحداث من حولك تجد ألأجابة.

من ناحية المنبر.. بوستات تعازى وزملاء طريحى الفراش وأحداث ساسية بالداخل من مظاهرات ومسيرات.

أما بالخارج فحدث ولا حرج.

مبروك للمريخ الفوز ومبروك للهلال الفوز ألأكبر.

ألأثنين من وجهة نظرى ما بمشوا لقدام مالم يحسنوا فى مستواهم لآن القادم أصعب.

تقديرى وأحترامى.

الحبيب رؤوف جميل

Quote: الهلال نادى الحركة الوطنية والحركة الوطنية مشغولة بالهم الاكير

مع اني ما عارف الهم الأكبر دا شنو لكن برضو بقول ليك
دا ما بمنع الهلالاب من تهنئة بعضهم زي ما قاعدين يعملوا عقب كل فوز
هلالي من قديم الزمان ولغاية قبل الآن ..
دا طبعا إذا كان بتعتبروا أن الحركة الوطنية والهلال وجهان لعملة واحدة .

Quote: وزمان كنت بزوغ من الشغل عشان الكورة.. في حاجة حاصلة ما معروفة شنو.. يا فينا يا حوالينا..

الإحباط يا أيمنوف الإحبااااااااااااااااط
تعرف أنا عندي يقين أنو لو ماكانت في جرايد تنقل للجمهور الخرافات والمبالغات
والشتل والرتق والتنظير الفارغ وتقول أية حاجة إلا الحقيقة لما إنتشر الإحباط وسط قطاع الجمهور
الرياضي حتى ولو إنهزم المريخ أو الهلال في المباراة الواحدة عشر مرات ..
جرايد يا أيمن تقول في المريخ والهلال ما لم يقال في برشلونة والريال وتصف اللاعبين
بما لا يوصف به زيدان ورنالدينهو وميسي وعندما يقرأ الجمهور ذلك ويذهب طالبا للمتعة
والإنتصارات التى يقدمها أبطال جرايد السجم هذى لا يجد إلا عكا ومدافرة ومعافرة
وفي النهاية هزيمة وإنكسار فيعود حزينا مهموما بعد أن ماتت الأحلام والتوقعات المتفائلة
في دواخله وتلاشت الإبتسامة الطموحة في محياه.. ثم ينسي ويعود ويقرأ فتتجدد أحلامه وتخضر أمانيه
وعندما يذهب تتكرر إحباطاته وعثراته النفسية ولا يبقي له بعد ذلك إلا اليقين إن ما يحدث مجرد مسرحيات مكررة
رديئة السيناريو والإخراج خيرا منها الحوامة في الأسواق والترفيه عن النفس كما حالك وحالي وغيرنا كثر .

طلحة سلامات

المزاج ما رايق

لكن أقول ليك



الهلال ميتة وينتهي العزاء بمراسم الدفن

أما المريخ فميتة وخراب ديار




تحياتي ياصديق

الاخ الكريم هجو الأقرع
ومنذ متي كان الهلالاب المساكين يهتمون بالأداء والمستوي الفني لفريقهم وينظرون
لمستقبله ؟
الناس ديل ركهم على أنو البرنس يمرر وبشة يجيب قون عشان يملوا المنبر كواريكا
ورجة جازمين غليظ الجزم أنو أبو الهل دا حدو كأس العالم.. عشان كدا إستغربت
عدم طلوعم اليوم .

عباس يا عمك
حنكك عاضي كالعادة

ياعمك

Quote: تعرف أنا عندي يقين أنو لو ماكانت في جرايد تنقل للجمهور الخرافات والمبالغات والشتل والرتق والتنظير الفارغ وتقول أية حاجة إلا الحقيقة لما إنتشر الإحباط وسط قطاع الجمهور الرياضي حتى ولو إنهزم المريخ أو الهلال في المباراة الواحدة عشر مرات .. جرايد يا أيمن تقول في المريخ والهلال ما لم يقال في برشلونة والريال وتصف اللاعبين بما لا يوصف به زيدان ورنالدينهو وميسي وعندما يقرأ الجمهور ذلك ويذهب طالبا للمتعة والإنتصارات التى يقدمها أبطال جرايد السجم هذى لا يجد إلا عكا ومدافرة ومعافرة وفي النهاية هزيمة وإنكسار فيعود حزينا مهموما بعد أن ماتت الأحلام والتوقعات المتفائلة في دواخله وتلاشت الإبتسامة الطموحة في محياه.. ثم ينسي ويعود ويقرأ فتتجدد أحلامه وتخضر أمانيه

كلام 100%

تسلم ياعمك

طلحة رد السلام..ويظهر كلامى ما عجبك...الحقيقة دائمآ مرة.

ولازم تغير نظرتك عشان تتقبل مثل هذا الكلام.

وتمسح غشاوة كرهك للهلال عشان ترى الحاجات جميلة.

تحياتى.

ismeil abbas يا بلد
سلامات وود وتقدير ...
ياخ قبل ما تستعجل في كلام ساي كدا راجع البوست شوف في كم واحد أنا ما رديت ليهم
الحقيقة يا حبيب أنا دخلت في دوامة مشغولية لغاية اللحظة دي ما قادر إتخارج منها
رغم أنها خفت شوية ..
يازول كلامك لو حقيقة مرة واللا كذب عسل أنا متقبلو وح أرد عليهو بس إتا كيف تصبر
يا ملك .

يتبع ...

الحبيب الباهي

Quote: أفراح مشجعي سيد البلد تبداء بعد دوري المجموعات فالمراحل الاولية نحن علي يقينا أن الهلال سيتخطاها حتي ولو بالصف الثاني فراينا أن نترك مساحة لناس الغاغات لانوا عمر أفراحهم قصير

رأي برضو والله

Quote: الهلال يقلق مضاجعكم يا طلحة

وكيف ذلك يا أخ العرب ؟

أحمد الامين إدريس يا حبيب

Quote: خلينا نشوف المريخ طاير من انغولا ولا من المحطة البعديها. لانو الهلال حيواصل للمجموعات كتبت البوستات او لم تكتب ...

المريخ من انغولا واللا المحطة اللي بعديها فهو في النهاية طاير
ولاحق أو سابق الهلال ..
ما في مؤهلات تعين المريخ ع الصمود والمنافسة في البطولة الكبيرة
دي يا أبو احميد اللهم إلا في أحلام جرايدو وبعض مشجعينو المغيبين
بواسطة هذه الجرايد .
تحياتي .

حبيبنا المستعجل إسماعيل سلامات

Quote: أنظر للأحداث من حولك تجد ألأجابة. من ناحية المنبر.. بوستات تعازى وزملاء طريحى الفراش وأحداث ساسية بالداخل من مظاهرات ومسيرات. أما بالخارج فحدث ولا حرج.

ياخ التعازي والتهانيء والكفارات والحكومة والمعارضة دي بوستات ثابتة في
الحوش دا منذ تأسيسو ومام فيها أي جديد يخلي الجماعة يصهينو من فوز مهم زي دا
عشان كدا إستغربت وسألت .

Quote: مبروك للمريخ الفوز ومبروك للهلال الفوز ألأكبر. ألأثنين من وجهة نظرى ما بمشوا لقدام مالم يحسنوا فى مستواهم لآن القادم أصعب.

في دي صدقت حرم ..

Quote: تقديرى وأحترامى

ولك ..

.......................
السؤال المهم يا إسماعيل
شنو هسع في كلامك دا حقيقة مرة بالنسبة لي تخليني أتجاهلو
لدرجة ما أرد ليك حتى السلام زي ما اعتقدت اتا ؟؟؟

أبو اليسر سلامات

Quote: الهلال ميتة وينتهي العزاء بمراسم الدفن أما المريخ فميتة وخراب ديار

موافق على كلامك يا حبيب ..
وفي الحالتين لا عزاء للجمهور المسكين الذي يدفع ليشتري جرايد
تكذب عليه وتحقن أفكاره بالمخدرات والخرافات والترهات ..
ويدفع ليشاهد منافسات يخرج منها حزينا حسيرا ..وهكذا .

هرون دياب يا عمك
تحياتي وتقديري يا عزيز