Post: #1
Title: حذاري من تكتيكات جهاز الامن الخبيثة والغميسة.....!!!!
Author: عبدالكريم الامين احمد
Date: 03-20-2011, 07:09 PM
Parent: #0
في فترة ما قبل انتفاضة ابريل وكل الارهاصات كانت تشير الي كركبة قادمة قادمة بلا محال.. في المنطقة القريبة من مدرعات الشجرة اتي جهاز الامن النميري ببوكس 79 ووضعو فيه قنابل ثم فجروه واشيع في المدينةة وفي كل السودان بان هنالك اعمال تخريبية تقوم بها ايادي مرتجفة تعمل ضد ثورة مايو...وتم اعتقال العديد من الذين يستهدفهم جهاز الامن ويخاف من نشاطهم علي اثر هذه الحادثة الفنكوشية...
|
Post: #2
Title: Re: حذاري من تكتيكات جهاز الامن الخبيثة والغميسة.....!!!!
Author: عبدالكريم الامين احمد
Date: 03-20-2011, 07:13 PM
Parent: #1
وكما لاحظنا في امر الانظمة المجاورة التي تهاوت واندثرت الان... هو استجلاب ومحاولة صناعة (فزاعات)
فزاعات محلية واقليمية ودولية تخيف الجميع
والفزاعة المحلية هي الامر لتحييد المواطنين وتخويفهم من الغول الاتي من رحم المظاهرات..
|
Post: #3
Title: Re: حذاري من تكتيكات جهاز الامن الخبيثة والغميسة.....!!!!
Author: عبدالكريم الامين احمد
Date: 03-20-2011, 07:20 PM
Parent: #2
اي حادث او اي كركبة تقوم هذه الايام واطرافها وهي غامضة التفاصيل يجب ان تقرا في هذا الاطار الديكارتي
والنظام وعبر اياديه(حرائق- انفجارات- كركبات) فهي بالتاكيد محاولات من جهاز امن النظام لاشاعة فوضي محدودة ويمكنهم السيطرة عليها ومن ثم ايجاد تبرير كافي حتي يتم سلفكة تهم للذين يود جهاز ان الامن ان يخرجهم عبر الاعتقال من دائرة العمل وسط الجماهير,,
|
Post: #4
Title: Re: حذاري من تكتيكات جهاز الامن الخبيثة والغميسة.....!!!!
Author: عبدالكريم الامين احمد
Date: 03-20-2011, 07:26 PM
Parent: #3
التلفزيون السوداني ذلك الحلقوم الكيزاني الشهير سيكون هو الحلقة الثانية التي ستلقف هذه الفزاعة
وسيعمل الفتية المغبشين في كراكيره علي التفنن والتجنن في الدبلجة والمونتاج والاخراج الذي كل اهدافه هو اخافة الجماهير واعطاهم احساس بان هنالك غوووول كبير سياتي وسيحول الارض الي خراب...
ولكنه سيقول ايضا بان قوات الثورة صاحية وقادرة علي ردع كل المتلاعبين بتراب الوطن ومكتسبات الشعب...
|
Post: #6
Title: Re: حذاري من تكتيكات جهاز الامن الخبيثة والغميسة.....!!!!
Author: عبدالكريم الامين احمد
Date: 03-20-2011, 07:37 PM
Parent: #5
Quote: إنت قاصدني عدييييييييييييييل
من وسط الخرطوم ترى ألسِنة اللّهب تتصاعد من جهتها الجّنوبية
|
اوووووووه علاء الدين حبابك ياخ..
والحريق ده ماااا داخل راسي يا علاء الدين عشان كده قلنا نعمل تنبيهات من الحركات الغميسة البعمولها ناسكم ديل وبعدها طوااالي هاك يا اعتقال وترتيبات امنية..
وكخبير حرائق سابق (لووول) القصة دي ما ياها..
سرعة الرياح
موقع التانكر من مبني الطلمبة
كيفية اشتعال البنزين
وكيفية السيطرة علي حريق السوائل الغير ذائبة في الماء
التوقيت
والسيطرة السريعة للحريق في مطافي الخرطوم الذي اقرب مسافة له هي القضارف..
بالاضافة الي سابقة البوكسي الفنكوشي بتاع نميري
كل هذه الاشياء وغيرها بتخلي الموضوع ماااا بخش راسنا المدوقس ده
|
Post: #8
Title: Re: حذاري من تكتيكات جهاز الامن الخبيثة والغميسة.....!!!!
Author: عبدالكريم الامين احمد
Date: 03-20-2011, 07:54 PM
Parent: #6
وهنالك ايضا الصحف الانقاذية الصفراء التي قد تتلقف مثل هذه الفبركات وتشوت فيها بعناوين القصد منها تضليل هذا الشعب الفضل وايضا قد تظهر نقات علي مستوي المساجد وصلوات الجمعة بالتحديد نشر هذ1ه الفزاعات التي قد تتراوح في حالنا واحوالنا هذه باستهداف الدين والاستهداف الامريكي الصهيوني والشيوعية
وقد نسمع خطب تندد وتحذر من الصليبية.... وفي كل الاحوال سيكون الكوكتيل كالاتي
الشيوعية
الصهيونية
الصليبية
دول الاستكبار
واستهداف الاسلام
وقد نسمع اشياء عن مخطط (اسرائيلي) مثلما سمعنا في امر (سوق المواسير) الذي قيل في الاثر بان امواله قد ضخت من نواحي اورشيلم
|
Post: #7
Title: Re: حذاري من تكتيكات جهاز الامن الخبيثة والغميسة.....!!!!
Author: osama fadlalla
Date: 03-20-2011, 07:54 PM
Parent: #5
| Quote: في فترة ما قبل انتفاضة ابريل وكل الارهاصات كانت تشير الي كركبة قادمة قادمة بلا محال.. في المنطقة القريبة من مدرعات الشجرة اتي جهاز الامن النميري ببوكس 79 ووضعو فيه قنابل ثم فجروه واشيع في المدينةة وفي كل السودان بان هنالك اعمال تخريبية تقوم بها ايادي مرتجفة تعمل ضد ثورة مايو...وتم اعتقال العديد من الذين يستهدفهم جهاز الامن ويخاف من نشاطهم علي اثر هذه الحادثة الفنكوشية... |
شوف ديل حالتهم امن نميري ياكيكي والذي يمكن اعتبارهم ملائكة بالنسبة لهولاء الاباليس .. لكن على مين.. يجب المصاحبة الاعلامية للمظاهرات والجزيرة مابعيده منكم وعارفنكم مابتقصروا .. اما تلفزيونهم
فخليهم يشوفوه براهم..يكذبوا الكذبة ويصدقوها
|
Post: #9
Title: Re: حذاري من تكتيكات جهاز الامن الخبيثة والغميسة.....!!!!
Author: عبدالكريم الامين احمد
Date: 03-20-2011, 08:05 PM
Parent: #7
Quote: شوف ديل حالتهم امن نميري ياكيكي والذي يمكن اعتبارهم ملائكة بالنسبة لهولاء الاباليس .. لكن على مين.. يجب المصاحبة الاعلامية للمظاهرات والجزيرة مابعيده منكم وعارفنكم مابتقصروا .. اما تلفزيونهم
فخليهم يشوفوه براهم..يكذبوا الكذبة ويصدقوها |
هلا يا عثمان وتحياتي..
وديل صارفين عليهم كل موارد البلد دي كلها ومدربين بملايين الدولارات ولكن بعد ده ادواتهم وافقهم
ما جايب (تعريفة) وكل حركاتهم واساليبهم مكشوفة وواضحة وما دايرة درس عصر..والعالم اتطور والناس في زمانات العولمة فعليهم ان يفهمو بان العالم ما واقف في حادثة (بوكسي) المدرعات.....
والعالم الحر وكل الاعلام موجهه كاميراته ومراسيله صوب الطغاة الذين يقمعون شعوبهم ومافي ليهم ادني طريقة للاستهبال والخداع... !!!
وتحياتي
|
Post: #10
Title: Re: حذاري من تكتيكات جهاز الامن الخبيثة والغميسة.....!!!!
Author: بدر الدين اسحاق احمد
Date: 03-20-2011, 08:20 PM
Parent: #7
| Quote: اي حادث او اي كركبة تقوم هذه الايام واطرافها وهي غامضة التفاصيل يجب ان تقرا في هذا الاطار الديكارتي |
كيكى ( القراءة برضو مجان )
يمكن ان يفهم من كلامك هذا تمهيــد لكركبة قادمــة من اخرين والصاق ذلك بالحكومة وبعض مؤسساتها
على العموم ( اانت فى الجــك حتى يعدى يوم 21 مارس بدون كركبة )
|
Post: #11
Title: Re: حذاري من تكتيكات جهاز الامن الخبيثة والغميسة.....!!!!
Author: عبدالكريم الامين احمد
Date: 03-20-2011, 08:32 PM
Parent: #10
| Quote: اانت فى الجــك حتى يعدى يوم 21 مارس بدون كركبة |
هلا يا بدر الدين..
وهو احنا كشعب فضل متين طلعنا من الجك حتي نكون براتو..!!!
ما الوطن كلو جوووه الجك متحكر ومعتقل ومسجون بكركبة او بدون كركبة...
ولك ان تضعني يا بدر الدين جووه الجك... فانا ما احسن من كل هذا الشعب الحبيس الذي وضع بعضهم داخل الجك وبعضهم قتل...!!
|
Post: #12
Title: Re: حذاري من تكتيكات جهاز الامن الخبيثة والغميسة.....!!!!
Author: احمد محمد بشير
Date: 03-20-2011, 08:40 PM
Parent: #11
تكتيكات فشنك ساكت, اتمني انو الشباب يكونو واعين ليها.
انسب شئ هو التظاهر من اطراف كل المدن السودانية , وتعطيل مركز الشرطة في كل الاطراف, حتي ينحازوا مع مطالب الشباب الشرعية
وبعدها يسهل الاستيلاء على مركز المدن.
و الله المستعان.
|
Post: #13
Title: Re: حذاري من تكتيكات جهاز الامن الخبيثة والغميسة.....!!!!
Author: عبدالكريم الامين احمد
Date: 03-20-2011, 08:46 PM
Parent: #12
Quote: تكتيكات فشنك ساكت, اتمني انو الشباب يكونو واعين ليها.
انسب شئ هو التظاهر من اطراف كل المدن السودانية , وتعطيل مركز الشرطة في كل الاطراف, حتي ينحازوا مع مطالب الشباب الشرعية
وبعدها يسهل الاستيلاء على مركز المدن |
هلا يا ابو حميد
وتكتيكاتهم الفنكوشية دي اصبحت دقة قديمة ومفهومة والوعي الشبابي متجاوز وعيهم البوليسي المرتجف ده بسنين ضوئية... وفعلا الشغل من الجزء صوب الكل هو الكلمة السحرية التي ستشل هذه العصابة ويدخل دربها في الموية
وتحياتي
|
Post: #14
Title: Re: حذاري من تكتيكات جهاز الامن الخبيثة والغميسة.....!!!!
Author: Mohamed Yassin Khalifa
Date: 03-20-2011, 08:51 PM
Parent: #10
| Quote: في فترة ما قبل انتفاضة ابريل وكل الارهاصات كانت تشير الي كركبة قادمة قادمة بلا محال.. في المنطقة القريبة من مدرعات الشجرة اتي جهاز الامن النميري ببوكس 79 ووضعو فيه قنابل ثم فجروه واشيع في المدينةة وفي كل السودان بان هنالك اعمال تخريبية تقوم بها ايادي مرتجفة تعمل ضد ثورة مايو...وتم اعتقال العديد من الذين يستهدفهم جهاز الامن ويخاف من نشاطهم علي اثر هذه الحادثة الفنكوشية... |
سلامات يا عبدالكريم...
تعرف الحادثة دي أخوك كان حا يروح فيها لولا لطف الله... الكان متهم بالفبركة دي أخونا محمد يسين (قنبور) وهو كان رائد في الجيش ونزلو النميري لانه كان ما بسكت أبداً، وبيتو قدام من بيتنا. المهم ناس الأمن بعد ما فبركوا الشغلانية جو عاوزين يقبضو عليهو في بيتم... أها سالوا سيد العربي بتاع الدكان البيناتنا، وسيد ده معروف في الحلة بحاجتين: سف التمباك بشراهة والخوف من الحكومة. أها ناس الأمن سألوهو عن محمد يسين (بس بدون قنبور) وصاحبك قال ليهم الزول ده كان هنا ومشى دخل بيتهم قبل دقايق وأشر ليهم ناحية بيتنا... وطبعاً جماعتك بعد ما عرفو غلطهم قربو يأخدو المسكين سيد معاهم.
المهم إن أساليب أجهزة القمع في الدنيا كلها واحدة... وشوف وصلت لأنهم يفجرو كنيسة في راس السنة في مصر (بتخطيط من العدلي) عشان يلقو ليهم جحة يقبضو ليهم بعض الناس. تتشابه الأجهزة والقمع واحد
لعنة الله عليهم إينما كانوا...
|
Post: #15
Title: Re: حذاري من تكتيكات جهاز الامن الخبيثة والغميسة.....!!!!
Author: عمر محمد ابراهيم
Date: 03-20-2011, 09:03 PM
Parent: #14
عبد الكريم سلامات
كل شئ جائز في التخطيط المضاد
شكرا للتنوير
|
Post: #16
Title: Re: حذاري من تكتيكات جهاز الامن الخبيثة والغميسة.....!!!!
Author: عبدالكريم الامين احمد
Date: 03-20-2011, 09:05 PM
Parent: #14
Quote: تعرف الحادثة دي أخوك كان حا يروح فيها لولا لطف الله... الكان متهم بالفبركة دي أخونا محمد يسين (قنبور) وهو كان رائد في الجيش ونزلو النميري لانه كان ما بسكت أبداً، وبيتو قدام من بيتنا. المهم ناس الأمن بعد ما فبركوا الشغلانية جو عاوزين يقبضو عليهو في بيتم... أها سالوا سيد العربي بتاع الدكان البيناتنا، وسيد ده معروف في الحلة بحاجتين: سف التمباك بشراهة والخوف من الحكومة. أها ناس الأمن سألوهو عن محمد يسين (بس بدون قنبور) وصاحبك قال ليهم الزول ده كان هنا ومشى دخل بيتهم قبل دقايق وأشر ليهم ناحية بيتنا... وطبعاً جماعتك بعد ما عرفو غلطهم قربو يأخدو المسكين سيد معاهم.
|
هلا يا محمد
وتحياتي ياااخ
وقلت لي (قنبور) كان عاوز يوديك في غضب الله 
وضحكني جدا سيد التمباكي البهرش من ناس الحكومة ودائما البلاوي والمحن بتجي من بتاعين الكناتين الفي الاحياء ديل لانو خشمهم خفيف ياخ وقاعدين علي الهبشة...
---------------
والانظمة الدكتاتورية ادواتها واساليبهم التامرية دائما تاتي بخبث عالي وبهدف محدد هو اشاعة التخويف وايجاد اسباب لتكميم حريات الذي يضعونهم في قوائمهم السوداء..
وفعلا حادثة حبيبي العدلي والكنيسة في مصر خير مثال لما يمكن ان تفعله هذه الانظمة الكسيحة
وتحياتي
|
Post: #17
Title: Re: حذاري من تكتيكات جهاز الامن الخبيثة والغميسة.....!!!!
Author: معاوية عبيد الصائم
Date: 03-20-2011, 09:12 PM
Parent: #16
كيكى
سلامات يا حبيب
الان ............تمارين ومان تومان
وحدنا بترى
بتـــــــــــــــــــــــــــــــــــرى .المبس
لاخيــــــــــــــــــــــــــــار...
|
Post: #18
Title: Re: حذاري من تكتيكات جهاز الامن الخبيثة والغميسة.....!!!!
Author: عبدالكريم الامين احمد
Date: 03-20-2011, 09:13 PM
Parent: #16
Quote: كل شئ جائز في التخطيط المضاد
شكرا للتنوير |
تحياتي يا عمر
وفعلا التخطيط المضاد مفتوح علي مصرعيه عند هذه الانظمة علي كل السناريوهات التي تشفع لهم بتمرير مخطاطتهم الغميسة وفي ذلك الامر يوجد مليشية من الذين يقتاتون من موارد هذا الشعب كمواهي للتامر علي هذا الشعب
|
Post: #19
Title: Re: حذاري من تكتيكات جهاز الامن الخبيثة والغميسة.....!!!!
Author: عبدالكريم الامين احمد
Date: 03-20-2011, 09:34 PM
Parent: #18
Quote: الان ............تمارين ومان تومان
وحدنا بترى
بتـــــــــــــــــــــــــــــــــــرى .المبس
لاخيــــــــــــــــــــــــــــار... |
هلا يا معاوية..
وثورة ثورة
زنقة زنقة
بتري بتري
كامري كامري
|
Post: #20
Title: Re: حذاري من تكتيكات جهاز الامن الخبيثة والغميسة.....!!!!
Author: محمد أبوالعزائم أبوالريش
Date: 03-20-2011, 09:42 PM
Parent: #14
| Quote: الكان متهم بالفبركة دي أخونا محمد يسين (قنبور) |
بالله يا أبوحميد كنت حتروح في كرعين (قمبور)؟
أتذكر الحادثة دي كويس.
لو جيت السودان بالله أمشي شوف صاحبك قمبور (الضابط السابق) حالو كيف ..... وجريهو ورا المعايش (الراس ما تعرفو صلعة والاّ شيب)
تحياتي
|
Post: #21
Title: Re: حذاري من تكتيكات جهاز الامن الخبيثة والغميسة.....!!!!
Author: Mohamed Yassin Khalifa
Date: 03-20-2011, 10:18 PM
Parent: #20
سلامات يا أبوالريش...
فعلاً كلمني أخونا حافظ كرم الله بخبره لامن قلتا ليهو يا جنابو الحتى ليك شعرك شنو
قال لي (على وزن الكاشف أخوي): الحتاهو ليا الحتى راس قنبور وخلاهو ليهو حفر تلعب فيها منقلة
الزول ده يا أبو الريش صمد أمام النميري ووقف قدامه بشراسة رجال
وربنا يحفظوا... فالشافو من القهر والحبس كتير لكنه صلب وجسور
تحياتي لك ولكل أبناء الخليفة أبوالعزايم...
|
Post: #22
Title: Re: حذاري من تكتيكات جهاز الامن الخبيثة والغميسة.....!!!!
Author: احمد محمد بشير
Date: 03-20-2011, 10:26 PM
Parent: #21
ومن احدى تكتيكاتهم الفشنكـ
قامو بإعتقال مجدي عكاشة قبل قليل وقبل ساعات من بداية التظاهر
ولا يـدرون أن كل الشباب وصلتهم رسالة شباب التغيير.
اعتقال واحد من 45 مليون لا يفيد.
|
Post: #23
Title: Re: حذاري من تكتيكات جهاز الامن الخبيثة والغميسة.....!!!!
Author: عبدالكريم الامين احمد
Date: 03-20-2011, 11:00 PM
Parent: #22
Quote: ومن احدى تكتيكاتهم الفشنكـ
قامو بإعتقال مجدي عكاشة قبل قليل وقبل ساعات من بداية التظاهر
ولا يـدرون أن كل الشباب وصلتهم رسالة شباب التغيير.
اعتقال واحد من 45 مليون لا يفيد. |
نعم يا احمد وهذا الاعتقال هو واحدة من الاشياء الخبيثة والغميسة المتوقعة
ولكنهم اتو بعدما سارت الركبان بحديث الثورة...
وهذه هي الانظمة المرتجفة في لحظات خوفها وهلعها...
ووالارض تنبت ثائرا في كل يوم..
-----------------------
ابو الريش ومحمد منورين البوست وحبابكم
|
Post: #24
Title: Re: حذاري من تكتيكات جهاز الامن الخبيثة والغميسة.....!!!!
Author: Elbagir Osman
Date: 03-20-2011, 11:03 PM
Parent: #22
جهاز أمن شاه إيران السافاك
في آخر أيامه
قام بإشعال النار في دار سينما قتل فيه العشرات
وحاول نسبة الجريمة للمعارضة
إنكشفت مؤامرة السافاك
وكانت قاصمة الظهر لنظام الشاه كله
....
في السودان لا يبقى أمر سرا
أنظر تفاصيل محاولة اغتيال حسني مبارك
وتهريب وتصفية منفذي الهجوم
ولم ينس السودانيون إحراق الجامعة الأهلية
وتقاعس الشرطة والمطافيء يوم الإثنين الذي تلى مقتل قرنق
عموما لا أسرار في السودان
الباقر موسى
|
Post: #25
Title: Re: حذاري من تكتيكات جهاز الامن الخبيثة والغميسة.....!!!!
Author: عبدالكريم الامين احمد
Date: 03-20-2011, 11:08 PM
Parent: #24
| Quote: عموما لا أسرار في السودان |
تحياتي يا الباقر
والسودان فعلا بلد لايعرف الاسرار...
وبصمة الفبركات الامنية واضحة ولا تحتاج الي الكثير من اجل معرفتها وفرزها
علي مستوي التوقيق وعلي مستوي الاهداف
وكل التقدير
|
Post: #26
Title: Re: حذاري من تكتيكات جهاز الامن الخبيثة والغميسة.....!!!!
Author: عبد المنعم ابراهيم الحاج
Date: 03-21-2011, 00:50 AM
Parent: #25
هلا ياكيكي لك التحية
وسيندس من يدفع الناس لأعمال تخريب
حتى يبرر للنظام استخدام العنف ..
لذا ننوه أي شخص يقوم باعمال تخريب
غيرر مبرر ..يلزم الشباب بتولي أمره .
مظاهرة سلمية وأيادينا مرفوعة للفضاء
بالشعارات وبالتنديد ..
ونحذر النظام من أي مبادرة للعنف وإلا
فليحتمل النتائج كاملة ؟
|
Post: #27
Title: Re: حذاري من تكتيكات جهاز الامن الخبيثة والغميسة.....!!!!
Author: محمد أحمد الريح
Date: 03-21-2011, 02:19 AM
Parent: #26
Quote:
Quote: في فترة ما قبل انتفاضة ابريل وكل الارهاصات كانت تشير الي كركبة قادمة قادمة بلا محال.. في المنطقة القريبة من مدرعات الشجرة اتي جهاز الامن النميري ببوكس 79 ووضعو فيه قنابل ثم فجروه واشيع في المدينةة وفي كل السودان بان هنالك اعمال تخريبية تقوم بها ايادي مرتجفة تعمل ضد ثورة مايو...وتم اعتقال العديد من الذين يستهدفهم جهاز الامن ويخاف من نشاطهم علي اثر هذه الحادثة الفنكوشية...
|
والأعجب أن الأسلحة التى كانت محملة بالبوكسى وهى بنادق ورشاشات اتوماتيكية تفحمّت من آثار الأنفجار والدخاخين فقام الأمن بتسليمها لسلاح الأسلحة
للحفظ كمعروضات وناس سلاح الأسلحة قاموا بتنظيفها لتسهل قراءة نمرها. ولما تمت مطابقة النمر المتسلسلة لكل سلاح إكتشفوا أن جميع هذه الأسلحة
قد تم صرفهامن سلاح الأسلحة كعهدة لجهاز الأمن فى أعوام سابقة وناس الأمن إفتكروا الحريق مسح النمر!!!!!!ولذلك نامت القضية المفبركة.
وكلها فبركة فى فبركة ونشكرك يا كيكى يا مصحصح ؟
|
Post: #28
Title: Re: حذاري من تكتيكات جهاز الامن الخبيثة والغميسة.....!!!!
Author: عبدالكريم الامين احمد
Date: 03-21-2011, 06:53 AM
Quote: وسيندس من يدفع الناس لأعمال تخريب
حتى يبرر للنظام استخدام العنف .. |
هلا يا منعم
ونعم سيندس الجواسيس والعيون الكيزانية المرتجفة ما بين الصفوف لاحداث كركبة وفوضي
وممارسة بعض البلطجة بين المتظاهرين وبث الاشاعات ومحاولة خلق احداث تسهل قمع المتظاهرين
وتساعد اعلامهم المرتجف في العمل علي مزيد من التغبيش والتزوير
وتحياتي
|
Post: #29
Title: Re: حذاري من تكتيكات جهاز الامن الخبيثة والغميسة.....!!!!
Author: عبدالكريم الامين احمد
Date: 03-21-2011, 07:01 AM
Parent: #28
Quote: والأعجب أن الأسلحة التى كانت محملة بالبوكسى وهى بنادق ورشاشات اتوماتيكية تفحمّت من آثار الأنفجار والدخاخين فقام الأمن بتسليمها لسلاح الأسلحة
للحفظ كمعروضات وناس سلاح الأسلحة قاموا بتنظيفها لتسهل قراءة نمرها. ولما تمت مطابقة النمر المتسلسلة لكل سلاح إكتشفوا أن جميع هذه الأسلحة
قد تم صرفهامن سلاح الأسلحة كعهدة لجهاز الأمن فى أعوام سابقة وناس الأمن إفتكروا الحريق مسح النمر!!!!!!ولذلك نامت القضية المفبركة.
|
هلا وتحياتي يا سعادتك
وشكرا علي الفذلكة التاريخية
وزي ما بقولو مافي جريمة كاملة فهاهي (نمر الاسلحة) اثبتت وبكل وضوح هذا الاحتيال والتبديد لموارد هذا الشعب بالتامر علي الشعب
وليهم يوم يا ود الريح
وفعلا ليهم يووم
واراه قريبا باذن الله
وكل التقدير
|
Post: #30
Title: Re: حذاري من تكتيكات جهاز الامن الخبيثة والغميسة.....!!!!
Author: عبدالكريم الامين احمد
Date: 03-21-2011, 01:12 PM
Parent: #29
حذاري والف حذاري من الابواق والحلاقيم والخياشيم الكيزانية المرتجفة التي هي الان ترتجف وترتعد فدولتهم التي ترعرعت علي الظلم والبطش واللصوصية في طريقها الي الزوال...
وهنا يجب ان نحي الشعب اليمني الان فانها مواسم تساقط الطغاة والحرامية واللصوص
|
|
